[فيتامين سي]

#البارت 15

روايه..#نصف_عذراء_بين_أنياب_� �اتلي

#بقلمي..نور سمو العراق

💔💔💔💔💔💔💔

اعتذر عن التاخير بس رحت للدكتوره وخلص وقتي هناك فتح ازرار العمليه...بس البارت طويل لعيونكم وطلب منكم

...... .................

ومسلم يكول لتصوت فرحة الزهرة والما تصوت عاشور وتشبه ابو عدويه بشبابه..صوتوا بداعت سمسم 😅

.....................

لزمت خدي بخووف احس وجهي اشتعل نار مو ايييد ساطووور...

بلعت ريكي بخووف والرجفه اعتلتني همست بنحيب...ووو والله ععع عموو

هو تخبل جابني براشدي ثانيه صاح...ام هشااام ام هشششام...

رجع لزمني من شعري وضل يغلط...ولج كلبه حقيييره الله ينتقم منجن مو بنات انتقام الله ياخذج ويسود وجهجن...
تف عليجن وعلئ تربيتجن هاي تاليها اخوجن معاق وابوجن بضيم حاله واني بنص الموت وانتن تلعبن بكيفجن بالقران يا ميس اليوم اربيج علئ ايدي...

لج ادبسز زماله ياخذج صاحبجج بشقق الكراده شتسووين حيووانه...تفترين بشقق الدعاره

اني جنت احلف وابجي بس صوتي ما يوصل اله بسبب صوته العالي...

وضرباته جانت قاسيه وتوجع...

اجت ماما تركض علئ صوته من شافته يضرب بيه ويغلط تخبلت لزمته ودفعته باوعتله بعصبيه وحضنتني...شبيييك تخبلت ترئ عيب عليك شكبرك شكدك كدرتك علئ ميس المسكينه...

هو صاح بوجهها...اي مسكينه والله محد مسكين بهل بيت غيري بناتج ادب سزيات وماعندهن تربيه وانتي اصلا ما تعرفين تربين...

اني حاضنه ماما وابجي وماما احسها طكت شراينها كلتله..احترم نفسك معتصم بناتي مربيتهن احسن تربيه وانت تعرف كلش زين...

رد عليها بعصبية...اي واضح ذيج حركت روحها وتاج احتارت شتسوي وهاي الادب سز ياخذونها بشقق الكراده...

ماما تخبلت فتحت عيونها مرعوبه ودفعتني وتقربت منه رفعت اصبعها بتهديد...مع الاسف عليك تعيرني بهبه انتحرت وتاج انهزمت من افعالكم وهسه لحكتوني علئ ميس...؟
هو جاوبها بهدوء بس وجهه احمر ومتعصب حيل كلها...گولي الروحج العالم كلها تحجي بعرضنه من وره بناتج ...كلها دكول ما اناسبهم بتهم حركت روحها انخاف منهن ما يتامن وتاج...اوووف تاج احتارت شتسوي،وشلون تتصرف وهسه ميس كاعده تخابر وتسولف بطولاتها ويه صاحبها...

ماما لطمت صدرها كالت...... صاحبها؟:

دخلت بيبي تمشي علئ عكازتها كالت...شنو صاحبها شنو ميس مصاحبه انوووب...

عمو سكت وعيونه تجدح بعصبية وحواجبه معكوده...

ماما بلعت ريكها تقربت منو عمو لزمته من ياخته عاطت بعصبية كالت...شنووو احجي شنو مصاحبه

كال ...تخابر مدري بيمن ودكلها اليوم طلعت ويه صاحبي واخذني لشقه وعرفني علئ اخواته هذا كلام بنتج ..عمرج ما عرفتي تربيهن...هبه حركت روحها ماعرفتي شنو اسبابها ..وتاج انهزمت ومادريتي بنتج شنو يدور بعقلها وهاي تتمعشك وتفتر بالكراده وانتي يا غافلين الكم الله...انتي حرامات تنعدين ويه الامهات...

ماما دارت عليه وسطرتني راشدي ودموعها تارسه وجهها رجعت لمعتصم كلتله...سد حلكك واحترم نفسك ولك انت شنو وتفهمني ببناتي ولك اني ربيتك هسه جاي تتمرجل عليه وتحجي بتربيتي...

رد بتهجم...ليش انتن خليتن بيها رجوله بالقران بناتج اكبر شارب يعوجنه ...الله يساعد الياخذهن...ما الوم اباذر اذا تزوج علئ تاج ...
رجع اشر عليه كال...وروح ابووي وهاي اذا مازوجتها بيوم وليلة وكسرت ضهرها ما اطلع معتصم...ومدرسه بعد ماكوو والله اكسر رجلها اذا عتبت باب الشارع...

بيبي كالت...زوجها وخلصنا منهن ..هم البنات للممات ويكولون ليش واحد من تجي بنيه يضوج من سوالفهن وعمايلهن...وخلي نفحصها تطلع شقق اكيد مو بنيه...

اني تخبلت ضليت ابجي وارجف...

عمو كال...انتي ماحسيتي بيها من تطلع وتتاخر لو بس فالحه تدافعين من يطينن روسنه...

