#ﺑﻴﺎﺭﻕ_ﺍﻟﻌﺮﺑﺎ ..
ﺑﻘﻠﻤﻲ # ﻓﺎﻃﻤﺔ _ ﺍﻟﻌﺒﺎﺩﻱ
.
#بارت١١
ﻗﺮﺍﺋﺔ ﻣﻤﺘﻌﺔ ..️❤
ﻭﺍﻛﻔﺔ ﻭﺍﺩﺣﻚ ﻉ ﺯﻳﻨﺔ ﻭﻫﻲ ﻏﺎﺭﻛﺔ ﺑﺪﻣﻬﺔ ..
ﺟﺴﻤﻲ ﻛﻠﻮ ﺭﺟﻒ ..
ﻫﻲ ﺗﻮﻥ ﻭﺗﺘﺤﺮﻙ ﺃﺑﻄﺊ .. ﺭﻛﻀﺖ ﺍﻟﻬﺎ ﺷﻠﺖ ﺭﺍﺳﻬﺔ ﻭﻫﻲ ﻛﺎﺿﺒﺘﻮ ﺑﺎﻳﺪﻫﺎ ..
ﺿﻠﻴﺖ ﺍﻟﻄﻢ ﻛﺘﻠﻬﺔ ﻳﻮﻝ ﻣﻨﻮ ﺳﻮﺍ ﺑﻴﺞ ﻫﻴﺞ ..
ﻫﻲ ﻣﺎﺗﺤﺠﻲ ﺑﺲ ﺗﻮﻥ ﻣﻦ ﺍﻻﻟﻢ ..
ﻛﻤﺖ ﻛﺘﻠﻬﺔ ﺭﺍﻳﺤﺔ ﺍﺧﺎﺑﺮ ﻏﺎﻟﺐ ﻳﺠﻲ ﺑﺴﺮﻋﺔ ..
ﻃﺒﻴﺖ ﻟﻠﺒﻴﺖ ﺭﻛﺾ ﻭﺧﺬﺕ ﻣﺒﺎﻳﻠﻲ ﻭﻃﻠﻌﺖ ﺍﺧﺎﺑﺮﻭ ..
ﻭﺍﻧﺔ ﻳﻢ ﺯﻳﻨﺔ ..
ﻫﻮ ﺭﺩ ﻭﺍﻧﺔ ﻧﻔﺠﺮﺕ ﺑﺠﻲ .. ﻛﺎﻝ ﺷﺒﻴﺞ ﻳﻮﻝ ﺷﺠﺮﺍﻟﺞ ..
ﺑﻴﺎﺭﻕ .. ﻏﺎﻟﺐ ﺯﻳﻨﺔ ﻣﺎﺩﺭﻱ ﻣﻨﻮ ﺿﺎﺭﺑﻬﺔ ﻭﻫﻲ ﻫﺴﺎﻉ ﺩﻣﻬﺔ ﺑﻄﻮﻟﻬﺔ ﺗﻌﺎﻝ ﻓﺪﻭﺓ ﺑﺴﺮﻋﺔ ..
ﻏﺎﻟﺐ .. ﺷﻨﻮ ﺟﺎﻱ ﺩﻗﺎﻳﻖ ﻭﺍﻧﺔ ﻳﻤﺞ .. ﺣﻄﻴﺖ ﺷﺎﻟﻲ ﻉ ﺭﺍﺳﻬﺔ ﻉ ﺃﻟﻤﭽﺎﻥ ﺍﻟﻲ ﻳﻄﻠﻊ ﻣﻨﻮ ﺩﻡ ..
ﺿﻠﻴﺖ ﺃﺗﺎﻧﻲ ﻳﺠﻲ ﻫﻮ ﺟﺔ ﺩﻙ ﺍﻟﺒﺎﺏ ﻋﺮﻓﺘﻮ ﻻﻥ ﺩﻙ ﺍﻟﺒﺎﺏ ﺣﻴﻞ ..
ﺭﻛﻀﺖ ﻓﺘﺤﺘﻮ ﻃﺐ ﺑﺴﺮﻋﺔ ..
ﻏﺎﻟﺐ .. ﺷﺒﻴﺞ ﻳﻮﻝ ﺷﺼﺎﻳﺮ ﻭﻳﻦ ﻫﻴﺎ ﺗﺨﺮﺑﻄﺖ ﻟﻮ ﻭﻛﻌﺖ ﻟﻮ ﺷﻨﻮ ..
ﺑﻴﺎﺭﻕ .. ﻣﺎﺩﺭﻱ ﻣﻨﻮ ﺿﺎﺭﺑﻬﺔ ﻭﺍﻧﺔ ﻣﺎ ﺍﺩﺭﻱ ﺷﺴﻮﻱ ﻭﻫﻴﺎ ﻣﺎﺗﺤﺠﻲ ﺣﺘﻰ ﺑﺲ ﺣﻄﻴﺖ ﻉ ﺭﺍﺳﻬﺔ ﺍﻟﺸﺎﻝ ﺣﺘﻰ ﻣﺎﻳﻨﺰﻑ .. ﺍﺣﺠﻲ ﻭﺍﻧﺔ ﺃﺟﺮﻭ ﻟﻠﻤﺨﺰﻥ .. ﺩﺣﻚ ﻉ ﻣﻨﻈﺮﻫﺎ ﻧﺼﺪﻡ ..
ﻏﺎﻟﺐ .. ﺭﻭﺣﻲ ﺑﺴﺮﻋﺔ ﻫﻴﺮﻱ ﺭﻭﺣﺞ ﻭﺟﻴﺒﻲ ﻋﺒﻲ ﺣﺘﻰ ﻧﺮﻭﺡ ﻟﻠﻤﺴﺘﺸﻔﻰ ..
ﺍﻧﺔ ﺭﻛﻀﺖ ﻃﺒﻴﺖ ﻋﻤﺘﻲ ﻭﺍﻛﻔﺔ ..
ﻣﺎﺳﺌﻠﺖ ﺷﻲ ﻭﻻ ﺣﺠﺖ ﺷﻲ ﺍﺑﺪ ﻣﺜﻞ ﺍﻟﺨﺮﺳﺔ ﺻﺎﺭﺕ ..
ﺭﺣﺖ ﺑﺴﺮﻋﺔ ﻭﺍﺧﺬﻧﺔ ﻟﻠﻤﺴﺘﺸﻔﻰ ..
ﻫﻲ ﺗﻮﻥ ﻣﻦ ﺍﻟﻮﺟﻊ ﻭﻣﺎﺗﺤﺠﻲ ﺷﻲ ..
ﻃﺒﻴﻨﺔ ﻟﻠﻤﺴﺘﺸﻔﻰ ﺃﺧﺬﻭﻫﺎ ﻭﺍﻧﺔ ﺿﻠﻴﺖ ﻭﺍﻛﻔﺔ ﻳﻤﻮ ..
ﻭﻫﻮ ﺭﺍﺡ ﻣﺪﺭﻱ ﺷﻴﺴﻮﻱ ..
ﺭﺟﻊ ﻳﻔﺮﻙ ﺑﺎﻳﺪﻳﻨﻮ ﺑﻐﻀﺐ ..
ﺩﺣﻜﺘﻠﻮ .. ﻛﺘﻠﻮ ﺷﺒﻴﻚ ﺯﻳﻨﺔ ﺷﻠﻮﻧﻬﺔ ..
ﻏﺎﻟﺐ .. ﻣﻀﺮﻭﺑﺔ ﺑﺮﺍﺳﻬﺔ ﻭﻫﺴﺎﻉ ﺗﺎ ﻳﺴﻮﻭﻟﻬﺔ ﺍﻟﻼﺯﻡ ﻭﺍﻥ ﺷﺎﺀﺍﻟﻠﻪ ﻣﺎﺑﻴﻬﺔ ﻏﻴﺮ ﺍﻟﻌﺎﻓﻴﺔ ..
