#ﺑﻨﺖ__ﺍﻟﻤﺆﻣﻦ
#ﺷﻴﺦ_ﺍﻟﺸﺒﺎﺏ_ج٢
ﻣﻦ ﻛﺘﺎﺑﺎﺕ ﺯﻫﺮﺍﺀ ﺍﻟﻌﺮﺍﻗﻴﺔ
#بارت٦
ﺃﺩﻣﻨﺖُ ﺃﺣﺰﺍﻧﻲ ﻓﺼﺮﺕ
ﺃﺧﺎﻑ ﺃﻟّﺎ ﺃﺣﺰﻧﺎ
ﻭﻃﻌﻨﺖ ﺃﻻﻓﺎً ﻣﻦ ﺍﻟﻤﺮّﺍﺕ
ﺣﺘّﻰ ﺻﺎﺭ ﻳﻮﺟﻌﻨﻲ
ﺑﺄﻥ ﻻ ﺃُﻃﻌﻨﺎ
- ﻧﺰﺍﺭ ﻗﺒﺎﻧﻲ
ﺑﻌﺪ ﻓﺘﺮﺓ ﻣﺮﺕ
____________
ﻛﻨﺖ ﺣﺎﻃﺔ ﺗﻠﻴﻔﻮﻧﻲ ﻭﺍﻛﺘﺐ ﺧﺎﻃﺮﺓ ﻣﺜﻞ ﻛﻞ ﻟﻴﻠﺔ ﻭﺍﺧﻠﻴﻬﺎ ﻣﺴﻮﺩﺓ ﻗﻴﺪ ﺍﻟﻨﺸﺮ
ﺍﻟﺸﻬﺮ ﺍﻟﺜﺎﻟﺚ ﻣﺮ ﻋﻠﻰ ﻓﺮﺍﻕ ﺗﻠﻚ ﺍﻟﺮﻭﺡ
ﺁﻟﺘﻲ ﻏﺎﺩﺭﺗﻨﺎ " ﺃﻟﻢ ﺃﺧﺒﺮﻙ ﺃﻥ ﻭﺟﻮﺩﻙ ﻛﺤﻴﺎﺓ ﺍﻟﺮﺻﺎﺻﺔ ﻗﺼﻴﺮ ، ﻭﺧﻠﻮﺩﻙ ﻙ ﺍﻟﺠﺮﺡ ﺍﻝ " ﺑﻠﻴﻎ " !..
ﻧَﺰﻟﺖ ﺍﻟﻤﺨﺪﺓ ﻋﻦ ﺍﻟﺤﺎﻳﻂ ﺍﻟﻲ ﻣﻨﺘﻜﻴﺔ ﻋﻠﻴﻪ ، ﻧﺰﻟﺘﻬﺎ ﻋﻠﻰ ﻓﺮﺍﺷﻲ ﻭﻧﻤﺖ ﻋﻠﻰ ﺿﻬﺮﻱ ﻣﺘﺤﻨﻄﺔ ﺗﻘﻲ ﺍﺟﻪ ﻋﻠﻰ ﺑﻄﻨﻲ
ﺍﻧﻲ ﻋﻠﻰ ﺍﻻﺭﺽ ﻭ ﻓﺮﺍﺷﺎﺕ ﺍﻟﺠﻬﺎﻝ ﻳﻤﻲ ،ﺭﻗﻴﺔ ﻭﺍﺑﻨﻬﺎ ﻋﻠﻰ ﺍﺳﺮﺗﻬﻢ
ﺣﺴﻴﺖ ﺍﻟﺒﺎﺏ ﻳﻨﻔﺘﺢ ﺭﻓﻌﺖ ﺭﺍﺳﻲ ﺷﻔﺖ ﻇﻞ ﻭﺍﺣﺪ ﻗﺼﻴﺮ ..
ﻇﻞ ﻭﺍﻛﻒ
- ﻣﻨﻮ
ﺍﺗﻘﺮﺏ ﻭ ﺍﺟﻪ ﺩﺣﺲ ﻧﻔﺴﻪ ﻳﻤﻲ
ﻫﻤﺴﺖ
- ﻗﺎﺳﻢ !
ﻏﻔﻴﺖ ﺍﻟﺼﺒﺢ ﻭﻣﺜﻞ ﻛﻞ ﻳﻮﻡ ﺍﻟﻜﺎﻩ ﻳﻤﻲ ﺑﺲ ﺍﻟﻴﻮﻡ ﺷﻔﺘﻪ ﻣﻦ ﺍﺟﻪ ﺍﻟﺒﺎﺭﺣﻪ ..
ﻭﺧﺮﺕ ﺭﺟﻠﻴﻦ ﺗﻘﻲ ﻋﻨﻲ ﻭﺍﻳﺪ ﻋﻠﻲ
ﺍﻟﻲ ﻣﺎ ﺍﻋﺮﻑ ﺍﺷﻠﻮﻥ ﻋﺎﻑ ﺳﺮﻳﺮﻩ ﻭﺍﺟﺎﻧﻲ ،ﻭ ﻃﻠﻌﺖ ﺍﺭﻛﺾ ﺍﺳﻮﻱ ﺭﻳﻮﻙ ﻗﺒﻞ ﻣﻮﻋﺪ ﻋﻼﺝ ﺍﻣﻲ ﻻﺯﻡ ﺑﻤﻮﻋﺪﻩ ﺣﺴﺎﺏ ﻣﻀﺒﻮﻁ ﻣﺘﻮﺟﺐ ﻋﻠﻴﻨﺎ
ﺣﻄﻴﺖ ﺍﻟﻠﺤﻠﻴﺐ ﻋﻠﻰ ﻧﺎﺭ ﻫﺎﺩﻳﺔ ﻭ ﺍﻟﺒﻴﺾ ﺣﻄﻴﺘﻪ ﻳﺴﺘﻠﻚ ﻭ ﺭﺣﺖ ﺩﺧﻠﺖ ﺍﻟﻬﺎ ﻫﻠﻴﺎﻡ ﺍﺑﻮﻳﺔ ﻳﺘﺮﻙ ﺍﻟﺒﺎﺏ ﻣﻔﺘﻮﺡ ﺣﺘﻰ
ﺍﺩﺧﻞ ﻭﺍﻧﻄﻴﻬﺎ ﺍﻟﻌﻼﺝ ﺍﻟﺼﺒﺢ ﻭﻫﻮ ﻳﺘﻮﻟﻰ ﻋﻼﺝ ﻧﺺ ﺍﻟﻠﻴﻞ ...
ﻭﻛﻔﺖ ﻳﻤﻬﺎ ﺣﺮﻛﺖ ﺷﻌﺮﻫﺎ ﻭﺑﺎﺑﺎ ﻧﺎﻳﻢ ﻋﻠﻰ ﻃﺮﻑ ﺍﻟﺴﺮﻳﺮ .. ﻫﻤﺴﺖ ﺣﺘﻰ ﻻ ﺍﺻﺤﻴﻪ ﻭﻳﺎﻫﺎ
- ﻣﺎﻣﺎ ﻣﺎﻣﺎ ...
ﻓﺘﺤﺖ ﺑﺒﻄﺊ ﺗﺜﺎﻭﺑﺖ ﻭ ﺳﺄﻟﺖ ﻋﻦ ﺍﻟﺴﺎﻋﺔ
ﺑﻨﻔﺲ ﺍﻟﻬﻤﺲ ﺭﺩﻳﺖ
- ﺑﺎﻟﺴﺘﺔ ﻭﻧﺺ ﻣﻮﻋﺪ ﻋﻼﺟﺞ ﺑﻌﺪ ﻧﺺ ﺳﺎﻋﺔ ...
ﺟﺒﺖ ﺍﻟﻜﺮﺳﻲ ، ﻭ ﺣﻄﻴﺖ ﺍﺩﻳﺔ ﺍﺟﻮ ﺍﺑﻄﻬﺎ ﻭ ﻭﻛﻌﺪﺗﻬﺎ ﻋﻠﻴﺔ ﻭ ﻣﺸﻴﺘﻬﺎ ﻟﻠﺘﻮﺍﻟﻴﺖ ﻣﻦ ﻭﺻﻠﻨﺎ ﻛﺎﻣﺖ ﻭ ﻫﻲ ﺗﺴﻨﺪ ﻧﻔﺴﻬﺎ ﺑﺎﻟﺤﺎﻳﻂ ﻭﺗﺘﻮﺟﻊ ﻣﻦ ﺭﺟﻠﻴﻬﺎ ﻭ ﺩﺧﻠﺖ ....
ﻭﺍﻧﻲ ﺭﺣﺖ ﻫﺪﺭﺕ ﺍﻟﺠﺎﻱ ﻭﺭﺟﻌﺖ ﺍﺧﺬﺗﻬﺎ
ﻛﺎﻟﺖ ﺍﺭﻳﺪ ﺍﺗﺮﻳﻚ ﺑﺎﻟﺼﺎﻟﺔ ..
ﺣﻄﻴﺘﻬﺎ ﻛﺪﺍﻡ ﺍﻟﻤﻴﺰ ﻭ ﺭﺣﺖ ﺟﺒﺖ ﺻﻴﻨﻴﺔ ﺭﻳﻮﻛﻬﺎ ﻭﻋﻔﺘﻬﺎ ﺗﺎﻛﻞ ﻋﻠﻰ ﻛﻴﻔﻬﺎ ..
ﺭﺣﺖ ﺍﻋﺰﻝ ﺑﺎﻟﻤﻄﺒﺦ ﺍﻟﺒﺎﺭﺣﻪ ﻋﻔﺘﻪ ﻣﺎ ﻋﺰﻟﺘﻪ ﺗﻌﺒﺖ ﻣﻦ ﺍﻟﺨﻄﺎﺭ ﺍﻟﻲ ﺍﺟﻪ ﻳﺸﻮﻑ ﺍﻣﻲ ﻭﺑﻘﻰ ﻋﻠﻰ ﺍﻟﻌﺸﺎ ﺑﻴﺖ ﺧﺎﻟﻲ ..
ﺍﻣﻲ ﺗﺨﺮﺑﻄﺖ ﺑﺎﻟﻠﻴﻞ ﻗﺒﻞ ﺍﺳﺒﻮﻉ ﺳﻜﺮﻫﺎ ﺻﻌﺪ ﻣﺜﻞ ﺍﻟﺼﻌﺪﺓ ﺍﻟﻲ ﺻﺎﺑﺘﻬﺎ ﻣﻦ ﺻﺎﺭﺕ ﺳﺎﻟﻔﺔ ﺳﻤﻌﺘﻲ ،ﺑﺲ ﻫﺎﻟﻤﺮﺓ ﻋﺎﻓﻴﺘﻬﺎ ﺍﺛﺮﺕ ﻋﻠﻰ ﺭﺍﺳﻬﺎ ﺷﻌﻠﺘﻪ ﻛﻠﺔ ﺷﻴﺐ ﻭﺑﺎﻟﻮﺟﻪ ﺍﺯﺩﺍﺩﺕ ﺍﻟﺘﺠﺎﻋﻴﺪ
ﺧﻠﺼﺖ ﺭﺣﺖ ﺍﻛﻌﺪ ﺭﻗﻴﺔ ﻭﺍﺭﺍﺿﻴﻬﺎ ﺍﻟﺒﺎﺭﺣﺔ ﻋﺼﺒﺖ ﻋﻠﻴﻬﺎ ﻷﻥ ﺟﺎﺑﺖ ﺍﻟﺸﺎﻝ ﺍﻟﻲ ﺍﺧﺬﺗﻪ ﻣﻦ ﻏﺮﺍﺽ ﻓﺎﻃﻤﺔ ﻭ ﺭﺍﻭﺗﻪ ﻻﻣﻲ ﺧﻠﺘﻬﺎ ﺗﻨﻬﺎﺭ ﺑﺠﻲ
ﻭﺣﻴﻞ ﻗﺴﻴﺖ ﻋﻠﻴﻬﺎ ﺧﻄﻴﺔ ﻧﺎﻣﺖ ﺩﻣﻌﺘﻬﺎ ﺑﻌﻴﻨﻬﺎ
ﻫﻤﺴﺖ ﻳﻢ ﺍﺫﻧﻬﺎ
- ﺭﻗﺮﻕ ﺭﻭﻗﺔ ﺍﻟﺰﻋﻼﻧﻪ ﺍﻟﻲ ﻟﻮﺗﻴﻪ ﺳﻮﺕ ﻧﻔﺴﻬﺎ ﺯﻋﻼﻧﻪ ﻭﻣﺎ ﻏﺴﻠﺖ ﺍﻟﻤﻮﺍﻋﻴﻦ
ﻛﻌﺪﺕ ﺗﻔﺮﻙ ﺑﻌﻴﻮﻧﻬﺎ
- ﺯﻳﻨﺐ
- ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺻﺒﺎﺡ ﺍﻟﺨﻴﺮ ﺍﻟﺨﻴﺮ
ﺍﻧﺖ ﺍﻧﺖ ﻛﻌﺪﺗﻴﻨﻲ ؟
- ﻻ ﻫﺬﺍ ﺧﻴﺎﻟﻲ
ﺷﺎﻓﺘﻨﻲ ﻣﺼﻨﻌﺔ ﺍﻻﺑﺘﺴﺎﻣﺔ
- ﻣﺎ ﻣﺎ ﺯﻋﻼﻧﻪ ﻣﻮ ﻣﻮ
ﻭﺷﺒﻜﺘﻴﻨﻲ
- ﻻ
ﺍﻧﺖ ﺧﺎﻑ ﺯﻋﻼﻧﻪ ﻻﻥ ﺻﻴﺤﺖ ﻋﻠﻴﺞ
- ﺍﻧﻲ ﺍﻧﻲ ﻋﺒﺎﻟﻲ ﺯﻋﻠﺘﺞ ﺑﻌﺪ ﺑﻌﺪ ﻣﺎ ﺍﻋﻴﺪﻫﺎ ﻣﺎ ﺍﻋﻴﺪﻫﺎ ...
- ﺧﻮﺵ ﺻﻴﺮﻱ ﺳﺒﺎﻋﻴﺔ ﻭ ﻻ ﺗﻈﻠﻴﻦ ﺗﺒﺠﻴﻦ ﺑﺄﻣﺞ
ﺍﻣﻨﺎ ﻣﺮﻳﻀﺔ
- ﺑﺲ ﺑﺲ ﺍﻧﺖ ﻟﻴﺶ ﻣﺎﺧﺬﻩ ﺷﺎﻝ ﺷﺎﻝ ﻓﺎﻃﻤﺔ ﻭﺍﻧﺖ ﻭﺍﻧﺖ ﻣﺎ ﺍﺗﻠﺒﺴﻴﻦ ﺷﺎﻝ ﺷﺎﻝ
ﻣﺠﺎﻭﺑﺖ ﻭ ﺭﺣﺖ ﻛﻌﺪﺕ ﺍﻟﺒﻘﻴﺔ ﻭﻛﺎﻟﻌﺎﺩﺓ ﺍﺻﻌﺪ
ﺍﻛﻌﺪ ﻣﺼﻄﻔﻰ ﻭﻣﻘﺘﺪﻯ
- ﺍﻛﻌﺪﻭﻭ ﻭﻟﻜﻢ ﺍﺭﻳﺪ ﺻﻤﻮﻥ
ﻣﻘﺘﺪﻯ - ﻗﺎﺳﻢ ﻳﺠﻴﺐ
- ﺧﻮﺵ ﻭﺍﻟﻠﻪ ﻫﻠﻴﺎﻡ ﻟﻜﻴﺖ ﻭﺍﺣﺪ ﻏﻴﺮﻙ ﻗﺎﺳﻢ ﻛﻠﺸﻲ ﺷﺎﻳﻞ ﻋﻨﻚ ﻣﺎ ﺗﺘﺼﺨﺮ ﺻﺎﻳﺮ
- ﻳﻮﻭ ﺭﻭﺣﻲ ﺟﻌﺒﺘﻲ
- ﺷﻨﻮ ﺟﻌﺒﺖ ﻫﺎﻱ ﻣﺎ ﻓﻬﻤﺖ
ﻣﻌﻨﺎﻫﺎ
ﺭﻓﻊ ﻣﺼﻄﻔﻰ ﺭﺍﺳﺔ
- ﻣﻌﻨﺎﻫﺎ ﻟﺰﻛﺘﻲ ﻭﺻﺪﻙ ﻟﺰﻛﺘﻲ ﺑﻌﺪ ﺍﺿﺮﺏ ﻣﻦ ﺍﻣﻲ
ﺍﺑﺘﺴﻤﺖ ﺑﻤﻠﻌﺔ ﻋﻴﻦ ﻭﻃﻠﻌﺖ
- ﻣﺎﻛﻮ ﻣﻨﻜﻢ ﻓﺎﻳﺪﺓ
ﻟﻜﻴﺖ ﺍﻣﻲ ﻣﺨﻠﺼﺔ
- ﺧﻠﺼﺘﻲ ﻳﻤﺔ
- ﺍﻱ ... ﻫﺬﺍ ﺧﺒﺰ ﺍﻟﺸﻌﻴﺮ ﺑﺎﻟﻜﻮﺓ ﺍﺑﻠﻌﺔ
- ﺍﺗﺤﻤﻠﻲ ﻳﻤﺔ ﺷﻨﺴﻮﻱ .....
ﺍﻟﻌﺼﺮ ﺍﺑﻮﻳﺔ ﺍﺧﺬ ﺍﻣﻲ ﻋﺪﻫﺎ ﻣﺮﺍﺟﻌﺔ ﻭﺍﺟﺖ ﺍﺧﺘﻬﺎ ﻣﻦ ﺍﻟﻀﺤﻰ ﺣﺘﻰ ﺍﺗﺮﻭﺡ ﻭﻳﺎﻫﺎ ﺍﻧﻲ ﻃﻠﺒﺖ ﻣﻨﻬﺎ .
ﻭﺑﺘﻮﻝ ﻣﺎﺧﺬﻫﺎ ﻛﺎﻥ ﺍﺑﻮﻫﺎ ﻳﻤﺔ ﻣﻦ ﺍﻟﺒﺎﺭﺣﺔ
ﻛﻨﺖ ﺍﻻﻋﺐ ﻋﺒﺪ ﺍﻟﻠﻪ ﺣﺎﻃﺘﻪ ﻋﻠﻰ ﺭﺟﻠﻴﻪ ﺍﻟﻤﻤﺪﻭﺩﺓ ﻭﺍﻧﺎﻏﻲ ﺍﻟﻪ ﻭﻫﻮ ﻳﻀﺤﻚ ﺍﻟﻲ ..
