عرض مشاركة واحدة
قديم 16-10-19, 09:59 AM   #5

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,191
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي





#البارت_الثاني
رواية..نصف عذراء بين انيابك قاتلي
بقلمي..نور سمو العراق

💔💔💔💔💔💔💔💔

عندما أقرر الانتحار ...لن اترك رسالة انتحار خلفي..
لقد كنت في كل يوم ابعث عدة رسائل
"..ولكن لا احد يهتم.."

..................................

ما شفت نفسي اله بالمستشفئ صحيت من حالتي،كنت متوقعه حلم فزيت مرعوبة وصرخت بأعلى صوتي...

اجت الممرضة تركض كالت...اهدي ماما اهدي ان شاء لله ما بيج شئ...

لزمت اديها واني،اتوسلها وابجي...فدوه دكتوره فدوه اختي،بيها شئ..

جرت نفس،كالت..حبيبتي،اختج بردهة الحروق وحالتها صعبة شويه ان شاء لله ربي يشافيها...

وكفت واني اعدل بشالي،لكيت عباية لضاهر مخلينها عليه من نقلوني، للمستشفئ...لبستها وطلعت سألت عن صالة الحروق واخذوني لهناك...

انصدمت من المشهد الشفته صايره هوسه وبيت عمي كلهم جايين وامي،واختي وخالاتي،وجدو ابو امي وعمو معتصم ...وزوجها النذل..

شويه وطردهم الدكتور بحديقة المستشفئ،بس اني،طلبت من الدكتور اشوفها...

كال..ادخلي هي منتهيه حالتها جدا سيئة...

دخلت عليها كانت تون بصوت مسموع وتهذري شفتها مورمه حييييل،وحجمها متضاعف شئ مرعب باوعت الوجهها انصدمت رجعت خطوات كبيره...

شفايفها مورمه وعيونها منفوووخه حييل معانيها كلها متضخمه و وجهها صاير عبالك مثل البلاستك المنفووخ...

باوعت عليها وهمست بوجع...تااج بناتي ذمة بركبتج بناتي...لا تنامين وتعوفيهن زنوبه تخاف تنام وحدها غطيها اخاف تستبرد.. زهراء مريضه ديري بالج عليها...'كانت تحجي وتبجي'

شهكت من البجي ورجفت كل اعضائي همست ..ليش هيج هبة ليش هيج ضيعتي روحج

حجت بكلمات متقطعه..هو..هوو حرگني هوو خطيتي ما تتعداه...

اتخبلت لمن شفتها صارت تسعل،بسرعه وصعوبه وكأن روحها تريد تطلع شفتها تتقيئ،باستمرار

ركضت للدكتور والممرضات اجو عليها بسرعه كالو نسبة حرقها 75 بالميه وحالتها خطرة لان متلوثه بالمي ...مو هي،طفت نفسها...

طلعت بسرعه للحديقه شفت ماما تصرخ وتلطم وبابا حالته حالة ويبجي ولازم ضهره مكسور علئ اختي خطيه...

لزمت ميس وحضنتها كانت ترجف بصوره مو طبيعية وتنحب بصوت مسموع همست بخفوت..تاج هبة انطت افادة وكالت صباح هو حركها بس بسرعه غيرت إفادتها...

لزمت وجهها بكفوفي اريد اصدق كلامها همست...تحجين صدوك اخاف هددها يسوي شئ لبناتها وغيرت افادته..بيج قصص عراقيه حقيقيه من واقعنا.روعه الطائي..ميس.. مااعرف بس لا تحجين شئ لان ماما كالت انفجر عليها الطباخ لان من سمعو منتحره كلها دكول شكد عرمه و وكحه ما فكرت بناتها هسه تروح جهنميه وماما تخبلت كالت انفجر الطباخ..

سكتت فعلا الكلام يكون جارح بدل ما يدعون الها الكل صار يلومها ويتشمتون بيها واكثرها كالو تستاهل انوب هاي حلوه بس واحد يكولهن بز راحن حرگن رواحهن...

