#صرخات_غير_مسموعه
بقلم أم غايب
#بارت٢١
🌺🌺 ﺻﺮﺧﺎﺕ ﻏﻴﺮ ﻣﺴﻤﻮﻋﻪ 🌺🌺
🌺🌺 ﺑﻘﻠﻤﻲ ﺍﻡ ﻏﺎﻳﺐ 🌺🌺
ﺑﻘﻴﺖ ﻻﺯﻣﺘﻪ ...... ﺍﻟﺤﺪ ﻣﺎ ﺍﻧﺘﻬﺖ ﺍﻟﻤﻜﺎﻟﻤﺔ ﺑﺎﻭﻋﺖ ﻋﻠﻲ ﺟﺎﺏ ﺍﻟﻤﻮﻃﻪ ﺍﺟﺘﻲ ﺭﺳﺎﻟﻪ ﻣﻦ ﺍﺣﻤﺪ ﺷﺎﻛﺮ ﺑﺲ ﻣﻤﺒﻴﻦ ﻣﻀﻤﻮﻥ ﺍﻟﺮﺳﺎﻟﻪ .... ﺍﻧﻲ ﺍﻋﺮﻑ ﺍﻟﺮﻣﺰ ﺑﺴﺮﻋﻪ ﻓﺘﺤﺖ ﺍﻟﺮﻣﺰ ﻭﺍﻧﻲ ﻗﻠﻘﻪ ﺧﺎﻑ ﻳﻮﺻﻞ ﻣﺎﺍﻋﺮﻑ ﻓﻀﻮﻟﻲ ﺧﻼﻧﻲ ﺍﻓﺘﺢ ﺍﻟﺮﺳﺎﻟﻪ
ﺍﺣﻤﺪﺷﺎﻛﺮ / ﺷﻨﻮ ﻗﺼﺘﻚ ﻓﺎﺭﺱ ﺗﺮﻩ ﻭﺻﻠﺖ ﺣﺪﻫﻪ ﻣﻠﻴﺖ ﺻﺎﺭ ﺍﺳﺒﻮﻉ ﻣﺎﻛﻮ ﺍﻧﻲ ﺯﻭﺟﺘﻚ ﻣﺜﻞ ﻣﺎﻫﻲ ﺯﻭﺟﺘﻚ
ﺷﻬﺪ / ﻣﻤﺴﺘﻮﻋﺒﻪ ﺍﻟﻲ ﺷﻔﺘﻪ ..... ﻳﻌﻨﻲ ﺯﻭﺍﺝ ﻣﺮﻩ ﻭﺣﺪﻩ ..... ﻳﻌﻨﻲ ﻣﻮ ﻣﺠﺮﺩ ﺧﻴﺎﻧﻪ ..... ﺍﺣﺲ ﻛﻠﺸﻲ ﺑﻴﻪ ﻛﺎﻡ ﻳﺮﺟﻒ ﻏﻠﻘﺘﻪ ﺑﺴﺮﻋﻪ ﻭﺫﺑﻴﺘﻪ ﺑﺎﻟﺠﻨﻄﻪ
ﺑﺲ ﺷﻨﻮ ﺭﻭﺣﻲ ﺭﺍﺩﺕ ﺗﻄﻠﻊ ...... ﻭﻋﻴﻮﻧﻲ ﻛﻮﻩ ﻻﺯﻣﻪ ﺍﻟﺪﻣﻮﻉ ﻋﻨﻬﻪ
ﺍﻧﻄﺎﻧﻲ ﺍﻟﻤﻮﻃﻪ ﻓﺎﺭﺱ .... ﻭﻫﻮ ﻣﺒﺘﺴﻢ ....... ﻭﻳﻀﺤﻚ ﻭﻳﺘﺸﺎﻗﻰ ﻭﺍﻧﻲ ﺭﻭﺣﻲ ﻣﺴﺤﻮﻧﻪ
ﻣﺮﻳﻢ / ﻋﺎﺷﺖ ﺍﻳﺪﻙ ﻓﺮﻭﺳﻲ ﺣﺒﻴﺒﻲ
ﻓﺎﺭﺱ / ﻭﺍﻳﺪﺝ ﺣﺒﻴﺒﺘﻲ ﻣﺮﻳﻢ ..... ﺷﻬﻮﺩﺗﻲ ﺷﻮ ﻣﺘﺎﻛﻠﻴﻦ
ﻣﺎﺍﺭﻳﺪ ..... ﻋﻨﺪﻱ ﻟﻌﺒﺎﻥ ﻧﻔﺲ
ﺑﻘﻪ ﻳﺒﺎﻭﻋﻠﻲ ﺑﺤﻴﺮﻩ ... ﻭﻗﻠﻖ ...... ﻭﺍﻧﻲ ﺃﺗﺮﻗﺐ ﺍﻟﻄﺮﻳﻖ ﺍﺭﻳﺪﻩ ﻳﺨﻠﺺ ..... ﺍﺑﺎﻭﻉ ﻣﻦ ﺍﻟﺠﺎﻣﻪ .... ﻣﺨﺘﻨﻜﻪ ﺣﻴﻞ ..... ﻭﺃﺣﺲ ﺭﻭﺣﻲ ﺑﺪﺕ ﺗﺮﻭﺡ ﻣﻤﺴﺘﻮﻋﺒﻪ ﺍﻟﻲ ﻗﺮﻳﺘﻪ ﺍﺑﺪﺍً
ﻓﺎﺭﺱ / ﺷﻬﺪ ﻣﺎﻋﺖ ﺍﻟﻤﻮﻃﻪ ... ﻟﻮ ﻣﺎﺍﻧﺘﻲ ﺭﺩﺗﻲ ﻣﻮﻃﻪ
ﻣﺮﻳﻢ / ﺟﻴﺒﻴﻬﻪ ﺟﻴﺒﻴﻬﻪ ﺍﻧﻲ ﺍﻛﻠﻬﻪ
ﺩﺭﺕ ﻋﻠﻰ ﻣﺮﻳﻢ ﺍﻧﻄﻴﺘﻬﻪ ﺍﻟﻤﻮﻃﻪ ......
ﻣﺮﻳﻢ / ﺷﺒﻴﺞ ﺷﻬﺪ
ﻣﺎﺑﻴﻪ ﺷﻲ ﺷﺒﻴﻜﻢ ..... ﺑﻄﻨﻲ ﺗﻮﺟﻌﻨﻲ ﺟﻴﻞ
ﻣﺎﻋﻮﻟﺖ ﺃﻭﺻﻞ ﻟﻠﺒﻴﺖ ..... ﺩﺧﻠﺖ ﻣﺜﻞ ﺍﻟﻌﺎﺻﻔﻪ ﺑﺴﺮﻋﻪ ﻭﺭﺣﺖ ﻛﺒﻞ ﻟﻠﺤﻤﺎﻡ ﻭﻗﻔﻠﺖ ﺍﻟﺒﺎﺏ ﻋﻠﻴﻪ
ﻭﺍﻳﺪﻱ ﺗﺮﺟﻒ ........ ﺭﺟﻌﺖ ﻓﺘﺤﺖ ﺍﻟﺮﺳﺎﻟﻪ ﺗﻤﻌﻨﺖ ﺑﻴﻬﻪ ﻭﺍﻧﻲ ﺍﺑﺠﻲ ....... ﺍﺧﺬﺗﻠﻬﻪ ﺻﻮﺭﻩ ﺑﺠﻬﺎﺯﻱ ....... ﻭﺩﺯﻳﺘﻬﻪ ﺍﻟـ ... ﺑﺎﺑﺎ ﺭﺃﺳﺎً ﻻﻥ ﺍﻋﺮﻑ ﻓﺎﺭﺱ ﺭﺍﺡ ﻳﻨﻜﺮ ﻛﻠﺒﺖ ﺑﺎﻟﻤﻮﺑﺎﻳﻞ ﺍﻛﻮ ﻣﻜﺎﻟﻤﺎﺕ ﻭﻳﻪ ﺍﺣﻤﺪ ﺷﺎﻛﺮ ﺑﺲ ﻣﻴﺘﺠﺎﻭﺯﻥ ﺍﻝ٥ﺩﻗﺎﻳﻖ ﺃﻛﺜﺮﻫﻦ ﺛﻮﺍﻧﻲ
ﻣﺎﺍﺣﺲ ﺍﻟﻪ ﺍﻧﺪﻙ ﺍﻟﺒﺎﺏ ......
ﻓﺎﺭﺱ / ﺷﻬﺪ ﺷﺨﺒﺎﺭﺝ
ﻣﺠﺎﻭﺑﺖ
ﻣﻮﺑﺎﻳﻠﻲ ﻳﻤﺞ ﻣﻮ
ﻭﺍﻧﻲ ﺩﻣﻮﻋﻲ ﻳﺼﺒﻦ ...... ﺯﺍﺋﺪ ﻋﺮﻛﺖ ﻣﻦ ﺍﻟﺤﻤﺎﻡ ...... ﻓﺘﺤﺖ ﺍﻟﺒﺎﺏ ﺑﻨﺘﺮﻩ ﻫﻮ ﻣﺜﻞ ﺍﻻﻧﺼﺪﻡ ﻣﻦ ﺷﺎﻓﻨﻲ ﺍﺑﺠﻲ
ﺷﺒﻴﺞ ﺷﻬﺪ
ﻫﺎﻙ ..... ﻫﺬﺍ ﻣﻮﺑﺎﻳﻠﻚ .... ﺍﻟﻠﻪ ﻛﺸﻔﻚ ﻳﺎ ﺧﺎﻳﻦ
ﺷﺪﺗﺤﺠﻴﻦ ﺍﻧﺘﻲ
ﺧﻠﻴﺖ ﺍﻟﻤﻮﺑﺎﻳﻞ ﺑﻴﺪﻩ ﻭﺭﺣﺖ ﻟﻠﻐﺮﻓﻪ .... ﻭﺍﻧﻲ ﺍﺑﺠﻲ .... ﺭﺣﺖ ﻟﻠﻜﻨﺘﻮﺭ ﻛﺒﻞ
ﻭﻫﻮ ﻟﺤﻜﻨﻲ
ﻋﻴﺮ ﺍﻓﺘﻬﻢ ﺷﺒﻴﺞ
ﻟﺘﺴﻮﻱ ﺭﻭﺣﻚ ﻣﻔﻬﻤﺖ .... ﻻﻥ ﻋﺮﻓﺖ ﺍﻧﺖ ﻣﺘﺰﻭﺝ .... ﻭﺍﻟﻠﻪ ﺟﻨﺖ ﺣﺎﺳﻪ .... ﺑﺲ ﺍﻛﺜﺮ ﺷﻲ ﻣﺨﺒﻠﻨﻲ .... ﻧﻜﺮﺍﻧﻚ ﻭﻣﻦ ﺍﺷﻚ ﺑﻴﻚ ﺍﻧﺖ ﺗﺼﻴﺮ ﺻﺎﺣﺐ ﺍﻟﺤﻖ ﻭﺍﻧﻲ ﺍﻟﻀﺎﻟﻤﺘﻚ ﻭﺍﻟﺢ ﻭﻳﺎﻙ
بيج قصص عراقيه حقيقيه من واقعنا.روعه الطائي
ﻛﺒﻞ ﺩﻙ ﺑﺎﺑﺎ ..... ﺭﺩﺕ ﺍﺟﺎﻭﺏ ﺟﺮ ﺍﻟﻤﻮﺑﺎﻳﻞ .... ﻋﻄﺖ .... ﺍﻧﻄﻴﻨﻲ ﺧﻞ ﺍﺟﺎﻭﺏ ﺑﺎﺑﺎ
ﺍﻭﻛﻔﻲ ﺧﻞ ﺍﻓﻬﻤﺞ ﺍﻟﺴﺎﻟﻔﻪ
ﻛﻠﺸﻲ ﻣﺎﺍﺭﻳﺪ ﺍﻓﻬﻢ ﻣﻨﻚ ...... ﺍﻧﻄﻴﻨﻲ ﺍﻟﻤﻮﺑﺎﻳﻞ ... ﻳﻠﻠﻪ ﺍﻧﻄﻴﻨﻴﺎ .... ﺍﺭﻳﺪ ﺍﺧﺬﻩ ﻳﺒﻌﺪﻧﻲ ﺑﻴﺪﻩ
ﻫﺎﻱ ﺩﺍﺯﻩ ﺍﻟﻌﻤﻲ ﺍﻟﺮﺳﺎﻟﻪ
ﺍﻱ .... ﺣﺘﻰ ﻳﻌﺮﻓﻚ ﺷﻨﻮﻭ ﺍﻧﺖ
ﻟﺞ ﺑﺎﺑﺎ ﺧﻞ ﺍﻓﻬﻤﺞ ﺍﻟﺴﺎﻟﻔﻪ
ﺷﻔﻬﻢ .... ﺷﻔﻬﻢ ﻓﻬﻤﻨﻲ ..... ﻛﻠﻲ ﺍﻧﺖ ﻣﺘﺰﻭﺝ ﻟﻮ ﻻ
ﺍﻱ
ﻫﻮ ﺍﻧﻲ ﺍﻋﺮﻑ ﻣﺘﺰﻭﺝ ﺑﺲ ﻣﻦ ﺣﺠﺎﻫﻪ ﻭﺃﻛﺪ ﻛﻠﺒﻲ ﺭﺍﺩ ﻳﻮﻛﻒ ﻛﺎﻧﻤﺎ ﺗﻮﻧﻲ ﺩﺭﻳﺖ
ﻳﻌﻨﻲ ﻣﺘﺰﻭﻭﻭﻭﺝ ﻭﺍﺑﺠﻲ ..... ﺭﺍﺩ ﻳﻠﺰﻣﻨﻲ .... ﺍﻧﺰﻋﺼﺖ
ﻭﺧﺮﺭﺭﺭ . ﺍﻟﻠﻪ ﻳﺎﺧﺬﻙ ﺍﻥ ﺷﺎﺀ ﺍﻟﻠﻪ ..... ﻫﺴﻪ ﺗﻮﺩﻳﻨﻲ ﺍﻟﺒﻴﺖ ﺍﻫﻠﻲ
ﺷﻬﺪ .... ﺣﺒﻴﺒﺘﻲ .... ﻭﺍﻟﻠﻪ ﺍﻟﻤﻮﺿﻮﻉ ﻣﻮ ﺑﺎﻟﺼﻮﺭﻩ ﺍﻟﻲ ﺍﺧﺬﺗﻴﻬﻪ ﺍﻧﺘﻲ ﺑﺲ ﺧﻞ ﺍﺣﺠﻴﻠﺞ
ﻣﺎﺍﺭﻳﺪ .... ﻣﺎﺍﺭﻳﺪ ..... ﻭﺍﻋﺰ ﺑﺮﺍﺳﻲ ..... ﻛﻠﺸﻲ ﻣﺎﺍﺭﻳﺪ ﺍﺳﻤﻊ ﻣﻨﻚ ..... ﻭﺍﻟﻠﻪ ﺃﻛﺮﻫﻚ ..... ﻭﺍﻟﻠﻪ
ﻣﺎﺍﺩﺭﻱ ﺷﺨﻠﻴﺖ ﺑﺠﻨﻄﻪ ﻋﻨﺪﻱ ﺻﻐﻴﺮﻩ ..... ﻭﺩﻳﻨﻲ
ﻣﺎﺍﺍﻭﺩﻳﺞً ..... ﺑﺎﺑﺎ ﻟﺘﻔﺮﺟﻴﻦ ﺍﻟﻨﺎﺱ ﻋﻠﻴﻨﻪ .... ﺧﻠﻴﻨﻲ ﺍﺣﺠﻴﻠﺞ ﻭﻭﺭﺍﻫﻪ ﺍﺫﺍ ﻣﻘﺘﻨﻌﺘﻲ ﺭﻭﺣﻲ
ﻣﺎﺍﻗﺘﻨﻊ ﺑﺄﻱ ﺷﻲ ﺗﺤﺠﻲ ........ ﺷﻬﺪ ﻣﺴﺘﺤﻴﻞ ﺍﺻﺪﻙ ﺍﻱ ﻛﻠﻤﻪ ﻳﺤﺠﻴﻬﻪ ﻓﺎﺭﺱ .... ﺷﻠﺖ ﺟﻨﻄﺘﻲ .... ﺟﺮﻧﻲ
ﻣﺘﻄﻠﻌﻴﻦ
ﺑﺼﻮﺕ ﻋﺎﻟﻲ ﺣﻴﻞ ...... ﺍﻃﻠﻊ .... ﻭﺍﻟﻠﻪ ﺍﻃﻠﻊ ﻭﺧﺮﺭﺭﺭﺭ
ﺻﻮﻭﻭﺗﺞ ... ﻭﻟﺞ
ﺧﻞ ﻳﺴﻤﻌﻮﻥ ﻳﻠﻠﻪ .... ﺧﻞ ﻳﻌﺮﻓﻮﻥ ﺍﺑﻨﻬﻢ ﻋﻠﻰ ﺣﻘﻴﻘﺘﻪ ﺍﺑﺘﻠﻲ ﺍﺣﺠﻲ ﺣﺠﺎﻳﻪ ﻛﻠﻬﻪ ﺗﻜﻮﻝ ﻓﺎﺭﺱ ﻣﺴﺘﺤﻴﻞ .... ﻭﺍﻧﺘﻲ ﺗﺸﻜﻴﻦ
ﻟﺞ ﺑﺎﺑﺎ ﺻﻮﺗﺞ ﻻ ﺃﻛﺺ ﺍﻟﻠﺴﺎﻧﺞ
ﻛﺼﻪ .... ﻳﻠﻠﻪ ﺷﻤﻨﺘﻈﺮ ﻭﺍﻟﻠﻪ ﻟﻮ ﺗﺴﻤﻌﻴﻦ ﺟﺬﺏ ﻓﺎﺭﺱ ﻏﺼﺒﺎً ﻣﺎ ﻋﻠﻴﺞ ﻟﻮ ﻳﻨﻜﺺ ﺍﻟﻠﺴﺎﻧﺞ
ﻣﺎﺍﺣﺲ ﺍﻟﻪ ﺿﺮﺑﻨﻲ ﺭﺍﺷﺪﻱ
ﺍﺳﻜﺘﻲ ..... ﺍﻟﺼﻤﻲ .....