ﻛﺘﻠﻮ ﺍﻥ ﺷﺎﺀﺍﻟﻠﻪ .. ﻭﺳﻜﺘﺖ ﻣﺎﺣﺠﻴﺖ ﺷﻲ ..
ﺳﺎﻋﺔ ﺍﻭ ﺍﻛﺜﺮ ﻭﻫﻮ ﻛﻞ ﺷﻮﻱ ﻳﺮﻭﺡ ﻭﻳﺮﺟﻊ ..
ﻧﻮﺏ ﺭﺟﻊ ﻛﺎﻝ ﺭﻭﺣﻲ ﻳﻤﻬﺎ ﻛﻌﺪﻱ ..
ﺭﺣﺖ ﻭﻳﺎ ﻃﺒﻴﺖ ﻫﻲ ﻧﺎﻳﻤﺔ ﻭﺭﺍﺳﻬﺔ ﻣﻀﻤﺪﻳﻨﻮ ..
ﻛﺴﺮﺕ ﺧﺎﻃﺮﻱ ﺧﻄﻴﺔ .. ﻃﻠﻊ ﻏﺎﻟﺐ ﺻﺤﺘﻠﻮ ..
ﺍﻛﻠﻚ ﻳﻌﻨﻲ ﻣﺎ ﺗﺨﺎﺑﺮ ﻓﻘﺎﺭ ﻭﺗﻜﻠﻮ ..
ﻏﺎﻟﺐ .. ﺍﺻﻼ ﺧﺎﺑﺮﺗﻠﻮ ﻭﻫﺴﺎﻉ ﻫﻮ ﻛﺎﻝ ﻳﺎﺧﺬ ﺇﺫﻥ ﻭﻳﺠﻲ ..
ﺑﻴﺎﺭﻕ .. ﺍﻱ ﺯﻳﻦ ﺗﺤﺘﺎﺟﻮ ﻻﻥ ﻫﻲ ﻣﺴﻜﻴﻨﺔ ﺍﻛﻴﺪ ﻫﺴﺎﻉ ﻣﻦ ﺗﻜﻌﺪ ﺗﻔﺘﻘﺪﻭ ﻭﺗﺮﻳﺪﻭ ..
ﻏﺎﻟﺐ .. ﺍﻱ ﺑﺲ ﻫﻲ ﺷﺒﻴﻬﺎ ﻟﻴﺶ ﺻﺎﺭ ﻣﻨﻮ ﺿﺎﺭﺑﻬﺔ ..
ﺑﻴﺎﺭﻕ .. ﻭﺍﻟﻠﻪ ﻣﺎﻋﺮﻑ ﺍﻧﺔ ﻃﺒﻴﺖ ﻭﺩﺣﻜﺖ ﻋﻠﻴﻬﺔ ﻧﺼﺪﻣﺖ ..
ﻫﺰ ﺭﺍﺳﻮ ﻭﻃﻠﻊ .. ﺿﻠﻴﺖ ﻳﻤﻬﺎ ﻭﻳﻮﻡ ﻛﺎﻣﻞ ﻳﻤﻬﺎ ﻭﺟﺔ ﺯﻟﻤﺘﻬﺔ ..
ﺧﺎﻳﻒ ﻋﻠﻴﻬﺎ ﻭﺑﺎﻟﻮ ﻳﻤﻬﺔ ..
ﻃﻠﻌﺖ ﺍﻧﺔ ﻭﺧﻠﻴﺘﻮ ﻭﺣﺪﻭ ﻳﻤﻬﺎ .. ﻭﻫﻲ ﻛﻌﺪﺕ ﺑﺲ ﻣﺎﺗﺮﺿﺎ ﺗﺤﺠﻲ ﺷﻲ ..
ﺷﻮﻱ ﻭﻃﻠﻊ ﻓﻘﺎﺭ ﻭﺍﻟﺸﺮﺍﺭ ﻳﺘﻄﺎﻳﺮ ﻣﻦ ﻋﻴﻮﻧﻮ ..
ﺣﺠﺔ ﻭﻳﺎ ﻏﺎﻟﺐ ﻣﺎﺭﺩﻭ ﻭﻃﻠﻊ ﻭﻫﻮﺍ ﺍﻋﺼﺎﺑﻮ ﻧﺎﺭ ..
ﺑﻌﺪ ﻏﺎﻟﺐ ﻣﺎﻛﺪﺭ ﻳﺮﻭﺡ ﻭﻳﻌﻮﻓﻨﺔ ﺿﻞ ﻭﻳﺎﻧﺔ ﻭﻧﻮﺏ ﻛﺎﻝ ﺭﺍﺡ ﺍﻧﻄﻠﻌﻬﺔ ..
ﻛﻮﻣﺘﻬﺔ ﻭﻫﻲ ﻛﺎﺿﺒﺔ ﺭﺍﺳﻬﺔ ﻣﺴﻜﻴﻨﺔ ﻭﺍﻟﻠﻪ ..
ﻛﺘﻠﻬﺔ ﺷﺼﺎﻳﺮ ﻳﻮﻝ ﻣﻨﻮ ﺿﺮﺑﺞ ..
ﺯﻳﻨﺔ .. ﻭﺍﺣﺪ ﺷﻔﺘﺔ ﻳﻢ ﻋﻤﺘﻲ ﻭﺿﺮﺑﻨﻲ ﻉ ﺭﺍﺳﻲ ﺣﻴﻞ ﺑﻤﺎﻋﻮﻑ ﺷﻨﻮ .. ﺑﻴﺎﺭﻕ ﺧﺎﻳﻔﺔ ﺭﺍﺡ ﺍﻣﻮﺕ ..
ﻟﻄﻤﺖ ﻉ ﺧﺪﻱ .. ﻭﻛﺘﻠﻬﺔ ﻭﻫﺴﺎﻉ ﺷﻜﻮ ﺷﺮﺍﺡ ﻳﺼﻴﺮ ﻭﻓﻘﺎﺭ ﻛﻠﺘﻴﻠﻮ ..
ﻫﺰﺕ ﺭﺍﺳﻬﺔ ﻭﺍﻧﺔ ﻟﻄﻤﺖ ﺣﻴﻞ ﻉ ﻭﺟﻬﻲ ﻳﻌﻨﻲ ﺍﻟﻲ ﺍﺑﺎﻟﻲ ﻃﻠﻊ ﺻﺪﻙ ..
ﻭﻋﻤﺘﻲ ﻋﺪﻫﺔ ﻋﻼﻗﺔ ﺑﻮﺍﺣﺪ ﻭﻫﺴﺎﻉ ﺭﺍﺡ ﺗﺼﻴﺮ ﻣﺼﻴﺒﺔ ..
ﻃﻠﻌﻨﺔ ﻭﺍﻧﺔ ﻣﺎﺿﻠﺖ ﺍﻳﻪ ﻣﺎﻗﺮﻳﺘﻬﺔ ﺣﺘﻰ ﻳﻬﺪﺋﻮ ..
ﻭﺻﻠﻨﺔ ﻟﻠﺒﻴﺖ ﻃﺒﻴﻨﺔ ﺍﺣﻼﻡ ﻭﺳﻠﻴﻤﺔ ﻳﺒﺠﻮ ﻭﺻﻮﺕ ﻋﻤﻲ ﻳﺰﻛﺢ ﺑﻌﻠﻮ ﺻﻮﺗﻮ ..
