#بنت__المؤمن
بقلم زهراء العراقيه
#بارت٣
ﻣﺴﺎﺀ ﺍﻟﻌﺎﻓﻴﺔ
)) ﻫﺬﺍ ﺑﺎﺭﺕ ﺑﺎﺟﺮ ﻧﺸﺮﺗﻪ ﺍﻟﻴﻮﻡ ﺑﺎﺟﺮ ﻣﺎﻛﻮ ﺗﻤﺎﻡ ﺍﻟﻨﺸﺮ ﺍﻟﺠﺎﻱ ﻳﻮﻡ ﺍﻷﺭﺑﻌﺎﺀ ((
ﺑﻨﺖ ﺍﻟﻤﺆﻣﻦ
ﺷﻴﺦ ﺍﻟﺸﺒﺎﺏ 2
ﻣﻦ ﻛﺘﺎﺑﺎﺕ ﺯﻫﺮﺍﺀ ﺍﻟﻌﺮﺍﻗﻴﺔ
ﻗﻮﻟﻲ ﻟﻲ ﻛﻴﻒ ﺳﺄﻧﻘﺬ ﻧﻔﺴﻲ ﻣﻦ ﺃﺷﻮﺍﻗﻲ ﻭﺃﺣﺰﺍﻧﻲ؟ !
ﻗﻮﻟﻲ ﻟﻲ ﻣﺎﺫﺍ ﺃﻓﻌﻞ ﻓﻴﻚِ؟ ..! ﺃﻧﺎ ﻓﻲ ﺣﺎﻟﺔ ﺇﺩﻣﺎﻥِ
ﻗﻮﻟﻲ ﻣﺎ ﺍﻟﺤﻞ؟ ! .. ﻓﺄﺷﻮﺍﻗﻲ ﻭﺻﻠﺖ ﻟﺤﺪﻭﺩ ﺍﻟﻬﺬﻳﺎﻥ
- ﻧﺰﺍﺭ ﻗﺒﺎﻧﻲ
- ﺷﻨﻮ
- ﻻ ﻳﺎﺑﺔ ﻫﺎﻱ ﻭﺣﺪﻩ ﻟﺰﻛﻪ ﻭﺣﺎﺟﻴﻠﻲ ﻋﻨﻬﺎ ﻭﺧﺎﻑ ﻋﺒﺎﻟﺞ ﻣﺤﺎﻭﻟﺔ ﺍﺳﻘﻂ ﺑﻴﺞ ﻛﺪﺍﻣﻪ
ﻭﻛﺎﻳﻠﺔ ﺍﻟﻪ ﻋﻠﻰ ﻣﺸﺮﻭﻉ ﺧﻄﻮﺑﺔ ﻗﺪﻳﻢ ﺍﻟﺞ ﻣﻦ ﺍﺧﻮ ﺯﻣﻴﻠﺔ ﺍﻟﺞ ﺗﺬﻛﺮﻳﻦ ﻫﺬﺍ ﺍﻟﻲ
ﻛﻠﺘﻲ ﺍﻟﻬﻢ ﻣﺮﻳﻀﺔ ﻭ ﺭﺍﺣﻮ ﺑﺲ ﻫﻲ ﻣﺠﺎﻳﺒﺔ ﺳﺎﻟﻔﺔ ﻣﺮﺿﺞ ﻣﺘﺪﺭﻱ ﻳﻤﻜﻦ
- ﺍﺷﻠﻮﻥ ﻛﺎﻳﻠﻪ ﺍﻟﻪ ﻫﻤﻪ ﺑﺲ ﻣﺮﺓ ﻭﺣﺪﻫﺎ ﻭﺻﻠﻬﺎ ﺍﺧﺮ ﻭﺣﺪﻩ ﺑﻴﻨﺎ
- ﻻ ﻋﻴﻨﻲ ﺩﺍﺧﻠﺔ ﻋﻠﻴﻪ ﺑﺎﻟﻔﻴﺲ ﻭﻻﺯﻛﺔ ﻫﻮ ﻭﺍﻓﻖ ﻣﻜﻴﻒ ﻋﺒﺎﻟﻪ ﻣﻦ ﻃﺮﻓﺞ ﻭﻫﻲ ﻃﻠﻌﺖ ﻧﻴﺘﻬﺎ ﻏﻴﺮ ﺷﻲ ﻭﻣﻦ ﻋﺮﻑ ﻧﻮﺍﻳﺎﻫﺎ ﺍﻟﺘﻘﺮﺏ ﻣﻨﻪ ﻏﻠﺲ ﻋﻨﻬﺎ ﻣﺎ ﻳﺮﺩ ﻭﻃﻨﺶ ﻫﺬﺍ ﺍﻟﻜﻼﻡ ﻛﺎﻳﻠﺔ ﺍﻟﻲ ﻗﺒﻞ ﻭﻓﺎﺓ ﺧﺎﻟﻲ ﻗﺎﺑﻞ ﺍﻧﻲ ﺍﻋﺮﻓﻬﺎ ﻟﻴﺶ ﻳﻜﺬﺏ ﻋﻠﻴﻪ
ﻭﺟﺎﺏ ﻃﺎﺭﻳﻬﺎ
ﺗﺮﺓ ﺧﻠﻴﻞ ﺷﺒﻪ ﺍﻟﻲ ﻋﺎﻳﺶ ﻳﻤﻨﺔ ﻭﺍﻧﻲ ﻛﻠﺸﻲ ﺍﻋﺮﻑ ﻋﻨﻪ ﺯﻫﺪ ﻫﺬﺍ ﺍﻟﻨﻮﻉ ﻣﻦ ﺍﻟﻌﻼﻗﺎﺕ ...
ﺍﻟﻮ ﺷﻮ ﺳﻜﺘﻲ
ﺯﻳﻨﺐ ﻻ ﺗﻈﻨﻴﻦ ﺧﻠﻴﻞ ﺣﻴﺎﺗﻪ ﺳﻬﻠﺔ ﻭﻣﺪﻟﻞ ﺍﻫﻠﺔ
ﻫﻮ ﺍﻟﻜﺒﻴﺮ ﻭﺗﺮﺓ ﺷﺎﻑ ﺍﻫﻮﺍﻱ ﺻﻌﻮﺑﺎﺕ ﺑﺤﻴﺎﺗﻪ ﻭﻣﺮ ﺑﻬﻮﺍﻱ ﺗﺠﺎﺭﺏ ..
ﻣﻦ ﺻﺪﻙ ﺍﻧﺖ ﺣﺒﺞ ﻭﺍﺣﺴﺎﺳﻪ ﺍﻧﺖ ﺍﻟﻲ ﻳﺮﺗﺎﺡ ﻭﻳﺎﺝ
ﺷﻮ ﺳﻜﺘﻲ ؟
- ﺍﺳﻤﻌﺞ
ﺍﻧﻲ ﻣﺘﻘﻠﺒﺔ ﻣﻦ ﻫﻴﺞ ﻧﻮﻉ ﻣﻦ ﺍﻟﺰﻭﺍﺝ
- ﻣﺎ ﻓﻬﻤﺖ
- ﻳﻌﻨﻲ ﺷﺨﺺ ﻳﺮﻳﺪﻧﻲ ﺷﺨﺼﻴﺎ ﻭﻣﺘﻠﻬﻒ ﻭﺑﻌﺪﻳﻦ ﺗﺮﻭﺡ ﺍﻟﻠﻬﻔﺔ ﻭﻳﻌﻮﻑ ﻣﻦ ﺍﻭﻝ ﻋﺜﺮﺓ
- ﺗﻌﺒﺘﻴﻨﻲ ﺍﺫﺍ ﺍﻇﻠﻴﻦ ﻣﺘﺮﺩﺩﺓ ﺭﺍﺡ ﻳﻤﻞ ﺧﻠﻴﻞ ﻭﻳﺮﻭﺡ ﺗﺮﺓ ﺍﺫﺍ ﺣﺲ ﻛﺮﺍﻣﺘَﻪ ﺗﻨﻤﺲ ﻳﻨﺴﺤﺐ
- ﻻ ﺗﻜﻮﻟﻴﻦ ﺍﻟﻪ ﺷﻲ
- ﺗﺼﺒﺤﻴﻦ ﻋﻠﻰ ﺧﻴﺮ ﺍﺭﻭﺡ ﻟﺮﺿﺎﻭﻱ ﻫﻬﻬﻪ
ﺳﺪﻳﺖ ﻣﻦ ﻳﻤﻬﺎ ﻭﻣﺎ ﻛﺪﺭﺕ ﺍﻋﺒﺮ ﺍﻟﻬﺎ ﺻﺢ ﻋﻦ ﻣﺨﺎﻭﻓﻲ ﺍﻟﺤﻘﻴﻘﻴﺔ
ﺧﺎﻳﻔﺔ ﺧﻠﻴﻞ ﻳﺴﻤﻊ ﺑﺎﻟﺴﺎﻟﻔﺔ ﺍﻟﻘﺪﻳﻤﺔ ﻭﺍﻻﺷﺎﻋﺎﺕ ﻣﺠﺮﺩ ﻫﺎﻱ ﺍﻟﻔﻜﺮﺓ ﺗﺮﻋﺒﻨﻲ ﻻ ﻳﺴﻤﻊ ﺑﻴﻬﺎ ﻭﺗﻀﻄﺮ ﺷﻬﺪ ﺍﺗﺒﺮﺭ ﻭﺍﺳﻮﻟﻒ ﺍﻟﻪ ﺍﻟﺤﻘﻴﻘﺔ ﻫﻲ ﻣﺼﻐﺮﺓ ﻣﺠﺮﺩ ﺭﺳﺎﺋﻞ
ﺑﺲ ﻫﻢ ﺃﻧﺰﻝ ﻣﻦ ﻧﻈﺮﺓ ﻭﺍﻧﻲ ﻭﻳﻦ ﻫﻮ ﻳﺸﻮﻓﻨﻲ ﻣﺎ ﺑﺨﺎﻃﺮﻱ ﺍﺑﺪ ﻧﻈﺮﺓ ﺍﺣﺘﺮﺍﻣﺔ ﺍﻟﻲ ﺗﺘﺸﻮﺏ ﺍﻋﻮﻓﻪ ﻭﻻ ﻫﺬﺍ ﺍﻟﺸﻲ ﻳﺼﻴﺮ
ﻟﻬﺬﺍ ﻛﻠﺶ ﻣﺘﺮﺩﺩﺓ ﻭ ﺑﺮﺃﻱ ﻣﺘﺬﺑﺬﺏ ﻟﻮ ﻻ ﺗﻌﻠﻘﺔ ﻭ ﻗﻮﺓ ﻣﺸﺎﻋﺮﺓ ﻛﺎﻥ ﺗﻬﺮﺑﺖ ﺍﻧﻲ ﺣﺎﻭﻟﺖ ﺍﻃﻠﻊ ﺧﺎﺭﺝ ﻫﺬﻱ ﺍﻟﻌﺎﺋﻠﺔ ﺭﺩﺕ ﺍﻧﺴﺎﻥ ﺑﻌﻴﺪ ﻋﻦ ﺍﻗﺎﺭﺑﻲ ﻭﻣﻌﺎﺭﻓﻲ ﺍﺑﺪﻱ ﻭﻳﺎﻩ ﻣﻦ ﺟﺪﻳﺪ، ﻓﻔﻀﻠﺖ ﺍﻟﻐﺮﻳﺐ !
،
ﺛﺎﻧﻲ ﻳﻮﻡ ﺍﻟﻲ ﻭﺻﻠﻨﻲ ﺍﺧﻮﻩ ﺑﺴﻴﺎﺭﺓ ﺛﺎﻧﻴﺔ ﺳﻮﻧﺎﺗﺎ ﻣﺪﺭﻱ ﺷﺴﻤﻬﺎ ﻧﻮﺭ ﺍﻭﻝ ﻣﺎ ﺻﻌﺪﺗﻬﺎ ﻛﺎﻟﺖ ﺍﺳﻤﻬﺎ ﻭ ﺍﺳﺘﻨﻜﺮﺕ ﺍﻟﺘﻐﻴﻴﺮ ﻣﺮﺍﻫﻖ ﺑﺪﺍﻝ ﺧﻠﻴﻞ ﻫﺎﻟﻤﺮﺓ ﻳﻮﺻﻠﻨﺎ
بيج قصص عراقيه حقيقيه من واقعنا.روعه الطائي
ﺑﻬﺎﻱ ﺍﻟﻔﺘﺮﺓ ﺍﺣﺪﺍﺙ ﺑﺴﻴﻄﺔ ﻣﺜﻞ ﻣﺮﺽ ﺍﺑﻦ ﻓﺎﻃﻤﺔ ﻭ ﻋﻤﻠﻴﺔ ﻓﺘﻖ ﺍﻟﻪ ﻭ ﺭﺣﺖ ﻳﻤﻬﻢ ﺑﺪﺍﻝ ﺍﻣﻬﻢ ﻃﻠﻌﺔ ﻭ ﻳﺔ ﻣﺎﻣﺎ ﻣﺮﺍﺟﻌﺎﺕ ﻃﺒﻴﺔ ، ﺯﻳﺎﺭﺍﺕ ﺍﻫﻞ ﺍﻟﺒﻴﺖ
ﺩﺭﺍﺳﺔ ...
ﻭ ﻣﺮﻥ ﺷﻬﺮﻳﻦ ﻭﺑﻠﻴﻠﺔ ﺗﺄﺧﺮ ﻣﺮﺗﻀﻰ ﻭﺍﺗﺼﻞ ﻋﻠﻴﻪ ﻣﺎ ﻳﺮﺩ
ﺍﻟﺼﺒﺢ ﺭﺳﻞ ﺍﻟﻲ ﻫﻮ ﺑﺒﻴﺖ ﻳﺎﺳﺮ ﺑﺎﺕ
ﺧﺎﺑﺮﺗﻪ ﺻﻮﺗﻪ ﻣﺘﻜﺴﺮ ﺣﺰﻳﻦ
- ﺭﺿﺎﻭﻱ ﺷﻜﻮ ﻟﻴﺶ ﺑﺘﺖ ﻭﺍﺷﺒﻴﻪ ﺻﻮﺗﻚ
- ﺍﻟﻄﻔﻞ ﻣﺎﺕ
- ﻃﻔﻠﻚ !
