[لامارا]

#مهاب__الذيب__ج٣
بقلم أنو أنو ( رشا )
#بارت١٠٠الأخيررررر
القسم الثالث والاخيرر
مهاب الذيب
للكاتبه انو انو
...............................

مهاب يروي الاحداث
.............................
وصلت كرار ورجعت للبيت حسيت مشتاق لمهره
قررت اتقربلها
خابرت مهره
مهاب: وين انتي
مهره: اليوم ماعدنا شي غدانا سمج شوي والبيت نظيف رجعت نمت
مهاب: ابقي بمكانج
مهره: ههههه تتأخر
مهاب: نص ساعه ويمج
وصلت للبيت لكيت امير موجود ونازل من غرفته
مهاب: شعندك
امير: ماعندي شي نسيت محفظتي
طلع بسرعه
نورا تركض وراه
تصيح
نورا: امير وين
امي: شكو
نورا: اخذ سلاحه وطلع
طلعت وراه ماكو اختفى
اخابره ماكو
خابرت فيصل
فيصل: وين راح
خابرتني مهره
مهره: الحك اخوك راح لهيثم😭
ندور خابرنا ساره ماتعرف شي
رحنا لاهل هيثم ماكو ابنهم
المغرب فيصل خابرني
فيصل: اخوك مات ولك اخونا مات مات امير
ماصدكت انصدمت
مهاب: وين
اريد انطق مااكدر احجي
مهاب: وين انتوا
اريد اسوق مااكدر ايدي ترجف رحت للمكان
متأكد امير ماميت
لكيت ناس ملتمين وفيصل يلطم على راسه
نزل ابوي ومحمد من سياره
امشي ومامصدك اعرف عايش
وكفت لكيت جثتين
نزلت اباوع لكيت امير مغطي
مهاب: اكيد مو امير مو صح فيصل
ابوي: ولكم ابني ابني
مذبوح بركبته مرعب شكله وطلقتين بصدره
اصرخ والطم ومامصدك
مهاب: مو اخوي مو اخوي
شرطه وناس
الطم مثل المخبل واصيح
مهاب: مو امير ولك امييييررررررر. اميرررررر
.........................
مهره تروي الاحداث
..........................
نورا: وين راح اووف ياربي😭
الظهر وعمتي صاحت
عمتي: ااااخ ياصدري
اسرار: شبيج يمه
عمتي: مااعرف
نزلت دمعتها
كامت توضت ووفتحت القرأن
عمتي: القرأن يحفظكم
عايشين بقلق
نخابر محد يرد مانعرف شي
نورا: شلون عرفتي رايح لهيثم
مهره: خابرت ساره بلغتني اجتها رساله تهديد من هيثم وثبت هو الي ذابح امج وگاتل ابني قيس😭 وامير راح لهيثم
نورا: ليش ماحجيتي من الاول ليش هيج سويتي
اسرار هدئتها
اجه عمهم نائل وشاكر
عمتي: خير
كام يبجي
عمتي: شكو
نائل: مات امير
نورا: لا لا لااااااااا مايموت مايموت يماااااا
مامصدكين لطم وصياح رعب برعب
نص ساعه واجت سيارات ونزلوا تابوت
مهره: عزا هاي صدك
نورا: مو رجلي
تصيح بخبال والبنات والكل يتصارخ
عمتي: جبت اخوك ميت ولك مهاب رجعتلي بتابوت اخوك
لطم وبواجي مرعب الموقف
مااصدك امير
نورا فتحت تابوته ملفلفي
نورا: مو رجلي خلي اشوفه صدكي مو هو
فتحت شافته
نورا: ولك لا لا لا ولك امير هذا انت
رحل ابو ابتسامه والضحكه الحلوه
عافنا واخذ فرحتنا وياه
بعد٦ اشهر
حالنا يقهر لاضحكه لاسالفه
مهاب مو بوعيه
الكل طبيعي وتقبلوا وفاة امير
اله مهاب
صار مخبل يجي الليل يخلصها صياح وينحب
نورا واسرار دموعهن مانشفن على ازواجهن
مهاب يدور على صبيحه
ماينام ليله
هو وعمي ماقبلوا ينصبون فاتحة امير اله ياخذون بثاره
ومايقبلون يرحون لقبره
كعدنا الفجر
شفت مهاب سبح ولبس دشداشته ولبس حزام سلاحه
مهره: مو كافي تريد تموت ومنو لابنك واولاد اخوك واولاد اختك
مهاب: تعرفين منو مات
كمت ابجي وياه
مهره: امير المااااات ولك والله اعرف حتى مشتاقتله يحن عليه اكثر من اخواني عبالك مامتعذبه ابجي عليه ودمي احترك عليه اكثر من وفاة ولدي ووفاة اهلي... بس لخاطر عوف الدم
مهاب: بيوم الي اخذ حقه مرته تصير على ذمتي
مهره: 😯 مستحيل شلون تكدر تزوج مرت اخوك
اخر شي اتوقعته
احسه ينتقم مني
طلع وعافني بقهري
دكيت لطمت بجيت محد الي ومااكدر اشكي لاحد
كلها ملتهيه بمصايبها وهمومها
العصر عمي اجه
عمي: وين فيصل
