الجزء الثاني لقصة شيخ الشباب
ﻣﺴﺎﺀ ﺍﻟﻮﺭﺩ ﺑﻌﺪ ﺍﻟﻐﻴﺎﺏ
#ﺑﻨﺖ__ﺍﻟﻤﺆﻣﻦ
ﺷﻴﺦ ﺍﻟﺸﺒﺎﺏ ﺝ٢
ﻣﻦ ﻛﺘﺎﺑﺎﺕ ﺯﻫﺮﺍﺀ ﺍﻟﻌﺮﺍﻗﻴﺔ
ﺃﺷﻬﺪ ﺃﻻ ﺇﻣﺮﺃﺓ ﺗﺠﺘﺎﺣﻨﻲ ﻓﻲ ﻟﺤﻈﺎﺕ
ﺍﻟﻌﺸﻖ ﻛﺎﻟﺰّﻟﺰﺍﻝ
ﺗﺤﺮﻗﻨﻲ
ﺗﻐﺮﻗﻨﻲ
ﺗﺸﻌﻠﻨﻲ ..
ﺗﻄﻔﺌﻨﻲ
ﺗﻜﺴﺮﻧﻲ ﻧﺼﻔﻴﻦ ﻛﺎﻟﻬﻼﻝ ﺃﺷﻬﺪ ﺃﻟّﺎ ﺍﻣﺮﺃﺓً ﺗﺤﺘﻞّ ﻧﻔﺴﻲ ﺃﻃﻮﻝ ﺍﺣﺘﻼﻝ ﻭﺃﺳﻌﺪ ﺍﺣﺘﻼ ﻝ
- ﻧﺰﺍﺭ ﻗﺒﺎﻧﻲ
#بارت١
ﻧﺪﮔﺖ ﺑﺎﺏ ﻏﺮﻓﺘﻲ ﺩﮔﺔ ﺧﻔﻴﻔﻪ ﻭﻣﺪ ﻣﺮﺗﻀﻰ ﺭﺍﺳﺔ
- ﻛﺎﻋﺪﻩ !
- ﻻ ﺑﺴﺎﺑﻊ ﻧﻮﻣﺔ !
ﺍﻧﻲ ﮔﺎﻋﺪﻩ ﮔﺪﺍﻡ ﻛﻨﺘﻮﺭﻱ ﻭ ﺍﻟﻤﻼﺑﺲ ﻣﻄﺸﺮﺓ ﻭﺍﻟﻲ ﺑﺎﻳﺪﻱ ﺩﺍ ﺍﺭﺗﺐ ﺑﻴﻬﺎ ﻭﺍﺭﺻﻬﺎ ﺑﺎﻟﻜﻨﺘﻮﺭ
ﻭﻋﻠﻲ ﻳﻤﻲ ﺑﺎﻻﺭﺽ ﻋﻠﻰ ﺍﻟﻤﻼﺑﺲ ﻣﻄﺮﻭﺡ ﻳﺮﺿﻊ ﻣﻤﺔ ﻭﻻﺯﻡ ﺭﺟﻠﺔ ﺑﺄﻳﺪﺓ ﺍﻟﺜﺎﻧﻴﺔ ' ﺿﺤﻚ ﻟﺨﺎﻟﺔ '
ﺩﺧﻞ ﻣﺮﺗﻀﻰ ﻭﻫﻮ ﻳﺒﺎﻭﻉ ﻟﺮﻗﻴﺔ ﺍﻟﻲ ﻣﻨﻄﻴﺘﻪ ﻇﻬﺮﻫﺎ ﻭﻋﻠﻰ ﺳﺠﺎﺩﺗﻬﺎ ﺗﺤﻔﻆ ﺳﻮﺭﺓ ﺟﺪﻳﺪﺓ ،ﺗﻌﻴﺪ ﻭﺗﺰﻳﺪ ﺑﺎﻵﻳﺔ ﺑﺼﻮﺕ ﻫﺎﺩﺉ ....
ﻇﻞ ﻭﺍﻛﻒ ﻭﺍﺩﻳﻪ ﺑﺠﻴﻮﺏ ﺑﺠﺎﻣﺘﻪ ...
- ﺷﻔﺘﻠﺞ ﺣﻞ ﺑﺨﺼﻮﺹ ﺍﻟﺨﻂ
- ﻭﺍﻓﻖ ﺑﺎﺑﺎ ﺍﺭﻭﺡ ﺑﺎﻟﺨﻂ؟
ﺍﻭﻭﻑ ﺑﺲ ﻭﻳﻦ ﺍﻟﻜﻪ ﺍﻟﻲ ﻣﻘﻌﺪ ﺑﻌﺪ
- ﻻ ﻭﻳﻦ ﺍﺑﻮﺝ ﻳﻘﺘﻨﻊ
- ﻟﻌﺪ ﺷﻨﻮ ﺍﻟﺤﻞ ﺍﻇﻠﻮﻥ ﺣﺎﻳﺮﻳﻦ ﺑﻴﻪ ﻭﺍﻧﺖ ﺗﺎﺧﺬ ﺯﻣﻨﻴﺎﺕ ﻟﻮ ﻫﻮ ﻳﺠﻲ ﻣﺘﺄﺧﺮ ﻋﻠﻴﻪ !
ﻛﻞ ﺷﻲ ﻣﺼﻌﺒﺔ ﺑﺎﺑﺎ
- ﻏﻴﺮ ﺧﻄﺞ ﻣﺨﺘﻠﻂ ﻭﻳﺨﺎﻑ ﻋﻠﻴﺞ
- ﺑﺎﻟﺪﻭﺍﻡ ﻫﻢ ﺍﺧﺘﻼﻁ
- ﺩﺍﺧﻞ ﺍﻟﺤﺮﻡ ﺍﻟﺠﺎﻣﻌﻲ ﺗﻜﺪﺭﻳﻦ ﺗﺨﻠﻴﻦ ﻣﺴﺎﻓﺔ ﺑﺲ ﻣﺎ ﺍﻛﺪﺭﻳﻦ ﺗﺨﻠﻴﻬﺎ ﻣﻦ ﻳﺠﻲ ﺷﺎﺏ ﻳﻜﻌﺪ ﻳﻤﺞ ﺑﺎﻟﺨﻂ
- ﻭ ﺍﻟﺤﻞ ! ؟
- ﺷﻔﻨﺎ ﺍﻟﺞ ﺧﻂ ﺧﺎﺹ
- ﺧﺎﺹ ! ﺷﻨﻮ ﻓﺮﻗﺔ ﻫﺎﺍﺍ؟
ﻏﻴﺮ ﻫﻮ ﺍﻏﻠﻰ ﺳﻌﺮ
- ﻓﺮﻗﺔ ﺍﻟﻮﻟﺪ ﻧﻌﺮﻓﺔ ﻭﺍﻧﺖ ﺷﻮﻓﻴﻠﺞ ﺍﺛﻨﻴﻦ ﺑﻨﺎﺕ ﻭﻳﺎﺝ
- ﻫﺎ ﻳﻌﻨﻲ ﺗﻜﺴﻲ ﺧﺎﺹ ﻳﻼ ﺍﺷﻮﻑ ﺍﻡ ﻣﺤﻤﻮﺩ ﻣﺎ ﻣﺮﺗﺎﺣﻪ ﻭﻳﻪ ﺧﻂ ﺍﻟﻜﻮﺳﺘﺮ ﻛﻞ ﻳﻮﻡ ﻳﻔﺮﻫﺎ ﻋﻜﺔ ﻭﻣﻜﺔ ﺍﻻ ﻳﻮﺻﻞ ﻟﺤﻴﻨﺎ
ﻭ ﻧﻮﺭ ﺑﻠﻜﻲ ﺗﻘﺒﻞ
- ﺧﻮﺵ ﺷﻮﻓﻴﻬﻦ ﺣﺘﻰ ﻧﺄﻛﺪ ﻋﻠﻰ ﺍﻟﺮﺟﺎﻝ
- ﺑﺲ ﻛﻮﻥ ﺗﻜﺴﻲ ﺑﻴﻬﺎ ﺗﺒﺮﻳﺪ ﺣﺒﺎﺏ
- ﻳﺎ ﺗﻜﺴﻲ ﺍﻧﺖ ﺳﻴﺎﺭﺓ ﺧﺎﺻﺔ
ﺷﺎﻃﺮ ﺧﻠﻴﻞ ﺭﻏﻢ ﻫﻮ ﻋﻨﺪ ﺍﻫﻠﺔ ﻣﺤﻼﺕ ﻭ ﻫﻮ ﻻﺯﻣﻬﻦ ﺑﺲ ﻣﺎ ﻳﻜﻌﺪ ﺣﺮﻙ ﻭﻳﺤﺐ ﺍﻟﺸﻐﻞ ﻭﻫﻢ ﺍﻋﺘﻘﺪ ﻣﺠﺎﻣﻠﺔ ﺍﻟﻨﺎ ﻣﻦ ﺷﻬﺪ ﻛﺎﻟﺖ ﺍﻟﻪ ﻭﺍﻓﻖ
- ﺧﻠﻴﻞ !
- ﺍﻱ ﻫﻮ ﻏﻴﺮ ﻻﻥ ﻣﻌﺮﻓﺔ ﻭﺇﻧﺴﺎﺑﺔ ﺍﻻ ﺍﺑﻮﺝ ﻭﺍﻓﻖ
- ﻫﺎﺍ
ﺧﻠﻴﻞ
ﺿﺮﺑﺖ ﻋﻠﻰ ﺟﺒﻴﻨﻲ ﺧﺎﻑ ﻣﺎ ﻛﻔﺎﻩ ﻭﻛﻔﺘﺔ ﺍﻟﻲ ﺍﻟﺴﺎﺑﻘﺔ ﻣﻦ ﻛﻨﺖ ﺍﺭﻭﺡ ﻟﺪﺭﺱ ﺍﻟﺪﻳﻦ ﺍﺟﺎﻧﻲ ﺣﺘﻰ ﻣﻦ ﺩﺍﻭﻣﺖ
- ﺍﻱ ﺍﺷﺒﻴﺞ ﺿﺮﺑﺘﻲ ﻛﺼﺘﺞ؟
- ﺧﻠﻴﻞ ﺍﺑﻮ ﺷﻌﺮ ؟
ﺿﺤﻚ
- ﺳﺒﻊ ﻫﺬﺍ ﻭﺛﻘﺔ
ﻛﻠﺖ ﺑﮕﻠﺒﻲ ﻻ ﻛﻠﺶ ﺛﻘﺔ ﺍﺷﻠﻮﻥ ﺧﺪﻋﻜﻢ ﺍﻧﺖ ﻭﺍﺑﻮﻳﺔ ﻭﺍﺷﻠﻮﻥ ﺷﻔﺘﻮ ﻛﻔﺄ ﻣﺎ ﺍﺩﺭﻱ ﺍﻧﻲ ﻣﺎ ﺍﺷﻮﻓﻪ ﻏﻴﺮ ﻧﺴﻮﻧﺠﻲ ﻭﺍﻟﻠﻪ ﺑﻼﻧﻲ ﻭﺍﻧﻌﺠﺐ ﺑﻴﻪ ﻟﺰﻛﻠﻲ ﻣﺜﻞ ﺍﻟﺼﻤﻎ
ﻃﻠﻊ ﻣﺮﺗﻀﻰ ﺑﺎﻭﻋﺖ ﻟﻠﺴﺎﻋﺔ ﺏ١٠ ﻭﻧﺺ
ﻳﺎ ﺗﺮﻯ ﻧﺎﻳﻤﺔ ﻟﻮ ﻛﺎﻋﺪﺓ ﻫﺴﺔ ﺑﺲ ﻣﺎ ﺻﺒﺮﺕ ﻭ ﺧﺎﺑﺮﺕ ﺷﻬﺪ
ﺑﻌﺪ ﺍﻟﺴﻼﻡ ﻭ ﺍﻟﺴﺆﺍﻝ ﻋﻦ ﺻﺤﺘﻬﺎ ﻷﻧﻬﺎ ﻣﺮﻳﻀﺔ ﻳﻢ ﺍﻣﻬﺎ ﺻﺎﺭﻟﻬﺎ ﺍﺳﺒﻮﻋﻴﻦ ﻧﺎﻳﻤﺔ ﺣﻤﻠﻬﺎ ﻣﻬﺪﺩ ﻭﺭﺍﺡ ﺗﻘﻀﻲ ﻣﺪﺓ ﻣﻨﺎ ﻣﻦ ﻳﺘﺴﻘﺮ ﻭﺿﻌﻬﺎ ﻳﻤﻜﻦ ﺍﺷﻬﺮ ...
- ﺷﻬﺪ
- ﻫﺎ ﻫﻬﻬﻬﻬﻬﻪ
- ﺿﺤﻜﺘﺞ ﻭﺿﺤﺖ ﺍﻧﺖ ﻋﺮﻓﺘﻲ ﻟﻴﺶ ﺍﺗﺼﻠﺖ
- ﻗﺼﺪﺝ ﺍﻧﻲ ﺍﻗﺘﺮﺣﺖ ﺍﻟﻔﻜﺮﺓ ﻋﻠﻰ ﺧﻠﻴﻞ ﻭﻫﻮ ﻃﺎﺭ ﻃﻴﻮﺭ ﻫﻬﻬﻬﻬﻬﻬﻪ
ﻻ ﺍﺑﺪ ﻇﺎﻟﻤﺘﻨﻲ
- ﺷﻨﻮ ﻳﺮﻳﺪ ﻣﻨﻲ ﺍﺑﻦ ﺧﺎﻟﺞ ؟
ﺷﻬﺪ ﺟﺎﺩﺓ ﻣﺎ ﺍﺗﺸﺎﻗﺔ ﻻ ﺍﻧﻲ ﺍﺣﺐ ﻫﺬﻱ ﺍﻟﺴﻮﺍﻟﻒ ﻭﻻ ﻣﺜﻠﻜﻢ ﺍﻫﻢ ﺷﻲ ﻋﻨﺪﻱ ﺍﻟﺘﺰﺍﻣﻲ ﻳﺎﺭﻳﺖ ﺗﺒﻠﻐﻴﻪ ﻳﺒﻄﻞ ﻋﻨﻲ ﻭﻳﺤﺠﺐ ﻧﻈﺮﺓ ﻷﻧﻲ ..... ﺍﻟﻮ ﺍﻟﻮ
ﻗﻄﻌﺖ ﻛﻼﻣﻲ ﻭﻛﻠﺖ ﺍﻟﻮ ﻋﺒﺎﻟﻲ ﻣﺎ ﺗﺴﻤﻊ..بيج قصص عراقيه حقيقيه من واقعنا.روعه الطائي
ﺭﻓﻌﺖ ﺍﻟﺨﻂ ﻟﺒﺎﻟﻲ ﺍﻧﺴﺪ ، ﺑﻌﺪﻩ ..
- ﺍﻟﻮ ﺷﻬﺪ ﻭﻳﺎﻱ
- ﺍﻧﻲ ﻣﺎ ﻋﻨﺪﻱ ﺍﺧﻼﻕ ؟
- ﻣﺎ ﻗﺼﺪﺕ
- ﻗﺼﺪﺗﻲ ﺍﻭ ﻻ ﺍﺳﻔﺔ ﺍﻟﻈﺎﻫﺮ ﺯﻭﺩﺗﻬﺎ ﺑﺲ ﺍﻧﻲ ﺍﻟﻐﻠﻂ ﻣﻨﻲ ﻟﺒﺎﻟﻲ ﺍﻛﺪﺭ ﺍﻭﻓﻖ ﺑﻴﻨﻜﻢ ..
- ﺍﻟﻮ
ﺷﻬﺪ - ﻭﻳﺎﺝ
ﺭﺍﻳﺪﻩ ﺷﻲ ؟
- ﻻ ﺍﻟﻠﻪ ﻭﻳﺎﺝ
ﻣﻊ ﺍﻟﺴﻼﻣﺔ
ﺍﻣﻲ ﻓﺘﺤﺖ ﺍﻟﺒﺎﺏ ﺍﺳﺘﻐﺮﺑﺖ
- ﻫﺎ ﻳﻮﻡ ﺭﺍﻳﺪﺓ ﺷﻲ
- ﺍﺧﺘﺞ ﺻﺎﺭﺕ ﻋﺪﻫﺎ ﻭﻻﺩﺓ
- ﺷﻨﻮ ﻳﺎ ﺑﻌﺪﻫﺎ ﺑﺒﺪﺍﻳﺔ ﺷﻬﺮﻫﺎ
ﻛﻞ ﻣﺮﺓ ﺗﺨﻠﺺ ﺍﻟﺘﺎﺳﻊ
- ﺑﻌﺪ ﺻﺎﺭ ﺍﻟﺒﺴﻲ ﻭﺍﺧﻮﺝ ﻳﻮﺻﻠﺞ ﻟﻠﻘﺎﺑﻠﺔ ﺭﺍﻳﺤﻪ ﻫﻲ ﺑﻄﺮﻳﻘﻬﺎ ﺍﻟﻬﺎ
ﻟﺒﺴﺖ ﻭ ﻃﻠﻌﻨﺎ ﺍﻧﻲ ﻭ ﻣﺮﺗﻀﻰ ﺭﺣﻨﺎ ﻟﺤﻲ ﺍﻟﻘﺎﺑﻠﺔ ﻧﻌﺮﻓﻬﺎ ﻭﺣﺎﻓﻈﻴﻦ ﻃﺮﻳﻘﻬﺎ ﻣﺜﻞ ﺍﺳﺎﻣﻴﻨﺎ ﺑﻜﻞ ﻭﻻﺩﺓ ﻟﻔﺎﻃﻤﺔ ﺍﺣﻨﻪ ﺟﺎﻳﻴﻦ ﺍﻟﻬﺎ ...
ﻟﻜﻴﻨﺎ ﺳﻴﺎﺭﺓ ﺍﺑﻮ ﻣﺼﻄﻔﻰ ...
ﻧﺰﻟﺖ ﻭ ﻋﻔﺘﻬﻢ ﻣﺮﺗﻀﻰ ﻧﺰﻝ ﻣﻦ ﺍﻟﺴﻴﺎﺭﺓ ﻭﻛﻌﺪ ﻳﻢ ﺍﺑﻮ ﻣﺼﻄﻔﻰ ﻭﺍﻧﻲ ﺩﺧﻠﺖ ..
ﻟﻜﻴﺖ ﻓﺎﻃﻤﺔ ﺗﺘﻮﺟﻊ ﻋﻠﻰ ﺍﻟﺴﺪﻳﺔ
ﺍﻣﺴﺢ ﻋﺮﻙ ﻭﺟﻬﺎ ﺑﻤﻨﺪﻳﻠﻲ ﻭ ﺩﻣﻮﻋﻲ ﻧﺰﻟﺖ ﻣﺎ ﺗﺤﻤﻠﺖ ﺍﺷﻮﻑ ﺍﻻﻟﻢ ﺑﻌﻴﻮﻧﻬﺎ
- ﺭﺍﺡ ﺍﻣﻮﺕ
ﺍﺍﺍﺍﻩ
ﺑﻌﺪ ﺳﺎﻋﺔ ﻣﻦ ﺍﻟﻄﻠﻮﻙ ﻛﺎﻋﺪﻩ ﻭﺍﺿﺤﻚ ﻭﺍﻟﻄﻔﻞ ﺑﺎﻳﺪﻱ ﻭ ﻓﺎﻃﻤﺔ ﺗﺴﺘﻌﻴﺪ ﻗﻮﺗﻬﺎ ﺣﺘﻰ ﻧﻄﻠﻊ
- ﻟﻴﺶ ﻣﺎ ﺍﺟﺖ ﺍﻣﻲ
- ﺍﻣﺞ ﺑﺎﻟﻠﻴﻞ ﻛﻠﺶ ﺗﻬﻴﺞ ﺭﺟﻠﻴﻬﺎ ﻋﻠﻴﻬﺎ ﻭﻳﻨﻬﺎ ﻭﻳﻦ ﺍﻟﻄﻠﻌﺔ
ﺑﻌﺪﻳﻦ ﻫﺎﻱ ﺟﺪﻳﺪﻩ ﻋﻠﻴﻪ ﻫﺎﻱ ﺛﺎﻟﺚ ﻣﺮﺓ ﺍﻧﻲ ﺍﻟﻲ ﺍﺭﺍﻓﻘﺞ ﺣﺘﻰ ﺑﻮﺟﻮﺩ ﺍﻣﻲ ﻛﻠﺸﻲ ﻣﺎ ﺍﺳﻮﻱ ﺍﻟﺞ ﺗﻌﺒﺎﻧﻪ
- ﺍﻧﺖ ﺑﻜﻞ ﻋﺰﺓ ﻟﻄﺎﻣﺔ
ﺿﺤﻜﺖ
ﻛﻠﺖ - ﻳﺨﺒﻞ ﺷﺤﻼﺗﻪ
ﻋﻮﺟﺖ ﺣﻠﻜﻬﺎ
- ﺭﺩﺗﻪ ﺑﻨﻴﺔ ﺣﺘﻰ ﺧﻔﺖ ﺍﻋﺮﻑ ﺟﻨﺴﺔ
ﺑﻌﺪ ﻭﻻﺩﺗﻪ ﻃﻠﻌﻠﻲ ﻭﻟﺪ ﺍﻧﻲ ﻋﺎﻳﺰﺓ ﻭﻛﺎﺣﻪ ﻭﺍﺿﺎﻓﺔ ﻟﻠﻔﺮﻳﻖ
- ﻛﻠﻪ ﻧﻌﻤﺔ ﺍﺷﺒﻴﺞ ﺍﻟﻨﺎﺱ ﺗﺘﻤﻨﻰ ﺗﻤﻨﻲ
- ﻧﻌﻤﺔ ﻧﻌﻤﺔ
ﺑﺨﻔﻮﺕ ﻫﻤﺴﺖ ﻭﻫﻲ ﻣﻄﺮﻭﺣﻪ
" ﺭﺩﺕ ﺍﺧﺖ ﻟﺒﻨﺘﻲ ﻭﺣﻴﺪﻩ
ﺗﺠﻴﻬﺎ ﻟﻮ ﺍﻋﺘﺎﺯﺗﻪ ﺑﻤﺜﻞ ﻫﻴﺞ ﻭﻗﺖ
ﺣﺒﻴﺒﺘﻲ ...
