البارت السادس
ريم وهي خايفه : حمدان هاذا انت ؟ حمدان الله يخليك تعال ما عندي حد انا هني ف الكوفي والمكان فاضي ( بسس فجأه ) .. حد مسكها من ايدها مب نفس الشخص كان واحد ثاني بس كان ويا الريال الاول وكان ماسك التلفون ومحطنه سبيكر وقال وهو يكلم التلفون : أبشرك حصلنا صيده
الي ف التلفوون : عآآاااش الصييدات
ريم وهي خايفه : شو تبا ؟ شو تبو مني ؟
حمدان كان يسمع الكلام وهو معصب ويزيد على السرعه عل او عسى يوصل قبل لا يصير ل ريم شي .. وصدق وصل بس الجامعه مب كل من هب ودب يدخلها و يطلع
.. كان عند حمدان بطاقه الدخول ل جامعتهم كان ناسخنها من عند هزاع عسب اذا ضاعت عندهم ثانيه بس الحمدالله دخل هزاع و روى الرسبشن البطاقه من بعيد كان مستعيل ف هم مشوها عبالهم مستعيل عنده محاضره ولا شي .. دخل داخل وما عرف مكان الكوفي وين ؟!! كان يدور المكان نفس المينون إلين سمع صوت وكل ما يتجه صوبه يزيد الصوت أكثر وأكثر وفجأه جاف شي هالشي اللي خلاه تطلع روحه من مكانها كان يجوف الشخص وهو ماسك شعر ريم و مقرب ويهه من ويهاx ويقول الها : تبين تشردين ها ؟ ما بتقدري هه تتحرينا بنهدج ب هالسهوله
حمدان وهو حده معصب كانت الشرار طالعه من عينه جان ينفجر عليهم ويضربهم ضرب ومسك الريال اللي كان ماسك ريم و تم يضربه ويقول له وهو يصرخ : محد يلمس ريم غيري محد يلسمها يا حقير و لا يمس شعره من شعرها .. بس للاسف جان تييه ضربه بالسجين على جتفه
صريخ ريم و صريخ حمدان على الشباب حتم عليهم انهم يجمعو الناس اللي كانو يشتغلون هناك مثل الفليبين و العمال اللي كانو هناك وكم من شله بنات و شباب .. هني استسلم حمدان و سار مسك ريم وشلها وياه لين صادفو عليآ و البنات
عليآ : حمدان اشفيك ش صاير لك انت فيك دم فجتفك حمدان قاعد تنزف ولحظه كيف قحمت هني حمدان خوفتني عليك
حمدان وهو معصب : طعع البرود اللي فيج سالفه طويله اقولج انا بشل ريم وياي اكيد الكل متجمع عند الضرابه وهاي فرصتي اني اروح قبل لا يزخوني و يطردو هزاع من الجامعه و تلفونج هذوه شليه ويوم اتصل فيج ردي بسرعه فاهمه
عليآ: انزين بلاك معصب فاهمه فاهمه خلاص
حمدان : انزين العنود لا هنتي بغيتج تي ويانا
العنود : انشاء الله
حمدان : عيل يالله بسرعه
حمدان مسك ايد ريم و مشو لين الرسبشن والحمدالله مالقو حد موجود فشردو بسرعه قبل لاحد يزخهم والحمدالله دخلو السياره و روحو
العنود ف السياره : حمدان ايدك تنزف
حمدان : ما عليج عادي
العنود : انزين انا بسوق عنك
حمدان : عادي الامور طيبه الحين بنوصل
العنود : احنا وين رايحن ؟، المستشفى ؟
حمدان : لا بنسير بيت يدي
العنود : ليش ؟
حمدان : بخلي ريم اتريح اشوي وبعد الانه امايه هناك ف اباها تعتني ف ريم
