[قال الزهر آآآه]

قصر جدان الجوهره ....
وصل لاحساسها ....اهتزاز الجوال ....تحت مخدتها ...رمشت بعينها ....جا ببالها حمدان .....اخيرا دق ؟؟؟ لها كم ليله تحاول ...تكلمه و ..طول الليل حاولت تتواصل معه مافيه فايده ....وكأنه يتصدد ...
فتحت عينها ..بتركيز ..وهي تسحب الجهاز من تحت مخدتها ....وتشوف الرقم ...شدت شفتها ...ضاغطه بعجل ....
- وينك من اول اتصل ماترد ..؟؟؟؟
- صباح النور والسرور ..باروح حمدان ...!! ..لهيت هالايام .. ...جدا وانا مبلغك وقايل لاتدقين ...وش بك ياعين حمدان ؟؟ ..
استجلست مبعده شعرها ...حاسه بحرقة اجفانها كثر مابكت ....هالايام ..
- كنت ابي اكلمك ...بسالك وش صار معك ؟؟؟ ..
سمعت تنهاده ...
- صار واجد ....!!! واجد !!! ...ليه صاحي هالوقت ؟؟ انا ؟؟؟ تتو قعين ليه ؟؟
قطبت هدب عينها ...هامسه ..
- ايش حمدان ؟؟
استطرد ...بهادي الصوت الخبيث ..
- تعرفين البنت الي عندي رقمها ؟؟؟ تخبرينها اكيد مب قلت لك فيه احد متواصل معي بخصوصها ؟؟؟ تدرين منهو ؟؟
احتبست أنفاسها ...بجمود ...
- مين ؟؟
- واحد يقاله زناد ال مجفل ؟؟؟ من قبيلة ال مجفل ؟؟؟
شهقت ...بصمت ..تحاول تتذكر الاسم ...بتقطيب .... عرفت القبيله ...بس هذا الشخص مين ...؟؟؟
- وش فيك ؟؟؟ ساكته ؟؟ تعرفينه ؟؟؟
- لا ماعرفه ...بس اعرف قبيلته ؟؟؟ انت تعرف شي عنه ؟؟؟
-الي عرفته انه ...ولد شيخ القبيله نفسها !!! ومو بس كيذا ؟؟؟ تدرين انه مستعد يدفع الي اطلب عشان يأخذ الي معي ؟؟؟ وعارف من انا ...وقدر يجيب اسمي ..لكن مايبي أي فضايح !!
- ايش !!!!؟؟؟ انت متاكد ؟؟؟ ...وكيف ياخذه وهو معي ؟؟؟
سمعته ..يتكلم براحه ....
- اها وهذا الي انا داق عشانه ؟؟؟ انتي ياشوق وش تبين منها بالضبط ؟؟؟
شدت شفتها ..متذكره رنا ...وكلامها معها ..واحساس الذل ..الي عاشته ...معهم ومنهم امس ..
- ابي تنتقم لي منها ...!!!! ابي سيرتها على كل لسان ؟؟؟ ابي اخوها الي علمتني عنه ..يوطي راسه مثل النعامه ياحمدان ..؟؟؟
- افا ؟؟؟ شغلك حامي ياشوق ؟؟ تعجبيني !!! شفتي لو تحطين يدك بيدي ؟؟؟ والله لانكسب ذهب !!
تمت تهوجس بهالاسم ...وهو يتكلم ...معقوله نجلا لها طرف بالموضوع ...او مجرد صدفه ...؟؟!! ...
- شووووق ؟؟؟ وين رحتي خلك معي ؟؟
تنهدت بعجل ....
- معك معك .. .. وش قلت ماسمعتك كنت افكر ؟؟
- لالا لاتفكرين لحالك ؟؟؟؟ من اليوم ورايح لازم نخطط سوا ونفكر سوا ؟؟ اسمعي انا ابي الي معك عنها ؟؟ كله ؟؟ اذا انتي عند كلامك وتبين نكمل !!
سكتت..ثواني ...ثم قطبت ...
- شلون ؟؟ تبي نتقابل ..و؟؟؟ واعطيك ؟؟ وش بتسوي ؟؟؟
- بضرب عصفورين بحجر !! مب تبين اوطي روسهم لك بوطيها !!! ثقي فيني !! حطي ببالك كل هذا عشانك !!!انتي وعدتيني !! تكونين لي ومعي !!!
غمضت عينها ...باحساس خاوي ...ثم فتحتهم تتامل كل المكان ...
- ايه وعدتك ؟؟ وانا عند كلامي ...ثمن وجودي معك ...سقوطهم هم !!!..بس شلون ؟؟ اعطيك ؟؟ برسلها لك ..ايميلك ؟؟ ...سكتت ..ثم تابعت ...
- اوعدني حمدان !!!! تنفذ كل شي طلبت !!!
- يعني ماتبين نتقابل ؟؟؟؟ ماشي ياشوق ...انا معك للاخر ..ياروح حمدان !!
قاطعته ...
- مو عن كيذا الوضع عندي مايسمح ....!! انا نفسيتي ضايجه ...مقهوره ياحمدان ..شوق مب على خبرك ...كسروني !!!
- لا يهمك ...انا بوريك فيهم !!! عطيني الان الي معك بفتح محمولي وايملي انتظرك انتظري مني اتصال !!!
- طيب علمني وش بتسوي ؟؟ بتقابل هذا الرجال !!!
- ايييه اكييييد !! بسحب منه الي اقدر عليه !!..دام بأمكاني ..هو عرض علي بنفسه !!..
- دمرها ياحمدان !!!! ..ودها بستين داهيه مايهمني !!!..
مرت ثواني صمت ...من ناحيته ...ثم رد ..بصوت ثابت ..
- وش بينك وبينها شوق ؟؟ معقوله مجرد هوشات عاديه !!!
- الي جاني منها ..لو اعلمك من هينا لبكره ماراح تحس بشعوري !!
- حاولي علميني ؟؟؟
سكتت راجفه شفتها ...متناسيه هو مين وخبث روحه ...
-تعرف لما تكون منبوذ وسط اهلك وناسك وعالمك !!!ويكون سبب النبذ شخص عنده كل اسراراك ...!!! ..هذا الي شفته ...انا منبوذه ياحمدان ..من اقرب عالم لي !! من الشخص الي هو كل حياتي !!! ...قالتها بعبره ..كاتمه أنفاسها ...
- مين ؟؟ ابوك ؟؟
غمضت عينها ...تاركه دمعة قهرها ..تنحدر ...اهتز متنها ضاحك بسخريه من طاري ابوها ...
- ابوي مات !!!
قطب حمدان هدب عينه ..بتفكير ..عاجله إحساس مدفون ..منزوي ...هز راسه مبعده ...ضحك ..بخفه ..
- اوووه ماني مصدق كثر التوافق الي بينا ...حتى انا يتيم .....!!!!هههههههه!!
ضحك بحس خاوي ...
رفعت يدها ...تمسح دمعتها ...
- ابي تجرها لاسوء مكان !!! فاهمني حمدان !!! ...انا مستعده اعطيك عمري !! بس تدفنها هي !!
غافلها بسؤال ..
- شوق انتي من بنته ؟؟؟ وش قبيلتك ؟؟؟ انتي من ال جلمود او ال مجفل !!!
ردت بضيق ..
- ولا احد فيهم !!! تعال حمدان بسالك ... الكلام الي قلته عن بن جلمود صحيح ؟؟
- ايه صحيح ..معودك اكذب ؟؟ ..يس والله مب هين !!! كثر ماكرهت بروده ..الا اني ودي اقابله واشكره !!!
- ليش ؟؟
ضحك ..بعالي الصوت ....
- سوى لي خدمه ....!!! مع عالم كنت أتمنى من يجي ويسويها !!!...
