[فيتامين سي]

ﺍﻟﺒﺎﺭﺕ ﺍﻟﺴﺎﺑﻊ
ﺭﻭﺍﻳﺔ ... ﻧﺼﻒ ﻋﺬﺭﺍﺀ ﺑﻴﻦ ﺃﻧﻴﺎﺏ ﻗﺎﺗﻠﻲ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔
ﻋﺎﺩﺍﺕ ﺑﺎﻟﻴﻪ .. ﺃﻧﺎﺱ ﻣﺆﺫﻳﻪ .. ﺑﺄﺣﻼﻣﻲ ﻣﻀﺤﻴﻪ
ﻟﻤﻦ .. ﻭﻟﻤﺎﺫﺍ .. ﻟﻜﻲ ﺍﺭﺿﻴﻜﻢ .. ﻟﺴﺖ ﻟﺮﺿﺎﻛﻢ ﻣﺒﺎﻟﻴﻪ .. ﻭﺭﻭﺩ ﺯﺍﻫﻴﻪ ﺑﻴﻦ ﺍﻳﺪﻳﻜﻢ ﻣﺮﻣﻴﻪ .. ﻻﺗﺴﻘﻮﻥ ﻻ ﺗﺮﻋﻮﻥ .. ﻭﺑﺎﻟﺤﺐ ﻭﺍﻟﻄﺎﻋﻪ ﺗﻄﺎﻟﺒﻮﻥ .. ﻣﺎ ﺍﺑﺸﻊ ﺣﻜﻤﻚ .. ﻭﻣﺎ ﺍﺟﻤﻞ ﺣﺒﻚ .. ﻭﻟﻜﻦ ..
ﻭﺻﻒ ﻟﻘﺪﺭ .. ﺳﻤﺴﻤﻪ smsma89
.... ّ.ّّ. ................. ّّّّ. .............
ﺑﺎﻭﻋﺖ ﻭﺭﺍﻳﻪ ﺷﻔﺘﻪ ﻋﻤﻮ ﻣﻌﺘﺼﻢ ﺧﻔﺖ ﺣﻴﻴﻞ ﺑﻠﻌﺖ ﺭﻳﻜﻲ ﻭﺻﺎﺑﺘﻨﻲ ﺭﺟﻔﻪ ﺣﺘﺊ ﺍﻟﻤﻮﺑﺎﻳﻞ ﻣﺴﻴﻄﺮﺕ ﻋﻠﻴﻪ
ﺭﺟﻊ ﺑﺎﻭﻋﻠﻲ ﺑﻨﻈﺮﻩ ﺣﺎﺩﻩ ... ﺷﻨﻮ ﺗﻨﻬﺰﻣﻴﻦ؟
ﺟﺎﻭﺑﺘﻪ ﺑﺎﺍﺭﺗﺒﺎﻙ ... ﺷﻨﻮ ﺍﻧﻬﺰﻡ ؟
ﺗﻘﺮﺏ ﻣﻨﻲ ﺍﺧﺬ ﺍﻟﻤﻮﺑﺎﻳﻞ ﻣﻦ ﺍﻳﺪﻱ ﻭﻟﺰﻣﻨﻲ ﻣﻦ ﻛﺘﻔﻲ ﻛﺎﻝ ... ﺟﻨﺘﻲ ﺗﺨﺎﺑﺮﻳﻦ ﻣﻨﻮﻭ؟
ﻫﻤﺴﺖ ... ﺍﺑﺎﺫﺭ
ﺍﺑﺘﺴﻢ ﺑﺎﺳﺘﻬﺰﺍﺀ ... ﺟﺬﺍﺑﻪ ﻫﺴﻪ ﺟﻨﺖ ﺍﺣﺠﻲ ﻭﻳﺎﻩ
ﻧﺰﻟﺖ ﻋﻴﻮﻧﻲ ﺑﺨﻮﻑ ﻭﺑﺠﻴﺖ .. ﻫﺎﺍﺍ ﻋﻤﻮ ﻓﺪﻭﻩ ﺳﺎﻋﺪﻧﻲ ﺍﻧﻲ ﺍﺭﻳﺪ ﺍﻧﻬﺰﻡ ﻣﻦ ﻭﺍﻗﻌﻲ ﺗﻌﺒﺖ ﺍﺣﺲ ﺑﻴﻪ ﺣﺎﻟﻪ ﻧﻔﺴﻴﻪ ﻣﺠﺎﻱ ﺍﺗﻘﺒﻞ ﺍﻱ ﺷﺨﺺ ﻟﺤﺪ ﺍﻻﻥ ﺻﻮﺭﺓ ﻫﺒﻪ ﻭﻫﻲ ﺗﺮﻛﺾ ﻭﻣﻠﻚ ﺍﻟﻤﻮﺕ ﻭﺭﺍﻫﺎ ﻳﻬﺰ ﺑﺮﺍﺳﻲ ﻓﺪﻭﻩ ﻋﻤﻮ ﺳﺎﻋﺪﻧﻲ ﺍﺧﺬﻧﻲ ﺍﻟﺪﻛﺘﻮﺭ ﺍﻟﺴﻴﺪ ﻷﻱ ﺷﺨﺺ ﺗﻌﺒﺖ ﻭﺍﻟﻠﻪ
ﻫﻮ ﺳﺤﺒﻨﻲ ﻣﻦ ﺍﻳﺪﻱ ﻭﺿﻤﻨﻲ ﺍﻟﺼﺪﺭﻩ ﻭﻣﺴﺢ ﻋﻠﻰ ﺷﻌﺮﻱ ﻭﺍﻧﻲ ﺯﺩﺕ ﺑﺎﻟﺒﺠﻲ ﻫﻤﺴﺖ ... ﺻﻌﺒﻪ ﻋﻤﻮ ﺍﺧﺘﻲ ﻣﺎﺗﺖ ﺑﺴﺒﺒﻬﻢ ﺍﺣﺴﺎﺳﻲ ﻓﺎﻕ ﺍﻟﻜﻞ ﺍﺣﺲ ﺑﺲ ﺍﻧﻲ ﻟﺪﺍ ﺍﺗﻌﺬﺏ ﺍﺿﻮﺝ ﻣﻦ ﻳﻜﻮﻟﻮﻥ ﻫﺒﻪ ﺿﻠﻤﺖ ﻧﻔﺴﻬﺎ ﻫﻢ ﻣﻀﻠﻮﻣﻪ ﻭﻫﻢ ﺿﺎﻟﻤﻪ ... ﻋﻤﻮ ﻭﺍﻟﻠﻪ ﺻﺒﺎﺡ ﻫﻮ ﺣﺮﻛﻬﺎ ﺍﻧﻲ ﻣﺘﺄﻛﺪﻩ ﻭﻫﻲ ﻫﻤﺎﺗﻴﻦ ﻛﻠﺘﻠﻲ ...
ﺟﺮ ﻧﻔﺲ ﻋﻤﻴﻖ ﻭﻣﺴﺢ ﻋﻠﺊ ﺿﻬﺮﻱ ﻛﺎﻝ .. ﻟﺞ ﻋﻤﻮ ﺣﺒﻴﺒﺘﻲ ﻣﺴﺘﺤﻴﻞ ﺻﺒﺎﺡ ﻳﺤﺮﻛﻬﺎ ﻫﻲ ﺣﺮﻛﺖ ﻧﻔﺴﻬﺎ ﺗﻌﺒﺖ ﻧﻔﺴﻴﺘﻬﺎ ﻣﻦ ﺍﻟﺼﺎﺭ ﻭﺍﻟﺸﻴﻄﺎﻥ ﻗﻮﻱ ﻟﻌﺐ ﺑﻌﻘﻠﻬﺎ
ﻟﺰﻣﺘﻪ ﺣﻴﻞ ﻭﺍﻧﻲ ﺍﺗﻮﺳﻠﻪ ... ﻻ ﻓﺪﻭﻭﻩ ﻋﻤﻮ ﺍﺑﻮﺱ ﺍﻳﺪﻙ ﻻ ﺩﻛﻮﻝ ﺷﻴﻄﺎﻧﻬﺎ ﻗﻮﻭﻱ ﻫﻲ ﺻﻼﺗﻬﺎ ﻣﻀﺒﻮﻃﻪ ﻭﺗﺼﻮﻡ ﻭﺗﻘﺮﻩ ﻗﺮﺍﻥ ﻋﻤﻮ ﻓﺪﻭﻩ ﺍﻧﺼﻔﻮ ﻫﺒﻪ ﻟﻤﺮﺓ ﻭﺣﺪﻩ ﺑﺤﻴﺎﺗﻜﻢ ... ﻫﺎﻱ ﺍﺧﺘﻲ ﻋﺎﺷﺖ ﻭﻳﻪ ﻗﺎﺗﻞ ﻭﺭﺟﻌﺘﻮ ﻋﻴﺸﺘﻮﻧﻲ ﻭﻳﺎﻩ ... ﻭﺍﻟﻠﻪ ﺍﺣﺲ ﻭﺍﻫﺴﻲ ﺍﻧﻜﺴﺮ ﻭﺧﺎﻃﺮﻱ ﻣﺤﻜﻮﻡ ﺇﻋﺪﺍﻡ ... ﻋﻤﻮ ﻣﺎ ﺍﺭﻳﺪ ﺍﺗﺰﻭﺝ ﻣﺎ ﺍﺭﻳﺪ ﺍﻧﻲ ﻏﻠﻄﺖ ﺑﻘﺮﺍﺭﻱ .. ﻣﺎ ﺍﺭﻳﺪ ﺍﺿﺤﻲ ﺣﺘﺊ ﺍﻟﺨﺎﻃﺮ ﺭﻭﺣﻲ ﻣﺎ ﺍﺿﺤﻲ ..
ﻫﻮ ﺳﺤﺒﻨﻲ ﻭﻛﻌﺪﻧﻲ ﻋﻠﺊ ﺍﻟﻜﺮﺳﻲ ﻭﻛﻌﺪ ﻣﻘﺎﺑﻴﻠﻲ ﺑﺎﻟﺤﺪﻳﻘﻪ ﺍﺣﻨﻪ ﻧﺨﻠﻲ ﻛﺮﺍﺳﻲ ﺩﺍﺋﻤﺎ ﻧﻜﻌﺪ ﻋﻠﻴﻬﻦ ﻋﺼﺮﻳﻪ ﻟﺰﻡ ﺍﺩﻳﻪ ﻛﺎﻝ ... ﻟﻌﺪ ﻟﻴﺶ ﻭﺍﻓﻘﺘﻲ ﻳﺎ ﻋﻤﻮ ﺷﻨﻮ ﻫﻮ ﻟﻌﺐ ﻧﻌﻘﺪ ﻭﻧﻔﺴﺦ ﺍﻧﺘﻲ ﻭﺍﻓﻘﺘﻲ ﺑﺈﺭﺍﺩﺗﺞ ﻣﺤﺪ ﺟﺒﺮﺝ ...
ﺷﻬﻜﺖ ﻣﻦ ﺍﻟﺒﺠﻲ ... ﻭﺍﻧﺘﻮ ﻣﺤﺪ ﻧﺼﺤﻨﻲ ﻋﻤﻮ ﻟﻴﺶ ﺗﺤﺒﻮﻫﻢ ﻭﻣﺎ ﺗﺤﺒﻮﻧﻪ ﻟﻴﺶ ﻣﻦ ﻣﺎﺗﺖ ﻫﺒﻪ ﻛﻠﺘﻮ ﺿﻠﻤﺖ ﻧﻔﺴﻬﺎ ﻭﻣﻦ ﻣﺎﺕ ﺻﺒﺎﺡ ﻛﻠﺘﻮ ﺍﻟﻠﻪ ﻳﺮﺣﻤﻪ ... ﻟﻴﺶ ﺍﻫﻞ ﺟﻬﻨﻢ ﺗﺠﻮﺯ ﻋﻠﻴﻬﻢ ﺍﻟﺮﺣﻤﻪ ... ﺻﺒﺎﺡ ﻻ ﺭﻳﺢ ﺍﺧﺘﻲ ﺑﺪﻧﻴﺎﺗﻬﺎ ﻭﻻ ﺑﺎﺧﺮﺍﺗﻬﺎ ... ﻭﺍﺧﻮﻭ ﺍﺣﺴﻪ ﻣﺜﻠﻪ ﻣﺮﺍﺡ ﺍﺭﺗﺎﺡ ﻭﻻ ﻳﻄﻴﺐ ﺧﺎﻃﺮﻱ ﺧﻠﺼﻨﻲ ﻣﻨﻪ ...
ﺗﻨﻬﺪ ﺑﺼﻮﺕ ﻣﺴﻤﻮﻉ .. ﻟﺞ ﻋﻤﻮ ﺍﻧﺘﻲ ﻟﻴﺶ ﻣﺰﺍﺟﻴﻪ ﻟﺒﺎﺭﺣﻪ ﻣﺎ ﺑﻴﺞ ﺷﺊ ﺍﻟﻴﻮﻡ ﺷﻨﻮ ﺍﻟﺼﺎﺭ ﺍﻟﺞ ﻭﺑﻌﺪﻳﻦ ﺻﺒﺎﺡ ﺍﻧﻲ ﻣﺠﻨﺖ ﻣﻮﺍﻓﻖ ﻋﻠﺊ ﺯﻭﺍﺟﺞ ﻣﻨﻪ ... ﻭﺣﺘﺊ ﺍﺑﺎﺫﺭ ﻣﺎ ﻭﻛﻔﺖ ﺑﺼﻔﻪ ﺑﺲ ﺍﻧﺘﻲ ﻭﺍﻓﻘﺘﻲ ... ﻭﻫﻞ ﻣﺮﻩ ﺍﺭﻳﺪ ﺍﻛﻠﺞ ﺷﺊ ﺍﺑﺎﺫﺭ ﺍﺑﻦ ﺍﺧﻮﻭﻱ ﻭﺻﺪﻳﻘﻲ ﻭﻳﺎﻱ ﻣﻦ ﻃﻔﻮﻟﺘﻲ ﻫﻮ ﺍﻛﺒﺮ ﻣﻨﻲ ﻭﺣﺘﺊ ﺍﺧﺬ ﺭﺃﻳﻪ ﺑﻬﻮﺍﻱ ﺍﻣﻮﺭ ﺍﻧﺘﻲ ﺷﺘﺸﻮﻓﻴﻨﻲ ﻣﺠﺮﻡ ﻟﻮ ﻣﺴﺎﻟﻢ ..
