#صرخات_غير_مسموعة
بقلم ام غايب
#البارت١٩
ملاحظه/الكل يسأل بكر اخو لو صديقه
ج/بالقصه شخصيتين بكر واحد اخو وواحد المجرم
🌺🌺صرخات غير مسموعه🌺🌺
🌺🌺بقلمي ام غايب🌺🌺
من سمع صوتهه تقرب للبيت وسمعهه تصرخ وتحجي على مااظن رجلهه هذا يكبسل باع شرف زوجته وخله واحد يعتدي عليهه
انت شدتحجي ......لزمته من ركبته خنكته ......انت دزيت واحد يعتدي عليهه
راد يدفعني ذبيت كل حيلي علي ونمت على خوانيكه .....دفعني كووه ولزم ركبته
واجه عليه دفعني .....اااانت مخبل ......مو صوجكً صوجي اني كتلك مطي
انت دتجذب لو تهدد لو شنووو بالضبط
الي صار واحد أعتده على حبيبتك حسب كلام عدنان هذا الي صار ...ساقط اني شعليه لو اني .....اجي اكلك
روح شوف زوجهه العار المن باع شرف مرته
والله يا بكر .....اذا انت وره السالفه اله أذبحك بيدي
امشي لك ....بوووخه
اخذت المسدس جنت مخلي عَل ميز
وركعت الباب حيل وركضت مثل المخبل .....احس الدنيا سودت بعيني ......لك اليوووم اله اخذذذد روحك بيدي يا سكط يا عااااار
مااعرف شلون سقت مثل المخبل .....وصلت البيتهم ...
نزلت بسرعه مثل السياره الي يشوفني مثل المخبل .....من امشي ....بدون تفكير كل الي اعرفه اريد اكتله الهذا الساقط
فجأه وكفت .....فكرت يجوز بكر يريدني ارتكب جريمه ثانيه ويعرف شيرين نقطة ضعفي ويلعب عَل وتر الحساس .....تراجعت
بقيت واكف .....رجل تريد تجرني ال...شيرين
ورجل ترجعني وتكلي اوكف ....اخذت نفس وخليت ايدي على راسي ....تعبت حيل ..
اتصلت على الولد الي مقابيلهم...
الو ابو علي حبيبي اسف خابرتك بهيج وقت خوما نايم
والله نايم من زمان ....خيرك حبيبي تفضل
ابو علي محتاجك بشغله ضرورية
أمرني
انتو مو عدكم كامرات كتلي ذيج المره
اي عدنه
حلوو يعني اعرف منو دخل البيت حسن الولد الي مقابيلكم ومنو طلع
حضرة الضابط انت مو كتلي غير اتجاه الكامرا واني غيرته
صكيت سنوني .....اخخخخخخخ
خير حضرة الضابط
ماكو شي بس دنشك بواحد تاجر مخدرات نريد نعرف دخل الهذا البيت ....جان الولد من كل عقله عباله اني ضابط ....واني هم مسايره ومكيف
اني اكدر ادخل هسه على كلام بكر واكتله وبدون تردد اذا جان مسوي بشيرين هيج ......بس اخاف ماكو هيج حجي وأأذي شيرين وحتى اذا مسويلهه مثل مكال حسن شلون ادخل اكتله .....بمكان بي شيرين وتصير هيه المتهمه الاولى .....مااعرف فجأه فكرت ....الحمدلله والشكر متهورت
بقيت بسيارتي اراقب اريده يطلع هذا السافل
..............................
انتظرت حسن ينام ....رحت جبت السجينه واني ابجي .....منهاره حيل .....خليتهه السجينه بجهة كلبه ....ايدي ترجف وروحي تريد تطلع
مااحس اله فتح عينه ...