- ايش ؟؟؟
- لايهمك ...!!! يله ارسلي ...المعلوم !!... صح وين صور مرته !!!
تذكرت ..طردتها ...اساسا ماشافتها ..
- مو هذا سبب اني مقهوره ...انطردت من المكان الي هي فيه !!!؟؟
-ليش ؟؟؟ هم يدرون عنك شوق ؟؟
رطبت شفتها ...بضيق ..
- لا يكرهوني ونابذيني!!..
- اها ...ولا يهمك ...بعرف له ان شاء الله ...بشد عليه من الجهتين ...مرته مره ...واخته مره !!!! اخته هي صح ياشوق ..صارحيني !!!
أبعدت لحافها ...تاركه السرير ....مصممه تبيع كل من باعها ...واولهم رنا ...
- ايه اخته ...!!!..
- فيك شي متغير !!! شوق ؟؟ ...
- انا اعرف من انت حمدان ؟؟؟ ..سكتت ...ثم تابعت ...بدون تعطيه مجال ينطق ..
- ادري انك ...تحبني ...وادري انك محد يقدر يجيب راسك مثلي !!!...
- اوها ؟؟ من وين استنتجتي انك جبتي راسي !!!
- لاتسوي فيها ؟؟ حمدان ..انا الوحيده الي ابطت ماعطتك الي تبي !!! وانا الوحيده الي انت نويت تتقدم لها !!!
سمعت ضحكته ...
- اها من هينا عرفتي ؟؟؟ طيب !! ياشوق ...الي تبين !! ..
- برسل لك الحين وعلمني وش يصير !!
- لاتدقين الين اعلمك !!
- طيب .... طيب ...!!
.................................................. .................................
مكتب الاستشاري ..
زناد بن عبد الرحمن ...
تنفس بصمت ...كاظم الغيض الي فيه ...يدري انها استنتجت من راسها ..لكن مايعطيها الحق تتمادى بالغلط ...عليه !!..انتبه للمرسام المكسور ...رفع حواجبه ..بتنهيد غلط يوم علمها انه صاحب الرساله ...وش كان متوقع ؟؟؟ وايش الي فكر فيه لحظتها ؟؟!!! ..غريب عليه هالتصرف ..!! ..شد شفته ..متستدد على مكتبه ...بتفكير ...!!اجبرته يتصرف معها ..بطريقه ماتمثله ..ولا ترسم شخصه وتفكيره ...كان لازم يهددها !! لجل ماتفضح نفسها !!!... دق جواله ...مد يده يسحبه ...
- ارحب عقاب ؟؟؟ وش صار معك !!
- توني طالع ...!! نفذت الي تبي ؟؟؟
- ممتاز ...جيبهم لي انا بالمستشفى .... انتظرك ....
- مازلت أقول يازناد ليه ماحولتهن له !! بعد كتابة البيعه ليه كاش !!!
- عاد هو طلبها كاش !!! وانا جاد .. مابي اتراجع او احد يسبقني !!
- من هو ذا ؟؟؟ وتستهاهل هالابل كل هالمبلغ !!
تامل زناد القلم بيده ...يقرا ..المكتوب ..الي يخبره ..فيه ...
- وش ظنك ؟؟؟ اخوك مايدفع الا وهو خابر ومتنقي !!!..
- كفو ؟؟يعني اخبرهم يستعدون يستقبلونها ؟؟؟ اعرف انا راعيها ؟؟؟
رد زناد بتشديد ...
- لا ...!! مابيها عشان تكون لي ابي اعطيها !!
- اه ..قل كيذا ...!! من هالمحظوظ ياخوي !!.. عز الله انه غالي عندك !!
سكت زناد ...عاجز عن الرد ...وكن السؤال هو بنفسه يساله لنفسه ...مازال يكرر انه ..اي شخص.. مكانه وقادر بيتصرف مثله ..خصوصا انه متأكد انها بريئه !!!..
تابع زناد ..
- انتظرك يعقاب ...جيبها لمكتبي !! دق علي عشان أكون متواجد وليت تجيبها الحين !!! عندي زياره الان ...للمرضى على بال تجي بكون منتهي !!
- على خير مسافة الطريق يابو عبد الرحمن !!!
قفل عقاب متبسم ....هامس وهو يركب ويحرك السياره ..
- اكيد بتجيبها لأبوي ...يازناد !!! ..وبتفاجئه .. بها بالمجلس الجاي !!! ..
ابتسم ..متابع طريقه ... ..
.................................................. .....................
بيت غازي
ال مجفل ...
غرفة ام نايف ....
- الله هذا بعد انا ؟؟؟ مدري وراني بكل صوره باصمه يمه ؟؟
شيهانه ...متربعه ...قدام شنطه ..ناثره الصور حواليها ...
- كنتي صياحه ... ماتسكتين !!!..سبحانه عكسك وانتي كبيره !!!
ضحكت شيهانه ...
- ونايف يمه ؟؟ اقشر من يومه !!
ابتسمت ام نايف ..
- ايه حبيب امه ..نايف ..عنيد ..مب اقشر وذكي ...!!
- والله اجل انا الغبيه ..؟؟؟ ...والله اني أتذكر مشاكله مع عيال الحاره ...!!
- هم الي يتعدون له ...وابوك الله يرحمه مب معه !! لهى بخسايره ومقابل غيري !!
سكتت شيهانه تاركه الصور ..مطرفه بعينها لأمها ...
- حبيبتي امي !!..
رفعت ام نايف عينها لبنتها ...تلاقت نواظرهم ..
- ابوكم قهرني ...بزواجه !!!....حبها اكثر مني !!..ماعدل بينا !!صار لها كل شي !!..فرح بعيالها ..اكثر من فرحته فيكم ..
قطبت شيهانه هدب عينها ...هامسه ..
- لاتقولين كيذى يمه ...عمري ماشفت ابوي يكرهنا !!! احسه معنا ضدهم امي !!!
- ابوكم عقب ماتت ..كره الدنيا وكل شي !!..ابتعد عن كل شي حتى هم !!!
جابهم لي ...يلا ياغاده ربي عيالي من الحرمه الي حبيت !! تجبر وكسرني مرتين !!! ..
- بس هم أطفال مالهم ذنب يمه !!! هم حتى ماعاشارو امهم !!!
أبعدت ام نايف ..عينها ...
- دايم اشوفها بنجلا !!!! ... عين نجلا تشبه عينها ..كل ماتجي قدامي ..كان نوره واقفه !! ..كنها تقول انا مت بس بنتي عندك غصبن عليك تقومين بها !!! ..انا موجوده بحياتك مامت !!!..فيها من ...سكتت ..
- من ايش يمه ؟؟؟ فيها من ايش!!؟؟جميله زي نجول تقصدين !!! ..
هزت ام نايف راسها ...
- لا ..اقصد فيها من شموخ نجلا !! ومن .... ترددت .....
- قولي يمه ...
تركت شيهانه مكانها متوجهه ...لأمها ...
- فيها من القبول ...الي بنجلا ..وبياض روحها !!...رجفت يد ام نايف وهي ترفع الكوب تشرب ..منه بصمت ..
رمشت شيهانه ..اخيرا أمها اعترفت ...بطهر قلب اختها ...
سكتت تاركه لامها مجال ...تتكلم ...
- تدرين وش الي حرق قلبي !!!..؟؟ انها ماكانت تحب ابوك هو الي حبها وعزها ورزها ...وعشانها كان مستعد يبيعني ...اصلا باعني وارخصني !! رجع لاني انا عرضت اربيهم !!!
قطبت شيهانه ...نواظرها ...
تابعت ام نايف ..