ﺭﺩﻳﺖ ﺑﺴﺮﻋﻪ ... ﻻ ﺣﺒﺎﺏ ﺍﻧﻲ ﺍﺣﺒﺒﻚ
ﻣﻌﺘﺼﻢ ... ﻣﺪﺍﻡ ﺗﺤﺒﻴﻨﻲ ﻳﺎ ﻋﻤﻮ ﻭﺗﺼﺮﻓﺎﺗﻲ ﺗﻌﺠﺒﺞ ﺍﺑﺎﺫﺭ ﻧﻔﺲ ﺍﺳﻠﻮﺑﻲ ﻭﻧﻔﺲ ﺗﺼﺮﻓﺎﺗﻲ ﻻﻥ ﺍﻧﻲ ﻭﻳﺎﻩ ﻋﺸﻨﻪ ﺳﻮﻩ ... ﺑﺲ ﺻﺒﺎﺡ ﺍﻟﻠﻪ ﻳﺮﺣﻤﻪ ﺗﺮﺑﻴﺔ ﺍﻡ ﺭﺍﺿﻲ ﻭﺭﺍﻓﻚ ﺭﺍﺿﻲ ﻭﺑﻌﺪﻳﻦ ﻣﻮ ﻛﻞ ﺍﺻﺎﺑﻌﺞ ﺳﻮﻩ ...
ﺟﺎﻭﺑﺘﻪ ... ﺍﻭﻻ ﻋﻤﻮ ﻻ ﺗﺘﺮﺣﻢ ﻋﻠﺊ ﺻﺒﺎﺡ .. ﻭﺛﺎﻧﻴﺎ ﺍﺫﺍ ﻋﺪﻟﺖ ﺃﺻﺎﺑﻌﻲ ﻳﺼﻴﺮﻥ ﺳﻮﻭﻩ ...
ﻋﻮﺟﺖ ﺃﺻﺎﺑﻌﻲ ﻭﺭﻓﻌﺘﻬﻦ ﺑﻮﺟﻬﻪ ... ﺷﻮﻑ ﺻﺎﺭﻥ ﺳﻮﻩ ..
ﺿﺤﻚ ﻭﻟﺰﻡ ﺍﻳﺪﻱ ﻛﺎﻝ .. ﻻ ﻣﻮ ﺳﻮﻩ ﻣﺪﻛﺪﺭﻳﻦ ﺗﺴﻴﻄﺮﻳﻦ ﻭﺑﻌﺪﻳﻦ ﺍﺫﺍ ﺭﺧﻴﺘﻲ ﺍﻳﺪﺝ ﻳﺮﺟﻊ ﻛﻞ ﺍﺻﺒﻊ ﻻﺻﻠﻪ .. ﻭﻛﺘﻠﺞ ﺍﺑﺎﺫﺭ ﺍﻧﻲ ﺍﺿﻤﻨﻪ ﺍﻟﺞ ﻭﺍﻗﻞ ﻣﺸﻜﻠﻪ ﻣﻨﻪ ﺑﺲ ﺍﺷﻜﻴﻠﻲ ﺍﻃﻴﺢ ﺣﺾ ﺣﻀﻪ ﺑﻌﺪ ﺷﺘﺮﺩﻳﻦ .
ﺍﺑﺘﺴﻤﺖ ﺑﺤﺰﻥ ... ﺍﺭﻳﺪ ﺳﻼﻣﺘﻚ ﻋﻤﻮ .. ﻭﻗﺒﻞ ﻻ ﺗﺎﺧﺬ ﻋﻠﻴﻪ ﻧﻀﺮﻩ ﺍﻧﻲ ﻣﺠﻨﺖ ﺍﺧﺎﺑﺮ ﺑﻮﺍﺣﺪ ﺟﻨﺖ ﺍﺧﺎﺑﺮ ﺑﺨﺎﻟﻪ ﻭﺩﺍ ﺍﻛﻮﻟﻬﺎ ﺍﺭﻳﺪ ﺍﻧﻬﺰﻡ ﻣﻦ ﺍﻟﻤﺸﺎﻛﻞ ...
ﺳﺤﺐ ﻧﻔﺲ ﻋﻤﻴﻖ ﻛﺎﻝ ... ﻋﻤﻮ ﺧﻠﻲ ﻋﻘﻠﺞ ﺑﺮﺍﺳﺞ ﻭﻻ ﺗﺼﻴﺮﻳﻦ ﻣﻀﺤﻜﻪ ﻟﻠﺮﺍﻳﺢ ﻭﺍﻟﺠﺎﻱ ﺍﺩﺭﻱ ﺑﻌﺪﺝ ﺻﻐﻴﺮﻩ ﻭﻛﺜﺮﺓ ﺍﻟﻤﺸﺎﻛﻞ ﻃﻴﺮﺕ ﺗﻔﻜﻴﺮﺝ ﺑﺲ ﻣﻴﺨﺎﻟﻒ ﻻ ﺗﻨﺠﺮﻓﻴﻦ ﻟﻠﺨﻄﺄ ... ﻭﺍﻧﻲ ﺍﺣﺠﻲ ﻭﻳﻪ ﺍﺑﺎﺫﺭ ﻳﺨﻠﻴﺞ ﺗﺪﺭﺳﻴﻦ ﻭﺗﺮﺟﻌﻴﻦ ﺍﻟﻤﺪﺭﺳﺘﺞ ﻭﻳﺤﺘﺮﻣﺞ ﻭﻳﺤﺒﺞ ﺑﻌﺪ ﺗﺮﺩﻳﻦ ﺷﺊ .. ﺣﺘﺊ ﺍﺧﻠﻲ ﻳﻜﻌﺪﺝ ﺑﺒﻴﺖ ﻟﻮﺣﺪﺝ ﺍﻧﺘﻲ ﻭﺑﻨﺎﺕ ﻫﺒﻪ ﻭﻧﺰﻭﺝ ﻣﺤﻤﺪ ﻳﻜﻌﺪ ﻭﻳﻪ ﺍﻣﻪ
ﺳﻜﺘﺖ ﻣﺤﺠﻴﺖ ﺷﺊ ﺑﺲ ﺑﺪﺍﺧﻠﻲ ﺭﻓﺾ ﻛﺒﻴﻴﻴﺮ ﻣﺎ ﺍﻋﺮﻑ ﻣﺎ ﺭﺍﻳﺪﺗﻪ ﻭﻻ ﻗﺎﺑﻠﻪ ﺑﻬﺬﺍ ﺍﻟﺰﻭﺍﺝ ﻛﻠﻪ ﻣﻦ ﺧﺎﻟﻪ ﻭﺭﻃﺘﻨﻲ ...
ﻫﻮ ﻭﻛﻒ ﻣﺴﺢ ﻋﻠﺊ ﺭﺍﺳﻲ ﻭﺍﻧﻄﺎﻧﻲ ﺍﻟﻤﻮﺑﺎﻳﻞ ﻛﺎﻝ ... ﻋﻤﻮ ﺩﻳﺮﻱ ﺑﺎﻟﺞ ﻋﻠﺊ ﻧﻔﺴﺞ ﻭﻻ ﺗﺼﻴﺮﻳﻦ ﻋﻠﺞ ﺑﺤﻠﻚ ﺍﻟﻌﺎﻟﻢ ﺗﺮﺉ ﻣﺤﺪ ﻳﺮﺣﻢ ...
ﺧﻔﺖ ﻣﻦ ﻛﻼﻣﻪ ﺣﺴﻴﺘﻪ ﻛﺎﺷﻔﻨﻲ ﺍﻭ ﺍﻧﻲ ﺧﺎﻳﻔﻪ ﻣﺎﺍﻋﺮﻑ ﻫﺰﻳﺖ ﺭﺍﺳﻲ ﻣﻮﺍﻓﻘﻪ ﺑﻜﻼﻣﻪ ...
ﻫﻮ ﺭﺍﺡ ﻭﺍﻧﻲ ﺭﺣﺖ ﺍﻟﻐﺮﻓﺘﻲ ﺩﺧﻠﺖ ﻟﻜﻴﺖ ﺍﻟﺒﻨﺎﺕ ﻧﺎﻳﻤﺎﺕ ﺑﺴﺘﻬﻦ ﻭﻧﻤﺖ ﺑﺼﻔﻬﻦ ...
ﺭﺟﻌﺖ ﺑﺬﺍﻛﺮﺗﻲ ﻟﺰﻭﺍﺟﻲ ﻣﻦ ﺻﺒﺎﺡ ...
ﺍﺗﺬﻛﺮ ﺳﺒﺤﺖ ﺍﻟﺒﻨﺎﺕ ﺍﻟﺼﺒﺢ ﻭﻣﺸﻄﺖ ﺍﻟﻬﻦ ﺯﻧﻮﺑﻪ ﻃﻠﻌﺖ ﻋﻨﺪ ﺑﻴﺒﻴﺘﻬﺎ ﻭﺯﻫﺮﺍﺀ ﺭﺿﻌﺘﻬﺎ ﻣﻤﻪ ﻣﺎﻟﺘﻬﺎ .. ﻭﻧﺎﻣﺖ
ﺑﻌﺪﻫﺎ ﺩﺧﻠﺖ ﺳﺒﺤﺖ ﻭﻃﻠﻌﺖ ﻣﻦ ﺍﻟﺤﻤﺎﻡ ﻻﺑﺴﻪ ﺛﻮﺏ ﻧﻴﻠﻲ ﻋﺎﺩﻱ ﻛﻮﻭﻟﺶ ﻭﻻﻓﻪ ﺷﻌﺮﻱ ﺑﺎﻟﻤﻨﺸﻔﻪ ...
ﺑﺎﻭﻋﺖ ﺍﻟﻮﺟﻬﻲ ﺑﺎﻟﻤﺮﺍﻳﻪ ﺍﻟﻬﺎﻻﺕ ﺍﻟﺴﻮﺩﻩ ﺣﺎﺟﺒﻪ ﻋﻴﻮﻧﻲ ﻭﺍﻟﺸﺤﻮﺏ ﻣﺴﺘﻮﻃﻦ ﻭﺟﻬﻲ ﺟﺮﻳﺖ ﻧﻔﺲ ﻣﻘﻬﻮﺭ ﻛﻠﻪ ﻣﻦ ﻭﺭﻩ ﺍﻣﻲ ﺯﻭﺟﺘﻨﻲ ﺍﻟﺼﺒﺎﺡ ﻭﺟﺒﺮﺗﻨﻲ ﻫﻲ ﻭﺑﺎﺑﺎ ﻣﺎ ﺍﺑﺮﻳﻬﻢ ﺍﻟﺬﻣﻪ ﺍﻟﻴﻮﻡ ﺍﻟﺪﻳﻦ ...
ﺷﻔﺘﻪ ﺑﺎﻟﻤﺮﺍﻳﻪ ﻓﺘﺢ ﺍﻟﺒﺎﺏ ﻭﺟﻬﻪ ﺍﻟﻜﺮﻳﻪ ﺭﺳﻢ ﻋﻠﻴﻪ ﺍﺑﺘﺴﺎﻣﻪ ﻏﺜﻴﺜﻪ ﻣﺜﻠﻪ ...
ﻭﺟﻮﺩﻩ ﻳﺴﺒﺒﻠﻲ ﺧﻮﻭﻑ ﻭﺭﻋﺸﻪ ﺑﺠﺴﻤﻲ ﺍﺣﺴﻪ ﺷﻴﻄﺎﻥ ﻭﻳﺮﻳﺪ ﻳﺨﻨﻜﻨﻲ ﺑﻠﻌﺖ ﺭﻳﻜﻲ ﺧﺎﻳﻔﻪ ﻭﺣﺎﻭﻟﺖ ﺍﺛﺒﺖ ﻧﻔﺴﻲ ﻭﺍﻛﻮﻥ ﻃﺒﻴﻌﻴﻪ ...
ﺗﻘﺮﺏ ﺍﻛﺜﺮ ﻭﺍﻧﻲ ﺟﺎﻣﺪﻩ ﺑﻤﻜﺎﻧﻲ ﺣﺴﻴﺖ ﺑﺎﺩﻳﻪ ﺣﻮﻃﺖ ﺧﺼﺮﻱ ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ﻣﺮﻋﻮﻭﻭﺑﻪ ﺷﺪﻳﺖ ﻋﻠﺊ ﺷﻔﺎﻳﻔﻲ ﺣﻴﻴﻞ ﻭﺧﻠﻴﺖ ﺍﺩﻳﻪ ﺍﻟﺮﺍﺟﻔﻪ ﻋﻠﺊ ﺍﺩﻳﻪ ﺍﻟﻘﺎﺳﻴﻪ ﺩﻓﻌﺘﻪ ﺑﺴﺮﺭﻋﻪ ﻭﻗﻮﻭﻩ ﻣﺎﺍﻋﺮﻑ ﺷﻠﻮﻥ ﺍﻣﺘﻠﻜﺖ ﻛﻞ ﻫﻞ ﻗﻮﻩ ﺣﺘﺊ ﺍﺩﻓﻊ ﺛﻮﺭ ﻣﺜﻠﻪ ...
ﺭﺟﻊ ﺧﻄﻮﺗﻴﻦ ﻭﺻﺎﺭﺕ ﻋﻴﻮﻧﻪ ﺣﻤﺮ ﻣﻦ ﻋﺼﺒﻴﺘﻪ ﺷﻜﻠﻪ ﺍﻟﻤﻘﺰﺯ ﻭﻳﻪ ﻋﺼﺒﻴﺘﻪ ﺗﺨﻠﻴﻨﻲ ﺍﻓﻘﺪ ﺭﻭﺣﻲ ﻭﺭﻏﻢ ﺧﻮﻭﻓﻲ ﻣﻨﻪ ﺑﺲ ﺗﻤﺮﺩﺕ ﻋﻠﻴﻪ ..
ﺭﻓﻌﺖ ﺍﺻﺒﻌﻲ ﺑﺤﻘﺪ .. ﻛﻢ ﻣﺮﻩ ﻛﺘﻠﻚ ﻻ ﺗﺘﻘﺮﺏ ﻣﻨﻲ ﻭﺍﻟﻠﻪ ﺍﻟﻌﻀﻴﻢ ﻭﺍﻟﻠﻪ ﺍﺣﺮﻙ ﺭﻭﺣﻲ ﻭﺍﻧﺘﺤﺮ ﻭﺍﺑﻠﻴﻚ
ﺿﺤﻚ ﺑﺨﺒﺚ ﻛﺎﻝ ... ﻫﻬﻬﻪ ﺿﺤﻜﺘﻴﻨﻲ ﺍﻧﺘﺤﺮﻱ ﻭﺷﻨﻮ ﻟﻠﺠﻴﺮ ﻭﻟﻠﺠﻬﻨﻢ ﺫﻳﺞ ﺍﺧﺘﺞ ﻣﺎﺗﺖ ﻣﻨﻮ ﺑﺤﺎﻟﻬﺎ ﺣﺘﺊ ﺍﻟﺮﺣﻤﻪ ﻣﺘﺠﻮﺯ ﻋﻠﻴﻬﺎ ...
ﺗﺨﺒﻠﺖ ﻣﻦ ﺣﺠﻪ ﻫﻴﻴﺞ ﺿﻠﻴﺖ ﺍﺻﺮﺥ ﺑﺼﻮﺕ ﻋﺎﻟﻲ ﻭﻛﻄﻌﺖ ﺷﻌﺮﻱ ﻭﻫﻮ ﻳﻀﺤﻚ ﻋﻠﻴﻪ ...