ماما ...خلي تولي تاكل تبن بكد لشتها شوكت تاخرت والله ذاك اليوم اتاخرت شويه لبست عباتي ورحت وراها انت شتحجي والله ما طالعه جذابه...

رجعت لزمتني من شعري وضربتني كالت...احجي ولج انتي شوكت طالعه...

جاوبته بخوف وبكاء...والله والله جذب جنت احجي ويه خاله اضحك عليها...وهيج كلت...

معتصم...اي مو مضحكه احنه وتضحكين علينه...

والله بعد اذا عتبت لباب الشارع اله اطيح حضها وحضرو نفسكم ازوجها لاي واحد مهتلف وبايعته الكاع...كلبه سافله
بيبي...اي يمه زوجها شوفلها رجل وزوجها مدام تحجي وهيج وهي فرخه جاهله باجر تجيبلنه مصيبه مدامها حابه هذا الشئ حطها بحضن رجال...

هو هز راسه وطلع دفر الباب حييل وراح واني كمزت...

وماما تخبلت لزمتني كطعتني تكطع ...ولج ادب سز زماله فضحتينه والله ما الومه والله...

جاوبتها ببكاء واني اتفاده ضربتها..والله ماما اجذب علئ خاله دعاء وهيج حجيت

ضربتني عصبية...انعل ابوج يا ابو حتئ خالتج دعاء بت الزفره حتئ لو جذابه شوفي تفكيرج شلووونه والله متت منجن شوكت اموت واخلص من همجن بالقران اذا زوجج ما راح افتح حلكي ولا احجي كلمه كلتنها كلها تحجي عليه...

كعدت علئ الجربايه واني لميت رجليه لصدري وابجي واشهك..

ماما ضلت تبجي وتنوح كالت..ولج يمممه هباووي..يمممه يعيروني بيج ولج يمه ليش هيج سويتي بروحج والله اقوي بروحي واني مثل الورقه اليابسه بعد ما اتحمل ..

ضليت ابجي وماما تبجي وتغلط عليه...

...........................
تاج ...بعد مرور اسبوع كامل

من بعد ما تعاركنه اني وياه لا هو يحجي ويايه ولا اني احجي وياه...

المهم عندي زينب وزهراء اغسلهن واقوم بواجبهن...

وقررت اقره ختمة قران واهديها لهباوي حبيبتي الله يرحمها...

رجعت بذاكرتي لقبل موتت هبه بدقائق من وصتني علئ بناتها..

وبعدها كالت...تاج اني ما مطووله ديري بالج علئ البنات ذمه ذمه ذمه....تلث مرات عادتها..

وانوب دمعت عيونها كالت برجاء وخوف ونحيب ولزمت ايدي عصرتها حييل ...تااج كولي لبابا وعمو لا يدفنوني باليل اخاااااف...

رجعت من ذاكرتي واني امسح دموعي..مااعرف شوكت بجيت اصلا...

فعلا اني كلتلهم..ادفنو هبه بالنهار تخاف من اليل...هاي وصية ميت وهمه دفنو بالنهار..

تساءلت هبه خافت تندفن باليل..ليش بعد مراح يجي عليها اليل.. مر بمخيلتي المقبره وضلمة القبر وسواد اليل انرعبت وضاق صدري...بس اني هيج افكر لو كلها مثلي...
يكولون حصرة القبر تطلع حليب الام من الخشم...

استغفرت ربي ورحت توضيت صليت صلاتي ...وصليت لهبه وكعدت اقره الها قران...

هذا اكثر شئ اكدر اقدمه لاختي المرحومه...

كملت صلاة ولفيت السجاده والعبايه ضميتهن...

موت هبه فتح عيوني علئ اهوايه امور جنت غافله عنهن جنت ما اصلي ولا احب الحجاب...صح صبيح حجبني بس اني جنت اريد اتحجب قبل لا هو يحجبني...من كال تحجبي عاندت...

الحمد لله علئ كل حال....

طلعت بره ...

شفته هسه اجه من الدوام هو اليوم متاخر اني اعرف وقت جيته...بس اليوم متأخر....

شفته دنگ نزع حذاءه ونزع الجواريب وبعدها اخذ نعاله من الرف البي الاحذيه...

انتبهت عليه حط جواريبه بالمغسله واخذ زاهي ديغسلهن...

فتح حلكي متافجئه شكد حلووو...عود مثل صبيح المعفن ينام بجواريبه ريحتهن تكتل...
مشيت بسرعه وكفت يمه واخذتهن من ايده هو باوعلي مستغرب...

همست...عوفهن اني اغسلهن..

سحبهن كال...لا متعود اني اخدم نفسي بنفسي..

سحبتهن بهدوء وضغطت علئ الزاهي اليم المرايه ..عوفني هل مره اخدمك

ابتسم كال...ذاك اليوم تذمرتي من خدمتي..

ابتسمت بخجل ودرت عيوني...ضجت شووويه ..اصبلك غدا

كال...لا اليوم معزوم عند اختي ام باقر وتغديت عندها..

