تفاعل لايك و كومنت يا حبايبي 💜
بقلمي الاء محمود 🌻
🌻الفصل الثاني بعنوان (النظره الاولي )🌻
بعد مرور 10 سنوات
ليلي : بابي بابي قوم بقا
ادم بنعاس : ف ايه يا حبيبه بابي !؟ بتصحيني بدري ليه !؟
ليلي بتزمر : حضرتك قولتلي انك هتعلمني ازاي ادافع عن نفسي وتعلمني الصيد
افنان : ادددم .. خد بنتك واطلعوا برا
ادم : بص ل ليلي .. شوفتي عملتي فينا ايه !؟
افنان بغضب : والبيت اتهز ... برررررررررا
ليلي وادم : بصوا لبعض وبصوت واحد يلا نطلع برا بسرعه بدل مالبيت يقع علينا
طلعوا برا وليلي بتضحك
ادم : بتضحكي يا ليلو
ليلي بضحك : وليفتك عنيفه اوووي يا زعيم
مريم وسيف بضحك : تستاهلوا ..
احمد بضحك : كام مره اققولكوا محدش يكلم جمبها طول ماهي نايمه
ليلي : بابي .. جدو سيف .. خالو احمد .. نانه مريم ... انتوا مش ملاحظين اني احنا بنكلم قدام الاوضه .. مامي من غير ماهتفكر هتقوم تعمل مننا واجبه دسمه للضباع وهتحط عليها كاتشب ومايونيز بصوا هي هدلع بطن الضباع بينا ياجماعه
سيف ومريم واحمد وادم بضحك : اهررررررربوا
.................................................. ..............
ريماس دخلت اوضه ابنها
ريماس بحب : اوس افتكرتك نايم يا حبيبي
اوس بجديه : برغم صغر سنه بس نظراته حاده جدا وطريقته ف الكلام جديه وشخصيته قويه وهيئهته مايبنش عليها انه صغير ابدا .. النهارده اول يوم صيد ليا ازاي ابقا نايم ..
ريماس : ابني قوي .. وانا واثقه دايما فيه
اوس بجديه : شكرا .. بعد اذنك يا ماما .. وسابها وخرج
ريماس بحزن : برغم انك صغير بس مراد بيدمرك .. وانا مش عارفه اسيطر عليك .. انت كده وانت صغير اومال هتعمل ايه لما تكبر .. كل حاجه بعملها معاك .. مراد بيدمرهالي
.................................................. .............
ادم .. نزل هو وليلي
اسر بحب : صباح الخير باميره الذئاب
ليلي بغضب : لو قولتها تاني هجيب رقابتك ع صدرك يا اسر .. وهنسي خالص انك ابن عمو مراوان وطنط رنيم فاهم وسابته ومشيت
ياسين بضحك : شكلك وحش اووي يا ابو الاساير وانت عامل زي الكتكوت المبلول قدامها
اسر بعصبيه : ياسين انا مش ناقصك
تقي بضحك : ف ايه يا عم اسر .. انت معرفتش تشطر عليها جاي تشطر ع الغلبان ده
وتقي وياسين بصوا لبعض وضحكوا
واسر كان لسه هيكلم بس قطع كلامه ليلي
ليلي بجديه : انتوا هتقعدوا ترغوا انتوا ناسين اني النهارده اول صيد لينا ولازم نبقي جادين شويه
تقي : والنبي متستعجليني ياشيخه .. انا اصلا خايفه وركبي بتخبط ف بعضها .. انا نفسي اعرف الونه افنان بتعمل فينا ليه كده
ليلي : جبانه
ياسين : اهدي ياتقي .. يوم وهيعدي وغير احنا معاكي اهو
ليلي باستنكار : يا سوسو .. حنين اوووي يا عم سينو الصراحه
ياسين بضحك : يابنتي مبحبش اتكلم عن نفسي كتير
كلهم ضحكوا ع اسلوبه
ادم : جاهزين
كلهم : ايوه يا زعيم
ادم بجديه : انا مش هروح معاكوا .. انا هسيبكوا تعتمدوا ع نفسكوا وبص ليلي ولياسين انتوا المسئولين ع رجوعكوا بالسلامه .. وبص ل تقي واسر انتوا اللي مسئولين قدامي ع الصيد .. مفهوم
كلهم : مفهوم يا زعيم
ادم : ليلي متخرجيش برا الدايره اللي رسمهالكوا ع حدود السواحل
افنان : بتمناه متكسريش كلامنا
ليلي ببتسامه خبيثه : طبعا طبعا
تقي بعد ماخرجوا من البيت : بهمس .. عارفين انك مش هتجبيها لبر
ليلي بغضب : معرفش ليه شايفني صغيره .. انا كبرت خلاص .. انا حقيقي نفسي اشوف الغابه اللي دايما بيحذرونا منها دي
ياسين : هما خايفين عليكي يا ليلو .. مش شايفينك صغيره وغيراحنا كلنا زيك بيحذرونا منها يعني مش انتي لوحدك
ليلي : سينو .. تعرف تسكت يا عم العقل الحكيم
ياسين : احنا حقيقي مشاكلنا مابتجيش غير منك .. استر ياللي بتستر .. وعدي اليوم ده ع خير
.................................................. .............
