#ﺑﻴﺎﺭﻕ__ﺍﻟﻌﺮﺑﺎ ..
ﺑﻘﻠﻤﻲ # ﻓﺎﻃﻤﺔ _ ﺍﻟﻌﺒﺎﺩﻱ
ﻗﺮﺍﺋﺔ ﻣﻤﺘﻌﻪ ..
-#بارت١٥
ﺇﺫﺍ ﺗﺄﺧﺮ ﺣﻠﻤﻚ ﻻ ﻳﻌﻨﻲ ﺇﻧﻪ " ﻟﻦ ﻳﺘﺤﻘﻖ " ، ﺑﻞ ﺇﻧﻪُ ﻓﻘﻂ ﻳﺤﺘﺎﺝ ﺇﻟﻰ ﺟﻬﺪ ﻭﺻﺒﺮ ﺃﻛﺜﺮ 🕊💜✨
ﻃﻠﻌﺖ ﺍﺭﻛﺾ ﺧﺠﻼﻧﻪ ﻣﻦ ﺍﻟﻲ ﻛﻠﺘﻮ ﺍﻟﻮ ..
ﺩﺣﻜﺖ ﻉ ﻧﺠﻼﺀ ﻭﻫﻲ ﺗﺪﺣﻜﻠﻲ ﺑﺤﻘﺪ ﻭﺗﺮﻳﺪ ﺗﻌﺮﻑ ﺍﻟﻲ ﺻﺎﺭ .. ﻣﻦ ﻧﻈﺮﺍﺗﻬﺔ ﻋﺮﻓﺘﻬﺔ ..
ﺍﻡ ﻓﻬﺪ .. ﻳﻮﻝ ﺑﺮﻳﻘﺔ ﺣﺪﺭﻱ ﻫﻴﻦ ﺑﺴﺮﻋﺔ ﻛﻠﻴﻠﻲ ﺷﺠﺮﺍﻟﻪ ﻭﺗﻌﺼﺐ ﻭﺿﻞ ﻳﻜﺴﺮ ﻛﻠﺸﻲ ﻳﻤﻮ ﻭﺍﻧﺘﻲ ﻟﻴﺶ ﻫﻴﺞ ﺗﻀﺤﻜﻴﻦ ..
ﺑﻴﺎﺭﻕ .. ﻛﻞ ﺧﻴﺮ ﻋﻤﺔ .. ﺍﻟﻲ ﺗﺮﺩﻳﻨﻮ ﺻﺎﺭ ..
ﻫﻲ ﺩﺣﻜﺘﻠﻲ ﺑﻔﺮﺡ ﻭﻫﻠﻬﻠﺖ ..
ﺍﻡ ﻓﻬﺪ .. ﺍﻟﻠﻪ ﻳﻮﻓﻘﻜﻢ ﻭﻳﺴﻌﺪﻛﻢ ﺑﻨﻴﺘﻲ ﻳﺎﺭﺏ ﺍﺳﻌﺪ ﻛﻠﺐ ﻭﻟﻴﺪﻱ ﻷﻧﻮ ﺗﻌﺬﺏ ﭼﺜﻴﺮ ، ﺭﺑﻲ ﺍﻧﺖ ﺗﻌﺮﻑ ﺍﻟﻲ ﺑﻜﻠﺒﻮ ﻭﻫﺪﻱ ﻭﻓﺘﺤﻬﺔ ﺑﻮﺟﻬﻮ ..
ﻓﺮﺣﺖ ﭼﺜﻴﺮ ﺑﺲ ﺑﻨﻈﺮﺍﺕ ﻧﺠﻼﺀ ﻭﻏﺰﺍﻝ ﺍﻟﻲ ﺻﺎﺭﺕ ﺗﻨﻜﻂ ﺳﻢ ﺧﻔﺖ ،ﺧﺎﻑ ﻳﺮﺟﻌﻦ ﻳﺴﻮﻥ ﺍﻟﻲ ﻣﻜﻴﺪﺍ ﻭﺍﻧﺔ ﺩﺍﻳﻤﺎ ﺣﻜﻲ ﻣﺎﻛﻮﻝ ..
ﺩﻋﻴﺖ ﺭﺑﻲ ﺑﺪﺍﺧﻠﻲ ﻳﺒﻌﺪ ﺷﺮﻫﻦ ﻋﻨﻲ ..
ﻧﺠﻼﺀ .. ﺍﺟﻴﺘﻲ ﻭﻛﻄﻴﺘﻲ ﺭﻭﺣﺞ ﻋﻠﻲ ﻣﺎﻋﻨﺪﺝ ﺃﺧﻼﻕ ﻭﺍﺩﺏ .. ﺗﺎﺧﺬﻳﻦ ﺯﻟﻤﺔ ﻣﻌﺮﺱ ﻭﻋﻨﺪﻭ ﺟﻬﺎﻝ ..
ﺑﻴﺎﺭﻕ .. ﻭﺍﻟﻠﻪ ﻋﺎﺩ ﺧﻠﻴﺖ ﺍﻷﺧﻼﻕ ﺍﻟﺞ ﻳﻮﻟﻲ ..
ﻭﺑﻌﺪﻳﻦ ﻧﺴﻴﺘﻲ ﻉ ﻛﻮﻟﺔ ﻏﺰﺍﻝ ﺍﻧﺔ ﻫﻢ ﺟﻨﺖ ﺣﺮﻣﺘﻮ ..
ﻧﺠﻼﺀ .. ﺑﻌﺪﺝ ﻣﺎﺻﺮﺗﻲ ﺍﻟﻮ ﻭﻫﻴﺞ ﺗﺎ ﺗﺴﻮﻳﻦ ﻣﻦ ﺗﺎﺧﺬﻳﻨﻮ ﺗﻄﻔﺮﻳﻦ ﻓﻮﻙ ﺭﻭﺳﻨﺎ ..
ﻫﺰﻳﺖ ﺭﺍﺳﻲ ﺍﻟﻬﺔ ﻭﺩﺣﻜﺘﻠﻬﺔ ﺑﺜﻘﺔ ﻭﻏﺮﻭﺭ ﻭﻧﻮﺏ ﺩﺭﺕ ﻭﺟﻬﻲ ..
ﺧﻠﻲ ﺍﺗﺼﺮﻑ ﻫﻴﺞ ﻻﻥ ﺗﻌﺒﺖ ﻭﺃﻧﻪ ﺿﻌﻴﻔﺔ ..
ﻻﺯﻡ ﻫﺴﺎﻉ ﻣﺎ ﺍﺧﻠﻲ ﻭﺍﺣﺪ ﻳﻄﻮﻝ ﻟﺴﺎﻧﻮ ﻋﻠﻲ ..
ﺣﺪﺭ ﻓﻬﺪ ﻭﻫﻮ ﻳﺪﺣﻜﻠﻲ ﻭﻳﻀﺤﻚ ..
ﻧﺠﻼﺀ .. ﻧﺎﺱ ﺗﻀﺤﻚ ﻭﻓﺮﺣﺎﻧﺔ ﻭﻧﺎﺱ ﺗﻬﺪﻡ ﺑﻴﻮﺕ ﻫﺬﺓ ﺍﻟﺒﻴﺖ ﺻﺎﻳﺮ ﻛﻠﻮ ﻳﻠﻌﺐ ﺍﻟﺮﻭﺡ ..
ﻓﻬﺪ .. ﻧﺠﻼﺍﺍﺍﺀ ﻣﻦ ﺗﺤﺠﻴﻦ ﺣﺴﺠﺠﺠﺞ ﻧﺼﻲ ﻭﺍﻧﺘﺒﻬﻲ ﻟﻠﺤﺠﻲ ﺍﻟﻲ ﺗﻜﻮﻟﻴﻨﻮ ﺗﺮﺓ ﺗﻌﺒﺘﻴﻨﻲ ﭼﺜﻴﺮﺭﺭﺭ ...
ﻧﺠﻼﺀ .. ﻭﺷﻜﻠﺖ ﺍﻧﻪ ﺃﻛﻮﻡ ﺍﺻﻌﺪ ﺍﺣﺴﻦ ﺍﻟﻲ ..
ﻻﻥ ﺍﺫﺍ ﺍﺿﻞ ﺗﺼﻴﺮ ﻣﺸﺎﻛﻞ ﻭﺍﻧﺔ ﻣﺎﺑﻴﻪ ﺣﻴﻞ ..
ﻛﺎﻣﺖ ﺻﻌﺪﺕ ﻭﻫﻮ ﺟﺔ ﻛﻌﺪ ﻭﺩﺣﻚ ﻉ ﺍﻣﻮ ﻭﻛﺎﻝ ﺍﻟﻬﺔ ..
ﻓﻬﺪ .. ﻳﻤﺔ ﺍﻥ ﺷﺎﺀﺍﻟﻠﻪ ﺍﺳﻮﻱ ﻛﻠﺸﻲ ﺑﻨﻔﺲ ﺑﻴﺎﺭﻕ ﻭﻫﻲ ﺧﻠﻲ ﺗﻜﻮﻝ ﺍﻟﻲ ﺗﺮﻳﺪﻭ، ﻭﺍﺣﻠﺔ ﻋﺮﺱ ﺍﺳﻮﻱ ﺍﻟﻬﺔ ..