مااعرف شصار بيه حسيت انهبطت من اسم ام باقر شعدنه راح الها اكيد بيها طمع وحتزوجه...

همست...اهاا بالعافيه بس اني حابه اطلب منك طلب اريد اروح الاهلي مشتاقه الاهلي وامي...

كال...خلي شويه ارتاح ونام نص ساعه واخذج ادللي..

ابتسمت بخجل همست...شكرا...

هو راح الغرفته واني حاسه بخوف وقلق شعنده يم اخته معقوله يتفق يتزوج...
محتاره مااعرف شلون اتصرف اخاف اتقرب منه ويصدني..

هو حباب حرامات اخسره اذا تزوج اروح بستين داهيه ومو بس هيج ينسانه اني وبنات اخوو واكيد متجيبله نديمه شلون مكان تجيبله وحده حلوه حتئ ما يعترف بيه اعرف خطط رويضي..بس لو اعرف ليش يكرهني...

رحت كلت لعمتي دا اروح لأهلي كالت روحي الله وياج...

وبعدها رحت سبحت وسبحت البنات وبدلت الهن...حطيت شويه مكياج...

لبست نفنوف نيلي بي خط كريمي علئ الصفحه وفوكاه بليرة كريميه وشال كريمي طوخت الحمرة شوويه حتئ يعرف اني صاكه مصكصه واحلئ من اخت مايكل ابو الزنوج...

وزنوبه لطشت تريد حمره تحط واني مقبلت ضلت تبجي وتضرب بالباب بعد شسوي حطيتلها شويه وهي اخذت القلم لازمته بيدها وتناشغ..مو طفله مشيطنه...

ضليت منتظرته نايم نومة اهل الكهف عاد شسويت وديت عليه زنوبه تسوي عليه هجوم ...صدوك دخلت وهو شويه وكعد...
ضل يفتر ربع ساعه يسبح ويبدل ويمشط ..واخذ مفاتيحه ورحنه...

كعدت بصدر وزنوبه وره ..وزهراء بحضني...

وهو فر السياره وايده صارت علئ الكرسي الي اني كاعده بي ودار وجهه يباوع ليوره...اني مدري شبيه صفنت بوجهه..

ياربي هذا معقوله اخوو صباح والله جذب ...اشوو صباح وجه املح اعتقد عمي جان زعلان علئ مرته من حبلت بصباح...

بس هذا ابو الولايات المتحده...لا والله عمي مصالح عمتي وحبلت باليلة القدر...

هو بسرعه باوع عليه ضحك كال...شبيج؟

ارتبكت همست..اءءء لااا

دار وجهه وحط جكاره بين شفايفه كال...مو الحمره طوخ لو اني متوهم...

جاوبته...لا متوهم خفيفه

خطيه سكت محجه شئ...سكوته هو الي خبلني عليه مااعرف هااادئ وميحجي هووايه كلمه كلمتين بس ويه عمو يغرد...
جان السكوت سيد الموقف بس اتصل موبايله وضل يغرد بالانكليزي هو ومايكل امنيتي اشوف مايكل واكله لا تورط اختك ويه العراقي ترئ دمه حامي وجيبها براشدي يخليها تهلهل وهي نايمه...

وصلنه للبيت دخلت ...كتله ادخل ..

كال..لا عندي شغل ومنتظرني صديق..

هو راح واني دخلت اني والبنات تفاجئت بالكابه الي بالبيت سلمت علئ ماما وبيبي وهشام...

كعدت استغربت الوضع...

كلتلها...ماما وين ميس

ماما ردت من وره خشمها...بالغرفه..

عفت البنات يمها ورحت باستغراب لكيت ميس مسويتها مناحه وتبجي..

كلتلها...شكوووو؟

ركضت عليه وحضنتني كالت...عمو حيزوجني اليوم تجي ناس تشوفني..

استغربت همست ...ليييش؟

كعدت سولفت الي اني حيل انقهرت ولمت عليها ضليت احجي عليها وهي. بس تبجي....
شوويه واجت ماما كالت...يالله ميس تعالي الولد وامه اجوو...

كلتلها تاج...ماما خوش ولد هو لو لا

ماما هزت ايدها وراحت..

عدلت شالي ومسحت دموعي كلتلها ...تاج فدوه مااريد اتزوج...

كالت..يمعوده والله احسن الج..

رحت طلعت ماما حضرت العصير وراحت كعدت يم الناس ضلت تطلع وتدخل متوتره وعمو كاعد هو وبييي وياهم...

دخلت واني شايله الصينيه ومنزله راسي حطيت الصينيه مالت العصير علئ الطاوله وكعدت وماما وزعت...

ما شلت راسي ولا اصلا شفيت عريس الغفله الي جابه عموو ...

امه كالت ...والله من ابني كال الرائد انطاني مره والله ماصدكت ضليت اهلهل ما مصدكه..

اني ابني كلها تحجي باخلاقه وادابه جذب واحد مثله اخو اخيته ومعروف بالمنطقه انتم بس اسالو بفرع ابو التفليش هي كلها تكلكم منا وارجع...
رفعت عيوني اشوف الي امه تحمد بي باوعت واني انرعبت....لاااا لااا ممعقوله ابو سن مكسووور لا ياربي هذا الملطلط ابو احلئ من سيراميك الرضا...

