[فيتامين سي]

الحلقة الثامنه

مسائكم عافية متابعيني الاعزاء

#تناهيد_امرأة

#بقلمـي_نشوى_السلطان ❤️

بنين .. انه شلون نار واشتعلت بيه بعد تعودت عليهم ماكدر اعرف الحجية الي صارلتي ام واكثر ولا بيه اقهرها واخذ ابنهم الي بقالهم من ريحة المرحوم .. عيوني غورگت بالدموع .. ضاري باوع عليه وكال

ضاري ... دقيقه .. اني عندي حل يرضي الجميع ...ان شاءالله

بنين ... انتبهت وبكلبي كلت ياالله بس كون ماياخذوني اهلي شمايكون الحل راح ارفق عليه

الحجية .. اي يايمه دحجي كول خل نفتهم

ضاري .. اني اكول اذا علمودي اني اطلع من البيت
واذا علمودي اني ومحمد

عادي اطلع امي واطلعها لما عبدالله يكبر والله يحلها

شنو الحل الي يراح يناسب اهلها احنا جاهزين
بس لا ياخذوها

جاوبه خالي .. ياخويه انه مابيدي شي السالفه يم اهلها
عدكم شي تفاهموا وياهم

ضاري .. راح اخابر الحجي ونحلها ...

العجوز ... اكف ..محد يطلع الباب .. تجي هيه تكعد عندي

عمتي كلتلها .. هااا شلون يعني!

العجوز .. البيت وجاركم تره موبيعده عنكم تجي تعيش عندي اني ماعندي احد غير خليف وكلكم تعرفوا تعبان ومن اهل الله

ضاري ... لا البنيه اهلها مايقبلون

الحجية .. اني اشوف يقبلون اقلها جار البيت ويمي راح تبقى
محد يشوفها لما الله يفرجها على هالمسكينه

* بنين انه بس ساكته ماحجيت شي بس كل الحلول جانت من صالحي بقى خوفي من اهلي يقبلون او لا مادري
بس هم خطية شنو ذنبهم يطلعون من البيت بسببي
والله مادري شلون راح تنحل وانه صافنه وعمتي تتوسل بخالي

قاطعنا ضاري وكال لحظة خلي احاجي ابوها جان شايل التلفون وديتصل .. انه هنا صدك خفت ...

جاوب ابويه الوو

ضاري .. السلام عليكم حجي

* هلا وعليكم السلام

الگوه شلونكم ان شاءالله بخير

يسلمك الله الحمدلله

* ضاري .. حجي اني ضاري اخو المرحوم وسام

الحجي... هلا بيك كل الهلا حسين وصلكم

ضاري .. اي هينه هوا .. واني خابرتك علمود ام عبدالله

*يا ام عبدالله

ضاري .. حجي بنتكم بنين ام عبدالله

* هااا اي اي

ضاري .. حجي اني اريد احچي وياك بموضوع ام عبدالله. واطلب منك طلب واتمنى ماتردني

الحجي .. اي يا ابني انه فاهم عليك بس قبل كلشي ان جان علمود بنين يابوية بعد مايصير
تبقى عدكم الناس اكلت وجوهنا البنيه كاعده عد ناس غربة بالنسبة الها

ضاري .. والله صحيح وحگكم بس الحجية تعبانه وانت تعرف مابقالها من المرحوم غير هالوليد

ابو بنين ... اي فاهم عليك .. انه اشوف لو تاخذون الولد
يعيش عدكم احسن

ضاري ... قصدك عبدالله يعيش عدنا !!!

بنين.. انه من كال هيج ابويه حسيت واحد اخذ گلبي مني
باوعت الضاري اريد احجي اشرلي بأيده لحظة

ابو بنين .. اي اذا الحجية تريده واحنا نريد بنتنا يا بويه
ماكو غير هالحل

ضاري ... لا حجي شلون يصير هالحجي نحرم ام من ابنها
بس ان جان علمودنا
احنا الزلم نلطع من البيت نروح نسكن بيت جدي .. بس
لا تاخذها ياحجي

دايحجي ضاري ... جاوبت العجوز جدتهم .. لا الزلم تبقى بمكانها
وان جان علمود البنيه اني بيتي جار البيت شو انطيني هالتلفون منك

ضاري ... دقيقه خل افتهم من الرجال

بنين .. كامت الحجيه هي والعصى مالتها جرت التلفون منه
وكالت .. الو سلام عليكم

شلونك ياب اني الحجية جدة وسام ..