حسن/عرفتج يا حقيرره ولزم ايدي وكام
وخرررررر حقير ....اريد اطلع روحك بيدي
جرني من شعري
وأخذ السجينه وكام يضرب بيه بوكسات على يركع راسي
جنزني تجنز ......وحبسني بالغرفه وطلع للهول
اني اصرخ .....حقيرررررر. .....عديم الرجولة ......الله ياخذك ان شاء الله ....الك يووووم
بقيت نايمه بالكاع ساعه ابجي وساعه اتذكر واصرخ
صارت الساعه بالسبعه دخل واني على نفس مكاني
حسن/ارتاحيتي هسه .....تحبين الاهانه
كمت كعدت وتربعت
ذاك اليوم من حجيت ....وكلت مثل عَل بيت ....تدري شعبالي .....عبالي جنت تحبني ....عبالي غرت لان حبيت غيرك وهيج عاملتني ....تالي طلعت حتى غيره على شرفك ماعندك
كااااافي .....كااافي لتمسلتين .....اني تعبان اكثر منج
مااريد اسمع اي شي منج .....صار هذا الشي ....اكلج جنت اموووت ....جسمي يرجف ....تعبان ...
دنكت راسي على نفس كعدتي واني مثل المغمضه وروحي رايحه .....وهو بدل بسرعه وطلع ماكو اقل الخمس دقايق اندكت الباب
كوه جريت روحي .........بعدني بباب الغرفه سمعت عمر
شيرين .....شيرين .....ويدك بالباب .....تسمعيني
رحت علي بسرعه
انت شتررريد ....شتررريد مني
شيرين .....شلونج
ماعندي لا لون ولا خير من يوم الي عرفتك بي
شيرين ....ماعندي وقت ....جاوبيني شصاير وياج ....احجيلي
انت شعليك .....تسمعني ....شعليك ....الله ياخذك واخلص ....كااافي دمرتني ....وبعدك ورايه ....شتررريد مني ....شتريدون مني ....اكرهكم كلكم ....حسبي الله ونعم الوكيل عليك .....
راح اعوف كل كلمه حجيتيهه بس كليلي ........يعني الي صايرررررر صحيح
كمت ابجي
انت شمدريك بالكاع يصير وياي
جاوبيني شيرين ....جاوبيني وكليلي شديصير وياج ...
كمت ابجي .....تعبانه يا عمر ....تعبانه .....اريد تموت واخلص
كليلي ....كليلي صح هذا الناقص باعج
شيرين/تخبلت من حجه هيج ....شمدريك فهمني ...
يعني صح
لا ....مو صحيح ....انت مالك دخل ....بيه ..
لتكولين مالك دخل بيه ......لج لتحجيهه ....مااحس اله ركع الباب واختفه صووته .....اني تخبلت
رحت للشباك شفته راح ويمشي سريع مثل المخبل
كمت اللطم على وجهي .....يممممه يا ربي راح يموووته
عززه بعيني راح يصير مجرم من ورايه .....شجاني وبينت اله .....شجاني يا ربي
بقيت الوب طول الوقت ......خايفه عمر يتهور وساعات اقنع روحي ....عمر مستحيل يرتكب جريمه ميكدر
جنت افكر بالموضوع الي صار بيه هسه .بـ...عمر
.......................
بعد ما بينت شيرين الي صار وياهه صحيح ......الدنيا سودت بعيوني مره ثانيه .....جنت ممستوعب انو هذا البشر ما عنده شرف خاصه من اقتحمنه بيته .....جان مبين انسان عنده شرف .....ومقبل احد يلمس ....شيرين
اندل مكان شغله .....حت رأساً ...والازدحامات موتتني .....فوك قهر كلبي الازدحامات .....اريد بس الزمه
وصلت المكان شغله .........نار بكلبي بقيت انتظره وآلساعه بطيئة واني الوب اخر شي شفته طلع مشيت بطيء وكف يمه واحد ....باوعت حسن لزمه من ياخة قميصه وجان عصبي ....وذاك دفعه
بيج قصص عراقيه حقيقيه من واقعنا.روعه الطائي
نزلت من السياره .....لبست مناظري ردت اعرف شنو حديثهم فتت من يمهم وسويت روحي اخابر
لوتمووووت انت تخبلت سويتهه مره ومتندم .....
بكيفك تخلص وترجع تتوسل بيه مثل الجلب ....انطيك ٥حبايات تكفيك شهر كامل وأكثر مفعولهه اقوى وبعد مره انام وياهه
صار شريف حسن ضربه بوكسي التمو الناس ...عليهم كامو يفاككون واني صورتهم من بعيد من يتعاركون
صميت ايدي حيل وكملت طريقي
يعني هذا الكلب الي أعتده على شيرين
رجعت السيارتي بدون ميحس حسن بوجودي .... اتصلت على بكر
الوووو بكر دزلي عدنان ورافد ....