ﻳﻼ ﺍﺭﺗﺎﺣﻴﺘﻲ ﻋﻴﺐ ﻣﻦ ﺍﻟﻤﺮﺓ ﺯﺣﻤﺔ ﺑﻌﻴﺎﺩﺗﻬﺎ ﻧﻈﻞ
- ﻳﻼ ﺻﻴﺤﻲ ﺍﻟﻬﺎ ﻭﺍﺧﺬﻱ ﻣﻦ ﺟﻨﻄﺘﻲ ﻓﺪ ١٥٠ ﻭﺍﻧﻄﻴﻬﺎ ﻣﺎ ﺗﻌﺒﺖ ﻭﻳﺎﻱ ﺑﺴﺮﻋﺔ ﻭﻻﺩﺗﻲ
ﺣﺎﺳﺒﺖ ﺍﻟﻘﺎﺑﻠﺔ ﻭﻃﻠﻌﻨﺎ ﻣﻦ ﻋﻴﺎﺩﺗﻬﺎ ﺍﻟﻲ ﻫﻲ ﻏﺮﻓﺔ ﺧﺎﺭﺟﻴﺔ ﻣﻦ ﺑﻴﺘﻬﺎ ﻣﻄﻠﺔ ﻋﻠﻰ ﺣﺪﻳﻘﺘﻬﺎ ...
ﺗﻤﺸﻲ ﻋﻠﻰ ﻛﻴﻔﻬﺎ ﻭﺍﻧﻲ ﺟﻨﻄﺔ ﺍﻟﻄﻔﻞ ﻭ ﺍﻟﻄﻔﻞ ﺑﺎﻳﺪﻱ ...
ﻛﻌﺪﺕ ﺑﺴﻴﺎﺭﺓ ﺯﻭﺟﻬﺎ
ﻣﺮﺗﻀﻰ - ﻇﻠﻲ ﻭﻳﺎﻫﺎ
ﺭﺍﺡ ﻟﺴﻴﺎﺭﺗﻪ ﻣﺮﺗﻀﻰ ..
ﻭﺻﻠﻨﺎ ﻟﺒﻴﺘﻨﺎ ...
ﻟﻜﻴﻨﺎ ﺍﻣﻲ ﻣﻨﺘﻈﺮﺗﻨﺎ ﻭﻣﺤﻀﺮﺓ ﻏﺮﻓﺘﻬﺎ ﻟﻔﺎﻃﻤﺔ ...
ﻭ ﺯﻭﺟﻬﺎ ﺭﺍﺡ ﻟﺒﻴﺘﻪ ﻭﺭﺟﻊ ﺍﻟﻨﺎ ﺑﻨﺺ ﺍﻟﻠﻴﻞ ﺑﺘﻬﺎ ﺑﺘﻮﻝ ﺧﺎﺑﺼﻪ ﺍﻟﺠﻮ ﻋﻠﻴﻪ ﺗﺮﻳﺪ ﺍﻣﻬﺎ ﻭﺟﺎﺑﻬﺎ
ﻣﺎ ﺩﺍﻭﻣﺖ ﻟﻴﻮﻣﻴﻦ ﻭﻣﻦ ﺧﻼﻝ ﺍﻻﺗﺼﺎﻝ ﻭﻳﺔ ﺍﻟﺰﻣﻴﻼﺕ ﻭﺍﻓﻘﻦ ﻭﻓﺮﺣﻦ ﻣﻦ ﺑﻠﻐﺘﻬﻦ ﺟﻮ ﺍﻳﺪﻱ ﺧﻂ ﺧﺎﺹ ...
،
ﺑﻌﺼﺮﻳﺔ ﺃﻣﺸﻂ ﻟﺒﺘﻮﻝ ﻭ ﻓﺎﻃﻤﺔ ﺗﻨﻴﻢ ﺑﻄﻔﻠﻬﺎ ، ﺑﻐﺮﻓﺔ ﺍﻣﻲ ﻭﺍﻣﻲ ﻭﺭﻗﻴﺔ ﻳﻤﻲ
ﻓﺎﻃﻤﺔ
- ﺍﺷﻠﻮﻧﻬﺎ ﻣﺮﺗﻚ
ﻛﻌﺪ ﻳﻤﻬﺎ ﻭﺍﺧﺬ ﺍﻟﻄﻔﻞ
- ﻫﺬﺍ ﺍﺑﻨﻲ ﻣﺮﺑﻮﻁ ﺑﺨﻴﻂ ﻋﻨﻜﺒﻮﺕ ﻏﻴﺮ ﻳﺴﺘﻘﺮ ﺗﻌﺒﻨﺎ ﻭﻳﺎﻩ
ﺿﺤﻜﺖ ﻭﻛﺎﻟﺖ
- ﻣﺮﺗﻚ ﻣﻮ ﻣﺮﺓ ﺗﻮﺏ ﻣﺜﻠﻲ ﺍﻧﻲ ﺣﺎﻣﻞ ﻭﺑﻌﺮﺳﻚ ﺍﻓﺘﺮ ﻛﻠﺸﻲ ﻣﺎﺑﻴﻪ
ﺭﻗﻴﺔ - ﻭﺣﺘﻰ ﻫﻬﻬﻬﻪ ﺭﻛﺼﺖ ﺭﻛﺼﺖ
ﺧﺰﺭﺗﻬﺎ ﻓﺎﻃﻤﺔ
ﺣﻂ ﻟﻠﻄﻔﻞ ﻣﺮﺗﻀﻰ ﻓﻀﻞ ﻭ ﺑﺎﺳﻪ
ﺭﻓﻌﻪ ﺍﻧﻲ ﺍﺟﻴﺖ ﺍﺧﺬﺗﻪ ﻣﻨﻪ
ﻓﺎﻃﻤﺔ - ﺷﻨﻬﺎﻱ ﺍﻟﻜﻼﻓﺔ ﺭﺿﺎﻭﻱ
ﺭﻗﻴﺔ ﻃﻠﻌﺖ ﻣﻦ ﺍﻟﻐﺮﻓﺔ ﺗﺮﻛﺾ ...
ﻭﻣﺮﺗﻀﻰ ﺭﺍﺡ ﻟﻤﺮﺗﻪ ..
ﺣﻄﻴﺘﻪ ﺑﺤﻀﻨﻲ ﻭﻃﻠﻌﺖ ﺍﻟﻔﻀﻞ ﺧﻤﺴﻴﻦ ﺍﻟﻒ ﺍﺧﺬﺕ ٢٥ ﻣﻨﻬﻦ ﻭﺭﺟﻌﺖ ﻭﺣﺪﻩ
- ﺍﻟﻘﺴﻤﺔ ﺍﻟﻌﺎﺩﻟﺔ
ﺭﺟﻌﺖ ﻃﻔﻠﻬﺎ ﺍﻟﻬﺎ
ﻫﻤﺴﺖ ﻓﺎﻃﻤﺔ
- ﺍﻳﺎ ﻗﺮﺩﺓ
ﺍﺟﺖ ﺭﻗﻴﺔ ﺧﻴﻤﺖ ﻋﻠﻰ ﻓﺎﻃﻤﺔ
ﻭﺣﻄﺖ ﺍﻓﻠﻮﺱ ﺑﻘﻤﺎﻃﺔ
ﺍﺑﺘﺴﻤﺖ ﻓﺎﻃﻤﺔ ﻭﻛﺎﻟﺖ
- ﻓﺪﻭﺓ ﻟﺤﻨﻴﻨﺔ ﻫﺎﻱ ﺍﻟﺨﻮﺍﺕ ﺍﻟﺤﻠﻮﺍﺕ ﻣﻮ ﻣﺜﻞ ﺍﻟﺒﻌﺾ ﺧﻤﻄﺖ ﻋﺒﻮﺩﻱ
- ﻣﺮﺗﻀﻰ ﻋﻨﺪﻩ ﺭﺍﺗﺐ ﻭ ﺭﻗﻴﺔ ﻋﺪﻫﺎ ﻧﻔﻘﺔ ﺍﻧﻲ ﺷﻌﻨﺪﻱ ﻏﻴﺮﺝ
ﺿﺤﻜﺖ ﻭﺭﺣﺖ ﺍﻓﺘﺢ ﺍﻟﺒﺎﺏ ﺩﻙ ﺍﻟﺠﺮﺱ ﺍﻛﻴﺪ ﺧﻄﺎﺭ ﻳﻮﺍﺟﺒﻮﻥ ﻓﺎﻃﻤﺔ ..
،
ﺛﺎﻟﺚ ﻳﻮﻡ ﺭﺍﺣﺖ ﻟﺒﻴﺘﻬﺎ ﻭﺛﺎﻧﻲ ﻳﻮﻣﻲ ﻳﺒﺪﺃ ﻳﻮﺻﻠﻨﻲ ﺧﻠﻴﻞ
ﻏﺼﺒﺎ ﻋﻨﻲ ﻭﺍﻓﻘﺖ ﻻﻥ ﻣﺸﻠﻮﻉ ﻗﻠﺒﻲ ﻭﻳﻪ ﺑﺎﺑﺎ ﻭﻣﺮﺗﻀﻰ ...
ﻭﺍﻧﻲ ﺍﻋﻠﻤﻪ ﻣﺎ ﻳﻜﺪﺭﻟﻲ ﺍﺫﺍ ﺷﻔﺖ ﻣﻨﻪ ﺷﻲ ﺍﻻ ﺍﻛﻮﻝ ﻟﻤﺮﺗﻀﻰ ﻭﺑﺎﺑﺎ ﻭﺍﻓﻀﺤﺔ
ﺍﻟﺼﺒﺢ
ﻃﻠﻌﺖ ﻣﻦ ﻏﺮﻓﺘﻲ ﻭﺍﻧﻲ ﻣﺘﺮﺩﺩﺓ ﻭ ﺑﺮﺍﺳﻲ ﺍﻟﻒ ﻓﻜﺮﺓ ﻭﺍﻟﻒ ﺳﺆﺍﻝ ﺣﻴﺮ ﻋﻘﻠﻲ ﺷﺮﺍﻳﺪ ﻣﻨﻲ ﻟﻌﺐ ﻟﻮ ﺟﺎﺩ ﺯﻳﻦ ﻟﻴﺶ ﻣﺎ ﻳﺠﺮﺃ ﻭﻳﺘﻘﺪﻡ ﺧﻄﻮﺓ ﻟﻮ ﻫﻮ ﺟﺎﺩ ﺑﺲ ﺍﻛﻴﺪ ﻳﻠﻌﺐ ؟بيج قصص عراقيه حقيقيه من واقعنا.روعه الطائي
ﻭﺻﻠﺖ ﻟﻠﺼﺎﻟﺔ ﻟﻜﻴﺖ ﻭﺍﻟﺪﻱ ﻛﺎﻋﺪ ﻻﺑﺲ ﻭﻣﺘﺤﻀﺮ ﻳﺮﻳﺪ ﻳﺮﻭﺡ ﻟﻌﻤﻠﺔ ﻫﻮ ﻣﺘﻘﺎﻋﺪ ﻋﻨﺪ ﺍﻟﺤﻜﻮﻣﺔ ﻭﻳﺸﺘﻐﻞ ﺑﺎﻟﻌﺘﺒﺔ ﺣﺎﻟﻴﺎً
ﺷﺎﻓﻨﻲ ﺍﺗﻤﺸﻰ ﺑﺒﻄﺊ ﻭ ﻋﻼﻣﺎﺕ ﺍﻟﺘﺮﺩﺩ ﻭﺍﺿﺤﻪ ﻭﺿﻮﺡ ﺍﻟﺸﻤﺲ ﺑﺎﻟﻨﻬﺎﺭ
- ﺍﺷﺒﻴﺞ ﺧﺎﻳﻔﺔ ﺭﻭﺣﻲ ﺑﻮﻳﺔ ﺍﻟﻮﻟﺪ ﻳﻨﺘﻈﺮﺝ ﺑﺮﺓ
- ﺻﺒﺎﺡ ﺍﻟﺨﻴﺮ
ﺭﺩﻫﺎ ﺑﺒﺘﺴﺎﻣﺔ
- ﻟﻴﺶ ﻣﺎ ﺗﺮﻳﻜﺘﻲ
- ﻣﺎ ﺍﺷﺘﻬﻲ ﺍﻛﻞ ﻟﻔﺔ ﺍﻫﻨﺎﻙ ..
ﺍﻧﻄﺎﻧﻲ ﻣﺼﺮﻭﻓﻲ ﻭﻛﺎﻝ
- ﻳﻼ ﺍﻟﺮﺟﺎﻝ ﻳﻨﺘﻈﺮ ﺑﺮﺓ ..
ﻃﻠﻌﺖ ﻭ ﻭﺍﻟﺪﻱ ﻭﺭﺍﻳﺔ ﻣﺜﻞ ﺍﻟﺨﻴﻤﺔ ﻣﻈﻠﻞ ﻋﻠﻴﻪ ﺷﻔﺘﻪ ﻛﺎﻋﺪ ﺑﺴﻴﺎﺭﺗﻪ ﻣﻦ ﺷﺎﻓﻨﻪ ﻧﺰﻝ ﻭﺳﻠﻢ ﻋﻠﻰ ﻭﺍﻟﺪﻱ .
ﺍﻧﻲ ﺣﺘﻰ ﻣﺎ ﻓﺘﺤﺖ ﺣﻠﻜﻲ ﺭﺣﺖ ﻛﻌﺪﺕ
ﺍﻧﻄﻠﻘﻨﺎ ..
- ﺻﺒﺎﺡ ﺍﻟﺨﻴﺮ
ﺍﺣﺲ ﺑﻄﺎﻗﺔ ﻣﺎ ﺍﻋﺮﻑ ﻧﻮﻋﻬﺎ .... ﺑﺲ ﺍﻟﺘﻮﺗﺮ ﺧﻼﻧﻲ ﺍﻃﻠﻊ ﻛﺘﻴﺐ ﺩﻋﺎﺀ ﺻﻐﻴﺮ ﺍﻗﺮﺃ ﺑﻴﻪ
- ﺳﻼﻣﺎً ﻋﻠﻰ ﻣﻦ ﺭﺩ ﺍﻟﺴﻼﻡ
ﺳﻤﻌﺖ ﻗﻬﻘﺔ ﺿﺤﻜﺔ
ﻣﺎ ﺭﻓﻌﺖ ﺭﺍﺳﻲ ﺣﺎﻭﻝ ﻳﺴﺘﻔﺰﻧﻲ ﻗﺪﺭ ﺍﻟﻤﺴﺘﻄﺎﻉ ﻣﺎ ﺭﻓﻌﺖ ﺭﺍﺳﻲ ﻭﻻ ﻧﻄﻘﺖ ﻟﺤﺪ ﻣﺎ ﻭﺻﻠﻨﺎ ﻟﺒﻴﺖ ﺍﻡ ﻣﺤﻤﻮﺩ ﻭﻳﺎﻱ ﻧﻔﺲ ﺍﻟﻘﺴﻢ ﻣﺮﺓ ﻣﻦ ﻋﻤﺮ ﻓﺎﻃﻤﺔ
ﻭﺻﻠﻨﺎ ﻟﺤﻲ ﻧﻮﺭ ﻃﺒﻌﺎ ﺍﻧﻲ ﺧﻠﺺ ﺭﺻﻴﺪﻱ ﻋﻠﻰ ﻣﺎ ﻧﻮﺻﻞ ﻟﻠﻌﻨﻮﺍﻥ ﺑﺎﻟﻀﺒﻂ
- ﻣﻨﺎ ﻟﻮﻑ ...
ﻳﻤﻨﻰ ﻳﻤﻨﻰ ﻣﻮ ﻳﺴﺮﻯ
ﺧﻠﻴﻞ
- ﺍﻧﺖ ﺗﺄﺷﺮﻳﻦ ﺑﺎﻳﺪﺝ ﺍﻟﻴﺴﺮﻯ !
- ﻛﺪﺍﻡ ﺍﺳﻮﺍﻕ ﺍﻟﺒﺮﻛﺎﺕ ﺗﻜﻮﻝ ﻓﺮﻋﻬﻢ
- ﻳﻌﻨﻲ ﺍﻃﻠﻊ ﻟﻜﺪﺍﻡ ﺑﻌﺪ
- ﺍﻱ
ﺍﻡ ﻣﺤﻤﻮﺩ ﺗﺮﺍﺟﻊ ﻭﺑﺎﻟﻬﺎ ﻣﻮ ﻭﻳﺎﻧﻪ ﺍﻧﻲ ﺗﻮﺭﻃﺖ ﺑﻬﻞ ﺧﻂ
- ﺯﻳﻦ ﻭﻳﻦ ﺍﻟﻴﻤﻨﻰ ﻣﺎﻟﺘﺞ ﺧﺎﻑ ﺍﻧﺖ ﻳﺴﺮﺍﻭﻳﺔ
ﺑﺲ ﻳﺮﻳﺪﻧﻲ ﺍﺣﺎﻭﺭﻩ
- ﻫﺎﻱ ﺍﻻﺳﻮﺍﻕ
ﻃﻠﻌﺖ ﻧﻮﺭ ﻣﻦ ﺑﻴﺘﻬﺎ ﻭﻛﻌﺪﺕ ﻳﻤﻲ ﺍﻧﻲ ﺻﺮﺕ ﺑﺎﻟﻮﺳﻂ ﻋﺪﻟﺖ ﺣﺠﺎﺑﻲ ﻣﻦ ﺧﻼﻝ ﺍﻟﻤﺮﺍﻳﺔ ﻣﺠﺮﺩ ﻗﺪﻣﺘﻪ ﻟﻼﻣﺎﻡ ﺍﻛﺜﺮ ﻟﻜﻴﺘﻪ ﻳﺒﺎﻭﻉ ﺍﻟﻲ ﻣﺒﺘﺴﻢ ، ﻭﻃﻠﻊ ﺑﻴﻨﺎ
ﻫﻤﺴﺖ ﻧﻮﺭ ﻭﻫﻲ ﺗﺒﺎﻭﻉ ﻟﻜﺪﺍﻡ
- ﺯﻳﻨﺐ ﻋﻴﻨﻲ ﻫﺎﻱ ﺷﻨﻮ ﺍﻟﺴﻴﺎﺭﺓ
ﺍﻟﻔﺨﻤﺔ ﻭﺍﻟﺴﺎﻳﻖ ﺍﻟﻔﺨﻢ !
ﺍﺑﺘﺴﻤﺖ ﻣﺠﺎﻣﻠﺔ ﺍﻟﻬﺎ
ﻧﻮﺭ - ﺟﻴﺐ ﻟﻜﺰﺱ ﻣﺎ ﺗﻮﻗﻌﺘﻬﺎ ﻫﻴﺞ
ﻛﻌﺪﺗﻬﺎ ﻣﺮﻳﺤﺔ ﻭﻳﻦ ﺍﻟﻜﻴﺔ ﺍﻟﻲ ﺟﻨﺖ ﺍﺟﻲ ﺑﻴﻬﺎ
ﻫﻤﺴﺖ ﺍﻡ ﻣﺤﻤﻮﺩ
- ﻋﻴﻨﻲ ﺯﻳﻨﺐ ﻣﺎ ﻣﺠﺮﺑﺔ ﻛﻌﺪﺓ ﺍﻟﻜﻴﺎﺕ ﻭﺍﻟﻜﻮﺳﺘﺮﺍﺕ ﻣﺜﻠﻨﺎ ﻟﻮ ﺃﺑﻮﻫﺎ ﻟﻮ ﺍﺧﻮﻫﺎ ﻟﻮ ﻫﺴﺔ ﺟﺎﻳﺒﻴﻦ ﻛﺮﺍﻳﺒﻬﻢ ﺍﻟﺒﻐﺪﺍﺩﻱ !
