[فيتامين سي]

الحلقه الرابعه
#تناهيد_امرأة

#بقلمـي_نشوى_السلطان ❤️

............................
الدكتورة ان شاء الله حبيبتي ... بدت تفحصني وخلت الجهاز
اني گلبي يدك وعيني عالشاشه ...

ابتسمت الدكتوره وكالت ... وكح مايثبت

الحجية ... ها يمه وليد لو بنية

الدكتوره ... جايكم ولد ان شاءالله ...

رفعت راسي .. باوعت العمتي ... كالت ياالله اللهم صل على سيدنا محمد ...

تذكررررت وسام الله اليوم يفرح خطية ...

كتلها دكتوره شلونها صحته

الدكتورة ... الحمدلله كلش تمام ...

الحمدلله ... كتلها زوجي راد ولد والحمدلله الله رزقنا بعبدالله

كمت عدلت ملابسي ...شكرت الدكتورة وطلعت ...
فرحانةةةة بودي ابشر كل الكاعدين ... طلعت مو بس وجهي يضحك
عيوني تضحك .. خالتي تمشي جدامي كالت يمه خابري ضاري خل يجي وبشري بالوليد

كتلها لا خاله خلي ابشر وسااااام اول شي ...

الحجية ... اكفي يمه حدري الدرج على كيفج ...

بنين ... اي خالة ... نزلت كدامي واني وراهه .. طلعت التلفون
اتصلت بوسام ..انزل عالدرج واني انتظر الرد..

نزلت درجتين ... جاوب ...

وسام ... الو هلا بنيين ...

بنين .... وساااام عبدالله راح يجينااااا

وسام ... شنووو لا بربج سويتي سونر لو شنو

بنين .... اي والله شبيك هسه انة توني طلعت من الدكتورة وخالتي ويايه ...

وسام .... هلاااا والله الحمدلله ولج اموت عليج.

بنين .... اسم الله عليك عمرك طووويل وين انت هسه جيت مو

وسام ... لا بعدني حاليا بساحة عدن دقايق واطلع ان شاءالله جبتلج وياية سندي ... ونومي ... ادري بيج تحبي

بنين .... ههههههه ايييي صرت امطك من هسه ...

وسام ... ههههههه ام عبودي ...

ها ابو عبودي ... هههههه

اني جاي ساعتين واني يمج ان شاءالله

بنين ... يلا ننتظرك ...

الحجية ... منهو هذا وسااام ...كتيله

بنين اي خاله وسام ... حييييل فرح فدوه العينه

الحجية الحمدلله اني الفرحت خابري يمه على ضاري شوفي وينه

بنين ..اخابره بس انه ماعندي رقمه شلون اخابره ...

الحجية ... عزه عليج غير تاخذي هسه شنون نرجع ... خاف يجي مايلكانه

*لا خلي اخابر على البيت يكلوله كملو ويدز علينا ...

*الحجية عجل اني هين راح اكعد عالدجة بين ما يصل

بنين .. زهورة حياتي اكلج خابري ضاري كوليلة كملنا ...
ولج اي اسمعج سويت سونر طلع ولد ... ههههه ولج شييج دخابري لما نرجع نسولف

* الحجية هاي التنبدل شبيها هالكد تهرط موتدري احنا بالشارع
مات هالوجه بس بالسوالف فالحة ...

* بنين .. خاله كومي هاي ضاري اجانه ...

الحجية ... وينه شلون شفتي بحلم بعلم شو ماشفته

* بنين ... ههههههه خاله هذا شبيج واكف عالسايد الثاني
هاي لاف السياره واجانه ....

كومي خاله على كيفج ...

الحجية ... اصبري اني اريد ابشره ... لا تسولفين

بنين ... طلعت تمشي سريع ركض عالسياره فتحت الباب وكالته راح يجينا عبدالله ...

ضاري .. ابتسم كال لا تكعين حجيه اي بيها الخير ...

فتحت الباب وصعدت ... سديته

ضاري ... هاي منو اختار الاسم شو محظري من هسه

بنين ... هذا وسام اختاره ... كال اريد عبدالله داحجي رفع راسه باوع بالمرايه قاطعني وكال .. مبارك ام عبدالله تولدين بالسلامة

بنين .. اشكرك الله يبارك بيك ..