ﻭﻓﻘﺎﺭ ﻳﺰﻛﺢ ﺑﻌﻤﺘﻲ ﻫﻢ ﻭﻫﻲ ﺗﺒﺠﻲ ﻭﺗﻠﻄﻢ ﻭﺗﻜﻮﻝ ﻫﺎﻱ ﺑﺖ ﺍﻟﺤﺮﺍﻡ ﺯﻧﺖ ﺑﺮﺍﺳﻮ ﻭﺍﻟﻠﻪ ﺗﺎ ﺗﺠﺬﺏ ﻋﻠﻲ ..
ﺑﺲ ﻋﻤﻲ ﻣﺎﺩﺭﻱ ﺷﻌﺠﺐ ﺻﺪﻙ ﻭﻛﻀﺒﻬﺔ ﻛﺴﺮﻫﺎ ﺿﺮﺏ ﻭﻏﺎﻟﺐ ﻳﺮﻳﺪ ﻳﺒﻌﺪﻭ ﻋﻨﻬﺎ ﻭﻳﻔﻬﻢ ﺍﻟﻲ ﺻﺎﻳﺮ ..
ﻷﻧﻮ ﻣﺎﻳﺪﺭﻱ ﺷﻲ .. ﻛﻀﺒﻮ ﻓﻘﺎﺭ ﻭﺟﺮﻭ ..
ﺣﺠﺔ ﻭﻫﻮ ﻛﺎﺿﺒﻮ ﻣﻦ ﺍﻳﺪﻳﻨﻮ ..
ﻓﻘﺎﺭ .. ﻏﺎﻟﺐ ﺗﺪﺭﻱ ﺍﻟﻲ ﻳﺼﻴﺮ ﻫﻴﻦ ﺷﻨﻮ ..
ﺗﺪﺭﻱ ﺃﻣﻨﻪ ﻭﻫﻲ ﺷﻴﺒﻬﺔ ﻣﺎﻟﻲ ﺭﺍﺳﻬﺔ ﺗﺨﻮﻥ ﺍﺑﻮﻱ ..
ﺗﺪﺭﻱ ﺍﻣﻚ ﻫﺴﺎﻉ ﺷﻨﻮﻭﻭﻭﻭﻭﻭ ..
ﻏﺎﻟﺐ ﻓﺘﺢ ﻋﻴﻮﻧﻮ ﻉ ﻛﺒﺮﻫﻦ .. ﻭﮔﺒﻞ ﻣﺎﻳﺤﺠﻲ ﻋﻤﻲ ﺟﺮﻫﺎ ﻣﻦ ﺭﺍﺳﻬﺔ ﻭﻛﻂ ﻋﻠﻴﻬﺔ ﻳﻤﻴﻦ ﺍﻟﻄﻼﻙ ﻭﻛﻄﻬﺔ ﺑﺮﺍ ﺍﻟﺒﻴﺖ ..
ﺍﺣﻼﻡ ﺭﺍﺣﺖ ﺗﺮﻛﺾ ﻭﺭﺍﻫﺎ ﻭﻫﻲ ﺗﺒﺠﻲ ﻭﺗﺘﻮﺳﻞ ﺑﺎﺑﻮﻫﺎ ..
ﺗﻜﻠﻮ ﺑﺎﺑﺎ ﻓﺪﻭﺓ ﺍﻣﻲ ﻻ ﺗﻌﻮﻓﻬﺎ ﻻ ﺗﺴﻮﻱ ﻫﻴﺞ ﻭﺍﻟﻠﻪ ﻫﺎﻱ ﺯﻳﻨﺔ ﺟﺬﺍﺑﺔ ..
ﻭﻫﻮ ﻛﻠﻬﺔ ﺑﺖ ﺍﻟﻜﻠﺐ ﻭﺧﺮﻱ ..
ﻛﻄﻬﺔ ﺑﺮﺍ ﺍﻟﺒﻴﺖ ﺣﺘﻰ ﺑﺪﻭﻥ ﻋﺒﺎﻳﺔ ..
ﻏﺎﻟﺐ ﻣﺼﺪﻭﻡ ﻣﻦ ﺍﻟﻲ ﺳﻤﻌﻮ ﻭﻓﻘﺎﺭ ﺿﻞ ﻳﻌﻴﻂ ﺑﻌﻠﻮ ﺻﻮﺗﻮ ﻭﻳﻜﻠﻮ ﺍﻧﺘﺔ ﻣﻮ ﺯﻟﻤﺘﻬﺔ ﻣﺎﺣﺴﻴﺖ ..
ﺳﻠﻴﻤﺔ ﻭﺍﺣﻼﻡ ﻳﺒﺠﻮ ﺍﻭﻝ ﻣﺮﺓ ﻳﻜﺴﺮﻭ ﺧﺎﻃﺮﻱ ..
ﻫﻲ ﺩﻣﺮﺕ ﺭﻭﺣﻬﺔ ﻳﻌﻨﻲ ﻣﺮﺓ ﻭﻟﺪﻫﺔ ﺑﻄﻮﻟﻬﺔ ﻭﺗﺨﻮﻥ ﺯﻟﻤﺘﻬﺔ ..
ﻋﻤﻲ ﻃﺐ ﻟﻠﻐﺮﻓﺔ ﻭﻗﻔﻞ ﺍﻟﺒﺎﺏ ﻣﺎﻳﺮﻳﺪ ﻳﺪﺣﻚ ﺑﻮﺟﻪ ﻭﺍﺣﺪ ﺑﻴﻨﺎ ..
ﻋﻦ ﻏﺎﻟﺐ ﻣﺎ ﺣﺠﺔ ﻭﻻ ﺣﺮﻑ ﺍﺑﺪ ..
ﻣﻦ ﻫﺬﺓ ﺍﻟﻴﻮﻡ ﻭﺗﻐﻴﺮﺕ ﺣﻴﺎﺗﻨﺔ .. ﻋﻤﻲ ﻃﻠﻚ ﻋﻤﺘﻲ ..
ﻭﺑﻜﻞ ﻫﺪﻭﺀ ﻏﺎﻟﺐ ﻣﺎﺭﺱ ﺣﻴﺎﺗﻮ ﻃﺒﻴﻌﻲ ﻭﻛﺎﻧﻮ ﻣﺎﻳﺮﻳﺪ ﻳﺒﻴﻦ ﺿﻌﻔﻮ ..
ﻭﻓﻘﺎﺭ ﻧﻔﺴﻮ ﻫﻢ ﺭﺟﻊ ﺍﻟﺤﻴﺎﺗﻮ ﻭﺷﻐﻠﻮ ..
ﺳﻠﻴﻤﺔ ﺻﺎﺭﺕ ﻧﻔﺲ ﺍﺣﻼﻡ ﺗﻜﺮﻫﻨﺎ ﺟﺜﻴﺮ ﻭﻣﺎﺗﻄﻴﻘﻨﺔ ..
ﺗﻜﻮﻝ ﺑﺴﺒﺒﺠﻦ ﺍﻣﻲ ﺍﻃﻠﻜﺖ ..
ﺍﺣﻨﺔ ﺷﻌﻠﻴﻨﺔ ﻓﻮﻙ ﺷﻴﻨﻮ ﻛﻮﺍﺕ ﻋﻴﻨﻮ .. ﺑﺲ ﻧﺼﺪﻣﺖ ﻣﻦ ﺑﺮﻭﺩ ﻓﻘﺎﺭ ﻭﻏﺎﻟﺐ ..
ﻻ ﻫﺬ ﺍﺑﺪ ﻣﻮ ﺑﺮﻭﺩ ﻫﻢ ﺑﺲ ﺗﺎ ﻳﺘﺸﺮﺩﻭﻥ ﻣﻦ ﺍﻟﺤﻘﻴﻘﺔ ﻭﻳﻘﻮﻥ ﺭﻭﺣﻬﻢ ..
ﻣﺮﺍ ﺟﺔ ﻏﺎﻟﺐ ﻭﺷﻜﻠﻮ ﻣﻮ ﺗﻤﺎﻡ ﻳﻌﻨﻲ ..