ﻟﻴﺶ ﻭﺍﺷﻠﻮﻥ ﻋﻤﺮﻩ ٤ ﺍﺷﻬﺮ ﺍﻟﺤﻤﻞ
- ﻣﺎ ﺍﻋﺮﻑ ﺻﺎﻳﺮ ﻋﺪﻫﺎ ﺍﺳﻘﺎﻁ ﻭ ﺍﻟﻴﻮﻡ ﻧﺎﺧﺬﻫﺎ ﺗﺴﻮﻱ ﻛﻮﺭﺗﺎﺝ ...
ﺍﻟﺒﺎﺭﺣﺔ ﺗﺄﺧﺮﻧﺎ ﺑﺎﻟﻌﻴﺎﺩﻩ ﻟﻨﺺ ﺍﻟﻠﻴﻞ ﻭﺑﺘﺖ ﻳﻤﻬﺎ ...
- ﺍﻟﻠﻪ ﻳﻌﻮﺿﻚ ... ﺍﻧﻲ ﺟﺎﻳﺔ ﺍﺭﻭﺡ ﻭﻳﺎﻛﻢ
- ﻻ ﻭﻳﻦ ﺭﺍﻳﺤﻪ
- ﺍﺭﻭﺡ ﺧﻠﻲ ﻣﻘﺘﺪﻯ ﻳﺠﻴﺒﻨﻲ ﻳﻤﻚ ﻣﺎ ﺍﺩﺍﻭﻡ ﺍﻟﻴﻮﻡ
ﺍﺧﺬﺕ ﺍﺫﻥ ﻣﻦ ﺑﺎﺑﺎ ﻭﺭﻓﺾ ﻓﻬﻤﺖ ﻣﺎ ﺣﺎﺏ ﺍﺭﻭﺡ ﻭﺣﺪﻱ ﻟﺒﻴﺘﻬﻢ ﻭﻫﻢ ﺍﻛﻴﺪ ﻣﻮ ﺑﺤﺎﺟﺘﻲ
ﺍﻧﻲ ﻣﻦ ﺣﺒﻲ ﻟﻤﺮﺗﻀﻰ ﻧﺴﻴﺖ ﻧﻔﺴﻲ ﻭﻉ ﺑﺎﻟﻲ ﺍﻟﻌﻼﻗﺎﺕ ﻋﺎﺩﻳﺔ ﺻﺎﺭﺕ
ﻷﻥ ﺭﺣﺖ ﺑﺎﻟﺴﺎﺑﻖ ﻟﺒﻴﺖ ﺧﻠﻴﻞ ﻭ ﻣﻊ ﻣﺎﻣﺎ ﻟﺒﻴﺖ ﻳﺎﺳﺮ
ﻋﻠﻰ ﻣﺎ ﻳﺒﺪﻭ ﺍﻻ ﻭﺍﺣﺪ ﻛﺒﻴﺮ ﻭﻳﺎﻱ ﺍﺗﺤﺴﺴﺖ ﻣﻦ ﻫﺬﺍ ﺍﻟﺸﻲ
،
ﻣﺎ ﺭﺣﻨﺎ ﺍﻟﻬﺎ ﻣﺎﻣﺎ ﺗﻌﺒﺎﻧﻪ ﺑﺲ ﺍﻧﻲ ﺍﺧﺎﺑﺮﻫﺎ ﻣﻨﻬﺎﺭﺓ ..
ﻭﺍﺣﺘﺎﺟﺖ ﺍﻳﺎﻡ ﺍﻻ ﻛﺪﺭﺕ ﺗﻄﻠﻊ ﻣﻦ ﺣﺎﻟﺔ ﺍﻻﻧﻬﻴﺎﺭ ﻭ ﺩﺧﻠﺖ ﺑﺎﻻﻛﺘﺄﺏ
ﺭﺟﻌﺖ ﻟﺒﻴﺘﻨﺎ ﺑﺲ ﻗﻠﻴﻞ ﺗﻄﻠﻊ ﻣﻦ ﻏﺮﻓﺘﻬﺎ ﻭ ﺑﻨﻴﺘﻬﺎ ﺿﻌﻴﻔﻪ ﺻﺎﺣﺒﻬﺎ ﻓﻘﺮ ﺩﻡ .
ﺍﻣﻲ ﻭﻫﻲ ﻣﺮﺿﻰ ﺍﺷﻮﻳﺔ ﺍﻣﺮ ﻣﺘﻌﺐ ﻧﻔﺴﻴﺎً ﻓﺘﺮﺓ ﺻﻌﺒﺔ ﻭﻣﺮﺕ ....
ﺑﻌﺪ ﺷﻬﺮ
ﺍﻧﻲ ﻣﺤﺠﻮﺯﺓ ﻣﻦ ﻏﻴﺮ ﻣﺎ ﺍﺣﺪ ﻳﻌﺮﻑ
ﺍﻻﺣﻠﻰ ﺍﻻﺳﺘﺎﺫ ﻛﻠﺸﻲ ﻳﻌﺮﻑ ﻣﺨﻠﻲ ﻣﺨﺒﺮﻳﻦ ﺍﺧﻮﻩ ﺍﻟﺴﺎﻳﻖ ﻭ ﺑﺖ ﻋﻤﺘﻪ ﺷﻬﺪ
ﻛﻨﺖ ﻛﺎﻋﺪﻩ ﺍﺳﻤﻊ ﻗﺼﻴﺪﺓ ﻗﺪﻳﻤﺔ ﺭﺛﺎﺀ ﺍﻫﻞ ﺍﻟﺒﻴﺖ ﻣﻼ ﻣﻬﺪﻱ ﺍﻟﻌﺒﺎﺩﻱ ﻗﺪﻳﻢ ﺗﺮﺍﺛﻲ ..
ﻭ ﻋﻠﻲ ﺿﻮﺟﻪ ﺍﻟﺒﻴﺖ ﻣﻦ ﺩﻭﻧﻪ ﻳﻢ ﺍﺑﻮﻩ ﻭ ﺭﻗﻴﺔ ﻣﺨﻠﺼﺘﻬﺎ ﻧﻮﻡ ﻟﺤﺪ
ﺍﻟﻌﺼﺮﻳﺔ ..
ﺩﺧﻠﺖ ﺷﻬﺪ
ﺣﻄﺘﻠﻲ ﻛﻴﺲ ﺍﺧﻀﺮ ﺻﻐﻴﺮ ﺑﺤﻀﻨﻲ ﻋﻠﻰ ﻛﺘﺎﺑﻲ ... ﺳﺄﻟﺖ
- ﻣﺎ ﻫﺬﺍ ﻳﺎ ﻫﺬﺍ
- ﻣﻤﻢ ﻛﻞ ﻋﺎﻡ ﻭﺍﻧﺖ ﺑﺨﻴﺮ ﺯﻭﺯﻭ ﺻﺮﺗﻲ ٢٤ ﺭﺳﻤﻲ ﻭﺑﺪﻳﺘﻲ ﺑﺎﻟﻤﺸﻲ ﺑﺎﻝ٢٥ ﻫﻬﻬﻬﻬﻪ
- ﻳﻴﻴﻪ ﻋﻴﺪ ﻣﻴﻼﺩﻱ ﻋﻮﺩ ﺻﺪﻭﻙ
ﻓﺘﺤﺖ ﺍﻟﺘﻠﻴﻔﻮﻥ ﺷﻔﺖ ﺍﻟﺸﻬﺮ ﻭﺍﻟﻴﻮﻡ ﻳﻮﻩ ﺻﺪﻙ ﺑﺎﺟﺮ ﻋﻴﺪ ﻣﻴﻼﺩﻱ ﺍﻝ٢٤
- ﺍﻱ Happy Birthday to you
- ﺷﻜﺮﺍ ﻫﻬﻬﻬﻬﻪ ﺃﺧﺮ ﻋﻴﺪ ﻣﻴﻼﺩ ﺍﻟﻲ ﻭﺣﺼﻠﺖ ﻫﺪﺍﻳﺎ ﺑﻴﻪ ﻣﻦ ﻛﺎﻥ ﻋﻤﺮﻱ ﺧﻤﺲ ﺳﻨﻮﺍﺕ
- ﻣﻤﻢ ﺷﻔﺘﻲ ﺍﻧﻲ ﺍﺷﻠﻮﻥ ﺣﺒﺎﺑﺔ ﺗﺬﻛﺮﺕ ﻋﻴﺪ ﻣﻴﻼﺩﺝ
ﻳﻼ ﻋﺎﺩ ﺍﻓﺘﺤﻲ ﺍﻟﻬﺪﻳﺔ
- ﺍﻭﻭﻩ ﺻﺪﻛﻲ ﻣﻦ ﻓﺮﺣﺘﻲ ﺍﺣﺪ ﺫﻛﺮﻧﻲ ﺣﺘﻰ ﻧﺴﻴﺖ ﺍﻟﻬﺪﻳﺔ
بيج قصص عراقيه حقيقيه من واقعنا.روعه الطائي
ﻓﺘﺤﺘﻬﺎ
- ﺣﺠﺎﺏ ﻧﻘﺶ ﻟﺒﻨﺎﻧﻲ ﻭﺍﻭ ﺷﻨﻮ ﻫﺬﺍ ﺍﻟﻠﻮﻥ ﺍﻟﻐﺮﻳﺐ
ﻧﻘﺶ ﺟﻮﺯﻱ ﻋﻠﻰ ﺧﻠﻔﻴﺔ ﻭﺭﺩﻱ ﺳﺎﺩﺓ
ﻛﻤﺖ ﻣﻦ ﻣﻜﺎﻧﻲ ﻭﺣﻄﻴﺘﻪ ﻋﻠﻰ ﺭﺍﺳﻲ
- ﻭﺍﻭ ﺧﺎﻣﺘﻬﺎ ﺗﺠﻨﻦ ﺷﻮ ﺭﻫﻤﺖ ﺑﺴﺮﻋﺔ ﻛﺄﻧﻬﺎ ﺍﺣﺴﻦ ﻣﻦ ﺍﻟﻌﻨﺪﻱ
- ﺍﻱ ﺧﺎﻣﺔ ﺍﺻﻠﻲ ﺣﺒﻴﺒﻲ
- ﻻ ﺗﻜﻮﻟﻴﻦ ﺳﻌﺮﻫﺎ ﻫﺒﻞ ﻣﻦ ﺍﻣﻬﺎﺕ ﺍﻟﻌﺸﺮﻳﻨﺎﺕ
ﺿﺤﻜﺖ
- ﻧﻌﻢ
- ﻳﺎ ﺧﻄﻴﺔ ﺭﺿﺎﻭﻱ ﻛﻠﻔﺘﻴﻪ
- ﻳﺎﻱ ﻫﺎﻱ ﺍﻟﻬﺪﻳﺔ ﻣﻨﻲ ﻣﻮ ﻣﻨﻪ
- ﻣﺎﻛﻮ ﻓﺮﻕ ﻧﻔﺲ ﺍﻟﻮﺍﺭﺩ
- ﻫﻬﻬﻬﻬﻪ ﺑﺎﻟﻌﺎﻓﻴﺔ ﻣﺎ ﻇﻨﻴﺘﻬﺎ ﻫﻴﺞ ﺗﻌﺠﺒﺞ
- ﻣﻤﻤﻢ ﻫﺎﻱ ﺟﻨﺖ ﺍﻛﻮﻝ ﺑﺲ ﺍﻟﺒﻄﺮﺍﻥ ﻳﺸﺘﺮﻱ ﻫﻴﺞ ﺍﺳﻌﺎﺭ ﺭﺑﻄﺔ ( ﺣﺠﺎﺏ )
ﻟﻜﻦ ﺑﺎﻟﺒﺲ ﻣﺮﻳﺤﺔ ﻋﺠﺒﺘﻨﻲ ﺭﻏﻢ ﺑﻴﻬﺎ ﻓﻮﺍﺗﺢ
- ﺍﻱ ﺑﺲ ﺷﺮﻁ ﺑﺎﺟﺮ ﺍﺗﻠﺒﺴﻴﻬﺎ ﺍﻭﻭﻭﻙ
- ﻣﻴﺨﺎﻟﻒ ﻫﻬﻬﻪ
ﺛﺎﻧﻲ ﻳﻮﻡ ﺧﻤﻄﺖ ﻣﻦ ﺭﻗﻴﺔ ﺣﺬﺍﺀ ﺍﺳﻮﺩ ﺑﻴﻪ ﺳﻨﺴﺎﻝ ﻭﺭﺩﻱ ﻭ ﺻﻌﺪﺕ ﺍﺧﺬﺗﻠﻲ ﺟﻨﻄﺔ ﻣﻦ ﺷﻬﺪ ﻭﺭﺩﻳﺔ ﻋﺎﺩ ﺍﻟﻮﺍﺣﺪ ﻣﻐﻴﺮ ﻣﻐﻴﺮ ﺧﻞ ﺍﺭﻫﻢ ﺍﻟﻮﺍﻧﻲ ﻛﻠﻬﺎ ﻏﻮﺍﻣﻖ ﻭﻋﺠﺒﻨﻲ ﺍﻟﺘﻐﻴﻴﺮ ﻣﺪﺭﻱ ﻣﻦ ﻓﺮﺣﺘﻲ ﺑﺎﻟﺤﺠﺎﺏ ﺍﻧﻮ ﺷﺨﺺ ﻫﺎﺩﺍﻧﻲ ﺧﻠﺔ ﻧﻔﺴﻴﺘﻲ ﺗﻨﻔﺘﺢ ﻋﻠﻰ ﺍﻟﺪﻧﻴﺎ
ﻃﻠﻌﺖ ﻣﻦ ﺑﺎﺑﻨﺎ ، ﻭﺻﺎﺭﺕ ﺳﻴﺎﺭﺓ ﺧﻠﻴﻞ ﻛﺪﺍﻣﻲ ﺍﻧﺼﺪﻣﺖ
ﺍﻧﻔﺘﺤﺖ ﻧﺎﻓﺬﺓ ﺍﻟﺴﻴﺎﺭﺓ
- ﺻﺒﺎﺡ ﺍﻟﺨﻴﺮ ﺍﻟﻴﻮﻡ ﻧﻈﻮﺭﻱ ( ﺍﺧﻮﻩ ) ﻣﺴﺘﺒﺮﺩ ﻳﻼ ﺍﺗﻔﻀﻠﻲ
ﻫﻤﺴﺖ
- ﺻﺒﺎﺡ ﺍﻟﻨﻮﺭ
ﻛﻌﺪﺕ ﻣﺴﺘﻐﺮﺑﺔ ﻇﻬﻮﺭﺓ ﺑﻌﺪ ﺍﺷﻬﺮ ﺧﻞ ﺑﺎﻻﺗﻔﺎﻕ !...