مراد : عايز صيدك يكون كتير .. عايزك ماترحمش يا اوس
اوس : حاضر .. اي حاجه تانيه
مراد : انا عايزك احسن زعيم فاهم
اوس بجديه : فاهم بعد اذنك
بعد ماخرج خبط ف لارا بنت عمه
لارا بكسوف : اوس .. اسفه .. انا مكنش قصدي
اوس بلامبالاه : عادي
قصي : ايه يا اوس كل ده .. ولا انت خلاص عشان هتبقا زعيم بقا
اوس بحده : لون عينيه اتغير ... كام مره قولتلك اني بكرهه اللقب ده يا قصي ..
قصي : ياساتر .. لون عينيك ده بيرعبني بجد .. كل يوم بعرف انك قد ايه مميز
اوس : طب يلا وبطل رغي
قصي : امرك يا زعي ....
اوس : بصله بصه كفيله تحرقه
قصي : مش قصدي مش قصدي .. نسيت
.................................................. ..............
.................................................. ..............
ليلي : بابي .. مامي انتوا فين .. احنا جينا
ياسين : شكلهم كلهم مش موجودين يا ليلي
اسر : هنقعد ف البيت لوحدنا اخيرا
ليلي بتعجب : بس مش غريبه انه كلهم مش موجودين بس يلا اكيد زمانهم جايين
تقي : طب يلا نقعد فوق ونستناهم
ليلي بمكر وخبث وهمست لتقي : طب اطلعوا انتوا يا شباب واحنا جايين وراكوا بنسبه انهم مش موجودين يلا نطلع نتمشي ف الغابه
تقي بخوف : خالو ادم لو عرف هيزعق .. وغير مش احنا واحنا صغيرين بيتقلنا ان الغابه فيها اشرار
ليلي : جبانه وغير اديكي قولتي صغيرين لكن احنا دلوقتي كبرنا وغير ايه اشرار دي انتي بتصدقي الكلام العبيط ده وغير بابي حبيبي مش هيعملي حاجه .. هو هيزعل شويه وانا هعرف اصالحه وخلاص المشكله هتبقا ف مامي بس هحاول اصالحها
تقي : لا ياليلي .. وغير اميره الذئاب لازم تسمع الكلام
ليلي : اوووف بقا بطلي تقولي اميره الذئاب انا مش اميره انا مش حبه كده ... خلاص هطلع لوحدي ... المهم داري عليا بقا وغمزتلها
تقي : ليلي ... يا ليلي
ياسين : راحت الغابه صح .. المشاكل كلها مابتجيش غير من تحت راسها
اسر بزعيق : انتي ازاي تسبيها تمشي .. انتي انتي اتجننتي يا تقي
ياسين : ايه يا عم اسر يا حبيب اهدي كده .. الاميره بتعرف تصرف .. المشكله ف الالفا والونا لما يجوا ويسالوا عليها هتكون كارثه
.................................................. ..............