ﺭﺣﺖ ﻛﻌﺪﺕ ﺑﺴﺪﻭ ﻛﺘﻠﻮ ﻏﺎﻟﺐ ﺷﺒﻴﻚ ﺷﻜﻠﻚ ﻣﻮ ﻣﺮﺗﺎﺡ ﻟﻴﻮﻡ ﺻﺎﻳﺮ ﻭﻳﺎﻙ ﺷﻲ ..
ﻋﻜﺪ ﺣﻮﺍﺟﺒﻮ ﻭﻛﺎﻝ ﻛﻮﻣﻲ ﻣﻨﺎ ﻃﻠﻌﻲ ..
ﻧﺼﺪﻣﺖ ﻣﻦ ﺭﺩ ﻓﻌﻠﻮ ﻛﺘﻠﻮ ﺷﺒﻴﻚ ﻏﺎﻟﺐ ﻟﻴﺶ ﺗﺤﺠﻲ ﻫﻴﺞ ﺍﻧﺔ ﻣﺎﻛﻠﺖ ﺷﻲ ..
ﻏﺎﻟﺐ .. ﻛﺘﻠﺞ ﻛﻮﻣﻲ ﻣﺎﺭﻳﺪ ﺍﺩﺣﻚ ﺑﻮﺟﻬﺞ ﺍﺻﻼ ﻛﺎﺭﻫﺞ . ﺍﻛﺮﻫﺞ ﻭﻟﻲ ﻣﻦ ﻫﻴﻦ ﻳﻠﻪ ..
ﻧﺼﺪﻣﺖ ﻣﻦ ﺭﺩ ﻓﻌﻠﻮ ﻛﻠﺶ ﻛﻤﺖ ﺑﺴﺮﻋﺔ ﻃﻠﻌﺖ ﻣﻦ ﻳﻤﻮ ..
ﻣﺎﺭﻳﺪ ﺍﺳﻤﻊ ﺑﺎﻗﻲ ﻛﻼﻣﻮ ﺧﻠﻲ ﻳﻬﺪﻱ ﺷﻮﻱ ﻭﺍﻟﻠﻪ ﻛﺮﻳﻢ ..
ﺑﺲ ﻫﻮ ﺭﺟﻊ ﻃﺐ ﻭﺭﺍﻱ ﻟﻠﻤﻄﺒﺦ ﻋﺎﻛﺪ ﺣﻮﺍﺟﺒﻮ ﻭﻳﺪﺣﻜﻠﻲ ﺑﻨﻈﺮﺓ ﻏﺮﻳﺒﺔ ..
ﻛﺘﻠﻮ ﻏﺎﻟﺐ ﺷﺒﻴﻚ ﻟﻴﺶ ﺗﺪﺣﻚ ﻫﻴﺞ ..
ﻏﺎﻟﺐ .. ﺑﻌﺪﺝ ﺗﺬﻛﺮﻳﻨﻮ ﻭﺗﺤﺒﻴﻨﻮ ﻣﻮ ﺻﺢ ..
ﺑﻴﺎﺭﻕ .. ﺷﻨﻮ ﺗﻘﺼﺪ ﻣﻦ ﻫﻮ ﺍﻟﻲ ﺍﺫﻛﺮﻭ ..
ﻏﺎﻟﺐ .. ﻻ ﺗﺠﺬﺑﻴﻦ ﻛﺎﻓﻲ ﻟﻬﻴﻦ ﺍﻧﺘﻲ ﺗﺤﺒﻴﻨﻮ ﻭﺑﻌﺪﺝ ﺗﺮﺩﻳﻨﻮ ﻭﺗﺘﻤﻨﻴﻦ ﻟﻮ ﺗﺮﺟﻌﻴﻦ ﺍﻟﻮ ..
ﻋﻜﺪﺕ ﺣﻮﺍﺟﺒﻲ ﻭﻛﺘﻠﻮ ﻛﺎﻓﻲ ﺗﺨﺒﻠﺖ ﺍﻧﺔ ﺷﺴﻮﻳﺖ ﺣﺘﻰ ﺗﺤﺠﻲ ﻫﻴﺞ ﻫﺎﺍﺍ ﻟﻮ ﺍﻧﺖ ﺻﺎﻳﺮ ﺗﺸﻚ ﭼﺜﻴﺮ ﻫﺎﻱ ﺍﻟﻔﺘﺮﺓ ..
ﻻ ﺗﻄﻠﻌﻴﻦ ﻻ ﺗﺮﺣﻴﻦ ﻻ ﺗﺠﻴﻦ .. ﻛﻞ ﺍﻟﻲ ﺍﺑﺎﻟﻚ ﺍﻧﺖ ﻋﺒﺎﻟﻚ ﺭﺍﺡ ﻳﺠﻲ ﻳﻮﻡ ﻭﺍﺧﻮﻧﻚ ..
ﺗﻔﻜﻴﺮﻙ ﺻﺎﻳﺮ ﺻﻌﺐ ﻭﺃﻧﺖ ﺍﺻﻼ ﺻﺎﻳﺮ ﺻﻌﺐ ..
ﻏﺎﻟﺐ .. ﺑﺲ ﺍﻧﺔ ﺗﺎ ﺍﺷﻮﻑ ﺍﻧﺘﻲ ﺗﺤﺒﻴﻨﻮ ﻭﺍﺿﺢ ﻋﻠﻴﺞ ..
ﺩﺭﺕ ﻭﺟﻬﻲ ﻋﻨﻮ ﻭﻛﺘﻠﻮ ﺍﻟﻠﻪ ﻳﺴﺎﻣﺤﻚ ..بيج قصص عراقيه حقيقيه من واقعنا.روعه الطائي
ﺟﺔ ﻫﻮ ﺣﻂ ﺍﻳﺪﻭ ﻉ ﻛﺘﻔﻲ ﻭﻛﺎﻝ ﺍﺳﻒ ﺑﺲ ﻭﺍﻟﻠﻪ ﻣﻦ ﺍﺫﻛﺮ ﺍﻧﺘﻲ ﺟﻨﺘﻲ ﻣﺘﺰﻭﺟﺘﻮ ﻭﺟﻨﺘﻲ ﻋﺎﻳﺸﺔ ﻭﻳﺎ ﺍﻧﻘﻬﺮ ﺳﺎﻣﺤﻴﻨﻲ ..
ﺑﻴﺎﺭﻕ .. ﻭﺃﺣﺐ ﺍﻛﻠﻚ ﺷﻲ ﻫﻮ ﺑﺤﻴﺎﺗﻮ ﻣﺎ ﺗﻜﺮﺑﻠﻲ ﻭﻻ ﺻﺎﺭ ﺷﻲ ..
ﻏﺎﻟﺐ .. ﻛﺎﻓﻲ ﺳﺪﻱ ﺍﻟﻤﻮﺿﻮﻉ ﻛﻠﻮ ﻣﺎﺭﻳﺪ ﺍﺳﻤﻊ ﺷﻲ ﺛﺎﻧﻲ ..
ﻃﻠﻊ ﻣﻦ ﻳﻤﻲ ﺍﻧﺔ ﺿﺠﺖ ﻣﻦ ﺣﺠﻴﻮ ﻳﻌﻨﻲ ﻫﺴﺎﻉ ﺍﻧﺔ ﻭﻳﻦ ﻭﻫﻮ ﻳﺤﺠﻲ ﻭﻳﻦ ..
ﻛﻤﻠﺖ ﺷﻐﻠﻲ ﺍﻧﺔ ﻭﺯﻳﻨﺔ ..