- ﺷﻨﻮ ﺭﺃﻳﻚ ﻧﺼﻌﺪ ﻧﻨﻈﻒ ﺍﻟﻄﺎﺑﻖ ﺍﻟﻔﻮﻙ ﺻﺎﺭﻟﻲ ﺍﻳﺎﻡ ﻣﺎ ﺻﺎﻋﺪﻩ ﺍﻟﻪ
ﺍﺧﺬﺗﻪ ﻭﻳﺎﻱ ﻭﺣﻄﻴﺘﻪ ﺑﺤﺠﻠﺘﻪ ﻭ ﻫﻮ ﻳﻠﻌﺐ ﻭﺍﻧﻲ ﺍﻧﻈﻒ ﺑﻐﺮﻓﺔ ﻣﻘﺘﺪﻯ
ﻳﻢ ﺍﻟﺸﺒﺎﻙ ﺷﻔﺖ ﻛﻄﻒ ﺟﻜﺎﻳﺮ !!
- ﻫﺬﺍ ﺷﻨﻮ ؟
ﺍﺧﺬﺕ ﺍﻟﻜﻄﻒ ﻭﺭﺣﺖ ﻟﻐﺮﻓﺔ ﻣﺮﺗﻀﻰ ﻃﺎﻟﻊ ﻛﺎﻥ ، ﺩﻭﺭﺕ ﻋﻠﻰ ﺑﺎﻛﻴﺖ ﺍﻟﻪ ﻣﺎ ﻟﻜﻴﺖ .. ﺩﻭﺭﺕ ﺳﻠﺔ ﺍﻟﻤﻬﻤﻼﺕ ﻟﻜﻴﺖ ﺑﻴﻬﺎ ﻛﻄﻮﻑ ( ﺑﻘﺎﻳﺎ ﺍﻟﺠﻜﺎﻳﺮ ) ﺑﺲ ﺗﺨﺘﻠﻒ ﻋﻨﻬﺎ ﺍﺳﻢ ﺍﻟﻤﻨﺘﺞ ﻣﺨﺘﻠﻒ ... ﺻﻔﻨﺖ
ﻣﻨﻮ ﻣﻨﻬﻢ ﻣﻘﺘﺪﻯ ﻟﻮ ﻣﺼﻄﻔﻰ؟
ﻟﻮ ﺍﺛﻨﻴﻨﻬﻢ ؟
ﺳﻤﻌﺖ ﺻﻮﺕ ﺻﺮﺍﺥ
ﻧﺰﻟﺖ ﺷﺎﻳﻠﺔ ﺍﻟﻮﻟﺪ ﻋﻠﻰ ﺻﺪﺭﻱ ﺣﺎﻃﺘﻪ
ﺻﺤﺖ ﺑﻴﻬﻢ
ﺣﻄﻴﺖ ﺍﻟﻮﻟﺪ ﺑﺎﻻﺭﺽ ﻭ ﻃﻠﻌﺖ ﻋﻼﻭﻱ ﻣﻦ ﻭﺳﻄﻬﻢ ﻣﺸﺒﻌﻴﻪ ﻛﺘﻞ
- ﺗﻘﻲ ﺻﺪﻳﻖ
ﺿﺮﺑﺖ ﺻﺪﻳﻖ ﻻﻥ ﺍﻧﻲ ﺑﻴﻨﻬﻢ ﻭﻫﻢ ﻭﺩﻓﺮ ﻋﻼﻭﻱ ﻭﻛﻌﻪ ،
ﻟﺰﻣﺘﻪ ﻭﻫﺰﻳﺘﻪ
- ﺍﻧﺖ ﺑﻌﻤﺮﻩ ﻭﻫﻴﺞ ﺍﺿﺮﺑﻪ ؟
ﺣﻘﻴﺮ
ﻛﺎﻡ ﻳﺒﺠﻲ .. ﻭﺍﺟﺖ ﺭﻗﻴﺔ ﺍﺷﺒﻚ ﺑﺼﺪﻳﻖ
- ﺍﻧﺖ ﻻ ﺍﺗﺤﻀﻨﻲ ﻏﻠﻂ ﻻ ﻋﻮﺩ ﻫﻮ ﻣﺴﻜﻴﻦ ﻣﺴﻠﻂ ﻋﻠﻴﻨﺎ ﻟﻮ ﻳﻜﺘﻞ ﻋﻠﻲ ﻟﻮ
ﺗﻘﻲ
- ﺧﻄﻴﺔ ﺧﻄﻴﺔ ﺯﻳﻨﺐ
ﺗﻌﺎﻝ ﺻﺪﻳﻖ ﺍﺳﻮﻱ ﺍﻟﻚ ﺣﻼﻭﺓ ﺣﻠﻴﺒﻴﺔ
- ﻻ ﺍﺳﻮﻳﻦ ﺷﻲ
ﻛﻠﺘﻬﺎ ﻭﺍﺧﺬﺕ ﺗﻘﻲ ﻓﺮﻗﺘﻬﻢ ﻭ ﻋﻔﺖ ﻋﺒﺪﻟﻠﻪ ﻳﻤﻬﺎ ﻳﻠﻌﺐ ﻭﺻﻌﺪﺕ ﺍﻋﺰﻝ ﺑﺎﻟﻄﺎﺑﻖ ﺍﻟﻔﻮﻙ ﻭﺗﻘﻲ ﺷﻐﻠﺖ ﺍﻟﻪ ﺗﻠﻴﻔﻮﻧﻲ ...
ﺍﺟﺘﻨﻲ ﺭﻳﺤﺔ ﻏﺮﻳﺒﺔ ﻭﺍﻧﻲ ﺍﻧﻈﻒ
- ﻫﺎﻱ ﺷﻨﻮ ﻣﻦ ﺍﻟﺠﻴﺮﺍﻥ ﺍﻟﺮﻳﺤﺔ ؟
ﺍﺟﻴﺖ ﺍﻧﺰﻝ ﻟﻔﺖ ﻧﻈﺮﻱ ﺳﻠﺔ ﺑﺎﻟﻤﻤﺮ ﺑﻴﻬﺎ ﺑﺎﻛﻴﺖ ﻏﺮﻳﺐ
- ﻣﺮﺗﻀﻰ ﺑﺎﻛﻴﺘﻪ ﺍﺯﺭﻙ ﻫﺬﺍ ﺭﺻﺎﺻﻲ ؟
ﻳﻮﻩ ﻳﻤﻜﻦ ﻣﻐﻴﺮ
ﺑﺲ ﺷﻔﺖ ﺑﻘﺎﻳﺎ ﺑﻐﺮﻓﺘﻬﻢ ﺫﻭﻟﺔ
ﺑﺲ ﻣﻘﺘﺪﻯ ﻣﺴﺘﺤﻴﻞ ﻳﺪﺧﻦ ﺭﺟﻌﺖ ﻟﻐﺮﻓﺘﻬﻢ ﻧﻔﺸﺖ ﻣﻼﺑﺴﻬﻢ ﻣﺎﻛﻮ ﺷﻲ
ﺭﺟﻌﺖ ﺍﺻﻔﻂ ﺑﻴﻬﻦ .
ﺍﻟﺒﺎﺏ ﻧﺪﻙ
ﻳﻤﻜﻦ ﺳﻴﺪ ﻣﺤﻤﺪ ﻣﺮﺟﻊ ﺑﺘﻮﻝ ﻣﺎ ﻋﻨﺪﻩ ﺍﺣﺪ ﻳﺮﻋﺎﻫﺎ ﻳﺎﺧﺬﻫﺎ ﻳﻮﻣﻴﻦ ﺗﻼﺛﺔ ﻭﻳﺮﺟﻌﻬﺎ ﻳﻤﻨﺎ ...
ﺍﻟﻤﺸﻜﻠﺔ ﺍﻣﻪ ﻣﺴﺎﻓﺮﺓ ﻻﻳﺮﺍﻥ ﻭﻳﺔ ﺑﺘﻬﺎ ﺑﺮﺣﻠﺔ ﻋﻼﺝ ﻟﻮﺟﻬﺎ ﺍﻟﻤﺸﻮﻩ ﻣﻦ ﻛﺰﺍﺯ ﺍﻟﺤﺎﺩﺙ ..
ﻣﻦ ﻓﻮﻙ ﺻﻴﺤﺖ
- ﻗﺎﺳﻢ ﻗﺎﺳﻢ ﺍﻓﺘﺢ ﺍﻟﺒﺎﺏ ..
ﻣﺪﺭﻱ ﺳﻤﻊ ﺍﻭ ﻻ ، ﺑﻘﻴﺖ ﻓﻮﻙ ﺑﻐﺮﻓﺔ ﺍﻟﻮﻟﺪ
ﺍﻫﻨﺎ
- ﺯﻳﻨﺐ ﺯﻳﻨﺐ
ﻫﺬﺍ ﺻﻮﺕ ﻣﺼﻄﻔﻰ ﺍﺟﻪ ﻭﻳﻪ ﺍﺑﻮﻩ ! ؟
ﺟﺎﻥ ﻳﻢ ﺑﻴﺖ ﻋﻤﻪ .
ﺩﺑﺴﺖ ﺣﺠﺎﺏ ﻣﻦ ﺷﻬﺪ ﻭ ﻧﺰﻟﺖ
ﺻﻮﺕ ﺍﻟﺼﻴﺎﺡ ﺧﺮﻋﻨﻲ ﻭﺍﻟﺮﻳﺤﻪ ﻣﻦ ﺑﺪﻳﺖ ﺍﻧﺰﻝ ﻣﻠﺖ ﺭﻳﺘﻲ ﻋﺒﺎﻟﻲ ﻣﻨﺎ ﻃﻠﻌﺖ ؟
ﺣﺮﻳﻜﺔ ﺗﺨﻨﻚ
ﻭﺍﻟﺠﻬﺎﻝ ﻳﺘﺮﺍﻛﻀﻮﻥ
ﻣﺼﻄﻔﻰ - ﺑﻮﻳﺔ ﻫﺎﻱ ﺍﻟﻄﺒﺎﺥ ﻃﺎﻙ ﺷﺴﻮﻱ
ﻳﺼﻴﺢ ﺑﻬﻠﻊ
ﺩﺍ ﺍﻧﺰﻝ ﻭ ﺷﻔﺖ ﺍﻟﺴﻴﺪ ﺧﻄﻒ ﻟﻠﻤﻄﺒﺦ ..
ﺩﺧﻠﺖ ﻭﺭﺍﻩ، ﻭﺷﻔﺖ ﺍﻟﻤﻄﺒﺦ ﻣﺸﺘﻌﻞ ﺍﻟﺪﺧﺎﻥ ﻣﻨﻪ !
ﻓﺘﺢ ﺑﺎﺏ ﺍﻟﻜﺎﻭﻧﺘﺮ ﻭ ﻃﻠﻊ ﺍﻟﻘﻨﻴﻨﺔ ﻭﻣﻠﺺ ﺍﻟﻤﻨﻈﻢ ﻣﻨﻬﺎ
ﺍﻧﻲ ﺗﺮﺳﺖ ﺍﻟﻪ ﻣﺎﻱ ﻭ ﻫﻮ ﺍﺧﺬﻩ
ﻧﻜﻊ ﺍﻟﻄﺒﺎﺥ ﻭﺍﻟﺴﻮﺍﺩ ﻣﺎﻟﻲ ﺍﻟﺴﻴﺮﺍﻣﻴﻚ ﻭﺍﻟﺴﺎﺣﺒﺔ ﺍﻟﻤﻄﻔﻴﺔ ...
- ﻫﺎﻱ ﺷﻨﻮ ؟
ﻣﻦ ﺣﻈﻲ ﺍﻟﺴﻴﺊ ﺍﺟﻪ ﻣﺮﺗﻀﻰ ﻣﻦ ﺑﺮﺓ ﻭﺷﺎﻑ ﻣﺤﻤﺪ ﻳﻄﻔﻲ ﺑﺎﻟﻨﻬﺎﺭ ﻭﺍﻟﺠﻬﺎﻝ ﺗﻠﻜﺘﻪ ﺧﺎﻟﻮ ﺣﺮﻳﻖ ﺣﺮﻳﻖ
ﺭﺩﺕ ﺍﺭﻭﺡ ﺍﺷﻮﻑ ﺭﻗﻴﺔ ﺷﺴﻮﺕ
ﺻﻴﺢ ﻋﻠﻴﻪ ﻣﺮﺗﻀﻰ
- ﺛﻮﻟﺔ ﺍﻧﺖ ﺯﻳﻦ ﻣﺎ ﺣﺮﻛﺘﻴﻨﺎ
ﺍﺷﻠﻮﻥ ﺍﺗﻌﻮﻓﻴﻦ ﺍﻟﺠﻬﺎﻝ ﻭﺣﺪﻫﺎ ﺗﻠﻌﺐ
- ﺍﻧﻲ ﺟﻨﺖ ..........
ﻗﺎﻃﻌﻨﻲ ﺑﺰﺟﺮ ﻗﻮﻱ
- ﻟﻮ ﻣﺎ ﺟﺎﻱ ﺍﻟﺴﻴﺪ ﺟﺎﻥ ﺍﺣﺘﺮﻛﺘﻮ ﻏﺒﻴﺔ
ﻛﻼﻣﻪ ﺑﺼﻴﺎﺡ ﻭ ﺍﻟﺴﻴﺪ ﻭﺍﻛﻒ
ﻭ ﻣﺮﺗﻀﻰ ﺑﺎﻟﺒﺎﺏ ﺳﺎﺩ ﺍﻟﻄﺮﻳﻖ ،
ﻭﻛﺪﺍﻣﻪ ﻫﺎﻧﻲ ﻣﻜﺪﺭﺕ ﺍﺣﺠﻲ ﺷﻲ ﺭﺩﺕ ﺍﻃﻠﻊ ﺻﺎﺡ ﺑﻴﻪ ﺍﻧﻈﻒ ﺍﻟﻤﻜﺎﻥ
ﻭﺍﺳﺘﻤﺮ ﻳﺼﻴﺢ ﻭﻳﻨﺘﺮ ﻋﻠﻴﻪ ﻛﺪﺍﻣﻪ ..
ﺑﺎﻭﻋﺖ ﻟﻠﺴﻴﺪ ﺣﺎﻧﻲ ﺭﺍﺳﻪ
- ﺍﻧﻌﺪﻡ ﺍﻟﻤﻄﺒﺦ ﻣﻦ ﺍﻫﻤﺎﻟﺞ ..
ﺗﻨﻬﺪﺕ ﻭ ﺣﺒﺴﺖ ﺍﻋﺘﺮﺍﺿﻲ ﺑﺼﺒﺮﻱ
ﺍﻟﺴﻴﺪ - ﻗﺪﺭ ﻭﻣﺎ ﺻﺎﺭ ﺍﻟﺤﻤﺪ ﻟﻠﻪ
ﻫﻤﻪ ﺫﻭﻟﺔ ﻭﻛﺤﻴﻦ
- ﺍﻟﺠﻬﺎﻝ ﺷﻌﻠﻴﻬﻢ ﻫﻲ ﻧﺎﺳﻴﺔ ﺟﺪﺭ
ﺍﻋﻴﻮﻧﻬﺎ ﺩﻭﻣﻬﺎ ﻋﻠﻰ ﺍﻟﻤﻮﺑﺎﻳﻞ ﻭﻋﺎﻳﻔﺘﻬﻢ
ﻋﻔﺘﻪ ﻭﻃﻠﻌﺖ ﻣﻦ ﺍﻟﻤﻄﺒﺦ ﻭﻫﻮ ﻓﺘﺤﻠﻲ ﻣﺠﺎﻝ
ﻃﻠﻊ ﺍﻟﺴﻴﺪ ...
ﻭ ﻣﺮﺗﻀﻰ ﻫﻢ ﺻﺎﺣﻠﻲ ﺍﻧﻲ ﺟﻨﺖ ﻛﺎﻋﺪﻩ ﺑﺎﻻﺳﺘﻘﺒﺎﻝ ﻭ ﺍﻋﺼﺎﺑﻲ ﻓﺎﻳﺮﺓ ﻓﻮﺭ ﻭ ﻟﻜﻴﺘﻪ ﻭﺍﻛﻒ
- ﻧﻈﻔﻲ ﺍﻟﻤﻄﺒﺦ ﻻ ﻳﺠﻲ ﻭﺍﺑﻮﺝ ﻭﻳﺨﺘﺮﻉ
ﻏﺒﺎﺀ ﻋﺎﻳﻔﺔ ﺍﻟﺠﻬﺎﻝ ﺗﺘﻤﻠﻌﺐ
ﻃﻠﻌﺖ ﺭﻗﻴﺔ ..