ﺑﻴﺎﺭﻕ .. ﻫﻮ ﻛﺎﻝ ﻫﻴﺞ ﺍﻧﻪ ﻓﺮﺣﺖ ﺑﺲ ﺗﺬﻛﺮﺕ ﺷﻌﺮﻱ ﻭﻧﻘﻬﺮﺕ ﺷﻠﻮﻥ ﺍﺭﻭﺡ ﻟﻠﺼﺎﻟﻮﻥ ﻭﺍﺳﻮﻱ ﻋﺮﺱ ﻭﺍﻧﺔ ﺷﻌﺮﻱ ﺍﻷﺫﻧﻲ ..
ﻭﻟﻮ ﻫﻮ ﺷﻮﻱ ﻃﻠﻊ ﻭﺻﺎﻳﺮ ﺯﻳﻦ ﻳﻮﺻﻞ ﺍﻷﺫﻧﻲ ﻳﺒﻴﻦ ﻛﺎﻧﻮ ﻛﺼﺔ ﻛﺼﻴﺮﺓ ﺑﺲ ﺍﻧﻪ ﻣﺎﺣﺒﻮ ﻫﻴﺞ ..
ﻛﺒﻞ ﻛﺘﻠﻮ ﺑﺲ ﺍﻧﻪ ﻣﺎﺭﻳﺪ ﺍﻋﺮﺱ ﻭﻫﺎﻱ ﺳﺎﻟﻔﻪ ﻋﺮﺱ ﻭﻫﻴﺞ ﺍﺑﺪ ﻣﺎﺭﻳﺪ ..
ﻓﻬﺪ .. ﻭﻝ ﻳﺎﺏ ﺍﻛﻮ ﻭﺣﺪﺓ ﻣﺎﺗﺮﻳﺪ ﻫﻴﺞ ..
ﺑﻴﺎﺭﻕ .. ﺍﻱ ﺍﻧﺔ ﻣﺎﺭﻳﺪ ﺍﻟﻠﻪ ﻳﺨﻠﻴﻚ ﺳﺪ ﻫﺎﻱ ﺍﻟﺴﺎﻟﻔﻪ ﻣﺎﻟﺖ ﻋﺮﺱ ..
ﻓﻬﺪ .. ﺑﺮﺍﺣﺘﺞ .. ﻳﻤﺔ ﺑﺲ ﺍﻧﻄﻴﺞ ﻓﻠﻮﺱ ﺧﺬﻳﻬﺔ ﺷﺘﺮﻳﻠﻬﺔ ﻛﻠﺸﻲ ﺗﺮﻳﺪﻭ ﺍﻟﻌﺮﻭﺱ ..
ﺍﻡ ﻓﻬﺪ .. ﺍﻥ ﺷﺎﺀﺍﻟﻠﻪ ﺑﺎﺟﺮ ﺍﻟﺼﺒﺢ ﺍﺧﺬﻫﺔ ﻭﺍﻟﻌﺼﺮ ﻋﻘﺪﻭ ﻛﺎﻓﻲ ﻻ ﺗﻄﻮﻟﻮﻥ ﺍﻟﺴﺎﻟﻔﻪ ﻣﺪﺍﻡ ﻫﻲ ﻣﻮﺍﻓﻘﻪ ﻓﻀﻮ ﺍﻟﺴﺎﻟﻔﻪ ..بيج قصص عراقيه حقيقيه من واقعنا.روعه الطائي..ﻓﻬﺪ .. ﺍﻱ ﺇﻥ ﺷﺎﺀﺍﻟﻠﻪ ﺑﺲ ﻧﺮﻳﺪﻫﺔ ﺗﻔﺾ ﺑﺎﺣﺮ ﺍﻟﺼﺒﺢ ﺭﺍﺡ ﺍﻛﻤﻞ ﺍﻟﻐﺮﻓﺔ ..
ﺑﻴﺎﺭﻕ ﻃﻠﻌﻲ ﻛﻞ ﺍﻏﺮﺍﺿﺞ ﺍﻟﻲ ﺑﻠﻐﺮﻓﺔ ﺣﺘﻰ ﻧﺸﻴﻠﻬﺔ ﻭﻧﻨﺼﺐ ﻭﺣﺪﺓ ﺟﺪﻳﺪﺓ ..
ﺑﻴﺎﺭﻕ .. ﺑﻠﻴﻞ ﺍﺷﻴﻠﻬﻢ ﻛﻠﻬﻢ ﻭﺃﺣﻄﻬﻢ ﺑﻐﺮﻓﺔ ﻋﻤﺘﻲ ﻣﻨﺎ ﻉ ﺗﺠﻴﺐ ﺍﻟﻐﺮﻓﺔ ﺑﺲ ﻭﻟﻮ ﻣﺎﻟﻮ ﺩﺍﻋﻲ ﻫﺬﺓ ﻛﻠﻮ ..
ﻓﻬﺪ .. ﻻ ﺍﻛﻮ ﺩﺍﻋﻲ ﺍﻧﺘﻲ ﻣﺎﻟﺞ ﺩﺧﻞ ﺍﻧﻪ ﺍﺳﻮﻱ ﻛﻠﺸﻲ ..
ﻳﻤﻪ ﺷﻮ ﺍﻧﺘﻲ ﺫﺍﺑﺘﻬﺔ ﻉ ﺻﺎﻣﺖ ﻣﺎﺗﺤﺠﻴﻦ ﺷﻲ ..
ﺍﻡ ﻓﻬﺪ .. ﺷﺒﻴﻚ ﻳﻮﻟﻲ ﺑﺲ ﺗﺎ ﺍﺩﺣﻚ ﻋﻠﻴﻜﻢ ﻭﺍﺳﻤﻊ ﺣﺠﻴﻜﻢ ﺭﺑﻲ ﻳﺴﻌﺪﻛﻢ ﻭﻳﺼﻔﻲ ﺑﺎﻟﻜﻢ ..
ﻓﻬﺪ .. ﺍﻥ ﺷﺎﺀﺍﻟﻠﻪ ﻳﻤﺔ ..
ﻏﺰﺍﻝ ﺑﺲ ﺍﺩﺣﻚ ﺑﻴﻨﺎ ﻣﺎﺣﺠﺖ ﺷﻲ ﻭﻣﺎ ﻋﻠﻘﺖ ﺍﺑﺪ ..
ﻫﻮ ﻧﺘﺒﻬﺖ ﻋﻠﻲ ﻻﻑ ﺍﻳﺪﻭ ﺍﺷﺮﺗﻠﻮ ﺑﻌﻴﻮﻧﻲ ﻋﻠﻴﻬﺎ ..
ﻫﻮ ﺑﺘﺴﻢ ﻭﺣﺮﻙ ﺷﻔﺎﻳﻔﻮ ﺑﻤﻌﻨﻰ ﻣﺎﻣﻬﺘﻢ ..
ﻫﻮ ﻛﺎﻡ ﻛﺎﻝ ﺍﻧﻪ ﻃﺎﻟﻊ ﻣﺤﺘﺎﺟﻴﻦ ﺷﻲ ﺣﺘﻰ ﺍﺟﻴﺒﻮ ﻣﻦ ﺍﺭﺟﻊ ..
ﺍﻡ ﻓﻬﺪ . . ﺳﻼﻣﺘﻚ ﻳﻤﻪ ﺍﻟﻠﻪ ﻭﻳﺎﻙ .. ﺩﺣﻜﻠﻲ ﻭﻛﺎﻝ
ﻓﻬﺪ .. ﻭﺍﻧﺘﻲ ﻳﻮﻝ ﻣﺤﺘﺎﺟﺔ ﺷﻲ ﺍﺟﻴﺒﻮ ﺍﻟﺞ ﺑﺪﺭﺑﻲ ﻣﻦ ﺍﺭﺟﻊ ..
ﺑﻴﺎﺭﻕ .. ﻻ ﺳﻼﻣﺘﻚ ..
ﺑﺘﺴﻢ ﻭﻛﺎﻝ ﺭﺍﻳﺢ ﻃﻠﻊ ﻫﻮ ﺍﻧﻪ ﺍﺩﺣﻚ ﻉ ﻃﻮﻟﻮ ﻓﺪﻳﺘﻮ .. ﺍﺧﺬ ﻛﻠﺒﻲ ﺑﺸﺨﺼﻴﺘﻮ ﻭﺗﺼﺮﻓﺎﺗﻮ .. ﺩﺭﺕ ﻭﺟﻬﻲ ﺍﻟﻌﻤﺘﻲ ..
ﺿﻠﻴﺖ ﺍﺳﻮﻟﻒ ﻭﺃﺧﻄﻂ ﻭﻳﺔ ﻋﻤﺘﻲ ﻉ ﺷﻨﻮ ﺍﺳﻮﻱ ﻭﺍﺟﻴﺐ ..
ﻏﺰﺍﻝ ﺭﺍﺣﺖ ﻃﺒﺖ ﻟﻠﻤﻄﺒﺦ ﺗﺴﻮﻱ ﻋﺸﺎ ..
ﺍﻧﻪ ﻛﻤﺖ ﻫﻢ ﻃﺒﻴﺖ ﻟﻠﻐﺮﻓﺔ ..
