#ﺑﻨﺖ__ﺍﻟﻤﺆﻣﻦ
ﺷﻴﺦ ﺍﻟﺸﺒﺎﺏ ²
ﻣﻦ ﻛﺘﺎﺑﺎﺕ ﺯﻫﺮﺍﺀ ﺍﻟﻌﺮﺍﻗﻴﺔ
#بارت١٣
ﻇﻨﻴﺖ ﻟﻠﺤﻈﺔ ﻣﺤﻤﺪ ﺭﺍﺡ ﻳﺮﺩﻫﺎ ﺍﻟﻪ ﺑﺲ ﻫﻮ ﻣﺎ ﺳﻮﺓ ﻭ ﺧﻄﻒ ﻧﻈﺮﺓ ﻋﻠﻰ ﻋﻤﺎﻣﺘﻪ
ﻭﻧﻄﻖ ﺑﺜﺒﺎﺕ ﺧﺎﻟﻲ ﻣﻦ ﺍﻻﻧﻜﺴﺎﺭ
- ﻟﺪﻓﻌﻚ ﺛﻤﻨﻬﺎ
ﺗﺮﺍﺟﻌﺖ ﻣﻦ ﺍﻧﻔﺘﺢ ﺍﻟﺒﺎﺏ ﻋﻠﻰ ﺍﺻﻮﺍﺗﻬﻢ ﻭﺯﻣﺠﺮﺗﻬﻢ ﺍﻟﺮﺟﻮﻟﻴﺔ ﺍﻟﻀﺨﻤﺔ ﺍﻟﻤﺨﻴﻔﺔ ﻭﺧﺎﺻﺔ ﻛﺮﺍﺭ ﻛﺎﻥ ﻳﺪﺍﻓﻊ ﻭﻳﻪ ﻭﺍﻟﺪﻱ ﺩﺧﻞ ﻳﺎﺳﺮ
- ﻋﻤﻲ ﺷﻨﻬﺎﻱ ﺍﺻﻮﺍﺗﻜﻢ ... ؟
ﺑﺲ ﺷﺎﻑ ﺍﻟﺸﻴﺦ ﻻﺯﻡ ﺣﻠﻜﺔ ﺟﺮﻳﺢ ﻭ ﺍﺑﻮﻳﺔ ﻳﺼﺪ ﺑﻜﺮﺍﺭ ﻫﺎﺟﻢ ﻭﻳﺘﻮﻋﺪ ..
- ﻛﻠﻤﻪ ﻣﻨﻲ
ﺧﺘﻠﺖ ﺧﻠﻒ ﺑﺎﺏ ﺍﻟﺒﻴﺖ ﺍﻟﺪﺍﺧﻠﻴﻪ ﺑﺲ ﺭﺍﺳﻲ ﻃﺎﻟﻊ ﻭ ﺍﺑﺎﻭﻉ ﺑﺨﻮﻑ ﻣﻦ ﺷﻔﺖ
ﻳﺎﺳﺮ - ﻋﻤﻚ ﻭﻟﻚ
ﺩﻓﻊ ﺍﺑﻮﻳﺔ ﻭ ﻫﻮ ﻣﺪﺭﻱ ﺷﻨﻮ ﻳﻜﻮﻝ ﺍﻟﻜﻼﻡ ﻃﺎﺭ ﻣﻦ ﺫﺍﻛﺮﺗﻲ ﻛﻞ ﺍﻟﻲ ﻳﻬﻤﻨﻲ ﺍﺑﻮﻳﺔ ﻻ ﻳﻮﻛﻊ ﻣﻦ ﺭﺟﻊ ﻟﻠﺨﻠﻒ ﺣﻴﻞ ﻭ ﻟﻜﻦ ﺍﻟﺴﻴﺪ ﻟﺰﻣﻪ ﻣﻦ ﻇﻬﺮﺓ ﺛﺒﺖ ﺍﻗﺪﺍﻣﻪ .....
ﺩﺧﻞ ﻣﺮﺗﻀﻰ ﺑﻠﻮﺍﺯﻡ ﻫﻨﺪﺳﻴﺔ ﺍﻟﻈﺎﻫﺮ ﻃﻠﻊ ﻣﺘﺴﻮﻕ ﻟﻬﺬﺍ ﺗﺄﺧﺮ ﺑﺎﻟﺮﺟﻌﺔ
ﺷﺎﻑ ﻳﺎﺳﺮ ﻭﺍﻛﻒ ﺧﻠﻒ ﻛﺮﺍﺭ ﻭ ﻣﻜﺘﻒ ﺍﺩﻳﻪ ﻭ ﺫﺍﻙ ﻳﺘﻼﻭ ﻳﺤﺎﻭﻝ ﻳﺒﻌﺪ ﺍﻳﺪﻩ
ﺍﺑﻮﻳﺔ - ﻻ ﺍﺻﻴﺢ ﻻ ﺗﻔﻀﺤﻨﺎ ﻭﺍﺭﻭﺡ ﻟﺒﻴﺘﻚ
ﺍﻟﺴﻴﺪ ﺗﻨﺤﻰ ﻭ ﺷﻔﺘﻪ ﻃﻠﻊ ﺗﻠﻴﻔﻮﻧﻪ ﻭﻳﺘﺼﻞ
ﻛﺮﺍﺭ ﻳﺮﻳﺪ ﻳﺮﻭﺡ ﻳﻜﻞ ﻟﻴﺎﺳﺮ ﻫﺪﻧﻲ ﻭ ﻫﺪﻧﻲ
ﺑﺲ ﻫﺪﺓ
ﺍﺗﻮﺟﻪ ﻻﺑﻮﻳﺔ ﻳﺮﻋﺪ
- ﺍﺫﺍ ﻣﺎ ﺧﻠﻲ ﺍﻟﻌﺸﻴﺮﺓ ﺗﺘﺒﺮﺓ ﻣﻨﻚ ﺷﻴﺦ ﺍﻟﻨﻔﺎﻕ ...
ﺍﺗﻘﺪﻡ ﻣﺮﺗﻀﻰ ﺿﺮﺑﻪ ﻛﻠﻪ
- ﺭﺩﻫﺎ ﺍﻟﻲ ﻳﺎ ﺩﻳﻮ ... ﺗﻬﺠﻢ ﻋﻠﻰ ﻋﻤﻚ
ﻭﺍﻟﻐﺮﻳﺐ ﻳﺤﺎﻣﻲ ﻣﻨﻚ
ﺿﺮﺑﻪ ﺑﻮﻛﺲ ﺑﺤﻠﻜﺔ ﺛﺎﻧﻲ ﺫﺍﻙ ﺩﺍﻳﺦ ﻣﻦ ﺿﺮﺑﺔ ﺍﻟﺮﺍﺱ ﺑﻌﺪﻫﺎ ﺗﺮﺍﺟﻊ ﻟﻠﺨﻠﻒ ﻭﺿﺮﺑﺔ ﻣﺮﺗﻀﻰ ﻣﺮﺓ ﺛﺎﻧﻴﺔ ﻋﻠﻰ ﻧﻔﺲ ﺍﻟﻤﻜﺎﻥ ﺣﻠﻜﺔ ﻃﻠﻊ ﺩﻣﻪ ﺍﻻ ﺍﺑﺘﻌﺪ ﻣﺮﺗﻀﻰ
ﺭﺍﺩ ﻳﻬﺠﻢ ﺷﺎﻑ ﻳﺎﺳﺮ ﻭﺍﻛﻒ ﻳﻢ ﻣﺮﺗﻀﻰ ﺍﻇﻦ ﻭﺍﺧﻴﺮﺍ ﺧﺎﻑ ﻭ ﻃﻠﻊ ﻣﺜﻞ ﺍﻟﺠﺮﺫ
ﺍﻧﺤﻨﻰ ﻳﺎﺳﺮ ﻭﺷﺎﻝ ﺍﻟﻌﻤﺎﻣﺔ ﺍﻟﺴﻮﺩﺓ ﻭﺍﻧﺘﺒﻬﺖ ﻟﻠﺴﻴﺪ ﻣﺎ ﺯﺍﻝ ﻻﺯﻡ ﺣﻠﻜﺔ ﻭﺑﻨﺘﻪ ﺭﺍﻛﻀﺔ ﺣﺎﺿﻨﺘﻪ ﻟﻮﻳﻦ ﻣﺎ ﻭﺍﺻﻞ ﺍﻟﻪ ﻟﺮﻛﺐ ﺭﺟﻠﺔ ﻭﻫﻮ ﺍﻳﺪ ﻋﻠﻴﻬﺎ ﻭﺍﻳﺪ ﻣﺎ ﺯﺍﻝ ﻻﺯﻡ ﺑﻴﻬﺎ ﺣﻠﻜﻪ ﺍﻟﻤﺪﻣﻲ .
ﻣﻦ ﺍﺗﻘﺮﺑﻮ ﺍﻟﻪ ﺍﺷﺮ ﻣﺎ ﺑﻴﻪ
ﻭ ﺭﺍﺡ ﻟﻠﻤﻐﺴﻠﺔ ﺍﻟﺨﺎﺭﺟﻴﺔ
ﺍﻧﻲ ﻃﻠﻌﺖ ﻟﺒﺘﻮﻝ ﺍﻟﻲ ﺗﺒﺠﻲ ﺧﺎﻳﻔﺔ
ﻟﺰﻣﺘﻬﺎ ﻭ ﻣﺮﺗﻀﻰ ﻛﺎﻝ ﻟﻴﺎﺳﺮ ﺍﺩﺧﻞ ﻳﺎﺳﺮ
︎▪ ﻳﺎﺳﺮ
ﺭﺍﺟﻊ ﻣﻦ ﺷﻐﻠﻲ ﻭﻛﻔﺖ ﺍﻟﺴﻴﺎﺭﺓ ﺑﺎﻟﺒﺎﺏ ﻭﺍﺳﻤﻊ ﺍﺻﻮﺍﺕ ﻣﻦ ﺑﻴﺖ ﻋﻤﻲ ﺑﺎﻟﺒﺪﺍﻳﺔ ﻛﻠﺖ ﺧﻴﺮﻫﻢ ﻭﺭﺩﺕ ﺍﺩﺧﻞ ﺑﻴﺘﻲ ﺑﺲ ﻣﻦ ﺳﻤﻌﺖ ﺻﻮﺕ ﻭﺍﺣﺪ ﻳﻐﻠﻂ ﻭﻳﻠﻌﻦ ﺑﺎﻟﺴﺎﺩﺓ
ﻛﻠﺖ ﻫﺎﻱ ﺷﻐﻠﺔ ﻣﻮ ﻫﻴﻨﻪ ﻭﻛﻔﺖ ﻭﺭﺓ ﺑﺎﺑﻬﻢ ﻭﺍﺳﻤﻊ ﺍﻟﻐﻠﻂ ﻭ ﻋﻤﻲ ﺻﻮﺗﻪ ﺑﻤﻜﺎﻥ ﺩﻓﺎﻉ ﺩﻓﻌﺖ ﺍﻟﺒﺎﺏ ﻭﺩﺧﻠﺖ ﻟﻜﻴﺖ ﺍﺑﻦ ﺍﺧﻮﻩ ﻳﺘﻬﺠﻢ ﺍﻋﻠﻴﻬﻢ ﻭ ﺿﺎﺭﺏ ﻋﺪﻳﻠﻲ .
ﺍﻧﻲ ﺍﻛﺪﺭ ﺍﺟﺴﺮ ﺍﺟﺪﺍﻣﻪ ﺑﺲ ﻣﻦ ﺷﻔﺖ ﺍﻟﻌﻤﺎﻣﺔ ﻭﺍﻛﻌﺔ ﻛﻠﺖ ﻻ ﺍﺯﻭﺩﻫﺎ ﻋﻠﻰ ﻋﻤﻲ ﻣﻬﻤﺎ ﻳﻜﻦ ﻫﺬﺍ ﺍﻟﻐﺒﻲ ﺍﺑﻦ ﺍﺧﻮﻩ ﻭﺍﻟﺸﻐﻠﺔ ﺟﺎﻳﺪﺓ ﻫﺎﻱ ﺍﻟﻀﺮﺑﺔ ﻟﻠﺴﻴﺪ ﻭﺭﺍﻫﺎ ﻣﺸﺎﻛﻞ ﻳﺎﺑﻮ ﻣﺸﺎﻛﻞ ﺑﺲ ﻛﺘﻔﺘﻪ ﻋﻦ ﻋﻤﻲ ﻭﺩﺧﻞ ﺍﺑﻦ ﻋﻤﻪ ﻭ ﻫﻮ ﻓﻮﺥ ﺟﺰﺀ ﻣﻦ ﻧﺎﺭﻱ ﺍﻟﻲ ﺗﻨﻬﺶ ﺑﻴﻪ ﺑﺎﻟﺼﻠﻮﺍﺕ ﻭﺍﻻﺳﺘﻐﻔﺎﺭ ﺍﻻ ﻛﺪﺭﺕ ﺍﻣﻨﻊ ﻧﻔﺴﻲ ﻭﺍﺻﺪﻫﺎ ﻭﻣﺎ ﻛﺘﻠﺘﻪ .