ليلي بنبهار : الله الغابه حلوه اوووي بجد
وحسيت بحركه غريبه
ليلي : مين هنا .. تقي بليز متعمليش الحركات دي
ظهر قدامها ذئب ابيض وعنيه حمرا
ليلي : واووووو انت ازاي ذئب ابيض وعنيك حمرا وبقت تلف حواليه بنبهار .. وقعدت قدامه وبدات تلمس عليه فلقته اتنفض وبعد عنها .. هو انت ليه بعدت انا زيك ع فكره .. وكملت بحماس ممكن ترجع لطبيعتك وتكون هيئتك زي كده بليز ملقتش استجابه طب انا هتحول واكون زيك
ليلي بدات تتحول
اووس لنفسه : هي ازاي حلوه كده ... دي جميله فوق الوصف
ليلي بدات ترجع لطبيعتها تاني شوفت بقا اني زيك .. يلا ارجع انت كمان لطبيعتك ملقتش استجابه برضو
ليلي بمكر ولنفسها : انا متعودتش ايأس ابدا .. وكملت .. واضح انك مش عايز تعمل حاجه خالص .. ع العموم انا الامي ... قصدي ليلي .. ايه رايك نبقا صحاب لو موافق خليك لو مش موافق امشي استنت 5 دقايق لقته فضل وكملت بحماس يعني انت موافق واوووو راحت سندت ضهرها ع شجره وهو راح قعد جمبها ووهي ابتسمت ميلت براسها ع ضهره كانها نايمه ع مخده .. هي حست بنفضته بس تجاهلتها عشان هو مبعدهاش
ليلي : بنسبه انك مقولتليش ع اسمك .. فانا هخترلك اسم اندهك بيه .. لو عجبك بصلي لو معجبكش متبصليش .. عملت نفسها بتفكر .. انا هسميك "صخر" عشان انت واضح انك قوي ومافيش حاجه بتهزك ولا بتاثر فيك زي الصخور بظبط
اوس من جواه ابتسم وبصلها
ليلي بفرحه : الله انا مبسوطه انه عجبك .. هو انا ليه حاسه انك ابتسمت يلا مش مهم حطت تاني راسها عليه وقعدت حكتله ع تقي وياسين واسر وقد ايه هي بتحبهم بس اسر مش اوووي بس هو طيب عشان هما اققرب ناس ليها بس طبعا هي مقالتلوش انها الاميره عشان هي اصلا بتكره القب ده وكانت كل ماتقول كلمه تضحك
اوس : كان مبسوط بوجودها جدا وكانت مع كل ضحكه بتطلع منها كانت بتخطف قلبه من غير ماتحس .. برغم من صغر سنه بس حاسس احساس غريب مش فاهموا
بعد شويه سمعوا صوت بينده علي ليلي
ليلي : يارربي .. ده ياسين واسر .. انا اكيد انتهيت
ياسين : خضتينا عليكي
اسر بحده : انتي كنتي بتكلمي مين
ليلي : كنت بكلم ولفت ضهرها ملقتوش .. بصوت هامس ايه ده هو راح فين
اسر : هو ايه ده اللي راح فين
ليلي بغضب : هو ايه اللي راح فين انت هتحقق معايا يا اسر ؟ ويلا نمشي عشان بابي ومامي ميزعقوش
اسر وياسين مشيوا قدام وهي وقفت
ليلي بحزن : اتنهدت وهمست بتمناه اشوفك تاني يا صخر
.................................................. ..............
قصي كان جاي وكان لسه هيكلم لقاه اوس رجع لطبيعته وحط ايده ع بوقه وشال ايده بعد مالقاهم بعده عن الغابه
قصي : في ايه يخربيتك خضتني .. هو ف ايه !؟
اوس : مش عارف بس انا شوفت ... ولنفسه .. هو انا ليه حاسس كده
قصي بأستفاهم : شوفت ايه يا اوس !
اوس بحده : ولا حاجه يلا نرجع ع البيت .. احنا خلاص خلصنا صيد كفايه كده
.................................................. .............
ليلي وياسين واسر دخلوا البيت
افنان بزعيق : ليييييييييلي انتي دخلتي الغابه !؟
.................................................. .............
يتبع ««««««««««
|