ﺣﻄﻴﺖ ﻏﺪﺓ ﻛﻌﺪﻭ ﻛﻠﻬﻢ ﻳﺎﻛﻠﻮﻥ .. ﻓﻘﺎﺭ ﻫﻢ ﺟﺎﻥ ﻣﻮﺟﻮﺩ ..
ﻣﺤﺪ ﻳﺤﺠﻲ ﺍﻟﻜﻞ ﺳﺎﻛﺖ ..
ﺟﺎﻧﺖ ﻋﻤﺘﻲ ﺗﻮﺭﻧﺔ ﻭﺭ ﺑﻼﻛﻞ ..
ﺧﻠﺼﻨﺔ ﻭﺷﻠﻨﺔ ﺍﻻﻛﻞ ﻭﻏﻠﺴﻨﺔ ﻣﻮﺍﻋﻴﻦ ..
ﻛﻞ ﺍﻟﻲ ﺻﺎﺭ ﺻﻌﺐ ﻳﻨﻔﻬﻢ ﻭﺍﺣﻨﺔ ﺣﺘﻰ ﺍﻟﻲ ﺿﺎﺭﺏ ﺯﻳﻨﺔ ﻣﺎﻧﻌﺮﻓﻮ ﻭﻻ ﻫﻢ ﺭﺍﺩﻭ ﻳﻌﺮﻓﻮ ..
ﻟﻴﺶ ﻫﻴﺞ ﺳﺎﻛﺘﻴﻦ ﻋﻦ ﻫﺎﻱ ﺍﻟﺴﺎﻟﻔﺔ .. ﺍﻧﺔ ﻻﺯﻡ ﺍﺣﺠﻲ ﻭﻱ ﻏﺎﻟﺐ ﻭﺃﺳﺌﻠﻮ ..
ﺭﺣﺖ ﻳﻤﻮ ﻛﺘﻠﻮ ﻏﺎﻟﺐ ﺍﺭﻳﺪ ﺍﺣﺠﻲ ﻭﻳﺎﻙ ..
ﻏﺎﻟﺐ .. ﻫﺎﺍ ﻳﻮﻝ ﻛﻮﻟﻲ ..
ﺑﻴﺎﺭﻕ .. ﻏﺎﻟﺐ ﺍﻧﺘﻢ ﻟﻴﺶ ﺳﻜﺘﻮ ﻋﻦ ﺍﻟﻲ ﺻﺎﺭ ﻭﻱ ﺯﻳﻨﺔ ﻭﻣﺎﻋﺮﻓﺘﻮ .... ﻣﺎﺧﻼﻧﻲ ﺍﻛﻤﻞ ﻛﻼﻣﻲ ﺻﺪ ﻟﻴﻪ ..
ﻏﺎﻟﺐ .. ﻫﺎﻱ ﺍﻟﺴﺎﻟﻔﺔ ﻣﺎﻟﺞ ﺷﻐﻞ ﺑﻴﻬﺔ ﻳﻤﻲ ﺍﻧﺔ ﻭﻓﻘﺎﺭ ..
ﺑﻴﺎﺭﻕ .. ﺍﻱ ﺑﺮﺍﺣﺘﻚ ..
ﻣﺴﺢ ﻭﺟﻬﻮ ﻭﻛﺎﻝ ..
ﻏﺎﻟﺐ .. ﺍﺑﻮ ﻓﺮﻳﺪ ﺟﻴﺮﺍﻧﺔ ﻭﻫﺴﺎﻉ ﻫﻮ ﺷﺎﺭﺩ ﺍﺻﻼ ..
ﻓﻘﺎﺭ ﺟﺎﻱ ﻳﺴﻮﻱ ﻟﻌﻠﻲ ﻭﻳﺮﻳﺪ ﻳﻄﻴﺢ ﺑﻲ ﻣﺎﻛﻮ ..
ﻭﺍﻧﺔ ﻫﻢ ﻭﺻﻴﺖ ﺟﻤﺎﻋﻪ ﻋﻠﻲ ﺑﺲ ﻫﻮ ﺧﺘﻔﺔ ﺍﻟﺰﻟﻤﺔ ..
ﻭﻫﺴﺎﻉ ﻋﺮﻓﻨﺔ ﻣﺴﺎﻓﺮ .. ﻭﺑﻌﺪ ﻣﺎﻧﻜﺪﺭ ﻧﺴﻮﻱ ﺷﻲ ﻣﺎﻋﺪﻧﺔ ﺩﻟﻴﻞ ..
ﻭﺍﻧﺔ ﺻﻌﺐ ﻋﻠﻴﻪ ﻫﺬﺓ ﺍﻟﺸﻲ ﺍﻫﺠﺲ ﺭﻭﺣﻲ ﺻﺎﺭﺕ ﻋﻠﻲ ﻋﻼﻣﺔ ﺭﻏﻢ ﻣﺤﺪ ﻳﻌﺮﻑ ﺑﻠﺴﺎﻟﻔﺔ ..
ﻫﺰﻳﺘﻠﻮ ﺭﺍﺳﻲ ﻭﻛﺘﻠﻮ ﻻ ﺗﻀﻮﺝ ﺍﻟﻠﻪ ﻛﺮﻳﻢ ﺍﻟﻠﻪ ﻳﻔﺮﺟﻬﺔ ..
ﺭﺑﻲ ﺍﻓﺮﺟﻬﺔ ﻋﻠﻴﻨﺎ ..
ﺷﻲ ﻳﻘﻬﺮ ﺍﻛﺜﺮ ﻣﻦ ﺍﻟﻲ ﺻﺎﺭ ﺷﻨﻮ ﻳﺼﻴﺮ ﺑﻌﺪ ..
ﻋﻔﺘﻮ ﻭﻛﻤﺖ ﻭﺻﻔﻨﺔ ﺗﺎﺧﺬﻧﻲ ﻭﺻﻔﻨﻪ ﺗﺠﻴﺒﻨﻲ ..
ﻋﻴﻨﻲ ﻭﻛﻌﺖ ﻉ ﺍﺣﻼﻡ ﻭﻫﻲ ﺗﺪﺧﻞ ﻟﻠﻐﺮﻓﺔ ﻭﻫﻮ ﺑﻴﻬﺔ ..
ﺷﻮﻱ ﻭﻫﻮ ﺿﻞ ﻳﺰﻛﺢ ﻋﻔﺖ ﻛﻠﺸﻲ ﻣﻦ ﺍﻳﺪﻱ ﻭﺭﺣﺖ ﺍﺷﻮﻑ ﺍﻟﻲ ﺻﺎﻳﺮ ..
ﻃﺒﻴﺖ ﻟﻠﻐﺮﻓﺔ .. ﻭﻫﻮ ﻛﺎﺿﺐ ﺑﺎﻳﺪﻭ ﻣﺒﺎﻳﻞ ﻭﻳﻜﻠﺐ ﺑﻲ ﻭﻋﻴﻮﻧﻮ ﻧﺎﺭ ..
ﻫﻮ ﺩﺣﻚ ﻋﻠﻲ ﻭﺟﺔ ﻛﺒﻞ ﻛﻀﺒﻨﻲ ﻣﻦ ﺷﻌﺮﻱ ..
ﺍﻧﺔ ﻧﺼﺪﻣﺖ ﻛﺘﻠﻮ ﺷﻨﻮ ﻟﻴﺶ ﺗﺴﻮﻱ ﻫﻴﺞ ﻫﺪﻧﻲ ..
ﻏﺎﻟﺐ .. ﺗﺮﺩﻳﻦ ﺍﻫﺪﺟﺠﺠﺞ ﻫﺎﺍﺍﺍﺍﺍ ﻭﺍﻧﺘﻲ ﻻﻋﺒﺔ ﻟﻌﺒﺒﺒﺐ ﻣﻦ ﻭﺭﺭﺭﺭﺍﻱ ...
