[**منى لطيفي (نصر الدين )**]

المشاركة الأصلية كتبت بواسطة topaz.

مساءكم رضا ورحمة

الحمد لله قدرت اتابع
الرواية ويارب اقدر
اتابع وياكم للنهاية :|

مبهرة الرواية يا منى ؛
بكمية المعلومات الّي
تحتويها ، النصايح الّي
تضمنتها الرواية والاهم
بالاسلوب المبدع

السحر بشكل عام ما
احس انّي اخاف منه
لأن بالنهاية هو شي
ما يؤثر إلّا بأمر الله
واكيد لو اثَّر فلحكمة
الهية بيها مصلحتنا ..

بس الّي يرعب هم الناس
الّي يلجأون للسحر وكيف
وصلوا لهالمرحلة من
الحسد واالرغبة باذيّة الغير

تقريبًا السحر يعتبر ارهاب
من نوع الثاني لأن الغرض
منه هو اذيّة ناس ويمكن
يوصل لقتلهم واحسه اشد
لأن الارهابيين بالغالب
معروفين اما الّي يلجأون
للسحر هذول ناس ممكن
تقابلهم بحياتك ، تصادقهم
وتأمنهم على كثير اشياء
وهم يؤذوك بلا سبب بس
لأنهم ناس مختلّة .. مثل
نوال الّي ام تقوى أمَّنَت
بيها وادخلتها بيتها وهي
تحاول تسحرها بس لأنها
غارت منها وحسدتها على
حياتها المرتاحة .. ، وايضًا
مثل بهيج الّي وافق يؤذي
اصدقائه بس لأنه جبان ما
يقدر ياخذ الخطوة الّي
يعرف انها الصح او يمكن
اصلًا هو عاجبه الوضع وما
يريد يغيره :|

بهيج هو واضح ان بيه
بذرة خير بس ما اعرف
ليش مستمر بالغلط ؟!
المهم بهيج اني ابد ما
حابته وما اعرف شلون
حَيقدر يواجه اصدقائه
بعدين وهو اذاهم 😕

فواز احسه يشبه ناس
هواية موجودين بالواقع
هو يصلي واتوقع ملتزم
بكثير من الامور بس
بنفس الوقت عنده ذنب
ما يقدر يبتعد عنه او
اصلًا ما حاول الابتعاد
هو بس ينوي ومؤجل
التطبيق على اعتبار انه
يعتقد ان عمره طويل
واكيد حَيتوب يومًا ما

احس غباء منه ومن امه
انهم يفكرون ان الزواج
راح يخليه يترك هالشي
مع استمراره بنفس
وضعه القديم واحتكاكه
المباشر بالنساء بمحله

اليوم الصبح شفت فيديو
خلّاني انتبه ان الله لما
نهى عن امور فهو وجه
الامر بالنهي على الفعل
مباشرة مثل لا تقتلوا ،
لا تكتموا الحق .. وغيرها
من الايات اما الزنا فهو
قال لاتقربوا الزنا يعني
حتى الاشياء الّي تؤدي
اليه اجتنبوها وابتعدوا
عنها ، فَيعني يا اخ فواز
انت لو تريد تترك الزنا
فابتعد عن مسبباته مو
قاعد بالمحل ماسك ايد
هذي وحاط العطر لذيك و
مصادق بهيج الّي يشجعك
وبعدين تجي تشتكي من
ضعفك وعدم سيطرتك 😒

نبيه واخته يخوفون
هي شلون تعرف ان
بهيج هو الكلب الاسود
وهو ليش ترك عظام
للجن ؟ حتى لو فكرت
انه يمكن جن صالح
فَنبيه شلون عرفه ؟

مؤنس وابوه احس بينهم
شبه وفواز هَم يشبههم ،
الثلاثة بشكل عام زينين
بس عندهم ذنب مستمرين
بيه .. يمكن الاختلاف ان
مؤنس كاره للخمر رغم
انه يشربه وفواز بيه امل
يتوب اما ابو مؤنس يمكن
مستمتع وما يريد يتوب