ﻛﻞ ﻣﺎ ﻋﻴﻨﻲ ﺍﺻﻴﺮ ﻋﻠﻰ ﺍﻟﻤﺮﺍﻳﺔ ﺍﻟﻜﺎﻩ ﻳﺒﺎﻭﻉ ﺍﻟﻲ ﺑﻌﻴﻮﻥ ﻣﺒﺘﺴﻤﺔ
ﺍﻟﻰ ﺍﻥ ﻭﺻﻠﻨﺎ ﻝ ﺍﻡ ﻣﺤﻤﻮﺩ ﻭﻧﻮﺭ .
ﺍﻡ ﻣﺤﻤﻮﺩ
- ﻭﺍﻭ ﺍﻟﻴﻮﻡ ﻧﻴﻮﻟﻮﻙ ﺟﺪﻳﺪ ﻓﺘﺤﺖ ﺑﺸﺮﺗﺞ ﺍﻟﻔﻮﺍﺗﺢ
ﻧﻮﺭ - ﺣﻠﻮ ﻫﺎﻟﺤﺠﺎﺏ ﺣﻴﻞ ﺷﻨﻮ ﺧﺎﻣﺎﻳﺘﻪ
- ﺷﻜﺮﺍ ﻫﺪﻳﺔ ﻋﻴﺪ ﻣﻴﻼﺩﻱ ﻣﻦ ﻣﺮﺕ ﺍﺧﻲ
ﺣﻴﻞ ﺣﻠﻮ ﻭﻋﺠﺒﻨﻲ
ﻧﻮﺭ - ﻭﺍﻭ ﺫﻭﻗﻬﺎ ﻳﺨﺒﻞ
ﻫﻲ ﺗﻄﺮﺏ ﺑﺬﻭﻕ ﺷﻬﺪ ﺑﻴﻦ ﻣﺎ ﺍﻧﻲ ﻣﺴﺘﻐﺮﺑﺔ ﻣﻨﻬﺎ ﻣﺎ ﻛﻌﺪﺕ ﻳﻤﻪ ﻭ ﺍﻭﻝ ﻣﺎ ﺻﻌﺪﺕ ﻭ ﺿﺎﺟﺖ ﻛﺄﻧﻬﺎ ﻣﻦ ﻭﺟﻮﺩﺓ
ﺑﺎﻭﻋﺖ ﺍﻟﻪ ﻭﻫﻢ ﻻﻛﺘﻨﻲ ﺍﻋﻴﻮﻧﻪ ﺍﻟﻤﺘﻠﻬﻔﺔ ﺑﻌﻄﺶ ﺧﻼﻧﻲ ﺍﻏﺾ ﻧﻈﺮﻱ ﻋﻨﻪ
ﻣﻦ ﻧﺰﻟﻨﺎ ﺍﻡ ﻣﺤﻤﻮﺩ ﻛﺎﻟﺖ
- ﺳﻤﻨﺎﻥ ﺧﻠﻴﻞ ﺻﺎﻳﺮ ﻭﺳﻴﻢ ﺍﻛﺜﺮ ﺟﺎﻥ ﻣﺤﻠﻮ ﻫﻠﻜﺪ ﻣﺎ ﺿﻌﻴﻒ
ﻧﻮﺭ - ﺻﺎﻳﺮ ﻣﺤﻠﻮ ﺑﺎﻟﻠﺤﻴﺔ ﻭﺍﺑﺪ ﺷﻜﻠﺔ ﻣﻮ ﻣﺮﻳﺢ
ﺍﺑﺘﺴﻤﺖ ﺍﻡ ﻣﺤﻤﻮﺩ ﻭﻣﺎ ﻋﻘﺒﺖ ﺷﻜﻠﻬﺎ ﻓﻬﻤﺖ ﻣﺜﻠﻲ ﺻﺎﺩﻫﺎ ﻟﻬﺬﺍ ﻛﺎﺭﻫﺘﻪ ﻭﻣﺎ ﺍﺭﺗﺎﺣﺖ ﺍﻟﻴﻮﻡ ﺑﻮﺟﻮﺩﻩ ، ﻟﻜﻦ ﺻﺪﻭﻙ ﺍﺧﻮﻩ ﻣﺮﻳﺾ ﻭﻇﻬﺮ ﻫﻮ ؟
بيج قصص عراقيه حقيقيه من واقعنا.روعه الطائي
ﺑﺎﻟﺮﺟﻌﺔ ﺍﻟﻌﺼﺮ ...
ﺑﻌﺪ ﻧﺰﻭﻝ ﻧﻮﺭ ﻭﺍﻡ ﻣﺤﻤﻮﺩ
ﺍﻟﺘﻔﺘﺖ ﻋﻠﻴﻪ
- ﻛﻞ ﻋﺎﻡ ﻭﺍﻧﺖ ﺑﺨﻴﺮ
ﺭﺩﻳﺖ ﺑﻬﺰ ﺭﺍﺳﻲ ﻓﻘﻂ
- ﻻﻳﮓ ﺍﻟﺞ ﺣﻴﻞ ﺍﻟﻴﻮﻡ ﺍﻋﺬﺭﻳﻨﻲ ﻛﺴﺮﺕ ﻛﻠﻤﺘﻲ ﺑﺲ ﺣﺘﻰ ﺍﺷﻮﻓﺞ ﺑﻴﻪ
ﺍﺗﺨﻴﻠﺘﻪ ﻋﻠﻴﺞ ﻭﻃﻠﻌﺘﻲ ﺍﺣﻠﻰ
ﺣﺮﻛﺖ ﺣﻮﺍﺟﺒﻲ ﻣﺴﺘﻐﺮﺑﺔ
- ﻧﻌﻢ
ﻣﻤﻢ ﻣﻔﻬﻤﺖ
- ﻳﻠﻮﮒ ﺍﻟﺞ ﺍﻟﻔﺎﺗﺢ ﻭﻏﻤﺰ ﺍﻟﻲ
ﻗﺴﻢ ﺑﺎﻟﻠﻪ ﺣﺮﻛﺘﻪ ﻧﻐﺰﺕ ﮔﻠﺒﻲ ﻭﻃﺎﺣﺖ ﺑﻴﻪ ﺻﺮﻳﻊ ﻭﻫﻮ ﺃﺑﺘﺴﻢ ﺣﺘﻰ ﺗﻐﻀﻨﺖ ﺯﻭﺍﻳﺎ ﻋﻴﻮﻧﻪ
ﻧﺰﻟﺖ ﻣﻦ ﺳﻴﺎﺭﺗﻪ ﺍﻣﺸﻲ ﻭﺍﺗﻠﻔﺖ ﺑﺎﻟﺒﻴﺖ ﺍﺩﻭﺭ ﺷﻬﺪ
ﺻﻌﺪﺕ ﺑﻌﺒﺎﺗﻲ ﻓﺘﺤﺖ ﺍﻟﺒﺎﺏ ﻟﻜﻴﺘﻬﺎ ﻛﺎﻋﺪﻩ ﻛﺪﺍﻡ ﺍﻟﺘﻠﻔﺰﻳﻮﻥ ﺗﺎﻛﻞ ﻣﻦ ﺍﻟﻜﻌﻚ ﺍﻟﻲ ﺧﺒﺰﺗﻪ ﺍﻟﺒﺎﺭﺣﻪ
- ﺣﻴﺎﺝ ﺍﻟﻠﻪ !
- ﺷﻬﺪ
- ﺍﻭﻭﻩ ﻣﺎﻣﻲ
ﺭﺟﻌﺖ ﺷﻬﺪ ﻋﻠﻰ ﺍﻟﻤﺨﺪﻩ ﺑﻄﺮﻳﻘﺔ ﺩﺭﺍﻣﻴﺔ
ﻭﺍﺗﻔﺮﻟﻲ ﺑﻌﻴﻮﻧﻬﺎ ﺍﻟﺪﺍﺋﺮﻳﺔ ﺍﻟﺨﻀﺮ
- ﻫﻮ ﺍﻧﺖ ﻋﺮﻓﺘﻲ ﺍﻛﻴﺪ
ﺍﻭﻭﻩ ﻣﺎﻱ ﺍﻟﻠﻪ ﺳﻮﺭﻱ ﺟﺬﺑﺔ ﺑﻴﻀﺔ
ﺳﺪﻳﺖ ﺍﻟﺒﺎﺏ
- ﻻ ﺯﻳﻨﺐ ﻫﺎﻱ ﺍﻟﻨﻈﺮﺍﺕ ﺗﺨﻮﻑ ﻭﺍﻟﻨﺒﻲ
- ﻫﺬﺍ ﺍﻟﺤﺠﺎﺏ ﻣﻦ ﺧﻠﻴﻞ ﻣﻮ؟
- ﺍﺳﻤﻬﺎ ﻫﺪﻳﺔ ﻭﺍﻟﻨﺒﻲ ﻗﺒﻞ ﺑﺎﻟﻬﺪﻳﺔ
- ﻭﺍﻧﻲ ﻣﻮ ﻧﺒﻲ
ﺍﺿﺤﻜﻴﻦ ﻋﻠﻴﺔ ﻭﺍﺻﺮﻳﻦ ﺍﻟﺒﺴﺔ ﺣﺘﻰ ﻫﻮ ﻳﺸﻮﻓﻨﻲ ﺑﻴﻪ !
- ﺍﻫﻮﻭﻭ ﻳﺎﻟﺘﻌﻘﻴﺪ ﺷﻜﻮ ﺑﻴﻬﺎ ﺣﺒﻴﺒﺞ ﻭﻫﺪﺍﺝ
ﻧﺘﺮﺕ
- ﻻ ﺗﻜﻮﻟﻴﻦ ﺣﺒﻴﺒﺞ
- ﻻ ﺣﺒﻴﺒﻲ ﺍﻧﻲ ﺍﻭﻙ
- ﻣﺪﺍ ﺍﺷﺎﻗﺔ
- ﻋﻔﻴﺔ ﺯﻳﻨﺐ ﻻ ﺗﻐﺜﻴﻨﻲ
ﺍﻧﺘﻢ ﻣﻮ ﺑﻴﻨﻜﻢ ﻛﻴﻤﻴﺎ ﻃﺒﻴﻌﻲ ﻳﺘﻘﺮﺏ ﺍﺷﻮﻳﺔ ﻭﻫﻮ ﺷﺎﻳﻔﺘﻪ ﻣﻦ ﻳﻠﺢ ﻭﺍﻟﻠﻪ ﻏﺼﺒﻨﻲ ﺑﺲ ﺍﺭﻳﺪ ﺍﺧﻠﺺ ﻣﻨﻪ
ﺯﻭﺯﻱ
ﻻ ﺗﻜﻠﺒﻴﻦ ﻭﺟﻬﺞ
ﻛﻨﺖ ﺍﺗﻨﻔﺲ ﺑﻘﻮﺓ ﻭﺍﺑﺎﻭﻉ ﺻﻔﺢ ﻟﻠﺤﺎﻳﻂ ﻭ ﻣﺘﺨﺼﺮﺓ ﻣﻦ ﻓﻮﻙ ﻋﺒﺎﺗﻲ
- ﺍﻛﻮﻝ ﺍﺷﺒﻴﻪ ﻳﺒﺎﻭﻉ ﻭﻳﻀﺤﻚ ﻭﻣﻜﻴﻒ ﺭﻭﺣﻪ ﺭﺍﺩﺓ ﺍﺛﺎﺭﻳﻪ ﻫﻮ ﻣﺸﺘﺮﻳﻪ ﻭﺍﻧﻲ ﻣﻐﺘﺮﺓ ﺑﻴﻪ ﻛﺪﺍﻡ ﻧﻮﺭ ﻭﺍﻡ ﻣﺤﻤﻮﺩ ﻛﺪﺍﻣﺔ
ﻟﻮ ﺍﺩﺭﻱ ﻫﻮ ﺟﺎﻳﺒﻪ ﻣﻜﺎﻥ ﻣﺪﺣﺘﻪ ﺍﺻﻼ ﻣﻜﺎﻥ ﻟﺒﺴﺘﻪ
ﻧﺼﺒﺘﻮ ﺍﻟﻲ ﻓﺦ
ﺭﺩﺕ ﺍﻃﻠﻊ ﺗﺬﻛﺮﺕ ﻭﻛﻠﺖ
- ﻭﻫﺎ ﻛﻮﻟﻲ ﻣﺎ ﺍﻗﺒﻞ ﻳﻈﻬﺮ ﻣﻨﺎ ﻣﻦ ﻳﺨﻄﺐ
- ﺗﻤﺎﻣﻮ
ﻧﺘﺮﺕ
- ﺷﻨﻮ
- ﺗﻤﺎﻡ ﺗﻤﺎﻡ ﺍﻗﺼﺪ
- ﺑﺴﻴﻄﺔ ﺍﻧﻲ ﺍﻋﻠﻤﺞ ﻳﺎ ﺷﻬﺪ
- ﺍﻭﻭﻩ
- ﺍﻟﻴﻮﻡ ﺍﻟﻌﺸﺎ ﻋﻠﻴﺞ
- ﻻ ﻓﺪﻭﺍ
- ﻭﺍﻟﻤﻤﻮﺍﻋﻴﻦ ﻫﻢ ﻭﺑﺎﺟﺮ ﻋﻠﻴﺞ ﺍﻟﻐﺪﺓ ﺍﻧﻲ ﺟﻤﻌﺔ ﺍﻛﻌﺪ ﺍﻋﻠﻤﺞ ﻭﺍﺫﺍ ﺍﺷﺘﻜﻴﺘﻲ ﺍﻓﺘﻦ ﻋﻠﻴﺞ ﺍﻧﺖ ﻛﺴﺮﺗﻲ ﺍﻟﺒﻠﻢ ﺍﻟﺘﺮﺍﺛﻲ ( ﺻﺤﻦ ﺑﻠﻤﻲ ﺍﻟﺸﻜﻞ ) ﻷﻣﻲ ﻭﺫﺑﻴﺘﻴﻬﺎ ﺑﺮﺍﺳﻲ ﻭ ﺍﻛﻠﺖ ﺭﺯﺍﻟﺔ ﻣﻌﺪﻟﺔ
بيج قصص عراقيه حقيقيه من واقعنا.روعه الطائي