- ﻣﻮ ﻫﻲ ﺍﻧﻲ ﺍﻧﻲ ﻧﺴﻴﺖ ﺍﻟﺤﻼﻭﺓ ﺍﻟﺤﻼﻭﺓ
ﻭﺟﻨﺖ ﺟﻨﺖ ﺍﻻﻋﺐ ﺻﺪﻳﻖ
( ﺗﺎﺭﻛﺔ ﺷﻴﺎﻟﺔ ﺍﻟﺠﺪﻭﺭﺓ ﻳﻢ ﻋﻴﻦ ﺍﻟﻨﺎﺭ ﻭ ﻻﻛﻔﺔ ﻧﺎﺭ ﻭ ﺣﺎﺭﻛﺔ ﺗﻐﻠﻴﻒ ﻏﻄﺎﺀ ﺍﻟﻄﺒﺎﺥ ﺍﻟﻨﺎﻳﻠﻮﻧﻲ ﻣﺤﺘﺮﻙ ﻭﻫﻮ ﺍﻟﻲ ﻣﺴﻮﻱ ﺭﻳﺤﺔ ﻓﻀﻴﻌﻪ ﺍﻧﻲ ﻓﻮﻙ ﻭﺳﺎﺩﻩ ﺍﻟﺒﺎﺏ ﺗﺠﻴﻨﻲ ﺍﻟﺮﻳﺤﻪ ﺧﻔﻴﻔﻪ ﻋﺒﺎﻟﻲ ﻣﻮ ﻣﻨﺎ ﻭ ﻗﺎﺳﻢ ﻳﻠﻌﺐ ﻃﺎﻟﻊ ﺑﺎﻟﻔﺮﻉ ﻣﻦ ﺟﺎﻱ ﺍﺑﻮﻩ ﺍﻻ ﺩﺍﺧﻞ ﻭ ﺻﺎﺣﻮ ﻻﺑﻮﻫﻢ ﻣﻦ ﺷﺎﻓﻮ ﺍﻟﻨﺎﺭ ﺗﺨﻮﻑ ﻫﺬﺍ ﻛﻠﻪ ﻭ ﺭﻗﻴﺔ ﻃﺎﻟﻌﻪ ﺑﺎﻟﺤﺪﻳﻘﺔ ﺍﻟﺨﻠﻔﻴﺔ ﺗﺸﻢ ﺍﻟﺮﻳﺤﻪ ﻭﻣﺎ ﺗﺘﺬﻛﺮ ﻫﻲ ﺷﻨﻮ ﺣﺎﻃﻪ ﻋﻠﻰ ﺍﻟﻨﺎﺭ ﺑﺤﻴﺚ ﺍﻟﺠﺪﺭ ﻣﺤﺘﺮﻙ ﺍﺳﻮﺩ ﻭﺍﻟﺼﺨﺎﻡ ﺗﺎﺭﺱ ﺍﻟﻲ ﺣﻮﻝ ﺍﻟﻄﺒﺎﺥ .. )
- ﺷﻔﺖ ﻫﺎﻱ ﺭﻗﻴﺔ ﻭﻣﺎﻛﻮ ﻏﻴﺮ ﻋﺎﻳﻔﻪ ﻭﺻﻠﺔ ﻭﺣﺎﺭﻛﻪ ﺍﻟﺪﻧﻴﺎ
- ﺍﻧﻲ ﺍﺣﺎﺳﺐ ﺭﻗﻴﺔ ! ﺍﻟﻠﻮﻡ ﻋﻠﻴﺞ ﺍﻧﺖ
ﺍﻟﺮﺟﺎﻝ ﺩﺧﻞ ﻭﺷﺎﻑ ﺟﻬﺎﻟﺔ ﺑﺨﻄﺮ ﻛﻠﻪ ﻣﻨﺞ ﻭﻣﻦ ﺍﻫﻤﺎﻟﺞ
- ﺩﻛﺎﻓﻲ ﻋﺎﺩ ﺍﻧﺖ ﻣﻮ ﺧﺎﻟﻬﻢ ﻭﻫﺎﻱ ﺍﻟﺜﻮﻟﺔ ﺍﺧﺘﻚ ﺧﺎﻟﺘﻬﻢ ﺍﻛﻌﺪ ﻳﻤﻬﻢ ﺍﻧﺖ
ﻭﺧﻠﺼﻨﻲ ﻣﻨﻜﻢ ﺍﺑﺘﻠﻴﺖ ﻟﻮ ﻣﺎ ﺍﺑﺘﻠﻴﺖ
ﺍﺗﻌﺎﺭﻛﻨﺎ ﻭﻋﻠﺖ ﺍﺻﻮﺍﺗﻨﺎ ﺍﺛﻨﻴﻨﺎ .
- ﺍﺻﻴﺢ ﻷﻥ ﺗﻌﺒﺖ ﺣﻴﻞ ﻓﻮﻛﺎﻫﺎ ﻣﻬﻤﻠﺔ ﻃﺎﻟﻌﻪ ﺑﻌﻴﻨﻜﻢ
ﻛﻠﺖ ﺍﻟﻬﺎ ﻻ ﺗﺘﻠﻄﻤﻴﻦ ﺍﺳﻮﻳﻦ ﺷﻲ ﻭﺻﻌﺪﺕ ﺍﻛﺮﺏ ﻓﻮﻙ
ﻏﺮﻓﻜﻢ ﻣﺎ ﺗﻨﺪﺧﻞ
- ﺍﺵ ﺍﻟﺴﺎﻧﺞ ﺷﻄﻮﻟﺔ ﻣﺎ ﻣﺴﺆﻭﻟﺔ
- ﺍﻱ ﻣﺎ ﻣﺴﺆﻭﻟﺔ ﻫﺎﻱ ﻣﻮ ﻣﺴﺆﻭﻟﻴﺘﻲ
ﺷﻌﻠﻴﻪ ﺍﻧﻲ
ﻗﺎﺑﻞ ﺧﻠﻘﺖ ﺭﻗﻴﺐ ﻟﻐﻴﺮﻱ
ﺭﻗﻴﺔ - ﻧﺴﻴﺘﻬﺎ ﻧﺴﻴﺘﻬﺎ
- ﺷﻮﻑ ﺍﺧﺘﻚ ﻛﻠﺸﻲ ﻣﺎﺑﻴﻬﺎ ﺗﻔﺘﻬﻢ ﻭﺗﻌﺮﻑ ﻛﻠﺸﻲ ﺑﺲ ﻭﺣﺪﻩ ﺍﻋﺘﻤﺎﺩﻳﺔ
ﺗﻌﺮﻓﻨﻲ ﺩﻭﻡ ﻭﺭﺍﻫﺎ
ﻭﺣﺘﻰ ﻟﻮ ﺻﺎﺭ ﺷﻲ ﺍﻟﻠﻮﻡ ﻋﻠﻴﻪ
ﺗﻌﺘﻤﺪ ﺑﻐﺒﺎﺋﻬﺎ ﺩﻭﻡ ﻋﻠﻴﻨﺎ ﻭﺍﻧﻲ ...
- ﺍﺵ
- ﻛﺎﻓﻲ ﺗﺮﺍﻋﻮﻫﺎ ﻭﺍﻧﻲ ﻃﺎﻳﺢ ﺣﻈﻲ ﺑﻴﻨﻜﻢ
ﺳﻮﻳﺖ ﺍﻟﻲ ﺍﻟﻤﻮ ﻭﺍﺟﺐ ﻭﺻﺎﺭ ﻓﺮﺽ ﺍﺣﺎﺳﺐ ﻋﻠﻴﻪ
ﺩﻓﻌﺖ ﺍﻟﻲ ﻛﺪﺍﻣﻲ ﻋﺜﺮﺍﺕ ﺍﻟﺠﻬﺎﻝ ﺑﻄﺮﻳﻘﻲ ﻭ ﺩﺍ ﺍﺭﻭﺡ ﻟﻄﺮﻳﻘﻲ ﻭﺗﺬﻛﺮﺕ ﺷﻲ ﻣﺎ ﻛﻠﺘﻪ ﻭﺭﺟﻌﺖ ﺍﻟﻪ
- ﻭﻫﺎ ﺻﺪﻙ ﺟﻨﺖ ﺍﻧﻲ ﺑﻐﺮﻓﺘﻚ ﻭﺍﻧﻈﻒ ﺑﻴﻬﺎ
ﻣﺎ ﺟﻨﺖ ﺍﻟﻌﺐ ﺑﺎﻟﺘﻠﻴﻔﻮﻥ ﻳﺎ ﺗﻠﻴﻔﻮﻥ ﻫﺬﺍ
ﺍﻧﻲ ﺣﺎﻳﺮﺓ ﺑﻴﻜﻢ ﻛﻠﻜﻢ ﻭﺑﺲ ﺍﻣﻚ ﻳﺮﺍﺩ ﺍﻟﻬﺎ ﺻﺒﺮ ﻭﻣﺮﺍﻋﺎﺓ
- ﻛﻞ ﻫﺎﻱ ﺍﻧﻲ ﻣﺎ ﺣﺠﻴﺖ ﻋﻠﻴﻬﺎ ﺟﺎﻱ ﺍﻛﻠﺞ ﻻ ﺗﻌﺘﻤﺪﻳﻦ ﻋﻠﻰ ﺭﻗﻴﺔ
ﺩﺧﻞ ﺑﺎﺑﺎ ﻳﺴﺤﻞ ﺑﺄﻣﻲ ...
ﺍﺳﻜﺘﻲ ﻛﺎﻓﻲ
- ﺍﺷﺒﻴﻜﻢ ﺍﺻﻴﺎﺣﻜﻢ ﻭﺍﺻﻞ ﻟﺒﺮﺓ ..
- ﺑﻮﻳﺔ ﺻﻴﺢ ﻋﻠﻴﻪ ﻛﺪﺍﻡ ﺍﻟﺴﻴﺪ
- ﺍﺵ
ﺩﻓﻌﻨﻲ ﻛﻌﺪﻧﻲ ﻋﻠﻰ ﺍﻟﻘﻨﻔﺔ ...
ﻭﺟﻌﻨﻲ ﻇﻬﺮﻱ .
ﺻﺎﺡ ﺑﻴﻪ ﺑﺎﺑﺎ
- ﺑﻌﺪ ﺍﺿﺮﺑﻬﺎ ﻭﺍﻧﻲ ﻭﺍﻛﻒ ..
ﺧﻠﺔ ﻭﺻﻌﺪ ﻟﻐﺮﻓﺘﻪ ...
ﺑﺎﺑﺎ ﻭﺩﺓ ﺍﻣﻲ ﻟﻐﺮﻓﺘﻬﺎ ﻭﺻﺎﺡ ﺍﻟﻲ . ﺭﺣﺖ ﻭﺭﺍﻩ
- ﺗﻌﺎﻟﻲ ﺳﺎﻋﺪﻱ ﺍﻣﺞ ﺗﻐﻴﺮ ﻣﻼﺑﺴﻬﺎ ﻭﺧﻞ ﺗﺮﺗﺎﺡ ﺗﻌﺒﺖ
ﺍﺧﺬ ﻣﻼﺑﺴﺔ ﻭﺭﺍﺡ ﻟﻠﺤﻤﺎﻡ ...
ﻧﻴﻤﺖ ﺍﻣﻲ ﻋﻠﻰ ﻓﺮﺍﺷﻬﺎ
- ﻣﺸﺘﻬﻴﺔ ﻉ ﺍﻟﻌﺸﺎ ﺟﺒﻦ ﻋﺮﺏ ﻭﺧﻠﻲ ﻣﻘﺘﺪﻯ ﻳﺠﻴﺐ ﺧﺒﺰ ﺣﺎﺭ
- ﺻﺎﺭ
- ﻫﺎ ﺯﻧﻮﺑﺔ ﺗﻌﺒﺘﺞ ﺍﻣﺞ
- ﺷﻨﻮ
ﺳﻤﻌﺘﺞ ﺗﺸﻜﻴﻦ ﻣﻦ ﺣﻤﻠﻨﺎ ﻭﺍﻧﻲ ﺩﺍﺧﻠﻪ ﻟﻠﻬﻮﻝ
- ﻻ ﻋﻔﻴﺔ ﻻ ﺗﺎﺧﺬﻳﻬﺎ ﻋﻠﻴﺞ ﺍﻧﺖ ﺍﺧﺮ ﺷﺨﺺ ﺍﺷﻜﻲ ﻣﻦ ﺣﻤﻠﻪ
- ﺑﺎﻻﻭﻝ ﻭﺍﻟﺘﺎﻟﻲ ﻛﻠﺘﻴﻬﺎ ﺣﻤﻞ ..
ﻋﻀﻴﺖ ﺷﻔﺘﻲ ﻧﺪﻡ ﻭﻃﻠﻌﺖ ﻟﺒﺮﺓ ﺿﺎﻳﺠﻪ ﻣﻦ ﺍﻟﻲ ﺻﺎﺭ ..
ﺭﺣﺖ ﻟﻠﻐﺮﻓﺔ ﻟﻜﻴﺖ ﺭﻗﻴﺔ ﺗﺒﺠﻲ ﺿﻮﺟﺘﻨﻲ ﺑﻌﺪ ﺍﻛﺜﺮ ﻭﻃﻠﻌﺖ ﻟﻠﻬﻮﻝ
ﻟﻜﻴﺖ ﺍﻟﺠﻬﺎﻝ ﻣﻄﺸﺮﻳﻦ ﺍﻟﺤﻠﻮﻳﺎﺕ ﺍﻟﻲ ﺟﺎﺑﻬﻦ ﺑﺎﺑﺎ ﻭﻳﺎﻩ ﻭﺍﻟﺒﻘﻼﻭﺓ ﻣﺪﺑﻜﺔ ﺍﻻﺭﺿﻴﺔ
- ﺗﻘﻲ ﺍﺷﻠﻮﻥ ﺗﻤﺴﺤﻬﺎ ﺑﺎﻟﻜﺎﻉ ﻭﺗﺎﻛﻠﻬﺎ
ﺍﺍﻭﻑ
ﺗﻌﺎﻟﻮ ﻏﺴﻠﻮﻭ
ﺗﻘﻲ - ﻣﺎ ﻣﺨﻠﺺ ..
- ﻭﻳﻦ ﻋﺒﻮﺩ ؟
ﺳﺄﻟﺖ ﻋﻨﻪ ﻭﺍﺗﻔﻘﺪﺗﻪ ﺑﺎﻟﻬﻮﻝ ﻣﺎﻛﻮ .. ﺭﺟﻌﺖ ﻟﻠﻐﺮﻓﺔ ﻣﺎﻛﻮ ﻳﻢ ﺭﻗﻴﺔ ﺗﺒﺠﻲ ﻭﺍﺑﻨﻬﺎ ﻳﺒﻮﺱ ﺑﻴﻬﺎ ﻳﺮﺿﻴﻬﺎ .
ﻃﻠﻌﺖ ﻟﻠﻤﻤﺮ ﺷﻔﺘﻪ ﻛﺎﻋﺪ ﻳﺎﻛﻞ ﺑﻘﻼﻭﺓ ﻭﻻﻳﺼﻬﺎ ﺑﺎﻻﺭﺽ
ﺿﺤﻜﻠﻲ ﻭﻃﻠﻌﺖ ﺍﺳﻨﻮﻧﻪ ﻣﺤﻠﻴﺘﻪ
- ﺣﺒﻴﺒﻲ ﻋﺒﻮﺩﻱ ﻭﻻ ﻳﻤﻚ ﺍﻧﺖ ﻋﺎﻳﺶ ﺣﻴﺎﺗﻚ ﺗﻔﺘﻬﻢ ﻭﺍﻟﻠﻪ
ﺭﻓﻌﻠﻲ ﺍﺩﻳﻪ ﻳﺮﻳﺪﻧﻲ ﺍﺷﻴﻠﻪ
ﺷﻠﺘﻪ ﻭ ﻣﻠﻄﺦ ﻭﺟﻬﻲ ﺩﺑﻚ ﻭﻳﺎﻩ
ﺗﻌﻮﺩ ﻋﻠﻴﻪ ﺣﻴﻞ ﺻﺎﺭﻟﺔ ﺍﻗﻞ ﻣﻦ ﺛﻼﺙ ﺍﺷﻬﺮ ﻳﻤﻲ ﻟﻜﻦ ﺑﺪﺓ ﻳﻮﻋﺔ ﻋﻠﻴﻪ ﺩﻭﻣﻪ ﻳﻤﻲ
ﻭﺍﺟﻬﺖ ﺻﻌﻮﺑﺔ ﻭﺑﻌﺪﻳﻦ ﺻﺎﺭﺕ ﺍﻟﻔﺔ ﺑﻴﻨﺎ
ﺻﺎﺣﻠﻲ ﺍﺑﻮﻳﺔ ..
- ﻋﺒﻮﺩﻱ ﺗﻌﺎﻝ ﻭﻳﺎﻱ ﺟﻨﻲ ﺭﺍﺡ ﺍﺗﺮﺯﻝ ﺑﻠﻜﺖ ﻣﻦ ﻳﺸﻮﻓﻚ ﺟﺪﻙ ﻳﺤﻦ ﻋﻠﻴﻨﺎ
ﺍﺧﺬﺕ ﻋﺒﻮﺩﻱ ﻭ ﺩﺧﻠﺖ ﻷﺑﻮﻳﺔ ﻟﻠﻐﺮﻓﺔ ..
- ﻫﺎ
- ﺍﻟﻤﻄﺒﺦ ﺷﺼﺎﻳﺮ ﺑﻴﻪ
- ﺑﺲ ﺍﻟﻄﺒﺎﺥ ﻭﻣﺒﻴﻪ ﺷﻲ ﺍﻧﻈﻔﻪ ﻭ ﺗﻤﺎﻡ ﻳﺼﻴﺮ ﺍ ﻧﻲ ﺍﻧﻲ
ﺳﻜﺘﺖ ﻣﻐﻤﻀﺔ ﺍﻋﻴﻮﻧﻲ ﺍﺣﺎﻭﻝ ﺍﻫﺪﺃ ﻧﺒﺮﺗﻲ
- ﺍﻋﺘﺬﺭ ﺑﻮﻳﺔ ﻣﺎ ﺗﻨﻌﺎﺩ ﺑﻌﺪ ﺍﻣﻠﺺ ﺍﻟﻤﻨﻈﻢ ﻋﻨﻬﺎ ..
- ﺑﺲ ﺭﻗﻴﺔ ﺗﻄﺒﺦ ﻭﻫﺎﻱ ﺍﻭﻝ ﻣﺮﺓ ﻳﺼﻴﺮ ﻫﻴﺞ
- ﺍﻱ ﻣﻮ ﺟﺎﻧﺖ ﺗﻄﺒﺦ ﻛﺪﺍﻡ ﻋﻴﻨﻲ ﺍﻭ ﻋﻴﻦ ﺍﻣﻲ .
- ﻟﻴﺶ ﺍﺗﻌﻠﻴﻦ ﺻﻮﺗﺞ ﻋﻠﻰ ﺍﺧﻮﺝ
ﺩﻧﻜﺖ ﺳﺎﻛﺘﻪ
- ﺻﻴﺤﻲ ﺍﺧﺘﺞ ﻭﺗﻌﺎﻟﻲ ﻭﻳﺎﻫﺎ
ﺭﺣﺖ ﻛﻠﺖ ﺍﻟﻬﺎ ﻭﺭﺟﻌﺖ ﻭﻫﻲ ﺧﻠﻔﻲ ﺗﻤﺸﻲ ﻭﺗﻤﺴﺢ ﺑﻮﺟﻬﻪ ..
ﻭﻛﻔﻨﺎ ﺍﺛﻨﻴﻨﺎ ﻣﺜﻞ ﺍﻟﻤﺬﻧﺒﺎﺕ ..