هو ابو مؤنس شنو الّي
خلّاه ينحدر لهالافعال لأن
حسب كلام ابنه فَهو ربّاه
صح وهذا يعني انّه مقتنع
بافكار صحيحة فَشنو الّي
غيَّره ومن متى تغيَّر ؟



بعد اعادة لمقاطع الخواجي
وراوند اتوقع ان هالجملة
الها علاقة برغبة راوند ان
يوسف يكون اب الطفل الّي
تريده ،بس لو هالتوقع صح
فَمعقول ان ام الخواجي
مشكوك بامرها واصلها 😕

تقوى لو قارية عنها قبل
سنة كان فكَّرت انها تبالغ
وعادي ممكن تتزوجه و
تقدر تصلحه بعد الزواج ،
بس الآن اني مع تقوى
برفضها .. جرير ما احس
اكو سبب مهم يخليه
يؤخر صلاته ويقدر يصلي
بوقتها بس ما اعرف ليش
هو يؤخرها فاني اؤيد
رفضها لهالسبب لأن تأخير
الصلاة بلا عذر شي مو
هيّن ، اما بالنسبة لإنها
تقدر تغيره بعد الزواج
فَممكن هالشي خاصة
وانه راح يشوفها تصلّي
بوقتها فَيتحفز هو هَم ،
بس اكو احتمال إنَّه ما
يتغير والزواج شي مو
مال مجازفة وغلط انه
ينبني على احتمالات
ممكن تصيب وممكن لا

صفاء ما اعرف ليش بس
احس ان الّي تسوّيه غلط

ام علوان احيانًا اشك بيها
وبسبب منعها للفقيه و
الحاجة جوهرة من القراءة
على ابنها مع انها لازم
تسوّي اي شي ممكن انه
يساعد ابنها 😞

سلا شنو تعرف عن جدها
وشنو الّي مخوفها ؟

نوال شنو هي السحورة
الثانية الّي مسويتهن لبنتها
واهميتهن عندها توازي
خوفها على صحة بنتها :|

محسن ابد ما خايفة عليه
هو الله منوره ببصيرة ما
اتوقع تخلّيه ينجرف للشي
الّي يحاول يسوّيه مؤنس

عاشت ايدچ منى وجزاچ
الله خير على المعلومات
الّي استفاديتها بهالرواية

🌹🌹🌹🌹🌹🌹
🌹🌹🌹🌹🌹🌹

يا هلا وغلا بالغالييين كيفك حبيبتي اشتقت لك وللتعليق المتناسق
الانيق وين عصير البرتقال؟ ههههههه لا يلزمنا هنا ماء مقري وأوراق السدر ههههههههه
الله يعيشك حبيبتي كثيرر فرحت بحضورك ومتابعتك
وتحليلك جميل وفيه اسئلة كثيرة بمحلها ...
الي عملته نوال لبنتها وخايفة انه يفسد ظنا منها أنه بمقدرتها حدث حنشوفه ان شاء الله فصل الاسبوع هذا ... سلا مش جدها الي مخوفها بل حب رواند الي لاحظته لاخوها يوسف وهذا شي خطير وهي زوجة جدها ...
تقوى في الحقيقة مثل ما قلتِ ... وانا في شيء التمست مدى أهميته في الحياة خلاني اصر على شخصية تقوى لترفض شاب رغم اخلاقه الحسنة لكن صلاته الي هي عماد الدين فيها خلل... لكن بنشوف ان شاء الله التقلبات...
حطي هذه المفرد في بالك لانه الوازع المحرك لأكثر من شخصية سلبية في الرواية... الخوف ...
إِنَّمَا ذَٰلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِن كُنتُم مُّؤْمِنِينَ
اول مسالك الشيطان للانسان البعيد عن الله ....
ان شاء الله ينال اعجابك لاخر كلمة ومرة ثانية فرحانة بحضورك🌹🌹🌹