#ﺑﻴﺎﺭﻕ__ﺍﻟﻌﺮﺑﺎ ..
ﺑﻘﻠﻤﻲ #.. ﻓﺎﻃﻤﺔ _ ﺍﻟﻌﺒﺎﺩﻱ
__ffatema@
#بارت١٦
ﻗﺮﺍﺋﺔ ﻣﻤﺘﻌﻪ ..
" ﺷﺒﻴﭻ ﻓﺰﻳﺘﻲ ﺍﻋﻠﻪ ﺣﻴﻠﭻ
ﻧﺂﻣﻲ ﻧﺂﻣﻲ !!
ﺍﻟﻨﺪﻩ ﺍﻋﻠﻰ ﺍﻟﻮﺭﺩ ﺳَﻴَﺮ ﻭ ﺍﻧﺖِ ﺣﺴﺒﺂﻟﭻ ﺣﺮﺁﻣﻲ "️❤
ﺑﻌﺪ ﻣﺎ ﺻﺮﻧﺔ ﻭﺍﺣﺪ ﻭﺣﺐ ﻭﻏﺰﻝ ..
ﻣﺎﻧﺘﺒﻬﺖ ﻉ ﻭﻛﺖ ﻭﺍﻧﺔ ﺑﻴﻦ ﺍﻳﺪﻳﻨﻮ ، ﺧﺒﻠﻨﻲ ﺍﺧﺮ ﺷﻲ ﺑﻌﺪ ﺗﻌﺐ ﻛﻄﻴﺖ ﺭﻭﺣﻲ ﻉ ﺻﺪﺭﻭ ﻭﻧﻤﺖ ..
ﺗﻘﺮﻳﺒﺎ ﻧﻤﺖ ﺳﺎﻋﺘﻴﻦ ﻭﻛﻌﺪﺕ ﺍﻟﺴﺎﻋﻪ ﺏ١٢ ﺑﻠﻴﻞ ..
ﺳﺤﺒﺖ ﺭﻭﺣﻲ ﻣﻨﻮ ﻭﺃﺧﺬﺕ ﻫﺪﻭﻣﻲ ﻭﻃﺒﻴﺖ ﺳﺒﺤﺖ ..
ﻃﻠﻌﺖ ﺷﻔﺘﻮ ﻛﺎﻋﺪ ﺩﺣﻜﻠﻲ ﻭﻛﺎﻝ ..
ﻓﻬﺪ .. ﻳﻮﻝ ﻟﻴﺶ ﻋﻔﺘﻴﻨﻲ ﻭﺳﺒﺤﺘﻲ ﻣﺎﻛﻠﺘﻲ ﺯﻟﻤﺘﻴﻪ ﺧﻄﻴﺔ ﻳﺴﺒﺢ ﻭﺣﺪﻭ ..
ﺑﻴﺎﺭﻕ ... ﻫﻬﻬﻬﻬﻬﻬﻬﻪ ﻛﻮﻡ ﺍﺳﺒﺢ ﺑﺴﺮﻋﻪ ﻭ ﺍﻧﺔ ﺭﺍﺡ ﺍﺳﻮﻱ ﻋﺸﺎ ﺍﻟﻨﺎ ﻻﻥ ﻣﺎﻣﺘﻌﺸﻴﻦ ﻣﺼﺎﺭﻳﻦ ﺑﻄﻨﻲ ﻳﺰﻗﺰﻗﻮ ..
ﻓﻬﺪ .. ﺍﻱ ﻛﺎﻳﻢ ﻧﺘﻐﺬﺍ ﻻﻥ ﻭﺭﺍﻧﻪ ﺑﻌﺪ ﺗﻌﺐ ﭼﺜﻴﺮ ﺍﻟﻠﻴﻠﻪ ..
ﻣﺪﻳﺘﻠﻮ ﻟﺴﺎﻧﻲ ﻭﺑﺴﺘﻮ ﺑﻠﻬﻮﻯ ﻭﻫﻮ ﺿﺤﻚ ﻭﻫﻮ ﻳﻜﻮﻡ ﻣﻦ ﺍﻟﺴﺮﻳﺮ ﻃﻠﻌﺖ ﻭﺳﺪﻳﺖ ﺍﻟﺒﺎﺏ ..
ﺍﻟﺒﻴﺖ ﺿﻠﻤﻪ ﻓﺘﺤﺖ ﺍﻻﺿﻮﻳﺔ ﻻﻥ ﺍﻟﻜﻞ ﻧﺎﻳﻤﻴﻦ ..
ﺭﺣﺖ ﻟﻠﻤﻄﺒﺦ ﻓﺘﺤﺖ ﺍﻟﺜﻼﺟﺔ ﻭﺑﺘﺴﻤﺖ ﻻﻥ ﻋﻤﺘﻲ ﻣﺨﻠﻴﻪ ﻋﺸﺎ ﺍﻟﻨﺎ ..
ﻃﻠﻌﺘﻮ ﺣﻤﻴﺘﻮ ﻭﺣﻀﺮﺕ ﺍﻟﺼﻴﻨﻴﻪ ﺟﺔ ﻫﻮ ﻛﺎﻝ ﺟﻮﻋﺎﻥ ﻭﺷﻨﻮ ﻫﺎﻱ ﺍﻟﺮﻳﺤﺔ ﺍﻟﻄﻴﺒﻪ .. ﻳﺤﺠﻲ ﻭﻳﺸﻢ ..
ﺩﺣﻜﻠﻲ ﻭﻛﺎﻝ ﺷﻠﻮﻥ ﺳﻮﻳﺘﻲ ﻷﻛﻞ ﺑﺴﺮﻋﻪ ..
ﺑﻴﺎﺭﻕ .. ﻣﻮ ﺍﻧﺔ ﺳﻮﻳﺘﻮ ﻋﻤﺘﻲ ﻣﺨﻠﻴﺘﻮ ﺍﻟﻨﺎ ﺧﻄﻴﺔ ﻣﺎ ﻧﺴﺘﻨﻰ ..
ﻓﻬﺪ .. ﺍﻱ ﺍﻛﻴﺪ ﻛﺎﻟﺖ ﻫﺬﻭﻝ ﻋﺎﻟﻢ ﺟﺎﻧﻮ ﻳﻠﻌﺒﻮﻥ ﺧﺘﻴﻼﻥ ﻭﺗﻌﺒﻮ ﭼﺜﻴﺮ ، ﻳﺮﻳﺪﻭ ﺷﻲ ﻳﺎﻛﻠﻮ ﻣﻦ ﻳﺨﻠﺼﻮ ..
ﺿﺤﻜﺖ ﻭﺩﺭﺕ ﻭﺟﻬﻲ ﻋﻨﻮ .. ﺟﺔ ﻫﻮ ﻛﻀﺒﻨﻲ ﻣﻦ ﺧﺼﺮﻱ ﻭﺩﺍﺭﻧﻲ ﺍﻟﻮ ..
ﺣﺼﺮﻧﻲ ﻉ ﻛﺎﻭﻧﺘﺮ ﻛﺘﻠﻮ ﻭﺧﺮ ﻻ ﻳﺠﻲ ﺍﺣﺪ ﻭﻳﻄﺐ ﻋﻠﻴﻨﻪ ، ﻋﻴﺒﺒﺒﺐ ..
ﻣﺎﺭﺩ ﻋﻠﻴﻪ ﻭﺃﺧﺬ ﺷﻔﺎﻳﻔﻲ ﺑﻴﻦ ﺷﻔﺎﻳﻔﻮ ..
ﻭﺧﺮ ﻋﻨﻲ ﻭﺿﺤﻚ ..
ﻓﻬﺪ .. ﻫﺎﺍ ﻣﻮ ﻋﻴﺐ ﺗﺠﻴﺒﻴﻦ ﺯﻟﻤﺔ ﻟﻠﻤﻄﺒﺦ ﻭﺗﺒﻮﺳﻴﻨﻮ ﺍﻭﻑ ﻋﻴﺐ ﻋﻠﻴﺞ ﻳﻮﻟﻲ ﻻﺯﻡ ﺗﺎﺧﺬﻳﻨﻮ ﻟﻠﻐﺮﻓﺔ ﺣﺘﻰ ﻳﺎﺧﺬ ﺭﺍﺣﺘﻮ ..