ﻫﻤﺴﺖ - ﻧﺠﻔﻲ ﻻ ﻳﻐﺮﺝ ﺷﻌﺮﻩ
ﻧﻮﺭ - ﺍﻧﻲ ﺑﺎﺑﺎ ﻋﻨﺪﻩ ﻛﻴﺎ ﺣﻤﻞ ﻭﺍﺧﻮﻳﺔ ﺳﺎﻛﻦ ﺑﻐﺪﺍﺩ ....
ﺑﻮﺳﻂ ﺣﻮﺍﺭﻫﻦ ﻭﺍﻟﺘﺒﺴﺒﺲ ﻣﺎﻟﺘﻨﺎ ﺗﻮﻧﻲ ﺍﻧﺘﺒﻬﺖ ﻟﺴﻴﺎﺭﺗﻪ ﻭﻋﻠﻰ ﺍﻟﻤﺪﺍﻟﻴﺔ ﺍﻟﻲ ﻣﻌﻠﻜﺔ ﺑﻴﻬﺎ ﺣﺮﻑ z
ﺻﺎﺭ ﻛﻞ ﺗﺮﻛﻴﺰﻱ ﻋﻠﻴﻬﺎ ...
ﺍﺥ ﻣﺤﺪ ﻳﺪﺭﻱ ﻫﺬﺍ ﺍﻟﺸﺎﺏ ﺍﻟﺪﻟﻮﻉ ﻣﻮ ﺑﺤﺎﻝ ﺍﻟﺘﻔﺎﻟﻴﺲ ﻭﺍﻟﻲ ﻳﻘﺒﻀﺔ ﻣﻨﺎ ﻋﺠﺒﺔ ﺍﻟﻨﻮﻉ ﺍﻟﺼﻌﺐ ﻭﺩﺍ ﻳﻠﻌﺐ ﻋﻠﻴﻪ ﻣﺒﻴﻦ ﻣﻦ ﻧﻈﺮﺍﺗﻪ ﻟﻮ ﻗﺼﺪﻩ ﺷﺮﻳﻒ ﻳﺪﻙ ﺍﻟﺒﺎﺏ ﻣﺎ ﻳﺘﺒﻊ ﻫﺎﻱ ﺍﻟﻄﺮﻕ ﺍﻟﻤﻠﺘﻮﻳﺔ ...
ﺑﺎﻟﺮﺟﻌﺔ ﺍﻧﻲ ﺍﺧﺮ ﻭﺣﺪﻩ ﻳﻮﺻﻠﻬﺎ
ﻃﻠﻌﺖ ﺑﺴﻜﺖ ﻭﻛﻌﺪﺕ ﺍﻛﻞ ﺑﻴﻪ ﺟﻮﻋﺎﻧﻪ ﻣﺎ ﻓﺮﻏﺖ ﺍﻛﻞ ﺷﻲ ﻣﺎ ﻣﺘﺮﻳﻜﻪ ..
،،
ﺧﻠﻴﻞ ﻳﻈﻞ ﺩﻭﻣﻪ ﻳﺤﺎﻭﻝ ﻳﻔﺘﺢ ﺭﺍﺱ ﻛﻼﻡ ﻭﻳﺎﻱ ﻗﺒﻞ ﻻ ﻳﺼﻌﺪﻥ ﺍﻟﺒﻨﺎﺕ ﻭﺍﻧﻲ ﻻﺑﺴﺘﻪ
ﺣﻀﺮﺕ ﺍﻟﻲ ﺭﻗﻴﺔ ﻣﻼﺑﺴﻲ ﻣﺜﻞ ﻛﻞ ﻟﻴﻠﺔ
ﻭﻣﺜﻞ ﻛﻞ ﺻﺒﺢ ﺣﺠﺎﺏ ﻟﻮﻧﻪ ﻏﺎﻣﻖ ﻭﺗﺤﻨﻴﻚ ﻓﺘﺤﺖ ﻓﻴﺲ . ﺍﺷﻮﻑ ﺍﺳﻤﻲ ﺗﻐﻴﻴﺮ ﺍﻟﺒﺎﺭﺣﺔ ﻏﻴﺮﺗﻪ ﻭﺗﻐﻴﺮ ﺑﺲ ﺑﺼﻔﺤﺘﻲ ﻣﻦ ﺍﺩﺧﻞ ﻇﻞ ﺯﻳﻨﺐ ﺣﺴﻦ ﺑﺲ ﻫﺴﺔ
ﺍﻱ ﺗﻤﺎﻡ ﻃﻠﻊ ﻣﺘﻐﻴﺮ ﺍﻟﻰ ﻋﺎﺷﻘﺔ ﺍﻟﻮﺭﺩ ﻫﺬﺍ ﺍﻣﺮ ﻣﻦ ﺑﺎﺑﺎ ﻣﻦ ﻋﺮﻑ ﻣﺮﺗﻀﻰ ﺣﺎﻃﻠﻲ ﺍﺳﻤﻲ ﻭﻣﺎ ﻋﺠﺒﺔ ﺗﺼﺮﻑ ﻣﺮﺗﻀﻰ ﺍﻧﻲ ﺑﻮﺳﻄﻬﻢ ﻭﺍﺣﺪ ﻳﺠﺮ ﻃﻮﻝ ﻭﺍﺣﺪ ﻋﺮﺽ ، ﻭ ﻛﻞ ﻳﻮﻡ ﻳﺴﺄﻟﻨﻲ ﺑﺎﺑﺎ ﺍﺷﻠﻮﻧﻪ ﺧﻠﻴﻞ ﺧﻮ ﻣﺎ ﻣﻀﺎﻳﻘﻨﺎ ...
ﺑﺲ ﻣﺮﺗﻀﻰ ﻭﻻ ﻳﺴﺄﻝ ﻣﻄﻤﻦ ﻋﺒﺎﻟﻪ ﺛﻘﺔ ..
ﺩﻛﺖ ﺍﻟﺴﺒﻌﺔ ﻭﻧﺺ ﻃﻠﻌﺖ ﻟﺒﺮﺓ ﻟﻜﻴﺘﻪ ﺗﻮﻩ ﻳﺪﺧﻞ ﺍﻟﻔﺮﻉ ...
ﺻﻌﺪﺕ
- ﺍﻟﺴﻼﻡ ﻋﻠﻴﻜﻢ
- ﻭﻋﻠﻴﻜﻢ ﺍﻟﺴﻼﻡ ﻭﺍﻟﺮﺣﻤﺔ ﻭﺍﻟﺒﺮﻛﺔ ﺣﻠﺖ ﻋﻠﻴﻨﺎ ﺍﻟﺼﺒﺤﻴﺔ ﺑﺸﻮﻓﺔ ﻫﺬﺍ ﺍﻟﻮﺟﻪ ﺍﻟﺴﻤﺢ
ﻭﻻ ﻳﻤﻞ ﺻﺎﺭﻟﺔ ﺍﻛﺜﺮ ﻣﻦ ﺍﺳﺒﻮﻉ ﻋﺠﻴﺐ ..
- ﺯﻳﻨﺐ
ﺯﻳﻨﺐ
- ﺍﺧﻲ ﺍﻧﺘﺒﻪ ﻟﻄﺮﻳﻘﻚ ...
- ﺻﺎﺭ ﺗﺪﻟﻠﻴﻦ ﻻ ﺗﺨﺎﻓﻴﻦ ﺍﻧﺖ ﺑﺄﻣﺎﻥ ﻭﻳﺎﻱ ﺻﺪﻙ ﺟﺬﺏ ﺗﺨﺎﻓﻴﻦ ﻭﺍﻧﻲ ﺍﻟﺴﺎﻳﻖ
ﻛﻠﺖ ﺑﮕﻠﺒﻲ ﻫﺬﺍ ﺍﻟﻲ ﻣﺨﻮﻓﻨﻲ
ﻓﺎﺗﺢ ﻧﺎﻓﺬﺗﻪ ﻭﺷﻌﺮﺍﺗﻪ ﻳﻄﻴﺮﻥ ﻋﻠﻰ ﻧﺴﻤﺎﺕ ﺍﻟﺼﺒﺤﻴﺔ ﻭﺍﻟﺪﻧﻴﺎ ﻣﻐﻴﻤﻪ ﻭﺑﻴﻬﺎ ﻫﻮﻯ ...
- ﺍﻟﻴﻮﻡ ﺑﻴﻬﺎ ﻣﻄﺮ
- ﺍﻱ ﻭﺑﺮﺩﺕ
ﻭﺍﺧﻴﺮﺍ ﺭﺩﻳﺖ ﻋﻠﻴﻪ ﻗﺎﺻﺪﺓ ﻳﺴﺪ ﻧﺎﻓﺬﺗﻪ ﺟﻤﺪﻧﻲ ﻭﻳﺎﻩ ...
- ﺗﺮﺩﻳﻦ ﻗﻤﺼﻠﺘﻲ ! ؟
ﺍﻟﺘﻔﺖ ﻋﻠﻴﻪ ﻣﺒﺘﺴﻢ ﻣﺴﺘﻔﺰ ﺑﻜﻞ ﻣﻌﺎﻧﻲ ﻭﺟﻪ ﺍﻻﺳﺘﻔﺰﺍﺯ ﻳﻌﻠﻦ ﻭﺟﻮﺩﺓ
ﻫﻤﺴﺖ
- ﺳﺪ ﺟﺎﻣﺘﻚ
ﻭﺩﻧﻜﺖ ﺍﻗﺮﺃ ﺍﻭ ﺍﺭﺍﺟﻊ ﻣﺎﺩﺓ ﻋﻨﺪﻱ ﺑﻴﻬﺎ ﺍﻣﺘﺤﺎﻥ ﺍﻟﻴﻮﻡ ....
- ﺍﻟﻠﻪ ﻳﻮﻓﻘﺞ
- ﻳﻜﻮﻟﻮﻥ ﺭﺍﺡ ﻳﻨﻄﻮﻫﺎ ﻋﻄﻠﺔ ﺑﺎﺟﺮ
ﺭﻓﻌﺖ ﻧﻈﺮﻱ ، ﻣﻬﺘﻤﺔ ﻳﻜﻤﻞ
- ﺑﺎﺟﺮ ﻣﻄﺮ ﻏﺰﻳﺮ ...
- ﺑﺎﺟﺮ ﻋﻨﺪﻱ ﺍﻣﺘﺤﺎﻥ ﻳﺎﺭﻳﺖ
ﻛﻠﺘﻬﺎ ﻭﺍﻧﻲ ﺍﻗﻠﺐ ﺑﻤﻠﺰﻣﺘﻲ ...
ﺧﻠﻴﻞ - ﺧﺴﺎﺭﺓ ﻳﻮﻡ ﻣﻦ ﺍﻟﻌﻤﺮ ﺍﺫﺍ ﺻﺪﻙ
ﻭﻛﻔﺖ ﺍﻟﺴﻴﺎﺭﺓ .
ﺍﺳﺘﻐﺮﺑﺖ
ﺍﻟﺘﻔﺖ ﻋﻠﻴﺔ
- ﺯﻳﻨﺐ
ﻟﻴﺶ ﻳﺤﺐ ﻳﻠﻔﻆ ﺍﺳﻤﻲ ﺍﻫﻮﺍﻱ
- ﺍﻧﻲ ﻣﻌﺠﺐ ﺑﻴﺞ ﻣﻦ ﺍﻻﺧﻴﺮ ﻭﺍﻧﺖ ﺑﺮﺍﺳﻲ
ﺷﻨﻮ ﻣﻌﺠﺐ ﺍﻧﻲ ﺍﺣﺒﺞ
ﺍﻧﺨﻄﻒ ﻟﻮﻧﻲ ﻣﻦ ﻭﻛﻒ ﺍﻟﺴﻴﺎﺭﺓ
ﻭﻇﻠﻴﺖ ﺍﺗﻠﻔﺖ ﺍﺣﻨﻪ ﻭﺍﻛﻔﻴﻦ ﺑﺸﺎﺭﻉ ﻋﺎﻡ ..
- ﻟﻴﺶ ﺍﺗﻐﻴﺮ ﻟﻮﻧﺞ ﻭﺧﻔﺘﻲ !
ﻛﺎﻓﻲ ﻻ ﺗﺘﻠﻔﺘﻴﻦ
- ﺗﺮﺓ ﻋﻴﺐ ﻋﻠﻴﻚ ﺍﻧﻲ ﺍﺧﺖ ﺻﺪﻳﻘﻚ ﺍﻋﺘﺒﺮﻧﻲ ﻣﺜﻞ ﺍﺧﺘﻚ
- ﻟﻮ ﻣﺎ ﻧﺎﻃﻘﺔ ﺍﺣﺴﻦ
- ﻟﻮ ﺍﺧﺘﻚ ﺗﻘﺒﻠﻬﺎ ﻣﺮﺗﻀﻰ ﻳﺴﻮﻱ ﺑﻴﻬﺎ ﺍﻟﻲ ﺩﺳﻮﻱ
ﺭﺩ ﻋﻠﻴﻪ ﻣﻨﻔﻌﻞ ﻭﻣﺒﺮﺭ ﻭﻫﻮ ﻣﻠﺘﻔﺖ ﻋﻠﻴﻪ
- ﺍﻧﻲ ﺍﺭﻳﺪ ﻭﺣﺪﻩ ﺍﺣﺒﻬﺎ ﻭﺍﻋﺮﻓﻬﺎ ﻣﻮ ﺗﻨﻜﺎﺓ ( ﺍﻧﺘﻘﺎﺀ ) ﺍﻣﻲ
ﻭﺍﻧﺖ ﻋﺠﺒﺘﻴﻨﻲ ﺑﺎﻻﻭﻝ ﻭ ﺑﻌﺪﻳﻦ ﺩﺧﻠﺘﻲ ﮔﻠﺒﻲ ﻭﺍﺭﻳﺪﺝ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﺔ
ﺳﻜﺘﺖ ﻭﻇﻠﻴﺖ ﺍﺑﺎﻭﻉ ﻟﺤﻀﻨﻲ ﻣﺘﻮﺗﺮﺓ
ﻃﺎﻝ ﺍﻟﺴﻜﻮﺕ ﻭﺍﻋﺮﻓﺔ ﺑﻌﺪﻩ ﻣﻠﺘﻔﺖ ﻋﻠﻴﺔ
- ﺳﻮﻕ .....
- ﺍﺍﺍﺍﺥ ﻳﺎﺭﺑﻲ
ﻋﻨﺪﻱ ﻛﻢ ﺷﻐﻠﺔ ﻭﺍﻛﻔﺔ ﻋﺜﺮﺓ ﺑﻄﺮﻳﻘﻲ ﻣﻦ ﺍﺻﻔﻲ ﺍﻣﻮﺭﻱ ﺍﺭﻳﺪ ﺍﺧﻄﺒﺞ
ﻓﻜﺮﻱ ﻭﺭﺩﻳﻠﻲ ﺧﺒﺮ ﺣﺘﻰ ﺍﺷﺠﻊ ﺍﻛﺜﺮ ﻫﺴﺔ ﺍﻧﻲ ﻳﺎﺋﺲ ﺣﻴﻞ
- ﺗﺄﺧﺮﻧﺎ ﻋﻠﻰ ﺍﻡ ﻣﺤﻤﻮﺩ
- ﺍﻟﻠﻪ ﻳﺼﺒﺮ ﮔﻠﺒﻲ ﻋﺎﺩ ﺍﺭﻓﻌﻲ ﻋﻴﻨﺞ ﻣﻦ ﺗﺤﺠﻴﻦ ﻭﻳﺎﻱ
ﺗﻨﻔﺴﺖ ﺑﺼﻮﺕ ﻋﺎﻟﻲ ﻗﺎﺻﺪﺓ ﺍﻟﻀﺠﺮ ﻛﺪﺍﻣﻪ
ﻭﻣﺎ ﺑﺎﻭﻋﺖ ﺍﻟﻪ ....
،
ﻣﺪﺭﻱ ﺍﺷﺒﻴﻪ ﻣﺘﻮﺗﺮﺓ ﺟﺪﺍ ﺑﺎﻟﺮﺟﻌﺔ ﺷﺎﻳﻠﻪ ﻫﻢ ﻣﻦ ﺗﻨﺰﻝ ﺍﻡ ﻣﺤﻤﻮﺩ ﻭﺍﻇﻞ ﻭﻳﺎﻩ ﻭﺣﺪﻱ ﺍﺷﻠﻮﻥ ﻭﻳﺎﻩ ﻫﺬﺍ
ﺍﻭﻝ ﻣﺎ ﻧﺰﻟﺖ ﺣﻂ ﺍﻏﻨﻴﺔ
ﺍﻭﻭﻩ ﺍﻧﻲ ﻗﺎﻃﻌﺔ ﺍﻻﻏﺎﻧﻲ ﻣﻦ ﻓﺘﺮﺓ ﻃﻮﻳﻠﺔ ﻇﻠﻴﺖ ﺍﻓﺮﻙ ﺑﻌﻴﻮﻧﻲ ﺗﻌﺒﺎﻧﻪ
ﻏﻨﺖ ﺍﻟﻤﻄﺮﺑﺔ ﺻﻮﺗﻬﺎ ﻫﺪﻭﺋﺔ ﻧﺎﻋﻢ ﻗﻮﻱ
ﺑﺲ ﻣﻮ ﻫﺬﺍ ﺍﻟﻲ ﺧﻼﻧﻲ ﺍﻏﻤﺾ ﻋﻴﻮﻧﻲ
ﻭﺍﺗﺄﻣﻞ ﺍﻟﻜﻠﻤﺎﺕ ... ﺍﻟﻜﻠﻤﺎﺕ ﻗﺎﺻﺪﻧﻲ ﺑﻴﻬﻦ !
ﻳﺎ ﻋﺎﺷﻘﺔ َ ﺍﻟﻮﺭﺩِ ﺇﻥْ ﻛﻨﺖِ ﻋﻠﻰ ﻭﻋﺪﻱ
ﻓﺤﺒﻴﺒُﻚِ ﻣﻨﺘﻈﺮٌ ﻳﺎ ﻋﺎﺷﻘﺔ َ ﺍﻟﻮﺭﺩِ
ﺣﻴﺮﺍﻥُ ﺃﻳﻨﺘﻈﺮُ ﻭﺍﻟﻘﻠﺐُ ﺑﻪِ ﺿﺠﺮُ
ﻣﺎ ﺍﻟﺘﻠﺔ ُ ﻣﺎ ﺍﻟﻘﻤﺮُ ﻣﺎ ﺍﻟﻨﺸﻮﺓ ُﻣﺎ ﺍﻟﺴﻬﺮُ
ﺇﻥْ ﻋﺪﺕِ ﺇﻟﻰ ﺍﻟﻘﻠﻖ ﻫﺎﺋﻤﺔ ً ﻓﻲ ﺍﻷﻓﻖ
ﺳﺎﺑﺤﺔ ً ﻓﻲ ﺍﻟﺸﻔﻖ ِ ﻓﻬُﻴﺎﻣُﻚ ﻟﻦ ﻳﺠﺪﻱ
ﻧﺠﻢٌ ﻓﻲ ﺍﻷﻓﻖ ﺑﺪﺍ ﻓﺮﺣﺎ ً ﻳﺸﺪﻭ ﺭﻏﺪﺍ
ﺍﻟﻴﻮﻡَ ﻭﻟﻴﺲ ﻏﺪﺍ ﻓﻠﻴﺼﺪﻕْ ﻣﻦْ ﻭﻋﺪَ
ﻳﺎ ﻣﻠﻬﻤﺔ َ ﺍﻟﻨﺠﻮﻯ ﻻ ﺗﻨﻔﻌﻚِ ﺍﻟﺸﻜﻮﻯ
ﻓﺤﺒﻴﺒﻚِ ﻻ ﻳﻬﻮﻯ ﺇﻻ ﻭﺭﺩَ ﺍﻟﺨﺪِّ
ﺍﻧﻄﻔﺖ ﺍﻻﻏﻨﻴﺔ ﻗﺒﻞ ﻻ ﺗﺨﻠﺺ ﻓﺘﺤﺖ ﺍﻋﻴﻮﻧﻲ
ﻣﻦ ﻛﺎﻝ
- ﻭﺻﻠﺘﻲ ﻳﺎ ﻭﺭﺩﺓ
ﺍﺭﺗﺒﻜﺖ ﻭﻟﻤﻠﻤﺖ ﻏﺮﺍﺿﻲ ﺟﻨﻄﺘﻲ ﻭﻛﺘﺒﻲ ﻭﺩﺍ ﺍﻓﺘﺢ ﺍﻟﺒﺎﺏ
- ﻓﻜﺮﻱ ﻻ ﺗﺨﻠﻴﻨﻲ ﻣﻨﺘﻈﺮﺍً
ﻧﺰﻟﺖ ﻣﺘﻠﻬﻒ ﮔﻠﺒﻲ ﻟﻠﺒﺎﺏ ﺷﺎﺭﺩ ﻣﻦ ﻃﺎﻗﺔ ﺍﻟﻤﺸﺎﻋﺮ ﺍﻟﻤﺘﺒﻌﺜﺮﺓ ﻣﻨﻲ ﺑﻼ ﺳﺒﺐ
ﻭﺍﻻﺑﺘﺴﺎﻣﺔ ﻋﻠﻰ ﺯﺍﻭﻳﺔ ﺷﻔﺘﻲ ..