ايده على گلبه
نزل فيصل يركض
عمي: ولك اخوك لكاها
فيصل: وين
عمي: خابرني بشرني
مهره: المن لگه
عمتي: صبيحه
مهره: عمي ابوس ايدك لا تخلي يذبحها
دفعني
نورا: ماتحسين بنار گلبنا كل همج رجلج
مهره: ولك يموت يموت بس يگتلها
لطمت وابجي
طلعوا مانعرف وين
مهره: ليش تريدون الدم يجري ليش😭 مو كافي خسرنا امير
نورا: نعوفها مو حتى حظرتج ترضين ولج امير امير عم ابنج مات
تلطم
دعاء: تعاي مهره
اخذتني لبيتها ابجي
مهره: خابري اطمأني عليهم
خابرت دعاء
دعاء: اجه مهاب
لبست عباتي وركضت
دخلت لبيت عيالي
عمي يبجي
مهره: رجع مهاب
نورا: بغرفته 😔
مهره: گتلها
جدتي كامت تصيح
جدتي: يبوووووووو وينك ياهاشم عفتني وماخذيتني وياك
نزلت دموع جدتي وتون
عمي ملفلف بعگاله
مهره: وين الولد شگالوا گتلها.. نورا جاوبي
نورا: هسه خابرناهم يرجعون مايعرفون شي... هو رجع وصعد غرفته بدون مايحجي
صعدت اركض لغرفتنا
فتحت الباب شفته كاعد ويبجي
مهره: مهاب وين صبيحه
دموعي تغرغر
مهاب: عوفيني هسه
مهره: ذبحتها احجي وين عمتك
مهاب: اطلعي عوفيني
كمت الطم على وجهي وابجي
الخوف موتني
مهره: كافي دم كافي خوف ليش كتلتها ليش ليش دمرت حياتك تخبلت
فقدت واصيح وهو يبجي
مهاب: محد دمر حياتي غيرج انتي ضيعتيني بسكوتج واسرارج
يبجي مثل الطفل
مهره: والله انه ردت احافظ عليك وخايفه عليك ليش تحملني الذنب.... انه مثلك واكثر ضايعه... لان اعرف ذبحت ابني كدامي وساكته وتحملت تعرف شنو ام تعرف گتال ابنها وعايش ويه القتيل نفس البيت وساكته لاجل عيونك وماتذبحها وتورط وتوسخ نفسك
مهاب: وتوسخت
نبجي اثنينا
مهره: جاوب ماتت صبيحه ريحني وگول لا
مهاب: عوفيني
مهره: كافي تعذب بينا كافي وين صبيحه جاوب 😭
مهاب: اريد اموت
حضنته خليت راسه على صدري وهو يبجي
مهاب: شردت
من سمعت كلامه
كعدت بالكاع ابجي
مهره: احمدك ربي يارب رحمتك
بقينا نبجي
مهاب انسان ثاني مو مهاب القوي
صدمني
مهاب: مهره اليوم نويت ازوجها
.................................
نورا تروي الاحداث
................................
نورا
اعزل سفرة الغده
فيصل: نورا سويلي جاي
نورا: اي هسه
مهاب: جاي تشوف نورا عليها البيت والطبخ والاطفال وتتعب البنيه گوم انت اخدم نفسك
نورا: خلي يتزوج ويفضنا
مهاب: بس العوجات يزوجلي
فيصل: عمي انه اسوي الچاي بس اسكتوا
مهاب: اطلع الروح شوفلك مره نزوجك وتساعد مرت اخوك
فيصل: ازوج لان طلبت من نورا چاي سوده بوجهي
نورا: ههههههههه لو ساكت مو احسن
مهاب: مو شي مستحيل تاخذلك مره ثانيه
فيصل: ازوج انت
مهاب: 😡
خزر فيصل
مهاب: كرار تعال باباتي نصعد انام
كرار: بابا اليوم طلعني وياك انت مو تگول انت رجال
مهاب: نروح نسبح
كرار: لا
مهاب: وين تريد
كرار: اريد نروح ناكل كنتاكي
فيصل: ماينلام امير يسميك ابو ثرب
مهاب: انت شبيك 😡
نورا: هههههههههه كروري اليوم اسويلك بيتزا
كرار: مااريد... بابا نطلع
مهاب: كل طلعاتك اكل 😡
كرار: نطلع نشتري اقراص
مهاب: كرار راح يبده الدوام ماكو بعد لعب
كرار: عمه شوكت الدوام
نورا: بعد ٧ ايام
كرار: بابا ٧ ايام خلينا نشتري نلعب بيج قصص عراقيه حقيقيه من واقعنا.روعه الطائي
مهاب: ماشي بس بشرط اول يوم الدوام تسلملي الاقراص والبلي
كرار: اي واليوم اني اسوق وياك
مهاب: خلينا نصعد انام والعصر نطلع
كرار: اهوووو راح ينام ابن صفاء... من دبش اذا طلعنا
مهاب: ههههههههه تربية امير.... امشي ولك نصعد انام والعصر نطلع
كرار: بابا لاتنام
مهاب: سمعني جدول الضرب من ١ ل١٠٠ وماانام
كرار: ماتنام
مهاب: اي ماانام
فيصل: كرار حافظ الجدول الضرب احسن مني