ﺑﻴﺎﺭﻕ .. ﻫﻬﻬﻬﻪ ﻭﻫﺬﺓ ﺍﻟﺰﻟﻤﺔ ﻣﻮ ﻋﻴﺐ ﻋﻠﻲ ﻳﺒﻮﺱ ﺑﺤﺮﻣﺘﻮ ﻭﻣﺎﻳﺨﻠﻴﻬﺔ ﺗﺎﻛﻞ ﻭﻫﻲ ﺟﻮﻋﺎﻧﻪ ..
ﻓﻬﺪ .. ﻳﺎ ﺑﻌﺪ ﺍﻟﻌﺎﻓﻴﻪ ﻫﺴﺎﻉ ﺍﻭﻛﻠﺞ ﺑﺎﻳﺪﻱ ﻟﺤﺪ ﻣﺎﺗﺸﺒﻌﻲ ﻭﺗﻜﻮﻟﻲ ﻓﻬﺪ ﺍﻧﺖ ﺷﻴﻠﻨﻲ ﻣﺎﻛﺪﺭ ﺃﻛﻮﻡ ﺛﻜﻠﺖ ..
ﺑﻴﺎﺭﻕ ﺿﺤﻜﺖ ﺑﺪﻟﻊ ﻭﺟﺮﻳﺘﻮ ﻣﻦ ﺍﻳﺪﻭ ﻛﻌﺪﻧﻪ ﻧﺎﻛﻞً ..
ﺑﺲ ﺧﻠﺼﻨﻪ ﻏﺴﻠﺖ ﻛﺘﻠﻮ ﺍﻏﺴﻞ ﺍﻟﻤﻮﺍﻋﻴﻦ ﻭﺍﺟﻲ ﻭﺭﺍﻙ ..
ﻓﻬﺪ .. ﺣﺘﻰ ﺭﺍﺳﺞ ﺍﻛﺴﺮﻭ ﺧﻤﻮ ﺗﻨﻈﻔﻴﻦ ﺍﻟﺒﻴﺖ ﺑﻌﺪ .. ﺟﺮﻧﻲ ﻣﻦ ﺍﻳﺪﻱ ﺍﺧﺬﻧﻲ ﻟﻠﻐﺮﻓﺔ ﻭﺍﻧﺔ ﺍﺿﺤﻚ ﻋﻠﻲ ..
ﻛﻌﺪﻧﻲ ﺑﺤﻀﻨﻮ ﻭﻛﻤﺖ ﻛﺘﻠﻮ ﺍﻛﻌﺪ ﺭﺍﺣﺔ ﺷﻮﻱ ﻭﺃﺟﻴﻠﻚ ..
ﻓﻬﺪ .. ﻫﻬﻬﻪ ﺍﺫﺍ ﻣﺎﺗﺠﻴﻦ ﺍﻧﻪ ﺍﺟﻴﻠﺞ ..
ﻋﻔﺘﻮ ﻭﻓﺘﺤﺖ ﺍﻟﻜﻨﺘﻮﺭ ﻃﻠﻌﺖ ﻫﺪﻭﻡ ﻧﻮﻡ ﺃﺧﺬﺗﻬﻢ ﻭﻃﺒﻴﺖ ﻟﻠﺤﻤﺎﻡ ﺑﺪﻟﺖ ..
ﻃﻠﻌﺖ ﺭﺣﺖ ﺣﻄﻴﺖ ﺷﻮﻱ ﻣﻜﻴﺎﺝ ﻭﻫﻮ ﻳﺪﺣﻜﻠﻲ ﺑﻨﻈﺮﺍﺕ ﺟﺮﻳﺌﺔ ﻣﻔﻀﻮﺣﺔ ..
ﺭﺣﺖ ﻛﻌﺪﺕ ﺟﺪﺍﻣﻮ ﺣﻄﻴﺖ ﺍﻳﺪﻱ ﻉ ﺧﺪﻭ ..
ﺑﻴﺎﺭﻕ .. ﻓﻬﺪ ﺍﻛﻠﻚ ﺷﻲ ..
ﻓﻬﺪ .. ﻛﻮﻟﻲ ﻳﺎ ﻋﻴﻮﻧﻮ ﻟﻔﻬﺪ ﺍﻧﺘﻲ ..بيج قصص عراقيه حقيقيه من واقعنا.روعه الطائي
ﺑﻴﺎﺭﻕ .. ﺍﺣﺒﻚ ﻛﺪ ﺭﺣﻤﻪ ﺍﻟﻠﻪ ..
ﻓﻬﺪ .. ﺍﻱ ﻭﺍﻧﺔ ﺍﻋﺸﻜﺞ ﺍﻧﺘﻲ ﺍﻟﻨﻔﺲ ﺍﻟﻲ ﺍﺗﻨﻔﺴﻮ ..
ﺣﻴﺎﺗﻲ ﻭﺍﻧﺘﻲ ﻣﻮ ﺑﻴﻬﺎ ﻋﺬﺍﺏ ﻭﻧﺎﺭ ﺟﻬﻨﻢ ﺗﺼﻴﺮ ﻭﻣﺎﺭﻳﺪ ﺍﻟﺪﻧﻴﻪ ﻭﺍﻧﺘﻲ ﻣﻮ ﺑﻴﻬﻪ ..
ﺑﻴﺎﺭﻕ .. ﻭﺍﻧﺔ ﻃﻮﻝ ﺍﻟﻌﻤﺮ ﻳﻤﻚ ﻣﺎﺭﻭﺡ ﻭﺍﺑﺘﻌﺪ ﻋﻨﻚ ﺑﻌﺪ ﺍﻟﻴﻮﻡ ..
ﺑﺎﺳﻨﻲ ﺑﻮﺳﺔ ﻣﺎﺑﻴﻬﺔ ﺭﺣﻤﻪ ..
ﺫﺑﺖ ﻭﺍﻧﺔ ﺃﺑﺎﺩﻟﻮ ﺻﺎﺭ ﻓﻮﻛﻲ ﺿﻠﺖ ﺷﻔﺎﻳﻔﻮ ﺗﺮﺳﻢ ﺣﺒﻮ ﻉ ﺷﻔﺎﻳﻔﻲ ﺣﻄﻴﺖ ﺍﻳﺪﻳﻨﻲ ﻉ ﺭﻛﺒﺘﻮ ﻭﻏﺮﻛﺖ ﻣﻌﻮ ﺑﻌﺎﻟﻢ ﺍﻟﺤﺐ ..
ﻋﺎﻟﻢ ﺧﺎﺹ ﺑﻲ ﺍﻧﺔ ﻭﻫﻮ ﺑﺲ ..
ﻟﻞ٣ﻭﻧﺺ ﻳﻠﻪ ﻧﻤﻨﺔ .. ﻛﻌﺪﺕ ﻉ ﺑﻮﺳﺎﺗﻮ ﺑﺸﻔﺘﻲ ﻭﺍﻧﺔ ﻏﺎﻓﻴﻪ ﻳﺒﻮﺱ ..
ﻓﺘﺤﺖ ﻋﻴﻮﻧﻲ ﺩﺣﻜﺖ ﻋﻠﻲ ﺑﻨﻌﺲ ﻭﻛﺘﻠﻮ ﻫﺴﺎﻉ ﻧﻬﺎﺭ ﻟﻮ ﻟﻴﻞ ..
ﻓﻬﺪ .. ﺍﻟﺴﺎﻋﻪ ﺏ١١ ﺍﻟﺼﺒﺢ ..
ﻛﻤﺖ ﻣﻨﻮ ﻛﻀﺐ ﺍﻳﺪﻱ ﻛﺘﻠﻮ ﻳﻤﻌﻮﺩ ﺻﻼﺓ ﻭﺭﺍﻧﺔ ﺻﺮﻧﺔ ﻛﻔﺎﺭ ..
ﻛﺎﻡ ﻫﻮ ﻛﺎﻝ ﺧﻠﻴﻨﻲ ﺍﺳﺒﺢ ﻛﺒﻠﺞ .. ﺭﺟﻊ ﺩﺣﻜﻠﻲ ﻭﻛﺎﻝ ﻟﻴﺶ ﻣﺎ ﺗﻄﺒﻴﻦ ﻭﻳﺎﻱ ..
