[لامارا]

//

الفصل السادس والعشرون

إبتسام كانت رايحة للمطبخ وكلها عزم واصرار تكون مع نوف ومارح تسمح تبكي أو تتألم بسبت شخص مو مهتم لها
أم بدر : هلا خالتي تعالي
إبتسام إبتسمت لها : طلبتني
أم بدر متوهقه : إيه يمه وإعذرني
إبتسام : لا وش دعوة إنت بس تأمري
أم بدر تفشلت إبتسام ضيفة وهي بتقول لها ساعدني : والله ياخالتي متوهقه أنا عزمت الكل وهذولا الخدم مايفهمون شي
إبتسام فهمت وإبتسمت لها : أفا إنت تتوهقين ونحن البنات لا شغلة ولا مشغلة وإنت تأمري وأنا أساعدك
أم بدر فرحت : مشكرورة ياخالتي والله تفشلت قدامك
إبتسام حبت راسها : أفا عليك وأنا مثل بنتك إنت بس قولي وش تبين أسوي لك
أم بدر : صدقني وأغلي من بنتي بعد ...وأنا مارح أتأمر عليك أدري سنعة وراعية واجب
إبتسام شقت الخشة : زين يمه وش تبينا نطبخ
أم بدر : فيه قائمة سويتها أنا وإنت الاطباق الرئسية ونترك السلطة والمقبلات حق هذولا الخدم اللي مايبيضون الوجه
إبتسام : أبشري ساعتين وكلش يكون جاهز ومن أحسنه
أم بدر بحنية : يمه أدري مريضة وأنا رح أتعبك معي
إبتسام بزعل : أفا عليك كده تزعلني ...صدقني ياخالتي يوم أطبخ أحسن إنو انا مرة مبسوطة ومرتاحة
أم بدر فرحت : مشكورة يمه ولو حسيت بتعب قولي
إبتسام : أهممممم ولا تخافين بنكمل بسرعة
أم بدر : زين لإجل تروحين مع البنات
إبتسام ناظرت ساعتها : الوقت للحين وماوصل للعصر وانا وإنت بنكمل قبل المغرب والبنات يجتمعون بعد المغرب يعني فيه وقت
أم بدر : والله مادري وش أقول هذا وإنت ضيفة
إبتسام : ترا هذا مثل بيتي بعد أو ماتبيني ياخالتي
أم بدر بسرعة : لا والله
إبتسام : ههههههه أمزح أمزح
أم بدر : زين يله نقول بإسم الله ....وبدوا طبخ هي وإبتسام والخدم يجهزون السلطة والفواكه وغيرها من الاطباق
إم بدر بحنية : إبتسام يمه
إبتسام لاهية تقطع الخضر : سم
أم بدر لفت تناظرها وعيونها غرقت دموع : تدرين إنت تشبهيني مرة
إبتسام حطت السكين ولفت لها مستغربة : جد !!
أم بدر تطالعها وتكابر دمعتها : يوم اشوفك اشوف فيك حياة حصة وهي بعمر 19
إبتسام نبض قلبها وهي تشوف عيون إم بدر " شقصدك!!!...يعني بعيش حياتك !!! "
إم بدر ناظرت قدامها وبصوت هادي فيه وجع واجد : إنت حصة ثانية
إبتسام بلعت ريقها وإبتسمت غصب : شرف لي اشبهك
إم بدر لفت لها وإبتسمت وهزت راسها بلا وفنفسها " حياتي كانت صعبة اتمني لاتعيشينها إنت مريضة ومارح تقدرين تتحملين "
إبتسام تمت تناظر عيونها ومشت لها وحبت راسها : أحبك يمه
ام بدر إبتسمت بحب : قال عمك عنك بنت قويه وصدق فكلامه
إبتسام ضحكت بحزن : ههههه جد
أم بدر بهدوء : إيه جد الانسانة الوحيدة اللي فتحت قلب عبد العزيز هي إنت
إبتسام سكتت
أم بدر بألم: يوم ابتعد انا حطيه بعيونك زين
إبتسام لمعت عيونها : وش هالكلام ألحين ...طولت العمر يمه
إم بدر باست خدها وبصوت هادي : الله الله بعبد العزيز يابنتي
إبتسام خنقتها العبرة وهزت راسها بالايجاب ليش زوجة عمها تقول هالكلام ماتدري
أم بدر رجعت تكمل شغلها وساكته وإبتسام بعد
أم بدر إيجها تلفون راحت ترد عليه وإبتسام تمت بروحها بالمبطخ مع الخدم وكل تفكيرها ليش مرة عمها تقول هالكلام هي تعرف ماضي عمها ومرته بس ليش ام بدر قالت إنو هي تشبها
أسئلة كثيرة براسها ماحصلت لها جواب... وحدها أم بدر تقدر تعطيها الجواب
&&&&&&&&&&&&&&&&&&&&&&&&&&
ببيت شذي صديقة مني وفرح
شذي بنت تدرس بالثانوية مع مني وهي بنت مملوحة وراعية البرستيج وأماني تتنرفز منها بس طايحة بينهم الميانة وشذي مرة تحب أماني وتحب تعصبها هي البنت الثانية في عائلتها أختها الكبيرة نوال تزوجت من سنتين وعندها أخوها رائد خوي بدر بتكلم عليه بعدين له نصيب من روايتي وعندها أخوها مشعل بعمر الثماني سنين
شذي كانت مرة فرحانة من عزيمة مني لها وقررت تروح حق أبوها وأمها تخليهم يسمحون لها تروح علي بيت مني ..نزلت لصالة اللي كان فيها أبوها حمد وأمها
شذي : السلام عليكم
أبو رائد : وعليكم السلام
شذي حبت راسه وقعدت جنبه : شخبارك يبه
أبو رائد كان ماسك جريدة وقاعد يقرا : بخير وإنت شلونك عساك طيبة
شذي بدلع : بألف خير
أم رائد : وينك من الصبح ماشفتك
شذي تمثل : يمه وش تشوفيني كل الوقت وأنا قدامك .... أنا مليت من البيت
أبو رائد إبتسم يدري عدل وش ورا هالكلام : زين وليش ماتسوين شي يصرف عنك الملل
شذي : مافيه شي بسويه ......وبعدين صديقتي مني عازمتني بس أدري إنت وأمي مارح ترضون
أم رائد : خلاص يمه كم مرة قلنا لك مافيه روحة حق ناس مانعرفهم
شذي بزعل : والله يمه هم ناس أجاويد وأهل خير وكرم
أبو رائد رحمها ...وحيده وطول الوقت بالبيت : يبه تعرفين أسم أبو صديقتك
شذي فرحت : أيوه يبه أسمه عبد العزيز بن صالح أل ( .......)