ﻋﻄﺖ ..... ﻣﺎﺍﺳﻜﺖ ﻭﺍﻟﻠﻪ
ﻣﺎﺍﺣﺲ ﺍﻟﻪ ﻋﻤﻪ ﺩﺧﻠﺖ ﻣﺨﺮﻭﻋﻪ ﻭﻗﻴﺼﺮ ﻭﻣﺮﻳﻢ ﻭﺃﺯﻝ ﻭﺍﻛﻔﺎﺕ ﺑﺎﻟﺒﺎﺏ
ﺍﻡ ﻗﻴﺼﺮ / ﺷﺒﻴﻜﻢ ﻫﺒﻄﺘﻮﻧﻲ .... ﺷﺒﻴﺞ ﻳﻤﻪ ﺷﻬﻮﺩﻩ
ﻗﺒﻞ ﻟﻴﺤﺠﻲ ﻓﺎﺭﺱ
ﻓﺎﺭﺱ ﻣﺘﺰﻭﺝ ﻋﻠﻴﻪ
ﺩﻛﺖ ﻋﻠﻰ ﺻﺪﺭﻫﻪ ﻛﺒﻞ .... ﻳﻤﻪ ﺷﺒﻴﺞ ﺗﺨﺒﻠﺘﻲ ﺷﻠﻮﻥ ﻣﺘﺰﻭﺝ ﻋﻠﻴﺞ
ﺑﺎﻭﻋﺖ ﻗﻴﺼﺮ ﻣﺒﻴﻦ ﻳﻌﺮﻑ ﻻﻥ ﻣﻦ ﻛﻠﺖ ﻣﺴﺘﻐﺮﺏ ﺑﻘﻪ ﺳﺎﻛﺖ ﻳﻌﻨﻲ ﻳﺪﺭﻱ
ﺍﻡ ﻗﻴﺼﺮ / ﻭﻟَﻚ ﻳﻤﻪ ﺻﺪﻙ ﻟﻠﻲ ﺗﺤﺠﻲ ﺷﻬﺪ
ﺷﻬﺪ ﻣﺘﻨﻄﻲ ﻟﻠﻮﺍﺣﺪ ﻓﺮﺻﻪ ﻳﺤﺠﻲ ﺻﺎﺭ ﺳﺎﻋﻪ ﺍﺭﻳﺪ ﺍﻓﻬﻤﻬﻪ ﻣﺎﻛﻮ
ﺍﻧﻲ ﺍﺣﺠﻲ ﻭﺑﺎﺑﺎ ﻛﻞ ﺷﻮﻳﻪ ﻳﺘﺼﻞ
بيج قصص عراقيه حقيقيه من واقعنا.روعه الطائي
ﻣﻦ ﺍﺣﺠﻲ ﻭﺍﻛﻮﻝ ﻋﻨﺪﻩ ﺷﻲ ﻳﺰﻋﻞ ﻫﻮ ﻣﻨﻲ ﻓﻮﻛﺎﻫﻪ ﻭﻳﻄﻠﻌﻨﻲ ﻣﺨﺒﻠﻪ ﻣﺎﺍﺣﺲ ﺍﻟﻪ ﻓﺎﺭﺱ ﻣﻮﺑﺎﻳﻠﻲ ﺭﻛﻌﻪ ﺑﺎﻟﺤﺎﻳﻂ ﻓﻠﺸﻪ ﺍﻧﻲ ﺍﺣﺠﻲ ﻭﺍﻟﻤﻮﺑﺎﻳﻞ ﻳﺪﻙ ﺗﻮﺗﺮ ﺣﻴﻞ
ﺍﻡ ﻗﻴﺼﺮ / ﻓﺎﺭﺱ ﺍﻧﺖ ﻣﺘﺰﻭﺝ ﻟﻮ ﻻ
ﻓﺎﺭﺱ / ﺍﻱ ..... ﻣﺘﺰﻭﺝ ﺑﺲ ﻏﻴﺮ ﺍﻟﻐﻀﺐ ﺗﺴﻤﻌﻨﻲ ﺷﻮﻳﻪ ﻟﻮﻙ ... ﻟﻮﻙ .... ﻟﻮﻙ ﻣﺘﻨﻄﻲ ﻣﺠﺎﻝ ﻟﻠﻮﺍﺣﺪ ﻳﺤﺠﻲ
ﺍﻡ ﻗﻴﺼﺮ / ﻟﻸﺳﻒ ﻋﻠﻴﻚ ﻓﺎﺭﺱ .... ﻟﻸﺳﻒ ﻣﻤﺘﻮﻗﻌﺘﻬﻪ ﻣﻨﻚ ﻫﺎﻱ ﺍﻟﺴﺎﻟﻔﻪ ﺍﺑﺪﺍً
ﻳﻤﻪ ﺍﻧﺘﻲ ﻫﻢ
ﻃﺒﻌﺎً ﺍﻧﻲ ﻫﻢ .... ﺷﻠﻮﻥ ﺗﺘﺰﻭﺝ ﻭﻫﺎﻱ ﻣﺮﺗﻚ ﺷﻨﻮﻭﻭ ﺷﻮ ﺣﺘﻰ ﺑﻌﺪﻛﻢ ﺗﻮﻛﻢ ﻣﺘﺰﻭﺟﻴﻦ
ﺍﻧﻮﺏ ﻋﻤﻪ ﻣﺜﻞ ﺍﻟﺸﺠﺘﻨﻲ ﺯﺩﺕ ﺑﺒﺠﻴﻲ
ﻫﺴﻪ ﺗﻮﺩﻳﻨﻲ ﺍﻻﻫﻠﻲ
ﻗﻴﺼﺮ / ﻣﻴﺼﻴﺮ ﻫﻴﺞ ﺷﻬﺪ ﺍﻧﺘﻲ ﺟﺒﻴﺮﻩ ﻛﻌﺪﻱ ﻭﻳﻪ ﺯﻭﺟﺞ ﻭﺍﺫﺍ ﻣﺤﻠﻴﺘﻮﻫﻪ ﺭﻭﺣﻲ ﻭﺑﻌﺪﻳﻦ ﺍﻫﻠﺞ ﻣﺼﺎﺭﻟﻬﻢ ﺍﺳﺒﻮﻉ ﻣﻦ ﺳﺎﻓﺮﻭ
ﺣﺘﻰ ﺍﺫﺍ ﺗﻮﻫﻢ ﺳﺎﻓﺮﻭ ﻫﺴﻪ ﺑﺎﺑﺎ ﻳﺮﺟﻊ ﻳﺄﺧﺬﻧﻲ ﻭﺍﻟﻠﻪ ﺑﻌﺪ ﻣﺎﺍﺑﻘﻪ ﻟﺤﻈﻪ ﻭَﻳَﺎ
ﻓﺎﺭﺱ / ﺷﻬﺪ ﻛﻔﻲ ﺍﻟﺸﺮ .... ﻭﺧﻞ ﻧﻜﻌﺪ
ﻣﺎﺍﺭﻳﺪ ﺍﻛﻌﺪ ﻭﺩﻭﻧﻲ ﺍﻟﺒﻴﺖ ﺟﺪﻭ ﻫﺴﻪ
ﻓﺎﺭﺱ ..... ﺑﻌﺼﺒﻴﻪ .... ﺍﻧﺘﻲ ﺗﺨﺒﻠﺘﻲ ﻟﻮ ﺗﻤﻮﺗﻴﻦ
ﻭﺍﻟﻠﻪ ﺍﺭﻭﺡ .... ﻭﺍﻟﻘﺮﺍﻥ ..... ﺍﺧﺬﺕ ﺟﻨﻄﺘﻲ ﻭﻧﺰﻟﺖ ﻭﻓﺎﺭﺱ ﻛﺐ ﺑﺎﻟﺼﻴﺎﺡ ﺳﻤﻌﺖ ﻗﻴﺼﺮ ﻛﻠﻪ
ﺧﻞ ﺗﺮﻭﺡ ﺗﺮﺗﺎﺡ ﺷﻮﻳﻪ ﻭﺑﻌﺪﻳﻦ ﻓﻬﻤﻬﻪ ﺍﻧﺖ
ﻣﺘﺮﻭﺡ ..... ﻫﺎﻱ ﺧﺒﻠﻪ ﺷﻴﻔﻬﻤﻬﻪ
ﺍﻡ ﻗﻴﺼﺮ / ﺍﻧﻮﻭﻭﺏ ﺍﻧﺖ ﺗﺤﺠﻲ ..... ﺍﻟﻠﻪ ﻻ ﻳﻨﻄﻴﻚ ﻓﺎﺭﺱ ﻋﻠﻰ ﻫﺎﻱ ﺍﻟﻌﻤﻠﻪ
ﻳﻤﻪ ﺣﺘﻰ ﺍﻧﺘﻲ ﻫﻮﻭﻭ ﺷﻔﻬﻤﺘﻲ
ﺷﻔﻬﻤﺖ ..... ﻣﺎﻛﻮ ﺍﻱ ﻣﺒﺮﺭ ﻳﺨﻠﻴﻚ ﺗﺘﺰﻭﺝ
ﻳﻤﻪ
ﻭﺻﻤﻪ ..... ﺍﺳﻜﺖ ﻓﺎﺭﺱ .... ﺍﺳﻜﺖ .... ﻭﺷﻬﺪ ﺣﻘﻬﻪ ﺍﻱ ﻣﺮﻩ ﺑﻤﻜﺎﻧﻬﻪ ﻣﺘﺘﺤﻤﻞ ﻫﺬﺍ ﺍﻟﺨﺒﺮ ﻭﺑﻌﺪﻳﻦ ﻣﺮﺗﻚ ﺷﻨﺎﻗﺼﻬﻪ
ﻳﻤﻪ ﻣﻨﺎﻗﺼﻬﻪ ﺷﻲ ﻭﺍﺣﺒﻬﻪ ﻭﺃﻣﻮﺕ ﻋﻠﻴﻬﻪ
ﺷﻬﺪ / ﺩﺧﻠﺖ ﻟﻠﻐﺮﻓﻪ ﻭﺍﻧﻲ ﻋﻴﻮﻧﻲ ﻭﺧﺸﻤﻲ ﻳﺼﺒﻦ ..... ﻭﺍﻟﻠﻪ ﺟﺬﺍﺏ ﻻ ﻳﺤﺒﻨﻲ ﻭﻻ ﺷﻲ ..... ﻛﻮﻝ ﺍﻧﺠﺒﺮﺕ ﻋﻠﻴﻬﻪ ﻭﻣﺤﺘﻤﻼ ﻭﺍﻧﻲ ﺍﺣﺐ ﻭﺣﺪﻩ ﻭﻣﻜﺪﺭﺕ ﻣﺎﺍﺗﺰﻭﺟﻬﻪ ..... ﻫﺴﻪ ﻋﺮﻓﺖ ﻣﻨﻮ ﺍﻡ ﺍﻟﺘﺸﻴﺮﺕ ﻭﺍﻟﻲ ﺳﻮﻳﺖ ﻭﻳﺎﻫﻪ ﺣﺎﺩﺙ ﻫﻴﻪ ﻫﺎﻱ