- كرهتها ... وكرهت عيالها ..مثل دم سنوني !! كل شي سويته !! ..كل ماتصيح نجلا !! احس بالنصر !!! ..وكل ماشوف القهر بعين سعد ...استهل وافرح ...واقول خسرتسي بالنهايه ...يانوره !!! انا الي بقيت ..!!
تجمعت ..دموع شيهانه ..حاولت تبلع ريقها الجاف ...اوجعها الكره الي بقلب أمها لسعد ونجلا ...خاصه انها شاركتها الظلم ...ياما وياما ....لو ماسوت غير الصمت !! شهدت زور !! ارخت راسها ..عينها عالصور ..من بعيد ..
تابعت غاده ...
- كنت ابي ازوجها خالك !! عادل ..عشان تندفن معه !!!.. كل مااشوفها ودي اكسرها واهينها !!!...كل مايضربها نايف ...كاني اضرب نوره ...!! ..
رفعت شيهانه يدها لشفتها تكتم نفسها المهتاج ..متذكره الليالي الي انضربت فيها نجلا ..والي انعدمت ملامحها ..متأثره بضرب نايف ...
- كنت اكذب على نايف عشان يكرههم ...!!! كل ماشوفه يحن ...ازيده غيض !!! وأقول له ان ابوه يحب سعد اكثر منه !!! ...واقول له ان مرت ابوه آذتني ...وان نجلا مخزيه ...
غمضت شيهانه عينها ...هامسه بضيق ..
- يووه يمه !!!..
رفعت ام نايف عينها ...لها ...
- عقب هذا كله ...ورغم كل محاولاتي ...الحظ كان لها هي الي بتاخذ ولد العز !!!..والجاه ...والحياه الي حرمتني منها أمها هي بتعيشها !!!! وانا بتم بالفقر !!! كنت اتمناه لك انتي وودي يتفركش كل شي !!!!....
ناظرت شيهانه يدها المتشابكه ...
-بيوم وصلني انه داشر ...ومب كفو ولعاب !!! علمتني وحده من الجيران !!! فرحت واستبشرت وقلت جاك يامهنا ماتمنى !!!..الحين بتنهان !!..وبتنذل !! ....حتى يوم جا يشوفها كنت ناويه لها الشينه بس ماكتب ربي ....!!..
تنفست شيهانه ..ساحبه المنديل ...
هامسه ...برجى ضايج ..
- يمه ...!!..
-اسمعي ...بنتي امك ...قبل يموت ابوك بليله ..كان غيه شي غريب !! متغير ..بس يطري عياله ونوره !!..الين قبل يموت وهو يذكرها ...ثارت نار الحقد بقلبي ...اكثر ...هو توفى وانا ترملت لاعشت معه حياه زي العالم ..لا انحبيت ...ولا عرفت شلون احب !!!....فرحت بالي صار لها ...وتوقعت الوليد يطلقها عرفت ان فيه سالفه وشي كايد !!..
- يمه تكفين خلاص ...خلينا ننسى الي راح ...
-اختك تبي تتنازل لي عن البيت !!!.....
لمحت شيهانه ..دموع أمها ...لاول مره بحياتها ...تشوف انكسارها ...وضياعها ...
تابعت ام نايف ..
- رغم كل شي سويته لها ..وظلمي لها ...وتجبري عليها ...تبي تعطيني حقها بالبيت ...!! سكتت بشفايف ترجف ....
- تدرين انا انهزمت بنتي ؟؟؟ نوره بعيالها غلبتني ..حتى وهي بقبرها ...خذتكم انتم معها ..بعيالها ..وكسرتني ببنتها ......
تحدرت من غاده دمعه ..رفعت مسفعها ..تمسحها ...
قربت شيهانه ..
- يمه والي يسلمك تكفين يكفي !!! ..اهم شي انتي عرفتي ان اخواني مامنهم شر !!! سعد ونجلا قلوبهم نظيفه يمه ...مايكرهونك والله !!! ..
سمعت شيهانه الباب ..ينفتح ..التفتت شافت نايف ...واقف ..عينه على امه ...بصمت ...مرتسم بنظرته ...ضيم القهر ..واللوم ..لذاته قبل كل شي ..هو شارك بعد ..ماقصر ..تجبر وطغى ...مر بضغوط ..الين فر من البيت ..مابين صراع ..نفسه ..وامه ...الا انه تبع هواها ...
شدت شيهانه شفتها هازه راسها ..تطلبه لايزيد ...
ماكان يناظرها ...عينه على امه ...سمعت حسه ..
- نجلا بتتنازل وسعد بعد يمه !!! ..بيتنازل لك ..عن حصته بالبيت !!! ..اخواني مايبون منك شي !!..اخواني يبون الرحمه يمه والانصاف !!!!
رفعت ام نايف راسها ..له ..
تلاقت نواظرهم ..ثواني ...
تم يترقب ملامح امه ..بصمت ...تابع ..بحس حاني ...اجفل شعوره شوفتها كسيره ...لاول مره ..!!! ولأول مره تكون صادقه ..
-انا يمه تغيرت ...وضميري مرتاح !!..وانتي القلب الكبير ...الله يطول بعمرك لنا ويخليك !!!..الطيب يمدي عليه يمه ماضاع شي !!!
دخل بخطواته ...يمها ..مقرب ...منجني وجالس مقابلها ....مد يده ليدها رافعها يلثمها ...
- انتي الخير والبركه ...انتي بركة بيتنا ونوره يمه !!..
- انا معد ابي شي من الدنيا ...ابيكم انت بس ...!!
- احنا معك يمه وحواليك عمرنا مارحنا عنك !!! ..ولا بنروح !!..حتى خواني ..
قاطعته ...
- اخوانك يستحيل ينسون فعايلي انا ظلمتهم ...ظلمي كان شين ياولدي !!!..
رقت نواظر نايف...وعين شيهانه تترقب بصمت ...
- قلوبهم ..مافي انظف منها يمه !!!...
هزت راسها ...بتحدر دمعتها ...من جديد ...هامسه ..بانهزام ..
- هزمتني نوره بالاخير ...
- له له ...يمه ..الا طيب اصلك هو الي هزم كرهك لهم ياميمتي !!
سحبت يدها ماسحه دموعها ...وقفت ..وابتعد نايف ...
- بوريكم شي ..عندي ...
استجلس نايف عالارض مترقب بصمت هو وشيهانه ...متتبعينها بنظراتهم ....
الين وصلت لدولاب عندها فتحته ...ورعت يدها لظرف مدسوس بين الشراشف ..سحبته ..بصمت ..لافه لهم ...
لاحظت عيونهم المتسائله ...
- هذي لاخوانكم ...لقيتها عند أغراض ابوكم ..وخذتها قبل تشوفونها ...
قطب نايف ..عينه ..
رجعت مكانها ...
فاتحه الظرف باصابع ترجف ...سحبت صور ..متجمعه ..ولفتها لعيالها ...
انرسم حس المفاجئه ..بعيونهم الاثنين ...الصور تتمثل بآيه ..احسن الرحمن خلقتها ...مع ابوهم ...الي شايل ..طفل .....
رفعت شيهامه راسها لامها ...
-هذي مرت ابوي ؟؟؟ ..
هزت ام نايف راسها ...
- وهذا سعد معها وابوكم ...!! شوفوا ابوكم !!!! عيونه ونظرته شلون !!! ..
مد نايف يدينه ...للصور ..يتفرج عليها بصمت ...كلها لنوره وابوه وسعد معهم وصوره لها وهي حامل ...البسمات مافارقت وجه ابوه ابد ...رجفت طرف شفته ..بشعور ضايج ...
همست شيهانه وهي تأخذ وتتفرج ..
- نجلا ماقد شافتها ؟؟ قد قلتي لها انك حرقتي صور أمها !!!
