[فيتامين سي]

باقى الخاتمه المشاكسه والمستبد
**********************
تقدم زين الى المسرح وقبل شقيقاه ثم تحدث اليهم بود شديد قائلا:-
اخواتى الغالين الف مبروك عليكم يارب دايما ايامكم فرح وسعاده انا فرحان ليكم قوى ان كل واحد فيكم اتجوز البنت الى بيحبها الف مليون مبروك حبايبى ،ويارب نفضل دايما طول العمر ايد واحده ،ومفيش حاجه تفرقنا .
امن اشقائه على حديثه قائلين :-
اللهم امين يا زين باشا .
صعدت والدته على المسرح لتقبل ابنائها ،وتلتقط معهم صورا تذكاريه ،وكذلك فعل والدهم.

بعد ان انتهوا من التقاط الصور صعدت نغم على المسرح ،وامسكت المايك ،وباركت للجميع قائله :-

الف مليون مبروك لاخويا الى مجبتهوش امى زيدو حبيبى الغالى ، ورحمه بنت قلبى اغلى حاجه عندى اختى الى ربنا جمعنى بيها بعد سنين فراق طويله ثم اكملت حديثها بنبرة حزينه قائله:-
تعرفى يارحمه انا بجد مبسوطه قوى انك رجعتى ليا طول عمرى كان نفسى تكونى جمبى نروح سوا المدرسه نرجع سوا، ونلعب سوى نفرح لفرح بعض،واسرارنا تبقى مع بعض كان نفسى اجى احكيلك على مضايقنى او اشتكيلك من حاجه مزعلانى.
بس انا مكنتش عارفه اوصلك انا لما انت توهتى عيطت علشانك كثي،ر وكنت بفتكر ايامنا اما كنا بنلعب سوا.
كانت ايام جميله كمان كان نفسى بابا ،وماما يكونوا معانا كانوا ها يفرحوا بينا قوى.

نهض كلامن يزيد، ورحمه واحتضنها بود شديد همس لها يزيد بأذنها قائلا بحنان كبير:-

بنوتى الحلوة ربنا يخليك ليا يا نغوم هاتفضلى دايما بنتى ،واختى حبيتى انا اكثر حد فرح بوجودك وسطينا كان نفسى يكون ليا اخت اخد بالى منها واحافظ عليها واحطها جوا عنيا .
ويخليك ليا يا زيدو حبيبى .

همست رحمه ايضا قائله بود شديد وقد دمعت عيناها من

شده السعاده التى تشعر بهاقائله:-

انا كمان كنتى وحشانى ,وكنت حاسه ان ها اقابلك فى يوم من الايام ، قلبى كان حاسس اننا هانتجمع من جديد
انا من يوم مارجعنا ،وانت كنت نعمه الاخت، وا لام يا نغومتى عوضتينى عن حب سنين كثير اتحرمت منه ،وكمان ربنا عوضنى بيزيد ،ونعمه الرجال ربنا يباركلى فيه.
همست لها نغم بود:-
ربنا يفرحكم دايما ،ويجعل حياتكم كلها فرح، وسعادة

التفت لتجد زين يحدق بها بغضب ،ونظراته تشتعل من الغضب
فشعرت انه يشعر بالغيرة من يزيد.

ابتسمت ،واقتربت منه، وطبعت قلبه على خده
ثم همست لها برقه شديده اذابت قلبه لكنه احتفظ بمظرهه الغاضب ليعاقبها قليلا.

اشارت للموسيقى لتقوم بالعزف ثم بدئت بالغناء بصوت عذب ملئ بالاحساس ،وهى تضع يدها على كتفه برقه قائله بحب :-
عارف حبيبى، وانا شيفاك ،وسمعاك بنسى

كل الدنيا معاك حبه نفسى علشان حباك
حسه انى بدئت اعيش كل الى انا حلمت

بيه لقيته فيك ضحتك صوتك عينيك مهما قلت حبيبى عليك الكلام بقى ما يكفيش

لما تشوفك عينيى انا بنسى حياتى ،وبنسى سنينى لما بكون ،وياك بلاقينى مطمنه

حبك ده مدوبنى ،وان زعلتك مره حاسبنى
مهو لو ثانيه تروح ،وتسيبنى اموت انا

قبليك يا ما انا شوفت عذاب، وجراح بس يا قلبى خلاص من الليله ارتاح

عارف حبيبى فى قلبى كلام، واحلام عينى شايفه سنين قدام شيفه حب، وشوق، وغرام عمرى ماكنت افكر فيه

كل الى جاى حبيبى ليك ،ولعنيك لو ها اموت علشان ارضيك عمرى كله شويه عليك شفت عامل فيه ايه..