' ﻣﺮﺍﻗﺐ ﺻﻔﺤﺘﻲ ﻭ ﻋﺎﺭﻑ ﺍﻧﻲ ﻋﺎﺷﻘﺔ ﺍﻟﻮﺭﺩ '
ﺻﺎﺭﺕ ﻛﺪﺍﻣﻲ ﺭﻗﻴﺔ ﻣﺪﺭﻱ ﺷﻜﺎﻟﺖ
ﻣﺎ ﺍﺳﻤﻊ ﺑﺎﻟﻲ ﺷﺎﺭﺩ ﺩﺧﻠﺖ ﺍﻏﻴﺮ ﻭﺍﻓﻜﺮ ﺑﺎﻟﻲ ﺻﺎﺭ ﺍﻟﻴﻮﻡ
ﻣﺎ ﻛﻤﻠﺖ ﻟﺒﺲ ﺣﻄﻴﺖ ﺛﻮﺑﻲ ﺍﻟﺸﺘﻮﻱ ﻳﻤﻲ ﻭﺻﻔﻨﺖ
ﺗﺪﺧﻠﺖ ﻋﻠﻴﻪ ﺍﻓﻜﺎﺭ ﻛﺴﺮﺕ ﻛﻞ ﺍﻟﻤﺸﺎﻋﺮ ﺍﻟﻲ ﺣﺎﻃﺖ ﺑﻴﻪ ﻗﺒﻞ ﺷﻮﻳﺔ
ﻣﺼﺪﺭ ﻫﺬﻱ ﺍﻟﻤﺸﺎﻋﺮ ﻣﻨﻮ ؟
ﺧﻠﻴﻞ ﻭﺧﻠﻴﻞ ﺳﺎﻣﻌﺔ ﻋﻨﻪ ﻛﻼﻡ ﺍﻫﻮﺍﻱ ﻫﺬﺍ ﻓﻨﻪ ﻳﺘﺼﻴﺪ ،
ﺍﻧﻲ ﻣﺎ ﺍﻋﺮﻓﺔ ﻳﺠﻮﺯ ﻛﻞ ﻭﺣﺪﻩ ﻗﺒﻠﻲ ﻧﻔﺲ ﺍﻟﻜﻼﻡ ﻭﺍﻟﺤﺮﻛﺎﺕ ﺍﻟﺠﺎﺩﺓ ﻳﻄﻴﺢ ﺑﻴﻬﺎ ﻭﻳﻤﻞ ﻭﻳﺘﺮﻙ
ﻟﻴﺶ ﻭﺍﺣﺪ ﺑﻌﻤﺮﻩ ﻭﻟﻬﺴﺔ ﺑﻼ ﺯﻭﺍﺝ ﺣﺘﻰ ﻗﺮﻳﺒﺘﻪ ﺧﺎﻃﺒﻬﺎ ﻭﻓﺘﺮﺓ ﻭﻓﺴﺨﺖ ﻣﻨﻪ
ﺗﻼﺣﻜﺖ ﻧﻔﺴﻲ ﺍﻟﻤﺘﺤﺠﺮﺓ ﺑﺪﺍﺧﻠﻲ ﺗﺼﺤﺮ ﺧﻼﻧﻲ ﺍﺑﺘﺴﻢ ﻟﻜﻠﻤﺔ ﻏﺰﻝ ﻭﺣﺐ ﻭﺣﺘﻰ ﻟﻮ ﻛﺎﻧﺖ ﺯﺍﺋﻔﺔ ﻣﺎ ﺍﻧﻜﺮ ﺑﻌﺜﺮﺕ ﺍﺣﺴﺎﺳﻲ ...
ﻋﻠﻰ ﻛﻞ ﺣﺎﻝ ﺍﻧﻲ ﺍﻋﺮﻑ ﻧﻔﺴﻲ ﻭﺍﻛﺪﺭ ﺍﻣﻨﻌﻬﺎ ﺑﺎﺟﺮ ﺍﻭﻛﻔﺔ ﻋﻨﺪ ﺣﺪﺓ
ﺍﺟﺘﻨﻲ ﺭﻗﻴﺔ ﺗﺤﺠﻲ ﻋﻠﻴﻪ
- ﺩﺍﺧﻠﺔ ﺑﺤﺬﺍﺋﺞ ﺣﺬﺍﺋﺞ ﻟﻞ ﻟﻞ ﻟﻠﻤﻤﺮ ﻟﻴﺶ ﻟﻴﺶ
- ﻫﺎ
ﻣﺎ ﺍﻧﺘﺒﻬﺖ
ﺍﺑﺘﺴﻤﺖ ﺑﻐﺒﺎﺀ ﺑﻴﻨﻤﺎ ﻫﻲ ﻛﺎﻟﺖ ﺑﻨﺒﺮﺓ ﺣﺰﻳﻨﺔ
- ﻋﻜﺒﺔ ﻋﻜﺒﺔ ﻳﺮﻭﺡ ﻋﻠﻲ ﻋﻠﻲ
ﺍﻫﻮﺍﻱ ﺍﻫﻮﺍﻱ ﺍﺳﺒﻮﻉ ﺍﺳﺒﻮﻉ ﻳﻤﻪ
- ﻫﻮ ﻫﻢ ﺍﺑﻮﻩ ... ﺣﻘﺔ ﻳﺮﺑﻴﻪ
- ﻭ ﻭ ﻳﺎﺳﻤﻴﻦ
- ﻳﺎ ﻳﺎﺳﻤﻴﻦ؟
ﺳﺄﻟﺘﻬﺎ ﻭﺍﻧﻲ ﺍﻟﺒﺲ ﺛﻮﺑﻲ
- ﺯﻭﺟﺔ ﺯﻭﺟﺔ ﻳﺎﺳﺮ ﻳﺎﺳﺮ
- ﻫﺎ ﺍﺳﻤﻬﺎ ﻳﺎﺳﻤﻴﻦ
ﻧﺴﻴﺖ
ﺍﺷﺒﻴﻬﺎ
- ﺧﺎﻑ ﺧﺎﻑ ﺗﺎ ﺗﺎﺧﺬ ﻋﻠﻲ ﻣﻨﻲ ﻣﻨﻲ
ﺍﻧﻲ ﻋﺒﺎﻟﻲ ﺭﺍﺡ ﺗﻜﻮﻝ ﺍﺧﺎﻑ ﻋﻠﻰ ﻋﻠﻲ ﻣﻨﻬﺎ . ﻃﻠﻌﺖ ﻏﺎﻳﺮﺓ ﻣﻨﻬﺎ ﻓﻄﺮﻳﺎً
- ﻛﻠﻤﻦ ﻣﻜﻮﻡ ﻫﻤﺔ ﻋﻠﻰ ﮔﻠﺒﺔ
،
ﻟﻜﻴﺖ ﻧﻔﺴﻲ ﺍﺧﺎﺑﺮ ﺷﻬﺪ ﻛﻼﻣﻪ ﻟﻌﺐ ﺑﻌﻘﻠﻲ ﻣﻜﺪﺭ ﺍﺯﻳﺤﻪ ﻋﻦ ﻓﻜﺮﻱ
- ﻣﺮﺣﺒﺎ ﺷﻬﻮﺩﺓ ﺍﺷﻠﻮﻧﺞ
- ﺍﻫﻼ ﻭﺳﻬﻼ !
- ﺍﺷﻠﻮﻧﺞ ﺍﺷﻠﻮﻥ ﺻﺤﺘﺞ ﺻﺎﺭﺕ
- ﺍﻟﺤﻤﺪﻟﻠﻪ
- ﺍﺷﺒﻴﺞ ﺍﺣﺴﺞ ﺗﻌﺒﺎﻧﻪ
- ﻻ ﺯﻳﻨﺔ !
- ﺍﻥ ﺷﺎﺀ ﺍﻟﻠﻪ ﺩﻭﻣﺞ
ﺷﺨﺒﺎﺭﺝ
- ﻣﺎﻋﻨﺪﻱ ﺟﺪﻳﺪ ..
- ﻣﺎ ﻧﺎﻭﻳﺔ ﺗﺮﺟﻌﻴﻦ ﺭﺿﺎﻭﻱ ﻭﺣﻴﺪ ﻣﻦ ﺑﻌﺪﺝ
- ﻗﺎﺑﻞ ﻫﻮ ﺑﻴﺪﻱ ،ﻣﺎ ﺍﺭﻳﺪ ﺍﺯﺣﻢ ﺍﺣﺪ ﻭﻳﺎﻱ ﺍﻫﻨﺎ ﻣﺎﻣﺎ ﺗﺨﺪﻣﻨﻲ ﺧﺪﻣﺔ ﺧﺎﺻﺔ
ﻣﺎ ﺍﻛﺪﺭ ﺍﻟﺒﻲ ﺍﺣﺘﻴﺎﺟﺎﺗﻲ ...
- ﺍﻫﺎ ﻋﻠﻰ ﺭﺍﺣﺘﺞ
ﺻﺪﻭﻙ ﺧﻠﻴﻞ ﺻﺎﺭﻟﺔ ﻋﺸﺮﺓ ﺍﻳﺎﻡ ﻳﻮﺻﻠﻨﺎ
ﻭ ﻫﻮ ﺯﻳﻦ
ﺑﺲ ﻫﻮ ﺍﻟﻴﻮﻡ ﻳﻌﻨﻲ ﺍﻟﻴﻮﻡ ﻛﺎﻝ ...
ﺍﺧﺬﺕ ﻧﻔﺴﻲ ﺭﺩﺕ ﺍﻛﻮﻝ ﺍﻟﻬﺎ
- ﺍﺫﺍ ﺿﻮﺟﺞ ﺍﺣﺠﻲ ﻋﺎﺩﻱ ﺍﻛﻮﻟﻪ ﻳﻌﻮﻑ ﺍﻟﺨﻂ ﻫﻮ ﻣﺒﺤﺎﺟﺔ ﺗﺮﻯ ﻭﺣﺘﻰ ﻣﺮﺗﻀﻰ ﻳﺪﺭﻱ ﻛﺎﻳﻠﻪ ﺍﻟﻪ ﺍﻧﻲ ﺧﻠﻴﻞ ﻣﺎ ﺑﺤﺎﺟﺔ ﻟﺸﻐﻞ ﺑﺲ ﺍﻧﻲ ﻛﻮﻟﺖ ﺍﻟﻪ ﻋﻠﻰ ﻣﻌﺎﻧﺎﺕ ﻣﺮﺗﻀﻰ ﺑﺘﻮﺻﻴﻠﻚ ﻭﺳﻬﻞ ﺍﻣﺮﺝ ﻭﻗﺒﻞ ﻳﻮﺻﻠﺞ ﻫﻴﺞ ﻓﺎﻫﻢ ﻣﺮﺗﻀﻰ
- ﺍﻫﺎ ﻻ ﻣﺎ ﺑﺪﺭ ﻣﻨﻪ ﺷﻲ ﺷﻜﺮﺍ
ﺍﻟﻈﺎﻫﺮ ﺍﻧﺖ ﺗﻌﺒﺎﻧﺔ ﻣﺒﻴﺞ ﺣﻴﻞ
ﺍﻋﻮﻓﺞ ﺍﺧﺬﻱ ﺭﺍﺣﺘﺞ
- ﻣﻊ ﺍﻟﺴﻼﻣﺔ !
- ﺍﻟﻠﻪ ﻭﻳﺎﺝ
ﺳﺪﻳﺖ ﺍﻟﺨﻂ ﻫﺬﻱ ﺍﺷﺒﻴﻬﺎ ﻫﻴﺞ ﺛﻜﻴﻠﺔ ﻭﻳﺎﻱ !
ﺗﻨﺪﻣﺖ ﻷﻥ ﺍﺗﺼﻠﺖ
ﻛﻌﺪﺕ ﺍﺩﺭﺱ ﺑﻌﺪ ﺍﻟﻌﺸﺎﺀ ﻭﺭﺍﺳﻲ ﻣﺪﺍ ﻳﺴﺘﻮﻋﺐ ﺷﻲ ﺗﻌﺒﺎﻧﻪ
ﺍﺟﺘﻨﻲ ﺭﺳﺎﻟﺔ ﻣﻦ ﺷﻬﺪ
ﻓﺘﺤﺘﻬﺎ
" ﻛﻠﺖ ﻣﺎ ﺍﺩﺧﻞ ﺑﻌﺪ ﻻ ﻫﻢ ﺍﻃﻠﻊ ﺑﻨﻈﺮﻙ ﺻﺎﻳﻌﺔ ﺑﻼ ﺍﺧﻼﻕ ،
ﻣﻊ ﻫﺬﺍ ﺧﻠﻴﻞ ﻳﺒﻘﻰ ﺍﻟﻪ ﻣﻌﺰﺓ ﺑﻘﻠﺒﻲ
ﻭﺳﻮﻟﻒ ﺍﻟﻲ ﻣﻦ ﺧﺎﺑﺮﺗﻪ .
ﺷﺘﺮﺩﻳﻦ ﺗﻜﻮﻟﻴﻦ ﺍﻟﻲ ﻗﺒﻞ ﺍﺷﻮﻳﺔ
ﺭﺳﺎﺋﻞ ﻛﻼﻣﻚ ﺣﺎﺩ ﻻ ﺗﺘﺼﻠﻴﻦ "
ﺿﺮﺑﺘﻨﻲ ﺑﺤﺠﺮ ﻫﺬﻱ ﺯﻋﻼﻧﻪ ﻋﻠﻴﻪ ﻣﻦ ﺍﺧﺮ ﻣﺮﺓ
ﺑﺲ ﺍﻧﻲ ﻣﻜﻨﺖ ﻗﺎﺻﺪﻩ ﺍﻟﻤﻌﻨﻰ .
ﺍﻭﻭﻩ
ﺷﺮﺩ ﻋﻠﻴﻬﺎ ...
ﺧﻀﻌﺖ ﻭ ﻛﺘﺒﺖ ﺍﻟﻬﺎ
" ﻫﻮ ﺟﺎﺩ ؟ .. ﺍﺫﺍ ﺟﺎﺩ ﺧﻞ ﻳﺼﺮﻑ ﻧﻈﺮ ﻋﻨﻲ ﺍﻧﻲ ﻣﺎ ﺍﻓﻜﺮ ﺑﺎﻟﺰﻭﺍﺝ
ﻭﻫﻮ ﻣﺨﺘﻠﻒ ﻋﻦ ﺍﻟﻔﻜﺮﺓ ﺍﻟﻲ ﺑﺎﻟﻲ
ﺿﻐﻄﺖ ﺍﺭﺳﺎﻝ ﻗﺴﻴﺖ ﻋﻠﻰ ﻧﻔﺴﻲ ﺭﻏﻢ ﺍﻛﻮ ﺍﻳﻌﺎﺯﺍﺕ ﻗﺒﻮﻝ ﺑﺪﺍﺧﻠﻲ
" ﻋﻠﻰ ﺭﺍﺣﺘﺞ "
ﺍﺧﺘﺼﺮﺕ ﺍﻟﺤﺪﻳﺚ ﺷﻬﺪ ﺑﻬﺬﻱ ﺍﻟﻜﻠﻤﺔ
ﻛﺘﺒﺖ ﺍﻟﻬﺎ ﺍﺳﻔﺔ ﺍﺫﺍ ﺿﻮﺟﺘﺞ ﺫﻳﺞ ﺍﻟﻤﺮﺓ
ﺣﺬﻓﺖ ﺍﻟﻜﻼﻡ ﻭﻣﺎ ﺭﺳﻠﺘﻪ ﺗﺮﺩﺩﺕ ...
ﺍﻟﺨﻤﻴﺲ ﻣﺎ ﺩﺍﻭﻣﺖ ... ﻭﺍﺟﺖ ﺍﻟﺠﻤﻌﺔ
ﻟﺒﺴﺖ ﺍﻟﺴﺎﻋﺔ ﺗﺴﻌﺔ ﺍﻟﺼﺒﺢ ﺍﺭﻭﺡ ﻟﺠﻠﺴﺎﺕ ﺃﺩﻋﻴﺔ ﺑﺎﻟﺪﺭﺱ ﻓﻘﻂ ﻳﻮﻡ ﺍﻟﺠﻤﻌﺔ ﺻﺮﺕ ﺍﺭﻭﺡ ﻟﻠﺤﻮﺯﺓ ...
ﻛﺎﻟﻌﺎﺩﺓ ﺍﻣﻲ ﻣﺎ ﻫﻮﻧﺖ ﺗﻜﻌﺪ ﻣﺮﺗﻀﻰ ﻳﻮﺩﻱ ﻋﻠﻲ ﻛﺎﻟﺖ ﺑﻄﺮﻳﻘﺞ ﻭﺻﻠﻴﻪ ﻟﺒﻴﺖ ﺍﺑﻮ ﺧﻠﻴﻞ
ﺍﻧﻲ ﺳﻤﻌﺘﻬﺎ ﻭﺩﻳﻪ ﻟﺒﻴﺖ ﺧﻠﻴﻞ ﺑﻨﺠﺮﺕ
ﻃﻠﻌﺖ ﻣﻦ ﺑﻴﺘﻨﺎ ﮔﻠﺒﻲ ﻣﻘﺒﻮﺽ ﻣﻦ ﺍﻟﻤﻮﺍﺟﻬﺔ ﺑﻌﺪ ﺍﻟﺮﻓﺾ ﺑﺪﺍﺧﻠﻲ ﻣﺎ ﺍﺭﻳﺪ ﺍﻛﺴﺮ ﺑﻴﻪ ﺻﺎﺭﻟﻲ ﻳﻮﻣﻴﻦ ﻣﻐﻤﻮﺗﻪ ﻭ ﺿﺎﻳﺠﺔ ﻋﻠﻴﻪ ..
ﻃﻠﻌﺖ ﻋﻠﻰ ﺍﻟﻔﺮﻉ ﻣﻠﺘﺎﻓﺔ ﻋﻠﻰ ﺑﻴﺘﻬﻢ ...
- ﺍﻟﺴﻼﻡ ﻋﻠﻴﻜﻢ
ﻭﻛﻒ ﻛﺪﺍﻣﻲ ﻛﺮﺍﺭ ﺳﻤﻨﺎﻥ ﺍﻭﻝ ﻣﺮﺓ ﻣﻌﺮﻓﺘﻪ ﺍﺷﻠﻮﻥ ﺻﺪﻓﺔ ﻗﺒﻴﺤﺔ
ﺳﺪﻟﻲ ﻃﺮﻳﻘﻲ ...
ﺑﻴﺪﻱ ﺟﻨﻄﺔ ﻋﻠﻲ ﻭﺍﻟﺜﺎﻧﻴﺔ ﻻﺯﻣﻪ ﺍﻳﺪﻩ
ﺍﺑﺘﻌﺪﺕ ﻋﻦ ﻛﺪﺍﻣﻪ ﻭ ﻫﻮ ﻫﻢ ﺍﺗﺮﺻﺪ ﻟﻜﺪﺍﻣﻲ
- ﺍﺷﻠﻮﻧﺞ ﺯﻳﻨﺐ
... ﻣﺘﻐﻴﺮﻩ
- ﻛﺮﺍﺭ ﺷﺮﺍﻳﺪ ؟
- ﻟﻴﺶ ﺣﺘﻰ ﺍﻟﺴﻼﻡ ﻗﻄﻌﺘﻮﻩ ﻣﻮ ﺍﺣﻨﻪ ﺻﻠﺔ ﺭﺣﻤﻜﻢ
- ﻣﺎ ﺑﻴﻨﺎ ﺭﺣﻤﺔ ﺑﻌﺪ ﺍﻟﻲ ﺳﻮﻧﺎ ﺧﻮﺍﺗﻚ
ﺍﺭﻳﺪ ﺍﻣﺸﻲ ﺑﻄﺮﻳﻘﻲ ﻣﻤﻜﻦ ﺗﻮﺧﺮ
- ﻣﻮ ﺍﻧﻲ ﺍﺑﻦ ﻋﻤﺞ ﻗﺎﺑﻞ ﻏﺮﻳﺐ ..