ﻻ ﺣﺒﺎﺑﺎ ﻻ ﺍﺻﻴﺮﻳﻦ ﺷﺮﻳﺮﺓ
- ﺃﺳﺘﻠﻤﻲ ﺑﻌﺪ
ﺻﺮﺕ ﻭﺧﻠﺺ ﺍﻻﻣﺮ ﺍﻡ ﺍﻟﻔﺨﻮﺥ ﺍﻧﺖ ﻭﺍﺑﻮ ﺷﻌﺮ
ﻃﻠﻌﺖ ﻻﺯﻣﻪ ﻃﺮﻑ ﺍﻟﺤﺠﺎﺏ ﻣﺒﺘﺴﻤﺔ
،
ﺭﺻﻴﺘﻪ ﻳﻢ ﺍﻟﺤﺠﺎﺑﺎﺕ ﺑﻌﺪ ﺍﻟﻐﺴﻞ ﻭﺍﻟﻜﻮﻱ ﺿﻮﺓ ﺑﻠﻮﻧﻪ ﺍﻟﻔﺎﺗﺢ ﺑﻴﻨﻬﻢ ﻧﺸﺎﺯ
ﺍﺑﺘﺴﻤﺖ
ﻭﺳﺪﻳﺖ ﺍﻟﻜﻨﺘﻮﺭ ﻭ ﺃﻧﺘﻜﻴﺖ ﻋﻠﻴﻬﺎ ﺍﺳﺤﺐ ﺑﻨﻔﺎﺳﻲ ﺑﺮﺗﻴﺎﺡ ﻭﻣﺸﺎﻋﺮ ﻧﺎﻋﻤﺔ ﺍﺩﻏﺪﻍ ﮔﻠﺒﻲ
ﺍﺟﻪ ﺑﺒﺎﻟﻲ ﺍﺳﻤﻊ ﻳﺎ ﻋﺎﺷﻘﺔ ﺍﻟﻮﺭﺩ
ﻭﺍﺧﺬﺗﻨﻲ ﺍﻟﺬﻛﺮﻳﺎﺕ ﺍﻟﻪ ﺑﻮﺳﻂ ﺍﻟﻨﻐﻢ ﺍﻟﻲ ﺑﺪﺍﺧﻠﻲ ﺍﻧﺮﺳﻞ ﺍﻟﻲ ﻣﻘﻄﻊ ﻣﻦ ﺷﻬﺪ
ﻓﺘﺤﺘﻪ
ﺧﻠﻴﻞ ﻭﻳﺎﺳﺮ
ﺑﻘﺎﻋﺔ ﻛﺄﻧﻬﻢ ﺑﻌﺮﺱ ﻗﺪﻳﻢ ﺧﻠﻴﻞ ﺿﻌﻴﻒ ﺑﻴﻪ ﻭ ﺷﻌﺮﺓ ﻗﺼﻴﺮ ﺟﻮﺓ ﺍﺫﻧﻪ ﻭ ﻻﺑﺲ ﻣﻨﺎﻇﺮ ﻃﺒﻴﺔ ﻭ ﻛﺎﻋﺪ ﻳﻢ ﻳﺎﺳﺮ ﺍﻟﻲ ﻧﺎﻓﺦ ﻧﻔﺴﺔ ﻭﺛﻜﻴﻞ ﺣﻴﻞ ﻛﺄﻧﻬﻢ ﻣﻌﺰﻭﻣﻴﻦ
ﺑﻴﻨﻤﺎ ﺧﻠﻴﻞ ﻣﺜﻠﻪ ﻫﺎﺩﺉ ﻭﻛﺎﻋﺪ ﻭ ﺻﻮﺕ ﺍﻟﻤﻌﺰﻭﻓﺔ ﻓﺠﺄﺓ ﻳﻌﻠﻰ ﻭ ﺧﻠﻴﻞ ﺣﻤﻰ ﻫﺰ ﺻﺪﺭﺓ ﻫﺰﺓ ﺳﺮﻳﻌﺔ ﻋﻠﻰ ﺍﻟﺪﻛﺔ ﻭ ﺭﺟﻊ ﺭﺑﻂ ﺍﺩﻳﻪ ﻋﻠﻰ ﺻﺪﺭﺓ ﻫﺎﺩﺉ ﺿﺤﻜﻨﻲ ﺍﻟﻤﻘﻄﻊ ﻣﺮﺍﺕ ﺍﻫﻮﺍﻱ ﺍﻧﻌﺎﺩ ﻭﻧﻔﺲ ﺍﻟﻀﺤﻜﺔ ﻋﻠﻰ ﻛﻌﺪﺗﻪ ﺍﻟﻤﻬﺬﺑﺔ ﻭﺗﺤﻮﻟﻬﺎ ﻟﻬﺰﺓ ﺳﺮﻳﻌﺔ
ﺷﻬﺪ ﺭﺳﻠﺖ ﺍﻳﻤﻮﺟﺎﺕ ﺗﻀﺤﻚ ﻭﺑﺎﺩﻟﺘﻬﺎ ﺍﻟﻀﺤﻚ
ﻛﺘﺒﺖ
" ﺿﺤﻜﺖ ﻣﺘﺖ ﺗﺮﺓ ﺍﻟﻬﺰﺓ ﻣﺎﻟﺘﻪ ﻏﻴﺮ ﻣﺘﻮﻗﻌﺔ ﺑﺲ ﻳﻠﻮﻙ ﺍﻟﻪ ﺍﻟﺜﻜﻞ ﻫﻬﻬﻬﻬﻬﻬﻪ "
ﺭﺳﻠﺖ ﺍﻟﻲ
" ﺻﻮﺭﺕ ﺍﻟﻪ ﺿﺤﻜﺞ ﻋﻠﻴﻪ ﻭﻛﻼﻣﺞ ﺍﺗﺨﺒﻞ ﺭﺍﺡ ﻳﺠﻲ ﻳﻜﺘﻠﻨﻲ ﻷﻥ ﺷﻮﻓﺘﺞ ﻣﺎﺿﻴﻪ ﻫﻬﻬﻬﻬﻬﺎﻱ "
︎▪ ﻳﺎﺳﺮ
ﺟﺪﻱ ﻣﺸﺘﺎﻕ ﺍﻟﻲ ﻭﻃﺎﻟﺐ ﻳﺸﻮﻓﻨﻲ ﻏﺼﺒﺎ ﻋﻠﻰ ﺍﻭﻻﺩ ﺍﺑﻨﻪ ﺭﺳﻞ ﺍﻟﻲ ﺧﺒﺮ ﺍﺭﻭﺡ ﺍﻟﻪ ﺑﺎﻟﻤﺸﺨﺎﺏ ﻭﺍﺟﻴﺐ ﻭﻳﺎﻱ ﺷﻬﺪ ..
ﺧﺎﺑﺮﺕ ﻣﺮﺗﻀﻰ ﻭﺍﺗﻔﻬﻢ ﺩﺯﻫﺎ ﺍﻟﻲ ﺍﻟﺼﺒﺢ ..
ﻭ ﺧﻠﻴﻞ ﻣﻦ ﺳﻤﻊ ﺍﻟﺨﺒﺮ ﻫﻠﻴﺎﻡ ﺩﻭﻣﻪ ﻳﻤﻲ ﺑﻌﺪ ﺷﻐﻠﺔ ﻳﺠﻲ ﻳﻤﻲ، ﻛﺎﻝ ﺍﻓﺎﺗﺤﻪ ﺑﻤﻮﺿﻮﻋﻲ ﻓﺪ ﻣﺮﺓ ﺍﺑﻮﻱ ﺻﺎﺭﻟﺔ ﺍﺷﻬﺮ ﻣﻦ ﺗﻮﻓﺎﻩ ﺍﻷﺟﻞ ﺍﺭﻳﺪ ﺍﺣﺠﺰ ﺍﻟﺒﻨﻴﺔ ﺑﺨﻄﺒﺔ ﻭ ﺑﻌﺪ ﺍﻟﺴﻨﺔ ﺍﻻ ﺍﺯﻭﺟﻬﺎ
ﺍﻟﻌﺼﺮ ﺭﺣﻨﺎ ﻭﻳﺔ ﺧﻠﻴﻞ ﻟﻠﻤﺸﺨﺎﺏ
ﻭﺻﻠﻨﺎ ﻭﺩﺧﻠﻨﺎ ﻟﻐﺮﻓﺔ ﺟﺪﻱ ﻣﺮﻳﺾ ﺑﻔﺮﺍﺷﺔ ﻧﺎﻳﻢ
ﺳﻠﻤﻨﺎ ﻋﻠﻴﻪ ﻭﻣﻦ ﺷﺎﻓﻨﺎ ﻋﺪﻝ ﻣﻦ ﻧﻮﻣﺘﻪ ﺍﻧﺘﭽﻰ ﻋﻠﻰ ﺍﻟﻤﺨﺪﻩ ﻭ ﻛﻌﺪﺕ ﻳﻢ ﺭﺍﺳﺔ
- ﻫﺎ ﺟﺪﻱ ﺷﻜﻠﻚ ﻫﺮﻣﺖ ﻭﺷﺨﺖ ﻣﻦ ﻭﻛﺖ
- ﺍﻧﻪ ﺧﻨﺠﺮ ﺻﻠﺐِ ﻻ ﻳﮕﻠﻚ ﻭﻻ ﻳﻨﻌﻮﺝ
ﺷﻬﺪ
- ﺍﺷﺘﻘﻴﻨﺎ ﺍﻟﻚ
- ﺍﺷﻠﻮﻧﺞ ﺷﻬﺪ ﺍﺷﻠﻮﻧﻪ ﺍﺑﻦ ﺍﻟﻤﻮﻣﻦ ﻭﻳﺎﺝ
- ﺍﻟﺤﻤﺪﻟﻠﺔ ﺟﺪﻭ
- ﻻ ﺗﺨﺎﻓﻮﻥ ﻋﻠﻴﻪ ﺍﻧﻲ ﻧﻮﻣﺘﻲ ﺃﺳﺘﺒﺮﺍﺩ ﻭ ﻳﺮﻭﺡ ﻟﺤﺎﻟﻪ
ﺑﺲ ﺭﺩﺕ ﺍﺭﺟﻊ ﺍﺩﺧﻠﻜﻢ ﻟﻠﺒﻴﺖ ﻏﺼﺒﺎ ﻋﻠﻰ ﺍﻛﺒﺮ ﺭﺍﺱ ﻭﺍﻟﻲ ﻣﺎ ﻋﺎﺟﺒﺔ ﺍﻃﺮﺩﺓ ﻣﻦ ﺑﻴﺘﻲ
ﺭﺑﺘﺖ ﻋﻠﻰ ﻣﺘﻨﻪ ﻣﻤﺘﻦ
ﺟﺪﻱ
- ﻭﺍﻧﺖ ﺧﻠﻴﻞ ﺍﺷﻮﻛﺖ ﺗﺎﺧﺬ ﺭﺳﻼﻥ
- ﻳﻬﻮﻭﻭ ﻫﻢ ﻫﺬﺍ ﺍﻟﻤﻮﺿﻮﻉ
- ﺑﺖ ﻋﻤﻚ
- ﺟﺪﻱ ﺭﺣﻤﺔ ﻟﺮﻭﺡ ﺍﺑﻮﻱ ﺍﻧﻪ ﻣﺎﺕ ﺯﻋﻼﻥ ﻋﻠﻴﺔ ﺑﺴﺒﺐ ﻫﺬﺍ ﺍﻟﻤﻮﺿﻮﻉ ﻣﺎ ﺍﺧﺬﻫﺎ ﺑﻌﺪ ﺳﻮﺍﻳﺘﻬﺎ
ﻭﺍﻧﻲ ﺭﺍﻳﺪ ﺭﺍﻳﺪﺓ ﺛﺎﻧﻴﺔ
بيج قصص عراقيه حقيقيه من واقعنا.روعه الطائي
- ﺍﺩﺭﻱ ﺍﺑﻮﻙ ﻫﻮ ﻣﺮﻳﺾ ﻭﻣﺎﺕ ﺑﺲ ﺍﻧﻪ ﻻ ﺗﻤﻮﺗﻮﻧﻲ ﻗﻬﺮ ﻋﻠﻴﻜﻢ
- ﺟﺪﻱ ﻣﻮ ﺟﻨﺘﻮ ﺗﺮﺩﻭﻧﻲ ﺍﺯﻭﺝ ﻫﺎﻱ ﺍﺟﻴﺖ ﺍﻛﻠﻚ ﺍﻧﻲ ﺍﺭﻳﺪ ﺍﺯﻭﺝ ﺑﺲ ﻣﻮ ﻣﻨﺎ
- ﻣﻨﻬﻮ ﻫﺎﻱ ﺭﺍﺩﺗﻚ
ﺗﻌﺮﻓﻬﺎ ﺍﻟﻬﺎ ﻟﻮ ﻋﻠﻰ ﻣﻌﺮﻓﺔ ﺍﻫﻠﻬﺎ
ﺳﻜﺖ ﺧﻠﻴﻞ ﺑﺎﻭﻉ ﻟﺸﻬﺪ ﻃﺎﻟﺐ ﻋﻮﻥ
ﺷﻬﺪ - ﺍﺣﻢ ﺑﺖ ﻋﻤﻲ ﺍﻗﺼﺪ ﺍﺧﺖ ﻣﺮﺗﻀﻰ
ﺣﻞ ﺳﻜﻮﺕ ﺑﻌﺪﻩ ﻛﺎﻝ ﺟﺪﻱ
- ﺑﺖ ﺍﻟﻤﻮﻣﻦ
ﺑﺖ ﺍﻟﺸﻴﺦ ﺣﺴﻦ
ﺷﻬﺪ - ﺍﻱ
- ﻫﺎﻱ ﻳﺎﺳﺮ ﺯﻭﺟﺖ ﺍﺧﺘﻚ ﻣﻦ ﻭﺭﺍﻳﺔ ﻷﺑﻦ ﺍﻟﻤﺆﻣﻦ
- ﺟﺪﻱ ﺍﻧﻲ ﻣﻌﻠﻴﺔ ﻭﻻ ﺗﺮﺟﻌﻨﺎ ﻟﻠﻲ ﻓﺎﺕ
ﺍﻧﻲ ﻣﻌﻠﻴﺔ ﺑﺎﻟﻤﻮﺿﻮﻉ ﻫﺎﻟﻤﺮﺓ