ﻣﺮﺗﻀﻰ ﺍﺗﻮﻻﻩ ﺣﻤﺪﺕ ﺭﺑﻲ ﻣﺎ ﺍﺻﺮﻑ ﺑﺒﺮﻭﺩ ﻛﻌﺎﺩﺗﻪ ﻭﺍﻧﻪ ﺷﺎﻳﻞ ﺑﺨﺎﻃﺮﻱ ﻣﻨﻪ ﻣﺮﺗﻪ ﺍﺳﺒﻮﻋﻴﻦ ﻣﺎ ﺍﺟﻪ ﺍﻟﻬﺎ ...بيج قصص عراقيه حقيقيه من واقعنا.روعه الطائي
ﺷﻔﺖ ﺑﺘﻬﻢ ﻭﻛﻔﺖ ﻳﻢ ﺍﻟﺴﻴﺪ ﻻﺯﻣﻪ ﺑﺘﻪ ﻭﺗﻜﻮﻝ ﻻﺑﻮﻫﺎ
- ﻛﻠﻪ ﻣﻨﻲ ﺍﻧﻲ ﻟﻮ ﻣﺎ ﻓﺎﺗﺤﻪ ﺍﻟﺒﺎﺏ ﺍﻟﻬﺎ
ﻭﺗﺒﺠﻲ ﻣﺎ ﻓﻬﻤﺖ ﺷﻲ ﻣﻦ ﻣﺸﻜﻠﺘﻬﻢ
ﺑﺲ ﻣﺎ ﻫﻮﻧﺖ ﺍﺭﻭﺡ ﻻ ﻳﺮﺟﻊ ﻳﻬﺪ ﻫﺬﺍ،
ﺩﺧﻠﻨﺎ ﻭﺍﻟﺴﻴﺪ ﺍﺟﻪ ﻭﺭﺍﻧﻪ ﻻﺯﻡ ﺧﺎﻭﻟﻲ ﺣﺎﻃﻪ ﻋﻠﻰ ﺣﻠﻜﺔ ...
ﻛﻌﺪﻧﺎ ﻧﺴﻮﻟﻒ ﻋﻠﻰ ﻋﻘﺒﺎﺕ ﺍﻟﻤﻮﺿﻮﻉ
ﻻﺣﻈﺖ ﺍﻟﺨﺎﻭﻟﻲ ﺍﻧﺘﺮﺱ ﺩﻡ
ﻭﻫﻮ ﺳﺎﻛﺖ ﻏﺎﺿﺐ
ﺑﺎﺩﺭﺕ
- ﻣﻮﻻﻱ ﺍﻧﺖ ﺷﻔﺘﻚ ﺍﻋﺘﻘﺪ ﺟﺮﺣﻬﺎ ﻋﻤﻴﻖ
ﻧﺎﺧﺬﻙ ﻟﻤﻀﻤﺪ؟
ﺍﺷﺮ ﺑﺄﻳﺪﻩ ﻻ
ﻣﺮﺗﻀﻰ - ﻣﺤﻤﺪ ﻛﻮﻡ ﻧﺎﺧﺬﻙ ﺍﻗﻠﻬﺎ ﻟﻤﻀﻤﺪ ﻳﺸﻮﻓﻬﺎ
ﺭﻓﺾ
ﻭﻛﺎﻝ ﺑﺘﻌﺐ
- ﺧﺎﺑﺮﺕ ﺍﺧﻮﻳﺔ ﺍﺭﻭﺡ ﻭﻳﺎﻩ
ﻣﺮﺗﻀﻰ - ﺭﻭﺡ ﻭﻳﺎﻱ ﺷﻨﻮ ﺍﻟﻘﻀﻴﺔ ﺍﻧﻲ ﻫﻢ ﺃﺧﻮﻙ
ﻋﻤﻲ - ﻛﻮﻡ ﻣﺤﻤﺪ ﺷﻔﺘﻚ ﻣﺠﺮﻭﺣﻪ
ﻣﺎ ﻛﺎﻡ ﻭﺭﻓﺾ ﻭ ﺍﺣﻨﻪ ﻇﻠﻴﻨﺎ ﻧﺼﺮ ﻋﻠﻴﻪ ﻣﻨﺎ ﻣﻦ ﺍﻧﺪﻙ ﺍﻟﺒﺎﺏ ﺑﻌﺪ ﻭﻃﻠﻊ ﻣﺮﺗﻀﻰ ﻳﻔﺘﺤﻬﺎ ...
ﺩﺧﻞ ﺳﻴﺪ ﺛﺎﻧﻲ ﺷﺎﻳﻔﺔ ﺑﺎﻟﺴﺎﺑﻖ ﺑﻔﺎﺗﺤﺔ ﺑﺘﻬﻢ
- ﺍﻟﺴﻼﻡ ﻋﻠﻴﻜﻢ
ﻭ ﺍﺟﻪ ﺳﻠﻢ ﻋﻠﻰ ﻋﻤﻲ ﻭﻋﻠﻴﻪ ﻭﻧﻈﺮ ﻻﺧﻮﻩ
- ﻫﺎﻱ ﺷﻨﻮ ﺷﺼﺎﻳﺮ ؟ ...
︎▪ ﻣﺎﺟﺪ
ﻛﻨﺖ ﻳﻢ ﻭﻟﺪ ﻣﺤﻤﺪ
ﻻﺣﻈﺖ ﻏﻴﺎﺏ ﺗﻘﻲ ﻋﻦ ﺍﻧﻈﺎﺭﻱ ﺩﻭﺭﺗﻪ ﺑﺎﻟﺒﻴﺖ ﻣﺎ ﻟﻜﻴﺘﻪ ، ﻃﻠﻌﺖ ﻟﻠﺤﺪﻳﻘﺔ ﺷﻔﺘﻪ ﻓﺎﺗﺢ ﺍﻟﻤﺎﻱ ﻭﻛﺎﻋﺪ ﻋﻠﻰ ﺍﻟﺘﺮﺍﺏ ﺍﻟﻲ ﺻﺎﻳﺮ ﻃﻴﻦ ﻭ ﻳﻠﻌﺐ ﻭﻣﻄﻴﻦ
- ﺷﺠﺎﻱ ﺍﺳﻮﻱ
- ﻋﻤﻮ ﺟﺎﻱ ﺍﻟﻌﺐ
ﺃﺑﻨﻲ ﺣﺎﻳﻂ
- ﻫﻬﻬﻬﻪ ﺩﺗﻌﺎﻝ ﺩﺗﻌﺎﻝ ﺍﺫﺍ ﺍﺟﻪ ﺍﺑﻮﻙ ﻭﺷﺎﻑ ﻣﻨﻈﺮﻙ ﻳﺼﻠﺨﻚ ﺑﺎﻟﻤﺎﻱ ﺍﻟﺤﺎﺭ
- ﻣﺎ
ﺑﺎﺑﺎ ﻳﻀﻮﺟﻨﻲ ﺑﺎﻟﺴﺒﺢ ﻳﻌﻴﺪ ﻭﻳﻌﻴﺪ
- ﺩﺗﻌﺎﻝ
ﺍﺧﺬﺗﻪ ﻭﺻﺮﻓﻨﺖ ﺑﻨﻄﺮﻭﻧﻲ ﻭ ﺭﺩﻧﻲ ﻭﺩﺧﻠﺘﻪ ﻟﻠﺤﻤﺎﻡ ﻭ ﺳﺒﺤﺘﻪ ،، ﺷﻠﺘﻪ ﻻﻓﻪ ﺑﺨﺎﻭﻟﻲ
- ﺍﻟﻠﻪ ﺍﻧﺖ ﺣﻠﻮ ﺳﺒﺢ ﻏﻄﻴﺘﻨﻲ ﺑﺎﻟﻤﺎﻱ ﻭﻃﻠﻌﺘﻨﻲ ﻫﻬﻬﻬﻬﻬﻪ
ﻣﻮ ﻣﺜﻞ ﺑﺎﺑﺎ ﻭﺧﺎﻟﺔ !
ﻳﻀﺤﻚ ﻋﻠﻴﻪ
ﻟﺒﺴﺘﻪ
- ﺷﻨﻬﺎﻱ ﻋﻤﻮ ﻫﺬﺍ ﻣﻮ ﻧﻔﺲ ﺍﻟﺴﻴﺖ . ﻫﺎﻱ ﺍﻟﺒﺠﺎﻣﻪ ﺣﻤﺮﺓ ﻣﻮ ﻣﺎﻝ ﻫﺬﺍ ﺍﻟﺴﻴﺖ ﺍﺻﻔﺮ ﻛﻠﻪ
- ﻣﻴﺨﺎﻟﻒ ﺍﻟﻤﻬﻢ ﺍﻟﺴﺘﺮ
ﺭﻥ ﺗﻠﻴﻔﻮﻧﻲ " ﻣﺤﻤﺪ "
- ﻫﺎ ﻣﺤﻤﺪ ﺍﺷﻮﻛﺖ ﺗﺠﻲ ﺗﺮﺓ ﺍﻧﻲ ﻋﻨﺪﻱ ﻃﻠﻌﺔ ﺗﻌﺎﻝ ﻣﻦ ﻭﻛﺖ
- ﺗﻌﺎﻟﻲ ﻟﺒﻴﺖ ﻋﻤﻲ ﺍﺑﻮ ﻋﻠﻲ
- ﺷﻨﻮ ﺷﺼﺎﻳﺮ
- ﻣﻮﺿﻮﻉ ﺗﻌﺎﻝ ﻭﺗﻌﺮﻑ ﻳﻤﻬﻢ
ﺳﺪﻳﺖ ﺍﻟﺨﻂ ﻭﻓﻜﺮﺕ ﺷﻨﻮ ﺍﻟﻤﻮﺿﻮﻉ ؟
ﻭﺍﻧﻲ ﺍﻟﻲ ﻋﻼﻗﺔ ﺑﻴﻪ ﻭﺑﺒﻴﺖ ﺍﻧﺴﺎﺑﺘﻪ
ﺍﺟﺖ ﻟﻤﺤﺔ ﻓﻜﺮﺓ ﺑﺮﺍﺳﻲ ﻭ ﺍﻋﻠﻰ ﺍﻻﻏﻠﺐ ﻫﻲ ﺍﻟﺼﺤﻴﺤﺔ ؟
ﺧﺎﺑﺮﺕ ﻣﺼﻄﻔﻰ ﻳﺠﻲ ﺍﺑﺴﺮﻋﺔ ﻣﻦ ﺑﺮﺓ ﻳﻢ ﺍﺧﻮﺗﻪ ﻭﻋﻠﻰ ﺍﻟﻨﺎﺭ ﻫﺎﺩﺋﺔ ﺍﻧﻲ ﺍﺗﻘﻠﺐ ﺗﺄﺧﺮ ﻋﻠﻴﻪ ﺍﻻ ﺍﺟﻪ ﻣﺼﻄﻔﻰ ﺧﻼﻝ ﺳﺒﻊ ﺩﻗﺎﻳﻖ !
ﻃﻠﻌﺖ ﻣﻦ ﺑﻴﺖ ﻣﺤﻤﺪ ﻟﺒﻴﺘﻲ ﻣﺴﺘﻌﺠﻞ
ﺩﺧﻠﺖ ﻟﻐﺮﻓﺘﻲ ﻭﻏﻴﺮﺕ ﻟﺒﺴﻲ ﻣﻦ ﻗﻤﻴﺺ ﻛﺮﻳﻤﻲ ﺍﻟﻰ ﻧﻴﻠﻲ ﻏﺎﻣﻖ ﻭ ﺑﻨﻄﺮﻭﻥ ﺍﺳﻮﺩ ﻋﺎﺩﻱ ﺳﺸﻮﺭﺕ ﺷﻌﺮﻱ ﻟﻠﺨﻠﻒ ﻭ ﺣﻄﻴﺖ ﻣﺜﺒﺖ ﻭﻋﻄﺮ ﻭ ﺍﻟﺒﺲ ﺑﺴﺎﻋﺘﻲ ﻭﺍﻧﻲ ﺍﺭﻛﺾ ﻭﻳﻪ ﺍﻟﻮﻗﺖ ﺍﺩﺭﻱ ﻳﺎ ﻣﺤﻤﺪ ﺩﻛﻮﻟﻲ ﻣﻦ ﻭﻛﺖ ﻭﻟﻮ ﻣﺒﻴﻨﺔ ﺍﻟﺴﺎﻟﻔﺔ ﻓﺠﺄﺓ ﺣﺘﻰ ﻟﻤﺤﻤﺪ ﻳﻤﻜﻦ ﺍﺑﻮﻫﺎ ﻓﺎﺗﺤﻪ ﺑﺘﻐﻴﻴﺮ ﺭﺃﻳﻬﻢ ﻭ ﻭﺍﻓﻘﻮ ﻋﻠﻰ ﺍﻥ ﻳﻨﻄﻮﻧﻲ ﺑﺘﻬﻢ
ﻋﻠﻰ ﺍﻟﺮﻏﻢ ﻣﻦ ﺍﻧﺰﻋﺎﺟﻲ ﻟﺮﻓﻀﻬﻢ ﺍﻟﻲ ﻟﺜﺎﻧﻲ ﻣﺮﺓ ﺑﺲ ﺍﺷﻜﺪ ﺍﺣﺐ ﺍﺑﻮﻫﺎ ﻭﺍﺧﻮﻫﺎ ﻣﺎ ﺷﻠﺖ ﻋﻠﻴﻬﻢ ﺑﻈﻨﻲ ﻳﺮﺩﻭﻫﺎ ﻷﺑﻦ ﻋﻤﻬﺎ ﺑﺎﻟﺴﺎﺑﻖ ﻭ ﺑﺜﺎﻧﻲ ﻣﺮﺓ ﻛﻮﻥ ﻋﻨﺪﻱ ﺑﻨﺖ
ﺣﻴﺮﺕ ﺑﺎﻟﻲ ﻟﻴﺶ ﺭﻓﻀﺖ ﻭ ﻫﺴﺔ ﺍﻻ ﺭﺿﺨﺖ ﺍﺗﻤﻨﻰ ﺍﻛﻌﺪ ﻭﻳﺎﻫﺎ ﻭﺍﺷﻮﻑ ﻃﺮﻳﻘﺔ ﻛﻼﻣﻬﺎ ﻭﻣﻨﻄﻘﻬﺎ ﻟﻬﺎﻱ ﺍﻟﻌﻨﻴﺪﻩ ﺍﻟﺤﻠﻮﺓ ...
ﺭﺣﺖ ﺍﻟﻬﻢ ﻃﺎﻳﺮ ﺑﺴﺮﻋﺘﻲ ....