ﻣﻴﺨﺎﻟﻒ ﺍﻭﺻﻠﺞ
- ﻻ ﺗﺘﺼﺮﻑ ﻫﻴﺞ ﺍﻧﺖ ﺗﻌﺮﻑ ﺍﻟﻌﻼﻗﺎﺕ ﺑﻴﻨﺎ ﻣﻨﺘﻬﻴﺔ
ﻣﺸﻴﺖ ﻭﻣﺸﻰ ﺍﺑﺼﻔﻲ
- ﺭﻭﺡ ﻟﻄﺮﻳﻘﻚ ﻣﺎ ﻣﺤﺘﺎﺟﻪ ﺗﻮﺻﻴﻠﺔ ﻣﻨﻚ
- ﻛﺒﺮﺍﻧﻪ ﻭﻣﺘﻐﻴﺮﻩ ﻟﻴﺶ ﻫﻴﺞ ﺍﻟﺤﻘﺪ ﻏﻴﺮﺝ
ﻭﻛﻔﺖ ﻣﻌﺼﺒﻪ ﻭﺍﻟﺸﺎﺭﻉ ﻣﺎ ﻳﺨﻠﻮ ﻣﻦ ﺍﻟﻨﺎﺱ
ﺗﻜﻠﻤﺖ ﺑﻬﺪﻭﺀ ﺣﺎﺩ ﻣﻦ ﺑﻴﻦ ﺍﺳﻨﺎﻧﻲ
- ﺍﻟﺤﻘﺪ ﻋﺎﻣﻲ ﺧﻮﺍﺗﻚ ﻣﻮ ﺍﻧﻲ
- ﻛﺒﺮﺍﻧﻪ ﺣﻴﻞ
ﻟﺢ ﺑﻬﺎﻱ ﺍﻟﻜﻠﻤﺔ ﺍﻟﺘﺠﺮﺡ
- ﺭﻭﺡ ﺭﻭﺡ
ﻛﻠﺘﻬﺎ ﺑﻨﺘﺮ
ﻭ ﺭﺟﻊ ﻭﻛﻒ ﻛﺪﺍﻣﻲ
- ﺍﺷﻠﻮﻥ ﺍﺭﻭﺡ ﻛﻮﻟﻲ ﻭﻳﻦ ﺭﺍﻳﺤﻪ ﻭﺍﻧﻲ ﺍﻭﺻﻠﺞ ﻭﺍﺭﺟﻌﺞ
- ﻋﻼﻗﺘﻨﺎ ﻣﻨﺘﻬﻴﺔ ﻛﺄﻗﺎﺭﺏ ﺷﺮﺍﻳﺪ
- ﻟﻮ ﻣﻮﺍﻓﻘﺔ ﻋﻠﻴﻪ ﻣﻜﺎﻥ ﺻﺎﺭ ﺍﻟﻲ ﺻﺎﺭ .....
ﻛﺎﻟﻬﺎ ﺑﺤﺴﺮﺓ
ﻫﺬﺍ ﺍﺷﺒﻲ ﺍﺷﻠﻮﻥ ﻳﺠﺮﺃ ﻳﻜﻮﻝ ﻫﻴﺞ ﻭﻳﺬﻛﺮ ﻫﺬﺍ ﺍﻟﻤﻮﺿﻮﻉ ﻭ ﺧﻮﺍﺗﻪ ﻃﻌﻨﻦ ﺑﺸﺮﻓﻲ !
ﻫﺰﻳﺖ ﺭﺍﺳﻲ ﻭﺍﻳﺪﻱ ﻭ ﻋﻼﻭﻱ ﻳﺤﺎﻭﻝ ﻳﻔﻠﺖ ﺍﻳﺪﻱ
- ﺑﺎﺑﺎ ﺑﺎﺑﺎ
ﺑﺎﻭﻋﺖ ﻟﻜﺪﺍﻡ ﺷﻔﺘﻬﻢ ﺧﻠﻴﻞ ﻭﻳﺎﺳﺮ ﺑﺰﻱ ﻋﺮﺑﻲ ﻳﻔﺮ ﺑﺴﺒﺤﺘﻪ ﻭﺟﺎﻳﻴﻦ ﻋﻠﻴﻨﺎ
ﺑﻠﻌﺖ ﺭﻳﻜﻲ ﻭﺍﺭﺗﺒﻜﺖ ﻭﺍﻧﻲ ﺍﺷﻮﻓﻬﻢ ﺟﺎﻳﻴﻦ ﻭﺧﻠﻴﻞ ﺷﻌﺮﺓ ﻳﻄﺎﻳﺮ ﻣﻦ ﻣﺸﻴﺘﻪ ﺍﻟﻌﺼﺒﻴﺔ
ﺍﺑﺴﺮﻋﺔ ﻋﻜﺒﺖ ﻛﺮﺍﺭ ﻭ ﺭﺣﺖ ﺧﻠﻒ ﻋﻠﻲ ﺍﻟﻲ ﻳﺮﻛﺾ ﻻﺑﻮﻩ ..
ﻣﺎ ﺗﺮﻛﻨﻲ ﻭ ﻣﺸﻰ ﻭﻳﺎﻱ ﻛﺮﺍﺭ
ﻫﻤﺴﺖ
- ﺭﻭﺡ ﻻ ﺗﻤﺸﻲ ﻭﻳﺎﻱ
ﺗﺄﺗﺄﺕ ﻣﺘﺄﻓﺄﻓﻪ ﻣﻨﻪ
ﻣﻦ ﺻﺮﺕ ﻛﺪﺍﻣﻬﻢ
ﺳﻠﻤﺖ ﺑﺘﻠﻌﺜﻢ
ﻭﺍﻧﻲ ﺣﺎﻧﻴﺔ ﺭﺍﺳﻲ
- ﺍﻟﺴﻼﻡ ﻋﻠﻴﻜﻢ ..
ﺭﺩ ﻳﺎﺳﺮ ﺧﻠﻴﻞ ﻣﺎ ﺳﻤﻌﺖ ﺻﻮﺗﻪ ﺭﻓﻌﺖ ﻧﻈﺮﻱ ﺷﻔﺘﻪ ﺻﺎﺩ ﻛﺮﺍﺭ ﺑﻨﻈﺮﺓ ﻭ ﺗﺒﺎﺩﻟﻮ ﺍﻟﺴﻼﻡ ﻭﻳﺎﻩ ﺑﺒﺮﻭﺩ ﻭﻫﻮ ﻭﺍﻛﻒ ﻳﻤﻲ ﻭﻛﺎﻝ
- ﻳﻼ ﺍﻭﺻﻠﺞ ﺍﻣﺸﻲ
ﻣﺎ ﺗﺤﻤﻠﺖ ﻛﺄﻧﻲ ﺍﺭﻳﺪ ﺍﻧﻔﻲ ﻛﻼﻡ ﻧﻈﺮﺍﺕ ﺧﻠﻴﻞ ﻭ ﻏﻠﻄﺖ ﻭ ﺯﺟﺮﺗﻪ ﻛﺪﺍﻣﻬﻢ
- ﻛﻠﺖ ﺍﻟﻚ ﺭﻭﺡ ﺍﻧﻲ ﺭﺍﻳﺤﻪ ﻟﻠﺪﺭﺱ
ﺣﻄﻴﺖ ﺍﻟﺠﻨﻄﻪ ﻋﻠﻰ ﺍﻻﺭﺽ
- ﻫﺎﻱ ﻣﻼﺑﺲ ﻋﻠﻲ
ﻛﺮﺍﺭ - ﺍﻣﺸﻲ ﻳﻼ
ﺭﻛﺰﺕ ﻋﻠﻰ ﺍﻳﺪ ﻳﺎﺳﺮ ﺍﻟﻲ ﻋﺎﺻﺮﺓ ﻣﻌﺼﻢ ﺧﻠﻴﻞ ﻋﺼﺮ
ﻭﺍﻧﻲ ﺍﻋﻜﺒﻬﻢ ﺳﻤﻌﺖ ﻫﻤﺲ ﻳﺎﺳﺮ ﻟﺨﻠﻴﻞ
- ﺍﺑﻦ ﻋﻤﻬﺎ ﻻ ﺗﺪﺧﻞ
ﺩﺧﻠﺖ ﻭ ﺑﻌﺪ ﺳﺎﻋﺔ ﻭﻧﺺ ﻃﻠﻌﺖ ﺩﻣﺸﻲ ﻭﺷﻔﺖ ﺧﻠﻴﻞ ﻭﺍﻛﻒ ﻳﻢ ﺑﺎﺏ ﺑﻴﺘﻬﻢ
ﺭﺟﻔﺖ ﺍﻗﺪﺍﻣﻲ ﻭﺍﻧﻲ ﺍﺗﺨﻴﻞ ﻳﺎﺳﺮ ﻣﺴﻮﻟﻒ ﺍﻟﻪ ﺍﻟﻲ ﻣﻀﻰ ﻭﺳﺎﻟﻔﺔ ﺍﻻﺷﺎﻋﺔ
ﻣﻦ ﺟﻮﺓ ﻋﺒﺎﺗﻲ ﻣﺴﺤﺖ ﺻﺪﺭﻱ ﺑﺪﻳﺖ ﺍﺣﺲ ﺑﺤﺮﻛﺔ ..
ﺑﺲ ﻣﺮﻳﺖ ﻣﻦ ﻳﻤﺔ ﺍﺣﺴﻪ ﺍﺗﺤﺮﻙ ﺧﻠﻔﻲ ...
ﻣﻦ ﻭﺻﻠﺖ ﻟﻔﺮﻋﻨﺎ ﺍﻟﺘﻔﺘﺖ ﺷﻔﺘﻪ ﻳﻤﺸﻲ ﺧﻠﻔﻲ ﺗﺎﺭﻙ ﻣﺴﺎﻓﺔ ﻛﺒﻴﺮﺓ ﺑﻴﻨﺎ ..
ﺩﺧﻠﺖ ﻭﻓﻬﻤﺖ ﻭﺍﻛﻒ ﻳﻨﺘﻈﺮﻧﻲ ﺑﺲ ﺣﺘﻰ ﻳﻮﺻﻠﻨﻲ !
ﺷﻬﺪ ﻣﺎ ﻛﺎﻳﻠﺔ ﺍﻟﻪ ؟
،
ﻛﺎﻟﻌﺎﺩﺓ ﺍﻧﻲ ﺍﻭﻝ ﻭﺣﺪﻩ ﺻﻌﺪﺕ ،ﻫﺎﻟﻤﺮﺓ ﺳﻼﻣﻲ ﻫﻤﺲ ﻭ ﻣﺮﺗﻀﻰ ﺳﻠﻢ ﻋﻠﻰ ﺧﻠﻴﻞ ﻭﺭﺍﺡ ﻭﺩﺧﻞ ﻳﺸﻐﻞ ﺳﻴﺎﺭﺗﻪ ﻳﺮﻭﺡ ﻟﻠﺪﻭﺍﻡ ..
ﻣﺎ ﺍﺗﻜﻠﻢ ﻭﻻ ﺣﺎﻭﻝ ﻳﺎﺧﺬ ﻭﻳﻨﻄﻲ ﻭﻳﺎﻱ ﺑﺎﻟﻜﻼﻡ ﻣﺜﻞ ﺍﻻﻳﺎﻡ ﺍﻟﺴﺎﺑﻘﺔ .
ﺧﺎﺑﺮﺕ ﺑﻌﺪ ﺍﻳﺎﻡ ﺷﻬﺪ
ﻭﺳﺎﻟﺘﻬﺎ ﻛﺎﻟﺖ ﻟﺨﻠﻴﻞ ﻋﻦ ﺟﻮﺍﺑﻲ
ﻛﺎﻟﺖ ﺍﻱ
- ﺍﺷﻌﺠﺐ ﻟﻬﺴﺔ ﻳﻮﺻﻠﻨﻲ ﻟﻌﺪ ﻣﺎ ﺗﺮﻙ ﺍﻟﺨﻂ
- ﻣﺎ ﺍﻋﺮﻑ ﺑﺲ ﻫﻮ ﺣﻴﻞ ﺗﺄﺛﺮ ﺑﺮﻓﻀﺞ
ﻭﻣﺎ ﻧﺎﻗﺸﻨﻲ ﺣﺘﻰ ﻛﺎﻝ ﻋﻠﻰ ﺭﺍﺣﺘﻬﺎ
ﺗﺮﺩﺩﺕ ﺍﺗﻜﻠﻢ ﺍﻟﻤﻮﺿﻮﻉ ﺣﻴﻞ ﺍﺗﺤﺴﺲ ﻣﻨﻪ ﻣﻊ ﻫﺬﺍ ﺳﺄﻟﺖ ﺑﻨﺒﺮﺓ ﺧﺎﻳﻔﺔ
- ﻳﺎﺳﺮ ﺍﻭ ﺍﻧﺖِ ﺳﻮﻟﻔﺘﻢ ﺍﻟﻪ ﻋﻦ ﻣﻮﺿﻮﻉ ﺍﻻﺷﺎﻋﺎﺕ ! ﻭﻋﻦ ﻋﻦ
" ﻗﺎﺻﺪﺓ ﻣﺮﺍﺳﻠﺘﻲ ﻟﻴﺎﺳﺮ "
ﻛﺎﻧﻬﺎ ﻓﻬﻤﺖ ﺍﺑﺴﺮﻋﺔ
- ﻻ ﻃﺒﻌﺎ ﻳﺎﺳﺮ ﻣﺎ ﻳﺬﻛﺮ ﺷﺮﻑ ﺍﺣﺪ ﻟﻮ ﻋﻠﻰ ﻣﻮﺗﻪ
ﻭﺍﻧﻲ ﻣﺴﺘﺤﻴﻞ ﺍﺫﻳﺞ ﺍﻭ ﺍﺫﻱ ﺍﺣﺪ
ﺯﻳﻨﺐ ﺩﺗﺒﻜﻴﻦ؟
- ﺍﻱ ﻻﻥ ﺷﺎﻓﻨﻲ ﻭﻳﺔ ﻛﺮﺍﺭ ﺣﺴﻴﺖ ﻳﺎﺳﺮ ﺭﺍﺡ ﻳﺴﻮﻟﻒ ﺍﻟﻪ ...
- ﻣﺴﺘﺤﻴﻞ
ﺑﺲ ﻫﻮ ﺣﻴﻞ ﺗﻌﺒﺖ ﻧﻔﺴﻴﺘﻪ ﺑﺮﻓﻀﺞ ﺍﻟﻘﺎﻃﻊ ...
- ﺍﻟﻠﻪ ﻳﻮﻓﻘﻪ
- ﺗﺮﺓ ﺧﻠﻴﻞ ﻣﺎ ﻳﻔﺮﻕ ﻋﻦ ﺍﺧﻮﻳﺔ ﻳﺎﺳﺮ ﺑﺸﻬﺎﻣﺘﻪ ﻭﻃﻴﺒﺘﻪ ﻟﻴﺶ ﺍﻟﺮﻓﺾ
ﺍﻧﻲ ﻛﻠﺖ ﻣﺎ ﺍﻧﺎﻗﺸﺞ ﺑﻘﺮﺍﺭﺝ ﺑﺲ
ﻣﺘﺤﻤﻠﺖ ﺍﻻ ﺍﺣﺠﻲ
ﻣﺴﺤﺖ ﺩﻣﻮﻋﻲ ﻭﻛﻠﺖ
- ﺍﺷﻮﻓﻪ ﻣﺨﺘﻠﻒ .... ﺍﻟﺼﺮﺍﺣﺔ ﺍﻟﺨﻴﺎﺭ ﺍﻟﺜﺎﻧﻲ ﺍﻟﻲ ﺍﺭﻳﺪﻩ ﺍﻗﻮﻯ ﻣﻦ ﺍﻟﻲ ﻗﺒﻠﺔ ﻋﻨﺪﻩ ﺧﻠﻔﻴﺔ ﺛﻘﺎﻓﻴﺔ ﻭﺍﻋﻲ ﻗﻮﻱ ﻣﺜﻞ ﺍﺑﻮﻳﺔ !
ﻣﻮ ﻫﺶ ﻳﺘﺮﻛﻨﻲ ﻣﻦ ﻣﻮﻗﻒ
- ﺍﺑﻮﺝ !
- ﺍﻱ !
ﺍﺑﺘﺴﻤﺖ
ﻭﺍﻧﻲ ﺍﻧﺎﻗﺾ ﻧﻔﺴﻲ ﺍﻟﻘﺪﻳﻤﺔ
- ﻗﺒﻞ ﻛﻨﺖ ﺍﺭﻳﺪ ﺍﺗﺨﻠﺺ ﻣﻦ ﺣﻜﻢ ﺑﺎﺑﺎ ﻣﻦ ﻛﻨﺖ ﺍﺻﻐﺮ ... ﺑﺲ ﻫﺴﺔ ﻣﺎ ﺍﺷﻮﻑ ﻣﺜﻠﻪ ﺭﺟﻞ !
ﺑﺎﺑﺎ ﻣﺎ ﻳﺘﻜﺮﺭ ﻳﻘﻮﻱ ﺍﻟﻲ ﻳﺤﺘﻮﻳﻪ ﻣﺎ ﻳﻀﻌﻒ ﻣﺜﻞ ﺯﻟﻢ ﻫﺎﻟﻮﻛﺖ
ﺧﻠﻴﻞ ﻟﻮ ﺗﻨﻄﻴﻪ ﻓﺮﺻﺔ
- ﺍﺑﻮ ﺷﻌﺮ ﻫﻬﻬﻪ
ﺿﺤﻜﺖ ﺑﺄﻟﻢ
ﻭﻫﻲ ﻫﻢ ﺿﺤﻜﺖ
- ﻻ ﺗﻐﺮﺝ ﺍﻟﻤﻈﺎﻫﺮ ﻫﺬﺍ ﻣﻘﺎﺗﻞ ﺑﺎﺳﻞ .....
ﻭﺑﻌﺪﻳﻦ ﻻ ﺍﺷﻮﻓﻴﻪ ﻧﺎﻋﻢ ﻣﻮ ﺻﻐﻴﺮ ﻋﻤﺮﻩ ٣٤
- ﻭﻟﻴﺶ ﻟﻬﺴﺔ ﻣﺎ ﻣﺰﻭﺝ؟
- ﻣﺎ ﻳﺮﻳﺪ ﻳﺰﻭﺝ ﺍﻻ ﻭﺣﺪﻩ ﻳﻘﺘﻨﻊ ﺑﻴﻬﺎ ﻭﻫﻮ ﺑﺼﺮﺍﺣﻪ ﻣﻦ ﻛﺜﺮ ﻣﺎ ﺷﺎﻑ ﻭﻋﺎﻑ ﺻﺎﺭ ﺍﻟﺰﻭﺍﺝ ﻣﻮ ﻣﻦ ﺍﻭﻟﻮﻳﺎﺗﻪ
- ﻭﻟﻴﺶ ﻋﺎﻑ ﺧﻄﻴﺒﺘﻪ
- ﺑﻨﺖ ﻋﻤﺘﻪ
ﻫﻲ ﺍﻟﻲ ﻣﺎ ﻋﺮﻓﺖ ﺗﺤﻮﻳﻪ ﻭﺧﻠﺘﻪ ﻣﺎ ﻳﺮﺗﺎﺡ ﻭﻳﺎﻫﺎ ﻭﺗﺮﻛﻬﺎ ﻗﺒﻞ ﻻ ﻳﺰﻭﺟﻬﺎ ..