أبو رائد : تقصدين أبو بدر صاحب شركة البناء
شذي فرحت.. واضح إنو أبوها يعرفه : هو يبه نفسه
أبو رائد : إيه صح ناس ماعليهم زود وأهل خير وكرم
رائد اللي توه داخل من برا : السلام عليكم
الكل : وعليكم السلام
شذي حزنت وصل اللي بيرفض أكيد
رائد راح حب راس أمه وقعد جنبها : شلون الغاليه الحين
أم رائد بحنان : بخير وإنت كيف كان يومك إن شاء الله زين
رائد : زين الحمد لله
أبو رائد : يبه سمعت انو أهل عمك بيجون السعودية
رائد : ايه يبه كلمت محمد وهو قال لي
أعرفكم علي رائد ( شخص بعمر24 درسعلم النفس ويشتغل الحين بمستشفي للأمراض النفسية وهو مرة حلو ملامحه ملامح خليجة خشم طويل وحاد وعيون عسلية نعسانة وسكسوكته تهبل وجسمه روعة وهو يغطي علي الكل بجامله إلا طلال وأحمد أكيد وهو ولد عم أسماء ومحمد وهو صديق بدر المقرب ويعشق الطيران الحر وطيران بالهليكوبتر وعنده وحدة يحلق فيها ويشوف السعودية من فوق)
أبو رائد : يبه تعرف أبو بدر صاحب شركة البناء
رائد : أيوه يبه ليش تسأل
أبو رائد : فيه عنده بنت هي صديقة شذي واليوم عزمتها عندهم بالبيت
رائد فهم : يعني ياشذي تبين تروحين
شذي بدلع : بليز رائد لا تقول لا
رائد : وش هو سبب العزيمة
شذي بأمل عساه يوافق : أماني أخت مني الكبيرة اليوم طلعت نسبتها ونجحت بشهادة الثانوية ومسوين عزيمة لإهل بسبها وعازمتني عليها مني
رائد : إنت قلت أختها الناجحة مو هي ...مافيه روحة
شذي بزعل : تكفي الله يخليك وبعدين هم ناس أجاويد
رائد هو يعرفهم عدل بدر صديقه وابو بدر ابوه الثاني وله دين برقبته : وأنا وش علي منهم قلت لأ يعني لأ
أبو رائد : خلاص يبه خلها تروح لهم اليوم بس رح تكون أخر مرة
شذي فرحت : مشكور يبه
رائد اللي من البداية حب بس يهبل فيها: يبه ليش ماتركتها تترجاني أكثر حتي اوافق
شذي طيرت عيونها : يعني تبي أتراجك
رائد بنذاله: أهمممم او مافيه روحة
شذي عصبت : رائد عن النذالة
رائد : إنت حرة ولا تفكرين دامه أبوي وافق أنا بعد بوافق
شذي عصبت وراحت له تعرفه نذل ومايوافق غير يوم تسوي وش يبيه : زين تأمر
رائد إبتسم بنصر : حبي إيدي وقولي بليز عمي رائد
شذي بقبت عيونها : أقول بس عمي بس أحب إيدك المالحة إحلم
أم رائد : هههه خلاص يمه تراك ذليتها يوم قالت لك تأمر
رائد بمرح : أمزح ياشذي روحي جهزي روحك بسرعة
شذي فرحت : صدق
رائد : يله يله لا تخلني أهون
شذي حبت راسه وقالت بفرح : مشكور عمي رائد ...وطارت علي غرفتها
رائد : ههههه خبلة
أبو رائد : وش هذا أشوفك وافقت
رائد : يبه إنت قلت إنو صديقتها بنت أبو بدر
أبو رائد : أيوه يبه هي تقول كده
رائد قام : نسيت إنو بدر هو صديق لي
أم رائد فرحت : يعني إنت تعرف هذولا الناس زين
رائد : إيه يمه ولاتخافين علي شذي بتكون بين ناس أكرام وهذولا اهلي بعد
أم رائد : زين دام كده خلها علي راحتها عندهم زين يمه
رائد حتي هو يبي يشوف بدر ويقعد معاه : لا توصي يمه ...وراح حق غرفته يتكشخ عزم نفسه بنفسه ههههههه الصداقة وماتسوي

