تعالو انروح ل ريم
هزاع : انتي بخير ؟
ريم : هي هزاع بس تعبانه شوي " وتنزل دمعه حاره ع خدها "
وقف هزاع وهو خايف ع اخته : ش فيج ليش اتصيحين ؟؟
ريم وهي تمش دمعتها: هزاعع اشتقت لامي هزاع " وردت اتصيحح "
نزل هزاع من السياره وسار صوبها وفتح الباب وحضنها وهو يقول : حبيبتي ريم احنا عندج امي راحت بس احنا موجودين ابوي موجود واحنا عندج م بنرضى يصير لج شي يمكن عندج اشياء محد يفهمها الا البنات بس م عليه ريم قوليلنا احنا بنفهمج ، انتي اتقولي م عندي خوات لفي وشوفي الدنيا شوفي كم اخت عندج ريم عندج عليا عندج هيا والبنات واحنا م بنقصر وياج ريم ولا تبيني استوي بنت ههههههه
ريم وهي اتوخر عن هزاع بابتسامه : لا انته جيه زين م فينا ههه
هزاع: يلا مشي دموعج
ريم: تمام
انروح عند حمدان الي م قال ولا كلمه طول الدرب لين م وصلو ونزل وراحو البيت
حمدان : السلام عليكم "وراح غرفته"
راح حمدان غرفته وهو مضايق لانه ريم ما عطته اي اهتمام "ويقاطع حبل افكاره اتصال من غلا "
حمدان: اففف هذي ما وقتها الحين مولل افف عاد " ورد عليها "
غلا: الو حبيبي حمدان وينك ؟
حمدان بدون نفس: موجود شو تبيني ؟ لاني مشغول وايد ومضغوط
غلا: افاا تمام حمدان مع السلامه
حمدان : مع السلامه " وسكر التلفون"
عند غلا: ما عليه حمدان انا جيه صرت اتعاملني ؟ كاني طلابه م عليه بتشوف شو بييك مني
يلس حمدان وسرح بتفكيره : انا احب ريم؟ لا مستحيل حمدان انته شو اتقول انته اتحب غلا بس غلا م تفهمني شرات م تفهمني ريم احس ريم شي غيير عن الكل ، افف انته شفيك لا تيلس تلعب بمشاعر الناس ترا مشاعر الناس ما لعبه عندك ومنو قالك اذا حبيت ريم هزاع بيوافق انه نتزوج او يصير شي بينا ؟ هو يعرفك اكثر واحد ويعرف عن علاقتك ويا غلا ف كيف بيرضى انه انته تزوج ريم ، هم عبالهم انه ريم اختي اعتبرها اخت وادافع عنها من كنت صغير م يدرون انه كنت احبها افف انته ليش جيه اتفكر وايد؟ " واتقاطع حبل افكاره دلال ع دقتها للباب " : منوو ؟
دلال: هاي انا دلال ، حمود بطل الباب
حمدان: انشاءالله " وبطل الباب"
دلال: حمود شوفيك اليوم امي عبالها ما عيبتك يلست البلاد لانه من رديت وكله مشاكل ومضايق ف امي غامضتني وهي هامتنك جيه
حمدان: عفتها لندن دلال عفتها م اباها ابا اتم ف البلاد اهه بس لو م سافرت وتميت ف البلاد م احسن ؟
دلال: م اعرف والله بس منو بيسكت حلوه اللبن ؟
حمدان: ههه اكيد انا يلا مشينا
اعتذر حمدان لامه وحاله وسار عند عليا فوق ودق الباب
عليا: ادخل الباب مبطل
حمدان: عليا؟
عليا تلتفت له : هلا حمدان تعال ايلس