ابو بنين .. هلا حجية هلا بيج شلونكم

* الحمدلله ريتك طيب ... اسمع حجي مرحبا عليك

ابو بنين .. اي حجية هلا كولي

* يايابه البنيه حگكم تخافون عليها واني ماراح اطيل الكلام وياك
اني جدتهم وجار البيت ماعندي احد غير ابني خلف وهالخلف مريض يعني لا بشر الناس ولا بخير الناس اني اريدها ويايه ونيس بالبيت .. ويمي راح تعيش معززه مكرمه .. وانت ومروتك
احنا مالنا غير هاالوليد من بعد الموحوم

* بنين ... هي تحجي وانه بودي اكوم ابوسها شكد حبيتها
واني اسمع سمعت صوت مرت ابوي وهي تكول
لا ماله داعي تريدون الطفل اخذو بس البنيه خل تجي ويا خالها للبصرة .. ابوية يسكت بيها يريد يسمع مايكدر

انه باوعت الخالي كتله فدوه اروحلك خالي احجي انت تريد تحرمني من ابنييي

ضاري .. محد ياخذه منج لا تخافين

من كال هيج ضاري فرحت رغم اعرفهم مايخذو مني

خالي كال ماعليج هسه نحلها ان شاءالله انه اعرف هالحية مرت ابوج هي وره كل هالشي

كال ابويه .. والله صعب ياحجية مالهت داعي بقيتها

لا موصعب كتلك يممي واني عيني عليها ولله محد يكدر يمسها بحجايه .. اني رجيتك واعتبرني امك يايابه ولا تردني
وتكسر كلب هالوالده الجدامي كاعده تنتظر منك بس تكول اي حتى الله يفرحها ..

الحجي .. انه اكول خل يجي خالها وعلى نزولة مره الخ نشوف ان شاءالله بس هسه خليها امانه عندج

* والله مثل بنياتب لا توصينا عليها ..

كتلها عمممممة قبل ابويه قبل .. حجيت بصوت عالي بدون
ماانتبه النفسي باوعلي ضاري رفع حاجبه وبتسملي
انه استحيت دنكت راسي بسرعه سلموا عليه وسدو الخط
اندارت عليه الحجيه واشرت بعصاتها عليه كالت شو كومي لمي هديماتج

كمت انه وكفت كتلها يعني هسه نروح

* اي هسه خاطر خالج يشوف بعينه ويروح يكول الاهلج يلا
تهيري كومي ...

ضاري ..بس لا تخبصيها خليها كاعده ويا خالها شويه

كتلها اي انه خل اشوف خالي والم ملابسي واجي وياج

خالي كال لا انه راح امشي اطلع للكراج

ضاري .. لا لا اليوم انت تبات عدنا وباجر عكبه عود توكل للبصره
بعد ماشفناك

* والله انه تعبان لومو بنين ولا اجي بس ابوها بعد وصاني
وجيت اشوف خاف محتاجة شي

*بنين تسلم خالو انه مامحتاجة شي غيرشوفتكم بخير الحمدلله ضاري ومحمد وعيالي كلهم ماقصرين ويايه

* كال لعد انه اكوم امشي كام وكف سلم عليهم ضاري طلع كال اني بره انتظرك طلع ضاري واجة خالي وكف يمي
كال هاج هاي خاف تريدين تاخذين شي للطفل

جانت فلوس مخليهن بكلينس لافهن كتلة ابد والله انه مارايده منك شي
رجعتهن بجيبه

رجع طلعها وكال لا تكولين هيج ولا تستحين مني انه خالج وانتي بنت العزيزه خلاهم بأيدي باسني من راسي وكال استودعانكم

