#ﺑﻴﺎﺭﻕ__ﺍﻟﻌﺮﺑﺎ ..
ﺑﻘﻠﻤﻲ #.. ﻓﺎﻃﻤﺔ _ ﺍﻟﻌﺒﺎﺩﻱ
..__ffatema@
#بارت١٠
ﻗﺮﺍﺋﺔ ﻣﻤﺘﻌﺔ .. ﻭﻳﻦ ﺍﻟﻲ ﻳﻌﻠﻘﻮﻥ ﺑﻲ ﺍﻟﻔﻘﺮﺍﺕ ﻳﺸﺠﻌﻮﻧﻨﻲ 😍😍😍..😍
ﺷﻔﺖ ﻣﻨﻈﺮ ﻋﻤﺮﻱ ﻣﺎ ﺗﺨﻴﻠﺘﻮ ﺻﺪﻣﻨﻲ ..
ﺟﺴﻤﻲ ﻛﻠﻮ ﺭﺟﻒ ﻣﻦ ﺍﻟﺨﻮﻑ ﻣﺎ ﺗﺎ ﺍﻋﺮﻑ ﻟﻴﺶ ..
ﻓﻬﺪ .. ﻟﺤﻀﺔ ﺑﻴﺎﺭﻕ ﺍﻧﺘﻲ .... ﻣﺎﺧﻠﻴﺘﻮ ﻳﻜﻤﻞ ﻛﻼﻣﻮ ﻭﺭﻛﻀﺖ ﺍﻧﺔ ﺩﻣﻮﻋﻲ ﺗﺠﺮﻱ ﻣﺎ ﺗﺎ ﺍﻋﺮﻑ ﻟﻴﺶ ﻫﻴﺞ ..
ﻣﺎ ﺻﺪﻛﺖ ﺍﻧﺔ ﺭﺍﺡ ﻳﺠﻲ ﻳﻮﻡ ﻭﺍﻟﻜﺎ ﺍﺣﻼﻡ ﻫﻴﺞ ﺑﺤﻀﻨﻮ ﻟﻔﻬﺪ ..
ﻃﺒﻴﺖ ﻟﻠﺒﻴﺖ ﻭﺭﺣﺖ ﻃﺒﻴﺖ ﻟﻠﻐﺮﻓﺔ ﺍﺭﺟﻒ ﺍﻳﺪﻳﻨﻲ ﻣﺎ ﻳﻘﺒﻠﻮ ﻳﻮﻛﻔﻮ ﺭﺟﻒ ..
ﺷﻨﻮ ﻫﺎﻱ ﺍﻟﺠﺮﺋﺔ ﻭﻫﻲ ﻏﺮﻳﺒﺔ ﻫﻴﺞ ﻛﺎﻃﺔ ﺭﻭﺣﻬﺔ ﺑﺤﻀﻨﻮ ..
ﻭﻫﻮ ﺷﻠﻮﻥ ﻗﺒﻞ ﻫﻴﺞ ﺗﺘﻜﺮﺏ ﻣﻨﻮ .. ﻓﺘﺤﺖ ﺍﻟﺒﺎﺏ ﻫﻲ ﻭﻃﺒﺖ ..
ﺍﺣﻼﻡ .. ﻫﻲ ﺍﻧﺘﻲ ﺩﺣﻜﻲ ﺗﺮﺓ ﻓﻬﺪ ﻳﺤﺒﻨﻲ ﻭﺍﻧﺔ ﺃﺣﺒﻮ ﻭﺍﺫﺍ ﺍﻟﻲ ﺻﺎﺭ ﻛﺪﺍﻣﺞ ﺳﻤﻌﻮ ﺑﻲ ﻏﺎﻟﺐ ﻟﻮ ﻏﻴﺮﻭ ﺍﻛﻠﺐ ﻋﺎﻟﻴﺞ ﻭﺍﻃﻴﺞ ..
ﺑﻴﺎﺭﻕ .. ﻣﻮ ﻣﻬﻢ ﻭﻻ ﺍﻫﺘﻢ ﻟﻠﻲ ﺷﻔﺘﻮ ﻣﺎﺷﻲ ..
ﻣﻨﺞ ﺍﻟﻮ ﻃﺒﻜﻢ ﻣﺮﺽ ﻣﻮ ﻣﻬﻢ ﻭﻳﻠﻪ ﻃﻠﻌﻲ ﻣﻦ ﻫﻴﻦ ﺑﺴﺮﻋﺔ .. ﺑﺘﺴﻤﺖ ﺑﻤﻜﺮ ﻭﻛﺎﻟﺖ ..
ﺍﺣﻼﻡ .. ﻫﻪ ﻃﺎﻟﻌﺔ ﻳﺎﺣﻠﻮﺓ ﻃﺎﻟﻌﺔ ﺑﺲ ﻣﺜﻞ ﻣﺎ ﻛﺘﻠﺞ ﺗﺮﺓ ﺍﺳﻮﺩ ﻋﻴﺸﺘﺞ ﻳﻮﻝ ..
ﺑﻴﺎﺭﻕ .. ﻃﻠﻌﻴﻴﻴﻴﻲ ﻗﻠﻴﻠﺔ ﺃﺩﺏ ..
ﻃﻠﻌﺖ ﻫﻲ ﻭﺍﻧﺔ ﻛﻤﺖ ﻗﻔﻠﺖ ﺍﻟﺒﺎﺏ ﺿﻠﻴﺖ ﺍﺑﺠﻲ ..
ﻓﻬﺪ ﺍﺑﺪ ﻣﺎ ﺗﻮﻗﻌﺘﻮ ﻫﻴﺞ ﻳﻄﻠﻊ ﻣﻨﻮ ..
ﻫﺴﺎﻉ ﺍﻧﺔ ﺍﻟﻴﻮﻡ ﻧﺼﺪﻣﺖ ﺻﺪﻣﺔ ﻋﻤﺮﻱ ..
ﺷﻮﻱ ﻭﻧﻀﺮﺏ ﺑﺎﺏ ﺍﻟﻐﺮﻓﺔ ﻛﻤﺖ ﻓﺘﺤﺘﻮ ﻃﺒﺖ ﻋﻤﺘﻲ ﺗﺰﻛﺢ ﺑﻴﺎ ..
ﺧﻨﺴﺎﺀ .. ﻳﻮﻝ ﺭﺣﺖ ﻃﻠﻌﺖ ﻭﺭﺟﻌﺖ ﻭﺍﻧﺘﻲ ﻣﺎ ﻣﻨﻈﻔﻨﺔ ﺍﻟﺒﻴﺘﻮﻧﺔ ﻫﺎﺍ ﻟﻴﺶ ﻫﻴﺞ ﺭﻭﺣﻲ ﺻﻌﺪﻱ ..
ﺑﻴﺎﺭﻕ .. ﻭﺍﻟﻠﻪ ﺍﺫﺍ ﺗﺮﺩﻳﻦ ﺍﻧﺘﻲ ﺻﻌﺪﻱ ﺍﻧﺔ ﻣﺎﺑﻴﺔ ﺣﻴﻞ .. ﺩﺭﺕ ﻭﺟﻬﻲ ﻋﻨﻬﺔ ﻭﺭﺣﺖ ﻛﻌﺪﺕ ..
ﻣﺎﻋﺮﻑ ﻟﻴﺶ ﺭﺟﻮﻟﻲ ﻣﺎﻳﻌﻴﻨﻮﻧﻲ ..
ﺍﺣﺲ ﺑﻴﻬﻢ ﺑﺎﻳﺪﻳﻦ ..
ﺧﻨﺴﺎﺀ .. ﻻ ﺗﻜﻌﺪﻳﻦ ﻭﺍﺣﻨﺔ ﻧﺨﺪﻣﺞ ﻫﺎﻱ ﺍﻟﻌﺎﻳﺰﺓ ..
ﺭﻓﻌﺘﻠﻬﺔ ﺣﺎﺟﺒﻲ ﻭﻛﺘﻠﻬﺔ .. ﻭﻟﻴﺶ ﺣﺘﻰ ﻣﺎﺗﺨﺪﻣﻮﻧﻲ .. ﻭﺑﻌﺪﻳﻦ ﻛﻞ ﻭﺍﺣﺪ ﻳﺨﺪﻡ ﺭﻭﺣﻮ ﻫﻴﻦ .. ﻭﺍﻧﺔ ﺗﺎ ﺍﺳﻮﻱ ﺍﻟﻲ ﻋﻠﻴﻪ ﻣﻦ ﺷﻐﻞ ﺻﺨﺮﻱ ﺑﻨﺎﺗﺞ ﺣﺘﻰ ﻳﺴﻮﻥ ﺍﻟﺒﺎﻗﻲ ..
