الحلقة السادسة والعشرون
بارت لعيبييون السهرانين
اني اشوف نفتحها كلها ...
مد ايده للسحاب ... وهو راسه على رگبتي وحراره انفاسه
احس بيها ودگات گلبه تنسمع ...
حسيته بدأ يفتح بيها انه سكتت حسيت نفسي انه رايده هالشي منه ...
وانه ساكتة .. وهوسحب السحاب للأسفل
مديت ايدي على كتفي ... وهو راسة قريب من رگبتي
وعطرة بخشمي ... بين اي اريده
وبين اني خجلانة منه ... واحس اطرافي ثلجت
هو قاطعني وهو يكول تره شكلت السحابة ونزلتها لا تخافين
...
ديححي و
صعدها بقوووة وبسرعة بطريقة غريبة ...
وسحب نفسه مني ... وخر ...
انه بقيت مثل الفشلانة انداريت عليه
سحب الباكيت طلع جكاره ورثها ..
انه مشيت للمراية وكفت .. باوعت اله
هو كعد عالسرير مدنگ والجكاره بيده ..
يدخن وينفخ ...
انه شكد جنت فرحانة بمكياجي وفستاني ..
من شفته مااهتم عافني ..
حسيت صدك رغبتة انتهت مني..
لازمه الميز بيدي واباوع عليه
هو ابد مااندار ولا رفع راسه ...
كتله تريد دشداشتك ...
اي هسه اللبسها ... منو هينه
انه من طبيت بس اهلك واسراء
ماشي .. كام وكف طفة الجكارة مشة للكنتور طلع الدشداشة
كتله تحتاج شي اساعدك
لا شكرا
انه ردته بس ينتبهلي .. مشيت وكفت كباله ..
فتحت الكنتور ..
تقربت اكثر بيني وبينه مسافه هو ديطلع ملابسة
وانه سويت نفسي داختار شي من الكنتور
اخذ دشداشه ... لبسها ...
راح مشة للميز سحب المشط ...
مشط شعره ... لبس الساعة ... طلع لعطر
اخذ يرش على نفسة ..
انه اباوع وحاول ابين نفسي طيعي بس من داخلي
احس جبل من نار ودينهار ...
خلة التلفون بجيبة ومشة للباب
كتله دقيقة ...
انت راح تطلع
اندار عليه ... وين اطلع رايح للاستقبال الناس غير راح يجون شبيج ..!
اي انه اعرف
اي عجل شبيج
انة اريد اشوف الصوره وينها
ابتسم وكال ياصوره شثبرتيني
انت مو كتلي اشوفج الصورة
شبيج مخبوووصة ياب الي يشوفج يكول مهتمة
هسه تشوفنياهه لولا خاف ماعندك صورة وانت تحاول تستفزني
ليش انت هم يستفزج شي .. القطب الشمالي الله كله خلاه عندج
انت ليش هيج تحاجيني كل مرة واتحسسني انه مهملة وما اهتم
مو شغلة مهملة .. راجعي نفسج زين
انه اعرف شتقصد
مو وكت حجي هسه بنين الناس راح يجون
دقيقة وخل يجون انه داحاجيك
اي اسمعج كولي
سكتت ودنكت .. اريد احجي مستحية
كال ها سولفي
رفعت راسي .. كتله فساتني حلو
اي حلو
اي وبعد
ابتسم ولزم الباب .. اي شنو بعد حلو مو حلو
مو الي لابسته
باوعتله وتخوصرت كتله شبيك
شبية يعني حقيقة هاي انت مالابسته الضاري
لو تريدين تلبسين الي جان من زمان لبستي
ليش انه اجيت حتى انت تشوفة
اي كتلج حلو
حلو ..؟
ماشي شكرا
العفووو ياب
انت متغيررر
جاوبني منو انةةةة
حجاهه ماعرف شلون عود ديحاول يقلد صوتي ماتحملت ابتسمت كتله شبيك
مامتغير وعيونج بس الانسان الى متى يتحمل
انت هذا الي ردتي مو لو اني غلطان
بس انه كتلك خليني اتعود عليك اول
اي ياب تعودي محد كاضبج
انت ليش هيج صاير
باوعلي وكال ... كثر الطگ يفگ الحيم ...
واني زلمة مو خرخاشة بيدج
اتحملتج ولحد هسه متحملج ..
وانت تدرين شكثر غالية على گلبي
لفي صدرج من تطلعين
مشيت بكل كبرياء وانه بداخلي مكسوره ارتجيت عالميز كتله اللبس ماللبس بكيفي
ها بكيفج .. دطلعي هيج وشوفي
شيصير يعني
اجة يمشي وانه راجية نفسي عالميز
وكف مقابيلي وباوعلي كال خير بنين اشوفج تعبانه زايد
باوعتله كتله تعبانة ،،؟
اي جثيررر مو شوية ...