وين انت
اني هسه ببغداد الجديده يم..................بس مااعرف وين بالضبط احتاجهم دزلي رقم ...عدنان حتى أتواصل وَيَا واكله وين وصلت ووين احتاجه
تحتاجني وياك
لا
يلله هسه ادزهم الك
وله اكلك بكر .....عدنان ورافد خل يلزمولي حسن واني اتصرف بهذا النذل خل يجون بعده بدوامه هسه
اي نذل
الي اخذ شرفهه
عرفته ....شلون
مالك دخل ...خابر عدنان وخل يحاولون اليوم يلزمو ....أريده اليوم
بقيت أراقب الي أعتده على شيرين ....الحظ خلا يلتقي ب...حسن الاول مره الحظ يصير وياي
جانت الدنيا ظهر بحدود ال١٢ونص بقيت امشي ورا جان الشارع فارغ حاولت ادعمه من وره ...دعمته شويه
طبك ...نزل عصبي
متشوف اعمى ....شبيك مجلب ورايه ابن المطي
على كيفك عمي علينه ....احنه جاهزين كلشي تريد
روح ....ولي منا ابن القندره
عمر/ليش الغلط يا اخي ....كتلك اني جاهز
روح توكل على الله
لا والله ميصير ابد اخويه مصلح سيارات وهسه يرجعهه مثل اول
روح عمي توكل على الله
كتلك لا والله ابد ..ماارتاح لان اني غلطان بحقك
وين صاير اخوك
هما قريب ببيته عنده ورشه .تصليح وكراج
قنعته وكتله تعال ويايه ....أخذته البيت بكر واتصلت ببكر وفهمته الوضع
دخل للكراج عادي طبك سيارته وسيارتي جانت كدامه نزلتله رجعت يمه فتحت باب سيارته خليته ينزل ....ووجهت على راْسه السلاح هو رأساً انصدم وبينت علامات الخوف على وجهه
منو انت
اني قباض روحك يا عاااار
...امشي كدامي
الله يخليك والله ممسوي شي
دفعته ووكعته بالكاع ....طلع بكر ....يا هلا ياهلا بالضيف الجديد ....منورنا اليوم شنو قصتك عموري مو هيج الضيافة تصير على كيفك ويه ضيفنا خل نتعرف علي اول ....شسمك حبيبي العار
والله اني ممسوي شي رجال على باب الله الله يخليكم
بكر/باوع لك مطي لتبجي اكثر شي اكرهه بحياتي الرجال من يبجي .
والله اني المعيل الاهلي وعندي بنات خمسه وولد صغير وماعدهم غيري
بكر/ابن الكلب شدعوه هلكد مخلف تتسابق ويامن انت
مكتلي شسمك
جعفر
والله ياأخي وجهك مراهم ويه اسمك .....عموري خل الدنيا تضحكلي اليوم واني اكتله واعرفلك حسن الك
عمر/متحملت التفاهه مال بكر ...ضربت جعفر برجله طلقه عاااط
بكر/يول جعفر انت سني لو شيعي ولو سؤالي تافه بس احب أتأكد
عمر/بكرررررر كاااافي ....كافي ووجهت علي المسدس
مااتحمل سوالفك ....بعد
بكر/من اكلك الشيعه هيج تدافع عليهم انت وأخويه عثمان مدري بشنو غاسلين دماغك
بكر شوش عقلي بتفاهته اكثر ماهو مشوش ....هنا طلع وحش ثاني يختلف عن عمر ....هنا مات عمر بحق وحقيق وصار مثل بكر
كمت ادور عن عمر ماالكا مجرد وحش يكره يحقد انتزع الضمير صار عندي كلشي سهل
بعد ماعذبته وطلعت حق شيرين من عينه ضربته طلقه بكلبه ومات
كعدت ......على الكرسي
بكر/صرت مجرم خطير ....حتى اني بديت اخاف منك يا سبعي
باوعت علي خزرته
لك مطي شو صدكت روحك .....تره انفيك بلحظه وحده
ادري بيك .....واعرفك كلش زين ....الغدر طبعك
هسه عوفك من هالحجي كلي شخبار كلبك شو اشوفه مات
باوعت علي بحقد ..... وأرف
اجتي سيارة عدنان باوعت ماكو حسن
مو كلتلكم هذا الساقط أريده اليوم
عدنان/شووو انت تأمر ....هيوووو انت منو
بكر/عددناه ...اسكت
عدنان/شنووو اسكت متشوفه تره هسه ارمي
بكر/وين العار جبتو
سكت عدنان وجاوب رافد
بالجنطه وراح فتح الجنطه نزله رافد ....رحت هجمت علي
حسن/اهاااا انت الساقط عمر
عمر/ضربته بوكسي وفتحت ايده المربوطة
قبل لا اقبض روحك اريد اختبر رجولتك
ضحك حسن باستهزاء ..