ﻛﺘﻠﻮ ﻓﻬﺪ ﻻ ﻓﺪﻭﺓ ﻛﻮﻡ ﺑﺴﺮﻋﻪ ﺍﺳﺒﺢ ﻭﺍﻃﻠﻊ ﺣﺘﻰ ﺍﻃﺐ ﻟﻠﺤﻤﺎﻡ ﻭﺭﺍﻙ ..
ﻛﺎﻡ ﻭﻛﺎﻝ ﺣﻀﺮﻳﻠﻲ ﻫﺪﻭﻣﻲ ..
ﻃﺐ ﻟﻠﺤﻤﺎﻡ ﻭﺍﻧﺔ ﺣﻀﺮﺗﻠﻮ ﻫﺪﻭﻣﻮ ﻭﺣﻀﺮﺕ ﻫﺪﻭﻣﻲ ﻫﻢ .. ﻃﻠﻊ ﻭﺍﻧﺔ ﺳﺒﺤﺖ ﻭﻃﻠﻌﺖ ﻫﻢ .. ﻟﻜﻴﺘﻮ ﻃﺎﻟﻊ ﻣﻦ ﺍﻟﻐﺮﻓﺔ ..
ﺍﻧﺔ ﻫﻢ ﻃﻠﻌﺖ ﻭﺭﺍ .. ﺗﻠﻜﺘﻨﻲ ﻋﻤﺘﻲ ﺗﻬﻠﻬﻞ ﻋﺒﺎﻟﻚ ﺍﻭﻝ ﻣﺮﺓ ﺍﺗﺰﻭﺟﻮ ..
ﺑﺎﺭﻛﺘﻠﻲ ﻉ ﺩﺧﻠﺘﻨﻪ ..
ﻭﺃﺧﺬﺗﻨﻲ ﻛﻌﺪﺗﻨﻲ ﻳﻤﻮ ﻫﻮ ﺟﺎﻥ ﻣﻨﺴﺪﺡ ﻭﻋﻴﻨﻮ ﺑﻠﻤﺒﺎﻳﻞ ..
ﻛﻌﺪﺕ ﻳﻤﻮ ﺣﻄﻴﺖ ﺍﻳﺪﻱ ﻉ ﺷﻌﺮﻭ ﻫﻤﺴﺘﻠﻲ ﺷﺒﻴﻚ ﻫﻴﺞ ﺷﻨﻮ ﻧﻌﺴﺎﻥ ..
ﻓﻬﺪ .. ﻻ ﻣﺎﻧﻌﺴﺎﻥ ﺑﺲ ﻇﻬﺮﻱ ﻳﻮﺟﻌﻨﻲ ﻣﺎﺑﻴﻪ ﺣﻴﻞ ..
ﻃﻜﻴﺘﻮ ﺧﻔﻴﻒ ﻉ ﺭﺍﺳﻮ ..
ﻧﺠﻼﺀ ﻭﻏﺰﺍﻝ ﻳﺪﺣﻜﻦ ﺑﻘﻬﺮ ﻭﺣﻘﺪ ..
ﻭﺭﺍ ﺍﻟﺼﻼﺓ ﺗﻐﺪﻳﻨﻪ ﻭﺧﻠﺼﻨﻪ ..
ﻋﻤﺘﻲ ﻛﺎﻟﺖ ﻛﻮﻣﻲ ﻃﺒﻲ ﺍﻟﻐﺮﻓﺘﺞ ﻻ ﺗﻀﻠﻴﻦ ﻫﻴﻦ ..
ﺑﻴﺎﺭﻕ .. ﻋﻤﻪ ﺍﻧﺔ ﻣﺎﺻﺎﺭ ﺳﺎﻋﺘﻴﻦ ﻣﻦ ﻃﻠﻌﺖ ﻣﻦ ﺍﻟﻐﺮﻓﺔ ..
ﺍﻡ ﻓﻬﺪ .. ﻣﻴﺨﺎﻟﻒ ﻳﻮﻝ ﺭﻭﺣﻲ ﻃﺒﻲ ﺍﻟﻐﺮﻓﺘﺞ ﺍﺣﺴﻦ ﺍﺭﺗﺎﺣﻲ ﺷﻌﻨﺪﺝ ﻃﺎﻟﻌﻪ ﻳﻠﻪ ﻛﻮﻣﻲ ﻳﻢ ﺯﻟﻤﺘﺞ ﻫﻮ ﺍﻟﻴﻮﻡ ﺣﺘﻰ ﻋﺎﻳﻒ ﺷﻐﻠﻮ ..بيج قصص عراقيه حقيقيه من واقعنا.روعه الطائي
ﺑﻴﺎﺭﻕ .. ﺍﺳﺘﻐﻔﺮﺍﻟﻠﻪ ﻋﻤﻪ ﺭﺍﻳﺤﺔ ﺍﻃﺐ ﻟﻐﺮﻓﺘﻲ ﻭﻛﺎﺑﻞ ﺍﻟﺤﻴﺎﻃﻴﻦ ..
ﻛﻤﺖ ﻃﺒﻴﺖ ﻟﻠﻐﺮﻓﺔ ﻛﻌﺪﺕ ﻫﻮ ﺷﻮﻱ ﻭﻃﺐ ..
ﺟﺔ ﻧﺴﺪﺡ ﻭﻛﻀﺐ ﻇﻬﺮﻭ ..
ﺿﺤﻜﺖ ﻭﻛﺘﻠﻮ ﺷﺒﻴﻚ ﻟﻴﺶ ﻇﻬﺮﻙ ﻳﻮﺟﻌﻚ .. ﻭﺗﻜﻠﻄﺖ ﻣﻨﻮ ﻧﻤﺖ ﺑﺤﻀﻨﻮ ..
؛ﻧﻌﺴﺎﻧﻪ ﻻ ﺗﺼﻴﺮ ﻭﻛﺢ ﺧﻠﻴﻨﻲ ﺍﻧﺎﻡ ﻫﻬﻪ ﺍﻧﻪ ﻫﻢ ﻇﻬﺮﻱ ﻳﻮﺟﻌﻨﻲ ..
ﻓﻬﺪ .. ﻧﺎﻣﻲ ﻳﻮﻝ ﻣﻦ ﻛﺎﺿﺒﺞ ﻧﻮﻡ ﺃﻟﻬﻨﺎ ..
ﺻﺪﻙ ﻧﻤﺖ ﺑﺤﻀﻨﻮ ﻻﻥ ﺑﻌﺪﻧﻲ ﻧﻌﺴﺎﻧﻪ ..
ﺑﺲ ﺷﻮﻱ ﻭﻛﻌﺪﺕ ﻣﺎﻟﻜﻴﺘﻮ ..
ﻃﻠﻌﺖ ﺗﻠﻜﺘﻨﻲ ﻧﺠﻼﺀ .. ﺍﻱ ﻋﻴﻨﻲ ﻧﺎﻳﻤﺔ ﻭﺍﺣﻨﺔ ﻫﻴﻦ ﻧﺠﻴﺐ ﻭﻧﺤﻂ ﺟﺪﺍﻣﺞ ﻃﻠﻌﻲ ﺣﺮﻛﻲ ﺍﻳﺪﻳﻨﺞ ﻻ ﺗﻀﻠﻴﻦ ﻛﺎﺭﺻﺔ .. ﻳﻠﻪ ﺭﻭﺣﻲ ﺳﻮﻱ ﻋﺸﺎ ..
ﺟﺘﻔﺖ ﺍﻳﺪﻳﻨﻲ ﻭﺭﻓﻌﺖ ﺣﺎﺟﺒﻲ ﻭﺭﺗﺠﻴﺖ ﻉ ﺣﺎﻳﻂ ..
: ﻭﺍﻧﺘﻲ ﺷﻨﻮ ﺷﻐﻠﺞ ﻫﻴﻦ ﺣﺘﻰ ﺍﻧﺔ ﺍﺳﻮﻱ ﻋﺸﺎ ﻫﺎﺍﺍ ﺧﻤﻮ ﺧﺪﺍﻣﺔ ﻋﻨﺪﺝ ﻭﺍﻧﺔ ﻣﺪﺭﻱ ..