المهم انت شعليك اطلع هيج مااطلع بكيفي خل تنوس العالم
مد ايديه الاثنين ولزم خصري .. سحبني ...
انه رفعت راسي عليه ... باوعت بعيونه
همس منهو هذوله اليتونسون بشوفتج هيج ..؟
الناس .. حجيتها وانه گوه كاتمة الضحكة
اريد اشوفلي واحد بس يباوع على هالحسن ..
احرگة واحرگج وياه
ياااا تحرگني
اي ومايرفلي جفن
واهون عليك ...
انه احاجي وهو يباوع عليه بنظرات تسحر ...
منو الحطلج هاي الحمرة
اسراء ...
اسراء بس تعرف تشعل گلبي ..
هسه الواحد يتهور ويقفل الباب .. يتخبل ويطلع ينهي المهر
لو شيسوي !
ابتسمت ودنگت
تعبتيني يولي
يحاجيني ويتنهد كل شوي وحسراتة تمسمع
كتله همه احلى مني لو اني
هااا ردينة .. شبيج الغيره ماخذه من حيلج حيل
منو انه
ضحك وكال هم كالت انه .. شلون هسه تخليني
اشلع الحمرة من العرج
شبيك ...
كل هاي وتكليلي شبيك يولي والله شيبتي گلبي رفع بيده الدلعه مالت الفستان سحبها ليفوك بقوة وكال تستري خرب اهلج
استحيت وفشلت سكتت شوي وكتله انه ماانغار تره
اي ادري بيج
اي عبالي يعني
بس تره الهناك حلوات حيل .. اكو وحده لحد الان ابالي
دفعته وكتله وخر انتو الزلم تموتون على النسوان
ضحك ورجع سحبني ..
اشوفج حيييييل تعبانه يولي على كيفج تره انت الجبتيها النفسج
اي اعرف عادي انه الي كتلك روح واتزوج ومايهمني
اي واني عد عيناج .. تهيري مابقى شي وامشي جثير موجودات مو بس انت بالدنيا حاف عبالج
اي
يلا اني اترخص
اي بكيفك
طبعا بكيفي مو بكيف احد ... لفي روحج من تطلعين ...
ست بنين بعدنا على الوعد ... خاف عبالج
حجاهه بضوجة شكد جان يبين مرتاح بس حجيت انه حسيته نگلب مية درجة فتح الباب وطلع ...
بقيت انه وحدي ماعرف شبيه دوم اجفص ماعرف اتصرف
انداريت للمراية اباوع لعيوني مغورگة دموع
بودي انفجر ابجي ...
سحبت نفس ماعرف شلوون سكتت احس غصة بصدري
كله مني اي انه الي هيج سويت من ايدي هذا
اعرف انه خسرته متغير لهفته متغيرررة مو ضاري الي اعرفه
وانه واكفه عمتي اسمعها تكول هاي وين بنين اختفت ...
يولن وينها بنين يمه بنين
اسمع خطواتها اجت تمشي بسرعه عدلت نفسي
كتلها هياني عمه ..
شلت الشال وطلعت ...
تلكتني يم الباب كالت ها يمه تعاي وحدي والناس جوي
اي عمة جيت جيت ...
عمتي طبت للمطبخ هي واسراء
انه ركضت للهول اريد اشوف ..
مديت راسي باوعت الكل كاعدين وزهره بالنص كاعده
مدنگة راسها ومكعده عبودي على رجلها .. فدددوه زهيره عبالك اليوم مهر اختي مو حماتي
باوعت سرور كاعده وحاطة رجل على رجل تسولف هي ومرت ابو برزان
جهال اسراء خطية يفترون بالهول
اجة تقرب يم سرور الصغير دقعته تكله ماعليه النوب غير المزعطة
فارجنييي ..
بارعتله خطيه نقهر وكف على صفحة
شكد صلفة سرور ولا ترحم شنو من گلب عدها
عفتهم ورحت العمتي ...
لكيتها هي واسراء والبنات ديقطعون بالكيك
كتلها وخري عمه .. سحبت الباكيت
مسلفن طلعت مواعين ..
كمت اشيل واوزع عالمواعين ..
دانشتغل اجة محمد .. كال يلا ستعجلن جاي شربت شي
عمتي كالت اول فال خل يكطعون المهر عود نقدم شبيك مطيور
يمعوده راح يكطعو الشيخ مستعجل عنده مهر ثاني
دايحجي وطبت جده ..
ركضت عليها بوستها .. هلا جدة شلونج
هلا بيج يمه شلون وليدج
الحمدلله تعالي فوتي ...
كطعو مهرها لو بعد
لا جده بعد فوتي فوتي .. كددتها وطبينا للهول ...
هي سلمت وانه سلمت ...