ﺍﺳﺘﻔﺰﻧﻲ ﺍﻛﺜﺮ ﺑﺎﻭﻋﺖ ﻟﻠﻤﻴﺰ ﻟﻜﻴﺖ ﻋﻠﻴﻪ ﻣﺒﺮﺩ ﻣﺎﻝ ﺍﺿﺎﻓﺮ ﺭﻓﻌﺘﻪ ﺑﺤﻘﺪ ﻭﻫﺠﻤﺖ ﻋﻠﻴﻪ ﻫﻮ ﻟﻮﺉ ﺍﻳﺪﻱ ﻭﺭﻩ ﺿﻬﺮﻱ ﻭﺩﻓﻌﻨﻲ ﻋﻠﺊ ﺍﻟﻤﻴﺰ ﺣﺴﻴﺖ ﺿﻬﺮﻱ ﺍﻧﻜﺴﺮ .. ﻭﻛﻊ ﺍﻟﻤﺒﺮﺩ ﻣﻦ ﺍﻳﺪﻱ ..
ﻭﻫﻮ ﻟﺰﻡ ﺍﺻﺎﺑﻌﻲ ﺣﻴﻞ ﻛﺴﺮﻫﻢ ﺑﻴﺪﻩ ﺣﺴﻴﺖ ﺍﺻﺎﺑﻌﻲ ﺗﻜﺴﺮﺕ ﺿﻠﻴﺖ ﺍﺑﺠﻲ ﻭﺍﺗﻮﺳﻞ ﺑﻲ ﻳﺘﺮﻛﻨﻲ ...
ﺧﻔﻒ ﻣﻦ ﺷﺪﻩ ﺍﻳﺪﻩ ﻋﻠﺊ ﺍﺻﺎﺑﻌﻲ ﺷﻮﻳﻪ ﺷﻮﻳﻪ ﻭﺑﺎﺳﻨﻲ ﺑﺨﺪﻱ ﻭﺭﻛﺒﺘﻲ ﺑﻮﺳﺎﺕ ﻣﺘﻘﻄﻌﻪ .. ﺗﻘﺮﻓﺖ ﻣﻨﻪ ﺣﻴﻴﻞ ..
ﻣﻦ ﺗﺮﻛﻨﻲ ﻭﻛﻌﺖ ﻋﻠﺊ ﺭﻛﺒﻲ ﻭﺍﻧﻲ ﺍﻧﺤﺐ ﻭﺍﺑﺠﻲ ﺑﺼﻮﺕ ﻣﺴﻤﻮﻉ ﻫﻮ ﻛﻌﺪ ﻣﻘﺎﺑﻴﻠﻲ ﻭﻟﺰﻣﻨﻲ ﻣﻦ ﺛﻮﺑﻲ ﺣﻂ ﺍﺻﺒﻌﻪ ﻋﻠﺊ ﺍﻟﻌﺮﻕ ﺍﻟﻨﺎﺑﺾ ﺑﺮﮔﺒﺘﻲ ﻛﺎﻝ ... ﻻﺯﻡ ﺗﻄﻴﻌﻴﻨﻲ ﻭﻻﺯﻡ ﺗﺘﻘﺒﻠﻴﻦ ﻭﺟﻮﺩﻱ ﺑﻐﺮﻓﺘﺞ ﻳﺎ ﺍﻣﺎ ﻭﺭﻭﺡ ﻫﺒﻪ ﺍﺩﻓﻨﺞ ﺑﺼﻔﻬﺎ ...
ﺭﻓﻊ ﻭﺟﻬﻲ ﻭﺭﺍﺩ ﻳﺒﻮﺳﻨﻲ ﺑﺸﻔﺎﻳﻔﻲ ﺿﻠﻴﺖ ﺍﺑﺠﻲ ﻭﺍﺩﻓﻊ ﺑﻲ ﺿﺤﻚ ﺑﺎﺍﺳﺘﻬﺰﺍﺀ ﻭﺭﺍﺡ ..
ﻭﺑﻴﻮﻣﻬﺎ ﻧﻬﺰﻣﺖ ﻟﺒﻴﺖ ﺟﺪﻭﻭ ﻭﺿﻠﻴﺖ ﻋﻨﺪﻫﻢ ﺍﺳﺒﻮﻉ ﻭﺣﺘﺊ ﺍﻟﺒﻨﺎﺕ ﻋﻔﺘﻬﻦ ... ﻫﻮ ﻛﻞ ﻣﺮﻩ ﻳﻬﺪﺩ ﻣﺎﻣﺎ ﺑﺰﻫﺮﺍﺀ ﻭﺗﺨﻠﻴﻨﻲ ﺍﺭﺟﻊ ﺍﻟﻪ ...
ﺍﻧﻲ ﻣﻦ ﺍﺭﺟﻊ ﻣﺠﺒﻮﺭﻩ ﻣﺎﻣﺎ ﺗﺨﻠﻲ ﻛﻞ ﺍﻟﻠﻮﻡ ﻋﻠﻴﻪ ﺗﺘﺨﺮﺑﻂ ﻭﻳﺼﻌﺪ ﺳﻜﺮﻫﺎ ﻭﺿﻐﻄﻬﺎ ﻭﺩﻛﻮﻝ ﺍﻧﺘﻲ ﺍﻟﺴﺒﺐ ﺭﺍﺡ ﺍﻣﻮﺕ ﻣﻦ ﻭﺭﺍﺝ ﻭ ﻭﺭﻩ ﻫﺒﻪ ...
ﺍﺗﻤﻨﺊ ﺍﻓﻘﺪ ﺍﻟﺬﺍﻛﺮﻩ ﻭﺍﺗﺨﻠﺺ ﻣﻦ ﺍﻟﻤﺎﺿﻲ ﻻﻥ ﺣﻴﻞ ﺩﺍ ﺍﺗﻌﺐ ﺑﺲ ﺑﻤﺠﺮﺩ ﻣﺎﺍﺫﻛﺮ ﻫﺬﻳﺞ ﺍﻻﻳﺎﻡ ﺣﺎﺳﻪ ﻣﺜﻞ ﺍﻟﻲ ﻣﺴﻮﻳﻪ ﺫﻧﺐ ﻭﻣﺮﺗﻜﺒﻪ ﺟﺮﻳﻤﻪ ..
ﻫﻮﺍﻳﻪ ﺗﻌﺰ ﻋﻠﻴﻪ ﻧﻔﺴﻲ ﻭﺍﺣﻦ ﻋﻠﺊ ﺭﻭﺣﻲ ﻭﺍﺗﻤﻨﻊ ﺩﺍﺋﻤﺎ ﻣﻦ ﺫﻛﺮ ﺍﻟﻤﺎﺿﻲ ﻟﻜﻦ ﻟﻼﺳﻒ ﺩﺍﺋﻤﺎ ﺍﺣﺴﻦ ﻧﻔﺴﻲ ﻣﻘﻴﺪﻩ ﺑﺎﻏﻼﻝ ﺍﻟﻤﺎﺿﻲ ... ﻭﻣﺤﺎﺻﺮﻩ ﺑﺄﻧﻴﺎﺏ ﺍﻟﻘﺘﻠﻪ ..
ﻃﻠﻌﺖ ﻣﻦ ﻏﺮﻓﺘﻲ ﺭﺟﻠﻴﻪ ﺳﺎﻗﺘﻨﻲ ﻻﺧﻮﻳﻪ ﻫﺸﺎﻡ ﺣﺎﺑﻪ ﺍﻛﻌﺪ ﻭﻳﺎﻩ ﺷﻮﻭﻳﻪ ..
ﺩﻛﻴﺖ ﺍﻟﺒﺎﺏ ﻣﺮﻩ ﻣﺮﺗﻴﻦ ﻛﺎﻝ .. ﺍﺩﺧﻞ
ﺩﺧﻠﺖ ﺑﺎﻭﻋﺖ ﻋﻠﻴﻪ ﺑﺤﺰﻥ ﻛﺎﻋﺪ ﻋﻠﺊ ﺍﻟﻜﺮﺳﻲ ﺍﻟﻤﺘﺤﺮﻙ ﻭﺍﻻﺯﺍﺭ ﺍﻻﺯﺭﻕ ﻣﻐﻄﻲ ﺑﻲ ﺭﺟﻠﻴﻪ ﺍﺑﺘﺴﻤﺖ ﻋﻠﺊ ﺣﺎﻟﻪ ﺗﻘﺮﺑﺖ ﻣﻨﻪ
ﻫﻮ ﺿﺤﻚ ﺑﻬﺪﻭﺀ ﻛﺎﻝ .. ﺗﻌﺎﻱ ﺗﺎﺝ ..
ﺍﺟﺖ ﻛﻌﺪﺕ ﺟﻮﻩ ﺭﺟﻠﻴﻪ ﺿﻠﻴﺖ ﺍﻓﺮﻙ ﺑﺮﺟﻠﻴﻪ ﻭﺍﺳﻮﻳﻠﻬﻦ ﻋﻼﺝ ﻃﺒﻴﻌﻲ ﻛﺎﻝ .. ﺗﺎﺝ ﺧﻮﻭﻳﻪ ﺍﻧﺘﻲ ﺷﺘﺴﻮﻳﻦ ﺗﺮﺉ ﺍﻟﺤﺎﻟﻪ ﻣﻴﺌﻮﺱ ﻣﻨﻬﺎ ..
ﺗﺎﺝ ... ﻣﻴﺨﺎﻟﻒ ﺧﻠﻴﻨﻲ ﺍﺧﺪﻣﻚ ﻫﺸﺎﻡ ﺧﻠﻮﻧﻲ ﺧﺪﺍﻣﻪ ﻭﻻ ﺗﺰﻭﺟﻮﻧﻲ ..
ﻫﺸﺎﻡ .. ﻣﺎ ﺗﺮﺩﻳﻨﻪ ﻻﺑﻦ ﻋﻤﺞ .. ﻭﺍﻟﻠﻪ ﻣﺠﻨﺖ ﺭﺍﺿﻲ ﻋﻠﻰ ﺯﻭﺍﺟﻜﻢ ﺑﺲ ﻣﺎ ﺍﻋﺮﻑ ﺍﻫﻠﻲ ﺷﻨﻮ ﺍﻟﻴﺮﺩﻭﻧﻪ ...بيج قصص عراقيه حقيقيه من واقعنا.روعه الطائي
ﺟﺮﻳﺖ ﻧﻔﺲ .. ﻫﺸﺎﻡ ﻭﺍﺣﺪ ﻏﻴﺮ ﺍﻫﻠﻲ ﻭﺣﺘﺊ ﻟﻮ ﻫﻤﻪ ﺑﻴﺖ ﻋﻤﻲ ﻳﻠﻌﺒﻮﻥ ﺑﻴﻬﻢ ﻟﻌﺐ ﻭﻳﻨﺪﻣﻮﻧﻬﻢ ﻋﻠﻰ ﻓﻌﻠﺘﻬﻢ ﺑﻬﺒﻪ ﺑﺲ ﺍﻫﻠﻚ ﻣﺎﺍﻋﺮﻑ ﻟﻴﺶ ﺳﺎﻛﺘﻴﻦ ﺍﻧﻲ ﺍﻓﻮﺭ ﻣﻦ ﺍﻟﻘﻬﺮ ﻋﻠﻰ ﻫﺒﻪ ﺍﺗﻤﻨﺊ ﺍﻧﺘﻘﻢ ﻣﻦ ﺑﻴﺖ ﻋﻤﻲ ﻛﻠﻬﻢ .. ﻋﻤﻪ ﺍﻟﻌﻤﺎﻫﻢ ﻭﻣﻮﺕ ﺍﻟﺨﺬﺍﻫﻢ ...
ﻫﺸﺎﻡ .. ﺗﻤﻨﻴﺖ ﻋﻨﺪﻱ ﺭﺟﻠﻴﻦ ﻭﺍﻟﻠﻪ ﻭﺍﻟﻠﻪ ﺍﺧﺬ ﺣﻘﺞ ﻭﺣﻖ ﻫﺒﻪ ﻣﻦ ﻋﻴﻮﻧﻬﻢ ...
ﺗﺤﺴﺮﺕ ﻋﻠﺊ،ﺣﺎﻝ ﻫﺸﺎﻡ ﻃﺒﻌﺎ ﻫﺸﺎﻡ ﻣﻌﻮﻕ ﻭﻋﻨﺪﻩ ﺣﺎﻟﻪ ﻧﻔﺴﻴﻪ ﺣﺎﺩﻩ ﻳﺸﺮﺏ ﻋﻼﺝ ﻭﺍﺫﺍ ﻣﺸﺮﺏ ﺍﻟﻌﻼﺝ ﻳﺼﻴﺮ ﻣﺜﻞ ﺍﻟﻤﺨﺒﻞ ﻟﺬﻟﻚ ﻫﻮ ﻋﺎﻳﺶ،ﻋﻠﺊ ﺍﻟﻤﻬﺪﺋﺎﺕ ...
ﺿﻠﻴﺖ ﻛﺎﻋﺪﻩ ﺍﺳﻮﻟﻒ ﻭﻳﺎﻩ ﺷﻮﻭﻳﻪ ﻭﺑﻌﺪﻫﺎ ﺧﻠﻴﺖ ﻭﻃﻠﻌﺖ ﺭﺣﺖ ﻧﻤﺖ ... ﻭﺍﺣﺲ ﺷﺊ ﺑﺪﺍﺧﻠﻲ ﻣﻜﺴﻮﺭ ﻭﺍﺣﺴﺎﺳﻲ ﻣﻠﺜﻮﻡ ... ﻣﺤﻠﻮ ﻛﺴﺮ ﺍﻟﺨﻮﺍﻃﺮ ﺍﺣﺲ ﺧﺎﻃﺮﻱ ﻣﺘﻬﺪﻡ ....
............................
ﻗﺪﺭ ...
ﺩﺧﻞ ﻋﻤﻲ ﺩﺣﻚ ﺑﻮﺟﻬﻲ ﻭﺻﺎﺡ ... ﻫﺎﺍﺍﻱ ﺍﻧﺘﻲ ﺍﻟﻴﻮﻡ ﻳﺠﻲ ﺍﺑﻮ ﻋﺪﻭﻳﻪ ﻳﺸﻮﻓﺞ ﻭﻳﺤﺪﺩ ﻣﻮﻋﺪ ﺍﻟﺰﻭﺍﺝ ﻭﺍﻟﻠﻪ ﺍﺫﺍ ﺯﻋﺠﺘﻲ ﻭﺗﻌﻨﻘﺮﺗﻲ ﻭﺍﻟﻠﻪ ﻣﺎ ﻳﺼﻴﺮ ﺍﻟﺞ ﺧﻴﻴﺮ ...