جريت نفس وحسيت عطبت من القهر...

هو كال..انتم اسالو وشوفو والله مو احمد بنفسي بس كلها تحلف باخلاقي الصلاة بوقتها ويه صيحت الديج بالقران قبل لا يأذن المؤذن...

وهاي سوالف مال زكاة خمس مدري شنو خوو الصدقه امشي وازوع ...عبالك البنك المركزي وافتر بالشارع...

عمو جان يباوعله وممقتنع بي وماما كذلك بس بيبي كيفت عليه رغم تحب تتباهه او بالاخص بس تحب تتباهئ بعموو عبالك بس هي مخلفه...

رجعت امه كالت...اي وروح امي دكولين مو رجال سييييد اي والله سيد كولي يباوع علئ وحده تهمه مره تهمه بنيه ولا يعترف بوحده...

هو رد...اي والله يمنه شايب اسمه ابو عدويه توسل بيه اخذ بنته بس اني كتله بناتك علئ عيني وراسي ومعتبرهن مثل اخواتي واتشرف والله...

ضل يخرط هو وامه ...وامه ماشاء لله شويه وتشد اله عمامه...

وهو عوينجي كلها كاعده فصلني تفصل وكل شويه وكال ...بلا زحمه مي..
واني انطي وارجع اكعد بمكاني وهو يبصبص عليه مبين مو راحه...

اجه اتصال العمو وطلع وماما كاعده اجتها زينب ضلت تحجي وياها

واسمع امه دكوله ...اذا ضلينه للمغرب تكوم تصلي

هو يكلها...اي ادللي بس شكول بالوضوء اللهم زوجني حور العين...

امه كالت...لا ربحنا...

هو همس الامه...شفتيها والله عليها بدي كل شويه اكول عطشت حتئ اشوف الامه العربيه علئ اصولها..

امه ضحكت وضربته...ما تكعد ولك

كلها...غييير احلئ من عيد الشيعه..

ردت عليه...وشمعنئ الشيعه

كلها..مو اذا العيد 3 ايام نعيد اربعه واذا اربعه نعيد خمسه هههههههاي

وامه تضحك...حسيت فرت من كلامهم شكد تافه اني هذا ما اعيش وياه الخبل ابو طبره...

بعدها طلعو هو وامه بعد ما اتفق هو وعمو علئ الخطبه...
وهو كال.. اني ماعندي عمام عندي بس خوال لان والدتي منفصله عن والدي ..اجيب جدي وخوالي وخالاتي واخطب...

اتفقو بعد علئ الحاضر والغايب وهو كال..بعيني مدري راح يخمط بيت منو ويعرس بفلوسه...

طلعت واني ابجي بس محد اهتم اليه بس خطيه تاج اجت ويايه وتسكت بيه....

كالت...اضل منا للخطبه...

وبعدها عمو طلع وهو يخابر بهذا خطيبي امداني امده حضي...

مر يومين وماما وتاج يحضرون للخطبه واني ابد ما اشتركت وياهم...

اجرن اليه فستان بنفسجي فاتح وحجزن صالون...

واني ابببد مو وياهن بس ابجي واندب حضي ما احبه هذا ابو سن مكسور...

بس اكول ابو سن مكسور وتاج تموت من الضحك تحرك كلبي ...

دكول نشدله سن مو جان علي الدلفي سنه مكسور وحط سن وهسه صاير حلووو...
انطتني امل بالحياة وقنعتني....

صار يوم الخطبه واني رحت للصالون والتمت العالم عمو عزم الناس فرحان بنسيبه الطاك عشتوو...

واني بس ابجي ...

تاج لبست فستان قصير ذهبي كوولش حلو راقي وهي مكيجت نفسها....

وشعرها من وره قصير ومن كدام شويه طويل كصته حيل حلوه شسورته ولبست كعب عالي لان برغي كولة اباذر...

اجه مسلم بس عقد ما شفته ولا نطق بحرف بس كالو طالع حلوو وكاشخ كشخه قوويه ...

.....

تاج..

اليوم طلعت حيل حلوه لبست فستان قصير ذهبي ولبست حذاء عالي حلووو...

جنت رايده اعتذر من اباذر علئ الصار وابدي وياه صفحه جديده

ابتسمت واني اباوع لنفسي بالمرايه...
من تذكرته من باوع عليه اول مره انتبه لجمال عيونه ولونهم المميز ...بندقي مدري نرجسي...شئ حلوو..

حركت شعري بغرور اليوم اخبله..اخلي يعترف بيه وغصبا...

دك موبايل ماما اخذته شفتها خاله...

فتحت خط واني زعلانه منها...الووو

جاوبت...ميس امج هنا

جريت نفس...اني تاج

هي عبالك مو كلت تاج عبالك كتلها اني الاميره ديانا كالت...تااااااااج حبيبتي خالاتي يعمري شلونج مييته ميييته علئ شوفتج شلونج ولج...

