[فيتامين سي]

رابط لتحميل الروايه هنــــــــــــــــــــا




البارت الاول ...

لـِتلك القلوب الجميلــة كالورود
التي تضيف لحياتنــــا رائحة الودّ والمحبّة والاحترام
و تزهر يومــــاً بعد يوم لتلوّن حياتنـــــا بألــوان الفرح

مسائكم جميل متابعيني الاعزاء على الود والمحبة يتجدد لقائنا بكم برواية جديدة اتمنى ان تنال إعجابكم 💐💐

بسم الله ... نبلش وياكم

#تناهيد_امرأة

#بقلمـي_نشوى_السلطان ❤️
القصة واقعية

🧚‍♂️.'.'.'.'.'.'.'🧚‍♂️.'.'.'.'.'.'🧚‍♂️.'.'.' .'.'.'.'.'🧚‍♂️

البصرة المعقل سنة 2010 ... من هنا تبدأ مسيرة حياتي

بنين .. رغم اليوم الي تحلم بي كل بنت يوم حنتي من انسان مااعرفة ولا حاجية وياه
رغم المسافة الي بينا لكن اهون الي من حياتي الي عشتها بعد وفاة امي ... اخذتني بيومها خالتي للصالون ..
جنت كلشي مااعرف عن الحياة الزوجية .. جانت حياتي عبارة عن
قهر وهم عبارة عن تنظيف وشغل ليل ونهار .. عن اهاين وضرب وشتم .. بيومها جنت كاعده بالصالون واني انتظر دوري ...
تكمل العروسات الي قبلي حتى تبلش بيه ...
اباوع كل العرايس امهاتهم وياهم وفرحانين بيهم ..
الا اني وحدي بالصالون وصلتني خالتي وراحت ..
جنت احس نفسي غريبة رغم محد جان منتبهلي
ولا منتبه الوجودي الا اني جنت كلش مقهوره من نفسي
لان ماحسيت لا بفرحة ولا بأهتمام من اهلي وجان مكان امي خاااالي تمنيتها وياية تشاركني هيج يوم مهم بحياتي

واني اسمع النسوان يضحكون ويسولفون اصواتهم بأذاني كانت تعذبني .. خنكتني العبره
وبجيت بداخلي وكتمت دموعي .. ورفعت راسي عالي ودعيت
ربي اكتبلي الخير والفرح ربي عوضني عن كل شيء شفته
بهالاثناء سمعت صفگة بصوت عالي التفتت ام الصالون
تصفكلي تكلي ها عروستنا وين صافنه اليوم حنتج
تعالي لو ماتريدين تطلعين حلوه ...

بتسمت الها وكتله اي نسيت دوري اخذتني الصفنة كمت واني خحلانة

_ لا ييين عليج نعسانه مانايمه .. يلا حبيبتي تعالي

مشيت كعدت على الكرسي .. سحبت القراصة من شعري وفتحتة شعري ناعم طووويل فتحته

باوعت النفسي بالمراية .. حواجبي حيل غيرت شكلي
من حفوهم كلش احلويت ..

_ كالت الي شلون تحبين اسوي شعرج .. تحبين تصبغي مدام انو انت عروسة

لااا ماحب اصبغ خلي على طبيعته

تمام زين وشلون تحبين التسريحة

صفنت كتلها ماعرف كلشي انتي على ذوقج ...

ابتسمتلي كالت انت حلوه بدون كلشي ماشاءالله او يمكن اول عروس تجي بدون ماتطلب يلا خلي نبلش

وبلشت تسوي بشعري ..

جانت وحده من الكاعداات تنتظر دورها كالت

انتي شو وحدج منو جاي وياج امج اختج شنو وينهم

كتلها انه خالتي ويايه لان امي متوفية بس خالتي هسه ترجع

الكل كال يااا خطية الله يرحمها وسألوني فرحانه بعرسج
وين العريس صورته نشوفها حلو مثلج لو لا

صفنت ماعرف شجاوبهم ...صدك مادري بنفسي فرحانة لو لا

وحده منهم كالت طلعي تلفونج ليش ضامته علينا خلي نشوفه

ابتسمت واني مرتبكة كتلها والله ماعندي صورته

—-ياااا شلون هيج معقوله مااخذتو صور بفترة الخطوبة

لا مااخذنا لان هو بعيد بسامراء عايش

_ صددددك شو هناك بعيد كلش

اي بعيد بس كلشي قسمة

ام الصالون كالت احجيلنا شلون تعرف عليج وين شافج

الكل كالو اييي يلا سولفي نحب نسمع هيج قصص

ابتسمت وبديت احجي ...