الحجية ... اييي لو متزوج كبله جان هسه ابنك بطولك ..

ضاري ماكو فرق حجية اني وسام كلنا واحد

الحجية ... ابقى هيج هاي الگرانك ( البعمرك ) تزوجو وخلفو ...

ضاري ... سهلة حجيه اكول وسام وينه شو اتصلت عليه مايرد

بنين .. خطيه خابرني كال بساحة عدن ...

ضاري .. ها خوش عجل ..

بنين ... طبك السياره ضاري ونزل للصيدليه .. اكو محل صغيرر
مال بيبي .. باوعت الملابس تخبل .. فدووووه ماتحملت

كتلها خاله راح انزل هنا هسه ارجع ...

الحجية .. وين تريدين لا تكعين ...

بنين .. لا هسه بسرعه والله ... فتحت الباب ونزلت ...
طبيت للمحل .. بيه نسوان اثنين .. واكفت يعاملن ...
انة عفت الكل وبقيت اكلب بالملابس ....يمه حبيبي عبدالله يجي وييلبسهم ... شلت الحذاء ... بيديه رفعت انداريت كتله عيني
هذا بيش ... ويا ما انداريت ضاري بوجهي ... سكتت وهو ساكت سحب من ايدي الحذاء ... وكف بصفي وحجة بصوت ناصي

ضاري... هاي ليش نزلتي وحدج ..

بنين ... لا بس انة ...

ضاري .. اصعدي للسياره هسه اجي ...

بنين .. دقيقه انه اريد اشتري الحذاء ...

ضاري ... اي بس روحي للسياره هسه اجي ..

بنين .. دنكت راسي وانه مستحية منه .. مادري ليش يربكني
ماكدر اخلي عيني بعينه ... يمكن لان طبعه هيج ... فتحت باب المحل وطلعت ...

لكيت الحجيه ماده راسها من السياره .. صاحت ها
ابين اديج تصفك .. لا هدم لا شي عجل وينج صار ساعه

بنين ... تحجي بصوت غالي والناس تباوع اشرتلها بيدي دقيقه
مشيت سريع فتحت باب السياره وصعدت ...
كتلها خاله شتصيحين .. عزه الناس تباوع هههههه

الحجية ... هي ناس ماعليج منهم ...شو ماشتريتي هدوم العبدالله
شنو ماعجبج شي
بنين .. لا خاله يخبلون شي احلى من شي بس انه عجبني حذاء
بس اجة ضاري وكال ليش نزلتي ..وحدج

الحجية .. اي جة ولكاج ماكو كتله حدرت تجيب هدوم من المحل
كال ليش مانزلتي وياهه كتله والله فاتتني نسييت

دانحجي وطلع ضاري من المحل شايل بيده علاكة جبيره ...
صفنت عليها هلي شنو انه ردت حذاء مال عمر شهر .. شنو هاي العلاكة ...

فتح الباب الوره وخلاهم بصفي .. ورجع صعد ليكدام ...

الحجية ... ها نمشي ...

ضاري .. اي حجية ماشين .. شغل السياره وطلعنا ... للبيت
اريد افتح العلاكة ومستحية بقيت طول االطريق ساكته..

وصلنا البيت ...

ضاري كال هذا حسن هينه هو ومرته ... هاي سيارته طابكة

الحجية ... ها لازم جوي على سرور ... يدرون بيها طباكات
بلجي يعقلونا ....

بنين طبك السياره نزلت الحجية فاتت قبلنا وني نزلت وراهه الشارع كله طين ...

فتح الباب ضاري .. ونزل

كال دقيقة .. لا تكعين... فتح الباب السياره ونزل العلاكة ...

دامشي وكال هاي العلاكة ماالتج .. انداريت عليه كتله مالتي !

اي .. امشي اني اجيبهن وراح بس لا تكعين

بنين .. دقيقه اني اخذت بس الحذاء...