ﻧﺼﺪﻣﺖ ﻣﻦ ﺍﻟﺤﺠﻲ ﺍﻟﻲ ﻛﻠﺘﻮ ﻳﻤﻜﻦ ﺍﻭﻝ ﻣﺮﺓ ﺍﺭﺩﻫﺔ ﻟﻬﺬﺓ ﺍﻟﺴﺒﺐ ﻧﺼﺪﻣﺖ ..
ﻧﺠﻼﺀ .. ﻟﺴﺎﻧﺞ ﺷﻄﻮﻟﻮ ﻳﻮﻝ ﻭﺍﻧﺔ ﻫﻢ ﺧﻤﻮ ﺧﺪﺍﻣﺔ ﻋﻨﺪﺝ ..
ﺍﻡ ﻓﻬﺪ .. ﻳﻮﻝ ﺷﺒﻴﺠﻦ ﺑﺲ ﺗﻜﺎﻭﻧﻦ ﺍﻧﺔ ﺃﮔﺴﻢ ﺍﻟﺸﻐﻞ ﺑﻴﻨﺠﻦ ..
ﻭﻝ ﻏﺰﺍﻝ ﺗﻌﺎﻱ ﻫﻴﻦ ﺑﺴﺮﻋﻪ ..
ﺟﺖ ﻫﻲ ﻛﺎﻟﺖ ﻫﺎ ﻋﻤﺔ ﺷﻜﻮ ﺗﺼﺨﺮﻳﻨﻲ ﺑﺲ ﺍﻧﻪ ﻫﻴﻦ ﺷﻨﻮ ..
ﺍﻡ ﻓﻬﺪ .. ﻛﻀﺒﻲ ﻟﺴﺎﻧﺞ ﻭﺣﺪﺭﻱ ﻫﻴﻦ ﺑﻼ ﻟﻐﻮﺓ ﺯﺍﻳﺪﺓ ..
ﺩﺣﻜﻦ ﻛﻠﺠﻦ ﺍﻧﺔ ﻣﺎﺭﺍﺡ ﺍﻓﺮﻕ ﺑﻴﻨﺠﻦ ..
ﺭﺍﺡ ﺍﻟﺸﻐﻞ ﻳﺼﻴﺮ ﺑﻴﻨﺠﻦ ..
ﻧﺠﻼﺀ ﻋﻠﻴﻬﺔ ﺍﻟﺨﺒﺰ ﻭﻏﺰﺍﻝ ﺗﻄﺒﺦ ﻭﺑﻴﺎﺭﻕ ﻋﻠﻴﻬﺔ ﺷﻐﻞ ﺃﻟﺒﻴﺖ ﺗﻨﻈﻴﻒ ..
ﻭﺍﻟﻌﺸﺎ ﺗﺴﻮﻧﻪ ﺳﻮﻳﺔ ﻭﺍﻟﻬﺪﻭﻡ ﻛﻞ ﻭﺣﺪﺓ ﺗﻐﺴﻞ ﻫﺪﻭﻣﻬﺔ ..
ﻭﺍﻟﻤﻮﺍﻋﻴﻦ ﺍﻟﺼﺒﺢ ﻉ ﺑﻴﺎﺭﻕ ﻭﺍﻟﻐﺪﺓ ﻉ ﻧﺠﻼﺀ ﻭﺍﻟﻌﺸﺎ ﻉ ﻏﺰﺍﻝ ..
ﻧﺠﻼﺀ .. ﻋﺠﻞ ﻟﻴﺶ ﺍﻟﺸﻐﻞ ﺍﻟﺨﻔﻴﻒ ﻉ ﺑﻴﺎﺭﻕ ﻫﻮ ﺍﻟﺒﻴﺖ ﺷﻨﻮ ﺑﻲ ﺣﺘﻰ ﺗﻨﻈﻔﻮ ..
ﺍﻡ ﻓﻬﺪ .. ﻣﺎﻟﺞ ﻏﺮﺽ ﺍﻧﺘﻲ ﻭﺍﻟﺒﻴﺖ ﻛﻠﻮ ﺗﻨﻈﻔﻮ ﻳﻌﻨﻲ ﻫﻢ ﺗﺘﻌﺐ ..
ﺍﻧﺔ ﺳﻤﻌﺖ ﺣﺠﻴﻬﺔ ﻭﺭﺣﺖ ﻟﻠﻤﻄﺒﺦ ﺟﻦ ﻫﻦ ﻭﺭﺍﻱ ﻳﻠﻐﻦ ..
ﻻﻥ ﻣﺎﻋﺠﺒﻬﻦ ﺃﻟﻲ ﺳﻮﺗﻮ ﻋﻤﺘﻲ ..
ﺳﻜﺘﺖ ﻋﻨﻬﻦ ﻭﺳﻮﻳﺖ ﺷﻐﻠﻲ ..
ﻃﺐ ﻓﻬﺪ ﺳﻠﻢ ﻭﻃﺐ ﻳﻢ ﺍﻣﻮ ..
ﺣﻄﻴﻨﻪ ﻋﺸﺎ ﻭﻟﺘﻤﻴﻨﻪ ﻧﺘﻌﺸﻪ ..
ﺣﺠﺔ ﺩﻫﺎﻡ .. ﺧﺎﻟﻪ ﺑﻴﺎﺭﻕ ﻟﻴﺶ ﺑﺎﺑﺎ ﺍﻟﺒﺎﺭﺣﺔ ﺑﺎﺳﺞ ﻭﻟﻴﺶ ﻧﻤﺘﻲ ﻭﻳﺎ ﺑﻠﻐﺮﻓﺔ ..
ﻣﻦ ﻛﺎﻝ ﺑﺎﺳﺞ ﻏﺼﻴﺖ ﻭﻓﻬﺪ . ﻛﻠﻮ ﺑﺎﺑﺎ ﺷﻨﻮ ﻫﺬﺓ ﺍﻟﺤﺠﻲ ﻋﻴﺐ ﻻ ﺗﻌﻴﺪﻭ ﻣﺮﺓ ﺛﺎﻧﻴﻪ ..
ﻛﻠﻮ ﻣﺎﺷﻲ ﺑﺎﺑﺎ ..
ﺭﻓﻌﺖ ﺭﺍﺳﻲ ﺩﺣﻜﺘﻠﻮ ﻭﺍﺷﺮﺗﻠﻮ ﺑﻌﻴﻮﻧﻲ ﻭﻋﻀﻴﺖ ﺷﻔﺘﻲ ..
ﻫﻮ ﺳﻜﺖ ﻣﺎﺣﺠﺔ ﺷﻲ ﺑﺲ ﻓﺸﻠﻨﻪ ﻭﻋﻤﺘﻲ ﺿﻠﺖ ﺗﻀﺤﻚ ..
ﻳﻌﻨﻲ ﻫﻮ ﻧﺺ ﺍﻟﻠﻴﻞ ﻭﺭﺍﻧﻪ ﻭﺷﺎﻳﻔﻨﻪ ﻫﻢ ..
ﺧﻠﺼﻨﻪ ﻋﺸﺎ ﺷﻠﻨﻪ ﻟﻤﻴﻨﻪ ﺍﻟﻤﻮﺍﻋﻴﻦ ﻭﺣﻄﻴﻨﺎﻫﻢ ﺑﻠﻤﻄﺒﺦ ..
ﺍﺧﺬﺕ ﻓﺮﺓ ﺑﻠﺒﻴﺖ ﺍﻧﻈﻔﻮ ..
ﺧﻠﺼﺖ ﻭﻃﺒﻴﺖ ﻟﻠﻐﺮﻓﺔ ﻓﻬﺪ ﻛﺎﻋﺪ ﻉ ﻣﺒﺎﻳﻠﻮ ﻓﺠﺎﺀﺍ ﺩﻙ ﻣﺒﺎﻳﻠﻮ ..
ﺗﻨﻬﺪ ﻭﺳﺪﻭ .. ﻭﺭﺟﻊ ﺩﻙ ﻣﺮﺓ ﺛﺎﻧﻴﻪ .. ﺳﺪﻭ ﻭﻳﻤﻜﻦ ﺳﻮﺍ ﻣﻐﻠﻖ ﻭﻛﻄﻮ ﻉ ﺻﻔﺤﺔ ..