جنت بيوم زيارة رحنة اني ومرت ابويه وامها للسامراء نزور الامام علي الهادي ... هناك نزلنا بوقتها عالشارع وماعرفنا نوصل للامام

_ هااا خطية يعني تيهتو

اي لان اول مره نروح السامراء ...

اي اي كملي تشوقتت اسمع ....

جابت الكرسي هي والبنات وكعدو قريب مني...

-اي ف بيومها اجتي سيارة طبكت ونزل منها شاب

اييييي كملي كملي

ههههه اي وجان مرت ابويه تأشر الهم

عاد خطيه اجانه الولد وحاجته مرت ابويه كالتله عيني بلا امر عليك احنا مانندل منين نروح للامام

جانت وياه مريه بوقتها ماعرفهم بس طلعت امه ...

ايييييي دكملي

ابتسمت وكتله اي جايتج السالفة هسه اكملج بذاك اليوم خطية هو ماقصر صعدنا وياه ورحنه للامام زرنه وكملنا وكال تعالو عدنا

ماقبلنا نروح لكن خطيه امه لحت ... كالت تعالو باتو عدنا والصبح اطلعو عالبصرة

عاد خابرنا ابويه كال باتن لما باجر تطلعون من وكت

_ ايييي وشفتي هناااك حبيب القلب مووو

همه دخلو ويانه زارو وبقو لليل ويانة اخذنا لبيتهم ..ومن خلال هالزيارة تعرفنا عليهم ... وصارت القسمة

بس اهلج شلون ينطوج هيج بعيد وانتي بعدج صغيره ياعيني
شفتهمتو منهم ممكن مايكونون خوش ناس

لا صار اكثر من ست اشهور نعرفهم حيل خوش ناس طبيبن بعد وطلع عم ابوية يعرفهم جان وياه بالجيش كال ناس ذهب ادعولي ارتاح وانسعد بحياتي... لان صدك محتاجة افرح

حياتي الله يسعدج وتفرحين بهالزواج ...

يعني اليوم همه هنا بالبصرة

لا اليوم خالتي سوتلي حنة بيتهم اني وبيت جدي وصديقاتي

واهلج ليش يم خالتج ..!

اهلي منو الي امي راحت الله يرحمها ماعندي غير ابويه
واخوتي صغار من ابوية لان اني وحيدة امي..
اليوم حنتي يم خالتي وباجر يجون ياخذوني اهل الولد

يااااا خطية تروحين منا لهناك بالبدلة وانوب عروسة توصلين تعبانة

لا انة لا ياخذوني عدهم ارتاح وثاني يوم يسوولي العرس

هاااا زين تزوجو هنا بفندق جان رحتو لشارع الجزائر والفندق قصر السلطان احسن

لا اهله كالو نريد نفرح بي يمنه صعب عليهم الجية لهنا دانحجي وطبت خالتي هيه وهباوي

جتي شايله بيدها العلاگة كالت كملتي ...

انداريت عليها اول ماشافتني جان تصلي (عالنبي )

وعيونها نترست دموع ...

من شفتها ماتحملت اختنگت شفتها امي مو خالتي

الكل كالو لاااا المكياج يمعودة ...
ابتسمت وكتمت دموعي
كمت لبست فساتي وطلعت ويا خالتي وهبة للبيت ...

لكيتهم محظريلي حفلة بسيطة وحلوه وجامعين بيها خوالي
بذاك اليوم حيل فرحت وتنوست بجمعتهم ..

رغم الكل جان وياية بس جان مكان امي خاااالي ...

بعد تعب التفكير وتعب الحفلة والركص اول ماذبيت نفسي على الفراش نمت بدون مانتبه ... ولا اجة شي على بالي غير ارتاح ..

