#صرخات_غير_مسموعه
بقلم أم غايب
#بارت٢٠
ﻣﺮﺣﺒﺎ ﺑﻨﺎﺕ ﺍﺳﻔﻪ ﺑﺲ ﻣﻮ ﺑﻴﺪﻱ ﺟﺎﻥ ﺧﻠﻞ ﺑﺎﻟﺤﺴﺎﺏ
ﺍﺷﻜﺮ ﺯﻭﺯ ﺣﻠﺖ ﺍﻟﺨﻠﻞ ﺑﺲ ﺑﻌﺪ ﻣﺎ ﺫﻟﺘﻨﻲ ﺧﻠﺘﻨﻲ ﺍﻧﻲ ﺍﺳﻮﻱ ﺍﺳﻮﻱ ﻋﺸﻪ
🌺🌺 ﺻﺮﺧﺎﺕ ﻏﻴﺮ ﻣﺴﻤﻮﻋﻪ 🌺🌺
🌺🌺 ﺑﻘﻠﻤﻲ ﺍﻡ ﻏﺎﻳﺐ 🌺🌺
ﺍﺣﺠﻲ ﺷﻮﻭﻭﻭ ﺍﻟﺼﻤﺘﻲً ..... ﻟﻴﺶ ﻓﺘﺤﺘﻲ ﺍﻟﺒﺎﺏ
ﺑﺎﺍﺍﻭﻋﺖ ﻭﺑﺠﻴﺖ
ﻋﻤﺮ .
ﺗﻘﺮﺏ ﻋﻠﻴﻪ .... ﺍﺣﺠﻲ
ﻻﻥ ﺧﺎﻳﻔﻪ ﺑﻌﺪ ﻣﺎﺍﺷﻮﻓﻚ ﺑﺤﻴﺎﺗﻲ ﻛﻠﻬﻪ ..... ﺟﺎﻥ ﺍﻟﻲ ﻣﺼﺒﺮﻧﻲ ﺍﻧﺖ ﺑﺨﻴﺮ ﻭﻋﺎﻳﺶ ﺣﻴﺎﺗﻚ ..... ﻭﻫﺴﻪ ﺍﻧﺖ .... ﺭﺍﺡ ﻣﺴﺘﻘﺒﻠﻚ ..... ﺭﻭﺡ ﺳﺎﻓﺮ ﺍﻟﻠﻪ ﻳﺨﻠﻴﻚ ﻣﺎﺍﺗﺤﻤﻞ ﻳﺼﻴﺮ ﻋﻠﻴﻚ ﺷﻲ
ﺭﻏﻢ ﻣﺎﻏﻠﻂ ﻓﺘﺤﺘﻠﻚ ﺍﻟﺒﺎﺏ .... ﺑﺲ ﺍﺭﻳﺪ ﺍﺷﻮﻓﻚ ..... ﻛﻠﺒﻲ ﻳﻮﺟﻌﻨﻲ ﻋﻠﻴﻚ
ﺟﺮﻳﺘﻬﻪ ﻋﻠﻴﻪ ﻭﺷﺒﻜﺘﻬﻪ ﺣﻴﻞ ..... ﻭﺍﻟﻠﻪ ﺍﺣﺒﺞ
ﻳﺎﺭﻳﺖ ﻟﻮ ﺍﻛﺪ ﺍﺷﺒﻜﺞ ..... ﻣﻮ ﻣﺠﺮﺩ ﺧﻴﺎﻝ ..... ﺭﺍﺡ ﻳﺒﻘﻪ ﺣﻀﻨﺞ ﺣﻠﻢ
ﺷﻴﺮﻳﻦ / ﺭﻭﺡ ﻋﻤﺮ .... ﺳﺎﻓﺮ ﻋﻠﻴﻚ ﺍﻟﻠﻪ ..... ﻟﺘﺨﻠﻴﻬﻢ ﻳﺴﺠﻨﻮﻙ .... ﺍﻧﺖ ﻛﺘﻠﺖ ﻣﻤﺴﺘﻮﻋﺒﻪ ﺍﻧﺖ ﻫﻴﺞ ﺳﻮﻳﺖ
ﻋﻤﺮ / ﻋﺼﺮﺕ ﺭﺍﺳﻲ ﺑﻴﺪﻱ ﺣﻴﻞ ... ﺷﻜﻠﺞ ﺍﺧﻮﺝ ﺭﺍﺡ ﻳﺎﺧﺬﻭﺝ ﻟﻮ ﻳﺒﻘﻮﺝ ﻫﻨﺎ
ﻣﺎﺍﻋﺮﻑ
ﺷﻠﻮﻥ ﺑﺒﻘﻴﺔ ﻭﺣﺪﺝ ﻫﻨﺎ
ﻻﻥ ﻣﻴﻜﺪﺭ ﻳﺒﻘﻪ ﻳﻤﻲ ..... ﺍﻟﻨﺎﺱ ﻭﺟﺪﻭ ﻳﺸﻜﻮﻥ ﺍﺫﺍ ﻣﺘﻮﺍﺟﺪ ﻫﻨﺎﻙ
ﻛﻠﻬﻢ ﻳﻌﺮﻓﻮﻥ ﺑﻴﺞ
ﻻ ﺑﺲ ﻭﻟﺪ ﻋﻤﻲ ﺍﺛﻨﻴﻦ ﻭﺍﻣﻲ ﻭﺍﺑﻮﻳﻪ ﻭﺃﺧﻮﻳﻪ
ﺳﻜﺖ ﻭﺍﻧﻲ ﺳﻜﺘﺖ ..
ﻟﻴﺶ ﺗﺰﻭﺟﺘﻲ
ﺭﻭﺡ ﻋﻤﺮ
ﻟﻴﺶ ﺗﺰﻭﺟﺘﻲ
ﺭﻭﺡ
ﺟﺎﻭﺑﻴﻨﻲ .... ﻭﺃﺭﻭﺡ .... ﻛﻠﻴﻠﻲ ﺟﺒﺮﻭﺝ
ﻟﻴﺶ ﻻﺯﻡ ﻫﻢً ﻧﺎﻭﻱ ﺗﻜﺘﻠﻬﻢ ﻻﻥ ﺟﺒﺮﻭﻧﻲ ﻻﻥ ﻣﺎﺷﺎﺀ ﺍﻟﻠﻪ ﻃﻠﻌﺖ ﻣﺠﺮﻡ
ﻫﺎﻱ ﻭﻳﺎﻱ ﺍﻟﺤﺠﻲ
ﺍﻱ ﻭﻳﺎﻙ .... ﺍﻃﻠﻊ ﻳﻠﻠﻪ ﺑﺮﻩ ﻭﻣﻦ ﺣﻴﺎﺗﻲ ..... ﻛﺎﺍﺍﻓﻲ ﻣﻮ ﻛﺎﻓﻲ ﻛﺘﻠﺖ ﺯﻭﺟﻲ ﺭﻭﻭﻭﺡ ﺷﺘﺮﻳﺪ ﻣﻨﻲ ﺑﻌﺪ
ﺑﺎﻭﻭﻭﻉ ﻋﻠﻴﻪ ﻓﺘﺢ ﻋﻴﻨﻪ ﺑﻜﻞ ﻭﺳﻌﻬﻦ ﺧﻔﺖ ﻣﻨﻪ ﺣﻴﻞ ﺗﺮﺍﺟﻌﺖ ﻟﻠﺤﺎﻳﻂ ﻟﺰﻛﺖ ﺑﻲ ﻣﺎﺍﺣﺲ ﺍﻟﻪ ﺍﻳﺪﻩ ﺿﺮﺑﻬﻪ ﺑﺎﻟﺤﺎﻳﻂ ﺍﻧﻲ ﻓﺰﻳﺖ ﻋﺒﺎﻟﻲ ﻋﻠﻴﻪ ﻻﻥ ﺑﺎﺗﺠﺎﻫﻲ
ﻟﺞ ﺍﻧﺘﻲ ﻭﺣﺪﻩ ...... ﻣﺘﺴﺘﺎﻫﻞ ﺍﻱ ﺷﻲ ..... ﺍﻧﺘﻲ ﻭﺣﺪﻩ ﻗﺬﺭﺭﺭﻩ ..... ﻟﻸﺳﻒ ﺣﺒﻲ ﺍﻟﺞ ﻣﻮ ﺑﻤﺤﻠﻪ ..... ﻭﺗﻀﺤﻴﺘﻲ ﺑﻨﻔﺴﻲ ﻋﻠﻤﻮﺩ ﺣﻀﺮﺗﺞ ﻫﻢ ﻣﻮ ﺑﻤﺤﻠﻬﻪ ...
ﺍﻱ ﺣﺐ ﻫﺬﺍ ...... ﻫﺎﺍﺍﺍ ...... ﺗﺼﻴﺮ ﻣﺠﺮﻡ ﻭﺗﻜﻮﻝ ﺍﺣﺐ .... ﻫﻢ ﻫﻴﺞ ﺣﺐ ﻣﻴﻨﺮﺍﺩ .... ﺩﻣﺮﺗﻨﻲ ﺑﺎﻟﺒﺪﺍﻳﻪ ﻭﻫﺴﻪ ﺟﺎﻱ ﺗﻜﻤﻞ ﻋﻠﻴﻪ
ﻟﺞ ﻫﺎﻱ ﻭﻳﺎﺍﺍﺍﻱ ....... ﺭﺍﺩ ﻳﺪﻓﻌﻨﻲ ....... ﺗﺮﺍﺟﻊ ﺍﻧﻲ ﺑﺠﻴﺖ
ﻟﺘﺒﺠﻴﻦ
ﺍﺳﻜﺘﻲ
ﺻﺎﺍﺍﺡ ﻛﺘﻠﺞ ﻟﺘﺒﺠﻴﻦ
ﻭﺍﺫﺍﺍ ﺑﻘﻴﺖ ﺍﺑﺠﻲ ﺗﻜﺘﻠﻨﻲ ﻣﺜﻞ ﻣﻜﺘﻠﺖ ﺣﺴﻦ ﻣﻮﻭﻭ .... ﺷﻮﻑ ﻧﻔﺴﻚ ﺷﻠﻮﻥ ﺻﺎﻳﺮ ..... ﻛﻌﺪﺕ ﺑﺎﻟﻜﺎﻉ ﻭﺿﻤﻴﺖ ﺭﺍﺳﻲ
بيج قصص عراقيه حقيقيه من واقعنا.روعه الطائي
ﺍﻧﻲ ﺭﺍﺡ ﺍﻃﻠﻊ .. .... ﺑﺎﻟﺴﻴﺎﺭﻩ ... ﻟﺘﺨﺎﻓﻴﻦ ..... ﻣﻦ ﻳﺠﻲ ﺍﺣﺪ ﻣﻦ ﺍﻫﻠﺞ ﺍﺭﻭﺡ ..... ﻟﺘﺨﺎﻓﻴﻦ ﻣﺎﺍﺩﻣﺮﺝ ..... ﺑﻌﺪ ﻭﻻ ﺃﺫﻳﺞ
ﻭﻻ ﺍﺷﻮﻓﺞ ﺧﻠﻘﺘﻲ ...
ﻃﻠﻊ ﻭﻃﺒﻚ ﺍﻟﺒﺎﺏ ﺣﻴﻞ ..... ﺗﺄﺫﻩ ﻣﻨﻲ .... ﺑﺲ ﻣﻴﺨﺎﻟﻒ ﺧﻞ ﻳﺘﺎﺑﻊ ﻋﻤﺮ ﻣﻮ ﻃﺒﻴﻌﻲ ...... ﻭﺻﻠﺖ ﺑﻲ ﺍﻟﻤﺮﺣﻠﻪ ﻳﺮﺗﻜﺐ ﺟﺮﻳﻤﻪ
............................................
ﺷﻬﺪ / ﺧﻠﺼﺖ ﺍﻟﻔﺎﺗﺤﺔ ﻭﺃﺟﻞ ﻓﺎﺭﺱ ﺳﻔﺮﻩ ﻛﻢ ﻳﻮﻡ ..... ﺍﻟﻜﻞ ﻣﺼﺪﻭﻡ ﺑﻮﻓﺎﺓ ﺣﺴﻦ ﻭﺍﻟﻜﻞ ﻣﺘﻔﺎﺟﺊ ﺣﺴﻦ ﺷﺮﺟﻌﻪ ﻟﻠﻌﺮﺍﻕ ﻭﻣﻦ ﻭﻛﺖ ﺧﻮﺏ ﻋﻤﻮ ﺳﻌﺪ ﻳﻘﻬﺮ ﺣﺎﻟﻪ
ﻭﺩﺍﻳﺦ ﺍﻟﻲ ﻳﻌﺮﻓﻪ ﺍﺑﻨﻪ ﻣﺴﺎﻓﺮ .... ﻗﻴﺼﺮ ﻛﻠﻪ ﺍﻧﻲ ﺃﺗﻮﻟﻰ ﺍﻟﺴﺎﻟﻔﻪ ﻭﺍﻋﺮﻑ ﺷﻮﻛﺖ ﺭﺟﻊ ﻟﻠﻌﺮﺍﻕ
ﺍﻟﻜﻞ ﺍﺳﺘﻘﺮ ﺑﺒﻴﺘﻪ ﺑﻌﺪ ﻣﻜﻤﻠﺖ ﺍﻟﻔﺎﺗﺤﻪ ..... ﺩﺧﻠﻮ ﻓﺎﺭﺱ ﻭﻣﺤﻤﺪ ﻭﻗﻴﺼﺮ ﻟﻸﺳﺘﻘﺒﺎﻝ ... ﺗﻌﺒﺎﻧﻴﻦ
ﺟﺎﻧﺖ ﻋﻤﻪ ﻧﺎﻳﻤﻪ ﺗﻌﺒﺎﻧﻪ ﻭﺃﺯﻝ ﻳﻢ ﺑﻴﺖ ﺍﻫﻠﻬﻪ ﺑﺲ ﺍﻧﻲ ﻭﻣﺮﻳﻢ
ﺳﻮﻳﺖ ﺍﻟﻬﻢ ﺟﺎﻱ .... ﺭﺩﺕ ﺍﻭﺩﻱ ﻣﻘﺒﻠﺖ ﻣﺮﻳﻢ
ﻣﺮﻳﻢ / ﺍﻧﻲ ﺍﻭﺩﻱ
ﻟﻴﺶ ﻋﻮﺩ
ﻫﻴﺞ
ﻫﻴﺞ ﻟﻮ ﺩﺟﺎﺟﻪ ... ﻫﻬﻬﻪ ﺿﺤﻜﻲ ﻟﺞ
ﻣﺮﻳﻢ / ﻭﺍﻟﻠﻪ ﺍﻟﺞ ﻗﺎﺑﻠﻴﻪ ..... ﺣﺴﻦ ﻣﺎﺕ ﻭﺍﻧﺘﻲ ﺗﺘﺸﺎﻗﻴﻦ
ﺷﻬﺪ / ﺍﻭﻭﻭﻑ ﺍﻟﻠﻪ ﻳﺮﺣﻤﻪ ﻭﺍﻟﻠﻪ ﻳﻨﺘﻘﻢ ﻣﻦ ﺍﻟﻲ ﻛﺘﻠﻪ .... ﺷﻴﺮﻳﻦ ﺍﻭﻝ ﻭﻫﺴﻪ ﺣﺴﻦ .... ﻳﺎ ﻳﻤﻪ ﻛﻠﺒﻲ ﻭﺭﻡ
ﻣﺮﻳﻢ / ﺗﺪﺭﻳﻦ ﺣﺴﻦ .... ﺟﺎﻥ ﻳﺤﺐ ﺷﻴﺮﻳﻦ ... ﻣﺮﺕ ﻛﺮﺍﺭ ﻛﺎﻟﺖ .... ﺳﻴﺤﺎﻥ ﺍﻟﻠﻪ ﺷﻴﺮﻳﻦ ﺭﺍﺣﺖ ﻭﻫﻮ ﻟﺤﻜﻬﻪ ﻭﻫﻮ ﺟﺎﻥ ﻳﻤﻮﺕ ﻋﻠﻴﻬﻪ
ﺣﺴﻦ ﻳﺤﺐ ﺷﻴﺮﻳﻦ
ﺍﻱ ﻭﻫﻮﺍﻱ ﺍﻧﻲ ﻫﻢ ﺟﻨﺖ ﺍﺷﻚ ﺑﻬﺬﺍ ﺍﻟﺸﻲ .... ﻳﻠﻠﻪ ﻫﺴﻪ ﻳﻠﺘﻘﻮﻥ ﺑﺎﺑﺎﺧﺮﻩ ﺍﺛﻨﻴﻨﻬﻢ ﻣﺎﺗﻮ ﻣﻈﻠﻮﻣﻴﻦ ....