ﺍﺩﻋﻲ ﺭﺑﻲ ﻳﺨﻠﺼﻨﻲ ﻣﻨﻬﻦ ﻛﻤﺖ ﻧﺰﻋﺖ ﺷﺎﻟﻲ ﺩﺣﻜﺖ ﺷﻌﺮﻱ ﺑﻠﻤﺮﺍﻳﺔ ﺑﻘﻬﺮ ..
ﻫﺴﺎﻉ ﺷﻠﻮﻥ ﻳﺸﻮﻓﻮ ﺍﻭﻑ ﻳﺠﻮﺯ ﻳﻀﻮﺝ ﻣﻨﻮ ﺍﺫﺍ ﺷﺎﻓﻮ ...
ﻃﺒﺖ ﻋﻤﺘﻲ ﺿﻠﺖ ﺗﺪﺣﻚ ﻋﻠﻲ ﻭﻉ ﺷﻌﺮﻱ ..
ﺍﻡ ﻓﻬﺪ .. ﺍﻟﻠﻪ ﻻ ﻳﻮﻓﻘﻮ ﻉ ﺍﻟﻲ ﺳﻮﺍ ﺑﻴﺞ ﻫﻴﺞ .. ﺭﺑﺞ ﻣﺎﻳﻌﻮﻓﻮ ﺍﺫﺍ ﻣﺎﻳﺎﺧﺬ ﺣﻜﺞ ﻣﻨﻮ ..
ﺩﺣﻜﺖ ﺍﻟﻬﺔ ﺑﻘﻬﺮ .. ﻋﻤﻪ ﺷﻠﻮﻥ ﻟﻮ ﻓﻬﺪ ﻣﺎﻋﺠﺒﻮ ﻭﺿﺎﺝ ﻣﻨﻮ ﻫﺎ ..
ﺍﻡ ﻓﻬﺪ .. ﻫﻮ ﻳﺤﺒﺞ ﺑﻜﻠﺸﻲ ﺣﺘﻰ ﺑﻌﻴﻮﺑﺞ ﻻ ﺗﻀﻮﺟﻲ ﻭﻻ ﺗﺸﻴﻠﻲ ﻫﻤﻮ ﺍﺑﺪ ﻫﻮ ﺍﻫﻢ ﺷﻲ ﻋﻨﺪﻭ ﺍﻧﺘﻲ ﻳﻤﻮ ﻭﺑﺎﺳﻤﻮ ..
ﺑﻴﺎﺭﻕ .. ﺍﻥ ﺷﺎﺀﺍﻟﻠﻪ ﻳﻄﻠﻊ ﻣﺜﻞ ﺍﻟﻲ ﺗﻜﻮﻟﻲ ﻭﻣﺎﻳﻀﻮﺝ ..
ﺿﻠﻴﺖ ﺑﻠﻐﺮﻓﻪ ﺍﻧﺘﻈﺮ ﺟﻴﺘﻮ ﺍﺭﻳﺪ ﺍﺣﺠﻲ ﻣﻌﻮ ﻭﺍﻛﻠﻮ ﻻﻥ ﺍﻋﺘﺒﺮﻭ ﺷﻲ ﻣﺎﻳﺼﻴﺮ ﺍﺿﻤﻮ ﻋﻨﻮ ..
ﺿﻠﻴﺖ ﺍﻧﺘﻈﺮﻭ ﺑﺲ ﻣﺎ ﺟﺔ ﻣﻦ ﻭﻛﺖ ﺟﺔ ﺑﻮﻛﺖ ﺍﻟﻌﺸﺎ ﻛﻠﺶ ..
ﻛﻌﺪﺕ ﺟﺪﺍﻣﻮ .. ﻃﻮﻝ ﺍﻟﻮﻛﺖ ﺍﻧﺘﺒﻪ ﺍﻟﺘﺼﺮﻓﺎﺗﻮ ..
ﻋﻴﻮﻧﻮ ﺩﻭﻣﻬﻢ ﺣﺎﺩﺍﺕ ﻭﺣﻮﺍﺟﺒﻮ ﻣﻄﺒﻮﻛﺎﺕ ﻛﻞ ﺍﻟﻮﻛﺖ ..
ﻳﺎﺭﺏ ﺍﺣﺐ ﺷﺨﺼﻴﺘﻮ ﻭﺭﺯﺍﻧﺘﻮ ﺑﻠﺤﺠﻲ ﻭﺗﺼﺮﻓﺎﺗﻮ ..
ﺧﻠﺼﻨﻪ ﻋﺸﺎ ﻛﻠﺖ ﻛﺎﻓﻲ ﺍﺿﻢ ﺭﻭﺣﻲ ﻉ ﺍﻻﻗﻞ ﺍﻏﺴﻞ ﻣﻮﺍﻋﻴﻦ ﻻﻳﻄﻜﻦ ﻧﺴﻮﺍﻧﻮ ..
ﺍﻧﻲ ﻫﺴﺎﻉ ﻣﻮ ﺣﺮﻣﺘﻮ ﺑﺎﺟﺮ ﻋﻮﺩ ﺃﺻﻴﺮ ﻣﻦ ﺣﺮﻳﻢ ﺍﻟﺴﻠﻄﺎﻥ ﻓﻬﺪ ..
ﺧﻠﺼﺖ ﻭﺟﺔ ﻫﻮ ﻳﺸﺮﺏ ﻣﺎﻱ ﺩﺣﻜﺘﻠﻮ ﻭﻛﺘﻠﻮ ﻓﻬﺪ ﺑﺲ ﺍﺭﻳﺪ ﺍﺣﺠﻲ ﻭﻳﺎﻙ ..
ﻓﻬﺪ .. ﻫﺎ ﻳﻮﻟﻲ ﺍﺳﻤﻌﺞ ﺷﻨﻮ ﺍﻟﻲ ﺗﺮﺩﻳﻦ ﺗﻜﻮﻟﻴﻨﻮ ..
ﺑﻴﺎﺭﻕ .. ﺧﻠﻲ ﻧﻄﻠﻊ ﻧﺤﺠﻲ ﺑﻠﻄﺮﻣﺔ ﺍﺣﺴﻦ ..
ﻛﺎﻝ ﻣﺎﺷﻲ .. ﻃﻠﻊ ﻫﻮ ﻳﻤﺸﻲ ﺟﺪﺍﻣﻲ ﻭﺃﻧﻪ ﺧﺠﻼﻧﻪ ﺷﻠﻮﻥ ﺍﻛﻠﻮ ﻋﻤﻲ ﺣﻠﻖ ﺷﻌﺮﻱ ..
ﻭﻛﻒ ﻭﻛﻔﺖ ﺟﺪﺍﻣﻮ ﻛﺘﻠﻮ ﻓﻬﺪ ﺍﻛﻠﻚ ﺷﻲ ﻻ ﺗﻀﻮﺝ ﺍﺫﺍ ﺳﻤﻌﺘﻮ ﻓﺪﻭﺓ ..
ﻓﻬﺪ .. ﻻ ﻣﺎ ﺿﻮﺝ ﺍﻧﺔ ﻣﺎﺿﻮﺝ ﻣﻦ ﺑﻴﺎﺭﻕ ﻫﻬﻪ .. ﻛﻮﻟﻲ ﻳﻠﻪ ..
ﺑﻴﺎﺭﻕ .. ﺧﺠﻠﺖ ﺷﻠﻮﻥ ﺍﺣﺠﻲ ﺍﻟﻠﻪ ﻻ ﻳﻨﻄﻴﻚ ﻋﻤﻲ ﻉ ﻫﺎﻱ ﺍﻟﺴﺎﻟﻔﻪ ﺍﻟﻲ ﺳﻮﻳﺘﻬﺔ ﺑﻴﺎ ..
ﻛﺘﻠﻮ .. ﺻﺮﺍﺣﺔ ﻓﻬﺪ ﺗﺪﺭﻱ ﺍﻧﺔ ﻣﻦ ﺟﻨﺖ ﻋﺪ ﺑﻴﺖ ﻋﻤﻲ ﺻﺎﺭ ﻭﻳﺎﻱ ﭼﺜﻴﺮ ﻣﻮﺍﻗﻒ ..
ﻳﻌﻨﻲ ﺑﻴﺎ ﻣﺎﺭﻳﺪ ﺍﺿﻢ ﻋﻠﻴﻚ ﻭﺍﺣﻨﺎ ﺑﺎﺟﺮ ﻧﺘﺰﻭﺝ ..
ﻋﻜﺪ ﺣﻮﺍﺟﺒﻮ ﻭﻛﺎﻝ ﺷﻨﻮ ﺍﻟﻲ ﺻﺎﻳﺮ ﻭﻳﺎﺝ ..
ﻛﺘﻠﻮ ﺑﺨﺠﻞ .. ﺍﻭﻻ ﺣﺘﺮﻙ ﺟﺴﻤﻲ ﺑﻠﺪﻫﻦ ﺣﺮﻣﺔ ﻋﻤﻲ ﺣﺮﻛﺘﻮ ﻭﺛﺎﻧﻴﺎً ﻣﻦ ﺟﺔ ﻋﻤﻲ ﺧﺬﻧﻲ ﻣﻦ ﻫﻴﻦ ...... ﺳﻜﺘﺖ ﺍﺧﺠﻞ ﺍﻛﻠﻮ ﻳﻌﻨﻲ ﺷﻠﻮﻥ ﺍﻛﻠﻮ ﻋﻤﻲ ﻫﻴﺞ ﺳﻮﺍ ﺑﻴﺎ ﺍﻧﺔ ﻭﺣﺪ ﻋﻦ ﺍﻟﻌﺎﻟﻢ ﻳﺎﺭﺑﻲ ﻭﻫﻴﺞ ﺍﺗﻌﺎﻗﺐ ..