ﻭﺻﻠﺖ ﻭﺷﻔﺖ ﺍﻟﺤﺎﻝ ﻣﺎ ﻳﺴﺮ ﺍﻭﻝ ﻣﺎ ﺩﺧﻠﺖ ﺍﺧﻮﻳﺔ ﻻﺯﻡ ﺧﺎﻭﻟﻲ ﻭﻣﺪﻣﻲ ﻃﺎﺭﺕ ﻣﻦ ﺍﻋﺸﺎﺵ ﺭﺍﺳﻲ ﻛﻞ ﺍﻷﻓﻜﺎﺭ ﻭﻧﺴﻴﺘﻬﺎ ﻭﺍﻧﻲ ﺍﺳﺄﻟﺔ ﻋﻦ ﺣﺎﻟﺔ ﻭ ﺍﺷﻠﻮﻥ ﺻﺎﺭ ﻫﻴﺞ
- ﻫﺎﻱ ﺍﺷﺒﻴﻬﺎ ﺷﻔﺘﻚ
ﺗﺪﻧﻴﺖ ﻋﻠﻴﻪ ﻭﺑﺎﻟﻐﺼﺐ ﺷﻠﺖ ﺍﻳﺪﻩ ﻋﻦ ﺣﻠﻜﻪ ﺑﺎﻋﺪ ﺍﻟﺨﺎﻭﻟﻲ ﻭﺷﻔﺖ ﺟﺮﺡ ﺑﺸﻔﺘﻪ
ﺍﻟﻌﻠﻮﻳﺔ ﻭﻧﺎﺯﻝ ﻟﻠﺴﻔﻠﻴﺔ
- ﻫﺎﻱ ﺷﻨﻮ ﻣﻨﻮ ﺿﺎﺭﺑﻚ
ﺟﺎﻭﺏ
- ﺧﻞ ﺃﻧﺮﻭﺡ
ﻣﺮﺗﻀﻰ - ﺍﺭﻭﺡ ﻭﻳﺎﻛﻢ
- ﻣﺤﻤﺪ ﻫﺎﻱ ﺿﺮﺑﺔ ﻣﻨﻮ ﺿﺎﺭﺑﻚ
ﻭﺍﻟﺘﻔﺘﺖ ﻋﻠﻰ ﺍﻟﺸﺒﺎﺏ ﻣﺮﺗﻀﻰ ﻭ ﻧﺴﻴﺒﻬﻢ
ﻇﻠﻮ ﻭﺍﺣﺪ ﻳﺒﺎﻭﻉ ﻟﻠﺜﺎﻧﻲ
ﺍﻟﺸﻴﺦ ﻛﺎﻝ
- ﺻﺎﺭﺕ ﻣﺸﻜﻠﺔ ﻫﺴﺔ ﺍﻗﻨﻊ ﺍﺧﻮﻙ ﻧﺎﺧﺬﺓ ﻟﻠﻤﻀﻤﺪ
- ﺷﻘﻨﻊ ﻣﺎ ﻳﺤﺘﺎﺝ ﺍﻗﻨﺎﻉ ﺩﻣﺸﻲ ﻣﺤﻤﺪ ﻳﻼ
ﻣﺤﻤﺪ - ﺍﺧﺬﻧﻲ ﻟﻠﺒﻴﺖ ﺍﺑﺴﺮﻋﺔ
ﻣﺮﺗﻀﻰ - ﺗﺤﺘﺎﺝ ﺧﻴﺎﻁ
ﺭﻓﺾ ﻟﻜﻦ ﺍﻧﻲ ﻛﻠﺖ ﺍﻟﻪ ﻳﻼ ﺗﻌﺎﻝ ﺑﺴﻴﺎﺭﺗﻲ ﺍﺭﺟﻌﻚ ...
ﻫﻤﺲ ﻭﺳﻴﺎﺭﺗﻲ ﺍﺣﺘﺎﺟﻬﺎ ﺑﺎﺟﺮ ..
ﻳﺎﺳﺮ - ﺍﻧﻪ ﺍﺧﺬﻫﺎ ﻭﻳﺎﻛﻢ ﻫﺴﺔ ﺍﻃﻠﻊ ﺑﻴﻬﺎ ﻭﺍﻭﺻﻠﻬﺎ ﻟﺤﺪ ﺑﻴﺘﻚ
ﺻﻌﺪ ﻟﺴﻴﺎﺭﺗﻲ ﻭ ﻣﺮﺗﻀﻰ ﺍﺟﻪ ﺻﻌﺪ ﻳﻤﺔ
ﺑﺲ ﻃﻠﻌﺖ ﻣﻦ ﺍﻟﺒﻴﺖ ﺳﺄﻟﺖ ﻣﺮﺗﻀﻰ ﺍﻟﻲ ﻛﺎﻋﺪ ﻳﻤﻲ ﻋﻦ ﺍﻗﺮﺏ ﻣﻀﻤﺪ ..
ﺍﺷﺮﻟﻲ ﻳﺴﺎﺭ ...
ﻭﻧﺰﻟﺘﻪ ﺑﺎﻻﺻﺮﺍﺭ ﻧﺰﻝ ﻧﺎﺯﻉ ﻋﻤﺎﻣﺘﻪ ﻭﻋﺒﺎﺗﻪ ﻣﺎ ﻳﺒﻴﻦ ﻋﻠﻴﻪ ﺳﻴﺪ ..
ﻭﻳﺎﺳﺮ ﺧﻠﻔﻨﻪ ﻧﺰﻝ ..
ﻟﻜﻴﻨﻪ ﺑﻐﺮﻓﺔ ﺍﻟﻤﻀﻤﺪ ﺷﺨﺼﻴﻦ ﻛﻌﺪﻧﺎ ﻧﻨﺘﻈﺮ ﻳﻜﻤﻞ ﺯﺭﻗﻬﻢ ﺍﺑﺮ ﻭ ﻳﺠﻲ ﺩﻭﺭﻧﺎ ..
ﺩﺧﻞ ﺷﺎﺏ ﻭ ﻳﺎﻩ ﺭﺟﺎﻝ ﻛﺒﻴﺮ ﻭ ﻣﺮﺓ
ﻣﺮﺗﻀﻰ ﻭﻛﻒ ﻣﺎ ﺍﻫﺘﻤﻴﺖ ﻟﺪﺧﻮﻟﻬﻢ ﺑﺲ ﻫﻢ ﻭﻛﻔﺖ ﻣﺨﻠﻲ ﻣﺠﺎﻝ ﻟﻠﻤﺮﺓ ﺗﻜﻌﺪ ﺭﺩﺕ ﺍﻃﻠﻊ ﺑﺮﺓ ﺍﻧﺘﻈﺮ ﻟﻜﻦ ﻟﻔﺖ ﻧﻈﺮﻱ ﺍﻟﻤﺮﺓ ﻭﺍﻟﺮﺟﺎﻝ ﻃﻠﻌﻮ ! ﺍﻟﺸﺎﺏ ﻭ ﻳﺎﺳﺮ ﻟﺰﻡ ﻣﺮﺗﻀﻰ
ﻣﺮﺗﻀﻰ - ﺍﻃﻠﻊ ﻣﻨﺎ ﻻ ﺍﺳﻮﻱ ﻷﺑﻨﻚ ﻓﻀﻴﺤﻪ ﻣﺎ ﻣﻨﻬﺎ ﻓﻀﻴﺤﻪ
ﺍﻟﺸﺎﺏ ﻣﺎ ﺍﺗﻜﻠﻢ ﻭ ﻛﺎﻥ ﻣﻀﺮﻭﺏ ﺑﺨﺪﻩ
ﻳﺎﺳﺮ - ﺗﻌﺎﻝ ﻣﺮﺗﻀﻰ ﺍﻛﻌﺪ ﺍﻟﻨﺎﺱ ﻣﻨﺎ ﺧﻠﻴﻪ ﻳﺮﻭﺡ
ﻣﺮﺗﻀﻰ - ﻋﺒﺎﻟﻪ ﺿﺮﺏ ﺍﻟﺴﻴﺪ ﺭﺍﺡ ﻳﻨﺴﻜﺖ ﻋﻨﻪ ﺑﻀﺮﺑﻲ ﺍﻟﻪ
ﺍﻟﺘﻔﺘﺖ ﻋﻠﻰ ﺍﻟﻨﺎﺱ ﻟﻜﻴﺘﻬﻢ ﻃﺎﻟﻌﻴﻦ ﺑﻌﺪ ﻣﺎ ﻓﻬﻤﺖ ﺍﺑﻨﻬﻢ ﺍﻟﻲ ﺿﺎﺭﺏ ﺍﺧﻮﻳﺔ
ﺳﺄﻟﺖ ﻣﺮﺗﻀﻰ ﺟﺎﻭﺑﻨﻲ ﻃﻠﻊ ﺍﺑﻦ ﻋﻤﻪ ﺍﻟﻲ ﺿﺎﺭﺏ ﺍﺧﻮﻳﺔ
ﻳﺎﺳﺮ - ﺍﺗﻬﺪﻯ ﺑﺎﻟﺮﺣﻤﻦ ﻭ ﺍﺻﻄﺒﺮ ﺧﻮﻳﺔ ﺍﺧﺬﻭ ﺣﻜﻜﻢ ﻣﻦ ﻋﺸﻴﺮﺗﻪ ﻻ ﺍﺿﻴﻊ ﺣﻚ ﺍﺧﻮﻙ
- ﻋﺒﺎﻟﻚ ﺍﺭﻭﺡ ﺍﺿﺮﺑﻪ ﺑﺎﻟﺸﺎﺭﻉ ﻛﺪﺍﻡ ﺍﺑﻮﻩ؟
ﻻ ﺟﺪﻱ ﻭ ﻣﺤﻤﺪ ﻣﺎ ﻛﺎﻳﻢ ﻭﻻ ﺑﻨﻴﺘﻲ ﺍﺿﺮﺑﻪ ﺍﻟﺤﺴﺎﺏ ﻣﻮ ﻫﻴﺞ ﻳﻨﻮﺧﺬ ﻣﻨﻬﻢ ..
ﺍﺣﻨﻪ ﺳﺎﺩﺓ ﺑﻨﻲ ** ﻣﻮ ﻫﺎﻱ ﻋﺎﺩﺍﺗﻨﺎ
ﻧﻀﺮﺏ ﺍﻟﻤﻀﺮﻭﺏ
ﻳﺎﺳﺮ - ﻛﻔﻮ ﻣﻨﻚ
ﺧﻴﻄﻨﺎ ﺟﺮﺡ ﻣﺤﻤﺪ ﻛﺒﺲ ﻭ ﻃﻠﻌﻨﺎ ﻟﺒﻴﺘﻪ ﺍﻧﻲ ﺭﺣﺖ ﻛﻠﺖ ﻷﺑﻮﻳﺔ ﺍﻟﻲ ﺻﺎﺭ ﻭ ﺍﺧﻮﺗﻲ ﻫﻢ ﻟﻤﻴﺘﻬﻢ ﻋﺪﺍ ﻋﺪﻧﺎﻥ ﺍﻟﻌﺼﺒﻲ ﺣﻴﻞ ﻳﻜﺘﻞ ﻭﺍﺣﺪ ﻣﻨﻬﻢ ﺍﺫﺍ ﻋﺮﻑ ﻣﺎ ﻋﻨﺪﻩ ﺿﺒﻂ ﻷﻋﺼﺎﺑﻪ
ﺍﺑﻮﻱ ﻛﺎﻝ ﻭﺩﻭﻧﻲ ﺍﻟﻪ .. ﺭﺣﻨﺎ ﺍﻟﻪ ﺑﺴﻴﺎﺭﺗﻨﺎ
ﻭﻣﺎ ﺻﺪﻣﻨﻲ ﺭﺩﺓ ﻣﻦ ﺳﻤﻊ ﺑﻴﻨﺎ ﺍﻧﺮﻳﺪ ﻧﺴﻮﻳﻬﺎ ﻋﺸﺎﻳﺮ
- ﻣﺎ ﺍﺭﻳﺪ ﺍﺧﻠﻴﻬﺎ ﺍﺻﻴﺮ ﻛﺒﻴﺮﺓ ﻭﻛﻌﺪﺓ ﻭﺍﻟﻤﺎ ﻳﻌﺮﻑ ﻳﻌﻠﻢ
ﺍﺑﻮﻳﺔ ﺻﺪﺓ ﺑﺄﻧﺼﺮﺍﻡ
- ﻋﻤﺎﻣﺔ ﺭﺳﻮﻝ ﺍﻟﻠﻪ ﻭﻛﻌﺖ ﻭﻫﺬﺍ ﺍﻟﺸﻲ ﺗﺠﺎﻭﺯ ﺣﺪﻭﺩ ﺍﻻﻣﺮ ﻣﺎ ﻳﺨﺼﻚ ﻭﺣﺪﻙ
ﻭﺍﻧﺖ ﻣﺎ ﻛﻨﺖ ﻋﺎﻳﻞ ﺍﻭ ﺧﺼﻢ ﻛﻨﺖ ﺗﺪﺍﻓﻊ ﻋﻦ ﻋﻤﻚ ﻭﻫﻮ ﺿﺮﺑﻚ
ﻫﺬﺍ ﺍﻟﺸﻲ ﻃﻠﻊ ﻣﻦ ﻗﺮﺍﺭﻙ
ﻣﺤﻤﺪ - ﻳﺎ ﻭﺍﻟﺪﻱ ﺍﻧﻲ ﻟﺨﺎﻃﺮ ﻋﻤﻲ
- ﻋﻤﻚ ﻫﻮ ﺍﻟﻤﺘﻀﺮﺭ ﻭﺍﻧﺖ ﺑﺴﺒﺒﻪ ﻭﻟﺨﺎﻃﺮﻩ ﺍﺗﻌﺮﺿﻠﻚ
ﺍﻫﻨﺎ ﺳﻤﻌﻨﺎ ﺭﻧﺖ ﺍﻟﺠﺮﺱ ﻭﺭﺍﻫﺎ ﺩﺧﻞ ﻋﺪﻧﺎﻥ
- ﻣﻨﻮ ﺿﺎﺭﺑﻚ ﻣﺤﻤﺪ ﻣﻨﻮ ﻫﺬﺍ ﺍﺑﻦ ﺍﺧﻮ ﻋﻤﻚ ﺷﺴﻤﻪ ﻭﻳﻦ ﺑﻴﺘﻬﻢ
ﻛﻤﻨﺎ ﺍﻧﻲ ﻭ ﻋﺒﺎﺱ ﺍﺧﻮﻳﺔ
ﺣﺎﻭﻟﻨﺎ ﻧﻜﻌﺪﻩ
ﻋﺒﺎﺱ - ﺍﻛﻌﺪ ﺳﻴﺪ ﻣﻨﻮ ﻛﺎﻝ ﺍﻟﻚ
- ﻋﺮﻓﺖ
ﻭﺍﻧﺖ ﻣﺎﺟﺪ ﻋﺘﺎﺑﻲ ﻭﻳﺎﻙ ﺛﻜﻴﻞ ﺗﺒﻠﻎ ﻛﻞ ﺍﺧﻮﺗﻚ ﻭﺍﻧﻲ ﻻ
ﻟﻴﺶ ﺍﻋﺮﻑ ﻣﻦ ﺍﻻﻃﻔﺎﻝ ﻫﺎﺍﺍﺍ ﻟﻴﺶ ﻣﻮ ﺑﻜﻌﺪﺗﻜﻢ ﻫﺎﻱ
ﺍﺑﻮﻳﺔ ﺑﺮﺭ ﺍﻟﻪ ﺑﺴﺒﺐ ﺧﻮﻓﻲ ﻋﻠﻴﻪ ﻻﻥ ﻋﺼﺒﻲ ﻣﺎ ﺑﻠﻐﺘﻪ
- ﺩﻳﻼ ﻭﻳﻦ ﺑﻴﺘﻬﻢ ﻣﺎ ﺩﺍﻡ ﻣﻠﺘﻤﻴﻦ ﺍﻧﺮﻭﺡ ﻧﻬﺠﻢ ﻋﻠﻴﺔ ﺟﺒﺖ ﻭﻳﺎﻱ ﺳﻼﺣﻲ
ﻭﻃﻠﻊ ﺳﻼﺣﻪ ﻛﺪﺍﻣﻨﺎ
ﻣﺤﻤﺪ - ﺿﻤﺔ ﻫﺬﺍ
ﺗﺤﺠﻲ ﺻﺪﻙ ﺗﺴﻴﻞ ﺩﻡ ﻟﺨﺎﻃﺮ ﻫﻴﺞ ﻣﻮﻗﻒ
ﻋﺪﻧﺎﻥ - ﺍﻧﺖ ﺧﻮ ﻛﻠﺸﻲ ﻣﺒﺴﻄﻪ
ﻳﺤﺎﻭﻟﻮﻥ ﻳﻐﺘﺎﻟﻮﻙ ! ﻭﻋﺎﺩﻱ ﻋﻨﺪﻙ ﻭﻻ ﺗﺒﻠﻎ !