ﻗﺒﻞ ﻟﻴﺤﺠﻲ ﻓﺎﺭﺱ
ﻗﻴﺼﺮ / ﺷﻬﻮﺩﻩ ﻳﻠﻠﻪ ﻣﻮ ﺗﺮﻳﺪﻳﻦ ﺗﺮﻭﺣﻴﻦ .... ﺍﻣﺸﻲ ﺧﻞ ﺍﻭﺻﻠﺞ ﺍﺭﺗﺎﺣﻲ ﻛﻢ ﻳﻮﻡ ﻭﺍﺣﺠﻮ ﺑﻌﺪﻳﻦ ﺑﺮﺍﺣﺘﻜﻢ
بيج قصص عراقيه حقيقيه من واقعنا.روعه الطائي
ﻓﺎﺭﺱ / ﻣﺘﺮﻭﺡ ﻭﺍﻟﻠﻪ
ﻭﺍﻟﻠﻪ ﺍﺭﻭﺡ
ﻣﻮ ﺑﻜﻴﻔﺞ
ﺑﻜﻴﻔﻲ
ﺍﺟﻪ ﻋﻠﻴﻪ ﻗﻴﺼﺮ ﺻﺎﺭ ﻛﺒﺎﻟﻪ ... ﻓﺎﺭﺱ
ﻓﺎﺭﺱ / ﻳﻤﻌﻮﺩ ﻣﺎﺍﺭﻳﺪ ﺍﺳﻮﻱ ﺷﻲ ﺍﺭﻳﺪ ﺍﺣﺠﻲ ﻭﻳﺎﻫﻪ ﺑﺲ
ﻣﺎﺍﺭﻳﺪ
ﻓﺎﺭﺱ / ﻭﺧﺮ ﻗﻴﺼﺮ ﻣﻦ ﻛﺪﺍﻣﻲ
ﻗﻴﺼﺮ / ﻓﺎﺭﺱ ﻟﺘﺘﺨﺒﻞ
ﻓﺎﺭﺱ / ﻭﺍﻟﻠﻪ ﻣﺎﺍﺭﻳﺪ ﺍﺳﻮﻱ ﺷﻲ ﺑﺲ ﺍﺭﻳﺪ ﺍﺣﺠﻲ ﻭﻳﺎﻫﻪ .... ﺧﻞ ﺍﺣﺠﻲ ﻭﻳﺎﺝ ﻭﻭﺭﺍﻫﻪ ﺍﺫﺍ ﻣﺘﺮﻳﺪﻳﻦ ﺗﺒﻘﻴﻦ ﺑﻴﺪﻱ ﺍﻭﺩﻳﺞ
ﺍﻡ ﻗﻴﺼﺮ / ﺍﺳﻤﻌﻲ ﻳﻤﻪ ﻣﻨﻪ
ﻣﺎﺍﺭﻳﺪ ﺍﺳﻤﻊ ﺣﺠﻴﺘﻬﻪ ﺑﺤﺰﻥ ﺣﻴﻞ ﻭﺑﺎﻭﻋﺖ ﻋﻠﻲ
ﻛﻠﻬﻢ ﻃﻠﻌﻮ ﻣﻦ ﺍﻟﻐﺮﻓﻪ ﺑﻘﻴﻨﻪ ﺍﻧﻲ ﻭَﻳَﺎ
ﺷﻬﺪ ﺣﺒﻴﺒﺘﻲ
ﺍﻧﺮﻋﺼﺖ ﻣﻦ ﻛﺎﻝ ﺣﺒﻴﺒﺘﻲ ...... ﻟﺘﻜﻮﻝ ﺣﺒﻴﺒﺘﻲ
ﻣﺎﺷﻲ .... ﺷﻬﺪ ..... ﺗﻌﺎﻟﻲ ﻛﻌﺪﻱ ﺭﺍﺡ ﺍﺣﺠﻴﻠﺞ ﻛﻠﺸﻲ ﺻﺎﺭ ﻭﻳﺎﻳﻪ ﻭﺍﻟﻠﻪ ﻣﺜﻞ ﻣﺎﺍﻫﻮﻩ
....................................
ﺷﻴﺮﻳﻦ / ﺑﻘﻴﻨﻪ ﺧﻤﺲ ﺃﻳﺎﻡ ﺑﺒﻴﺖ ﺻﺪﻳﻖ ﺑﺎﺑﺎ ﺍﺑﻮ ﺍﻛﺮﻡ ....... ﺑﺲ ﺍﻧﻲ ﺑﻘﻴﺖ ﻣﺤﺒﻮﺳﻪ ﺑﻐﺮﻓﺔ ﺍﻟﺒﻨﺎﺕ ﻋﻠﻤﻮﺩ ﺍﻟﻌﺪﻩ ﺑﺎﺑﺎ ﺳﺄﻝ ﻗﺒﻞ ﻟﻨﺴﺎﻓﺮ ﻭﻛﺎﻟﻮﻟﻪ ﻣﻮ ﺷﺮﻁ ﺗﺘﺒﻮﺵ ..... ﺍﻫﻢ ﺷﻲ ﺗﺒﻌﺪ ﻋﻦ ﺍﻟﺮﺟﺎﻝ ﻭﻣﺘﺴﻤﻊ ﺻﻮﺗﻬﻪ ﻭﻣﺘﻀﺤﻚ ....
ﺻﻌﺪﺕ ﺑﻐﺮﻓﺔ ﺍﻟﺒﻨﺎﺕ ﻭﺟﺎﻧﺖ ﻛﻠﺶ ﺣﺒﺎﺑﺎﺕ ﺧﻠﺼﺖ ٥ﺃﻳﺎﻡ ﻳﻤﻬﻦ ﻣﺤﺴﻴﺖ ﺑﻴﻬﻦ ﺍﺑﺪ .... ﻃﻠﻌﻨﻲ ﻣﻦ ﺟﻮ ﺍﻟﻜﺂﺑﺔ ﺍﻟﻲ ﺍﻧﻲ ﺑﻲ
ﻭﺭﺍﻫﻪ ﺑﺎﺑﺎ ﻟﻜﺎﻟﻨﻪ ﺷﻘﻪ ﺟﺒﻴﺮﻩ ...... ﻭﺣﻠﻮﻩ ﺣﻴﻞ ﺑﻴﻬﻪ ٣ﻏﺮﻑ ﻧﻮﻡ ﻭﺻﺎﻟﻪ ﻭﺻﻴﺤﺎﺕ ﻭﻣﻄﺒﺦ ﺟﺒﻴﺮ ﻭﻳﺒﻜﻮﻥ ﺟﺒﻴﺮﻩ .... ﻛﻮﻟﺶ ﺣﻠﻮﻩ .... ﻭﻧﻈﻴﻔﻪ
ﻭﺟﻬﺰﻫﻪ ﻣﻦ ﺳﺎﻋﺘﻬﻪ ﺣﺒﺴﺖ ﺭﻭﺣﻲ ﺑﺎﻟﻐﺮﻓﻪ ... ﻣﺎﻟﺘﻲ ﻣﺎﻋﻨﺪﻱ ﻗﺎﺑﻠﻴﻪ ... ﺍﻵﻱ ﺷﻲ ..... ﺑﺎﻟﻲ ﻛﻠﻪ ﻫﻨﺎﻙ .... ﻣﻮ ﺑﻴﺪﻱ .... ﺍﻃﻠﻌﻪ ﻣﻦ ﻋﻘﻠﻲ .... ﻣﻮ ﺑﻴﺪﻱ ﺍﻣﺤﻲ ﻣﻦ ﻛﻠﺒﻲ ..... ﺧﺎﺻﻪ ﺍﻟﺤﺐ ﺍﺫﺍ ﺻﺎﺭ ﻣﺴﺘﺤﻴﻞ .... ﻳﺰﻳﺪ ﻣﻴﻘﺒﻞ
ﻭﺑﺎﺑﺎ ﺑﻌﺪﻩ ﻋﻠﻰ ﻣﻮﻗﻔﻪ ﻣﻨﻲ ..... ﻣﻴﺤﺠﻲ ﻭﻳﺎﻱ ﺍﺑﺪ
ﻃﻠﻌﺖ ﺣﺴّﻴﺖ ﻧﻔﺴﻲ ﺟﻮﻋﺎﻧﻪ ..... ﺟﺎﻧﺖ ﺑﺤﺪﻭﺩ ﺍﻝ١٢
ﺟﺎﻧﻮ ﺑﺎﺑﺎ ﻭﻣﺎﻣﺎ ﺑﺎﻟﺼﺎﺑﻪ ﻛﺎﻋﺪﻳﻦ
ﺳﺘﺎﺭ / ﻣﻴﺠﺎﻭﺏ
ﺭﺣﺎﺏ / ﻭﺷﻬﺪ ﻣﺎﻋﺪﻫﻪ ﺍﺗﺼﺎﻝ ﺑﺎﻟﻨﺖ ..... ﺧﺎﻑ ﺃﺫﺍﻫﻪً ﺍﻧﻮﺏ
ﺳﺘﺎﺭ / ﺧﻞ ﻧﻔﺘﻬﻢ ﺍﻟﺴﺎﻟﻔﻪ ﺭﺣﺎﺏ ..... ﻭﺣﻖ ﻫﺬﺍ ﺍﻟﻠﻪ ﺍﻟﻔﻮﻛﺎﻳﻪ ﺗﻌﺒﺖ .... ﻣﻨﻴﻦ ﻣﺎﺍﺟﻴﺒﻬﻪ ﻣﺘﺮﻫﻢ ﻭﺗﺠﻲ ﻋﺪﻟﻪ ﻭﻳﺎﻱ ..... ﺍﻟﺤﻆ ﺍﻟﻪ ﻣﻦ ﺳﺎﻓﺮﺕ ﻳﺎﻟﻠﻪ ﻃﻠﻌﺖ ﻫﺎﻱ ﺍﻟﺸﻐﻠﻪ
بيج قصص عراقيه حقيقيه من واقعنا.روعه الطائي
ﺧﺎﺑﺮ ﻋﻠﻰ ﻗﻴﺼﺮ
ﻣﺤﺪ ﺑﻴﻬﻢ ﻳﺠﺎﻭﺏ ......