ويلس حمدان وما تنطق ف ولا كلمه لين ما عليا رمست وهي اتقول : ش فيك م ع بعضك اليوم؟ صاير شي ؟
حمدان: عليا ريم ش فيها ؟
عليا وهي ف داخلها : اهه يحمدان الحين هذا كله عشان ريم؟ حبيبي اخوي
حمدان: م ع بعضها م ادري ش هالتصرفات اللي اتسويها
عليا: ليش ش فيها ؟
حمدان: م يت الجامعه وياكم وسارت ويا هزاع وما من عوايدها ومشيناها ، م عطتني ويه ومشيناها بس انها اتخلي الناس يتحرشون فيها هاي لا
عليا : ش قصدك حمدان؟ لا تغلط ع ريم
حمدان: والله م اغلط عليها انا بس اليوم قبل لا اشلكم شفت وحده اتصيح عند الباركنات وواحد يتحرش فيها ومن رمست عرفت انها ريم
عليا وهي اتقاطعه: انزين انته شو سويتت ؟
حمدان: هزبتها وهزبتهه بعد تبيني اسكت ؟
عليا: حرام عليك حمدان الروحها اليوم تعبانه وغير هذا روضه فاره عليها كلام وم كملت الا وياك يوم تهزبها بدال م اتهديها
حمدان: وهاذيك شلها ف ريم؟
عليا: والله ي حمدان م ادري ش هالحركه قبل لا تيي انته يايه صوبنا واتفر رمسه ع ريم وتستهزئ فيها واونه انتي اللي شردتي وانتي ع علاقه وياهم اصلا
حمدان: وهي كيف عرفت انه ريم؟ وشيخص علاقه م علاقه؟ علاي لا اتخليني اعصب
عليا: وانا شو يخصني ؟ بعدين اشوفك وايد مهتم ف ريم ش السالفه؟
حمدان وهو مرتبك: هاهه م شي اصلاً م احب اشوف حد يرمس عن اعراض الناس
عليا: زين عيل، اقول حمدان امم عادي اطلب منك طلب؟
حمدان: امريني ؟
عليا: م باقي شي عن رمضان وابا اروح اتشرى اغراض واباك اتوديني
حمدان: حاضر
وعدا اليوم ع خير بعد مشاوير عليا ومشترياتها ونوم ريم اللي من التعب قدرت واخيراً اتنام ومن تفكير حمدان طول الليل وننتظر المفاجاءات اللي بتصير
ع الساعه 6 الصبح ف بيت ريم : هزاع دخيلك ودني
هزاع: ريم انا بروح والله انه عندي موعد
ريم: اجله عشان اختك دخيلكك م ابا اروحح بدونك
هزاع: انزين شو رايج اتروحين ويا دريول عليا ؟
ريم: م ادري م ابا
هزاع: ش فيج ؟ ليش تبيني اوصلج؟ لا اتخافين انا بردج اتصليلي انتي تمام؟
ريم: اههه تمام بدق ل عليا وبروح اسبح واتجهز
هزاع: تمام
تعالو انروح عند بيت ام منصور
منصور: اماييه ؟؟
ام منصور ها ابويه؟؟
منصور انا بروح الدوام تامرون ع شي ؟
ام منصور لا بس ارجع بسرعه عشان العزيمه
منصور: افف اماهه يعني لازم اتسوين عزيمه اليوم؟
ام منصور: م يخصك وبتقابل الناس وتحترمهم انا م ادري ليش من قابلت هاذيك البنت اتغيرت
منصور: ردينا ع البنت ردينا شو تبيها اماه خليها ف حالها
ام منصور : هيي اكيد مسوتلك سحر ولا ليش متعلق فيها وهي يالسه الا تلعب وياك مره اباك ومره م اباك
منصور: اماهه تراني مليت بروحح تبين شي !!