ﺧﻨﺴﺎﺀ .. ﺿﻠﻲ ﻛﺎﻋﺪﺓ ﻫﻴﻦ ﺿﻠﻲ ﻳﺠﻲ ﺯﻟﻤﺘﺞ ﻭﺃﺗﺼﺮﻑ ﻭﻳﺎ ﺗﺮﺩﻳﻦ ﺗﻜﻌﺪﻳﻦ ﻭﺍﺣﻨﺔ ﻧﺨﺪﻣﺞ .. ﺻﺒﺮﻱ ﺧﻠﻲ ﻳﺠﻲ ﺫﺍﻙ ..
ﺑﻴﺎﺭﻕ .. ﺳﻮﻳﺘﻠﻬﺔ ﺣﺮﻛﺔ ﺑﻤﻌﻨﻰ ﺍﻧﺔ ﻣﻤﻬﺘﻤﺔ ﺣﺮﻛﺖ ﻛﺘﻔﻲ ﺍﻟﻬﺔ ..
ﻭﻫﻲ ﻋﻴﻮﻧﻬﺔ ﻧﺎﺭ ﻭﻃﻠﻌﺖ .. ﺍﻧﺔ ﻣﺎﻟﻲ ﺧﻠﻚ ﺭﻭﺣﻲ ﻫﺴﺎﻉ ﺍﻫﺠﺲ ﺭﻭﺣﻲ ﺍﺭﻳﺪ ﺍﻧﻔﺠﺮ ..
ﺑﺲ ﻓﻬﺪ ﻳﻄﻠﻌﻮ ﻣﻨﻮ ﻫﻴﺞ ﺗﺼﺮﻑ ﺍﺑﺪ ﻣﺎ ﺗﻮﻗﻌﺘﻮ ﻫﻴﺞ ..
ﻛﻀﺒﺖ ﺭﺍﺳﻲ .. ﺍﺥ ﻓﻬﺪ ﻟﻴﺶ ﻫﻴﺞ ﻃﻠﻌﺖ ﻭﺍﺣﺪ ﻭﻗﺢ ..
ﻭﻫﻲ ﺍﺣﻼﻡ ﺍﻭﻗﺢ ﻣﻨﻚ ﺑﭽﺜﻴﺮﺭﺭﺭ ..
ﺑﺲ ﻳﻠﻪ ﺍﻧﺔ ﺷﻜﻮ ﺑﻴﻜﻢ .. ﻣﺎﻟﻲ ﺣﮓ ﺍﻏﺎﺭ ﻋﻠﻴﻚ ..
ﻋﻔﺘﻨﻲ ﺣﺘﺔ ﻣﺎﻓﻜﺮﺕ ﺑﻴﺎ ..
ﻛﻤﺖ ﻟﻠﻜﻨﺘﻮﺭ ﻓﺘﺤﺘﻮ ﻃﻠﻌﺖ ﺍﻟﺤﺠﻞ ..
ﻫﻮ ﻧﻜﻄﻊ ﻭﻃﺎﺡ ﻣﻦ ﺭﺟﻠﻲ .. ﻣﻦ ﻛﺘﻠﻨﻲ ﻋﻤﻲ ﻭﻃﺮﺩﻧﻲ ﻣﻦ ﻫﻴﻦ ..
ﻛﻀﺒﺘﻮ ﻭﻛﻄﻌﺘﻮ ﺑﻌﺪ ﻛﻄﻌﺘﻮ ﻭﻃﻠﻌﺖ ﻧﺎﺭ ﻛﻠﺒﻲ ﺣﺴﻴﺘﻮ ﻫﺬﺓ ﻓﻬﺪ ﻭﺗﺎ ﺍﻛﻄﻊ ﺑﻲ ﺩﺣﻜﺘﻠﻮ ﻣﻜﻄﻊ ﻃﻠﻌﺖ ﻛﻄﻴﺘﻮ ﺑﻠﺰﺑﺎﻟﺔ ..
ﺍﺣﻼﻡ ﺩﺣﻜﺘﻠﻲ ﺑﺲ ﻣﺎﻋﺮﻓﺖ ﺷﻨﻮ ﺗﺎ ﺍﺳﻮﻱ ﻭﺷﻨﻮ ﻛﻄﻴﺖ ﺑﻠﺰﺑﺎﻟﺔ ..
ﺟﺖ ﻳﻤﻲ ﻭﻫﻲ ﺗﻐﻨﻲ ..
ﺣﻜﺮﺗﻬﺔ ﻭﺭﺣﺖ ﻟﻠﻤﻄﺒﺦ ﻛﻤﻠﺖ ﺷﻨﻮ ﺑﺎﻗﻲ ﻋﻨﺪﻱ ﻭﻛﻠﺸﻲ ﺿﻞ ﺑﻜﻠﺒﻲ ..
ﺟﺔ ﻏﺎﻟﺐ ﻃﺐ ﻭﻛﺎﻝ ﺍﻟﻠﻪ ﻳﺴﺎﻋﺪﺝ ﺣﺒﻴﺒﻲ ..
ﺑﻴﺎﺭﻕ .. ﻫﻼ ﺑﻴﻚ ﻭﻳﺴﺎﻋﺪ ﺑﺨﺘﻚ .. ﺗﻜﻠﻂ ﻭﺑﺎﺳﻨﻲ ﺑﺨﺪﻱ .. ﺍﺧﺬ ﻣﻨﻮ ﺍﻟﻐﺮﺍﺽ ﺍﻟﻲ ﺟﺎﻳﺒﻬﻢ ..
ﺧﺬ ﻭﺣﺪﺓ ﻋﻼﻛﺔ ﺟﺒﻴﺮﺓ ﻣﻨﻲ ﻭﻛﺎﻝ ﻫﺎﻱ ﺍﻟﺞ ﻣﻮ ﻟﻠﺒﻴﺖ ..
ﺧﺬﺍﻫﺎ ﻫﻮ ﺑﻴﺪﻭ ﻭﺭﺍﺡ ﻃﺐ ﻟﻠﻐﺮﻓﺔ ﺣﻄﻴﺖ ﺍﻻﻏﺮﺍﺽ ﻉ ﻛﺘﺮ ﻭﺭﺣﺖ ﻭﺭﺍ ﻟﻜﻴﺘﻮ ﺗﺎ ﻳﻨﺰﻉ ..
ﻫﻴﺮﺕ ﺍﻟﺤﻤﺎﻡ ﺍﻟﻮ .. ﻭﻫﻮ ﻃﺐ ﻳﺴﺒﺢ ﻭﺍﻧﺔ ﺷﻠﺖ ﻫﺪﻭﻣﻮ ﺍﻟﻲ ﻧﺰﻋﻬﻢ ..
ﻫﻴﻦ ﺍﺩﺭﻛﺖ ﺑﻬﺎﻱ ﺍﻟﻠﺤﻀﺎﺕ ﺍﻧﻮ ﻣﺎﻛﻮ ﺷﺨﺺ ﺭﺍﺡ ﻳﻜﻮﻥ ﻭﻳﺎﻱ ﻭﻳﺴﻨﺪﻧﻲ ﻏﻴﺮﻭ ..
ﻫﻮ ﺍﻟﻮﺣﻴﺪ ﺍﻟﻲ ﻧﺎﺻﻔﻨﻲ ﻭﻳﺤﺒﻨﻲ ﻭﻣﺎ ﺍﻛﺪﺭ ﺃﻋﻴﺶ ﺍﻭ ﺃﺩﺍﻓﻊ ﻉ ﺭﻭﺣﻲ ﻟﻮ ﻣﺎﻫﻮ ﻣﻮﺟﻮﺩ ..
ﺍﻟﻠﻪ ﻳﺤﻔﻈﻮ ﺍﻟﻲ ﻳﺎﺭﺏ .. ﻭﻳﺨﻠﻲ ﺳﻨﺪ ﺍﻟﻲ ..
ﺩﺭﺕ ﻭﺟﻬﻲ ﻟﻜﻴﺘﻮ ﻃﺎﻟﻊ ﻭﻣﺮﺗﺠﻲ ﻉ ﺣﺎﻳﻂ ﻭﻳﺪﺣﻜﻠﻲ ﻭﻫﻮ ﻣﺒﺘﺴﻢ ..
ﺗﻜﻠﻄﺖ ﻣﻨﻮ ﻭﻛﺘﻠﻮ ﺭﺍﻳﺤﺔ ﺍﺣﻂ ﻏﺪﺓ ﺣﺘﺔ ﺗﺎﻛﻞ ﻻﻥ ﺍﻛﻴﺪ ﺟﻮﻋﺎﻥ ..
ﻏﺎﻟﺐ .. ﺍﻱ ﻭﺍﻟﻠﻪ ﻣﻴﺖ ﺟﻮﻉ ﻭﺍﺭﻳﺪ ﺍﻛﻞ ﻟﻜﻤﺔ ﻣﻦ ﺍﻳﺪﻳﻨﺞ ﺍﻟﺤﻠﻮﺍﺕ ..
ﺑﻴﺎﺭﻕ .. ﻫﻬﻬﻪ ﺗﺪﻟﻞ ﻫﺴﺎﻉ ﺭﺍﻳﺤﺔ ﺍﺣﻂ ﺍﻛﻞ .. ﻋﻔﺘﻮ ﻭﻃﻠﻌﺖ ﺣﺘﺔ ﺍﺣﻂ ﻏﺪﺓ ..