ﺷﻬﺪ - ﺟﺪﻭ ﺍﻧﻲ ﺍﻟﻲ ﻛﻠﺖ ﻟﺨﻠﻴﻞ ﻋﻠﻴﻬﺎ ﺧﻮﺵ ﺑﻨﻴﺔ
ﺧﻠﻴﻞ - ﺟﺪﻱ ﺍﻧﻪ ﻣﺎ ﻋﻠﻴﺔ ﺑﻐﻼﻁ ﻏﻴﺮﻱ ﻫﻲ ﻏﻠﻄﺖ ﺗﺘﺤﻤﻞ ﻋﻠﻰ ﺷﻨﻮ ﺍﻧﻲ ﺍﺧﺬﻫﺎ ﻭﺣﺪﻩ ﻭﻛﺤﻪ ﻭ ﻛﺴﺮﺕ ﻋﻴﻦ ﺍﺧﻮﺗﻬﺎ
ﻳﻘﺼﺪ ﺧﻠﻴﻞ ﺭﺳﻼﻥ ﺍﺣﻨﻪ ﺍﻟﻤﻘﺮﺑﻮﻥ ﻧﻌﺮﻑ ﺑﺄﺧﺮ ﺷﻲ ﺳﻮﺗﻪ ﻭﻳﻪ ﺍﺑﻦ ﺍﻟﺠﻴﺮﺍﻥ ﻋﻼﻗﺔ ﻛﺸﻔﻮﻫﺎ ﺍﺧﻮﺗﻬﺎ ﻭﻛﺴﺮﻭﻫﺎ ... ﻭ ﺟﺪﻱ ﺣﺎﻳﺮ ﺑﻴﻬﺎ ﻳﺮﻳﺪ ﻳﺴﺘﺮ ﻋﻠﻴﻬﺎ ﺍﺑﻦ ﺍﻟﺠﻴﺮﺍﻥ ﻧﻜﺮ ﻳﻌﺮﻓﻬﺎ ﻭﺷﺮﺩ ﺧﺎﻑ ﻭ ﻣﺎ ﻋﺪﻧﺎ ﻣﻘﺮﻳﺒﻦ ﻳﻌﻨﻲ ﺍﻭﻻﺩ ﺍﻋﻤﺎﻣﻬﺎ ﻣﺎ ﻣﺰﻭﺟﻴﻦ ﻭﻳﺼﻠﺤﻮﻥ ﻟﻌﻤﺮﻫﺎ ﻣﻮ ﺻﻐﺎﺭ ﻏﻴﺮ ﺗﻼﺛﺔ ﻭﺍﺣﺪ ﺣﺎﺟﺰ ﺑﻨﻴﺔ ﻭﻳﺮﻳﺪ ﻳﺨﻄﺐ ﻭ ﻭﺍﺣﺪ ﺣﺎﻟﻒ ﻳﻜﺘﻞ ﻧﻔﺴﻪ ﻭﻻ ﻳﺎﺧﺬﻫﺎ ﻭﺍﻟﺜﺎﻟﺚ ﺧﻠﻴﻞ ﺍﻟﻲ ﺍﺑﻮﻩ ﺍﺗﺮﺟﺎﻩ ﻳﺎﺧﺬ ﺭﺳﻼﻥ ﻭﻳﺴﺘﺮ ﻋﻠﻴﻬﺎ ﻻ ﺍﺳﻮﻱ ﻓﻌﻞ ﺍﻛﺒﺮ ﻭﺗﻔﻀﺤﻨﺎ ﻭﻛﺤﻪ ﻭﺧﻠﻴﻞ ﺍﺗﺨﺒﻞ ﺭﻓﺾ ﻭﻫﺬﺍ ﺳﺒﺐ ﺍﻟﺰﻋﻞ ﺍﻟﻲ ﺑﻴﻦ ﺧﻠﻴﻞ ﻭ ﺍﺑﻮﻩ ﺍﻟﻠﻪ ﻳﺮﺣﻤﻪ
- ﺟﺪﻱ ﺍﻧﻪ ﺍﻻﺑﻦ ﺍﻟﺠﺒﻴﺮ ﻻﻣﻲ ﻭﺍﺭﻳﺪ ﺍﺑﻘﻰ ﻭﻳﺎﻫﺎ ﺍﺭﻳﺪ ﺍﻟﻬﺎ ﻣﺮﺓ ﻟﻜﺒﺮﺗﻬﺎ
ﻭﺍﻧﺖ ﺗﻌﺮﻑ ﻭﻻ ﻭﺣﺪﻩ ﻣﻦ ﺑﻨﺎﺕ ﻋﻤﺎﻣﻲ ﺗﺘﻮﻓﻖ ﻭﻳﺎﻫﺎ ﺑﺴﺒﺐ ﺍﻟﺨﻼﻓﺎﺕ ﺍﻟﻲ ﺑﻴﻦ ﺍﻣﻲ ﻭﻧﺴﻮﺍﻥ ﻋﻤﺎﻣﻲ
ﺍﻧﻲ ﺳﺎﺑﻘﺎ ﻭﺧﻄﺒﺖ ﻣﻨﺎ ﻭﺷﻔﺖ ﺍﻧﺖ ﺍﻟﻲ ﺻﺎﺭ .
- ﻭﻫﺎﻱ ﻣﻨﻮ ﻳﺴﺘﺮ ﻋﻠﻴﻬﺎ ﻭ ﻳﺼﻮﻧﻬﺎ ﻣﻮ ﺭﺍﺡ ﺗﻨﺰﻝ ﻋﮕﻠﻨﺎ ﻳﺎﻣﺎ ﻧﺴﻮﺍﻥ ﺳﻮﻧﻬﺎ ﻭﻛﺤﻪ ﻭ ﻳﻨﺨﺎﻑ ﻣﻨﻬﺎ ﺑﻄﻠﺘﻬﺎ ﻣﻦ ﻛﻠﻴﺘﻬﺎ
ﻭﻣﺎ ﻧﻔﻊ
ﺍﺧﺬﻫﺎ ﻭ ﺷﻴﻞ ﺣﻤﻞ ﻋﻤﻚ ﻭﺻﻮﻥ ﻋﺮﺿﺔ
ﻫﻲ ﻭﻛﺤﺔ ﺑﺲ ﺗﺘﺮﻭﺽ ﻭﺗﻜﺒﺮ ﻭﺗﻌﮕﻞ
- ﻻ ﻳﺠﺪﻱ ﺧﻠﻲ ﻏﻴﺮﻱ ﻋﻤﻲ ﻧﻔﺴﺔ ﺃﺫﻯ ﺍﻣﻲ ﻫﻮ ﻭﻣﺮﺗﻪ ﺍﻧﻮﺏ ﺍﺟﻴﺐ ﺑﺘﻪ ﻻﻣﻲ
ﺍﻣﻲ ﺗﻤﺮﻣﺮﺕ ﻭﺍﺭﻳﺪ ﺍﺭﻳﺤﻬﺎ ﻭﺍﺭﺗﺎﺡ ﺍﻧﻲ ﻫﻢ ﺑﻮﺣﺪﻩ ﺗﺼﻮﻧﻲ ﻭﺍﻣﻦ ﻋﻠﻰ ﻋﺮﺿﻲ ﻭﻳﺎﻫﺎ ﻣﻮ ﺍﻇﻞ ﻣﺘﺨﻮﻑ ﻣﻦ ﺭﻋﻮﻧﺘﻬﺎ
ﺳﻜﺖ ﺟﺪﻱ ﻣﺎ ﺟﺎﺩﻝ ﻣﺠﺮﺩ ﺍﻟﻔﻜﺮﺓ ﺧﻠﻴﻞ ﻳﺰﻭﺝ ﺧﻠﺘﻪ ﻟﻴﻦ ﻭﻳﺎﻩ ﻻﻥ ﺧﻠﻴﻞ ﻛﺒﺮ ﻭﻣﺎ ﺻﺪﻛﻨﺎ ﻓﻜﺮ ﺑﺎﻟﺰﻭﺍﺝ ﻣﺎﻋﺪﻧﺎ ﻭﺍﺣﺪ ﻳﻮﺻﻞ ﻟﻌﻤﺮﻩ ٣٤ ﺳﻨﺔ ﻋﻤﺮﺓ ﻭﻣﺎ ﻳﺰﻭﺝ ﻟﻬﺴﺔ ﺧﻮﺍﻟﻲ ١٨ ﻭ ١٧ ﻳﺰﻭﺟﻮﻥ
- ﻫﺎ ﺟﺪﻱ ﺗﺨﻄﺒﻠﻲ ﺑﺖ ﺍﻟﻤﻮﻣﻦ
ﻣﺎ ﺭﺩ ﺟﺪﻱ
ﺧﻠﻴﻞ
- ﺻﺪﻛﻨﻲ ﻣﺎ ﺍﺧﻠﻴﻚ ﺗﺨﻄﻲ ﺑﻴﺘﻬﻢ ﺍﺫﺍ ﻣﺎ ﺍﺿﻤﻦ ﺍﻟﻤﻮﺍﻓﻘﻪ ﻣﻦ ﺍﺑﻮﻫﺎ
ﻭﻫﺎ ﻋﻤﺎﻣﻲ ﻛﻠﺶ ﻛﺎﻓﻲ ﺍﺫﺍ ﻣﺎ ﺍﺗﺮﻳﺪ ﺍﺗﺮﻭﺡ ﻫﻤﻪ ﻫﻢ ﻛﺒﺎﺭ ﻭﺷﻴﻮﺥ ﺍﻭﻻﺩ ﺷﻴﻮﺥ
بيج قصص عراقيه حقيقيه من واقعنا.روعه الطائي
ﺗﻨﻬﺪ ﺟﺪﻱ
- ﺍﻟﻠﻪ ﻛﺮﻳﻢ ...
ﻛﺎﻡ ﺧﻠﻴﻞ ﺣﺐ ( ﺑﺎﺱ ) ﺭﺍﺳﺔ
ﺟﺪﻱ - ﺑﺲ ﻣﻮ ﻫﺴﺔ ﺍﺑﻮﻙ ﺑﻌﺪﻩ ﺗﺮﺍﺑﺔ ﻣﺎ ﻧﺎﺷﻒ
- ﻻ ﺟﺪﻱ ﺑﻌﺪ ﺷﻬﺮ ﺍﺧﻄﺒﻬﺎ ﺑﺲ ﺍﺣﺠﺰﻫﺎ ﺍﻟﻲ ﻋﻠﻰ ﺍﻻﻗﻞ
- ﺍﻧﻲ ﻣﺎ ﺍﻋﺘﺐ ﺑﻴﺘﻬﻢ ﻋﻤﺎﻣﻚ ﺍﻟﻲ ﻳﺮﺣﻮﻥ
ﻭﻛﺒﺎﺭ ﻣﻦ ﻋﺸﺮﻳﺘﻨﺎ ﺍﺧﺬ ﻭﻳﺎﻙ
ﻭﻣﺎ ﺍﺗﺮﻭﺡ ﺍﻻ ﻣﺘﺄﻛﺪ ﻣﻨﻬﻢ ﻳﻨﻄﻮﻙ
- ﺧﻮﺵ ﺟﺪﻱ
ﻃﻠﻌﻮ ﺷﻬﺪ ﻭﺧﻠﻴﻞ ﻣﻦ ﻏﺮﻓﺔ ﺟﺪﻱ ﺍﻧﻲ ﺭﺣﺖ ﺣﺒﻴﺖ ﺭﺍﺳﺔ ﻣﻤﺘﻦ ﻣﺎ ﺍﺧﺬ ﻧﻈﺮﺓ ﻋﻠﻰ ﺍﻟﺒﻨﻴﺔ ﺑﺴﺒﺐ ﺍﻟﺴﺎﻟﻔﺔ ﺍﻟﻲ ﻃﻠﻌﻨﻬﺎ ﻋﻠﻴﻬﺎ ﺑﺖ ﻋﻤﻬﺎ ﻭ ﺭﺳﻼﻥ ﻭﻛﺒﺮ ﺑﻌﻴﻨﻲ ﻣﻦ ﻭﺍﻓﻖ ﻭﺣﺴﻴﺖ ﻣﻮﺕ ﺍﻭﻻﺩﺓ ﺑﻨﻔﺲ ﺍﻟﺴﻨﺔ ﻏﻴﺮ ﻣﻦ ﺍﻫﻮﺍﻱ
- ﺟﺪﻱ ﺣﻴﻞ ﻓﺮﺣﺖ ﻣﺎ ﺟﺒﺖ ﻃﺎﺭﻱ ﺍﻟﻜﻼﻡ ﺍﻟﻲ ﻃﻠﻊ ﻋﻠﻰ ﺍﻟﺒﻨﻴﺔ ﻭﺍﻧﺖ ﺗﻌﺮﻑ ﻣﺎﻋﺪﻫﻢ ﺑﻨﻴﺔ ﻏﻴﺮﻫﺎ
- ﺍﻧﻲ ﺍﺛﻖ ﺑﻴﻚ ﻭﺑﺘﺮﺑﻴﺘﻚ ﻭﺍﻟﻜﻼﻡ ﻃﻠﻊ ﻋﻨﻚ ﻭﻋﻨﻬﺎ ﻭﻣﻦ ﺑﺖ ﺍﺑﻠﻴﺲ ﻳﺠﺪﻱ ﻣﺎ ﺍﻗﺬﻑ ﺑﺖ ﻣﺼﻮﻧﺔ ﻭﻻ ﻫﺎﻱ ﺷﻴﻤﻲ
ﺍﻧﻪ ﺑﺲ ﺍﺑﻮﻫﺎ ﺫﻟﻨﻲ ﻭ ﺍﻧﻪ ﺟﺒﻴﺮ ﻋﺸﻴﺮﺗﻲ ﻫﺎﻱ ﺣﺰﺕ ﺑﻨﻔﺴﻲ ﻣﻦ ﺍﻧﻄﻴﺘﻪ ﻣﻨﻪ ﻭﻫﻮ ﺭﺩﻧﺎ ﻣﺎ ﺧﻠﻰ ﺣﺴﺎﺏ ﻻ ﻷﺑﻨﻪ ﻭ ﻻ ﺍﻟﻚ ....
- ﻫﻢ ﺣﮕﮏ
ﺍﻟﻲ ﺻﺎﺭ ﻏﺒﺎﺀ ﻣﻨﻲ ﺍﻧﻪ ﺍﻟﻲ ﻋﺮﺿﺘﻚ ﻟﻬﻴﺞ ﻣﻮﻗﻒ .