ام منصور : لا روحح ابويهه
وروحح منصورو م مينعرف ش محطي ف راسه هالريال
نرجع لـ بيت حمدان وهم كلهم متجمعين يتريقون وخصوصا عند عليا وهي اترد ع ريم وبصوت عالي : هلا ريمم
حمدان يلتفتلها بسرعه
عليا وفيها الضحكه من حمدان: ش حالج شو حال صحتج؟
ريم : الحمدالله عليا
وسكتو شوي لين ما ريم رمست
ريم: امم عليا
عليا: هلا ريم
ريم: عادي اروح وياكم اليوم؟
عليا: اكيدد ريم ها شي اكيدد اصلا م تعرفي كيف استانست
ريم: ادري بثجل عليكم بس عليا السايق بيوديكم اليوم صح !
عليا:ريم م بينا هالسوالف احنا خوات و هي الدريول بيودينا ليش؟
ريم: بس جيه اسأل شكرا عليا
عليا : م بينا شكر من بوصل بيتكم بدقلج
ريم : تمام
وسكرو
حمدان: منو ؟
عليا: ربيعتي
حمدان: انزين منو ربيعتج ؟
عليا : ش فيك قلت توني هلا ريم
حمدان: انزين شو فيها !
ام حمدان: حمدان ش فيك ابويه ؟
حمدان: شي امايه اسأل يمكن تبا شي ولا شي
عليا وتبا تلعب عليه شوي : لا اتخاف م تبا شي منك وسكتت
حمدان: قوليلي شو تبا ليش داقه؟
عليا: افف ش فيك انته م وراك شغل ؟
حمدان: لا م وراي شي عليا قوليلي
عليا: اهه انزين كانت تبانا نخطف عليها وتسأل اذا الدريول بيودينا ولا
حمدان: انا اللي بوديكم الدريول امي تباه
عليا: اماهه لا تشلي الدريول انا اباه عشان يودينا وخلي حمدان يوديج
ام حمدان: لا ابويه بسير عند حريم انا والدريول بسير عشان يجيك ع السياره هناك اخوج بيتعب اذا وداني
عليا وهي اتشوف حمدان يضحك وهي فرحانه من داخلها بس م تبا اتبين هالشي : يعععع الحين هذا بيودينا بيلعوزنا
حمدان وام حمدان منصدمين من عليا
حمدان: انا يعع ؟ ش فيجج علي انتي ؟
ام حمدان : عيبب عليجج وابوي عليج انا ش هالرمسه ؟
عليا انفجرت ضحك وهي تضحك: هههه والله اسفه كنت ابا اضحك عليك واشوف رده فعلك
حمدان: مالت عليج انزين يلا قومي عشان م نتأخر
وقامو وخطفو ع شيخه وخطفو ع ريم
وريم وهي راكبه السياره وشكلها شوي تعبان : السلام عليكم وكان تيي عينها ف عين حمدان كان ف خاطرها تنزل بس غصبن عنها يلست ولوت راسها ع الجامه اللي ورى كرسي حمدان بحيث م يشوفها
عليا: تعبانه ريم؟
ريم : شوي بس عادي
عليا:انزين كلتي شي ؟
ريم : لا و م ابا اكل م لي خاطر اكل شي
عليا: تمام
وسارو
طبعاً حمدان ف النص الدرب وقف ونزل وياب كيسه وياه وبطل باب ريم وعطاها الكيس وروح ايلس جدام
الكيس عباره عن عصاير وساندويج ولبن
ريم: دوج عليا
عليا: ليش تعطيني اياه ميوب حقج
ريم: م ابا انا
حمدان : مب ع كيفج بتاكلي ولا انا م متحرك من هني
عليا وشيخه: لاا ورانا محاظره وماباقي شي
حمدان: والله م يخصني قولن ل ربيعتكن تاكل وبوديكم
عليا: ريم كلي دخيلج
ريم: تمام انا اسفه بدق حق اي تاكسي اي يشلني ولا اني اخليكم تتأخرون