ﻭﻫﻮ ﺟﺔ ﻟﻠﻤﻄﺒﺦ ﻭﺍﻛﻒ ﻳﺸﺮﺏ ﻣﺎﻱ ..
ﻭﺍﻧﺔ ﺩﺣﻜﺘﻠﻮ ﺑﺴﺘﻢ .. ﻃﺒﺖ ﻋﻤﺘﻲ ﺧﻨﺴﺎﺀ ..
ﺧﻨﺴﺎﺀ .. ﻫﺎ ﺟﻴﺖ ﻳﻤﺔ ﺷﻮ ﺻﺎﻳﺮ ﺣﺘﺔ ﻣﺎﺗﺠﻲ ﺍﻻﻣﻚ ﻧﺴﻴﺖ ﻋﻨﺪﻙ ﺍﻡ ﻳﻮﻟﻲ ..
ﻏﺎﻟﺐ .. ﻫﺎ ﻳﻤﺔ .. ﺟﻨﺖ ﺗﻌﺒﺎﻥ ﻭﺍﻟﻠﻪ ﻭﻃﺒﻴﺖ ﺳﺒﺤﺖ ﻭﻫﺴﺎﻉ ﻃﻠﻌﺖ .. ﺍﺻﻼ ﻣﺎﺻﺎﺭ ﻧﺺ ﺳﺎﻋﺔ ﻣﻦ ﺟﻴﺖ ..
ﺧﻨﺴﺎﺀ .. ﻻ ﻭﺍﻟﻠﻪ ﺟﻨﺖ ﺗﺠﻲ ﻛﺒﻞ ﺍﻟﻲ ﻭﻫﺴﺎﻉ ﺻﺎﺭ ﻋﻨﺪﻙ ﻏﻴﺮﻱ ..
ﺍﻧﺔ ﺍﺗﻌﺐ ﻭﺃﻛﺒﺮ ﻭﺗﺎﻟﻲ ﺍﻟﺠﻨﺔ ﺗﺎﺧﺬﻭ ..
ﻣﻦ ﻛﺘﺮ ﺍﻧﺘﺔ ﻭﺫﺍﻙ ﺍﺧﻮﻙ ﺍﻟﻲ ﻣﺎ ﺍﺷﻮﻓﻮ ﻏﻴﺮ ﺑﻠﺴﻨﺔ ﺣﺴﻨﺔ ﻣﺎﺩﺭﻱ ﺷﻌﻨﺪﻭ ﻭﻫﻴﺞ ﻣﺎﻳﺠﻲ ﻫﻴﻦ ..
ﻏﺎﻟﺐ .. ﻳﻤﺔ ﻋﺬﺭﻳﻨﻲ ﺑﺲ ﻭﺍﻟﻠﻪ ﻛﺘﻠﺞ ﻻﻥ ﺗﻌﺒﺎﻥ ﺑﺴﺮﻋﺔ ﺭﺣﺖ ﻃﺒﻴﺖ ﺳﺒﺤﺖ ..
ﺳﻜﺘﺖ ﻣﺎﺭﺩﺗﻮ ﻋﻮﺩ ﺯﻋﻠﺖ ﻭﻃﻠﻌﺖ ..
ﻫﻮ ﻫﺰ ﺭﺍﺳﻮ ﻭﺃﺧﺬ ﻧﻔﺲ ﻭﺯﻓﺮﻭ ﺑﺘﻌﺐ ..
ﺗﻜﻠﻄﺖ ﻣﻨﻮ ﻭﻛﺮﺻﺘﻮ ﺑﺎﻳﺪﻭ ..
ﻏﺎﻟﺐ .. ﻫﺎ ﻳﻮﻝ ﺷﺒﻴﺞ ﺗﻜﺮﺻﻴﻦ ﻭﻋﺎﻛﺪﺓ ﺣﻮﺍﺟﺒﺞ .. ﺿﺮﺑﻨﻲ ﺧﻔﻴﻒ ﻉ ﺭﺍﺳﻲ ﻭﻫﻮ ﻳﻀﺤﻚ ..
ﺑﻴﺎﺭﻕ .. ﺍﻧﺔ ﻫﻢ ﻣﺎﻛﺘﻠﻚ ﻧﺴﻴﺖ ﺍﻧﺘﺔ ﻟﻴﺶ ﺗﺴﺒﺢ ﻳﻌﻨﻲ ﻻﻥ ﺗﻌﺒﺎﻥ ﺷﻮ ﻛﺒﻞ ﻃﺒﻴﺖ ﺗﺴﺒﺢ ..
ﻓﺘﺢ ﻋﻴﻮﻧﻮ ﻉ ﻛﺒﺮﻫﻦ ﻭﻃﻜﻬﺔ ﺿﺤﻜﺔ ..
ﻏﺎﻟﺐ .. ﻫﺎﺍ ﺗﻐﺎﺭﻳﻦ .. ﺍﻧﺔ ﻣﺎ ﺍﺟﺬﺏ ﻋﻠﻴﺞ ﺟﻨﺖ ﻳﻢ ﺻﺎﺣﺒﺘﻲ ﻭﻣﺎﻟﺤﻜﺖ ﺍﺳﺒﺢ ﻫﻨﻴﻚ ﺃﺟﻴﺖ ﺍﺳﺒﺢ ﻫﻴﻦ ..
ﻛﺮﺻﺘﻮ ﺣﻴﻞ ﻭﺿﻠﻴﺖ ﻣﺘﺤﻨﺪﻟﺔ ﺑﻲ ..
ﺑﻴﺎﺭﻕ .. ﻻ ﺻﺪﻙ ﺭﻭﺡ ﻋﺠﻞ ﻳﻢ ﺻﺎﺣﺒﺘﻚ ﺣﺘﻰ ﻏﺪﺓ ﻣﺎﻛﻮ ﻣﺎ ﺍﺣﻄﻠﻚ ﺭﻭﺡ ﻳﻤﻬﺎ ..
ﻏﺎﻟﺐ .. ﺗﻌﺎﻟﻲ ﻳﻮﻟﻲ ﺷﻌﻨﺪﻱ ﻏﻴﺮﺝ ﺍﺣﻼ ﻭﺣﺪﺓ ﻣﺎﺗﺎﺧﺬﻧﻲ ﻣﻨﺞ ﺍﻧﺔ ﺍﻟﺞ ﻭﺣﺪﺝ ..
ﻛﻠﺒﻲ ﻣﻄﺒﻮﻉ ﻋﻠﻲ ﺍﺳﻤﺞ ﺑﻴﺎﺭﻕ .. ﺑﻴﺎﺭﻕ ﻭﺑﺲ ..
ﺑﻴﺎﺭﻕ .. ﺿﺮﺑﺘﻮ ﺧﻔﻴﻒ ﻉ ﺍﻳﺪﻭ ﻭﺭﺣﺖ ﻛﻤﻠﺖ ﻭﺟﺖ ﺳﻠﻴﻤﺔ ﻧﻜﻠﺖ ﺍﻻﻛﻞ ﻭﻳﺎﻱ ..
ﻭﻋﻤﻲ ﻫﺴﺎﻉ ﺟﺎﻱ ﻣﻦ ﺍﻟﺠﺎﻣﻊ ..
ﻟﺘﻤﻴﻨﺔ ﻉ ﺍﻛﻞ ﻋﻤﺘﻲ ﻛﺎﻟﺒﺔ ﻭﺟﻬﺔ ﻋﻮﺩ ﺯﻋﻼﻧﺔ ﻣﻦ ﻏﺎﻟﺐ .. ﻭﻣﺎﺗﺪﺣﻚ ﺑﻮﺟﻬﻮ ..
ﺍﻧﺔ ﻧﺴﻴﺖ ﺳﺎﻟﻔﺔ ﻓﻬﺪ ﻻﻥ ﺷﻐﻠﺖ ﺭﻭﺣﻲ ﺑﻠﺒﻴﺖ ﻭﻏﺎﻟﺐ ﺑﺲ ﻣﻦ ﻃﻠﻌﺖ ﺍﺣﻼﻡ ﺗﺬﻛﺮﺕ ..
ﺣﺴﻴﺖ ﺍﻳﺪﻱ ﺗﺎ ﺗﺮﺟﻒ ﻗﺒﻀﺘﻬﺔ ﺑﻘﻮﺓ ﺣﺘﺔ ﺍﻫﺪﻱ ﺷﻮﻱ ..
ﻭﺃﻗﻨﻊ ﺭﻭﺣﻲ ﺍﻧﺔ ﻣﺎ ﻛﻠﺶ ﻣﻬﺘﻤﺔ ﻟﻠﺴﺎﻟﻔﺔ ..
ﻭﻫﻲ ﺑﻜﻞ ﺻﻼﻓﺔ ﻛﺎﻋﺪﺓ ﻳﻢ ﺍﺑﻮﻫﺎ ﻭﺗﺪﻟﻊ ﻋﻠﻲ ..