نورا: بارحه دعاء ضحكتني كرار يسولف ويه خاله مروان كلمات بالانكليزي ومروان صافن گله ولك شخرطت انت سبيت عشيرتي... هاي سوالف ابوك محفظك انكليزي بالعشا گايله گوم من يمي انت انكلش اني عراقي بعدني لحد الان حرف h الفظها ه
شال ابنه صعدوا
حاضنه ويبوسه
كرار يسولف وياه
مهاب: بوسة لبابا كبيره
كرار: امممممممممممممممممممممممم مممممممممممممممواح
مهاب: بعد
كرار: كافي تعبت
مهاب: الرجال مايگول تعبت
حال مهاب يقهر
نورا: تعرفه يضوج من موضوع الزواج ليش تحجي وياه
فيصل: يبقى على هذا وضعه بلا مره
نورا: كلنا نعرف مايكدر ينسى مهره
طلعت عمتي من غرفتها
عمتي: سمعت سوالفك... عوف اخوك بحاله
فيصل: يمه هذا مو وضع وضعه
نورا: كلام فيصل صحيح مهاب محتاج مره ولازم يزوج
عمتي: لو نحجي منا لسنه مهاب مايقتنع
شدت عصابتها ولبست جواريبها
فيصل: وين
عمتي: اخوك خبصني اله اروح لفاتحة ابو صباح
عمتي: اليوم ماكو دعاء
فيصل: ضرت نورا عدها 😂
نورا: 😡
فيصل: قبل شوي شفت محمد جايب رحمه واطفالها
نورا: لا تگول ضرتي 😡 امير عمره ماحبها😡
عمتي: شصار على قسمتها وافقت تزوج
نورا: اليوم محمد عازمها على الغده حتى يقنعها
فيصل: حقها ترفضه اني من شفته ليلتين احلم بي يركض وراي
نورا: هههه عنده فيس الله عليك خليني اشوفه
فيصل: لا مااعرف فيسه بس من طلعنا لفاتحه بيت ابو مهنا... مهاب شوفنياه گالي هذا الي يريد رحمه
نورا: قنع اخوك اسوي فيس انت مو وعدتني شنو خانكني
فيصل: دروحي بعدني ماحجيت وياه گلي لاتدخل
نورا: زين افتح فيس امير بجهازي
فيصل: شلونج انتي
نورا: حباب حباب
عمتي: ناقصين صياح ومشاكل اكعدي راحه
عمتي تكمل لبسها
اني اغسل ماعين الغده
فيصل سوه چاي لنفسه
فيصل: اذكر مهره الظهريه تسويلي الچاي والكيك والكعك شأطلب تسويلي.... مهاب شلون متحمل فراكها
نورا: ماتشوفه ضايع وكاره حياته
اخذ ستكانه كعد بالصاله
فيصل: نورا موبايلج
ركضت لموبايلي
نورا: الو
رامي: شلونج نورا
نورا: هلا شلونك
رامي: ابنج بهذلنا
ظفر: اني شفهمتك... جيب ماتعرف تحجي
ظفر: الو ها باباتي
نورا: هلو بابا
ظفر: هلا بيج انتي شلونج
نورا: زينه عذبوكم مو
ظفر: معليج بسوالف اخوج
اسمع ابني يبجي
نورا: بابا شبي
ظفر: مانفتهم شيريد
نورا: انطينياه
يوسف: 😭😭😭😭
نورا: ها حبيبي
يوسف: اريد بابا
نورا: العصر يجيكم
يوسف: اريد بابا😭
نورا: اسكت وهسه أگله يجيكم
يوسف: مااريد رامي
نورا: اله اكسر راسه وين جدوا
ظفر:ها
نورا: بابا ليش رامي وياه
ظفر: هو منو يكدر على اخوج ضرب اخته ضرب ابنج وصار ساعه اتعارك وياه
نورا: اني اعلمه
فيصل وعمتي طلعوا تفقدت جدتي شفتها نايمه
صعدت لغرفتي
محد بالبيت بس اني ومهاب وكرار
نزعت ملابسي اباوع على جسمي
ذبلانه وتعبانه
فتحت شعري اباوع على ملابسي بالكنتور
لبست ثوب خفيف وقصير
حسيت طفله فرحت بشكلي
افتر بثوبي واضحك اضحك الى ان نزلت دموعي
من تعب غفيت
اسمع صوت بين النايمه والكاعده
نورا نورا
ينطق اسمي وحسيت يغطيني
فزيت مخترعه وبسرعه غطيت نفسي
نورا: منو
امير: نورا
نورا : امير
امير: اشتاقيتلج
نورا : انت حقيقه لو خيال كافي تعبت احلم بيك😔 ارحمني واخذني وياك
امير: اشششش
اندكت الباب
مهاب: نورا نورا
بدلت وفتحت الباب
اباوع ماكو امير اختفى😔
مهاب: طالعين اني وكرار
نورا: يوسف خابرني يبجي يگول خلي يجينا بابا
مهاب: رايحلهم
نورا: ماشي
مهاب: بيج شي
نورا: لا
نزل وبقيت بغرفتي
امير: بقينا وحدنا
التفتت عليه
نورا: انت ميت شلون تطلعلي😭
كعدت بالكاع وابجي
ايده على شعري
نورا: امير ارجعلي 😔
اختفى
.......................................