ضلينه ليلة بيوم كامل بالمستشفى گلوبنا ما هدئت ولا لحظه والدموع ماخذه مجراها علئ خدودنا...

لحد ما طلع الدكتور الصبح تقريبا الساعة ب 11 كال ...انا لله وانا إليه راجعون ..كريمتكم ماتت..

كانت كلماته مثل انقطاع الحياة عن الكل ماما تخبلت تركض حافيه وتلطم علئ صدرها

واني وميس فرينه مثل الحمامات المذبوحات

والكل يصرخ ويبجي وحتئ صباح كسر جام المستشفئ وتعارك وبجه عليها...

اخذوها للطب العدلي طلعوها بتابوت كان يوم صعب مجرد واحد يشوف شخص عزيز عليه فارق الحياة واخذو لغير عالم...هذا نهيار بحد ذاته

رحنه وياها للدفن ومن شفناها بالمغيسل تخبلنه كانت عبارة عن قطعت لحم مطبوخه شكلها مرعب وكانت عيونها مفتوحه ومسلوبه منها الروح...

لحد الان اتذكر شكلها معصبيها بقطعه بيضه علئ راسها وشكلها متغير حييل مكلوبة قطعه زركه...

ما تحملت اشوف اختي قطعه من روحي بهيج حالة صعبة ومميته .

بدون شعور مني لطمت علئ وجهي بكل قووه دخل عمو معتصم وحضني وقيد كل قوه بيه صرت ابجي بصوت عالي وهو يهدي بيه...

واندفنت هبة وراحت وطمروا سالفتها وكالو انفجر عليها الطباخ لكن السالفه بين العوائل ما تنضم وبيت اهل مرة ابو ....شاكين هي انتحرت...

ضلمتني امي مره ثانيه وزوجتني لصباح...حتئ اكون ام لبنات اختي وتبرئ هبة من الانتحار.

بس اني مو مثل هبة اني لازم اتخلص منهم كلهم لازم انهزم للخارج واسافر عند خالو جليل.. مستحيل اضل هنا مهما يكون الثمن اني لازم انهزم...

انتبهت علئ صوت الباب انفتح دخلت ميس ابتسمت بوجهها مجامله...

اجت كعدت يمي وحضنت اديه باديها والدمعه بطرف عينها كالت بحزن...تاج لا تضيعين نفس مثل هبه ان شاء لله ربي يحلها..مااريد اضل وحيده

ضحكت وحضنتها..ياا فديتج يا ميس صدوك تحجين اكيد ماحيصير مثل هبة لان اني احلامي اكبر من هيج اني قررت اسافر للخارج بدون علم اي واحد بس اتفق ويه خالو جليل هو بأميركا واخلي ياخذني وهناك اكولهم اني مضطهده من زوجي واكيد يستقبلوني...

ميس بخوف...وهماتين راح اضل وحيده اخاف انوب يزوجوني لصباح لا صدك اذا زوجوني اله انتحر ما اكدر اتخيل نفسي اعيش ويه واحد مثله ولا الطامه الاكبر هو زوج اختي..
تاج..لا تخافين اني اكيد اسحبج ورايه وهناك نلتجئ يم خالوو...

ميس بصدمه...يااا لعد شلون ماما تضل وحدها خطيه هي ماما صح متعرف تتصرف بس تحبنه وتخاف علينه متدرين شلون اتصلت بصباح ورزلته رزاله ناشفه الان ضربج ...خطيه مهما تكون هي ماما احبها

جريت نفس من كلامها اني هماتين احب ماما ومن اشوفها حزينه وتبجي،انقهر عليها كلتلها ببتسامه...هو بعد من نطلع للخارج ماما اكيد حتجي هي وبابا ورانه وانستقر بأمريكا...

ميس...زين وزهراء وزنوبه تعرفين صباح قاسي وكلهم اذا متزوجوني تاج اشمر زهوره بدار الايتام لو بدار العجزة لان معوقه...

لزمت اديها واني،اطمنها...باعي ميوس اكيد اكو حل مثلا نشتكي عليه لازم هماتين نأخذ البنات ..خلي بس،اني اطلع واكيد تنحل.