- ﺍﻧﺖ ﻣﻦ ﺟﺎﻧﺒﺔ
- ﻻﻥ ﺍﻋﺮﻓﻪ ﻭﺍﻋﺮﻑ ﺑﺖ ﻋﻤﺘﻪ
- ﻳﺎ ﻋﻤﺘﻪ ﻫﻮ ﻣﻮ ﻣﺎﻋﻨﺪﻩ ﻋﻤﻪ ﻏﻴﺮ ﺍﻣﺞ
- ﻋﻤﺘﻪ ﺍﺻﻴﺮ ﺑﺖ ﻋﻢ ﺧﺎﻟﻲ ﺑﻌﺘﺒﺎﺭ ﻋﻤﺘﻪ ﻟﺨﻠﻴﻞ
- ﻫﺎ ﻳﻌﻨﻲ ﺍﻗﺎﺭﺑﻜﻢ
- ﺍﻱ ﺍﻟﻤﻬﻢ ﺭﺍﺡ ﺗﻔﻜﺮﻳﻦ
- ﻣﺎ ﺍﺭﻳﺪ ﺍﻧﻄﻴﻪ ﺍﻣﻞ ﻣﺎ ﺍﺯﻭﺝ ﻭﺍﺣﺪ ﻣﺎ ﻣﻠﺘﺤﻲ
- ﻋﺰﺓ ﻫﻬﻬﻬﻬﻬﻬﻬﻬﻬﻬﻪ
ﺿﺤﻜﺖ
ﻋﺎﺑﺖ ﻋﺒﺎﻟﻲ ﻣﺎ ﺗﻌﺮﻓﻴﻦ ﺗﺸﺎﻗﻴﻦ ﻃﻠﻌﺖ ﺧﻔﺔ ﺩﻣﺞ ﺗﻮﻫﺎ
- ﻣﺎ ﺍﺗﺸﺎﻗﻪ ﻣﺎ ﻋﻨﺪﻩ ﻟﺤﻴﺔ ﻟﻴﺶ ﻣﺰﻳﻨﻬﺎ ﻣﺤﺒﻴﺖ
- ﺍﻭﻱ ﻋﻴﻨﻲ ﻟﻠﻤﺮﻛﺰ ﻫﻬﻬﻬﻬﻬﻪ
- ﻭﺷﻌﺮﻩ ﺷﻌﺮﺓ ﻣﺎ ﻋﺎﺟﺒﻨﻲ ﻭﻗﻤﻴﺼﺔ ﺍﻟﻲ ﻳﻄﻠﻊ ﻣﻨﻪ ﺻﺪﺭﺓ ﺑﻌﺰ ﺍﻟﺒﺮﺩ ﺗﺮﺓ ﺍﺣﻨﻪ ﺑﺎﻟﻨﺠﻒ
- ﻧﺴﺨﺔ ﻋﻤﻲ ﺍﻟﻤﺼﻐﺮﺓ ﺷﻴﺨﺘﻨﺎ ﺗﺮﻩ ﻫﻮ ﺭﺟﺎﻝ ﻋﺎﺩﻱ ﺑﻜﻴﻔﻪ
- ﺍﻱ ﺑﻜﻴﻔﻪ ﺑﺲ ﻫﺬﻱ ﺍﻟﻤﻼﺣﻈﺎﺕ ﺍﻟﺴﻄﺤﻴﺔ ﻣﺸﻮﺷﺔ ﻋﻠﻰ ﺩﺍﺧﻠﻪ
ﻷﻥ ﻣﻈﻬﺮ ﺍﻻﻧﺴﺎﻥ ﻳﻌﻜﺲ ﺷﺨﺼﻴﺘﻪ
ﺻﺎﺣﻨﻲ ﻣﺮﺗﻀﻰ
- ﺯﻳﻨﺐ .... ﺯﻳﻨﺐ
ﻋﺸﺎ ﻋﺸﺎ
- ﺭﺟﻠﺞ ﺑﺎﻟﻬﻮﻝ ﻛﺎﻋﺪ ﻭﻳﺮﻳﺪ ﻋﺸﺎ ﺍﺭﻭﺡ ﺍﻋﺸﻴﻪ
- ﺣﺒﻴﺒﻲ ﺭﻭﺣﻲ ﻻ ﺟﻮﻋﻴﻪ
- ﻫﻬﻬﻬﻪ ﻣﻊ ﺍﻟﺴﻼﻣﺔ ..
،
ﺣﻄﻴﺖ ﺍﻟﻌﺸﺎ ﻋﻠﻰ ﺍﻻﺭﺽ ﻭﻧﺰﻝ ﻳﺎﻛﻞ
ﺍﺣﻨﻪ ﻣﺘﻌﺸﻴﻦ ﻗﺒﻠﻪ ﻛﺎﻥ ﻃﺎﻟﻊ
ﻛﻌﺪﺕ ﻳﻤﺔ ﺍﻗﻠﺐ ﺑﺎﻟﻘﻨﻮﺍﺕ ﺍﻟﺪﻳﻨﻴﺔ ...
- ﺷﻬﺪ ﻛﺎﻟﺖ ﺍﻟﺞ
- ﺷﻨﻮ
- ﻋﻠﻰ ﺍﻟﻤﻮﺿﻮﻉ
- ﻳﺎ ﻣﻮﺿﻮﻉ
- ﻳﻌﻨﻲ ﻣﺎ ﻟﻤﺤﺖ ﺍﻟﺞ ﺍﺑﺪ
ﺧﻔﻘﺖ ﻧﺒﻀﺎﺗﻲ ...
- ﺑﺸﻨﻮ ﺗﻠﻤﺢ
- ﺷﻬﺪ ﻣﺎ ﺗﻠﺰﻡ ﻧﻔﺴﻬﺎ ﻣﻌﻘﻮﻟﺔ ﻣﺎ ﻟﻤﺤﺖ
- ﻫﺎ ...
ﻫﻲ ﻟﻤﺤﺖ ﺑﺲ ﺍﻧﻲ ﺍﻟﻤﻮﺿﻮﻉ ﻣﻮ ﺑﺎﻟﻲ ﻭ
- ﻳﻌﻨﻲ ﻣﺎ ﻟﻤﺤﺘﻲ ﻟﺮﻗﻴﺔ ﻻﻧﺞ ﻣﺎ ﻣﻘﺘﻨﻌﻪ
- ﻫﺎﺍﺍﺍ
ﻋﺒﺎﻟﻲ ﻋﻠﻰ ﻣﻮﺿﻮﻉ ﺧﻠﻴﻞ ! ﻭ ﻫﺴﺔ ﻣﺎ ﻓﻬﻤﺖ ﺷﻲ
ﺳﺄﻟﺖ
- ﺷﻨﻮ ﺍﻟﻤﻮﺿﻮﻉ
- ﻳﺎﺳﺮ ﻳﺮﻳﺪ ﻳﺮﺟﻊ ﺭﻗﻴﺔ
ﺷﻬﺪ ﻛﺎﻟﺖ ﺍﻟﻲ ﺍﻟﻴﻦ ﻗﺮﺍﺭ ﺍﺑﻮﺝ
ﺑﺲ ﻧﺸﻮﻑ ﺭﻗﻴﺔ ﺑﻌﺪﻫﺎ ﺗﺮﻳﺪ
- ﺍﻱ ﺗﺮﻳﺪ ﺗﺮﺟﻊ ﺑﺲ ﻃﺒﻌﺎ ﻣﺎ ﻧﺮﺟﻌﻬﺎ ﺗﺘﻌﺐ ﻭ ﺳﺪﻫﺎ ﻣﻦ ﻳﻤﻚ ﺍﻓﻀﻞ
ﺷﺮﺍﻳﺪ ﻣﻨﻬﺎﻣﻮ ﺍﺯﻭﺝ ﻭﺍﺳﺘﻘﺮ ﻭ ﺍﺑﻨﻪ ﻣﺎ ﻣﺤﺮﻭﻡ ﻣﻨﻪ
- ﻫﻴﺞ ﺍﺷﻮﻓﻴﻦ
- ﺍﻱ ﻭﻻ ﺗﻔﺘﺢ ﺍﻟﺴﺎﻟﻔﻪ ﻟﺒﺎﺑﺎ ﺑﺲ ﺍﺗﻌﺐ ﻧﻔﺴﻚ ﻣﺎ ﻳﻘﺒﻞ ﻭﻻ ﺗﻌﺸﻢ ﺭﻗﻴﺔ
ﺍﻓﻀﻞ ﺍﻟﻬﺎ
،
ﺛﺎﻧﻲ ﻳﻮﻡ ﺷﻮ ﻧﻮﺭ ﻣﺎ ﻛﻌﺪﺕ ﻳﻤﻨﺎ ﻓﺘﺤﺖ ﺍﻟﺒﺎﺏ ﺍﻟﻲ ﻳﻤﻪ ﻭﻛﻌﺪﺕ ، ﻭ ﺗﺒﺎﺩﻟﻮ ﺍﻟﻜﻼﻡ ﺍﻟﻘﻠﻴﻞ
ﺍﺳﺘﻐﺮﺑﺖ ﺍﻟﻮﻛﺖ ﺍﻟﻲ ﺗﻐﻴﺮ ﻟﻮ ﺍﻧﻲ ﻋﻘﻠﻲ ﻣﺘﺤﺠﺮ ﻋﻨﺪﻱ ﻋﻴﺐ ﻭﺣﺮﺍﻡ ﺳﻮﺍﻳﺘﻬﺎ ﺗﺒﺎﺩﻝ ﺍﻟﺤﺪﻳﺚ ﻭﺍﻟﻜﻌﺪﺓ ﻳﻤﺔ ﻭﻋﻄﺮﻫﺎ ﻳﻔﻜﺢ ﺍﻟﺤﻀﻮﺭ ﺍﻧﻲ ﺍﺳﺘﺤﺮﻡ ﺍﺣﻂ ﻋﻄﺮ ﺑﺲ ﺑﻮﻗﺖ ﺍﻟﺼﻼﺓ ﻣﻦ ﺍﻃﻠﻊ ﻻ ...
ﻭ ﺑﺎﻟﺮﺟﻌﺔ ﻫﻢ ﺻﻌﺪﺕ ﻳﻤﻪ
ﺣﺘﻰ ﺍﻡ ﻣﺤﻤﻮﺩ ﻻﺣﻈﺖ ﺍﺳﺘﻐﺮﺍﺑﻬﺎ
ﺍﻧﻲ ﺣﺴﻴﺖ ﺑﻐﺜﻴﺎﺕ ﻭﻗﻠﺔ ﺣﻴﻞ ﺍﺭﻳﺪ ﺑﺲ ﺍﻭﺻﻞ ﻟﻠﺒﻴﺖ ...
ﺍﻟﺘﻔﺘﺖ ﻋﻠﻴﻪ ﻧﻮﺭ
- ﺍﺣﺴﺞ ﺗﻌﺒﺎﻧﻪ ...
ﺭﻓﻌﺖ ﻧﻈﺮﻱ ﻋﻠﻴﻬﻢ ﺷﻔﺘﻪ ﻳﺒﺎﻭﻉ ﺍﻟﻲ ﻣﻦ ﺧﻼﻝ ﺍﻟﻤﺮﺍﻳﺔ
- ﺍﻱ ﺍﺷﻮﻳﺔ
ﻧﻮﺭ
- ﺧﻠﻴﻞ ﻭﺻﻠﻬﺎ ﻫﻲ ﻗﺒﻠﻲ ﺧﻄﻴﺔ
ﻣﺎ ﺭﻓﺾ ﺍﻟﻬﺎ ﺍﻟﻄﻠﺐ ﻭﺍﻧﻲ ﺍﻻﺑﻌﺪ ﻭﺻﻠﻨﻲ ﺑﻌﺪ ﺍﻡ ﻣﺤﻤﻮﺩ ﻭﻋﻔﺘﻬﻢ ﻭﺣﺪﻫﻢ ﻭﻫﻲ ﻳﻤﻪ ﻛﺎﻋﺪﻩ .....
ﺳﺪﻳﺖ ﺍﻟﺒﺎﺏ ﺻﺎﺭﺕ ﺭﻛﻌﻪ
ﺩﺧﻠﺖ ﺍﻋﺼﺎﺏ ﻟﻠﺒﻴﺖ
ﻫﺬﺍ ﺍﻟﻲ ﺍﺗﻜﻮﻟﻴﻦ ﻻ ﺍﻇﻠﻤﻴﻪ ﻳﻤﻜﻦ ﻳﺤﺒﺞ
ﺑﺲ ﻛﻌﺪﺕ ﻳﻤﻪ ﻧﻮﺭ ﻛﺎﻡ ﻳﺴﻴﻞ ﻟﻌﺎﺑﻪ ﻋﻠﻴﻬﺎ
ﺍﺗﺤﻤﻞ ﺿﻌﻒ ﺍﻟﻤﺴﺎﻓﺔ ﺍﻟﻲ ﺭﺍﺡ ﺍﺻﻴﺮ ﻋﻠﻴﻪ ﻭ ﻭﺻﻠﻨﻲ ﻗﺒﻠﻬﺎ
ﺍﺟﺘﻪ ﺍﻟﺴﻬﻠﺔ ﻋﻠﻴﺶ ﻳﺘﻌﺐ ﻭﻳﺎﻱ ﺑﺲ ﻋﺠﺒﺘﻬﺎ ﺳﻴﺎﺭﺗﻪ ﻋﺠﺒﻬﺎ ﻳﺘﻮﺍﻟﻤﻮﻥ
ﺛﺎﻧﻲ ﻳﻮﻡ ﻣﺎ ﻃﺎﻳﻘﺔ ﺍﺷﻮﻓﻪ
ﺻﻌﺪﺕ ﻭﺳﺪﻳﺖ ﺍﻟﺒﺎﺏ ﻣﻦ ﻏﻴﺮ ﺃﻫﺘﻤﺎﻡ ﺭﻛﻌﺘﻬﺎ ...
ﺍﻟﺘﻔﺖ ﻋﻠﻴﻪ
- ﺻﺒﺎﺡ ﺍﻟﺨﻴﺮ
ﻫﻤﺴﺖ ﺭﺩﻳﺖ
- ﺍﺷﻠﻮﻥ ﺻﺮﺗﻲ ﺍﻟﺒﺎﺭﺣﻪ ﺷﻔﺘﺞ ﻣﺘﺨﺮﺑﻄﺔ !
- ﺍﺑﺴﺮﻋﺔ ﺍﻣﺸﻲ ﻻ ﺗﺘﺄﺧﺮ ﻛﺎﻟﻌﺎﺩﺓ ﻋﻠﻰ ﺍﻡ ﻣﺤﻤﻮﺩ
- ﻳﻤﺘﻰ ﻣﺘﺄﺧﺮ ﻋﻠﻴﻬﺎ
- ﻻ ﺗﺘﻮﻛﻒ ﺣﺘﻰ ﻻ ﺗﺘﺄﺧﺮ ﻛﻠﺘﻬﺎ ﻭﺍﻧﻲ ﺍﺑﺎﻭﻉ ﻟﻠﺸﺎﺭﻉ
ﻣﺸﻰ ﻣﻦ ﻳﻢ ﺑﻴﺘﻨﺎ
ﻭﻛﺎﻡ ﻳﺪﺧﻦ ﻭﺑﺲ ﻳﺒﺎﻭﻉ ﻋﻠﻴﻪ
- ﺧﻮﻳﺔ ﻣﻤﻜﻦ ﺍﻃﻔﻴﻬﺎ ﺍﺧﺘﻨﻜﺖ
ﺑﻘﻠﺔ ﺧﻠﻚ ﻛﻠﺘﻬﺎ ، ﻭﺍﻧﻲ ﺍﺳﺒﺢ
ﻃﻔﺎﻫﺎ ...
ﺷﻐﻞ ﺍﻏﺎﻧﻲ ﺗﻀﺠﻮﺭﺕ ﻭ ﺗﻨﻬﺪﺕ ﻭ ﻃﻠﻌﺖ ﻫﺪﻓﻮﻧﻲ ﻭ ﺣﻄﻴﺘﻪ ﺑﺎﻟﺘﻠﻴﻔﻮﻥ ﻭ ﺣﺎﻭﻟﺖ ﺍﺩﺧﻠﻬﻢ ﻣﻦ ﺗﺤﺖ ﺍﻟﺤﺠﺎﺏ ..
ﻛﻠﺖ ﺑﻨﻔﺎﺫ ﺻﺒﺮ
- ﺍﺳﺘﻐﻔﺮ ﺍﻟﻠﻪ ...
ﺍﻟﻠﻬﻢ ﺻﺒﺮﺝ ﻳﺎ ﺭﻭﺡ
ﻭﻛﻔﺖ ﺍﻟﺴﻴﺎﺭﺓ ﻓﺠﺄﺓ ﺣﺘﻰ ﺍﻧﻬﺰﻳﺖ ﻣﻦ ﺩﺍﺱ ﺑﺮﻳﻚ ﻓﺠﺄﺓ ﺑﻌﺪ ﻣﺎ ﻛﺎﻥ ﺳﺮﻳﻊ
ﻭﺍﻟﺘﻔﺖ ﻋﻠﻴﻪ
- ﺍﺷﺒﻴﺞ ﻣﺎ ﻋﺎﺟﺒﺞ ﺷﻲ ... ؟
ﻏﻠﻖ ﺗﻠﻴﻔﻮﻧﻪ ﺍﻧﻄﻔﺖ ﺍﻻﻏﻨﻴﺔ
- ﺧﻴﺮ ﺃﺧﻲ ﺍﻛﻮ ﺷﻲ
ﻣﻮ ﺍﺧﻮﺝ ﺍﻧﻲ
ﻭﻻ ﻃﻔﻞ ﻳﻤﺞ ﺗﺘﺄﻣﺮﻳﻦ ﻋﻠﻴﻪ ﻭ ﺍﺷﻤﺮﻳﻦ ﺑﺎﻟﻜﻼﻡ
- ﺍﺷﺒﻴﻚ ﺍﺣﺪ ﺩﺍﺳﻠﻚ ﻋﻠﻰ ﻃﺮﻑ
ﻭﻳﻼ ﺍﻣﺸﻲ ﻻ ﺗﻮﻛﻒ
ﻃﻠﻌﻠﻲ ﻧﺼﺔ ﻣﻦ ﺑﻴﻦ ﺍﻟﻔﺘﺤﺎﺕ ﺍﻟﻲ ﺑﻴﻦ ﺍﻟﻤﻘﺎﻋﺪ ﻭﻫﻮ ﻣﻠﺘﻒ ﻧﺼﺔ ﻋﻠﻴﻪ ...