مهره تروي الاحداث
......................................
مهره
رحمه: مهره
رفعت راسي
مهره : ها
رحمه: شبيج
مهره: مابيه
رحمه: كرار من يروح لمهاب هذا حالج
مهره: انتظر رجعت كرار حتى اشتم ريحة مهاب بي
نزلت دموعي
رحمه: انتي تعذبي وتعذبين نفسج
دخل محمد ودعاء يمنا
مهره: محمد خابر على كرار شوكت يرجع
محمد: تعرفين يبقى براحته يم ابوه
رحمه: من تخابى افتح السبيكر اريد اسمع صوت مهاب
خزرتها
محمد: ليش تبجين
مهره: اذكرت قيس خابر كرار اذا يتأخر اروح لقبر قيس اشوفه
دعاء: مهره بيش تعذبين بنفسج
مهره: اهووووو راح يرجعون يحجون نفس الموضوع
محمد: ارجعي لمهاب
مهره: لاخر يوم بعمري ماارجع لمهاب هو اختار طريقه وتزوج
دعاء: مهره صار ٣ سنوات زواج ورق زواجه لاتقرب ولافكر بيها لان يحبج وهو لايقبل ينساج ولا يقبل يستقبل مرته زوجه اله ولا يقبل يزوج ولا يقبل يرجعج
كمت ابجي
كل مره اسمع كلمة زوجته جسمي يرجف
ماتحمل ومااكدر استوعب هذا الكلام
رحت لغرفتي
طلعت فانيلته اشتم بيها
حاضنتها
بقيت ابجي الى ان غفيت
فزيت
رحمه: مهره مهره
مهره: ها
رحمه: مهاب يگول كرار يرجع لليل يتعشون بره
مهره: خابري قاسم ابن مخلد ياخذني لقيس
رحمه: ولج كافي انسي قيس شبيج كل شهر كل اسبوعين يمه
مهره: رحمه ليش اني وياج هذا حظنا
رحمه: اني اختياري خطأ وانتي ظلمتي مهاب
مهره: هو هم ظلمني
رحمه: حتى اذا يزوج هو يحبج مهره لاتزعلين من كلامي انتي تخليني عن مهاب بااصعب ظروف يمر بيها
كمت سبحت
وحظرت نفسي
محمد: وين
مهره: قاسم بالطريق ياخذني
دعاء: وين رحمه
مهره: يم جهالها
دعاء: شلون اطلعين وجاين الخطابه لاختج
محمد: ابقي قنعيها وياي قسمه ماتتعوض
مهره: ارجع من وكت مااتأخر
طلعت بالباب
شفت مهاب وكرار يصعدون السياره
كرار: هذيج ماما
مهاب: يله باباتي
شافني من بعيد
صعدت السياره
قاسم: شلونج عمه
مهره: هلا بيك انت شلونك
قاسم: شارد من اخوج شيب راسي
مهره: مخلد من يومه يشيب الراس
قاسم: اليوم اعزميني على العشا يمكم
مهره: هههههه بيت عمك تعال بكل وقت
قاسم: اشوف بنت عمي خاف محتاجه شي
مهره: ههههههه لاتخلي عينك على فاطمه ابوها ماينطي لابوك وامك مره
قاسم: مو مشكله اتبره منهم
مهره: ههههههه ادري اختك واخوك خبثاء عليمن ليش ماطالعين مثلك يحبونا
قاسم: على اخوج
مهره: كافي عاد احترم ابوك تره مااقبل تحجي على اخوي
قاسم: هسه تعزميني
مهره: اعزمك بس ماكو تباوع على فاطمه والله اطردك البنيه صغيره وعوفها محتاره بدراستها