ﻭ ﺗﻨﻀﺮﺏ ﻫﺴﺔ ﻭﺍﺗﺮﻳﺪ ﺗﺴﻜﺖ !
ﺷﻨﻮ ﺍﻧﺖ ﻛﻠﻲ ﺍﺷﻠﻮﻥ ﺗﺘﺤﻤﻞ ﻫﻴﺞ ﻛﺮﺍﻣﺘﻚ ﺗﺘﺒﻌﺜﺮ
ﻳﺤﺠﻲ ﺑﻌﺼﺒﻴﺔ ﻭﻳﻪ ﻣﺤﻤﺪ
- ﻷﻧﻲ ﻣﺎ ﺍﺭﻳﺪ ﻣﺸﺎﻛﻞ ﺍﻧﻲ ﺑﺤﺎﻟﻲ ﻻ ﺍﺭﻭﻕ ﺩﻣﺎﺀ ﻭﻻ ﺍﺑﺎﻟﻎ ﻣﺜﻠﻚ
ﻋﺪﻧﺎﻥ ﻛﻌﺪ ﻛﺪﺍﻡ ﻣﺤﻤﺪ
ﻭﻛﺎﻝ ﺑﻄﺮﻳﻘﺔ ﻋﺼﺒﻴﺔ - ﺍﺷﻜﺪ ﻋﻤﺮﻩ ﺍﻟﻲ ﺿﺮﺑﻚ ..
ﺟﺎﻭﺑﺘﻪ
- ﻣﻦ ﻋﻤﺮﻱ
- ﻫﺎﻙ ﺍﺳﺘﻠﻢ
ﻭﻳﻦ ﺑﻴﺘﻪ ﺧﻞ ﺍﻧﺮﻭﺡ ﻧﻬﺠﻢ ﻋﻠﻴﻪ ﻧﺮﺑﻴﻪ
ﻣﺪﺍﻡ ﻣﺠﺘﻤﻌﻴﻦ
ﻋﻤﺎﻣﻲ ﺳﻜﺘﻮﻩ ﻭ ﻇﻠﻴﻨﺎ ﻧﺘﻔﺎﻫﻢ ﻭﻳﺎﻫﻢ .
ﺑﺲ ﺻﺎﺭ ﻋﻠﻢ ﻋﻨﺪ ﺷﻴﺦ ﻋﺸﺮﻳﺘﻨﺎ ﻫﻮ ﺑﻨﻔﺴﺔ ﻛﺎﻝ ﺍﺗﻜﻔﻞ ﺑﺎﻟﻤﻮﺿﻮﻉ ، ﻣﺤﻤﺪ ﺍﻟﻪ ﺗﻘﺪﻳﺮ ﻛﺒﻴﺮ ﻷﻥ ﻣﻮ ﺑﺲ ﺷﻴﺦ ﻫﻮ ﺩﺍﺧﻞ ﺟﻤﻴﻊ ﺑﻴﻮﺕ ﺍﻟﻌﺸﻴﺮﺓ ﺑﻌﻘﺪ ﻭﻳﻪ ﺍﺑﻮ ﻋﻠﻲ ( ﺍﺑﻮ ﺭﻗﻴﺔ ) ﺍﻭ ﻛﻌﺪﻩ ﺍﻭ ﻣﺸﻴﺔ ﻣﺘﻜﻠﻢ ﺩﻭﻡ ﻳﺎﺧﺬﻩ ﺷﻴﺦ ﺍﻟﻌﺸﻴﺮﺓ ﻭﺑﻴﻨﻬﻢ ﻋﻼﻗﺔ ﻃﻴﺒﺔ ..
ﻭﻃﻠﻊ ﺍﻟﻤﻮﺿﻮﻉ ﻣﻦ ﺍﻳﺪ ﻋﺪﻧﺎﻥ ﻭ ﺍﻟﻌﺸﻴﺮﺓ ﺍﺗﻜﻔﻠﺖ ﺑﻴﻪ .. ﺳﻮﻳﻨﻪ ﻛﻌﺪﻩ ﺑﻴﻬﺎ ﺍﻫﻢ ﺷﺨﺼﻴﺎﺕ ﺍﻟﻌﺸﻴﺮﺓ ﻭﺍﻫﻮﺍﻱ ﺣﺰﻣﺔ ﻭ ﻧﺼﻬﻢ ﻣﻌﻤﻤﻴﻦ ﻭﻛﺒﺎﺭ ﻭﺍﺣﺪﻫﻢ ﻳﺒﻠﻊ ﺣﻮﺕ ﺑﺒﻼﻏﺔ ﻟﺴﺎﻧﺔ ﺍﺣﻨﻪ ﻣﻦ ﻋﺸﻴﺮﺓ ﻣﻌﺮﻭﻓﺔ ﻭ ﺍﻟﻬﺎ ﺗﻘﺪﻳﺮﻫﺎ ﻭ ﻳﺎﻣﺎ ﻋﻠﻤﺎﺀ ﺍﺗﺨﺮﺟﻮ ﻣﻨﻬﺎ ﻭﺍﺧﺬﻧﺎ ﻋﻤﻴﺪ ﺍﻟﺴﺎﺩﺓ ﻣﻌﮕﻞ ﺑﻐﺘﺮﺓ ﺳﻮﺩﺓ ..
ﺍﻧﻲ ﻣﺎﺣﻀﺮﺗﻬﺎ ﻣﻦ ﺷﺪﺓ ﺍﺯﺩﺣﺎﻡ ﺍﻟﻲ ﺗﺒﺮﻉ ﻳﺮﻭﺡ ﺑﺲ ﺳﻤﻊ ﺑﺎﻟﺨﺒﺮ ﻣﻦ ﺍﻟﻲ ﺍﻛﺒﺮ ﻣﻨﻲ ﻭﺍﻟﻲ ﻋﺮﻓﺘﻪ ﺍﻟﺸﻴﺦ ﻋﻢ ﻣﺤﻤﺪ ﻭﻳﺎﻩ ﺑﺲ ﺑﺎﻟﻜﻌﺪﻩ ﺑﺲ ﺷﻬﺪ ﺑﺎﻟﺤﻖ ﻭﻣﺎ ﺗﺪﺧﻞ ﺍﺑﺪ ﺑﺎﻟﻄﺮﻓﻴﻦ ﻣﻮﻗﻔﻪ ﻣﺤﺮﺝ ﻣﺎ ﻋﻠﻴﻪ ﻣﻼﻣﺔ ﻷﻥ ﺍﻭﻝ ﻭﺗﺎﻟﻲ ﺍﺑﻦ ﺍﺧﻮﻩ ﻭﻋﺸﻴﺮﺗﻪ ﺿﻌﻴﻒ ﻣﻮﻗﻔﻬﺎ ﺍﺣﻨﻪ ﻻ ﺩﺍﺧﻠﻴﻦ ﻧﺮﻳﺪ ﻓﺼﻮﻝ ﻧﺮﻳﺪ ﺭﺩ ﺍﻋﺘﺒﺎﺭ ﻟﻌﻤﺎﻣﺔ ﺍﻟﻲ ﻭﻛﻌﺖ ﻭﻫﻲ ﺩﺍﺧﻠﻪ ﺗﻔﺾ ﻣﺸﻜﻠﺔ ﻣﻮ ﺗﻀﺮﺏ ﻭﺗﻨﻀﺮﺏ ..
ﺧﺼﻢ ﺍﻟﻨﺘﺎﺋﺞ
ﺍﻻﻋﺘﺬﺍﺭ ﻛﺎﻥ ﺑﺄﻥ ﻳﻨﺰﻉ ﺍﻟﺴﻴﺪ ﻋﻤﺎﺗﻪ ﺑﻘﺘﺮﺍﺡ ﻣﻦ ﻋﻤﻴﺪ ﺍﻟﺴﺎﺩﺓ ﻭ ﺍﺑﻮ ﻛﺮﺍﺭ ﻳﺤﻄﻬﺎ ﻋﻠﻰ ﺭﺍﺳﻪ ﻭ ﻛﺮﺍﺭ ﺑﺎﺱ ﺭﺍﺳﻪ
ﻭﺑﺄﺧﺮ ﺍﻟﻜﻌﺪﺓ ﻓﺎﺟﺄ ﺍﻟﻜﻞ ﺍﻟﺸﻴﺦ ﺍﺑﻮ ﻋﻠﻲ ﺍﻟﻤﺤﺎﻳﺪ ﻃﻮﻝ ﺍﻟﻜﻌﺪﺓ
ﺑﻄﻠﺐ ﻣﻊ ﺍﻻﻋﺘﺬﺍﺭ ﺍﻧﺘﻘﺎﻝ ﺑﻴﺖ ﺍﺧﻮﻩ ﺍﺑﻮ ﻛﺮﺍﺭ ﻣﻦ ﺍﻟﻤﻨﻄﻘﺔ ﺍﻟﻲ ﻭﻛﻊ ﺑﻴﻬﺎ ﻋﻤﺎﻣﺔ ﺭﺳﻮﻝ ﺍﻟﻠﻪ ﻭﻫﺬﺍ ﺍﻟﻄﻠﺐ ﺍﻟﻲ ﻃﻠﺒﺔ ﻋﻤﺔ ﺍﺣﻨﻪ ﻣﺎ ﻣﺤﻜﻮﻛﻴﻦ ﻧﻄﻠﺒﺔ ﺍﻣﺎ ﻓﺼﻞ ﺍﻭ ﻧﻘﺘﺺ ﻣﻨﻪ ﻟﻮ ﻧﻘﺒﻞ ﺍﻋﺘﺬﺍﺭﻫﻢ ﺣﻘﻨﺎ ﻟﻜﻦ ﻃﻠﺐ ﺍﻟﺸﻴﺦ ﻭ ﻛﺴﺮ ﺳﻜﻮﺗﻪ ﻭﺣﻴﺎﺩﻳﺘﻪ ﺍﺟﺖ ﻣﻦ ﺻﺎﻟﺤﻨﺎ ﻛﺴﺮﺓ ﺍﻟﻬﻢ .....
ﻣﺎ ﺗﻨﻘﺎﺷﻮ ﺷﻴﺦ ﻋﺸﻴﺮﺗﻬﻢ ﻣﺎ ﺗﻨﺎﻗﺶ ﻭﻛﺎﻝ ﺍﻟﻚ ﻣﺎ ﻃﻠﺒﺖ !