ﻛﺘﻠﻮ ﻣﻨﻮ ﺗﺎ ﻳﺨﺎﺑﺮ ﻋﻠﻴﻚ ..
ﻛﺎﻝ ﻣﺤﺪ ﺍﺗﺼﺎﻝ ﻣﻦ ﺷﺨﺺ ﻣﺰﻋﺞ ﻭﻣﺎ ﺭﺩﻳﺖ ﻋﻠﻲ ..
ﺟﺖ ﻋﻤﺘﻲ ﻛﺎﻟﺖ ﺍﻟﻔﻬﺪ .. ﻳﻤﺔ ﻓﻬﺪ ﻫﺴﺎﻉ ﻧﺠﻼﺀ ﻭﻏﺰﺍﻝ ﻳﻤﻲ ﻳﻜﻮﻟﻮ ﺷﻮ ﻫﻮ ﺭﺍﺡ ﻃﺐ ﻳﻤﻬﺔ ﺍﺣﻨﺔ ﻫﻢ ﺍﻟﻨﻪ ﺣﻚ ﻋﻠﻲ ..
ﻓﻬﺪ .. ﺷﺴﺎﻟﻔﻪ ﻳﻤﺔ ﺑﺲ ﺍﻟﺒﺎﺭﺣﺔ ﺍﻧﻪ ﻫﻴﻦ ..
ﺍﻡ ﻓﻬﺪ .. ﻭﻫﻦ ﻣﺎﻋﺎﺟﺒﻬﻦ ﻳﻤﺔ ﻻﺯﻡ ﻛﻞ ﻭﺣﺪﺓ ﻟﻴﻠﻪ .
ﻓﻬﺪ .. ﺍﻱ ﻛﻞ ﻭﺣﺪﺓ ﻟﻴﻠﻪ ﺑﺲ ﻫﺴﺎﻉ ﺍﺣﻨﺔ ﻣﺘﺰﻭﺟﻴﻦ ﺟﺪﻳﺪ ﻭﺧﻠﻲ ﻭﺣﺪﺓ ﻣﻨﻬﻦ ﺗﻔﺘﺢ ﺣﻠﻜﻬﺔ ﺣﺘﻰ ﺍﺧﻠﻴﻬﺔ ﺗﻠﻢ ﺳﻨﻪ ﻛﺎﻣﻠﺔ ﺑﺎﺳﻨﺎﻧﻬﺔ ..
ﺍﻡ ﻓﻬﺪ .. ﺍﺥ ﻣﻨﻚ ﺑﺲ ﺍﻟﻴﻮﻡ ﻫﻢ ﺿﻞ ﻫﻴﻦ ﻭﻧﻮﺏ ﻛﻞ ﻭﺣﺪﺓ ﻟﻴﻠﻪ ..
ﻫﺰ ﺭﺍﺳﻮ ﺍﻟﻬﺔ ﺑﺲ ﻫﻮ ﻣﺎﻋﺎﺟﺒﻮ ﺑﺲ ﻻﺯﻡ ﻳﺴﻮﻱ ﻫﻴﺞ ﻻﻥ ﻻﺯﻡ ﻳﻨﻄﻴﻬﻦ ﺣﻜﻬﻦ ﻫﻢ ..
ﻃﻠﻌﺖ ﻋﻤﺘﻲ ﻭﻫﻮ ﻫﻢ ﻃﻠﻊ ﺳﺎﻋﺘﻴﻦ ﻭﺭﺟﻊ ..
ﺍﻧﻪ ﻣﺘﺤﻀﺮﺓ ﺍﻟﻮ ﻭﻻﺑﺴﻪ ﻭ ﻣﺮﺗﺒﻪ ﻛﻠﺸﻲ ﺑﺲ ﺟﺔ ﻫﻮ ﻃﺐ ﻟﻠﻐﺮﻓﺔ ﺭﺣﺖ ﺍﻟﻮ ﻭﺑﺴﺘﻮ ﺑﺨﺪﻭ ..
ﻫﻮ ﻫﻢ ﺑﺎﺳﻨﻲ ﻭﻃﺐ ﻭﺳﺪﻳﻨﻪ ﺍﻟﺒﺎﺏ ..
ﻛﻌﺪ ﻫﻮ ﻉ ﺳﺮﻳﺮ ﻭﺍﻧﺔ ﺟﻴﺖ ﻛﻌﺪﺕ ﻳﻤﻮ ﻫﻮ ﻧﻈﺮﺍﺗﻮ ﻓﺎﺿﺤﺎﺗﻮ ﺟﺮﻳﺌﺔ ..
ﻭﺃﺧﺬﻧﻲ ﺍﻟﻮ ﻭﺍﻟﻌﺎﻟﻤﻮ ﻭﺣﺒﻮ .. ﻭﻭﻭﻭﻭﻭﻭﻭﻭ ....
ﻛﻌﺪﺕ ﺍﻟﺼﺒﺢ ﻫﻮ ﻣﻮ ﻳﻤﻲ ﺳﺒﺤﺖ ﻭﺻﻠﻴﺖ ..
ﻫﻮ ﺭﺍﻳﺢ ﻉ ﺷﻐﻠﻮ ..
ﻃﻠﻌﺖ ﻛﻠﺸﻲ ﻣﺎﻋﻨﺪﻱ ﻭﻻﺑﺴﻪ ﺩﺷﺪﺍﺷﻪ ﻛﺼﻴﻔﺔ ﻭﺣﺎﻃﺔ ﻣﻜﻴﺎﺝ ﻗﻠﻴﻞ ﻭﻋﻄﺮﻱ ﻭﺭﺍﻱ ..
ﻣﺎﺭﺍﺡ ﺍﺿﻠﻢ ﺭﻭﺣﻲ ﻭﺃﺻﻴﺮ ﺧﺪﺍﻣﺔ ﻣﺜﻞ ﮔﺒﻞ ﻫﺴﺎﻉ ﻻﺯﻡ ﺃﻛﻮﻥ ﺃﻣﻴﺮﺓ ..
ﻛﻌﺪﺕ ﻉ ﺗﻠﻔﺰﻳﻮﻥ ﺑﺪﻭﻥ ﻣﺎ ﺍﺗﺮﻳﻚ ﻭﻫﻦ ﻳﺪﺣﻜﻦ ﻋﻠﻲ ﺑﻜﺮﻩ ..
ﻣﺎ ﻫﺘﻤﻴﺖ ﺷﻮﻱ ﻭﺍﺳﻤﻊ ﺻﻮﺕ ﻃﺐ ﻫﺬﺓ ﺍﻟﺼﻮﺕ ﻣﻮ ﻏﺮﻳﺐ ﻋﻠﻲ ﻣﻮ ﺍﻭﻝ ﻣﺮﺓ ﺍﺳﻤﻌﻮ ..
ﻛﻤﺖ ﺑﺴﺮﻋﻪ ﻫﺬﺓ ﺻﻮﺕ ﺍﺣﻼﻡ ..
ﻃﺐ ﻫﻲ ﻭﻧﺠﻼﺀ ﺑﺲ ﺩﺣﻜﺖ ﻋﻠﻲ ﺿﻠﺖ ﺗﺒﺠﻲ ..
ﺟﺖ ﺑﺴﺮﻋﻪ ﻛﻀﺒﺘﻨﻲ ﻣﻦ ﻃﺮﻑ ﺛﻮﺑﻲ ﻭﻫﻲ ﺗﺒﺠﻲ ..
ﺑﻴﺎﺭﻕ .. ﺷﺒﻴﺞ ﺍﺣﻼﻡ ﻟﻴﺶ ﻛﻞ ﻫﻞ ﺩﻣﻮﻉ ﺻﺎﻳﺮ ﺷﻲ ..
ﺍﺣﻼﻡ .. ﻋﺬﺭﻳﻨﻲ ﺳﺎﻣﺤﻴﻨﻲ ﻉ ﻛﻞ ﺷﻲ ﺳﻮﻳﺘﻮ ﻭﻳﺎﺝ ﻭﺣﻮﺑﺘﺞ ﻃﻠﻌﺖ ﺑﻴﻨﺎ ﻛﻠﻨﻪ ﺳﺎﻣﺤﻴﻨﻲ ﺍﻟﻠﻪ ﻳﺨﻠﻴﺞ ..