هي سكتت بتردد وخوف وبعدها كالت...لج نسيتي اخو ابا ذر بالخارج هماتين بأمريكا اخاف ترحين وهناك يلزمج عاد تصير مصيبه سوده ومصخمه.

تاج..وين بأمريكا هو

ميس...بنيويورك

تاج..اهاا بالعاصمه لا خالو بعيد عنه يحتاج ثلاث ايام وطياره يالله يوصل لهناك وبعدين أمريكا كبيره ولايات هوايه اكيد حضيع هناك وبعدين بس يتعرض الي اشتكي عليه غير اطيح حضه...

ميس..ما اعرف بس ابا ذر اناني وعنيد لبراسه يسوي كون ميصول الموضوع اله ولا يعرف خالو بأي ولايه كاعد...

تاج...اكيد مراح يعرف احذرهم ميحجون وبعد اذا صرنه بأمريكا مراح يتعرض النه ...ولا يكدر اصلا هناك دوله وقانون الزلمه اليفتح حلكه...

ميس..مااعرف بعد.

ضلينه كاعدين نسولف ونخطط وبعدها خلت وطلعت....

اني استرجعت ذاكرتي ردت اتذكر شكل ابا ذر عصرت مخي،عصر ما تذكرته طلع من قبل خمس سنوات يعني بعد زواج هبه تقريبا بشهر هو طلع ما اتذكره زين ...

تنهدت بضيق مجرد تفكيري بالهروب جسمي كله يرتجف كأنه مضرب اعصار...

بس ابا ذر...شلونه الي موقف وياها من قبل خمس سنوات كان عمري تقريبا 13 سنه مرت سنين مجاي اتذكره...

دخلي يطير شنو خايفه منه اني صبيح العار ما خفت منه اخاف من اخو..والله يالله...

بعدها دخلت وهي جايبه وياها عصير ابتسمت كالت...توته حبيبتي جبتلج عصير

ابتسمت بحزن خطية تحاول تسترضيني وتطلعني من مود الحزن...

جريت نفس عميق كلتلها...بس ابا ذر مجاي اتذكره منو

ضحكت..تذكرين قبل السقوط من انهزمنه لديالئ شهربان هذا الي جان ميخلينه نطلع وندخل للبستان بس انتي يخليج يكول لان هاي مدلله ومعايشه عيشتنا مااريد اخنكها..بيج قصص عراقيه حقيقيه من واقعنا.روعه الطائي..همست...الله يهلكك يا صبيح ونبي ضرب ذاكرتي نساني حليب امي ...مااتذكره اببببد

كالت...شبيج مره كتل صباح لان صاح علئ امه وصارت عركه وبيومها صباح رجع البغداد زعلان..

ابتسمت بفرح...صدووك كتل صبيح العار لعد حتئ لو ما اتذكره لازم اتذكرة اليوم...

ضحكت ميس وشربت العصير...واني اخذت شربت شويه...

بعدها راحت هي وماما للبيت لا ماما راضتني ولا اني راضيتها ... اصلا مطلعت ولا شفتها كوولش ما حابه اشوفها...

ضليت اتكلب علئ فراشي وبالي عند زنوبه وزهوره خطيه محد الهن واخاف صبيح العار يقسي عليهن..

شفت الموبايل يرن وكفت ورحت اخذته ... اني كاتبه عليه العار اذن العار يتصل...

ما فتحت خط خليته يتصل الوحده بعدها كتب رساله..افتحي خط لا والله من باجر زهراء تلكينها بدار المعاقين...

رجف كلبي حييل ...زهراء خطيه معاقه حالتها خاصه وهذا النذل يهددني بيها وخطيه اختي وصتني بيها عرف شلون يخليني افتح خط....

فتحت خط واجاني صوته مثل الغوريلا المأكول عشاها رديت بحده....شترررريد؟

رد بصوت خدران...اريدج..