حمدان وهو معصب : تستهبليننن ؟؟ كلي لا اتطيحي علينا ريمم ولا بتشوفي مني شي م شفتيه
ريم وهي تنزل دموعها: م باكل شي خلني ف حالي حمدان الله يخليك والله اني بروح ويا هزاع م بزعجك م بطيح عليكم خلني ف حالي انا م طلبت شي منك
حمدان : انا وبكيفي بتاكلي يعني بتاكلي بعدين بوديكم
ريم: ليش ؟
حمدان : بعدين بقولج اول شي كلي
ريم: اهه باكل باكل بس روح
حمدان : م بتحرك لين اشوفج ماكله
كلت ريم وحمدان ارتاح وابتسم الها واتحرك وريم م كانت فاهمه حمدان مره يعصب ومره يبتسم
والحمدالله وصلو الجامعه ونزلو عليا وشيخه وريم اتحاول اتبطل الباب بس م طاع يتبطل ف يت تبا تنزل من الطرف الثاني ف حمدان قفل الباب وهي تطالعه بنظره اجراميه وهو فيه الضحكه
ريم: بطل الباب
حمدان: م قبل م اتقوليلي شو فيج
ريم: م فيني شي حمدان بطل الباب
حمدان: عيل والله م ابطل
ريمم: اففف منكك كيفكك
حمدان : تمام
ريم : حمدانن بطلل
حمدان : هههه انزين قوليلي شو فيج وببطل ليش جيه اتعامليني
ريم ونزلت راسها : بس جيه
حمدان : اهه ريم انا اسف ادري انج مضايقه مني من هذاك اليوم والله اسف لاني كنت معصب من شي ولا انا كنت صدق احاتيج ريم
ريم : دامك تعرف انا ليش مضايقه ليش تسألني ؟
حمدان : انا اسف انزين سامحيني
ريم : تمام الحين بطل الباب
حمدان : تمام
ونزل يبطل الها الباب وما اكتملت الا ب روضه وهي يايه صوبهم
روضه : حمود شحالك
حمدان : اصغر عيالج شو ؟
روضه بدلع : اسفه حمدان قلت ادلعك شوي
ريم وهي تطالع حمدان بنص عين : انا مروحه
حمدان : صبري اباج ف موضوع
ريم : بعدين انا بخليكم ع راحتكم
حمدان زخ ايدها وقال: قلت اباج ف موضوع وصح انتي شسمج ؟ روضه م ادري منو انتي مالج حق اتفرين رمسه ع بنات الناس تفهمين ؟
روضه : ليش انا شو قلت ؟
حمدان: انتي ادرى “ وشل ريم بعيد عنها “
ريم : خلاص بطل ايدي
حمدان : تعبتي ؟
ريم : هي تعبت ايدي عورتني
حمدان : تمام " وهدها "، ريمم لا اتخلين حد يغلط عليج
ريم : انشااءالله
حمدان : وديري بالج ع نفسج
ريم : بعد انشاءالله
حمدان : بترجعين ويانا ؟
ريم : م ادري اذا هزاع خلص من موعده بروح وياه ، ليش تسألني ؟ وش فيك جيهه صاير وايد مهتم ؟
حمدان : م يخصج ويلا روحي
ريم : تمام " وهي تلتفت ل حمدان " مع السلامه
حمدان يبتسم: ربي يحفظج
ودشت كل وحده ع محاظراتها وكل العاده خلصن واتجمعن ف نفس المكان م عدا هيا
العنود : عليا تعالي ويا امج والله اني م ابا اروح الروحي
عليا : وانا شو يخصني م ابا م احب هالعزايم وهي مسوايه لانه انتي م شاءالله عليج انقذتي الولد انا بصفتي منو اروح؟
العنود : علايهه عاد تعالي دخيلج م بتخسري شي
شيخه : عليا روحي وياها بتصيح عليج
عليا : افف هي تنقذ واحنا نبتلش يلا بنسير كم عنود عندنا ؟
واستانست عنود لانها م بتكون الروحها
تعالو انروح عند هيا وهي تزقر ع الدكتور