تنهد بزعل..زينه همزين خابرتي اريد الذهب مالتي

كالت..شنوو حبيبتي شنو تردين الذهب بعته وفلوسج ضامتهن ومنتظره نطلع لامريكا

جاوبت...بعد ما اطلع اضل هنا

ردت بصدمه...شنو تردين تصيرين خدامه لمرته الثانيه لج هذا ممعترف بيج ويحجي عليج لج لو ما اني جان هسه انتي بخبر كان خابرت راضي وخليته يهدده ويسجنه اذا كتلج وهو عافج...
بلعت ريكي هسه عرفت منو وصل خبر لراضي كلتلها...حتئ لو بعد مااطلع

كالت...لا ولج اطلعي هذا محتقرج واني عندي تواصل براضي وكال اباذر مكلف اخته نديمه ام باقر حتئ تخطب اله لان يكلها اني مااريد تاج مره اليه متشرفني اخلاقها زباله

اني تخبلت من حجت هييج كتلها...شنوو خاله اسكتي لا تخبليني وبعدين هذا راضي،جذاب

كالت..اي جذاب لج الئ متئ تضلين غبيه وماكول حقج ولج حتئ،هو مسجل اخته شلون تحجي كلام عن لسان اباذر وشلون يكلها مااريدها...

بلعت ريكي بخوف وتوتر ورجفه حسيت بقهر وذل

كالت...زين اني جذابه زوجج قبل يومين جان عند اخته حتئ يطبخ السالفه عدل ولج هو يريدج خدامه اله والمرته وبنات اختج

شوفي تاج اخذي فلوس من صباح وخلينه نطلع للخارج وهل مره اني حاكمه الخطه زين لان كبل نطلع للمطار مو نفس قبل...

قفلت الموبايل واني ابجي وانحب علئ حالي يريد يتزوج ويحجي بعرضي..
شويه و وصلت رساله فتحتها واني دموعي حجبت رؤية الرساله...

مجانت رساله جانت ارسال مقطع صوتي...

فتحته واسمع نديمه دكول...خوويه راضي اباذر كلفني اشوف اله مره لان هو مايريد تاج يكول ادب سز واخلاقها زفت واني مااحب هيج مره شمدريني من انهزمت ما نامت بحضن غيري واني سترتها لخاطر امها وعمي وماردت العائله تتلطخ اكثر من هيج مناك ذيج انتحرت وهاي هم تنكتل...

حسيت نااار تطلع من عيوووني شمرت الموبايل علئ الجربايه بقووه...

ودخلت للحمام اركض فتحت الدوووش وكعدت بملابسي جووه بجييت بجي مصاير من ماتت هبه ما بجيت هييج حسيت بألم اهانه ومذله...

ضليت ارجف من البجي هذا اني بنظرهم هييج ما الي قيمه عندهم...

.والله والله اذا ماندمتك يا ابا ذر انت واخوتك ما اطلع تاج...

طلعت من الحمام نزعت ملابسي لبست تراك تركوزاي ولفيت شعري ومسحت المكياج وكعدت علئ القنفه كالو تعالي تعشي مقبل...
هو شوويه واجه دخل وعمو وياه شفته حتئ ما وكفت وسلمت عليه...

هو كعد هم ما اهتم لوجودي

عمو تفاجئ كال...حضري نفسج ترحين

درت وجهي و وكفت حضرت البنات ولبست شالي كلت اركب بتراكي هو من الباب للباب ...

بعدها لبست جبه من ميس ما الي خلك مشاكل بس لكيت موبايلي مصلحته ماما اخذته ويايه...

من طلعنه عمو كله...هااا شلونك يالنسيب

هو ضحك كال...والله نسيبك ماكل تبن وساكت

معتصم...افااا ليش

كال..خليها علئ الله العندي مثل الطقس بس بالكتاب مكتوب مناخ معتدل...وهو بالقران عواصف ورعد ومطر وترابه شتريد عينك ومتشوف..

عمو ضحك وضربه علئ جتفه كله...بيك خيير عدله وكتلك عمك بضهرك

هو ضحك...هههههههههاي لك لو العشيرة كلها بضهري البراغي هم تركب الحق عليه
بعدها صعد وساق بسرررعه هو طبعا ميعرف يسوق سريييع حيييل...

واني عندي فوبيا من السياقه السريعه...

وصلنه للبيت ومن وصلنه اتصل ام باقر واني تخبلت...

نزلت البنات بسرعه واني اصييح ...يالله انزلي زينب انزلي الله ياخذني واخلص من هل عيشه...

هو جر ايدي كال...شبييج تخبلتي

دفعته كتله...عووفني انت بس هاي الفالح بيها

عاد هو تخبل لزمني من شالي وقفل الخط كال..عود هسه جاي احاول احترمج بس انتي مو مال احترامات..امشي ولي طاح حضج ماعندج تربيه

دفعته ورحت اركض ابجي واشهك...

والله اله اخلي يطلكني..

فتحت موبايلي وكعدت اراسل بخاله وهي فهمتني شنو اسوي بس اني ابببد ما مقتنعه بكلامها وخايفه حييل......

....... ..................