ﺟﺮﻳﺖ ﻧﻔﺲ ﻋﻤﻴﻖ ﻛﺘﻠﻪ .. ﺍﻥ ﺷﺎﺀ ﻟﻠﻪ ﺧﻴﺮ
ﻣﺮﺕ ﻋﻤﻲ ﺣﻜﺖ ﺑﺼﻮﺕ ﻣﺴﻤﻮﻉ ... ﻛﻠﻠﻬﺎ ﺧﻠﻲ ﺗﺠﻴﺐ ﻣﻨﻪ ﻓﻠﻮﺱ ﻣﺤﺘﺎﺟﻪ ﻣﺼﺮﻑ ﻟﻠﺒﻴﺖ ﻣﺎ ﺿﺎﻟﻪ ﺑﺲ ﺗﺘﺴﻤﻢ ﻫﻲ ﻭﺍﺧﻮﺍﻧﻬﺎ ﻭﻣﺎ ﺗﺪﻓﻊ ﻭﻻ ﺭﺑﻊ ﻻ ﻭﺍﻟﻠﻪ ﺍﻋﻮﻑ ﺍﻟﺒﻴﺖ ﻭﺍﻧﻬﺰﻡ ...
ﺭﺟﻊ ﺩﺣﻜﻠﻲ ... ﺍﻱ ﻛﻠﻴﻠﻪ ﻳﻨﻄﻴﺞ ﻭﺭﻗﻪ ﻭﺭﻗﺘﻴﻦ ﻣﺎ ﺗﺸﻴﻠﻴﻦ ﺧﺸﻤﺞ ﻋﻠﺊ ﺍﻟﺮﺟﺎﻝ ﻭﺗﺨﻠﻴﻨﻪ ﻳﻨﻬﺰﻡ ﻭﻣﺎ ﻳﻨﻄﻴﺞ ﻓﻠﻮﺱ ...
ﺳﻜﺘﺖ ﻣﺤﻜﻴﺖ ﺷﺊ ﺑﺲ ﺩﺍﺧﻠﻲ ﺑﺮﻛﺎﻥ ﻣﻦ ﻧﺎﺭ ﺳﺒﺤﺎﻥ ﺍﻟﻠﻪ ﺍﻟﻤﻐﻴﺮ ﻣﻦ ﺣﺎﻝ ﺍﻟﺊ ﺣﺎﻝ .. ﺗﻐﻴﺮ ﺣﺎﻟﻨﺎ ﻛﺜﻴﺮ
ﻛﻨﺖ ﻣﺪﻟﻠﻪ ﻋﻨﺪ ﺍﻣﻲ ﻭﺍﻟﻜﻞ ﻳﺤﺘﺮﻣﻨﻲ ﻭﻳﺤﺒﻨﻲ ﺷﻨﻮ ﺍﻟﺼﺎﺭ ﻭﻫﻴﻚ ﺻﺎﺭ ﺣﺎﻟﻨﺎ ﻭﻳﻨﻚ ﻳﻤﻤﻪ ﻭﺍﻟﻠﻪ ﺗﻌﺒﻨﺎ ..
ﺗﺮﻛﺘﻬﻢ ﻳﺤﻜﻮﻥ ﺑﻤﻮﺿﻮﻋﻬﻢ ﻭﺩﺧﻠﺖ ﻟﻐﺮﻓﺘﻨﺎ ﺩﺣﻜﺖ ﺍﺧﻮﺍﻧﻲ ﻧﺎﻳﻤﻴﻦ ﺟﺮﻳﺖ ﻧﻔﺲ ... ﻭﺭﻃﻪ ﻭﺣﻴﺮﻩ ﻣﻦ ﺯﻭﺍﺟﻲ ﻣﻦ ﻭﺍﺣﺪ ﺣﻘﻴﺮ ﻭﺷﺎﻳﺐ ﻟﺤﺪ ﺧﻮﻓﻲ ﻋﻠﻰ ﺍﺧﻮﺍﻧﻲ .. ﺍﺧﺎﻑ ﻋﻠﻴﻬﻢ ﻣﻦ ﻋﻤﺎﻣﻲ ﻛﺜﻴﺮ ...
ﺿﻠﻴﺖ ﺍﻧﻀﻒ ﺑﺎﻟﺒﻴﺖ ﻭﺍﺑﻜﻲ ﻋﻠﻰ ﺣﺎﻟﻲ ﺍﺗﺬﻛﺮﺕ ﻣﺴﻠﻢ ﻳﺎﺭﺑﻲ ﺍﻟﻮﺭﻗﻪ ﻭﺻﻠﺖ ﻻﺑﻮ ﻋﺪﻭﻳﻪ ﻟﻮ ﺑﻌﺪﻫﺎ ... ﺍﺣﺲ ﻣﺎ ﻭﺻﻠﺖ ﻋﻨﺪﻭﻭ ﻻﻧﻮ ﻣﺼﺎﺭ ﺷﺊ ﻳﺨﻮﻑ ...
ﺍﻟﻠﻪ ﻳﻨﺘﻘﻢ ﻣﻨﻚ ﻳﺎ ﻳﺎﺳﻤﻴﻦ ﻛﻠﻮ ﺑﺴﺒﺒﻚ ﻳﺎ ﻋﺎﺭ ... ﻫﺬﻱ ﻭﺍﻧﺘﻲ ﺑﻨﺖ ﺧﺎﻟﺘﻲ ﻭﻏﺪﺭﺗﻴﻨﻲ ﻭﺧﻨﺘﻴﻨﻲ ﻭﺑﺎﺻﻌﺐ ﺍﻟﻀﺮﻭﻑ ﺍﻟﻠﻪ ﻳﻬﻠﻜﻚ ﻳﺎ ﺣﻤﺎﺭﻩ ...
ﺻﺎﺭ ﺍﻟﺴﺎﻋﻪ ﺑﺎﻟﻌﺸﺮﻩ ﻭﻧﺺ ...
ﺣﺎﻭﻟﺖ ﺍﺑﻬﺬﻝ ﺣﺎﻟﻲ ﺣﺘﺊ ﺍﻗﻨﻊ ﺍﺑﻮ ﻋﺪﻭﻳﻪ ﺍﻧﻪ ﻣﻮ ﺣﻠﻮﻩ ﻟﻜﻦ ﻟﻼﺳﻒ ﻫﻮ ﻣﺼﺮ ﻋﻠﺊ ﺍﻟﺰﻭﺍﺝ ﻣﻨﻲ ...
ﺩﺧﻠﺖ ﻟﻼﺳﺘﻘﺒﺎﻝ ﻭﺩﺣﻜﺖ ﺷﻔﺘﻮ ﻣﺘﺼﻨﻢ ﻋﻠﺊ ﺍﻟﻘﻨﻔﻪ ﻭﻋﻜﺎﺯﺗﻮ ﺑﺠﺎﺑﻨﻮ ﺷﻜﻠﻮﻭ ﻛﺜﻴﺮ ﻣﻘﺰﺯ ﺍﺣﺲ ﺑﺘﻘﺊ ﺑﻤﺠﺮﺩ ﻟﻨﻀﺮ ﺁﻟﻮ ...
ﺣﻜﻴﺖ ﺑﺼﻮﺕ ﺧﺎﻓﺖ .. ﺍﻟﺴﻼﻡ ﻋﻠﻴﻜﻢ
ﻫﻮ ﺩﺣﻚ ﻋﻠﻴﻪ ﺑﻠﻬﻔﻪ ... ﻭﻋﻠﻴﻜﻢ ﺍﻟﺴﻼﻡ ﻫﻠﻪ ﺣﺒﻴﺒﺘﻲ
ﻣﺎ ﺭﺩﻳﺖ ﻋﻠﻴﻪ ﺩﺣﻜﺖ ﻟﻌﻤﻮ ﻛﺎﻋﺪ ﺑﺼﻔﻮ ﻭﻳﺤﻜﻲ ﻭﻳﺎﻩ
ﻭﺑﻌﺪﻫﺎ ﻃﻠﻊ ﻭﺿﻠﻴﻨﻪ ﻟﺤﺎﻟﻨﺎ ...
ﺣﻜﺊ ﺑﺼﻮﺕ ﻣﺴﻤﻮﻉ ... ﺣﻀﺮﻱ ﻧﻔﺴﺞ ﻧﺮﻭﺡ ﻧﻌﻘﺪ ﺑﺎﻟﻤﺤﻜﻤﺔ
ﺣﺴﻴﺖ ﺑﻘﻬﺮ ﺍﻟﺪﻧﻴﺎ ﻛﻠﻮﻭ ﻋﻠﺊ ﺭﺍﺳﻲ ﻳﺎﺭﺑﻲ ﺧﻠﺼﻨﻲ ﻣﻨﻮ ﻟﻴﺶ ﻣﺎ ﺗﺴﺘﺠﻴﺐ ﺩﻋﺎﺋﻲ ﻣﻌﻘﻮﻟﻪ ﺍﻧﺎ ﻳﻬﻮﺩﻳﻪ؟
ﻭﺍﻟﻠﻪ ﻣﺴﻠﻤﻪ ﻭﺍﺻﻠﻲ ﻭﺍﺻﻮﻡ ﻳﺎﺭﺑﻲ ﻟﻴﺶ ﻣﺎ ﺗﺴﺘﺠﺎﺏ ﺩﻋﺎﺋﻲ ﻳﻌﻨﻲ ﻣﻦ ﻗﻬﺮﻱ ﺣﺘﺊ ﻣﺴﻠﻢ ﻭﺍﻓﻘﺖ ﻳﻜﻮﻥ ﺯﻭﺝ ﺍﻟﻲ ﻣﻮ ﺍﺑﻮ ﻋﺪﻭﻳﻪ ﻭﺟﻬﻮ ﻣﻌﻘﭻ ﻛﺎﻧﻮﺍ ﻭﺟﻪ ﺟﺎﺭﺗﻨﺎ ﺍﻡ ﺳﻮﺍﺩﻱ ...
ﺍﺳﺘﺴﻠﻤﺖ ﺍﻟﻮ ﻭﺭﺣﺖ ﺣﻀﺮﺕ ﺣﺎﻟﻲ .. ﻫﻮ ﺣﻜﺊ ﺍﺟﻴﺐ ﻭﻳﺎﻳﻪ ﺍﻟﺠﻨﺴﻴﻪ ﻭﺷﻬﺎﺩﺓ ﺍﻟﺠﻨﺴﻴﻪ ...
ﺭﻓﻌﺖ ﺍﻟﺠﻨﺴﻴﻪ ﻭﺍﻧﻲ ﺍﺩﺣﻚ ﻋﻠﺊ،ﺻﻮﺭﺗﻲ ﺭﻏﻢ ﺍﻟﺼﻮﺭﻩ ﻗﺪﻳﻤﻪ ﻣﻮ ﺣﻠﻮﻩ ﺑﺲ ﺍﺣﻠﺊ ﺑﻜﺜﻴﺮ ﻣﻦ ﺻﻮﺭﺓ ﺍﺑﻮ ﻋﺪﻭﻭﻳﻪ ...
ﺧﻄﺮﺕ ﺑﺒﺎﻟﻲ،ﻓﻜﺮﻩ ﺍﺑﺘﺴﻤﺖ ﺑﻤﺮﺡ ... ﺍﻱ ﻣﺴﻠﻢ ﻣﻨﻘﺬﻱ ﺍﺭﻭﺡ ﺍﻧﻄﻲ ﺍﻟﺠﻨﺴﻴﻪ ﻭﻳﺪﻓﻨﻬﺎ ﻭﻳﻀﻴﻊ ﺫﻛﺮﻫﺎ ...
ﺻﻌﺪﺕ ﺍﺩﺣﻚ ﻋﻠﺊ ﺍﻟﺴﻄﺢ ﺷﻔﺘﻮ ﻳﻮﻛﻞ ﺑﻄﻴﻮﺭ ﺣﻜﻴﺖ ﺑﺼﻮﺕ ﻋﺎﻟﻲ ... ﻣﺴﻠﻢ ﺍﻧﺖ ﺳﻮﺑﺮ ﻣﺎﻥ ﺗﺎﺑﻊ ﺍﻟﻲ
ﻫﻮ ﺩﺣﻚ ﻋﻠﻴﻪ ﻭﺿﺤﻚ ﻛﺎﻝ .. ﻫﻼ ﺑﻔﺮﺣﺔ ﺍﻟﺰﻫﺮﺓ ﺑﺎﻟﻘﺮﺍﻥ ﻣﻦ ﺍﺷﻮﻓﺞ ﺍﺣﺲ ﻧﻔﺴﻲ ﺳﺎﺑﺢ ﺑﻤﻲ ﻓﻠﺘﺮ .. ﻣﺤﺘﺎﺟﻪ ﺷﺊ ﮔﻠﺒﻲ
ﺿﺤﻜﺖ ﺑﺤﺰﻥ ﻛﺘﻠﻮﻭ .. ﻣﺴﻠﻢ ﺣﺮﺍﻡ ﻋﻠﻴﻚ ﺍﻧﺎ ﻋﻠﺊ،ﺫﻣﺔ ﺭﺟﺎﻝ ...
ﻫﺰ ﺍﻳﺪﻭ ﺑﻌﺪﻡ ﺭﺿﺎ .. ﻟﺞ ﺍﻧﺘﻲ ﻣﻮ ﻋﻠﺊ ﺫﻣﺔ ﺭﺟﺎﻝ ﺍﻧﺘﻲ ﻋﻠﺊ ﺫﻣﺔ ﻣﺮﺣﻮﻡ ... ﺻﺪﻙ ﺷﻜﺪ ﻋﻤﺮﻩ ﺍﺑﻮ ﻋﺪﻭﻭﻳﻪ ﺍﻟﻠﻪ ﻳﻘﺮﺿﻪ ..
ﺭﻓﻌﺖ ﺍﻳﺪﻱ ﺑﺎﻟﺪﻋﺎﺀ .. ﺍﻣﻴﻦ .. ﻫﻮ ﻋﻤﺮﻭ ﺍﻋﺘﻘﺪ ﺑﺎﻟﺨﻤﺴﻴﻨﺎﺕ ... ﻫﺴﻪ ﻣﺴﻠﻢ ﺍﺭﻳﺪ ﺍﻃﻠﺐ ﻣﻨﻚ ﻃﻠﺐ ﻭﻟﻮ ﻃﻠﺒﺎﺗﻲ ﻛﺜﺮﺍﻧﺎ ﺑﺲ ﺍﺗﺤﻤﻠﻨﻲ ...
ﻣﺴﻠﻢ ... ﻭﻟﻮﻭ ﺣﺒﻲ،ﻟﻮ ﺗﺮﺩﻳﻦ ﻭﺍﺣﺪ ﻣﻦ ﺍﻟﺰﻭﺍﺟﻞ ﻣﺎﺍﻋﺰﻩ ﻋﻠﻴﺞ ﺍﻃﻠﺒﻲ ﻓﺪﺍﺝ ﺍﺑﻮ ﻋﺪﻭﻳﻪ ﻭﻋﺪﻭﻳﻪ ﻭﺍﺧﻮﺗﻬﺎ ...