ﺷﻨﻮﻭﻭ ﺳﻮﻳﻴﻴﺖ ﻭﻳﺎﺍﺍﺍﺝ ﻭﺗﺠﺎﺯﻳﻨﻲ ﻫﻴﺠﺠﺠﺠﺠﺞ ﻫﺎﺍﺍﺍﺍﺍ ...
ﺑﻴﺎﺭﻕ .. ﺷﻨﻮ ﺳﻮﻳﺖ ﻭﺍﻟﻠﻪ ﻣﺎ ﻣﺴﻮﻳﺔ ﺷﻲ ﻫﺪﻧﻲ ..
ﻏﺎﻟﺐ .. ﻣﻮ ﻛﻠﺘﻲ ﺍﻧﺔ ﻣﺎ ﺃﺣﺒﻮ ﻭﻣﺎ ﺍﺭﻳﺪﻭﻭﻭﻭﻭ ﻭﺍﻧﺘﻲ ﻉ ﺫﻣﺘﻲ ﻭﺗﺤﺎﺟﻴﻨﻮﻭﻭﻭﻭﻭ ﻭﺗﻐﺎﺯﻟﻴﻨﻮﻭﻭﻭ ..
ﻛﺎﺿﺐ ﺑﺎﻳﺪﻭ ﺍﻟﻤﺒﺎﻳﻞ ﻭﻃﺮﻭ ﺑﻠﻜﺎﻉ ﻛﺴﺮﻭ ..
ﺟﺎﺑﻨﻲ ﺑﭽﻒ ﻉ ﻭﺟﻬﻲ ﻭﻛﺘﻠﻨﻲ ﻭﻫﻮ ﻳﻜﻮﻝ ﻟﻴﺸﺸﺶ ﺗﺨﻮﻧﻴﻨﻲ ﻟﻴﺶ ..
ﻛﺘﻠﻮ ﻭﺍﻟﻠﻪ ﻣﺎ ﺧﻨﺘﻚ ﺷﻨﻮ ﺗﺎ ﻳﺼﻴﺮ .. ﻭﺍﻟﻠﻪ ﻣﺎ ﺍﻋﺮﻑ ﺍﻟﻲ ﺗﻜﻮﻟﻮ ﺷﻨﻮ ..
ﻭﻫﻮ ﻭﻻ ﻳﻤﻮ ﻭﻻ ﻳﺴﻤﻊ ﺍﻟﻲ ﺍﻛﻮﻟﻮ ..
ﻏﺎﻟﺐ .. ﺍﻟﻲ ﺧﻔﺖ ﻣﻨﻮﻭﻭ ﺻﺎﺭ ﻣﻦ ﻛﺎﻟﺖ ﺍﺣﻼﻡ ﻣﺎﺻﺪﻛﺖ ..
ﻭﻫﺴﺎﻉ ﺍﺟﺖ ﻭﻛﺎﻟﺖ ﻋﺪﻫﺔ ﻣﺒﺎﻳﻞ ﺑﻠﻜﻨﺘﻮﻭﻭﺭ ﻫﻢ ﻣﺎﺻﺪﻛﺖ ..
ﺑﺲ ﻣﻦ ﻃﻠﻌﺘﻮ ﻛﺪﺍﻣﻲ ﻭﺷﻮﻓﺘﻨﻲ ﻣﺮﺍﺳﻼﺗﻜﻢ ﺍﻟﻲ ﻛﻠﻬﺔ ﻏﺰﻝ ..
ﻻ ﻫﻴﻦ ﺷﻠﻮﻭﻭﻥ ﻣﺎ ﺍﺻﺪﻙ ﻫﺎﺍﺍ ..
ﺑﻴﺎﺭﻕ .. ﻭﺍﻟﻠﻪ ﺗﺎ ﺗﺠﺬﺏ ﻋﻠﻴﻚ ﺍﺻﻼ ﻫﺬﺓ ﺍﻟﻲ ﻛﺴﺮﺗﻮ ﻣﻮ ﻣﺒﺎﻳﻠﻲ ﻭﺍﻟﻠﻪ ﻭﻻ ﻣﺮﺓ ﺷﺎﻳﻔﺘﻮﻭﻭﻭ ..
ﺑﺲ ﻫﻮ ﻳﻀﺮﺏ ﺑﻴﺎ .. ﺍﺧﺮ ﺷﻲ ﻛﻄﻨﻲ ﺣﻴﻞ ﻉ ﻛﺎﻉ ﻭﻛﺎﻝ ﺍﻧﺘﻲ ﻃﺎﻟﻚ ..
ﻃﻠﻊ ﺷﺎﻝ ﺍﻟﻤﻔﺘﺎﺡ ﻃﻠﻊ ﻭﻗﻔﻞ ﺍﻟﺒﺎﺏ ..
ﺿﻠﻴﺖ ﺑﻠﻐﺮﻓﺔ ﺟﺴﻤﻲ ﻛﻠﻮ ﻳﻮﺟﻌﻨﻲ ﻣﻦ ﺍﻟﻀﺮﺏ ..
ﻫﺎﻱ ﺳﻮﺍﻟﻒ ﺍﺣﻼﻡ ﻣﺎ ﺍﻋﺮﻑ ﺷﻨﻮ ﻣﺴﻮﻳﺔ ﻭﺧﻠﺘﻮ ﻫﻴﺞ ﻳﺴﻮﻱ ..
ﺍﺑﺠﻲ ﻭﻋﻴﻮﻧﻲ ﻳﻮﺟﻌﻨﻲ ﻉ ﻛﺪ ﻣﺎ ﺑﺠﻴﺖ ..
ﺍﻓﻜﺮ ﺷﻠﻮﻥ ﺍﺧﻠﻲ ﻳﺼﺪﻛﻨﻲ ﻻﻥ ﺗﻌﺒﺖ ﺟﺜﻴﺮ ﻭﺍﻧﺔ ﺣﻜﻲ ﻣﺎ ﺍﻛﺪﺭ ﺍﺧﺬﻭ ..
ﻛﺎﻋﺪﺓ ﻭﺩﻣﻮﻋﻲ ﻣﺎ ﻭﻛﻔﻮ ﺍﺑﺪ .. ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﻔﺘﺢ ..
ﻣﺴﺤﺖ ﺩﻣﻮﻋﻲ ﻭﻛﻤﺖ ﻉ ﺣﻴﻠﻲ ..
ﻃﺐ ﻫﻮ ﻭﻋﻴﻮﻧﻮ ﺣﻤﺮ ﻭﻛﺎﺿﺐ ﺟﻜﺎﺭﺗﻮ ﺑﺎﻳﺪﻭ ..
ﺩﺣﻜﻠﻲ ﺑﺎﺷﻤﺌﺰﺍﺯ ﻭﻛﺎﻝ ﻋﻨﺪﺝ ﺷﻲ ﺍﺧﻴﺮ ﺗﻜﻮﻟﻴﻨﻮ ..
ﺑﻴﺎﺭﻕ .. ﻳﻌﻨﻲ ﺍﻧﺘﺔ ﻣﺎ ﻣﺼﺪﻛﻨﻲ ﺑﺸﻨﻮ ﺍﺣﻠﻒ ﻣﺎﻋﺮﻑ ﻉ ﺷﻨﻮ ﺗﺤﺠﻲ ﻭﺷﻨﻮ ﺍﻟﻲ ﺻﺎﺭﻭﺍﻟﻠﻪ ﻣﺎﻋﺮﻑ ..
ﻏﺎﻟﺐ .. ﺧﻠﺼﺘﻲ؟؟ ﺍﻧﺔ ﺍﻛﺜﺮ ﻣﻦ ﻣﺮﺓ ﺍﺣﻼﻡ ﻛﺎﻟﺖ ﺑﺲ ﻣﺎﺻﺪﻛﺖ ..