سلم عليهم وطلع للطارمة ضاري جان مشغل سيارته العاالية
صعد ويا ليكدام .. كتله شلملي عالكل امانه واهم شي هباوي

ضاري يلف باليشمخ كال عوفي هباوي اخذي عبدالله فوتي جوه الشمس بعيونه يحجي ويضحك يمكن يضحك لان كلت هباوي
ابتسمت كتلهم الله وياكم .. رفعت ايد عبودي سوي بيباي

طلعو
وانه رجعت رطبيت للبييت

لكيت الحجية كاعده واطك بالعصى كالت انتي صاحبه طفل وبعدج صغيره اللبسي هدوم نيلي جوزي كافي هالهدوم السود

باوعت النفسي كتلها لا انه ماللبس غير الاسود شلون انزعه والموحوم كله صار 6 شهور من توفى لا ابد مانزعه

مفجوعتل بين اني ماكتلج انزعي اكلج خففي من هالاسود موزين
على وليدج ..

كتله لا انه ماغيره .. باوعت العمتي كتلها راح اروح اجهز غراضي
مشيت وانتبهت عمتي بس ساكته ومدنكة راسها

رجعت عليها كتلها عمه شبيج

رفعت راسها باوعتلي كالت مابيه يايمه روحجي تهيري

* عمه والله لو عليه ماعوفج العمر كله بس عمه والله سمعتي حجيهم

* لا يبنيتي بيني وبينج سياج ولا تروحين للبصره شنسوي روحي ويا الحجيه واني يوميه راح امر عليج اشوف عبدالله واشوفج

اي عفيه عمه لا تنقهرين اني مو تكولين انت مثل بنتي
اعتبريني بنتج واليوم زوجتيني هههه

ضحكت كالت اي والله بمعزتهم يشهد الله

دانحجي طبت سرور كالت الها عمةةةة واخيرآ طلك طلگ

باوعت الها انه والحجيه شبيها منو الطلك

كالت العجوز بلجي طگج البين غير نفتهم منهو الطلگ

عمه اختي مروه طلگها احمد .. الحمدلله خلصت

* بنين اتذكرت انة الي اسمها مروه اختها باوعت للعجوز عوجت حلكها وكالت اني بعمري وزماني ماشفت وحده تفرح بطلاك اختها
فان حظج يولي

عمتي كالت الها .. الله يعوضها حجتها وهي ضايجة

انه مادري شنو الي ديصير. عفتهم كتلهم اروح انه اجهز اموري

سرور .. ليش شكو يا امور تعاي فهمينه دامشي سحبتني من ايدي

جدتهم كالت راح تجي تعيش عندي

سرور ... لا بدون شقى والله شكووو

* العجوز جرتني كالت يولي شتكول هاي ماسمعها

كتلها تكلج وين راح تروح ... دتسأل عليه

هاا اني اذاني ملطشات وماسمعت هي شبيها

كتله انه رايحة ... خليت بيد عمتي عبدالله كتلها بس اكمل ارجع اخذه .. خليته يمها وطلعت ... طلعت ورايه سرور تركض

اكفي بنين تعاي فهميني صدك راح تروحين

انداريت عليها كتلها اي اهلي مايقبلون ابقى هنا

* هاااا شكتلج موكتلج موراهمه اي احسن روحي لا تجيج سالفه بعد المره من تصير عليها سالفه تبقى طول العمر الحجي وراهه

كتلها لا حشايه من السوالف وان شاءالله ماعليه كلشي باوعتلها فرحانه شلون واحد جان مخنوك من شي ويريد بس يخلص

كالت وياج اجي اساعدج .. طبت ويايه للغرفة
كتلها انه ماراح اطلع كل الغراض راح اخذ شي قليل

شايله بيدها السله وكفت كالت شنو ليش موكلهن لازم تريدين ترجعين يمنه

كتلها انه ماعرف شلونه ييت الحجية صح هو جار البيت بس بعمري ماشفته خلي اروح اشوف وراهه عود اكمل الباقي

* سرور اي خوش عجل اني هم وياج هسه ركض ركض نكملهن

فتحت الكنتور .. طلعت الجنطه رفعت راسي للملحق ماكدرت

كالت عوفي هذني اخذي هدومكم هسه

كتلها يلا هم صدك .. عفت كلشي بالملحق طلعت بس الهدوم
خليناهن بالجنطه مالت عرسي الي جبت بيها جهازي
وبالجنطة الثانيه خليت هدوم عبودي ..