هزت ام نايف راسها ....بصمت ..مخجل ..
تكلم نايف ...
- هذي كانت عند ابوي ؟؟؟
- ايه ..
سكت ..مفكر ...بصمت ثم رفع راسه ..
- انا متاكد ان عطيتها اخواني ...بتكون بادره زينه منك يمه !!..
سمعو حس نصوري ...
- قميتوا!!!!!!!..
انفتح الباب ....
التفتو له ...
ابتسم نايف ..
- تعال اصبح ..عليكم ...الله يعينكم ...!!
ضحكت شيهانه ..ماخذه الصور ..سمعت أمها ..تناديه ..
- تعال شوف بابا نصوري ...
التفتوا لأمهم ...باستغراب حاني ...
.................................................. .................................
فندق الفور سيزن
قامت نجلا...واساسا نومها كان خفيف ...وكأن الروح تتاكد انه موجود..
بكل حركه تفتح عينها ..وتحس بحرارة أنفاسه وجيده حاظنها ...
فتحت عينها ..النوم رفرف وطار من عينها ...رفعت راسها بشويش ...تتامل الوليد نايم ...ومستغرق بالنوم ...ابتسمت بطرف شفتها ..كل ماابعدت وتحركت سحبها بحظنه ...بصمت ..حبست أنفاسها ..لطيور المشاعر المتهافته له من قلبها ..وروحها ...ترقبت شعر ذقنه ..وبياض الشيب بسوالفه ...وبشرته ..الصافيه من كل عذروب ..لوجناته المنحوته ..وصلت لمحاجر عينه ...المحفوره ...شدت شفتها ..غيابها عنه ..وبعدهم ..وضح عليه وعليها ...همست لروحها ...وبداخل عمق خاطرها ..
شلون رضيتي خالتي ميثا بالضيم له !!!؟؟..الي شافته بروحه من قهر ..واصرار ارعبها ...اهلك مواني عشقها له ...حاولت تبين له ..العكس ..قد ماتقدر ...لعل وعسى ...بيوم يمكن ينسى ..الي هو مقرر عليه ...
رفعت يدها بخفه ...تبي تتلمس هدب عينه المرسوم ...متتبعه هدوووؤ أنفاسه ...لامست اناملها ...شعر الهدب بخفه ...مثل همس ..السحاب ...رتبته باصبعها ...جت تتحرك بصمت ...بتقوم ...غرقان بالنوم ...ابتسمت براحه وانتصار انها انسلت من يدينه بدون يجس ...عضت شفتها ..بتقطيبه ...وهي تشوف الساعه ...غريبه ماقام للشغل ...له فتره يتاخر ...رطبت شفتها بتفكير ماكر ..الفجر جننها كل ماغفت عينها ...قرصها ..او دغدغها ...راحت دورة المياه ...بعد ربع ساعه ..طلعت ..غاسله ملامحها ..ورابطه شعرها ....وبيدها كاسة مويه ...ماتدري اش بتواجه معه ...تنفست براحه يم شافته مازال نايم ...مطت شفتها ...مقربه ..يم جوالها وهي تشوفه ينور بصمت ...سحبته شافت رقم ام طلال ..قطبت مغمضه ...مالقت وقت تكلمها ...تركت الجهاز ...متوجهه لجهته ..بخفه ...وقفت جنب مكانه ...منسدح ..على ظهره .تارك يدينه على صدره ...وراسه مايل على جنب ...دخلت يدها بالكاسه ..ترطبها ...مقربه ..ترمي رذار الما على رسم ملامحه ....بكتمة انفاس ...
ضل جامد بليا حراك ...صبت من المويه اكثر ...مقربه ..وهامسه ..
- جلمووود وين بتحس!!! حتى المويه ماقومتك ؟؟؟؟ ...
نقرت بيدها المويه ..على نحره ...
مستغربه جموده وثبات أنفاسه المويه بارده لو هي رجفت واصله للسقف ....
همست ..بحلاوة صوت ..مستنكر ...
- الوليد ؟؟ ....
هزت راسها ....مقربه يدها عند مجرى أنفاسه ..الين حست بحرارة النفس ...عضت شفتها ...قبل تسحب يدينها ...قبض معصمها ..بحزم ...صرخت ..بخوف ...ضاحك ..ناثره المويه ...على صدره ...
- كنت ......عارفه !!!!!......
التفت لها ...بعين مرهبه ..مابين هزل وتهديد ....
- قايم من اول !!!! ليه تمثل !!! ..
تم قابض يدينها ..مهدد ..
- اوريك انا !!! ...تستغلين نومي !! تشجعي ...وانا قايم ووريني !!!
رفعت حواجبها بتحدي ...رافعه الكاس ناثره باقي المويه عليه ...ومحاوله تهرب ..من مسكته ..يوم شافت عينه تجفل من برودة المويه ..
- هه شوف قد التحدي انا ؟؟؟؟ !!! ...
استجلس ساحبها ...بتوعد ...مبعد اللحاف ..عن جيده ...ومنزل رجوله ....مقربها ومنحني يشيلها ...صرخت باستنكار ...
- وش بتسوي ؟؟؟ بترميني عالسرير قدي....مه ....!!! قالتها ضاحكه ....
وقف رافعها ...يترقب شعرها الي انفلت من عقدته وتهادى مبعد عن ملامحها
تمسكت يدها برقبته ...محذره ...بضحك ..متقطع ..
-اش بتسوي ؟؟؟ يله ارميني ...!!!..
قطب هدب عينه ...مترقب هزيج انفاس ضحكها ...خاطبها بحس ثابت ..محذر ..
-انتي اجبرتيني !!..قولي ان شاء الله اربطة رجلي ماتوجعني ...يادبا !!
قالها وهو مبتدي يمشي بها ..شايلها ..ومتحرك من مكانه ...
شهقت ..بعجل ..مستنكر ..
- وين بتوديني ؟؟؟ رجلك يالوليد!!! بتوجعك رجلك !!! من جدك انت !!! باللهنزلني بالله !!!
- مافي نزول اوريك انا !!..
افتحت عينها تشوف توجهه لدورة المياه ..بحزم ..واصرار ...
همست برجفه ضاحكه تحرك رجولها بقوه ...تبي تفلت من ذراعه ...
- اثبتي !!!!...اثبتي نجلا مانيب منزلك !!!!تبين اطيح عليك واكسر لك رجل ونصير نعرج سوا براحتك !!!!...قالها بحس ضاحك ...
عضت شفتها ..وهي تشوفه يدف الباب ..بمتنه ...مستدركه اش بيسوي ...وصل للبانيو ...نزلها ..بثبات ..داخله ..
- اش بتسوي !! له عاد ؟؟ مب كيذى ...وش فيك من جدك ...انا كاس بس !!..
ثبتها بذراع وجده ماسك ذراعها وبيد فتح دش المويه على ابرد مستوى ...وباقوى اندفاع ...سمع صرختها ..ورا المويه يضرب ذذراعه ..قبلها ..
- لااااااااااااااه .....!!!! بارد بارد المويه ...
ضحك هاز راسه ...ساحب الدش بيده موجهه فوقها بقرب ..وصوت شهقاتها تتوالى ...
-يله خذي الي تستاهلين !!! صيري قد المزح يانجلا !!!
ماسك يدينها بقبضه وحده مانعها حتى ترفعها تغطي ملامحها وتبعد المويه ...
- وي...لك .... من ...رب....ي ...!!! ..تحركت مندفعه ..لجيده ..مغافلته ..
- ارجعي ...لاتزلقين ..!!..