ﺑﻠﻌﺖ ﺭﻳﻘﻲ ﻭﺭﻓﻌﺖ ﺍﻟﺠﻨﺴﻴﻪ ﺣﻄﻴﺘﻬﺎ ﺑﻮﺟﻬﺎ ﻫﻮ ﺩﺣﻚ ﻋﻠﻴﻬﺎ ﻭﺍﺳﺘﻐﺮﺏ ﻋﻘﺪ ﺣﻮﺍﺟﺒﻮ ﻭﺭﺟﻊ ﺩﺣﻚ ﺑﻮﺟﻬﻲ ﻛﺎﻝ ... ﺷﻨﻮ ﻫﺎﺍﻱ ﺟﻨﺴﻴﺘﺞ ﺷﺴﻮﻱ ﺑﻴﻬﺎ ﺍﺳﺘﻠﻢ ﺑﻴﺞ ﺭﺍﺗﺐ..بيج قصص عراقيه حقيقيه من واقعنا.روعه الطائي
ﺟﺎﻭﺑﺘﻮ ... ﻻ ﻻ ﺑﺲ ﺍﺭﻳﺪﻙ ﺗﺨﻠﻴﻬﺎ ﻋﻨﺪﻙ ﻻﻥ ﺍﺑﻮ ﻋﺪﻭﻳﻪ ﻳﺮﻳﺪ ﻧﻌﻘﺪ ﻭﺍﻧﺎ ﻣﺎﺍﺭﻳﺪﻭﻭ ﻭﺍﺫﺍ ﻣﺎﻛﻮ ﺟﻨﺴﻴﻪ ﻣﺮﺍﺡ ﻳﻌﻘﺪﻭﻥ ﻣﻮﻭ؟
ﺿﺤﻚ ﺑﻤﻜﺮ ﻭﺧﻄﻔﻬﺎ ﻣﻦ ﺍﻳﺪﻱ ﺑﻄﺮﻳﻘﺔ ﺑﻬﻠﻮﺍﻧﻴﺔ ﻛﺎﻝ .. ﺍﻛﻴﺪ ﻣﺎ ﻳﻌﻘﺪﻭﻥ ﻭﺍﻧﺘﻲ ﻧﻔﻮﺳﺞ ﺑﺎﻷﻧﺒﺎﺭ ﻭﺍﻟﻠﻪ ﻳﻄﻠﻌﻮﻥ ﻋﻴﻮﻧﻪ ﻣﻦ ﻭﺟﻪ ﻭﻣﺎ ﻳﻄﻠﻌﻮﻥ ﺟﻨﺴﻴﺘﺞ ..
ﺍﺑﺘﺴﻤﺖ ﺑﻬﺪﻭﺀ .. ﺷﻜﺮﺍ ﻣﺴﻠﻢ ﻣﺎ ﻗﺼﺮﺕ ﻳﺎﺭﻳﺖ ﺍﺑﻮ ﻋﺪﻭﻳﻪ ﻣﺜﻠﻚ ﻣﺎ ﻛﻨﺖ ﺗﺤﺴﻔﺖ ..
ﻫﻮ ﻛﺎﻥ ﻳﺮﻳﺪ ﻳﺤﻜﻲ ﺑﺲ ﺍﻧﺎ ﺗﺮﻛﺘﻮ ﻭﻧﺰﻟﺖ ﺑﺴﺮﻋﻪ ﺷﻔﺖ ﻣﺮﺗﻮ ﻟﻌﻤﻲ ﻋﺸﺘﻮ ﺗﺪﺣﻜﻠﻲ ﺑﻨﻀﺮﺍﺕ ﻣﺸﻜﻮﻙ ﺑﻴﻬﺎ ﺗﺮﻛﺘﻬﺎ ﻭﺭﺣﺖ ﻣﺴﺘﺸﺮﻓﻪ ﺑﺮﺍﺳﻲ ... ﻭﻫﻲ ﺍﺳﻘﻂ ﺧﻠﻖ ﺭﺑﻲ ...
ﺑﺪﻟﺖ ﺑﺴﺮﻋﻪ ﻭﻃﻠﻌﺖ ﺍﺧﺬﺕ ﺍﻻﻭﺭﺍﻕ ﻭﺻﻮﺭ ﻭﺭﺣﺖ ﺩﺣﻜﺖ ﺍﺑﻮ ﻋﺪﻭﻳﻪ ﺷﻔﺘﻮ ﻳﻔﺮ ﺑﺴﺒﺤﺘﻮ ﺗﻤﻨﻴﺖ ﺍﻛﻄﻌﻬﺎ ﻋﻠﺊ ﺭﺍﺳﻮ ﺍﻟﺨﺴﻴﺲ ...
ﻫﻮ ﺩﺣﻜﻠﻲ ﻭﺍﺑﺘﺴﻢ ﺑﺴﺨﺎﻓﻪ ﻭﻛﻀﺐ ﻋﻜﺎﺯﺗﻮ ﻭﻣﺸﻪ ﻛﻢ ﺧﻄﻮﻩ ﻃﻠﻊ ﻣﻦ ﺑﺎﺏ ﺍﻟﺒﻴﺖ ﻭﺍﻧﺎ ﺍﺗﺒﻌﻮ ﺑﻤﺸﻴﺘﻲ ﺩﺍﺭ ﻋﻠﻴﻪ ﻭﻛﻀﺐ ﺍﻳﺪﻱ ﺍﺗﻘﺮﻓﺖ ﻣﻨﻮ ﻛﺜﻴﻴﻴﺮ ﻭﺳﺤﺒﺖ ﺍﻳﺪﻱ ﻭﻫﻮ ﺗﺎﻓﺌﻒ ﺑﻀﻴﻖ ﻣﺎ ﺍﻫﺘﻤﻴﺖ ﺍﻟﻮ ﻳﻄﺒﻮ ﻣﺮﺽ ..
ﺭﻛﺒﻨﻪ ﺑﺴﻴﺎﺭﺓ ﻭﻛﺎﻥ ﺍﺑﻨﻮ ﻫﻮ ﺍﻟﻲ ﻳﺴﻮﻕ ﺑﺎﻟﺴﻴﺎﺭﻩ ﺷﻜﺪ ﻛﺮﻫﺘﻮ ﻫﻮ ﻋﺎﺋﻠﺘﻮﻭ ﻭﺻﻠﻨﻪ ﻟﻠﻤﺤﻜﻤﻪ ﺍﻟﻌﺎﻣﻪ ..
ﺩﺧﻠﻨﻪ ﻋﻠﺊ ﺍﻟﺤﺎﻛﻢ ﻳﻌﻘﺪ ﺍﻟﻌﻘﺪ ﻃﻠﺐ ﻣﻨﺎ ﺻﻮﺭ ﻭﺷﻐﻼﺕ ﻟﻠﻌﻘﺪ ﻭﺍﻟﺠﻨﺴﻴﻪ ...
ﺍﺑﻮ ﻋﺪﻭﻳﻪ ﺳﺤﺐ ﺍﻟﻜﻴﺲ ﻭﺩﺣﻚ ﺑﻴﻬﻢ ﺿﻞ ﻳﺪﻭﺭ ﻋﻠﺊ ﺍﻟﺼﻮﺭ ﻭﺍﻟﺠﻨﺴﻴﻪ ﺑﺲ ﻣﺎ ﻛﺎﻧﻮ ﻣﻮﺟﻮﺩﻳﻦ ..
ﺩﺣﻜﻠﻲ ﺑﻐﻀﺐ ... ﻟﺞ ﻭﻳﻦ ﺟﻨﺴﻴﺘﺞ ﻭﻳﻦ ﺍﻟﺼﻮﺭ
ﺭﻣﺸﺖ ﺑﺨﻮﻑ ... ﻣﺎ ﺍﻋﺮﻑ ﻭﻳﻦ ﺍﻟﺠﻨﺴﻴﻪ ﻣﻦ ﺯﻣﺎﻥ ﺿﺎﻋﺖ ﻭﺍﻟﺼﻮﺭ ﻣﺎﺧﺬﺕ ﺻﻮﺭ ...
ﺻﺮﺥ ﺑﻌﺼﺒﻴﺔ ... ﺍﻟﻠﻪ ﻳﻠﻌﻨﺞ ﻳﺎ ﺣﻤﺎﺭﻩ ﺷﻠﻮﻥ ﺗﻨﺴﻴﻦ ﻭﺷﻠﻮﻥ ﻣﺎ ﺗﮕﻮﻟﻴﻠﻲ ﻃﺎﺡ ﺣﻀﺞ ...
ﺣﺎﻭﻝ ﻳﺮﺷﻲ ﺍﻟﺤﺎﻛﻢ ﻭﻳﻌﻘﺪ ﺍﻟﻮﻭ ﺑﺲ ﺍﻟﺤﺎﻛﻢ ﻣﺎ ﻭﺍﻓﻖ ﻳﻌﻘﺪ ﻭﺭﺍﺩ ﺟﻨﺴﻴﻪ ﻭﺻﻮﺭ ﻭﺷﻬﺎﺩﺓ ﺍﻟﺠﻨﺴﻴﺔ ...
ﻓﺮﺣﺖ ﻣﻦ ﻣﺎ ﻋﻘﺪ ﻭﺭﺟﻌﻨﻲ ﺍﻟﻄﺮﻳﻖ ﻛﻠﻮ ﻳﺴﺐ ﻭﻳﻐﻠﻂ ﻋﻠﻴﻪ ﻭﺍﻧﺎ ﻣﺎ ﻣﻬﺘﻤﻪ ﺍﻟﻮﻭ ﺍﻥ ﺷﺎﺀ ﻟﻠﻪ ﻳﻤﻮﺕ ﻭﻧﺨﻠﺺ ﻣﻨﻮ ...
ﺭﺟﻌﺖ ﻟﻠﺒﻴﺖ ﻭﻫﻮ ﺯﻋﻼﻥ ﻣﺎ ﻧﺰﻝ ﻭﻳﺎﻳﻪ ﻭﺍﻧﺎ ﺧﻔﺖ ﺍﻃﻠﺐ ﻣﻨﻮ ﻓﻠﻮﺱ ﻭﺍﻛﻴﺪ ﻣﺮﺓ ﻋﻤﻲ ﺭﺍﺡ ﺗﻌﺎﻗﺒﻨﻲ ﻻﻧﻮ ﺗﺮﻳﺪ ﻓﻠﻮﻭﺱ ...
ﺩﺧﻠﺖ ﻭﻫﻲ ﺩﺣﻜﺘﻠﻲ ﻛﺎﻟﺖ ... ﻧﻬﻠﻬﻞ ﻟﻮ ﺑﻌﺪ
ﺟﺎﻭﺑﺘﻬﺎ ﺑﺎﺳﺘﻬﺰﺍﺀ ... ﺑﻌﺪ ﺟﻨﺴﻴﺘﻲ ﺿﺎﻳﻌﻪ ﻭﻣﺎ ﻗﺒﻠﻮ ﻳﻌﻘﺪﻭﻥ ..
ﺟﺮﺕ ﻧﻔﺲ ﻣﻘﻬﻮﺭ ... ﻭﻫﺴﻪ ﺟﺒﺘﻲ ﻣﻨﻪ ﻓﻠﻮﺱ ﻟﻮ ﺍﻧﻠﺼﻤﺘﻲ ﻭﺳﻜﺘﻲ ...
ﺭﺩﻳﺖ ﻋﻠﻴﻬﺎ ﺑﻐﺮﻭﺭ ... ﻧﺴﻴﺖ ﻭﺍﻟﻠﻪ ﺍﻥ ﺷﺎﺀ ﻟﻠﻪ ﻏﻴﺮ ﻣﺮﻩ
ﺗﺮﻛﺘﻬﺎ ﺗﺴﺐ ﻭﺗﻐﻠﻂ ﻭﺗﻔﺸﺮ ﺍﻟﻌﺎﻳﻘﻪ ﺍﻟﺴﺎﻗﻄﻪ ﺍﻟﻬﻴﺞ ﻓﻌﻠﺞ ﻭﻫﻴﺞ ﺗﺮﻛﺞ ﺍﻧﻘﻬﺮﺕ ﻛﺜﻴﺮ ﻣﻦ ﻛﻼﻣﻬﺎ ﺑﺲ ﻣﺎ ﺑﺎﻟﻴﺪ ﺣﻴﻠﻪ ...
ﺩﺧﻠﺖ ﻟﻠﻐﺮﻓﻪ ﺷﻔﺖ ﺗﻮﻟﻴﻦ ﺗﻌﺰﻝ ﻭﺗﺮﺗﺐ ﺑﺎﻟﻐﺮﻓﻪ ﺣﻀﻨﺘﻬﺎ ﺑﺪﻭﻥ ﺳﺎﺑﻖ ﺍﻧﺬﺍﺭ ﻭﺑﺴﺘﻬﺎ ﻭﻫﻲ ﺣﻀﻨﺘﻨﻲ ﻭﺑﻜﺖ ﻫﻤﺴﺖ ﺑﺼﻮﺕ ﺣﺰﻳﻦ ﺑﺎﻛﻲ ... ﻗﺪﺭ ﺍﺭﻳﺪ ﺍﻣﻲ ﺍﺣﺒﻬﺎ ...
ﺟﺎﻭﺑﺘﻬﺎ ﺑﺤﺰﻥ ... ﺍﻧﺎ ﺍﻣﻚ ﻻ ﺗﺨﺎﻓﻲ ...
ﺍﺭﻳﺪ ﺍﺣﺎﻓﻆ ﻋﻠﻰ ﺍﺧﻮﺍﻧﻲ ﺗﻌﺒﺖ ﻭﺍﻧﺎ ﻗﻠﻘﻪ ﻛﻞ ﻳﻮﻡ ﻭﻣﺎ ﺣﺎﺳﻪ ﺑﺄﻣﺎﻥ ﺑﺴﺒﺐ ﺍﻓﻌﺎﻝ ﻋﻤﻲ ﻛﺎﻧﻮ ﻏﻮﻭﻝ ﻫﻮ ﻭﻣﺮﺗﻮ
............................
ﺗﺎﺝ ..