العنود : انزين ش السالفه شو صار
حمدان: بعدين بعدين بقولج
وصلو البيت
حمدان وجتفه كله دم داش البيت وهو عارف انه يدهم وعمته رقود بس امهم ناشه بس الصدفه انه فهد بعد ناش
ام حمدان وهي خايفه على ولدها : حمدان شفيك شفيه جتفك
حمدان : اميه لا اتحاتين انا يايب عندج ريم عسب ترتاح ويايب العنود الانها مب غريبه بيت يدها و زين بعد تساعد ريم اذا بغت شي
ام حمدان : وانت شو بتسوي اصلا انت شو مسوي حمدان انت ما مال هالسوالف حمدان الله يخليك ما ابا ولدي يروح مني ب سبه هالسوالف
حمدان وهو يطالع ريمx : امييه لا اتحاتين
وهو مروح جان يوقف مره وحده وقال بصوت خفيف : آهه الحين وين اروح شو اسوي ؟ اذا سرت المستشفى بيسون فيها قضيه ش اسوي * وما يحس الا اييد تيي على جتفه *
فهد : لا اتخاف انا اعرف كيف يطهرو الجرح
حمدان ما عنده غير هالحل شو يسوي اكتفا ب ابتسامه و راح يلس على الكراسي
خلوني اوضح لكم شوي المكان .. في البيت كان مكانين مكان للحريم ومكان للشباب كانو يبعدو عن بعضx 25 فوت تقريا او اكثر ب شوي ها بس حق العائله الانه ف البيت في ميلس برع و فيه صاله للحريم داخل حذالهم تقريبا
حمدان كان يالس مكانهم المخصص و البنات كانوx يالسين فمكانهم المخصص
يا فهد ووياه المطهرات و الشاش ع اساس يلف له الجرح و طبعا الكحول عسب يطهر الجرح .. و طهر الجرح و حمدان يتألم بس عادي ريال لازم يستحمل و لف فهد الجرح ل حمدان والحمدالله
يلسو تقريبا 4 دقايق من دون ما يقولو شي لين حمدان اتشجع وقال ل فهد : مشكور فهد لولاك جان ما عرفت شو اسوي مشكور
فهد : لا اتقول جيه حمدان احنا اهل
حمدان اكتفا بابتسامه
فهد وهو يطالع حمدان بنظره حزنx : الا ما قلت شو صار لك
حمدان : سالفه طويله
فهد : واحنا عندنا طول الوقت قول انا اسمع
حمدان وهو مبتسم : بس بشرط
فهد : شو هو
حمدان : اتقولي سالفتك مال اليوم
فهد : اوك
حمدان اول شي ضحك على هبالهمx .. بعدين قال له السالفه .. وهو يقول السالفه ل فهد كان يطالع ريم او بالاحرى ما فارقت عينه عن عنيها
فهد يقول في خاطره ما الومك لو مكانك سويت أكثر
(ريم ما شاء الله عليها لو اوصف لكم حلاها ما بتصدقوني جمال ربي عطاها ماريته عند حد الصراحة حمدان ما ينلام جسمها ولا باربي جسمها متناسق وااااااااااااااااايد حلو عذاااااااب وعليها خصر يذبح وشعرها اسود شرات الليل ناعم كثيف يتعدى ركبها وشو اقولكم عن عيونها عيونها سوووود ووساع ورموشها عذاب ومجحلات جحال رباني والا خشمها كانه سيف يناسب ويها وضحكتها ذباحة عليها غمازات الصراحة طرررررررر شويه عليها ويها بيبي فيس سبحان الي كملها بحلاها)
حمدان : وهاذي هي كل السالفه ، الحين دورك
فهد : ش اقولك تدري انه ... .. .. .. .. .. .. .. ........