- ﻟﻴﺶ ﻣﺎ ﺗﻨﺘﺒﻬﻴﻦ
ﺭﺩﻳﺖ
- ﺑﻌﺪ ﻣﺎ ﺗﻨﻌﺎﺩ ...
ﻗﺎﻃﻌﻨﻲ ﻭﺍﻟﺪﻱ
- ﺍﺣﺠﻲ ﻭﻳﺔ ﺭﻗﻴﺔ
ﺭﻓﻌﺖ ﻧﻈﺮﻫﺎ ﺭﻗﻴﺔ ﻣﺘﻌﺮﻑ ﺗﺠﺎﻭﺏ
- ﻣﺮﺓ ﺍﻧﺖ ﻣﻮ ﻃﻔﻞ ﺗﺤﻄﻴﻦ ﺷﻲ ﻭﺗﻨﺴﻴﻪ ﺯﻳﻦ ﻣﺎ ﺣﺮﻛﺘﻲ ﺍﻟﺒﻴﺖ ﻋﻠﻴﻜﻢ
ﻣﺎ ﺷﻤﻴﺘﻲ ﺍﻟﺮﻳﺤﻪ ﻣﺎ ﺍﺫﻛﺮﺗﻲ
ﻟﻮ ﻣﻌﺘﻤﺪﻩ ﻋﻠﻰ ﺍﺧﺘﺞ
- ﻧﺴﻴﺖ ﻧﺴﻴﺖ
ﻭ ﻃﻜﺘﻬﺎ ﺑﺠﻴﺔ
ﺍﻣﻲ ﻛﺎﻟﺖ
- ﺗﺤﺘﺎﺭ ﺑﻴﺞ ﻟﻮ ﺑﺎﻃﻔﺎﻝ ﺍﺧﺘﺞ
ﺍﻟﻄﺒﺎﺥ ﺍﺫﺍ ﺣﻄﻴﺘﻲ ﺷﻲ ﻋﻠﻴﻪ ﺍﻛﻌﺪﻱ ﻳﻤﻪ
- ﺹ ﺻﺎﺭ
ﺍﺑﻮﻳﺔ
- ﻻ ﺗﺒﺠﻴﻦ ﺑﻮﻳﺔ ﺍﻧﺖ ﺍﻡ ﺻﻴﺮﻱ ﺳﺒﺎﻋﻴﺔ ﻧﺒﻬﺔ
ﺑﻄﻠﻲ ﻻ ﻣﺒﺎﻻ
ﺭﻭﺣﻲ ﻏﺴﻠﻲ ﻭﺟﻬﺞ ﻭﺳﺎﻋﺪﺝ ﺍﺧﺘﺞ ﺑﺘﻨﻈﻴﻒ ﺍﻟﻤﻄﺒﺦ ..
ﻳﻼ ﺭﻭﺣﻦ ﺍﺛﻨﻴﻨﺠﻦ ﻣﻼﻣﺤﻜﻢ ﺗﺒﺠﻲ
ﻣﻦ ﻛﺎﻝ ﺍﺧﺮ ﺟﻤﻠﺔ ﺍﺛﻨﻴﻨﺎ ﺭﺩﻧﺎ ﻧﻄﻠﻊ ﻭﻧﺸﺮﺩ
- ﺯﻳﻨﺐ
ﺍﻟﺘﻔﺘﺖ
- ﻫﺎ ﺑﺎﺑﺎ
- ﻻ ﺗﻌﻠﻴﻦ ﺻﻮﺗﺞ ﻋﻠﻰ ﺍﺧﻮﺝ ﺑﻌﺪ
- ﺻﺎﺭ
ﺭﺣﺖ ﻟﻠﻐﺮﻓﺔ ﺭﺍﺿﻴﺖ ﺭﻗﻴﺔ ﻭﻃﻠﻌﻨﻪ ﺍﺛﻨﻴﻨﺎ ﻣﺮﻳﻨﺎ ﻣﻦ ﻏﺮﻓﺔ ﺑﺎﺑﺎ ﺳﻤﻌﺖ ﺻﻮﺕ ﺑﺎﺑﺎ ﻳﺨﺎﻃﺐ ﻣﺮﺗﻀﻰ ﺭﺟﻌﺖ ﻣﺎ ﺭﺣﺖ ﻟﻠﻤﻄﺒﺦ ﻭﻛﻔﺖ ﺍﺳﻤﻊ ﺷﻴﻜﻮﻝ ﻟﻤﺮﺗﻀﻰ
ﺑﺎﺑﺎ
- ﻟﻴﺶ ﺗﻀﻐﻂ ﻋﻠﻴﻬﺎ ﻣﺎ ﺗﻼﺣﻆ ﻫﻲ ﻗﺎﻳﻤﺔ ﺑﻴﻜﻢ ﻛﻠﻜﻢ
ﺍﻣﻲ
- ﻣﺮﺗﻚ ﻳﻢ ﺍﻫﻠﻬﺔ ﻣﺎ ﺣﺠﻴﻨﺎ ﺷﻲ
ﻣﺮﺓ ﺣﺎﻣﻞ
ﻭﺍﺧﺘﻚ ﻗﺎﻳﻤﺔ ﺑﻴﻚ ﺣﺎﻟﻚ ﺣﺎﻝ ﺍﺧﻮﺗﻚ ﻭﺍﻧﻲ ﻋﻠﻴﻠﺔ ﺻﺮﺕ ﻟﻠﺤﻤﺎﻡ ﻫﻲ ﺗﺎﺧﺬﻧﻲ
ﻋﻠﻰ ﻛﻴﻔﻜﻢ ﻭﻳﺎﻫﺎ
ﺑﺎﺑﺎ - ﺳﺎﻋﺪﻭﻫﺎ ﻣﻮ ﺑﺲ ﺍﺻﻴﺎﺡ ﻋﻠﻴﻬﺎ
ﻣﺮﺗﻀﻰ
- ﺣﻘﻚ ﺑﻮﻳﺔ
- ﻣﺼﻴﺢ ﻋﻠﻴﻬﺎ ﻛﺪﺍﻡ ﺭﺟﻞ ﺍﺧﺘﻚ ؟
- ﻣﺎ ﺍﺩﺭﻱ ﺻﺮﺕ ﻋﺼﺒﻲ ﻋﻠﻴﻬﺎ ﻣﻦ ﺧﻮﻓﻲ ﻋﻠﻴﻬﻢ ...
ﺭﺣﺖ ﻟﻠﻤﻄﺒﺦ ﻋﻔﺘﻬﻢ ﻳﺤﺎﺳﺒﻮﻥ ﺑﻴﻪ ﺑﺲ ﺑﻜﻠﺒﻲ ﻧﻐﺰﺓ ﻋﻠﻴﻪ ﻭﻧﺪﻡ ﻻﻥ ﺻﻴﺤﺖ ﺑﻮﺟﻪ ﻭﻗﻠﻠﺖ ﻣﻨﻪ ﻟﻮ ﻋﺎﻳﻔﺘﻪ ﻣﻦ ﻳﻬﺪﺃ ﻭ ﻣﺒﺮﺭﺓ ﺍﻟﻪ ﻫﻮ ﺍﻟﻜﺒﻴﺮ
،
ﻛﻨﺖ ﺍﻋﺸﻲ ﺍﻣﻲ ﺑﻐﺮﻓﺘﻬﺎ ﻗﺒﻠﻨﺎ ﺣﺘﻰ ﺗﺎﺧﺬ ﻋﻼﺟﻬﺎ ...
ﺧﻠﺼﺖ ﻭﺩﻳﺖ ﺍﻟﺼﻴﻨﻴﺔ ﺍﻟﺼﻐﻴﺮﺓ ﻭﺭﺟﻌﺖ ﻭﺟﺒﺖ ﻣﺎﻱ ﺑﻄﺎﺳﺔ ﻭﺍﻣﺴﺢ ﺍﻟﻬﺎ ﺣﻠﻜﻬﺎ ﻣﺎ ﺍﻛﻮﻣﻬﺎ ﺑﺲ ﻭﻗﺖ ﺍﻟﻀﺮﻭﺭﺓ ..
ﻟﻜﻴﺘﻬﺎ ﻣﺒﺘﺴﻤﺔ
ﺣﻄﻴﺖ ﺍﻟﻄﺎﺳﺔ ﻋﻠﻰ ﺍﻟﻤﻴﺰ
- ﺷﻨﻮ ﺍﻟﺠﺒﻦ ﻣﺎ ﺷﺒﻌﺞ
ﻟﻴﺶ ﺍﺿﺤﻜﻴﻦ
- ﻛﺒﺮﺗﻲ ﻳﺰﻳﻨﺐ ﻭ ﻛﻞ ﻭﺍﺣﺪ ﺑﻴﻨﺎ ﻣﺘﻜﻞ ﻋﻠﻴﺞ ﻣﻦ ﺟﺎﻧﺐ
- ﻳﻮﻡ ﺑﺲ ﻻ ﺯﻋﻠﺘﻲ ﻣﻨﻲ
- ﺣﻘﺞ ﻳﺎ ﺻﻐﻴﺮﺓ ﺍﻟﺒﻴﺖ ﺗﺸﻜﻴﻦ
ﺩﺍﻋﺒﺖ ﺧﺪﻱ
- ﺍﺻﻐﺮ ﺑﻨﺎﺗﻲ ﻛﺒﺮﺕ ﻭﺷﺎﻟﺖ ﺣﻤﻞ ﻣﻮ ﺣﻤﻠﻬﺎ
ﻗﺮﺑﻲ ﺭﺍﺳﺞ
ﻗﺮﺑﺘﻪ ﻭﺑﺎﺳﺖ ﺧﺪﻱ ﻭ ﻟﺰﻣﺘﻪ
- ﻃﻴﺒﺔ ﻭ ﺣﺒﺎﺑﺔ ﺍﻟﻠﻪ ﺭﺍﺡ ﻳﺒﺎﻭﻉ ﻋﻠﻴﺞ
ﻭﻳﻌﻮﺿﺞ ﺧﻴﺮ
ﺗﻌﺎﻟﻲ ﻟﺤﻀﻨﻲ ﺍﺷﻢ ﺭﻳﺤﺘﺞ
ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﻫﺎ
ﺍﻭﻝ ﻭﺗﺎﻟﻲ ﻣﺤﻤﺪ ﻳﺎﺧﺬ ﺍﻭﻻﺩﻩ ﻭﺍﻟﺤﻤﻞ ﻳﺨﻒ
ﺍﻭﻝ ﻭﺗﺎﻟﻲ ﻳﺸﻮﻑ ﺣﻴﺎﺗﻪ ﻭﻳﺠﻴﺐ ﻣﺮﺓ ﻟﺒﻴﺘﻪ
- ﻳﺰﻭﺝ ﻏﻴﺮ ﻓﺎﻃﻤﺔ !!!
- ﻟﻌﺪ ﻫﻮ ﺭﺟﺎﻝ ﻣﺎ ﻳﻈﻞ
ﺍﻟﻠﻪ ﻳﺮﺯﻗﺔ ﺑﺒﺖ ﺣﻼﻝ ﺗﺮﺍﻋﻲ ﺍﻭﻻﺩﻩ ﻭﺗﺨﺎﻑ ﺍﻟﻠﻪ ﺑﻴﻬﻢ ﻭﺍﻧﺖ ﺟﺎﻳﺞ ﺍﻟﺪﻭﺍﻡ ﺍﺷﻜﺪ ﺍﻟﻪ ﺑﻌﺪ؟
- ﺍﻛﺜﺮ ﻣﻦ ﺷﻬﺮ ﺑﻌﺪ ﻣﻮ ﻫﺴﺔ
- ﺭﺍﺡ ﺍﻗﻨﻊ ﺍﺑﻮﺝ ﻣﺪﺍﻣﻪ ﻻﻥ ﻳﺮﺟﻊ ﺍﺧﺘﺞ ﻟﺮﺟﻠﻬﺎ ﻳﺨﻒ ﺣﻤﻠﻬﺎ ﻋﻠﻴﺞ
ﻋﺎﺩ ﺍﻇﻞ ﺑﺲ ﺍﻧﻲ ﻋﻠﺔ
- ﻳﻤﺔ ﻳﺎ ﻣﺎﻣﺎ ﻻ ﺗﻜﻮﻟﻴﻦ ﻫﻴﺞ ﻻ ﺗﺨﻠﻴﻨﻲ ﺍﺣﺲ ﺑﺎﻻﺗﺄﻧﻴﺐ ﺍﻧﺖ ﻣﻮ ﻋﻠﺔ
- ﻛﻮﻣﻲ ﺻﺪﺭﻱ ﻭﺟﻌﻨﻲ ﻛﻮﻣﻲ ﻓﺮﻛﻲ ﺭﺟﻠﻴﻪ
ﻃﻠﻌﺘﻬﻦ ﻭﺍﻟﺸﺮﺍﻳﻦ ﺗﺨﻮﻑ ﺳﻮﺩﺓ ..
ﺍﻃﺎﺡ ﺍﻟﻠﻪ ﺍﻟﻤﺮﺽ ﺑﻤﺮﺽ ﻳﻘﺘﻠﻪ ﻭﻳﺸﻔﻲ ﺍﻣﻲ !
ﻭﺗﺎﻟﻲ ﺍﻟﻠﻴﻞ ﺍﺗﺼﻠﺖ ﺑﻴﻪ ﺷﻬﺪ
- ﻫﺎ ﺷﻨﻮ ﻣﺸﺘﺒﻪ ﻋﺒﺎﻟﺞ ﻣﺮﺗﻀﻰ ﻭﺫﻛﺮﺗﻴﻨﻲ ﻧﺺ ﺍﻟﻠﻴﻞ
- ﻫﻬﻬﻬﻬﻪ ﻻ ﺍﻟﻴﻮﻡ ﻣﺎ ﺣﺠﻴﻨﺎ ﺍﻫﻮﺍﻱ
ﺍﺷﻠﻮﻧﻬﺎ ﺍﻟﺰﻋﻼﻧﻪ
- ﻳﻮﻭﻩ ﻣﺮﺗﻀﻰ ﺳﻮﻟﻒ ﺍﻟﺞ ﻧﻜﺮﺗﻨﺎ ؟ !
- ﻫﻬﻬﻪ ﻣﻮ ﻟﺰﻛﺖ ﺍﻟﻪ ﺍﺣﺠﻲ ﻭﻳﺎﻩ ﻭﻫﻮ ﻣﺎ ﻳﺘﺤﺎﺟﻰ ﺿﺎﻳﺞ
ﺑﻌﺪﻳﻦ ﺍﻋﺘﺮﻓﻠﻲ ﺑﺎﻟﻤﺨﺘﺼﺮ ﻣﻀﻮﺟﺞ ﻭﺿﺎﻳﺞ ﻋﻠﻴﺞ
- ﺍﻱ ﺻﻴﺢ ﻋﻠﻴﻪ ﻛﺪﺍﻡ ﺍﻟﺴﻴﺪ ﻭﺍﺗﻌﺎﺭﻛﻨﺎ
- ﻫﺎﺍ
ﻣﺮﺗﻀﻰ ﮔﻠﺒﺔ ﻣﺎ ﻳﻨﻄﻴﻪ ﺗﺮﺓ ﻭ
- ﺍﺵ ﺍﻧﺖ ﺍﻟﺜﺎﻧﻴﺔ ﺗﻌﻠﻤﻴﻨﻲ ﺑﺄﺧﻮﻳﺔ ﺍﻋﺮﻓﺔ
ﻫﻮ ﺑﺲ ﺻﺎﺭ ﻋﺼﺒﻲ ﻭﺣﻘﺔ
ﺍﻧﻲ ﻫﻢ ﻣﻀﻐﻮﻃﺔ ﻃﻜﻴﺖ ﺑﻮﺟﻬﻪ
- ﻳﺮﺍﺩ ﺍﻟﻨﺎ ﻃﻠﻌﺔ ﻣﺜﻞ ﺫﻳﺞ ﺍﻟﻤﺮﺓ ﺗﺬﻛﺮﻳﻦ ﻣﻦ ﺯﺭﻧﺎ ﺳﻮﺓ ﺍﺷﻠﻮﻥ ﻭﻧﺴﺔ
- ﻗﺼﺪﺝ ﻣﻦ ﺭﺣﻨﺎ ﻟﻠﻜﻮﻓﺔ ﻭ ﻣﺮﺗﻀﻰ ﺟﺎﻥ ﺗﻌﺒﺎﻥ ﻭﺑﺲ ﻳﺮﻳﺪ ﻳﺮﺟﻊ ﻋﺸﺎﻧﻪ ﻣﻦ ﺍﻟﻌﺼﺮ ﻭﻣﺎ ﺧﻼﺝ ﺗﺮﺣﻴﻦ ﻟﻠﺴﻮﻙ
ﺑﺲ ﻣﺎ ﺍﺭﺗﺎﺡ ﻣﻦ ﺭﺟﻌﻨﺎ ﺭﺣﻨﺎ ﻟﻠﺤﻠﺔ ﻭ ﺗﺪﻭﺩﻫﻨﺎ ﺑﻴﻦ ﻣﻤﺮﺍﺕ ﺍﻟﻤﺴﺘﺸﻔﻴﺎﺕ !
ﺳﻜﺘﺖ ﺷﻬﺪ
- ﺭﻭﺣﻲ ﻧﺎﻣﻲ ﻭﺩﺭﺑﺎﻟﺞ ﻋﻠﻰ ﺍﻟﻨﻮﻧﻮ ﺑﺎﻱ ..
،
ﺑﻌﺪ ﺍﻳﺎﻡ ﺑﺎﺑﺎ ﻣﺎﺧﺬ ﺍﻣﻲ ﻳﺰﻭﺭﻫﺎ ﺑﻜﺮﺑﻼﺀ
ﻫﻮ ﻫﻠﻴﺎﻡ ﺣﺎﻳﺮ ﺑﻴﻬﺎ ﺑﻴﻦ ﺍﻻﻃﺒﺎﺀ ﻭﺍﻟﻤﺰﺍﺭﺍﺕ ﺣﺎﻟﺘﻬﺎ ﺍﻟﻨﻔﺴﻴﺔ ﺩﺗﺄﺛﺮ ﺳﻠﺒﺎ ﻋﻠﻰ ﺻﺤﺘﻬﺎ ..