ﺷﻬﺪ / ﻫﻮ ﻳﻌﺘﺒﺮ ﺷﻬﻴﺪ .... ﻻﻥ ﻣﺎﺕ ﻣﻐﺪﻭﺭ .... ﺩﻳﻠﻠﻪ ﻟﺞ ﻭﺩﻱ ﺍﻟﺠﺎﻱ ﺷﻜﺪ ﺗﺴﻮﻟﻔﻴﻦ ﻫﺴﻪ ﻳﻨﺮﻋﺼﻮﻥ ﻋﻠﻴﻨﻪ
ﺟﻨﺖ ﺍﻣﺴﺢ ﺑﺎﻟﻜﺎﻭﻧﺘﺮ ﻭﺭﺍﺣﺖ ﻣﺮﻳﻢ ﺗﻨﻄﻴﻬﻢ ﺟﺎﻱ ﻭﺭﺟﻌﺖ ﻣﺘﺨﺒﻠﻪ
ﻭﻟﺞ ﻟﻮ ﺗﺪﺭﻳﻦ
ﺷﻬﺪ / ﻋﻔﺖ ﺍﻟﻮﺻﻠﻪ ﺭﺃﺳﺎً ﺷﻜﻮﻭﻭﻭﻭ ﻭﻟﺞ
ﺳﻤﻌﺘﻬﻢ ﻳﺤﺠﻮﻥ .... ﻣﻮ ﻋﻠﺴﺎﺱ ﻭﻭﺍﺣﺪ ﻭَﻳَﺎ ﺍﻟـ ﺣﺴﻦ
ﻳﻜﻮﻟﻮﻥ ﺗﺄﺟﻞ ﻣﺨﺪﺭﺍﺕ ﻭﻋﻠﺴﺎﺱ ﺣﺴﻦ ﺟﺎﻥ ﻣﻜﺒﺴﻞ ﻭﺍﺻﻼ ﻣﺘﻌﺎﺭﻛﻴﻦ ﻫﻮ ﻭَﻳَﺎ ﺑﻨﻔﺲ ﺍﻟﻴﻮﻡ ﺍﻟﻲ ﻣﺎﺗﻮ
ﻳﻌﻨﻲ ﺣﺴﻦ ﻳﻜﺒﺴﻞ ..... ﻻ ... ﻣﺴﺘﺤﻴﻞ ﻭﻻ ﺍﺻﺪﻙ ﻭﺍﻟﻠﻪ
ﻭﺍﻟﻠﻪ ﻓﺎﺭﺱ ﺟﺎﻥ ﻳﺤﺠﻴﻠﻬﻢ ﻭﺍﺻﻼً ﻳﻜﻮﻟﻠﻬﻢ ﺍﻧﻲ ﺷﻜﻴﺖ ﺑﻲ .... ﺯﻳﻦ ﻫﻮ ﻣﻮ ﻣﺴﺎﻓﺮ ﻭﻳﻦ ﺷﺎﻓﻪ ﻓﺎﺭﺱ .... ﺷﻮ ﺩﺧﺖ ﺍﻧﻲ
ﺩﻣﺸﻲ ﻟﺞ ﻻﺯﻡ ﺍﺫﻧﺞ ﻣﻮ ﻻﻗﻄﻪ ﺗﻠﻘﻂ ﺑﺎﻟﻤﻜﻠﻮﺑﻲ ﺣﺴﻦ ﻣﺴﺎﻓﺮ ... ﺃﺻﻼ ﻛﻠﻬﻪ ﺗﻔﺎﺟﺌﺖ .... ﺗﻠﻜﻴﻦ ﺣﺴﻦ ﻣﻦ ﻭﺭﻩ ﺍﻟﺴﻔﺮ ﺗﻌﻠﻢ ﻋﻠﻰ ﻫﺎﻱ ﺍﻟﺴﻮﺍﻟﻒ
ﺍﻭﻭﻑ ﺍﻟﻠﻪ ﻳﻨﺘﻘﻢ ﻣﻨﻬﻢ ﺿﺤﻜﻮ ﻋﻠﻲ
ﺟﻨﺖ ﺗﻌﺒﺎﻧﻪ ﻭﻫﻠﻜﺎﻧﻪ ﺣﻴﻞ ... ﺻﻌﺪﺕ ﺗﻤﺪﺩﺕ ﻋَﻞ ﺟﺮﺑﺎﻳﻪ ..... ﻏﻔﻴﺖ ﺑﺴﺮﻋﻪ .... ﻓﺰﻳﺖ ﻋَﻠﻰ ﻓﺎﺭﺱ ﺑﺎﺳﻨﻲ ﻣﻦ ﺧﺪﻱ
ﺷﻬﺪ / ﻫﺎ ﺣﺒﻴﺒﻲ .... ﻏﻔﻴﺖ ﺑﺪﻭﻥ ﻣﺎﺍﺩﺭﻱ
ﺷﻬﺪ ...... ﻧﺴﻴﺖ ﺍﻛﻠﺞ ﺗﺤﻀﺮﻳﻦ ﺟﻨﻄﺘﻲ
بيج قصص عراقيه حقيقيه من واقعنا.روعه الطائي
ﻟﻴﺶ
ﺍﺳﺎﻓﺮ ﻏﻴﺮ
ﺭﺍﺡ ﺗﺴﺎﻓﺮ ...
ﺍﻱ ﻣﻮ ﻣﺘﻔﻘﻴﻦ
ﻣﺎﺍﻋﺮﻑ ﻋﺒﺎﻟﻲ ﺑﻌﺪ ﺍﻟﻲ ﺻﺎﺭ ﺗﺄﺟﻞ ﺍﻟﺴﻔﺮ
ﻻ ﺣﺒﻴﺒﺘﻲ ﻣﺎﺍﻛﺪﺭ .... ﻭﺑﻌﺪﻳﻦ ﻫﻨﻪ ﻛﻢ ﻳﻮﻡ ﺑﺴﺮﻋﻪ ﺍﺭﺟﻊ
ﺻﺪﻭﻙ ..... ﺑﻴﻨﺖ ﻋﻠﻴﻪ ﻋﻼﻣﺎﺕ ﺍﻟﺤﺰﻥ ....
ﻭﺻﻴﺖ ﻗﻴﺼﺮ ﻳﺸﺘﺮﻳﻠﺞ ﻣﻮﺑﺎﻳﻞ ﺑﺎﺟﺮ ﻭﺧﻂ .... ﻣﻦ ﻫﺴﻪ ﺍﻛﻠﺞ ﺑﺲ ﻭﺁﺕ ﺳﺎﺏ ﺗﺴﻮﻳﻦ
ﻣﺎﺷﻲ
ﺷﻮ ﻣﺎﺍﺷﻮﻓﺞ ﻓﺮﺣﺘﻲ
ﻣﺎﺍﺭﻱ ﺳﻮ ﻣﻤﺮﺗﺎﺣﻪ .... ﻟﺘﺴﺎﻓﺮ ﻋﻠﻴﻚ ﺍﻟﻠﻪ
ﻫﺎﻱ ﺷﻨﻮﻭ ﺣﺒﻴﺒﺘﻲ ﻟﺘﻌﺮﺿﻴﻦ ﻫﻨﻪ ﻛﻢ ﻳﻮﻡ
ﻛﻤﺖ ﺣﻀﺮﺕ ﺟﻨﻄﺘﻪ ..... ﻭﻛﻌﺪﺕ ﻳﻤﻪ ﺟﺎﻥ ﻳﻜﻠﺐ ﺑﺎﻟﻤﻮﺑﺎﻳﻞ ﺧﻠﻴﺖ ﺭﺍﺳﻲ ﻋﻠﻰ ﺻﺪﺭﻩ .... ﺑﺎﺳﻨﻲ ﻣﻦ ﺭﺍﺳﻲ
ﺷﻬﺪ
ﺣﻴﺎﺓ ﺷﻬﺪ
ﻓﺪﺩﻭﻩ ﺍﻟﺞ .... ﺍﻛﻠﺞ
ﻛﻮﻝ ﺣﺒﻴﺒﻲ
ﺍﻻﻧﺴﺎﻥ ﺍﺫﺍ ﻳﺤﺐ ﺍﻧﺴﺎﻥ ﻳﺴﺎﻣﺤﻪ
ﺷﻨﻮﻭﻭ .... ﺭﻓﻌﺖ ﻭﺍﺳﻲ ﻭﺭﻓﻌﺖ ﺣﺎﺟﺒﻲ .... ﻟﻴﺶ ﺗﺴﺄﻝ ﻫﺬﺍ ﺍﻟﺴﺆﺍﻝ ﺑﻠﻠﻪ
ﺟﺮ ﺭﺍﺳﻲ ﻭﺭﺟﻌﻪ ﻋﻠﻰ ﺻﺪﺭﻩ ..... ﺍﺭﺟﻌﻲ ﻭﻟﺞ ﺍﻟﻤﻜﺎﻧﺞ ﺳﺆﺍﻝ ﺑﺲ ﺍﺑﺘﻠﻴﺖ .... ﻻﻥ ﺟﻨﺖ ﺍﺑﺎﻭﻉ ﻣﻘﻄﻊ ﻓﺪﻳﻮ ﻭﺣﺪﻩ ﺯﻭﺟﻬﻪ ﺃﺫﺍﻫﻪ ﻭﺳﺎﻣﺤﺘﻪ ... ﻟﺬﻟﻚ ﺳﺄﻟﺖ
ﺷﻬﺪ / ﺣﺴﺐ ﺍﻟﻤﻮﺿﻮﻉ .... ﺟﻨﺖ ﻣﺘﻘﺼﺪﻩ ﺍﺟﺎﻭﺑﻪ ﻫﻴﺞ
ﻣﺜﻼ ﺍﺫﺍ ﺧﻴﺎﻧﻪ ﺍﻧﻲ ﻟﻮ ﻣﻨﻬﻪ ﻣﺎﺍﺳﺎﻣﺤﻪ ﺍﺗﻄﻠﻚ ﻣﻨﻪ ﻭﺍﻟﻠﻪ ... ﺍﻟﺨﺎﻳﻦ .... ﺍﻭﻭﻑ ﻣﻨﻪ
ﻣﻨﻮ ﻫﻮ
ﻫﻮ
ﻫﻮﻩ ﻣﻨﻮ
ﺍﻟﻲ ﻳﺨﻮﻥ ﻏﻴﺮ
ﻣﺎﺍﺣﺲ ﺍﻟﻪ ﺑﺎﺳﻨﻲ ﻣﻦ ﺷﻔﺘﻲ .... ﻋﻮﻓﺞ ﻣﻨﻬﻢ ﻭﺧﻠﻴﻨﻪ ﺑﻨﻔﺴﻨﻪ
ﺻﺎﺭﺕ ﺍﻟﺴﺎﻋﻪ ﺏ .......5 ﺍﻟﻔﺠﺮ ...... ﻭﺩﻋﻨﻪ ﻭﺭﺍﺡ ........ ﻛﺂﺑﻪ ﻣﺎﻟﻴﻪ ﻛﻠﺒﻲ ...... ﻣﺪﺭﻱ ﻟﻴﺶ ﻣﻤﺮﺗﺎﺣﻪ ﺍﻟﺴﻔﺮﺗﻪ ..... ﻣﺎﺍﻋﺮﻑ ﻳﻤﻜﻦ ﻟﻜﻦ ﺍﻛﻮ ﺷﻜﻮﻙ ﺑﻜﻠﺒﻲ ﻭﻋﻘﻠﻲ ﻣﻴﻘﺒﻠﻦ ﻳﻄﻠﻌﻦ
ﺑﻘﻴﺖ ﺻﺎﻓﻨﻪ ﺑﻔﺮﺍﺷﻲ ﺍﻟﺤﺪ ﻣﻐﻔﻴﺖ
ﻛﻌﺪﺕ ﻋﻠﻰ ﺩﻛﺔ ﺍﻟﺒﺎﺏ ........ ﺩﺧﻠﺖ ﻣﺮﻳﻢ
ﻳﻠﻠﻪ ﻋﻴﻨﻲ ﻳﺎ ﻛﺴﻼﻧﻪ .... ﺻﺢ ﺍﻟﻨﻮﻡ ﺍﻟﺴﺎﻋﻪ ﺏ١ﺭﺍﺡ ﺗﺼﻴﺮ ﻭﺍﻣﻲ ﺗﺪﺭﺩﻡ ﻋﻠﻴﺞ .....