حمدان : دامه جيه السالفه عيل يالله بنسير
فهد : حمدان والله احس عمري مخنوق
حمدان : انت تعال ولا اتحاتي
فهد : انزين ببدل ثيابي
حمدان : وانا بعد بسير ابدل ثيابي
بدلوا ثيابهم وسارو
ف الجامعه اتصلت عليا لـ حمدان
حمدان: ألوو
عليا : حمدان تدري انهم جافوكم فـ الكاميرات ؟
حمدان وهو خايف : شووههه حلفي؟ يعني شو بيصير الحين ؟
عليا : ما بسو شي وياكم بس اللي فهمته انه انتو ما سويتو شي وانه هاذيلاك طلعو تجار مخدرات والقو القبض عليهم قبل شوي
حمدان : اههه الحمدالله عليا طمنتيني يعني عادي ارجع ريم الجامعه ما بيقولون شي
عليا : لا ما اضني بس بيسولوها تحقيق وها نفس ما سولونا
حمدان : اوك يلا مع السلامه عندي شغل انا
عليا : اوك مع السلامه
عند ريم
وهاذي هي السالفه
ام حمدان : حبيبي حمدان ولدي ما يرضى الغلط ع حد من اهله
ريم هني اسرحت ف حمدان واتذكرت كلامه يوم كان يضرب الريال ويقول " محد يلمسها محد يلمس ريم غيري" فـ قالت ف نفسها ليش قال هالكلام؟ ليش سوا جييه ؟ انزينن وينك وين رحت والله خايفهه انا محتاجتنك ** وهني انتبهت لعمرها ** انا ش اقول شفيني ليش جييه انا افكر فيهه يا ربيي
" وبعد ساعه تقريبا روحت ام حمدان فوق ترتاح لانها تعبت وبعدها بشوي طلع اليد راشد من غرفته ويقول ..
: هلا هلا والله بـ بناتي
العنود وهي سايره اتبوسه فوق راسه : اهلين يدي
اليد راشد : بنتي العنود منو هاي الغاويه
العنود : ههههه هاي ريم بنت ناصر خلفان
اليد راشد : ما شاءالله انتي بنته !! والله اذكر انج هالصغر ما شاءالله بنياتنا كبروا والله واستو حريم ، الا شخباره ابوج ؟
ريم : الحمدالله يدي ابوي بخير الحمدالله ما يشكي باس
اليد راشد : الحمدالله يابوج انا اخليكم عيل اروح اتسبح واتوضا واصلي وراي شغل بعدين
" وروح "
اتصل حمدان ل العنود وهو يقول الها : العنود عندكم محاظره شي ؟
العنود : انا لا كان عندي بس مادتين وخلصتهن بس ريم ما ادري
حمدان : عطيني اياها
العنود : اوكي
تعطي التلفون حق ريم واتقول : هاذا حمدان يبا ايكلمج
" ريم من خوفها ما اتعرف ش اتسوي وخذت التلفون بسرعه وباين عليها الخوف " ..
حمدان : الو
ريم بنبره خوف: الوو حمدان انت وينك وين رحت حمدان انا خايفه تعال دخيلك
حمدان : رحت مكان لا اتخافي الحين بييج انا تمام ؟
ريم : تمامم لا تتأخر دخيلك
حمدان : ما بتأخر بس قوليلي عندج محاظره اليوم ؟
ريم : ما ابا اروح الجامعه حمدان
حمدان باصرار : عندج محاظره ولا ؟
ريم : ما عندي حمدان قلت لك ما بروح الجامعه ما بروح دخيلك حمدان دخيلك
حمدان : اههه يـ ريمم اوك الحين انا ياي تمامم
ريم بحزن وخوف : تمام
حمدان : مع السلامه
ريم : باي
( وسكرو )
وتمت ريم خايفه لين حمدان وفهد دشو البيت وهي تركض صوب حمدان وقفت جدامه ودمعتها اتطيح وهي اتقول : حمدان خايفه دخيلك لا اتروح
حمدان : ريم شو فيجج ليش جيه خايفه
ريم : حمدان ما تعرف خفت وايد وايد قبل لا تيي
حمدان : اهه ي ريم ما بردت حرتي فيه الكلب
ريم ودموعها اربع اربع : ايدك انجرحت وانا السبب انزين وين رحت ؟ رحت المستشفى ؟