الحجيه اسمعها تصيح تعاي وليدج يبجي

كتلها خل اشوف عبودي ... عفتها بالغرفة
لكيت العجوز كاعده كالت كملتي

كتلها ماعندي شي بس ارضع عبدالله ونمشي

زهره ... وين رايحين تعاي فهميني

كتلها خلي اسكت عبودي وارجع افهمج

الحجية .. راح تروح تسكت عد جدتج .. تعالي شيلي الاستكانات .، انه عفتهم بالهول طبيت للغرفه مالكيت سرور ..
طبيت وسديت الباب ورايه

نزعت الحجاب وكعدت ارضع بعبودي شويه وانذكرت التلفون ... سحبته وانه بيدي عبدالله ديرضع .. لكيت رساله من رقم غريب ..
... يمكن من اهلي فتحتها ..

مكتوب .. مهما كانت المسافات بينا سوف نلتقي

صفنت ياربي منو هذا .. يمكن هوا نفسه هذا الرقم المجهول
طبيت للسجل .. للمكالمات الفائتة اي هوا صخام هذا منو
ياربي بس لا هو ... شلون وياه ماراح اكدر ارتاح انه ادري
وخرت صدري من حلگ عبدالله ونومته بمكانه
كمت الحيلي وانه ارجف .. شلون اخاف احجي ويكولون شمعنى اتصل عليج ،. ياربي افتر بالغرفه وبيدي التلفون احجي لو لا مادري .... ااااوف انه ليش هيج ويايه الدنيا

ذبيت التلفون من ايدي لبست حجابي وطلعت عبايتي
عالكتف لبستها .. امشي ودردم ويا نفسي مخبوصه
وخايفه .. شلت عبودي وطلعت طبيت للمطبخ مامر احد كلهم بالهول ... احس حلگي يبيس. فتحت البراد
خليت كلاص ماي .. رفعته داشرب وجان ضاري يكول

اشوفج مستعجله .. من حجة فزييييت انداريت

لكيته مرتجي عالباب وبيده السويج ..

كال وصلت خالج ورجعت .. راح تروحين ..!

هزيت راسي اي...

* عجل جيبي هالفصعون خلي ابوسه ...

رحت امشي وانه ارجف من صوته ومن الرساله انطيتهياه

اخذه باسه وخلاه على صدره ..

كال .. الحمدلله كدرنا نقنع الوالد

كتله البركة بيكم والله .. شكرا ماقصرتوا احاجي وهو يبوس بعبودي ويقرب راسه منه كال البركة بجدتي هيه الحلتها

* كتله الله ينطيها عمر وعافيه انه ماجنت اعرفها هالكد هي طيبة داحجي طبت زهره وراهه سرور

باوعتلي سرور. وكفت بصف الكاونتر

زهره كالت جده تريدج تكول يلا وينها ...

سرور .. زهره ولج باعي .. ماكتلج ...

انه مديت ايدي كتله الضاري اكدر اخذه ...

هوا كال اني اوصلكم عوفي عندي ..

دايحجي جان سرور تعلي صوتها كالت الها ولج زهوره
مروه اطلكت دررريتي

زهره .. صددددك والله

سرور .. لج اي خابرتني قبل شويه طايره من الفرح

تحجي وعينها على ضاري ...