ﻭﻟﻚ ﻋﻤﻲ ﻣﺎﺗﺪﺭﻱ ﺑﻨﺘﻚ ﺷﻨﻮ ﻭﺭﺍﻫﺎ ..
ﺍﻧﺔ ﻛﺘﻔﻴﺖ ﺑﻠﺴﻜﻮﺕ .. ﻣﺎﻟﻲ ﺷﻐﻞ ﺑﻠﻲ ﺗﺴﻮﻱ ..
ﺧﻠﺼﺖ ﻭﺳﻮﻳﺖ ﺷﻐﻠﻲ ﻛﻠﻮ ﻃﺒﻴﺖ ﻟﻠﻐﺮﻓﺔ ﻟﻜﻴﺘﻮ ﻧﺎﻳﻢ ﻫﻮ ﻳﺘﻌﺐ ﭼﺜﻴﺮ ﻭﺑﺴﺮﻋﺔ ﻳﻨﺎﻡ ..
ﺑﺲ ﻳﺤﻂ ﺭﺍﺳﻮ ﻉ ﻣﺨﺪﺓ ﺗﻠﻜﻴﻨﻮ ﻏﺎﻓﻲ .. ﺑﺪﻟﺖ ﻫﺪﻭﻣﻲ .. ﻭﺣﻄﻴﺖ ﻛﺤﻞ ﻭﻣﺴﻜﺮﺓ ﻭﺣﻤﺮﺓ ﻭﺭﺷﻴﺖ ﻋﻄﺮ ..
ﻃﻔﻴﺖ ﺍﻻﺿﻮﻳﺔ ﻭﺟﻴﺖ ﺭﻓﻌﺖ ﺍﻟﻐﻄﺔ ﻭﻧﺴﺪﺣﺖ ﻳﻤﻮ ..
ﻭﻧﻮﺏ ﺭﺣﺘﻠﻮ ﻟﺤﻀﻨﻮ ﻫﻮ ﺣﺲ ﺑﻴﺎ ﺑﺎﺩﻟﻨﻲ ﺍﻟﺤﻀﻦ ..
ﻭﻫﻮ ﺑﻌﺪ ﻛﻌﺪﺗﻮ ﻣﻦ ﻧﻮﻣﻮ ﻛﻞ ﺷﻮﻱ ﺿﺮﺑﺘﻮ ﺑﺮﺟﻠﻮ ..
ﻭﻫﻮ ﻳﻜﻮﻝ .. ﻳﻮﻝ ﻉ ﻛﻴﻔﺞ ﻳﺎﺏ ﻭﺭﻳﺘﻴﻨﻲ ﻭﺭ ﺗﺮﺩﻳﻨﻲ ﺍﻛﻌﺪ ﻫﺎﻱ ﻛﺎﻋﺪﻟﺞ ﻣﻮ ﺗﻜﻮﻟﻲ ﻭﺧﺮ ﻋﻨﻲ ..
ﺑﻴﺎﺭﻕ .. ﻫﻬﻬﻪ ﻻ ﻻ ﺍﺭﺟﻊ ﻧﺎﻡ ﻣﺎﺭﻳﺪﺩﺩﺩ ..
ﻏﺎﻟﺐ .. ﻣﻮ ﺑﻜﻴﻔﺞ ﻫﺴﺎﻉ ﺍﻧﺘﻲ ﺗﺤﺮﺷﺘﻲ ﺑﻴﺎ ﻻﺯﻡ ﺗﺘﺤﻤﻠﻴﻦ ﺻﻴﺮﻱ ﺳﺒﺎﻋﻴﺔ ..
ﺑﻴﺎﺭﻕ .. ﻻﺍﺍﺍ .. ﻭﺧﺮﺕ ﻋﻨﻮ ﻭﻏﻄﻴﺖ ﺭﺍﺳﻲ ﻭﻫﻮ ﺟﺮﻧﻲ ﺍﻟﻮ ﺣﻂ ﺭﺍﺳﻮ ﺑﺮﻛﺒﺘﻲ ﺑﺎﺳﻨﻲ .. ( ﺍﻧﺘﻢ ﺷﻌﺪﻛﻢ ﺩﺍﺧﻠﻴﻦ ﺟﻠﻴﻠﻴﻦ ﺍﻟﺤﻴﺎ 😳(😒 .. ﻭﻭﻭﻭ ..
ﻛﻤﺖ ﻟﺒﺴﺖ ﻫﺪﻭﻣﻲ ﻭﻃﺒﻴﺖ ﻟﻠﺤﻤﺎﻡ ﺳﺒﺤﺖ ﻭﻫﻮ ﻛﺎﻡ . ﺩﺣﻜﻠﻲ ﻛﺘﻠﻮ ﻃﺐ ﺍﺳﺒﺢ ﺭﺍﺡ ﺍﺟﻴﺒﻠﻚ ﻫﺪﻭﻡ ..
ﻏﺎﻟﺐ .. ﻣﺎﺭﻳﺪ ﻫﺪﻭﻡ ﺗﻌﺎﻱ ﺍﻧﺘﻲ ﻋﺎﺩﻱ ..
ﺑﻴﺎﺭﻕ .. ﻏﺎﺍﺍﻟﺐ ﻻ ﺭﻭﺡ ﻳﻠﺔ .. ﺿﺤﻚ ﻋﻠﻴﻪ ﻭﻃﺐ ﻟﻠﺤﻤﺎﻡ ﻃﻠﻌﺖ ﻫﺪﻭﻡ ﺍﻟﻮ ..
ﺷﻮﻱ ﻭﻃﻠﻊ ﻻﻑ ﻧﻔﺴﻮ ﺑﻠﻤﻨﺸﻔﺔ .. ﺗﻜﻠﻂ ﻣﻦ ﺍﻟﺴﺮﻳﺮ ﺍﺧﺬ ﻫﺪﻭﻣﻮ ﻳﻠﺒﺴﻬﻢ ..
ﻭﻣﺸﻂ ﺷﻌﺮﻭ ﻭﺭﺍﺡ ﻓﺘﺢ ﺍﻟﻜﻨﺘﻮﺭ .. ﻓﺘﺢ ﺍﻟﻌﻼﻛﺔ ﻭﻃﻠﻊ ﻋﻠﺒﺔ ..
ﺟﺎﺑﻬﺔ ﻭﺟﺔ ﻭﻛﻒ ﺑﺴﺪﻱ ..
ﻓﺘﺤﻬﺔ ﺑﻴﻬﺔ ﻛﻼﺩﺓ ﻭﺗﺮﺍﺟﻲ ﻭﺳﻮﺍﺭ ﻭﺣﻠﻘﺔ ﺣﻠﻮﺍﺕ ﻛﻠﺶ ..
ﺑﺘﺴﻢ ﺍﻟﻲ ﻭﻛﺎﻝ .. ﻫﺬﻥ ﻟﺤﺮﻣﺘﻲ ﻟﺤﻠﻮﺓ ﻟﺬﻫﺐ ﻟﻠﺬﻫﺐ ﻳﻨﺠﺎﺏ ..
ﺣﻄﻬﺔ ﻉ ﻣﻴﺰ ﻭﺷﺎﻝ ﺍﻟﺤﻠﻘﺔ ﻭﺃﺧﺬ ﺍﻳﺪﻱ ﻟﺒﺴﻨﻲ ﺍﻟﺤﻠﻘﺔ ..
ﺍﻧﺔ ﻣﻦ ﺍﻟﻔﺮﺡ ﻧﺜﻮﻟﺖ ﻣﺎﻋﺮﻑ ﺷﺤﺠﻲ ..
ﺍﺧﺬ ﺍﻳﺪﻱ ﺑﺎﺳﻬﺔ ﻭﺿﺤﻚ ﻛﺎﻝ ﻳﻮﻟﻲ ﺷﺒﻴﺞ ﻣﺎﺗﺤﺠﻴﻦ ..
ﺣﻀﻨﺘﻮ ﻭﻛﺘﻠﻮ ﺷﻜﺮﺍ ..
ﻏﺎﻟﺐ .. ﺍﻧﺘﻲ ﻧﺎﻭﻳﺔ ﺗﺨﻠﻴﻨﻲ ﻳﻤﺞ ﺍﻟﻴﻮﻡ ﻣﻮ ﻧﻴﺘﺞ ﺳﻮﺩﺓ ﺍﺩﺭﻱ ..
ﺑﻴﺎﺭﻕ .. ﻫﻬﻬﻬﻪ ﻻ ﻭﺍﻟﻠﻪ ﺑﺲ ﺗﺎ ﺍﺷﻜﺮﻙ .. ﺍﻟﻠﻪ ﻋﻠﻴﻚ ﻟﺒﺴﻨﻲ ﻟﻜﻼﺩﺓ ﺍﻧﺘﺔ ..