اذابت تلك الكلمات قلبه فضمها بين يديه ، وكأن غضبه منها تبخر لم يعد له وجود .
،واخد يراقصها بعشق جارف طل من عينيه.

همس بأذنها قائلا بحب:-
صوتك حلو قوى بعد كده لازم تغنيلى ليا لوحدى ، وخدى بالك مفيش حد حبيبك غيرى مش ها اسمح تقولى لحد تانى حبيبى .
انا بس الى حبيبك ، وكل حياتك .
نغم بأبتسامه :-
طبعا حياتى ،وقلبى ،وروحى انت .
همس لها برقه :-
لينا اوضه تلمنا نتحاسب فيها كويس.

احمر وجهها خجلا من حديثه فهيا تعلم اى نوع من العقاب يقصده.
انتهى حفل الزفاف بعد ان رقص العرسان على نغامات موسيقيه رقيقه ثم ذهب كلا منهم لغرفتهم ، لينالوا قسطا من الراحه قبل سفرهم لقضاء شهر عسل .

عاد زياد،وريهام لمنزلهم ، وكذلك فعل حاتم ،ودنيا.
صعد زياد، وريهام لغرفتهم بدل كلامنهم لملابسه
،وذهبت ريهام لتطمئن على الاولاد

وجدتهم نائمين ،والمربيه نائمه ايضا بغرفتهم احكمت الغطاء فوقهم ثم عادت لغرفتهم ،وجلست بالفراش بانتظار مجئ زياد
اندس زياد الى جوارها ثم جذبها لاحضانه ،وهمس لها بحب :-
كنت جميله قوى النهارده حياتى .

ريهام بعشق وهى تتأمله بشغف، وشوق كبير همست برقه:-
علشان حبيبى بيحبنى ،وبيموت فيا حبه مخلينى دايما حلوة.

قبلها زياد بشوق ،وعشق جارف ،وتمتم قائلا بحب كبير:-
ربنا يخليك لحبيبك يا قلب حبيبك ثم جذب الغطاء فوقهم ليذهبوا لعالمهم الوردى.

عند نغم ،وزين جلس ينتظرها على الفراش بعد ان بدل ملابسه،وانتظرها حتى تبدل ملابسها.
بدلت ملابسها ،وجائت لتندس بين احضانه ليشدد من عناقه .
لها .
اعاد خصلاتها المتمرده للخلف ثم ابعدها عن احضانه ليقبلها برقه شديده ثم تنحنح قا ئلابحزن:-

حبيتى عندى كلام مهم لازم اقولك عليه.!!
نغم بحيرة ،وتساؤل:-
خير حبيبى قول يازينو انا سمعاك يا حبيبى

زين بصوت حزين ،ودموع حبيسه بعينيه قاوم بشده حتى لا تخونه دموعه، وتسقط رغما عنه :-
نغم فى سر كبير. خبيته عن اقرب الناس ليا ياترى عندك استعداد تسمعيه؟!!
نغم بلهفه ،وقلق،وهيا ترمقه بنظرات متلهفه قالت بتفهم شديد، وهى تربت على وجهه بحنو بالغ:-

طبعا سمعاك يا حبيبى ،وانت ليك حد غيرى تحكيله على اسرارك عارفه ،ومقدرة انك طول حياتك كتوم ،ومش سهل تحكى لحد اسرارك ،وعارفه انت قد ايه بقيت تثق فيا.
زين بحزن شديد:-

بصى حبى لما كنت صغير عمر ى حوالى عشرسنين قبل ما انت تيجى بيتنا بحوالى سنتين ماما كانت دايما تودينى التدريب

بنفسها ،وتفضل معايا بالناد ى لحد ما اخلص ، وبعدين تاخدنى ،ونرحع البيت بعد ما اخلص التدريب

ارتشف قليلا من الماء ثم اكمل قائلا بمزيد من الحزن
فى يوم خدتنى ماما زى كل مرة بس لما وصلنا النادى لقينا
المدرب اعتذر اليوم ده ،ومجاش.