ﺷﺒﻴﻬﻪ ﻋﻤﻪ ﻣﻦ ﺍﻟﺼﺒﺢ
ﻳﺎ ﺻﺒﺢ ﻭﻟﺞ ﻫﺬﺍ ..... ﻫﻲ ﻏﻴﺮ ﺍﻟﺴﺎﻋﻪ ﺏ١
ﻛﻤﺖ .... ﻛﻤﺖ ﻳﻤﻌﻮﺩﻩ ..... ﺍﻛﻠﺞ ﻣﺨﺎﺑﺮﺗﻮ ﻓﺎﺭﺱ ﻭﺻﻞ
ﻋﺎﺍﺍﺍ ﻭﺍﻟﻠﻪ ﻗﺪﻳﻤﻪ .... ﺍﻗﺪﻡ ﻣﻦ ﺍﺑﻮ ﺍﻟﺠﻴﺲ ﻣﻦ ﺍﻟﺼﺒﺢ ﺧﺎﺑﺮ ﻭﻃﻤﻨﻪ
ﻛﻤﺖ ...... ﻧﺰﻟﺖ ﺑﺴﺮﻋﻪ .....
ﺻﺒﺎﺡ ﺍﻟﺨﻴﺮ ﻋﻤﻪ ..... ﺟﺎﻧﺖ ﺩﺗﻠﺒﺲ ﻋﺒﺎﻳﺘﻬﻪ ﺗﺮﻳﺪ ﺗﻄﻠﻊ
ﻗﺼﺪﺝ ﻣﺴﺎﺀ ﺍﻟﺨﻴﺮ ..... ﻟﻴﺶ ﻫﻴﺞ ﺷﻬﻮﺩﻩ .... ﺗﺘﺄﺧﺮﻳﻦ ﺑﺎﻟﻜﻌﺪﻩ .
بيج قصص عراقيه حقيقيه من واقعنا.روعه الطائي
ﺷﻤﺪﺭﻳﻨﻲ ﻭﺍﻟﻠﻪ ﻣﺤﺴﻴﺖ .... ﺷﻨﻮ ﻭﻳﻦ ﺭﺍﻳﺤﻪ ﻋﻤﻪ
ﻭﺍﻟﻠﻪ ﺭﺍﺡ ﺍﺭﻭﺡ ﺍﻟﺒﻴﺖ ﻋﻤﺞ ﺳﻌﺪ ..... ﺧﻄﻴﻪ ﻣﺮﺕ ﻋﻤﺞ ﻛﻠﺒﻬﻪ ﻣﻜﺴﻮﺭ ﻭﺗﻌﺒﺎﻧﻪ ﻋﻠﻰ ﺣﺴﻮﻧﻲ ﺍﻟﻠﻪ ﻳﺮﺣﻤﻪ
ﺷﻬﺪ / ﺍﻱ ﻭﺍﻟﻠﻪ ﺧﻄﻴﻪ .... ﺍﻛﻠﺞ ﻋﻤﻪ ﺭﺍﺡ ﺗﺄﺧﺬﻳﻦ ﻣﻮﺑﺎﻳﻠﺞ
ﺍﻡ ﻗﻴﺼﺮ / ﺫﻛﺮﺗﻨﻲ ..... ﻣﻮﺑﺎﻳﻠﺞ ﻗﻴﺼﺮ ﺟﺎﺑﻪ .... ﻗﺒﻞ ﺷﻮﻳﻪ ﺍﻧﻄﺎﻧﻴﺎ .... ﺗﻠﻜﻲ ﻋَﻞ ﻣﻴﺰ
ﻣﺮﻳﻢ / ﺗﺴﺘﺮﻩ ﻓﺎﺭﺱ ﺍﻟـ .. ﺷﻬﺪ ﻣﻮﺑﺎﻳﻞ .... ﻭﺍﻧﻲ ﻟﻌﺪ ﻋﻴﻨﻲ
ﺍﻡ ﻗﻴﺼﺮ / ﻫﺎﻱ ﻣﺮﻩ ﻣﺘﺰﻭﺟﻪ ﺍﻧﺘﻲ ﺷﻜﻮﻭ ﻭﺑﻌﺪﻳﻦ ﺍﺭﻳﺪ ﺍﻃﻠﻊ ﻟﺘﺤﺠﻴﻨﻲ ﺧﻠﻴﻨﻲ ﺳﺎﻛﺘﻪ ﻳﺎ ﺻﻠﻔﻪ .... ﻭﺍﻧﺘﻲ ﺷﻬﺪ ﻣﻮ ﺗﻠﺘﻬﻴﻦ ﺑﺎﻟﻤﻮﺑﺎﻳﻞ ﺍﻧﺘﻲ ﻭﻣﺮﻳﻢ ..... ﻧﻈﻔﻦ
ﺍﻱ .... ﻋﻤﻪ ..... ﺭﺣﺖ ﺭﻛﺾ ﻋَﻞ ﻣﻮﺑﺎﻳﻞ ﻟﺰﻣﺘﻪ
ﻣﻤﺼﺪﻛﻪ ﻭﺍﻟﻠﻪ ﻭﺍﺧﻴﺮﺍً ﺭﺍﺡ ﺍﺧﻠﺺ ﻣﻦ ﺫﻟﺔ ﺧﻮﺧﻪ
ﻣﺮﻳﻢ / ﻭﺍﻟﻠﻪ ﻳﺎﺭﺑﻲ ﻳﻌﻨﻲ ﻋﻮﺩ ﺷﻨﻮ ﻣﻌﻨﺎﻫﻪ ﻣﻴﺸﺘﺮﻭﻟﻲ
ﻫﺎﺍﺍﺍ ﻣﺮﻳﻢ ..... ﺭﺍﺡ ﺗﺠﺴﺪﻳﻦ ﻭﺿﺮﺑﺘﻪ ﻋﻠﻰ ﻋﻠﺒﺎﺗﻬﻪ .... ﻟﺘﺨﻠﻴﻦ ﻋﻴﻨﺞ ﻭﻭﻭﻭﻟﺞ
ﺩﻭﻟﻲ .... ﻟﺞ ... ﺍﺧﻠﻲ ﻋﻴﻨﻲ
ﺑﺎﺑﺎ ﺍﻧﻲ ﻣﺘﺰﻭﺟﻪ ﻳﻌﻨﻲ ..... ﺳﻴﺪﻩ ﺍﻧﺘﻲ ﺁﻧﺴﻪ ﺗﻌﺎﻟﻲ ﺧﻞ ﺍﺳﺘﻔﺘﺢ ﻣﻮﺑﺎﻳﻠﻲ ﺑﻮﺟﻬﺞ ﺍﻟﻲ ﻳﻠﻌﺐ ﺍﻟﻨﻔﺲ
ﺑﻘﻴﻨﻪ ﻧﺎﺧﺬ ﺻﻮﺭ ﻭﺳﻮﻳﺖ ﻭﺍﺗﺴﺎﺏ ﻭﺍﺗﺼﻠﺖ ﻋﻠﻰ ﻓﺎﺭﺱ ﻣﺎﻛﻮ ﻣﺠﺎﻭﺏ
ﻣﺮﻳﻢ ﻣﺘﺨﻠﻴﻨﻲ ﺍﻟﺰﻣﻪ ﻟﺤﻈﻪ ......... ﺧﺒﻠﺘﻨﻲ ﺍﻟﻰ ﺍﻥ ﺩﻙ ﻓﺎﺭﺱ ﺍﻧﻄﺘﻨﻲ ﺍﻟﻤﻮﺑﺎﻳﻞ
ﺍﻟﻮﻭﻭ ..... ﻳﺎ ﻣﺴﺎﺀ ﺍﻟﺨﻴﺮ ﻋﻠﻰ ﺍﺣﻠﻰ ﺑﻨﻴﻪ ﺑﺎﻟﻌﺎﻟﻢ
ﻣﻨﻴﻦ ﻋﺮﻓﺘﻨﻲ
ﻏﻴﺮ ﻣﻨﺘﻈﺮ ﺍﺗﺼﺎﻟﺞ .... ﺷﻠﻮﻧﻪ ﺍﻟﻤﻮﺑﺎﻳﻞ ﻋﺠﺒﺞ
ﺍﻱ .... ﺣﻴﻞ ﺣﻠﻮ .... ﺷﺨﺒﺎﺭﻙ
ﺯﻳﻦ ﺣﺒﻴﺒﺘﻲ .... ﺍﺷﺘﺎﻗﻴﺘﻠﺞ
ﺑﻘﻴﻨﻪ ﻧﺴﻮﻟﻒ ﺑﺎﻟﻨﺺ ﺳﺎﻋﻪ ﺗﻘﺮﻳﺒﺎً ﻭﺭﺍﻫﻪ ﻛﺎﻝ ﺭﺍﺡ ﻳﻨﺎﻡ
ﺟﻨﺖ ﺣﻴﻞ ﻓﺮﺣﺎﻧﻪ ﺑﺎﻟﻤﻮﺑﺎﻳﻞ ﺍﻟﺘﻬﻴﺖ ﺑﻲ ﻛﻮﻩ ﻧﻈﻔﺖ ﺍﻟﺒﻴﺖ .... ﺑﺲ ﺍﺭﻳﺪ ﺍﺧﻠﺺ ﺗﻨﻈﻴﻒ ﺣﺘﻰ ﺍﻟﻌﺐ ﺑﺎﻟﻤﻮﺑﺎﻳﻞ
................................
ﻋﻤﺮ / ﻣﻮ ﺍﻭﻝ ﻣﺮﻩ ﺗﺤﺠﻴﻬﻪ ﺷﻴﺮﻳﻦ ..... ﺻﺎﺭ ﺍﻛﺜﺮ ﻣﻦ ﻣﺮﻩ ..... ﺍﻧﻲ ﺍﺣﺎﺭﺏ ﺍﻟﺪﻧﻴﺎ ﻋﻠﻤﻮﺩﻫﻪ ..... ﻭﻫﻴﻪ ﺗﺤﺎﺭﺑﻨﻲ
ﺗﻠﻮﻡ ﺑﻴﻪ ﻻﻥ ﻛﺘﻠﺘﻪ ..... ﻟﻴﺶ ﺍﻟﻲ ﺟﺎﻥ ﻳﺴﻮﻱ ﺑﻴﺞ ﻳﺎ ﺷﻴﺮﻳﻦ ﻋﺎﺟﺒﺞ
ﺃﺫﺗﻨﻲ ﺣﻴﻞ ..... ﺣﺴّﻴﺖ ﺑﺨﻴﺒﺔ ﺍﻣﻞ ..... ﺣﺰﻧﺖ ﻭﻛﻼﻣﻬﻪ ﻣﺜﻞ ﺍﻟﺸﺮﻳﻂ ﻳﻨﻌﺎﺩ ﺑﻌﻘﻠﻲ ...... ﺗﻘﺮﻳﺒﺎً ﺏ٢ ..... ﺍﺧﻮﻫﻪ ﺍﺟﻪ ....... ﺏ٣ﺍﻧﻄﻔﻪ ﻛﻠﻮﺏ ﺍﻟﻬﻮﻝ .......
ﻋﻘﻠﻲ ﻣﺸﺘﺖ ....... ﺃﺻﻼ ﺍﻧﻲ ﺿﺎﻳﻊ ﻭﻫﻴﻪ ﺯﺍﺩﺕ ﺿﻴﻌﺘﻲ
ﻣﺎﺍﺣﺲ ﺍﻟﻪ ﺍﻧﻔﺘﺢ ﺑﺎﺏ ﺍﻟﺴﻴﺎﺭﻩ ...... ﻓﺰﻳﺖ ..... ﺍﺛﻨﻴﻦ ﺟﺮﻭﻧﻲ ﺟﺎﻥ ﺷﻜﻠﻬﻢ ﻣﺒﻴﻦ ﻳﻌﻨﻲ ﻻ ﻣﻠﺜﻤﻴﻦ ﻭﻻ ﺿﺎﻟﻴﻦ ﺭﻭﺣﻬﻢ
ﻣﻮ ﺍﻧﺘﻮ
ﻭﻻﻛﺎﻧﻤﺎ ﺍﺣﺠﻲ
ﻣﻨﻮ ﺍﻧﺘﻮﻭﻭ ...... ﺍﺛﻨﻴﻨﻬﻢ ﻻﺯﻣﻴﻨﻲ ﻭﺍﻛﻮ ﺛﺎﻟﺚ ﺻﻌﺪ ﺑﺴﻴﺎﺭﺗﻲ
ﻣﻮ ﺍﺣﺠﻲ ﻭﻳﺎﻛﻢ ﻣﻨﻮﻭﻭ ﺍﻧﺘﻮ
ﺍﺷﺸﺶ ﻟﺘﻠﻐﻲ ﻫﻮﺍﻱ
ﺻﻌﺪﻭﻧﻲ ﺑﺴﻴﺎﺭﻩ ﺗﺎﺑﻌﻪ ﻟﻠﺪﻭﻟﻪ ﻳﻌﻨﻲ ﻣﻜﺎﻓﺤﻪ ﺑﺲ ﺯﻳﻬﻢ ﻋﺎﺩﻱ ﺟﺎﻥ
بيج قصص عراقيه حقيقيه من واقعنا.روعه الطائي
ﻫﺴﻪ ﻏﻴﺮﺭﺭﺭ ﺍﻓﺘﻬﻢ ﺍﻧﺘﻮ ﻭﻳﻦ ﻣﺎﺧﺬﻳﻨﻲ
ﺍﺍﺍﺍﺍﺍﺍﺳﻜﺖ ﻟﺘﺤﺠﻲ ﻭﺿﺮﺑﻨﻲ ﻋﻠﻰ ﻋﻠﺒﺎﺗﻲ
ﺻﺤﺖ ..... ﻟﺘﻀﺮﺭﺭﺭﺏ ﻟﻚ ﻧﺎﻗﺺ
ﻛﺎﻡ ﻳﻀﺮﺏ ﺑﻴﻪ ﻭﻻﺯﻣﻨﻲ ...... ﺍﻟﺜﺎﻧﻲ ..... ﺍﺣﺲ ﺍﻟﺒﻮﺧﻪ ﻃﻠﻌﺖ ﻣﻦ ﻋﻴﻮﻧﻲ ...... ﺍﺻﻌﺐ ﺷﻲ ﻣﻦ ﺗﺤﺲ ﺍﺣﺪ ﻳﺴﺘﻘﻮﻱ ﻋﻠﻴﻚ ﻭﺑﺸﻨﻮ ﺑﺄﺳﻢ ﺍﻟﺪﻭﻟﺔ
ﻭﺻﻠﺖ ﺩﺧﻠﻮﻧﻲ ﻟﻠﻤﻜﺎﻓﺤﻪ .....