ﻭﻛﺎﻝ ﺑﻌﺼﺒﻴﺔ
- ﻣﻦ ﺍﻟﺼﺒﺢ ﺗﺘﺄﻣﺮﻳﻦ ﺑﻨﺘﺮ ﻧﺎﻗﺼﻨﻲ ﺍﺻﻴﺤﻠﺞ ﻋﻤﺘﻲ
ﺍﻧﻲ ﻣﺎ ﺍﺷﺘﻐﻞ ﻳﻤﺞ .... ﺻﺒﻴﺎﻥ ﺟﻮﺓ ﺍﻳﺪﻱ ﻋﻤﺎﻝ ﻣﺎ ﺍﻋﺎﻣﻠﻬﻢ ﻣﺜﻠﺞ
ﻣﻮ ﺍﺑﻦ ﺍﻟﻴﻮﻡ ﺍﻧﻲ ﻭﻻ ﺍﺗﺤﺮﺵ ﺑﺤﻀﺮﺗﺞ ﺭﺩﺗﺞ ﺑﺎﻟﺤﻼﻝ ﻭ ﺭﻓﻀﺘﻴﻨﻲ ﻭﻣﺎ ﻫﻤﻨﻲ
ﻛﻠﺖ ﺍﻣﺸﻲ ﺑﺄﺻﻠﻲ ﻭﺍﻭﻓﻲ ﺑﻜﻠﻤﺘﻲ ﻻﺧﻮﺝ ﻣﺎ ﺍﺧﻠﻴﺞ ﺣﺎﻳﺮﺓ ﺑﺎﻟﻤﻮﺍﺻﻼﺕ
ﺍﻋﻮﻑ ﻟﺐ ﺷﻐﻠﻲ ﻭﺍﺟﻴﺞ ﻭ ﺍﻛﻌﺪﻟﺞ ﻣﻦ ﺻﺒﺎﺣﻴﺎﺕ ﺍﻟﻠﻪ
ﻫﻤﺴﺖ
- ﺍﻣﺸﻲ ﻫﺴﺔ ﻭﺑﻌﺪ ﻣﺎ ﺍﺭﻳﺪ ﻣﻨﻚ ﺷﻲ
- ﻫﺬﺍ ﺍﻟﻲ ﺍﻟﻠﻪ ﻛﺪﺭﺝ ﻋﻠﻴﻪ
ﻣﻐﺮﻭﺭﺓ ﺑﺮﻭﺣﺞ
ﺍﻧﻌﻞ ﺍﺑﻮ ﻫﺬﺍ
ﻭﺿﺮﺏ ﻋﻠﻰ ﺻﺪﺭﺓ
- ﻣﺘﺤﻤﻞ ﻭﺻﺎﺑﺮ ﺍﻛﻮﻝ ﺍﻧﻄﻴﻬﺎ ﻓﺮﺻﺔ ﺑﻠﻜﻲ ﺗﺤﻄﻚ ﺑﺒﺎﻟﻬﺎ ﻭﺍﺷﺘﻐﻠﺖ ﻳﻤﺞ ﺳﺎﻳﻖ ﻭﺍﻧﻲ ﻣﺎﻟﻚ ﻣﺎ ﻣﺤﺘﺎﺝ
ﺍﻟﺒﺎﺭﺣﻪ ﻣﺎ ﻧﻤﺖ ﻟﻴﻠﻲ ﻭﺍﻧﻲ ﺑﺎﻟﻲ ﻳﻤﺞ ﻭﺑﺼﺤﺘﺞ ﻭﺭﺣﺖ ﺍﺗﺤﻤﻠﺖ ﺍﻟﻄﺮﻳﻖ ﻭﺻﻠﺘﺞ ﻗﺒﻞ ﺻﺪﻳﻘﺘﺞ ﺻﺎﺭ ﺍﻟﻄﺮﻳﻖ ﻣﻀﺎﻋﻒ
ﻋﻠﻴﻪ
ﻣﺘﺤﻤﻠﺖ ﺧﺰﺭﺓ ﺍﻋﻴﻮﻧﻪ ﻭﺭﺟﻔﺔ ﻧﺒﺮﺓ ﻛﻼﻣﻪ ﺍﻟﻌﺼﺒﻴﺔ ﺍﻫﺘﺰﺕ ﺍﻭﺻﺎﻟﻲ ﻣﻦ ﺩﺍﺧﻞ
- ﻋﺒﺎﻟﺞ ﺍﻟﻌﺐ ﻋﻠﻴﺞ ﺍﻧﻲ
ﺷﺎﻳﻔﺘﻨﻲ ﻫﻴﺞ ﺩﻧﻴﺊ ﺯﻳﻦ ﻣﺮﺕ ﺍﺧﻮﺝ ﻋﺒﺎﻟﺞ ﻫﻢ ﺗﻠﻌﺐ ﻋﻠﻴﺞ
ﺍﻧﻲ ﺧﻠﻴﺘﻬﺎ ﻭﺳﻴﻂ
ﻟﻬﻠﺪﺭﺟﺔ ﻣﺘﺨﻮﻓﺔ ﻣﻦ ﺍﻟﻨﺎﺱ
ﺳﺎﻛﺘﻪ ﻭﺍﺑﺎﻭﻉ ﻟﺤﻈﻨﻲ ﻭﺷﺎﺑﻜﻪ ﺍﺩﻳﺔ ﺑﺘﻮﺗﺮ
- ﻭﻫﺬﺍ ﻛﺮﺍﺭ ﻣﻮ ﻋﻠﻰ ﺍﺳﺎﺱ ﺷﻬﺪ ﻛﺎﻟﺖ ﺍﻧﺘﻢ ﺑﻘﻄﻊ ﻭﻳﺎﻫﻢ ﻫﺎﺍﺍ
ﻟﻴﺶ ﻭﺍﻛﻔﺔ ﻭﻳﺎﻩ !
ﻫﺬﺍ ﻣﻌﺮﻭﻑ ﺑﺎﻟﺴﺎﺣﻪ ﺍﺑﻮ ﺑﻨﺎﺕ ﻭﻫﻮ ﻣﺰﻭﺝ ﻭﻣﺎ ﻳﻬﻤﻨﻲ ﻟﻴﺶ ﻭﺍﻛﻒ
ﺑﺲ ﻟﻴﺶ ﺧﻠﻴﺘﻴﻪ ﻳﻮﺻﻠﺞ ! ﻫﺎﺍﺍﺍ
ﺑﻼ ﺷﻨﻮ ﺣﺠﻴﺘﻮ ﻫﺎﺍﺍ ﺭﺩﻱ !
ﺷﻌﻨﺪﻩ ؟؟؟
ﻧﻈﺮﺍﺗﻪ ﻧﻈﺮﺍﺗﻪ ﺍﻟﻜﻠﺐ ﻋﻠﻴﺞ ﻳﻜﻠﻚ ﺗﺨﺼﻴﻪ
ﺍﻟﻪ ﻭﺍﻧﺘﻢ ﺑﻘﻄﻊ
ﺗﻨﺎﻗﺾ ﻛﻼﻣﻪ ﻛﺒﻴﺮ ﻭﻳﻦ ﻣﺎ ﻳﻬﺘﻢ ﻭﻳﻦ ﻓﺎﺗﺢ ﺗﺤﻘﻴﻖ ﻫﻤﺴﺖ
- ﺍﺑﻦ ﻋﻤﻲ ﺗﺮﺓ
- ﺍﻧﻌﻞ ...
ﺳﻜﺖ ﻛﻄﻊ ﻛﻼﻣﻪ
- ﻭﻟﻴﺶ ﺭﻓﻀﺘﻴﻨﻲ
ﻳﺘﻬﻴﺄ ﺍﻟﻲ ﺳﻤﻌﺘﻪ ﻛﺎﻝ ﻣﺎ ﻳﻬﻤﻨﻲ ﺍﻟﺴﺒﺐ ﻫﺴﺔ ﻟﻴﺶ ﻳﺴﺄﻝ !
ﺷﻜﻠﺔ ﺍﻟﺴﺎﻧﻲ ﺍﻧﻌﻘﺪ ﻣﻮﻗﻒ ﻻ ﺍﺣﺴﺪ ﻋﻠﻴﻪ
- ﻣﺎ ﻣﺎ ﺃﻋﺮﻓﻚ
- ﻫﺎﺍﺍ ﺷﻔﺘﻲ ﺗﺮﺩﻳﻦ ﺍﺗﻌﺮﻓﻴﻨﻲ ﻟﻴﺶ ﻣﺘﻨﻄﻴﻨﻲ ﻣﺠﺎﻝ ﻟﻌﺪ
- ﻻ ﺯﻣﺦ ﻋﻠﻴﻪ
ﺍﻣﺸﻲ ﻭﺻﻠﻨﻲ ﻭﻫﺎﻱ ﺍﺧﺮ ﻣﺮﺓ ﻻ ﺗﺠﻲ ﺗﺎﺧﺬﻧﻲ
- ﻣﻮ ﺑﻜﻴﻔﺞ ﺍﺟﻲ ﻭﻏﺼﺒﺎً ﻣﺎ ﻋﻠﻴﺞ
ﻭﺍﻓﻜﺮﻱ ﺑﻤﻮﺿﻮﻋﻲ ﺍﺫﺍ ﻭﺍﻓﻘﺘﻲ ﺗﺘﻐﻴﺮ ﺍﻫﻮﺍﻱ ﺍﻣﻮﺭ
- ﻣﺎ ﺍﻓﻜﺮ
ﻛﻠﺘﻬﺎ ﻣﺘﺤﺪﻳﺔ ﻗﺴﺎﻭﺓ ﻃﺮﻳﻘﺔ ﻛﻼﻣﻪ
ﻫﻤﺲ ﺑﺼﻮﺕ ﺍﻗﻞ ﺣﺪﺓ ﺍﻛﺜﺮ ﺻﺪﻯ
- ﺑﺎﻭﻋﻴﻠﻲ
ﻏﺪﺭﺗﻨﻲ ﻋﻴﻨﻲ ﻭﺑﺎﻭﻋﺖ ﻟﻮﺟﻬﻪ
- ﺍﻱ ﻭﺍﻟﻠﻪ ﺍﺣﺒﻨﺞ ﻻ ﺗﻌﻠﻠﻴﻦ ﮔﻠﺒﻲ
ﺧﻞ ﺍﺗﻮﺏ ﻋﻠﻰ ﺍﺩﻳﺞ ﻛﺎﻟﺖ ﺍﻟﻲ ﺷﻬﺪ ﺍﻟﺒﺎﺭﺣﻪ ﻣﺘﺨﻮﻓﺔ ﻣﻨﻲ ﺑﺲ ﻭﺍﻟﻠﻪ ﺍﻧﺖ ﻭﻳﺎﺝ ﻳﺤﻠﻰ ﺍﻻﻟﺘﺰﺍﻡ ﺍﻧﻲ ﺻﺎﺭﻟﻲ ﺳﻨﺘﻴﻦ ﻣﺎ ﻋﺮﻑ ﺑﻨﻴﺔ ﺗﺮﺓ ﻛﺒﺮﺕ ﻭﺗﻌﺒﺖ
ﺑﺎﻭﻋﺖ ﻣﻦ ﺍﻟﻨﺎﻓﺬﺓ ﻣﺤﺘﺎﺭﺓ ﻭﻣﺸﻮﺷﺔ
- ﻓﻜﺮﻱ
ﻣﻮ ﺭﺍﺡ ﺗﻔﻜﺮﻳﻦ ؟
- ﺍﻣﺸﻲ ﺗﺄﺧﺮﺕ
ﻛﺎﻥ ﺭﺍﻛﻦ ﺳﻴﺎﺭﺗﻪ ﻋﻠﻰ ﻃﺮﻑ ﺍﻟﺸﺎﺭﻉ ﺍﻧﻄﻠﻖ ﺑﻴﻪ .
ﻭﻫﻮ ﻳﻜﻮﻝ
- ﻓﻜﺮﻱ ﻓﻜﺮﻱ
- ﺍﻟﻠﻪ ﻛﺮﻳﻢ
ﺍﻟﺘﻔﺖ ﻋﻠﻴﻪ ﻭﺿﺤﻚ ﺑﺼﻮﺕ
ﺧﻼﻧﻲ ﺍﻇﻠﻞ ﺍﻳﺪﻱ ﻋﻠﻰ ﺟﺒﻴﻨﻲ ﺿﺎﻣﻪ ﻋﻴﻮﻧﻲ ﻋﻨﻪ ﻣﺒﺘﺴﻤﺔ ﻋﻠﻰ ﻟﻬﻔﺘﻪ ﻭﻋﻠﻰ ﺗﻨﺎﻗﻀﺔ
ﺑﻴﻦ ﺍﻟﻤﺤﺎﺿﺮﺍﺕ ... ﻣﻦ ﺍﺧﺘﻔﺖ ﺍﺛﺎﺭ ﺣﻀﻮﺭﺓ ﻋﻠﻰ ﻗﻠﺒﻲ ﺭﺟﻌﺖ ﺍﻟﻲ ﻣﺨﺎﻭﻓﻲ ﻣﻨﻪ .
،
ﻛﻨﺖ ﺍﺩﺭﺱ ، ﺍﺟﺘﻨﻲ ﺭﻗﻴﺔ ﺍﻧﻄﺮﺣﺖ ﺍﺑﺼﻔﻲ ﻋﻠﻰ ﺍﻟﺴﺮﻳﺮ ﺿﺎﻳﻘﺖ ﻛﻌﺪﺗﻲ
- ﺯﻳﻨﺐ ﺍﺣﺲ ﺍﺣﺲ ﮔﻠﺒﻲ ﮔﻠﺒﻲ ﻳﻮﺟﻌﻨﻲ
ﺣﺎﻁ ﺍﻳﺪﻫﺎ ﻋﻠﻰ ﻣﻌﺪﺗﻬﺎ
- ﮔﻠﺒﺞ ﺍﻫﻨﺎ
ﺍﺷﺮﺕ ﻋﻠﻰ ﺻﺪﺭﻫﺎ
- ﻣﺨﺘﻨﻜﺔ ﺣﻴﻞ ..... ﺣﻴﻞ ﻣﺸﺘﺎﻗﺔ ﻟﻌﻠﻲ
- ﺭﻭﺣﻲ ﻧﺎﻣﻲ ﺍﻧﺖ ﺑﺲ ﺍﺩﻭﺳﻴﻦ ﺩﻛﻤﻪ ﺗﻨﺎﻣﻴﻦ ﻭﺍﺭﺗﺎﺣﻲ ﻋﻠﻲ ﻳﻢ ﺍﺑﻮﻩ
ﺭﺍﺣﺖ ﻟﺴﺮﻳﺮﻫﺎ . ﻭﺍﻧﻲ ﻇﻠﻴﺖ ﺍﺩﺭﺱ ﻟﺤﺪ ﻣﺎ ﻧﻌﺴﺖ
ﻃﻔﻴﺖ ﺍﻟﻀﻮﺓ ﻭﺣﻄﻴﺖ ﺭﺍﺳﻲ ﻋﻠﻰ ﺍﻟﻤﺨﺪﻩ ﻃﺎﺭ ﺍﻟﻨﻌﺎﺱ ﻋﻨﻲ ﻭ ﻇﻠﻴﺖ ﻣﺒﺘﺴﻤﺔ ﻭﺍﺫﻛﺮ ﺧﺒﺎﻝ ﺧﻠﻴﻞ ﻭﻋﺼﺒﻴﺘﻪ ﺍﻟﻴﻮﻡ ﻭ ﺷﻜﻠﻪ ﻭﻫﻮ ﺟﺎﺩ ﺍﺯﺩﺍﺩ ﻭﺳﺎﻣﺔ ﺑﻌﻴﻨﻲ ..
ﻳﻌﻨﻲ ﻫﻮ ﻣﻦ ﻗﻠﻘﺔ ﻋﻠﻴﻪ ﻭﺻﻠﻨﻲ ﻗﺒﻠﻬﺎ ﻭﺳﻤﻊ ﻛﻼﻡ ﻧﻮﺭ ؟
ﻟﻮ ﻻﻥ ﻛﻌﺪﺕ ﻳﻤﻪ ﻭﺩﻭﺧﺘﻪ ؟
ﻭ ﺍﻟﻴﻮﻡ ﻫﻢ ﻣﻦ ﺍﺟﺖ ﻛﻌﺪﺕ ﻳﻤﺔ
ﻧﺪﻛﺖ ﺑﺎﺏ ﻏﺮﻓﺘﻲ ...
ﻛﻠﺖ ﻣﻨﻮ
- ﻛﺎﻋﺪﻩ
ﻣﺪ ﺭﺍﺳﺔ ﻣﺮﺗﻀﻰ
- ﺗﻌﺎﻟﻲ ﺗﻌﺎﻟﻲ
ﻃﻠﻌﺖ ﻭﺭﺍﻩ ﻟﻠﻬﻮﻝ
- ﻫﺎ ﻣﺮﺗﻀﻰ
- ﺍﺑﻮ ﺧﻠﻴﻞ ﺗﻮﻓﻰ
- ﻣﻨﻮ
- ﺧﺎﻝ ﺷﻬﺪ
- ﺍﻫﺎ !
ﺧﻄﻴﺔ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
- ﺍﻧﻲ ﺭﺍﻳﺢ ﺍﻟﻬﻢ ﻣﻴﺨﺎﻟﻒ ﺗﺠﻴﻦ ﻭﻳﺎﻱ ﺍﺭﻳﺪﺝ ﻳﻢ ﺷﻬﺪ ﺑﻄﺮﻳﻘﻬﺎ ﺍﻟﻬﻢ ﻭﻫﻲ ﺗﺤﺒﻪ ﻣﺜﻞ ﺍﺑﻮﻫﺎ ﻣﺮﺑﻴﻬﺎ ﺑﺲ ﺗﺒﺠﻲ ﻣﻦ ﺍﺗﺼﻠﺖ ﺑﻴﻬﺎ ﻭﺧﺎﻳﻒ ﻋﻠﻴﻬﺎ
- ﺍﻱ ﺍﻱ ...
ﺭﺣﺖ ﻭﻳﺔ ﻣﺮﺗﻀﻰ ﺍﻟﻬﻢ ﺻﺎﻳﺮﺓ ﻫﻮﺳﺔ
ﻭﺍﻟﺮﺟﺎﻝ ﺑﻐﺮﻓﺘﻪ ﺑﻔﺮﺍﺷﺔ ﻣﻴﺖ
ﺍﻧﻲ ﺭﺣﺖ ﻟﻼﺳﺘﻘﺒﺎﻝ ﺍﻧﺘﻈﺮ ﻭﻳﻪ ﺍﻟﻨﺴﻮﺍﻥ ...
ﻭ ﻭﺭﺓ ﺍﺷﻮﻳﺔ ﺍﺳﻤﻊ ﺻﻮﺕ ﻣﺮﺓ ﺗﻜﻮﻝ
- ﻟﺤﺪ ﻳﻄﻠﻌﻪ ﻣﻦ ﻓﺮﺍﺷﺔ ،ﻟﺤﺪ ﻳﻄﻠﻌﻪ
ﺧﻞ ﻳﺠﻲ ﺍﺑﻨﻪ ﻳﺸﻮﻓﻪ
ﺧﻞ ﻳﺠﻲ ﺧﻠﻴﻞ ﻳﺸﻮﻓﻪ
ﺳﻮﺩﺓ ﻋﻠﻴﻪ ﻣﺎﺕ ﻣﺰﺍﻋﻞ ﻭﻳﺎﻩ !
ﻭﺭﺓ ﺍﺷﻮﻳﺔ ﺩﺧﻠﺖ ﺍﻡ ﺷﻬﺪ ﺗﻠﻄﻢ ﻋﻠﻰ ﺧﺪﻫﺎ ﻭ ﺍﺻﻴﺢ
- ﺧﻮﻳﺔ ﻳﺎﻟﺤﻨﻴﻦ ﺳﻮﺩﺓ ﻋﻠﻴﻪ
ﺩﺧﻠﺖ ﺷﻬﺪ ﺗﻤﺸﻲ ﻋﻠﻰ ﺍﻟﺴﺮﻳﻊ ﺧﻔﺖ ﻋﻠﻴﻬﺎ ﻭﺭﺣﺖ ﺍﻟﻬﺎ ﺫﺑﺖ ﻧﻔﺴﻬﺎ ﻋﻠﻴﻪ ﻭﺗﺮﺟﻒ ﺑﺠﻲ
ﻭﺧﺮﺕ ﻋﻨﻲ ﻭﺍﻧﻲ ﺍﻛﻮﻝ ﺍﻟﻬﺎ ﻋﻠﻰ ﻛﻴﻔﺞ ﻻ ﺗﻮﻛﻌﻴﻦ
ﺭﺍﺣﺖ ﺍﻋﺘﻘﺪ ﺗﻮﺩﻉ ﺧﺎﻟﻬﺎ ﻫﻲ ﻭﺍﻣﻬﺎ
ﻭﺍﺟﺖ ﻛﻮﺛﺮ ﻭ ﻣﺮﺓ ﻳﺎﺳﺮ ﺍﻋﺘﻘﺪ ﺑﻨﻴﺔ ﺷﺎﺑﺔ ﺷﺎﻳﻠﺔ ﻋﻠﻲ ﻭﺷﻮ ﺭﺍﺳﻪ ﻣﻠﻔﻮﻑ ﺑﺸﺎﺵ !!!!!
ﺭﺣﺖ ﺍﻟﻪ ﺍﺭﻛﺾ ﺑﻼ ﺍﺩﺭﺍﻙ ﻭﻫﻮ ﻣﻦ ﺷﺎﻓﻨﻲ ﺫﺏ ﻧﻔﺴﻪ ﻋﻠﻴﻪ ﺑﻌﺪﻫﺎ ﺷﺎﻳﻠﺘﻬﺎ ﻣﺮﺕ ﺍﺑﻮﻩ
ﻫﺪﺗﻪ
ﻣﻦ ﻛﻮﺛﺮ ﻛﺎﻟﺖ ﻫﺬﻱ ﺧﺎﻟﺘﻪ
ﺳﻠﻤﺖ ﻛﻮﺛﺮ ﻋﻠﻴﻪ ﻭ ﺭﺍﺣﺖ ﺩﺧﻠﺖ .. ﻭﺍﻧﻲ ﻋﻠﻲ ﺑﺤﻀﻨﻲ
ﺍﺷﻮﻳﺔ ﻭﺍﺧﺎﺑﺮ ﻣﺮﺗﻀﻰ ﻳﺎﺧﺬﻧﺎ ﻣﺎ ﺍﺧﻠﻴﻪ ﺍﻫﻨﺎ
ﺳﻮﺩﺓ ﻋﻠﻴﻪ ﺍﺷﺒﻴﻪ ﺭﺍﺳﻚ ﺍﻣﻚ ﮔﻠﺒﻬﺎ ﺣﺴﻬﺎ
ﺍﺳﺘﻘﺒﺎﻟﻬﻢ ﺻﺎﺭ ﻳﺰﺩﺍﺩ ﻧﺴﻮﺍﻥ ﻭﺍﺻﻮﺍﺕ ﺯﻟﻢ ﺗﺎﺭﺳﺔ ﺍﻟﺒﻴﺖ ﻭﺣﺘﻰ ﻃﺎﺑﻪ ﻃﺎﻟﻌﻪ ﻋﻠﻴﻨﺎ ﻭﺑﺠﻲ ﻭﺻﺮﺍﺥ ...