ﻟﺤﺪ ﺍﻻﻥ ﻣﺎ ﻧﻌﺮﻑ ﺳﺒﺐ ﺯﻋﻞ ﺍﺑﻮ ﻋﻠﻲ ﻭﻳﺔ ﺍﺑﻮ ﻛﺮﺍﺭ ﺑﺲ ﺳﻤﻌﻨﺎ ﺧﺒﺼﺔ ﻧﺴﻮﺍﻥ
،
،
،
،
ﺭﺣﺖ ﺍﻟﻪ ﺑﻌﺪ ﻫﺎﻱ ﺍﻟﻘﺼﺔ ﻣﻮﺻﻴﻨﻲ ﻋﻠﻰ ﺍﻏﺮﺍﺽ ﺩﺧﻠﺖ ﻟﻜﻴﺖ ﻣﺼﻄﻔﻰ ﻃﺎﻟﻊ ﺑﺎﻟﻨﺎﺩﻱ ﻭ ﻗﺎﺳﻢ ﻳﻢ ﺍﻟﺼﻐﺎﺭ ﺑﺎﻟﻬﻮﻝ ﻭﺍﺑﻮﻫﻢ ﺑﺎﻟﺤﻤﺎﻡ...بيج قصص عراقيه حقيقيه من واقعنا.روعه الطائي
ﺭﺣﺖ ﻟﻠﺜﻼﺟﺔ ﻃﻠﻌﺖ ﻣﻦ ﺍﻻﻛﻴﺎﺱ ﺍﻟﻤﺴﻮﺍﻙ ﻭ ﺑﺪﻳﺖ ﺍﺣﻂ ﺑﻴﻬﻦ
ﺍﺟﺎﻧﻲ ﺻﻮﺗﻪ ﻣﻦ ﺧﻠﻒ
- ﺍﺩﺭﻱ ﻓﺮﻏﻪ
ﺑﻌﻼﻟﻴﻜﺔ ﻳﺘﻠﻒ
ﺍﻟﺘﻔﺘﺖ
- ﻳﻤﻌﻮﺩ ﻣﺸﻴﻬﺎ
- ﺩﺑﺘﻌﺪ ﺍﺑﺘﻌﺪ
ﺭﺟﻌﺖ ﺍﻟﺘﻔﺘﺖ ﻋﻠﻴﻪ ﻛﺎﻥ ﺣﺎﻁ ﺍﻟﺨﺎﻭﻟﻲ ﻋﻠﻰ ﺭﺍﺳﺔ ﺍﺑﺘﻌﺪﺕ ﻋﻦ ﺍﻟﺜﻼﺟﻪ ﻭﻛﻔﺖ ﻋﻠﻰ ﺻﻔﺤﺔ ﻭﻫﻮ ﻃﻠﻊ ﺍﻻﻛﻴﺎﺱ ﻭﺳﺪﻫﺎ
ﻭ ﺑﺪﺃ ﻳﻔﺮﻍ
- ﻣﻤﻠﺔ ﺍﻟﺤﻴﺎﺓ ﻣﻮ
- ﻣﺎﺑﻴﻪ ﻃﺎﻗﺔ ﺍﺣﺠﻲ
- ﺍﻧﻲ ﺭﺟﻌﺖ ﺣﺮ ﻧﻔﺴﻲ ﺑﺲ ﺍﻧﺖ ﻋﻨﺪﻙ ﺍﻃﻔﺎﻝ ﺍﻫﻮﺍﻱ ﻣﺘﻀﺮﺭ ﺑﻌﻤﻠﻚ ﺍﺫﺍ
ﺍﺳﺘﻤﺮﻳﺖ ﻋﻠﻰ ﻫﺬﺍ ﺍﻟﻨﺤﻮ ﺗﺨﺴﺮ
- ﺣﺘﻰ ﺑﻄﻞ ﺍﻟﻠﺒﻦ ﺣﺎﻃﺔ ﺑﻌﻼﻛﺘﻪ
ﻃﻠﻌﺔ ﻭﺣﻄﺔ ﺑﺎﻟﻔﺮﻳﺰ
- ﻣﺤﻤﺪ ﺗﺮﻳﺚ ﺍﻧﻲ ﻭﻳﺎﻙ ﺑﺲ ﻻ ﺗﻈﻞ ﻫﻴﺞ ﻣﻨﻐﻠﻖ ﻋﻠﻰ ﻧﻔﺴﻚ
- ﻋﺸﺮﺓ ١٧ ﺳﻨﺔ ﻣﻮ ﺳﻨﺔ ﻟﻮ ﺗﻼﺛﺔ
ﻫﻲ
ﺗﺮﻛﻨﻲ ﻭﺍﻧﻲ ﻭﺭﺍﻩ ﺍﻣﺸﻲ ﻛﻌﺪ ﺑﺎﻻﺳﺘﻘﺒﺎﻝ ﺑﻌﻴﺪ ﻋﻦ ﻓﻮﺿﻰ ﺍﻃﻔﺎﻟﺔ
- ﺍﺷﻮﻛﺖ ﺍﺟﻴﺐ ﺑﺘﻮﻝ ﻭﻳﻪ ﺍﺧﻮﺗﻬﺎ
- ﻣﺎ ﺍﻋﺮﻑ
ﺍﻟﺒﻨﻴﺔ ﺷﻐﻠﺘﻬﺎ ﻣﻌﻘﺪﺓ ﻭﺗﺨﺠﻞ ﻣﻨﻲ
ﻣﺎ ﺍﻋﺮﻑ ﺍﺗﻌﺎﻣﻞ ﻭﻳﺎﻫﺎ
ﻫﻲ ﺍﻗﺮﺏ ﻣﻴﻮﻝ ﻟﺠﻬﺔ ﺧﻮﺍﻟﻬﺎ ﺑﺤﻜﻢ ﺍﻣﻬﺎ ﺗﻮﺍﺻﻠﻬﺎ ﻛﺎﻥ ﺍﻷﻛﺜﺮ ﻣﻊ ﺍﻫﻠﻬﺎ
- ﺍﻣﻚ ﺿﺎﻳﺠﺔ ﻣﻦ ﺑﻴﺖ ﺍﻟﺸﻴﺦ ﻭﺩﺍ ﺗﻠﺢ ﺗﺎﺧﺬ ﺍﻃﻔﺎﻟﻚ ﻣﻨﻬﻢ ﺣﺘﻰ ﻳﻘﻞ ﺗﻮﺍﺻﻠﻚ ﻭﻳﺎﻫﻢ
- ﺍﺟﺪﺍﺩ ﺍﻭﻻﺩﻱ؟
ﻭﺍﻟﻠﻪ ﺍﻣﻚ ﺳﺎﻟﻔﺔ ﻭﺣﺪﻫﺎ ﻳﺮﺍﺩ ﺍﻟﻬﺎ ﻃﻮﻝ ﺑﺎﻝ ﻭﺻﺒﺮ ﻭﺍﻧﻲ ﺗﻌﺒﺎﻥ
- ﺍﻋﺬﺭﻫﺎ ﻷﻥ ﺍﻟﻲ ﺻﺎﺭ ﺗﺤﺴﺒﺔ ﺑﺴﺒﺒﻬﻢ
ﻭﺍﻧﺖ ﺍﺑﻨﻬﺎ ﺍﺗﺮﻳﺪﻙ ﺑﺄﺣﺴﻦ ﺣﺎﻝ
- ﻛﺎﻧﺖ ﺗﻌﺰ ﻓﺎﻃﻤﺔ ﻭﺗﺤﺒﻬﺎ
ﻭ ﺧﻄﺒﺖ ﺍﻟﻲ ﺍﺧﺘﻬﺎ ﻣﻦ ﺑﻌﺪﻫﺎ ﻫﺴﺔ ﺗﺮﻳﺪ ﺗﺨﻔﻒ ﺍﻟﻌﻼﻗﺎﺕ ﻏﺮﻳﺐ ﺍﻣﺮﻫﺎ
- ﺧﺎﻳﻔﺔ ﻋﻠﻴﻚ ﻣﻦ ﺍﻭﻻﺩ ﻋﻢ ﺍﻟﻤﺮﺣﻮﻣﺔ
ﺑﺎﻟﻤﻨﺎﺳﺒﺔ
ﺗﺼﺪﻙ ﻣﻦ ﺧﺎﺑﺮﺗﻨﻲ ﺫﺍﻙ ﺍﻟﻴﻮﻡ ﻇﻨﻴﺖ ﻋﻠﻰ ﺳﺎﻟﻔﺔ ﺧﻄﺒﺘﻲ ﻟﺒﺘﻬﻢ
ﻭﺍﻓﻘﻮ
ﺃﺑﺘﺴﻢ ﻭﺻﻠﺖ ﺃﺑﺘﺴﺎﻣﺘﻪ ﻟﻀﺤﻜﺔ
- ﺍﻟﺒﻨﻴﺔ ﻣﺎ ﺍﺗﺮﻳﺪﻙ ﻻ ﺗﺘﺄﻣﻞ
- ﺑﺲ ﺍﺭﻳﺪ ﺍﻋﺮﻑ ﺍﻟﺴﺒﺐ
ﺷﻨﻮ ﻣﻦ ﺍﺻﺮﺍﺭ ﻋﺪﻫﺎ ﻭﺍﻧﻲ ﺣﺘﻰ ﻣﺎ ﺗﻌﺮﻓﻨﻲ
- ﺑﺲ ﺗﻌﺮﻓﻨﻲ
ﺍﻇﻨﻬﺎ ﺗﺨﺎﻑ ﻣﻦ ﺍﻟﺘﺸﺪﺩ ﻭﻣﺘﺄﻛﺪ ﻣﺎﺧﺬ ﻣﻮﻗﻒ ﻣﻨﻲ
- ﻫﻮ ﺍﺑﻮﻫﺎ ﺍﺑﻮ ﺍﻟﺘﺸﺪﺩ
- ﻣﺎ ﺍﻋﺮﻑ ﺑﻌﺪ ﺍﻋﺘﻘﺪ ﺑﻌﺪﻫﺎ ﻣﺎﺧﺬﻩ ﻓﻜﺮﺓ ﻏﻠﻂ ﻋﻨﻲ ﻭﻋﻦ ﻋﺎﺋﻠﺘﻲ ﻣﺜﻞ ﻣﺎ ﺃﻧﻲ ﻛﻨﺖ ﻣﺘﺨﻮﻑ ﻣﻦ ﻃﻴﺸﻬﺎ
ﻫﻲ ﺻﺢ ﻛﺎﻧﺖ ﻭﺣﺪﻫﺎ ﻃﺎﻳﺸﺔ ﺑﺲ ﻓﺘﺮﺓ ﻭﺍﻋﺘﺪﻟﺖ ﺍﻟﺒﻨﻴﺔ ﻣﻦ ﻧﺴﻞ ﻃﻴﺐ ﺗﺸﺒﻪ ﺍﺧﻮﻫﺎ ﻣﺮﺗﻀﻰ
- ﺍﻱ ﺍﺫﻛﺮ ﺑﺎﻭﻝ ﺧﻄﺒﺔ ﺭﻓﻀﺖ ﺍﻧﺖ ﻛﻠﺖ
ﻋﺼﺒﻴﺔ ﻭ ﻃﺎﻳﺸﺔ ﻃﻔﻮﻟﻴﺔ ﺍﺧﺬ ﺍﻛﺒﺮ ﻣﻨﻬﺎ ﻣﺘﻌﻘﻠﺔ ﻟﻬﺴﺔ ﺍﺫﻛﺮ ﻛﻼﻣﻚ ...بيج قصص عراقيه حقيقيه من واقعنا.روعه الطائي
- ﺣﺴﻴﺖ ﺑﺰﻋﻞ ﻓﺎﻃﻤﺔ ﻣﻨﻲ ﻭ ﺗﺪﺍﺭﻛﺖ ﺍﻟﻤﻮﻗﻒ ﻭ ﺧﻄﺒﺘﻬﺎ ﺍﻟﻚ ﻭ ﺛﺒﺘﺖ ﺭﺃﻱ ﻋﻠﻴﻬﺎ ﺑﻮﻗﺘﻬﺎ ﺣﻤﺪﺕ ﺍﻟﻠﻪ ﻣﺎ ﺗﻢ ﺯﻭﺍﺟﻜﻢ
ﺍﻫﺎ ﻟﻴﺶ؟
- ﻃﺮﻳﻘﺔ ﺭﻓﻀﻬﺎ ﻛﺎﻧﺖ ﻃﺎﻳﺸﺔ ﺣﻴﻞ ﻭ ﺟﺎﺭﺣﺔ
- ﺷﻨﻮ ﻣﺎ ﻓﻬﻤﺖ ﻫﻲ ﻭﺻﻠﺖ ﺍﻟﺮﻓﺾ ﻋﻦ ﻃﺮﻳﻘﻬﺎ؟
ﻫﻲ ﺍﻟﻲ ﻛﺎﻟﺖ؟
ﻟﻮ ﻏﻴﺮ ﺍﺑﻮﻫﺎ ﺭﻓﺾ ﻣﺜﻞ ﻣﺎ ﻛﻠﺖ ﺍﻟﻲ ﺑﻮﻗﺘﻬﺎ
ﺃﺑﺘﺴﻢ
- ﺍﻟﺼﺮﺍﺣﺔ ﻻ ﻳﺎ ﺍﺧﻲ ﺍﻧﺖ ﺍﻧﺮﻓﻀﺖ ﺑﺎﻭﻝ ﻣﺮﺓ ﻣﻦ ﺍﻟﺴﺎﻧﻬﺎ ﻭﺻﻞ ﺍﻟﻲ ﺍﻟﺮﻓﺾ
- ﻭﻟﻴﺶ ﻣﺎ ﻛﻠﺖ ﺍﻟﻲ
- ﻣﺎ ﺣﺒﻴﺖ ﺍﺣﺠﻲ ﻋﻨﻬﺎ ﻭ ﺍﻣﻚ ﺍﺫﺍ ﺩﺭﺕ ﺗﻌﺮﻑ ﺍﻟﻨﺴﺎﺀ ﺍﺻﻴﺮ ﺣﺰﺍﺯﻳﺎﺕ ﻟﺨﺎﻃﺮ ﻓﺎﻃﻤﺔ