ﻓﻬﺪ .. ﻛﻮﻟﻲ ﻟﻴﺶ ﺳﻜﺘﻲ ﻛﻤﻠﻲ ﺍﻟﻲ ﺟﺎﻱ ﺗﻜﻮﻟﻴﻨﻮ ..
ﺑﻴﺎﺭﻕ .. ﺣﺪﺭﻥ ﺩﻣﻮﻋﻲ ﻭﺣﻄﻴﺖ ﺍﻳﺪﻳﻨﻲ ﻉ ﻭﺟﻬﻲ ﻭﻛﺘﻠﻮ .. ﻋﻤﻲ ﺣﻠﻖ ﺷﻌﺮﻱ ﻛﻠﻮ ...
ﻋﻔﺘﻮ ﻛﺒﻞ ﻣﺎﻳﺮﺩ ﺭﻛﻀﺖ ﻟﻠﺒﻴﺖ ﺧﺠﻼﻧﻪ ..
ﻃﺒﻴﺖ ﻟﻠﻐﺮﻓﺔ ﻭﻗﻔﻠﺖ ﺍﻟﺒﺎﺏ ﻭﺍﻧﺔ ﺍﺑﺠﻲ ﻭﺍﻣﺴﺢ ﺑﺪﻣﻮﻋﻲ ﺍﻟﻲ ﻣﺎﻳﻘﺒﻠﻮ ﻳﻮﻛﻔﻮ ..
ﺳﻤﻌﺖ ﺣﺪ ﻳﺪﻙ ﺍﻟﺒﺎﺏ ﻏﻄﻴﺖ ﺭﺍﺳﻲ ﻭﻏﻠﺴﺖ ﻋﻨﻮ ﺟﺔ ﺻﻮﺗﻮ ﻭﻫﻮ ﻳﻜﻮﻝ ..
ﻓﻬﺪ .. ﻻ ﺗﺒﻄﻴﻦ ﻛﻠﺒﻲ ﻓﺘﺤﻲ ﺍﻟﺒﺎﺏ ﺍﺣﺠﻲ ﺷﻮﻱ ﭼﻠﻤﺔ ﻭﺃﺭﻭﺡ ..
ﻏﻠﺴﺖ ﻭﺃﻧﻪ ﻣﻐﻄﻴﺔ ﺭﺍﺳﻲ
ﺿﻠﻴﺖ ﻉ ﻧﻮﻣﺘﻲ ﻣﺎﻛﻤﺖ ﺣﺪ ﻣﺎ ﻋﻤﺘﻲ ﺩﻛﺖ ﺍﻟﺒﺎﺏ ..
ﺍﻡ ﻓﻬﺪ .. ﻭﻳﻨﺞ ﻳﻮﻟﻲ ﻃﻠﻌﻲ ﺷﺒﻴﺞ ﺗﺎ ﺍﺣﺠﻲ ﻭﻳﺎﺝ ﻓﺘﺤﻲ ﺍﻟﺒﺎﺏ ..
ﻛﻤﺖ ﻓﺘﺤﺖ ﺍﻟﺒﺎﺏ ﻃﺒﺖ ﻫﻲ ..
ﻛﺎﻟﺘﻠﻲ .. ﻓﻬﺪ ﺻﺎﺭﻟﻮ ﺳﺎﻋﻪ ﻳﺮﻭﺡ ﻭﻳﺠﻲ ﻳﺴﺌﻞ ﻋﻨﺞ ﺷﺒﻴﺞ ﻳﻮﻟﻲ ﻟﻴﺶ ﻭﺟﻬﺞ ﺻﺎﻳﺮ ﺍﺣﻤﺮ ﺑﺎﺟﻴﺔ ﺷﺒﻴﺞ ..
ﺑﻴﺎﺭﻕ .. ﺍﻱ ﻋﻤﻪ ﻛﺘﻠﻮ ﻉ ﺷﻌﺮﻱ ﻛﺘﻠﻮ ﻋﻤﻲ ﺣﻠﻘﻮ ﺍﻟﻲ ..
ﺍﻟﻠﻪ ﻻ ﻳﻔﻘﻮ ﺧﻼﻧﻲ ﺑﻤﻮﻗﻒ ﻣﺤﺮﺝ ..
ﺍﻡ ﻓﻬﺪ .. ﻳﻤﺔ ﺍﻧﺔ ﻭﻳﺎﺝ ﻓﻬﺪ ﺍﻥ ﺟﺎﻥ ﻳﺤﺒﺞ ﻣﺎﺭﺍﺡ ﻳﻬﻤﻮ ﺍﺻﻼ ، ﻭﺑﻌﺪﻳﻦ ﻫﻮ ﺷﻮﻱ ﻃﺎﻝ ﻳﻌﻨﻲ ﺯﻳﻦ ﺍﻻﺫﻧﺞ ﺍﻛﻮ ﻫﻮﺍﻱ ﺣﺮﻳﻢ ﻫﻴﺞ ﺷﻌﺮﻫﻢ ﻣﺜﻠﻮ ..
ﺑﻴﺎﺭﻕ .. ﺍﻱ ﺑﺲ ﻫﻢ ﻳﻜﺼﻮ ﻭﻳﺮﻭﺣﻮ ﻉ ﺻﺎﻟﻮﻥ ﻭﻳﺴﻮﻭ ﻣﻮ ﺍﻧﺔ ﺣﻠﻘﻮ ﺍﻟﻲ ﻭﻣﻨﻮ ﺣﻠﻘﻮ ﻋﻤﻲ ..
ﺍﻡ ﻓﻬﺪ .. ﺑﻴﺎﺭﻕ ﻻ ﺗﻘﻬﺮﻳﻦ ﺭﻭﺣﺞ ﻳﻤﺔ ﻭﻫﻮ ﺍﺑﻨﻲ ﻳﺤﺒﺞ ﻣﺎﺭﺍﺡ ﻳﻬﻤﻮ ﺻﺪﻛﻲ ﻳﺤﺒﺞ ﻣﻦ ﺯﻣﺎﻥ ﻭﺻﺎﺑﺮ ﺳﻨﻴﻦ ﻫﺬﺓ ﺍﻟﺸﻲ ﻣﺎﺭﺍﺡ ﻳﻮﻛﻒ ﺑﻮﺟﻬﻮ .. ﻟﻮ ﻳﺨﻠﻲ ﻣﺎﻳﺤﺒﺞ ﻭﺑﻌﺪﻳﻦ ﻛﺘﻠﺞ ﻫﻮ ﺯﻳﻦ ﻃﺎﻳﻞ ..
ﺑﻴﺎﺭﻕ .. ﺳﻨﻴﻦ ﻗﺼﺪﺝ ﻃﻮﻝ ﺍﻟﻔﺘﺮﺓ ﺍﻟﻲ ﺟﻨﺖ ﺑﻴﻬﺔ ﺣﺮﻣﺘﻮ ﻣﻮ ﺻﺢ ﻳﺎﺭﻳﺖ ﺷﻔﺖ ﺍﻟﻲ ﻳﺮﻳﺪﻭ ﻭﻣﺸﻴﺖ ﻉ ﻣﺎﻳﻮ ﻣﺎﺟﺎﻥ ﺻﺎﺭ ﺑﻴﺎ ﻛﻞ ﻫﺬﺓ ﺍﻟﻲ ﺗﺎ ﻳﺼﻴﺮ ﻫﺴﺎﻉ ..
ﺍﻡ ﻓﻬﺪ .. ﻫﺎﺍ ﺍﻱ ﻃﻮﻝ ﺍﻟﻔﺘﺮﺓ ﺍﻟﻲ ﺍﻧﺘﻲ ﺑﻴﻬﺎ ﺣﺮﻣﺘﻮ ﻳﺤﺒﺞ ..
ﻳﻠﺔ ﻛﻮﻣﻲ ﻟﻤﻲ ﻏﺮﺍﺿﺞ ﻃﻠﻌﻴﻬﻢ ﻣﻦ ﻫﻴﻦ ﺣﺘﻰ ﺑﺎﺟﺮ ﻳﺸﻴﻠﻮ ﻫﺬﺓ ﺍﻷﺛﺎﺙ ﻭﻳﺠﻴﺒﻮ ﻏﻴﺮﻭ ..
ﻛﻤﺖ ﺷﻠﺖ ﻫﺪﻭﻣﻲ ﻫﻦ ﺷﻮﻱ ﺍﺻﻼ ..
ﺃﺧﺬﺗﻬﻢ ﻟﻐﺮﻓﺔ ﻋﻤﺘﻲ ﻭﻃﻠﻌﺖ ﻛﻠﺸﻲ ﻭﺣﺘﻰ ﻟﻔﺮﺍﺵ ..