ﻭﺣﺘﻰ ﻣﺮﺓ ﻛﺎﻟﺘﻠﻲ ﺗﻌﺎﻝ ﺷﻮﻓﻮ ﻭﻫﻮ ﻳﻄﻠﻊ ﻣﻦ ﺍﻟﺒﻴﺖ ﺑﺲ ﻣﻦ ﺍﺟﻴﺖ ﻣﺎﻟﺤﻜﺖ ﺑﺲ ﺷﻔﺖ ﻭﺍﺣﺪ ﻣﺎﻧﺘﺒﻬﺘﻠﻮ ..بيج قصص عراقيه حقيقيه من واقعنا.روعه الطائي
ﺟﻨﺖ ﺍﺟﺬﺏ ﻛﻞ ﺷﻲ ﺗﻜﻮﻟﻮ ﻭﺣﺘﺔ ﺳﻠﻴﻤﺔ ﻛﺎﻟﺖ ﻧﻔﺲ ﺍﻟﺤﺠﻲ ..
ﺻﺮﺕ ﺍﺭﺍﻗﺒﺞ ﺑﺲ ﺍﻧﺘﻲ ﻣﺎﺗﺨﻠﻴﻦ ﻭﺭﺍﺝ ﺍﻱ ﺍﺛﺮ ..
ﻭﻫﺴﺎﻉ ﺷﻔﺖ ﺍﻟﺤﺠﻲ ﻭﻣﺮﺍﺳﻠﺔ ﻣﺎﻟﺘﻜﻢ ﺑﻌﻴﻨﻲ ..
ﺑﻴﺎﺭﻕ .. ﻭﺍﻟﻠﻪ ﻣﺎ .. ﺭﻓﻊ ﺍﻳﺪﻭ ﻭﻫﻮ ﻳﻘﺎﻃﻌﻨﻲ ﻭﻳﻜﻮﻝ ﻛﻠﻤﺎﺗﻮ ﺍﻷﺧﻴﺮﺓ ..
.. ﺍﻧﺔ ﻣﺎﺭﻳﺪ ﺍﺩﺣﻚ ﻭﺟﻬﺞ ﻫﻴﻦ ﻣﺮﺓ ﺛﺎﻧﻴﺔ .. ﺑﺲ ﻣﺠﺒﻮﺭ ﺍﺧﻠﻴﺞ ﻫﻴﻦ ..
ﻭﻣﺎﺭﻳﺪﺝ ﺗﻀﻠﻴﻦ ﻉ ﺫﻣﺘﻲ ﻣﺎﺭﻳﺪ ﺍﻟﺤﺮﻣﺔ ﺍﻟﻲ ﺗﺨﻮﻧﻲ ..
ﻭﻫﺴﺎﻉ ﺟﺒﺖ ﺷﻴﺦ ﺣﺘﻰ ﻣﻦ ﺍﻃﻠﻜﺞ ﺃﻛﻮﻥ ﻣﺘﺎﻛﺪ ﻣﺎﻛﻮ ﺷﻲ ﺛﺎﻧﻲ ﻳﺮﺑﻄﻨﻲ ﺑﻴﺞ ..
ﺗﻌﺎﻱ ﻳﻠﻪ ﺑﺴﺮﻋﺔ .
ﺣﺪﺭﻥ ﺩﻣﻮﻋﻲ ﻣﺜﻞ ﺍﻟﺠﻤﺮ ﻭﻛﺘﻠﻮ ﻭﺍﻟﻠﻪ ﻣﺎﺧﻨﺘﻚ ﻻ ﺗﺴﻮﻱ ﻫﻴﺞ ﺍﻟﻠﻪ ﻳﺨﻠﻴﻚ ..
ﻫﻮ ﺩﺍﺭ ﻭﺟﻬﻮ ﻭﻃﻠﻊ ﻃﺒﺖ ﺍﺣﻼﻡ ﺗﺤﺠﻲ ﺑﺸﻤﺎﺗﺔ ..
ﺍﺣﻼﻡ .. ﻣﻮ ﻛﺘﻠﺞ ﻧﻬﺠﺞ ﻣﻦ ﻫﻴﻦ ﻭﻫﺴﺎﻉ ﻳﻠﻪ ﺗﻌﺎﻱ ﻳﻄﻠﻜﺞ ﻳﻮﻝ ..
ﺩﺍﺭﺕ ﻭﺟﻬﺔ ﻭﻃﻠﻌﺖ ﺗﻀﺤﻚ ﺍﻧﺔ ﻃﻠﻌﺖ ﻭﺭﺍﺍﻫﺎ ﺍﺩﺣﻚ ﺑﻠﻮﺟﻮﻩ ﺍﻟﻲ ﻛﻠﻬﺔ ﻣﺼﺪﻛﺔ ..
ﻛﻠﻬﺔ ﺗﺪﺣﻚ ﺑﻌﻴﻦ ﺍﻟﺘﺴﺎﺅﻝ .. ﻟﻴﺶ ﺳﻮﻳﺘﻲ ﻫﻴﺞ ..
ﻟﻴﺶ ﺧﻨﺘﻲ .. ﺑﺲ ﻭﺍﻟﻠﻪ ﺍﻧﺔ ﻣﺎﺧﻨﺘﻮ ﻭﻻ ﺣﺘﻰ ﻓﻜﺮﺕ ﺍﺧﻮﻧﻮ ..
ﺭﺟﻌﺖ ﻃﻠﻊ ﺩﺣﻜﻠﻲ ﻭﻛﺎﻝ ﺗﻌﺎﻱ ﻫﻴﻦ ..
ﺭﺣﺖ ﻉ ﺍﻣﻞ ﻳﻔﺾ ﻛﻠﺸﻲ ﺑﺲ ﻫﻮ ﻣﻌﺎﻧﺪ ﻭﺿﻞ ﻳﺤﺠﻲ ﻭﻱ ﺍﻟﺸﻴﺦ ﻭﻣﺎﻓﻬﻤﺖ ﺷﻲ ﻣﻨﻮ ..
ﻃﻠﻜﻨﻲ !! ﺣﺘﻰ ﻏﺎﻟﺐ ﻃﻠﻊ ﻣﺜﻠﻮ ﻟﻔﻬﺪ ..
ﻭﻻ ﻭﺍﺣﺪ ﺑﻴﻬﻢ ﻓﻬﻤﻨﻲ .. ﻭﻳﻦ ﻣﺎ ﺍﺭﻭﺡ ﺍﻟﻨﺴﻮﺍﻥ ﻳﻜﻴﺪﻥ ﺍﻟﻲ ﻳﺎﺭﺏ ﺷﺎﺳﻮﻱ ﻭﺍﺭﺗﺎﺡ ..
ﺍﻧﺘﺤﺮ ﻳﻌﻨﻲ ﺷﻠﻮﻥ ﻣﺴﺤﺖ ﺩﻣﻮﻋﻲ ﻭﺭﺟﻌﺖ ﻟﻠﻐﺮﻓﺔ ﺍﺑﺠﻲ ..
ﻧﺸﻐﺖ ﻟﺮﺑﻲ ﻭﻛﻠﺖ ﺧﻠﺼﻨﻲ ﺍﺧﺬﻧﻲ ﻳﺎﺭﺑﻲ ﻣﺎﺭﻳﺪ ﺍﺿﻞ ﻫﻴﻦ ﺑﻬﺎﻱ ﺍﻟﺪﻧﻴﺎ ﺍﻛﺜﺮ ..
ﺿﻠﻴﺖ ﺍﺑﺠﻲ ﺑﻬﺴﺘﺮﻳﺎ ﻣﺴﺤﺖ ﺩﻣﻮﻋﻲ ﻭﻛﻤﺖ ﻣﻦ ﻣﺠﺎﻧﻲ ﻓﺘﺤﺖ ﻛﻨﺘﻮﺭﻱ ﻭﺃﺧﺬﺕ ﻫﺪﻭﻣﻲ ﻭﻟﺒﺴﺖ ﻋﺒﺎﻳﺘﻲ ..