ﺑﻴﺎﺭﻕ .. ﻟﻴﺶ ﺷﺼﺎﻳﺮ ﻋﻤﻲ ﺑﻲ ﺷﻲ ..
ﺍﺣﻼﻡ .. ﺍﻣﻲ ﻣﺮﻳﻀﺔ ﻭﺗﺎ ﺗﻤﻮﺕ ﺑﻴﻬﺔ ﻣﺮﺽ ﺳﺮﻃﺎﻥ ..
ﻫﺬﺓ ﺍﻟﺸﻲ ﻣﺎﺟﻨﺔ ﻧﻌﺮﻑ ﺑﻲ ﮔﺒﻞ ﻳﻮﻣﻴﻦ ﻳﻠﻪ ﻋﺮﻓﻨﻪ ..
ﻭﻫﻲ ﻫﺴﺎﻉ ﺗﺮﻳﺪﺝ ﺗﺴﺎﻣﺤﻴﻬﺔ ﻉ ﻛﻠﺸﻲ ﺳﻮﺗﻮ ﻭﻳﺎﺝ ..
ﺑﻴﺎﺭﻕ .. ﻻ ﺣﻮﻝ ﻭﻻ ﻗﻮﺓ ﺍﻟﺔ ﺑﺎﻟﻠﻪ ﺩﺣﻜﺖ ﻉ ﻋﻤﺘﻲ ﺗﻬﺰ ﺑﺮﺍﺳﻬﺔ ﺑﻘﻬﺮ ..
ﺍﻡ ﻓﻬﺪ .. ﺍﺳﺘﻐﻔﺮﺍﻟﻠﻪ ﻭﺃﺗﻮﺏ ﺍﻟﻴﻪ ﻣﻦ ﻛﻞ ﺫﻧﺐ ﺗﻌﺎﻱ ﻳﻤﻪ ﻛﻌﺪﻱ ﻻ ﺗﻀﻠﻴﻦ ﻭﺍﻛﻔﻪ ..
ﺍﺧﺬﺕ ﺍﺣﻼﻡ ﻭﻛﻌﺪﺕ ﺭﺣﺖ ﺍﻧﺔ ﺟﺒﺖ ﺍﻟﻬﺔ ﻣﺎﻱ ﻧﻄﻴﺘﻬﺔ ﺍﺧﺬﺗﻮ ﺷﺮﺑﺖ ﻭﻫﻲ ﺗﺒﺠﻲ ..
ﺑﻴﺎﺭﻕ .. ﻛﺎﻓﻲ ﺑﺠﻲ ﻛﻠﻴﻠﻲ ﺷﻠﻮﻧﻜﻢ ﻋﻤﻲ ﺷﻠﻮﻧﻮ ..
ﺍﺣﻼﻡ .. ﺑﻴﺎﺭﻕ ﺍﺭﻳﺪ ﺍﺣﺠﻲ ﻭﻳﺎﺝ ﻭﺣﺪﻧﻪ ﻓﺪﻭﺓ ﺑﻌﺪ ﻋﻨﺪﻱ ﺣﺠﻲ ﺟﺜﻴﺮ ..
ﺍﻡ ﻓﻬﺪ .. ﻋﺠﻞ ﺍﻧﻪ ﺍﺗﺮﺧﺺ ﺃﺧﺬﻥ ﺭﺍﺣﺘﺠﻦ ﻳﻤﻪ ..
ﺑﻴﺎﺭﻕ .. ﻻ ﻋﻤﺔ ﺿﻠﻲ ﺍﻧﻪ ﺍﺭﻭﺡ ﻭﻳﺎﻫﺎ ﻟﻼﺳﺘﻘﺒﺎﻝ ﻭﻧﺴﺪ ﺍﻟﺒﺎﺏ ﺍﺣﺴﻦ ..
ﻛﻮﻣﺘﻬﺔ ﺑﻠﻜﻮﺓ ﺗﻤﺸﻲ ﺍﻟﻮﺟﻪ ﺷﺎﺣﺐ ﻭﺍﺻﻔﺮ ..
ﺻﺪﻙ ﺗﻘﻬﺮ ﻭﺷﻜﻠﻬﺔ ﻣﻜﺴﻮﺭﺓ ..
ﻃﺒﻴﻨﻪ ﻭﺳﺪﻳﺖ ﻭﺍﻟﺒﺎﺏ ﻫﻲ ﻛﻌﺪﺕ ﺑﻠﻜﺎﻉ ﻭﺗﺒﺠﻲ ﻭﺗﺸﻬﻚ ..
ﺍﺣﻼﻡ .. ﺑﻴﺎﺭﻕ ﺣﻮﺑﺘﺞ ﻃﻠﻌﺖ ﺑﻴﻨﺎ ﺳﺎﻣﺤﻴﻨﻪ ﺑﻠﻜﺖ ﺍﻟﻠﻪ ﻳﺴﺎﻣﺤﻨﺔ ﺍﻟﻠﻪ ﻳﺨﻠﻴﺞ ﻭﺍﻟﻠﻪ ﻛﻠﺒﻲ ﺗﺎ ﻳﺘﻜﻄﻊ ﻣﺎﺗﺪﺭﻳﻦ ﺷﻨﻮ ﺗﺎ ﻳﺼﻴﺮ ﻣﺼﺎﻳﺐ ﭼﺜﻴﺮ ﻭﺍﻛﻌﺔ ﻉ ﺭﻭﺳﻨﻪ ..
ﺑﻴﺎﺭﻕ .. ﺍﺣﺠﻴﻠﻲ ﺷﺼﺎﻳﺮ ﻳﻮﻝ ﺗﺮﺓ ﻛﻠﺒﻲ ﻧﺒﻂ ﺭﺍﺡ ﺍﻣﻮﺕ ﺷﻠﻌﺘﻲ ﻛﻠﺒﻲ ﺍﺣﺠﻲ ..
ﺍﺣﻼﻡ .. ﺍﻭﻝ ﺷﻲ ﻣﻦ ﺭﺣﺘﻲ ﻭﻣﺎ ﻟﻜﻴﻨﺎﺝ ﻓﻬﺪ ﺗﺨﺮﺑﻄﺖ ﺃﻭﺿﺎﻋﻮ ﻭﻧﺪﻡ ﻳﻜﻮﻝ ﻳﻤﻜﻦ ﻫﻲ ﻣﺎﻏﻠﻄﺖ ﻳﻌﻨﻲ ﺿﻞ ﻳﺸﻚ ﺑﻴﺎ ..
ﻭﺷﻮﻱ ﺷﻮﻱ ﻭﺿﻌﻮ ﻣﻦ ﺳﻴﺊ ﺍﻟﻰً ﺍﺳﻮﺀ ﻭﺍﻷﻣﺮﺍﺽ ﺗﺎ ﺗﺠﻴﻠﻮ ﻣﺎﻧﺪﺭﻱ ﻣﻨﻴﻦ ، ٢٤ ﺳﺎﻋﻪ ﺿﻐﻄﻮ ﺻﺎﻋﺪ ﻭﻛﻞ ﺷﻮﻱ ﻳﻜﻊ ﻋﻠﻴﻨﻪ ..
ﻭﺍﻣﻲ ﻣﺜﻞ ﺍﻟﻲ ﺳﻤﻌﺘﻲ ﻃﻠﻌﺖ ﻣﺮﻳﻀﺔ ﺳﺮﻃﺎﻥ ، ﻭﻣﺎﻧﺪﺭﻱ ﺷﻠﻮﻥ ﻭﺗﺎﻟﻲ ﻭﻳﺎﻫﺎ ﻭﻫﻲ ﺗﻜﻮﻝ ﺍﻧﻪ ﻋﻨﺪﻱ ﺣﺴﺎﺱ ﺍﻣﻮﺕ ﺑﻬﺎﻱ ﺍﻻﻳﺎﻡ ﺭﻏﻢ ﻫﻲ ﺇﺑﺪﺍﻳﺔ ﺍﻟﻤﺮﺽ ..