ﻓﻬﺪ ﺑﻌﺪ ﻣﺎ ﺟﺔ ﺑﺲ ﻻ ﺿﺎﺝ ﻣﻦ ﻛﻠﺘﻮ ﺍﻟﻮ ﻟﻮ ﺑﻌﺪ ﻣﺎﻳﺮﻳﺪﻧﻲ .. ﻳﻠﻪ ﺷﺴﻮﻳﻠﻮ ﻭﻟﻮ ﺍﻧﺔ ﺍﻋﺮﻑ ﺣﻀﻲ ﻭﺍﻛﻴﺪ ﺍﻛﻮ ﺷﻲ ﻳﺨﺮﺏ ﻓﺮﺣﺘﻲ ..
ﺿﻠﻴﺖ ﻛﺎﻋﺪﻩ ﻧﻮﺏ ﻛﻤﺖ ﻧﻤﺖ ﺣﺘﻰ ﺧﺎﻑ ﻳﺠﻲ ﻣﺎﺭﻳﺪﻭ ﻳﺸﻮﻓﻨﻲ ﻟﻬﺬﺓ ﺍﻟﺴﺒﺐ ﻛﻠﺖ ﺍﻧﺎﻡ ﺃﺗﻬﺮﺏ ﻣﻨﻮ ..
ﻭﺻﺪﻙ ﻧﻤﺖ ﻛﻌﺪﺕ ﺍﻟﺼﺒﺢ ﺍﺳﻤﻊ ﻫﻮﺳﺔ ﺑﻠﺒﻴﺖ .. ﺣﻄﻴﺖ ﺣﺠﺎﺏ ﻉ ﺭﺍﺳﻲ
ﻃﻠﻌﺖ ﺭﺣﺖ ﻟﻠﻤﻄﺒﺦ ﻟﻜﻴﺖ ﻧﺠﻼﺀ ﻭﻏﺰﺍﻝ ﻭﻋﻤﺘﻲ ﻛﺎﻋﺪﺍﺕ ..
ﺻﺒﺤﺖ ﻋﻠﻴﻬﻢ .. ﻛﻠﺖ ﺷﻨﻮ ﻫﺎﻱ ﺍﻟﻬﻮﺳﺔ ﺍﻟﻲ ﺑﻠﺒﻴﺖ ..
ﻧﺠﻼﺀ .. ﻋﻴﻨﻲ ﻫﺎﻱ ﻏﺮﻓﺔ ﻟﺤﻀﺮﺗﺞ .. ﺗﺤﺠﻲ ﻭﻫﻲ ﺗﺪﺣﻚ ﻋﻠﻲ ﺑﻄﺮﻑ ﻋﻴﻦ ﻭﺗﻬﺰ ﺍﻳﺪﻫﺔ ..
ﺍﻡ ﻓﻬﺪ .. ﻳﻤﺔ ﺗﺎ ﻳﺸﻴﻠﻮ ﺍﻟﻐﺮﻓﺔ ﺍﻟﻘﺪﻳﻤﺔ ﺣﺘﻰ ﻳﺤﻄﻮ ﺍﻟﻐﺮﻓﺔ ﺍﻟﺠﺪﻳﺪﺓ ﺍﻟﻠﻪ ﻳﻬﻨﻴﻜﻢ ﺑﻴﻬﺎ ﻳﺎﺭﺏ ..
ﺑﻴﺎﺭﻕ .. ﻫﺎﺍ ﻣﺸﻜﻮﺭﺓ ﻋﻤﺔ .. ﺍﻛﻠﺞ ﻫﻮ ﻓﻬﺪ ﻣﺎﺣﺠﺔ ﺷﻲ ﻳﻌﻨﻲ ﻳﺨﺺ ﺍﻟﻜﻼﻡ ﺍﻟﻲ ﻛﻠﺘﻮ ﺍﻟﻮ ..
ﺍﻡ ﻓﻬﺪ .. ﺍﻱ ﻣﻦ ﺟﺔ ﺳﺌﻠﻨﻲ ﺣﺎﺟﻴﺘﻮ ﻭﻛﺎﻝ ﻋﺎﺩﻱ ﺍﺻﻼ ﺑﺲ ﻫﻲ ﻣﺎﺩﺭﻱ ﻟﻴﺶ ﺷﺮﺩﺕ ﻣﻦ ﻳﻤﻲ ﻣﺎﺧﻠﺘﻨﻲ ﺍﻛﻤﻞ ﻭﻳﺎﻫﺎ ..
ﺑﻴﺎﺭﻕ .. ﻫﺎﺍ ﺯﻳﻦ ﺍﻟﺤﻤﺪﺍﻟﻠﻪ .. ﻛﺎﻣﺖ ﻋﻤﺘﻲ ﻃﻠﻌﺖ
ﻏﺰﺍﻝ .. ﺷﻨﻮ ﺍﻟﻤﻮﺿﻮﻉ ﺍﻟﻲ ﻫﻴﺞ ﺍﻧﺘﻲ ﺗﺎ ﺍﺷﻮﻓﺞ ﻣﻬﺘﻤﺘﻠﻮ ﭼﺜﻴﺮ ﻭﺷﻜﻠﺞ ﺧﺎﻳﻔﻪ ﻣﻨﻮ ..
ﺑﻴﺎﺭﻕ .. ﻣﺎﻛﻮ ﺷﻲ ﻣﻮﺿﻮﻉ ﻋﺎﺩﻱ ﺑﻴﻨﺎﺗﻨﻪ ..
ﻏﺰﺍﻝ .. ﻋﺠﻞ ﻟﻴﺶ ﻫﻴﺞ ﺧﺎﻳﻔﻪ ﻭﺗﺎ ﺗﺴﺌﻠﻴﻬﺔ ﻉ ﺭﺩ ﻓﻌﻠﻮ ..
ﺑﻴﺎﺭﻕ .. ﻛﺘﻠﻬﺔ ﻣﻦ ﻭﺭﺍ ﺧﺸﻤﻲ .. ﻣﻮﺿﻮﻉ ﺑﻴﻨﺎﺗﻨﻪ ﺧﺼﻮﺻﻲ ﻻ ﺗﺪﺧﻠﻴﻦ ﺭﺟﺎﺀﺍ ، ﻭﺣﺪﺓ ﻫﻲ ﻭﺯﻟﻤﺘﻬﺔ ﻟﻴﺶ ﺗﺎ ﺗﺴﺌﻠﻴﻦ ﺟﺜﻴﺮ ..
ﻧﺠﻼﺀ .. ﻣﺼﺪﻛﺔ ﺭﻭﺣﻬﺔ ﻳﻮﻣﻴﻦ ﻭﻳﻜﻄﺞ ﻏﺰﺍﻝ ﺷﻜﻠﻬﺔ ﻫﻲ ﻣﺎﺗﺪﺭﻱ ﺍﻟﻤﺼﻴﺒﻪ ﺍﻟﻲ ﻣﺤﻀﺮﻫﺔ ﺍﻟﻬﺎ ﻭﺭﺍ ﺍﻟﺰﻭﺍﺝ ..
ﻏﺰﺍﻝ .. ﺍﻱ ﻭﺍﻟﻠﻪ ﺣﻜﻬﺔ ﻣﺎﺗﺪﺭﻱ ﺭﺍﺡ ﺗﻜﻮﻥ ﺍﺣﻠﻰ ﻫﺪﻳﺔ ﻣﻨﻮ ﺍﻟﺞ ، ﻭﺑﻌﺪﻳﻦ ﺗﺮﺓ ﺍﻧﺘﻲ ﻫﻮ ﻣﻮ ﺑﺲ ﺍﻟﺞ ﻋﻨﺪﻭ ﻏﻴﺮﺝ ﻻ ﺗﺤﺎﻭﻟﻲ ﺗﺘﻤﻠﻜﻴﻨﻮ ..
ﻧﺠﻼﺀ .. ﺍﻧﻪ ﻟﻮ ﺑﻴﺪﻱ ﺍﻛﻄﺞ ﺑﺮﺓ ﻫﺬﺓ ﺍﻟﺒﻴﺖ ﺑﻜﺒﺮﻭ ﻭﺍﺫﺍ ﺍﻃﺒﻴﻨﻮ ﺍﻛﺴﺮ ﺭﺟﻮﻟﺞ ﺑﺲ ﻳﻠﻪ ﺗﺤﻀﺮﻱ ﻟﻠﻲ ﺭﺍﺡ ﺗﺸﻮﻓﻴﻨﻮ ﻻ ﻋﺒﺎﻟﺞ ﻧﺨﻠﻴﺞ ﺗﺮﺗﺎﺣﻴﻦ ..
ﺍﻭﻝ ﻣﻔﺎﺟﺌﺔ ﺍﻟﺞ ﻣﻨﺎ ﺑﻌﺪ ﺯﻭﺍﺟﻜﻢ ﺗﻮﺻﻞ ﺍﻟﺞ ﻭﻳﺠﻮﺯ ﺑﻴﻮﻡ ﺯﻭﺍﺟﻜﻢ ﻳﻌﻨﻲ ﺍﻟﻴﻮﻡ ..