ضاري... ياحذاء اني الهدوم المجموعات عالميز كلهن جبتهن

بنين .. لااا تره انة جنت بس داشوفهم كلت غير مره اجي اخذ
ضحك وكال وهسه انت شبيج .. شنو الفرق هسه ولا بعدين

امشي تعاي .... مشه هو كدامي واني وراه ... امشي راني خجللللللانة منه ... شكدد عيب كل الملابس العجبوني جايبيهم ...

طب للهول وانه وراه ... لكينه الكل مجموعين بالهول..
سرور تصيح ولمار تسكت بيها ... ومحمد يحلف ماعنده شي
وسرور اعصاب...

كعدت عالكرسي .. الحجيه تصيح تكلهم الناس راح تسمعنا

ضاري ... اتوقع كلنا الحجي ينسد تره ماكو داعي علمود مكالمه غريبة كل هذا ييصير ...

حسن ... حرام اذا فهمت شي صار ساعه هي تحلف وهو يحلف

ضاري ... محمدكافي عاد انتو مو جهال شهالحجي هذا ..! اخذ مرتك سكتها عيب كااافي

سرور... بس دقيقه ضاري خل افهمك تره

ضاري ... شتفهميني رحمة الواليدج من يومكم هاي عركاتكم وياريت على شي بي خير ... صيري كدها ولا تخلي يباوع الغيرج لمومنج هيج ..!

سرور ... انتو مادتخلوني افهمكم والله

ضاري..... كاااااااافي سدي الحجي

سرور ... انتو محد يحجي سالفه تريحني

بنين كامت طلعت وبقينا احنا

ضاري .. وانت محمد كافي الرقم الغريب احظره ولا تخرب بيتك ... يعني هي لوما تحبك ماراح تسوي هيج انت هم قدر مشاعرها ..

اني يحجوون وعيني عالساعه جهاز وسام ماكو رد

... شلت العلاكة .. رفعت راسي حسن عينه بعيني ...
اني كاعده وبصفي الحجيه وحسن مقابيلي ..
ومحمد وضاري يسولفون ... لمار راحت ويه سرور جوه
زهره كالت ماعلينا هسه اني اريد عبدالله يطلع عليه يشبهني
تحجي محد منتبه ملتهين كتلها لا داتخايله يشبهني ...

جان حسن يكول اذا يشبهج بعد شيديد هاي البصراويات كلهن هيج حلوات... حجاهه بصوت ناصي ومحد منتبه سمعته وااضح
بدون مااندار عليه ضجت كتلها كومي زهره ... كمت وكفت

جان ضاري يكول ... كومي زهره شيلي العلاكة وياهه وطبن جوه
مشيت وهو مقابيلي خزرته بعيني ومشيت .. هو مرتجي والسويج بيده يفر بي ومبتسم ... نظراته االي غريبة يتصرف كأنه يعرفني
ياربي شبي هذا مشيت طبينا بغرفة زهره ...
زهره فتحت الملابس وكامت تكلب بيهن ...
انه عفتها وطلعت التلفون بيدي .. اريد بس احصل وسام ...
سرور تصيح بالغرفة والباقين بالهول... البوب كلها مسدوه بس اسمع صوتهم ... طلعت للطارمة فتحت الباب البره عيني
عالشارع ياربي شوكت يجي ... بقيت رايحة جايه عيني عالشارع
طبيت وانه اتصل التلفون ماعفته جان ارفع راسي
حسن كبالي ... بقيت ساكته

حسن ... خيرج مخبوصة شبي تحتاجين شي

مارديت مشيت

حسن دقيقه اتصور حجيت وياج ...

بنين ... تسلم خويه انه مامحتاجة شي ...

حسن .. عجل شبيج مخبوصة .. خاف ضجتي لان كلت البصراويات كلهن حلوات تره هذا مدح مو ذم

بنين ... انه ادور على وسام خويه انه نسيت سالفتك

حسن .. وين يروح مصيره يرجع لا تخافين

ان شاءالله يرجع بالسلامة ... مشيت وكال

انت شنو السر البيج ..! ليش هيج محبوبة .... اكفي بنين

وكفت انه من كال هيج وانداريت عليه واعصابي نار ... كتله عيييييب عليك هالكلام ... انه ماقبل تحاجيني هيج بعد ...
واذا تبقى بهذا اسلوبك راح احجي كلشي الوسام ...