نرجع لبيت أبو بدر
بغرفة أماني كانت كل البنات يتكشخون لليلة إلا إبتسام للحين مع أم بدر بالمطبخ
مني كانت تنتظر إتصال شذي بس للحين مإدقت ...شذي حبت تسوي لها مفاجأة
بالمطبخ إبتسام ومرة عمها كملوا وقاعدين يسون قهوة يشربونها ودخل ابو بدر يحتاج شي
أبو بدر ناظر إبتسام : الغاليه فيه !؟
إبتسام قامت له : أيوه شلونك ياعم
أبو بدر : بخير وش عندك بالمبطخ
أم بدر : والله إنا اللي خليتها تساعدني بالطبخ
أبو بدر : إذا الغالية من طبخ معناها العشاء لذيذ
أم بدر تمثل : أفا يعني أنا مأعرف وأكلي مو لذيذ
أبو بدر إبتسم لإبتسام وقرب من أم بدر : أيوه عندك شك
أم بدر ماسكة ضحكتها ...تدري قاعد يمزح مثل عوايده : زين دام السالفة كده أنا طالعة ...وقامت تطلع
أبو بدر وقف بطريقها : وين بتروحين ...تبين تخلني بروحي
أم بدر نست إبتسام : أيوه مو قاعد تقول طبخي مو حلو شف لك وحدة غيري تطبخ لك
أبو بدر قرب لها أكثر : ويهون عليك حبيبك قلبك عبد العزيز تتركينه بروحه
إبتسام : أحم أحم ترانا فيه
أم بدر ماتتة من الحياء
أبو بدر لف لها وحب ويزيد حياء أم بدر اللي يعشقه : وإنت قلتي إنك فيه روحي برا يله عندي كلام مع أم لعيال
إبتسام معتادة علي حركات عمها : ههههههه أبشر
أبو بدر : ههههه زين روحي
أم بدر بحزم : خلاص يأبو بدر فشلتني
أبو بدر لف لها : أفا أنا أفشل رفيقة العمر
إبتسام تضحك
ام بدر تصرف : تبي شي
ابو بدر ضحك : هههههه فيه قهوة جاهزة راسي عورني
إبتسام : ايوه فيه إقعد إشرب معنا
قعد شرب القهوة معهم وسولفوا شوي و طلع من المبطخ
أم بدر : أقول ياخالتي الحين كملنا طبخ روحي حق البنات وتكشخي
إبتسام : بس بعد فيه أشياء ناقصة
أم بدر : لا تحاتي أنا اقول للخدم يكملونها ...طلعت إبتسام لصالة مع أم بدر وشافت أمها توها جاية
أم بدر رحبت فيها وقعدوا يسولفون
أم أسامة : إبتسام يمه ساعدتي خالتك
أم بدر : أيوه وجزاها الله كل خير ماشاء الله عليها سنعة بنتك يأم أسامة
أم أسامة شقت الخشة : تسلمين
إبتسام تذكرت شي : يمه جبتي لنا فساتين
أم أسامة : ايوه يمه من ساعة جابهم السواق
إبتسام إنقهرت "ريتاج النذلة ماقالت لي "
مني سمعتهم : إبتسام فستانك مع ريتاج
إبتسام : اوكي وينها ريتاج
مني سلمت علي إم أسامة وأخذت إبتسام علي غرفتها تلبس وقالت ريتاج بالخيمة مع باقي البنات
إبتسام في غرفة مني وشافت فستانها : زين بروح قبل أخد دش... ريحة البصل والثوم طالعة مني هههههه
مني : ههههههه صح عشانك خبلة يوم رحتي للمطبخ مع أمي
إبتسام : هههههه ماتوقعت تطلع ريحتي
مني دق موبايلها برقم شذي : أقول بسوم أنا بروح أرد علي شذي وإنت خذي راحتك
إبتسام : مشكورة
مني ترد علي شذي : ماله داعي الشكر نصف ساعة وأرجع لك ....وراحت تكلم شذي
إبتسام قررت تتسبح وتتكشخ بعدها
مني : هلا شذي
شذي : أهلين وينك ليش ماتبين تستقبليني
مني فرحت : إجتي !!!!!