ﻛﺘﻠﻬﺔ ﻣﺎ ﺍﻫﺘﻢ ﻟﻜﻞ ﺍﻟﺤﺠﻲ ﺍﻟﻲ ﺗﻜﻮﻟﻴﻨﻮ ﻣﺎﺷﻲ ﻭﺑﻌﺪﻳﻦ ﺗﻌﺎﻱ ﺍﻧﺘﻲ ﻭﺭﻳﺘﻨﻲ ﻭﺭ ﻻ ﻋﺒﺎﻟﺞ ﻫﺴﺎﻉ ﺍﺧﺎﻑ ﻣﻦ ﺍﻟﻲ ﻛﻠﺘﻲ ﻣﺎﺷﻲ ..
ﻃﺐ ﻓﻬﺪ ﻭﺳﻜﺘﻨﻪ ﻛﻠﻨﻪ ﺷﻜﻠﻮ ﻋﺼﺒﻲ ﻋﺎﻛﺪ ﺣﻮﺍﺟﺒﻮ ﻋﺾ ﺻﺒﻌﻮ ﻭﻛﺎﻝ ﺷﺼﺎﻳﺮ ﻫﻴﻦ ﻳﻮﻟﻲ ﻟﻴﺶ ﺻﻮﺗﻜﻢ ﻃﺎﻟﻊ ﻋﻴﺐ ﻣﻦ ﻋﺎﻟﻢ ﺗﺎ ﻳﺴﻮﻥ ﺑﻠﻐﺮﻓﺔ ، ﺍﺫﺍ ﺳﻤﻌﺖ ﺣﺲ ﻭﺣﺪﺓ ﻣﻨﺠﻦ ﻟﺴﺎﻧﻬﺔ ﺍﻛﺼﻮ ﻣﺎﺗﺴﺘﺤﻦ ﺗﺘﻜﺎﻭﻧﻦ ﻭﺃﻧﻪ ﻫﻴﻦ ﻋﺠﻞ ﻟﻮ ﺍﻃﻠﻊ ﻣﻦ ﺍﻟﺒﻴﺖ ﺷﺘﺴﻮﻥ ..
ﻧﺠﻼﺀ .. ﻭﺍﻟﻠﻪ ﻋﻴﻨﻲ ﻫﺎﻱ ﺣﺮﻣﺘﻚ ﺍﻟﺠﺪﻳﺪﺓ ﺗﺎ ﺗﻌﺎﺭﻙ ﺑﻴﻨﺎ ﻭﺗﺤﺠﻲ ﻭﺗﺘﻮﻋﺪ ﺍﻟﻨﺎ ﺍﺣﻨﻪ ﻣﺎﻟﻨﻪ ﺷﻐﻞ ..
ﻋﻜﺪ ﺣﻮﺍﺟﺒﻮ ﻭﺩﺣﻜﻠﻲ .. ﻳﻮﻝ ﺍﻧﺘﻲ ﻛﻀﺒﻲ ﻟﺴﺎﻧﺞ ..
ﻛﺘﻠﻮ .. ﻭﺍﻟﻠﻪ ﻣﺎ ﺍﻧﺔ ﺍﻟﻲ ﺣﺠﻴﺖ ﻫﻦ ﺣﺠﻦ ..
ﻓﻬﺪ .. ﻳﻠﻪ ﻭﻫﺴﺎﻉ ﺳﻜﺘﻦ ﺍﻥ ﺳﻤﻌﺖ ﺣﺲ ﻭﺣﺪﺓ ﺍﻟﻌﺐ ﺑﻴﺠﻦ ﻟﻌﺐ ..
ﻃﻠﻊ ﻭﻫﻮ ﻳﻤﺸﻲ ﺳﺮﻳﻊ ﻭﻋﺼﺒﻲ ..
ﺭﺣﺖ ﻟﻠﻄﺒﺎﺥ ﺍﺣﻤﻲ ﺍﻟﺠﺎﻱ ﻛﺒﻞ ﻋﺎﻛﺪﺓ ﺣﻮﺍﺟﺒﻲ ﻟﻴﺶ ﻫﻴﺞ ﺯﻛﺢ ﺑﻴﺎ .. ﺷﺴﻮﻳﺖ ﺍﻧﻪ ﺑﻌﺪﻧﻲ ﻣﺎﺭﺟﻌﺖ ﺍﺷﺘﻐﻞ ﺍﻟﺠﺬﺏ ﻋﻠﻲ ..
ﺣﻄﻴﺘﻮ ﻭﻃﻠﻌﺖ ﺧﺒﺰ ﻭﺟﺒﻦ ﻭﻛﻌﺪﺕ ﺍﻛﻞ ..
ﺟﻮﻋﺎﻧﻪ ﭼﺜﻴﺮ ﻟﻬﻴﺞ ﺍﻛﻠﺖ ﻛﻠﺸﻲ ﻭﻛﻤﺖ ..
ﺿﻠﻴﺖ ﻛﺎﻋﺪﺓ ﺑﻠﻤﻄﺒﺦ ﻭﻫﻦ ﻃﺒﺨﻦ ..
ﻭﺍﻧﺔ ﻣﺎﺣﺮﻛﺖ ﺍﻳﺪﻱ ﻭﻳﺎﻫﻦ ﻳﻮﻟﻦ ﺷﻨﻮ ﻛﻠﻮ ﺑﺮﺃﺱ ﺑﻴﺎﺭﻕ ﻫﺴﺎﻉ ﻣﺎ ﺍﺭﺟﻊ ﻫﻴﺞ ﻏﺼﺒﺎ ﻋﻠﻴﻬﻦ ﻫﻦ ﻳﺴﻮﻥ ..
ﺭﺍﺣﻮ ﺍﻟﻌﺎﻟﻢ ﺟﺔ ﻓﻬﺪ ﻛﺎﻝ ﺗﻌﺎﻱ ﻳﻮﻝ ﺷﻮﻓﻲ ﻏﺮﻓﺘﺞ ﺍﻟﺠﺪﻳﺪﺓ ..
ﻃﺒﻴﺖ ﺍﻟﻬﺔ ﺗﺨﺒﻞ ﺗﺠﻨﻦ .. ﻓﺮﺣﺖ ﭼﺜﻴﺮ ..
ﻣﺸﺘﺮﻱ ﺍﻟﻬﺎ ﻫﻢ ﻫﻮﺍﻱ ﺍﺷﻴﺎﺀ ﻭﺗﺤﻔﻴﺎﺕ ﻭﻓﺮﺷﺎﺕ ..
ﻛﺎﻝ .. ﻋﺪﻟﻨﻬﺔ ﺣﺘﻰ ﺍﻟﻌﺼﺮ ﺗﺮﻭﺣﻦ ﻟﻠﺴﻮﻙ ﻭﻣﻦ ﺗﺮﺟﻌﻦ ﻧﻌﻘﺪ ..
ﻛﺘﻠﻮ ﻣﺎﺷﻲ .. ﻃﻠﻊ ﻫﻮ ﻭﺍﻧﺔ ﻛﻌﺪﺕ ﺍﻋﺪﻝ ﺑﻴﻬﺎ ﻓﺮﺣﺎﻧﻪ ﻓﺮﺣﺘﻲ ﻣﺎﺗﻨﻮﺻﻒ ..
ﺧﻠﺼﺘﻬﺔ ﻭﻃﻠﻌﺖ ﻧﻮﺏ ﺑﺲ ﺧﻠﺼﻨﻪ ﻏﺪﺍ ﻃﻠﻌﻨﻪ ﻟﻠﺴﻮﻙ ..
ﺭﺣﻨﻪ ﻭﻓﺘﺮﻳﻨﻪ ﺷﺘﺮﻳﻦ ﻫﺪﻭﻡ ﭼﺜﻴﺮ ﺃﺷﻜﺎﻝ ﻭﺍﻟﻮﺍﻥ ..
ﻭﺷﺘﺮﻳﺖ ﻣﻜﻴﺎﺝ ﻭﻣﻦ ﺧﻠﺼﻨﻪ ﺧﺬﺗﻨﻲ ﻋﻤﺘﻲ ﻟﻠﺼﺎﻟﻮﻥ ﺣﻔﻴﺖ ﻭﺟﻬﻲ ..
ﻭﺑﺲ ﺭﺟﻌﻨﻪ ﻟﻠﺒﻴﺖ ﻏﺴﻠﺖ ﻭﻛﻌﺪﺕ ﺟﺔ ﻓﻬﺪ ﻛﺎﻝ ﻫﺬﺓ ﻫﻮ ﺑﻌﺪ ﻣﺎﻛﻮ ﺩﺍﻋﻲ ﻧﺎﺟﻞ ﺍﻟﺴﺎﻟﻔﻪ ﻫﺴﺎﻉ ﺷﻮﻱ ﻭﻧﻌﻘﺪ ﺑﺲ ﺍﺟﻴﺐ ﺍﻟﺸﻴﺦ ..
ﺍﻧﺔ ﺧﺠﻠﺖ ﻣﺎﺭﺩﻳﺘﻮ .. ﻋﻤﺘﻲ ﻛﺎﻟﺘﻠﻮ ﺍﻱ ﻳﻤﻪ ﺳﺘﻌﺠﻞ ..
ﻃﺒﻴﻨﻪ ﻟﻠﻐﺮﻓﺔ ﻧﺮﺗﺐ ﺑﻼﻏﺮﺍﺽ ﺣﺪ ﻣﺎﻳﺠﻲ ﺍﻟﺸﻴﺦ ..