جريت نفس مقهور...حلم ابليس بالجنه يالعار شتريد مني تريد تقتلني مثل اختي ؟

جاوب باستفزاز....لا اسم الله عليج شنو اقتلج اريد انومج بحضني العب بشعرج ابوس خدودج.

فتحت عيوني مصدومه من جرأته وحقارته وهو يعرف اني ابد ما اتقبله وموضحه كرهي اتجاهه بس هو نذل دائما يضايقني...

كتمت عبرتي حييل ورديت بعصبية...انت متستحي ما تخجل الئ،متئ تضل بعقليتك هايه لك لو تموووت ما اسمحلك تلمسني...

ضحك بسخرية وخبث...فدووه ...لازم ترجعين لان قررت اخذج بااحضاني كافي صبرت عليج شهرين...وهل مره اريد ولد مو مثل اختج تخلفين بس بنات...ولوو متأكد تخلفين ولد لان جسمج نار...

حسيت عطبت من كلامه وجسمي يرجف حيييل حسيت اريد اتقيئ من كلامه شكد حقير صرخت عليه....حيوان كلب حمار والله ما تلمسني وتطلكني وغصبا علئ،خشمك فاااهم

ضحك بصوت ساخر....هههههههاي لا مفاهم فهميني حبيبتي اوووف انتي واختج سوووه

بجيت بصوووت عالي...اكل..... يا حقير والله تطلكني والله لك طلكني انت شنو لزكه والله ماارجع لو هبه ترجع من الكبور

كال...ميخالف وين ترحين لو ترحين لسابع سما ارجعج ارجعج اخطفج واخذ حقي واشوف شلون مترجعيلي

هز بدني هز قفلت الخط وبجيت بصوت عالي شلون اخلص منه ياربي فدوه لا تتركني خلصني منه والله صدوك انتحر اذا لمسني هل عار
خابرت علئ بابا مفتح خط ...رجعت خابرت ميس كالت بابا عنده حموله صار عشر ايام مو هنا بالبصره ..

جريت نفس،ومسحت دموعي وقررت اخابر عمو معتصم...بلكي يشوف حل ومن بعدها بس ارتب وضعي اروح لخالوو...

.................

معتصم....

بمنطقة حديثه عذراء الأنبار...روعه من روائع الانبار. المحتله من قبل داعش..

رتل كامل متوزع علئ المدينه صار اكثر من 15 يوم ما نازل وشايف اهلي فقط علئ الاتصال واتطمن علئ والدتي وبيت اخواني...

رفعت راسي للسماء تنهدت بضيق احس اتحملت اكثر من طاقتني من شغلي الصعب وحصار الموت علينه ومن بين بيت اخويه ابو ابا ذر وبين اخويه ابو هشام...

شكد حجيت وكلتلهم ..لا تزوجون تاج لصباح لان اني اكثر واحد اعرفه وبس رحت للداوم لكيتها متزوجه مكدرت اسوي شئ لان امرها بيد ابوها وامها وميقبلون بأي تصرف

هسه كون هذا الزمال يرجع ما صدك طلب لجوء وانهزم وخله صبيح بيد راضي يلعبون بكيفهم عاد شويه يسيطر عليهم...

والله مشتاقله احسه صديقي الوحيد ما احسه ابد ابن اخووي اله معزه خاصه من بين كل العائله فعلا من سافر حسيت بفراغ كبير...

رغم هو لسانه زفر ورغم ما فد يوم كال عمو كله يصيح بإسمي ...واخر فتره بدلها ضل يصيح ابو يعگوب..

رغم اني ممتزوج

جريت نفس عميق وباوعت للجنود مستعدين لأي هجوم بس كان الجو شويه هادئ...بس رغم كل شئ هو رجال وعند كلمته ويعتمد عليه

حسيت علئ رنة موبايلي رفعته شفتها تاج ...تنهدت بضيق فتحت خط ....الووو هااا عمو تاج

ردت بصوت حزين باكي...هلاوو عمو حبيبي شلونك مشتاقتلك شوكت تنزل

عرفتها من صوتها صاير شئ وياها حبيت اطمنها.. حبيبتي الحمد لله اني بخير انتي شلونج احسج مو علئ بعضج صباح مسويلج شئ..«.حجيتها بشك»

بجت بصوت عالي وهي تتوسل...عموو فدووه خلصني،من صباح اني دخيله عندك عمو وعدني تخلصني،منه وتوكف بصفي...