ﺟﻨﺖ ﻭﺍﻛﻔﻪ ﻭﺭﺍﻫﻢ ﻭﺭﻩ ﺍﻟﻘﻨﻔﻪ ﻭﻫﻤﻪ ﻳﺴﻮﻟﻔﻮﻥ
ﺷﻴﺮﻳﻦ / ﺷﻴﻴﻬﻪ ﺷﻬﺪ
ﺭﻓﻊ ﺭﺍْﺳﻪ ﺑﺎﺑﺎ ...... ﻭﺍﻟﻠﻪ ﺑﺎﺑﻨﺘﻲ ﻣﻮ ﺷﻬﺪ ﺍﻧﻲ ﺍﻟﻲ ﻭﻳﻦ ﻣﺎﺍﺧﻠﻴﻬﻪ ﺗﺼﻴﺮ ﻋﻮﺟﻪ ﻭﻳﺎﻱ ﻣﻦ ﻭﺭﺍﺝ
ﺳﻜﺘﺖ
ﺭﺣﺎﺏ / ﺳﺘﺎﺭ ﻋﻠﻰ ﻛﻴﻔﻚ
ﻳﺎ ﻛﻴﻒ ﻣﻮ ﺍﻧﻲ ﺧﻠﺺ ﻛﻠﺒﻲ .... ﺗﻌﺒﺖ ﻭﺣﻖ ﻫﺬﺍ ﺍﻟﻠﻪ ﺗﻌﺒﺖ ﻫﺎﻱ ﺑﺘﺞ ﺫﻳﺞ ﻣﺨﺒﻠﻪ ﻫﺴﻪ ..... ﺗﺮﻭﺡ ﺗﺴﻮﻱ ﺑﺮﻭﺣﻬﻪ ﺷﻲ ..... ﺍﻧﻲ ﻟﻮ ﻣﺎ ﺷﻴﺮﻳﻦ ﻫﻢ ﺍﺟﻲ ﻫﻨﺎ ﺿﺎﻝ ﺑﻴﻦ ﻧﺎﺭﻳﻦ ...... ﺍﻟﻠﻪ ﺷﻮﻛﺖ ﺗﺎﺧﺬ ﻋﻤﺮﻱ ﻭﺗﺨﻠﺼﻨﻲ
ﺭﺣﺎﺏ / ﻛﻮﻝ ﻳﺎ ﺍﻟﻠﻪ ﻳﺎ ﻋﻴﻨﻲ ﺍﻧﺖ .... ﻳﺠﻮﺯ ﻣﺸﻜﻠﻪ ﺑﺴﻴﻄﻪ ﺍﻭ ﻓﺎﻫﻤﻪ ﻏﻠﻂ ﻫﻴﻪ
ﻟﺞ ﺑﺎﺑﺎ ﻣﺘﻌﺮﻓﻴﻦ ﺑﺘﺞ .... ﻫﺴﻪ ﺗﻀﻞ ﺗﻠﻌﻠﻊ ﻭﺗﺨﻠﻲ ﺟﺪﻫﻪ ﻳﻜﺼﻲ ﺑﻴﻬﻪ ﻫﻴﻪ ﺑﺲ ﺍﺭﻳﺪ ﺍﻟﻐﻲ ﻭﻳﺎﻫﻪ ﺍﻛﻠﻬﻪ ﻣﺘﺴﻮﻳﻦ ﺍﻱ ﺷﻲ ﻭﻻ ﺗﺤﺠﻴﻦ ﺍﻟﺤﺪ ﻣﺎﺍﺟﻲ
ﺭﺣﺎﺏ / ﺭﺍﺡ ﺗﺴﺎﻓﺮ
ﺳﺘﺎﺭ / ﻃﺒﻌﺎً ﺍﺳﺎﻓﺮ ..... ﺍﺫﺍ ﺟﺎﻥ ﻓﺎﺭﺱ ﺻﺪﻙ ﻣﺴﻮﻳﻬﻪ ﺍﺟﻴﺐ ﺑﺘﻲ ﻭﺍﺟﻲ ﻫﻨﺎ .... ﺑﻨﺎﺗﻲ ﻳﻤﻲ ... ﻻ ﺍﺯﻭﺟﻬﻦ ﻭﻻ ﻫﻢ ﻳﺤﺰﻧﻮﻥ ﻭﺍﻟﻠﻪ ﻳﺎﺧﺬﻫﻦ ﻭﻳﺄﺧﺬﻧﻲ ﻭﺍﺭﺗﺎﺡ .... ﺳﺎﻋﺔ ﺍﻟﺴﻮﺩﻩ ﺍﻟﻲ ﺗﺰﻭﺟﺖ ﺑﻴﻬﻪ ﻭﺧﻠﻔﺖ ﺑﻴﻬﻪ
ﺭﺣﺎﺏ / ﻳﻌﻨﻲ ﺳﺘﺎﺭ ﻣﺘﻨﺪﻡ ﻻﻥ ﺗﺰﻭﺟﺘﻨﻲ ﻣﻮﻭﻭ
ﺷﻴﺮﻳﻦ / ﻛﻤﺖ ﺍﺑﺎﻭﻉ ﻋﻠﻴﻬﻢ ﺍﻧﻮﺏ ﻛﺒﺖ ﺍﻟﻌﻴﻄﻪ ﺑﻴﻨﺎﺗﻬﻢ ..... ﺭﻏﻢ ﻣﺎﺍﻣﻲ ﺟﺒﻴﺮﻩ .... ﺑﺲ ﺍﻟﺤﺐ ﻭﺍﻟﻐﻴﺮﺓ ﻭﺍﻟﺰﻋﻞ ﻣﻴﻌﺮﻑ ﻭﻻ ﻳﻔﺮﻕ ﺑﻴﻦ ﺟﺒﻴﺮ ﻭﺻﻐﻴﺮ
ﻋﻔﺘﻬﻢ ﻳﺘﻜﺎﻓﺸﻮﻥ ﺳﻮﻳﺘﻠﻲ ﻟﻔﻪ ﺻﻐﻴﺮﻩ ﻭﺭﺟﻌﺖ ﺍﻟﻐﺮﻓﺘﻲ .... ﻻﻥ ﺣﺴّﻴﺖ ﺍﻟﺪﻧﻴﺎ ﺩﺍﺭﺕ ﺑﻴﻪ ﻣﻌﺮﻓﺖ ﺷﻬﺪ ﺷﺒﻴﻬﻪ ﺑﺎﻟﻀﺒﻂ ﺑﺲ ﺍﻟﻲ ﻓﻬﻤﺘﻪ ﻣﺘﻌﺎﺭﻛﻪ ﻭﻳﻪ ﻓﺎﺭﺱ ..... ﺭﺟﻌﺖ ﻃﻠﻌﺖ ﺭﺣﺖ ﺍﻟﻐﺮﻓﺔ ﻣﺤﻤﺪ ﺟﺒﺖ ﻭﺭﻗﻪ ﻭﻗﻠﻢ
ﻛﺘﺒﺖ ﻋﻤﺮ ﺑﺎﻟﻘﻠﻢ ﺍﻟﺮﺻﺎﺹ ﺑﺲ ﺧﻄﻴﺘﻪ ﻋﻠﻰ ﻛﺒﺮ ﺍﻟﻮﺭﻗﺔ ﻭﺧﻠﻴﺘﻬﻪ ﻋﻠﻰ ﻛﻠﺒﻲ
ﻟﻴﺶ ﻛﺎﻋﺪ ﺍﺣﺒﻚ ﺍﻛﺜﺮ ﻣﻦ ﻗﺒﻞ ..... ﺑﺴﺖ ﺍﻟﻮﺭﻗﺔ ﺩﺧﻠﺖ ﺍﻣﻲ ..... ﺗﻮﺗﺮﺕ ﺣﻴﻞ
ﺷﺘﺴﻮﻳﻦ
ﻫﺎﺍﺍﺍﺍ
ﺷﺒﻴﺞ ﺷﻨﻮ ﻫﺎﻱ ﺍﻟﻮﺭﻗﺔ ﻭﻟﻴﺶ ﻓﺰﻳﺘﻲ
ﺗﻘﺮﺑﺖ ﻋﻠﻴﻪ ﺍﻣﻲ ﻭﺍﻧﻲ ﺍﻟﻮﺿﻊ ﻣﻴﺴﻤﺤﻠﻲ ﺍﺿﻤﻬﻪ ﺍﻭ ﺍﻧﻜﺮﻫﻪ .... ﺟﺮﻳﺘﻬﻪ ﻣﻨﻲ
ﺷﻨﻮﻭﻭ ﻫﺎﻱ .... ﺷﻴﺮﺭﺭﻳﻦ ﺍﻧﺘﻲ ﻣﺘﺠﻮﺯﻳﻦ ..... ﻭﺍﻟﻠﻪ ﻳﻮﻡ ﺑﻌﺪ ﻳﻮﻡ ﺗﺼﺪﻣﻴﻨﻲ ﻭﻟﺞ ..... ﺭﺟﻠﺞ ﺑﻌﺪﻩ ﺣﺘﻰ ﻣﻄﺎﻟﻌﻪ ﺍﻷﺭﺑﻌﻴﻦ ﻣﺎﻟﺘﻪ ﻭﻻ ﺍﻟﻌﺪﻩ ﻣﻜﻤﻠﺘﻬﻪ ﻭﺗﻔﻜﺮﻳﻦ ﺑﻐﻴﺮﻩ .... ﻟﺞ ﺍﻧﺘﻲ ﺷﻨﻮ ..... ﻭﺷﻜﺖ ﺍﻟﻮﺭﻗﺔ ﻭﺫﺑﺘﻬﻪ ﻋﻠﻴﻪ ..... ﻟﺘﻌﻴﺪﻳﻬﻪ ﻟﻴﺸﻮﻓﻬﻪ ﺍﺑﻮﺝ
ﺑﺠﻴﺖ ﺍﻧﻲ
ﺍﻧﻮﺏ ﺗﺒﺠﻴﻦ ﻓﻮﻛﺎﻫﻪ
بيج قصص عراقيه حقيقيه من واقعنا.روعه الطائي
ﻟﺞ ﻋَﻞ ﺍﻗﻞ ﺣﺰﻧﻲ ﻋﻠﻰ ﺭﺟﻠﺞ ﺷﻮﻳﻪ
ﻣﺤﺪ ﻳﺤﺲ ﺑﻴﻪ ﺍﺑﺪ ..... ﺯﻭﺟﺘﻮﻧﻲ ﺣﺴﻦ ﻭﻣﺤﺪ ﺳﺄﻝ ﻋﻨﻲ ﻻ ﻋﺮﻓﺘﻮ ﺷﺼﺎﺭ ﺑﻴﻪ .... ﻣﺎﺍﺣﺰﻥ ﻋﻠﻲ .... ﺃﺻﻼ ﺍﻛﺮﻫﻪ ﻭﺍﻛﺮﻩ ﺍﻟﻴﻮﻡ ﺍﻟﻲ ﺗﺰﻭﺟﻨﻲ ﺑﻲ
ﻭﺃﺣﺐ ﻋﻤﺮ .... ﺍﻱ ﺍﺣﺒﻪ ..... ﺣﺮﻣﺘﻮﻧﻲ ﻣﻨﻪ .... ﻭﻣﺤﺠﻴﺖ .... ﺑﺲ ﻣﻮ ﺑﻜﻴﻔﻜﻢ ﺍﻃﻠﻌﻪ ﻣﻦ ﻛﻠﺒﻲ ﻭﺍﻟﻠﻪ
ﺟﺮﺗﻨﻲ ﻣﻦ ﺷﻌﺮﻱ .... ﺍﻟﺼﻤﻲ .... ﺍﻟﺼﻤﻲ ﻟﻴﺴﻤﻌﺞ ﺍﺑﻮﺝ ﻟﻮ ﺍﺧﻮﺝ .... ﻭﻟﺞ ﺷﻬﺎﻟﺼﻼﻓﻪ ﻫﺎﺍﺍﻱ ﻭﻋﺎﻓﺖ ﺷﻌﺮﻱ
ﻳﻤﻪ ﺍﻧﺘﻲ ﻟﻴﺶ ﺻﺎﻳﺮﻩ ﻣﻮ ﺣﻨﻴﻨﻪ ﻋﻠﻴﻨﻪ ﻗﺒﻞ ﺷﻮﻳﻪ ﺑﺎﺑﺎ ﻳﺮﻳﺪ ﻳﺮﺟﻊ ﻟﻠﻌﺮﺍﻕ ﻭﺍﻧﺘﻲ ﺗﻜﻠﻴﻠﻪ ﺗﺴﺎﻓﺮ ﻭﺣﺪﻩ ﻏﻴﺮﺝ ﻫﻴﻪ ﺗﻠﺢ ﻋﻠﻰ ﺭﺟﻠﻬﻪ ﻭﺗﻜﻠﻪ ﺍﺭﻳﺪ ﺍﻃﻤﺌﻦ ﻋﻠﻰ ﺑﻨﺘﻲ
ﻟﺞ ﺍﺑﻮﺟﻦ ﺭﺍﺡ ﻳﻤﻮﺕ ﻣﻦ ﺍﻟﻘﻬﺮ ﻭﺍﻟﻀﻴﻢ ﻭﺍﻧﺘﻦ ﻭﻻ ﻋﺒﺎﻟﻚ ...... ﺍﺧﺘﺞ ﻣﺘﻌﻠﻤﻴﻦ ﻋﻠﻴﻬﻪ .... ﺩﻭﻣﻬﻪ ﺗﺘﻌﺎﺭﻙ ﻭﻳﻪ ﻓﺎﺭﺱ ﻭﺗﻀﻴﻊ ﺣﻘﻬﻪ ﻭﺗﻜﻮﻝ ﺍﺭﻳﺪ ﺍﺗﻄﻠﻚ ﻭﺗﺮﺟﻊ ﺑﺲ ﻳﺤﺠﻲ ﻭﻳﺎﻫﻪ ﻛﻠﻤﻪ .... ﺗﺮﻳﺪﻳﻦ ﺍﺑﻮﺝ ﺍﻟﻲ ﻣﺎﻋﻨﺪﻩ ﻓﻠﺲ ﻳﺘﺒﻬﺪﻝ ﻋَﻞ ﻓﺎﺿﻲ
ﺍﻧﺘﻲ ﺗﺪﺭﻳﻦ ﺍﺑﻮﺝ ﻫﺴﻪ ﻋﻠﻤﻮﺩﺝ ﺷﻜﺪ ﺧﺴﺮ .... ﺟﺪﺝ ﻣﻘﺒﻞ ﻳﻨﻄﻲ ﺷﻲ ﻣﻦ ﺍﻟﻤﺤﻞ ﻏﻴﺮ ﺑﺲ ﺭﺑﻊ ﻭﻫﻮ ﺍﺑﻮﺝ ﻋﻨﺪﻩ ﺣﺼﻪ ﺍﻛﺒﺮ ﻣﻨﻬﻢ ﻛﻠﻬﻢ .... ﻛﻠﻪ ﻋﻠﻤﻮﺩ ﻣﻨﻮﻭﻭ .... ﻋﻠﻤﻮﺩﺝ ... ﻭﺍﻟﺸﻘﻪ ﻣﻄﻠﻮﺏ ﻋﻠﻴﻬﻪ ﻫﺴﻪ ..... ﺗﺪﺍﻳﻦ ﻣﻦ ﺍﺑﻮ ﺍﻛﺮﻡ
ﻓﻜﺮﻥ ﺑﻲ .... ﻭﻟﺠﻦ ﻓﻜﺮﻥ ﺑﺎﺑﻮﻧﺠﻦ
ﺷﻤﺴﻮﻳﻪ ﺍﻧﻲ ﻫﺴﻪ ﺣﺠﻴﺘﻬﻪ ﺑﺨﻨﻜﻪ ﻭﻏﺼﻪ
ﺷﻤﺴﻮﻳﻪ ﻓﻬﻤﻴﻨﻲ .... ﻻﻥ ﺍﻛﺘﺐ ﺍﺳﻤﻪ .... ﻻﻥ ﺍﺧﻠﻲ ﺍﺳﻤﻪ ﺑﻜﻠﺒﻲ .... ﺧﻠﻴﻨﻲ .... ﺣﺘﻰ ﺑﻜﻠﺒﻲ ﺗﺤﺎﺳﺒﻮﻧﻲ ﺍﺫﺍ ﺣﺒﻴﺘﻪ ..... ﻭﻣﺴﺤﺖ ﺩﻣﻌﺘﻲ ﺑﻴﺪﻱ .....