ﺑﺎﺗﻮ ﺍﻫﻨﺎﻙ ﻋﻨﺪ ﺑﻴﺖ ﺍﺧﺘﻬﺎ ﻣﺰﻭﺟﻪ ﺍﻫﻨﺎﻙ ﻭﻳﻈﻠﻮﻥ ﻛﻢ ﻳﻮﻡ
ﺑﺎﻟﻠﻴﻞ ﺍﺷﺘﻐﻠﺖ ﺑﺘﻮﻝ ﺑﺠﻲ .
ﺍﺗﻘﺮﺑﺖ ﻳﻤﻬﺎ ﻛﺎﻋﺪﺓ ﻋﻠﻰ ﺍﻟﻘﻨﻔﺔ ﻭﺣﺎﻃﻪ ﺍﺩﻳﻬﺎ ﻋﻠﻰ ﺍﺫﻧﻬﺎ ﻭﺗﺒﺠﻲ
ﺗﻜﺮﻩ ﺍﻻﺻﻮﺍﺕ ﺍﻟﻌﺎﻟﻴﺔ ﻟﺪﺭﺟﺔ ﺻﻮﺗﻬﺎ ﺳﺎﺩﺓ ﺍﺫﻧﻬﺎ ﻣﻨﻪ !
ﻛﻌﺪﺕ ﻳﻤﻬﺎ ﻃﻔﺮﺕ ﻟﻠﻘﻨﻔﺔ ﺍﻟﺜﺎﻧﻴﺔ
- ﺑﺘﻮﻟﺔ ﻟﻴﺶ ﺗﺒﺠﻴﻦ
ﺍﻧﺖ ﺟﺒﻴﺮﺓ
- ﺍﺭﻳﺪ ﺑﺎﺑﺎ
- ﺍﺑﻮﺝ ﻋﻨﺪﻩ ﺷﻐﻞ ﻣﺎ ﻳﻜﺪﺭ ﻳﺘﻔﺮﻍ ﺍﻟﺞ
ﺍﻧﺖ ﺍﻳﺪﺝ ﻫﺎﻱ ﺑﻌﺪﺝ ﻣﻜﺪﺭﻳﻦ ﺗﺤﺮﻛﻴﻬﺎ
ﺑﺎﺟﺮ ﻣﻮﻋﺪ ﺍﻟﻌﻼﺝ ﺍﻟﻄﺒﻴﻌﻲ ﻣﺎﻟﺘﺞ ﻭﻳﺠﻲ ﺍﻟﺼﺒﺢ ﻳﺎﺧﺬﺝ ..
- ﻫﺴﺔ ﻫﺴﺔ
- ﻫﺴﺔ ﺍﻟﺮﺟﺎﻝ ﻧﺎﻳﻢ
ﻭﺑﺎﻟﻠﻪ ﺍﺣﺘﺎﺟﻴﺘﻲ ﺭﻭﺣﻪ ﻟﻠﺘﻮﺍﻟﻴﺖ
ﺍﺷﻠﻮﻥ ﺍﺑﻮﺝ ﻳﺤﺘﺎﺭ ﺑﻴﺞ ﺟﺪﺗﺞ ﻣﺎﻛﻮ ( ﺑﻌﺪﻫﺎ ﻣﺴﺎﻓﺮﺓ ﻭﻳﺔ ﺑﺘﻬﺎ ﻟﻠﻌﻼﺝ ﻭﺍﻟﺘﺠﻤﻴﻞ ) ﻭﻫﻮ ﺭﺟﻊ ﻟﺒﻴﺘﻜﻢ
ﻭﻣﺎﻣﺎ ؟
- ﺣﺒﻴﺒﺘﻲ ﻣﻮ ﺍﻟﻒ ﻣﺮﺓ ﻛﻠﻨﺎ ﻣﺎﻣﺎ ﺻﻌﺪﺕ ﻟﻠﺴﻤﺎ ﺑﻴﻦ ﺍﻟﻨﺠﻮﻡ ﻋﺎﻳﺸﺔ ...
ﺗﺒﺎﻭﻉ ﻟﻠﻔﺮﺍﻍ ﻭﺗﺤﺠﻲ ﻭﻳﺎﻱ
- ﻳﻌﻨﻲ ﻣﺎ ﺗﻨﺰﻝ ﺍﺷﻮﻳﺔ
ﺭﺩﻳﺖ ﺑﻬﺪﻭﺀ ﻭﻋﻄﻒ
- ﻻ ﻣﺎ ﺗﻜﺪﺭ
- ﻟﻴﺶ ؟
ﻫﺎ ﻫﺎ ﻟﻴﺶ
- ﻻﻥ ﻻﻥ ﺑﻌﺪ ﺻﻌﺪﺕ ﺭﻭﺣﻬﺎ ﻟﻠﺴﻤﺎ
- ﺍﻧﺖ ﺟﺬﺍﺑﺔ
ﻣﺎﻣﺎ ﻣﻮ ﻓﻮﻙ ﺟﻮ ﺑﺎﻟﻘﺒﺮ ﺍﻧﺖ ﺍﺟﺬﺑﻴﻦ
- ﺟﺴﻤﻬﺎ ﺟﻮﺓ ﺍﻟﺘﺮﺍﺏ ﺑﺲ ﺭﻭﺣﻬﺎ
ﺻﺎﻋﺪﻩ ﻳﻌﻨﻲ ﺍﻧﻲ ﻣﻮ ﺟﺬﺍﺑﻪ
- ﺍﻛﺪﺭ ﺍﺭﻭﺡ ﺍﻟﻬﺎ
- ﻫﺎ ﻻ ﻻ ﻃﺒﻌﺎ
- ﺍﻧﺖ ﺭﻭﺣﻲ ﺍﻟﻬﺎ
- ﻫﺎ ؟
ﺗﺮﺩﻳﻨﻲ ﺍﻣﻮﺕ ؟
- ﺑﺲ ﺭﻭﺣﻲ ﺟﻴﺒﻴﻬﺎ ﻭﺗﻌﺎﻟﻲ
- ﻳﺎﺭﻳﺖ ﻳﺼﻴﺮ ﺍﺫﺍ ﺭﺣﺖ ﻣﺎ ﺍﺭﺟﻊ ﺑﻌﺪ
ﻭ ﺍﺗﻈﻞ ﺑﺲ ﺭﻗﻴﺔ ﻳﻤﺞ ﺗﻐﺴﻠﺞ ﻭ ﺗﻨﻴﻤﺞ ﻭ
- ﻻ ﻻ ﻣﺎ ﺍﺭﻳﺪﻫﺎ ﻣﺎ ﺍﺭﻳﺪﻫﺎ ﺑﺲ ﺗﺒﻮﺱ ﻭ ﺗﻠﺰﻙ ﺗﻠﺰﻡ ﺑﻴﻪ ﻣﺎ ﺍﺭﻳﺪﻫﺎ
ﺑﺘﻮﻝ ﺗﺘﻌﻘﺪ ﻣﻦ ﻭﺍﺣﺪ ﻳﻠﻤﺴﻬﺎ ﻭﻻ ﺗﺤﺐ ﺍﻟﺤﻀﻦ ﻭﺍﻟﺒﻮﺱ
ﺑﺲ ﺍﻣﻬﺎ ﻛﺎﻧﺖ ﺗﻜﺪﺭ ﺗﻠﺰﻣﻬﺎ ﺣﺘﻰ ﺍﻧﻲ ﻛﻨﺖ ﺑﺎﻟﺴﺎﺑﻖ ﺍﺟﻨﺒﻬﺎ ﻣﺎ ﺍﻟﺰﻣﻬﺎ
- ﺯﻳﻦ ﺑﺘﻮﻟﺔ
- ﺧﻞ ﻧﻜﻮﻡ ﻫﺴﺔ ﻧﻨﺎﻡ
ﺑﺪﺍ ﻭﺟﻬﺎ ﻳﺬﻫﺐ ﻋﻨﻪ ﺍﻟﺒﺆﺱ ﻭﻳﻨﺸﻒ
ﻋﻨﻪ ﺍﻟﺪﻣﻊ
- ﺭﺩﺕ ﺍﻟﺰﻡ ﺍﻳﺪﻫﺎ ﻧﺴﻴﺖ ﺻﺎﺣﺖ
- ﻻ ﺗﻠﺰﻣﻴﻨﻲ
ﺍﻳﺪﺝ ﺍﻳﺪﺝ
ﻭﺧﺮﻳﻬﺎ
ﺻﺎﺣﺖ ﺑﻴﻪ ﻭﺭﺍﺣﺖ
ﻟﻴﺶ ﺍﺻﻴﺢ ﻋﻠﻴﻪ ﻭﺍﺿﺢ ﺗﻌﺎﻃﻔﻨﺎ ﺟﺎﻱ ﻳﺠﻴﺐ ﻧﺘﻴﺠﺔ ﻋﻜﺴﻴﺔ ...
ﻫﻲ ﻧﺎﻣﺖ ﻭﺍﻧﻲ ﻛﻌﺪﺕ ﺍﺑﺤﺚ ﻛﻴﻔﻴﺔ ﺍﻟﺘﻌﺎﻣﻞ ﻣﻊ ﺍﻃﻔﺎﻝ ﺍﻟﻲ ﻋﺪﻫﻢ ﻃﻴﻒ ﺗﻮﺣﺪ ..
- ﻫﺎﻱ ﺷﻨﻮ ﺗﻨﺎﻗﻀﺎﺕ ﻣﺪﺍ ﺍﻓﻬﻢ
ﺷﻲ
ﻫﻲ ﻣﻌﺪﻫﺎ ﺗﻮﺣﺪ ﻗﻮﻱ
ﻻﻥ ﺗﺨﻠﻲ ﺍﻣﻬﺎ ﻭﺍﺑﻮﻫﺎ ﻳﺘﻮﺍﺻﻠﻮﻥ ﻭﻳﺎﻫﺎ
ﻭ ﺗﺘﻮﺍﺻﻞ ﻭﻳﺔ ﺻﺪﻳﻘﻪ ﻭﺣﺪﻩ
ﻟﻴﺶ ﺍﺣﺲ ﺍﻟﻲ ﺍﺳﻮﻳﻪ ﺩﻻﻝ ﻭﻣﺒﺎﻟﻐﺔ
ﺍﺟﺎﻧﻲ ﻗﺎﺳﻢ ﻣﺜﻞ ﻛﻞ ﻳﻮﻡ ،ﻫﺬﺍ ﺍﻛﻠﻪ ﻣﺎﻛﻮ ﻣﺠﺎﻝ ﻳﻤﻲ ﻳﺠﻲ ﻭﻳﻨﺎﻡ ﻋﻠﻴﻨﺎ
ﺟﺮﻳﺖ ﺗﻘﻲ ﻋﻨﻪ ﻟﻔﺮﺍﺷﻲ ﻭﻧﻤﺖ ..
ﻛﻌﺪﺕ ﺍﻟﺼﺒﺢ
ﻭ ﺣﻀﺮﺕ ﺑﺘﻮﻝ ﻷﺑﻮﻫﺎ ﺍﺟﻪ ﺍﺧﺬﻫﺎ ..
ﺍﺳﺘﻐﺮﺑﺖ ﻧﻮﻣﻪ ﻋﺒﻮﺩﻱ ﻟﻠﺘﺴﻌﺔ ﻭﻧﺺ
ﺭﺣﺘﻠﻪ ﻟﻜﻴﺘﻪ ﻣﺼﺨﻦ
ﺧﺎﺑﺮﺕ ﺧﺎﻟﺘﻲ ﺃﺳﺎﻟﻬﺎ ﺷﺴﻮﻱ ﺍﻟﻪ
ﻛﺎﻟﺖ ﺍﻧﻄﻲ ﺧﺎﻓﺾ ﺣﺮﺍﺭﺓ ﻭ ﻛﻤﺎﺩﺍﺕ ..
ﻣﺎ ﺭﺍﺣﺖ ﻣﺮﺗﻀﻰ ﻛﺎﻝ ﻧﺎﺧﺬﻩ ﻟﻠﻄﺒﻴﺐ ﺍﻟﻌﺼﺮ
ﺑﻌﺪﻫﺎ ﺗﻨﺤﺲ ﻭﺻﺎﺭ ﺑﺲ ﻳﺒﺠﻲ ..
ﺍﻟﻌﺼﺮ ﻋﻔﻨﺎ ﺻﻮﻓﻲ ﻭﻣﻘﺘﺪﻯ ﻳﻢ ﺭﻗﻴﺔ ﻭﺍﺑﻨﻬﺎ ﻭﺭﺣﻨﺎ ﻟﻠﻄﺒﻴﺐ ﺍﻧﻲ ﻭﻣﺮﺗﻀﻰ ﻭﺍﻟﻔﺮﻳﻖ ﻣﺎﻟﺘﻲ ﺣﺸﺮ ﻧﻔﺴﺔ ﻭﻳﺎﻱ
ﺗﻘﻲ ﻭ ﺻﺪﻳﻖ ﻭﻗﺎﺳﻢ ..
ﺩﺧﻠﻨﺎ ﻟﻠﻤﺠﻤﻊ ﺍﻟﻄﺒﻲ ﻭﺣﺠﺰﻧﺎ ﺑﺲ ﺟﺎﻥ ﺣﻴﻞ ﺍﺯﺩﺣﺎﻡ ﻭﺍﺣﻨﻪ ﺭﻗﻢ ﺣﺠﺰﻧﺎ ٤٠ ..
ﺧﻨﻜﻪ ﻭﺑﺲ ﺍﻧﻲ ﻛﺎﻋﺪﻩ ﻭﻣﺮﺗﻀﻰ ﻭﺍﻟﺠﻬﺎﻝ ﻟﻠﺴﻴﺎﺭﺓ ﺭﺟﻌﻮ ﻳﻨﺘﻈﺮﻭﻥ ..
ﻓﺤﻂ .. ﻛﻤﺖ ﺍﻓﺘﺮ ﺑﻴﻪ ﺍﻻ ﺳﻜﺖ . ﺗﻌﺒﺖ ﺭﺩﺕ ﺍﻛﻌﺪ ﻟﻜﻴﺖ ﻣﻜﺎﻧﻲ ﻣﺄﺧﻮﺫ ﻭﻧﺺ ﺍﻟﻨﺴﻮﺍﻥ ﻭﺍﻛﻔﻪ .
ﺭﺣﺖ ﺳﺄﻟﺖ ﺍﻟﺴﻜﺮﺗﻴﺮﺓ
ﻛﺎﻟﺖ ﺍﻟﺮﻗﻢ ﻩ ﻭ ٦ ﺩﺧﻠﻮ ..
ﻭﺍﻧﺖ ٤٠
ﻳﻌﻨﻲ ﺳﺎﻋﺔ ﺍﺫﺍ ﻉ ﺍﻟﻤﻮﺟﻮﺩ ﺍﻻ ﻳﻮﺻﻞ ﺳﺮﺍﺝ
ﺭﺣﺖ ﻟﻤﺮﺗﻀﻰ ......
ﻣﻦ ﺷﺎﻓﻨﻲ
ﺳﺎﻝ
- ﻫﺎ ﺷﻮ ﺭﺟﻌﺘﻲ
ﻛﻌﺪﺕ ﻭﺭﺍﻩ
- ﺧﻨﻜﻪ ﺍﺧﺘﻨﻜﺖ
ﺍﺷﺒﻴﻬﻢ ﺫﻭﻟﺔ ﻳﺒﺠﻮﻥ
ﺍﻗﺼﺪ ﺗﻘﻲ ﻭﺗﻮﻣﻪ
- ﺍﺷﻤﺪﺭﻳﻨﻲ ﺷﺎﻓﻮ ﻣﺪﺭﻱ ﺷﻨﻮ ﻭﻳﺮﺩﻭﻥ ﺍﺧﺬﻩ ﺍﻟﻬﻢ
ﺗﻘﻲ - ﻣﺴﺪﺱ ﺍﺑﻮ ﺍﻟﺼﺠﻢ ﺍﻫﻨﺎﻙ ﻳﻼ ﺣﺒﺎﺏ ﺧﺎﻟﻮ
ﻣﺮﺗﻀﻰ - ﺍﺳﻜﺖ ﻛﺎﻓﻲ ﻛﻠﺖ ﺍﻟﻚ ﺍﻛﺮﻩ ﻫﺎﻱ ﺍﻟﺴﻮﺍﻟﻒ ..
ﻇﻠﻮ ﻳﺒﺠﻮﻥ ﻭﻋﺒﻮﺩﻱ ﻫﻢ ﻓﺤﻂ
ﻣﺮﺗﻀﻰ
- ﺍﻧﻲ ﺻﻮﺟﻲ ﺟﺒﺘﻜﻢ
- ﺍﻛﻠﻚ ﻣﺮﺗﻀﻰ ﻣﻴﺨﺎﻟﻒ ﻧﻨﻔﻪ ﻋﻨﻬﻢ ﺑﺎﻟﺤﺪﻳﻘﺔ ﺍﻟﻮﺭﺓ ﺑﻴﺘﻨﺎ ﻭ ﻧﻜﻌﺪ ﻧﻨﺘﻈﺮ ﺍﻫﻨﺎﻙ ﻛﺎﻟﺖ ﺳﺎﻋﺔ ﺍﻻ ﻳﻮﺻﻞ ﺳﺮﺍﻱ
- ﻧﺮﺟﻊ ﻟﻠﺒﻴﺖ ﻣﻮ ﺍﺣﺴﻦ
- ﺧﻄﻴﺔ ﺧﻞ ﻳﺸﻤﻮﻥ ﻫﻮﻯ
ﺍﺧﺬﻧﺎ ﻟﻠﺤﺪﻳﻘﺔ ﻭﻣﺎ ﺳﻜﺘﻮ ﺻﺪﻳﻖ ﻭﺗﻘﻲ
ﺍﺳﺘﺴﻠﻢ ﻭﻛﺎﻝ ﺭﺍﻳﺢ ﺍﺷﺘﺮﻱ ﺍﻟﻬﻢ ﻇﻠﻲ ﺍﻫﻨﺎ ﻭﺍﻧﺖ ﻗﺎﺳﻢ ﻇﻞ ﻳﻤﻬﺎ
ﺍﺧﺬﺍ ﺗﻘﻲ ﻭﺻﺪﻳﻖ ﻭﺭﺍﺡ ﻟﺴﻴﺎﺭﺗﻪ ﻳﺮﺟﻌﻮﻥ ﻟﻠﻤﺎﺭﻛﺖ ﺍﻟﻲ ﺑﺼﻒ ﺍﻟﻤﺠﻤﻊ ﺍﻟﻄﺒﻲ ﺷﺎﻓﻮ ﺑﻴﻪ ﺍﻟﻌﺎﺏ
ﻛﻌﺪﺕ ﻣﺴﺘﺤﻴﺔ ﻣﻮ ﻋﺎﺩﺗﻲ ﺍﻟﻜﻌﺪﺓ ﺑﺎﻟﺤﺪﺍﺋﻖ ﺍﻟﻌﺎﻣﺔ ﺑﺲ ﺍﻓﻀﻞ ﻣﻦ ﻛﻌﺪﺓ ﺍﻟﻌﻴﺎﺩﺓ . ﻭﺍﻟﻄﻔﻞ ﺳﻜﺖ ﻳﺒﺎﻭﻉ ﻟﻠﺠﻬﺎﻝ ﺍﻟﻲ ﺗﻠﻌﺐ ﺑﺎﻟﻤﺰﺍﻟﻴﻚ ﻭ ﺍﺑﺘﺴﻤﺖ ﻟﻠﺮﺟﺎﻝ ﺍﻟﺼﻐﻴﺮ ﺍﻟﻲ ﻣﺮﺍﻓﻘﻨﻲ ﻗﺎﺳﻢ ﺭﺍﺡ ﻳﺘﻤﺰﻟﻚ
ﻳﻨﺎﻏﻲ ﻋﺒﻮﺩﻱ ﻭﺑﻮﺳﻂ ﺗﺮﺍﺗﻴﻠﺔ ﻭﺍﻧﻐﺎﻣﻪ ..