صوت شهقاتها من برودة المويه ..الي وصلت لاعمق ...جيدها ..اثلجت لسانها ..واسكتتها ...ترقبها ..ببسمه حازمه ...كان واعي لها من جت ..بس تارك لها الحريه ..معه ...اخر شي توقعه تتحداه ...لاحظ رجفة شفتها ...وبسمتها ...المتثاقله ...
-خلا.......ص !! بس وقف المويه !!!..حرام علي.....ك ..
شد فته مقطب ..وهو يبعد اللي ...ويقفل المار ويفلت يدها ...ملاحظ ارتجاف كيانها ...
- هاه ..!!! تأدبتي !!! بتتحدين مره ثانيه !!!..
ناظرته رافعه يدينه تمسح ملامحها ...برجفه ..مخفيه ..بسمتها ..ناسي ان المويه عشقها ...ولعبها مافارق عمرها كله من صغرها ...همست برجفه ..
- حرام عليك بمرض الحين !!!..بسرعه عطني ..روبك ذا جمد...ت !!! جمدت يالوليد !!..
قطب هدب ينه ..برفعة حاجب ...
- انا اجرد !! عادي تشوفين ؟؟؟ انا بفتحه عادي بس انتي !!
قاطعته ..مبعده خصل شعرها الرطب بقطراته ..ويدها تفتح قميصها ..المبلول ..امام مرأى عينه ..بجرأه ..جديده ..ابتسم ..
- لا والله من جدك ...لو ادري ان الخجل بيودعنا كان من اول غسلتك بالما البارد ...!!!
فتح روبه بيده ..وعينها الجفلا ..مبعده عن جيده ..وهيبة حظور خلقته المرسومه ...تعرف ان قربه يكفيها ..تدفى من برودة أي إحساس ..يخالجها ..مدركه تأثير حظوره بالشكل ..امامها ..مدت يدها بعجل ..وهو يساعدها تلبسه ..ويلفه حواليها ..
-فهمنا ...فهمنا ..توبه اتحداك !!!..اطرافي بتتجمد ..يالوليد المكيف بارد ...قالتها منزله عينها عنه ...وعن جسمه ..
-بروح اقفل التكيييف ..وارجع لاتطلعين ...
تراجع طالع ..عضت شفتها قابضه ..لي الدش بمكر ..هازه راسها ..
-اوريك ...!! انت بللتني بلبسي انا بروشك عريان !!! بجلطك يالوليد بجلطك !!!..
تراجعت ..يم مفاتيح المويه وهو يدخل ..
- يله اطلعي ..بتجهز ..وراي شغل لليل ..!!!..وجيبي ..لي غيارات ...
ابتسم لمنظرها المستكين ..المتنازل ...شفتها قالب لونها ..ارجواني ...من برودة الجو حواليها ..
قرب منها ..جاذبها ..مغافلها ...منحني لاثم شفايفها ..معترض ..همسها المتشاقي ..
-أي...ش...!!!
حست بدفى محتوي شفتها ...متهادي ..مابين حنايا ..مبسمها ...مسرع مايجمدها ثم يشعل ..الضي الي يجمعهم ..بقرب ..آثم ...عاشق ...تمسكت بلي المويه ..ابتعد عنها بحزم ..وكف يده حوالين خدها ..واابهامه يتلمس شفتها ..بتركيز ..عينه ...
ناظر مبسمها
...
-ايوه كيذى رجع لونها !! بدى الدم ..يمشي بعروقك المزرقه !!!!
رمشت عينها تناظره ماسكه ضحكتها ..
- ابعد طيب ..بطلع ..
تراجع ...معطيها مجال ...راقبته يبعد عن مجال مكانها وقربها ..تحركت بعجل فاتحه رشاش المويه مغافلته ..وموجهه له ..سيل بارد ...لكل جيده ...
تراجع متفاجئ ..وهو يسمع ضحكها ...المتهادي ...بدون توقف ...غافلته ...
تكلم بعالي الصوت ..
- لعنة الله على شيطانك !!!!....تراجعت ..وهو يقدم ..
- تستاهل ...تحسب بسكت لك ..
تحركت مستعجله رافعه رجولها تبي تهرب منه والليي معها موجهته عليه ..وعلى مبسمه ...توقعت انها بتقدر تهرب وتعاجله ...بخفتها ...الا انها اول مامرت ..مد يده قابض جيدها باستحكام ...صرخت بضحك ...
تقطعت أنفاسها من الضحك ..
-اب..عد ..تستاهل ...!! وجهت راس الدش لوجهه تبيه يبعد ...وماقدرت بذراع ..حاوط خصرها باستحكام ...وبالثانيه ...قبض يدها اللي ماسكه اللي ..
سمعت حسه الضاحك ..
-بالي أطول مما تتصورين .....
انفتحت عينها وهو يسحب اللي ويحذفه ...بعجل حظنت جيده ..متمسكه فيه مب تاركه لها مجال يبعدها ..او حتى يفكر يعاقبها ...
هز راسها وقطرات المويه ...تتهادى على متنه ...
-لا لا ...حظنك مب شافع لك ...
- بالله ...بالله ...خلاص ..تساوينا ...وحده بوحده ...
حاوطت خصره بذرعانها دافنه راسها بصدره ..
تكلم مهدد ...بهزل حازم ..
-اليوم عينك منتيب قادره ترفعينها بأحد ...عشان تعرفين ان الله حق !!!

انحنى ..مبعد خصل شعرها الرطبه ..دافن راسه مابين ..
حنايا عنقها ...قابض باسنانه ...اسفل عنقها ..بليا هواده ..سمع صرختها ..الممتزجه بحسها الضاحك ....الغازي لكل ضيم سكن فيه ...حتى الصباح الي هي فيه ...اضوى ... بهزيج ....حلو المشاعر الي احيتها ..حواليه ...ومعه ...
.................................................. .................................
المبنى الرئيسي لشركات العايض ...
مكتب الاداره العامه ...
ترك القلم الي بيده ...موجهه انتباهه لابوه ..
- تبي نروح سوى يبه ؟؟؟
رفع ابوه يده ...رافض ..
-لأ ...يالله قبل ..يقابلني !!..واساسا رافض أي احد يكون معي !!! ..
شد حمدان شفته بضيق ...مفكر بنية هالرجال ...عينه على ابوه ..المجهد ..تنهد ...
-مادري يبه انا مب مطمن لنيته لنا !!! وش معنى يبيك لحالك !!!!..
ركز ابوه بعينه ...
-الرجال بيقابلني بشركته وامام ...فوج من موظفينه ياولدي !!! انا متاكد عنده شي !!!لكن الله يستر وش نيته !! ..بعد مايقابلني !!..الحين كل امورنا تحت يده !! يقدر يرفعنا او ينزلنا ..بأمر واحد منه !!
شد حمدان يده ..رافعها منزل نظارته ...مبعد نظرته متذكر ولد عمه ...وهاجس قلبه معيي يبعد الشك فيه ...
- ودي اجي معك لو انتظرك برا ..
- انا بزر ؟؟؟؟ او ووورع صغير ..ياحمدان !!!!
- حاشا يبه ...بس الي مثله ..ماله امان !!!!
ارخى أبو حمدان عينه ...للاوراق ...
-بما انه ...الشريك الرئيسي لنا ....لابد يطلع عالاوراق ويوقعها ...مانقدر نتحرك الا فيه وبتوقيعه !!!..خبط بالقلم خبطات متوتزنه ..
متابع ..
- عمري طول السنين الي عشت ....قطع كلامه ..وهو ..يهز راسه ...باستنكار ..
تأمل حمدان ابوه ..يدري ان ذراعه ..ملويه ...ومنقهر !!! يحس بعجز ..كاوي قلبه ......ابوه مقهور لكن مب متكلم ولا شاكي ...
.................................................. ..............................
جناح الفور سيزن ..