ﻛﻠﺸﻲ ﺻﺎﺭ ﺑﻴﺞ ﻣﻦ ﻭﺭﺍ
ﻣﻮ ﻣﻦ ﻭﺭﺍ ..... ﻣﻦ ﻭﺭﻩ ﺟﺪﻱ .... ﻟﻮ ﻣﻮ ﺟﺪﻱ ﻃﺎﺋﻔﻲ ﺟﺎﻥ ﻛﻠﺸﻲ ﻣﺼﺎﺭ
ﺍﻧﺠﺒﻲ .... ﺍﻧﺠﺒﻲ .... ﺷﻴﺮﻳﻦ .... ﺣﺴﺞ ﻣﺎﺍﺳﻤﻌﻪ .... ﻭﻫﺬﺍ ﻋﻤﺮ ﺍﻟﻠﻪ ﻻ ﻳﻨﻄﻲ ﺍﻥ ﺷﺎﺀ ﺍﻟﻠﻪ ﻟﺘﺠﻴﺒﻴﻦ ﺍﺳﻤﻪ ﻳﻤﻲ ﺍﺑﺪ
ﻃﻠﻌﺖ ﻭﻋﺎﻓﺘﻨﻲ ..... ﺑﺎﻭﻋﺖ ﻋَﻞ ﻭﺭﻗﻪ ﻣﺸﻜﻜﻪ ..... ﺣﺘﻰ ﺑﺎﺳﻤﻪ ﺣﺎﺭﺑﻮﻧﻲ
ﺟﻨﺖ ﺍﺷﻚ ﺑﺤﺐ ﻋﻤﺮ .... ﺭﻏﻢ ﻣﺴﻮﺍﻟﻲ ﺷﻲ ﻳﺸﻜﻜﻨﻲ ﺑﻲ ﻭﻣﺴﺘﻐﻞ ﺣﺒﻲ ﺍﻟﻪ ﺍﺑﺪ .... ﻭﻻ ﻳﻮﻡ ﻃﻠﺐ ﻣﻨﻲ ﺷﻲ ﻣﺨﻞ ﻟﻸﺩﺏ ﺣﺘﻰ ﺻﻮﺭﻱ ... ﺍﻟﻲ ﺩﺯﻳﺘﻬﻦ ﺍﻟﻪ ﻣﻦ ﻃﻠﺒﻬﻦ ﻛﻠﻲ ﺩﺯﻳﻠﻲ ﺻﻮﺭﺗﺞ ﺑﺤﺠﺎﺏ .. ﻛﻠﺸﻲ ﺻﺎﺭ ﺑﻴﻨﻪ ﺑﺴﺒﺒﻲ
ﻋﻤﺮ / ﻣﺸﺘﺎﻗﻠﺞ ﻭﺍﻟﻠﻪ .... ﺍﻻﻭﻝ ﻣﺮﻩ ﺍﻛﺮﻩ ﺍﻟﻌﻄﻠﺔ ﻭﺍﺣﺴﺐ ﻳﻮﻡ ﻳﻮﻡ ﺗﻨﺘﻬﻲ
ﺷﻴﺮﻳﻦ / ﺟﻨﺖ ﺑﻴﻮﻣﻬﻪ ﺿﺎﻳﺠﻪ ﻣﻦ ﻋﻤﺮ ﻻﻥ ﻭﺣﺪﻩ ﺣﺠﺖ ﻭﻳﺎﻱ ﻋَﻞ ﻣﺎﺳﻨﺠﺮ ﻛﺎﻟﺘﻠﻲ ﻋﻤﺮ ﻳﺤﺒﻨﻲ ﻭﻋﻨﺪﻩ ﻋﻼﻗﻪ ﺑﻴﻪ ﻭﺍﻧﺘﻲ ﻣﻴﺤﺒﺞ ﻭﺑﻌﺪﻱ ﻋﻨﻪ ﻭﻣﻮﺍﺟﻬﺘﻪ ﻣﻨﺘﻈﺮﻩ ﺗﺨﻠﺺ ﺍﻟﻌﻄﻠﺔ ﺍﺭﻳﺪ ﺃﻛﺒﺴﻪ ﻭﺃﺷﻮﻑ ﺍﻟﻤﻮﺑﺎﻳﻞ ﻗﺒﻞ ﻟﻴﺤﺬﻑ ﺷﻲ
ﻋﻤﺮ / ﺷﺒﻴﺞ ﺷﻴﺮﻳﻦ ﺷﻮ ﻣﻮ ﻃﺒﻴﻌﻴﻪ
ﻋﻤﺮ ﺍﻧﺖ ﺗﻀﺤﻚ ﻋﻠﻴﻪ ﻣﻮﻭﻭ ...... ﺍﻧﻲ ﺑﻨﻈﺮﻙ ﺣﺎﻟﻲ ﺣﺎﻝ ﺍﻟﺒﻨﺎﺕ ﻣﻮﻭﻭﻭ
بيج قصص عراقيه حقيقيه من واقعنا.روعه الطائي
ﻟﻴﺶ ﺷﻴﺮﻳﻦ .... ﻟﻴﺶ ﻫﻴﺞ ﺗﺤﺠﻴﻦ ﻭﻳﺎﻳﻪ .... ﺷﻤﺴﻮﻳﻠﺞ ﺍﻧﻲ
ﺍﻧﺖ ﻋﻨﺪﻙ ﻋﻼﻗﻪ ﺑﻮﺣﺪﻩ ﻏﻴﺮﻱ ﻭﻫﻢ ﺗﻀﺤﻚ ﻋﻠﻴﻬﻪ ﻣﺜﻞ ﻣﺘﻀﺤﻚ ﻋﻠﻴﻪ
ﻭﻭﺍﻋﺪﻫﻪ ﺑﺎﻟﺰﻭﺍﺝ ﻣﺎﺷﺎﺀ ﺍﻟﻠﻪ
ﺍﻧﻲ
ﺍﻱ ﺍﻧﺖ ... ﻫﻴﻪ ﺣﺠﺖ ﻭﻳﺎﻱ
ﻳﻌﻨﻲ ﺍﻧﻲ ﻋﻨﺪﻱ ﻋﻼﻗﻪ ﺑﻮﺣﺪﻩ ﻏﻴﺮﺝ .... ﻭﺍﻟﻠﻪ ﻣﺎﺍﺩﺭﻱ ﺷﻜﻮﻝ .... ﻣﻨﻮ ﻫﺎﻱ ﺍﻧﻄﻴﻨﻲ ﺭﻗﻤﻬﻪ ﺧﻞ ﺍﺣﺠﻲ ﻭﻳﺎﻫﻪ ﻛﺪﺍﻣﺞ ﺧﺎﻑ ﻣﺘﺼﺪﻛﻴﻦ ﺑﻴﻪ
ﻣﻮ ﺑﺮﻗﻢ ﻋَﻞ ﻣﺎﺳﻨﺠﺮ
ﺷﻴﺮﻳﻦ ﺩﻭﻣﺞ ﻣﺎﻋﻨﺪﺝ ﺛﻘﻪ ﺑﺤﺒﻲ ﺍﻟﺞ .... ﺑﺲ ﺑﺎﻋﻲ ﺍﻧﻲ ﻣﺎﻋﻨﺪﻱ ﺍﻱ ﻋﻼﻗﻪ ﺑﻮﺣﺪﻩ ﻏﻴﺮﺝ .... ﻫﺎﺝ ﻟﺰﻣﻲ ﻣﻮﺑﺎﻳﻠﻲ ﺍﺫﺍ ﻣﺘﺼﺪﻛﻴﻦ ﻗﺒﻞ ﻻ ﺍﺳﻮﻱ ﺍﻱ ﺷﻲ ﺧﺎﻑ ﻋﺒﺎﻟﺞ ﺍﺣﺬﻑ
ﻓﺘﺤﺖ ﺍﻟﺮﻣﺰ ﺍﻋﺮﻓﻪ ﺟﺎﻥ ﻣﻮﺍﻟﻴﺪﻩ ﻭﻣﻮﺍﻟﻴﺪﻱ ﻭﺃﻭﻝ ﺍﺣﺮﻑ ﻣﻦ ﺃﺳﺎﻣﻴﻨﻪ ﺍﻋﺮﻓﻪ
ﻛﻠﺒﺖ ﺑﻲ ﺑﻜﻞ ﺍﻟﺒﺮﺍﻣﺞ ﺩﺧﻠﺖ ﻣﺤﺘﻰ ﺑﺎﻟﺤﻈﺮ ﻣﺎﻝ ﻣﺎﺳﻨﺠﺮ ﺩﺧﻠﺖ ﻟﻠﺤﺎﻇﺮﻫﻢ ﻣﺎﻛﻮ ﺍﻱ ﺷﻲ ﻏﺮﻳﺐ .... ﺧﺠﻠﺖ ﻭﻣﻌﺮﻓﺖ ﺷﺴﻮﻱ ﺭﺣﺖ ﻟﻼﺳﺘﻮﺩﻳﻮ ﺷﻔﺖ ﺻﻮﺭﻱ ﻣﺤﺬﻭﻓﺔ .... ﺭﺩﺗﻠﻲ ﻣﺸﻜﻠﻪ ﺍﻧﻲ ﺻﺎﺣﺒﺔ ﺣﻖ ﺑﻴﻬﻪ ﻻﻥ ﺍﺫﺍ ﺍﻋﻮﻑ ﺍﻟﻤﻮﺑﺎﻳﻞ ﻭﺍﻧﻲ ﻣﻼﻛﻴﻪ ﺷﻲ ﺷﻴﺨﻠﺼﻨﻲ ﻣﻦ ﺍﻟﻠﺴﺎﻧﻪ
ﻫﺎﻱ ﺣﺎﺫﻑ ﺻﻮﺭﻱ ﻫﺎﺍﺍﺍ ﺣﺘﻰ ﺣﺒﻴﺒﺘﻚ ﻣﺘﺸﻮﻓﻬﻦ ﻣﻮ
ﺍﻧﺘﻲ ﻣﺨﺒﻠﻪ ﺍﻛﻴﺪ
ﻻ ﻭﺍﻟﻠﻪ ﻻ ﻣﺨﺒﻠﻪ ﻭﻻ ﺷﻲ ﺑﺲ ﺍﻧﻲ ﻛﺸﻔﺘﻚ .... ﺯﻳﻦ ﻟﻴﺶ ﺣﺎﺫﻑ ﺻﻮﺭﻱ
ﻣﻮ ﻋﻠﺴﺎﺱ ﻃﻠﺒﺘﻬﻦ ﻣﻨﻲ ﻻﻥ ﺗﺸﺘﺎﻗﻠﻲ
ﻻﻥ ﻣﻮﺑﺎﻳﻠﻲ ﻣﺮﺍﺕ ﺟﻤﺎﻋﺘﻲ ﻳﻄﻠﺒﻮ ﻣﻨﻲ .... ﻳﺨﺎﺑﺮﻭﻥ ﻣﻨﻲ
ﺍﻱ ﺧﻮﺵ ﺣﺠﻪ
ﺷﻴﺮﻳﻦ ﻣﻮ ﺍﺷﻮﻓﺞ ﺗﺘﺤﺠﺠﻴﻦ ﺗﺮﻳﺪﻳﻦ ﻣﺸﻜﻠﻪ
ﻣﻦ ﺳﺎﻋﺘﻬﻪ ﻣﻦ ﺯﻋﻠﺖ ﺭﺟﻊ ﺻﻮﺭﻱ ﺑﺠﻬﺎﺯﻩ ﻭﺗﻔﺎﺟﺌﺖ ﻛﺎﻝ ﺳﻮﻳﺖ ﺍﺳﺘﺮﺟﺎﻉ ﺍﻟﻤﺤﺬﻭﻓﺎﺕ ﺑﺎﻟﺤﺎﺳﺒﻪ
ﺷﻜﺪ ﻋﻘﻠﻲ ﺻﻐﻴﺮ .... ﺟﺎﻥ ..... ﻟﻮ ﻣﺨﻠﻴﺘﻪ ﺣﺎﺫﻓﻬﻦ ..... ﺃﺻﻼ ﺍﻧﻲ ﻛﻴﻔﺖ ﺑﻮﻗﺘﻬﻪ ﻣﻦ ﺣﺬﻓﻬﻦ ﺑﺲ ﺭﺩﺕ ﺃﻏﻄﻲ ﺷﻜﻲ ﺑﺴﺎﻟﻔﺔ ﺍﻟﺼﻮﺭ
.................................................. .