حسيت القهر طلع من عيوني،الكلب كالعاده ضربها حجيت من بين اسناني...اني نازل اليوم والله اطيح حظ حظه لهل حمار هذا...

تاج...عمو عفية استعجل ديكولي اذا مرجعتي اخطفج واني ما اريده اكره...

معتصم...لا تخافين اني اليوم نازل واريد اشوفه شلون يتصرف...

تاج...ونبي اذا ما اجيت انهزم وما تلگوني

معتصم بعصبية...اششش مو عيب هذا الكلام كتلج اليوم جاي لا تصيرين زعطوطه وتتصرفين من كيفج كتلج اني اطلكج منه...

شويه تاج عصبيه ومتمرده لبراسها تسوي محبيت كلامها عن الهروب حبيت اخوفها شويه ولو هي متخاف تنردع شويه وترجع الشخصيتها والتريده تسوي شوويه صعبه اصلا هي وصباح مثل النار والزيت ملايكه عليه
من بين كلامي وياها لمحت 3 دواعش يتمشون بدون سلاح رغم المنطقه محجوزه من عدنه بس،همه يمشون بدون اسلحه والضحكه ترن بالشارع الترابي المحيط بالاشجار الصغيرة....

قفلت الخط بسرعه وسحبت مسدسي من المشلح..« بيت المسدس»

توجهت صوبهم بهدوء وهمه يمشون صحت بصوت عالي واني احاصرهم...اوووكف لك سلم نفسك لا اخرطك خرط

وكفوو تلاثتهم واحد طووويل ضعيف حيل وسنه مكسور وحاجبه مطبور

.والثاني طوله وسط وكأنه واحد شارب بطل خمر

اما الثالث حاله خاصه...سمين حييل وكصير وشاد غتره علئ راسه

باوعولي بعدم خووف واني باوعت الهم بااستغراب شكلهم ميدل علئ الدواعش مبينين ناس من العامه...

تكلمت بثقه...سلمو نفسكم

ابو حاجب المطبور كال بمراوغه...نسلمها سيدي،نسلمها ونسلم الخلفوها

الثاني صاح ...الله اكبر الله اكبر

ابو حاجب مطبور ضربه ...ادري ابن الكلب جاي تفجر روحك لو متأثر بعيد الاضحئ

تقربت منهم وبأمر...كدامي لا اطشر عقولكم...

مشوو كدامي ولا كأنهم يضحكون ويسولفون تقربت من الرتل وصحت علئ احد الجنود يكلبش اديهم

وهنا همه تخبلو ضلو يصيحون ...سيدي شنو السالفه حسستنه ابو الاحقف السامرائي...

صحت بوجهه بعصبية...لا تخليني ادفنك بصف ابو الاحقف كدامي اعتقلوهم...

اخذوهم باحد الهمرات الي جنت راجع بيها وهمه بعدهم يسولفون ...

سايق الهمر ساق بسرعه التفتت عليهم كلتلهم...بدون صوت اريد انام منعس...

واحد منهم كال...احلام سعيده ..وهيفاء وهبي تعيسه هههاي

ضحكو تلاثتهم رجعت لتفتت عليهم وباوعت الهم بنظره هادئه اختفت ابتسامتهم واسكتوو...

جان الطريق كلش طووويل نمت من التعب محسيت بنفسي رغم بعدهم يدرمون

كعدت شفت سايق الهمر طفه شويه وينام كتله وكفها خلي اني اسوق وانت نام نزل واني صعدت مكانه اسوق ...