ﻧﺰﻟﺖ ﻣﻦ ﻓﻮﻭﻙ ﻣﻦ ﻏﺮﻓﺘﻲ ﺷﺎﻓﺘﻨﻲ ﻣﻴﺲ ﻛﺎﻟﺖ ... ﻻ ﺗﺪﺧﻠﻴﻦ ﺍﺑﺎﺫﺭ ﺟﻮﻩ ﺑﺎﻻﺳﺘﻘﺒﺎﻝ ﻫﻮ ﻭﺑﺎﺑﺎ ﻭﻋﻤﻮ
ﺑﻠﻌﺖ ﺭﻳﻜﻲ .. ﻳﺒﻮﻭﻭ ﺑﺲ ﻻ ﻳﺤﺠﻲ ﻋﻦ ﻋﺮﻛﺘﻨﻪ
ﺭﺣﺖ ﺑﺴﺮﻋﻪ ﺍﺗﺼﻨﺖ ﻋﻠﺊ ﻛﻼﻣﻬﻢ ﺍﻭﻝ ﺧﻤﺲ ﺩﻗﺎﻳﻖ ﺟﺎﻥ ﻛﻼﻡ ﻛﻮﻭﻟﺶ ﻋﺎﺩﻱ ﻭﺑﻌﺪﻫﺎ
ﺳﻤﻌﺘﻪ ﻛﺎﻝ ﺑﻬﺪﻭﺀ ﻭﺣﺰﻡ ... ﺍﻧﺘﻢ ﻋﻤﺎﻣﻲ ﻭﺍﻧﻲ ﺑﻨﺼﻜﻢ ﺑﺲ ﺍﻟﻴﻮﻡ ﺟﺎﻳﻜﻢ ﺑﻤﻮﺿﻮﻉ ﻭﺍﻥ ﺷﺎﺀ ﻟﻠﻪ ﻗﺒﻞ ﻣﺎ ﺍﻧﻲ ﺍﺣﻠﻪ ﺍﺭﻳﺪﻛﻢ ﺍﻧﺘﻢ ﺗﺤﻠﻮﻭ ..
ﺟﺎﻭﺑﻪ ﺑﺎﺑﺎ ... ﺷﻜﻮ ﺧﻴﺮ ﻳﺎ ﺳﺘﺎﺭ ...
ﻫﻮ ﺭﺩ ﺑﻨﻔﺲ ﺍﻟﻬﺪﻭﺀ ... ﺍﻧﻲ ﺍﺭﻳﺪ ﺍﻓﺴﺦ ﺍﻟﺨﻄﺒﻪ ...
ﻣﻦ ﻛﺎﻝ ﺍﺭﻳﺪ ﺍﻓﺴﺦ ﺍﻟﺨﻄﺒﻪ ﺍﻧﺼﺪﻣﺖ ﻭﺣﺴﻴﺖ ﻫﻤﺶ ﺍﻧﻮﺛﺘﻲ ﺭﻓﺾ ﻛﺒﻴﺮ ﻣﻨﻪ ﻟﻼﺳﻒ ﺣﻴﻴﻞ ﺧﺪﺷﻨﻲ ﻭﻃﻌﻨﻲ ﺍﺟﻴﺖ ﺍﺩﺧﻞ ﻭﺍﻛﻠﻪ ﺩﻃﻴﺮ ﻣﻴﺘﻪ ﻋﻠﻴﻚ ﺑﺲ ﺻﺒﺮﺕ ﻧﻔﺴﻲ ...
ﻋﻤﻮ ﻣﻌﺘﺼﻢ ﺭﺩ ﻋﻠﻴﻪ ... ﻟﻴﺶ ﺷﻨﻮ ﺍﻟﺼﺎﺭ ﺩﻛﻮﻝ ﻳﺎﻟﻠﻪ
ﻫﻮ ﺟﺮ ﻧﻔﺲ ﻋﻤﻴﻖ ﻛﺎﻝ ... ﻭﺍﻟﻠﻪ ﺗﺎﺝ ﻳﻨﺮﺍﺩ ﺍﻟﻬﺎ ﻛﻠﺐ ﺑﮕﺪ ﺑﻐﺪﺍﺩ ﻭﺍﻧﻲ ﺑﺼﺮﺍﺣﻪ ﻣﺎﺍﻛﺪﺭ ﺍﺗﻘﻠﻢ ﻭﻳﺎﻫﺎ ﺍﺧﺎﻑ ﺍﺋﺬﻳﻬﺎ ﺧﻠﻴﻨﻪ ﻧﻔﺴﺦ ﺍﻟﻌﻘﺪ ﻭﻳﺮﻭﺡ ﻛﻠﻤﻦ ﺑﺤﺎﻝ ﺳﺒﻴﻠﻪ ...
ﻭﺍﻟﺒﻨﺎﺕ ﻋﻨﺪﻫﺎ ﻣﻨﺎ ﻟﻤﻦ ﺗﻨﺘﻤﻲ ﻟﻐﻴﺮ ﻋﺎﺋﻠﻪ ﺑﻬﺬﺍﻙ ﺍﻟﻮﻗﺖ ﺍﻧﻲ ﺑﻨﺎﺕ ﺍﺧﻮﻭﻱ ﺍﺧﺬﻫﻦ ...
ﺑﺎﺑﺎ ﺟﺎﻭﺑﻪ ... ﺑﺲ ﺍﻟﺒﻨﺎﺕ ﺍﻣﺎﻧﺔ ﺍﺧﺘﻬﺎ ﺍﻟﻬﺎ ﻣﺎﺗﻜﺪﺭ ﺗﻀﺤﻲ ﺑﻴﻬﻦ ...
ﻫﻮ ﺳﻜﺖ ﺛﻮﺍﻧﻲ ﻭﺑﻌﺪﻫﺎ ﻛﺎﻝ ... ﻭﺍﻟﻠﻪ ﻋﻤﻲ ﺍﻧﺖ ﺍﻋﻘﻠﻬﺎ ﻣﻨﻮ ﻳﻘﺒﻞ ﻳﺨﻠﻲ ﺑﻨﺎﺕ ﺍﺧﻮ ﻋﻨﺪ ﺍﻟﻐﺮﺏ ﺍﺫﺍ ﻳﻀﻠﻦ ﻋﻨﺪﻙ ﺍﻧﻲ ﻣﺎﻋﻨﺪﻱ ﺍﺷﻜﺎﻝ ﺑﺲ ﻣﺎﻝ ﺗﺰﻭﺝ ﻭﺗﺎﺧﺬﻫﻦ ﻻ ﻫﻨﺎ ﺍﻟﻲ ﺭﺃﻱ ﺍﺧﺮ ...
ﻣﻌﺘﺼﻢ ... ﻟﻴﺶ ﻣﺎ ﺍﺻﻴﺢ ﺍﻟﻬﺎ ﻭﺗﺤﺠﻲ ﻭﻳﺎﻫﺎ ﻭﺗﺤﻠﻮﻥ ﻣﺸﺎﻛﻠﻜﻢ ﻣﻮ ﺍﺣﺴﻦ
ﻫﻮ ﻛﺎﻝ ... ﻻ ﻻ ﻣﺎﻛﻮ ﺩﺍﻋﻲ ﺗﺎﺝ ﻣﺠﺮﻭﺣﻪ ﻣﻦ ﻋﺎﺋﻠﺘﻲ ﻭﺟﺎﻱ ﺗﻄﻠﻊ ﺣﺮﻛﺔ ﻛﻠﺒﻬﺎ ﺑﻴﻪ ﺍﺷﻮﻑ ﻃﺮﻳﻘﻨﻪ ﻣﺴﺪﻭﺩ ﺧﻠﻴﻬﺎ ﺗﺮﺗﺎﺡ ﻭﺍﻧﻲ ﺍﺭﺗﺎﺡ ﻭﺻﺢ ﺑﻨﺖ ﻋﻤﻲ ﻭﺗﻌﺰ ﻋﻠﻴﻪ ﺑﺲ ﻛﻠﺸﻲ،ﺑﺎﻟﻘﺴﻤﻪ ﺍﺣﺘﻤﺎﻝ ﻣﻮ ﻗﺴﻤﺘﻲ ...
ﺣﻴﻞ ﺍﻧﻘﻬﺮﺕ ﻣﻦ ﻛﻼﻣﻪ ﻣﻮ ﺍﻧﻲ ﺍﻟﻲ ﺍﻧﺘﺮﻙ ﻭﺍﻧﺴﺤﻞ ﻫﻴﺞ ﺳﺤﻠﻪ ﻋﺪﻟﺖ ﺣﺠﺎﺑﻲ ﻭﻓﺘﺤﺖ ﺍﻟﺒﺎﺏ ﺑﺠﺒﺮﻭﺕ ﺍﺑﺘﺴﻤﺖ ﺑﺘﺼﻨﻊ ﻫﻤﺴﺖ ... ﺍﻟﺴﻼﻡ ﻋﻠﻴﻜﻢ
ﻫﻮ ﺑﺴﺮﻋﻪ ﻧﺰﻝ ﻋﻴﻮﻧﻪ ﻋﻠﺊ ﺍﺳﺘﻜﺎﻥ ﺍﻟﺠﺎﻱ ﻛﺎﻝ .. ﻭﻋﻠﻴﻜﻢ ﺍﻟﺴﻼﻡ ...
ﺑﺎﻭﻋﺖ ﻟﻌﻤﻮ ﻭﺑﺎﺑﺎ ﻭﺭﺣﺖ ﻛﻌﺪﺕ ﻋﻠﺊ ﺍﻟﻘﻨﻔﻪ ﺑﺎﻟﺠﻬﻪ ﺍﻟﺜﺎﻧﻴﻪ ﻛﺘﻠﻬﻢ ﺑﻀﺤﻜﻪ ... ﺷﻜﻮ ﺻﺎﻳﺮ ﺷﺊ ...
ﺑﺎﺑﺎ ﻭﻛﻒ ﻭﻣﺪ ﺍﻳﺪﻩ ﺍﻟﻤﻌﺘﺼﻢ ﻛﺎﻝ ... ﻣﺎﻛﻮ ﺷﺊ،ﻭﻳﺎﻟﻠﻪ ﺧﻮﻭﻳﻪ ﻋﻮﻓﻬﻢ ﻳﺘﻔﺎﻫﻤﻮﻥ ..
ﻣﻌﺘﺼﻢ ﻛﺎﻝ ... ﺍﻱ ﻳﺎﻟﻠﻪ ...
ﻭﺧﻠﻮ ﻭﻃﻠﻌﻮﻭ ...
ﺿﻠﻴﺖ ﻣﺮﻛﺰﻩ ﻋﻠﻴﻪ ﻭﻫﻮ ﻓﺘﺢ ﺑﺎﻛﻴﺖ ﺍﻟﺠﻜﺎﻳﺮ ﻭﻃﻠﻊ ﺍﻟﺠﺪﺍﺣﻪ ﻭﻛﻌﺪ ﻳﺪﺧﻦ ﻭﻻ ﻣﻌﺘﺮﻑ ﺑﻴﻪ ﻭﻻ ﺣﺘﺊ ﻳﺒﺎﻭﻉ ﻋﻠﻴﻪ ...
ﺣﺠﻴﺖ ﺑﻘﻬﺮ ... ﻧﺎﻭﻱ ﺗﻔﺴﺦ ﺍﻟﺨﻄﺒﻪ ...بيج قصص عراقيه حقيقيه من واقعنا.روعه الطائي
ﺑﺎﻭﻋﻠﻲ ﻭﻋﻘﺪ ﺣﻮﺍﺟﺒﻪ ﻭﺟﺮ ﻧﻔﺲ .. ﺑﺼﺮﺍﺣﻪ ﺍﻱ ﻫﺬﺍ ﺍﻓﻀﻞ ﺣﻞ ﺍﻟﻨﻪ
ﺿﺤﻜﺖ ﺑﺎﺳﺘﻬﺰﺍﺀ ... ﺭﺧﻴﺼﻪ ﻣﻮﻭ ﺍﻧﻲ ﺭﺧﻴﺼﻪ ﺣﺘﺊ ﺍﻧﺖ ﻭﺍﺧﻮﻙ ﻭﺍﺣﺪ ﻳﺸﻤﺮﻧﻲ ﻋﻠﺊ ﺍﻟﺦ ...
ﻫﻮ ﺧﺰﺭﻧﻲ ﺑﺤﺪﻩ ﻛﺎﻝ ... ﺍﺣﺘﺮﻣﻲ ﻧﻔﺴﺞ ﺷﻨﻮ ﺭﺧﻴﺼﻪ ﺗﻔﻜﻴﺮﺝ ﻣﻨﺤﻂ ﺍﻧﻲ ﻣﺎ ﺭﺧﺼﺘﺞ ﺍﻧﺘﻲ ﺍﺳﻠﻮﺑﺞ ﺟﺎﻑ ﻭﻣﻌﻘﺪﻩ ﺣﻴﻴﻞ ﻭﻳﺤﺘﺎﺝ ﺍﻟﺞ ﻃﺒﻴﺐ ﻧﻔﺴﻲ ﻣﺎ ﺍﻋﺮﻑ ﺷﻠﻮﻥ ﺍﺗﺼﺮﻑ ﻭﻳﺎﺝ ...
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ .. ﻣﻌﻘﺪﻩ !!!! ﻣﻨﻮﻭ ﺳﻮﻩ ﺑﻴﻪ ﻋﻘﺪﻩ ﻏﻴﺮ ﺍﺧﻮﻭﻭ ؟ ﺍﻟﻠﻪ ﻳﻨﺘﻘﻢ ﻣﻨﻬﻢ ﺣﻘﺮﺍﺀ ...
ﺍﺣﺘﺎﺝ ﻃﺒﻴﺐ ﻧﻔﺴﻲ ﻣﺮﻳﻀﻪ ﺍﻧﻲ ﺣﺴﻴﺖ ﺑﺮﺟﻔﻪ ﺑﺎﻃﺮﺍﻓﻲ ﺑﺎﻭﻋﺘﻠﻪ ﺑﺤﻴﺮﻩ ﻭﺿﻌﻒ ﺭﺟﻔﺖ ﺷﻔﺎﻳﻔﻲ ﻫﺎﻱ ﺛﺎﻧﻲ ﻣﺮﻩ ﺍﺑﺠﻲ ﺑﻮﺟﻮﺩﻩ ﻭﺑﺤﻀﺮﺗﻪ ...
ﻫﻮ ﻣﻦ ﺷﺎﻓﻨﻲ ﻫﻴﺞ ﺯﻓﺮ ﻧﻔﺴﻪ ﺑﻀﻴﻖ ﻭﻫﺰ ﺭﺍﺳﻪ ﺑﺎﺳﺊ
ﻭﺍﻧﻲ ﺣﻄﻴﺖ ﺍﺩﻳﻪ ﻋﻠﻰ ﻭﺟﻬﻲ ﻭﺑﺠﻴﺖ ﻭﻛﺘﻤﺖ ﺻﺮﺧﺎﺗﻲ ..
ﻫﻮ ﻭﻛﻒ ﻭﺍﺟﻪ ﻛﻌﺪ ﻳﻤﻲ ﺳﺤﺒﻨﻲ ﺍﻟﺤﻀﻨﻪ ﻭﺍﻧﻲ ﺍﺑﺠﻲ ﻛﺎﻝ .. ﻻ ﺍﻟﻪ ﺍﻻ ﺍﻟﻠﻪ ﺷﺒﻴﺞ ﺑﺎﺑﺎ ﻟﻴﺶ ﺗﺒﺠﻴﻦ
ﺩﻓﻌﺘﻪ ﺑﻐﻀﺐ ﻭﺻﺮﺧﺖ ﺑﻮﺟﻬﻪ .... ﺍﻧﻲ ﻣﺮﻳﻀﻪ ﻣﻌﻘﺪﻩ ﻫﻴﺞ ﺍﻧﻲ ﺑﻨﻈﺮﻙ ﻣﺘﻜﺪﺭ ﺗﻜﻤﻞ ﺣﻴﺎﺗﻚ ﻭﻳﻪ ﻭﺣﺪﻩ ﻧﺬﻟﺖ ﻣﻦ ﺍﺧﻮﻭﻭﻙ ﻟﻚ ﺍﻧﻲ ﻟﻮ ﺍﻧﺘﺤﺮ ﻣﺜﻞ ﺍﺧﺘﻲ ﻣﺤﺪ ﻳﻠﻮﻣﻨﻲ ﺍﻛﺮﺭﺭﻫﻚ ..