ﺍﺗﺤﺠﺠﺖ ﺑﻮﻗﺘﻬﺎ ﺍﻟﻜﻢ ﺍﻟﺒﻨﻴﺔ ﺻﻐﻴﺮﺓ ﻭﺧﻤﻨﺖ ﺍﻟﻜﻢ ﻳﻤﻜﻦ ﻳﺮﺩﻭﻫﺎ ﻷﻭﻻﺩ ﻋﻤﻬﺎ ﻭﺑﺎﻟﻔﻌﻞ ﺧﻄﺒﻬﺎ ﺑﻌﺪﻙ ﺍﺑﻦ ﻋﻤﻬﺎ
ﺑﺎﻟﺼﺪﻓﺔ
- ﺍﻛﻠﻚ ﺻﺪﻙ ﻫﻤﺔ ﺍﻻﺧﻮﺓ ﺷﻨﻮ ﻭﺟﻪ ﺍﻟﺨﻼﻑ ﺍﻟﻲ ﺑﻴﻨﻬﻢ
ﻏﻴﺮ ﺍﻟﻤﻮﺿﻮﻉ ﻭﻣﺎ ﺟﺎﻭﺏ
- ﻛﻨﺖ ﻣﺎﺧﺬ ﻣﻨﻬﺎ ﻣﻮﻗﻒ ﻻ ﻃﺎﻳﺸﺔ ﻭﺍﺗﻌﺒﻚ
ﺑﺲ ﻳﺎ ﺳﺒﺤﺎﻥ ﻣﻐﻴﺮ ﺍﻻﺣﻮﺍﻝ ﺻﺮﺕ ﺍﺷﻮﻓﻬﺎ ﻣﻨﺎﺳﺒﺔ ﺣﻴﻞ
ﻓﺎﻫﻤﺔ ﻋﺎﺭﻓﺔ ﺍﺷﻠﻮﻥ ﺗﺤﻮﻱ ﺍﻃﻔﺎﻝ ﻭﻫﻲ ﻣﻮ ﺍﻡ
- ﺍﻛﻴﺪ ﻛﺎﻧﺖ ﺍﺻﻐﺮ ﻣﺮ ﻭﻗﺖ ﺑﺲ ﻭﺍﻟﻠﻪ ﺿﺠﺖ ﻟﻮ ﻛﺎﻳﻞ ﺍﻟﻲ ﻣﺎ ﻛﺎﻥ ﺍﺧﻄﺒﻬﺎ ﻣﺮﺓ ﺛﺎﻧﻴﺔ ﻛﻞ ﻇﻨﻲ ﺭﻓﻀﻮﻧﻲ ﺍﻭﻝ ﻣﺮﺓ ﻷﻥ ﻋﺪﻫﻢ ﺃﺳﺒﺎﺑﻬﻢ ﻳﺮﺩﻭﻫﺎ ﻷﺑﻦ ﻋﻤﻬﺎ ﻃﻠﻊ ﺍﻟﺮﻓﺾ ﺷﺨﺼﻲ ﺍﻟﻲ ﻭﻻﻥ ﺗﻜﺮﻩ ﺗﺸﺪﺩﻙ
- ﺍﻧﻲ ﺷﺪﻳﺪ ؟
ﻗﺒﻞ ﻻ ﺍﺟﺎﻭﺑﻪ ﺃﺳﺘﺮﺳﻞ ﻫﻮ ﺑﺎﻟﻜﻼﻡ ﻣﺘﻐﺎﺿﻲ ﻋﻦ ﺍﻻﺟﺎﺑﺔ
- ﺑﺲ ﺣﻴﻞ ﻭﺑﻘﻮﺓ ﺭﺩﺗﻬﺎ ﺗﻜﻮﻥ ﻣﻦ ﻧﺼﻴﺒﻚ
ﺑﻨﻴﺔ ﻗﻮﻳﺔ ﺣﻴﻞ ﺗﺸﺪ ﺃﺯﺭﻙ ﻣﺜﻞ ﺍﺧﺘﻬﺎ
ﻧﻄﻖ ﺍﺧﺘﻬﺎ ﺑﺮﺟﻔﺔ ﺧﺎﻃﺮ ﻭﺍﺿﺢ ﻋﻠﻴﻪ ﺍﻟﺸﻮﮒ
- ﻻ ﻭﺍﻟﻠﻪ ﻟﻮ ﺍﺩﺭﻱ ﻓﻼ ﺍﺧﻄﺒﻬﺎ ﻫﻲ ﻭﺍﻧﻲ ﻋﺰﺍﺑﻲ ﺭﻓﻀﺘﻨﻲ ﻣﻮ ﺍﺭﻣﻞ ﺣﻄﻴﺖ ﻧﻔﺴﻲ ﺑﻤﻮﻗﻒ ﺑﻐﻨﻰ ﻋﻨﻪ
ﺑﺲ ﺻﺪﻙ ﻣﺎ ﺗﻌﺮﻑ ﺗﺘﺼﺮﻑ ﻟﻮ ﻣﺨﻠﻴﻪ ﻋﺎﺩ ﺍﻫﻠﻬﺎ ﻳﻮﺻﻠﻮﻫﺎ ﺍﻟﻚ ﺑﻄﺮﻳﻘﺔ ﺍﻛﺜﺮ ﺗﻬﺬﻳﺐ
- ﻻ ﻳﺎ ﻣﺎﺟﺪ ﺭﺩﺗﻬﺎ ﺍﻟﻚ ﻭﺑﻘﻮﺓ ﻣﻦ ﺻﺪﻙ
- ﻟﺨﺎﻃﺮ ﺍﻃﻔﺎﻟﻚ؟
- ﻣﺠﺮﺩ ﻗﺮﺑﻬﺎ ﻣﻨﻬﻢ ﺍﻟﻪ ﺍﺛﺮ ﺑﺸﺨﺼﻴﺎﺗﻬﻢ
ﺍﻛﺘﺸﻔﺘﻬﺎ ﺑﻌﺪ ﻭﻓﺎﺓ ﺍﺧﺘﻬﺎ ﺗﺸﺒﻬﺎ ﺣﻴﻞ
ﺑﺎﻟﻘﻮﺓ ﻭﺍﻟﻤﺴﺎﻧﺪﺓ
ﻣﺠﺮﺩ ﻧﻜﻬﺘﻬﺎ ﺑﺤﻴﺎﺗﻬﻢ ﺍﻟﻬﺎ ﻃﻌﻢ ...
- ﺍﻟﻠﻪ ﻳﺴﺘﺮ ﻋﻠﻴﻬﺎ
- ﺩﺧﻠﺖ ﻟﻠﻤﻐﺘﺴﻞ ﺑﻬﺬﺍ ﺍﻟﻌﻤﺮ ﻭ ﻟﺰﻣﺖ ﺯﻣﺎﻡ ﺍﻻﻣﻮﺭ ﺑﻘﻮﺓ ﺩﻋﻤﺖ ﻛﻞ ﻣﻦ ﺍﻣﻬﺎ ﻭ ﺍﻭﻻﺩﻱ ﺑﻌﺪ ﻭﻓﺎﺓ ﺍﻣﻬﻢ
ﻣﺼﻄﻔﻰ ﻛﺎﻥ ﺩﺍﺋﻤﺎ ﻳﺬﻛﺮﻫﺎ ﺑﺎﻟﺨﻴﺮ
ﺣﺴﻴﺖ ﺑﻀﺠﺮ ﻣﻦ ﻫﺬﺍ ﺍﻟﻤﻮﺿﻮﻉ ﻟﻜﻨﻪ ﻣﺎ ﻏﻠﻘﺔ ﻭ ﺍﺳﺘﻤﺮ ﺑﺎﻟﻜﻼﻡ ﻋﻨﻬﺎ ﻭﻛﺄﻧﻪ ﻳﺮﻏﺐ ﺑﻴﻪ ﻭ ﻳﺬﻛﺮﻧﻲ ﺑﺮﻓﻀﻬﺎ ﺍﻟﻲ !
ﻟﻜﻦ ﻟﻤﺤﻤﺪ ﻣﻌﺰﺓ ﺧﺎﺻﺔ ﻭﻣﺤﺒﺔ ﻋﻤﻴﻘﺔ ﺻﺪﻳﻖ ﻭﺭﻓﻴﻖ ﺩﺭﺏ ﻭﺍﺥ ﻭﻧﺎﺻﺢ ﺍﻗﺮﺏ ﺍﺧﻮﺍﻧﻲ ﺍﻟﻲ ﻫﻮ ﺭﻏﻢ ﺍﻟﻔﺎﺭﻕ ﺑﻴﻨﺎ ١٢ ﺳﻨﺔ ..
- ﻛﻨﺖ ﺍﺭﻳﺪ ﺍﺧﺬ ﻛﻞ ﺍﻭﻻﺩﻱ ﻣﻨﻬﺎ ﺑﺲ ﻳﺘﺤﺴﻦ ﺍﻟﻮﺿﻊ ﻣﺎ ﺍﺧﻠﻲ ﺣﻤﻠﻲ ﻋﻠﻰ ﻏﻴﺮﻱ ﻗﺮﺑﻬﺎ ﺑﺲ ﻟﺪﺍﻓﻊ ﻣﻌﻨﻮﻱ ﺍﻟﻬﻢ
ﻻ ﺍﺣﻤﻠﻬﺎ ﻋﺒﺄﻫﻢ ﻭﻻ ﺍﺣﻤﻠﻚ ﻭﻳﺎﻫﺎ
ﺑﺲ ﺩﺧﻠﺘﻬﻢ ﻟﺒﻴﺘﻚ ﻭ ﻫﻲ ﻗﺮﻳﺒﺔ ﻋﻠﻴﻬﻢ ﺍﻛﺜﺮ ﻭﺗﻜﺪﺭ ﺗﺠﻲ ﺗﺒﺎﺕ ﻳﻤﻬﻢ ﺍﻭ ﻳﻤﻬﺎ ﻣﻦ ﻏﻴﺮ ﺍﺣﺘﻴﺎﺟﻬﺎ ﺍﻟﺨﺪﻣﻲ ﺑﻤﺠﺮﺩ ﻗﺮﺏ ﺍﻟﻤﺴﺎﻓﺎﺕ ﻓﻘﻂ
ﻗﻄﻌﺖ ﻛﻼﻣﻪ ﺍﻟﻤﺴﺘﻤﺮ ﻋﻦ ﺍﺣﺘﻴﺎﺝ ﺷﺨﺺ ﻗﺮﻳﺐ ﻷﻣﻬﻢ ﺩﺍﻓﻊ ﻣﻌﻨﻮﻱ
ﻗﻮﻱ ﺍﻟﻬﻢ ..
- ﻣﺸﺘﺎﻕ ﺍﻟﻬﺎ؟
- ﺣﻴﻴﻴﻴﻞ
ﺣﻴﻞ
ﺃﺻﻌﺐ ﻭﺟﻊ ﻋﻠﻴﻪ ﻣﻦ ﺍﻛﻌﺪ ﻭﺣﺪﻱ ﻭ ﺃﺷﺘﺎﻕ ﺍﻟﻬﺎ ﻭ ﻫﻲ ﺗﻮﺍﺭﺕ ﺍﻟﺘﺮﺍﺏ
ﻭﺍﻟﻠﻴﻞ ﻃﻮﻳﻴﻴﻞ
ﻃﻮﻳﻴﻴﻴﻴﻞ ﺑﺸﻜﻞ ﻣﺮﻫﻖ
ﺷﺪ ﺑﻜﻠﻤﺔ ﻃﻮﻳﻞ ﻭﺍﺿﺢ ﻣﻌﺎﻧﺎﺗﻪ ﺑﻄﻮﻟﺔ
- ﻫﻮﻥ ﻋﻠﻴﻚ ﻣﺤﻤﺪ
ﺭﺍﺳﻚ ﻏﺰﺍﻩ ﺍﻟﺸﻴﺐ ﻭ ﻭﺟﻬﻚ ﺑﻴﻦ ﻋﻠﻴﻪ ﻭﺟﻌﻚ ﺫﺍﻙ ﻭﻳﻨﻚ ﺍﻋﻴﻮﻧﻚ ﻣﻦ ﺍﻭﻝ ﻧﻈﺮﺓ ﻳﺒﻴﻦ ﻋﻠﻴﻬﺎ ﺍﻟﺤﺰﻥ
- ﻣﺎﺟﺪ ﻣﺎ ﺗﺸﺘﺎﻕ ﺍﻟﻬﺎ؟
ﺑﺎﻏﺘﻨﻲ ﺑﺴﺆﺍﻟﺔ
- ﺇﻧﻲ ؟
ﻳﻌﻨﻲ !
ﺍﺣﺰﻥ ﻋﻠﻰ ﺷﺒﺎﺑﻬﺎ
ﻭ ﺍﺗﺤﺴﺮ ﻋﻠﻰ ﻳﺘﻢ ﺑﻨﺘﻲ
ﻟﻜﻦ ﻛﺸﺘﻴﺎﻕ ﻭ ﺣﻨﻴﻦ !! ﺍﻋﺘﻘﺪ ﺍﻧﻲ ﺟﺎﺣﺪ ﻭﺣﻴﻞ ﺃﻧﺴﺐ ﻭﺻﻒ ﺍﻟﻲ
ﻣﺪﺭﻱ ﺍﻟﻤﺪﺓ ﺍﻟﻲ ﻗﻀﻴﻨﺎﻫﺎ ﺳﻮﺓ ﻣﺎ ﺧﻠﺖ ﺑﺎﻟﺬﺍﻛﺮﺓ ﻏﻴﺮ ﺍﻟﺠﺮﺡ ﻭﺍﻟﺘﻌﺐ ﻣﻨﻬﺎ ﺍﻻﺷﻴﺎﺀ ﺍﻟﺤﻠﻮﺓ ﺍﻟﻲ ﺑﻴﻨﺎ ﺍﻧﻤﺤﺖ
ﻭﺍﺩﺭﻱ ﻫﺎﻱ ﻗﺴﺎﻭﺓ ﻣﻨﻲ ﺑﺲ ﻣﻮ ﺑﺄﺭﺍﺩﺗﻲ
- ﺭﻭﺡ ﻟﻤﺸﻮﺍﺭﻙ
- ﺷﻮ ﺑﻌﺪ ﻣﺎﻟﻲ ﻭﺍﻫﺲ ﺑﻴﻪ ...
- ﻟﻌﺪ ﺍﺭﻭﺡ ﻋﻨﺪﻱ ﻣﺸﻮﺍﺭ ﻣﺎ ﺗﺄﺧﺮ
- ﻭﻳﻦ ﺍﻥ ﺷﺎﺀ ﺍﻟﻠﻪ ..