ﺧﻠﺼﻨﻪ ﻭ ﺗﺎ ﺍﺭﺗﺐ ﺑﻠﻤﻜﻴﺎﺝ ﻃﺒﺖ ﻧﺠﻼﺀ ..
ﻧﺠﻼﺀ .. ﺗﻌﺎﺍﺍﻱ ﻋﻴﻨﻲ ﺟﺔ ﺍﻟﺸﻴﺦ ﻳﻌﻘﺪ ﺍﻟﻜﻢ ﻭﺍﻟﻠﻪ ﺧﻮﺵ ﺍﻧﻪ ﺍﺟﻲ ﻭﺍﺻﻴﺤﻠﺞ ..
ﻛﻤﺖ ﻣﺎﺭﺩﻳﺘﻬﺔ ﻣﺎﺭﻳﺪ ﺗﻀﻴﻊ ﻓﺮﺣﺘﻲ ..
ﻃﻠﻌﺖ ﺟﺖ ﻋﻤﺘﻲ ﺗﻬﻠﻬﻞ ﻭﺗﻜﻮﻝ ﻳﺎﺭﺏ ﺃﺗﻢ ﻉ ﺧﻴﺮ ﺗﻌﺎﻱ ..
ﺍﺧﺬﺗﻨﻲ ﻭﻛﻔﺖ ﺑﺴﺪ ﺍﻟﺒﺎﺏ ﺟﺎﺑﺖ ﻋﻤﺘﻲ ﻋﺒﺎﻳﻪ ﻟﺒﺴﺘﻨﻲ ..
ﻭﺍﻟﺸﻴﺦ ﻋﻘﺪ ﺍﻟﻨﺎ ﺑﺲ ﺍﻧﻪ ﻃﺒﺖ ﺍﻟﻜﻠﺒﻲ ﻓﺮﺣﺔ ﻣﺎ ﺗﻮﻧﺼﻒ ..
ﻭﺍﺧﻴﺮﺍ ﺭﺍﺡ ﺍﺭﺗﺎﺡ ﺑﺤﻴﺎﺗﻲ ﺑﻌﺪ ﺍﻟﺘﻌﺐ ﻛﻠﻮ ﻭﻣﺎ ﺍﺧﻠﻲ ﻧﺠﻼﺀ ﻭﻏﺰﺍﻝ ﻳﺄﺛﺮﻭﻥ ﺑﻴﺎ ﻭﺑﺤﻴﺎﺗﻲ ..
ﻋﻤﺘﻲ ﺿﻠﺖ ﺗﻬﻠﻬﻞ ﻭﺑﺎﺭﻛﺖ ﺍﻟﻲ ..
ﺟﺮﺗﻨﻲ ﻣﻦ ﺍﻳﺪﻱ ﻟﻠﻐﺮﻓﺔ ..
ﺍﻡ ﻓﻬﺪ .. ﻫﻠﻤﺮﺓ ﺣﺮﻣﺘﻮ ﻣﻦ ﺻﺪﻙ ﻣﻮ .. ﻛﺎﻓﻲ ﻫﻮ ﺗﻌﺐ ﻭﺻﺒﺮ ﻭﺣﺴﺴﻲ ﺑﺤﺒﺞ ﻻﻥ ﺍﻧﺘﻲ ﺗﺤﺒﻴﻨﻮ ﺍﺻﻼ . ﻻ ﺗﻘﻬﺮﻳﻨﻮ ﺑﻠﺤﺠﻲ ﻭﻻ ﺗﻌﺼﺒﻴﻨﻮ ﻻﻥ ﻫﻮ ﻋﺼﺒﻲ ﻛﻠﺶ ﻭﺍﻧﺘﻲ ﺗﺪﺭﻳﻦ ﺑﻌﺪ ..
ﺑﻴﺎﺭﻕ .. ﺍﻥ ﺷﺎﺀﺍﻟﻠﻪ ﻋﻤﻪ ﺭﺍﺡ ﺃﻛﻮﻥ ﻋﺪ ﺣﺴﻦ ﺿﻨﺞ ..
ﺑﺎﺳﺖ ﺭﺍﺳﻲ ﻭﺃﻧﻪ ﺑﺴﺘﻬﺔ ﻭﻃﻠﻌﺖ ..
ﻛﻤﺖ ﺍﺧﺬﺕ ﺣﻼﻭﺓ ﺣﺘﻰ ﺍﻧﻈﻒ ﺟﺴﻤﻲ ﻣﻦ ﺍﻟﺸﻌﺮ ..
ﻃﺒﻴﺖ ﻟﻠﺤﻤﺎﻡ ﺣﺘﻰ ﺍﺳﻮﻱ ﺗﻌﺒﺖ ﻭﺟﺴﻤﻲ ﻳﺼﻴﺮ ﻛﻠﻮ ﺍﺣﻤﺮ ..
ﺧﻠﺼﺖ ﻭﺳﺒﺤﺖ ﻭﻃﻠﻌﺖ ﻻﺑﺴﻪ ﺍﻟﺒﺮﻧﺺ ..بيج قصص عراقيه حقيقيه من واقعنا.روعه الطائي
ﺑﻠﺸﺴﻮﺍﺭ ﺳﻮﻳﺖ ﺷﻌﺮﻱ ﻻﻥ ﻫﻮ ﻛﺼﻴﺮ ﺑﺴﺮﻋﻪ ﻳﻮﻛﻒ ﻳﺼﻴﺮ ﻳﻔﺸﻞ ..
ﺳﻮﻳﺘﻮ ﺻﺪﻙ ﻟﻮ ﻛﺎﻟﺖ ﻋﻤﺘﻲ ﺯﻳﻦ ..
ﺍﻟﺪﻧﻴﻪ ﻏﺮﻭﺏ ﺻﺎﺭﺕ .. ﺩﻙ ﺍﻟﺒﺎﺏ ﻛﻠﺖ ﻓﻮﺕ ..
ﻃﺐ ﻫﻮ ﺩﺣﻜﻠﻲ ﻭﺑﺘﺴﻢ ..
ﺍﻧﻪ ﺑﺎﺩﻟﺘﻮ ﺍﻻﺑﺘﺴﺎﻣﺔ ﺟﺔ ﻳﻤﻲ ﻭﻛﻒ ﺟﺪﺍﻣﻲ ﻛﺎﻝ ﺩﻛﻴﺖ ﺍﻟﺒﺎﺏ ﻛﻠﺖ ﺧﺎﻑ ﻣﺎﺩﻛﻮ ﻭﻫﻲ ﺗﺨﺠﻞ ﻭﺗﻄﺮﺩﻧﻲ ﻣﻦ ﻫﻴﻦ ..
ﺑﻴﺎﺭﻕ .. ﻫﻬﻬﻪ ﻻ ﻋﺎﺩﻱ ..
ﻓﻬﺪ .. ﺷﻌﺮﺝ ﺣﻠﻮ ..
ﺣﻄﻴﺖ ﺍﻳﺪﻱ ﻉ ﺷﻌﺮﻱ ﻭﺧﺠﻠﺖ ﻛﺘﻠﻮ ﻻ ﺗﺠﺎﻣﻠﻨﻲ ..
ﻟﻒ ﺍﻳﺪﻭ ﻉ ﺧﺼﺮﻱ ﻭﺳﺤﺒﻨﻲ ﺍﻟﻮ ﺣﻂ ﺍﻳﺪﻭ ﺍﻟﺜﺎﻧﻲ ﻉ ﺷﻌﺮﻱ ﻳﺤﺮﻙ ﺑﻲ ..
ﻓﻬﺪ .. ﺍﺣﺒﺞ ﺑﻜﻞ ﺷﻲ ﺑﻴﺞ ﻭﺍﺻﻼ ﺍﻧﺘﻲ ﺣﻠﻮﺓ ﺑﺪﻭﻥ ﺷﻲ ﻳﻮﻟﻲ ﺍﻋﺸﻜﺞ .. ﺍﻛﻠﺞ ﻫﺴﺎﻉ ﺍﻧﺘﻲ ﺻﺮﺗﻲ ﺣﺮﻣﺘﻲ ﺷﻨﻮ ﻣﻨﺘﻈﺮﻳﻦ ﺑﻌﺪ ..
ﺑﻴﺎﺭﻕ .. ﺷﻨﻮ؟ ..
ﻓﻬﺪ .. ﻳﻮﻝ ﻓﻬﻤﻲ ﻗﺼﺪﻱ .. ﻣﺎﺣﺴﻴﺖ ﻋﻠﻲ ﺍﻟﺔ ﻫﻮ ﻳﺸﻴﻠﻨﻲ ..
ﻛﺘﻠﻮ ﺣﻄﻨﻲ ﻻ ﺍﻃﻴﺢ .. ﻫﻬﻬﻪ ﻓﻬﺪ ﻻ ﺍﺧﺎﻑ ﻭﺍﺣﺪ ﻳﺸﻴﻠﻨﻲ ..
ﻓﻬﺪ ... ﻫﻬﻬﻪ ﻻ ﺗﺨﺎﻓﻴﻦ ﻭﺍﻧﺘﻲ ﻳﻤﻲ ..