ﺿﻤﻨﻲ ﺣﻴﻴﻞ ﻟﺼﺪﺭﻩ ﺣﺎﻭﻟﺖ ﺍﺩﻓﻌﻪ ﻭﺍﺧﻠﺺ ﺭﻭﺣﻲ ﻣﻨﻪ ﺑﺲ ﻣﻜﺪﺭﺕ ﻗﻴﺪﻧﻲ ﺣﻴﻞ ﻭﻫﻮ ﻳﻬﺪﺀ ﺑﻴﻪ ﻫﻤﺲ ﺑﺼﻮﺕ ﺗﻌﺒﺎﻥ .. ﺗﻨﺘﺤﺮﻳﻦ؟ ﻟﺞ ﻟﺤﺪ ﺍﻻﻥ ﺍﺻﻔﻦ ﻭﺍﻛﻮﻝ ﺷﻠﻮﻥ ﺻﺒﺎﺡ ﺟﺎﻧﻮ ﻳﻌﺪﻭﻧﻪ ﻭﻳﻪ ﺍﻟﺰﻟﻢ ﻭﻫﻮ ﻣﺮﺗﻪ ﻣﺎ ﺣﺎﻓﻆ ﻋﻠﻴﻬﺎ ﻭﺗﻨﺤﺮﺕ ﻣﻦ ﺗﻘﺼﻴﺮﻩ ﻭﺗﺼﺮﻓﺎﺗﻪ ﻏﻴﺮ ﺍﺫﺍ ﺍﺗﺰﻭﺟﺖ ﻭﺻﺮﺗﻲ ﻣﺮﺗﻲ ﻭﻣﺴﻴﺘﻲ ﺭﻭﺣﺞ ﺑﻀﺮ ﻣﺜﻞ ﺍﺧﺘﺞ ﻭﺍﻟﻠﻪ ﺍﺟﺮﻡ ﺑﺮﻭﺣﻲ ﻭﻻ ﺍﻗﺒﻞ ﺗﻜﺘﻠﻴﻦ ﺭﻭﺣﺞ ﺑﺴﺒﺒﻲ ...
بيج قصص عراقيه حقيقيه من واقعنا.روعه الطائي
ﺭﻓﻊ ﺭﺍﺳﻲ ﻣﻦ ﺻﺪﺭﻩ ﻭﻣﺴﺢ ﺩﻣﻮﻋﻲ ﺑﺎﻭﻋﻠﻲ ﺑﺤﺰﻡ ﻛﺎﻝ ... ﺩﻳﺮﻱ ﺑﺎﻟﺞ ﺗﺬﻛﺮﻳﻦ ﺍﻭ ﺗﻔﻜﺮﻳﻦ ﺑﺎﻻﻧﺘﺤﺎﺭ ﻣﻬﻤﺎ ﻳﻜﻮﻥ ﻭﻣﻬﻤﺎ ﻳﺼﻴﺮ ﻻ ﺗﻐﻀﺒﻴﻦ ﺭﺑﺞ ﻣﻘﺎﺑﻴﻞ ﺭﺿﺎ ﻧﻔﺴﺞ ﺍﻭ ﺍﻟﺒﺸﺮ ... ﺗﺎﺍﺍﺝ ﺍﻧﺘﻲ ﻣﺮﺗﻲ ﻣﺎ ﺍﺳﻤﺤﻠﺞ ﻣﺠﺮﺩ ﺗﻔﻜﻴﺮ ﺑﻬﻴﺞ ﻛﻼﻡ ﺍﺻﻼ ﻻ ﺗﻄﺮﻳﻨﻪ ﻋﻠﺊ ﺑﺎﻟﺞ ...
ﺿﻠﻴﺖ ﺳﺎﻛﺘﻪ ﻭﺻﺎﻓﻨﻪ ﺑﻤﻼﻣﺤﻪ ﺍﻭﻝ ﻣﺮﻩ ﺍﻧﺘﺒﻪ ﻟﺮﻭﻧﻖ ﻋﻴﻮﻧﻪ ﻭﻟﻤﻌﻪ ﺍﻟﻬﺎﻳﻤﻪ ﺑﻴﻬﻦ ﻛﺴﺮﺕ ﻧﻀﺮﺍﺗﻲ ﺑﺤﻴﺎ ...
ﻫﻤﺴﺖ ﺑﺘﺮﺩﺩ ... ﺍﺭﻳﺪ ﻓﻠﻮﺱ ﺍﺷﺘﺮﻱ ﻧﻴﺸﺎﻥ ..
ﺿﺤﻚ ﻛﺎﻝ .. ﻣﻮ ﻧﺮﻳﺪ ﻧﻔﺴﺦ
ﺑﺎﻭﻋﺘﻠﻪ ﺑﺤﺪﻩ ﻭﻋﺪﻡ ﺭﺿﺎ ...
ﺭﺟﻊ ﺿﺤﻚ ﺑﺼﻮﺕ ﻋﺎﻟﻲ ﻛﺎﻝ ... ﺷﻜﺪ ﺗﺮﺩﻳﻦ
ﻫﻤﺴﺖ .. ﺧﻤﺲ ﻣﻼﻳﻴﻦ ﻟﻠﺬﻫﺐ ﻭﺍﻟﻤﻼﺑﺲ ...
ﺑﺎﻭﻋﻠﻲ ﺑﺸﻚ ﻛﺎﻝ ... ﺍﻭﻙ ﺧﻤﺲ ﻣﻼﻳﻴﻦ ﻭﺍﻛﺜﺮ ﺑﺎﺟﺮ ﻳﻤﺞ ﺑﺲ ﺍﺧﺬﺝ ﻭﺍﻧﻲ ﺍﺷﺘﺮﻳﻠﺞ ﺑﻌﺪ ﺷﺘﺮﺩﻳﻦ ...
ﺟﺎﻭﺑﺘﻪ ﺑﺼﺪﻣﻪ ... ﻻ ﺷﻨﻮ ﺍﻧﻲ ﺍﺷﺘﺮﻱ ﻋﻠﺊ ﺷﻨﻮ ﺭﺍﻳﺢ ﻭﻳﺎﻳﻪ ﻭﺑﻌﺪﻳﻦ ﻣﺎﻛﻮ ﺩﺍﻋﻲ ... ﻭﺍﺳﺘﺤﻲ ﺍﺷﺘﺮﻱ ﻣﻼﺑﺲ ﻭﺍﻧﺖ ﻭﻳﺎﻳﻪ ...
ﻛﺎﻝ ... ﺍﻭﻙ ﺍﺩﺯﻟﺞ ﻓﻠﻮﺱ ﺍﻟﻤﻼﺑﺲ ﻭﺍﻟﺬﻫﺐ ﻧﺸﺘﺮﻱ ﺳﻮﻩ ... ﻭﻻ ﺗﻜﻮﻟﻴﻦ ﺍﺳﺘﺤﻲ ﺗﺮﺉ ﺍﻟﺬﻫﺐ ﻣﺎﺑﻲ ﺧﺠﻞ ...
ﺍﺑﺘﺴﻤﺖ ﺑﻤﺮﺡ ﻛﺘﻠﻪ ... ﺍﺣﺴﻚ ﺑﺨﻴﻞ ﻭﻏﺎﻟﺐ ﺧﻠﻒ ﺳﺘﻪ ﺻﻔﺮ ... ﻭﺍﻧﻲ ﻛﻮﻭﻭﻟﺸﻲ ﻭﻻ ﺍﻟﺒﺨﻴﻞ ﺍﻛﻮ ﻣﻘﻮﻟﻪ ﺩﻛﻮﻝ ﺭﺟﺎﻝ ﻻ ﻳﺼﻠﺤﻮﻥ ﻟﻠﺰﻭﺍﺝ ... ﻗﻠﻴﻞ ﺍﻟﺪﻳﻦ .. ﻭﻗﻠﻴﻞ ﺍﻻﺧﻼﻕ
ﻭﺯﺍﺋﻎ ﺍﻟﻨﻈﺮ .. ﻭﺍﻟﺒﺨﻴﻞ .. ﻭﺳﺊ ﺍﻟﻤﺰﺍﺝ ...
ﻫﻮ ﺭﻓﻊ ﺣﺎﺟﺐ ﻣﻘﺎﺑﻞ ﺑﻜﻼﻣﻲ
ﺿﺤﻜﺖ ... ﻻ ﻻ ﺍﻧﺖ ﻣﻮ ﻛﻠﻬﻢ ﺑﺲ ﺑﺨﻴﻞ ..
ﻛﺎﻝ ... ﻻ ﻣﻮ ﺑﺨﻴﻞ ﺑﺲ ﺍﺣﺐ ﺍﺧﻠﻲ ﻛﻞ ﻓﻠﺲ،ﺑﻤﻜﺎﻧﻪ ﺍﻟﺼﺢ ...
ﺑﻠﻌﺖ ﺭﻳﻜﻲ،ﻛﺘﻠﻪ ... ﺷﻨﻮ ﻗﺼﺪﻙ
ﺟﺎﻭﺏ ﺑﻤﻜﺮ ... ﻣﺎﻟﻲ،ﻗﺼﺪ ﻛﺘﻠﺞ ﺍﻧﻄﻴﺞ ﻧﺺ ﺍﻟﻤﺒﻠﻎ ﻣﻮ ﺑﺨﻞ ﺑﺲ،ﻏﺎﻳﺔ ...
ﺳﻜﺘﺖ ﺑﺲ ﺧﺎﻳﻔﻪ ﻣﻦ ﻣﺮﺍﻭﻏﺘﻪ ﺍﻟﻴﻪ ﺑﺎﻟﻜﻼﻡ ﻣﺎﺍﻋﺮﻑ ﺷﻨﻮ ﻳﻘﺼﺪ ...بيج قصص عراقيه حقيقيه من واقعنا.روعه الطائي
ﺑﺲ ﺣﺒﻴﺖ ﺍﻃﻤﻦ ﺍﻟﻮﺿﻊ ﺿﺤﻜﺖ ﻛﺘﻠﻪ ... ﺍﻟﻤﻘﻮﻟﻪ ﺩﻛﻮﻝ ﻗﻠﻴﻞ ﺍﻟﺪﻳﻦ ﻋﺎﺩ ﻣﺎﺍﻋﺮﻑ ﺍﻧﺖ ﻣﺘﺪﻳﻦ ﻻ ...
ﺿﺤﻚ ﻛﺎﻝ ... ﻧﺺ ﻭﻧﺺ
- ﻗﺼﺪﻙ ... ﺳﺎﻋﻪ ﻟﺮﺑﻚ ﺳﺎﻋﻪ ﻟﻜﻠﺒﻚ ...
ﺍﺑﺘﺴﻢ ﻭﻣﺠﺎﻭﺏ ...
ﻛﺘﻠﻪ .. ﻗﻠﻴﻞ ﺍﻻﺧﻼﻕ،ﺍﻧﺖ ﺍﺧﻼﻗﻚ ﺷﻠﻮﻧﻬﺎ ﻭﻟﻮ ﺍﻳﺴﺖ ﻣﻦ ﻛﻠﺖ ﺷﺮﺑﺖ ﺑﺄﻣﻴﺮﻛﺎ ﺣﺘﺊ ﺗﻨﺴﺊ ﺍﻟﻐﺮﺑﻪ ..
ﺿﺤﻚ ﺑﺼﻮﺕ ﻋﺎﻟﻲ . ﻛﺎﻝ ... ﺍﺧﻼﻗﻲ ﻋﺎﻝ ﺍﻟﻌﺎﻝ ﻣﺎ ﻋﻠﻴﻬﻦ ﻏﺒﺎﺭ
ﺭﺩﻳﺖ ... ﺍﻱ ﻣﺒﻴﻦ ﻣﻦ ﺻﺪﻳﻘﺎﺗﻚ ﺍﻻﻣﺮﻳﻜﻴﺎﺕ ﺍﺑﻮ ﺍﻟﺒﻨﺎﺕ
ﺟﺎﻭﺏ ﺑﺤﺰﻡ ... ﻻ ﻋﺎﺩﻱ ﻣﺠﺮﺩ ﻃﻠﺐ ﺻﺪﺍﻗﻪ ﻻ ﺍﻛﺜﺮ ﻭﻻ ﺍﻛﺜﺮ ...
.. ﺑﺲ ﻣﺎﺍﻋﺮﻑ ﺍﺣﺲ ﻭﺟﻮﺩﻫﻢ ﻣﺤﻠﻮﻭ ﺑﻤﻮﺑﺎﻳﻠﻚ ﺣﺘﺊ،ﻭﺍﻥ ﻛﺎﻧﻮ ﻣﻦ ﻃﻠﺒﺎﺕ ﺍﻟﺼﺪﺍﻗﻪ ...
ﺍﺑﺘﺴﻢ ﺑﻬﺪﻭﺀ ﻭﺳﻜﺖ ... ﻳﺎﺭﺑﻲ ﻳﻤﻮﺗﻨﻲ ﻳﺰﻋﺠﻨﻲ ﻣﻴﺤﺠﻲ ﻫﻮﻭﻭﺍﻳﻪ ﺍﺣﺴﻪ ﻏﺎﻣﺾ ﻟﻴﺶ،ﻣﺠﺎﻱ ﺍﻓﺘﻬﻤﻪ ﺍﺭﻳﺪ ﺍﻓﺘﺢ ﻣﻮﺿﻮﻉ ﻭﻳﺎﻩ ﻳﺴﻜﺖ ﻣﻴﺤﺠﻲ
ﻳﺨﻠﺼﻬﺎ ﻳﻮﺯﻉ ﺍﺑﺘﺴﺎﻣﺎﺕ ...
ﻛﻤﻠﺖ ﻛﻼﻣﻲ ... ﺍﺧﺮ ﻧﻘﻄﻪ ﺳﺊ ﺍﻟﻤﺰﺍﺝ ﺑﺎﻟﻠﻪ ﻛﻮﻟﻠﻨﻪ ﻣﺰﺍﺟﻚ ﺑﺮﺗﻘﺎﻟﻲ ﺑﻨﻔﺴﻲ ﻭﺭﺩﻱ ...