ﺷﻔﺖ ﻛﺪﺍﻣﻲ ﻳﻤﺸﻲ ﻣﻦ ﺧﻠﻒ ﺳﻮﺭ ﺍﻟﺤﺪﻳﻘﺔ ﺍﻟﻤﺸﺒﻚ ﻟﻤﺤﺘﻪ ﺑﺸﻌﺮﺓ ﺍﻟﻄﻮﻳﻞ ﺍﻟﻌﻨﻴﺪ ﺍﻟﺴﺮﺡ ﺍﻟﻲ ﺗﺎﺭﻛﻪ ﻧﺎﺯﻝ ﻋﻠﻰ ﻇﻬﺮﺓ ﺭﺍﻓﺾ ﻭﻣﺘﺤﺪﻱ ﺍﻟﻌﺎﺩﺍﺕ ﻭ ﺑﺒﺠﺎﻣﺔ ﺑﺮﻣﻮﺩﺓ ﺣﺮﺑﻴﺔ ﻭ ﻓﺎﻧﻴﻠﺔ ﺳﻮﺩﺓ ﺍﺧﺬﺗﻠﻪ ﺻﻮﺭﺓ ﺑﺒﺎﻟﻲ ﻟﻠﺬﻛﺮﻯ ﺍﻟﻠﻴﻠﻴﺔ
ﺣﺰﺕ ﺑﻨﻔﺴﻲ ﻣﺎ ﺷﺎﻓﻨﻲ
ﺿﻠﻴﺖ ﺍﻟﻌﺐ ﺑﺮﺟﻠﻴﻦ ﻋﺒﻮﺩﻱ ﻭﺍﺣﺲ ﺣﺴﺮﺓ ﺑﺪﺍﺧﻠﻲ ﻻﻥ ﻣﺎ ﺷﺎﻓﻨﻲ ﺧﻠﻴﻞ
- ﺍﺷﻠﻮﻧﺞ
ﺍﺭﺗﺠﻔﺖ ﻣﻔﺎﺻﻠﻲ ﻭﺑﺴﺮﻋﺔ ﺧﻄﻔﺖ ﻧﻈﺮﻱ ﻟﻠﻲ ﻛﺎﻋﺪ ﻳﻤﻲ ﺗﺎﺭﻙ ﻣﺴﺎﻓﺔ ﻣﺴﻮﻱ ﻧﻔﺴﻪ ﻳﺒﺎﻭﻉ ﻟﻠﺠﻬﺎﻝ ...
- ﺍﻟﺒﻘﻴﺔ ﺑﺤﻴﺎﺗﺞ
ﻣﺎ ﺻﺎﺭﺕ ﻓﺮﺻﺔ ﺍﻋﺰﻳﺞ ...
- ﻣﺮﺗﻀﻰ ﻋﻠﻰ ﺟﻴﺔ
- ﺍﺷﻠﻮﻧﺞ
ﺍﺷﻮﻓﺞ ﻣﻜﺴﻮﺭﺓ ﺣﻴﻞ
ﺍﻟﺘﻔﺘﺖ ﻋﻠﻴﻪ ﻣﻨﻔﻌﻠﺔ ﻣﺎﻟﻪ ﺣﻖ ﻳﺜﻴﺮ ﺟﺮﺍﺣﻲ
ﺭﺟﻌﺖ ﺍﻟﻌﺐ ﺑﺮﺟﻞ ﺍﻟﻄﻔﻞ ﺑﺘﻮﺗﺮ
- ﻻ ﺗﺨﺎﻓﻴﻦ ﻫﺴﺔ ﺭﺍﻳﺢ
ﺑﺲ ﻛﻌﺪﺗﺞ ﺍﻫﻨﺎ ﻛﺪﺍﻡ ﺑﻴﺘﻨﺎ ﻫﻴﺠﺖ ﺣﻨﺎﻧﻲ !
ﻳﻌﻨﻲ ﺍﺷﻮﻓﺞ ﻭﺍﺭﻭﺡ ﻣﺎ ﻛﺪﺭﺕ ﺍﻟﺰﻡ ﺭﻭﺣﻲ
- ﻛﻌﺪﺗﻚ ﻳﻤﻲ ﻏﻠﻂ ﻻ ﻳﺸﻮﻓﻨﺎ ﺍﺣﺪ
- ﻣﻮ ﻳﻤﺞ ﺍﻧﻲ ...
ﻭﻛﻒ ﻭ ﺩﻧﻚ ﺳﻮﺓ ﻧﻔﺴﺔ ﻳﺎﺧﺬ ﺷﻲ ﻣﻦ ﺍﻻﺭﺽ ..
ﻭﺑﺎﻭﻉ ﺍﻟﻲ ﻣﻦ ﺟﻮﺓ ﻭﺍﺑﺘﺴﻢ ﺍﻟﻲ ﻭﺭﺍﺡ ...
ﻫﺎﻱ ﻫﻲ ﻣﺸﻰ ﻃﻠﻊ ﻣﻦ ﺍﻟﺤﺪﻳﻘﺔ ﻛﻠﻬﺎ ﻭﻫﻢ ﮔﻠﺒﻲ ﺣﺰﻥ ﻭﺍﺣﺘﺴﺮ ﻋﻠﻴﺔ
ﺑﻴﻦ ﺻﻔﻨﺘﻲ ﺷﻔﺘﻪ ﻣﻦ ﺑﺮﺓ ﺍﻟﺤﺪﻳﻘﺔ ﻳﺴﻮﻕ ﺑﺪﺭﺍﺟﻪ ﻭﻳﻤﺸﻲ ﺑﻄﻴﺊ
ﻭﺍﻟﺘﻔﺖ ﻋﻠﻴﻪ ﻭﻏﻤﺰ ...
ﻭ ﻇﻞ ﻳﻌﻴﺪ ﺑﺎﻟﻄﺮﻳﻖ ﻳﺮﻭﺡ ﻭﻳﺮﺟﻊ ﺧﻼﻧﻲ ﺻﺎﻓﻨﻪ ﻋﻠﻰ ﺷﻌﺮﺍﺗﻪ ﻳﻄﻴﺮﻥ ﻭﻳﺎﻩ
ﻛﺎﻧﻬﻦ ﺷﻲ ﻣﺄﻟﻮﻑ ﻋﻠﻴﻪ ﻭﺟﺰﺀ ﻣﻨﻪ ﻣﺸﺘﺎﻗﻪ ﺍﻟﻬﻦ
ﺑﺎﺣﺪ ﻟﻔﺎﺗﻪ ﻏﻤﺰ ﻭ ﺩﺧﻞ ﻟﻠﺤﺪﻳﻘﺔ
ﺣﻂ ﺍﻟﺘﻠﻴﻔﻮﻥ ﻋﻠﻰ ﺍﺫﻧﻪ ﻳﺨﺎﺑﺮ ﻭ ﻭﺻﻞ ﻳﻤﻲ ﺍﻧﻲ ﻛﺎﻋﺪ ﻋﻠﻰ ﻣﺼﻄﺒﺔ ﻭ ﻛﺪﺍﻣﻲ ﻣﻤﺮ ﻛﺮﺍﻧﻴﺖ ﻣﺸﻰ ﻋﻠﻴﻪ ﻭ ﻫﻮ ﻳﺤﺠﻲ ﺑﺎﻟﺘﻠﻴﻔﻮﻥ ﺑﺼﻮﺕ ﻋﺎﻟﻲ
- ﻣﺸﺘﺎﻕ ﺍﻟﻚ ﻳﻠﻬﻴﺒﺔ ﻋﻠﻢ ﻋﻠﻢ ﻭﺗﺸﻊ ...بيج قصص عراقيه حقيقيه من واقعنا.روعه الطائي
ﺧﻼﻧﻲ ﺍﺩﻧﻚ ﺧﺠﻼﻧﻪ ﻫﺬﺍ ﻳﻘﺼﺪﻧﻲ ...
- ﻣﺤﻠﻮ ( ﻣﺰﺩﺍﺩ ﺟﻤﺎﻝ ) ﺳﻌﺪﻭﻥ ﺣﻴﻞ
ﺭﺍﺡ ....
ﺍﻩ ﻣﻨﻪ ﺍﻻ ﺍﺗﻐﺰﻝ ﻻ ﺭﺍﺡ ﺑﻌﺪﻩ ﺍﻟﺸﻮﻙ ﺑﻌﻴﻮﻧﻪ
...
- ﺷﻮﻓﻲ ﺍﺫﺍ ﺧﺴﺮﺗﻲ ﺟﺪﻳﺎﺕ ﺍﺧﺬ ﺗﻠﻴﻔﻮﻧﺞ ﻟﻤﺪﺓ ﻳﻮﻣﻴﻦ ﻣﻨﺞ
- ﻳﻼ ﻳﻼ
- ﺭﺍﺡ ﺃﺳﺎﻟﺞ ﺍﻟﺴﺆﺍﻝ ﺍﻟﺜﺎﻟﺚ
ﺗﺬﻛﺮﻳﻦ ﺍﻻﺟﺎﺑﺔ ﻋﻦ ﺍﻟﺴﺆﺍﻝ ﻣﻦ ﻏﻴﺮ ﺍﻋﺎﺩﺓ ، ﻭﺍﺫﺍ ﺗﻌﻴﺪﻳﻦ ﺗﺨﺴﺮﻳﻦ ...
ﺷﻨﻮ ﺗﻐﺪﻳﺘﻲ ﺍﻟﻴﻮﻡ
- ﺑﺎﻧﻴﺔ ﺏ ..
ﺳﻜﺘﺖ ﻭ ﺿﺤﻜﺖ
ﻭ ﺗﻤﻦ
- ﻋﻔﻴﺔ
ﺯﻳﻦ
ﺍﻟﺴﺆﺍﻝ ﺍﻟﺮﺍﺑﻊ ﺍﺑﻨﺞ ﺷﻨﻮ ﺍﺳﻤﺔ ﺍﻟﺜﻼﺛﻲ
- ﻋﻠﻲ
ﺍﺧﺬﺕ ﻧﻔﺴﻬﺎ ﻭﻛﺎﻟﺖ
ﻳﺎﺳﺮ ﻋﺒﺪ ...
ﺳﻜﺘﺖ ﺍﻫﻮﺍﻱ ﺍﻻ ﻛﻤﻠﺖ ﺍﻟﻠﻪ
- ﻛﻮﻟﻴﻬﺎ ﺑﺴﺮﻋﺔ
- ﻋﻠﻲ ﻳﺎﺳﺮ
ﻋﺒﺪ ﺍﻟﻠﻪ
ﺑﺘﻮﻝ - ﻻ ﺍﺻﻴﺤﻴﻦ ﺭﻗﻴﺔ
ﺭﻗﻴﺔ ﺟﺎﻱ ﺍﺩﺭﺑﻬﺎ ﺗﺤﺠﻲ ﻣﻦ ﻏﻴﺮ ﺍﻋﺎﺩﺓ ﻭﺍﺧﺮ ﺷﻲ ﺣﺘﻰ ﻻ ﺗﻌﻴﺪ ﺻﺎﺣﺖ ﻋﺒﺪﺍﻟﻠﻪ ﺧﻠﺖ ﺑﺘﻮﻝ ﺍﺻﻴﺢ ﻭﺍﺳﺪ ﺍﺫﻧﻬﺎ ..
- ﺟﻴﺪ
ﻟﻬﻨﺎ ﻭﺟﻴﺪ
ﻻﺯﻡ ﺗﺪﺭﺑﻴﻦ ﺑﺎﺟﺮ ﻫﻢ ﻣﻦ ﻧﻜﻌﺪ ﺍﻟﺼﺒﺢ ﺣﺘﻰ ﻟﻮ ﺗﺒﻄﻴﻦ ﺍﻭ ﺍﺻﻴﺤﻴﻦ ﺑﺎﻟﻜﻼﻡ ﻣﻴﺨﺎﻟﻒ ﺍﻟﻤﻬﻢ ﻻ ﺗﻌﻴﺪﻳﻦ ﺧﻮﺵ
- ﺧﻮﺵ ﺧﻮﺵ
- ﻫﺎ؟
- ﺧﻮﺵ ﻭﺣﺪﻩ
ﻗﺎﺳﻢ ﺟﺎﻥ ﻳﻠﻌﺐ ﺑﺎﻟﺘﻠﻴﻔﻮﻥ ﺿﺤﻚ ﻣﻦ ﻳﻤﻪ ..
ﻭﺍﺟﺖ ﺍﻡ ﻣﺤﻤﺪ ﻣﻦ ﺍﻟﺴﻔﺮ ﻭﺍﺧﺬ ﻣﺤﻤﺪ ﺍﻭﻻﺩﻩ ﻣﻦ ﻋﺪﻧﺎ ﺑﻘﻰ ﻓﻘﻂ ﻋﺒﺪ ﺍﻟﻠﻪ ﻻﻥ ﺗﻌﻮﺩ ﻋﻠﻴﻪ ﻭ ﺍﻧﻲ ﻗﺮﺏ ﻣﻮﻋﺪ ﺩﻭﺍﻣﻲ ..
ﻭﺑﺎﺑﺎ ﻣﺘﻔﻖ ﻭﻳﺔ ﻳﺎﺳﺮ ﻳﺄﺟﺮ ﻳﻤﻨﺎ ﻭﻳﺎﺧﺬ ﺭﻗﻴﺔ ﻫﻴﺞ ﺍﻻ ﻳﺎﺳﺮ ﻏﺾ ﻧﻈﺮ ﻋﻦ ﺍﻟﺪﻋﻮﺓ ﻫﻮ ﺃﺟﻠﻬﺎ ﻭﺻﺒﺮ ﻋﻠﻴﻨﺎ ﺑﺸﺪﺗﻨﺎ ﻭﻫﺴﺔ ﺑﺎﺑﺎ ﻭﺍﻓﻖ ﻣﻦ ﺳﻤﻊ ﺑﻴﺎﺳﺮ ﻳﺮﻳﺪ ﻳﺮﺟﻊ ﻳﻘﻴﻢ ﺩﻋﻮﺓ، ﻟﻜﻦ ﻣﺎﻛﻮ ﺑﻔﺮﻋﻨﺎ ﺑﻴﺖ ﻟﻸﻳﺠﺎﺭ ﺣﺎﻟﻴﺎ ﻣﻨﺘﻈﺮﻳﻦ ﻧﺎﺱ ﺟﻴﺮﺍﻧﻪ ﻣﺆﺟﺮﻳﻦ ﻳﺸﻴﻠﻮﻥ ﻳﺮﺩﻭﻥ ﻭﺍﻟﻠﻪ ﻛﺮﻳﻢ
︎▪ ﻳﺎﺳﺮ
ﻭﺍﺧﻴﺮﺍ ﺗﻜﺴﺮ ﺣﺠﺮ ﻋﻨﺎﺩ ﺍﻟﺸﻴﺦ ﻭﻗﺒﻞ ﻳﺮﺩﻟﻲ ﺍﻡ ﺍﺑﻨﻲ
ﺑﺲ ﺣﻄﻠﻲ ﻋﻘﺪﺓ ﻻﺯﻡ ﺍﺩﺑﺮ ﺑﻴﺖ ﺍﻟﻬﺎ ﻳﻤﻪ ﻳﺮﻳﺪﻫﺎ ﻭ ﻣﺎ ﻳﺮﻳﺪﻫﺎ ﻳﻢ ﺃﺳﺮﺓ ﻛﺒﻴﺮﺓ ﺍﺳﺮﺗﻲ ﻭﻻ ﺗﺘﻌﺎﻳﺶ ﻭﻳﺔ ﺯﻭﺟﺔ ﺛﺎﻧﻴﺔ ..
ﻣﺎﻟﻲ ﻏﻴﺮ ﺍﻟﻤﻮﺍﻓﻘﺔ ﻋﻠﻰ ﺷﺮﻭﻃﺔ ﺍﻟﺘﻌﺴﻴﻔﻴﺔ ﺍﻓﻀﻞ ﻣﻦ ﺍﻻﻧﻔﺼﺎﻝ
ﻛﻠﺖ ﻟﻴﺎﺳﻤﻴﻦ ﺑﻮﻗﺘﻬﺎ ﺿﺎﺟﺖ ﻭﻟﺤﺪ ﻫﺴﺔ ﻛﻞ ﻣﺎ ﻳﻨﺬﻛﺮ ﺍﻟﻤﻮﺿﻮﻉ ﺗﺘﻜﺪﺭ ﺑﺲ ﻣﺎ ﺗﺤﺠﻲ ﻫﺬﺍ ﺣﮕﻲ ﺍﻧﻪ ﺭﺟﺎﻝ ﻣﺘﻤﻜﻦ ﻭﻣﺎ ﻣﺠﺬﺏ ﺍﻋﻠﻴﻬﺎ ﻣﺨﻠﻲ ﻣﺮﺕ ﺍﺑﻮﻱ ﺗﻜﻮﻝ ﺍﻟﻬﺎ ﻗﺒﻞ ﻻ ﺣﺘﻰ ﺍﺷﻮﻓﻬﺎ ﺍﻧﻪ ﻣﻄﻠﻚ ﻭﺍﺫﺍ ﺳﻤﺤﺖ ﺍﻟﻈﺮﻭﻑ ﺍﺭﺟﻊ ﻣﺮﺗﻲ ﺍﻻﻭﻟﻴﺔ ....