قدر.
تفاجئت بعمو فسخ العقد من ابو عدووويه

وبعدها حكئ...ان اجه واحد خطبني منو وهذا الوحد هو معاق بس شاب وانطا عشرين مليون

عرفتو هذا معتصم الكلب الاستغلالي...صح هسه عرفت مثل ما حكئ مسلم هو اسرائيلي والاسرائيليون اشرف منو بكثيير...

كيف استغلني استغلال وكسرني كسر....

عمو كال..حضري نفسج اليوم ام الولد تجي تشوفج..

وانا مثل ما طلبو حضرت نفسي لبست ثوب احمر وشال كريمي...

كانت فرحتي مكسوره لانو اكبر همومي ابو عدويه بس للاسف ما كملت الفرحه لان ارنبطت بشخص معاق...

معتصم يكول انتي مجرد ممرضه الحمد لله رضيت بهمي...

شويه ودخلت مره مبينه من عائله راقيه وياها حجيه كبيره بالعمر...

دخلت سلمت عليهم واخذت الجاي وكعدت وياهم ...

حكت المره...ان هي امو لهشام الي يريد يخطبني
بس كانت كثير حبابه ومرحه اما الحجيه كانت متعجرفه شويه عرفتها امو لمعتصم يا سبحان الخالق نفس اسلوبو ...واستغلالوو...

ام هشام كدرت تاخذ مني استجابه كالت..حبيبتي ليش ترجفين بردانه لو خايفه..

انتبهت علئ اديه امبلا انا ارجف بصوره مستمره وطول اليوم وهذي الحاله حتصير الها ثلاث سنوات عندي...

او يمكن اكثر انا من ماتت ماما وخطيبي،غدرني مع بنت خالتي ساءت حالتي الصحيه وصارت عندي هذي الرجفه حتئ مرات ما اسيطر وشنو الزم يطيح من ايدي...

ابتسمت كلتلها...والله هو انا طبيعة جسمي هيك

ضحكت كالت..محسوده ما شاء لله تخبلين...

ابتسمت بحزن وسكتت ضلو يحكون ويتناقشون...

وانا طلعت بره اجت تولين تركض حكت...يمما يممما شنو هذا الرائد يجنن شواربو يجننو كثير حلويين

ضربتها علئ كتفها بعصبية....اسكتي ولك والله اذا سمعت تتغزلي بأي شخص اذبحك حيوانه وينك وين الغزل

هي برطمت وراحت تدحك عليه...ياربي هذي البنت خبلتني مراهقه مجنونه كثيير.
....................

تاج ... بعد مرور كم يوم...

كل شوويه وتعاركنه اني وياه اعصابي متوتره ومتخبله مدري شبيه بساعات كرهته ونديمه كل شويه تجي وختلت وياه بالغرفه واني اموت من الغيره...

مرت ايام وايام ...

نضفت البيت كله...جانت عمه ومحمد راحو للنجف يزورون قبر المرحومين...

طبعا ردت اروح وياهم بس ابا ذر مقبل عشتو مصدك نفسه زوجي...اني عاندت اله اروح بس عمه هماتين مقبلت...

عاد اني،كعدت متأخرة لان البيت فارغ والاغا بدوامه عساه لا اجه...

سويت ريوك تريكت اني وزنوبه وسبحت البنات ومشطت الهن...وسويت ممه لزهراء موعد مميتها الثانيه

تقريبا الساعة بالثنتين الضهر...نضفت البيت.ورحت دخلت سبحت لبست كلبية تصير شووويه قصيرة وردانها نص ردان لونها تركوزاي...

ضلت زهوره تبجي حطيتها بحضني،وكعدت علئ الارض الاعب بيها واناغيها وزنوبه ويايه على الواهس،تلعب بيها مع العلم قبل شويه اكولها لعبي اختج متقبل...
اتصل موبايلي باوعت لزينب كلتلها...حياتي زنوبه جيبي موبايلي...

رفعت حواجبها بتذمر...يااا حدامة الحلفوج...ما دومين انتي..ردليج متسره..«رجليج مكسره »

باوعتلها بقهر وهمست من بين اسناني...شكد خبيثه علئ اهلج وعمج الزفت تربيتهم بعد...

هي برطمت ودمعت عيونها كالت...تحلطين عليه..«تغلطين عليه»..

ضحكت بكذب...لا حياتي شلوون اغلط عليج غير انتي النفس اليصعد وينزل اني اغلط علئ الربوج..

هي سكتت واني خليت وشلت الطفله ورحت جبت الموبايل بعد ما ابتسمت بوجهها ...لان زنوبه ام العلوم لسانها اطول من برج ايفل وتزعل هووايه لذلك هي الوحيده الي دائما اراضيها ونزل نفسي الها...احبها..

شفت المتصل كانت خالتي ابتهال ...ارتبكت من شفت اسمها...اخاف اتورط وانوب يذبحوني...

رجعت اتصلت مره ثانيه فتحت خط سلمت عليها وضلينه نحجي شوويه...

بعدها كالت...فكرتي بالموضوع الي طرحته عليج
بلعت ريكي كلتلها...خاله مااكدر اسوي هيج ونبي متعرفين ابا ذر يتخبل اذا عرف هيج مسويه..