كعدتني خالتي الصبح لكيتها مسويتلي الريوك ومجهزلتي غراضي
شكد حبيت وكفتها وياية كملت كلشي طبيت سبحت

وصليت لبست فستان بصلي لونه حيل حلو وخلولي بنات خالتي مكياجي ورتبوني .. كل شوية اتذكر راح اروح الناس ماعرفهم
الحياة اخرى احس گلبي يعصرني عيني عالساعة ومتوترة

جنت كاعده اني والبنات بالهول واندگ الباب

احس روحي ماتت تشنجت البنات گالو اجووو اجووو

انة بعد لا بيه أكوم ولا بيه ابقى گاعده ...
انفتح الباب رفعت راسي ابوية واخوتي الصغار ومرته

سلم على خالاتي ... وتقرب الي وهو يمشي
كمت وكفت...

خالتي كالتله اجوي الناس بالطريق ...

_ اي هلا بيهم .. تقرب مد ايده وخذنا الصدرة ...

اني مانطقت كلمة گبل انفجرت بالبجي...

مرت ابويه اتباوع علينا وفرحانة لان تريد تخلص مني ...
انة ماكدرت اسكت من شفت ابويه رغم هو هم اذاني لان ماجان يحس بيه وجان يفرق بيني وبين اخواني لكن يبقى ابوية ..

الرباني وعلمني وكبرني ... باس راسي وكال

_ لا تبجين بنيتي انة ادري وسام خوش انسان وراح يخليج بعيونه ديربالج على روحج ...

صفنت وعيوني مليانة ادموع .. وكلت بيني وبين نفسي مهما يكون وسام اهون من قهر مرتك ... ساكته مابيه احجي وصافنه عليها شلون تسولف وتضحك

_ ام سجاد ( ... زوجة الاب) انة جيت اسلم عليج كلت خاف تريدين شي من ابوج ... اكول صدك لكيت دشداشتج وحجابج وكم غرض االج ناسيتهن كلت يمكن عايفتهن ماتريدين ... اخذتهن الاختي ...

تحاجيني واني بس ساكته ... مارديت عليها
متعوده على صلافتها

هبة .. بس خاله هاي ملابسها جان جيبيهن وياج ليش انطيتيهن

كتلها عادي ماريدهن هباوي اسكتي .. شوفيلي الساعه شكد هسة

ام سجاد ... احنا انروح يلا كوم ابو سجاد شو طابتلك الگعدة

ابو سجاد لا يلة هم كايم انه وراي شغل

كام ابويه ديريد يطلع هي طلعت كدامة تمشي وياهه خالاتي

رجع ابويه وكف يمي وحجة بصوت ناصي يخاف تسمعه
كال هاج بنيتي هاي خمسين الف اخذيهن وياج خاف تحتاجين شي
طلعهن من جيبه وخلاهن بايدي

بنين ... لا ماريدهن اخذهن انت ماعندك ... ماراح احتاج شي
اخذهن

هبه عمو هي ماراح تحتاج الفلوس راح تحتاجكم انتو ااتمنى ماتقصرون وياهه بالسؤال وبروحتكم الها لان هي هناك ماتعرف احد راح تشوفها حلوه منكم

ابو سجاد شبيكم مكبرين السالفة هي متزوجة داخل العراق
مو خارج العراق كلها كم ساعة ونوصلها ... جيبي الفلوس
ماتريدين بكيفج .. يلا انه امشي عندي. شغل

_ بنين يحاجيني وعينه عالشباك يخاف لا مرته تشوفه
اخذ الفلوس وطلع عالسريع ...

بنين شفتي شلون جية اجو يقشمروني بيها يعني اني رايحة المكان بعيد هيج يجي من الباب يسلم ويمشي ولج حتى فرحة مافرحو بيه

ماغزر الشغل والتعب والمداراه الي داريتها الهم .. حرموني من دراستي من كلشي احتم ابقى خدامة المرته تاليها هيج يجازوني
يخلي بيدي خمسين عبالهم الساعده بالفلوس .. ياحيييف والله

هبة.. حقج حياتي والله انه وياج بلي تكولي بس ماعليج بعد منهم انتي اننبهي النفسج والـ زوجج وان شاءالله يعوضج عن القهر والمرار الي شفتي...