شذي : هههه إيه يله تعالي عند الباب وشويه بس ونكون عندك
مني بوناسة : حياك الله
شذي : زين يله إنتظرك
سكرت منها مني ونزلت بسرعة لها
بسيارة رائد
شذي كانت مرة فرحانة : أقول رائد إنت اللي بترجع عندي
رائد : أهمممم ويوم أدق عليك إطلعي زين
شذي : زين بس تكفي أبي إتم شوي عندهم أوكيه
رائد : ساعتين ثلاثة وأرجع لك
شذي فرحت : مشكور
رائد حتي هو طلع موبايله وبدا يدق علي رقم بدر
شذي من شافت الباب إنفتح نزلت : رائد أنا رايحة
رائد مشغول بموبايله : زين زين
راحت شذي ودخلت وشافت مني واقفة ورا الباب وتنتظرها
سلمت عليها ورحبت فيها مني ومرة فرحت هاذي اول مرة تجيهم وراحوا عند البنات اللي نزلوا من شوي للخيمة
رائد يكلم بدر : وينك
بدر : بالبيت وإنت
رائد إبتسم : جنب بيتكم
بدر فرح : والله أو قاعد تتغشمر
رائد : تعال تعال إستقبلني ناطرك أنا ...وسكر منه
بدر علي طول قام وراح يشوف يكذب أو صح هو فيه ويوم طلع شافه
بدر يسلم عليه : حياك الله
رائد إبتسم له : تسلم شخبارك وش عندك قاعد بالبيت
بدر : في عزيمة لإهل مسوينها والحمد لله انو إجيت اليوم عشاك عندنا الليلة
رائد إبتسم بخبث : أدري ....ونسيت أقول ألف مبروك علي نجاح إختك
بدر فه : وإنت وش دراك
رائد حب يهبل فيه بس خاف : إختي بتكون صديقة وحدة من خواتك وهي الحين بيبتكم داخل
بدر فرح : والله ماكنت أدري إنو لك إخت بتكون صديقة لإختي
رائد : الصراحة حتي أنا مأدري ...دريت بس يوم قالت إنو بنت أبو بدر عازمتها وتبي تروح لها
بدر : زين حياها وحياك بعد من يوم رجوعي من السفر هذا اول مرة تجي
رائد : وهذاني فيه وبعدين إنت ماتجي ابد
بدر ضحك : هههههه ماله داعي هواش خلها ليلة هاديه
رائد ضحك هو وبدر طول الوقت هواش ومحمد يكره يجتمع معهم بس من مشاكلهم : هههه يله يله ندخل أبي أسولف معك مشتاق لك ...ورجع له دفتر الاشعار اللي كان معه وطلبته إبتسام
بدر : هههههه تفضل حياك ...دخلوا المجلس والعيال علي طول عرفوه لإنه كان بعزيمة بدر لما رجع من السفر وتموا هناك يسولفون
عند البنات عرفت مني شذي علي نوف وريتاج مدي وندي وسهي وهديل اللي توها واصلة
إبتسام هي للحين بغرفة مني
شذي : أماني ماتوقعت تنجحين
أماني عصبت وصارت تقلدها : وليش ماتوقعتي بنجح
شذي ماسك ضحكتها : عشانك غبية ياقلبي
أماني : غبية بعينك يالبليدة
فرح مسكت راسها : بدينا هواش ..بالثانوية هواش وبالبيت هواش
أماني : قولي لصديقتك تخف شوي علي نفسها غرور أكيد بيطلع لها عرق وينفجر علينا
هديل :أماني وش فيك تراها ضيفتك الحين ههه
شذي : هههه لا خلها يوم أتهاوش معها أحس بسعادة
أماني إبتسمت : شذي لا تزعلين مني أوكيه
شذي : لا بزعل
أماني : ههه زين طبي بالبحر
شذي : ههههه يمكن أفحط بس
ريتاج : لا دام بتفحطين بروح معاك ههههخ
أماني : هههه وانا بعد
شذي : هههه حياكم
فرح تذكرت : هديل ترا أسامة زعلان منك
هديل خافت : ليه وش سويت له
ريتاج معصبه منها : ليش مإجتي الصبح ؟
هديل : والله إستحيت أشوفه
أماني : إنت خبلة ...والله يعين ولد عمي علي خجلك اللي ماله حدود
مني : هديل خلاص تراه صار خطيبك الحين
هديل : أدري وأنا بحاول أكون طبيعية معاه
ندي بلقافة : هديل هو يكلمك تلفون
هديل بحياء : لا
أماني : صدق ليش ماطلب رقمك
هديل بكذبة : لأ ماطلب
ريتاج بسرعة : كذابة طلبه بس هي رفضت وقالت بعد الملكة
البنات بزعل : ليش !!!!