ﻓﺎﺭﺱ / ﺷﻬﺪ .... ﺍﻋﺮﻑ ﺣﻘﺞ ﻭﺍﻋﺮﻑ ﻫﺴﻪ ﻣﺮﺍﺡ ﺗﻔﻬﻤﻴﻦ ﻛﻞ ﻛﻼﻣﻲ
ﺍﺣﺠﻲ ﻓﺎﺭﺱ .... ﻣﺎﺑﻴﻪ ﺣﻴﻞ ﻛﻮﻩ ﺑﻘﻴﺖ ﻫﺴﻪ ﺍﺣﺠﻲ ﻭﺧﻠﺼﻨﻲ
ﺑﺎﻋﻲ .... ﺍﻧﻲ ﻗﺒﻞ ﻻ ﺍﺗﺰﻭﺟﺞ ﺟﺎﻧﺖ ﻫﺎﻱ ﺍﻟﺒﻨﻴﻪ ﻣﺠﺮﺩ ﺯﻣﻴﻠﻪ .... ﺑﺲ ﺍﻧﻲ ﺍﺣﺴﻬﻪ ﻣﻌﺠﺒﻪ ﺑﻴﻪ .... ﺑﺲ ﺍﻧﻲ ﻣﻤﺒﺎﺩﺭﻫﻪ ﻫﻴﻪ ﺑﻨﻴﻪ ﻭﻳﺎﻧﻪ ﺑﺎﻟﻜﻠﻴﻪ ﺍﺭﻣﻠﻪ
ﻋﺮﺍﻗﻴﻪ
ﺍﻧﻲ ﻳﺤﺠﻲ ﻭﻛﻠﺒﻲ ﻳﺮﻳﺪ ﻳﻨﻔﺠﺮ
ﻣﻦ ﺍﺟﻴﺖ ﻫﻨﺎ ﺑﺎﻟﻌﻄﻠﺔ ﻭﺗﺰﻭﺟﺘﺞ ﻭﺳﻜﺘﻲ ﺑﺮﺟﻮﻟﺘﻲ ... ﻭﺭﺟﻌﺖ ﺍﺟﻴﺘﺞ ﻭﻃﻠﻜﺘﺞ ﻣﻦ ﺭﺟﻌﺖ ﺣﻴﻞ ﺿﺎﻳﺞ ﻣﺎﺍﺩﺭﻱ ﺷﻠﻮﻥ ﺑﻠﺤﻈﺔ ﻋﺼﺒﻴﻪ ﻭﻏﻀﺐ ﻣﻨﺞ ﺗﻘﺪﻣﺖ ﺍﻟﻬﻪ
بيج قصص عراقيه حقيقيه من واقعنا.روعه الطائي
ﺷﻬﺪ / ﻛﻠﺒﻲ ﻋﺼﺮﻧﻲ ﻭﻳﻮﺟﻌﻨﻲ ﺣﻴﻞ ﻭﺩﻣﻮﻋﻲ ﻧﺰﻟﻦ ﺣﻴﻞ
ﻭﺍﻣﻬﻪ ﻗﺒﻠﺖ ... ﻫﻴﻪ ﺑﺲ ﻫﻴﻪ ﻭﺍﻣﻬﻪ
ﺷﻬﺪ / ﻭﺍﻧﻲ ﺍﻣﺴﺢ ﺩﻣﻮﻋﻲ .... ﻫﺎﻱ ﻧﻔﺴﻬﻪ ﺍﻟﻲ ﺳﻮﻳﺖ ﻭﻳﺎﻫﻪ ﺣﺎﺩﺙ
ﻋﻤﺮ / ﺍﻱ
ﻟﻌﺪ ﻣﻮ ﻛﺎﻟﻮ ﻣﻮ ﻋﺮﺍﻗﻴﻪ
ﻻ ﻋﺮﺍﻗﻴﻪ
ﺃﺻﻼ ﻣﻦ ﺳﻮﻳﻨﻪ ﺣﺎﺩﺙ ﺟﻨﺖ ﺍﻛﻠﻠﻬﻪ ﺍﺭﻳﺪ ﺍﻃﻠﻜﺞ ﺑﺲ ﻫﻴﻪ ﻣﻘﺒﻠﺖ ﻭﺗﻌﺎﺭﻛﺖ ﻭﺻﺎﺭ ﺍﻟﺤﺎﺩﺙ
ﺍﻱ ﻭﺫﺍﻙ ﺍﻟﻴﻮﻡ ﺳﺎﻓﺮﺕ ﻟﻮ ﺟﺬﺏ
ﺳﺎﻓﺮﺕ ﺭﺣﺖ ﺟﺒﺘﻬﻪ ﻭﺃﺟﻴﺖ .... ﻻﻥ ﻫﻴﻪ ﺣﺎﻣﻞ
ﺍﻧﻲ ﻛﻠﻲ ﻫﻴﺞ ﻭﺍﻧﻲ ﺍﻟﺪﻧﻴﺎ ﺩﺍﺭﺕ ﺑﻴﻪ ﻭﻛﻠﺒﻲ ﻛﺎﻡ ﻳﻮﺟﻌﻨﻲ ﺣﻴﻞ ﻛﺒﻞ ﺗﺨﺮﺑﻄﺖ .... ﺣﺴّﻴﺖ ﺑﻮﺧﻪ ﻃﻠﻌﺖ ﻣﻦ ﺍﺫﻧﻲ .... ﻣﺘﺤﻤﻠﺖ ... ﺑﻌﺪ ﺍﻛﺜﺮ .... ﻫﻢ ﺧﻴﺎﻧﻪ ﻭﻫﻢ ﺯﻭﺍﺝ ﻭﺍﻧﻮﺏ ﻣﺮﺗﻪ ﺣﺎﻣﻞ
ﻓﺘﺤﺖ ﻋﻴﻨﻲ ﻳﻘﻴﺲ ﺑﻀﻐﻄﻲ ﻓﺎﺭﺱ ﻭﻋﻤﻪ ﺗﻔﺮﺝ ﺑﺮﺟﻠﻲ ﻭﺗﺒﺠﻲ
ﻳﻤﻪ ﺷﻬﻮﺩﻩ ﻛﻮﻣﻲ ﺷﺒﻴﺞ ﺷﺼﺎﺭﻟﺞ
ﻛﻤﺖ ﺍﺑﺠﻲ ﺍﻭﻝ ﻣﻔﺘﺤﺖ ﻋﻴﻨﻲ ﺗﺬﻛﺮﺕ ﻛﻠﺸﻲ ..... ﻭﺩﻳﻨﻲ .... ﻋﻤﻪ ﻭﺩﻳﻨﻲ ﻣﺎﺍﺭﻳﺪ ﺍﺷﻮﻓﻪ ﺍﺑﺪ
ﻛﻮﻟﻲ ﻳﺎ ﺍﻟﻠﻪ ﻳﻤﻪ
ﻣﺎﺍﺭﻳﺪ ﻭﺍﻟﻠﻪ ..... ﺍﺭﻳﺪ ﻣﺎﻣﺎ ﻭﺑﺎﺑﺎ
ﻃﺎﻗﻪ ﻣﺎﻋﻨﺪﻱ ﺑﻮﺩّﻱ ﺍﺭﻛﻊ ﺭﺍﺳﻲ ﺑﺎﻟﺤﺎﻳﻂ ﻋَﻞ ﺳﻤﻌﺘﻪ ﺍﻧﺮﻋﺼﺖ ﻋﻠﻴﻬﻢ ﻭﻛﻤﺖ ﺃﺻﻴﺢ ... ﻭﺍﺑﺠﻲ .... ﻫﺴﻪ ﺗﻮﺩﻭﻧﻲ
ﻗﻴﺼﺮ ﻛﻠﻲ ﻛﻮﻣﻲ ..... ﻛﻤﺖ ﻟﺒﺴﺖ ﺟﺒﺘﻲ ﻓﺎﺭﺱ ﻣﺤﺠﻪ ﺷﻲ ﻛﺎﻋﺪ ﻋَﻞ ﺟﺮﺑﺎﻳﻪ ﻭﻳﺒﺎﻭﻉ ﻋﻠﻴﻪ
ﻃﺒﻌﺎً ﺭﺟﻠﻲ ﺗﺮﺟﻒ ﺍﺣﺲ ﻣﺎﺍﻛﺪﺭ ﺍﺫﺏ ﺛﻜﻠﻲ ﻋﻠﻴﻬﻪ ﻣﺼﺪﻭﻣﻪ ﺣﻴﻞ .... ﺍﺣﺲ ﺭﻭﺣﻲ ﺿﺎﻳﻌﻪ .... ﻟﻴﺶ ﺳﻮﻩ ﺑﻴﻪ ﻫﻴﺞ .... ﺁﺫﺍﻧﻲ ﺣﻴﻞ
ﻭﺩﺍﻧﻲ ﻗﻴﺼﺮ ...... ﻭﺍﺧﺎﺑﺮ ﻋﻠﻰ ﻋﻤﻪ ﺗﻔﺘﺢ ﺍﻟﺒﺎﺏ ﺟﺎﻥ ﺟﺪﻭ ﻧﺎﻳﻢ
ﺧﻮﻟﻪ / ﺷﻬﺪ ﺷﺒﻴﺞ ﻳﺎ ﺳﺘﺎﺭ .... ﻫﻴﻪ ﻭﻓﺎﺭﺱ ﻣﻮﻭﻭ
ﻗﻴﺼﺮ / ﺧﻠﻴﻬﻪ ﺗﻬﺪﺀ ﺷﻮﻳﻪ ﻭﺗﺮﺗﺎﺡ .... ﻣﺸﻜﻠﻪ ﺑﻴﻨﺎﺗﻬﻢ ﺧﻞ ﻳﺮﺗﺎﺣﻮﻥ ﻭﻳﺤﻠﻮﻫﻪ
ﺍﻭﻭﻑ ﻳﺎ ﻓﺎﺭﺱ ﻭﺷﻬﺪ ﻭﻻ ﻳﺼﻔﻮﻥ
ﺩﺧﻠﺖ ﻭﺍﻧﻲ ﺍﺧﻮﻁ ﺑﺮﺟﻠﻲ ﺧﻮﻁ ﻛﻮﻩ ﺍﻣﺸﻲ ﻣﻜﺴﻮﺭﻩ .... ﺧﺬﻟﻨﻲ ﻓﺎﺭﺱ ﺣﻴﻞ ﻛﻠﺸﻲ ﺗﻮﻗﻌﺖ .... ﺗﻮﻗﻌﺖ ﻣﺘﻌﺮﻑ ﻋﻠﻰ ﻭﺣﺪﻩ .... ﺑﺲ ﻣﺘﻮﻗﻌﺖ ﻭﺍﺻﻞ ﻣﺮﺣﻠﺔ ﺯﻭﺍﺝ ﻭﻃﻔﻞ
ﺷﻬﺪ ﺷﺒﻴﺞ
ﻣﺸﻴﺖ ﻭﺍﻧﻲ ﺍﻣﺴﺢ ﺑﺪﻣﻌﺘﻲ ﻫﻢ ﻓﺎﺭﺱ ﻭﻫﻢ ﺍﻫﻠﻲ ﻣﻤﻮﺟﻮﺩﻳﻦ ﺑﺎﻟﺒﻴﺖ ﻭﻛﻔﺖ ﻭﺧﻠﻴﺖ ﺍﻳﺪﻱ ﻋﻠﻰ ﻋﻴﻨﻲ ﻭﻛﻤﺖ ﺍﺑﺠﻲ ﺣﻴﻞ
ﺣﻮﻟﻪ / ﻳﻤﻪ ﺣﺒﻴﺒﺘﻲ ﺳﻮﺩﻩ ﻋﻠﻴﻪ ﻫﺎﻱ ﻫﻴﺞ ﻣﺘﺄﺫﺍﻳﻪ .... ﺷﺴﻮﺍﻟﺞ ﻓﺮﻳﺲ .... ﻫﺎﻟﻤﺮﻩ
بيج قصص عراقيه حقيقيه من واقعنا.روعه الطائي
ﺷﺒﻜﺘﻬﻪ ﻭﻛﻤﺖ ﺍﺑﺠﻲ ...... ﻣﺎﺍﻛﺪﺭ ﺍﺣﺠﻲ ﺧﻨﻜﻪ ﺑﺼﺪﺭﻱ
ﻛﻌﺪﺗﻨﻲ ﻭﻛﺎﻣﺖ ﺗﻔﺮﺝ ﻇﻬﺮﻱ ﻣﻦ ﺟﻬﺔ ﺻﺪﺭﻱ .... ﺍﺭﺗﺎﺣﻲ ﺣﺒﻴﺒﺘﻲ ﻭﺭﺍﺣﺖ ﺟﺎﺑﺘﻠﻲ ﻣﻲ
ﺷﺮﺑﺖ ﺷﻮﻳﻪ
ﺷﺒﻴﺞ ﺣﺒﻴﺒﺘﻲ
ﻋﻤﻪ ....... ﻭﺑﺠﻴﺖ ﺣﻴﻞ ﻣﻜﺪﺭﺕ ﺍﻛﻤﻞ
ﺷﺒﻴﺞ ﺣﺒﻴﺒﺘﻲ ﺍﺣﺠﻲ .... ﺷﻤﺴﻮﻳﻠﺞ ﻓﺎﺭﺱ
ﺣﺠﻴﺘﻬﻪ ﻭﻛﻤﺖ ﺍﻧﺎﺷﻎ ﻡ ... ﻡ .... ﻣﺘﺰﻭﺝ ﻓﺎﺭﺭﺭﺱ
ﻳﺎﺍﺍﺍﺍ .... ﻳﺎ ﻳﻤﻪ ﻭﺩﻛﺖ ﻋﻠﻰ ﺻﺪﺭﻫﻪ .... ﺗﺘﺸﺎﻗﻴﻦ
ﻭﻛﻤﺖ ﺍﺑﺠﻲ ﻭﺍﻧﺎﺷﻎ
ﺍﻭﻭﻑ ﻫﺎﻱ ﻓﺎﺭﺱ ﻫﻴﺞ ﺗﻄﻠﻊ ﻣﻨﻪ ..... ﻳﻤﻪ ﻋﻘﻠﻲ ﻣﻴﺴﺘﻮﻋﺐ
ﺣﺎﻭﻟﺖ ﻋﻤﻪ ﺗﺼﺒﺮ ﻋﻠﻴﻪ ﻭﺇﺭﺷﺎﺩﻱ ﺑﺼﻔﻬﻪ ﻓﺮﺍﺵ ﻧﻤﻨﻊ ﺑﺎﻻﺳﺘﻘﺒﺎﻝ ﻻﻥ ﻣﻦ ﻓﺮﻍ ﺍﻟﺒﻴﺖ ﻛﺎﻣﺖ ﺗﻨﺎﻡ ﺟﻮﻩ ﺣﺘﻰ ﻗﺮﻳﺒﻪ ﻋﻠﻰ ﺟﺪﻭ ...... ﺳﻮﺗﻠﻲ ﻋﺼﻴﺮ ﻟﻴﻤﻮﻥ ﻣﻘﺒﻠﺖ ﺍﺷﺮﺑﻪ ﻭﻛﺎﻣﺖ ﺗﻘﺮﻩ ﻋﻠﻰ ﺭﺍﺳﻲ ﺗﻜﻠﻲ ﺣﺘﻰ ﺗﻬﺪﻳﻦ ﻭﺗﻨﺎﻣﻴﻦ ..