ﻭﺧﻠﺖ ﺫﻣﺔ ﺑﺮﻛﺒﺘﻲ ﺍﺟﻲ ﺍﻃﻠﺐ ﻣﻨﺞ ﺗﺴﺎﻣﺤﻴﻬﺔ ﺣﺘﻰ ﺭﺑﻲ ﻳﺴﺎﻣﺤﻬﺔ ..
ﺑﻴﺎﺭﻕ .. ﺍﻧﺔ ﻣﺴﺎﻣﺤﺘﻬﺎ ﻭﺍﻃﻠﺐ ﻣﻦ ﺭﺑﻲ ﻫﻢ ﻳﺴﺎﻣﺤﻬﺔ ..
ﻭﻟﺞ ﺍﺣﻼﻡ ﻛﻠﻬﻦ ﻓﺘﺮﺓ ﻛﻢ ﺷﻬﺮ ﻏﺒﺖ ﻛﻞ ﻫﺬﺓ ﺻﺎﺭ ..
ﺣﺠﻴﺖ ﺑﻜﻠﺒﻲ ﻛﻠﺖ ﺷﻮ ﺯﻳﻨﻪ ﻣﺎﺣﺠﺖ ﺷﻲ ﻣﻌﻘﻮﻟﺔ ﻣﺎﺗﺪﺭﻱ ..
ﺭﺟﻌﺖ ﻛﺘﻠﻬﺔ ﻛﺎﻓﻲ ﺭﺗﺎﺣﻲ ﻭﺟﻬﺞ ﺍﺻﻔﺮ ﺭﺍﺡ ﺗﻤﻮﺗﻴﻦ ﺷﺒﻴﺞ ..
ﻭﺃﻧﻪ ﺷﺤﺠﻲ ﻭﻳﻦ ﺍﻧﻄﻲ ﻭﺟﻬﻲ ﻭﺿﻠﺖ ﺗﻠﻄﻢ ﻉ ﻭﺟﻬﺔ ﻭﺗﺒﺠﻲ ﻣﻠﺨﺖ ﺭﻭﺣﻬﺔ ﻛﻀﺒﺘﻬﺔ ﺑﻠﻜﻮﺓ ﻭﻫﻴﺔ ﺗﺒﺠﻲ ﻭﺗﺨﺮﺑﻄﺖ ﺑﻴﻦ ﺍﻳﺪﻳﻨﻲ ﻃﻠﻌﺖ ﺭﻛﺾ
ﻧﺠﻼﺀ .. ﺷﺒﻴﺞ ﺗﺮﻛﻀﻴﻦ ﻳﻮﻝ ﺷﻌﺪﻫﺔ ﻫﺎﻱ ﻫﻴﻦ ﺣﺘﻰ ﺗﻜﻄﻦ ﺟﻢ ﺳﺤﺮ ﻣﻨﺎ ﻣﻨﺎ ﻭﺗﺨﺒﻠﻨﻮ ﺍﻟﻔﻬﺪ ﺑﻠﺰﺍﻳﺪ ..
ﺯﻛﺤﺖ ﺑﻴﻬﺎ ..
ﺑﻴﺎﺭﻕ .. ﺗﻮﺧﺮﻳﻦ ﻣﻦ ﺟﺪﺍﻣﻲ ﻻ ﺍﻟﻜﻼﺹ ﻫﺬﺓ ﺍﻧﺒﺘﻮ ﺑﺮﺍﺳﺞ .. ﻋﻔﺘﻬﺔ ﻭﺭﺣﺖ ..
ﺟﺒﺖ ﺍﻟﻬﺔ ﻣﺎﻱ ﺭﺷﻴﺖ ﻉ ﻭﺟﻬﺔ ﻛﻌﺪﺕ ﻭﺷﺮﺑﺘﻬﺔ ..
ﻣﺎﺗﺤﺠﻲ ﺑﺲ ﺗﻮﻥ ﻧﺎﻳﻤﺔ ﻭﺃﻧﻪ ﺍﻓﺮﻙ ﺑﺎﻳﺪﻫﺔ ..
ﻛﺴﺮﺕ ﺧﺎﻃﺮﻱ ﻭﺃﻧﻪ ﻳﻤﻬﺔ ﻭﻫﻲ ﺍﻧﺴﺎﻧﻪ ﻣﻜﺴﻮﺭﺓ ..
ﺑﺲ ﺷﻮﻱ ﺭﺩﺗﻬﺔ ﺗﺤﺠﻲ ﺭﺟﻌﺖ ﻓﻘﺪﺕ ﻃﻠﻌﺖ ﺻﺤﺖ ﺍﻟﻌﻤﺘﻲ ..
ﻛﻌﺪﺗﻬﺔ ﻭﺿﻠﺖ ﻋﻤﺘﻲ ﺗﻘﺮﺍ ﺁﻳﺎﺕ ﻉ ﺭﺍﺳﻬﺔ ﻭﻫﻲ ﺗﺒﺠﻲ ﻭﺗﻮﻥ ..
ﻃﻠﻌﺖ ﻟﻜﻴﺖ ﻓﻬﺪ ﺭﺍﺟﻊ ﺳﺘﻐﺮﺑﺖ ﺟﻴﺘﻮ ..
ﻫﻮ ﺩﺣﻚ ﻋﻠﻲ ﻭﻋﻜﺪ ﺣﻮﺍﺟﺒﻮ ..
ﻓﻬﺪ .. ﻳﻮﻝ ﻫﺎﻱ ﺍﻟﺴﻜﻂ ﺷﺴﻮﻱ ﻫﻴﻦ ﻫﺎﺍﺍ ﻟﻴﺶ ﻣﺎﺧﺎﺑﺮﺗﻴﻨﻲ ﺍﺟﻲ ﻭﻳﻦ ﻫﻲ ..
ﺑﻴﺎﺭﻕ .. ﺣﺒﻴﺒﻲ ﺍﻫﺪﻱ ﺷﻮﻱ ﺗﻌﺎﻝ ﺍﺣﺠﻲ ﻭﻳﺎﻙ ..
ﻛﻀﺒﺘﻮ ﻣﻦ ﺍﻳﺪﻭ ﺟﺮﻫﺔ ﻣﻨﻲ ﻭﻫﻮ ﻣﻌﺼﺐ ﻋﺎﻛﺪ ﺣﻮﺍﺟﺒﻮ ..
ﻭﺯﻛﺢ ﺑﻴﺎ ..
ﻓﻬﺪ .. ﺗﺮﻭﺣﻴﻦ ﺗﻄﺒﻴﻦ ﺍﻟﻐﺮﻓﺘﺞ ﻭﻣﺎ ﺍﺭﻳﺪ ﺍﻃﻠﻌﻴﻦ ﻣﻨﻬﺎ ﻭﻫﺎﻱ ﺍﺣﻼﻡ ﺍﻧﻪ ﺍﺣﺠﻲ ﻭﻳﺎﻫﺎ ﻭﺍﻋﺮﻑ ﺍﻟﻲ ﺗﺮﻳﺪﻭ ..بيج قصص عراقيه حقيقيه من واقعنا.روعه الطائي
ﺑﻴﺎﺭﻕ .. ﻓﻬﺪ ﻛﺎﻓﻲ ﺍﺳﻤﻌﻨﻲ ﺗﻌﺎﻱ ﻭﻳﺎﻱ ﻫﺴﺎﻉ ﻣﺎ ﺍﺣﺠﻲ ﻫﻴﻦ ..
ﻛﻀﺒﺘﻮ ﻣﻦ ﺍﻳﺪﻭ ﺟﺮﻫﺔ ﻣﻨﻲ ﻭﺭﺍﺡ ﻟﻠﻐﺮﻓﺔ ﮔﺒﻠﻲ ﺭﻛﻀﺖ ﻭﺭﺍ ..
ﻃﺒﻴﺖ ﻭﻛﺘﻠﻮ ﻓﻬﺪ ﻉ ﻛﻴﻔﻚ ﺍﻟﻠﻪ ﻳﺨﻠﻴﻚ ﻫﻲ ﺟﺎﻳﺔ ﺑﺲ ﺗﻄﻠﺐ ﻣﻨﻲ ﺃﺳﺎﻣﺢ ﺍﻣﻬﺎ ..