قاسم: افتهمنا اباوعلك واتغزل بيك
مهره: هههههههههه نفس سوالف عمك مروان كافي لاتضحكني اريد ابجي يم قيس
قاسم : ماشي اسكت بس تعزميني
مهره: ولك افتهمنا نعزمك حتى ترجع عمتك رحمه وياك
التفتت على الطريق
قاسم: عمه وصلنا
مهره: لاتنزل وياي انتظرني هنا
قاسم: انزل الدبات الماي واعوفج براحتج بس بداعت كرار اقري قرأن واغسلي الكبر وارجعي لاتبجين
نزلت انتظرت قاسم يروح
اغسل بقبر قيس واسولف وياه وابجي
مهره: مشتاقه لابوك لااكدر اسامحه ولاهو يسامحني يوميه اعتبك ليش ماتروح بالحلم تحجي وياه. قيس محتاجتك لو عايش عمرك ١٥ سنه زلمه صگر مثل ابوك
قريت قرأن
كملت وصافنه على القبور
قاسم: يله عمه
مهره: اي
كمت على حيلي رجعت للبيت
دعاء: تأخرتي
مهره: وافقت
دعاء: لا
عفتهم ودخلت غرفتي
رحمه: مهره
مهره: ها رفضتي
رحمه: انتي شلون ترفعين دعوة طلاك لمهاب
مهره: شلون عرفتي
رحمه: ناسيه موبايلج وخابرت المحاميه تبلغج الباجر البلاغ يوصله
مهره: اوووف اوووف
رحمه: شلون طلعتي ومنو اخذج
مهره: قاسم وياي اطمأني
دخلت دعاء سكتنا
دعاء: محمد يريدج وعصبي نار
رحمه: مااريده شلون غصب
طلعت وخايفه
خابرت قاسم
مهره: باجر تكدر تجيني من الصبح
قاسم: ودوامي
مهره: فدوه لخاطر عمتك
قاسم: وين
مهره: اسحب البلاغ والغي الوكاله
قاسم: ماشي
الصبح بدلت ولكيت دعاء
دعاء: وين رايحه
مهره: لمدرسة كرار
طلعنا رحنا للمحاميه
محاميه: ها مهره
مهره: مااريد الغيها
محاميه: دزيته البلاغ من البارحه
مهره: غالقه خطج اخابرج ماكو
محاميه: اي جنت بالحله عندي قضيه مو مشكله عادي الغيها حتى لو يوصله البلاغ
مهره: اي فدوه
محاميه اكعدي هنا بس اكمل وافهم منج
كعدت بالمحكمه ويمي قاسم
قاسم: عمو مهاب اذا يعرف انتي بالمحكمه يذبحني قبل مايذبحج
مهره: مايعرف بس اسكت
مريه معدله كاعده يمي
خاله: ها خاله شعندج هنا
مهره: الضيم خلاني هنا
بقينا نسولف سولفتلها سالفتي
خاله: زين ليش كاعده بيت اخوج
مهره: مااكدر ابقى يمه صعبه اعيش وهو مزوج مرت اخوه وهو مايقبل اعيش بيت اهلي
خاله: ها وكعدتي بيت اخوج
مهره: هو بنالي مشتمل الي ولابني وكعدني بي
خاله: وهاجر
مهره: اي
خاله: يايما ارجعي لرجلج وبيتج وانتي من خلال سوالفج يشوف مرت اخوه مثل اخته ولخاطر اخوه اخذها مابيها شي
طلعت المحاميه
فهمناها ورجعنا
لكيت مهاب منتظرني
قاسم: وصل البلاغ اوصلج وافلت
مهره: يارب ماوصل
نزلت
مهاب: تعاي😡
..............................
مهره تروي الاحداث
.............................