ﺍﻣﺸﻴﻴﻲ ﺳﺮﻳﻊ ﻫﻴﻮﻭﻭﻭ
ﻣﺸﻴﺖ ﺩﺧﻠﻮﻧﻲ ﺍﻟﻐﺮﻓﻪ ﺻﻐﻴﺮﻩ ﺑﻴﻬﻪ ﺟﺮﺑﺎﻳﻪ ﺍﻡ ﺍﻟﻨﻔﺮ ﻭﻣﻴﺰ ﺩﺍﺋﺮﻱ ﺻﻐﻴﺮ ﻭﻳﻤﻪ ﻛﺮﺳﻲ
ﻭﺍﻟﻲ ﺟﺎﻥ ﻧﺎﻳﻢ ﻋَﻞ ﺟﺮﺑﺎﻳﻪ ﺍﻟـ ﻇﺎﺑﻂ ﺣﺴﻴﻦ ﺻﺪﻳﻖ ﺍﺧﻮﻳﻪ
ﻣﺒﻴﻦ ﺟﺎﻥ ﻧﺎﻳﻢ ﻭﻣﻦ ﺩﻙ ﺍﻟﺒﺎﺏ ﻭﺍﺣﺪ ﻣﻦ ﺍﻻﺯﻣﻨﻲ ﻓﺰ
ﺍﻫﻼ ﺍﺳﺘﺎﺫ ﻋﻤﺮ
ﺿﺎﺑﻂ ﺣﺴﻴﻦ
ﺭﺩﺕ ﺍﻛﻌﺪ ..... ﻛﺮﻣﻨﻲ ﺍﻟﻲ ﻭﺍﻛﻒ ﻭﺭﺍﻳﻪ
ﺃﺷﺮﻟﻪ ﺍﻟﻀﺎﺑﻂ ﻳﻄﻠﻊ
ﺍﻛﻌﺪ ﻋﻤﺮ
ﻛﻌﺪﺕ ﺍﻧﻲ
ﺷﻨﻮﻭﻭ ﻫﺬﺍ ﺍﻟﻲ ﺩﺗﺴﻮﻭﻭﻱ ﺍﻧﺖ
ﺷﺴﻮﻳﺖ
ﺷﺴﻮﻭﻭﻳﺖ ﺑﺎﻟﺒﺪﺍﻳﻪ ﻛﻠﺖ ﺍﻝ ... ﺑﻜﺮ ﺍﺧﻮﻙ ﺍﻧﻲ ﺍﺣﺎﻭﻝ ﺃﺳﺎﻋﺪﻩ ﻭﺍﻧﺖ ﺩﺗﻐﺮﻙ ﺭﻭﺣﻚ ﺑﻌﺪ ﺍﻛﺜﺮ ...... ﺷﻠﻮﻥ ﺍﻛﺪﺭ ﺍﺳﺎﻋﺪﻙ ﻭﺍﻧﺖ ﻳﻮﻡ ﺑﻌﺪ ﻳﻮﻡ ﺗﻐﺮﻙ ﺑﺎﻟﺘﻬﻢ ﻭﺍﻻﺟﺮﺍﻡ ..... ﺍﻧﺖ ﺩﺗﻘﺘﻨﻊ ﺑﻠﻜﺎﻋﺪ ﺗﺴﻮﻱ
ﻳﺒﻴﻊ ﻣﺮﺗﻪ ﻭﺫﺍﻙ ﻣﻐﺘﺼﺐ
ﻭﺍﻟﻘﺎﻧﻮﻭﻭﻥ ﻭﻳﻦ ﺭﺍﺡ
ﺍﻟﻘﺎﻧﻮﻥ .... ﺍﻱ ﻗﺎﻧﻮﻥ ﺗﺤﺠﻲ ﻋﻠﻲ ﻭﺑﻜﺮ ﻭﺟﻤﺎﻋﺘﻪ ﺻﺎﺭﻟﻬﻪ ﺳﻨﻴﻦ ﻭﻳﻨﻜﻢ ﻋﻨﻬﻢ ﺗﺮﻳﺪ ﺍﻧﺘﻈﺮ ﻗﺎﻧﻮﻥ ﻳﺘﻄﺒﻖ ﻋﻠﻰ ﺫﻭﻟﻲ
ﺍﻟﻀﺎﺑﻂ / ﺍﻧﺖ ﺩﺗﻠﻌﺐ ﺑﺎﻟﻨﺎﺭﺭﺭ ﻫﻮﻭﺍﻱ .... ﺍﻧﺖ ﻃﺒﻚ ﻣﺮﺽ .... ﺑﺲ ﺍﻟﻤﺸﻜﻠﻪ ﺻﺪﻳﻘﻲ ..... ﺍﻟﻲ ﻣﺨﻠﻲ ﺑﻤﻮﻗﻒ ﺻﻌﺐ ...... ﻣﻦ ﺍﻟﺒﺎﺭﺣﻪ ﻟﻠﻴﻮﻡ ﻳﺨﺎﺑﺮ ﻛﻞ ﺷﻮﻳﻪ ﻭﻳﺮﻳﺪ ﻳﻄﻤﺌﻦ ﻋﻠﻴﻚ ﻭﺧﺎﻳﻒ ﻋﺎﻳﻒ ﻋﺎﺋﻠﺘﻪ ﻫﻨﺎﻙ ﻭﻧﻴﻜﺎﺭﺍﻏﻮﺍ ﻳﺘﺤﺮﻙ ﻋﻠﻤﻮﺩﻙ ..... ﺍﻟﻲ ﺍﻋﺮﻓﻪ ﺍﻧﺖ ﺍﻧﺴﺎﻥ ﻭﺍﻋﻲ ﻭﻣﺜﻘﻒ ﺷﻠﻮﻥ ﺍﻧﺠﺮﻳﺖ ﺍﻟﻬﻴﺞ ﺳﻮﺍﻟﻒ
ﺍﻟﻤﻄﻠﻮﺏ ﻣﻨﻲ ﺷﻨﻮﻭﻭ ﺣﻀﺮﺓ ﺍﻟﻀﺎﺑﻂ
ﻭﺍﻟﻠﻪ ﻣﺎﺍﻋﺮﻑ .... ﺷﻜﻠﻚ ...... ﻋﻤﺮ ﺍﻧﻲ ﻣﺤﺘﺮﻙ ﻛﻠﺒﻲ ﻋﻠﻴﻚ ﺷﺎﺏ ﻣﺜﻞ ﺍﻟﻮﺭﺩﻩ ﻟﻴﺶ ﻫﻴﺞ ﺳﻮﻳﺖ ﺑﺮﻭﺣﻚ
ﺻﺎﺭ ﺑﻌﺪ ﻣﺎﺍﻛﺪﺭ ﺃﻏﻴﺮ ﺷﻲ
ﻟﺘﺮﺗﻜﺐ ﺍﻱ ﺟﺮﻳﻤﻪ ﺑﻌﺪ ..... ﺍﻟﺨﺎﻃﺮ ﺍﻫﻠﻚ ..... ﺍﻧﻄﻴﻨﻲ ﻓﺮﺻﻪ ﺍﻛﺪﺭ ﺑﻴﻬﻪ ﺍﻧﻘﺬﻙ
ﺗﻨﻘﺬ ﻣﺠﺮﻡ .... ﻭﻳﻦ ﻣﺒﺎﺩﺋﻚ ﺭﺍﺣﺖ
ﻟﻚ ﻏﺒﺒﺒﻲ ﺳﺎﻋﺪ ﻭﻃﻨﻚ ..... ﻋَﻞ ﺍﻗﻞ ﻣﻦ ﺍﺳﺎﻋﺪﻙ .... ﺷﻮﻳﻪ ﺿﻤﻴﺮﻱ ﻣﺮﺗﺎﺡ
ﺳﻜﺘﺖ
ﺍﻧﺖ ﻣﻮ ﻋﻠﺴﺎﺱ ﺗﺴﺎﻋﺪﻧﻪ
ﺍﻱ
ﻭﻳﻨﻚ ..... ﻭﻳﻦ ﺟﻨﺖ ﺍﻧﺖ ..... ﻋﺎﻳﻒ ﺑﻜﺮ ﻭﺟﻤﺎﻋﺘﻪ ﻭﻣﻜﺎﺑﻞ ﺍﻟﻔﺮﻉ ﻭﻛﺎﻋﺪ
ﻫﺬﺍ ﻫﻮ ...... ﺭﺍﺡ ﺍﺭﻭﺡ
ﻭﻳﻦ
ﺍﻗﺼﺪ ﺍﻛﻌﺪ ﻳﻢ ﺑﻜﺮ
ﻋﻤﺮﺭ ﻫﺎﻱ ﺍﻟﻤﻨﻈﻤﺔ ﺧﻄﻴﺮﺓ .... ﺃﺭﻳﺪﻙ ﺗﻜﻮﻥ ﺣﺬﺭ ﺭﺍﺡ ﻧﺨﻠﻴﻠﻚ ﺟﻬﺎﺯ ﻣﻴﺒﻴﻦ .... ﻳﺄﺷﺮ ﻋﻠﻰ ﻣﻮﻗﻌﻚ ..... ﺍﻧﺘﺒﻪ ﻣﻨﻬﻢ ﻭﺍﺫﺍ ﺣﺴّﻴﺖ ﻧﻔﺴﻚ ﺑﺨﻄﺮ ﺍﻧﻄﻴﻨﻲ ﺍﺷﺎﺭﻩ
بيج قصص عراقيه حقيقيه من واقعنا.روعه الطائي
ﻣﺎﺷﻲ
ﻣﺎﺷﻲ ﺷﻨﻮﻭﻭﻭ ﺍﻧﻲ ﻛﺎﻋﺪ ﺍﺣﺠﻲ ﺑﺸﻲ ﻣﻮ ﺳﻬﻞ ..... ﻻﺯﻡ ﺗﻔﺘﺢ ﻋﻴﻨﻚ ﻭﻳﺎﻱ .....
ﺍﻱ ﻣﻔﺘﺢ ﻋﻴﻨﻲ
ﻭﺍﺿﺢ .... ﻭﺍﺿﺢ ﻳﺎ ﻋﻤﺮ ..... ﻋﻤﺮ ﺑﺎﻭﻋﻠﻲ ﺃﻭﺛﻖ ﺑﻴﻚ ﺍﻭ ﻻ ﺗﺪﺑﺮﻫﻪ ﻟﻮ ﻻ
ﺍﺩﺑﺮﻫﻪ ..... ﻟﺘﺨﺎﻑ .... ﺃﺻﻼ ﻣﺎﻋﻨﺪﻱ ﺍﻱ ﻫﺪﻑ ﺑﺤﻴﺎﺗﻲ ﻫﺴﻪ .... ﻋَﻞ ﺍﻗﻞ ﺧﻞ ﺍﺳﻮﻱ ﺷﻲ ﻣﻔﻴﺪ ﻗﺒﻞ ﻻ ﺃﺗﻮﻛﻞ
ﻃﺒﻌﺖ ﻣﻦ ﻳﻢ ﺍﻟﻀﺎﺑﻂ ﺑﻌﺪ ﻣﺎ ﺭﺗﻤﻪ ﻭﺍﺗﻔﻘﻨﻪ ﻋﻠﻰ ﻫﻮﺍﻱ ﺳﻮﺍﻟﻒ ...... ﻣﻦ ﻃﺒﻌﺖ ﻭﺍﻧﻲ ﺍﻣﺸﻲ ﺍﺩﻭﺭ ﻋﻠﻰ ﻋﻤﺮ ﺻﺎﺣﺐ ﺍﻟﻤﺒﺎﺩﻯ ..... ﺗﺒﺨﺮ
ﺻﺮﺕ ﺷﺨﺺ ﺛﺎﻧﻲ ..... ﺍﻧﺴﺎﻥ ﻣﺨﺘﻠﻒ ... ﻗﺒﻞ ﺍﺷﻬﺮ ﺟﻨﺖ ﺷﺎﺏ ﺣﺎﻟﻲ ﺣﺎﻝ ﻛﻞ ﺍﻟﺸﺒﺎﺏ ..... ﺍﺷﺘﺮﻱ ﻣﻼﺑﺲ ..... ﺍﻫﺘﻢ ﺍﻟﻜﺸﺨﺘﻲ ..... ﺍﻃﻠﻊ ﻭﻳﻪ ﺟﻤﺎﻋﺘﻲ ..... ﺃﺩﺍﻭﻡ ﻛﻠﻴﺘﻲ ..... ﺍﻟﻌﺐ ﺩﻭﻣﻨﻪ ﺍﻭ ﻃﺎﻭﻟﺔ ﺍﻧﻲ ﻭﺃﺻﺪﻗﺎﺋﻲ ..... ﻛﻞ ﺷﻮﻳﻪ ﺍﺗﺼﻞ ﺑﺤﺒﻴﺒﺘﻲ ..... ﺗﺴﺄﻟﻨﻲ ﻭﻳﻦ ﻣﺎ ﻭﻳﻦ ﻣﺮﺍﺕ ﺍﺟﺎﻭﺑﻬﻪ ﻭﻣﺮﺍﺕ ﻣﻦ ﺗﻐﺎﺭ ﻭﺗﺸﻚ ﺷﻮﻳﻪ ﻣﻮ ﺩﺍﺋﻤﺎً .... ﻧﺘﻌﺎﺭﻙ .... ﻭﻧﺮﺟﻌﻨﺘﺼﺎﻟﺢ ﻻﻥ ﻣﺎﺍﻛﺪﺭ ﺑﺪﻭﻧﻬﻪ ... ﺍﺣﻠﻢ ﺍﻧﻲ ﻭﻳﺎﻫﻪ ﺑﻴﻮﻡ ﻋﺮﺳﻨﻪ
ﻓﺠﺄﻩ ﺻﺎﺭ ﺍﻧﺴﺎﻥ ﺛﺎﻧﻲ .... ﺣﺒﻴﺒﺘﻪ ﺍﻧﻜﺘﻠﺖ ... ﻭﺑﺴﺒﺒﻪ ..... ﻓﺠﺄﻩ ﺑﻨﻔﺲ ﺍﻟﻴﻮﻡ ﺍﻟﻲ ﻳﺘﺄﻛﺪ ﻫﻴﻪ ﻋﺎﻳﺸﻪ ﻳﻠﻜﺎﻫﻪ ﺑﺤﻀﻦ ﻏﻴﺮﻩ .... ﺗﺼﻴﺮ ﺭﻭﺣﻪ ﻣﻌﻠﻤﻪ ﺑﻴﻬﻪ ﺍﻛﺜﺮ ...... ﻓﺠﺄﻩ ﺻﺎﺭ ﻫﺬﺍ ﺍﻻﻧﺴﺎﻥ ﻣﺨﺘﻠﻒ ﻋﻦ ﺫﺍﻙ ..... ﺻﺎﺭ ﻧﻬﺎﺭﻩ ﻭﻟﻴﻠﻪ ﺑﻨﺺ ﺍﻟﻤﺠﺮﻣﻴﻦ .... ﻭﺑﻴﻦ ﺍﻟﻤﻜﺎﻓﺤﻪ .......... ﻳﻜﺘﻞ ﺑﺪﻭﻥ ﻣﻴﻔﻜﺮ
ﺻﻌﺪﺕ ﺑﺴﻴﺎﺭﺗﻲ ﺿﻠﻴﺖ ﺍﻣﺸﻲ ﺑﺎﻟﺸﻮﺍﺭﻉ ﺍﺩﺧﻞ ﺑﺸﺎﺭﻉ ﺍﻃﻠﻊ ﻣﻦ ﺷﺎﺭﻉ ....