ﻏﺎﻟﺐ .. ﻫﻬﻬﻬﻪ ﻃﺒﻌﺎ ﺍﻧﺔ ﺍﻟﺒﺴﺞ .. ﺟﺮﻫﺔ ﻭﻓﺘﺤﻬﺔ ﺷﻠﺖ ﺷﻌﺮﻱ ﻭﻫﻮ ﻟﺒﺴﻨﻴﺎﻫﺎ ..
ﻭﺃﺧﺬ ﺍﻟﺴﻮﺍﺭ ﻟﺒﺴﻨﻴﺎ ﻛﺎﻝ ﻟﺒﺴﻲ ﺍﻟﺘﺮﺍﺟﻲ ﺍﻧﺘﻲ ﻳﻠﻪ ..
ﺃﺧﺬﺗﻬﻦ ﻟﺒﺴﺘﻬﻦ ﻫﻮ ﺗﻜﻠﻂ ﻣﻨﻲ ﺍﻛﺜﺮ ﻫﻤﺴﻠﻲ ﻳﻢ ﺍﺫﻧﻲ ..
ﺍﻭﻝ ﻣﺮﺓ ﺫﻫﺐ ﻳﻠﺒﺲ ﺫﻫﺐ ﻭﻃﺎﻟﻊ ﮔﻤﺮ .. ﺑﺎﺳﻨﻲ ﺟﻮﺓ ﺍﺫﻧﻲ ..
ﻧﻮﺏ ﺍﺧﺬﻧﻲ ﻭﻧﺴﺪﺡ ﺣﻄﻨﻲ ﻉ ﺍﻳﺪﻭ ﺿﻠﻴﻨﺔ ﻧﺴﻮﻟﻒ ..
ﻫﻮ ﻛﺘﻠﻮ ﺣﺠﻴﻠﻲ ﻋﻨﻚ ..
ﺿﻞ ﻳﺤﺠﻴﻠﻲ ﻋﻨﻮ ﻭﻉ ﺳﻮﺍﻟﻔﻮ ﻭﺷﻠﻮﻥ ﺍﻣﻮ ﺟﺎﻧﺖ ﺗﻜﺘﻠﻮ ﻻﻥ ﻳﺤﺐ ﺑﻨﺖ ﺟﻴﺮﺍﻧﻬﻢ ﻫﺎﻱ ﻣﻦ ﺟﺎﻥ ﻋﻤﺮﻭ ١٢ ﺳﻨﺔ ..
ﻫﻮ ﻳﺤﺠﻲ ﻭﺍﻧﺔ ﻏﻔﻴﺖ ﻣﺎﺩﺭﻱ ﻭﻳﻦ ﻭﺻﻞ ..
ﻛﻌﺪﺕ ﻣﺎﻟﻜﻴﺘﻮ .. ﺩﺣﻜﺖ ﻟﻠﻮﻛﺖ ﺻﺎﺭﺕ ﺍﻟﺪﻧﻴﺔ ﻣﻐﺮﺏ ..
ﻛﻤﺖ ﻏﺴﻠﺖ ﻭﻃﻠﻌﺖ ..
ﻳﻌﻨﻲ ﻛﻠﺸﻲ ﻃﺒﻴﻌﻲ ﺗﻤﺸﻲ ﺍﻻﻳﺎﻡ ﻭﺭﺗﻴﻦ ﻋﺎﺩﻱ ..
ﻋﻤﺘﻲ ﺑﺲ ﺗﺰﻛﺢ ٢٤ ﺳﺎﻋﺔ ..
ﻭﻃﻠﻌﺎﺗﻬﺔ ﭼﺜﻴﺮﺓ ﻭﺍﻧﺔ ﺷﺎﻛﺔ ﻋﺪﻫﺔ ﺷﻲ ..
ﺑﺲ ﺷﺎ ﺳﻮﻱ ﺍﺳﻜﺖ ﻣﺎﻟﻲ ﺷﻐﻞ ..
ﻟﺤﺪ ﻫﺴﺎﻉ ﻛﻞ ﻣﺎ ﺍﺫﻛﺮ ﺍﻟﻴﻮﻡ ﺍﻟﻲ ﻟﻜﻴﺖ ﺑﻲ ﺍﺣﻼﻡ ﺣﺎﺿﻨﺘﻮ ﻟﻔﻬﺪ ﺍﻧﻘﻬﺮ ﻭﻣﺎ ﻣﺼﺪﻛﺔ ﻫﻮ ﻳﻄﻠﻊ ﻣﻨﻮ ﻫﻴﺞ ..
ﻫﻮ ﺇﻧﺴﺎﻥ ﻋﺼﺒﻲ ﻭﺟﺪﻱ ﻭﻛﻞ ﺷﻲ ﻳﺴﻮﻱ ﻳﻮﺯﻧﻮ ﺑﻌﻘﻠﻮ ﺍﻟﻒ ﻣﺮﺓ ﻳﻠﺔ ﻳﺴﻮﻱ ..
ﻭﻫﺬﺓ ﺗﺼﺮﻓﻮ ﻛﻠﺶ ﻣﻮ ﺧﻮﺵ ..
ﻧﺪﻙ ﺑﺎﺏ ﺍﻟﺒﻴﺖ ﻭﺍﻧﺔ ﺑﻠﻤﻄﺒﺦ ..
ﻛﻄﻴﺖ ﻛﻠﺸﻲ ﻣﻦ ﺍﻳﺪﻱ ﻭﻏﺴﻠﺖ ﻭﻃﻠﻌﺖ ﻓﺘﺤﺖ ﺍﻟﺒﺎﺏ ..
ﺩﺣﻜﺖ ﻃﻠﻊ ﻓﻘﺎﺭ ﻭﻳﺎ ﺣﺮﻣﺔ .. ﻫﻮ ﺑﺘﺴﻢ ﻭﻛﺎﻟﻮ ﺍﻟﺴﻼﻡ ﻋﻠﻴﻜﻢ ..
ﺭﺩﻳﺖ .. ﻭﻋﻠﻴﻜﻢ ﺍﻟﺴﻼﻡ .. ﺗﻔﻀﻠﻮ .. ﺍﻧﺔ ﻋﻴﻨﻲ ﻉ ﺣﺮﻣﺔ ﺍﻟﻲ ﻣﻌﻮ ..
ﻓﻘﺎﺭ .. ﺷﻠﻮﻧﺞ ﺑﻴﺎﺭﻕ ﺷﺎﺧﺒﺎﺭﺝ .. ﻋﺬﺭﻭﻧﻲ ﻣﺎﻛﺪﺭﺕ ﺍﺟﻲ ﺍﻭﻝ ﺯﻭﺍﺟﻜﻢ ..
ﺑﻴﺎﺭﻕ .. ﺍﻧﺔ ﺑﺨﻴﺮ ﺍﻟﺤﻤﺪﺍﻟﻠﻪ ﺍﻧﺖ ﺷﻠﻮﻧﻚ ..
ﻓﻘﺎﺭ .. ﺍﻧﺔ ﺣﺎﻟﻲ ﻣﺜﻞ ﺣﺎﻝ ﻏﺎﻟﺐ ﺑﻠﻀﺒﻂ ﻭﻳﺎﺷﺮ ﻉ ﺣﺮﻣﺔ ﺍﻟﻲ ﻣﻌﻮ ..
ﻫﺰﻳﺘﻠﻮ ﺭﺍﺳﻲ ﺑﻤﻌﻨﻰ ﻣﺎﻓﻬﻤﺖ ..
ﻓﻘﺎﺭ .. ﻳﻮﻝ ﻣﻮ ﻏﺎﻟﺐ ﺧﺬﺍﺝ ﻻﻥ ﻳﺤﺒﺞ ﻭﺃﻫﻠﻲ ﻣﺎ ﻳﻘﺒﻠﻮ ..
ﺍﻧﺔ ﻫﻢ ﺟﺒﺖ ﺣﺮﻣﺘﻲ ﻭﺍﺟﻴﺖ ..
ﺑﻴﺎﺭﻕ .. ﻳﻌﻨﻲ ﻫﺎﻱ ﺣﺮﻣﺘﻚ !!!! ؟؟ ..
ﻓﻘﺎﺭ .. ﺍﻱ ﻳﻮﻝ ﻫﺎﻱ ﺣﺮﻣﺘﻲ ﺍﻟﻲ ﺻﺎﺭ ﺳﻨﻴﻦ ﻛﻠﺒﻲ ﻣﻮﻟﻊ ﻋﻠﻴﻬﺔ ..
ﺻﺎﺭ ﺳﻨﺘﻴﻦ ﻣﺘﺰﻭﺟﻴﻦ ﺑﺲ ﺑﻌﺪ ﻛﻠﺖ ﻟﻬﻴﻦ ﻭﺧﻠﺺ ﻻﺯﻡ ﺍﺟﻴﺒﻬﺔ ﺑﻤﺎ ﺍﻧﻮ ﻏﺎﻟﺐ ﺳﻮﺍﻫﺎ ..