مهاب: دعاء وين مهره
دعاء: اليوم راحت لمدرسة كرار
مهاب: شلون تخليها تروح مدرسة كرار😡
دعاء: قاسم اخذها اني شعليه امنع المره
طلعت عصبي
دعاء: مهاب شبيك
دعاء: مهاب
مهاب: ادخلي لبيتج ونصي صوتج😡
شفت مهره وشافتني نصت راسها
قاسم وصلها وراح
سحبتها من ايدها
مهره: مهاب عوفني 😡
سحبتها لبيتنا اعصاب منها
لويت ايدها
دخلتها لديوانيه
مهره: عوفني لاتخليني اصيح
رفعت الورقه بوجها
مهاب: هاي شنو
اعصاب منها اتمنى اشرب من دمها
مهاب: منو سمحلج تروحين لمدرسة ابنج وكلهم زلم
مهره: معليك
مهاب: لاتخليني اضربج 😡
مهره: اضرب مايهمني طلع رجولتك
مهاب: مهره😡 هذه شنو
مهره: مااعرف شنو هذه الورقه
مهاب: شنو رافعه دعوة طلاك
مهره: من حقي اطلك زوجي هاجرني ٤ سنوات الي حق ازوج واستمتع بالحياة
مهاب: وشنو الاستمتاع ماشي محتاجه زوجج
لزمت ايدها عصرتها
مهره: ابعد عني ولاتفكر تتقربلي
عينها بعيني
ضعفت كدامها
مهره: مهاب ابعد
مهاب: ح اتقرب وتقرير طبي زوجج يتقربلج
مهره: اكيد تخبلت😡
بستها بشفايفها
دفعتني
مهره: وخر عني😡
غصبتها كامت تبجي
مهره: ابوس ايدك لا
دفعتني وتضربني
مهره: لا لا😭
مهاب: گومي مهره
لمت نفسها وگامت
لزمت ايدها
مهاب: مهره
عافتني وطلعت
وكفت بالباب
مهره: سحبت القضيه من الصبح
بجت وطلعت
كعدت ودايخ
اااااااخ ياربي وتالي
اذكرت
.......................
ماضي
........................
بعد وفاة امير ب٩ اشهر
مهاب: بويه باجر ننصب فاتحة امير
ابوي: بعدنا مااخذنا بثاره
سكتت
سحبني ودخلني للغرفه
ابوي: انت ذبحت صبيحه انه اعرف ومتأكد
مهاب: متوهم
ابوي: جذبت على العالم بسالفة شردت وقنعتهم اله انه
مهاب: اليوم ناخذ بثارنا ودمنا
طلعت
ابوي: مهاب
مهاب: بعده ثار ابنك وروح امير
طلعت
فيصل منتظرني برا
فيصل: وصل
مهاب: وصادق
فيصل: لزموا جماعتنا
طلعنا ويه زلمنا
بالمطار تلكينا جماعتنا
فيصل: هذاك
مهاب: لاتنزل خليهم يصعدوا همه
اخذوا مشت سياراتنا
وصلنا للمخازن وكفت السيارات
ملبسي كبوس
دخلوا للمخازن
؟؟: منو منو انتم
فيصل ضربه بطنه
مهاب: لا
؟؟: مهاب
رفعت الكبوس
جعفر: مهاب
مهاب: اي مهاب الي گتلت ابنه واخوه.. اي مهاب اعز اصدقائك وطعنته بظهره... اي انه مهاب الي باايدك ذبحت ونحرت اخوه
جعفر: شتحجي
ضربته بوجهه
فيصل يبجي
فيصل: ليش ذبحته ليش ولك شمسوي
مهاب: فهمنا
جعفر: ماافهم شتحجون
محمد: لاتستغفل
مهاب: من اول يوم اجيت شكيت بيك وجنت اجذب نفسي
جعفر: شلون عرفت اني
مهاب: تعرف ام رامي
جعفر: لا
مهاب: وين اخوه
دخلوا صادق
انه وولد عمي وزلمنا وياي
مهاب: احجي صادق
معذبين صادق
جعفر: صادق
راد يحضنه ومنعناه
مهاب: احجي صادق😡
دخل ابوي
ابوي: شكو
مهاب: تعال بويه اكعد
فيصل: احجي
ابوي: ولك هذا صديق امير صديقه العزيز اخوه شمسوين بي
يبجي ابوي هو وصادق
فيصل: احجي
صادق: خابرني جعفر گال انه جاي للعراق وتبين ماتعرفني ولا نتحاجه وتضغط عليهم يصالحونا... مااعرف ليش وشنو... سويت الي يريده احنه مقررين نبوكم ونفلت هذا الي اعرفه بس من لزم الشغل جعفر شاف مايكدر لان فيصل ومهاب فوك راسه وهمه الي لازمين الحلال شافها مستحيل. رجع للاردن
مهاب: كمل😡
صادق: فجأه خابرني گال اليوم نبوك سيارة امير گلتله انت وين گال انه بالعراق... گال اريدك تطلع ويه امير تاخذه لهذا الطريق بحجة سلابه وافق انطاني موبايل
مهاب: الموبايل الي خابرت منا هو الي وصلنا الكم ياغبي
صادق: خابرته من صديقي بحجة ماعندي رصيد وگلتله انه اخذك لهيثم واساعدك اخذته ورحنا انه وياه لطريق هو شك بس ساكت فجأه اشوف كمه زلم طلع سلاحه خرطهم ماتوا على ايده ٣ وجعفر تصوب انه ماعندي سلاح بس غدرت بي وضربته وبنفس الوقت اخاف انضرب ماسيطرنا عليه بالكوه فتحوا الباب هو دفرني ودفرهم لزمه جعفر من شعره سحبه وذبحه
گام يصيح ابوي
ابوي: الله اكبر اللللللللللله اكبر بويه امير شگالت روحك من ذبحوك وطلعت روحك ياحبيبي ياسبع
كمنا نبجي ماتحملنا
شاكر: كمل
صادق: بجيت وتعاركت ماتوقعت يذبحوا الي اعرفه نبوك سيارته وانه وياه بحجة سلبونا
مهاب: احجي جعفر لو انه احجي