سكرت الدرج ...مقطبه تدور ..شي معين ...بعينها ...قبل يطلع ...فتحت الكومدينو الي جنب ..مكانه عالسرير ... ارتاحت عينها ..وهي تمد يدها ..مبتسمه ...قبضت باصابعها ...عالخاتم ...محتويته بكف يدها ...بانتصار ...تراجعت قافله الدرج ...راحت بخطواتها ...تدور شنطة يدها ...وتدسه فيها ...
رجعت للغرفه ..سحبه الفرشه ..تمشط شعرها ...وتفرقه ...بخفه ....عضت شفتها ...تتأمل الاثار ... الي وسَمها بالعاني ....هزت راسها ..بضحك ..هامسه ..
- مجنون !!! ...
تركت شعرها ..وهي ترفعه بعيد عن عنقها ...فتحت الادراج تطلع أدوات زينتها ..وتبدى تخفي اثاره ...
قطبت هدب عينها ..واصابعها تتلمس بخفه ...
- مجرم يالوليد ...
-مين المجرم ؟؟؟ ..عيدي !!!..
اجفلت ..ملتفته ..له ..وهو يتقدم ..بعرج ..واضح ...
اشرت بعينها ..لرجله ..جافلها وضوح عرجه ..
-رجلك ؟؟؟ توجعك ؟؟ ..
ناظرها بتركيز ...وهو يتقدم ..ويرمي المنشفه الي بيده ...تارك شعره ..حر ..
- الله يهديك ... ليه تشيلني ؟؟؟
-احسبك خفيفه ؟؟؟!!!! ..فاجئتيني صراحه !!! انحفي ..يابنت غازي !!!..
قالها عينه تتهادى على جيدها بهزل ..
كشرت ..وهي متراجعه ..تمشط شعرها ..
- لا والله ؟؟ مب سامنه ولا شي ؟؟؟ زي ماانا !!! بعدين ان شاء الله اصير بقره ...عادي عاجبتني نفسي !!!
اطرفت بعينها له معطيها ظهره ...يلبس ..رجعت ..مبتسمه ..نافضه شعرها ..ومنحنيه ..بحركتها المعتاده ....
- تبين نفطر هينا او ننزل ؟؟؟ او نطلع ؟؟ ..
استاقفت ...وشعرها متناثر حوالينها ..بعصيان ..
-وانت منت رايح الشغل تقول تاخرت ؟؟؟
-بفطرك واروح ...؟؟
لفت تربط شعرها ...وتكمل تخفي ...الي برقبتها ...
سمعته ...
- لاتحاولين انا ..تارك شي ماينمحى بكريماتك !!!!
- مجرم؟؟؟؟
سمعت ضحته العجلا الهاديه بدون تلتفت ...
- هاه وش قررتي ..؟؟..
تنهدت تاركه الي بيدها ..لافه ومتسانده عالتسريحه ..ومكتفه يدينها ...
-ابي ..نفطر برا !!! اختار لي مطعم جديد ...انت بتجي بدري اليوم ...
لبس ثوبه ..وبدا يسكر ازاريره ..بهدوووء ...وعينه عليها ..مقطب ..
- أي يمكن ماجيك عالغدى تبين انزلك بيت هلك ؟؟؟
- لا رجعني بكلم سعد ..ابي اعزمه اليوم عالغدى ثم بروح لهم ؟؟؟ اذا جيت تروح لخالتي مهره ..مرني ..من هناك .. بكون جاهزه !!..
هز راسه ..متوجهه لشنطته ..يطلع علبه سودا ...فيها مجموعة كبكات ..مرصوصه ...اختار منها ...ولبسها ...
توجه للكمدينو يفتح الادراج يدور غرض ...
انتبهت له ....
- اش تدور ؟؟
رفع راسه ..لها ..
- خاتمي ؟؟ ماشفتيه .. حاطه هينا !!!
هزت راسها بكذب وهي تعض شفتها مبعده عينها عنه ..
- لا .... تحب الخواتم انت ؟؟ ماحظه انك صرت تلبسها ..من رجعنا من جده !!!..
- كل الي عندي وارثها من جدي الله يرحمه ...احب كل شي يخصه ...!!
رفعت حواجبها ..
- اه ...
- دوري عليه بعدين ...!!! يله البسي عباتك ..!!
سحب .. شماغه ..المعلق ..
- طيب ...
تحركت تجيب عبايتها ...وتاخذ شنطتها ...
رجعت ...لابستها ..انتبهت ..لجوالها بيده ...ارتعبت بصمت ...خافت تكون ام طلال راسله شي ...
رفع راسه لها ..
-امي داقه عليك اكثر من مره ؟؟؟
احتبست أنفاسها ...
- بالله ؟؟ انا مصمته ؟؟ اكيد بتسال عنا !!! من زمان ماكلمتها !!! ..انا !!..كل ماجيت ادق الهى ..!!
ترك الجوال ..متقدم للتسريحه ..
تنهدت براحه ..مكتومه عن مدارك فهمه ...
- ماكلمتها انت ؟؟ ابد !!!
- لأ !!!..اخذ علومهم من طلال !! والبنات بعد ..يدقون !! كل علومهم عندي ..!!
خذت الجوال ..داسته براحة يدها ...معاجلته بسؤال ...
- متى تطلع لي رقم ؟؟؟ او اعتمد هذا خلاص ؟؟؟ لاني ابي اعطيه صديقتي ..والي يعرفني !!
اطرف بعينه لها ...
-عطيهم ...هذا الرقم مايعرفه الاعماتي ..والمقربات ..!! وطلال !!
- يعني خلاص بيصير لي ؟؟ زين ...!!
تقدم ..بعد ماتعطر ...مر من عندها ...غاشيه روحها ..روايح عطره ممتزجه ..بالصابون وكريم الحلاقه ...
تنهدت ..بعشق ..لابسه نقابها ...
- يله طلعنا ...!!
مشت معه ...طالعه ..ساحب عصاته ...
- هاتي شنطة محمولي ....... سكت ..ثواني ...ثم ..نطق ..براحه ..
-.او خليها اذا جبتك باخذها ...
.................................................. .........................
المستشفى ....
جناح ام سلطان ....
رنا ..جالسه ...ساحبه كرسي ..مقابله أمها ...متسانده ..على خدها ...تتاملها ...وهي تتكلم بصعوبه ..بس بفرح ...ابتسمت لها ..مشاركتها ..
-ايه يمه انتبهت ...!! انا ملاحظته بعد متغير ..!!
-سبحانه... رب ..ضار..ة نافعه!!! بنتي ...تعبت ..واجتمعوا عيالي !!..
رجفت شفة رنا ...متابعه حس الفرح ..بصوت أمها ..الوجلان ..من التعب ...مسحت ملامحها ..تبعد حرارة الدمه بعجل ...شاده شفتها ...
- ونعم بالله امي ....سلطان طيب ..حتى لو اخفى هالشي يمه !!..
هزت ام سلطان راسها ...ببسمه حانيه ...ورنا تترقبها ..بوجع صامت ...العجز مكبل كل حس فيها ..وكل بوح ..وكل دمع ...
لفت لها أمها تتأملها بصمت ..ثم تكلمت ...بحاني الصوت ..
- وش في...ك بنيتي ؟؟؟ ..
ضحكت رنا بخفه عجلا ..ضحكه كاذبه ..
-مافي شي يمه ..فرحانه بك ..الحمد الله تحسنتي ...وبنرجع بيتنا ...وحياتنا !!
سكتت وامها مازالت تترقب ملامحها ...بصمت ...جت تنطق الا باصوات تقرب ..ودق عالباب من بعيد ..وقفت رنا بعجل ... لافه واجهت الممرضات ..واولهم رضوى ..
- الدكتور جا ...