هديل ضحكت عليهم مثل اللي خسر مليون : لابعد الملكة أحسن
شذي : إنت خبلة الرجال يبي يكلمك وإنت رافضة
هديل بخجل : والله إستحيت وش بقول له
أماني وصلت معها : تغيرين الكلمة أو أغيرك ....وبعدين هو الحين بصير زوجك يعني مافيه حياء بينكم
هديل خافت منها : زين زين لا تعصبين هين ابعث له رقمي
فرح : هههه كلمة من أماني تعدلتي
أماني وإجتها فكرة : هديل تبين تسمعين صوته
هديل إستغربت بس وافقة : ياليت
أماني بخبث : زين بدق عليه وأحطه سبيكر
هديل غيرانة : وإنت ليش حتي تكلمينه
أماني فهمت : أقول مالها داعي الغيرة أسامة الغثة مثل أخوي
هديل عصبت : لا تقولين عليه غثة
البنات : هههههههههه أحلي يالمدافع علي الخطيب
هديل إنتبهت : هههههههه والله أماني هبلتني
ريتاج : هههههههه تستاهلين ...بس ماقلتي موافقة فكرة أماني حلوة
فرح وحبت الفكرة : تكفين هديل وافقي
هديل اللي ملهوفة تسمع صوته : زين زين بس حطيه سبيكر
أماني فرحت : أوكيه ....وإدعي يرد ....ودقت عليه
عند أسامة كان بالمجلس مع العيال يسولفون ورن موبايله
أسامة إستغرب من انو أماني
أسامة بدون نفس : خير وش عندك
هديل " حتي وإنت طفشان صوتك يذبح "
أماني عصبت : وش هاذي خير قول هلا
أسامة قام عن العيال : أماني مو فاضي لك قولي وش وراك
أماني تذكرت الهدية : يالدوب وين هديتي
أسامة : نسيت ماكنت أدري إنو الكل بجيب لك
أماني : زين أبيك تجيب لي هدية
أسامة بضجر : يعني دقتي علي لإجل الهدية ...أقول إحلمي أوكيه ...يلا بسكر
أماني بسرعة : ترا لو تسكر يصير شي مو زين حق هديل
أسامة خاف يعرفها نذلة : أماني لو تلمسين شعرة منها إذبحك
هديل شقت الخشة " يابعد قلبي وهلي وناسي "
والبنات بهمس : أحلي يالخايف
أماني ماسكة ضحكتها : زين كلمة ومابعيدها الهدية أو هديل اللي قاعدة جنبي الحين
أسامة فرح : قولي والله انو هدولة جنبك
أماني تستهبل : أي هدولة هاذي أقول هديل ماتسمع إنت
أسامة : عن الطنازة .....ماقلتي شلونها الحين
هديل إبتسمت
أماني بتهديد : الحين زينة وتهبل بعد بس بعد شوي مادري وش بيصير معاها
أسامة خاف : زين زين إنت بس قولي وش تبين وأنا أجيبه لك
أماني فرحت : أي شي وإذا تبي عطني فلوس
أسامة : موافق بس بشرط
أماني : وش شرطه
أسامة : أمونة يأختي الغالية خلني أكلمها لو شوي
أماني : أه يأبو المصالح الحين صرت إختك الغالية
أسامة : يله عاد تكفين تراني أول مرة أطلب منك شي
أماني رحمته : زين بقول لها ...أقول هديل أسامة يبي يكلمك تكلمينه
هديل هزت لها راسها بلا
أسامة ينتظر : أماني وش قالت
أماني : تقول ماتبي
أسامة زعل : تكفين قولي لها بس شوي وربي مشتاق لها حيل
البنات رحموه وهمسوا هديل : بليز هديل
هديل تبي بس خجلانة منه
أسامة : أماني قولي لها أبي أقول بس كلمة لها
أماني بلقافة : وش هي !؟
أسامة عصب : وإنت وش عليك قولي لها يله
أماني عصبت : لا تتأمر علي
أسامة " النذلة ": زين زين أسفين ...يله يأماني بليز
أماني مدت الموبايل حق هديل : كلميه يلا
هديل أخذت الموبايل وشالت السبيكر
هديل بحياء : ألوووو
أسامة خق عندها : وربي أحلي ألو سمعتها ....هدولة شلونك
هديل إبتسمت وحست بقلبها يدق بسرعة : بخير وإنت
أسامة ذاب عندها : أنا مو زين
هديل بعفوية : ليش وش فيك يابعد قلبي
أسامة فرح : وش قلتي تكفين عدينها
هديل إستحت : ههههههه ماقلت شي
أسامة : يالبي هالضحكة .....هديل
هديل بعفوية لهمسه : لبيه
أسامة شق الخشة وهو يحس بقلبه يطلع من بين ضلوعه : لبيتي فمني ياقلبي.....هديل أحبك
هديل فص ملح وذاب
أسامة : هديل وينك
هديل غرقت عيونها دموع كلها سعادة : معاك
أسامة بدعاء : وربي يخليك دايما معي
هديل من قلب : أمين
أسامة : هدولتي ممكن طلب
هديل " يدلعني ويهمس لي وقول طلب ...لك عيوني ": أمر
أسامة فرح : مايمر عليك عدو ....أبي بس أسمع كلمة أحبك منك
هديل بصدق : أنا أبي أقولها لك وأنا أناظر بعيونك
أسامة فرح : يعني تحبني ياهديل
هديل بهمس : أهممممم
أسامة بوناسة : وأنا بعد ....ورح إنتظر ذاك اليوم بفارغ الصبر
أماني اللي ماتتة من اللقافة هي وبنات هم بشوفون هديل تروح عنهم بحياء قامت ولحقتها
أماني : هديل عطيني موبايلي
هديل إبتسمت لها : أسامة أشوفك بخير ....وعطت موبايل أماني
أسامة بسرعة : وين وين بس شوي
أماني تكلمه : لو تبي تكلمها دق عليها وحداتي خلصت بسبتك
أسامةعصب : أماني عن النذالة ..ردي لها الموبايل يله
أماني بحزم : مابي موبايلي وأنا حرة فيه ..والهدية أبيها يوم تطلع نسبة أحمد أوكيه
أسامة عرف انو مستحيل ترجع لها الموبايل : إحلمي ...وسكر منها
أماني : النذل سكر بوجهي بس هين أوريه بعد اللي سويته يكون هذا جزاتي ...وراحت عند البنات
هديل بحب : مشكورة أماني عشانك سمعتني صوته
ريتاج خشت : إنت الغبية لو تبين تسمعين صوته كان عطيته رقمك
هديل بحالمية من كلام أسامة قبل شوي : بعد الملكة بإذن الله ...وكملوا سوالفهم وهديل مرة فرحانة
ريتاج دقت عليها إبتسام وراحت لها تساعدها تتكشخ وتنزل للبنات.