ﺧﺎﺑﺮﺕ ﻣﺮﺗﻀﻰ ﻣﺎ ﺭﺩ
ﺧﺎﺑﺮﺕ ﻣﻘﺘﺪﻯ ﻳﻤﺔ ﻫﻮﺳﺔ
- ﺍﻧﺖ ﻫﻨﺎ ﺑﻴﺖ ﺍﺑﻮ ﺧﻠﻴﻞ ﺗﻌﺎﻝ ﺍﺧﺬﻧﻲ ﺭﺟﻌﻨﻲ ﻟﻠﺒﻴﺖ ...
- ﺍﻱ ﺍﻃﻠﻌﻲ ﺍﻧﻲ ﻳﻢ ﺍﻟﺒﺎﺏ ...
ﺷﻠﺖ ﻋﻠﻲ ﻭﻛﻤﺖ
ﻣﻦ ﺭﺩﺕ ﺍﻃﻠﻊ ﻣﻦ ﺑﺎﺏ ﺍﻻﺳﺘﻘﺒﺎﻝ
ﻳﺎﺳﻤﻴﻦ - ﻭﻳﻦ ﺧﻴﺔ ﺭﺍﻳﺤﻪ
- ﺭﺍﺟﻌﺔ ﻟﺒﻴﺘﻲ ﻓﺎﺗﺤﻪ ﺍﻧﺘﻢ ﻫﻠﻴﺎﻡ ﻣﻮ ﻣﺎﻝ ﻋﻠﻲ ﺧﻄﻴﺔ ..
ﻭﺻﺪﻙ ﺍﺷﺒﻴﻪ ﺭﺍﺳﻪ
- ﻭﻛﻊ ﻣﻦ ﺍﻟﺪﺭﺝ
- ﻏﻴﺮ ﺍﺩﻳﺮﻳﻦ ﺑﺎﻟﺞ ﻫﺬﺍ ﻃﻔﻞ ﺣﺮﻙ
- ﻭﺍﻟﻠﻪ ﺑﻌﻴﻮﻧﻲ ﺣﺎﻃﺘﻪ ﺑﺲ ﻫﻮ ﺍﻏﻔﻞ ﻋﻨﻪ ﻟﺤﻈﺔ ﺍﻟﻜﺎﻩ ﻣﺴﻮﻱ ﺷﻲ
ﺑﺎﻭﻋﺖ ﻟﺮﺍﺳﻪ ﻭﺑﺴﺘﻪ ﻣﺎ ﻣﻘﺘﻨﻌﺔ ﺑﺤﺠﺠﻬﺎ
- ﺍﺗﺮﺧﺺ ﻭﺍﻟﺒﻘﻴﺔ ﺑﺤﻴﺎﺗﻜﻢ
- ﺍﻟﻠﻪ ﻭﻳﺎﺝ ﺧﻴﺔ
ﻃﻠﻌﺖ ﺑﺲ ﺷﻨﻮ ﺍﻟﻤﻤﺮ ﻣﺘﺮﻭﺱ ﺯﻟﻢ ﺩﺧﻞ ﺧﻠﻴﻞ
ﺻﺎﺡ
- ﻭﻳﻨﻪ ﺍﺑﻮﻱ
ﻭﻳﻨﻪ
ﺩﻣﻮﻉ ﻣﺘﺮﻭﺱ ﻭﺟﻪ ﻭﺍﻋﻴﻮﻧﻪ ﺣﻤﺮﺓ ﻳﺨﻮﻑ ﻣﺎ ﺷﺎﻓﻨﻲ ﻭﻻ ﻳﺸﻮﻑ ﺍﺣﺪ ﺭﺟﻌﺖ ﺧﻄﻮﺓ ﻟﻼﺳﺘﻘﺒﺎﻝ
ﻭﻫﻮ ﺩﺧﻞ ﻟﻠﻬﻮﻝ ﻳﺼﻴﺢ
- ﻭﻳﻨﻚ ﺑﻮﻳﺔ
ﻭﻳﻨﻚ ﻛﻮﻣﻠﻲ
ﺍﺗﻘﺪﻣﺖ ﺧﻄﻮﺓ ﻭﺍﺑﺎﻭﻋﻠﻪ ﺑﺎﻟﻬﻮﻝ ﻣﺜﻞ ﺍﻟﻀﺎﻳﻊ ﻳﺼﻴﺢ ﻭﻳﻤﺸﻲ ﻟﻠﻤﻤﺮ ﻭﻋﻤﺎﻣﻪ ﻳﺮﺑﺘﻮﻥ ﻋﻠﻰ ﻣﺘﻨﻪ ﻳﺴﻜﺘﻮﻥ ﺑﻴﻪ
- ﻻ ﻣﺎ ﺍﺳﻤﺤﻠﻚ ﺗﻤﻮﺕ ﺯﻋﻼﻥ ﻛﻮﻭﻭﻣﻠﻲ ﺑﻮﻳﺔ
ﺑﺲ ﺻﻴﺎﺣﻪ ﺳﻤﻌﺘﻪ ﻻﻥ ﺍﺧﺘﻔﻰ ﺟﻮﺓ ﺍﻟﻐﺮﻓﺔ ﺩﺧﻞ .
ﻃﻠﻌﺖ ﻣﺘﺮﻭﺳﺔ ﺩﻣﻊ ﻭﻭﺍﺑﺠﻲ ﻭﺍﻳﺪ ﻋﻠﻰ ﺣﻠﻜﻲ ﻭﺍﻟﺜﺎﻧﻴﺔ ﺷﺎﻳﻠﺔ ﻋﻠﻲ
ﻳﺎﺳﺮ - ﻋﻼﻭﻱ ﻻ ﺗﺒﺠﻲ
ﺑﺎﻭﻋﺖ ﻫﺬﺍ ﻳﺎﺳﺮ ﺑﺎﻟﺤﺪﻳﻘﺔ ﻭﺍﻛﻒ ﻭﻳﻪ ﺍﻟﺰﻟﻢ
ﺍﺟﺎﻧﻲ ﻣﻘﺘﺪﻯ ﮔﺎﺩﻧﻲ ﻭﻃﻠﻌﻨﻲ ﻋﻨﻬﻢ
ﻣﻘﺘﺪﻯ - ﺍﺩﺭﻱ ﺍﻧﺖ ﺗﻌﺮﻓﻴﻪ ﻟﻠﻤﻴﺖ ﺍﺷﺒﻴﺞ ﻓﺤﻄﺎﻧﻪ
- ﺍﻳﻴﻲ ﻳﺎ ﻳﺎﺑﺔ ﻣﺎ ﺍﻛﺪﺭ ﺍﺳﻜﺖ
ﻇﻠﻴﺖ ﺍﺑﺠﻲ ﻣﻨﺎ ﻣﻦ ﻭﺻﻠﻨﺎ ﻟﻜﻴﻨﺎ ﺍﺑﻮﻳﺔ ﻛﺎﻋﺪ ﺑﺎﻟﻬﻮﻝ ﻳﻔﺮﻙ ﺑﺮﺟﻠﻴﻦ ﺍﻣﻲ ﺍﻟﻲ ﻣﺘﻤﺪﺩﺓ ﻋﻠﻰ ﺍﻟﻘﻨﻔﺔ
ﻣﻦ ﺷﺎﻓﻨﻪ ﻭﻛﻒ ﻟﻌﻠﻲ
ﻭﻋﻠﻲ ﺭﺍﺡ ﻳﺸﻜﻲ ﺑﻠﻐﺘﻪ ﺍﻟﺨﺎﺻﻪ ﻟﺠﺪﻩ ﻋﻦ ﺭﺍﺳﻪ
ﺍﻣﻲ - ﺍﺷﺒﻴﻪ ﺍﻟﻄﻔﻞ ﻳﻤﺔ ؟
ﺍﻧﻲ ﻛﻌﺪﺕ ﺍﺑﺠﻲ
ﻭﺍﻣﻲ ﺍﺳﻜﺖ ﺑﻴﻪ
- ﻳﻤﺔ ﺷﻨﻮ ﺣﺎﻟﺘﻪ ﺧﻄﺮﺓ ﻋﻠﻲ ﺍﺷﺒﻴﻪ
ﻣﻘﺘﺪﻯ - ﻣﺎﺑﻴﻪ ﺷﻲ ﻳﻤﺔ ﺍﺑﻮﻩ ﻛﺎﻝ ﻭﺍﻛﻊ ﻣﻦ ﺍﻟﺪﺭﺝ ﻣﺎﺑﻴﻪ ﺷﻲ
- ﺍﺷﺒﻴﻬﺎ ﺍﺧﺘﻚ
- ﺭﺍﺣﺖ ﺗﻮﺍﺳﻲ ﺷﻬﺪ ﺭﺟﻌﺖ ﻫﻲ ﺍﻟﻤﻴﺘﻪ ﺑﺠﻲ ﺍﺷﻤﺪﺭﻳﻨﻲ ﺍﻧﻲ ﺑﺎﻟﻨﺴﻮﺍﻥ
ﺣﻄﺖ ﺭﺍﺳﻲ ﻋﻠﻰ ﺻﺪﺭﻫﺎ ﺗﻤﺴﺢ ﻋﻠﻴﺔ
- ﺑﺴﺞ ﻳﻤﺔ ﺻﻮﺝ ﻫﺬﺍ ﻣﺮﺗﻀﻰ ﺷﻌﻨﺪﻩ ﻳﺎﺧﺬﺝ ﻭﻳﺎﻩ ﺍﺷﻮﻓﻴﻦ ﻫﻴﺞ ﺷﻮﻓﺎﺕ
ﺭﺣﺖ ﻟﻌﺮﻓﺘﻲ ﻣﻐﺴﻠﺔ ﻭﺟﻬﻲ ﺑﺲ ﻣﺎ ﻳﻔﻴﺪ ﺍﻟﺒﺠﻲ ﺗﺠﺪﺩ ﺭﻗﻴﺔ ﻧﺎﻳﻤﺔ ..
ﻇﻠﻴﺖ ﺍﺗﺬﻛﺮ ﺧﻠﻴﻞ ﻭﺍﺭﺟﻊ ﺍﻓﺤﻂ ﻟﻨﺺ ﺍﻟﻠﻴﻞ ﺍﺛﺮﺕ ﻋﻠﻰ ﺍﺩﺭﺍﻛﻲ ﺍﻓﻜﺎﺭﻱ ﺍﻟﺴﻮﺩﺓ ﻭﻛﻤﺖ ﻟﻐﺮﻓﺔ ﺍﻣﻲ ﻭﺍﺑﻮﻳﺔ ﻭﻓﺘﺤﺘﻬﺎ
ﺩﺧﻠﺖ ﻣﻔﺘﻮﺡ ﻇﻮﺓ ﻧﻮﻡ ﺍﺣﻤﺮ ﻭﺑﺎﺑﺎ ﻋﻠﻰ ﺍﻻﺭﺽ ﺑﺲ ﺭﺍﺳﻪ ﻃﺎﻟﻊ ﻧﺎﻳﻢ ﻭﻣﺎﻣﺎ ﻭﻋﻠﻲ ﻣﺎﺧﺬﻳﻦ ﺍﻟﺴﺮﻳﺮ ﻛﻠﻪ ﻻﻥ ﻋﻠﻲ ﻧﺎﻳﻢ ﺑﺎﻟﻌﺮﺽ ....
ﻛﻌﺪﺕ ﻛﻌﻮﺩ ﻳﻢ ﺭﺍﺱ ﺑﺎﺑﺎ
ﺩﻣﻮﻋﻲ ﺧﺎﻧﺘﻨﻲ ﻭﻃﻠﻌﺖ ﻭﺍﻧﻲ ﺍﺗﺨﻴﻞ ﻧﻔﺴﻲ ﺑﺪﻝ ﺧﻠﻴﻞ ﺑﻬﺬﺍ ﺍﻟﻤﻮﻗﻒ . ﺍﻧﻮﺏ ﺯﻋﻼﻥ ﻋﻠﻴﻪ ﺍﺍﺍﻩ ﻫﺴﺔ ﺷﻜﺒﺮ ﺍﻟﺤﺴﺮﺓ ﺑﮕﻠﺐ ﺧﻠﻴﻞ
ﺍﻳﺪﻱ ﺗﺤﺎﻭﻝ ﺗﻠﻤﺲ ﺷﻌﺮﺓ ﺍﻟﺮﻣﺎﺩﻱ ﻭﻣﺘﺮﺍﺟﻌﺔ ﻻ ﺍﺻﺤﻴﻪ ...
ﻋﺒﺮﺍﺗﻲ ﻏﺪﺭﺗﻨﻲ ﻭﻃﻠﻌﺖ ﺷﺎﻫﻜﺔ ﻭﻣﺎ ﺍﺧﻒ ﻧﻮﻣﻪ ﻓﺘﺢ ﺷﺎﻓﻨﻲ ﺿﻤﻴﺖ ﻭﺟﻬﻲ ﺑﻴﻦ ﻛﻔﻮﻓﻲ ﻭﺍﺷﺎﻫﻚ ﺑﻮﻧﻴﻦ ﺿﻌﻴﻒ ...
ﺭﻓﻊ ﺭﺍﺳﻪ ﻭﺍﻧﺴﻨﺪ ﻋﻠﻰ ﺍﻳﺪﻩ ﺻﺎﻓﻦ ﻋﻠﻴﻪ ﻳﺮﻳﺪ ﻳﺴﺘﻮﻋﺐ
- ﺍﺷﺒﻴﺞ ﺷﺼﺎﻳﺮ
ﻫﺰﻳﺖ ﺭﺍﺳﻲ ﻧﺎﻓﻲ ﺣﺼﻮﻝ ﺷﻲ
- ﻟﻌﺪ
- ﻻ ﺗﻌﻮﻓﻨﺎ ﺑﻮﻳﺔ
ﺍﻟﻴﻮﻡ ﺍﻟﻴﻮﻡ ﺷﻔﺖ ﺷﻔﺘﻬﻢ ﺍﻭﻻﺩﻩ ﺍﺷﻠﻮﻥ
ﺻﺎﻳﺮ ﺣﺎﻟﻬﻢ ...
ﺑﺼﻌﻮﺑﺔ ﻃﻠﻌﺖ ﻛﻠﻤﺎﺗﻲ
- ﺍﻟﻤﻮﺕ ﺣﻖ
ﻇﻠﻴﺖ ﺍﺑﺠﻲ ﺑﺼﻮﺕ
ﺍﺣﻂ ﺍﺻﺒﻌﻪ ﻋﻠﻰ ﺣﻠﻜﻪ
- ﺍﺷﺶ ﺍﻣﺞ ﻻ ﺗﻜﻌﺪ
ﺣﺎﻭﻟﺖ ﺍﻛﻮﻡ ﻋﻨﻬﺎ ﻭﺍﻃﻠﻊ ﺑﺲ ﺣﺎﻭﻟﺖ ﺍﻧﻬﺾ ﻧﻔﺴﻲ
ﺣﺎﻭﻃﻨﻲ ﺍﺩﻳﻪ ﻭ ﻟﻜﻴﺖ ﺭﺍﺳﻲ ﻋﻠﻰ ﺻﺪﺭﻩ
ﺍﺳﺘﺤﻴﺖ ﺣﺎﻭﻟﺖ ﺍﺷﻴﻞ ﺭﺍﺳﻲ ... ﺭﺟﻌﻪ ﻋﻠﻰ ﺻﺪﺭﻩ ﻭﺑﺎﺱ ﻣﺆﺧﺮﺓ ﺭﺍﺳﻲ
- ( ﺍﻟﻠَّﻬُﻢَّ ﺇﻧِّﻲ ﺃﻋُﻮﺫُ ﺑﻚَ ﻣِﻦَ ﺍﻟﻌَﺠْﺰِ ﻭﺍﻟﻜَﺴَﻞِ، ﻭﺍﻟﺠُﺒْﻦِ ﻭﺍﻟﺒُﺨْﻞِ ﻭﺍﻟﻬَﺮَﻡِ، ﻭﺃَﻋُﻮﺫُ ﺑﻚَ ﻣِﻦ ﻋَﺬﺍﺏِ ﺍﻟﻘَﺒْﺮِ، ﻭﺃَﻋُﻮﺫُ ﺑﻚَ ﻣِﻦ ﻓِﺘْﻨَﺔِ ﺍﻟﻤَﺤْﻴﺎ ﻭﺍﻟﻤَﻤﺎﺕِ . ﺍﻟﻠَّﻬُﻢَّ ﺃﺯﻳﺢ ﻛﺮﺑﺔ ﺍﻟﻘﻠﺐ ﻭﺍﺛﻠﺞ ﺍﻟﻨﻔﺲ ﻭﺃﺭﺯﻗﻨﺎ ﺣَﺴﻦ ﺍﻟﻈﻦ ﺑﻚ )
ﺑﺎﺱ ﺭﺍﺳﻲ ﻣﺮﺓ ﺛﺎﻧﻴﺔ ﺑﻌﺪ ﻣﺎ ﻫﺪﺃ ﻗﻠﺒﻲ ﺑﺼﻮﺗﻪ ﺍﻟﻬﺎﺩﺉ ﺍﻟﺮﺯﻳﻦ ..
- ﺭﻭﺣﻲ ﺗﻮﺿﻲ ﻭﻧﺎﻣﻲ
ﻭﺍﻧﻲ ﺍﻃﻠﻊ ﺳﻤﻌﺘﻪ
- ﺍﻟﻠﻬﻢ ﺛﺒﺖ ﻋﻠﻴﻨﺎ ﺍﻟﻌﻘﻞ
ﺍﺑﺘﺴﻤﺖ ﻭﻃﻠﻌﺖ ﻏﻤﻴﺖ ﻧﻔﺴﻲ ﺧﻴﺎﻟﻲ ﺧﻼﻧﻲ ﺍﺗﺨﺒﻞ ﺍﺭﻭﺡ ﺍﺷﻮﻑ ﺍﺑﻮﻳﺔ ﺑﻌﺪﻩ ﻋﺎﻳﺶ ﻟﻮ ﻻ !
ﺍﻟﺼﺒﺢ ﻣﺜﻞ ﻭﺣﺸﺔ ﺍﻟﻤﻴﺖ ﺍﻭﻝ ﻟﻴﻠﺔ .. ﻣﺎﻛﻮ ﺧﻠﻴﻞ ﻳﻮﺻﻠﻨﻲ ... ﺑﺎﺑﺎ ﻭﺻﻠﻨﻲ ﻭﺍﻧﻲ ﻓﻜﺮﻱ ﺑﺤﺎﻝ ﺧﻠﻴﻞ ﻫﺴﺔ ﺍﻛﻴﺪ ﺑﺎﻟﺪﻓﻨﻪ
ﺍﺣﺪ ﻭﺭﺍﻳﺔ ﺻﺎﺣﻠﻲ ﻋﺮﻓﺘﻬﺎ ﻣﻦ ﺻﻮﺗﻬﺎ ﻧﻮﺭ
- ﺍﻛﻮﻟﺞ ﻣﺎ ﻓﻬﻤﺖ ﻣﻦ ﺍﺗﺼﺎﻟﺞ ﻣﻨﻮ ﻣﻴﺖ ﻟﺨﻠﻴﻞ !
ﻃﺮﻳﻘﺔ ﺳﺆﺍﻟﻬﺎ ﻋﻨﻪ ﺍﺯﻋﺠﺘﻨﻲ
- ﺍﺑﻮﻩ
- ﺧﻄﻴﺔ ...
ﻋﻔﺘﻬﺎ ﻭﺭﺣﺖ ﺩﺍﺧﻠﺔ ﻟﻠﻘﺎﻋﺔ
ﻗﻠﻴﻠﺔ ﺫﻭﻕ ﻣﺎ ﺻﺒﺤﺖ ﻋﻠﻴﻪ
ﺣﺎﻳﺮﺓ ﺑﺨﻠﻴﻞ
ﺑﻴﻦ ﺍﻟﻤﺤﺎﺿﺮﺗﻴﻦ ﺷﻔﺖ ﺭﻗﻴﺔ ﻣﺘﺼﻠﻪ ﻋﻠﻴﻪ . ﻃﺒﻌﺎ ﺟﻬﺎﺯﻱ ﺍﻟﻲ ﺍﺧﺬﻩ ﻟﻠﺪﻭﺍﻡ ﻣﻦ ﻏﻴﺮ ﻛﺎﻣﻴﺮﺍ ..
ﺍﺗﺼﻠﺖ ﻋﻠﻴﻬﺎ
- ﻫﺎ ﺭﻭﻗﺔ
- ﺍﻟﺤﻜﻴﻨﻲ ﺯﻳﻨﺐ ﺯﻳﻨﺐ !
ﻳﺘﺒﻊ
|