بقينه نتضارب ....وطلع حسن بس بوخه ....بس اللسان وراهه خليت المسدس براسه
بعت شرف بت كلبي يا نذل
حسن/مسوي روحك رجال بالمسدس مالتك
عمر/ليش مو انت استسلمت يا عار ونمت مابيك حيل بعد....لك شلون بعت شرفك فهمني
حسن/الصم لتجيب سيرتهه على اللسانك ساقط
بكر/بس لا صعدت هرمونات الغيره هسه عندك سكططط عااار اكو واحد يبيع شرفه علمود مخدرات
حسن/اشهد ان لا اله الا الله واشهد ان محمد رسول الله واشهد ان
بعده ممكملهه مااحس اله بكر ضربه براسه بمكاني
بكر/استفزني هواي متحملت ...بعد اكثر اعذرني ولو ادري هوه حصتك
تفلت على حسن ووخرت منه
بكر/شيلوهم اثنينهم دبوهم بنفس المكان وخلي واحد من الولد يأخذ السياره ويخليهه بصف جثثهم ودير بالكم من البصمات
صعدت فوك سبحت ......ماكووو اي شي بداخلي ....ماكو خوف ...ماكو قلق ....ماكو ضمير يحاسبني .....
اني مو بكر
اااااااني مو بكر احجي واني جوه الدوش
بيج قصص عراقيه حقيقيه من واقعنا.روعه الطائي
طلعت من الحمام لبست بنطرون من بكر وكعدت بالكاع وغطيت راسي بين رجليه ........وبعدين يا عمررر ...شنو هذا البرود الي صابك
مااحس اله دخل بكر وكعد هل جربايه
تدري يا عمر من اباوع عليك اتذكر روحي ....وضحك
باوعت علي ....ليش تضحك
أعصابك حبيب ...
قبل ليحجي كمت بسرعه لبست تشيرت وحذائه وطلعت
بكر/مو صوجكً عود ردت احتفل بيك ...ناس مو مال احترام
نزلت اركض وطلعت عَل سريع ......وطلعت بسيارتي
طول الطريق اردد اني مو بكر ....اني مو بكر
..............................
شهد/بعد ما طلع فارس .....بقيت الوب ....مو.طبيعي والله .....نزلت لكيته بالاستقبال ....مرحت يمه وحاولت ابينله اني زعلت منه ....رحت للمطبخ جنت اغسل مواعين ....لكيت كم ماعون بلسنك ردت الهي روحي
جنت رافعه شعري ذيل حصان عالي .....مااحس اله احد نفخ بأذني .....فزيت
باوعت فارس.....صدوك تحجي فارس فززتني والله
باسني بخدي
وخر فارس
زعلتي مني
طبعاً زعلت ....فارس انت مو طبيعي
شهد مو وقتهه اكو احد يحجي بهيج مواضيع بالمطبخ وبعدين ....عوفي الشك مو موتيني بي اني ليش صرت عصبي لان ميت مره كايلج لتشكين بيه
باوعت علي بحزن ....والله راح اتخبل ....كمت اشك بنفسي بيه خلل
سد البوري مال سنك وجرني من ايدي اول مدخلنه الغرفه شبكني حيل
شهد
ها فارس
والله العظيم احبج اني ....ومااتخايل حياتي بدونج لحظه وحده
بقه يسولفلي كلام حب بس شي بداخلي ممرتاحله اشك
خلص اليوم وما عودته ينام رحت الموبايله ....دورت على المكالمة الي عَل ماسنجر بالتوقيت الي دك بي الموبايل الصبح ماكو اي مكالمه ....دخت ....ظليت ابحوش ماكو اي رقم غريب عفت الموبايل .....ثاني يوم كعد فارس وراح للمستشفى ....وهو ومحمد بنفس المستشفى يداومون
جان يومي عادي اجه فارس تفده وراح للكليه ....وره ساعه رجع
ها حبيبي شو رجعت
اسكتي وخليهه شهد
شكووو شصاير
فتحو مجلس تحقيق ...