ﻓﻬﺪ .. ﺍﻱ ﺗﺴﺎﻣﺤﻴﻦ ﺍﻣﻬﺎ ﺍﻟﻌﺎﺭ ﺍﻟﻜﺢ *** ﻭﺑﻌﺪ ﻣﺎﺭﺍﺩﺕ ﺗﺮﺟﻌﺞ ﺍﻟﻐﺎﻟﺐ ﻫﻢ ﻭﻫﻢ ﺟﺎﺑﺖ ﺳﻴﺮﺗﻮ؟؟ .. ﻟﻮ ﻫﻮ ﻃﺎﻟﺐ ﻣﻨﻬﺔ ﺗﻜﻮﻟﻲ ﺷﻲ ..
ﻭﺑﻌﺪﻳﻦ ﻫﻲ ﻳﻌﺮﻓﻬﺔ ﺍﻧﺘﻲ ﻫﻢ ﻛﻠﻬﻢ ﻣﺎﻳﺪﺭﻭﻥ؟؟ ..
ﺧﻔﺖ ﻣﻨﻮ ﻻﻥ ﻋﺼﺒﻲ ﻭﺧﺎﺯﺭﻧﻲ ﻭﻫﻮ ﻳﺤﺠﻲ ﻛﻀﺒﺘﻮ ﻣﻦ ﺯﻧﺪﻭ ﻭﺩﺣﻜﺖ ﺑﻌﻴﻮﻧﻮ ﺍﻟﻲ ﺻﺎﺭﻭ ﺣﻤﺮ ﻣﻦ ﺍﻟﻌﺼﺒﻴﻪ ، ﻭﺍﻧﺔ ﻋﻴﻮﻧﻲ ﻣﻐﻮﺭﻛﺎﺕ ﺩﻣﻮﻉ ..
ﺣﺠﻴﺖ ﺑﻐﺼﻪ ﻭﻗﻬﺮ ..
ﺑﻴﺎﺭﻕ .. ﻓﻬﺪ ﺍﻟﻠﻪ ﻳﺨﻠﻴﻚ ﻫﻲ ﺍﻣﻬﺎ ﻫﺴﺎﻉ ﻣﺮﻳﻀﺔ ﺑﻴﻬﺎ ﺳﺮﻃﺎﻥ ﻭﺑﺲ ﺗﺮﻳﺪ ﻣﻨﻲ ﺍﺳﺎﻣﺤﻬﺔ ، ﻭﺍﻧﺘﻪ ﻣﺎﺷﻔﺖ ﺣﺎﻟﺘﻬﺎ ﺷﻠﻮﻥ ﺗﻜﺴﺮ ﺍﻟﻜﻠﺐ ..
ﺗﻨﻬﺪ ﻭﻣﺴﺢ ﻉ ﻭﺟﻬﻮ .. ﺍﺳﺘﻐﻔﺮﺍﻟﻠﻪ ﺭﺑﻲ ﻭﻫﻲ ﻫﺴﺎﻉ ﻭﻳﻦ ..
ﺑﻴﺎﺭﻕ .. ﺑﻼﺳﺘﻘﺒﺎﻝ ﺗﺒﺠﻲ ﻭﺗﻮﻥ ﺷﺒﻪ ﻓﺎﻗﺪﺓ ﻭﺍﻟﻠﻪ ﺗﻜﺴﺮ ﺍﻟﺨﺎﻃﺮ ﺍﻟﻠﻪ ﻳﺨﻠﻴﻚ ﻓﻬﺪ ﺑﺲ ﺧﻠﻴﻨﻲ ﺍﺣﺠﻲ ﻭﻳﺎﻫﺎ ﻭﺍﻛﻌﺪ ﻳﻤﻬﺔ ..
ﻓﻬﺪ .. ﺭﻭﺣﻲ ﻳﻤﻬﺔ ﻭﺍﺳﻴﻬﺔ ﻉ ﺍﻟﻲ ﺑﻴﻬﺎ ﺑﺲ ﻣﺎ ﺩﺭﻱ ﺷﻠﻮﻥ ﻫﻴﺞ ﺗﺴﺎﻣﺤﻴﻨﻬﺔ ﻉ ﻛﻞ ﺷﻲ ﺳﻮﺗﻮ ﺑﻴﺞ ..
ﺑﻴﺎﺭﻕ .. ﺣﺮﺍﻡ ﻋﻠﻴﻪ ﺍﺣﺠﻲ ﻉ ﻣﺮﺓ ﻣﺮﻳﻀﺔ ﺗﺮﻳﺪ ﺗﻤﻮﺕ ﻭﻫﻲ ﺍﺧﺮ ﺷﻲ ﺗﺮﻳﺪﻭ ﺍﺳﺎﻣﺤﻬﺔ ..
ﻓﻬﺪ .. ﺭﻭﺣﻲ ﻳﻤﻬﺔ ﻳﻠﻪ ﻭﺃﻱ ﺷﻲ ﺗﺤﺘﺎﺟﻮ ﺍﻧﻪ ﻣﻮﺟﻮﺩ ﻭﺍﺳﻮﻱ ﺍﻟﺮﺑﻲ ﻣﻮ ﺍﻟﻬﺔ ﻻﻥ ﻫﻲ ﻣﺎ ﺗﺴﺘﺎﻫﻞ ..
ﺭﻓﻌﺖ ﺭﻭﺣﻲ ﺑﺴﺘﻮ ﺑﺨﺪﻭ ﻭﻛﺘﻠﻮ ﺍﻟﻠﻪ ﻳﺨﻠﻴﻚ ﺍﻟﻲ ﻳﺎﺭﺏ ..
ﻃﻠﻌﺖ ﻣﻨﻮ ﺭﺣﺖ ﻃﺒﻴﺖ ﺑﻼﺳﺘﻘﺒﺎﻝ ﻫﻲ ﻛﺎﻋﺪﺓ ﻭﻣﺪﻧﺠﺔ ﺭﺍﺳﻬﺔ ﺑﻘﻬﺮ ..
ﻋﻤﺘﻲ ﻃﻠﻌﺖ ﺑﺴﺮﻋﻪ ..
ﻛﻌﺪﺕ ﻳﻤﻬﺔ ﺣﻄﻴﺖ ﺍﻳﺪﻱ ﺑﺎﻳﺪﻫﺔ ﻛﺘﻠﻬﺔ ﺍﺣﻼﻡ ﺍﻧﻪ ﺃﺳﺎﻣﺢ ﻟﺮﺑﻲ ﻭﻫﺴﺎﻉ ﻛﻮﻟﻴﻠﻲ ﺍﻧﺘﻲ ﺷﺒﻴﺞ ..
ﺍﺣﻼﻡ .. ﺷﻨﻮ ﺑﻴﻪ ﻣﺼﻴﺒﻪ ﻳﻮﻝ ﺍﻧﻪ ﺣﺎﻣﻞ ﺣﺎﻣﻞ ....
....... ﻳﺘﺒﻊ
ﺍﺗﻤﻨﻪ ﻳﻜﻮﻥ ﻧﺎﻝ ﺇﻋﺠﺎﺑﻜﻢ .. ﻟﺘﻨﺴﻮﻥ ﺗﺼﻮﻳﺖ + ﺗﻌﻠﻴﻖ ..🖤
ﻣﻼﺣﻈﺔ ( ﺷﻮﻳﺔ ﺑﻠﺒﺪﺍﻳﺔ ﻛﺜﺮﺕ ﺑﻠﺸﺮﺡ ﻋﻦ ﺍﻭﻝ ﺯﻭﺍﺟﻬﻢ ..
ﻻﻥ ﺣﺒﻴﺖ ﻧﻌﻴﺶ ﻭﻳﺎﻫﺎ ﺣﺘﻰ ﻫﺎﻱ ﺍﻻﻳﺎﻡ ﻳﻌﻨﻲ ﻣﻮ ﺑﺲ ﺍﻟﻘﻬﺮ ﻧﻌﻴﺸﻪ ﺣﺘﻰ ﻟﺤﻀﺎﺕ ﺍﻟﺤﺐ ﻭﻛﺬﺍ (🖤.
|