طلعو اهلي ورجعت كعدت بمكاني وانه عيني عالباب...
البنات لمو البيت والهوسة كعدو يرتبون بالكراسي
ومر لوقت ... واني بحالة توتر مره ارتب بملابسي مرة
اكوم افتر بالبيت ... حالي مايتفسر ...
الف موال براسي...
لحد ما سمعت كالو جا وسااااام ... البنات طبو يركضون كالو
اجوو ولج بنين اجووو ..

انة بسرعة كعدت بمكاني .. كتلها خاله تعاي يمي كعدي...

فتحو الستائر البنات ... صارت كدامي السيارات بالباب..
انتبهت سيارتين .. ونزلو منها زلم. ونسوان

هبة اجيبلج ماي شي كولي شبيج مرتبكة

لا عووفيني... صارت الهلاهل وطبت الحجية وياهه بنتها
وينها عروستنا وينها ...

اني خجلت بقيت لازمة خالتي طبو عاد سلمو علينا

الحجية ها نمشي يمة ..

حاجتها خالتي كالتلها لا حجيه خل ينزلون الولد يتغدون شو بالباب واكفين

الحجية لا يمه والله تعبنا وهم يلا ورانه طريق وسام راح يفوت هينه

اي خل يجي حجيه هلا بي بس ترى ماترهم طلعتكم الغده موجود

دايحجون وجان يفوت وسام .. لابس قميص ابيض وبنطرون جنز كابوي ... سلم علينا وكف بالباب

رفعت راسي صارت عيني بعينه ابتسملي ..

اني ابتسمت ودنجت راسي...

وسام .. وين الجنط حتى الولد يخلوهن بالسيارة

*.. الحجية يمه يكولون اتغدون هين يلا تطلعون

وسام والله مانكدر ورانه طريق ... هم الولد هين بالباب

**ميخالف خلي ينزلون مسوين غده خير من الله

هبة تقربت يمي وكالت اسمعيييي اللهجة اسمعيييي يكول هينه

*اي اسكتي خرب بعدييين ...

هبة هههههه وانت شبيج مصخنة ...

لا لا عادي بس سكتي خرب ..

اجة خالي سلم عليهم ... كعدو شويه شربو الجاي وطلعنا

اخذو الجنط وطلعو سلمت على خوالي وبوست الكل ودعتهم وطلعت .. ...

كعدت بالسيارة ليوره اني وزهرة الي هي اخت وسام ...

جانوا جايين سيارتين امه واخته وعمته ولد عمه واخو
بوقتها ماجنت اعرف احد بس زهرة عرفتني عليهم بالطريق
وحجتلي عنهم وعن اطباعهم الطريق جان حيييل متعب
ساعة وره ساعه واحنا انعد .. وسام جان هو السايق واخو ليكدام بصفة كاعد
والحجية وزهرة بصفي كاعدين ... وسياره الثانية ولد عمة واخو
ووعمته جان عطر وسام يالسياره يجنن
والوقت كله عينه بعينه .. كل شويه يشغل اغنية شكل وذوقة بالاغاني حلو .. حسيته كلش انسان طيب ماعرف لمن شفتة حسيت راح يكون سند الي .. راح يسعدني .. واني سارحة ..
من التعب صرت انام واكعد افتح الكاه بوجهي يبتسملي
احاول اخفي نظراتي ماكدرت .. اخجل اندار لكن هو قريب مني
واني بحالة خجل صار الليل واحنه بالطريق

واحنا بالطريق التلفون مابطل اهل وسام شكد اتصلو ...

وسام.. بنين ..

رفعت راسي عليه وهو يباوعلي .. ابتسم وكال خمو حاره يمج
افتح التبريد..!

لا لا عادي حلو الجوو ..

- وسام .. هههه دعلي صوتج مااسمعج

الحجية ... دتكلك لا تشغلة خلي هيج .. ماتنلام يمه لاتشغلة الجو طيب ...

_ وسام .. ننزل بالمطعم ناكل ...!

بنين ... لااا مااريد.. شكرا

وسام... ايييي دحجي خل نسمع صوتج .. شبيج خجولة ...

ابتسمت ودنكت راسي...

زهره .. لا مانريد تنزل خل نصل البيت فان حظنة شطولة الطريق

*الحجية .. عجل شعباالج البصرة هين هين .. بعيدةةة
اكول حنگة تفطنت خابرهم كلهم راح نصل

وسام ... ماحاجة هسه نصل ويعرفون ...