ﺭﺣﺖ ﻛﺒﺎﻝ ﺍﻟﻜﻮﻓﻲ ﺍﻟﻲ ﺍﻟﺘﻘﻲ ﺑﻴﻬﻪ ﻭﻳﻪ ﺟﻤﺎﻋﺘﻲ .... ﺍﺷﺘﺎﻗﻴﺖ ﺃﻛﻮﻥ ﺍﻧﺴﺎﻥ ﻃﺒﻴﻌﻲ ﻣﺜﻞ ﻗﺒﻞ
... ﺗﺬﻛﺮﺕ ﺍﻧﻲ ﻭﺟﻤﺎﻋﺘﻲ ﺷﻘﺎﻧﻪ ﻭﺿﺤﻜﻨﻪ ﻭﻛﻠﺸﻲ
ﺣﺎﻟﻴﺎً ﺍﻧﺴﺎﻥ ﻣﺠﺮﺩ ﻣﻦ ﻛﻠﺸﻲ ﻣﻮﺟﻮﺩ ﺑﻬﺎﻱ ﺍﻟﺤﻴﺎﺓ ﺑﻌﻴﺪ ﻋﻦ ﺍﻫﻠﻲ ﻭﻋﻦ ﺃﺻﺪﻗﺎﺋﻲ ﻭﻋﻦ ﺣﺒﻲ ﺍﻟﻲ ﺧﺴﺮﺓ ﻛﻠﺸﻲ ﻋﻠﻤﻮﺩﻫﻪ ﻭﺗﺎﻟﻲ ﺍﻃﻠﻊ ﻣﻮ ﺯﻳﻦ ... ﺑﺲ ﻫﻢ ﺍﺣﺒﻬﻪ ﻭﻫﻢ ﺗﺒﻘﻰ ﻫﻴﻪ ﺣﻠﻤﻲ ﻭﺣﺒﻲ ﺍﻷﺑﺪﻱ .... ﺯﻋﻼﻥ ﻣﻨﺞ ﻫﻮﻭﺍﻱ ﻳﺎ ﺭﻭﺣﻲ ﺍﻧﺘﻲ
ﺭﺟﻌﺖ ﺍﻟﺒﻴﺖ ﺑﻜﺮ .... ﻟﻠﻌﺎﻟﻢ ﺍﻻﺳﻮﺩ ..... ﺩﻛﻴﺖ ﺍﻟﺒﺎﺏ ﺟﺎﻥ ﻧﺎﻳﻢ
ﺑﻘﻴﺖ ﺍﻟﺪﻛﻪ ﻓﺘﺤﺘﻪ ﺑﻨﻴﻪ ..... ﺑﻤﻼﺑﺲ ﻣﺨﻠﻪ ﻟﻸﺩﺏ .... ﻣﺒﻴﻨﻪ ﻭﺣﺪﻩ ﻣﻦ ﺑﻨﺎﺕ ﺍﻟﻠﻴﻞ
ﺑﺪﻭﻥ ﻣﺎﺍﺣﺠﻲ ﺻﻌﺪﺕ ﻓﻮﻙ ..... ﻧﻤﺖ ﺑﺎﻟﻐﺮﻓﻪ ﺍﻟﻲ ﺍﺑﻘﻪ ﺑﻴﻬﻪ ﺩﺍﺋﻤﺎً
ﺷﻴﺮﻳﻦ / ﻣﻜﻴﺎﺟﻲ ﺷﻠﻮﻧﻪ ﺍﺣﺴﻪ ﺑﻲ ﺷﻲ ﻧﺸﺎﺯ
ﻭﺍﻟﻠﻪ ﺣﻠﻮﻭﻭ ﻣﻮﺗﻴﻨﻲ
ﻭﺍﻟﺒﺪﻟﻪ
ﺗﺨﺒﻞ ﻻﻥ ﺍﻧﺘﻲ ﻻﺑﺴﺘﻬﻪ
ﺍﺑﺘﺴﻤﺖ .... ﺷﻜﻠﻲ ﺭﺍﺡ ﺍﺑﻘﻪ ﺑﺲ ﺃﺣﻠﻢ ... ﻳﻠﻠﻪ ﺑﻠﺤﻠﻢ ﺍﺣﺴﻦ ﻣﻦ ﺍﻟﻤﺎﻛﻮ
..................
ﺑﻜﺮ / ﻛﻮﻭﻭﻭﻭﻭﻡ ﻳﻤﻌﻮﺩ ﺷﻨﻮ ﻣﻴﺖ
ﺷﻜﻮﻭﻭ ﻳﻤﻌﻮﺩ
ﺩﻛﻮﻭﻭﻡ ﺍﻛﻌﺪ ...... ﺍﻟﻴﻮﻡ ﻣﺤﺘﺎﺟﻚ ﺑﺸﻐﻠﻪ
ﺍﻫﻮﻭﻭﻭ
ﺑﻜﺮ ﻣﺎﻟﻲ ﺧﻠﻜﻚ ﻛﺎﺭﻩ ﺍﻟﺪﻧﻴﺎ ﻛﻠﻬﻪ
ﺧﻴﺮﻙ
بيج قصص عراقيه حقيقيه من واقعنا.روعه الطائي
ﻭﺍﻟﻠﻪ ﺍﻧﺖ ﺗﻀﺤﻜﻨﻲ ﻳﺎ ﺑﻜﺮ .... ﻳﻌﻨﻲ ﺑﺮﺃﻳﻚ ﺷﺒﻴﻪ
ﻋﻤﺮ ..... ﺗﺪﺭﻱ ﺑﻴﻪ ﺍﻧﻲ ﺃﺗﺎﺟﺮ ﺑﺎﻻﻋﻀﺎﺀ
ﺣﺎﻭﻟﺖ ﺍﺳﻮﻱ ﺭﻭﺣﻲ ﻣﺴﺘﻐﺮﺏ
ﺍﻧﺖ .... ﻻ ﺟﺬﺍﺏ
ﺍﻧﺠﺐ .... ﻟﺘﺴﻮﻱ ﺭﻭﺣﻚ ﻣﺘﺪﺭﻱ
ﻭﺃﺩﺭﻱ ﺑﻴﻚ ﺗﺪﺭﻱ ﺍﺭﻳﺪ ﺃﺗﺎﺟﺮ ﺑﺎﻋﻀﺎﺋﻚ
ﺻﺪﻣﻨﻲ ..... ﻭﻣﻌﺮﻓﺖ ﺷﺠﺎﻭﺏ
ﺷﻠﻮﻥ ﻋﺮﻓﺖ
ﺍﻋﺮﻑ ﺑﻜﻠﺸﻲ ﺩﺍﻳﺮ ﻣﺪﺍﻳﺮﻱ ﻳﺼﻴﺮ ﺳﻴﺪ ﻋﻤﺮ .... ﻭﺍﻋﺮﻑ ﺍﻟﺒﺎﺭﺣﻪ ﺍﻟﻤﻜﺎﻓﺤﻪ ﺃﺧﺬﺗﻚ ﻭﺍﺗﻔﻘﻮ ﻭﻳﺎﻙ
ﺍﻧﺖ ﺷﻤﺪﺭﻳﻚ
ﺑﻜﻞ ﻣﻜﺎﻥ ﻋﻨﺪﻱ ﻋﻴﻦ ...... ﻣﺎﺍﺣﺲ ﺍﻟﻪ ﺭﻓﻊ ﺍﻟﻤﺴﺪﺱ ﻋﻠﻴﻪ ...... ﻭﻣﺴﺪﺳﻲ ﺟﺎﻥ ﺑﻌﻴﺪ ﻋﻠﻴﻪ ﻓﺘﺢ ﻛﺄﻣﺮ ﻭﺷﻮﻓﻨﻲ ﺍﺛﻴﺮ ﻻﺯﻣﻲ ﻭﺧﺎﻟﺘﻲ ﺍﻟﻤﺴﺪﺱ ﺑﺮﺍﺳﻪ
.....................................
ﺑﻌﺪ .... ﺃﺳﺒﻮﻋﻴﻦ
ﺷﻬﺪ / ﻓﺎﺭﺱ ﺭﺟﻊ ﻣﻦ ﺍﻟﺴﻔﺮ ...... ﺣﻴﺎﺗﻲ ﻭَﻳَﺎ ﻣﻮ ﺣﻠﻮﻩ ﻣﻮ ﺍﻟﺤﻴﺎﺓ ﺍﻟﻲ ﻛﻞ ﻣﺮﻩ ﺗﺤﻠﻢ ﺑﻴﻬﻪ ..... ﻣﺎﺍﺷﻮﻓﻪ ﻫﻮﺍﻱ ﺍﻟﺼﺒﺢ ﻣﺴﺘﺸﻔﻰ ﻳﺠﻲ ﻣﻦ ﺍﻟﻤﺴﺘﺸﻔﻰ ﻳﺮﻭﺡ ﻟﻠﻜﻠﻴﻪ ..... ﺍﻟﻲ ﻋﺒﺎﻟﻲ ﺧﻠﺼﺖ ﻣﻨﻬﻪ .... ﺗﺎﻟﻲ ﻣﺎﺍﺩﺭﻱ ﺷﻠﻮﻥ ﺣﻞ ﺍﻟﺴﺎﻟﻔﻪ ﻭﺭﺟﻊ ﻳﺪﺍﻭﻡ ....... ﻳﺠﻲ ﺗﻌﺒﺎﻥ ﻳﻨﺎﻡ ﻭﻣﺮﺍﺕ ﻳﻄﻠﻊ ﻛﺒﻞ ﻭﻳﻪ ﺟﻤﺎﻋﺘﻪ ..... ﻫﺎﻣﻠﻨﻲ .... ﺣﺒﻪ ﺍﻟﻲ ﻣﺘﺒﺨﺮ .... ﺍﻭ ﻳﻤﻜﻦ ﺃﻭﻫﻢ ﻧﻔﺴﻲ ﺑﺤﺐ ﻣﻤﻮﺟﻮﺩ ....