حمدان : يابوي عادي ، لا مارحت
ريم : بس "وقاطعها حمدان " : اششش تعالي اول نيلس وترتاحين يلا
ريم : حمدان ما ابا ما ابا حمدان
مطها من ايدها ويلسها غصب وقال : محد يقدر يلمسج ولا يزخج دامني موجود انا هني بكون وياج تمام ؟
ريم : تمام ، انزين ايدك ما اتعورك ؟
حمدان : لا ما اتعورني لا اتحاتين ، والحين بتروحين الجامعه ؟
ريم : حمدان افهمني والله خايفهه
حمدان : تمام ريم تمي هني وانا بخلي السايق اييب البنات لا اتروحين مكان ولا اتخافين بس بطلع شوي وبرد وعندج العنود هذي لا اتخافين
ريم : تمامم حمدان
فـ الجامعه
: آخخخ بدل ما افرقهم جمعتهم بس انا اراويهاا
وخلصت الجامعه وكل البنات ف بيت يد عليا و العنود متجمعين عشان ريمم
ريم : وهاي السالفه كلها والله اني متت خوفف
شيخه : كفو عليه حمدان والله ولا طلعو تجار مخدرات ي عيني
ريم : الله ياخذهم
عليا : حمدان وين ؟
ريم : قال بيسير وبيرجع بس لين الحين ما رجع
عليا : الله يستر بسس
ريم : اخوي هزاع عرف ؟
عليا لا م اضني بس انتو لا اتخبروه شي
ريم : اذا عرفف ما بيخليني اروح الجماعه مره ثانيهه ما بيخلوني ارووحح الله يخليكم قولو انه ما يعرف
قاطهم حمدان وهو داش : السلام عليكم
الكل : وعليكم السلام
حمدان يتطالع عليا يقول : كلكم بخير محد صار له شي ؟
الكل : لا
ريم كانت تباه يسأل عنها عشان اتخبره هي ش كثر خايفه بس حمدان روح وهو يقول الحمدالله
عليا وهي اتزاعق عليه : حمداانننن اصبررر وين بتروح
حمدان وهو يزاعققق ومعصب: بروححح شو تبيي
عليا : ش فيككك بسألك سؤال
حمدان رد عندهم وهو مبين عليه العصبيه: خيرررر
عليا : ريمم خايفه اخوها عرف
حمدان : وانا كيففف بعرففف قوليلي اذا هو يعرف ولا
عليا : خلاص روحح كلتنا استغفرالله ما ادري ليش معصب
وروح
ريم وعيوني فيها دموع: تتوقعو معصب مني ؟
عليا : لا مستحيل ش سويتيله انتي
وتمت اتفكر ورجعو كل حد ع بيته و خلص اليوم ع خيررر
اليوم الثاني الصبح ف بيت ريم ع طاوله الاكل
هزاع : ريم
ريم مبين عليها التعب : هلا هزاع
هزاع : البارحه ما جفتج ما سألتج و تعالي كلي ريوق
ريم خافت بس سوت عمرها ما تعرف : اسأل ، لا ما ابا هزاع ما لي نفس
هزاع : ع راحتج ، انزين خبريني شو صار البارحه سمعت تجار مخدرات وحاله ما كنت موجود روحت من الجامعه من وقتت
ريم : م شي عادي اتهجمو ع بنت وتدخلو الناس بسرعه ويت الشرطه وكشفت انهم تجار مخدرات وبس
هزاع : اهاا انا اسمعهم مشتطين البارحه
ريم: بس هذا هو السؤال ؟
هزاع : هي بس هذا ، بس انتي شكلج تعبانه
ريم : هي هزاع عادي اتشلني اليوم وياك الجامعه ولا ربعك وياك بيكونو ؟
هزاع : لا بشلج عادي وبردج بعد اخاف تتعبي وتلعوزي ربيعاتج وياج وزين اصلا ما عندي الا محاضره وحده اليوم دكتور واحد معتذر من البارحه انه ما بي
ريم : الحمدالله عيل خلني ادق حق عليا اخليها ما تي
هزاع : تمام
عند عليا
حمدان : يلا عليا اليوم انا بعد بوصلج السايق اييب اغراض
عليا : اغراض شو ؟
حمدان : ش دراني انا
وعليا ياها اتصال من ريم وراحت بعيد عليا شوي وردت : الو
عليا : الو هلا ، ترا الحين بنطلع اتريقي لين ما نوصل