صمت قليلا ليمسح دمعه فرت من عينيه ثم اعتدل بجلسته، واكمل قائلا،وهويضم قبضه يده بغضب ،وهيا ترمقه بحزن شديد تشعر انه يخفى شيئا خطيرا

تحدث قائلا:-

رجعنا البيت بدر ى طبعا ،وكل اخواتى كانوا لسه بمدارسهم ، ماما اخدتنى ،وطلعنا على فوق علشان اغير هدومى ،واحنا طالعين سمعنا صوت غريب خارج من اوضه ماما .

فاماما قلقت ،وقالتى بخوف ،وقلق:-

خليك هنا حبيبى انا ها اشوف فى ايه ،واجيلك طبعا كطفل صغير انتابنى الفضول ان اشوف فى ايه فى اوضه ماما.
دخلت جريت وراها لقيت ماما واقف فى اوضتها

بتعيط،ومنهارة ،وبابا قام بسرعه لبس هدومه ،ولقيت بنت طالعه من اوضتهم بتجرى ،وهيا بتحاول تلبس هدومها ، وهيا خارجه.

سمعت ماما بعدها بتقول لبابا انت خاين طلقنى مش عايزةاعيش معاك .

اتصدمت من خناقهم مكنتش فاهم حاجه ،ولا عارف ايه الى بيحصل.

بابا ساب البيت فترة كبيرة بحجه انه مسافر لشغل علشان اخواتى ماحدش يلاحظ حاجه .
بعد فترة رجع بابا البيت بعد الحا ح كثير ، ومحاولات كثير للصلح وافقت ماما بس قالته:-
كل واحد يفضل فى حاله هانفضل قدام الولاد عادى بس فى اوضتنا انت فى حالك ، وانا فى حالى .

وطبعا بابا ، وافق علشان مفيش قدامه حل تانى .
من يومها لما فهمت من ماما ايه ده وحظرتنى ان اقول اى حاجه عن الى حصلت لاى حد من اخواتى .

كرهت كل البنات من يومها ، و زاد اهتمامها ،وحبها ليا.
،وجيتى انت بعد فترة تاخدى منى حب واهتمام ماما من غير

ماتقصدى دوستى على الجرح ،وزودتى النار جوايا بقيت نفسى ادمرك زى ما خدتى منى حب امى ،وبقيت شايف فيك كل البنات الخاينن.

بكت نغم بحرقه بعد ما استمعت اليه من زين ، وضمته لصدرها بحب ، وهتفت به بعشق كبير قائله:-
ياه يازينو يا حبيبى كل ده شايله فى قلبك، وساكت ، ومستحمل من زمان حقك عليا يا قلبى لو كنت اعرف من زمان اكيد كانت حاجات كثير اتغيرت.

زين وهو يشعر بأنه افضل بكثير بعد ان ازاح عن كاهله حمل كبير هتف بها بعشق جارف ، ودقات قلبه تتسابق بجنون:-

انت يانغم اجمل حاجه حصلتلى برائتك ،ورقتك اتغلبواعلى قسوتى ،وعقدى حبيتك من قبل ما اعرف حتى انى بحبك .
غيرتى حياتى ، وخليتى ليها طعم ،ولون جديد.
ربنا يخليك ليا يا عمرى بعشقك يانغم .

-وانا بعشقك يا قلب، وعمر وحياة نغم

جذبها لاحضانه ،وقبلها برقه شديده،وجذب الغطاء فوقهم ليذهبوا الى عالمهم الخاص بهم.

بغرفه اياد ، وجودى بعد ان بدلوا ملابسهم هتف بها اياد بعشق:-
حياتى بقى ايه الجمال ده كله، وجذبها لاحضانه دون مقدمات
ثم قبلها برقه شديده ،
هتفت به جودى بحب :-
بحبك قوى يا ايدو .

اياد مهلا بفرح قولى تانى كده يانهار ابيض على الجمال

همست جودى بخجل قائله:-
بس بقى يا ديدو بتكسف

جلست رحمه الى جوار يزيد بعد ان بدلت ملابسها،وكذلك فعل يزيد جذبها لاحضانه ليقبلها بعشق، وشوق كبير
ثم ابعدها عنه لينظر الى عيناها ثم تحدث اليه بصوت واهن ضعيف ،وقلبه يرتجف خوفا يخشى من تأثير حديثه على زوجته.
تحدث يزيد بحزن قائلا:-
من خمس سنين قابلت زميله ليا فى الكليه كان فيها شبه كبير منك بس صدقينى انت مختلفه عنها نهائى انت حاجه تانيه خالص يارحمه.
ربتت رحمه على يده بحب وحثته على استكمال حديثه دون قلق قائله بحب كبير:-
متقلقش حبيبى حبى، وثقتى فيك ملهاش حدود كمل يا حبى