ﺍﻋﺬﺭﻧﻲ ﻳﺠﺪﻱ
- ﻭﻫﺬﺍ ﺧﻠﻴﻞ ﺧﺎﻑ ﺍﺭﻓﺾ ﻭ ﻳﺒﻄﻞ ﻳﺰﻭﺝ ﺟﺒﻴﺮ ﺍﻟﻲ ﺑﻜﺪﻩ ﺑﺰﺭ ﺑﺰﺭﻫﻢ ﺑﻄﻮﻟﻬﻢ
ﺧﻞ ﻳﺎﺧﺬ ﻭﺣﺪﻩ ﺗﻠﻤﺔ
ﺩﺧﻠﺖ ﻋﻠﻴﻪ ﺍﻡ ﺍﺣﻤﺪ ﻣﺮﺕ ﺧﺎﻟﻲ ﺍﻟﻲ ﺿﺮﺑﺖ ﺍﺑﻨﻬﺎ ﺳﺎﺑﻘﺎً
- ﺍﻧﺖ ﻭﺍﺧﺘﻚ ﺷﺪﺧﻠﻜﻢ ﺑﻴﺘﻨﺎ
ﻛﻮﻡ ﺍﻃﻠﻊ ﺑﺮﺓ
ﺧﺰﺭﺗﻬﺎ ﻛﺎﺭﻫﺎ ، ﺻﺎﺡ ﺑﻴﻬﺎ ﺟﺪﻱ
- ﺭﻭﺣﻲ ﺍﺣﺘﺎﺭﻱ ﺑﺒﺘﺞ ﻭﺭﺑﻴﻬﺎ ﻭﺍﻃﻠﻌﻲ ﺑﺮﺓ ﻏﺮﻓﺘﻲ ﻻ ﺍﻃﺮﺩﺝ ﺑﺮﺓ ﺑﻴﺘﻲ ﻣﺘﺤﻤﻠﺞ ﺑﺎﻟﻜﻮﺓ ﺗﺮﺓ
- ﻋﻤﻲ ﻫﺬﺍ ﺿﺮﺏ ﺍﺑﻨﻲ ﺍﺷﻌﻨﺪﻩ ﺩﺍﺱ ﻋﺘﺒﺔ ﺑﻴﺘﻨﺎ
- ﺑﻴﺘﻲ ﻭﻫﺬﺍ ﺍﺑﻦ ﺑﺘﻲ ﺍﻟﻮﺣﻴﺪﻩ ﻭﻟﻲ ﺑﺮﺓ ﻻ ﺗﻠﻐﻴﻦ ﻟﻐﻮﺓ ﺯﺍﻳﺪﻩ
ﺩﺧﻞ ﺧﻠﻴﻞ
- ﺷﻜﻮ ﻋﻤﺔ ﺭﻭﺣﻲ ﺑﻼ ﻫﺎﻟﻔﻀﺎﻳﺢ
ﺟﺪﻱ
- ﺭﻭﺣﻲ ﻟﺒﺘﺞ ﺭﻭﺣﻲ
ﺍﻡ ﺍﺣﻤﺪ
- ﻫﺎﻱ ﺑﺲ ﺗﻌﻴﺮﻭﻥ ﺑﻴﻪ ﺍﻧﻲ ﺷﻌﻠﻴﻪ ﻫﻲ ﺑﺘﻜﻢ ﻣﺎ ﺭﺑﻴﺘﻮﻫﺎ
ﻛﺢ ﺟﺪﻱ ﻭﺗﻌﺐ
ﻳﺎﺳﺮ - ﺍﻃﻠﻌﻲ ﺑﺮﺓ ﺧﺎﻟﺔ ﻛﺎﻓﻲ ﻗﻬﺮ ﻟﺠﺪﻱ .
ﺩﺧﻠﺖ ﺟﺪﺗﻲ ﻭﻳﺎﻫﺎ ﺷﻬﺪ ﻭﺍﺻﻴﺢ ﻋﻠﻰ ﺍﻡ ﺍﺣﻤﺪ
ﺟﺪﺗﻲ
- ﺍﺷﺒﻴﺞ ﻓﻠﻔﻠﺘﻲ ﺍﻡ ﺍﺣﻤﻴﺪ ﻻﻥ ﺧﻠﻴﻞ ﺭﺍﻳﺪ ﺑﺖ ﺍﻟﻤﻮﻣﻦ ﻭﻣﺎ ﻗﺒﻞ ﺑﺒﺘﺞ ﺳﻮﻳﺘﻲ ﻟﻐﻮﺓ ﻋﻠﻰ ﺍﺑﻦ ﺑﺘﻲ ﻭﺍﺻﻴﺎﺡ ﺟﺎ ﻣﺎ ﺭﺑﻴﺘﻲ ﺍﻭﻻﺩﺝ ﻭﺍﺣﺪ ﻳﺸﺮﺏ ﻭ ﺣﺸﺎﺵ ﻭﺍﻟﺜﺎﻧﻴﺔ ... ﻣﺎ ﻛﻤﻠﺖ ﺍﻟﻜﻠﻤﺔ ﺑﺲ ﻛﺎﻟﺖ
- ﺍﺍﺍﺥ ﺟﺒﺘﻮ ﺍﻟﻲ ﺍﻟﺴﻜﺮ ﺍﻟﻠﻪ ﻳﻬﺪ ﺣﻴﻠﺞ ﻋﻠﻰ ﻫﺎﻱ ﺍﻟﺨﻠﻔﺔ ﺍﻟﻄﺎﻳﺢ ﺣﻈﻬﺎ ...
ﺍﻡ ﺍﺣﻤﺪ - ﻫﺎ ﺑﺖ ﺍﻟﻤﻮﻣﻦ ﻧﻔﺴﻬﺎ ﻫﺎﻱ ﺍﻟﻲ ﺟﺎﻧﺖ ﺗﺤﺠﻲ ﻭﻳﻪ ﻳﺎﺳﺮ
ﻫﺎﻱ ﺍﻟﻲ ﻛﺸﻔﺘﻬﺎ ﺭﺳﻼﻥ ﻋﺪﻫﺎ ﻋﻼﻗﺔ ﻭﻳﻪ ﺍﻟﺸﻔﻴﺔ
ﺃﺷﺮﺕ ﻋﻠﻴﻪ
- ﻳﻌﺮﻑ ﺍﺧﺖ ﻣﺮﺗﻪ ﻋﻠﻰ ﻣﺮﺗﻪ ﻭﺍﺑﻮﻫﺎ ﻛﺸﻔﻬﻦ ﻭﻃﻠﻚ ﺑﺘﻪ
بيج قصص عراقيه حقيقيه من واقعنا.روعه الطائي
ﺑﺼﻴﺎﺡ ﻛﻼﻣﻬﺎ ﻭ ﺑﻴﺒﻲ ﺍﺿﺮﺏ ﻋﻠﻰ ﺍﻳﺪﻫﺎ ﺍﺗﺮﻳﺪﻫﺎ ﺗﺴﻜﺖ ﻭﻫﻲ ﺗﻌﻠﻲ . ﺍﻧﻪ ﺣﺎﻳﺮ ﺑﺠﺪﻱ ﻧﻮﺑﺔ ﺍﻟﻜﺤﻪ ﻣﺎ ﻫﺪﺃﺕ ﻭ ﺑﻴﺒﻲ ﺷﺎﻟﺖ ﻋﻮﺟﻴﺘﻬﺎ ( ﻋﻜﺎﺯﻫﺎ ) ﻭ ﺿﺮﺑﺖ ﺑﻴﻪ ﺍﻡ ﺍﺣﻤﺪ ﻭﺍﺟﺖ ﺭﺳﻼﻥ ﺍﺩﺍﻓﻊ ﻋﻦ ﺍﻣﻬﺎ
ﺧﻠﻴﻞ
- ﻛﺎﻓﻲ ﻋﺎﺩ ﻫﺎﻱ ﺷﻨﻮ
ﻭﺍﻧﺖ ﺭﻭﺣﻲ ﺣﻄﻲ ﺷﻲ ﻋﻠﻰ ﺭﺍﺳﺞ
ﻗﺎﺻﺪ ﺭﺳﻼﻥ
- ﻋﻮﻓﻮ ﺍﻣﻲ
ﺗﺒﺠﻲ ﻭﺗﺤﺠﻲ ﺍﻡ ﺍﺣﻤﺪ
- ﺧﻠﻴﻞ ﺍﺑﺸﺮﻙ ﻫﺎﻱ ﺍﻟﻲ ﺍﺗﺮﻳﺪ ﺗﺎﺧﺬﻫﺎ ﻳﺎﺳﺮ ****** ( ﻛﺎﻟﺖ ﻛﻠﻤﺔ ﻣﻌﻴﺒﺔ ) ﺑﻤﻌﻨﻰ ﻋﻨﺪﻩ ﻋﻼﻗﺔ ﻛﺒﻴﺮﺓ ﺑﺰﻳﻨﺐ
ﺭﺳﻼﻥ - ﺑﺲ ﻻ ﻫﺎﻱ ﺯﻳﻨﺐ ﺍﻟﻲ ﻳﺮﻳﺪ ﻳﺎﺧﺬﻫﺎ
ﺗﺤﺠﻮﻥ ﻋﻠﻴﻪ ﻭﺷﻮﻓﻮ ﺍﻟﻠﻪ ﺍﺷﻠﻮﻥ ﺑﻼﻛﻢ
ﻋﺪﻫﺎ ﻋﻼﻗﺔ ﻭﻳﺔ ﻳﺎﺳﺮ ﺻﺪﻳﻘﻚ ﻭ ﺟﺎﻧﺖ ﺗﺤﺠﻲ ﻭﻳﺎﻩ ﻟﻨﺼﺎﺹ ﺍﻟﻠﻴﺎﻟﻲ ﻭﺧﻄﻴﺒﻬﺎ ﺍﺑﻦ ﻋﻤﻬﺎ ﺗﻌﺮﻑ ﺷﻨﻮ ﺍﺑﻦ ﻋﻤﻬﺎ ﻛﺸﻔﻬﺎ ﻭﻃﻠﻚ
ﺍﻧﻲ ﺑﻬﺘﺖ ﻣﺼﺪﻭﻡ ﻣﻨﻬﻦ ﻋﺎﻳﻒ ﺟﺪﻱ ﻭ ﻭﺍﻛﻒ ﻋﻠﻰ ﺻﻔﺤﺔ
ﺧﻠﻴﻞ ﺷﺎﻝ ﺭﺟﻠﺔ ﻭﺿﺮﺏ ﺭﺳﻼﻥ ﺑﻴﻬﺎ ( ﺟﻼﻕ ) ﺿﺮﺑﺔ ﻗﻮﻳﺔ ﻭﻛﻌﻬﺎ ﻋﻠﻰ ﺍﻻﺭﺽ ﻭ ﺿﺮﺑﻬﺎ ﻣﺮﺓ ﺛﺎﻧﻴﺔ ﺑﺮﺟﻠﺔ ..
ﻭﺍﻣﻬﺎ ﺍﺻﻴﺢ ﺍﻧﻲ ﺟﺮﻳﺖ ﺷﻬﺪ
- ﻳﻼ ﺍﻣﺸﻲ ﻧﻄﻠﻊ ﻣﻨﺎ ﻋﻔﺖ ﺧﻠﻴﻞ ﻳﻀﺮﺏ ﺑﺒﺖ ﻋﻤﻪ ﻣﻨﻬﺎﺭ ﻋﻠﻰ ﻛﻼﻣﻬﻦ ﻭﻃﺎﻟﻊ ﻣﻦ ﺑﻴﺘﻬﻢ ﻭﻣﻦ ﻭﺻﺎﺧﻪ ﺍﻟﺒﺸﺮ ﺍﻟﻲ ﺑﻴﻪ
- ﻋﺰﺓ ﻳﺎﺳﺮ ﺧﻠﻴﻞ ﺭﺍﺡ ﻳﻜﺘﻞ ﺭﺳﻼﻥ
ﺍﻟﻜﻠﺒﺔ
- ﺑﺖ ﻋﻤﺔ ﻭﻣﺤﺪ ﻳﻜﺪﺭ ﻳﺤﺎﺟﻴﻪ ﺧﻠﻲ ﻳﺴﻮﻱ ﺍﻟﻲ ﻣﺎ ﺳﻮﻳﺘﻪ ﺍﻧﻪ ﻏﺮﻳﺐ ﻋﻨﻬﺎ
ﻫﻲ ﻭﺍﻣﻬﺎ ﺣﺮﻕ ﺟﺪﻱ ﺍﺫﺍ ﺧﻼﻫﺎ ﺑﺒﻴﺘﻪ ﻓﻼ ﺍﺩﺧﻠﺔ ..
ﺷﻬﺪ - ﺧﻞ ﺍﻧﺮﻭﺡ ﻻ ﻳﺠﻲ ﻋﺎﺩﻝ ﻭﻳﺘﻌﺎﺭﻙ ﻭﻳﺎﻙ
- ﺷﺤﺪﻩ ﺟﺪﻱ ﻛﺎﻳﻞ ﺍﻟﻬﻢ ﺑﺠﻴﺘﻲ ﻭﻃﺎﻟﻌﻴﻦ ﻣﻦ ﺍﻟﺒﻴﺖ ﺑﻮﻛﺖ ﺩﺧﻠﺘﻲ
ﺻﻌﺪﻧﺎ ﺍﻟﺴﻴﺎﺭﺓ ﻭ ﺭﺣﻨﺎ ﺑﻌﺪﻧﺎ ﻣﺎ ﻃﺎﻟﻌﻴﻦ ﻋﻦ ﺣﻼﻝ ﺟﺪﻱ ﺍﺗﺼﻞ ﺧﻠﻴﻞ
- ﻫﺎ ﺧﻠﻴﻞ
- ﻭﻳﻦ ﻋﻔﺘﻨﻲ ﺍﻧﻲ ﻣﺎ ﺟﺎﻱ ﺑﺴﻴﺎﺭﺗﻲ ﺗﻌﺎﻝ ﺍﺧﺬﻧﻲ ﻣﻮ ﺟﺎﻱ ﻭﻳﺎﻙ ﺍﻧﻲ ﺍﺷﻠﻮﻥ ﺗﻌﻮﻓﻨﻲ
ﻳﺼﻴﺢ ﻭﺍﺳﻤﻊ ، ﺍﺻﻮﺍﺕ ﻧﺴﺎﺋﻴﺔ ﻭﻳﺎﻩ ﺍﺻﻴﺢ ﻭﺍﺩﻋﻲ ﻋﻠﻴﻪ
ﺷﻬﺪ
- ﺑﺲ ﻻ ﻳﺼﺪﻙ ﻛﻼﻣﻬﻦ
- ﻻ ﻣﺴﺘﺤﻴﻞ ..