ﺷﻮﻳﻪ ﻭﺍﺗﺼﻞ ﺑﺎﺑﺎ ﻋﻠﻰ ﻋﻤﻪ
ﺍﻱ ﻫﻨﺎ ﻳﻤﻲ
ﻻ ﻻ .... ﻟﻴﻀﻞ ﺑﺎﻟﻚ ﻋﻠﻴﻬﻪ .... ﻧﺎﻣﺖ ﻫﺴﻪ
ﺟﻨﺖ ﻣﻐﻤﻀﻪ ﻋﻴﻨﻲ ﻭﺍﺳﻤﻊ ﻋﻤﻪ ﺗﺤﺠﻲ ﻭﻳﻪ ﺑﺎﺑﺎ
ﺧﻮﻟﻪ / ﺑﺎﺟﺮ ﻣﻦ ﺗﻜﻌﺪ ﺍﺧﻠﻴﻬﻪ ﺗﺨﺎﺑﺮﻙ ﻓﺘﺤﺖ ﻋﻴﻨﻲ ﻛﻠﺘﻠﻬﻪ ﺍﻧﻄﻴﻨﻴﺎ ﻛﺒﻞ ﺳﺪﺗﻪ
ﻟﻴﺶ ﻋﻤﻪ
ﻭﻟﺞ ﺧﻄﻴﻪ ﻛﻠﺒﻪ ﻣﻄﻜﻚ ﻋﻠﻴﺞ ﻭﺿﺎﻝ ﺑﺎﻟﻪ .... ﻭﺃﺩﺭﻱ ﺑﻴﺞ ﺍﻭﻝ ﻣﺘﺤﺠﻴﻦ ﻭَﻳَﺎ ﺭﺍﺡ ﺗﺒﺠﻴﻦ
ﻛﺒﻞ ﺑﺠﻴﺖ ..... ﺍﺭﻳﺪﻩ ﻳﺠﻲ
ﺍﻛﻴﺪ ﻫﺴﻪ ﻳﺠﻲ ﺑﻌﺪ ﻫﺎﻱ ﺍﻟﻤﺸﻜﻠﻪ
ﻧﺎﻣﻲ ﻭﺍﺭﺗﺎﺣﻲ ﻫﺴﻪ ﺍﻧﺘﻲ
ﻣﺎﺍﻛﺪﺭ ﺍﻧﺎﻡ
ﺍﻧﻄﻴﺞ ﻓﺎﻟﻴﻮﻡ
ﺍﻧﻄﻴﻨﻲ ﺍﻱ ﺷﻲ ﻋﻤﻪ ﺑﺲ ﻛﻮّﻥ ﺍﻧﺎﻡ ﺍﺣﺲ ﻋﻴﻮﻧﻲ ﺗﻮﺟﻌﻨﻲ ﺣﻴﻞ ﺗﺤﺮﻛﻨﻲ ﻧﻌﺴﺎﻧﻪ ﻭﻣﺎﺍﻛﺪﺭ ﺍﻧﺎﻡ
ﺍﻧﻄﺘﻨﻲ ﺣﺒﺎﻳﻪ ﺗﻮﻧﻲ ﺑﺪﻳﺖ ﺍﺳﻠﻬﻢ ﺩﻙ ﻣﻮﺑﺎﻳﻞ ﻋﻤﻪ ﻋﺒﺎﻟﻬﻪ ﻧﺎﻳﻤﻪ
ﺍﺑﻮ ﺍﻟﺒﻼﻭﻱ ﺷﺘﺮﻳﺪ
ﻧﺎﻣﺖ ﻫﺴﻪ ﺑﻌﺪ ﻣﻨﻄﻴﺘﻬﻪ ﺣﺒﺎﻳﻪ .... ﻟﻴﺶ ﻫﻴﺞ ﻓﺎﺭﺱ ﺻﺪﻙ ﺍﻟﻲ ﺣﺠﺘﻪ ﺷﻬﺪ
ﺍﺳﻜﺖ .... ﺍﺳﻜﺖ .... ﺍﻧﺖ ﺗﻌﺮﻑ ﻛﻠﺶ ﺯﻳﻦ ﻋﻤﻚ ... ﺿﻌﻴﻒ ﻛﺪﺍﻡ ﺑﻨﺎﺗﻪ ﻭﻳﻜﻠﺐ ﺍﻟﺪﻧﻴﺎ ﻗﺒﻞ ﺷﻮﻳﻪ ﺟﺎﻥ ﻳﺤﺠﻲ ﻭﻳﺎﻱ ﻭﻛﺎﻝ ﺭﺍﺡ ﻳﺮﺟﻊ ﻟﻠﻌﺮﺍﻕ
ﺍﻱ .... ﺍﻱ .... ﻋﻮﺩ ﻛﻞ ﺍﻟﻌﻤﻚ ﻫﻴﺞ
ﻭﺭﺍﻫﻪ ﻃﻠﻌﺖ ﻣﻦ ﺍﻻﺳﺘﻘﺒﺎﻝ ﻣﺎﺍﺩﺭﻱ ﺷﺤﺠﻮ .... ﻣﺎﺍﻋﻮﻝ ﺍﺳﻜﺖ ﻣﻦ ﺍﻟﺒﺠﻲ ﺭﺟﻌﺖ ﺑﺠﻴﺖ .... ﺍﺧﺮ ﺷﻲ ﻣﺤﺴﻴﺖ ﻏﻔﻴﺖ
بيج قصص عراقيه حقيقيه من واقعنا.روعه الطائي
ﺛﺎﻧﻲ ﻳﻮﻡ ﺟﺪﻱ ﺑﺎﻟﻌﻮﺟﻴﻪ ..... ﻳﺤﺮﻛﻬﻪ ﻋﻠﻰ ﺑﻄﻨﻲ ..... ﻓﺰﻳﺖ
ﻫﺎﻱ ﺷﻬﻴﺪﻩ ﻫﻨﺎ ..... ﻛﻮﻣﻲ .... ﻳﻠﻠﻪ ﺍﻟﺴﺎﻋﻪ ﺏ٩ﻛﻮﻭﻭﻣﻲ ﺍﺻﺤﻲ ﺭﻳﻜﻲ ﺟﺪﺝ ﻣﺎﺩﺍﻣﺞ ﻫﻨﺎ
ﻓﺰﻳﺖ ﻋﻴﻮﻧﻲ ﻣﻮﺭﻣﻪ ﻣﻦ ﺍﻟﺒﺠﻲ ﻟﻤﻴﺖ ﺷﻌﺮﻱ ﻭﻛﻤﺖ
ﻣﺠﻴﺪ / ﺷﻮﻛﺖ ﺍﺟﻴﺘﻲ
ﺍﻟﺒﺎﺭﺣﻪ ﺑﻠﻴﻞ
ﺍﻛﻴﺪ ﻣﺘﻌﺎﺭﻛﻪ ﺍﻡ ﺍﻟﻠﺴﺎﻥ ﻭﻳﻪ ﺣﻔﻴﺪﻱ ﻭﺷﺎﺑﻌﻪ ﻛﻠﺒﻪ
ﻳﺤﺎﻭﻝ ﻳﺴﺘﻔﺰﻧﻲ ﺣﺘﻰ ﺍﺣﺠﻲ ..... ﺑﺲ ﺍﻧﻲ ﻣﺎﺑﻴﻪ ﺣﻴﻞ ﺍﺟﺎﻭﺏ
ﻛﻌﺪﺕ ﻋَﻞ ﻣﻴﺰ ﺑﺎﻟﻤﻄﺒﺦ ﺧﻠﻴﺖ ﺍﻟﻘﻮﺭﻱ ﻋَﻞ ﻧﺎﺭ .... ﺍﺣﺲ ﻛﻠﺒﻲ ﻣﻘﺒﻮﺽ ﻣﻨﻬﺎﺭﺭﻩ ﺍﺭﻳﺪ ﺷﻲ ﻳﺮﻳﺤﻨﻲ .... ﻫﻮ ﺧﺎﻳﻦ ﺑﺮﺍﺣﺘﻪ .... ﺃﺻﻼ ﻣﻴﻬﻤﻨﻲ
ﺍﺗﺨﺎﻳﻞ ﺷﻠﻮﻥ ﻳﻐﺎﺯﻟﻬﻪ ﻭﺍﺻﻼ ﻳﺠﻮﺯ ﻫﺴﻪ ﻳﻤﻬﻪ ...... ﺑﺎﻭﻋﺖ ﻋﻠﻰ ﺑﻄﻨﻲ ..... ﻟﻌﺪ ﺍﻧﻲ ﻟﻴﺶ ﻣﺼﺮﺕ ﺣﺎﻣﻞ ..... ﺍﻭ ﺍﺣﺴﻦ ﻣﺼﺮﺕ ﺣﺎﻣﻞ ﺧﻞ ﻳﺘﻬﻨﻪ ﺑﻤﺮﺗﻪ ﻭﺍﺑﻨﻪ ﻣﺪﺭﻱ ﺑﻨﺘﻪ
ﺑﺠﻴﺖ ﺷﻔﺖ ﺟﺪﻭ ﺩﺧﻞ ﻟﻠﻤﻄﺒﺦ ﻣﺴﺤﺖ ﺩﻣﻮﻋﻲ
ﺷﺒﻴﺞ ﻣﻤﺮﺗﺎﺣﻠﺞ
ﻣﺎﺑﻴﻪ ﺷﻲ ﺟﺪﻭ .
ﺧﺎﻑ ﻓﺮﻳﺲ ﻣﻀﻮﺟﺞ ﺍﺷﻌﻞ ﺻﻔﺤﺘﻪ
ﺩﺧﻠﺖ ﻋﻤﻪ ﺧﻮﻟﻪ ﺟﺎﻧﺖ ﺑﻴﺖ ﻋﻤﻮ ﺳﻌﺪ ﻻﻥ ﻣﺮﺕ ﻋﻤﻮ ﻣﺘﺨﺮﺑﻄﻪ ﻣﻦ ﺍﻟﻘﻬﺮ ﻋﻠﻰ ﺣﺴﻦ
ﻫﺎ ﻛﻌﺪﺗﻲ
ﻣﺠﻴﺪ / ﺷﺒﻴﻬﻪ ﻫﺎﻱ ﺍﻟﻤﺨﺒﻠﻪ ..... ﺍﺳﺄﻟﻬﻪ ﻭﻣﺘﺤﺠﻲ ﺷﻤﺴﻮﻳﻪ ﻣﻦ ﻋﻤﻠﻪ
ﺧﻮﻟﻪ / ﺣﻔﻴﺪﻙ ﻫﺎﻟﻤﺮﻩ ﺍﻟﻐﻠﻄﺎﻥ
ﻣﺠﻴﺪ / ﻓﺮﻳﺲ ..... ﺷﻤﺴﻮﻱ ﻫﺎﻟﻤﻌﺰﻩ
ﻣﺘﺰﻭﺝ
ﻓﺮﻳﺲ ﻣﺘﺰﻭﺝ
ﺭﺃﺳﺎً ﻛﻤﺖ ﺻﻌﺪﺕ ﻓﻮﻙ ..... ﺗﻌﺒﺎﻧﻪ ﻭﻛﻠﺒﻲ ﺧﻠﺼﺎﻥ ﻣﺎﻟﻲ ﺧﻠﻚ ﺍﺳﻤﻊ ﺷﻲ
ﻣﺠﻴﺪ / ﻭﺍﻧﺘﻲ ﺑﻮﻳﻪ ﻟﻴﺶ ﺗﺒﺠﻴﻦ ﻭﻭﻳﻦ ﺭﺍﻳﺤﻪ
ﺍﺻﻌﺪ ﻓﻮﻙ
ﺍﺳﻤﻌﻪ ﻳﻜﻮﻝ .... ﻭﻟﻴﺶ ﺗﺒﺠﻲ ﺍﻟﺸﺮﻉ ﻭﻣﺤﻠﻞ ﺍﺭﺑﻌﻪ ..... ﺭﺟﺎﻝ ﻭﻣﻦ ﺣﻘﻪ ﻳﺘﺰﻭﺝ
ﻣﺘﺤﻤﻠﺖ ﻧﺰﻟﺖ ﻣﻦ ﺍﻭﻝ ﺩﺭﺟﺎﻳﻪ
ﺷﻮ ﻛﻠﺸﻲ ﺗﺤﻠﻞ ﻟﻠﻮﻟﺪ ﻭﺗﺤﺮﻡ ﻟﻠﺒﻨﻴﻪ
ﺷﻨﻮ ﺑﺆﺳﻪ ﺗﺮﻳﺪﻳﻦ ﺗﺘﺰﻭﺟﻴﻦ ﺍﺛﻨﻴﻦ ﺍﻧﺘﻲ .... ﻫﺎﻱ ﻣﻮ ﺍﻧﻪ ﻛﺎﻳﻠﻬﻪ ﺍﻟﻠﻪ ﻫﻮ ﻣﺤﺮﻡ ﺍﻟﻨﺴﻮﺍﻥ ﻭﻣﺤﻠﻞ ﻟﻠﺰﻟﻢ
بيج قصص عراقيه حقيقيه من واقعنا.روعه الطائي
ﺷﻴﺮﻳﻦ ﻣﻦ ﺣﺒﺖ ﻭﺍﺣﺪ .... ﺍﻧﺬﺑﺤﺖ
ﻭﻣﻦ ﻓﺎﺭﺱ ﺗﺰﻭﺝ ﻋﻠﻴﻪ ﺗﻜﻮﻝ ﺣﻘﻪ
ﺍﻧﺘﺒﻬﻲ ﺍﻟﻜﻼﻣﺞ ﻳﺒﺖ ﺳﺘﺎﺭ .... ﻭﺑﻌﺪﻳﻦ ﺷﻴﺮﻳﻦ ﺳﺎﻟﻔﺘﻬﻪ ﻭﺣﺪ ... ﻻ ﻳﻢ ﺍﻟﺤﺐ ﻭﻻ ﻳﻢ ﺍﻟﺨﺮﺍﺑﻴﻂ ..... ﺷﻴﺮﻳﻦ ﺣﺎﻟﻬﻪ ﺣﺎﻝ ﺍﻟﺰﺍﻧﻴﺎ .... ﺷﻴﺮﻳﻦ ﺻﻮﺭﻫﻪ ﺑﻴﻦ ﺍﻟﺸﺒﺎﺏ ﻭﺑﻮﺿﻌﻴﺎﺕ ﻣﺘﺘﺴﻮﻟﻒ ... ﺍﻟﻘﺎﺭﺗﻴﻦ ﻭﺗﺴﻮﻳﻘﻲ ﻋﻮﺩﻙ ﻇﺎﻟﻢ
ﺷﻬﺪ / ﻫﻮ ﺍﻧﺖ ﻇﺎﻟﻢ ...... ﻇﻠﻤﺘﻨﻪ ﻛﻠﻨﻪ .. ﻋﻤﻪ ﺧﻮﻟﻪ ﻇﻠﻤﺘﻬﻪ ﻫﻢ ..... ﻣﻮﺗﺖ ﺷﻴﺮﻳﻦ .... ﻭﺟﺒﺮﺗﻨﻲ ﺍﺗﺰﻭﺝ .... ﻭﺟﺒﺮﺕ ﻓﺎﺭﺱ ﺣﺮﻣﺘﻨﻪ ﺍﻧﻲ ﻭﻣﺮﻳﻢ ﻣﻦ ﺩﺭﺍﺳﺘﻨﺎ ..... ﺣﺴﻦ ﺟﺒﺮﺗﻪ ﻗﺒﻞ ﻳﺪﺭﺱ ﻭﻫﻮ ﻣﻴﺮﻳﺪ ﺍﻟﺪﺭﺍﺳﻪ ﻭﻣﻔﻠﺢ ﺑﻴﻬﻪ .... ﻛﺮﺍﺭ ﺟﺒﺮﺗﻪ ﻳﺘﺰﻭﺝ ﻭﺣﺪﻩ ﻣﻴﺮﻳﺪﻫﻪ .... ﺑﺲ ﻗﻴﺼﺮ ﻣﻜﺪﺭﺗﻠﻪ ﻫﻮ ﻭﻣﺤﻤﺪ ﻭﺗﻠﻮﺏ .... ﻋﻠﻴﻬﻢ .... ﺍﻧﺖ ﺷﻌﻠﻴﻚ ﺑﻴﻨﻪ ﺍﺣﻨﻪ ﺷﻨﻮﻭ ﻣﻮ ﺑﺸﺮ ﻣﺸﻴﻨﻪ ﻋﻠﻰ ﻛﻴﻔﻚ ﻟﻴﺶ ..