ريم : لا عليا سمحيلي ما ابا اتعبكم اليوم بروح ويا هزاع ما ابا اثجل عليكم
عليا وهي مستغربه : ليش ش السالفه بنييج بنشلج وحمدان بيوصلنا اليوم اتعرفي استانس يوم اتكوني وياي برايه خلي اخوج
ريم : لا عليا دخيلج ما ابا اتعبكم وبعد حمدان بيوصلكم مالي ويهه اشوفه من سالفه امس
عليا ما حبت تحرجها ف قالت : تمام ريم ع راحتج بنتلاقا ف الجامعه عيل
ريم : تمام مع السلامه
عليا : مع السلامه
حمدان : ش السالفه ما بنروح يعني ؟
عليا : يلا
ف السياره
عليا : اخطف بس ع شيخه
حمدان : ليش وريم ؟
عليا : بتروح ويا اخوها
حمدان : صاير شي يعني ؟
عليا : م ادري حسيتها ما تبا اتروح ويانا عشان سالفه امس وخاصه يوم عرفت انه انت اللي بتوصلنا قالت مالي ويه اشوفهه عشاان السالفه
حمدان : كيف يعني ما فهمت ش قصدها
عليا : احسها تضايقت يوم عصبت انته البارحه عبالها انته معصب منها ويمكن بعد هزاع عرف عن الموضوع وما يباها تي ويانا
حمدان : اههه مب منها هي الروحها كانت خايفه اصلا البارحه ، لا مستحيل ما اضني
عليا : خلنا نروح الجامعه ونعرف منها احسن
حمدان : اوك وخبريني
عليا : اوك
وخطفو ع شيخه وروحو الجامعه
انزين خلو ها كلهه وتعالو عند عايله منصور
منصور : امايههه ما يسوى علينا انها انقذتني انا لو مت احسن اصلا هيي ليش يت عندي ليشش شو تبا ؟
ام منصور : عيبب عليك منصور البنت سوت الواجب واكثر لو ريال مت سوى سواتهاا عيب عليك
منصور : انزين اماهه وبعدين ؟ لازم هالعزيمه وتعزيمهم ؟ انا ما ابا ياخيي
ام منصور : لازمم لازمم وانت بتشرف ع كل شي وانا عزمت اهل العنود كلهم طلعو ناس كفو وعيال كباريه بعد
منصور : استغفرالله امايهه اوك اوك
"تعالو نرجع الجامعه "
هزاع : صبري شوي لا تنزلي الحين بننزل بي حمدان وسيري ويا ربيعاتج
ريم : تمام
هزاع : تعبانه وايد ؟
ريم : لا عادي
" ووصل حمدان ونزلو كلهم حمدان راح عند هزاع والبنات نزلو ، حمدان وهو رايح شاف ريم وهي تعبانهه وايد تم يتطالعها لفت ريمم جافته بس ما عطته مجال سيدهه راحت ويا عليا و شيخه
هزاع : اووييي بلاك وين سرحان
حمدان : بسم الله ش فيكك
هزاعع : ههههههه زغتت هاااهه وين سرحانن ؟
حمدان : خل عنك هالسوالف ها شو بغيتني ؟
هزاع : عزيمه اليوم عند الربع وعازمينك بتي ؟ حالفين عليك
حمدان : ياريال ما ناقص انا
هزاع : ما ادري عاد قالولي تعال واعزم حمدان ها اول واحد يكون موجود
حمدان : ما عليهه بجوفف انا
هزاع : اوك
حمدانن : يلا عيل اخليكك روح وراك محاظراتت
هزاع : يلا عيل مع السلامه بكلمك بعدين
حمدان : اوك يلا
عند ريم
عليا : ريمم ش فيجج تعبانهه ؟
ريم : لا بسس عيوني اتعورني
هيا اتشوف ريم من بعيد وتمشي سرعه عشان توصل عندها واتكلمها وهي خايفه : ريمم ش فييجج تعبانهه شي جوفي عيونجج كيفف
ريم وهي تعبانهه ومعصبه: ما فيني شي ما فيني شي خلوني خلونيي "ونزلت دمعتها "
عليا : اوك ريم اوك احنا آسفينن
ريم كان تحضنها وتمت اتصيحح
عليا : ريمم فيج شي ؟ شي يعورج ؟
شيخه : ريمم اذا فيجج شي خبرينا
ريم : ............................................