ﻛﺎﻓﻲ ﺗﻌﺒﺖ ﺭﺍﺡ ﺍﻃﻠﻊ ﻣﻦ ﻫﻴﻦ ﻭﺍﻋﻴﺶ ﻟﻮﺣﺪﻱ ﻻﻥ ﺑﻬﺎﻱ ﺍﻟﺪﻧﻴﺔ ﻣﺎﻋﻨﺪﻱ ﻏﻴﺮ ﺭﺑﻲ ..
ﺍﺧﺬﺕ ﺟﻨﻄﺘﻲ ﺑﻴﺪﻱ ﻭﻃﻠﻌﺖ ﻣﺤﺪ ﺑﺲ ﺍﻟﺒﻨﺎﺕ ..
ﻣﺎﺩﺭﻱ ﻃﺎﻟﻌﻴﻦ ﻣﺪﺭﻱ ﺷﻨﻮ ..
ﺩﺣﻜﺖ ﻋﻠﻴﻬﻦ ﻛﻠﺖ ﻭﻳﻦ ﻏﺎﻟﺐ ..
ﺍﺣﻼﻡ .. ﻋﻴﻨﻲ ﻏﺎﻟﺐ ﻃﻠﻊ ﺑﺲ ﺭﺍﺡ ﺍﻟﺸﻴﺦ ﺷﺘﺮﺩﻳﻦ ﻣﻨﻮ ﺑﻌﺪ ﻫﺴﺎﻉ ﻫﻮ ﻣﻮ ﺯﻟﻤﺘﺞ ..
ﻫﺰﻳﺖ ﺍﻳﺪﻱ ﻭﻃﻠﻌﺖ ﻣﻦ ﺍﻟﺒﻴﺖ ﻣﺤﺪ ﻣﻮﺟﻮﺩ ..
ﺧﻠﻲ ﺍﻃﻠﻊ ﻭ ﺃﺭﺽ ﺍﻟﻠﻪ ﻭﺍﺳﻌﺔ ..
ﻳﻌﻨﻲ ﻭﺷﻨﻮ ﻳﺼﻴﺮ ﻣﺜﻼ ﺍﻛﺜﺮ ﻣﻦ ﺍﻟﺼﺎﺭ ﻭﻳﺎﻱ ..
ﺑﺲ ﺗﻮﻧﻲ ﻃﺎﻟﻌﺔ ﻭﺻﻮﺕ ﻓﻬﺪ ﻭﻛﻔﻨﻲ ..
ﺩﺭﺕ ﻭﺟﻬﻲ ﺍﻟﻮ ..
ﻓﻬﺪ .. ﺷﻠﻮﻧﺞ ﺑﻴﺎﺭﻕ .. ﺳﻜﺘﺖ ﻣﺎﺭﺩﻳﺘﻮ ..
ﻣﻦ ﺍﺫﻛﺮ ﺷﻜﻠﻮ ﻫﻮ ﻭﺍﺣﻼﻡ ﺍﻧﻘﻬﺮ ﻭﺍﺿﻮﺝ ﻣﻨﻮ ..
ﻓﻬﺪ .. ﻭﻝ ﻳﺎﺏ ﻻ ﺗﻌﺎﻧﺪﻳﻦ ﺗﻌﺎﻱ ﻭﻳﺎﻱ ﺑﺴﺮﻋﺔ ﺍﻣﺸﻲ ﻭﺑﻌﺪﻳﻦ ﻧﺘﻔﺎﻫﻢ ..
ﺍﺻﻼ ﺍﻧﺔ ﻣﺎﻋﻨﺪﻱ ﻣﻜﺎﻥ ﺍﺭﻭﺣﻠﻮ ﺧﻠﻲ ﺍﺭﻭﺡ ﻭﻳﺎ ﻭﺍﻟﻠﻪ ﻛﺮﻳﻢ ﺑﺲ ﻉ ﺍﻷﻗﻞ ﻣﺎ ﺍﺿﻞ ﻫﻴﻦ ..
ﺻﻌﺪﺕ ﻭﻳﺎ ﻭﺩﺣﻜﺘﻠﻮ ..
ﺑﻴﺎﺭﻕ .. ﻓﻬﺪ ﻣﻤﻜﻦ ﺍﻃﻠﺐ ﻃﻠﺐ ﻭﺍﺣﺪ ﺑﺲ ﻣﻨﻚ ..
ﻓﻬﺪ .. ﻋﻴﻮﻧﻲ ﺍﻟﺞ ﺍﻃﻠﺒﻴﻬﻢ ﻭﺍﻛﻠﺞ ﺍﺧﺬﻳﻬﻢ ..
ﺑﻴﺎﺭﻕ .. ﺗﺴﻠﻢ .. ﺍﻭﻻ ﺷﺠﺎﺑﻚ ﺷﻤﺪﺭﻳﻚ ﺑﻠﻲ ﺻﺎﺭ ..
ﻭﺛﺎﻧﻴﺎً ﺍﺭﻳﺪ ﻣﻨﻚ ﺗﺤﺠﻲ ﻭﻳﺎﻫﻢ ﺍﺧﺬ ﺑﻴﺖ ﺍﻫﻠﻲ ﻭﺍﻋﻴﺶ ﺑﻲ ..
ﻋﻜﺪ ﺣﻮﺍﺟﺒﻮ ﻭﺩﺣﻚ ﺑﻴﺎ .. ﻳﻮﻝ ﻟﻮ ﺗﻄﺒﻚ ﺍﻟﺴﻤﺎ ﻉ ﺍﺭﺽ ﻣﺎ ﺍﻋﻮﻓﺞ ﺗﺮﺣﻴﻦ ﻭﻻ ﺗﻌﻴﺸﻴﻦ ﺑﻌﻴﺪ ﻋﻨﻲ ..
ﻫﻴﺎ ﻛﻠﻬﺔ ﻓﺘﺮﺓ ٣ ﺍﺷﻬﺮ ﺗﺨﻠﺺ ﻋﺪﺗﺞ ﻭﺍﻧﺔ ﺍﺧﺬﺝ ﺍﺳﻮﻳﻠﺞ ﺍﻟﻲ ﺗﺘﻤﻨﻴﻨﻮﻭﻭﻭ ﻭﺍﻟﻲ ﺍﺑﺎﻟﺞ ﻭﻃﻠﺒﻲ ﺍﻟﻲ ﺗﺮﺩﻳﻨﻮ ﻋﻴﻮﻧﻲ ﺍﻟﺞ ............ ﻳﺘﺒﻊ
ﺍﻧﺘﻬﻰ ﺍﻟﺒﺎﺭﺕ .. ﻟﺘﻨﺴﻮﻥ ﺗﺼﻮﻳﺖ + ﺗﻌﻠﻴﻖ ..
ﺑﻠﻨﺴﺒﺔ ﻟﻠﺘﺄﺧﻴﺮ ﺗﺮﺓ ﻣﻮ ﻣﻨﻲ ﺍﻟﺴﺒﺐ ﻣﻦ ﺍﻟﺒﻄﻠﺔ ﻭﺍﻟﻠﻪ ..💔
ﻫﻴﺔ ﻣﺎﻛﺎﻥ ﻋﺪﻫﺔ ﻧﺖ ﻭﺍﻧﻲ ﻣﺎ ﺍﻧﺸﺮ ﺍﺫﺍ ﻣﺎ ﺍﺳﺘﺸﻴﺮﻫﺎ ﺍﺑﻌﺾ ﺍﻻﺣﺪﺍﺙ
|