شدت رنا شفتها مبعده عينها ..الكارهه له ..
- بدخل اجيب عبايتي لايدخل قبل اجي !!!! قالتها بصوت آمر !! ..
رفعت رضوى حواجبها ...باستنكار صامت ... رطبت رنا شفتها ..مهديه ملامحها ..مالها ذنب رضوى تطلع حرتها فيها ...هي مب عارفه جنس الحقير الي تشتغل عنده ...
-معليش تنتظرين البس ..ابي اعرف وش بيقول عنها !!!
سكتت رضوى هازه راسها موافقه ...بصمت ..
تحركت رنا ..بعجل ..مستحيل تخليه مع أمها ..دقيقه بعد ماقررت ..تعلم الوليد ....لاينفذ تهديده ...ويعلمها ..ارتعبت احاسيسها ..حاسه بثقل جاثم على صدرها ...مرت ثواني ..قبل ترجع قابضه عبايتها مخفيه عينها ...وكل شي فيها ..تحت سواد كاتم ...ساتر ..وكنها لابسه درع حامي.. لها ..قربت من أمها ..ماسكه يدينها ...
هزت رضوى راسها ..طالعه تنادي زناد ....والممرضتين حوالين ام سلطان ..الي ترتب لحافها والي تشيل وتبعد بعض الاجهزه ...
جمدت سامعه حسه الجهور ...
-السلام عليكم ورحمة الله وبركاته !!!..
أبعدت رنا يد ها عن أمها لاتحس بقبضة يدينها المتشدده ...مسكت عوارض السرير ...بتشديد ..جافله لصوته ..الكرييه ...وقفت بشموخ ..يخفي ..ضياع أنفاسها ..وروحها ..وهدير ..القهر ..والغبن ..دافنه إحساس الخوف ..المتشعب كل ركن في جيدها ...
-شلون مريضتي اليوم ؟؟؟؟ بشري عنك ؟؟؟
قالها مقرب متجاهل وجود الواقفه ...مخفي أي اثر ..داخله ...ولا حتى اطرف بعينه لها ...
-بخ...ير.... عساك بخير !! كل يوم...اتحسن ....
هز راسه ...مبتسم برخيم الصوت الجهور الواضح ..
- الحمد الله !! هذا من فضل ربي !!ياخاله !! لا وبعد بتطيبين ..وبتجين المراجعات ..برجليك تمشين ان الله قاله !!!
هزت ام سلطان راسها ...ببسمه ..
- الله كريم ...الله يعافيك ...ويوفقك ...ويرحم امن جابتك ..
عضت شفتها رنا بغضب ...مستنكر ...الله لايعافيه ...ولا يوفقه الحقير ..النذل ...الواطي .... ..اه يمه لو تدرين ...
- امين امين ...احلى دعوه منك للوالده ...حتى هي تبي تزورك !! وتوصل لك سلامها ...!!
- الله يسلمها ...
التفت لرضوى يسالها ...
- جاها دكتور هاني ؟؟؟
- لا لسه ...!!..
التفت لام سلطان ...
- اليوم بيزورك ..دكتور هاني تبع الاعصاب ...بيتطمن على اطرافك ...وان شاء الله انها بخير !!..
- ان شاء الله ...الله يعطيكم العافيه ياولدي ..
-ماسوينا شي ...هذا واجبنا ..الله يقومك سالمه ..ومتعافيه ..
تراجع مطرف بعينه يم الواقفه ...بجمود ...ثم ابعدها ..موجه تعليماته للممرضات ...وتارك المكان ....
أبعدت رنا ..بعجل تسحب نقابها بتختنق ..من كذبه ..وتمثيله دور الشهم ..راعي الخير الدكتور المحترم ...
التفتت لافه راسها ماسكه رقبتها تسحب انفاس ...بهدوووء ...
سامعه أمها ..
- اجودي ..هالدكتور !! ورجال ..ونعم !!..
عضت رنا شفتها ...بصمت ..مخفيه احساسها ...المتصاعد له كره ..
-ايه ايه ..اجودي ... ولد عالم وناس !!! تدرين انه يقرب لنجلا مرت الوليد امي !!؟؟
لفت لأمها ...تترقب ردها ..
-انا أقول ..هالطيب مايجي ..الا من اهل الطيب !!! اجل هو قريب حبيَبتي ..مرت الغالي !!
بلعت سمر ريقها ..بصعوبه ...هامسه لروحها بصمت ..
لا وكان خاطبها ..؟؟ وعينه الين الحين عليها !!! ونيته قذره ..يمه !!
.................................................. .................................
نجلا والوليد ..افطروا ..ورجع معها...للجناح ..يرجعها وياخذ المحمول ..
- هات البطاقه بفتح انا ...
مد يده ..لها ..
- يله ادخلي بسرعه قبل تفتحين عبايتك جيبي لابتوبي ...!!
رفع يده يشوف ساعته ... هز راسه ..
- تاخرت !!! اخرتيني !!...
التفتت له مبتسمه تحت نقابها ..هامسه ..
-انا اخرتك !!! انت جوالك ماسكت ولانت طنشتهم كل الطلعه حوارات عمل !!!
ركز بعينها ..محذر بقل صبر ...
التفتت فاتحه الباب ساحبه نقابها .... متوجهه للمكتب الي عليه اغراضه ..حطته بالشنطه بعجل ...ورجعت له...تعطيه ...لقته واقف عند الباب ...لاحظت فيه شي من طلعو يفطرون ..ساكت مقطب عينه ...اغلب الوقت ..
قربت لثمت ذقنه ..بعجل ..
- خذ ..استودعتك الله ....!!..
ابتسم لها ...
- ونعم بالله ....اذا جاك سعد علميني ...وان وصلتي لبيت ابوك بعد علميني !!!
هزت راسها ..
- طيب ابشرر ..
طلع مسكر الباب ..تنهدت متحركه فاتحه عبايتها ببالها شي واحد موترها من جلسو والجوال ماسكت ...حمدت ربها ان الوليد مارد عليه قبل ...او حس ان امه تدري عن شي !!!..
تنهدت ..مطلعه الجوال ..
- اوه اشوى الحمد الله ...مانتبهت يالوليد !!!..
ناظرت الجهاز وهي تضغط ..تشوف عدد المكالمات ....
تركته ..على جنب تفتح عبايتها ..وطرحتها .. الوليد يهمها اكيد .. ...رغم كل شي ..هي تضل الانسانه الي سقته من حليبها ...شدت نجلا شفتها ياستنكار ...روحها مستلجه ..ماهدت ...بس مايحق لها ...تتخذ هالموقف من ام طلال هي ماقصرت معها ابد ...رفعت يدها لصدرها ..تهدي أنفاسها ...ماتبي تفتح نقاش بالموضوع معها ابد ..معرفتها بنية الوليد ...لسعود ..!!! زي العلقم المرير ...بصدرها ...ومثل الداء الي بيحرق كل خليه من خلاياها ....
عينها عالجوال ...تحرك باطراف اناملها تبحث عن الرقم ...غمضت عينها ضاغطه ...تدق ...قبل تسمع الخط ...وصلها حس ام طلال ..
- الووووو نجلا ... وينك بنتي ...؟؟؟؟
- فيه خالتي ...بس ماقدرت اتواصل معك ....!! ...سكتت شوي ثم تابعت ...
- طول الوقت كنت عند خالتي ام سلطان او مع الوليد ...
تنهدت ام سلطان براحه ...
- مع الوليد ؟؟؟؟ زين ..زين ...اخباره ...بنتي بالي معه ..توقعت يكلمني !!
- يكلمك ؟؟؟ ياخالتي الوليد بح صوته ...معك ؟؟!! انتي ماسمعتيه وهو صغير ؟؟؟ شلون الحين !!؟؟
سمعت حشرجة انفاس ..