ﻛﺎﻝ ... ﺣﺴﺐ ﺍﻟﺤﺎﻟﻪ ﻭﺣﺴﺐ ﺍﻻﻧﻮﺍﺀ ﺍﻟﺠﻮﻳﻪ ﻭﺣﺴﺐ ﺍﻟﻤﻮﻗﻒ ﻣﻦ ﺗﻌﺎﺷﺮﻳﻨﻲ ﺗﻌﺮﻓﻴﻨﻲ ﺑﺲ ﺻﺪﻛﻴﻨﻲ ﺍﻧﻲ ﻋﻠﺊ ﺍﻟﺤﻖ ﻭﻣﺎ ﺍﺣﺐ ﺍﻱ ﺷﺨﺺ ﻳﺪﻭﺳﻠﻲ،ﻋﻠﺊ ﻃﺮﻑ ...
ﺗﺎﺝ ... ﻳﻌﻨﻲ ﺷﻨﻮﻭ؟
ﺍﺑﺎﺫﺭ ... ﻳﻌﻨﻲ ﺍﻟﻲ ﻳﻨﺪﻙ ﺑﻴﻪ ﻣﺎ ﺍﺭﺣﻢ ﺑﺤﺎﻟﻪ ﺍﻱ ﺣﺘﺊ ﻟﻮ ﺍﺧﻮﻭﻱ ﺍﺑﻦ ﺍﻣﻲ ﻭﺍﺑﻮﻭﻱ ﺣﺎﻟﻴﺎ ﻣﺰﺍﺟﻲ ﺍﺳﻮﻭﺩ ﻣﻦ ﻧﺎﺣﻴﺔ ﺭﺍﺿﻲ ...
ﺑﺎﻭﻋﺘﻠﻪ ﺑﺤﺬﺭ ... ﻭﺍﻧﻲ
ﺿﺤﻚ ... ﻻ ﻭﺭﺩﻱ ﺑﺲ ﻳﺎ ﺗﺎﺝ ﺍﻟﺤﻠﻴﻢ ﺗﻜﻔﻲ ﺍﺷﺎﺭﺓ ﻣﺎ ﺍﺭﻳﺪ ﻣﺰﺍﺟﻲ ﻳﺴﻮﺩ ﻣﻦ ﻧﺎﺣﻴﺘﺞ ﻭﺍﻧﻲ ﺍﺣﺠﻲ ﻟﻤﺼﻠﺤﺘﺞ ...
ﺳﻜﺘﺖ ﺧﺎﻳﻔﻪ ﻳﺎﺭﺑﻲ ﻫﺬﺍ ﺷﻴﻌﺮﻑ ﻋﻨﻲ ﻟﻴﺶ ﻫﻴﺞ ﺍﺣﺴﻪ ﻛﺎﺷﻔﻨﻲ ﻳﺎﺭﺑﻲ ﺷﺪﻳﺼﻴﺮ ... ﻣﻌﻘﻮﻟﻪ ﻛﺎﺷﻔﻨﻲ ...
ﻫﻮ ﻭﻛﻒ ﻛﺎﻝ .. ﻳﺎﻟﻠﻪ ﺍﻧﻲ ﺍﺗﺮﺧﺺ ﻭﺑﺎﺟﺮ ﺍﺩﺯﻟﺞ ﺍﻓﻠﻮﺱ ﺍﻟﻨﻴﺸﺎﻥ ...
ﻫﺰﻳﺖ ﺭﺃﺳﻲ ﺑﻘﺒﻮﻝ ﻭﺍﻧﻲ،ﻣﺼﺪﻭﻣﻪ ...
ﺍﺧﺬ ﻃﺮﻳﻖ ﻭﺧﻠﻪ ﻭﻃﻠﻊ ... ﺑﻌﺪ ﻣﺎ ﺳﻠﻢ ﻋﻠﻴﻪ ﻭﻃﻠﺐ ﻳﺸﻮﻑ ﺍﻟﺒﻨﺎﺕ ﻭﺑﻮﺳﻬﻦ ...
ﺭﺣﺖ ﺑﺴﺮﻋﻪ ﺑﻌﺪ ﻣﺎ ﺭﺍﺡ ﺗﺮﺍﺳﻠﺖ ﻭﻳﺦ ﺧﺎﻟﻪ ﺣﺠﻴﺖ ﺍﻟﻬﺎ ﻋﻦ ﺍﻟﺼﺎﺭ ﻛﺎﻟﺖ .. ﺷﻔﺘﻲ ﺑﻌﺪﻩ ﻣﺎ ﺻﺮﺗﻲ ﻋﻠﺊ،ﺫﻣﺘﻪ ﻭﻻ ﺻﺎﺭﺕ ﺑﻴﻨﻜﻢ ﻣﺸﺎﻛﻞ ﻗﻮﻳﻪ ﺗﺨﻠﻪ ﻋﻨﺞ ﻣﺎ ﻳﻔﺮﻕ ﻋﻦ ﺻﺒﺎﺡ ﺑﺄﻱ ﺷﺊ ﺍﺧﺬﻱ ﺍﻟﻔﻠﻮﺱ ﻭﻧﻌﻴﺶ ﻋﻴﺸﺔ ﻣﻠﻮﻙ
ﻛﻠﺘﻠﻬﺎ ... ﺑﺲ ﻣﻘﺒﻞ ﻳﻨﻄﻴﻨﻲ ﻛﻠﻬﻢ ﺑﺲ ﻣﻠﻴﻮﻧﻴﻦ ﻭﻧﺺ
ﺟﺎﻭﺑﺖ ... ﻣﻴﺨﺎﻟﻒ ﻋﻨﺪﺝ ﺫﻫﺒﺞ ﻣﻦ ﺻﺒﺎﺡ ﺍﻧﺒﻴﻌﻪ ﻭﻧﺴﺎﻓﺮ ﺗﻤﺎﻡ؟
ﻛﻠﺘﻠﻬﺎ ﺗﻤﺎﻡ ...
ﻗﻔﻠﺖ ﺍﻟﻤﻮﺑﺎﻳﻞ ﻣﻨﻬﺎ ﻭﺭﺣﺖ ﺷﻔﺖ ﺍﻟﺒﻨﺎﺕ ﻧﺎﻣﻮ ﺑﺴﺘﻬﻢ ﻭﻧﻤﺖ ﻭﺍﻧﻲ ﺍﺻﺎﺭﻉ ﺗﻔﻜﻴﺮﻱ ﺑﻴﻦ ﺍﻟﺼﺢ ﻭﺍﻟﻐﻠﻂ ...
ﻛﻌﺪﺕ ﺗﻘﺮﻳﺒﺎ ﺏ 11 ﻭﻧﺺ ﺳﺒﺤﺖ ﻭﺭﺣﺖ ﺗﺮﻳﻜﺖ ﻭﺑﺪﻟﺖ ﻟﻠﺒﻨﺎﺕ ﺭﻳﻜﺘﻬﻢ ...
ﺍﺟﺖ ﻣﻴﺲ ﺍﻧﻄﺘﻨﻲ ﻓﻠﻮﺱ،ﻛﺎﻟﺖ .. ﻫﺎﻱ ﺍﺟﺖ ﺍﻡ ﺍﺑﺎﺫﺭ ﻭﺩﻛﻮﻝ ﻫﺎﻱ ﺧﻤﺲ ﻣﻼﻳﻴﻦ ﻛﻠﻬﻢ ﺩﺯﻫﻢ ﺍﺑﺎﺫﺭ ..
ﺍﺧﺬﺗﻬﻦ ﺑﺨﻮﻑ ﻭﻗﻠﻖ ﻭﺭﺣﺖ ﻟﻠﻐﺮﻓﻪ ﻣﺘﻮﺗﺮﻩ ...
ﺷﻮﻳﻪ ﻭﺍﺟﺖ ﺧﺎﻟﻪ ﺗﻔﺎﺟﺌﺖ ﺑﻴﻬﺎ ﻣﻦ ﺩﺧﻠﺖ ﻭﺧﻔﺖ ﺑﻨﻔﺲ ﺍﻟﻮﻗﺖ ﺑﺴﺮﻋﻪ ﺣﻀﻨﺘﻨﻲ ﻭﺑﺎﺳﺘﻨﻲ ﺭﻓﻌﺖ ﻭﺟﻬﻲ ﻛﺎﻟﺖ ﺑﺼﺪﻣﻪ ... ﻳﻤﻪ ﺗﻮﺗﻪ ﺣﻴﺎﺗﻲ ﻣﺘﻐﻴﺮﻩ ﺑﻌﺪ ﺍﻣﺞ ﺷﺼﺎﻳﺮ ﺑﻴﺞ ﺍﻛﻴﺪ ﻣﻦ ﺍﻟﻘﻬﺮ ...
ﺭﺟﻌﺖ ﻗﻔﻠﺖ ﺍﻟﺒﺎﺏ ﻭﻛﻌﺪﺕ ﻛﺎﻟﺖ ... ﺍﻧﻄﻴﻨﻲ،ﺟﻮﺍﺯﺝ ﺣﺘﺊ ﺍﻓﻴﺰﻩ ﻭﻫﺬﺍ ﺍﻻﺳﺒﻮﻉ ﻧﺴﺎﻓﺮ ...
ﺿﻠﻴﺖ ﻣﺘﺮﺩﺩﻩ ..
ﻛﺎﻟﺖ .. ﻛﻮﻣﻲ ﺗﺎﺝ ﻛﻮﻣﻲ ﺣﺒﻴﺒﺘﻲ ﻭﺍﻟﻠﻪ ﻣﺎﺍﻗﺒﻞ ﺍﻟﺞ ﺑﺎﻟﻤﺬﻟﻪ ﻟﻮ ﻣﻬﻤﺎ ﻳﻜﻮﻥ ﻭﻻ ﺍﻗﺒﻞ ﻣﺼﻴﺮﺝ ﻣﺜﻞ ﻫﺒﻪ ﺍﻧﺘﻲ ﺗﺎﺝ ﺭﺍﺳﻬﻢ ﻟﻬﻞ ﻋﺎﺭﺍﺕ ﻭﺭﺍﺡ ﺗﻜﺴﺮﻳﻦ ﻋﻴﻮﻧﻬﻢ ﻭﺗﻨﺘﻘﻤﻴﻦ ﻣﻨﻬﻢ ﻭﺗﺴﺎﻓﺮﻳﻦ ﻏﺼﺐ،ﻋﻨﻬﻢ ﻭﺣﺘﺊ،ﻳﻌﺮﻓﻮﻥ ﺍﻧﺘﻲ،ﺍﻟﺞ ﻗﻴﻤﺘﺞ ﻭﺫﺍﺗﺞ ﻣﻮ ﺧﺪﺍﻣﻪ ﻣﺎﻟﺖ ﺍﻟﺨﻠﻔﻬﻢ ...
ﺟﺎﻭﺑﺘﻬﺎ ﺑﺨﻮﻑ ... ﺑﺲ ﺧﺎﻳﻔﻪ
ﻟﺰﻣﺘﻨﻲ ﺣﻴﻞ ... ﻟﺞ ﺍﻧﻲ ﺧﺎﻟﺘﺞ ﻭﺯﻭﺟﻲ ﺑﻤﺜﺎﺑﺔ ﺧﺎﻟﺞ ﻟﺞ ﺗﻮﺗﻪ ﺍﺣﻨﻪ ﺑﻀﻬﺮﺝ ﻻ ﺗﺨﺎﻓﻴﻦ ...
ﻭﻛﻔﺖ ﺑﺘﻮﺗﺮ ﻭﺭﻫﺒﻪ ﻓﺘﺤﺖ ﺍﻟﻜﻨﺘﻮﺭ ﻭﻃﻠﻌﺖ ﺍﻟﺠﻮﺍﺯ ﺍﻧﻄﻴﺘﻪ ﺍﻟﻬﺎ
ﻛﺎﻟﺖ .. ﻭﺍﻟﺬﻫﺐ ﻭﺍﻟﻔﻠﻮﺱ
ﺭﺟﻌﺖ ﻓﺘﺤﺖ ﺍﻟﻜﻨﺘﻮﺭ ﻭﺍﻧﻄﻴﺘﻬﺎ ﺍﻟﻔﻠﻮﺱ،ﻭﺍﻟﺬﻫﺐ ...
ﺿﻠﺖ ﻛﺎﻋﺪﻩ ﻳﻤﻲ ﻭﺿﻤﺖ ﺍﻟﺬﻫﺐ ﻭﺍﻟﻔﻠﻮﺱ ﺑﺠﻨﻄﺘﻬﺎ ﻭﺑﻌﺪﻫﺎ ﺍﺟﺖ ﻣﺎﻣﺎ ﺿﻠﺖ ﺗﺴﻮﻟﻒ ﻭﻳﺎﻫﺎ ﻭﺗﻀﺤﻚ ﻣﺠﺎﻣﻠﻪ ﻭﺑﻌﺪﻫﺎ ﺧﺎﺑﺮﺕ ﺯﻭﺟﻬﺎ ﻭﺭﺍﺣﺖ ....
ﻧﻬﺎﻳﺔ ﺍﻟﺒﺎﺭﺕ ﻳﺘﺒﻊ ....
ﻭﻗﻔﻪ .. ﺍﻫﻼ ﻭﺳﻬﻼ ﺍﺣﺒﺘﻲ ﻣﺸﺘﺎﻗﺘﻠﻜﻢ ﻫﻮﻭﻭﺍﻳﻪ ﺍﻧﺘﻮ ﻣﻮ ﻣﺘﺎﺑﻌﻴﻦ ﺍﻧﺘﻢ ﻓﺮﺣﺔ ﺍﻟﺰﻫﺮﺓ ... ﺍﻋﺘﺬﺭ ﻋﻦ ﺍﻟﺘﺎﺧﻴﺮ ﺑﺲ ﺻﺎﺭﺕ ﻋﻨﺪﻱ ﺣﺎﻟﺔ ﻭﻓﺎﺓ ﻭﺍﻧﻲ ﺣﺎﻣﻞ ﻭﺣﺪﺧﻞ ﺑﺎﻟﻌﺎﺷﺮ ﻭﻟﺴﻪ ﻣﺎ ﻭﻟﺪﺕ ﻣﺎﺍﻋﺮﻑ ﻟﻴﺶ ﺗﺮﻳﺪ ﺍﺑﻮ ﺍﻟﻌﺪﺱ ﻳﺴﻘﻂ ﻳﺎﻟﻠﻪ ﺗﻄﻠﻊ ... ﻣﺎﻛﻮ ﻭﻃﻦ ﻣﺎﻛﻮ ﻭﻻﺩﻩ 😬...
ﺍﻥ ﺷﺎﺀ ﻟﻠﻪ ﺣﻜﻤﻞ ﻭﻳﺎﻛﻢ ... ﻭﻻ ﺗﻨﺴﻮﻥ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ ....
ﻭﻫﺬﺍ ﺍﻟﻐﻼﻑ ﺑﻲ ﺍﻟﻐﺎﺯ ﺍﻟﻘﺼﻪ ﻛﻮﻟﻬﺎ 👇👇👇...
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 😘...
ﻧﻮﺭ ﺳﻤﻮ ﺍﻟﻌﺮﺍﻕ