بعدها حاضنه عليا
عنودد يايه صوبهم : سلاممم
شيخه وهيا وعنود وعليا : وعليكم السلامم
عنود : ش فيها ريمم ؟
ريممم وهيي تصيحح وحاضنه عليا اتقول : ما فيني شي ما فيني شي خلوني
عليا اتأشرلهم عساس خلوها شوي ترتاح وتهدا
وسارو المحاظرات شيخه والعنود و تمو عليا وهيا و ريم عند بعض
هيا : ريم اييبب لج ماي ؟ بسير اشرب لي كوفي لو تبين شي
ريم : لا ما ابا شي
عليا : ما عليج منها ييب الها ماي وشي تاكله ما متريقه هيه اصلا صح ؟
ريم : عليا دخيلج ما ابا شي
روحت هيا
عليا : مب ع كيفج بتاكلي ، انزين خلي الاكل ع ينب ريم شو فيج ؟
ريم اطالعت تحت : م شي عليا بس تعبانه شوي وما راقده عدل
عليا : ريم لا تلعبي علي انتي اتعرفيني اكثر وحده ما ينقص علي انتي البارحه صايحه لين ما قايله بس شو فيجج شو اللي خلاج اتصيحي خبريني بسمعج
ريم : ادري عليا وكنت ادري انج اول وحده بتعرفي شو فيني من ويهي واعرف انج بتسمعيني بس ...
عليا : بس شو خوفتيني
ريم : م شي عليا عادي تنسين الموضوع
عليا : صعب اني انسى وخاصه انج ربيعيتي ما اقدر اخليج جييه بس م عليهه متى ما تبي اتقولي انا هني بتلقيني وياج وبسمع لج
ريمم : الله يخليجج النا عليا انتي الوحيده اللي تفهمينا ربي لا يحرمنا منج
عليا : ولا يحرمني منكم ي ربب بس ريمم !
ريم : هلا عليا
عليا : زعلانه بسبت حمدان ؟
ريمم منصدمه : هاهه ؟؟
عليا : جاوبيني ريمم
ريم منزله راسها : شو يخص عليا الحين حمدان اخوج
عليا : ريم قلت لج لا اتدورين ف الرمسه جاوبيني
ريم : ما اقدر اجاوبج علياا م اقدر
عليا : انزين اوك ريمم م عليهه بخليج ع راحتج
شربت ريم ماي بس ما رضت تاكل ابد وراحو كلاساتهم والحمدالله اتجمعن بعد ما خلصن الكلاسات اللي عليهن
عليا : ها بناتت شو مخططاتكم اليوم ؟
شيخه : والله ما شي
عليا : ههه احيد انتي راعيه المشاوير
شيخه : ش انسوي بعد
عليا : وانتو جماعه
عنود : لا مخططات ولا شي عندي امتحان ميد تيرم باجر
هيا : لازم البحث يكون جاهز وبيلس عليه اليوم لا تطالعوني
ريم : اي ماده ؟
هيا تهمس ل ريم ف اذنها : الماده اللي ويا اخوج هزاع
ريم : اهاا
عليا : ونتي ريم ؟
ريم : يالسه ف البيت
عليا : عيل بشكلن وياي البيت اليوم شو رايكن
شيخه : اوك
رييم : لا عليا دخيلجج اصلا بروح مع هزاع
"كلهم منصدمينن "
بس وهم منصدمين يت صوبهم روضه
روضه : هلا بنات ، شحالكم ؟
الكل : اهلين الحمدالله
روضه تطالع ريم باستحقار : هه الحمدالله ع السلامهه يقولون البارحه شردتي ولا ما كنتي تبي يعرفو انج وياهم ؟
عليا نطت : روضهه خيرر ش هالرمسههه اصلا منو قال انه ريم اللي شردت منو قالج انه ريم كانت البنت محد يعرف حتى الشرطه ما تعرف لا تيلسي اتألفي