بيج قصص عراقيه حقيقيه من واقعنا.روعه الطائي
ياااا ....ووف يا فارس شكد كلك قيصر ومسمع كلامه وشلون هسه وسيصير
لازم ارجع الراتب الي أخذته وهم يتسجل بملفي هذا الشي ....بلله الراتب مو مشكله بس الي راح يكتبو بملفي يأذيني
اوووف يا فارس ....يلله حبيبي تهوون ....لتضوج الله كريم
سكتنه شويه
فارس حبيبي اسويلك شي ...جوعان مشتهي تشرب شي
لا اريد انام ....مالي واهس كلشي ومحتاجج يمي
تمددت يمه عَل جربايه ضَل وقت طويل نايم على صدري
أخذتني النومه وَيَا ....مااحس اله اندك الباب حيل
فديت مخروعه وفارس نفس الحاله ركض للباب
باوعت قيصر عيونه مدمعه وحمره مبين باجي
فارس/هااا قيصر شبيك يمعووود
قيصر/حسن
فارس:حسسسن شبي ....احجي يمعود
حسن مات
اني دكيت على صدري وكمت ابجي .....حسسسن يمه اسم الله ....حسن مااات
البيت انكلب عمه جانت بعدهي مسامعه من عطت اني سمعت وهم كلبت البيت بالصراخ
كلهه كامت تتباجه ....ودانه فارس بيت عمو سعد الي هو يم بيت اهلي ...كلهه تبجي وتصرخ
وعمه ام حسن ...منتهيه خطيه تكسر الخاطر
مريم/هو مو مسافر
شهد/مو ....اني هم احجي بعقلي هيج واكول مو مسافر بس محد يجاوبني
الكل الموجودين يسأل هذا السؤال
فارس مشفته ولا واحد من الولد كلهم راحو للطب الشرعي وراهه بليل بحدود التسعه جابو تابوت بي حسن وكلهه نامت علي وتبجي امي خوب انهارت ....حتى شيرين من ماتت مسوت هيج
...............................
شيرين/بقيت الوب ماكو خبر وحسن ماكو اختفى مرجع الخوف كتلني .....واحجي ويه نفسي مستحيل عمر يسويهه
خلص النهار كله وماكو لا حسن ولا اثره....لا عندي مفتاح ولا موبايل ولا احد من اهلي اجوي وكل شويه اطمن روحي واكول لو صاير على حسن شي جان اجوي اهلي
بيج قصص عراقيه حقيقيه من واقعنا.روعه الطائي
اااخ يا اللساني سهلا ينطق ويكل ال عمر انت شدراك بل صار .....