امسك يدها ليتشجع على سرد باقى القصه قائلا بعشق:-

لازمتنى طول الوقت مبقتش تفارقنى بقت تهتم بيا، وبشده
مكنتش بتفوت مناسبه من غير ما تحاول تثبتلى قدايه انا مهم عندها، ومتقدرش تعيش من غيرى ،وتيجى تزورنا

بالبيت ،واتصاحبت على ماما لدرجه ان ماما بنفسها قالتى :-
ما تتجوزها يا يزيد البنت جميله، وبنت ناس،وبتحبك

-حاولت اعترض رغم اعجابى بيها ،وافهم ماما انى لسه بدرس ومخلصتش كليتى فكان ردها:-

ياحبيبى البنت خسارة ممكن تضيع منك دى بنت لقطه ، وبعدين انت ماشاءالله مش لسه هاتكون نفسك شركتك موجوده باباك مجهزالك اول متتخرج تمسكها.

لما لقيت ماما مصممه نفذت كلامها ,واتجوزتها .
،وبعد شهر واحدمن الجواز اكتشفت خطتها ان اهلها فلوسوا فكنت انا صيد سهل علشان تغطى على موقفهم

انا اضايقت حقيقى لما عرفت، وحسيت انها خدعتنى بس اعتذرتلى كثير،وبررت انها مكنتش تعرف اذدرد ريقه بحزن ثم اكمل قائلابحزن خيم على ملامحه:-

بعدين ابتدت الخلافات تزيد بينا لدرجه انها صممت يكون ليها شقه لوحدها ، ورافضه تعيش مع اهلى الى هيا المفروض كانت عامله بتحبهم .

بقت دلوقت مش طايقاهم .
استجابت لطلبها علشان اخلص من المشاكل الى مابتنتهيش
افتكرت كده المشاكل ها تخلص وتبطل بقى تضايقنى لكن كانت كل مرة المشاكل بتزيد ،وطلباتها ما بتخلصش

مرة عايزة عربيه اخر موديل مرة عايزة طقم الماظ

مره عايزة فلوس تعمل شوبنج ،وكنت بوافق ،ومش برفض ليها اى طلب لحد ما اتخنقت من كثر ضغطها عليا عايزة تسافر برا مصر مع اصدقاءليها ،وفيهم شباب ،واهملت جمعتها ،والمصيبه
الأكبر ناس شافوها مع شاب فى النادى ،واكثر من مرة .

لما واجهتها قالت بكل برود:-
ده المدرب بتاع التنس بتاعى ،وعادى لما يقعد معايا متبقاش،رجعى يا يزيد.

حاولت اتنازل كثير لكن مقدرتش الحياه بينا وصلت لطريق مسدود طلبت منها نطلق بهدوء رفضت ، واتجننت ،وقعدت

تبكى ،وتصالحنى لحد ماانا صعبت عليا ،وقلت اديها فرصه ثانيه، ورجعت تحاول تعاملى برومانسيه ،وصممت ابات فى حضنها الليله دى.

وافقت مرغم رغم اكتشفت ان الى بينا مجرد انجذاب مش حب نهائى.

بعد فترة كنت مديها مبلغ تصرف منه طول الشهر الهانم خلصته ،وكنت عندى محاضرات مهمه بالجامعه علشان كنت

بأخر سنه ،وعندى امتحان مهم فكان لازم احضر المحاضرات دى ضرورى لوى فمه بحزن متذكرا ذلك اليوم كأنه كان بالامس.

جتلى الكليه، ودخلتى المدرج ،وكانت مصصمه اديها فلوس
بس انا كنت نسيت دفترالشيكات بالبيت ،وقلتها كده اتعصبت ،واتنرفزت ،وصممت انى لازم اسيب

المحاضرة ،واروح معاها اديها فلوس ضرورى
حاولت كثير اشرح ليها ان المحاضرة خلاص قربت تخلص

اتشبست برأيها ،وصممت وسابتنى ،وخرجت برا وقفت شويه تدخن سيجارة ،فانا قلقت عليها خرجت وراها لقيتها ركبت عربيتها ،ولسه ها تسوقها،وهيا غضبانه بشده

جريت ركبت معاها ،وحاولت اخليها تهدى ، وتسوق بهدوء
لكنها كانت غضبانه بشده ،وكانت بتسوق بسرعه جنونيه .