عند العيال أسامة رجع لهم وهو شاق الخشة والكل سأله بس هو مارد علي أحد ..و بدر إستأذن عشان يأخذ دفتر أشعاره لغرفته ويعطه لإبتسام عشانها طلبته قبل
إبتسام كملت كشختها اللي طالعة فيها مثل السحر بس هي مو راضية عن فستانها حسته عاري شوي ودقت علي ريتاج تاخذ شورها وتسويلها شعرها
بدر طلع لغرفته من الدرج اللي جنب المطبخ عشانه مفصول تماما عن الصالة
ريتاج دخلت علي إبتسام : خير شتبين
إبتسام تناظر نفسها بالمراية : شرايك بالفستان عاري مو
ريتاج عجبتها : تهبلين والفستان مو عاري ابد علي العكس مرة حلو
إبتسام مدت الشبر ومو مقتنعه: هذا رايك
ريتاج تناظر نفسها هي بالمراية : ايوه حلو قولي شرايك فني
إبتسام ضحكت : هههه والله حلو جبتك تنصحني قلبتي الدور
ريتاج تضحك : هههه ايوه ماقلتي شرايك
إبتسام بخبث : تهبلين لو يشوفك بدر ينجلط
ريتاج فرحت : إلا علي سيرة بدر صاير شي معه
إبتسام تحمست : والله وش هو
ريتاج بوناسة : خلنا ننزل واقول لك بالليل
إبتسام إنقهرت : تطنزين
ريتاج باستها : والله اتكلم جد ياحرم الدكتور محمد
إبتسام عصبت : نذلة هين اجمع اغراضي تركتهم بالحمام وانزل معك
ريتاج تضحك : هههه اوكي وبالليل اقول لك شصاير
إبتسام راحت عنها وهي معصبة وفنفسها " تكفون لاتجيبون سيرته ابي انساه "
دخلت الحمام تجمع ملابسها اللي فسختهم واغراضها
بدر وصل حق غرفته إنتبه إنو غرفة مني بابها مردود قرر يسكره يوم يرجع ينزل دخل غرفته حط دفتر أشعار وحط له عطر مرة ثانية وعدل شماغه الاحمر وثوبه الاسود اللي طالع فيه خيال ورجع طلع من غرفته
ريتاج كانت مسوية شعرها كارلي وتركته نازل علي كتافها رفعته وصارت تناظر في المرايه وتفكر تسويه ذيل حصان
بدر وصل حق غرفة مني شاف الضوء قرر يطفيه ويسكر الباب وينزل
ريتاج سمعت خطوات فكرتها إبتسام طلعت من الحمام : بسوم قلبي شرايك ارفع شعري كده
بدر رجف قلبه وهو يسمعها تتكلم ماحس بنفسه غير هو يدخل داخل
ريتاج صارت تتكلم وما لفت وراها : توهقت مع هذا الشعر مادري وش أسوي فيه قولي أخليه منثور أو أرفعه
بدر فتح فاه وهو يناظرها " الحين اللي قدامي ريتاج كل هالرقة والنعومة ريتاج هالملاك ريتاج هاذي حبيبة قلبي ريتاج "
ريتاج كانت لابسة فستان أسود مخصر بحزام ذهبي وعليه دينتال من تحت باللون الذهبي بعد كان طالع لين ركبها من قدام ومن ورا نازل وعنده شوية ذيل كان نصف ظهرها طالع عشان الفستان كان لاف علي رقبتها وكانت حاطه ميك أب خفيف بس حطها روج مرة أحمر طالع مع الفستان مرة خيال
ريتاج إستغربت من هدوء إبتسام : إبتسام وجع إنطقي ....ولفت وراها وياليتها مالفت
ريتاج بصدمة : ب....بدر إنت !!!!!!!
بدر تلقائي صار يقرب لها و مو متوقع كل هالجمال في حبيبة قلبه
ريتاج خافت من نظراته ورجعت خطوة لورا بس إنصدمت بالكوميدينه رفعت إيدها ومسكتها بقوة
بدر قرب لها ووقف وعيونه بعيونها : ريتاج ....إنت...مثل ....الخيال
ريتاج إرتجف قلبها من نظراته وعقلها تخدر من همساته كانت تبي تقول له إطلع بس جمد لسانها قدامه
بدر قرب لها
بالحظة هاذي طلعت إبتسام من الحمام وإنصدمت " بدر فيه ....يمه شقاعد يسوي " وعلي طول رجعت تخبت وتطالعهم وهي مصدومة
ريتاج إرتجفت من قربه وريحة عطره اللي صنمتها وهمست بخوف : ب...د...ر ....
بدر ناظر بعيونها بحب وقرب من إذنها وهمس لها بصوت عذب : سبحان الله من خلق وصور وسبحان الله من خلق وإبدع تكفين قولي من وين لك كل هالرقة والجمال
ريتاج حست بنفسها قطعة من بدر ... قريب منها مرة : ب....د..ر ..و.....خ....ر..