ﻣﺮﻥ ﺷﻬﺮﻳﻦ ﻭﻣﺎﻛﻮ ﺍﻟﺒﻴﺖ ﺍﻟﻲ ﺍﺭﻳﺪ ﺍﺟﺮﺓ ﺑﻔﺮﻋﻬﻢ ﻣﺎ ﻓﺮﻍ ﻭﻣﺎﻛﻮ ﺑﻴﻮﺕ ﻟﻼﻳﺠﺎﺭ ﻳﻤﻬﻢ ﻭﺍﻻ ﻧﻔﺲ ﺍﻟﻔﺮﻉ ﺟﺎﻥ ﺍﻟﻤﻮﺿﻮﻉ ﺑﻴﻪ ﺻﻌﻮﺑﻪ ﻟﻬﺬﺍ ﺍﻟﺴﺒﺐ
ﺟﺎﺑﻮ ﺍﻟﻲ ﻋﻠﻲ ﻭﺍﻟﻌﺠﻴﺐ ﻓﺎﺕ ﺍﺳﺒﻮﻉ ﻭﻣﻦ ﺭﺩﻳﺘﻪ ﺍﻟﻬﻢ ﻭ ﻳﻮﻣﻴﻦ ﺭﺩﻭﻩ ﺍﻟﻲ ﺗﻌﺠﺒﺖ ﺍﺷﻌﺠﺐ ﺍﻣﻪ ﺧﻠﺘﻪ ؟
ﻣﺎ ﺻﺒﺮﺕ ﻭ ﺧﺎﺑﺮﺕ ﻣﺮﺗﻀﻰ
- ﻫﺎ ﺍﺑﻮ ﻋﻼﻭﻱ ﺣﺒﻴﺒﻲ ﺍﺷﻠﻮﻧﻚ
- ﻏﺎﻟﻲ ﻣﺮﺗﻀﻰ ﺣﺒﻴﺒﻲ ﺑﺨﻴﺮ
ﺍﻛﻠﻚ ﺷﻮ ﻋﻼﻭﻱ ﺭﺟﻌﻠﻲ ﺍﻭﻝ ﺗﺎﻟﻲ
ﻗﺒﻠﺖ ﺍﻟﻤﺮﺓ
- ﻫﻬﻬﻬﻬﻬﻪ
ﻭﺍﻟﻠﻪ ﺍﻟﺼﺮﺍﺣﺔ ﺍﻃﻔﺎﻝ ﺍﻟﻤﺮﺣﻮﻣﺔ ﺍﺧﺘﻲ ﺍﻟﺘﻮﻡ ﺭﺟﻌﻮ ﻳﻤﻨﺎ ﻣﺘﻌﻠﻘﻴﻦ ﺑﺨﺎﻟﺘﻬﻢ ﻭﻫﻲ ﻃﺎﻟﺒﺔ ﻭﺑﺲ ﻃﻼﻳﺐ ﺑﻴﻨﻬﻢ ﻭﺑﻴﻦ ﻋﻠﻲ ﺍﻟﺒﺎﺭﺣﻪ ﻭﺍﺣﺪ ﻣﻨﻬﻢ ﺿﺮﺑﺔ ﺑﺼﺠﻤﺔ ﺍﺟﻪ ﻳﻄﻴﺮ ﺍﻟﻪ ﻋﻴﻨﻪ ﺍﻻ ﺍﺷﻮﻳﺔ
ﻓﻔﺮﻗﻨﺎﻫﻢ ﺷﻨﺴﻮﻱ
- ﺍﻧﻪ ﺍﺧﻮﻙ ﻻ ﻋﻤﻲ ﺯﻳﻦ ﺳﻮﻳﺘﻮ ﺟﺎ ﺗﻌﻮﻕ ﺍﻟﻮﻟﺪ ..
ﺳﺪﻳﺖ ﺍﻟﺨﻂ ﻭﺭﺣﺖ ﻟﺰﻫﺮﺍﺀ ﺗﺒﺠﻲ
ﺷﻠﺘﻬﺎ ﻭ ﻃﻠﻌﺖ ﺍﺩﻭﺭ ﺍﻣﻬﺎ
- ﻳﺎﺳﺔ ﺗﻌﺎﻟﻲ ﺷﻮﻓﻴﻬﺎ ﻋﻮﻓﻲ ﺍﻟﺒﻴﺪﺝ ﻭﺗﻌﺎﻟﻲ
ﺻﺎﺣﺘﻠﻲ ﺍﻣﻲ ( ﻣﺮﺕ ﺍﺑﻮﻱ )
- ﺟﻴﺒﻬﺎ ﻳﺎﺳﺮ ﺍﻣﻬﺎ ﺑﺎﻟﺤﻤﺎﻡ ..
ﻭﺩﻳﺘﻬﺎ ﺍﻟﻬﺎ
ﻣﺮﺕ ﺑﻮﻱ ﺑﺪﺕ ﺗﻐﻨﻲ ﺍﻟﻬﺎ
- ﻳﺰﻫﺮﺓ ﺯﻫﺮﺗﻲ ﺗﻔﺮﺷﻠﻲ ﻟﻨﻮﻣﺘﻲ ﻭ ﺩﻟﻴﻨﻲ ﻗﺒﻠﺘﻲ
ﻳﺰﻫﺮﺓ ﺯﻫﺮﺗﻲ
ﻭﻫﻲ ﺗﻼﻋﺐ ﺑﺎﻟﻄﻔﻠﺔ ﺳﺄﻟﺘﻬﺎ
- ﻳﻤﺔ ﻭﺗﺎﻟﻲ ﻭﻳﺔ ﻳﺎﺳﻤﻴﻦ
- ﺍﺷﺒﻴﻬﺎ
ﻛﻌﺪﺕ ﻳﻤﻬﺎ ﻭﻛﻠﺖ ﺷﺎﻛﻲ
- ﻇﺎﻟﺔ ﻣﺒﻮﺯﺓ ﻋﻠﻴﺔ ﺟﺎ ﺍﻧﻪ ﻣﻮ ﻛﺎﻳﻞ ﺍﻟﻬﺎ
- ﺟﺎ ﺣﺒﺘﻚ ﺍﻟﺒﻨﻴﺔ ﻭﺗﻐﺎﺭ ﺍﻋﻠﻴﻚ ﻗﺎﺑﻞ ﺑﻴﺪﻫﺎ
- ﺑﺲ ﻫﻲ ﺗﺪﺭﻱ
- ﺟﺎ ﺍﮔﻠﻴﺒﻬﺎ ﺑﻴﺪﻫﺎ
ﻻ ﺗﻀﻐﻂ ﺍﻋﻠﻴﻬﺎ ﺑﺸﻨﻮ ﻣﺄﺫﻳﺘﻚ ﺍﺗﺮﻳﺪﻫﺎ ﺗﻀﺤﻚ ﺍﻟﻚ ﻭ ﺗﺪﻟﻠﻚ ﺧﻞ ﺗﺒﺮﺩ ﺍﻟﺴﺎﻟﻔﺔ
- ﻭﺍﻧﺖ
- ﺷﻨﻬﻮ ﺍﺷﺒﻴﻪ ﺍﻧﻪ
- ﻗﺎﺑﻠﺔ ﺍﺭﺩﻫﺎ
- ﺟﺎ ﺍﻧﻪ ﺷﻨﻬﻮ ﺍﻟﻲ ﺑﺎﻟﺴﺎﻟﻔﺔ
ﺍﻧﺖ ﻣﺜﻞ ﺍﻟﻤﺜﻞ
- ﻳﺎ ﻣﺜﻞ
- **** ﻭﻣﺴﺘﺤﻲ
ﺿﺤﻜﺖ ﺑﺼﻮﺕ
- ﺍﻱ ﺟﺎ ﺍﺗﺮﻳﺪ ﺗﺎﺧﺬ ﺭﺍﻳﻲ ﺍﻧﻪ ﻭ ﺍﻧﺖ ﺍﻟﻀﺤﻜﺔ ﺗﺎﺭﺳﺔ ﻭﺟﻬﻚ ﻭ ﻣﺘﻮﻧﺲ ﻭﺍﺗﺮﻳﺪﻫﺎ ﻭ ﻛﻠﺴﺎﻉ ﺟﺎﻳﻨﻲ ﺧﻮ ﻣﻮ ﻏﻠﻂ ﺧﻮ ﻣﺎ ﺍﻇﻠﻢ ﺑﺖ ﺍﺧﺘﺞ ﻭﻃﺎﻳﺢ ﺑﻴﻪ ﺃﺳﺌﻠﺔ
ﺍﺗﺮﻳﺪﻧﻲ ﺍﺭﻳﺤﻚ
ﺭﺩﻫﺎ ﻭﻓﻀﻨﻲ
- ﻫﻬﻬﻬﻬﻬﻬﻪ ﻳﻤﺔ ﺍﻧﻪ ﻏﻴﺮ ﺍﻟﻜﺔ ﺑﻴﺖ ﻳﻢ ﺍﻫﻠﺔ ﻋﻠﻰ ﺣﻈﻲ ﺍﺑﻮﻫﺎ ﻗﺒﻞ ﻣﻦ ﻣﺪﺓ ﻭﺍﻧﻪ ﻣﻨﺎﻃﺮ ﺑﻴﺖ ﻳﻤﻬﻢ ﺷﻨﻬﻮ ﻳﻜﻠﻚ ﻛﻀﻦ ﺍﻟﺒﻴﻮﺕ
- ﻫﺬﺍ ﺣﻈﻚ ﻣﺎ ﺗﻜﻤﻞ ﻭﻳﺎﻙ ﺑﻌﺮﺱ ﺍﻟﻴﺘﻴﻢ ﻏﺎﺏ ﺍﻟﻜﻤﺮ
- ﺧﺎﻟﺔ ﺯﻫﺮﺍﺀ ﻳﻤﺞ
ﺳﻤﻌﻨﺎ ﺻﻮﺕ ﻳﺎﺳﻤﻴﻦ .. ﻗﺮﻳﺐ ﻣﻨﺎ ﻭﺩﺧﻠﺖ
- ﺍﻱ ﻳﻤﺔ ﺧﻠﻴﻬﺎ ﻳﻤﻲ ﻭ ﺭﻭﺣﻲ ﻣﺸﻄﻲ ﺷﻌﺮﺝ
- ﺧﻮﺵ
- ﺷﻔﺘﻲ ﻳﻤﺔ ﻭﺟﻪ ﺍﻟﻤﻜﻠﻮﺏ ﻫﺎﻱ ﺍﺷﻠﻮﻥ ﺑﻴﻬﺎ ﺧﺎﻑ ﺍﺗﻈﻞ ﻫﻴﺞ ﻟﻮ ﻣﻦ ﺍﺻﻴﺮ ﺻﺪﻙ ﺗﻐﻴﺮ ﻋﻠﻴﻪ ﻭﺗﺴﻮﻱ ﻣﺸﺎﻛﻞ ﻭ ﺗﺰﻋﻞ ﻭﺗﻌﻮﻓﻨﻲ
- ﻻ ﺗﺨﺎﻑ ﺍﻟﺒﻨﻴﺔ ﻳﺘﻴﻤﺔ ﻣﺎﻋﺪﻫﺎ ﺍﻡ ﺗﺘﻠﻜﺎﻫﺎ ﻣﻦ ﺗﺰﻋﻞ
- ﻳﻤﺔ ﻻ ﺗﺤﺴﺴﻴﻨﻲ ﺃﺳﺘﻐﻼﻟﻲ ﻟﻮﺿﻌﻬﺎ
ﺟﺎ ﺍﻧﻪ ﺍﺧﻠﻴﻚ ﺗﺴﺘﻐﻠﻬﺎ ..
ﻣﺮﺗﻚ ﻣﺮﻳﻀﺔ ﻭﺍﻧﺖ ﺍﺗﺮﻳﺪ ﻣﺮﺓ ﺻﺎﺣﻴﺔ ﻭﺍﺷﻮﻓﻜﻢ ﻣﺘﺄﻟﻔﻴﻦ ﻭﻣﺮﺍﻋﻴﻬﺎ
ﺑﻘﺖ ﺗﺮﺩ ﻣﺮﺗﻚ ﻣﺎ ﺗﺮﺩﻫﺎ ﻣﺎ ﻧﻜﺪﺭ ﻧﻤﻨﻌﻚ
ﻭﺗﻈﻞ ﺍﻟﻀﺮﺓ ﻣﺮﺓ ﻭﺍﻧﻪ ﺍﻟﻲ ﺟﺮﺑﺘﻬﺎ
- ﻗﺒﻞ ﻻ ﺗﺤﻮﻟﻴﻦ ﻋﻠﻰ ﺍﻣﻲ ﺍﺭﻭﺡ ﻟﺒﺖ ﺍﺧﺘﺞ ...
ﺩﺧﻠﺖ ﻟﻜﻴﺘﻬﺎ ﺗﻀﺤﻚ ﻭﺑﺜﻮﺏ ﻧﻮﻡ ﺍﺣﻤﺮ
ﻳﺎﺳﻤﻴﻦ
- ﻭﻟﺞ ﺍﻛﻌﺪﻱ ﺭﺍﺣﻪ ﺭﺟﻠﺞ ﻻ ﻳﻄﻠﻜﺞ ﻫﻬﻬﻬﻬﻬﻬﻬﻪ
ﺷﺎﻓﺘﻨﻲ ﺩﺧﻠﺖ ﺳﻜﺘﺖ ﺿﺤﻜﻬﺎ ﻭﻧﻬﺖ ﺍﻻﺗﺼﺎﻝ ..
ﻟﺒﺴﺖ ﺭﻭﺑﻬﺎ ﺍﻻﺑﻴﺾ ﺑﻮﺭﺩ ﺍﺣﻤﺮ ﻭ ﻛﻌﺪﺕ ﺗﻤﺸﻂ ﺑﺸﻌﺮﻫﺎ
ﻣﺎ ﻃﺨﻴﺖ ﺍﻟﻬﺎ ﺗﺮﺍﺿﻲ ﻋﻠﻰ ﺍﺳﺎﺱ ﻣﺎ ﺑﻴﻨﺎ ﺷﻲ
ﺳﺄﻟﺖ
- ﺷﻨﻬﻮ ﺭﺍﺡ ﺗﻨﺎﻡ
- ﻻ ﺍﻧﻪ ﺍﺭﻳﺪ ﻣﺮﺗﻲ ﺗﻜﻤﻞ ﻭﺗﺠﻲ
- ﺷﻨﻮ ﺍﺗﺮﻳﺪ
- ﺍﺭﻳﺪ ﺍﺣﻀﻨﻬﺎ
ﺍﺟﺖ ﻳﻤﻲ ﺑﻌﻴﻮﻥ ﺗﻨﺪﻱ ﺣﻨﻴﺔ
- ﻣﺸﺘﺎﻕ ﺍﻟﻲ ؟
- ﺣﻴﻴﻴﻴﻴﻴﻴﻞ ﻛﺪ ﺭﺣﻤﺔ ﺭﺑﺞ ﻳﺎ ﻇﺎﻟﻤﺔ ﺍﺳﺒﻮﻉ
ﺍﺳﺒﻮﻉ ﻭﺟﻪ ﻣﺒﻮﺯ ﻭ ﺩﺷﺪﺍﺷﺔ ﻛﺸﻤﻴﺮ ﺭﺩﻧﻬﺎ ﻭﺍﺻﻞ ﻟﺮﺟﻠﻴﺞ
- ﻋﻠﻰ ﺍﺳﺎﺱ ﺍﻧﺖ ﻫﺎﻣﻚ ﻣﺎ ﺍﺗﺮﺍﺿﻴﻨﻲ ﺍﺫﺍ ﻣﺸﺘﺎﻕ
- ﻟﻴﺶ ﺍﺣﻨﻪ ﺑﻴﻨﺎ ﺯﻋﻞ ﺻﺎﺭ
ﺳﻜﺘﺖ
ﺟﺮﻳﺘﻬﺎ ﻳﻤﻲ
- ﺍﺣﻨﻪ ﻣﺎ ﺑﻴﻨﺎ ﻫﺎﻱ ﺍﻟﺴﻮﺍﻟﻒ ﺯﻋﻞ ﻭ ﺯﺍﻋﻠﺘﻚ ﻭﻋﺘﺎﺏ
ﻳﺎﺳﺔ ﺍﻧﻲ ﺍﻓﻬﻤﺞ ﻣﻦ ﻃﺮﻓﺖ ﻋﻴﻨﺞ ..
- ﺗﺤﺒﻨﻲ ﻟﻮ ﺗﺤﺒﻬﺎ ﺍﻛﺚ ....
ﺣﻄﻴﺖ ﺍﺻﺒﻌﻲ ﻋﻠﻰ ﺣﻠﻜﻬﺎ
- ﻫﺸﺶ ﻛﺎﻓﻲ
ﻫﺎﻱ ﻏﺮﻓﺘﺞ ﺧﺎﺹ ﺑﻴﻨﺎ ﺍﻧﻪ ﻭﻳﺎﺝ ﺑﺲ ﺍﻟﻲ ﻳﺨﺼﻨﺎ ﺑﻴﻬﺎ ﻻ ﺍﺩﺧﻠﻴﻦ ﺛﺎﻟﺚ ﺑﻴﻬﺎ
ﺍﺑﺘﺴﻤﺖ ﺗﻮﺳﻌﺖ ﻟﻀﺤﻜﺔ ﺧﺎﻟﻴﺔ ﻣﻦ ﺍﻟﺼﻮﺕ ﺯﺍﺩﺗﻬﺎ ﺣﻼﻭﺓ ﻭ ﺍﻏﺮﺍﺀ ﺑﺪﺕ ﻃﺎﻗﺔ ﺍﻟﻤﻮﺩﺓ ﺗﺠﺪﺩ ﺑﺸﺘﻴﺎﻕ ﻣﻔﻌﻢ ﺑﺎﻟﺘﺒﺎﺩﻝ ﻭ ﺍﻧﺼﻬﺮﻧﺎ ﺑﻨﻬﺎﻳﺔ ﺍﻟﻤﻄﺎﻑ ﺑﺤﻤﻢ ﺍﻟﻤﻠﮕﺔ
ﺍﻟﺼﺒﺢ
ﻛﻌﺪﺕ ﻋﻠﻰ ﺻﻮﺗﻬﺎ ﺗﻐﻨﻲ ﻟﺰﻫﺮﺍﺀ ﺑﺘﻨﺎ ..