هو انصدم من حجيت انه هيج عبااله راح اسكت عفته وطبيت جوه ركضت .. وطبكت باب المطبخ ورايه ...

لكيت زهره بالمطبخ كالت شبيج بنين

بنين انفاسي عاليه وجسمي يرجف نظراته لحد هسه ببالي
كتله لا بس انه خايفه على وسام عفتها وطبيت جوه

بالممر ولاكاني ضاري ...

ضاري ... ماجة وسام ..!

بنين لا انه الي ساعه اخابر مغلق

ضاري ... خاف مخلص شحن ...

ماعرف والله بس اتاخر حتى لو هو من زمان كال انه بساحة عدن راح اطلع المفروض هو واصل من زمان ...

ضاري ... زهرررة وينج ....

زهره .... ها هياني جنت بالمطبخ

ضاري ... امشي جيبي اليشمغ والقمصلة ...

بنين ... عليك الله خمو وسام بي شي ...

ضاري ... لا لا بس اني اريد اطلع للمفرگ اشوفه وينه ...
لا تسمعين الحجية اذا سألتج كوليلها هو كال اتأخر

بنين اخذ الستره ولف الليشمغ وطلع سريع مشيت وراه طلع بسرعه شغل السياره وراح ...

رجعت الغرفتي وانه نار مابيه اطلع خايفه الحجية تنتبه ..
ياربي رجعه بالسلامة ربي ماالي غيره بهالدنا...

اوووف شلون بيه كل لحظة اطلع الرقم واتصل والجهاز مغلق ..
يمة تعبا اعصابي .. احس بطني تقلصت وصارت تأذيني

لمار وحسن راحو وسرور ومحمد بغرفتهم .. طلعت من غرفتي
لكيت الحجية تسوي بالعشى وحدها وزهره تتفرج مسلسل
كتلها خاله وخري انه اسوي العشى

الحجية ... لا ماتنوشي روحي يمه تمددي

بنين ... لا خاله خليتي التهي مااريذ افوت للغرفه .. اخذت منها السكين وبديت اقطع بالدجاج ...

الحجية ابين لا ضاري ولا وسام ...

بنين .. ضاري راح الصديقة شوي ويرجع
ووسام كال اتأخر ...

الحجية ها ... الله وياهم .. ماشي اروح اصلي يمه هسه ارجع

بنين ... راحت الحجية واني كملت التقطيع غسلت اللحم وخليته عالطبلخ ...افتر بالمطبخ والوب. ياربي وين صرتو ..

تلفون زهره كبالي عالكاونتر ... نشفت ايدي اريد اطلع رقم ضاري ... لكيتها بالسجل اتصلت طلع رصيدك غير كافي
اووووف ... بسررعه فتحت تلفوني ونقلت رقمه بجهازي
اتصلت عليه لحد مافصل ماكو ... هنا بديت اقلق من صدك
احس واحد خانكني .. مدي اكعد وابجي خايفه ياربي كلشي
ولا يصير شي يمه ماصدكت الكة الانسان الي يحبني الي يقدرني
رفعت راسي ودعييييييت ربي مالي غيرة لا تحرمني شوفته

زهرة ... اكلج بنين باعي ...

انداريت عليها ها زهوره ... بعد العشى ماصار جوعانه

زهره .. لا بس بغداد انفجاز مفخخة خطيه تعاي شوفي

من كالت هيج انه بعد اريد اوووكف على رجليه ماكدر
كتلها لا تكولييييين هيج وين اكو.

زهره والله هسه عاجل انفجار سياره مفخخة

بنين ... مشيت لزمتها احس البيت افتر بيه .. كتله
بيا مكان المفخخة ... داحجي انفتح الباب طب ضاري

كال الحجية وين ... دورت علينا

كتله ووووووسام وييين شو ماكو وياك ... فتحت الباب باوعت ماكو احد وياه

ضاري ... لا تخافين شبيج احتمال عطل بالسياره

كتله لاااااا انه كلبي مامرتاح انفجار ببغداد ...

زهره طبت للهول ورجعت كالت بنييين قريت الاتفجار كاتبين واحد بالمنصور والثاني بساحة عدن ...