- دايم اذا تضايق يرسل رساله او يدق يسمع حسي ...بدون يتكلم !!...بشري كيف نفسيته الحين ؟؟ ...
-وش تبين أقول خالتي ؟؟؟ اكذب أقول طيب وقدر ينسى ؟؟؟ ..اذا انا بس من عرفت الشي ..وماعشته ...احس داخلي يتقطع !!!! كيف هو ؟؟؟ وكيف انتي ..عشتي هالسنين ..بهالشكل ؟؟؟ انتي ظلمتيه ؟؟ مارحمتي ..اليتم الي عاشه ولا بعد ابوه !!!..
ارتجفت شفة ام طلال قابضه الجوال بيدها ...
- بنتي .... طمنيني عليه ؟؟؟ ...لاتعذبيني ...
- حاشا لله اعذبك خالتي ...ماعليه طيب !! ...سويت الي قلتي ....لي !! ...بس مازال فيني غصه ..ابعدها كل ماشفته .... مقدر ...اثبت ..ب الوقت الي بيتكلم فيه ...ماني مستعده له ...فوق طاقتي خالتي ... !!..احس بثقل على صدري خالتي ...ومابي اسمع ..مابي أعيش شعوره !! انا كل شي طلبتيه نفذته ......قلتي ..لاتروحين !! وانا أصلا مانويت اتركه ابد ...بس كون اني أعيش ذكراه معه ...بموت من غبني ...مابيه يشوف روحي المكسوره عليه ...ابد !!
- نجلا ؟؟ بنتي ...انتي الوحيده ...الي نطق عندها ...!..وانتي الانسانه الي ..شفت الوليد يعمل لها قدر وحساب !!!!...
همست بضيق ...
- ماقد قالك ؟؟؟ ..
حست بصمت ...وسكوت ...كررت متضايقه تدري وتعرف الاجابه .
- قالك وماصدقتي ؟؟؟
قالتها برجفه ..ضايقه ..مستنكره ..
تابعت ..باتهام ..
-انتي ؟؟؟ اه ياخالتي ..صعب علي ....صعب !!!...رفعت يدها تبعد خصلها .......
استطردت ام طلال ...
- اسمعيني ...انا مقدر اقولك شي الحين ابي بس تطمنيني عليه ....!!..
ضحكت نجلا ياستنكار ...
- كلميه طيب ؟؟؟ ...تواصلي معه ؟؟؟ !!
-لا !! مب الحين !!!..
- خالتي ؟؟؟؟ بسالك سؤال !!!!...ابي تصارحيني ؟؟؟
- اذا اقدر بقولك الصدق ؟؟؟
- رجلك وش يعني لك !!!؟؟ ...
ردت ام طلال ...بحزم ..
-ولا شي !!!!
شدت نجلا ...شفتها مقطبه ....هدب عينها ..
-طيب ؟؟ شلون ؟؟ وش قلبك ياخاله ؟؟؟ انتي قاسيه ...كل هذا عشان ..مايعرف!! الماض...!!
قاطعتها ...ام طلال ...
- نجلا !!!! هينا ووقفي !! انتي ماتعرفين ولا شي ؟؟؟ ياعالم يمكن انا بقلبي له اكثر من الي بقلبك !!
رفعت نجلا يدها تمحي دمعتها ..متكلمه باصرار ..
- مستحيل !!!!!! محد يحبه كثري انا !!!!
-تقوليه .... بس يوم عرفتي بخطبته قومتي الدنيا وجلستيها ...وتطلقتي !!!!
- هذاك موضوع ثاني خالتي ...ماله دخل !!
- لا نجلا كله ..يدخل بمدى حبك للوليد وتقبلك لكل شي فيه ماضيه حاظره روحه ..وطبعه ومدري بتتحملين الباقي او لا !!!
فتحت نجلا عينها باستدراك ..هامس ..
- أي باقي !!!؟؟وش اكثر بعد ؟؟؟ ...
مرت ثواني صمت ...
- ان ماقالك هو !!! بنفسه ...مايحق لي أتكلم !!! ...
تابعت بحس حاني حازم ..
- بنتي المحبه تقاس بقدرة تحملك الضيم عشان الانسان الي تحبينه !! مو مجرد كلام والسلام !!! افهمي واحفظي كلامي هذا ...بتحتاجينه !!
- خالتي وش تقصدين ؟؟؟ صار شي للوليد غير الي عرفت ؟؟
تنهدت ام طلال ..
- لاتحاولين نجلا ...لكن ..وقتها اوقفي معه كما دايم ...لاتتخلين ابد !!!
رطبت نجلا شفتها ...بضياع أفكار ..جا ببالها ان خالتها تلمح ان الوليد ناوي لزوجها ...تعجلت بمنطوقها ..
- تقصدين الي بيسويه لرجلك ؟؟؟
سمعت شهقتها ..
- ايش ؟؟؟ وش بيسوي ؟؟
غمضت نجلا عينها ..شاده شفتها ...
- قولي نجلا ؟؟؟؟ وش ناوي ؟؟؟؟ الوليد وش قايل لك ؟؟؟
- ولا شي ؟؟؟ انا اقصد انه شي اكيد ومتوقع منه !!! هذا قصدي !!
- متاكده نجلا ؟؟...
ردت باصرار ...
- أي أي ...هذا قصدي ..خالتي !!...
بنفس المكان ...واقف ..ورا الباب بعد ماسحبه بصمت ....قابض بيينه مسكة الباب ...بشده ...رجع ياخذ..شاحن المحمول ماحطته بالشنطه ...دخل بصمت وبدا حسها المختلج ينطق ...وقف لها سامع ...بصمت ..شد مسكة الباب ...
وحسها وكلماتها تتكرر ...بسمعه ...
(حاشا لله اعذبك خالتي ميثا ...ماعليه طيب !! ...سويت الي قلتي ....لي !! ...بس مازال فيني غصه ..ابعدها كل ماشفته .... مقدر ...اثبت ..ب الوقت الي بيتكلم فيه ...ماني مستعده له فوق طاقتي خالتي ... !!..احس بثقل على صدري خالتي ...ومابي اسمع ..مابي أعيش شعوره !! انا كل شي طلبتيه نفذته..)...
غمض عينه ...بشده ...متراجع تارك مقبض الباب ومبتعد عن المكان كله ...ماقدر يدخل ويخليها تشوف وتدري ان انه شعورها الحقيقي ...انعرف ..!! .. شد يده على مسكة عصاه ..بتشديد وضغط ... فيه شعور حمق ...
اجل ام طلال الي طلبت منها تجلس !!!! ...وماتروح !!!..حس بنفسه عاري مشاعر ...وعاش الخجل ..المجحف ...متذكر يوم رجع لها ..بعد الي صار ....
ماتقدر تتحمل تقول !!! ...تحس بثقل ..ماضيه الأسود ثقل ..كاتمها ...مثل ماكتم صدره عمر !!!...
.................................................. .................................
قفلت نجلا منها ....وعلى قد ماتقدر أبعدت ...استدراك غلطها بالكلام ...
- اوووف .... كنت بقول سرك !! ياحبيبي !!!!..جلست ...على طرف السرير تفكر ...
هامسه ..
- يعني ياخالتي ؟؟ وش تتوقعين ؟؟؟ منتي مستغربه صمته الين الان ؟؟؟؟ !!!
جالت الهواجس ببالها ..وعقلها ..متذكره التلميحات ...من ام طلال ...
همست ...
- وش بقى بحياتك بعد ؟؟؟ ...وش الضيم الي شفت ؟؟؟ وممكن يششك بحبي لك !!!؟؟
رفعت الجوال ...تكتب رساله ...باحرف عجلا