بنين .. بوقتها حيل جانت لعبانة نفسي ودايخة من الطريق بس ابد مابينت نفسي ... لان خجلانة منهم..

انداريت على زهرة ... كتلها زهرة هسه احنا وين...

زهرة ... هاي المناطق الي عبرناهه الدجيل وبلد والاسحاقي
وهسة احنا بطريق سامراء راح نوصل .. دشوفين هاي المنطقة
اسمها حي المعلمين ...

بنين ... انتو هنا ساكنين يعني...

-زهرة .. لا هين كرايبنة ... هاي تمشين بعد شوي مسافه بالساره تاخذج لطريق الامام علي الهادي...

بنين ... حلوة سامراء ... اكلج شسم منطقتكم ...

زهره اسمها المعمل ... هسه تشوفين هناك كرايبنا راح تحبين المنطقة ..

ان شاءالله بس راح اشتاق للبصرة

*وسام .. ياهو هذا اليشتاك للبصرة .. انتي بعد هينه بسامراء صرتي عدنا راح انسيج البصره والي بيها ...

*الحجية ... يول شلون تنسى اهلها ... عوفك من هالسالفه
كلي الساعه شكد اذن العشة مو..

*وسام .. حجيه شبيج اليوم وياي .. اي اذن

الجية .. يايابه عينك بعينها الدرب كله اخاف عليك لا تندعم بعد امك هساع لاحك عليها هههههه هي هليله وباجر بيدك عسى بعد امك يوما الي اشوفك باجر عريس وبيدي ازفك عليها

بنين ... صخااااام يحجون واني ميته خجل ...انداريت كتله زهره جنطتي جواج انطينياهه جهازي ديدك ...

سحبت الجنطة فتحتها مالحكت ارد هذا رقم هبة ...
اكيد بالهم يمنه ... فتحت الرسائل ودزيت الهم رسالة
هباوي احنا وصلنا سامراء حاليا قريب عالامام .. سلامي لخالاتي
بووسيهم الي... سديت التلفون خليته جوه انتبهت وسام وكف طبك السياره والكل نزلو .. وسام فتح الگلوب وباوعلي بالمراية
كال يلة لو ماتريدين تنزلين عدنا...

بنين هههه لا بس جنت اكتب رسالة ...

وسام .. عجل يله خل ننزل ودخلي ويا البنات عالبييت ماشي

بنين... هزيت راسي اي

وسام ... تعبانة مو

بنين اي والله رجليه مااحس بيهم

وسام ... ههه عاب گلبي دنزلي انزلي

من كال هيج مافهمت عليه بس ابتسمت على ابتسامته .. اجتي زهرة فتحت الباب اخذوني نزلت كلها واكفين بالباب يباوعولنا .. سلمت عالناس الي واكفين بدون ماارفع راسي .. اجة وسام اخذني اني وزهرة طبينا جوه

للبيت لكيت نسوان بوجهي بباب الاستقبال
اول مافتت طشو فوك راسي الجكليت
والهلال الحلوه ... سلمت عليهم اخذوني وكعدوني بصالة جبيره
طبو البنات يدخلون بالجنط ..
حلوه لمتهم جانت ... كعدو البنات يمي الي بعمري والي اكبر
يسولفون ويايه .. وسام اشوفه يروح ويجي يباوعلي من بعيد
عاد بسرعة صبولنا العشى تعشينا ... واخذوني بغرفة زهوة
بدلت ملابسي وسبحت .. صار الساعه 12 الا ربع ...
كمت عيوني ما اكدر افتحها من التعب...

اندگ الباب ... واني متمددة عالجرباية يمي زهرة ومرت اخو الوسام اسمها سرور .. كاعدين يمي بسرعة عدلت نفسي ولبست الشال زهره فتحت الباب

كالت هذا وسام فوت عيني فوت

اني عدلت دشداشتي وكعدت ... عيوني جانت حمر وجهي ذبلان

_ وسام ها كاعدات... ليش محد نام ...

زهرة اشوفك انت نمت ههههه دنام انت واحنا انام ...