جعفر: ماعندي كلام
مهاب: اشتركت ويه عمتي ونجاح على ابني دخلناه مستشفى دزيت ممرض وانت وياه ووياك مره بحجة مريضه بنتك وتمثل دور هيثم زوجتي شافتكم وانخبصت بيكم وخليت زوجتك تسولف وياها حتى الممرض يضرب ابني ابره فارغه تقتله وكررت هل شي ويه ام رامي وويه ام فيصل الي جيبتها ضربتها ابره فارغه
جعفر: 😔
مهاب: ليش جعفر ليش
ابوي: شلون عرفت
مهاب: لان شوفت ام يوسف( نورا) شكل هيثم گالت مو هو ومن شافت جعفر گالت هو الي ذبح امي ونفس الحال شوفت ام كرار ساره وماعرفتها معناها مو هيثم الي موجود بالمستشفى وبنفس الوقت هم ام كرار گالت اني شايفه جعفر
ابوي: شنو هل جرائم
مهاب: الغبي مسوي جواز مزور ويجي للعراق وجوازه الاصلي مره وحده وهم شكيت بي لان اكثر من مره يشوفنا جوازه حتى مانشك بي.... تدري صار سنتين اراقب جوازك وموضوع سفرك الى ان وكعت على علة الجوازه
ابوي: وهيثم
مهاب: هيثم گتله جعفر حتى نگول واحد گتل الثاني هيثم وامير... وهو حاقد على هيثم لان ازوج ساره الي هو يحبها وخرب بين خالد وساره حتى ماينجمعون ومن راد ينجمع وياها خطبها هيثم وصارت اله مو صح جعفر
جعفر ساكت
ابوي: صادق بويه شلون كدرت تغدر بصديق الطفوله بويه ليش خليته تغمض عيونه وهو مخذول من صديقه
نبجي وصادق ويانه يبجي
صادق: والله ماردتهم يذبحوا والله ماقبلت ونصدمت وماادري بكل سوالف جعفر
مهاب: جعفر ماتحجي
جعفر: كلمه وحده ماانطق
مهاب: لاتنطق لان ماتحمل صوتك
ابوي : لبسوهم وبلغوا عمامهم...خلونا نزفهم
لبسناهم ملابس دشاديش نسائيه وزينه شواربهم
لبسناهم عبي
فررناهم بزفه بمناطقنا
تمنيت اشرب من دمهم بس فكرت بااولادي
الله رزقني كرار يوسف دانيا اولاد اسرار
دخلناهم لبيوتنا
طلق وهوسات سوينالهم
ودزينا على الشرطه تستلمهم ويتحاسبون قانونيا
طلعت جدتي وباايدها سلاح جدي
طلقت بالهوى
ابوي: ياحيف دمك يروح هدر اموري حفيدي يمااااااااي
طلق على جعفر طلقتين
تراكضنا منعناه
وكع جعفر بدمه وطلقه بخشمه
ابوي وكع من طوله
فيصل: بويه
ركضنا بي للمستشفى
دكتور: البقاء لله توفى جلطه بالدماغ
..............................
رجعت من ذاكرتي
.............................
نورا: مهاب
مهاب: ها
نورا: شبيها مهره طلعت تبجي
مهاب: ماكو شي
نورا: طلكني وخليها ترتاح كافي اثنينكم تتعذبون
مهاب: لاتدخلين
كمت من مكاني
اشتاقيت لقيس وممجد وامير وابوي
الى متى ابقى عايش بدونكم
طلعت للنجف لابوي وامير
مهاب: هنيالكم امير شوكت تاخذني بويه محتاجك.... امير يوسف بصف الثاني ودانيا كبرانه صايره بالروضه وامهم تدرس هندسه هل سنه عايشين مرتاحين ومامقصر وياهم... بويه اسرار بدت تكمل دراستها ونجحتبيج قصص عراقيه حقيقيه من واقعنا.روعه الطائي
بشغلها ووظيفتها واطفالها متميزين بدراستهم... دعاء مرتاحه ويه زوجها واطفالهاو تشتغل بالمختبر هي ونورا... امير حبيبك بالرابع ابتدائي وصار رجال ومن المتفوقين بدراسته... فيصل اخذ شهادت الماستر وراح يدرس الدكتوراه ادعيله بالنجاح... اما اني مامتغير نفس مكاني بس ابجي وافتقدكم
غسلت قبرهم ونظفته
نورا تتصل
نورا: الحك فيصل رجع للمظاهرات
صعدت سيارتي ورحت لبغداد
خابرت فيصل مايرد
الى ان رد
نزلت بالتحرير ادور عليه
رد عليه
مهاب: وينك
فيصل: لاتخاف عليه
مهاب: وينك اني بالتحرير
بقيت واكف انتظرته اجه
مهاب: امشي نرجع
فيصل: ماارجع
مهاب: ماتطلع
فيصل: ماارجع اله اخذ حقي
مهاب: كافي موت
فيصل: ماارجع
مهاب: نساعد كافي بس لاتنزل للساحه ابوس ايدك
فيصل: ماارجع ولاتخاف اخذ حقي وارجع لبيتنا صدكني اوعدك مااموت
مهاب: لاتضحك عليه
فيصل: لو عايش امير يرجع احجي
مهاب: مايرجع واني وياه بس هسه تختلف انه وانت مسؤولين على اولاده واولاد اختك ليش تعوفني وحيد
بجينا وحضني
فيصل: مااعوفك صدكني ووعيونك بعيد مكاني مو خطر
مهاب: احلف ماتروح للمطعم التركي ولا يم الجسر
فيصل: اوعدك مااوصل للجسر بس
مهاب: فيصل
فيصل: اطمأن
بساني من راسي
فيصل: ارجع
مهاب: باجر الصبح يمك انه وكرار ويوسف
فيصل: انتظركم
رجعت للسياره
اذكرت فاتحة امير وابوي
...............