يومها زعقتلها كثير علشان تحاسب مسمعتش كلامى لحد ما صدمت فى عربيه تانيه قدامها ، واتقلبت بينا العربيه

وفوقت تانى يوم لقيتنى فى المستشفى، ورجلى ،وذراعى متجبسين ،فضلت اصرخ بهستريا ،وانادى عليها

لقيت ماما ،واخواتى كلهم جمبى ،وبيهدونى ،وماما كانت منهاره من العياط حاولت افهم منها فى ايه .
مقدرتش تقولى .

غضبت ،وثورت وحاولت اقوم من مكانى زين منعنى ،وشرحلى الى حصل بهدوء ،وفهمنى ان نهى مراتى ماتت ،وكانت حامل فى شهرين متتصوريش صدمتى كانت عامله ازاى ،وفضلت فترة طويله اتعالج علاج نفسى .
وحسيت انى مسؤل عن موتها وموت ابنى الى لسه مشفش النور

بس بعديها بفترة اتصدمت صدمه مكنتش اتخليها عرفت انها كانت حاجزة عند دكتور لعمليه اجهاض ،ودفعلته الفلوس الى معها وكانت عايزة منى باقيه الفلوس علشان تعمل عمليه اجهاض اكمل وقظ تشنجت ملامحه بألم ،ودمعت عيناه .

-تصورى يارحمه كانت خايفه على رشاقتها ،ورافضه تكون ام .
احتضنته رحمه بحنان شديد ،وربتت على كتفه بحب حتى هدء تماما.
ثم احتضنها بحب ،وهمس لها بعشق :-
يوم ما قابلتك شدنى ليك شبهك بيها بس لما

حبيتك ،وعرفتك اكثر قلبى غرق فى حبك كنت عايز اكفر عن ذنبى ليها معاكى لكن اكتشفت ان انا بقيت بعشقك بدوب بلمسه من ايدك
قبلته برقه فى خده ،وهمست له :-
انا كمان حبيبى حسيت معاك بالأمان الى فقدته والحب الى عمرى ما حسيت بيه غيرمعاك.
انا بعشقك يايزيد
وانا بدوب فيك ياقلب يزيد
قبلها بشوق، وحب شديد
بعد مرور عده سنوات كانت سما الصغيرة ابنه اياد وجودى تلهو بالحديقه ،وكلامن ماجد ابن زين ، وشريف وياسين ابناء رحمه ،ويزيد.
يلعبون معها .
لكن ذلك اغضب ماجد الذى كان يريد ان يلهو معها وحده
فوقف يحدق بها بغضب ، وهويضع يده امام صدرة

فقام بجذبها من يدها ،وضمها اليه وهتف بالاخرين غاضبا:-
انت ياولد انت، وهو محدش له دعوة بسما حبيتى

ده بتاعتى انا مش هاتلعب مع حد غيرى

وقف الجميع يراقبون اطفالهم ،ويضحكون على ماجد الذى ورث طبع والده المتملك
هتفت نغم بزين قائله بغضب :-
شفت عملت فى الولد ايه طالع نسخه منك

ضحك زين بشده قائلا:-
ابن ابوة يعمل الى هو عايزة

ركض ماجد، وهو متشبس بيد سما بشده رافضا التخلى عنها ناحيه والده .

حاول والده ان يحدثه بلطف ليتركها تمرح مع ابناء اعمامه
فقال له برقه:-.
ميجو حبيى سيب سما تلعب مع اخواتك ،والعبوا سوى

صاح الطفل غاضبا :-
لا يابابى دة بتاعتى مش انت دايما تقول لمامى انت بتاعتى.
انفجر الجميع ضاحكين على حديث الصغير.
مرت الايام عليهم بحب ،وسعاده وعادة الحياه تبتسم لهم من جديد.
اتمنى قصتى تكون نالت اعجابكم ده كانت قصه واقعيه حبيت اشاركم فيها معايا بناء على طلب صاحبتها الى بتشكركم على

دعواتكم وارائكم الجميله ، والحمد لله هيا حياتها استقرت وجوزها حبها ،واصبح كويس معاها.

سعدت بمتابعتكم ومنتظرة ريفيوهاتكم وارائكم وكل قصه وانتم بخير وسعاده مع تحياتى نورا نبيل.

تمت يوم الخميس الساعه ٥:٤٥دقيقه الموافق
17/10/2019