بدر علي طول بعد عنها : حرام كل العيون تشوفك وأنا لا ....شعرك وعطرك كلش فيك مثل الخيال
ريتاج صارت تتنفس بقوة وسندت نفسها بقوة علي التسريحة
إبتسام حطت إيدها علي قلبها وبهمس : يمه شفيه بدر إنهبل ...وريتاج تبعده عنها ...هين اوريها
بدر يمشي لورا ويطالع بعيونها وقال بعيون كلهم جنون وعشق لا حدود له : لو علي كان م نزلتي تحت وكان م تركت أحد يشوفك انا الوحيد اللي له الحق يشوف هالزين
ريتاج وصار كلش فيها يرجف : هاه
إبتسام سمعته وتحول كل غضبها لضحكه كتمتها غصب
بدر مارح ينوي الشر لبنت عمه
بدر قرر يطلع لو تم يأخذها بحضنه : إنت تهبلين يابنت عمي ...ولف عنها وراح بسرعة
ريتاج حست بقلبها بيطلع بين ضلوعها عقلها توقف عن العمل تبي تتذكر وش قال بدر بس م قدرت و حست بنفسها تنتفض من صوت الباب وهو بيتسكر وإبتسام تنفجر ضحك
بدر طلع وسند نفسه علي الباب " هاذي ريتاج هذا الدلع ريتاج ياربي إرحمني والله موب قادر إتحمل أكثر أخذت كل ذرة حياة فني ...أنا لزوم أخطبها بأقرب وقت وأقول لها انو أعشقها بجنون ...لزوم اتوج هالحب لها برابط الحلال بينا " راح عند غرفته مرة ثانية وسكر الباب
ريتاج تتنفس وإبتسام تضحك
ريتاج بغضب : يالنذلة بس ضحك
إبتسام : ههههه تهبلين ههههه يالخجولة ههههه تهبلين
ريتاج عصبت عليها : شب
إبتسام عصبت فجأة وتخصرت : إنت شفيك الرجال لزق فيك وإنت م قلتي له وخر
ريتاج مفهية : إبتسام مو وقتك تكفين
إبتسام بغضب : شلون مو وقتي الرجال يبوسك وإنت ساكته
ريتاج إنصدمت : إيش !!!!! يبوسني !!!!
إبتسام معصبة : ايوه يبوسك
ريتاج ببراءة : لا هو م باسني
إبتسام بهدوء مفاجئ : اجل وش كان يسوي
ريتاج بغباء : مادري
إبتسام فقعت ضحك
ريتاج توردت خدودها : نذلة هس ولا كلمة
إبتسام تضحك : ههههههه تهبلين إنت وهو
ريتاج بتبكي : إبتسام تكفين بس
إبتسام سكتت وتناظرها
ريتاج مفهية : إبتسام بدر وش كان يقول
إبتسام اخذتها علي قد عقلها : مادري شفته يقرب لك وكأنه يهمس لك
ريتاج تطالع إبتسام : زين وبعدين
إبتسام إبتسمت ورفعت كفوفها : ويبوسك
ريتاج عصبت : إستحي يالنذلة هو ماسوي اللي قلتي عليه
إبتسام مشت لها وبحزم : ترا بدر ولد عمك ولاتخلينه يأخذ عنك فكرة غلط يبيك يدق بابك
ريتاج برجا : بسوم قسم بالله م باسني
إبتسام : ادري بس خله يعرف حدوده
ريتاج تنهدت : اوكيه تطمني
إبتسام إبتسمت : زين قولي شهمس لك
ريتاج تذكرت وإستحت : مادري
إبتسام إنقهرت : رتووج
ريتاج قامت : خلنا ننزل للبنات يله
إبتسام بثقة : هين اقصد إيدي لو ماقال إنه يحبك
ريتاج بقهر : لا م قال يحبني
إبتسام تجرها في الكلام : وش قال
ريتاج تستهبل : قال كلام م يصير تسمعينه
إبتسام تكتفت : والله
ريتاج مشت تطلع : ايوه سوالف الرجال وزوجته أنت شعليك
إبتسام ضحكت : ههههه ياقليلة الحيا
ريتاج تضحك اثر عليها بدر : ههههههه ليته تم وم طلع
إبتسام عصبت : إستحي
ريتاج باست خد إبتسام : احبه يا إبتسام أحبه
إبتسام تداري ضحكتها : الله يخلف علي امي بنت ثانية
ريتاج تضحك وإبتسام بعد ونزلوا تحت وراحوا حق البنات
بدر راح حق المجلس هو مرة مبسوط م تخيل أبدن يشوف ريتاج بدون عباية وحجاب ...وقرر قراره باقرب وقت يخطبها " كانت مثل السحر وملاك وشوي عليها "
وقعد يسولف مع رائد اللي عاجبه المكان والعيال بعد عشانهم يدخلون القلب بس من هبلهم وعزمه بدر يروح معهم لمصر بس هو رفض ووعده إنو أهله يروحون معهم ويتعرفون علي بعض
عند البنات شذي من شافت إبتسام إنهبلت عليها وحتي إبتسام لانو شذي تهبل
إبتسام بشك شافت شذي قبل بس ماتتذكر وين : شذي إنت شفتك قبل
شذي بثقة : لا ليش
إبتسام تحاول تتذكر : مادري بس كأني شفتك بمكان وبعدين ملامحك مو غريبة عني