لابسين شماغاتنا انه وفيصل وعمامي
ساعه ب٧ الصبح
تفاجأنا شفنا اطفال وزلم لابسين تشيرتات صورة امير
فيصل: هذا موظف ويانه زوج رازان
مهاب: ها
تقدمنا عليهم وياهم نسوان استغربنا
رازان: بقاء في حياتكم
مهاب: هاي شنو
رازان : هذوله اطفال مرض الكونسلر الي عالجهم امير
زوج رازان: كلهم همه وعوائلهم جايين يعزوكم
مهاب: صدك تحجي امير
رازان: اي كلهم عالجهم وساعدهم وعلى حسابه سفرهم وعلاجهم وابسط شي يسووا لامير
دكيت على راسي عرفت وين يودي فلوس امير
اذكرت المره الي شفتها بالمستشفى
امير ساعدها
.............................
رجعت من ذاكرتي
اتصلت على مهره
مهاب: الو
مهره: الو
مهاب: مهره
سكتنا
مهره: شبيك
مهاب: مشتاقلج
سكتت
مهاب: اريد احجي وياج محتاجج
حسيتها تبجي
مهاب: مهره
مهره: كرار اليوم يبات يم يوسف ووو
مهاب: هههه ساعه الزمن واني يمج
مهره: مااقصد الي ابالك وين راح بالك
مهاب: هههههههههه اعرف بالج الحدود
مهره: ههههههههههههههه
مهاب: احبج
مهره: احبك
غلقته
فتحت اغنية چلچل علي ياالرمانه
فرحان كملت مسيرة امير واساعد الاطفال المرضى بثوابه
ياريت موجود اكيد راح تفرح
امير
ها أنا سأرحل واترك بسمة
ها أنا سأغادر وذكرياتي نسمة
فيا حبيبتي؛ يازوجتي
لم تفهمي أبداً
حينما رأيتكِ
حينما وضعت يدك بيدي
جولتك في عيني دهورا كثيرة
ضحكنا
مرضنا
رقصنا
شاهدنا ورودا جميلة معاً
بقينا في بيوت دافئة صغيرة
ربما لم تفهمي ابداً
أن أحبك لهذة الدرجة
كنت معي دائما
فأنتِ حبي الأسمى
وأنت يا أخي
سأرحل وأترك الفرح لك
أترك ذكريات بابي مفتوحة
أعتاش عليها
تذكرو بسماتنا،
سوية
مغامراتنا الشبابية
لا تكدر خاطري بالحزن بعدي
فأنت ابن أمي
فيا أخي قد فارقتك،
فلموت حق
قد ابتعدت..
وهذا هو الحد
فتذكرني كأخ لك محب
تذكر ابتسامتي وابتسم
ولا تتذكر فقدي وتحزن
لا تحزنو إن مت في غض الشباب غدا ساحرض أهل القبور لتبتسم معي
فلا أريد الحزن أن يكون كائنا يمشي
ولا رياح تطير
أريدكم فقط أن تبتسموا لأجلي
احبكم يااخي الغالي وزوجتي العزيزه
شكر خاص لكاتبتنا المتألقه نازك الحمراني لخاتمة قصتي خاطره بقلمها المتألق
النهايه
اشكر كل الي نقل قصتي زينب عبد المطلب كاتبتنا المحترمه
والناقله الراقيه ميمي الشمري
والناقله روعه الطائي
كل شخص نقل أسمي ولم أذكره
تحياتي أنا ايضا
#روووعه