ردت بإصرار...لج تاج واذا عرف انتي حتكونين منهزمه وبعد وين يلكاج وهذا حقج وحق بنات اختج ولازم تاخذين حقج اوك حبيبتي

جريت نفس بخوف...والله يا خالة مااعرف شنو اكولج حيل خايفه اخاف يغدر بية ويروح يكول لابا ذر

كالت...ليش يگوله هو هماتين يدور مصلحته..لج تاج الي متئ تضلين مكفخه الهم لج ابني ذاتج لازم تدرسين وتصيرين فد شئ تكونين حرة بدل متكونين عبدة مستعمره عند ابا ذر يدوسج يوميه بحذائه...

عطبت من كلامه...لا يمكن اسمح لأي واحد يدوسني زواجين نحسبن علية بدون ذنب وبدون ما احصل شئ دا احس نفسي نص عذراء وبين انياب الوحوش والقتله..وكت ما يخلصون مني يشمروني عظم مثل اختي المرحومه...

جريت نفس...اوك خاله افكر بكلامج...

اجاني ردها الصارم...لا مو تفكرين تنفذين يا تاج ...لج خالج منتظرنه وطلعتنه محتاجه هوايه اشياء اتشجعي وسوي الكتلج عليه حتئ نطلع للخارج..
هزيت راسي بالموافقة...ان شاء لله خاله..بس انتي ادعيلي ويالله اني حقفل لان حيجي المصيبه السودة..

كالت...اوك يالله حبيبتي مع السلامه

قفلت الخط واني متوتره وخايفه ياربي خالتي متحس بيه اني شلون اقابل شخص بغيض مثل هذا اكيد اعرض نفسي للخطر... و اباذر اذا عرف يذبحني هو وعمو معتصم..وبابا تسئ حالته..ياربي مشكله...

اندك باب الغرفة فزيت علئ صوته وهو يصيح...وييينج مدااام...

باوعت للباب بتذمر وحضنت زهوره حيل..

راحت زينب فتحت الباب باوعت عليها وهي تضحك وتتعلق برجلين عمها هو شالها بحنان وضحكه وباسها بخدها وهي تبوس بي...

رجع باوع عليه كال...صبيلي غده

جريت نفس..والله يا عم بنات اختي اني شبعانه و زنوبه كذلك لان هسه تريكنه فمسويت غده...

رفع حاجب وهمس بهدوء...والزمال الطالع من الصبح حتئ يجيب الج زقنبوت بحلكج ما كلتي من يجي شيأكل..
رديت عليه بغرور....روح لام راضي وهي تسويلك زقنبوت..

اني محجيت هيج هو تخبل تزلزل ضل يرعد هجم عليه بسررعه واني شلت زهوره وركضت دا اروح للحمام اقفله بس ملحكت سحبني من ثوبي من وره حييل اتمزق بيده...

صرخت برعب ورجفت رجليه هو سحبني من ثوبي وصلني للكاروك صاح بوجهي بعصبية...خليها بكاروكها...

خليتهه بكاروكها واديه ترعش...

وهو سحبني وركعني بالثلاجه كال بعصبية...شوكت تنعدلين ولسانج الزفر ينطق بالحق..ولو ما الومج طالعه لبيت نصيف

رديت بحقد ...بيت نصيف يشرفونك

غمضت عيوني،واني مستعده وخايفه من عقابه..مرت ثواني وفتحت عيوني كانت ملامحه هادئه متدل علئ شئ ما ضربني...

عض شفته وهمس بقرب من وجهي...روحي سويلي غده لا ازقنبج علئ طريقتي...

بلعت ريگي بخوف وهمست ...ما بيه حيل اسوو
ما كملت كلمتي بسبب الراشدي الاجاني منه كال...شكد شايف حقيرات،وصلفات مثلج دماغ سز مشايف

رديت عليه بعناد وايدي علئ خدي...ما اسووي ولا تغلط لا اعرف شلون اتصرف وياك...

رد بسخريه وهو يحط ايده علئ الثلاجه ومطوقني..شلون بالله؟

دفعته بقسوه...وخرررر

مااهتز ولا انزاح حسيت اطرافي جمدت وانشدت اعصابي ريگي جف بللت شفايفي برعب وتنفسي ضاق...

همست...شكد حقي..

صرخت من قوة الراشدي لاخذته منه ...و زنوبه صرخت بخوف علئ صرختي ولصقت نفسها بالحايط

دفعته بسرعه رجع لزمني من شعري كال بعصبية...والله اذا غلطتي وتجاوزتي اشك حلكج لج زماله احرك الخلفج ولي سويلي غده

زنوبه من شافته هيج ضلت تبجي بصوت عالي هو انتبه عليها تركني وراح شالها وهو يضحك وهي تبجي تحاول تخلص نفسها منه وترفس بي بس هو ثبتها وباسها بخدها وهمس بحنان...لا بابا حبيبتي لا تخافين ماكوو شئ
صرخت بصوت طفولي...ما اعبك...«ما احبك»

رجع ضحك بصوت عالي وضمها الصدره وهو يهدي بيها ويبين مدئ حبه الها

طلعت بسرعه للمطبخ والنار شاعله بصدري ياربي اكره احسه مثل الموت الاخذ اختي وخلة الناس،تتشمت بينه..