صارت الساعه ١١بليل حسّيت مفتاح يفتح الباب .....فرحت وكلت الحمد لله اباوع محمد اخويه وعيونه حمره وميكدر يحجي
حسن ماااات ....مووووو ....مات حسن وكمت اللطم
بس مجنت اللطم على حسن .....جنت اللطم لان عمر هو الي كتل حسن .....ضاع مستقبله بسببي
محمد شبكني وكام يبجي ويمسح براسي ومن يطخ راسي يوجعني حيل من الضرب
لتخافين حبيبتي....اني موجود ....هذا امر ربج .....حرام نعترض علي ....اذا تحبي صليله وتعديله قرآن هذا الي محتاجه من عدنه هسه .....يحجي محمد ويبجي على حسن
كعدني واني جافله بمكاني ....ممستوعبه
شلون مات حسن محمد
لكو مكتول هو وواحد وَيَا مااعرفه ومحد يعرفه من الولد
بكلبي...هذا عمر ....هذا عمر الي كتله ....اووف منك يا عمر صرت مجرم وكمت أدك على رجلي
تجه راْسه محمد عَل قنفه ....عقلي راح يوكف.. حسن عنده أعداء ....مسولفلج على احد .....اكو احد مهدده ....مطلوب فلوس ....ليش انكتل ....حسن فقير وكلبه طيب ....ممعقوله عنده أعداء
بقيت صافنه بس دموعي تصب .....وكلبي وبالي يم عمر .....شسويت بي اني .....راح وضاع بسببي
محمد/شيرين شبي وجهج هسه يالله انتبهت علي
زادت بجيتي .....حيل
معقوله حسن هيج ضاربج ....هاي اول مره لو شنووووو
رفعت ردن دشداشتي وشوفته الاثار اكو جديده واكو قديمه تخبل
اوووف...اوووف ....شكول هسه غير بس الله يرحمك يا حسن ....مااكدر اكول غير هذا الشي
بقه يمي لل١٢ونص
شيرين....ماادري والله الوضع صعب لا اكدر ابقه وياج لان لازم أتواجد هناك ولا اكدراعوفج
روح حبيبي لتخاف عليه
شبكني...اوووف يا حبيبتي شيرين.....اريدج قويه ....وسامحي وحاللي وأهلي عَل ضرب .....الله يخليهه بميزان حسناتج
شبكني وطلع
كمت ابجي على حسن.....رغم كل الي سووا .....كمت ابجي .....حسن مجان هيج ....جان شخص يختلف عن حسن هسه نمت بالكاع مختنكه واباوع عَل سكف
يعني حسن مات بسببي هسه .....وعمر تزمر مستقبله بسببي
واني منو منهم دمرني
حسّيت على صوت عمر
شيرين ....شيرين ....تسمعيني
ركضت جبت شال لبسته
محمد قبل ليروح بقه المفتاح يمي
فتحت الباب بسرعه
الاول مره اشوفه الـ عمر
.............
عمر/جنت اراقبهه من المغرب منتظر احد يجيهه اشوف وضعهه بليل كلش يالله اجه اخوهه ساعه .....فوك الساعه طلع ....منزلت من السياره ردت أتأكد من الوضع يالله ......بعد متأكدت راح نزلت تفاجئت من سمعت صوت القفل.....فتحته ...باوعت كلبي كام يدك سريع راح يطلع من مكانه ممصدك اشوفهه
شيرررين .....باوعت دموعهه تصب
دخلت بسرعه
شيرين/انت واحد نذل وحقير وارهابي هسه يالله عرفت جدو كلامه صحيح وحقه من يرفضك
مااحس اله طبك الباب حيل ولزمني من ايدي
صرررت مجرم علموووودج .....كل واحد اخذ شرفج منج كتلته .....وانتي تصيحين ومعاجبج
انت شتفرق عنهم هسه ....أصلا انت اسوء منهم يلله بما انو انت مجرم متكتلني الي هم
عمر/لازم عاجبج رجلج يبيع بيج والشباب تغتصبج مووووو
انت شدتحجي
جان مفروض تحجين الاهلج اذا معاجبج .....بس انتي اظاهر عاجبج تنكتلين وعاجبج يغتصبوووج
انجب حقير ساقط....امشي اطلع بره ....مجرم ارهابي ...عرفتك ارهابي انت وكم واحد مسويلك مجموعه
انتي صددددك تحجين .....لج انتي دتحجين ويايه هيج ....انتي الي مفكرت بحياتي ....الي صارت من اولوياتي اطلع برائتج....الي مات كلبي علمودهه الي خسرت ضميري علمودهه هيج تحجي وياااي
شتريد لعد ....شتريد اكلك شكراً
اني كلشي عشته وكاعد أعيشه وراح أعيشه بسببك انت ....انت دمار الحياتي .....امشي اطلع بره
ليش فتحتي الباب لعددد
بجيت .....وسكتت
احجي شوووو الصمتيً .....ليش فتحتي الباب
باااوعت وبجيت
عمر .......يتبع
|