هو من سمعها .. ماحجة شي .. سكت شوي وكال اني بالطرمة هين واكف اطلعو من باب الهول انتظركم ..
مشه خطوتين وكال دقيقه شنو ماعدكم غراض تاخذوها وياكم

كتله لا انه مجهزة جنطتين اخذهن ويايه

عجل غير تحجين هيج اخذي اني افوت اطلعهن ..

انطاني عبودي وراح... انه طبيت للهول بس دايخة بالرساله
لكيت الحجيه تنتظرني كالت يلا عفت اخليف وحده

كتله اي انه كملت .. طلعت امشي وطلعت ويايه عمتي والحجية وضاري شايل الجنط.. ..

وصلت للباب طلع قبلنا كال دقيقه .. باوع للفرع ماكو احد اشرلي كال يلا ... طلعنا .. طبت الحجيه فتحت الباب
طبت قبلنا واحنا وراهه كالت فوتوا يلا ..

ضاري فات كدامي
باوعت البيت تعبان الحديقه مهمله الطرمة كلها تراب ..
خطيه .. ماعدها احد .. طبوا كدامي انه طبيت للهول

صاحت اكعد اخليف

باوعت جودليه بالهول ممدوده واحد نايم مغطى حتى راسه
صاح عليه ضاري ..

كله خا خلوف شلونك ..

الحجيه كالت اكعدو يمه .. انه والحجيه كعدنا عالجودلية

باوعت وخر البطانيه .. وكعد باوعت واحد مزيني صفر
يطلع بعمره بال عشرينات شاب خطية .. يضحك ماعرف شلون حجة كال ضاري حسيت اللسانه ثكيل او بي شي ..

ضاري راح كومه كله اكعد ليش بس نايم

هوا يبتسم يكله اشتريلي من حجي غالب..

ضاري كله اشتريلك هسة من اطلع ..

كتلها عمه شبي ..

* يمه مريض خطيه على كد عقله مايفهم ..

كتلها يااا خطيه..شكد يقهر .. انه احتجي عمتي وهوا يباوعلنا ويضحك ..

ضاري اني اروح .. تحتاجون شي...

كتله لا شكرا...

* عجل اني اتوكل.. طلع السويج من جيبه وطلع

عمتي كاعده يمي والحجيه فاتت جوه ... كتله عمه انه اذا اخلي هنا عبودي خاف يأذي خطيه لان هو مريض مايعرف ..

لا لا ابد مايأذي بس انتي هم لا تعوفي وحده .. ومن تريدين تشتغلين جيبي يمنه لو انطي للحجية ..

اي لعد هاج اخذي انه اكوم افوت الجنط وواترب ويا الحجيه

كالت يلا اني ماتاخر شوية وارجع للبيت ..

كتله ماشي .. نطيتها عبدالله .. ذبيت العبايه

طبيت للداخل .. باوعت اكثر من غرفه البيت جبير بس تعبان قديم

كتله انه وين اخلي الجنط.

يمج يمه بهاي الغرفه الي على اليمين...

مشيت فتحت الباب .. باوعت غرفه مفروشه وبيها ميز عالي مليان فراش.. بس كلها تراب..

خليت الجنط بصف الباب .. وبلشت بشغل البيت ...
نظفته من التراب .. وبديت من الغرف رتبتهم .. ووخليت كلشي بمكانه ...

طلعت لكيت عمتي رايحة والحجيه تصيح عليه لان عبودي يبجي ..

طلعت اخذته بسرعه رضعته ببدلت الحفاظة ونومته يم الحجيه ورجعت للشغل ..

شي وره شي رجعت طبيت للمطبخ هم نظفته مابقيت شي
صارت الدنيا للييل وانه اغسل بالطومة .. تبللت صرت كلني ماي

الحجيه كل شويه تصيح عليه عوووفي ماتكدرين وحدج
ماتدري انه ربيت بالشغل .. صارت الساعه ..
7 ونص...

كتله انه افوت ابدل هدومي حتى اسوي عشى ..

باوعتلي وهي ضايجة كالت ماكتلج عوفي البيت ليش
هيج نكعتي هدومج مو من تبردين ابنج يبرد

كتله لا مو بارده والله شنو اسوي عشى ...