وسام ...، يولي ماتفارجيني ... وخري خل اشوف

فات وبيده ماعون فراكهه ... اجة خلاهم عالسرير ...

وسام ... اكلي هاي الفراكة هاي شصاير بيج

زهرة ... تره جانت بطريق شبيك طبعا تتعب

اي ام السان خل نسولف ... يله اكلي هاي الفراكة وكبل عالنوم
الصبح بيش ساعة تروحون للصالون

زهرة .. ليش انت تودينا ...

وسام .. لا خلي ضاري لو محمد ... يوصلكم اني الف شغلة براسي

زهرة ....ايباه ضاري كل عقلك يودينها باجر هوا راح يتسوك مسواك العشى ...

سرور ... اي واحد من الولد الصبح يوديكم عادي ...

وسام ... الله كريم للصبح المهم اني رايح تحتاجين شي
يوولي كومي زهره جيبي ماي

بنين لا انة شربت هاي يمي الماي شكرا

ها فديت الانة هههه عجل اكلي الفاكهة ونامي ...

سرور ... ايييي عيني يدللها هههههه شبي اخوك محمد مادللني هيج

*وسام ... هههههه لا مابي قصره ابو شهاب.. يلا تصبحون على خير ...

بنين طلع وسد الياب وراه بس دكات گلبي تنسنع من بعيددد احس نفسي صخنت كتلها كومي زهره قفلي الباب

زهرة كلها نامت ماحاجة اقفله

سرور اني اروح خاف محمد يريدني يلا نامن ..

بنين ... طلعو الكل طفوا البنات الانارة ومنمنه ...

كعدت الصبح على صوت الهوسة ... كمزت من مكاني بسرعة جريت الحجاب لبسته ... داعدل بي وجان يندم الباب...

كتله زهره زهره الباب يندك ... اكعد بيها ماتكعد كمت

فتحت الباب ...

*الحجية صباح الخير يمة ...

هلا خاله صباح النور...

الحجية * اكول يمه تعاي تريكي وكعدي هاي مظعوفة البخت شكثر اتنام تنبل مال نوم ...

هههههه اي خاله هسه بس انة مااريد تريكو بالعافية

الحجية * يبوو دگة المباركة شلون ماتاكليت امشي هساع تاكلين جدامي

بنين ... هههههه اضحك واني موفاهمة الي تقصدة كتلة خالة والله استحي اطلع

*الحجية .. لا تطلعين هساع اجيبه اهينة

#بنين .. راحت وسديت الباب وراهه كعدت زهره

* زهوه ... اشبيها امي .. اليوم مغبشة ...

بنين .. شبيج نسيتي ورانه صالوووون

* زهره ... يبوووو سهيررر تنتظرنا كومي كومي

{ بنين منو سهير!

* ام الصالون شبيج يلا كومي تره يروح دورنا ...

هااا ماشي ... بس شوفي اكو احد بره داطلع اسبح...

زهرة .. يلا تعاي ورايه ...

بنين ... اخذت ملابسي ... وطلعت وراهه ... طبيت للمطبخ ...
لكيت الحجية واكفه دتخدر بالجاي ...

كتله خاله انه اسبح واجي

* ماشي يمه بس لا تبطين

بنين ... ماشي خاله ... زهره زهره وينج ...

الحجية .. راحت هسه تجي تريديها اتوديج للحمام ...

* بنين .. اي والله

* روحي يمه الولد من الصبح راحو يجيبون اللحم والمسواك ماكو احد ...

* بنين ... ماشي خاله ... طبيت امشي وبيدي الملابس...

باب الحمام مفتوووح شويه ... صحت اكو احد اهنا... مديت ايدي دافتح الباب صار واحد كدامي... صارت ايده بأيدي واثنينه لازمين الباب ..
... رجال مااعرفه مخلي المنشفى على كتافة
ولابس فانيلة سوده بدون ردن وياهه بجامة ...ارتبكت ماعرف بعد شنو احجي ... بقيت ساكته وهو خازرني بعيونة

وتستمر الحكاية ...❤️

ومن هنا تبدأ حياة بنين ... هذا لحد الان بارت
يوضح الكم شلون راح تكون قصة حياتها في سامراء
.................................................. .....
تحياتي لكم نشوى السلطان ...