واحد منهم كال...سيدي انت ليش اعتقلتنه

استأنفت سؤالهم كلتلهم...شعدكم بمنطقه محاصره من الدواعش اذا ما كنتم مندسين وداعشين...وعصابه

ابو سن المكسور ضحك بصوت عالي....اي عصابه تقودنه ام عبدالله دام ضلها الشريف ههههههههههههاي

خزرته من جام الهمر كتله...شسمك ولك

باوعلي بثقه...مسلم سيدي رجال من ضهر...اءء والله ابوي مدري وين اذا طلع رجال عود اكول من ضهر رجال..بيج قصص عراقيه حقيقيه من واقعنا.روعه الطائي
صديقه...منين طالع من فطر الكاع وابوك ماكوو

مسلم تغاضئ عن صديقه وكمل...سيدي انت فهمت غلط احنه ناس فقره وعلئ كد حالنه اعرفك بنفسي اني مسلم تحلف بيه المنطقه صح اشرب بس مو دائما اربع مرات بالاسبوع...

وهذا خادمك الصغير...دوحي ...اشر علئ صديقه ابو الغتره سيدي هذا الحاسود مال المنطقه عينه تحرك الاخضر واليابس

ورجع اشر علئ الثاني...وهذا خادمك الشافط ابو التنر وقبل لا تسأل شنو ابو التنر راح اكلك شنو المعنئ سيدي هذا من كثر ما شالع راس الباتري لقبناه ابو التنر...وشنو معنئ التنر نوع من انواع المخدرات...

دوحي...هااا مسلم صاير شاطر من رافكت ام عبدالله تسوفلت حييل...واخلاقك صارت ازفت من قبل

مسلم...لك يا ام عبدالله لك بالي عند قدر لك شنو خلقها وكسر القالب ...وهذا الاثول ابو التنر ذاك اليوم شافها يكول اللهم اجعلها في عيني بقرة...

واني كتله ربي فدوه اروحلك اگلب ابو التنر ودوحي قروده وخرفان وعوف قدر ..خلونه نتمتع بالجمال مو طكت روحي من ام عبدالله وابو عدويه...

جنت مركز بكلامهم وبالطريق سمعته كلي..سيدي شايف قدر هاي الحلوة مال المنطقه سيدي دكول امريكيه وطبت الكومبوديا ...تجنن مميزه..هي منا من اهل حديثه بس مهجره واجت يمنه تحجي عبالك سوري كله حكي ومدري شنو ...ومشان الله هههههههاي

سيدي كلنه نحبها وهي ولا تحبنه عبالك جرابيع

كتله...وانتم شجابكم هنا...

مسلم...اجينه نجيب ركي يكولون هنا رخيص وطيب

دوحي...جذاب سيدي جايين....

رفسه مسلم برجله ومنعه من الكلام...

عضيت شفتي...هييين السجن منتظركم كلاوجيه واحد يرفع و واحد يكبس مبينين ملعبين وهتليه أتأكد منهم ولكل حادث حديث...

دخلنه مدخل بغداد وتوجهت لسجن قريب لوزارة الداخلية وامرت بحبسهم بسجن سايد فور

كالوو..سيدي عادي متعلمين بيتنه الثاني

عفتهم ورحت خابرت علئ صديقي بالداخليه اخذت سيارته ورجعت لبيتنه لان سيارتي بالكراج استرجعت كل كلامهم ابتسمت بداخلي،حلو من الانسان يكون بسيط وما عنده هموم وضارب الدنيا بطكاك هذا حال ...مسلم واصدقائه ..

وصلت للبيت ...بعدني مداخل رن تليفوني طلعته من جيبي شفته راضي ...

استغربت كلت...الوووووو

كال... ابو يعقوب الحك الحك مصيبه وطاحت علئ روسنه

انصدمت كتله...خيير شكووووووووو؟

نهاية البارت...يتبع

كونوا انتم كونوا بخير...احبكم💔

نور سمو العراق...😘

لا تنسو التصويت والمشاركه...

نشرت البارت مال باجر اليوم كريمه كريمه موش بيدي 😬

تهنئه لطلحه مبررروك عبالك ابني ونجح خطيه ماكله همه 😂😂



فيتامين سي غير متواجد حالياً   رد مع اقتباس