- ﺍﺟﻪ ﺑﺨﺎﻃﺮﻱ ﺍﺩﻓﻊ ﺻﺪﻗﺔ ﺟﺎﺭﻱ ﺛﻮﺍﺏ ﻟﺮﻭﺣﻬﺎ
- ﺑﺲ ﻻ ﺗﺘﺄﺧﺮ ﻋﻠﻴﻪ
- ﻣﻮ ﺗﻄﻠﻊ ﻣﺎﺟﺪ ﻣﺼﻄﻔﻰ ﻣﺎ ﻳﺘﺄﻣﻦ ﻋﻠﻰ ﺍﺧﻮﺗﻪ ...
،،
ﻭﺭﺓ ﻓﺘﺮﺓ ﻃﻠﻌﺖ ﺍﻧﻲ ﺍﺟﻴﺐ ﺍﻻﻃﻔﺎﻝ ﻣﻦ ﺑﻴﺖ ﺟﺪﻫﻢ ﻣﺤﻤﺪ ﺳﺎﻓﺮ ﻷﻳﺮﺍﻥ ﻭﺗﺮﻛﻨﻲ ﺍﻧﻲ ﻣﺨﻮﻝ ﺑﻤﺴﺆﻭﻟﻴﺔ ﺍﻻﻃﻔﺎﻝ ﺻﺎﺭﻟﻬﻢ ﺍﺳﺒﻮﻉ ﺑﺒﻴﺖ ﺟﺪﻫﻢ ﺍﺑﻮ ﺍﻣﻬﻢ،
ﻓﺮﺍﺡ ﺍﺧﺬﻫﻢ ﻟﺒﻴﺖ ﺍﺑﻮﻳﺔ ﻫﻢ ﺍﺳﺒﻮﻉ ﻭﻫﻮ ﺑﻌﺪ ﻳﺠﻲ ﻣﺤﻤﺪ ﻳﺎﺧﺬﻫﻢ .
ﺍﻣﻲ ﺩﺑﺮﺕ ﺍﻟﻪ ﻋﺮﻭﺱ ﺑﺲ ﻫﻮ ﻣﺎ ﻳﺪﺭﻱ ﻭﻫﻲ ﻫﻢ ﻣﺎ ﺣﺠﺖ ﺑﻴﻬﺎ ﻣﻦ ﻳﺠﻲ ﺍﺣﻨﻪ ﺍﻟﺰﻟﻢ ﻧﻜﻌﺪ ﻭﻳﺎﻩ ﻫﻠﻤﺮﺓ ﻧﺰﻭﺟﻪ ﺑﺨﻼﻝ ﻫﺎﻱ ﺍﻟﻔﺘﺮﺓ ﻭﻗﺒﻞ ﺑﺪﺃ ﺍﻟﻌﺎﻡ ﺍﻟﺪﺭﺍﺳﻲ ﺍﻟﺠﺪﻳﺪ ﻷﻥ ﺣﻴﺎﺗﻪ ﻣﺨﺮﺑﻄﻪ ﻭ ﺍﻃﻔﺎﻟﺔ ﺑﻀﻴﺎﻉ ﻭﻫﻮ ﺑﺘﺸﺘﺖ ﻛﺒﻴﺮ
ﺍﻛﺜﺮ ﻣﻨﻬﻢ ﻣﻮ ﻣﺜﻠﻲ ﺣﺮ ﻧﻔﺴﻲ ﺑﻨﺘﻲ ﺑﻴﺒﻴﺘﻬﺎ ﻗﺎﻳﻤﺔ ﺑﻴﻬﺎ ﻭﻻ ﺗﺮﻳﺪ ﺗﻨﻄﻴﻬﺎ ..
ﻭﺍﻧﻲ ﺑﺎﻟﻄﺮﻳﻖ ﺍﻻ ﺍﺗﺼﻠﺖ ﺑﻤﺼﻄﻔﻰ ﺍﺑﻠﻐﻪ ﻳﺤﻀﺮﻭﻥ ﻧﻔﺴﻬﻢ ﻣﺎ ﻳﺪﺭﻭﻥ
ﻛﺎﻝ ﺍﻧﻲ ﻃﺎﻟﻊ ﺍﻟﻌﺐ ﻃﻮﺑﺔ
ﻛﻮﻝ ﻟﻘﺎﺳﻢ
ﺧﺎﺑﺮﺕ ﻗﺎﺳﻢ ﺟﻬﺎﺯﺓ ﻣﻐﻠﻖ ﺑﻌﺪﻳﻦ ﺗﺬﻛﺮﺕ ﻳﻤﻜﻦ ﺳﺎﺣﺐ ﺍﺑﻮﻩ ﻣﻨﻪ ﺟﻬﺎﺯﺓ .
ﻭﺻﻠﺖ ﻟﺒﻴﺖ ﺟﺪﻫﻢ ﻭ ﻧﺰﻟﺖ ﻣﻦ ﺍﻟﺴﻴﺎﺭﺓ
ﺍﻧﻔﺘﺢ ﺍﻟﺒﺎﺏ ﻭ ﻃﻠﻌﺖ ﻣﺮﺓ ﻛﺒﻴﺮﺓ ﺑﻜﺮﺳﻲ ﻣﺘﺤﺮﻙ ﻋﻠﻰ ﺍﻟﺸﺤﻦ ..
ﻭ ﺧﻠﻔﻬﺎ ﺍﻟﺸﺎﺑﺔ ﺻﺎﺣﺒﺔ ﺍﻟﻮﺟﻪ ﺣﺎﺩ ﺍﻟﻤﻼﻣﺢ
ﻛﻠﻔﺘﻨﻲ ﺩﻗﻴﺘﻴﻦ ﻣﻦ ﺍﻟﻮﻗﺖ ﺷﻔﺘﻬﺎ ﻋﻦ ﻛﺜﺐ
ﺍﻟﻌﻴﻮﻥ ﻋﺴﻠﻴﺔ ﺍﻟﻮﺟﻪ ﺣﻨﻄﺎﻭﻱ ﻋﻠﻰ ﺑﻴﺎﺽ ﻫﺎﺩﺉ ﻭ ﺍﻟﺤﺠﺎﺏ ﺑﻌﺪﻟﻪ ﺍﻧﺶ ﻭﻳﻐﻄﻲ ﺍﻟﻌﻴﻮﻥ ﺍﻟﻮﺍﺳﻌﺔ ﻭ ﺍﻟﻮﺟﻪ ﺷﺎﺣﺐ ﺑﻄﺒﻴﻌﺔ ﻣﺤﻠﻮﻇﺔ ﻛﺄﻧﻬﺎ ﺳﺎﺋﺤﺔ ﻣﻦ ﺟﻨﻮﺏ ﻟﺒﻨﺎﻥ ﻟﻠﻌﺮﺍﻕ
- ﺍﻟﺴﻼﻡ ﻋﻠﻴﻜﻢ
ﺭﺩﺕ ﺍﻻﻡ
- ﻭﻋﻠﻴﻜﻢ ﺍﻟﺴﻼﻡ ﺳﻴﺪ
- ﺍﻱ ﺧﺎﻟﺔ ﺍﻧﻲ ﺍﺧﻮ ﺍﻟﺴﻴﺪ ﺍﺑﻮ ﻣﺼﻄﻔﻰ ﺗﺬﻛﺮﻳﻨﻲ
- ﺍﻱ ﺍﺫﻛﺮﻙ ﺧﺎﻟﺔ ﻟﻌﺪ ﺍﺷﻠﻮﻥ ﻫﻬﻪ ﺍﺷﻠﻮﻧﻚ ﺍﺷﻠﻮﻧﻬﺎ ﺍﻡ ﻣﺤﺴﻦ( ﻗﺎﺻﺪﻩ ﺍﻣﻲ )
- ﺍﻟﺤﻤﺪ ﻟﻠﻪ
ﺑﺨﻴﺮ ﺍﻟﻠﻪ
ﻻﺣﻈﺖ ﺍﻃﺮﺍﻑ ﺍﻧﺎﻣﻞ ﺍﻟﺸﺎﺑﺔ ﺗﺘﺤﺮﻙ ﻋﻠﻰ ﺣﺎﻓﺔ ﻛﺮﺳﻲ ﺍﻣﻬﺎ ﻛﺄﻧﻬﺎ ﺗﻌﺰﻑ ﻋﻠﻰ ﺑﻴﺎﻧﻮ ﻣﻌﻠﻨﺔ ﺿﺠﺮﻫﺎ ﻣﻦ ﺍﻟﻮﻛﻔﻪ ..
ﺷﻔﺖ ﺍﻻﻡ ﻧﻈﺮﺍﺗﻬﺎ ﻣﺘﺴﺄﻟﺔ ﻋﻦ ﺳﺒﺐ ﺟﻴﺘﻲ
ﺗﻼﺣﻜﺖ ﺍﻋﻴﻮﻧﻲ ﺍﻟﻤﻮﻗﻒ ﻭﻧﻄﻘﺖ
ﺍﺟﻴﺖ ﺍﺧﺬ ﺍﻻﻭﻻﺩ ﻣﺼﻄﻔﻰ ﻣﺎ ﺑﻠﻐﻜﻢ ﺍﻟﻴﻮﻡ ﺍﺧﺬﻫﻢ
- ﻻ ﻣﺎ ﻛﺎﻝ ﻭﻣﺤﺪ ﺑﺎﻟﺒﻴﺖ ﻛﻠﻬﻢ ﺳﺒﻘﻮﻧﺎ ﻟﺒﻴﺖ ﺧﺎﻟﺘﻬﻢ ﺍﻫﻨﺎ
ﺍﺷﺮﺕ ﻋﻠﻰ ﺑﺎﺏ ﺑﻴﺖ ﻗﺮﻳﺐ ﻋﻠﻴﻬﻢ ..
- ﺍﻫﺎ ﺗﻤﺎﻡ ﺑﺎﺟﺮ ﺍﻟﺼﺒﺢ ﺍﺭﺟﻊ ﻋﻠﻴﻬﻢ
- ﻣﺎ ﺗﺨﻠﻴﻬﻢ ﻣﻨﺎ ﻣﻦ ﺍﺑﻮﻫﻢ ﻳﺠﻲ
ﻧﻄﻘﺖ ﻓﺴﻤﻌﺖ ﺍﺫﻧﻲ ﺻﻮﺗﻬﺎ ﺍﻟﻬﺎﻣﺲ
ﺑﺲ ﻧﻮﻉ ﻣﻦ ﺍﻟﺤﺪﻳﺔ ﻭﺍﻻﻣﺮ ﻣﻮ ﺍﻟﻄﻠﺐ !
- ﻻﺀ
ﺟﺪﺗﻬﻢ ﺍﺷﺘﺎﻗﺖ ﺍﻟﻬﻢ
ﺍﻻﻡ ﻛﺎﻟﺖ ﺑﻠﻄﻒ
- ﺍﻥ ﺷﺎﺀ ﺍﻟﻠﻪ ﺑﺎﺟﺮ ﺍﻟﺼﺒﺢ ﻳﻨﺘﻈﺮﻭﻙ
- ﻣﺎﻣﺎ ﻋﺒﻮﺩﻱ ﻋﻨﺪﻩ ﺗﻠﻘﻴﺢ ؟
- ﻳﻤﺔ ﺍﺷﺒﻴﺞ ﻫﻮ ﻋﺒﻮﺩ ﻳﻤﺘﻰ ﻳﺴﻜﺖ ﺑﻼﺝ ﻭﻣﻦ ﺍﺷﻮﻛﺖ ﻳﺘﻨﻘﻞ ﻣﻮ ﺩﻭﻡ ﻳﻤﺞ
ﺳﻜﺘﺖ ﺍﻟﺒﻨﻴﺔ ﺩﺍﻳﺮﺓ ﻭﺟﻪ ﻋﻨﺎ ﺍﻟﻲ ﻭﺭﺩ ﺿﺠﺮ
ﺑﺲ ﻟﻮ ﺍﻋﺮﻑ ﺳﺒﺐ ﺍﻧﺰﻋﺎﺟﻬﺎ ﻫﺎﻟﺤﺪﻳﺔ ﺍﻟﻤﺘﻜﺒﺮﺓ ﺍﺯﻋﺠﺘﻨﻲ ﻭﺩﻋﺖ ﺍﻻﻡ ﻭ ﻭﻟﻴﺘﻬﻢ ﻇﻬﺮﻱ
- ﻣﻊ ﺳﻼﻣﺔ ﺧﺎﻟﺔ
ﻭﺻﻌﺪﺕ ﺳﻴﺎﺭﺗﻲ ﺧﻠﻴﺘﻬﺎ ﺗﻤﺸﻲ ﺧﻠﻒ ﺍﻣﻬﺎ ﻭ ﻣﺸﻴﺖ ﺑﺴﻴﺎﺭﺗﻲ ﻣﻨﻬﻢ ﻓﺘﺤﺖ ﺍﻟﺠﺎﻣﺔ ﻭﻛﻠﺖ ﺍﻟﻬﺎ ﻭﻫﻲ ﺗﻤﺸﻲ ﺑﻤﺤﺎﺫﺍﺕ ﺳﻴﺎﺭﺗﻲ
- ﻻ ﺗﻨﺴﻮﻥ ﺑﺎﺟﺮ
ﺷﻔﺖ ﺗﻌﺒﻴﺴﺔ ﺑﻮﺟﻬﺎ ﻭﻣﻄﺖ ﺷﻔﺘﻬﺎ ﻭﺩﺧﻠﺖ ﻟﺒﻴﺖ ﺍﺧﺘﻬﺎ ﻭﺍﻧﻲ ﺧﻠﺼﺖ ﺍﻟﻔﺮﻉ ﻃﺎﻟﻊ ﻟﻠﺸﺎﺭﻉ ﺍﻟﻌﺎﻡ ...