ﻛﺒﻞ ﺧﻠﺖ ﻋﻤﻪ ﺧﻮﻟﻪ ﺍﻳﺪﻫﻪ ﻋﻠﻰ ﺣﻠﻜﻬﻪ ﻭﻛﺎﻣﺖ ﺗﺄﺷﺮﻟﻲ ﺍﺳﻜﺖ
ﻣﺠﻴﺪ / ﺍﻧﺘﻲ ﻟﻮ ﺑﺖ ﺍﺑﻮﺝ ﺍﻭﻛﻔﻲ ﺑﻤﻜﺎﻧﺞ
ﺷﻬﺪ / ﺟﺪﻭ ﻫﺎﻱ ﺍﻟﺤﻘﻴﻘﻪ
ﺍﻧﻌﻞ ﺍﺑﻮﺝ .... ﻳﺎﺑﻮ ﺍﻟﺨﻠﻔﺞ ﺍﻧﻪ ﺍﻋﻠﻤﺞ ﺍﻟﻴﻮﻡ ﻳﺎ ﺑﺖ ﺳﺘﺎﺭ ﺷﻠﻮﻥ ﺗﺘﺄﺩﺑﻴﻦ ﻭﺗﺤﺘﺮﻣﻴﻦ ﻳﺎ ﺟﻠﻴﻠﺔ ﺍﻟﺤﻴﺎ ﻭﺭﻛﺾ ﻋﻠﻴﻪ ﻭﺍﻧﻲ ﺭﻛﻀﺖ ﺻﻌﺪﺕ ﻓﻮﻙ
ﻭﻣﺎﺍﺩﺭﻱ ﺷﺼﺎﺭ ﻣﺼﺎﺭ ﻃﺒﻜﺖ ﺑﺎﺑﺎ ﺍﻟﻐﺮﻓﻪ ﻣﺎﻝ ﺑﺎﺑﺎ ﻭﻗﻔﺎﺗﻪ ﻭﺗﻤﺪﺩﺕ ﻋﻠﻰ ﺟﺮﺑﺎﻳﺘﻬﻢ ..... ﻭﻳﻨﻜﻢ ﻳﺎ ﺑﺎﺑﺎ ﻭﻣﺎﻣﺎ ﻣﺤﺘﺎﺟﺘﻜﻢ ﻭﺍﻟﻠﻪ
ﺑﻘﻴﺖ ﺑﻐﺮﻓﺘﻬﻢ ﺑﻌﺪﻳﻦ ﺍﻧﺪﻛﺖ ﺍﻟﺒﺎﺏ ﻓﺘﺤﺘﻪ ﻓﺎﺭﺱ ﺭﺩﺕ ﺃﺳﺪﻩ ﺩﻓﻌﻪ
ﻟﺘﺼﻴﺮﻳﻦ ﺯﻋﻄﻮﻃﻪ
ﻻ ﺯﻋﻄﻮﻃﻪ ﻭﻻ ﺷﻲ ..... ﺷﺘﺮﻳﺪ ﻣﻨﻲ
ﺍﺭﻳﺪﺝ ﺍﻟﺞ
ﻭﺍﻧﻲ ﻣﺎﺍﺭﻳﺪﻙ .... ﺭﻭﺡ ﺍﻟﻤﺮﺗﻚ ﻭﻟﻠﻄﻔﻞ ﺍﻟﻲ ﺑﺒﻄﻨﻬﻪ .....
ﻟﺘﺼﻴﺮﻳﻦ ﻣﺨﺒﻠﻪ
ﺍﻧﺖ ﺷﺘﺮﺭﺭﻳﺪ ﻣﻨﻲ
ﻛﺘﻠﺞ ﺍﺭﻳﺪﺝ ..... ﺍﻧﻲ ﺍﺣﺒﺞ ﺍﻟﺞ ﻭﺍﻟﻠﻪ ﻭﻣﺎﺍﻛﺪﺭ ﺑﺪﻭﻧﺞ ﻟﺘﺼﻴﺮﻳﻦ ﻣﻄﻴﻪ
ﺍﻧﺖ ﺷﺪﺗﺤﺠﻲ ..... ﺭﻭﺡ ﻓﺎﺭﺱ .... ﻟﻮ ﺗﺼﻴﺮ ﻧﺒﻲ ﻫﻢ ﻣﺎﺍﺭﻳﺪﻙ ﺑﻌﺪ
ﺷﻬﺪ .... ﺑﺲ ﺗﺠﻴﺐ ﺍﻃﻠﻜﻬﻪ
ﻟﺘﻄﻠﻜﻬﻪ ﻭﻻ ﻫﻢ ﻳﺤﺰﻧﻮﻥ ﺭﻭﺡ ﻋﻴﺶ ﺣﻴﺎﺗﻚ ﻭﻳﺎﻫﻢ .... ﺃﺻﻼ ﺍﻧﻲ ﺟﻨﺖ ﻣﺰﻫﻜﺘﻚ ﺑﺤﻴﺎﺗﻚ ﻭﺭﺍﺣﺘﻚ ﻳﻤﻬﻪ
ﻭﺍﻟﻠﻪ ﺭﺍﺣﺘﻲ ﺍﻧﺘﻲ
ﺍﻱ ﺻﺤﻴﺢ ﻭﺍﻟﺪﻟﻴﻞ ﺑﺲ ﺍﺣﺠﻲ ﺗﺮﻭﺡ ﺗﺮﻛﺾ ﺍﻟﻬﻪ
ﻟﺘﺮﺳﻤﻴﻦ ﺑﻌﻘﻠﺞ ﺍﺷﻴﺎﺀ ﻣﻤﻮﺟﻮﺩﻩ ﻭﺍﻟﻠﻪ ﺍﻟﻌﻈﻴﻢ ﻛﻞ ﺭﺍﺣﺘﻲ ﺍﻧﺘﻲ .... ﺑﻜﻞ ﺣﺎﻻﺗﺞ .... ﺑﺨﺒﺎﻻﺗﺞ ﺑﻜﻠﺸﻲ ﻳﺨﺼﺞ ﺍﺣﺒﺞ
ﻓﺎﺭﺱ .... ﺭﻭﺡ ..... ﻭﺍﻟﻠﻪ ﻣﺎﺍﺭﺟﻌﻠﻚ ﺑﻌﺪ ﻭﺍﻟﻪ ﺍﺗﻄﻠﻚ ﻣﻨﻚ
ﺍﻧﺘﻲ ﻣﺨﺒﻠﻪ ﻣﺎﺍﻃﻠﻜﺞ
ﺗﻄﻠﻜﻨﻲ ﻭﺍﻟﻠﻪ
ﺷﻬﺪ .... ﻭﺍﻟﻠﻪ ﺍﻟﻌﻈﻴﻢ ﺍﻃﻠﻜﻬﻪ ﻟﺘﺴﻮﻳﻦ ﻫﻴﺞ
ﻓﺎﺭﺱ .... ﺍﺧﺘﺼﺮﻟﻚ ﺍﻟﻄﺮﻳﻖ ﺍﻧﻲ ﻣﺎﺍﺭﺟﻊ ﺍﻟﻚ
ﺑﻘﻪ ﻳﺤﺠﻲ ﻭﺍﻧﻲ ﻗﺎﻓﻠﻪ ﻳﺠﻲ ﺑﺎﺑﺎ ﺍﺧﻠﻲ ﻳﻄﻠﻜﻨﻲ ﻣﻨﻪ ﻭﺃﺳﺎﻓﺮ ﻭﻳﺎﻫﻢ
ﺭﺍﺡ ﻓﺎﺭﺱ ﺑﻌﺪ ﻣﺎﺃﻳﺲ ﻣﻨﻲ
ﺧﺎﺑﺮﻧﻲ ﺑﺎﺑﺎ ﻭﻛﻠﻲ ٣ﻳﻮﻡ ﻭﻳﺠﻲ ﻭﻭﺻﻠﻨﻲ ﻣﺎﺍﺣﺠﻲ ﺍﻱ ﺷﻲ ﺑﺪﻭﻥ ﻋﻠﻤﻪ ﻭﻣﻨﺘﻈﺮﺗﻪ
.....................................
ﺷﻴﺮﻳﻦ / ﺑﺎﺑﺎ ﺣﺠﺰ ﻭﺭﺟﻊ ﻟﻠﻌﺮﺍﻕ ﻋﻠﻤﻮﺩ ﺷﻬﺪ ...... ﻣﺎﺍﻋﺮﻑ ﺷﻨﻮ ﻣﻘﺮﺭ ﻳﺴﻮﻱ ...... ﺑﺲ ﺍﻛﻮ ﺍﺣﺘﻤﺎﻝ ﻳﺠﻴﺒﻬﻪ ﻫﻨﺎ ﺍﺫﺍ ﻣﻠﻜﻪ ﺣﻞ ﺍﻟﻤﺸﻜﻠﺘﻬﻪ .... ﻓﺮﺣﺎﻧﻪ ﺣﻴﻞ ﺻﺢ ﺍﻧﺎﻧﻴﻪ .... ﺑﺲ ﺍﺗﻤﻨﺎﻫﻪ ﺗﺠﻲ ﻛﻠﺒﻲ ﻣﻄﻜﻚ ﻋﻠﻴﻬﻪ
ﺟﻨﻪ ﻛﺎﻋﺪﻳﻦ ﺍﻧﻲ ﻭﺍﻣﻲ ﺩﺧﻞ ﻣﺤﻤﺪ
ﺳﺎﻓﺮ ﺍﺑﻮﻳﻪ
ﺍﻱ ﺳﺎﻓﺮ ﺍﺑﻮﻙ ﻭﻳﻦ ﻣﻴﺮﻭﺡ ﻳﻠﺤﻜﻪ ﺍﻟﻀﻴﻢ
ﺷﻴﺮﻳﻦ / ﻣﺤﻤﺪ ﺍﻧﺖ ﺗﺪﺭﻱ ﺏ ﻓﺎﺭﺱ ﻣﺘﺰﻭﺝ
ﻣﺤﻤﺪ / ﻟﻴﺶ ﺗﺴﺄﻟﻴﻦ
ﻻﻥ ﻣﻦ ﺳﻤﻌﺖ ﻣﺘﻔﺎﺟﺌﺖ
ﺍﻧﻲ ﺍﺩﺭﻱ ..... ﻃﺒﻌﺎً ﻻ
ﺭﺣﺎﺏ / ﺑﺲ ﻻ ﻳﺎ ﻣﺤﻤﺪ ﺗﺪﺭﻱ ﻭﺗﻐﻄﻲ ﻋﻠﻰ ﺍﺑﻦ ﻋﻤﻚ ﻭﻣﺘﻔﻜﺮ ﺑﺄﺧﺘﻚ
ﻻ ﻳﺎﺑﻪ ﺷﻨﻮ ﻫﺎﻱ ﺍﻟﺴﻤﻌﻪ .... ﺃﺻﻼ ﺗﻔﺎﺟﺌﺖ ﺍﻧﻲ .... ﺷﻴﺮﻳﻦ ﺣﺒﻴﺒﺘﻲ ﻋﻮﻓﺞ ﻣﻦ ﺍﻟﺴﻮﺍﻟﻒ ﻭﻛﻮﻣﻲ ﺳﻮﻱ ﻟﻜﻤﻪ ﺍﻷﺧﻮﺝ ﺍﻟﺠﺎﻱ ﺗﻌﺒﺎﻥ ﻭﺟﻮﻋﺎﻥ
ﻛﻤﺖ ...
............................................
ﺷﻬﺪ / ﺍﻭﻝ ﻣﻮﺻﻞ ﺑﺎﺑﺎ ﺷﻮﻳﻪ ﺍﺭﺗﺎﺡ ﻭﺩﺯ ﻋﻠﻰ ﻓﺎﺭﺱ .... ﻭﻗﺒﻞ ﺟﺪﻭ ﻳﺤﺠﻲ ﺑﺎﻟﻤﻮﺿﻮﻉ ...... ﻳﺘﺒﻊ
...........................
ﺣﺪﺙ ﻣﻦ ﺍﻟﺒﺎﺭﺕ ﺍﻟﻘﺎﺩﻡ
ﻋﻄﺸﺎﺍﻥ ....... ﺃﻧﻄﻮﻧﻲ ﻣﻲ ....... ﻛﺎﻋﺪ ﺍﻛﻠﻜﻢ ﻋﻄﺸﺎﺍﺍﺍﺍﻥ
ﺗﺮﻳﺪ ﻣﻲ ﺗﺪﻟﻞ ﻣﻦ ﻋﻴﻮﻧﻲ
ﻣﻌﻠﻜﻴﻨﻲ ﻣﻦ ﺍﻳﺪﻱ ﺑﺮﻧﺠﻴﻞ ﺻﺎﺭ ﻳﻮﻣﻴﻦ ﺑﺪﻭﻥ ﻣﻲ ﻭﻳﻀﺮﺑﻮﻥ ﺑﻴﻪ ..... ﺑﺪﻭﻥ ﺭﺣﻤﻪ ..... ﺭﺟﻠﻲ ﺃﺭﻳﺪﻫﻦ ﺑﺲ ﻳﻠﻮﺣﻦ ﺍﻟﻜﺎﻉ ﻭﺍﻛﻌﺪ ..... ﺗﻌﺒﺖ ﺣﻴﻞ
ﺍﺷﻮﻑ ﺍﻟﻤﻮﺕ ﺑﻌﻴﻮﻧﻲ ..... ﺑﺲ ﻣﺎﺍﻣﻮﺕ
ﻫﺴﻪ ﺷﻨﻮﻭﻭ ﻛﺘﻠﻲ ﺗﺮﻳﺪ ﻣﻲ
ﻳﺼﺐ ﺍﻟﻤﻲ ﺑﺎﻟﻜﺎﻉ ﺑﻤﺴﺎﻓﻪ ﺑﻌﻴﺪﻩ ﻋﻨﻲ ...... ﺍﺷﻮﻓﻪ ﺑﺲ ﺷﻮﻭﻑ ﻣﺎﺍﻛﺪﺭ ﺍﻟﻮﺣﻪ ﻭﻳﻀﺤﻚ ﻭﺳﺎﻋﻪ ﻳﻘﺮﺑﻪ ﻭﺳﺎﻋﻪ ﻳﺒﻌﺪﻩ
ﺍﻟﺬﻟﻪ ﺻﻌﺒﻪ
يتبع
|