ﺍﻟﺴﺎﻋﻪ ﺏ٤ﺧﺎﺑﺮﺗﻨﻲ ﻣﺎﻣﺎ ﻛﺎﻟﺖ ﺭﺍﺡ ﻧﺠﻲ
ﻧﺰﻟﺖ ﺑﺴﺮﻋﻪ ﻛﻤﻠﺖ ﺍﻟﺘﻨﻈﻴﻒ ﺍﻟﻌﻠﻴﻪ ﺣﺘﻰ ﻣﻦ ﻳﺠﻮﻥ ﺍﻛﻌﺪ ﻭﻳﺎﻫﻢ ﻭﺍﺷﺒﻊ ﻣﻨﻬﻪ
ﺩﺧﻠﺖ ﺍﻭﻝ ﻭﺣﺪﻩ ﻋﻤﻪ ﺧﻮﻟﻪ .... ﺑﻮﺳﺘﻬﻪ ﺟﺎﻧﺖ ﺿﺎﻳﺠﻪ
ﺷﺒﻴﺞ ﺧﻮﺧﺘﻲ
ﺭﺍﺳﻲ ﻳﻮﺟﻌﻨﻲ ﺣﻴﻞ
ﻣﻤﻤﻤﻢ .... ﺷﻮ ﻣﻤﻘﺘﻨﻌﻪ
ﻭﻟﻲ ... ﻭﻟﻲ
ﺑﻮﺳﺖ ﻣﺎﻣﺎ ﻭﺩﺧﻠﻮ ﻛﻠﻬﻢ ﻭﺭﻩ ﺷﻮﻳﻪ ﺩﻙ ﻣﻮﺑﺎﻳﻞ ﻋﻤﻪ .... ﻛﺎﻣﺖ ﺑﺴﺮﻋﻪ
ﺍﻧﻲ ﺷﻮﻳﻪ ﻓﻀﻮﻟﻴﺔ ﺯﺍﻳﺪ ﻋﻦ ﺍﻟﻠﺰﻭﻡ ﻛﻤﺖ ﻭﺭﺍﻫﻪ
ﻫﻴﻪ ﻃﻠﻌﺖ ﺑﺎﻟﻄﺮﻣﻪ ﺭﺍﺣﺖ ﻣﻦ ﺟﻬﺔ ﺍﻻﺳﺘﻘﺒﺎﻝ
ﺭﺣﺖ ﺑﺴﺮﻋﻪ ﺧﻠﻴﺖ ﺍﺫﻧﻲ ﻋﻠﻰ ﺍﻟﺒﺎﺏ
ﺧﻮﻟﻪ / ﻣﺎﺍﻛﺪﺭ ﻛﺘﻠﻚ ﺍﺣﻨﻪ ﻛﺒﺎﺭ ﻭﻳﻨﻪ ﻭﻳﻦ ﻫﺎﻱ ﺍﻟﺴﻮﺍﻟﻒ ﻭﺑﻌﺪﻳﻦ ﺍﺑﻮﻳﻪ ﻣﻴﻘﺒﻞ
ﻓﺘﺤﺖ ﺣﻠﻜﻲ ..... ﻳﺎ ﻳﻤﻪ ﺑﺄﺑﻮﻳﻪ ﻋﻤﻪ ﺧﻮﻟﻪ ﺗﺤﺐ ﻭﺍﺣﺪ .... ﻋﺰﺯﻩ ﺑﻌﻴﻨﺞ ﻳﺎ ﺷﻬﺪ ﻭﺿﺤﻜﺖ ﻣﺎﺍﺗﺨﺎﻳﻞ ﻋﻤﻪ ﺑﻬﺬﺍ ﻋﻤﺮﻫﻪ ﻭﺗﺤﺐ ﻭﺍﺣﺪ
ﻓﺘﺤﺖ ﺑﺎﺏ ﺍﻻﺳﺘﻘﺒﺎﻝ ﻛﺒﻞ ﻫﻴﻪ ﻓﺰﺕ
ﻭﻭﺟﻊ ﻓﺰﺯﺗﻴﻨﻲ
ﻟﻜﻔﺘﺞ ﻋﻤﻪ
ﺍﻧﺠﺒﻲ ﻫﺎﻱ .... ﺷﺴﻤﻪ
ﻭﻛﺒﻞ ﺳﺪﺕ ﺍﻟﺨﻂ
ﻫﺎﺍﺍ ﻋﻤﻪ ﺭﺍﺟﻌﻪ ﻣﺮﺍﻫﻘﻪ
ﺍﻧﺠﺒﻲ ﺷﻬﺪ ﻋﻴﺐ ﻋﻠﻴﺞ ﻫﻴﺞ ﺗﺤﺠﻴﻦ ﻭﻳﺎﻱ
ﻟﻌﺪ ﻋﻤﻪ ﻣﻮ ﻋﻴﺐ ﻋﻠﻴﺞ ﻭﺍﻧﺘﻲ ﻋﻤﺮﺝ ٣٨ﺳﻨﻪ ﻭﺗﺤﺒﻴﻦ ﻭﺗﺘﻤﻌﺸﻘﻴﻦ
ﺳﺪﺕ ﺣﻠﻜﻲ ﻛﺒﻞ ...... ﻭﻟﺞ ﺍﻟﻠﺴﺎﻧﺞ ﻭﺻﻮﺗﺞ ﻟﻴﺴﻤﻌﻮﻥ ﻭﻳﺼﺪﺭﻭﻥ ﺍﻧﻮﺏ
ﻭﺧﺮﺕ ﺍﻳﺪﻫﻪ ... ﻳﺼﺪﻛﻮﻥ .... ﺷﻠﻮﻥ ﻟﻮﺗﻴﻪ ﻋﻠﺴﺎﺱ ﻣﻮ ﺻﺪﻙ ﻫﻮ
بيج قصص عراقيه حقيقيه من واقعنا.روعه الطائي
ﺷﻬﺪ .... ﺍﻛﺴﺮ ﺭﺍﺳﺞ ﺍﺫﺍ ﺣﺠﻴﺘﻲ
ﻛﻠﻴﻠﻲ ﻣﻨﻮ ﻭﺷﻮﻛﺖ ﻭﻣﺎﺍﺣﺠﻲ
ﺷﻬﺪﺩﺩ ﻭﻟﻲ
ﺍﺣﺠﻲ ﻳﻠﻠﻪ ﻋﻤﻪ ﺑﺴﺮﻋﻪ
ﺍﺑﻮ ﺍﻟﻤﻮﻟﺪﻩ
ﻋﺰﺯﺯﻩ .... ﻋﺰﺯﺯﻩ .... ﻭﻟﻮ ﻳﻠﻠﻪ ﺣﺘﻰ ﻳﻨﻄﻴﻨﻪ ﻓﻮﻝ
ﻭﻭﺟﻊ ﺍﻟﺼﻤﻲ
ﺍﺑﻮ ﺍﻟﻤﻮﻟﺪﻩ ﺍﻟﻲ ﻋَﻞ ﺷﺎﺭﻉ ﺍﻟﻌﺎﻡ ..... ﺍﺧﻮ ﻳﺼﻴﺮ
ﺍﻱ ﻣﻨﻮ
ﻗﺒﻞ ﺍﻟﻲ ﺗﻘﺪﻣﻠﻲ ﻭﺟﺪﺝ ﻣﻘﺒﻞ
ﻋﺰﺯﺯﻩ ﻳﺎ ﺭﺑﻲ ﻋﻤﻪ .... ﻫﺎﻱ ﺍﻧﺘﻲ ﻫﻴﺞ ﺗﺴﻮﻳﻦ ﻭﺍﻧﺘﻲ ﺷﻜﺒﺮﺝ ﻋﻮﺩ
ﺍﻧﺠﺒﻲ ﺷﻬﺪ ﻣﺎﺍﺣﺠﻲ ﺑﻌﺪ ﻭﻋﺎﻓﺘﻨﻲ ﻭﺭﺍﺣﺖ
ﺭﺣﺖ ﻭﺭﺍﻫﻪ ﻭﻛﻞ ﺷﻮﻳﻪ ﺍﺑﺎﻭﻉ ﻋﻠﻴﻬﻪ ﻭﺍﺿﺤﻚ
ﺭﺣﺎﺏ / ﺷﻬﻮﺩﻩ ﺣﺒﻴﺒﺘﻲ .... ﺍﺑﻮﺝ ﻗﺮﺭ ﺭﺍﺡ ﻧﺴﺎﻓﺮ ﺍﻧﻲ ﻭَﻳَﺎ ﻭﺍﺧﻮﺝ ﻧﺴﺘﻘﺮ ﺑﺘﺮﻛﻴﺎ
ﺗﺮﻛﻴﺎ .... ﺻﺪﻭﻙ ﻣﺎﻣﺎ
ﺍﻱ ﻭﺍﻟﻠﻪ
ﻟﻴﺶ ﻣﺎﻣﺎ .... ﻭﺍﻧﻲ
ﻭﺍﻧﺘﻲ ﺷﺒﻴﺞ ﺣﺒﻴﺒﺘﻲ ﻋﻨﺪﺝ ﺯﻭﺟﺞ ﻭﺑﻴﺖ ﻋﻤﺞ
ﻟﻴﺶ ﺗﺴﺎﻓﺮﻭﻥ ﻣﺎﻣﺎ
ﻋﻠﻤﻮﺩ ﺍﺧﻮﺝ
ﺗﻔﻜﺮﻭﻥ ﺑﺄﺧﻮﻳﻪ ﻭﻣﺘﻔﻜﺮﻭﻥ ﺑﻴﻪ ﻭﺑﻌﺪﻳﻦ ﻣﺤﻤﺪ ﺷﺠﺎﺑﻪ ﻋﻠﻰ ﺗﺮﻛﻴﺎ ﻫﻮ ﻣﻮ ﺟﺎﻥ ﺏ ............ ﻳﺪﺭﺱ
ﻫﻨﺎﻙ ﺻﺪﻳﻖ ﺍﺑﻮﺝ ﺍﺑﻨﻪ ﻋﻨﺪﻩ ﻋﻴﺎﺩﻩ ﻭﺭﺍﺡ ﻳﺸﺘﻐﻞ ﺍﺧﻮﺝ ﻭَﻳَﺎ
ﺍﻟﻠﻪ ﻳﺨﻠﻴﻜﻢ ﻟﺘﺴﺎﻓﺮﻭﻥ ﻭﺍﻟﻠﻪ ﻣﺎﺍﻛﺪﺭ ﺑﺪﻭﻧﻜﻢ
ﺍﻡ ﻗﻴﺼﺮ / ﺷﻬﻮﺩﻩ ﺻﻴﺮﻱ ﺟﺒﻴﺮﻩ .... ﻭﺑﻌﺪﻳﻦ ﺍﺣﻨﻪ ﻛﻠﻨﻪ ﻳﻤﺞ
ﺣﺰﻧﺖ ﻭﺗﺄﺫﻳﺖ ﺑﻴﻮﻣﻬﻪ ﻣﺎﺍﺗﺤﻤﻞ ﺣﻴﺎﺗﻲ ﻣﺎﺑﻴﻬﻪ ﺍﻫﻠﻲ ....... ﻭﺍﺟﻪ ﺑﻴﻮﻣﻬﻪ ﻓﺎﺭﺱ ﻣﺘﺄﺧﺮ ﺣﻴﻞ .... ﺟﻨﺖ ﺍﻛﻠﺐ ﺑﻤﻮﺑﺎﻳﻠﻲ ﺑﻤﻠﻞ
ﺩﺧﻞ ﻓﺎﺭﺱ ﻣﺒﺘﺴﻢ
ﻭﻳﻦ ﺟﻨﺖ ﻓﺎﺭﺱ ﺣﺠﻴﺘﻬﻪ ﺑﻨﺘﺮﻩ
ﺷﻨﻮﻭﻭ ﺗﺤﺠﻴﻦ ﻭﻳﺎﻱ ﻫﻴﺞ
ﻭﻳﻦ ﺟﻨﺖ .... ﺍﻧﻲ ﺗﻌﺒﺖ ﺣﻴﻞ
ﻣﻦ ﺷﻨﻮ ﺗﻌﺒﺘﻲ
ﻣﻦ ﺇﻫﻤﺎﻟﻚ
ﻣﻦ ﺇﻫﻤﺎﻟﻲ ..... ﻟﻴﺶ ﺷﻠﻮﻥ ﻫﺎﻣﻠﺞ
ﻻ ﻭﺍﻟﻠﻪ ﺍﺑﺪ ﻣﻬﺎﻣﻠﻨﻲ ..... ﺍﺑﺪ ﺑﺲ ﻣﺎﺍﺷﻮﻓﻚ ﺍﻟﻨﻬﺎﺭ ﻛﻠﻪ ﻭﺑﻠﺒﻞ ﺗﺠﻲ ﺗﺎﺧﺬ ﺣﻘﻮﻗﻚ ﻣﻨﻲ ﻭﺗﻨﺎﻡ ..... ﺍﻧﻲ ﺷﻨﻮﻭﻭﻭ ﺑﺤﻴﺎﺗﻚ
ﺍﻧﻲ ﻃﺒﻴﻌﻲ ﺷﻬﺪ .... ﺷﺴﻮﻳﻠﺞ ﻏﻴﺮ ﻋﻨﺪﻱ ﺷﻐﻞ
ﺍﻱ ﺷﻌﻞ ﻫﺬﺍ ..... ﺗﻌﺒﺖ ﺣﻴﻞ ﺍﻧﻲ .... ﺳﺎﻋﺎﺕ ﺍﺣﺴﻚ ﻣﺘﺤﺒﻨﻲ .... ﻭﺳﺎﻋﺎﺕ ﺍﺣﺴﻚ ﺗﺨﻮﻧﻲ
ﻣﻠﻴﺖ ﻣﻦ ﺍﺣﺎﺳﻴﺴﺞ ... ﻭﺗﻌﺒﺖ .... ﺍﻧﻲ ﺍﺭﺟﻊ ﺗﻌﺒﺎﻥ ﺍﺭﻳﺪ ﺍﺭﺗﺎﺡ ﻭﺍﻧﺘﻲ ﺍﺷﻚ ﻭﻣﻦ ﻫﺎﻟﺴﻮﺍﻟﻒ ..... ﻛﻤﺖ ﺍﺿﻮﺝ ﺍﺩﺧﻞ ﻟﻠﺒﻴﺖ ﺑﺴﺒﺒﺞ
ﺑﺴﺒﺒﻲ ..... ﻭﺍﻟﻠﻪ
ﺷﻬﺪﺩﺩ ﻛﺎﻓﻲ .
ﻭﻳﻦ ﺭﺍﻳﺢ
بيج قصص عراقيه حقيقيه من واقعنا.روعه الطائي
ﻣﺎﻟﺞ ﺩﺧﻞ ﺑﻴﻪ ..... ﻭﻃﻠﻊ
ﺑﻘﻴﺖ ﺑﻴﻮﻣﻬﻪ ﻟﻠﺼﺒﺢ ﺍﺗﺼﻞ ﻋﻠﻲ ﻣﻴﺠﺎﻭﺏ
ﺍﺧﺮ ﺷﻲ ﺟﺎﻭﺑﻨﻲ ﺍﻟﺴﺎﻋﻪ ﺏ٨ ﺍﻟﺼﺒﺢ
ﻭﻳﻨﻚ ﻓﺎﺭﺭﺭﺱ ﺻﺪﻭﻙ ﺗﺤﺠﻲ
ﺷﺘﺮﻳﺪﻳﻦ ﺷﻬﺪ
ﻭﻳﻦ ﺟﻨﺖ ﺑﺎﻳﺖ .... ﻭﺍﻟﻠﻪ ﺍﻟﻌﻈﻴﻢ ﻋﻨﺪﻙ ﺷﻲ
ﻣﺮﺍﺡ ﺍﺣﺠﻲ ﻭﻻ ﻛﻠﻤﻪ .... ﻻﻥ ﺧﺎﻑ ﺍﺣﺠﻲ ﻛﻼﻡ ﻭﺍﺗﻨﺪﻡ ﻋﻠﻲ ﺑﻌﺪﻳﻦ ﺍﻓﻀﻞ ﺍﺳﺪ ﺍﻟﺨﻂ
ﺑﺮﺍﺣﺘﻚ ﻓﺎﺭﺱ .... ﺑﺲ ﺍﻧﻲ ﺗﻌﺒﺖ ﻣﻦ ﺍﻟﺸﻜﻮﻙ .... ﻋﻘﻠﻲ ﻛﺎﻡ ﻳﻮﺟﻌﻨﻲ .... ﺣﻴﺎﺗﻲ ﻣﻜﺎﻋﺪ ﺍﻛﺪﺭ ﺍﻋﻴﺸﻬﻪ ﻃﺒﻴﻌﻴﻪ ﻭﺍﻧﺖ ﺩﺗﺰﻳﺪ ﺍﻟﺸﻜﻮﻙ
ﺑﻴﻮﻣﻬﻪ ﺭﺟﻊ ﻭﺗﺼﺎﻟﺤﻨﺎ ﻭﻫﻢ ﺣﺠﺎﻟﻲ ﺍﺷﻴﺎﺀ ﺗﺆﺧﺮ ﺷﻜﻮﻛﻲ .....