كلمه ساحة عدن مثل جرررس ويدك براسي .. لزمت الكاونتر
اخس البيت كله صار بالعكس ... انفجرت بالبجي

صحت بصووووت عالي راااااااااح ابو وليدي ... ولج يمةةةةة
ضاري صافن عليه هو وزهره ...
احساس بداخلي يكول راح وماراح يرجع بعد .....
كتله ابوووووس ايدك دوره شوفه وين وسام يرجع مووو
هو كال اليوم اجيكم ... جان ينتظرنا نبشره بالولد ...

ضاري جيبلها ماي ركضضضض ...

طلعت زهره جابت الماي شربوني وغسلت وجهي
رفعت راسي محمد وسرور والحجية كلهم فوكايه

الحجيه كعدت بصفي وكالت شبيج يمه لا تموتيني شبييييج
وسام ووووين ضاري ساكت مايحجي مشه وراح وكف يم الباب
بس حسيته هو هم حاس بشي ...

ضاري اني طالع البغداد ... لحد يضل باله

الحجية ... ووووين تعال ... ولكم حاجوني وسااااام بي شي

محمد ... ضاري تعال فهمني شبيكم شكووو

زهره ... وسام من الظهر طلع ولحد هسه مابين وجهازه مغلق وانفجار بساحة عدن

محمد ... زين هو من خابركم اخر اتصال وين جان لاااااتخبلوني

بنين وانه ابجي كتله والله هو كالي انه بساحة عدن

الحجية ... لا لا تفاولون عليه عررررريس ابني ماشاف شي من حياته لا تفاااااولون ... هسه يرجع ...

بنين ... خاله وسااااام بعد با تخلو يشتغل بابسياره
الله عليج لا تخلي اذا تريدون انه اشتغل بداله ... شتريدون انه اشتغل بس فدوه اروحلج ماريد ابني يخسر ابوه ويعيش يتيم مثلي ...

سرور ... كولو ياالله هسه يرجع ...

بنين .... يااااالله اي والله انه اعرف هسه يرجع ويفرح بخبر وليده
ويشوف الهدووووم

مر الوقت مثل سنة لليل وماكو ضاري ولا وسام ...

صارت الساعه 1 بالليل والبيت عباالك مهجوم الكل بدون اكل
بدون شرب وحالنا يصعب عالكافر ...
اني من القهر بعد ماكدر اوكف على حيلي ... حاضنه قمصلته وهدوم الطفل وكاعده التلفون بيدي ماعفته ولا دقيقه

محمد طب علينل كال خابرني ضاري

بنين ... من كال هيج احس حيلي انهد اريد اكوله شكال ماينطيني كلبي

الحجية ... شكالك كال جاي وجايب وسام وياه مو

محمد كال اني بمكان الانفجار وحاليا دندور عليه

بنين .... يعنييييييي السياره مو عاطله يعني هو بنص المووووت
لاااااا عليكم الله لحد يكلي هيج وسام موجوده

ركضت على خالتي مرتجيه عالحايط وماده رجليها وزهره تفرك الها وجيرانه مره جبيره كاعده وياهه تهدي بيها
حضنتها وبستها كتلها خاله ادعي عليج الله ادعي ويايه
ادعوووو كلكم عليكم العباس ادعو انه اريد وسام ...

اركض بالبيت مثل المخبله كلساع اطلع وارجع اطب للبيت
احس روحي لابت ...

سرور ... دكافي اكعدي والله موزين علية وانتي حامل

باوعتلها وعيني مليانه دموع كتلها سرور انه ليش حياتي هيج
ليش مامقسوملي افرح ليش عشت عمري بالاهاااااات
ولج انه منو الي انه ماشفت الدنيا حلوه غير ويا لج يردون ياخذو مني ....

زهره .... ضاري خابررررر بنين ديحاجي محمد

انداريت عليها ركضت عليها كتلها شكال احجيييييي

زهره يكول لكيت وسام .....

ضحكت كتله فدووووووه اروحلج وينه حضنتها بوستها كتلها سعني راح يجييييي ولج سرور وسام لكوووو

زهره ... بالمستشفى وسام ... يكول ضاري ...

يتبع ..... اانتظروني بالجزء القادم من اهات إمراه