︎▪ ﺯﻳﻨﺐ
ﺩﻓﻨﻮ ﺳﺎﻟﻔﺔ ﺿﺮﺏ ﺑﺎﺑﺎ ﻷﻡ ﻛﺮﺍﺭ ﺍﻻﺧﻮﺓ ﻭﻋﻘﻠﻮ ﺍﺑﻮ ﻛﺮﺍﺭ ﺧﻮﻓﺎً ﻣﻦ ﺍﻟﻔﻀﺎﻳﺢ ﺑﺲ ﺳﺎﻟﻔﺔ ﺿﺮﺑﻬﺎ ﺍﻟﻲ ﻭﺍﻟﺪﻱ ﺿﻤﻬﺎ ﺍﻟﻬﻢ ﻭﻫﻤﻪ ﺍﻟﻲ ﻣﺎ ﻛﺎﻟﻮ ﺳﺎﻟﻔﺔ ﺿﺮﺑﺔ ﻝ ﺷﻴﺦ ﻋﺸﻴﺮﺗﻬﻢ ﺑﺎﺑﺎ ﻧﻄﻖ ﻃﻠﺐ ﺍﺧﺮﺳﻬﻢ ﺑﻨﻬﺎﻳﺔ ﺍﻟﻜﻌﺪﺓ
ﻛﻞ ﻇﻨﻬﻢ ﺷﻴﺦ ﻋﺸﻴﺮﺗﻨﺎ ﻣﺎ ﻳﺪﺭﻱ . ﻟﻜﻦ ﺑﺎﻟﺤﻘﻴﻘﺔ ﻋﻨﺪﻩ ﻋﻠﻢ ﺑﻜﻠﺸﻲ ﻣﻦ ﺑﺎﺑﺎ ﻛﺎﻳﻞ ﺍﻟﻪ ..
ﻭﺍﻟﺸﻴﺦ ﻳﻌﺮﻑ ﻋﺰ ﺍﻟﻤﻌﺮﻓﺔ ﺍﻟﺨﻴﺮ ﺑﻴﻦ ﺍﻻﺧﻮﺓ ﺍﻟﺸﻴﺦ ﻻﻡ ﺑﺎﺑﺎ ﻣﻦ ﺳﻮﻟﻒ ﺍﻟﻪ ﻭ ﻛﺎﻥ ﺿﺪ ﺗﺼﺮﻓﺔ ﻭﺿﺮﺑﻪ ﻟﻤﺮﺕ ﺍﺧﻮﻩ ﻟﻜﻦ ﻫﺬﺍ ﻣﺎ ﻣﻨﻌﺔ ﻣﻦ ﻣﺴﺎﻋﺪﺓ ﺑﺎﺑﺎ ﻭﻫﻢ ﺗﺠﻨﺒﺎ ﻟﻠﻤﺸﺎﻛﻞ ﺑﻴﻦ ﺍﻭﻻﺩ ﺍﻟﻌﻢ ،
،
ﻭﻛﻌﺪﻩ ﺛﺎﻧﻴﺔ ﺑﻴﻦ ﺍﻻﺧﻮﺓ ﺣﺘﻰ ﻛﻠﻤﻦ ﻳﻠﻢ ﺍﻭﻻﺩﻩ ﻛﻨﺎ ﺧﺎﻳﻔﻴﻦ ﻋﻠﻰ ﻣﺮﺗﻀﻰ ﻻ ﻳﻠﺘﻤﻮﻥ ﻋﻠﻴﻪ ﻋﻤﺎﺩ ﻭ ﻭ ﻛﺮﺍﺭ ﻭﺍﺧﻮﺗﻪ ..
ﻭﺍﻟﺤﻤﺪﻟﻠﻪ ﻋﻤﺎﻣﻲ ﺍﻟﺒﻘﻴﺔ ﻳﺸﻮﻓﻮﻥ ﺍﺑﻮ ﻛﺮﺍﺭ ﺑﻌﻴﻦ ﺻﻐﻴﺮﺓ ﻋﻜﺲ ﻣﺎ ﻓﺨﺮﻫﻢ ﻭﺍﻟﺪﻱ ﻭ ﻣﺎ ﻳﺮﺩﻭﻥ ﺧﺴﺎﺭﺗﻪ ﻛﻮﻧﻬﻢ ﺑﺤﺎﺟﻪ ﻣﺎﺳﺔ ﺍﻟﻪ ﻋﻠﻰ ﺍﻟﺪﻭﺍﻡ ....
ﻭﻋﺮﺽ ﺍﺑﻮ ﻛﺮﺍﺭ ﺑﻴﺘﻪ ﻟﻠﺒﻴﻊ ﻭﺍﻟﻪ ﻣﻬﻠﺔ ﺍﺭﺑﻊ ﺍﺷﻬﺮ ﻭ ﻳﻨﺘﻘﻞ ﺍﻭ ﻳﺄﺟﺮ ﺍﺫﺍ ﺗﺄﺧﺮﺕ ﺑﻴﻌﺔ ﺑﻴﺘﻪ ..
ﺍﻧﻲ ﻣﺎ ﻛﻨﺖ ﺍﻋﺮﻑ ﺗﻔﺎﺻﻴﻞ ﺍﺷﺒﻴﻬﺎ ﺑﺘﻬﻢ ﻭﻫﻴﺞ ﺍﻣﻬﺎ ﻫﺎﻳﺠﺔ ﺑﺲ ﺑﻌﺪ ﻓﺘﺮﺓ ﻭﺻﻞ ﺍﻟﻨﺎ ﺧﺒﺮ ﻋﻤﺎﺩ ﻣﺨﻠﻴﻬﺎ ﻳﻢ ﺍﻫﻠﻬﺎ ﺻﺎﺭﻟﻬﺎ ﻣﺪﺓ ﻃﻮﻳﻠﻪ ﻭ ﻳﻜﻮﻟﻮﻥ ﻣﺎ ﻳﺮﻳﺪﻫﺎ ﻣﺮﻳﻀﺔ ! ﻭﻣﺎ ﺍﻋﺮﻑ ﺍﻻﺳﺒﺎﺏ ﻭﻻ ﻫﻤﻨﻲ ﺃﺳﺄﻝ
ﻃﻠﻌﺖ ﻣﻦ ﺑﻴﺘﻨﺎ ﻭﺷﻔﺖ ﺍﺷﻠﻮﻥ ﺷﺎﺏ ﻣﺮﺗﺐ ﻭ ﺗﺴﺮﻳﺤﺔ ﺷﻌﺮﻩ ﻣﻠﻔﺘﻪ ﻟﻠﻨﻈﺮ ﻣﻦ ﻟﻤﻌﺎﻧﻬﺎ ﺍﻧﺼﺪﻣﺖ ﻣﻦ ﺍﻣﻲ ﻛﺎﻟﺖ ﺳﻴﺪ ﻣﺎﺟﺪ
ﺍﻧﻲ ﺑﻌﺎﺩﺗﻲ ﻣﺎ ﺍﺑﺎﻭﻉ ﻟﻠﺮﺟﺎﻝ ﺑﺲ ﺍﻟﺸﻌﺮ ﻟﻤﺤﺘﻪ ﻣﻦ ﻓﻮﻙ ﺑﺲ ﻓﻀﻮﻟﻲ ﺍﺷﺘﻐﻞ ﻭ ﺭﺟﻌﺖ ﺑﺎﻭﻋﺖ
ﺣﻨﻄﺎﻭﻱ ﺑﻮﺟﻪ ﺑﻴﻀﻮﻱ ﺑﻌﻴﻮﻥ ﺳﻮﺩ
ﻓﻲ ﻣﺪﺧﻞ ﺍﻟﺤﻤﺮﺍﺀ ﻛﺎﻥ ﻟﻘﺎﺅﻧﺎ ، ﻣﺎ ﺃﻃـﻴﺐ ﺍﻟﻠﻘـﻴﺎ ﺑﻼ ﻣﻴﻌﺎﺩ ، ﻋﻴﻨﺎﻥ ﺳﻮﺩﺍﻭﺍﻥ ﻓﻲ ﺣﺠﺮﻳﻬﻤﺎ ، ﺗﺘﻮﺍﻟـﺪ ﺍﻷﺑﻌﺎﺩ ﻣـﻦ ﺃﺑﻌـﺎﺩ
-
ﻧﺰﺍﺭﻗﺒﺎﺗﻲ
ﻣﻠﺘﺤﻲ ﺑﻌﺘﺪﺍﻝ
ﻭﻃﻮﻟﻪ ﻣﺘﻮﺳﻂ ﻣﺘﻨﺎﺳﺐ ﻣﻊ ﺭﺷﺎﻗﺔ ﺟﺴﺪﺓ ﺧﺎﻟﻲ ﻣﻦ ﺍﻟﻠﻤﺴﺎﺕ ﺍﻟﺮﻳﺎﺿﻴﺔ ﻟﻜﻦ ﻣﺮﺑﻮﻉ ﻭ ﻋﻨﺪﻩ ﺗﻜﻮﺭ ﺑﺒﻄﻨﺔ ﺻﻐﻴﺮ
" ﻭﻳﻦ ﺍﻻﻋﻤﺎﻣﻪ
ﺳﺄﻟﺖ ﻧﻔﺴﻲ
ﺍﻧﺤﺮﺟﺖ ﻭﺍﻧﻲ ﺍﺑﺎﻭﻉ ﺍﻟﻪ ﻭﻫﻮ ﻳﺤﺠﻲ ﻭﻳﻪ ﺍﻣﻲ ﻋﻴﻨﻪ ﺻﺎﺭﺕ ﺑﻌﻴﻨﻲ ﻓﻜﺎﻟﻌﺎﺩﻩ ﻣﻦ ﺍﺳﺘﺤﻲ ﻭﺟﻬﻲ ﻳﺼﻴﺮ ﻣﻄﻨﻜﺮ ﻭ ﺟﺪﻱ
ﺗﻮﺗﺮﺕ ﺣﻴﻞ
ﻭﺍﻟﻌﺮﻙ ﻳﺼﺐ ﺟﻮﺓ ﺍﻟﻌﺒﺎﻳﺔ ﻟﻴﺶ ﻋﻨﺪﻱ ﺍﺣﺴﺎﺱ ﻧﻈﺮﺍﺗﻪ ﺩﺗﺎﺧﺬ ﺻﻮﺭﺓ ﺍﻟﻲ ،
ﺷﻮ ﺧﻞ ﺍﺷﻮﻓﻪ ﺩﻳﺒﺎﻭﻉ ﻟﻮ ﻻ
ﻣﻦ ﺍﻣﻲ ﻛﺎﻟﺖ ﺍﻟﻪ ﺑﺎﺟﺮ ﺍﻟﺼﺒﺢ ﺍﺧﺬﻫﻢ
ﻫﻢ ﺍﻋﻴﻮﻧﺎ ﺗﻼﻛﺖ
ﺩﻧﻜﺖ ﻭﻛﻠﺖ ﺑﻜﻞ ﻏﺒﺎﺀ
ﻣﺎﻣﺎ ﻋﺒﻮﺩ ﻋﻨﺪﻩ ﺗﻠﻘﻴﺢ
ﺯﺩﺕ ﺍﻟﻄﻴﻦ ﺑﻠﺔ
ﻭﺍﻣﻲ ﻓﺸﻠﺘﻨﻲ ﺍﻻﺣﺮﺍﺝ ﺻﺎﺭ ﻳﺘﻮﺯﻉ ﻋﻠﻰ ﻣﻼﻣﺢ ﻭﺟﻬﻲ
ﻣﻦ ﺭﺣﻨﺎ ﻣﻦ ﻳﻤﻪ ﺍﻣﻲ ﻛﺎﻟﺖ
- ﺷﺒﺎﺏ ﻫﺎﻟﻮﻛﺖ ﻣﺎ ﻳﺮﺩﻋﻬﻢ ﺍﻫﻞ ﻭﺍﻛﻔﻪ ﻛﺪﺍﻣﻪ ﻭﻋﻴﻨﻪ ﻛﻠﺴﺎﻉ ﺍﺷﻮﻓﻬﺎ ﺗﺰﻭﻍ
- ﺍﻱ ﻛﺮﻳﻪ
- ﻻ ﻳﻤﺔ ﻭﺳﻴﻢ
ﺿﺤﻜﺖ
- ﻋﺰﺓ ﻣﺎﻣﺎ ﻋﻮﺩ ﻫﻢ ﺗﻌﺮﻓﻴﻦ ﻫﺎﻱ ﺍﻟﻜﻠﻤﺔ
ﺩﻳﺒﺎﻭﻉ ﻟﺒﺘﺞ ﻭﺍﺗﻜﻮﻟﻴﻦ ﻭﺳﻴﻢ
ﺍﻧﻔﺘﺢ ﺍﻟﺒﺎﺏ ﺍﻟﻨﺎ ﻭﺩﺧﻠﻨﺎ ﻭﻫﻮ ﺳﻴﺎﺭﺗﻪ ﺍﺧﺘﻔﺖ ﻟﻠﺸﺎﺭﻉ ..
ﻧﺎﻳﻤﺔ ﻟﻴﻠﻲ ﻛﺎﻟﻌﺎﺩﺓ ﺣﺴﻴﺖ ﺑﺄﺣﺪ ﺟﺜﻰ ﻋﻠﻰ ﺻﺪﺭﻱ
ﻭﻧﻔﺴﻲ ﺑﺪﺃ ﻳﻀﻴﻖ ﻣﻦ ﺣﻤﻠﻪ ﺑﺎﻟﺘﺪﺭﻳﺞ
- ﺍﻩ ﺍﻩ
ﻛﻤﺖ ﺍﺷﻬﻚ ﺑﺄﻧﻔﺎﺳﻲ ﻭﺍﺭﻳﺪ ﺍﻓﺘﺢ ﺍﻋﻴﻮﻧﻲ ﺛﻜﻠﺖ ﻣﺎ ﺍﻛﺪﺭ ﻭﺍﺣﺲ ﺑﺄﻇﺎﻓﺮ ﺗﻨﻬﺶ ﺭﻛﺒﺘﻲ ﻭﺍﻧﻔﺎﺱ ﺗﻜﻔﺢ ﻭﺟﻬﻲ ﺑﺤﺮﺍﺭﺓ ﺗﺨﻨﻚ !
ﻳﺘﺒﻊ
|