ﺑﻴﺎﺭﻕ .. ﻧﺼﺪﻣﺖ ﻫﻬﻬﻪ ﻋﺠﻞ ﻧﻀﻞ ﻭﺍﻛﻔﻴﻦ ﻫﻴﻦ ﺗﻔﻀﻠﻮ ﺑﺲ ﻻﺯﻡ ﻧﺘﺤﻀﺮ ﻟﻠﻲ ﺭﺍﺡ ﻳﺼﻴﺮ ﺍﻟﻠﻪ ﻳﺴﺎﻋﺪ ﻋﻤﺘﻲ ﻫﺴﺎﻉ ﺗﻨﺠﻠﻂ ..
ﻃﺒﻴﻨﺔ ﺩﺍﺧﻞ ﻭﻫﻲ ﺣﺮﻣﺘﻮ ﻣﺒﻴﻨﺔ ﺣﺒﺎﺑﺔ ﻻﻥ ﻣﺎﺣﺠﺖ ﺷﻲ ﺑﺲ ﻣﺒﺘﺴﻤﺔ ..
ﻫﺴﺎﻉ ﺗﺼﻴﺮ ﺣﺮﺏ ﻫﻴﻦ ﺑﺲ ﺍﻟﻠﻪ ﻳﺴﺘﺮ ..
ﻃﺒﻮ ﻭﻋﻤﺘﻲ ﺿﻠﺖ ﺗﺪﺣﻚ ﻋﻠﻴﻬﻢ ﻫﻮ ﺗﻘﺪﻡ ﺳﻠﻢ ﻋﻠﻴﻬﺔ ﻭﻫﻲ ﺍﺧﺬﺗﻮ ﺑﻮﺱ ﻣﺸﺘﺎﻗﺘﻠﻮ ..
ﻭﺗﺒﻮﺱ ﺑﻲ ﻭﺗﻜﻠﻮ ﻧﻮﺭ ﺍﻟﺒﻴﺖ ﻳﺎﺑﻌﺪ ﺭﻭﺣﻲ ..
ﺭﺟﻌﺖ ﺩﺣﻜﺖ ﻋﻠﻴﻬﺔ ﻭﻛﺎﻟﺘﻠﻮ ﻫﺎﻱ ﻣﻨﻮ !! ؟؟ .
ﻓﻘﺎﺭ .. ﻫﺎﻱ ﺯﻳﻨﺔ ﺣﺮﻣﺘﻲ .. ﻫﻲ ﺻﺎﺭﻭ ﻋﻴﻮﻧﻬﺔ ﺣﻮﻝ ﻫﻬﻬﻬﻪ ﺑﺲ ﻭﺭﺑﻲ ﺷﻜﻠﻬﺔ ﻳﻀﺤﻚ .. ﻃﻠﻌﻮ ﺍﻟﺒﻨﺎﺕ ﺣﺘﻰ ﻳﺴﻠﻤﻮ ﻋﻠﻲ ﻭﻫﻲ ﻣﺎﻧﻄﺖ ﻣﺠﺎﻝ ﻭﻋﺎﻃﺖ ..
ﺧﻨﺴﺎﺀ ..
ﻣﻮﺗﻮﻧﻲ ﺍﻟﻠﻪ ﻭﺍﺍﺍﺍﺍﺍﻛﺒﺮﺭﺭﺭ .. ﺍﻧﺔ ﺍﺧﻠﻒ ﻭﺍﺭﻳﺪ ﺍﻓﺮﺡ ﺑﻴﻜﻢ ﻭﺃﻧﺘﻢ ﻛﻞ ﻭﺍﺣﺪ ﻳﺎﺧﺬ ﻉ ﻣﺰﺍﺟﻮﻭﻭﻭ ..
ﻛﻌﺪﺕ ﺑﻠﻜﺎﻉ ﻭﺗﻠﻄﻢ ﻭﺗﺼﻴﺢ ﺍﻟﻠﻪ ﻳﺎﺧﺬﺟﻦ ﻟﻌﺒﺘﻦ ﺑﻌﻘﻞ ﻭﻟﺪﻱ ..
ﻋﺴﺎﺟﻦ ﺑﻤﻮﺕ ﻳﺎﺭﺏ ﻛﺢ *** ﻭﻫﻴﺞ ﻭﻫﻴﺞ ﺀ ****£&&@*** ﺣﺘﺔ ﻟﺒﻨﻴﺔ ﻧﺼﺪﻣﺖ ﺿﻠﺖ ﺻﺎﻓﻨﺔ ..
ﺍﻧﺔ ﻣﺎﺩﺭﻱ ﺷﻨﻮ ﺍﻟﺴﺎﻟﻔﺔ ﺑﺲ ﻋﺮﻓﺘﻮ ﻫﻮ ﻳﺤﺒﻬﺔ ﻭﺍﺧﺬﻫﺔ ..
ﻟﺒﻨﻴﺔ ﺩﻣﻮﻋﻬﺎ ﺣﺪﺭﻥ ﺍﻧﺔ ﻣﺎ ﺍﺩﺧﻠﺖ ﺑﻴﻬﻢ ﺍﺑﺪ ..
ﺑﺲ ﺻﺪﻙ ﻣﻨﻈﺮ ﻋﻤﺘﻲ ﻳﻀﺤﻚ ﻭﻫﻲ ﺗﻠﻄﻢ ﻭﺗﺼﺮﺥ ..
ﻧﺪﻙ ﺍﻟﺒﺎﺏ ﻭﺭﻛﻀﺖ ﺍﻓﺘﺤﻮ .. ﻃﺐ ﻏﺎﻟﺐ ..
ﻏﺎﻟﺐ .. ﻳﻮﻝ ﺧﺎﺑﺮﻧﻲ ﻓﻘﺎﺭ ﻳﻜﻮﻝ ﺟﺎﻱ ﻭﺟﺎﻳﺐ ﺣﺮﻣﺘﻮﻭﻭ ﻛﻠﺖ ﺧﻠﻲ ﺍﺟﻲ ﮔﺒﻞ ﻻ ﻳﻮﺻﻞ ..
ﺍﻧﺔ ﻧﻔﺠﺮﺕ ﺿﺤﻚ ..
ﻏﺎﻟﺐ .. ﺷﺒﻴﺞ ﻳﻮﻝ ﺭﺟﻊ ﻧﺘﺒﻪ ﻉ ﺑﻴﺖ ﻛﺎﻝ ﺷﻨﻮ ﻫﺬﺓ ﺍﻟﺼﻮﺕ ..
ﺑﻴﺎﺭﻕ .. ﻓﻘﺎﺭ ﺟﺔ ﻭﺟﺎﻳﺐ ﻭﻳﺎ ﺣﺮﻣﺘﻮ ﻭﻋﻤﺘﻲ ﺗﺎ ﺗﻠﻄﻢ ..
ﻏﺎﻟﺐ .. ﺍﻟﻠﻪ ﻳﺴﺘﺮ ﺧﻠﻲ ﻧﻄﺐ ..
ﺑﻴﺎﺭﻕ .. ﻫﻮ ﻳﺤﺒﻬﺔ ﻣﻮ ..
ﻏﺎﻟﺐ .. ﺍﻱ ﺻﺎﺭﻟﻮ ﺳﻨﺘﻴﻦ ﻣﺎﺧﺬﻫﺔ ﺍﺑﻐﺪﺍﺩ ﻣﺤﺪ ﻳﺪﺭﻱ ﺑﺲ ﺍﻧﺔ .. ﻭﻣﻦ ﺧﺬﻳﺘﺞ ﻛﺎﻝ ﻳﺠﻴﺒﻬﺔ ﻫﻴﻦ ﺑﻌﺪ ﻭﻳﺼﺎﺭﺡ ﺍﻫﻠﻲ ﻻﻥ ﻣﺎﻗﺒﻠﻮ ﻳﺎﺧﺬﻫﺔ ﮔﺒﻞ ..
ﻃﺒﻴﻨﺔ ﻭﻓﻘﺎﺭ ﻛﺎﻋﺪ ﺑﺴﺪ ﺍﻣﻮ ﻳﻔﻬﻤﻬﺔ ﻋﻮﺩ ..
ﻭﻫﻲ ﻭﺭﺗﺔ ﻭﺭ .. ﻫﻮ ﺻﺪ ﻟﻴﻨﺔ ﻭﻛﺎﻡ ﺳﻠﻢ ﻉ ﻏﺎﻟﺐ ..
ﻫﻲ ﻟﺒﻨﻴﺔ ﻭﺍﻛﻔﺔ ﺑﺲ ﺗﺪﺣﻚ ﺧﻄﻴﺔ ﺧﻮﺵ ﺍﺳﺘﻘﺒﺎﻝ ﺣﻠﻮ ..
ﺩﺣﻜﻠﻲ ﻏﺎﻟﺐ ﻭﻛﺎﻝ .. ﻳﻮﻝ ﺍﺧﺬﻱ ﻟﺒﻨﻴﺔ ﻟﻐﺮﻓﺘﻨﺔ ﺗﺮﺗﺎﺡ ..