ﺭﺟﻌﻨﺎ ﺍﺧﺬﻧﺎﻩ ﻛﻌﺪ ﺑﺲ ﻳﻠﻬﺚ ﻭﻋﺮﻛﺎﻥ ﻭﺟﻪ ﻳﻀﺦ ﻋﺮﻙ ﻭ ﺩﻣﻪ ﻳﻐﻠﻲ
ﻛﻌﺪ ﻭﺭﺍﻳﺔ ﻻﻥ ﺷﻬﺪ ﻳﻤﻲ
ﺧﻠﻴﻞ
- ﺳﺎﻗﻄﺔ
ﻓﺘﺢ ﺷﻌﺮﻩ ﻭﻓﺘﺢ ﺍﻭﻝ ﺍﺯﺭﺍﺭ ﻗﻤﻴﺼﺔ ﻭﻇﻞ ﻳﺤﺠﻲ ﻭ ﻳﻐﻠﻂ ﻭﺣﺪﻩ
ﺑﻨﺺ ﺍﻟﻄﺮﻳﻖ ﺻﺎﺡ
- ﺷﻨﻮ ﻫﺬﺍ ﺍﻟﺤﺠﻲ ﻭﻫﻨﻪ ﻳﻤﺘﻰ ﻋﺪﻫﻦ ﻣﻌﺮﻓﺔ ﺑﺰﻳﻨﺐ ﺣﺘﻰ ﻫﻴﺞ ﻳﻄﻠﻌﻦ ﻋﻨﻬﺎ ﻛﻼﻡ ﺑﻜﻞ ﺻﻼﻓﺔ ﻭﺍﻧﺖ ﺍﺷﻠﻮﻥ ﺗﺴﻜﺖ ﻋﻨﻪ ﻫﺎﺍﺍ
ﺍﺣﺠﻲ
- ﺑﻌﺪﻳﻦ ﺍﺳﻮﻟﻒ ﺍﻟﻚ ﺧﻞ ﻧﻮﺻﻞ ﺑﺎﻟﺴﻼﻣﺔ
ﻇﻞ ﻳﺤﻠﻒ ﻭﻳﺘﻮﻋﺪ ﺑﻴﻬﻦ
ﻭﺻﻠﻨﺎ ﻭ ﺍﺧﺬﺗﻪ ﺑﺎﻻﺳﺘﻘﺒﺎﻝ ﻭﺳﻮﻟﻔﺖ ﺍﻟﻪ
ﻋﻦ ﺗﺄﻭﻳﻼﺗﻬﻦ ﺍﻟﻘﺪﻳﻤﺔ ﻋﻨﻲ ﻭ ﻣﻮﻗﻒ ﺍﻫﻞ ﺍﻟﺒﻨﻴﺔ ﻭﻣﺪﻯ ﺗﺄﺛﻴﺮﺓ ﻋﻠﻰ ﺣﻴﺎﺗﻬﺎ
بيج قصص عراقيه حقيقيه من واقعنا.روعه الطائي
- ﺧﻠﻴﻞ ﺍﺗﺮﻳﺪﻧﻲ ﺍﺣﻠﻒ ﺍﻟﻚ ﺍﺧﺬﻧﻲ ﻟﻜﺮﺑﻼﺀ ﻭﺍﺣﻠﻒ ﺍﻟﻚ ﺑﻀﺮﻳﺢ ﺍﺑﻮ ﻓﺎﺿﻞ ﺍﻧﻪ ﻻ ﻣﺒﺎﻭﻉ ﻟﻮﺟﻬﺎ ﺑﺸﻴﻦ ﻭﺍﻟﺒﻨﻴﺔ ﺷﺮﻳﻔﺔ
ﻭﺍﺻﻼ ﺍﻟﺴﺎﻟﻔﺔ ﻣﺜﻞ ﻣﺎ ﻛﻠﺖ ﺍﻟﻚ ﻣﺎ ﺍﺛﺮﺕ ﻋﻠﻰ ﺯﻭﺍﺟﻲ ﺟﺬﺍﺑﺎﺕ ﻭﺍﺳﺘﻤﺮ ﻟﻜﻦ ﺑﺴﺒﺐ ﺭﻗﻴﺔ ﻭ ﻋﺪﻡ ﻗﺪﺭﺗﻬﺎ ﻋﻠﻰ ﻣﺴﺆﻭﻟﻴﺔ ﺍﻟﺰﻭﺍﺝ
ﻣﻦ ﺍﺧﺘﻨﻚ ﻋﻠﻲ ﺧﻠﺖ ﺍﺑﻮﻫﺎ ﻳﺎﺧﺬﻫﺎ
- ﺍﻧﺖ ﺻﺪﻙ ﺗﺤﺠﻲ ﻭﻟﻚ ﻣﺎ ﺗﻜﻮﻝ ﺍﻟﻲ ﻫﺎﺍﺍ ﻟﻴﺶ ﺍﻧﻲ ﻣﺎ ﺍﻋﺮﻑ ﺻﺎﻳﺮﺓ ﻛﻌﺪﻩ ﺯﻟﻢ ﻭﺣﻚ ﻭ ﻣﺤﻜﻮﻙ
ﻭﺍﺣﻨﻪ ﻣﺎ ﻧﺪﺭﻱ
- ﺍﻱ ﺷﻨﻮ ﺍﺗﺮﻳﺪ ﺍﻧﺸﺮﻫﺎ ﺑﻴﻦ ﺍﻗﺎﺭﺑﻨﺎ ﺍﺣﻨﻪ ﻫﺎﻱ ﺍﻟﻜﻠﺒﺔ ﺭﺳﻼﻥ ﺑﺎﻟﻜﺘﻞ ﻭﺍﻟﺘﻬﺪﻳﺪ ﺳﻜﺘﻨﺎﻫﺎ ﻭﻫﺴﺔ ﺭﺟﻌﺖ ﻣﺎ ﻓﺎﺩ ﺑﻴﻬﺎ
- ﺍﺍﺍﺍﺥ ﻳﻌﻨﻲ ﻣﺮﻳﻀﺔ ﺑﺎﻟﻘﻠﺐ ﺯﻳﻨﺐ !
- ﻻ ﻣﺎ ﺍﺩﺭﻱ ﺷﻨﻮ ﻫﺴﺔ ﺻﺤﺘﻬﺎ ﺑﺲ ﺳﻤﻌﺖ ﺑﻮﻗﺘﻬﺎ ﺻﺎﺭﺕ ﻋﺪﻫﺎ ﺍﺯﻣﺔ ﺻﺤﻴﺔ ﻧﺴﻴﺖ ﺫﺑﺤﺔ ﻣﺪﺭﻱ ﻧﻮﺑﺔ
- ﺷﻬﺪ ﻟﻴﺶ ﺿﻤﺖ
- ﺧﻠﻴﻞ ﻫﺬﺍ ﺍﻟﺸﻲ ﺣﺴﺎﺱ ﻣﻮ ﻧﻤﺸﻲ ﻭﻧﺤﺠﻲ ﺑﻴﻪ
ﺍﻧﻲ ﻳﻤﻚ ﻭﺗﻌﺮﻓﻨﻲ ﺍﺫﺍ ﺍﻧﻲ ﺍﺑﻦ ﺣﺮﺍﻡ ﻭﺍﺳﻮﻳﻬﺎ ﻟﻮ ﻻ ﺍﻟﺘﻬﻤﺔ ﺍﻟﻲ ﻟﻔﻘﻨﻬﺎ ﻭﻳﺎﻱ
ﻣﻮ ﻭﻳﻪ ﺷﺎﺏ ﻏﻴﺮﻱ ﺣﺘﻰ ﺗﺸﻚ
- ﻻ ﻣﺎ ﺷﺎﻙ ﻫﻲ ﺍﻟﻤﻮ ﺧﻮﺵ ﻭﺟﺪﻱ ﺗﻮﺭﻁ ﺑﻴﻬﺎ ﻫﺎﻟﻜﻠﺒﺔ ( ﺭﺳﻼﻥ )
ﺍﺗﻮﻗﻊ ﻣﻨﻬﺎ ﻛﻠﺸﻲ
ﻗﺎﺑﻞ ﻣﺎ ﺍﻋﺮﻓﻬﺎ ﺍﻧﻲ ﺍﻻﺑﻨﻴﺔ ﺍﺷﺮﻑ ﻣﻦ ﺍﻟﺸﺮﻑ ﻧﻔﺴﺔ
ﺑﺲ ﺷﻮﻑ ﺍﻟﺬﻧﺐ ﺍﻟﻲ ﺭﺍﺡ ﻳﺸﻴﻠﻨﺎ ﺑﻨﺎﺕ ﺍﺑﻠﻴﺲ ﺍﻟﻲ ﻃﻌﻨﻨﻬﺎ ﺑﺸﺮﻓﻬﺎ ﻭ ﻣﺮﺿﻨﻬﺎ ﻭﺍﻧﻲ ﺍﻛﻮﻝ ﻟﻴﺶ ﺗﺘﺤﺠﺠﺖ ﻭ ﺑﺎﻟﻜﻮﺓ ﺍﻻ ﻭﺍﻓﻘﺖ ﻋﻠﻴﻪ
- ﺧﻠﻴﻞ ﺟﻨﺖ ﻭﺍﺛﻖ ﻣﻨﻚ ﺭﺟﺎﻝ ﻭﺭﺍﺡ ﺗﻌﻮﺿﻬﺎ
ﺣﺘﻰ ﺳﻌﻴﺖ ﺍﻟﻚ ﺍﻫﻮﺍﻱ ﺗﺎﺧﺬﻫﺎ
ﻗﺎﺻﺪ ﺳﺆﺍﻝ ﻋﻦ ﺍﻟﻨﺎﺱ ﺍﻟﻲ ﺧﻄﺒﻮﻫﺎ ﻭ ﺍﺻﺮﺍﺭﻱ ﻳﻄﻠﻊ ﺑﻴﻬﻢ ﻋﻴﺐ ﺣﺘﻰ ﻳﺒﺘﻌﺪﻭﻥ ﻋﻨﻬﺎ . ﻛﻠﻪ ﻻﺟﻞ ﺍﺣﺴﺎﺳﻲ ﺑﺎﻟﺬﻧﺐ ﺃﺗﺠﺎﻫﺎ ،ﺑﺴﺒﺐ ﺑﻨﺎﺕ ﺧﺎﻟﻲ ﻫﻲ ﺣﻴﺎﺗﻬﺎ ﺍﺩﻣﺮﺕ
ﺷﻔﺘﻚ ﺗﻌﻮﻳﺾ ﺍﻟﻬﺎ ﻭﺍﺭﺗﺎﺣﻴﺖ ﻫﺴﺔ ﺣﻴﻞ ﻣﻦ ﻋﺮﻑ ﻛﻠﺸﻲ ﻭ ﻣﺎ ﺯﻟﺖ ﻣﺘﻤﺴﻚ ﺑﻴﻬﺎ ...
ﺑﻌﺪ ﺍﻟﺴﻜﻮﺕ ﻛﺎﻝ
- ﺑﺲ ﺍﻧﻲ ﺧﺎﻳﻒ
ﻻ ﻋﺪﻫﺎ ﻗﻠﺐ
ﺍﻧﻲ ﺍﺭﻳﺪ ﺍﺻﻴﺮ ﺃﺏ
- ﺷﻬﺪ ﺷﻬﺪ
ﺻﺤﺖ ﻟﺸﻬﺪ ﺗﺎﺧﺮﺕ ﺍﻻ ﺍﺟﺖ
ﻭﻫﻲ ﺗﻌﺪﻝ ﺑﺸﺎﻟﻬﺎ
- ﻫﺎ ﻳﺎﺳﺮ
- ﺗﻌﺎﻟﻲ ﺍﻛﻌﺪﻱ ﻳﻤﻲ ﺑﺲ ﺳﺪﻱ ﺍﻟﺒﺎﺏ
ﺍﺟﺖ ﻳﻤﻲ
- ﺯﻳﻨﺐ ﺷﻨﻮ ﻭﺿﻌﻬﺎ ﺍﻟﺼﺤﻲ
- ﺗﻤﺎﻡ ﺍﻟﺤﻤﺪﻟﻠﻪ
ﺧﻠﻴﻞ - ﻫﻲ ﻋﺪﻫﺎ ﻗﻠﺐ؟
- ﻻ ﻳﺎﺑﺔ ﺷﻨﻮ ﻗﻠﺒﻬﺎ ﻻ ﺿﻌﻴﻒ ﻭﻻ ﺷﻲ ﺑﺲ ﺑﻔﺘﺮﺓ ﻗﺒﻞ ﺳﻨﺘﻴﻦ ﺗﻌﺎﺭﺿﺖ ﺑﺴﺒﺐ ﺍﻝ ﺍﺣﻢ ﻳﻌﻨﻲ
ﻛﻠﺖ
- ﺳﻮﻟﻔﺖ ﺍﻟﻪ ﺷﻬﺪ ﻳﺪﺭﻱ
- ﻫﺎ ﻳﺪﺭﻱ
ﺍﺣﻢ ﺍﻱ ﺑﺴﺒﺐ ﺍﻟﻲ ﺻﺎﺭ
ﺑﺲ ﺗﺮﺓ ﻫﻲ ﺗﺤﺴﺲ ﻳﻌﻨﻲ ﺍﺫﺍ ﺭﺩﺕ ﺗﺴﺤﺐ ﻧﻔﺴﻚ ﺣﺒﺎﺏ ﻣﺮﺍﺡ ﺍﻛﻮﻝ ﺍﻟﻬﺎ ﻫﺬﺍ ﺍﻟﺴﺒﺐ ﺍﺩﻣﺮﻫﺎ ....
- ﻻ ﻣﺎ ﻳﻌﻮﻓﻬﺎ ﺑﺲ ﺣﮕﺔ ﻳﻌﺮﻑ ﻭﺿﻌﻬﺎ ﺍﻟﺼﺤﻲ ﺯﻭﺍﺝ ﻫﺬﺍ ﻣﻮ ﻟﻌﺒﺔ ﺍﺫﺍ ﺍﻛﻮ ﺷﻲ ﻛﻮﻟﻲ
- ﻻ ﻭﺍﻟﻠﻪ ﻣﺎ ﺑﻴﻬﺎ ﺷﻲ ﺣﺎﻟﻴﺎً ﻋﺎﻝ ﺍﻟﻌﺎﻝ
ﻗﺎﺑﻞ ﺍﺧﺪﻉ ﺧﻠﻴﻞ
ﻃﻠﻌﺖ ﺷﻬﺪ ﻭﻫﻮ
ﻃﻠﻊ ﺑﺎﻛﻴﺖ ﺟﻜﺎﻳﺮﺓ ﻭﻫﻮ ﻳﺰﻳﻞ ﻛﺬﻟﺘﻪ ﻋﻦ ﻭﺟﻬﻪ ﺑﺪﺃ ﻳﺪﺧﻦ ﺑﻘﻬﺮ
ﺧﻠﻴﻞ
- ﺑﺲ ﻫﺬﺍ ﺍﻟﻄﻨﻄﻞ ﺍﺷﻠﻮﻥ ﻳﺜﺒﺖ ﺍﻟﺤﺠﻲ ﻋﻠﻰ ﺑﺖ ﻋﻤﻪ ﻭﻳﻌﻮﻓﻬﺎ
- ﻣﺎ ﺍﻋﺮﻑ ﺍﻟﻤﻔﺮﻭﺽ ﻳﻌﺮﻓﻬﺎ ﻫﻲ ﺷﻨﻮ ﻭ ﻳﻜﺘﻞ ﺍﻟﻜﻼﻡ ﺑﺰﻭﺍﺟﻪ ﻣﻨﻬﺎ
ﻣﻮ ﻳﺮﻭﺡ ﻳﺎﺧﺬ ﺍﻟﻲ ﺷﻴﻌﺖ ﺍﻟﻜﻼﻡ ﻋﻨﻬﺎ ﻣﺎ ﺍﺷﻮﻓﺔ ﻧﺎﻗﺺ ﻣﺜﻞ ﺍﺣﻤﺪ ؟ .