روضه : هاهه والله مب انا الكل يرمس محد جاف ريم يوم كانو يسألو عنا وقالو انها ع علاقه وياهم
ريم وفعيونها الدمعه : انا ؟ وعلاقه ؟
عليا : روضهه حتى اخوها ما كان موجود اكيد شلها وياها يعني ما يت العين الا ع ريمم
روضهه : مبين اصلا ( وروحت )
هيا : ش هالغباء اللي فيها ( وراحت تبا تضارب بس زختها عليا )
عليا : يلسي هيا عن الينونن ناقصه انتي يطردوج من الجامعهه
هيا : والله ي عليا لو اتهديني عليهاا ي اموتها
عليا : هياا بس عادد ريمم حبيبتيي لا اتصيحي ما عليج منها هاي انتي اتعرفي كيف هاي كلبه
ريمم : م عليهه عليا انا بروحح اكيد هزاع يترياني
ريم ما قدرت تتماسك فيلست اتصيح ع الكراسي اللي جدام الباركنات وطبعا اخوها ما يرد عليها كل العاده فيلست تترياه
عند عليا
: الو حمدان وينكك ؟
حمدان : الحين واصل صبري يوم بوقف بدقلج
عليا : اوك
عند ريم سياره وقفت
:هلا والله هلا
ريم : .............
: ش فيهم الحلوين ؟ تعبانه شي ! تعالي وياي انا براضيج لو حد زعلج
ريم : ...............
: افاا يعني لازم ننزل ؟
ريم : .....
: مب ناويه تيين اروح ؟ بس ياخي م ابا اروح واخليج جيه لازم اشلج وياي
حمدان ف السياره وهو يدور باركنق : ياخي م شي ولا موقف اوقف فيه ..."وحصل موقف " شفيها هاي اتصيح جدام المواقف ؟ ويلتفت يمين يلقى الريال قاحم صوبها ونزل حمدان عشان يتصل ل عليا ويشوفهم وتم واقف عند سيارته
: الحلوهه يلا نشي
ريم بعدها منزله راسها
:"بهمس" يلا عشان ما يصير مشاكل ع الاقل واويني ويهج
ريم وهي تصرخ : بععدددد شو تبا مني
حمدان رفع راسه واطالعهم : هاي ريييم ههااي ريممم ،"ويصرخ حمدان عليهه " اييهههه خيرر انشاءالله شو تبا
: وانت شلك ؟ من الصبح واقف حذال سيارتك ما قلت شي الا الحين قول انك تبا اتسوي عمرك رياال جدامها
حمدان : انا ريال وغصباً عنك وريممم سيريي السيارهه سرعههه
ريم : .........
حمدان : انتي تفهمي ولا ما تفهمي سيري السيارههه سرعهههه
ونشت سارت السياره
حمدان : ان سفتك موطوط حذالها مره ثانيه والله اذبحك
: اوههه بلاك يا ريال كنا انتمصخر اسفينن بنروح
حمدان ركب السياره تم عادي شوي ويسمع شهقاتها ولف صوبها قال : ريمم كيف ترضين حد شرات ها يكلمج ؟
ريم ما عطته اي اعتبار اتصلت لهزاع : الو هزاع وينك ؟ تمام
ونزلت
وحمدان معصب من الخاطر طلع برع وتم يطالعها الين ما شافها تركب سياره هزاع
حمدان: افففففف وضرب بسيارته بقو من العصبيه
عند عليا
: وينه ما يا
حمدان يتصل * : الو تعالي انا عند الباركنات سرعه
عليا : بسم الله تمام يايه الحين
وركبو السياره وحمدان م نطق ف ولا كلمه
|