ﺩﺣﻜﺘﻠﻬﺔ ﻭﻛﺘﻠﻬﺔ ﺗﻌﺎﻟﻲ ﺣﺒﻴﺒﺔ ﺍﺭﺗﺎﺣﻲ ﻭﻳﺎﻱ ..
ﺯﻳﻨﺔ .. ﺍﻱ ﺃﺟﻴﺖ .. ﺍﺟﺖ ﻫﻲ ﻭﻳﺎﻱ ﻃﺒﺖ ﻟﻠﻐﺮﻓﺔ ﻭﺍﻧﺔ ﺑﻠﻜﻮﺓ ﻛﺎﺿﺒﺔ ﺿﺤﻜﺘﻲ ..
ﺯﻳﻨﺔ .. ﺍﻛﻮﻝ ﺣﺒﻴﺒﺘﻲ ﻫﺎﻱ ﻋﻤﺘﻲ ﺗﻀﻞ ﻫﻴﺞ ﻣﺎﺗﺮﺩﻳﻨﻲ ﻳﻌﻨﻲ ﻣﺒﻴﻦ ﺍﺑﺪ ﻣﺎ ﺭﺍﺡ ﺗﺤﺒﻨﻲ ..
ﺑﻴﺎﺭﻕ .. ﻣﻤﻢ ﻻﻥ ﻣﺎﺗﺪﺭﻱ ﻭﻓﻘﺎﺭ ﻣﺘﺰﻭﺝ ﻭﺟﺎﺑﺞ ﻫﻴﻦ ﻧﺼﺪﻣﺖ ﻃﺒﻌﺎ ..
ﺯﻳﻨﺔ .. ﻫﻬﻪ ﺑﺲ ﻓﻘﺎﺭ ﻛﺎﻝ ﻣﺪﺍﻡ ﻏﺎﻟﺐ ﺳﻮﺍﻫﺎ ﻭﺗﺰﻭﺝ ﺑﻴﺎﺭﻕ ﺑﺖ ﻋﻤﻲ ﺍﻧﻲ ﻫﻢ ﺍﺧﺬﺝ ﻻﺯﻡ ﻧﺼﺎﺭﺣﻬﻢ ﻭﺍﻧﻜﻠﻠﻬﻢ . ﺑﺰﻭﺍﺟﻨﺔ .. ﻫﻤﺔ ﺭﻓﻀﻮﻧﻲ ﻻﻥ ﻣﻦ ﺑﻐﺪﺍﺩ ..
ﺑﻴﺎﺭﻕ .. ﻫﺎﺍ ﺍﻱ ﺗﻬﺪﻱ ﻋﻤﺘﻲ ﺍﻥ ﺷﺎﺀﺍﻟﻠﻪ ﻣﺎ ﺗﻀﻞ ﻫﻴﺞ ..
ﺯﻳﻨﺔ .. ﺍﻥ ﺷﺎﺀﺍﻟﻠﻪ ﺭﺑﻲ ﻳﻬﺪﻳﻬﺔ ..
ﺿﻠﻴﺖ ﻛﺎﻋﺪﺓ ﻳﻢ ﺍﻟﺒﻨﻴﺔ ﺩﻙ ﺍﻟﺒﺎﺏ ﻏﺎﻟﺐ ﻭﻃﺐ ﻭﻃﺐ ﻭﺭﺍ ﻓﻘﺎﺭ ..
ﻏﺎﻟﺐ ﻣﺎﺩﺭﻱ ﺷﻠﻮﻥ ﻛﺎﺿﺐ ﺿﺤﻜﺘﻮ ﺑﺲ ﻃﺐ ﻧﻔﺠﺮ ﺿﺤﻚ ..
ﻓﻘﺎﺭ .. ﺍﻧﺖ ﺗﻀﺤﻚ ﻭﻫﻲ ﺗﻜﻮﻝ ﺭﺍﺡ ﺍﻫﺞ ﻣﻦ ﻫﻴﻦ ..
ﻏﺎﻟﺐ .. ﻳﺎ ﺍﺧﻲ ﻣﺎﺗﺮﻭﺡ ﺍﺳﻜﺖ ﺍﺳﻜﺖ .. ﻫﺴﺎﻉ ﺑﺲ ﻳﺠﻲ ﺍﺑﻮﻱ ﺗﺴﻜﺖ ﻫﻲ ﺍﺻﻼ ﺍﺑﻮﻱ ﺷﺎﻙ ﺑﻴﻚ ﻣﻌﺮﺱ ﺑﺲ ﻣﻐﻠﺲ ..
ﻓﻘﺎﺭ .. ﻋﻮﺩ ﺻﺪﻙ ﺷﺎﻙ ﺑﻴﺎ ..
ﻏﺎﻟﺐ .. ﺍﻱ ﻭﺍﻟﻠﻪ ﻫﻮ ﻛﺎﻝ ﻣﺮﺓ ﺍﻧﺔ ﺷﺎﻙ ﺑﻔﻘﺎﺭ ﻣﻌﺮﺱ ﻷﻧﻮ ﻣﺎﻳﺠﻲ ﻫﻴﻦ ..
ﻫﺰﻟﻮ ﺭﺍﺳﻮ ﻭﻛﺎﻝ .. ﺍﻟﻠﻪ ﻳﺴﺘﺮ ..
ﺍﺧﺬﻭ ﻭﻃﻠﻊ .. ﺍﺭﻳﺪ ﺍﺣﺠﻲ ﻭﻳﺎﻫﺎ ﺍﺳﺘﺤﻲ ﺷﺎﻛﻮﻝ ..
ﻧﻮﺏ ﺷﻮﻱ ﺷﻮﻱ ﺿﻠﻴﻨﺔ ﻧﺴﻮﻟﻒ ﻭﻛﻌﺪﺕ ﺗﺴﻮﻟﻔﻠﻲ ..
ﺗﻜﻮﻝ ﺣﺒﻴﺘﻮ ﻭﺣﺒﻨﻲ ﻣﻦ ﺳﻨﻴﻦ ..
ﻭﺭﺍﺩ ﻳﺨﻄﺒﻨﻲ ﺑﺲ ﺍﻫﻠﻮ ﻣﺎ ﻗﺒﻠﻮ ﻭﺭﺍﺩﻫﺔ ﺑﻠﺴﺮ ﻭﻫﻲ ﻣﻌﺎﻧﺪﺓ ﺍﻫﻠﻬﺔ ﻟﺤﺪ ﻣﺎﻗﺒﻠﻮ ﻭﺗﺰﻭﺟﻮ ﺍﺑﻐﺪﺍﺩ ..
ﻫﻲ ﻣﻦ ﺳﻮﺍﻟﻔﻬﺔ ﺗﺨﺒﻞ ﻭﻟﻬﺠﺘﻬﺔ ﺣﻠﻮﺓ ..
ﻭﻫﻲ ﻫﻢ ﺣﻠﻮﺓ ﺗﺨﺒﻞ ﺍﻧﺔ ﺍﻃﻠﻊ ﺯﻟﻤﺔ ﻳﻤﻬﺔ ..
ﺳﻤﻌﻨﺔ ﺻﻮﺕ ﻋﻤﻲ ﻛﻤﺖ ﺑﺴﺮﻋﺔ ﻣﺪﻳﺖ ﺭﺍﺳﻲ ﻣﻦ ﺍﻟﺒﺎﺏ ﺍﺩﺣﻚ ﺷﻨﻮ ﻳﺼﻴﺮ ..
ﺑﺲ ﻋﻤﻲ ﻣﺎﻋﺼﺐ ﻋﺎﺩﻱ ﺑﺲ ﻫﺰ ﺍﻳﺪﻭ ﻭﻛﺎﻝ ﺭﺍﺡ ﺗﻤﻮﺗﻮﻧﻲ ﺑﺴﻮﺍﻟﻔﻜﻢ ﺍﻧﺔ ﻣﺎﻟﻲ ﭼﻠﻤﺔ ﻫﻴﻦ ..
ﻫﻮ ﺳﻠﻢ ﻋﻠﻲ ﻭﺑﺎﺱ ﺭﺍﺳﻮ .. ﻃﺒﻴﺖ ﺭﺍﺳﻲ ﻭﻛﺘﻠﻬﺔ ﻋﻤﻲ ﻗﺒﻞ ﻫﺴﺎﻉ ﻫﻮ ﻳﻬﺪﻱ ﻋﻤﺘﻲ ..
ﻫﻲ ﻓﺮﺣﺖ ﻭﻛﺎﻟﺖ ﺍﻥ ﺷﺎﺀﺍﻟﻠﻪ ﻣﺎﻳﻀﻠﻮﻥ ﺯﻋﻼﻧﻴﻦ ﻣﻨﻲ ..
ﻓﻘﺎﺭ ﺻﺎﺡ ﺯﻳﻨﺔ ﺗﻌﺎﻟﻲ ﺑﺴﺮﻋﺔ ..