رفعت عيوني ليفوك بس دموعي توكع بدون سابق انذار مسحت دموعي بسرعه ..

باوعت للكاونتر مصفوف عليه طقم سكاكين حاده اخذت اكبر وحده واني ناويه ارد اعتباري اريده يطلگني...اسوي كوولشي بس حتئ يتركني...

هجمت بسرعه فتحت الباب بقووه ملكيته باوعت بس زنوبه تلعب بلعبتها همست...وين عمج النذل

باوعت بخوف كالت...بحرفته...حطيه لا دبحينه..« بغرفته خطيه لا تذبحينه..»

ابتسمت بوجهها ابتسامه كاذبه كلتلها..يعمري لا راح اذبحله دجاجه فده علئ روحه...

رحت الغرفته فتحت الباب بقووه...باوعتله كان دينزع بقميصه...جريت نفس و بدون سابق انذار وهجمت عليه بسجينتي...
ركضت واني اعصف وابجي بهجوم مباغت وهو راسم ابتسامه مستفزة علئ شفايفه وجهت السجين عليه وحاولت اضربه لكن هو بحركه بسيطة وسريعه كدر يسيطر علية

ضليت اتلوه بااحضانه واني ابجي ومتمسكه بالسجين وهو مستمتع بمعاناتي حسيت باحتكاك صدره العاري علئ ضهري حاولت اسحب نفسي مكدرت لذلك رخيت اطرافي..

هو كدر يخطف السجين مني ودفعني علئ السرير تقرب مني وحط الطرف المو حاد علئ رگبتي ابتسم بسخريه...هههههههههههاي اليوم ماخذه دور ابو النار ما عرفتج والله...هاجمه عليه وسجينتج بيدج وانتي بحركه مني اخليج تفقدين وعيج...

رديت بحقد وقهر...تسترجل عليه مسوي روحك رجال اذا تعتبر نفسك رجال طلگني...

رفع حاجب بخبث ...تردين اشوف الرجوله علئ اصولها..

بلعت ريكي بخوف ورديت باستفزاز...هه تغتصبني عبالك الرجوله بالنوم..

عض شفته وتنهد ببرود قاتل...شكلولج عليه حيوان حتئ ابين الج الرجولة بالفراش والنوم لا يا تربية ابو فؤاد غلطانه

لمعت عيوني بدموع...لعد تضربني...عادي اضرب شوفني رجولتك يالله يالله شوفني عضلاتك تمرجل عليه
ضحك بصوت عالي...هههههههههههههاي ...ترئ بالضرب اادبج بس مو معناه اشوفج رجولتي ...بس ادللي خلال هذا الاسبوع اشوفج الرجوله علئ اصولها واخليج تعضين اصابعج ندم...والشمخره والخشم اليابس اكسره وروح اخوتي...

كان ثوبي متمزق من وره ..دفعته وسحبت نفسي منه ولزمت ثوبي من وره اخفي جسمي من انضاره

وصلت للباب و وكفت علئ صوته الحاد وهو يأمرني...انتظري

وكفت بلا وعي وباوعتله كان يباوعلي بنظرات مستفزه لزم السجين وشمرها جوه رجليه اني من خوفي كمزت ورفعت رجليه ...شكد خبل ميخاف اتعور

كال...اخذي سلاحج الفتاك جايبتلي سجين ما تذبح عصفور مره ثانيه حديها زين وتعاي قاتلي...

وانتظريني عند وعدي اسبوع هوواية واشوفج الرجوله وكسر الخواطر يالكطشه

عفته وطلعت واني ابجي...

همست شبيه ليش مخبله ليش تجيبين لنفسج المشاكل انتي غلط من ساسج لراسج...

ضلي تضحك عليج خالتج وانتي غبيه...

ياربي مااعرف شنوو اسوووي تذكرت خالتي من كالت...اباذر يكول عليج انتي مريضه نفسيه ولازم تتعالجيين...
همست اي فعلا اني مريضه نفسيه فعلا هو يكول لاخته هاي مريضه اريد اشمرها بالشماعيه حتئ اخلص منها وتتعالج شكو كلمه تنحجي عند خاله..

همه مرضوني والله اني مريضه من يوم الماتت هبه مو هينه عليه اشووف اختي محتركه وكدام عيوني..

مسحت دموعي ورحت سويت غده كلت لزينب تصيحه يتغده اجت كالت يكول مااريد

خطييه نام جوعان ...اني شبيه شكد غبيه وثوله...

ضليت اكل بروحي واستحيت اخذ اله الاكل...

صار دنيا اليل واحت عمه سويت الهم عشاء..

هو كعد مقبل ياكل تخبلت بزايد...

ضل كاعد حتئ جاي مشرب مدري شبي يمكن زعل...

شوويه وكال...يمممه هذا الاسبوع راح يكون موعد خطبتي اتفقت ويه العالم...

نهاية البارت يتبع...

كونوا انتم كونوا بخير...احبنكم...