ﻛﺎﻣﺖ ﺗﺮﻛﺾ ﺍﻻﻳﺎﻡ ..... ﻭﺍﺟﻪ ﻣﻮﻋﺪ ﺭﻭﺣﺔ ﺍﻫﻠﻲ ..... ﻭﺩﻋﺘﻬﻢ ﻭﺍﻧﻲ ﻛﻠﺒﻲ ﻣﻮﺟﻮﻉ .... ﻣﺎﺍﻋﺮﻑ ﺍﺣﺲ ﻧﻔﺴﻲ ﺿﺎﻳﻌﻪ ﺍﻭ ﺭﺍﺡ ﺃﺿﻴﻊ ﺑﺪﻭﻧﻬﻢ ..... ﺑﺠﻴﺖ ﻫﻮﺍﻱ ....
ﺷﻬﻮﺩﻩ ﺑﺎﻻﺗﻲ ﻟﺘﺨﺎﻓﻴﻦ ﻭﺑﻌﺪﻳﻦ ﺭﺍﺡ ﺍﺟﻲ ﻫﻮﺍﻱ ﻫﻨﺎ .... ﻗﺎﺑﻞ ﺭﺍﺡ ﺍﺑﻘﻪ ﻫﻨﺎﻙ .... ﻣﺎﺍﻛﺪﺭ ﻣﺎﺍﺷﻮﻓﺞ
ﺑﺎﺑﺎ ﻳﻌﻨﻲ ﺷﻜﺪ ﻭﺗﺠﻲ .... ﻭﺍﻟﻠﻪ ﻣﺎﺍﺗﺤﻤﻞ ﺍﻧﺘﻮ ﻣﻤﻮﺟﻮﺩﻳﻦ ﺑﺤﻴﺎﺗﻲ
ﺗﺤﺴﺒﻲ ﺷﻬﺮ ﺗﻠﻜﻴﻨﻲ ﻫﻨﺎ .... ﻟﺘﺨﻠﻴﻦ ﺑﺎﻟﻲ ﻋﻠﻴﺞ
ﺭﻭﺣﻮ ﻳﻠﻠﻪ ﺑﺎﺑﺎ .... ﺍﻫﻢ ﺷﻲ ﺍﻧﺘﻮ ﺗﺮﺗﺎﺣﻮﻥ
ﺳﺘﺎﺭ / ﻓﺎﺭﺱ .... ﺷﻬﺪ ﺍﻣﺎﻧﻪ ﻳﻤﻚ .... ﺗﺨﻠﻴﻬﻪ ﺑﻌﻴﻮﻧﻚ
ﺷﻬﺪ ﺑﻌﻴﻮﻧﻲ ﻭﻛﻠﺒﻲ ﺷﻌﻨﺪﻱ ﻏﻴﺮﻫﻪ
ﻭﺩﻋﻮﻧﻲ ﺍﻫﻠﻲ ﻭﺭﺍﺣﻮ ..... ﻓﺎﺭﺱ ﻫﻮ ﻭﻗﻴﺼﺮ ﻭﺻﻠﻬﻢ ﻣﺤﻤﺪ ﺍﺟﺎﻧﻲ ﻗﺒﻠﻬﻢ ﻭﺩﻋﻨﻲ ﻭﺭﺍﺡ ﻛﺎﻝ ﻋﻨﺪﻱ ﺷﻐﻞ ﻭﻣﻨﺎﻙ ﺍﻃﻠﻊ ﻟﻠﻤﻄﺎﺭ
......................................
ﺷﻴﺮﻳﻦ / ﻣﻦ ﺫﺍﻙ ﺍﻟﻴﻮﻡ ﺍﻟﻲ ﺩﺧﻞ ﺑﻲ ﻋﻤﺮ ﻟﻠﺒﻴﺖ ﺍﻟﻬﺬﺍ ﺍﻟﻴﻮﻡ ﻣﺸﺎﻳﻔﺘﻪ ﻭﻻ ﺍﻋﺮﻑ ﺃﺧﺒﺎﺭﻩ ...... ﻛﺎﻋﺪﻩ ﻣﻜﺎﺑﻠﻪ ﺍﻟﺸﺒﺎﻙ ﺑﻠﻜﻲ ﺍﻟﻤﺤﻪ ...... ﻣﺎﻛﻮ
ﺭﻭﺣﻲ ﺗﺴﺄﻝ ﻋﻠﻰ ﺃﺧﺒﺎﺭﻩ ...... ﺳﺎﻋﺎﺕ ﺍﺗﺨﺎﻳﻞ ﺻﺎﺭ ﺑﻲ ﺷﻲ ﻟﻮ ﺍﺣﺘﻤﺎﻝ ﺍﻧﺴﺠﻦ ﻭﺍﻛﻮﻡ ﺍﺑﺠﻲ ﻭﺳﺎﻋﺎﺕ ﺍﻛﻮﻝ ﻫﺴﻪ ﻳﺠﻲ ﻭﻳﻄﻤﻨﻲ ..... ﻛﻞ ﺣﺮﻛﻪ ﺍﻭ ﻃﻜﻄﻜﻪ ﺗﺼﻴﺮ .... ﺍﻓﺮﺡ ﺍﻛﻮﻝ ﻋﻤﺮ ..... ﻭﻣﺎﻛﻮ
ﻭﺍﺩﻋﻲ ﺍﻥ ﺷﺎﺀ ﺍﻟﻠﻪ ﺯﻋﻞ ﻣﻨﻲ ﻭﺭﺍﺡ ﻭﻻ ﺻﺎﺭ ﺷﻲ ﻣﻮﺯﻳﻦ ﺍﻟﻪ .... ﻛﻠﺸﻲ ﻣﺎﺍﺭﻳﺪ ﻣﻦ ﺍﻟﻠﻪ ﻏﻴﺮ ﺑﺲ ﺧﺒﺮ ﻭﺍﺣﺪ ﻳﻄﻤﻨﻲ ﻋﻨﻪ ..... ﻛﻞ ﻳﻮﻡ ﺍﺻﻠﻲ ﻭﺍﺩﻋﻲ ﺭﺏ ﺍﻟﻌﺎﻟﻤﻴﻦ ﻳﺒﻌﺪ ﻋﻨﻪ ﺍﻟﺸﺮ
ﺍﻟﻐﻠﻂ ﻏﻠﻄﻲ ﺑﻜﻠﺸﻲ .... ﺟﺎﻥ ﻣﻔﺮﻭﺽ ﺍﺑﻌﺪ ﻋﻨﻪ ﺍﻭﻝ ﻣﺎ ﺗﻘﺮﺏ ﻣﻨﻲ ﻭﺧﺎﺻﻪ ﻣﻦ ﺭﻓﻀﻮ ﺍﻫﻠﻲ
ﺟﺎﻥ ﻣﻔﺮﻭﺽ ﻣﺎﺍﺩﺯﻟﻪ ﺻﻮﺭ .... ﻻﻥ ﻫﻮ ﻳﻄﻠﻊ ﻭﻳﻄﺐ ﻭﻣﻮﺑﺎﻳﻠﻪ ﻣﻌﺮﺽ ﻳﺨﺘﻔﻲ ﺍﻭ ﻳﻀﻴﻊ ﺁﻭ ﻳﻨﺒﺎﻙ
ﺩﻣﺮﺕ ﺭﻭﺣﻲ ﻭﺩﻣﺮﺗﻪ ﻭﻳﺎﻱ .... ﻟﻮ ﺑﺲ ﻳﺮﺟﻊ ﺍﻟﺰﻣﻦ ﻣﺴﺘﺤﻴﻞ ﺍﺣﺒﻪ ﻭﻣﺴﺘﺤﻴﻞ ﺍﺩﺯﻟﻪ ﺻﻮﺭ
ﻋﻴﻨﻲ ﻋَﻞ ﺷﺒﺎﻙ ﺍﻵﺧﺮ ﻟﺤﻈﻪ .... ﺍﺟﻪ ﻣﺤﻤﺪ ﻳﺮﻳﺪ ﻳﺄﺧﺬﻧﻲ ﻭﺍﻧﻲ ﻣﻴﻬﻠﻲ ﺍﺭﻭﺡ .... ﺷﻠﻮﻥ ﺍﺭﻭﺡ ﻭﻣﺎﺍﻋﺮﻑ ﺷﻲ ﻋﻨﻪ .... ﻟﻴﺶ ﻫﻴﺞ ﺳﻮﻳﺖ ﺑﻴﻪ ﻳﺎ ﻋﻤﺮ ..... ﻟﻴﺶ ﺧﻠﻴﺖ ﺑﺎﻟﻲ ﻳﺼﻴﺮ ﻳﻤﻚ ً .... ﺷﻠﻮﻥ ﺭﺍﺡ ﺍﺭﺗﺎﺡ ﻭﺍﻋﻴﺶ ﻃﺒﻴﻌﻲ ﻭﻣﺎﺍﻋﺮﻑ ﺷﻨﻮ ﻣﺼﻴﺮﻙ ﻭﺣﻴﺎﺗﻚ
بيج قصص عراقيه حقيقيه من واقعنا.روعه الطائي
ﺑﻌﺪ ﻣﺎ ﻣﺎﺕ ﺣﺴﻦ .... ﻣﺤﻤﺪ ﻣﻴﻜﺪﺭ ﻳﺒﻘﻪ ﻳﻤﻲ ﻳﺼﻴﺮ ﺷﻚ ﺑﺎﻟﻤﻮﺿﻮﻉ ﺍﺑﻮﻳﻪ ﻗﺮﺭ ﻭﻛﺎﻝ ﺭﺍﺡ ﻧﺴﺎﻓﺮ .... ﺗﻌﺒﺖ ﻭﺍﻧﻲ ﺑﺎﻟﻲ ﻳﻤﺞ .... ﻋَﻞ ﺍﻗﻞ ﺷﻬﺪ ﻫﻨﺎ ﻣﺮﺗﺎﺣﻪ ﻭﻳﻪ ﻓﺎﺭﺱ ..... ﻭﺧﺎﺻﻪ ﺑﻌﺪ ﻣﺎﺳﺎﻑ ﻭﺟﻬﻲ ﻭﺭﻩ ﻭﻓﺎﺓ ﺣﺴﻦ .... ﺟﺎﻥ ﺣﻴﻦ ﺍﻻﻭﻝ ﻣﺮﻩ ﻳﻀﺮﺑﻨﻲ ﺑﻮﺟﻬﻲ ..... ﺟﺎﻥ ﻛﻠﻪ ﺑﺠﺴﻤﻲ ﺣﺘﻰ ﻣﻴﺒﻴﻦ ..... ﻣﻦ ﺍﺗﺬﻛﺮ ﺣﻴﺎﺗﻲ ﻭﻳﻪ ﺣﺴﻦ ..... ﺍﻛﺮﻩ ﺍﻟﺪﻧﻴﺎ ..... ﻋﺬﺑﻨﻲ ﻫﻮﺍﻱ ﻭﺗﻌﺒﻨﻲ
ﻣﺤﻤﺪ / ﻳﻠﻠﻪ ﻳﻤﻌﻮﺩﻩ ﺷﻴﺮﻳﻦ
ﻳﻠﻠﻪ ﻛﻤﻠﺖ .... ﺍﻻﻭﻝ ﻣﺮﻩ ﺍﻃﻠﻊ ..... ﻣﻦ ﺫﺍﻙ ﺍﻟﻴﻮﻡ ﺍﻟﻲ ﺍﻧﺘﺸﺮ ﺍﻟﻔﺪﻳﻮ ﺍﻟﻬﺬﺍ ﺍﻟﻴﻮﻡ ﻣﺸﺎﻳﻔﻪ ﺍﻟﺸﺎﺭﻉ .... ﻃﻠﻌﺖ ﻭﻋﻴﻮﻧﻲ ﺗﺪﻭﺭ ﻋﻠﻰ ﻋﻤﺮ ﻭﻫﻢ ﻣﺎﻛﻮ
ﻭﺻﻠﻨﻪ ﻟﻠﻤﻄﺎﺭ ﻓﺎﺭﺱ ﻭﻗﻴﺼﺮ ﻭﺩﻋﻮﻧﻪ
ﺷﻴﺮﻳﻦ / ﺷﻮﻛﺖ ﺗﻜﻮﻟﻮﻥ ﺍﻟـ .... ﺷﻬﺪ
ﻭﻻ ﻛﺎﻧﻤﺎ ﺣﺠﻴﺖ ﻣﺤﺪ ﺍﻋﺎﺭﻟﻲ ﺃﻫﻤﻴﻪ ﻟﻠﻜﻼﻡ ﺍﻟﻲ ﺣﺠﻴﺘﻪ ..... ﻛﻠﺒﻲ ﻣﻄﻜﻚ ﻋﻠﻴﻬﻪ
ﺭﺣﺖ ﺍﻟـ .. ﻓﺎﺭﺱ
ﻓﺎﺭﺱ ﺷﻠﻮﻧﻬﻪ ﺷﻬﺪ
ﺯﻳﻨﻪ ﺷﻬﺪ
ﺷﻮﻛﺖ ﺗﻜﻮﻟﻮﻟﻬﻪ
ﺷﻴﺮﻳﻦ .... ﺍﺑﻮﺝ ﻣﻴﻘﺒﻞ ﻧﺤﺠﻲ .... ﺍﻧﺘﻲ ﻣﻮ ﺯﻳﻦ ﻋﺎﻳﺸﻪ ﺳﺘﺮﻱ ﻋﻠﻰ ﺭﻭﺣﺞ ﻭﻃﻠﻌﻲ ﻭﺳﻜﺘﻲ ..... ﺗﻌﺮﻓﻴﻦ ﺟﺪﺝ ﺍﺫﺍ ﻳﻌﺮﻑ ﻳﻨﻔﻴﺞ ﻣﻦ ﺍﻟﻮﺟﻮﺩ ﻭﻣﻮ ﺑﺲ ﻫﻴﺞ ﺗﻜﻠﺐ ﺍﻟﻌﺸﻴﺮﺓ ﻛﻠﻬﻪ ﻋﻠﻰ ﺍﺑﻮﺝ
