 السلام عليكم ورحمة الله وبركاته..
أولا ممنونة جدا لمتابعتك لفصول الرواية وتقييمك ليها يا جميلة🌹
ثانيا هرد على تساؤلاتك..
_ دي فعلا أول رواية ليا انشرها هنا في المنتدى واتمنى ألا تكون الأخيرة بإذن الله.
_سعيدة جدا إن الفصول مش مملة زي ما قولتي وإن السرد عجبك.
*ونيجي لأبطال الرواية بقى...
_بالنسبة لأمر زيد وتواجده مع يوسف يوم الحادث القديم.. حبيبتي لو لاحظتي هتلاقيني ذكرت إن يوسف كان هو اللي بيرد على فؤاد وبيتصدر له وإن هو برضو اللي اتحداه على عكس زيد اللي مظهره منه أي رد فعل يضايق فؤاد مثلا وعشان كدا فؤاد كان غاضب من يوسف مش زيد ودا اللي خلاه يشير للرجل بتاعه على يوسف عشان هو في نظره غلط في حقه ولازم يتعاقب.
_صخر شايف نبض طفلة لأنها من وجهة نظره صغيرة السن.. شايف إن من حقها عليه يراعيها وبس لكن مش يدخلها في متاهات كبيرة زي الزواج وهنعرف في الفصول الجاية السبب الأكبر وراء صدمة صخر المتأخرة بالنسبة لموضوع زواجه من نبض.. والسبب دا يعد هو مربط الفرس أو بمعنى أصح اول خيط يدل على هوية صخر.
_زيد شاب مدلل حنون إدارة أمر طبيعي نظرا للتربية اللي تلقاها من والديه وحب عيلته الكبير ليه وخصوصا بعد اختفاء يوسف.
*اتمنى اكون كدا قدرت اجاوبك عن استفساراتك بدون ما أحرق لك الأحداث القادمة.. ولا حرمني الله من تعليقاتك الحلوة❤
*أما عن صور الأبطال فبإذن الله هكلمك إحدى المشرفات بخصوص الأمر دا لإني بصراحة جديدة هنا مش عارفة ازاي انزلهم.. لكن ممكن انزلهم على صفحة الفيسبوك الخاصة بالمنتدى ولو أنتِ عضوة فيه عرفيني أعملك منشن على البوست لما ينزل بإذن الله.
|