[نورهان عبدالحميد]

المشاركة الأصلية كتبت بواسطة ام زياد محمود

نفس عميق بعد الفصل الجبار

عماد بصراحة عماد مش فاهم نفسه ولا انا بقيت فاهماه عمر ما فيه حد يقدر يقسم قلبه ويجزءه بالشكل دا ايه فاتحها جمعية خيرية

علاقته بوصال واجب وحماية ليها وليحيى وهى اول واحدة عرفت بميل قلبه لصدفة ورغبته فى ضمها لحريم السلطان بتوعه علاقته بروينة مختلفة هى اشبه بالسكينة والمحطة اللى بيرتاح فيها من كل الهموم اللى فى حياته وعشان كدا عايزها دايما مشرقه وفى استقباله ويمكن عشان كدا مرضيش يجرح قلبها ويقولها انه بيعرف صدفه

علاقته بصدفة انا شايفاها اقرب للتملك والرغبة فى انه يحس انه رغب فى حاجه ومراحتش من ايديه مش شايفه انها حب شايفاها علاقة فى منتهى الغرابة وثقة قوية منه فى انها فى النهاية ومهما بعدت هيتجوزها وتدخل شقته اللى شايلها ليها

نار الثأر لسه مشتعلة حتى بعد كل السنين دى عماد قلبه محروق على سلاف ورغاب لسه غبى وبيرمى كلام سم بدون مراعاة لعرض اخته اللى بيتهمه ظلم وعدوان

واضح ان اباء رافضة تمام لشهرى بس هل ممكن تكون بتحب جسور وهل عماد هيقدر يقف فى وش ابوه ويرفض جواز اخته من واحد مش بتحبه

حبيت محاضرة فجر وواضح ان الصراع هيشتد بينها وبين زايد الناقم على الاوضاع بعكسها تماما اللى شايفه الامور بروح التفائل

اكرم ودموع ونار الفراق بقت بينهم زعلانه على حالهم جدا

فعلا ملحقناش نحزن على ماهر النقطة البيضة فى عالم ألماسة اللى بتحارب فؤاد بكل قوتها دلوقتى بصراحة فطست من الضحك وهى نازلة ضرب من اول علاء السخيف وبهار السمجة اللى حاولت تستفزها

لغاية البارد فؤاد والله يستاهل

صحيح زهراء قالت ان زاهد قتل راسل بس واضح ان الموضوع اكبر من كدا وان فيه خيوط تانية لسه مظهرتش ياعنى المفروض زهراء تكون عايشه بخزى من عملة جوزها انما العكس صحيح هى فعلا بعدت عن العيلة بولادها حماية ليهم بس كرهها لفؤاد بيقول ان ليها حق وان الحكاية لسه غامضة

الفصل روعه تسلم ايدك ياقمر

يا حبيبتي نفس عميق بعد التعليق الجميل ده

تحليل جميل لعماد ومن كل الزوايا .. في جزء حيظهر بعد كده بس حبيت شمول تحليلك لكل علاقة بحياته

زايد اخر فرد شخصيته جت ع بالي وربنا يستر ميلبخش كتير ف البلد ههههههههههههه بس فجر حاضرة وهتدافع بردو ههههه

حبيبتي تسلمي يا رب ربنا يسعدك