ﻛﺎﻣﺖ ﻭﻛﻤﺖ ﻭﻳﺎﻫﺎ ﺳﻠﻤﺖ ﻉ ﻋﻤﻲ ﻭﻉ ﻋﻤﺘﻲ ﻭﻫﻲ ﻛﺎﻟﺒﺔ ﻭﺟﻬﺔ ﺑﺲ ﻫﻲ ﻟﺒﻨﻴﺔ ﻣﺎ ﻫﺘﻤﺖ ﻛﻠﺶ ﻋﺪﻫﺔ ﺍﻟﻤﻬﻢ ﺟﺖ ﻫﻴﻦ ..
ﻭﺳﻠﻤﺖ ﻉ ﺑﻨﺎﺕ ﻭﺍﻧﺔ ﺑﺲ ﺍﺩﺣﻚ ﺍﻧﺘﻈﺮ ﻳﺨﻠﺺ ﻓﻠﻢ ﺍﻟﻘﺒﻮﻝ ﻫﺬﺍ ﻭﺑﻌﺪ ﻳﻮﻣﻴﻦ ﻳﺒﺪﻱ ﻓﻠﻢ ﻭﻳﺔ ﻫﺎﻱ ﻟﺒﻨﻴﺔ ﻳﺨﻠﻴﻬﺔ ﺗﻨﺼﺪﻡ ..
ﺿﻠﺖ ﻟﺒﻴﻨﺔ ﻭﻳﺎﻱ ﻭﻋﻤﺘﻲ ﻧﻔﺲ ﺍﻟﺸﻲ ﻧﻔﺲ ﺍﻟﺘﻌﺎﻣﻞ ﻭﻳﺎﻧﺔ ﺑﺲ ﺗﺰﻛﺢ ﺑﻴﻨﺎ ..
ﻓﻘﺎﺭ ﺟﻬﺰﻟﻮ ﻏﺮﻓﺔ ﺍﻟﻬﻢ ﻛﻠﺶ ﺣﻠﻮﺓ ..
ﻟﺒﻴﻨﺔ ﺗﻨﺼﺪﻡ ﻣﻦ ﺗﺴﻤﻊ ﻋﻤﺘﻲ ﺗﻔﺸﺮ ﻭﺗﺤﺠﻲ ﭼﺜﻴﺮ ﺗﻜﻮﻝ ﻣﺎﻣﺘﻌﻮﺩﺓ ﻉ ﻫﻴﺞ ﺍﻧﺔ ..
ﻛﺘﻠﻬﺔ ﺗﺘﻌﻮﺩﻳﻦ ﻃﻨﺶ ﺗﻌﻴﺶ .. ﺻﺪﻙ ﺿﻠﺖ ﺗﻄﻨﺶ ..
ﺍﻧﺔ ﻓﺮﺣﺎﻧﺔ ﺑﻴﻬﺎ ﻻﻥ ﻃﻴﺒﺔ ﻭﺑﺲ ﻧﺴﻮﻟﻒ ﺳﻮﻳﺔ ﻭﺳﻮﺍﻟﻔﻬﺔ ﺣﻠﻮﺓ ..
ﺭﺍﺡ ﻓﻘﺎﺭ ﻟﻠﻮﺍﺟﺐ ﻭﻫﻲ ﻋﻤﺘﻲ ﺳﺘﻠﻤﺘﻬﺔ ﺑﻠﺰﺍﻳﺪ ..
ﺑﺲ ﻫﻲ ﺗﻌﺎﻧﺪ ﻭﻣﺎﺗﻬﺘﻢ ﺍﻟﻬﺔ ..
ﻋﻤﺘﻲ ﺻﺎﺭﺕ ﻃﻠﻌﺎﺗﻬﺎ ﺍﺯﻳﺪ ﻣﻦ ﮔﺒﻞ ..
ﺗﻄﻠﻊ ﻭﺗﺠﻲ ﮔﺒﻞ ﻻ ﻳﺠﻲ ﻋﻤﻲ ..
ﺣﺘﻰ ﺯﻳﻨﺔ ﻧﺘﺒﻬﺖ ..
ﺯﻳﻨﺔ .. ﺍﻛﻮﻟﺞ ﺷﻮ ﻋﻤﺘﻲ ﺗﻄﻠﻊ ﻫﻮﺍﻱ ﺷﻨﻮ ﺍﻟﺴﺎﻟﻔﺔ ﻳﻮﻣﻴﺔ ﺑﺮﺍ ﺍﻟﺒﻴﺖ ﻭﻋﻤﻲ ﻣﺎﻳﺪﺭﻱ ﺑﻴﻬﺔ ..
ﺑﻴﺎﺭﻕ .. ﺍﺣﻨﺔ ﻣﺎﻟﻨﺔ ﺷﻐﻞ ﺑﻴﻬﺔ .. ﻭﻳﻦ ﺗﺮﻳﺪ ﺗﺮﻭﺡ ﺧﻠﻲ ﺗﺮﻭﺡ ..
ﺯﻳﻨﺔ .. ﺑﺲ ﺗﺮﺓ ﻣﻮ ﻃﺒﻴﻌﻲ ﻟﻌﺪ ﻧﻀﻞ ﺳﺎﻛﺘﻴﻦ ﻻﺯﻡ ﻋﺪﻫﺔ ﺷﻲ ﺑﻬﺎﻱ ﻃﻠﻌﺎﺗﻬﺎ ..
ﺑﻴﺎﺭﻕ .. ﻭﺍﻟﻠﻪ ﺍﻧﺔ ﻣﺎﺩﺭﻱ ﻋﺠﻞ ﻧﺮﻭﺡ ﻧﻄﻠﻊ ﻭﺭﺍﻫﺎ ﻟﻮ ﺷﻠﻮﻥ ..
ﺯﻳﻨﺔ .. ﺍﺣﻨﺔ ﻭﻳﻦ ﻧﻜﺪﺭ ﻧﻄﻠﻊ ﻳﻤﻌﻮﺩﺓ ﻣﺎﻧﺪﺭﻱ ﻭﻳﻦ ﺗﺮﻭﺡ ﻭﻻ ﺍﻛﻠﺞ ﺻﺪﻭﻙ ﺍﺣﻨﺔ ﻣﻌﻠﻴﻨﺔ ﺑﻴﻬﺔ ﻫﻴﺞ ﻫﻴﺞ ﻣﺎﻓﺎﻛﻴﻦ ﻧﻔﺴﻨﺔ ﻣﻦ ﻛﻼﻣﻬﺔ ﻭ٢٤ ﺳﺎﻋﺔ ﺗﻐﻠﻂ ﻋﻠﻴﻨﺔ ..
ﺑﻴﺎﺭﻕ .. ﺍﻱ ﻭﺍﻟﻠﻪ ﻳﻤﻌﻮﺩﺓ ﻧﻐﻠﺲ ..
ﺻﺪﻙ ﻣﺎﻟﻨﺔ ﺷﻐﻞ ﺑﻴﻬﺔ ﻭﻏﻠﺴﻨﺔ ﻋﻨﻬﺔ ..
ﺑﺲ ﺑﻴﻮﻡ ﻃﻠﻌﺖ ﺯﻳﻨﺔ ﺗﺬﺏ ﺍﻟﺰﺑﺎﻟﺔ ﺑﻠﺒﺎﺏ ﻭﺗﺄﺧﺮﺕ ..
ﻭﺷﻮﻱ ﻭﻃﺒﺖ ﻋﻤﺘﻲ ﻭﺟﻬﺔ ﺍﺻﻔﺮ ..
ﺭﺍﺣﺖ ﻛﺒﻞ ﻃﺒﺖ ﻟﻠﺒﻴﺖ ﻃﻠﻌﺖ ﺩﺣﻜﺖ ﺑﺮﺍ ﺍﻟﺒﺎﺏ ﻣﺴﺪﻭﺩ ..
ﻋﺠﻞ ﺯﻳﻨﺔ ﻭﻳﻦ ﺭﺍﺣﺖ .. ﻛﻠﺖ ﺯﻳﻨﺔ ﻭﻳﻨﺠﺠﺠﺞ ﻣﺎﻟﻬﺔ ﺍﺛﺮ ..
ﺭﺣﺖ ﺩﺭﺕ ﻳﻢ ﺍﻟﻤﺨﺰﻥ ﻫﻢ ﻣﺎﻛﻮ ﺳﻤﻌﺖ ﺻﻮﺕ ﻭﻧﺔ ﺩﺍﺧﻞ ﺍﻟﻤﺨﺰﻥ ﻓﺘﺤﺖ ﺍﻟﺒﺎﺏ ﻣﺎﻝ ﺍﻟﻤﺨﺰﻥ ..
ﻭﻟﻦ ﺍﻟﻜﺎ ﺯﻳﻨﺔ ﻏﺎﺭﻛﺔ ﺑﺪﻣﻬﺔ ........... ﻳﺘﺒﻊ
.💜.. ﺍﺣﺒﻜﻢ ﭼﺜﻴﺮﺭﺭﺭﺭﺭﺭﺭ
|