والله يمه بكيفج الثلاجة مليانه ..

ماشي انه ابدل واطلع .. طبيت بدلت اادشداشه تذكرت سرير عبودي الصغير بقى هناك لازم اجيبه ..

طلعت للمطبخ فتحت الثلاجة وجان يندك الباب ..

خفت .. رجعت لللممر صحت منو ..

اني محمد جبتلكم العشى ..

الحجية ماتسمع الباب انه طلعت فتحت الباب لكيت محمد جايب عشى لحم دحاج تكة وياهه زلاطة وخظورات .. وبتيته
صينيه مليانه

كتله هاي ليش جبا انه توني اريد اسوي عشى

غير جيرانه نزلتو جديد ونجيب الواجب هههه

كتله اي عفيه ههههههه

لا والله بس بالبيت كالو ودي العشى .. شلونه عبودي ..

الحمدلله زين عفته يم الحجيه

ها ماشي ديربالج عليه واذا حتاجيتي شي خابرينا

* تسلم ماتقصر ...

راح اخذت الصينيه وقفلت الباب وراه ورحت للهول كتلها خاله هذا العشى جابه محمد ...

كالت ها ليش جاب مو كتلج مليانه الثلاجة انتي ماتفتهمين ليش خابرتيهم عالعشى

خليت الصينيه بالكاع كتله لا والله ولا حجيت همه جابوها

ها عجل عبالي خابرتي .. يلا حدري اكعدي اكلي وعوفي الشغل
خلي يولي الييت تعبتي

كتلها اي .. اخذت منها عبودي وكعدنا عالصينيه ..

الحجيه تلف لفات للخلف وتنطي ..

اتعشينا وكملنا كمت شلت الصينية كتلها راح اغسل واجي ارضعه العبودي..

اي الثلاجة بيها تمر اكلي شو غاديه خلصانه انتي

ميخالف انه عود اكل .. طلعت وبيدي الصينيه ..
شباك المطبخ صار ضوه .. خليتها عالكاونتر باوعت من جامة الباب..،

اريد اشوف الايت بعيوني..

طفى الضوه وجانت انتبه حسن ولمار...

هنا انه لطمت على وجهي هذا شجابه ..
شفتها تحاجي .. شويه ونزلت من السياره فتحت الباب انه

طبت بالكراج تمشي كالت ها يولي عجل ادور عليج بالبيوت

كتلها هلووو لازم رحتي ومالكيتني

لا والله بس سرور حاجيه الحسن وكال خطيه بنين وحدها امشي اوديج اني ماصدكت ركض لبست عباتي وجيت
اي منو هين شلون راح تتراهمين ويا الحجيه ههههه

دتحجي هي منطيه ظهرها الحسن وهو عينه عليه حسيته ماعرف شيكلي بالاشاره .. انه دنكت راسي
كتلها شتكولين

اوووو بالج مو يمي تعالي فهميي شلون راح تتوالمين ويا الحجية ..

كتله بالعكس تره كلش طيبه

يولي اني ادري طيبه بس علمود انتي ماتعرفين طبيعتها

دتحجي حسن شغل السياره ورجع طلع من الكراج

اندارت كالت راح .. عاد راح يروح مايرجع النص الليالي

*ها صدك يلا لعد باتي يمي

لا كال اجي اخذج حتى لو اتاخر. اوف عوفي ماعرف شبي متغير مرات يشرب وحيل ضايجة منه

انه تحجي وبالي كله يم الرساله احساسي يكول من عنده جانت

لمار تعاي خل نشوف عبودي شكد مشتاقتله

كتلها فوتي يم الحجيه انه راح اسوي جاي بين ما تسكتي

طبت لمار للهول .. انه بقيت بالمطبخ احس مظروبه براسي
لمار احبها واعتبرها اختي شلون اذا حست بزوجها عينه مني
خدرت الجاي وكملت .. صبيت طبيت للهول لكيتها ماده رجليها مخليه عالمخده وتنوم بي .. بقينا كاعدين نتعلل الحجيه خطيه نامت بصف خلف هيه وياه سويه

صارت ساعه 12 الاربع وهو ماكو تتصل بي ينطيها رفض

كتلها لا تخابري عوفي ملتهي هو وجماعته كومي اليوم انه بالبيت هذا وحدي واخاف انام ... دانحجي وجان يتصل عليها

كالت اي خابر الافندي..