- ﻛﻠﺐ ﻣﻦ ﺍﻟﻠﻪ ﺟﻨﺖ ﺍﻛﺮﻫﻪ ﻣﻮ ﻣﻦ ﻓﺮﺍﻍ ﺟﻴﺮﺍﻥ ﺍﻟﺸﻮﻡ ﻣﻮ ﺯﻟﻢ ﻧﺴﻮﺍﻥ ﻫﻤﻪ ﻭﺍﺑﻦ ﻋﻤﻬﻢ ﻛﺮﺍﺭ
- ﻧﺎﺱ ﺗﻌﺒﺎﻧﻪ ﺍﺷﻠﻮﻥ ﻋﻤﻬﻢ ﺷﻴﺦ ﻭﺧﻠﻮﻕ ﻫﻴﺞ
- ﻻ ﺑﻴﺖ ﺍﻟﻤﻮﻣﻦ ﻏﻴﺮ ﻋﻨﻬﻢ ﻣﻦ ﺯﻣﺎﻥ ﺍﻧﻲ ﺍﻋﺮﻓﺔ ﻣﻦ ﺍﺟﺮ ﻓﺘﺮﺓ ﻳﻤﻨﺎ ﻭﺟﺎﻭﺭﻧﺎ ..
ﻣﻦ ﺟﺎﻧﺖ ﺯﻳﻨﺐ ﻃﻔﻠﺔ !
- ﺗﺬﻛﺮﻫﺎ ﻭﻫﻲ ﻃﻔﻠﺔ !
ﺳﻜﺖ ﻭ ﻛﻌﺪ ﻳﺪﺧﻦ ﺍﻋﺮﻓﺔ ﻣﻦ ﻫﻴﺞ ﻳﻨﮕﻠﺐ ﻭﺟﻪ ﻳﻌﻨﻲ ﺑﻘﻤﺔ ﻏﻀﺒﺔ ﻭﺿﻮﺟﺘﻪ
ﻭﺿﺢ ﻋﻠﻴﻪ ﺗﺄﺛﻴﺮ ﺍﻟﻜﻼﻡ ﺍﻟﻲ ﻛﺎﻟﻨﻪ ﻋﻨﻬﺎ ﻣﺮﺕ ﺧﺎﻟﻲ ﻭﺑﺘﻬﺎ
︎▪ ﺷﻬﺪ
ﺍﻟﻴﻮﻡ ﺍﺑﺎﺕ ﺍﻫﻨﺎ ﺑﺒﻴﺖ ﻳﺎﺳﺮ ..
ﺷﻔﺖ ﺧﻠﻴﻞ ﻭﺗﻐﻴﺮ ﺣﺎﻟﻪ ﻭ ﺯﻭﺍﻝ ﺑﻬﺠﺘﺔ ﺑﻤﻮﺍﻓﻘﺔ ﺟﺪﻱ ﺑﺴﺒﺐ
ﻛﻼﻣﻬﻦ ﺍﻟﺒﺬﻳﺊ ﺍﻟﻲ ﻳﺴﻢ ﺍﻟﺒﺪﻥ
ﻃﺒﻌﺎ ﻳﺎﺳﺮ ﻣﺎ ﻣﺴﻮﻟﻒ ﺍﻟﻪ ﻋﻦ ﻣﺤﺎﺩﺛﺎﺗﻬﺎ ﻭﺍﻧﻲ ﺍﺗﻮﻗﻌﻬﺎ ﻋﺒﻂ ﻣﻨﻬﺎ ﻭ ﻋﺎﺩﻱ ﻋﻨﺪﻱ ﻏﻠﻄﺔ ﻭﺭﺍﺣﺖ ﻣﻮ ﻗﺼﺪﻫﺎ ﺷﻲ ﺍﻟﺒﻨﻴﺔ ﻭﻣﻊ ﻫﺬﺍ ﻣﺎ ﻛﺎﻝ ﺍﻟﻪ
ﺭﺣﺖ ﺍﻟﻪ
ﺳﺄﻟﺘﻪ ﻋﻦ ﻳﺎﺳﺮ ﻛﺎﻝ ﻣﺎ ﺍﺩﺭﻱ ﻭﻳﻨﻪ
- ﻳﻤﻜﻦ ﺑﻐﺮﻓﺘﻪ ﺍﻛﻮﻟﻚ ﺧﻠﻴﻞ ﺍﺷﻮﻓﻚ ﺿﺎﻳﺞ
ﻛﻌﺪﺕ ﻣﻘﺎﺑﻠﺘﻪ ﻋﻠﻰ ﺍﻟﻘﻨﻔﺔ .
ﻋﺪﻝ ﻣﻦ ﻛﻌﺪﺗﻪ ﻭﺍﻟﺠﻜﺎﺭﺓ ﻣﺎ ﻭﻛﻌﺖ ﻣﻦ ﺍﻳﺪﻩ ..
- ﺗﺮﺓ ﺯﻳﻨﺐ ﻭﺍﻟﻠﻪ ﻣﺎﻋﺪ .....
- ﺍﺵ ﺍﻧﺖ ﺍﻟﺜﺎﻧﻴﺔ ﻣﺎ ﻣﺼﺪﻙ ﺷﻲ
ﺑﺲ ﻣﻮ ﺑﻴﺪﻱ ﺍﺳﻤﻊ ﻋﻨﻬﺎ ﻫﻴﺞ ﻛﻼﻡ
ﻃﻔﻰ ﺍﻟﺠﻜﺎﺭﺓ
- ﺿﺎﻳﺞ ﻣﻦ ﻧﻔﺴﻲ ﺍﺟﻴﺖ ﺍﻛﺘﻞ ﺑﺖ ﻋﻤﻲ
ﺍﻟﻴﻮﻡ ﻭ ﺿﺎﻳﺞ ﻣﻦ ﺍﻟﻤﻮﻗﻒ ﻛﻠﻪ
- ﻭ ﺯﻳﻨﺐ ؟
ﻣﺎ ﺗﺄﺛﺮﺕ ﺑﺸﻲ ﺍﺗﺠﺎﻫﺎ
ﺳﻜﺖ ..
- ﺯﻳﻨﺐ ﺑﺪﺕ ﺗﺤﺒﻚ ﻭ ﺗﺮﺓ ﺗﻨﺘﻈﺮﻙ
ﺑﺎﻭﻋﻠﻲ ﺑﺤﺰﻥ ﺍﺳﺘﺮﺳﻠﺖ ﻛﻼﻣﻲ
ﻣﺸﺠﻌﺔ
- ﻫﻲ ﺻﺮﻳﺤﺔ ﻭ ﻣﺎ ﺗﻌﺮﻑ ﺍﻟﺠﺬﺏ ﺻﺮﻳﺤﺔ ﻭﺣﺎﺩﺓ ﺍﺗﻜﻮﻝ ﻟﻚ ﺍﻟﻲ ﻳﺰﻋﺠﻬﺎ ﺑﻴﻚ ﺑﺪﻭﻥ ﺍﻱ ﻣﺮﺍﻭﻏﺔ ﻭﺟﺬﺏ ﻫﻲ ﺍﻧﺴﺎﻧﺔ ﻋﻔﻮﻳﺔ ﻭ ﺑﺴﻴﻄﺔ ﮔﻠﺒﻬﺎ ﻃﻴﺐ ﻭ ﺣﻨﻮﻥ ﻭﻣﺮﺍﺕ ﺗﺪﻭﺱ ﺑﺎﻟﺒﻄﻦ ﺻﺤﻴﺢ ﺑﺲ
ﭐﺫﺍ ﺍﺗﻌﻮﺩﺕ ﻋﻠﻰ ﻋﺼﺒﻴﺘﻬﺎ ﺭﺍﺡ ﺍﺻﻴﺮ ﺧﺒﺎﻻﺗﻬﺎ ﻣﻀﺤﻜﺔ ﺑﺎﻟﻨﺴﺒﺔ ﺍﻟﻚ
ﺗﻜﺴﺮ ﺍﻟﺮﻭﺗﻴﻦ ﺑﻌﻼﻗﺘﻬﺎ ﻭﻳﺎﻙ ﻣﻮ ﻣﻤﻠﺔ ﺍﺑﺪ ﻭ ﻻ ﻧﻜﺪﻳﺔ ﺳﺮﻳﻌﺔ ﺍﻟﺮﻭﻗﺎﻥ ﺑﻜﻠﻤﺔ ﺣﻠﻮﺓ ﻭ ﻧﻈﺮﺓ ﻣﻨﻚ ﺗﺮﺿﻴﻬﺎ
ﺍﻧﻲ ﺍﺗﻌﻤﻘﺖ ﻭﻳﺎﻫﺎ ﺑﻌﻼﻗﺘﻲ ﺣﻨﻮﻧﺔ ﺑﺸﻜﻞ ﻣﻮ ﻃﺒﻴﻌﻲ ﻭﻃﺒﻴﻌﻴﺔ ﻛﻠﺶ ﻣﻮ ﻣﺼﻄﻨﻌﺔ ﺍﺑﺪ ﺍﺭﻳﺤﻲ
ﺍﺑﺘﺴﻤﺖ ﻭﻛﻠﺖ ﺍﻟﻪ
- ﻫﺪﻳﺘﻚ ﻣﻌﻄﺮﺓ ﻭ ﺑﻜﻨﺘﻮﺭﻫﺎ ﻣﺎ ﺗﻠﺒﺲ ﻋﻠﻰ ﻛﺪ ﻣﺎ ﺗﺜﻤﻨﻬﺎ ﻭﺗﻌﺰ ﺻﺎﺣﺒﻬﺎ ..
ﺗﺮﻛﺘﻪ ﻳﻔﻜﺮ ﻭﻳﺎﺧﺬ ﻗﺮﺍﺭ ﻭ ﺑﺒﺎﻟﻲ ﻣﻨﺘﻈﺮﺓ ﻗﺮﺍﺭ ﻣﻨﻪ ...
ﺍﻟﺼﺒﺢ ﻟﻜﻴﺖ ﻳﺎﺳﻤﻴﻦ ﻣﺤﻀﺮﺓ ﺭﻳﻮﻙ ﺍﻟﻬﻢ ﺍﺧﺬﺗﻪ ﺑﺼﻴﻨﻴﺔ ﻭ ﺭﺣﺖ ﻟﻼﺳﺘﻘﺒﺎﻝ ﻟﻜﻴﺘﻪ ﻻﺑﺲ ﻭﻳﺮﻳﺪ ﻳﻄﻠﻊ ﻟﺸﻐﻠﺔ
- ﺍﺗﺮﻳﻚ
ﺻﺤﺖ ﻟﻴﺎﺳﺮ ﺍﺟﻪ ﻳﻤﺔ ..
ﻗﺒﻞ ﻻ ﻳﻄﻠﻊ ﺑﺎﻟﺤﺪﻳﻘﺔ ﺻﺎﺣﻠﻲ ﺧﻠﻴﻞ .
- ﻫﺎ ﺻﺤﺘﻠﻲ
- ﺗﻌﺎﻟﻲ
ﻭﻛﻔﺖ ﻳﻤﺔ
- ﺷﻬﺪ ﻻ ﺗﻜﻮﻟﻴﻦ ﺍﻟﻬﺎ ﻋﺮﻓﺖ ﺷﻲ !..
ﻭﺑﻠﻐﻴﻬﺎ ﺟﺪﻱ ﻭﺍﻓﻖ ﺑﺲ ﻳﻤﺮ ﺍﺷﻮﻳﺔ ﻭﻛﺖ ﺧﻞ ﺗﻤﺮ ﺍﺭﺑﻊ ﺍﺷﻬﺮ ﻋﻠﻰ ﺍﻻﻗﻞ ﻋﻠﻰ ﻭﻓﺎﺓ ﺍﺑﻮﻳﺔ ﻭﺍﺗﻘﺪﻡ ﺍﻟﻬﺎ ﺑﺲ ﻫﻲ ﺧﻞ ﺗﻜﻮﻝ ﻻﻣﻬﺎ ﻭﺍﻧﺖ ﻟﻤﺤﻲ ﻟﻤﺮﺗﻀﻰ
ﺑﺲ ﺑﺎﻻﻭﻝ ﺷﻮﻓﻴﻬﺎ ﻣﻮﺍﻓﻘﺔ ﺭﺍﺡ ﺍﺻﻴﺮ ﺻﺪﻙ ﺗﺮﺓ ﻻ ﺗﻔﺸﻠﻨﻲ ...
ﻳﺘﺒﻊ
ﻣﺎ ﺍﺣﺐ ﺍﻟﺘﺸﺒﻴﻬﺎﺕ ﺑﺲ ﺑﺎﻟﻨﺴﺒﺔ ﻟﺨﻴﺎﻟﻲ ﻫﻴﺞ ﺍﺗﺨﻴﻞ ﺧﻠﻴﻞ ﺍﺑﻮ ﻛﻨﺰﻭﻋﻪ ﻫﻬﻬﻬﻪ
ﻃﺒﻌﺎ ﻫﻮ ﻳﻜﻠﻚ ﻳﻠﺒﺲ ﻧﻈﺎﺭﺍﺕ ﻃﺒﻴﺔ ﺍﻟﺸﻜﻞ ﺑﺲ ﻟﻠﻜﺸﺨﺔ ﻳﻌﻨﻲ ﺍﻟﻌﺪﺳﺎﺕ ﻓﺸﻨﻚ ﻟﻠﻜﺸﺨﻪ ﻫﻬﻬﻬﻬﻪ
يتبع
|