نوف : إبتسام يمكن شبهتي عليها بس
إبتسام مو مقتنعه : يمكن
شذي : إيه يمكن عشاني متأكده أول مرة أشوفك
إبتسام : يجوز
شذي حتي نوف عجبتها : أقول نوف إنت معنا بالثانوية
نوف : لا انا بالجامعه مع إبتسام ندرس علم الاحياء
شذي : اوكيه ولا مرة شفتك
مني اللي كانت ترقص : شذي تعالي إرقصي معنا شوي
شذي قامت : زين يله...وراحت معها
إبتسام ناظرت نوف : شلونك الحين
نوف إبتسمت لها : زينة ليش
إبتسام : أبد حبيت بس إسال
نوف قربت لها وقعدت جنبها : إبتسام أنا مادري ليش حضتني ومادري بعد ليش قلت ذاك الكلام بس مشكورة ريحتني قلبي مرة أنا كنت حزينة بس حضنك وإهتمامك ريحوني
إبتسام بحب : زين ياقلبي ومثل ماقلت لك إذا تبين تتكلمين عن شي تذكرني أوكيه وبعدين وش دعوة الاخت لأختها
نوف قامت تبي ترقص وتنسي شوي وقالت لإبتسام بإبتسامة حلوة : ايوه ياطيب إخت
إبتسام ردت لها الابتسامة وتنفست براحة " مارح إتركك بروحك أنا أحس إنو فارس مارح يهتم لك بس وعد يانوف أحطك بعيوني مأبيك تتألمين مثلي ....مأبي أحد يتألم من الحب عشان ألمه أكبر من ألم القلب بذاته "
مرت ساعات فرح علي أبطالنا والكل رجع حق بيته بوقت متأخر حتي شذي اللي صارت تدق موبايل لرائد خافت انو نساها عند مني
بسيارة رائد
شذي : وش عندك ماتبي تجي تأخذني وين كنت أنا أدق لك وإنت ماترد
رائد : كنت بنفس البيت معك
شذي بصدمة : والله شلون
رائد : سمعت عن بدر أخو صديقتك
شذي : أخوها الكبير ؟
رائد : إيه هو ...هو من أعز أصدقائي
شذي بفرح : صدق ...وليش ماقلت تعرفه
رائد : ماقلت وبس
شذي فرحت أكثر : أقول رائد يعني إنت تعرفه عدل
رائد ناظر لها : إيه ليش
شذي : وتعرفهم ناس ماشاء الله عليهم
رائد مل من المقدمة : إيه ليش إخلصي
شذي : بناتهم يهبلون شرايك نخطب لك من عنده
رائد إبتسم وقال يجرايها : زين اللي تبينه
شذي فرحت : صدق يعني موافق
رائد : أيوه موافق
شذي بوناسة : زين فيه بنت إسمها إبتسام أنا مرة حبيتها شرايك فيها
رائد ناظرها " إبتسام.. كاني سمعت هالاسم قبل " عقد حواجبه: هي إخت بدر
شذي فرحت رائد مهتم : لا بنت عمه
رائد هز راسه ويحاول يتذكر وين سمع هالاسم : شذي إنهبلتي
شذي زعلت : ليش والله إتكلم جد إنت بس قل إيه وربي يوم تشوفها تنهبل عليها
رائد : شذي تعرفني الحين مأفكر في الزواج ويوم أبي بقول لك
شذي : بس البنت ماتتعوض
رائد : الله يرزقها غيري. ....يله سكري السالفة عندي لك خبر يفرحك أكثر من زواجي
شذي تحمست : صدق وشو
رائد : بدر بيسافر هو وكل أهله وعزمنا معه
شذي فرحت : يعني بنسافر معهم
رائد : إيه هم بيرحون حق مصر ويبونا معهم
شذي ماصدقت : رائد لا يكون تتغشمر علي
رائد : لا والله إتكلم جد وأنا رح أقنع أبوي إنكم تسافرون وتغيرون جو
شذي بسعادة : إحلف بقوة وإصدق
رائد عصب : هونت دام بأحلف مافيه سفر إرتحتي
شذي بسرعة : لا لا سحبت كلامي ...بس إنت تقول تسافرون ليش إنت مارح تروح معنا
رائد : لا أنا عندي شغل وبعدين أخاف يوصل عمي ومافيه أحد يستقبله إنتوا روحوا غيروا جو عشان أكيد يوم يجي عمي مافيه سفر
شذي فرحت أكثر بتسافر مع مني : مشكور يادكتور
رائد وصل للبيت : ماله داعي تعرفيني أحب النفسيات تمام وأكيد السفر بريحكم شوي
شذي بفرح وقررت تخليها مفاجأة حق مني : مشكور مرة ثانيه
رائد نزل : يله إنزلي وساعدني نقنع الاهل
شذي نزلت بسرعة : أبشر وراحت ركض
رائد : ههههههه خبلة نست إنو الوقت تأخر وأكيد الكل نايم.....( تغيرت ملامحه للجد ) :بس منهو إبتسام هالاسم مالوف ...اه هذيك البنت اللي لزوم اشوفها ...مرة نسيتها بسب المريض اللي جابه لي الدكتور ابو مشاري ...زين لزوم اشوفها وأكلمها بس شلون اوصل لها ....وراح لحق شذي ويفكر في إبتسام
*****