- ﻛﻌﺪﺕ ﺍﻟﺤﻠﻮﺓ ﻳﺎ ﺍﺻﺒﺎﺡ ﺍﻟﺨﻴﺮ
ﻧﺪﻛﺖ ﺍﻟﺒﺎﺏ ﺗﻔﻠﻴﺶ ﻋﺮﻓﺘﻪ ﻫﺬﺍ ﻋﻠﻲ
ﺩﺧﻠﺘﻪ ﺷﺎﻳﻠﺔ
- ﺗﻌﺎﻝ ﺻﺒﺢ ﻋﻠﻰ ﺍﺧﺘﻚ
ﺣﻄﻴﺘﻪ ﻳﻤﻬﺎ ﻭﻫﻲ ﻋﻠﻰ ﺭﺟﻠﻴﻦ ﺍﻣﻬﺎ
ﺗﻔﻞ ﻋﻠﻴﻬﺎ
- ﻭﻟﻚ ﻋﻠﻲ
ﺷﺮﺩ ﺧﺎﻑ ﻣﻨﻲ ﺭﺍﺡ ﻻﻣﻲ ﻫﻮ ﻳﻨﺎﻡ ﻳﻤﻬﺎ ...
ﺭﺣﺘﻠﻪ
- ﻭﻟﻚ ﺗﻌﺎﻝ ﺍﻏﺴﻠﻚ ﻭﺟﻬﻚ
ﺍﺧﺬﺗﻪ ﻭﺍﻧﻲ ﺍﻛﻠﻪ
- ﻧﺨﻠﺺ ﻭﺗﺒﻮﺳﻬﺎ
- ﺍﻟﻴﺪ ﻣﺎﻣﺎ
- ﻋﻠﻲ ﺷﻜﻠﻨﺎ ﻣﻮ ﻛﻠﻨﺎ ﺗﻈﻞ ﻳﻤﻲ ﻣﻨﺎ ﻣﻦ ﻧﺠﻴﺐ ﺍﻣﻚ ﻳﻤﻨﺎ
- ﻭ ﻫﺎﻟﺔ ﻫﺎﻟﺔ
- ﻳﺎ ﻫﺎﻟﺔ
ﻧﺸﻔﺖ ﻭﺟﻪ ﻭﺭﺣﻨﺎ ﻟﻐﺮﻓﺘﻲ
- ﻫﺎ ﻭﻟﻚ ﻳﺎ ﻫﺎﻟﺔ
- ﻫﺎﻟﺔ ﺩﻳﻨﺐ
- ﻣﺎ ﺍﻓﻬﻢ ﻛﻼﻣﻚ
ﺍﻛﻠﺞ ﺍﺳﻠﻜﻴﻨﺎ ﺑﻴﺾ ﻭ ﺳﻮﻱ ﺣﻠﻴﺐ ﻟﻌﻼﻱ
ﺻﺎﺭ
ﺑﺲ ﻫﺎﻙ ﺯﻫﻴﺮﺓ
ﺑﺲ ﺣﻄﻴﺘﻬﺎ ﺑﺤﻀﻨﻲ ﻋﻠﻲ ﺭﺍﺩ ﻳﻀﺮﺏ ﻭﺟﻪ ﻭﺧﺮﺕ ﺍﻳﺪﻩ
- ﺍﻛﻌﺪ ﺑﺎﺑﺎ ﻻ ﺗﺄﺫﻳﻬﺎ ..
ﺧﺎﺑﺮﻧﻲ ﻣﺮﺗﻀﻰ ﺑﻠﻐﻨﻲ ﺟﻴﺮﺍﻧﻬﻢ ﺍﻻﺳﺒﻮﻉ ﺍﻟﺠﺎﻱ ﻳﺸﻴﻞ .. ﺍﻧﻪ ﻣﺎ ﺍﻧﺘﻈﺮﺕ ﻭﻛﺖ ﻛﻠﺖ ﺍﻟﻪ ﺑﺎﺟﺮ ﺟﺎﻳﺐ ﺍﻟﺸﻴﺦ ﻭﺧﻞ ﺍﺭﺩﻫﺎ
ﻭﺍﺑﻮﻫﺎ ﺭﺩﻫﺎ ﻭﻣﺎ ﺷﻔﺘﻬﺎ ﻭﻻ ﻃﻠﻌﻬﺎ ﺍﻟﻲ
ﻃﻠﺒﺖ ﻣﻦ ﻣﺮﺗﻀﻰ ﺭﺍﺡ ﻭﺭﺟﻊ ﺧﺎﻟﻲ ﻭﺍﺑﻮﻫﺎ ﻇﺎﻝ ﻛﺎﻋﺪ ﻳﺴﺒﺢ ﺃﻳﺴﺖ ﻭﺭﺣﺖ .. ﺍﺣﻨﻪ ﺑﻌﺪﻧﺎ ﺑﻴﻨﺎ ﺷﺤﻨﺎﺕ ﻏﻴﺮ ﻣﺴﺘﻠﻄﻔﻨﻲ ﺑﺴﺒﺐ ﻋﻨﺎﺩﻱ ﻭﺟﺒﺮﺓ
︎▪ ﺯﻳﻨﺐ
ﻭﻟﺞ ﺭﻗﻴﺔ ﻳﻼ
- ﺍﻱ ﺍﻱ ﻫﺴﺔ
ﻃﻠﻌﺖ ﻭ ﺣﺎﻃﻪ ﺍﻟﻜﺤﻞ
ﻋﻮﺟﺖ ﺣﻠﻜﻲ ﻭ ﺷﻠﺖ ﺍﻟﻤﻜﻨﺎﺳﺔ ﻭ ﺍﺩﻭﺍﺕ ﺍﻟﺘﻨﻈﻴﻒ ﻭﻣﻘﺘﺪﻯ ﻭﻗﺎﺳﻢ ﻭ ﺍﻟﻔﺮﻳﻖ ﺍﻟﻲ ﺭﺟﻌﻠﻲ ﺗﻘﻲ ﻭﺻﺪﻳﻖ ﻭﻋﻠﻲ
ﻛﺪﺍﻣﻲ ﻳﺘﺮﺍﻛﻀﻮﻥ ﺩﺧﻠﻨﺎ ﻟﺒﻴﺖ ﺭﻗﻴﺔ ﺍﻟﻲ ﺍﺟﺮﺓ ﻳﺎﺳﺮ ﺑﻴﻨﺎ ﺑﺲ ﺑﻴﺖ ﻭﺍﺣﺪ
ﺍﻟﻤﻔﺎﺗﻴﺢ ﺍﺧﺬﻧﺎﻫﻦ ﻣﻦ ﻣﺮﺗﻀﻰ
ﻭﺑﺪﻳﻨﺎ ﻧﻨﻈﻒ ﻭﻧﻐﺴﻞ ﻧﺪﻛﺖ ﺍﻟﺒﺎﺏ ﻃﻠﻊ ﻳﺎﺳﺮ ﺟﺎﻱ ﻳﺴﻮﻱ ﺍﻟﻜﻬﺮﺑﺎﺋﻴﺎﺕ ، ﻣﻘﺘﺪﻯ ﻳﻤﻪ ﺑﺎﻟﻬﻮﻝ ﺍﺣﻨﻪ ﺭﺣﻨﺎ ﻟﻠﻐﺮﻑ ﻧﻨﻈﻒ ...
ﻧﺪﻛﺖ ﺍﻟﺒﺎﺏ ﻭﺭﺍﻫﺎ ﺳﻤﻌﺖ ﺻﻮﺗﻪ ﻟﺨﻠﻴﻞ
- ﺣﺒﻴﺒﻲ ﺍﺷﻠﻮﻧﻚ
ﺧﺎﻑ ﻣﺤﺘﺎﺝ ﺷﻲ ﺍﺟﻴﺖ ﺍﺳﺎﻋﺪﻙ
ﻳﺎﺳﺮ - ﻣﻮ ﻗﺒﻞ ﺍﺷﻮﻳﺔ ﺟﻨﺖ ﻳﻤﻜﻢ
ﻭﺍﺧﺬﺕ ﻣﻨﻜﻢ ﻋﺪﺓ ﺑﻌﺪ ﺷﻜﻮ ﺟﺎﻱ ﻣﻮ ﻛﻠﺖ ﺍﻟﻚ ﻣﺎ ﺍﺣﺘﺎﺝ
ﺍﺻﻮﺍﺗﻬﻢ ﻳﻤﻨﺎ ﻭﺑﻴﻬﺎ ﺻﺪﻯ ﻫﻤﻴﻦ ﻻﻥ ﺍﻟﺒﻴﺖ ﻓﺎﺭﻍ ﻣﻦ ﺍﻻﺛﺎﺙ ﺍﻟﻌﺼﺮ ﻳﺠﻴﺒﻮﻩ
ﺭﻗﻴﺔ ﺧﻠﺼﺖ ﺍﺧﺮ ﻏﺮﻓﺔ ﻛﻠﺖ ﺍﻟﻬﺎ ﻳﻼ ﺧﻞ ﻧﺮﻭﺡ ، ﺟﺎﻳﺐ ﻭﻟﺪ ﻳﻤﻪ ..
- ﻳﺎ ﻫﻢ ﻣﺎ ﻣﺎ ﺍﺷﻮﻓﻪ ﺍﺷﻮﻓﻪ
ﻣﺎ ﺷﻔﺘﻪ ﺑﺲ ﺑﺲ ﺑﺎﻟﻤﺤﻜﻤﺔ ﺍﺷﻮﻳﺔ ﻫﻢ ﻫﻢ
ﻣﺎ .
- ﻭﻟﺞ ﺧﻠﻴﻞ ﺍﻫﻨﺎ ﻭﻟﺰﻙ ﻣﺒﻴﻦ ﻳﺎﺳﺮ ﺟﺎﻱ ﺩﺍﺭﻱ ﻳﻤﻜﻦ ﻣﻦ ﺭﺟﻠﺞ ﺍﺣﻨﻪ ﺍﻫﻨﺎ ﻭﺟﺎﻱ
- ﺍﺭﻳﺪ ﺍﺷﻮﻑ ﺍﺷﻮﻓﻪ ﻳﺎﺳﺮ ﻳﺎﺳﺮ
ﻟﺒﺴﺖ ﻋﺒﺎﺗﻲ
- ﻋﻴﻨﻲ ﺍﻧﺖ ﺍﺑﻘﻲ ﻳﻢ ﺭﺟﻠﺞ ﺍﻧﻲ ﻋﺎﻳﻔﺔ ﻃﻔﻞ ﻧﺎﻳﻢ ﻳﻢ ﺍﻣﻲ ﻭﺭﺍﻳﺔ ﻫﻢ ﻃﺒﺦ ﻭﻧﻔﺦ
ﻭﺻﻠﺖ ﻟﻠﻤﻤﺮ ﺍﻟﻤﻄﺒﺦ
ﻭﺻﻠﺖ ﻟﻠﻄﺎﺭﻣﺔ ﻟﻜﻴﺘﻪ ﻭﺍﻛﻔﻠﻲ ﻭﺣﺎﻁ ﺍﺩﻳﻪ ﺑﺠﻴﻮﺑﺔ
- ﻭﻳﻦ ﺭﺍﻳﺤﺔ ﻣﻦ ﻏﻴﺮ ﺍﺷﻠﻮﻧﻚ ﺍﺑﻮ ﺍﺑﺮﺍﻫﻴﻢ ؟
- ﻫﺎ
- ﺟﺎ ﻣﺎ ﻛﻠﺖ ﺍﻟﺞ ﺍﺑﻨﺎ ﺍﺑﺮﺍﻫﻴﻢ
ﻓﻜﺮﺕ ﺍﺷﻠﻮﻥ ﺷﺎﻓﻨﻲ ﺍﻧﻲ ﻃﺎﻟﻌﺔ؟
ﻭﻫﻮ ﻣﺎ ﻗﺼﺮﻥ ﺍﻋﻴﻮﻧﻪ ﻗﺮﻧﻲ
- ﺷﻔﺘﺞ ﻣﻦ ﺷﺒﺎﻙ ﺍﻟﻬﻮﻝ ﺟﺎ ﺍﻧﻪ ﺍﻋﻤﻪ ﻣﺎ ﺍﺷﻮﻑ ﺍﻟﻬﻮﻯ ﻣﻦ ﻳﻤﺮ ﺷﺎﺭﺩ ﺑﻌﺒﺎﺗﻪ ﻟﻮﺗﻲ ﻋﺒﺎﻟﻪ ﻣﺎ ﺍﺩﺭﻱ ﺑﻴﻪ ..
ﺳﻤﻌﺖ ﺻﻮﺕ ﻳﺎﺳﺮ
- ﺧﻠﻴﻞ
ﺭﺣﺖ ﺍﺭﻳﺪ ﺍﻃﻠﻊ ﻭ ﺳﻤﻌﺖ ﺍﺻﻮﺍﺗﻬﻢ ﺳﻮﺓ ﻳﻮﻭﻩ ﻳﺎﺳﺮ ﺷﺎﻓﻨﻪ ﺍﻛﻴﺪ ﻣﻦ ﺷﺒﺎﻙ ﺍﻟﻬﻮﻝ ..
ﻳﻜﻠﻪ
- ﺭﻭﺡ ﻟﺒﻴﺘﻚ ﻧﺎﻗﺺ
ﺍﻑ ﻏﺒﻴﺔ ﻟﻴﺶ ﻭﻛﻔﺖ ﺍﻟﻪ
- ﻳﺎ ﻋﺰﺓ ﻧﺴﻴﺖ ﺍﻟﺠﻬﺎﻝ ﻳﻤﻬﻢ ﺫﻭﻟﺔ ﻣﺎ ﻳﺘﺄﻣﻨﻮﻥ ﻳﻢ ﺭﻗﻴﺔ ﻭ ﻳﺎﺳﺮ ﻣﻠﺘﻬﻲ ..
ﻳﻮﻭﻭﻩ ﺍﺧﺎﺑﺮ ﻣﻘﺘﺪﻯ ﻳﺮﺟﻌﻬﻢ
ﺩﺍ ﺍﺭﻳﺪ ﺍﻓﺘﺢ ﺑﺎﺑﻨﺎ
- ﺷﻨﻬﻲ ﻫﺎﻱ ﻟﻴﺶ ﺭﺣﺘﻲ ﺍﺑﺴﺮﻋﺔ ﺯﻧﻮﺏ
ﻏﻤﻀﺖ ﺍﻋﻴﻮﻧﻲ ﻭﺍﻟﮕﻠﺐ ﻳﺮﻋﺪ ﻣﺎ ﻭﺩﻱ ﺍﺩﺧﻞ
ﺍﻻﺑﺘﺴﺎﻣﺔ ﺑﻮﺟﻮﺩﺓ ﺑﺲ ﺗﻌﺮﻑ ﻃﺮﻳﻘﻬﺎ ﺑﺼﺪﻕ ﺣﺘﻰ ﻣﻦ ﻗﻮﺓ ﺣﻀﻮﺭﺓ ﺍﺷﻔﺎﻓﻲ ﺗﻬﺘﺰ ﻭﻳﺔ ﺍﺩﻳﻪ
ﺍﻟﺘﻔﺘﺖ ﻋﻠﻴﻪ
- ﻣﺎ ﺩﺍﻡ ﺍﺑﻮﺝ ﺭﺃﻑ ﺑﺤﺎﻝ ﻳﺎﺳﺮ
ﺭﺍﺡ ﻳﺴﺎﻋﺪﻧﺎ ﻫﺬﺍ ﺍﻟﺸﻲ ﻻ ﺗﺄﻳﺴﻴﻦ ﻣﻨﻲ ﻣﺎ ﺍﻋﻮﻓﻨﺞ ﺍﻧﻪ ﺑﻌﺪ ﻣﻄﻤﻮﻍ ﺑﻜﺼﺘﺞ
ﺷﻮﻓﻲ ﻫﺎﻱ ﻛﺼﺘﺞ ﺑﻴﻬﺎ ﺧﻠﻴﻞ ﻭﺍﺿﺤﻪ ﺫﻳﺞ ﻭﻳﻨﻬﺎ
ﺑﻠﻌﺖ ﺭﻳﻜﻲ ﺑﻬﻠﻊ ﺣﻘﻴﻘﻲ ﻭﺍﻧﻲ ﻣﻠﺘﻔﺘﻪ ﻋﻠﻴﻪ ﺑﺲ ﻧﻈﺮﻱ ﻣﻮ ﻳﻤﻪ ﺻﺎﺭ ﻭﺩﺧﻠﺖ ﺭﻛﺾ ﻟﻠﺒﻴﺖ ﻭﺩﮔﺎﺕ ﮔﻠﺒﻲ ﺗﺪﻙ ﺩﻙ ﻣﻮ ﻃﺒﻴﻌﻲ ﺍﺣﺴﻬﺎ ﺭﺍﺡ ﺗﻮﻛﻒ
- ﻳﻤﺔ ﻳﻤﺔ
ﺭﺣﺖ ﻷﻣﻲ ﻧﺎﺳﻴﺔ ﻣﺮﺿﻬﺎ ﻣﺎﻋﻨﺪﻱ ﺩﺭﻉ ﻏﻴﺮﻫﺎ
- ﻳﻤﺔ ﻳﻤﺔ ﺍﻟﺤﻜﻲ ﺍﻟﺤﻜﻲ ﺑﺎﺑﺎ ﺑﺎﺑﺎ ﻭﺳﻴﺪ ﻣﺤﻤﺪ ﺷﺎﻓﻮﻧﻲ ﻭﺍﻛﻔﻪ ﺑﺎﻟﺒﺎﺏ ﻭﻳﺔ ﺧﻠﻴﻞ ﻳﻤﺔ ﺍﻟﺤﻜﻲ ﻋﻠﻴﻪ !!!
ﻳﺘﺒﻊ
|