الووو هم زين من خابرت هاي وينك

انه ساكته وهو ماعرف شيحجي وياهه

شويه وكالت يلا بالباب هوا راح اطلع

نزلت عبدالله من رجليها نومته عالجودليه .. كامت وانه طلعت وراهه للباب ..

شفته طابك السياره ومطفي الايت واكاعد .. مشغل اغنيه

كلي حبي لك مات كلي نعود هيهات بس تنسى حرامات عشرتنا سوية ... من شافنب رفع صرت المسجل يباوعلي من الجامه وعيونه حمر تخوف خازرني بعيونه ..

لمار باوعتله ضاجت كالت شكتلك منطلق اكيد شارب

انه واكفه جان تفوت سياره ضاري .. من الفرع ..
عبر مسافه وجان يرجع .. انه شفت السياره رجعت كتلها هذا ضاري

هي تحجي ويايه مانتبهت ادور بجنطتها عالتلفون.. ضاري
نزل لجامه ورمشله بالايت ...

حسن باوعله بالجامه الاماميه .. جان ينصب المسجل

طلع راسه من الجامه كله ها ضاري

ضاري .. نصي الصوت شكوا حفلة!

حسن .. يمعوددد ضايجين ..

ضاري ... طيح الله حظك .. هم شارب سم ..

لمار اندارت كالت باعي شكد عيب من ضاري

انه باوعت الضاري يباوعلي بنظره حاده .. اشرلي جوووه فوتي

انه كتله من رختصتكم ابني كعد .. طبكت الباب وطبيت جوه اركض طبيت وطبكت عليه الباب.. فتحت وانه ارجف منه ومن نظراته ... لكيت عبودي على نومته .. شلته اخذت بطانيته
شبكته قوي الصدري وطبيت للغرفتي اركض دفعت الباب وقفلته عليه ...

خليت عبدالله بفراشه وانه افرك بأيديه ماعرف شبيه
سحبت من الميز جودليه ومديتها وسحبت بطانيه ...
اريد اطلع افوت للحمام اخاف ... تعوذت الشيطان تمدد بالفراش ... خليت راسي يم ابني .. باوعتله وكتله
صدك لو كال ضاري هالدنيا غابه وانه وياك بوسطها
اريد اغمض عيوني ماكدر .. شويه وصلتني رساله من سمعت صوت الرساله انتهيييت بعد اريد افتح التلفون ماكدر
بقيت متردده افتحة لا .. شلون انه بيه المصايب فوك راسي
سحبته من جوه المخده التلفون
.. فتحته رساله من ضاري ..

كاتب هذا النوب من يجي وشارب سم بعد لا تطلعين عليه
مااريد ارجع اكرر الكلام وهالشي المصلتحج

بعد اريد ارد احتاريت شكتبله ... صفنت هسه انه شكتبله
شكول والله مادري .. ضاري راح يبدي يشك بيه
كمت اضرب على رجليه .. امدااااني طبيت للرسائل سويت رد كتبتله انه والله داكتب بالرساله وجان اسمع باب البره يندك
هنا انه بعد نقطة دم يمكن ماكو بيه .. ذبيت من ايدب التلفون
فتحت باب الغرفه على كيفي ..

مشيت للهول الحجيه نايمه تشووخر ... الباب بعد ماكو صوت
تقربت خطوتين.. جان يندك الباب مره اخرى
انه فزيت رجعت اركض للباب بركضتي

خلف كعد الحيله كام يصرخ بشكل غرررريب
وايدية على راسه ...

يتبع .... هم كولو قليل😭 تره بدون تعديل
وتستمر الحكاية