ﻣﺴﻮﻳﻦ ﻓﻀﻞ ﻋﻠﻴﻪ ﺑﺤﻴﺎﺓ ﻣﺜﻞ ﺍﻟﻌﺪﻣﻬﻪ ﻣﻴﺪﺭﻭﻥ ﻟﻮ ﻣﻮﺗﻴﻨﻲ ﺑﺬﺍﻙ ﺍﻟﻴﻮﻡ ﺟﺎﻥ ﺍﻫﻮﻥ ﻋﻠﻴﻪ ﻣﻦ ﺍﻟﻌﺸﺘﻪ ﻭﺃﻫﻮﻥ ﻋﻠﻴﻪ ﻣﻦ ﺍﻟﺨﻮﻑ ﺍﻟﻲ ﻛﺎﻋﺪ ﺃﻋﻴﺸﻪ ﻫﺴﻪ ﻭﺍﻧﻲ ﻣﺎﺍﺩﺭﻱ ﻣﺼﻴﺮ ﻋﻤﺮ ﺷﻨﻮ
ﺻﻌﺪﺕ ﺍﻟﻄﻴﺎﺭﻩ ..... ﻭﻃﺎﺭﺕ ﺑﻴﻪ ..... ﺭﺍﺡ ﺗﺒﺪﻱ ﺣﻴﺎﺓ ﺟﺪﻳﺪﻩ ﺍﻟﻲ ﺗﺨﺘﻠﻒ ﻋﻦ ﺍﻟﺤﻴﺎﺓ ﺍﻟﻌﺸﺘﻬﻪ ﺍﻱ ﺍﻧﺴﺎﻥ ﻣﻜﺎﻧﻲ ﻣﻔﺮﻭﺽ ﻳﻔﺮﺡ .... ﺑﻌﺪ ﻛﻞ ﺍﻟﻲ ﺻﺎﺭ .... ﺭﺍﺡ ﺍﺭﺟﻊ ﺃﻋﻴﺶ ﺑﻮﺳﻂ ﺍﻫﻠﻲ .... ﺑﺪﻭﻥ ﺧﻮﻑ ..... ﺑﺲ ﻣﻤﺮﺗﺎﺣﻪ ... ﺍﺑﺪ ﻣﻤﺮﺗﺎﺣﻠﻪ ﺍ
ﺑﻌﻘﻠﻲ ﺻﻮﺭﺗﻴﻦ ﻣﺘﻨﺴﻲ ﺍﻭﻝ ﻣﺮﻩ ﺃﻋﺘﺪﻩ ﻋﻠﻴﻪ ﺣﺴﻦ ﻭﺍﻟﺜﺎﻧﻴﻪ ﻣﻦ ﺑﺎﻋﻨﻲ ﺍﻟﻬﺬﺍ ﺍﻟﺴﺎﻗﻂ ﻭﻫﻢ ﺍﻋﺘﺪﻩ ﻋﻠﻴﻪ
ﺍﻱ ﺣﻴﺎﺓ ﺍﻛﺪﺭ ﺍﻛﻤﻠﻬﻪ ﺑﻬﺎﻱ ﺍﻟﻜﻮﺍﺑﻴﺲ ﻭﻳﺠﺰﻳﻬﻢ ﻛﺎﺑﻮﺱ ﺛﺎﻟﺚ ... ﻣﺼﻴﺮ ﻋﻤﺮ ﺍﻟﻲ ﺍﺗﺨﺎﻳﻠﻪ ﺩﻳﻨﻌﺪﻡ .... ﺩﺍﺧﻠﻲ ﻣﻨﻬﺎﺭ ﺣﻴﻞ .... ﺑﻮﺩّﻱ ﺍﺻﺮﺥ ﺑﺲ ﺻﺮﺧﺎﺗﻲ ﻣﻨﻮ ﺭﺍﺡ ﻳﺴﻤﻌﻬﻦ ﻭﻳﺤﺲ ﺑﻴﻪ ..... ﺍﻟﻮﺟﻊ ﺍﻟﻲ ﺑﺪﺍﺧﻠﻲ ﺩﻳﺬﺑﺢ ﺑﻴﻪ ﻋَﻞ ﺑﻄﻲﺀ
ﻭﺻﻠﻨﻪ .... ﻭﺍﺳﺘﻘﺒﻠﺘﻪ ﺍﺑﻦ ﺻﺪﻳﻖ ﺑﺎﺑﺎ
ﺳﺘﺎﺭ / ﺯﻳﺘﻮﻧﻲ ﺣﺒﻴﺒﻲ ﺷﻠﻮﻧﻚ
ﺯﻳﻦ / ﻋﻤﻮﻭﻭ ﺳﺘﺎﺭ .... ﻣﻮﻭ
ﺍﻱ
ﺯﻳﻦ ﻧﻔﺲ ﺷﻜﻠﻚ ﺑﺎﻟﺼﻮﺭ
ﺳﺘﺎﺭ / ﻭﺍﻧﺖ ﻫﻢ
ﺳﻠﻢ ﻋَﻞ ﻛﻞ ..... ﻣﺒﺎﻭﻋﺖ ﻋﻠﻲ ﻭﻻ ﺳﻠﻤﺖ .....
ﺯﻳﻦ / ﺍﻫﻼ ﺍﺧﺘﻲ
ﻧﺰﺗﻨﻲ ..... ﺍﻣﻲ ﺑﻴﺪﻫﻪ ﻭﺑﺼﻮﺕ ﻧﺎﺻﻲ ﺍﻟﻮﻟﺪ ﻳﺴﻠﻢ ﻋﻠﻴﺞ
ﻫﻠﻮ
ﻛﻠﺖ ﻫﻠﻮ .... ﻣﺎﺍﺩﺭﻱ ﻋﻴﺐ ﺍﻭ ﻷﺑﻮ ﺷﻜﻮﻝ
ﺻﻌﺪﻭ ﺍﻟﺠﻨﻂ ﻭﺍﻧﻲ ﺑﺎﻟﻲ ﻣﻮ ﻳﻤﻬﻢ
ﻛﻌﺪﺕ ﻳﻢ ﺍﻟﺠﺎﻣﻊ ﺍﺑﺎﻭﻉ ﻋَﻞ ﻧﺎﺱ ﻳﺨﺘﻠﻔﻮﻥ ﻋﻨﻪ .... ﺍﻟﺨﻀﺎﺭ ﻭﻛﻠﺸﻲ ﻳﺨﺘﻠﻒ ﺣﺘﻰ ﺍﻟﻨﺎﺱ ﻳﺨﺘﻠﻔﻮﻥ
ﺍﻣﻲ ﺟﺎﻧﺖ ﻛﺎﻋﺪﻩ ﺑﺼﻔﻲ ﺣﺠﺖ ﺑﺼﻮﺕ ﻧﺎﺻﻲ
ﺷﺒﻴﺞ ..... ﺑﺎﻟﺞ ﻭﻳﻦ
ﺑﻜﻠﺒﻲ .... ﺑﺎﻟﻲ ﻳﻢ ﺭﻭﺣﻲ ﺍﻟﻲ ﺑﻘﺖ ﻫﻨﺎﻙ
ﻭﻳﺎﻛﻢ ﻣﺎﻣﺎ ﺑﺲ ﺗﻌﺒﺎﻧﻪ
ﻭﺻﻠﻨﻪ ﻟﻠﺒﻴﺖ .... ﺑﻴﺘﻬﻢ ﺣﻠﻮ ..... ﺍﻭﻝ ﻣﻨﺪﺧﻞ ﺣﺪﻳﻘﻪ ﺑﻴﻬﻪ ﻛﺮﺍﺳﻲ ﻭﻣﻴﺰ ﺣﻴﻞ ﺣﻠﻮﺍﺕ
ﻭﺳﻴﺎﺝ ﻧﺎﺻﻲ ﻣﻮ ﻋﺎﻟﻲ .... ﺟﺎﻧﻦ ﻧﺴﻮﺍﻥ ﺍﺛﻨﻴﻦ ﻛﺎﻋﺪﺍﺕ ﻭﺣﺪﻩ ﺟﺒﻴﺮﻩ ﻭﻣﺤﺠﺒﻪ ﻭﺍﻟﺜﺎﻧﻴﻪ ﺻﻐﻴﺮﻩ ﺷﺎﺑﻪ ﺑﻜﺪﻱ ﻭﻣﻤﺤﺠﺒﻪ ﻭﻛﻠﺶ ﺣﻠﻮﻩ
ﻛﺎﻣﻮ ﺍﺳﺘﻘﺒﻠﻮﻧﻪ .... ﻃﻠﻌﺖ ﺑﺖ ﺻﺪﻳﻖ ﺑﺎﺑﺎ ﻭﻭﺭﺍﻫﻪ ﻃﻠﻌﻦ ﺍﺛﻨﻴﻦ ﺑﻨﺎﺕ ﻭﺣﺪﻩ ﺍﻛﺒﺮ ﻣﻦ ﺍﻟﺒﻨﻴﻪ ﺍﻟﻜﺎﻋﺪﻩ ﻭﻭﺣﺪﻩ ﺍﺻﻐﺮ .... ﺗﻌﺮﻓﻨﻪ ﻋﻠﻴﻬﻦ
ﺍﻟﺠﺒﻴﺮﻩ .. ﺇﻳﻠﻴﻦ .... ﻭﺣﻨﺎﻥ ﻭﻣﻴﺲ ﻭﺯﻳﻦ ﻭﺍﻛﺮﻡ ﺍﻟﺠﺒﻴﺮ ﺍﻟﺪﻛﺘﻮﺭ ﺍﻟﻲ ﺭﺍﺡ ﻳﺸﺘﻐﻞ ﻭَﻳَﺎ ﻣﺤﻤﺪ ﻣﺸﻔﻨﺎ ﺑﺲ ﺣﺠﻮ ﻋﻠﻲ
ﻋﺎﺋﻠﻪ ﺗﺨﺘﻠﻒ ﺟﺬﺭﻳﺎً ﻋﻦ ﻋﺎﺋﻠﺘﻨﻪ ..... ﻣﺒﻴﻦ ﻣﻨﻔﺘﺤﻴﻦ ﻭﺭﻩ ﻧﺺ ﺳﺎﻋﻪ ﺍﺟﻪ ﺻﺪﻳﻖ ﺑﺎﺑﺎ .... ﺍﺗﻔﻘﻮ ﺭﺍﺡ ﺗﺒﻘﻪ ﻳﻤﻬﻢ ﻛﻢ ﻳﻮﻡ ﺍﻟﺤﺪ ﻣﻴﻠﻜﻮﻥ ﺑﻴﺖ ﺍﻟﻨﻪ
..................................
ﺷﻬﺪ / ﻣﺮ ﺍﺳﺒﻮﻉ ﻛﺎﻣﻞ ﻋﻠﻰ ﺳﻔﺮ ﺍﻫﻠﻲ .... ﻧﻔﺴﻴﺘﻲ ﺗﻌﺒﺎﻧﻪ ﻭﻓﺎﺭﺱ ﻣﺮﺍﻋﻲ ﻫﺬﺍ ﺍﻟﺸﻲ ﻭﻗﻠﻴﻞ ﻳﻄﻠﻊ ..... ﻭﻳﻄﻠﻌﻨﻲ ﺑﻠﻴﻞ .... ﻳﺎﺧﺬ ﺳﻴﺎﺭﻩ ﻗﻴﺼﺮ ..... ﻭﻧﻀﻞ ﻧﻔﺘﺮ ﻭﻣﺮﺍﺕ ﻣﺮﻳﻢ ﻭﻳﺎﻧﻪ ﻫﻴﺞ ﺧﻠﺼﻨﻪ ﺍﻻﺳﺒﻮﻉ ﻭﺟﻨﺖ ﻓﺮﺣﺎﻧﻪ ﺣﻴﻞ .... ﺑﻘﺮﺏ ﻓﺎﺭﺱ ﻣﻨﻲ ﻭﺑﺎﺑﺎ ﻭﻣﺎﻣﺎ ﻳﺘﺼﻠﻮﻥ ﻋﻠﻴﻪ ﻛﺎﻣﺮﺍ ﻳﻮﻣﻴﻪ
ﺟﻨﻪ ﺍﻧﻲ ﻭﻣﺮﻳﻢ ﻧﻨﺘﻈﺮﻩ ﺑﺎﻟﺴﻴﺎﺭﻩ ﻳﺠﻴﺒﻠﻨﻪ ﻣﻮﻃﻪ ﻭﻣﻮﺑﺎﻳﻠﻪ ﻋﺎﻓﻪ ﺑﺎﻟﺴﻴﺎﺭﻩ ﺩﻙ ... ﻣﻮﺑﺎﻳﻠﻪ .... ﺷﻠﺘﻪ .... ﻣﻜﺘﻮﺏ ﺍﺣﻤﺪ ﺷﺎﻛﺮ
ﺑﻘﻴﺖ ﻻﺯﻣﺘﻪ ...... ﺍﻟﺤﺪ ﻣﺎ ﺍﻧﺘﻬﺖ ﺍﻟﻤﻜﺎﻟﻤﺔ ﺑﺎﻭﻋﺖ ﻋﻠﻲ ﺟﺎﺏ ﺍﻟﻤﻮﻃﻪ ﺍﺟﺘﻲ ﺭﺳﺎﻟﻪ ﻣﻦ ﺍﺣﻤﺪ ﺷﺎﻛﺮ ﺑﺲ ﻣﺒﻴﻦ ﻣﻀﻤﻮﻥ ﺍﻟﺮﺳﺎﻟﻪ .... ﺍﻧﻲ ﺍﻋﺮﻑ ﺍﻟﺮﻣﺰ ﺑﺴﺮﻋﻪ ﻓﺘﺤﺖ ﺍﻟﺮﻣﺰ ﻭﺍﻧﻲ ﻗﻠﻘﻪ ﺧﺎﻑ ﻳﻮﺻﻞ ﻣﺎﺍﻋﺮﻑ ﻓﻀﻮﻟﻲ ﺧﻼﻧﻲ ﺍﻓﺘﺢ ﺍﻟﺮﺳﺎﻟﻪ
ﺍﺣﻤﺪﺷﺎﻛﺮ / ﺷﻨﻮ ﻗﺼﺘﻚ ﻓﺎﺭﺱ ﺗﺮﻩ ﻭﺻﻠﺖ ﺣﺪﻫﻪ ﻣﻠﻴﺖ ﺻﺎﺭ ﺍﺳﺒﻮﻉ ﻣﺎﻛﻮ ﺍﻧﻲ ﺯﻭﺟﺘﻚ ﻣﺜﻞ ﻣﺎﻫﻲ ﺯﻭﺟﺘﻚ
......... ﻳﺘﺒﻊ
|