ﺣﻂ ﺭﺟﻠﻮ ﻉ ﺳﺮﻳﺮ ﻭﺣﻄﻨﻲ ﻭﻧﺎﻡ ﺑﺴﺪﻱ ﺣﻂ ﺍﻳﺪﻭ ﻉ ﺧﺼﺮﻱ ..
ﺩﺣﻜﺘﻠﻮ ﻭﻛﺘﻠﻮ .. ﻓﻬﺪ ﺗﻌﺒﺖ ﺍﻧﻪ ﻓﺪﻭﺓ ﻻ ﺗﺨﺬﻟﻨﻲ ﻭﺗﺨﻠﻴﻨﻲ ﺍﻧﺪﻡ ﻻﻥ ﺭﺟﻌﺖ ﺍﻟﻚ ﺧﻠﻴﻚ ﺳﻨﺪ ﺍﻟﻲ ..
ﺩﺣﻚ ﺑﻌﻴﻮﻧﻲ ﻭﺃﺧﺬ ﻧﻔﺲ ﻭﺯﻓﺮﻭ .. ﻗﺮﺏ ﺭﺍﺳﻮ ﻣﻨﻲ ..
ﻓﻬﺪ .. ﺍﻧﺔ ﻣﺎ ﺍﺧﺬﻟﺞ ﻭﺍﺣﺒﺞ ﺍﻛﺜﺮ ﻣﻦ ﺭﻭﺣﻲ ﻭﺍﻟﻠﻪ ﺑﺲ ﻣﺎ ﺍﻛﺪﺭ ﺍﻭﻋﺪﺝ ﺑﻌﺼﺒﻴﺘﻲ ﻣﺎ ﺍﺯﻛﺢ ﺑﻴﺞ ﻣﺜﻼ ..
ﻭﺍﻧﺘﻲ ﻫﻢ ﺻﻴﺮﻱ ﻧﺒﻬﺔ ﻭﺷﻐﻠﻲ ﻋﻘﻠﺞ ﻭﺍﺣﺠﻲ ﺑﺴﺮﻋﻪ ﻣﻮ ﻳﺤﺠﻮﻥ ﺷﻲ ﻭﺃﻧﻪ ﺍﺷﺘﻌﻞ ﻧﺎﺭ ﻭﺍﺭﻳﺪ ﺍﺳﻤﻊ ﻣﻨﺞ ﺍﻧﺘﻲ ﻣﺎﺗﺤﺠﻴﻦ ..
ﺑﻴﺎﺭﻕ .. ﺑﺲ ﺍﺧﺎﻑ ﻣﻨﻚ ﻻﻥ ﺗﺰﻛﺢ ﺑﻴﺎ ﭼﺜﻴﺮ ﻭﺍﻟﻠﻪ ﻣﻦ ﺗﺰﻛﺢ ﺭﺟﻮﻟﻲ ﻣﺎﻳﺸﻴﻠﻮﻧﻲ ..
ﻓﻬﺪ .. ﺍﺷﺸﺶ ﺑﻌﺪ ﻻ ﺗﺨﺎﻓﻲ ﻣﻨﻲ ..
ﻓﺘﺤﺖ ﺍﻟﺒﺎﺏ ﻋﻤﺘﻲ ﻭﻃﺒﺖ ﺩﺣﻜﺖ ﻋﻠﻴﻨﻪ ﻛﺎﻟﺖ ﺷﺴﻮﻭﻥ ﻏﻴﺮ ﺗﻘﻔﻠﻮﻥ ﺍﻟﺒﺎﺏ ﻣﺎ ﺗﺴﺘﺤﻮﻥ ﻳﻮﻟﻲ ..
ﻓﻬﺪ .. ﺍﻟﻠﻪ ﻭﺃﻛﺒﺮ ﻳﻤﻪ ﺷﻨﻮ ﻣﺎﻧﺴﺘﺤﻲ ﺣﺘﻰ ﺑﻮﺳﺔ ﻣﺎ ﺣﺼﻠﺖ ﻭﺍﻟﻠﻪ ..
ﺍﻡ ﻓﻬﺪ .. ﻳﺎﺍﺍ ﺻﺪﻙ ﺻﺎﻳﺮ ﻣﺎﻋﻨﺪﻙ ﺧﺠﻞ ﻳﺮﻳﺪ ﻳﺒﻮﺱ ﻭﺍﻟﻠﻪ ﺍﻧﻚ ﺍﻱ ﺧﺠﻞ ﻣﺎﻋﻨﺪﻙ ..
ﺿﺤﻚ ﻫﻮ ﻭﻫﻲ ﺿﺤﻜﺖ ﻭﻃﻠﻌﺖ ﻛﺎﻡ ﻫﻮ ﻗﻔﻞ ﺍﻟﺒﺎﺏ ..
ﻓﻬﺪ .. ﺣﺘﻰ ﻣﺎ ﺗﻄﺐ ﻋﻠﻴﻨﻪ ﻫﻲ ﻟﻮ ﻏﻴﺮﻫﺎ ﻭﻳﻜﻮﻟﻮ ﻣﺎﻳﺴﺘﺤﻮ .. ﺟﺔ ﻛﻌﺪ
ﻛﻤﺖ ﻛﺘﻠﻮ ﺷﻮﻑ ﺍﻧﺔ ﺷﻼﺑﺴﻪ ﻭﻫﻲ ﺷﺎﻓﺘﻨﻲ ﻭﺍﻟﻠﻪ ﻋﻴﺐ ﺧﻠﻲ ﺍﺑﺪﻟﻮ ..
ﻛﻀﺒﻨﻲ ﻣﻦ ﺍﻳﺪﻱ ﺟﺮﻧﻲ ﺣﻄﻨﻲ ﻉ ﺭﺟﻠﻮ ..
ﺣﻂ ﺭﺍﺳﻮ ﺑﺮﻛﺒﺘﻲ ﻳﺒﻮﺱ ﺑﻴﻬﺎ ﻛﻤﺖ ﺑﺴﺮﻋﻪ ﺟﺮﻧﻲ ..
ﻧﻮﻣﻨﻲ ﻭﺣﻂ ﺍﻳﺪﻭ ﻉ ﺷﻔﺘﻲ ..
ﻓﻬﺪ .. ﻻ ﺗﺤﺠﻴﻦ ﺷﻲ ﻭﻻ ﺗﺸﺮﺩﻳﻦ ﺭﺣﻤﻲ ﺑﺤﺎﻟﻲ ﺍﺣﺒﺞ ﻭﺍﻋﺸﻜﺞ ﻭﺍﺭﻳﺪ ﺍﺷﺒﻊ ﻣﻨﺞ ..
ﺑﻴﺎﺭﻕ .. ﻫﻬﻬﻬﻬﻬﻬﻬﻬﻬﻬﻬﻪ
ﻓﻬﺪ .. ﺷﺒﻴﺞ ﺗﻀﺤﻜﻴﻦ ﻳﻮﻝ ﺭﺣﻤﻲ ﺑﻴﺎ ..
( ﺍﻧـﻪ ﺑﻴـﺎ ﺣـﺎﻝ ﻭﺗـﻀﺤﻜﻴﻦ
ﺍﺭﺣﻤـﻲ ﺑﺤـﺎﻝ ﻣﻜـﺮﻭﺩﭾ )
ﺭﺟﻊ ﺑﺎﺳﻨﻲ ﺍﻧﻪ ﻣﺎﺻﺒﺮ ﺃﺣﺒﻮ ﻫﻢ ﻭﻣﺘﻠﻬﻔﺔ ﺍﻟﻮ ﻣﺎ ﻛﻀﺒﺖ ﺭﻭﺣﻲ ..
ﺑﺎﺩﻟﺘﻮ ﺑﻜﻞ ﺣﺐ ﻭﻟﻬﻔﺔ .. ﺣﺪ ﻣﺎﺻﺮﻧﺔ ﻭﺍﺣﺪ ..
ﻭﺃﺗﻘﺮﺏ ﻣﻨﻲ ﻭﺍﺧﻴﺮﺍ ﺻﺮﺕ ﺍﻟﻮ ﻭﺣﺮﻣﺘﻮ ﺑﻠﻔﻌﻞ ..
ﻣﺎﺩﺭﻱ ﺍﺫﺍ ﺭﺍﺡ ﺍﺭﺗﺎﺡ ﺑﺤﻴﺎﺗﻲ ﺍﻟﻲ ﺑﺪﺕ ﻣﻦ ﺟﺪﻳﺪ ﻣﻌﻮ ..
ﻛﻞ ﺍﻟﻲ ﺍﻋﺮﻓﻮ ﻫﺴﺎﻉ ﻫﻮ ﺍﻧﺔ ﺃﺣﺒﻮ ﻭﺍﺭﻳﺪﻭ ..
........... ﻳﺘﺒﻊ
ﻟﺘﻨﺴﻮﻥ ﺍﻟﺘﺼﻮﻳﺖ + ﺗﻌﻠﻴﻖ ..🖤
ﺃﺗﻤﻨﻰ ﻳﻜﻮﻥ ﺍﻟﺒﺎﺭﺕ ﻧﺎﻝ ﺇﻋﺠﺎﺑﻜﻢ ..🖤.
|