الدكتور اسماعيل : هلا امم هيا صح ؟
هيا : هي دكتور
د.اسماعيل : هلا هيا بغيتي شي
هيا: دكتور الصراحه هي لاني م فاهمه شي واباك اتفهمني اياه واخاف اتيبه ف الامتحان وانا م فاهمتنه
د. اسماعيل : ولا يهمج تعالي انتي بعد ساعه مكتبي بكون فاضي وبشرحلج كل شي تبينه
هيا : مشكور دكتور
وروحت وزخها هزاع
هزاع : ش عندج اتكلمينه؟
هيا :منو قصدك الدكتور ؟
هزاع: وليس انتي كم واحدكلمتي ؟
هيا : لا اتعاملني بهالاسلوب انا م اكلم حد غير ربيعاتي ودكاترتي وش شفيك هزاع اباه يشرحلي شي ف مادته
هزاع : م بتروحيله انا بفهمج اياه ولا اي حد من البنات
هيا : ليش ؟
هزاع : تسمعيني ولا لا ؟ هالدكتور مب زين م فيني اشرحلج وايد م بتروحيله
هيا : ومنو بيشرحلي هزاع انت تعرف اني م افهم عدل ويمكن ايقولي ش بييب ف الامتحان
هزاع : امتحاناته م يغيرهن وانا عندي امتحاناته ف م يبالها انا بشرحلج وبقولج شو بييب وشو م بييب فهمتي ؟ ولا اتكلمينه وتاخذي وتعطي وياه
هيا وعي منزله راسها : انشاءلله
هزاع وهو يقرب راسه من اذن هيا : اباج ترفعين راسج ومحد يقص عليج وانا بكون دوم هني وياج م بخلي يصيرلج شي واي شي تبيه قوليلي انا " وروح وهيا فيها سعاده الدنيا من سمعت هزاع جيه يقول ومن بعدها روحت عند البنات "
ريم : هلا بـ هيا هلا باللي عندها علوم الدنيا
هيا : اهلين والله
ريم وهي تغمز الها عشان اتقوللها ش فيها ؟
هيا : م شي
عليا كان اتصاصرها : اكيد هالفرحه عشان شخص مجهول عنا
هيا : محد يستانس عند هالبنتين
عليا وريم نقعو ضحك هههههه
العنود : عيل انا اخليكم وعليا ع الوعد الساعه 5 كوني جاهزهه
عليا : افففف والله ي اني اخر شي ي اسحب عليج واخليج
العنود: والله يواليج
عليا : هههه بنروح خلاص روحي انتي
وروحت عنود وبعدها روحت هيا وتمو عليا وشيخه وريم
عليا : ريم ؟ بتيين ويانا ؟
ريم : بتريا هزاع
عليا : اتصليلهه
ريم : اتصلتله اكثر من مره احيده طلع من الموعد ويا الجامعه بس م يرد علي
عليا : انزين برايه احنا بنوديج
ريم: لا عليا بيتنا بعيد عنكم ما ابا اثجل عليكم
"ويقاطع حديثهم اتصال من حمدان "
عليا : شفتي ؟ هذوه حمدان اتصل وبتي ويانا
"وردت عليا"
حمدان: الو وينكم من الصبح واقف محد طلعلي الناس كلها طلعت وتوني شايف هزاع بعد طالع وسلمت عليه وسولفنا ونتو ماييتو
عليا حطته سبيكر : واخته ريم تتصل فيه م يرد ليش ؟
حمدان: ريم بتي ويانا لانه هزاع راح عنده شغله ضروريه
عليا: بتي ويانا سمعتي ؟
ريم : اهه تمام
حمدان : اترياكن انا انتن وين ؟
عليا :الحين يايات كنا ف الحديقه
حمدان : انا بنزل عشان اتشوفني وان يتكم هاي م ادري ش اسمها اتصللي عشان اذبحها
عليا : ها كله عشان ريم ؟
حمدان يغير الموضوع : تعالو السياره
عليا: اوكي
وبندو وراحو السياره
|