باوعت اكو نسوان اعرفهم واكو لا ... مشيت وانه مستحية
بوستهم ... وصلت ليم مرت ابو برزان
كرصتني كالت شطالعه عيني ماعرفتح
ابتسمت كتلها شكرا حبيبتي
باوعتلي سرور. شلون واحد نصدم
كالت هاي شكو تره حفلة زهره مو حفلتج
كتلها انه فرحانه لزهره وكشخت وبعدين هي حفلة
بس ماكتيلي انت ليش هم كاشخة لايكون مهرج وانه مادري
باوعتلي وكالت اني من يومي كشاخة مو اليوم
كتلها اي لعد بالعافية عليج
عفتها وطبيت جوه ..
لكيت ضاري واكف يم الحجيه يحاجيها ...
اندار شافني ...
كال خل تجي زهره صيحيلها ...
كتله اي هسه ...
ركضت كتلها زهره زهره .. كومي يردوج
الكل كالو راح يسألوها اي يعني راح يكطعون المهر
اخذتها وطلعنا انه وام هيثم. ويمكن اخته ماعرفها
طبينا للمطبخ ...
زهوه مستحية من ضاري واكفه ومخليه ايدها على خلگها
ديسلمون عليه البنات ..
هو كال ها زهره الشيخ يكول المن توكلين
كلتله انته
ديحاجيها باوعلي اشرلي بيده صدرج
باوعت النفسي .. صدك صدري حيل مبين
نزلت الشال ...
اخذو زهره يم باب المطبخ ...
الحجية صاحت بنين عبدالله تعاي عليه
ضاري انتبه كال شيلي ابنج لا تخلي بالكاع عوفي كلشي وطبي جوه
باوعتله عرفتها يريد بس بدخلني لجوه ..
عفتهم وطبيت .. شلت عبدالله .. لكيت عمتي بالممر واكفه
كتلها ها عمه شيبج شو هنا
باوعتلي وسكتت
حسيتها مقهوره .. تقربت لزمت ايدها عمة شبيج
نزلت دمعتها كالت ..
جان مدي هين ابوها اخوها ويفرحون بيها
سحبتها لصدري بوستها كتلها الله يرحمهم
اخونها هنا موجودين الله يحفظهم لا تقهريني عمه
وانه داحجي ماتحملت بجيت دموعي نزلت
كالت لا تبجين يمه ..
كليلهن لا يهلهلن ولا يغنن مالي زهره بالحياة بعد المرحوم
اجت زهره وكفت سمعتها
بوستها كلتلها خاله حقج تكولين الراحو اعزاز
بس كلمن عزيز عد اهلها وهمه يريدون يفوحون بأبنهم خطيه
شتريدين منهم خل يفرحون الحزن لو يفيد جان فاد الراحو
سكتنه عمتي .. مسحنا دموعنا. دانمشي انريد نفوت
طبو البنات يركضون بهوووسه وهلاهل
كطعووو المهررر ...
انداريت زهره صارت ورايه بوستها
حبيبتي احلى زهوره شايفه كل الخير حياتي
طبينا كلما للهول ام العريس واكفه تهلهل
خواتها يهوسون ...
كعدنه زهره ... طبيت انه ورشا ..
جبنه صواني الكيك والعصير ... ندقدم
كالو هيثم اجة ...
انه خليت الصينيه انداريت اريد الف شالي ..
باوعت ضاري بالممر واكف ...
طبيت للممر .. كال ها شو مدلعه والشعر طالع خير
كتله جنت اقدم وايدي مدمره ماكدرت اللبس الشال
اللبسي ياب ... ولو انتن عدجن العريس حلال عادي خل يشوف مو
ابتسمت كتله لا طبعا هسه اعدل شالي
اي وفوتي جوه الزلم كلساع يكفون بالطرمة لا كلساع ماده راسج
صار تدلل
ايبااااخ اليوم حيل عاقله ...
لازم قبل جنت اشكك بهدومي شبيه عيني
أكول اشوف روحة بغداد خيل غيرتج
لو هذا هدوء يسبق العاصفة
ابتسمت انداريت عالمغسله كتله وهسه انت شتريد
ماريد شي ياب ... اباوعله بيده السبحة ويفر بيها
كاشخ طالع حيل حلوووو
مشة وكف كال بيد واحد من الجهال دزيلي عبدالله
وصوتجن نصنة
كتله اي ماشي...
لفيت حجابي وطبيت للهول ...
باوعت الهيثم كاعد .. بصف زهره
ولازم ايدها .. زهره وجهه احمر ...
من بعيد تبين حيل مرتبكة ... الكل ملتمين عليهم
فرحانين .. عمتي يم جده كاعده بالزاوية
اسراء خابصه نفسها
تاخذلهم صور وتسويلهم عود لقطات
ضحكت عليها اسراء كلشي ترهم تصنع على كولتهم
وتاخذ صور ...
اباوع الهم شكد الفرح حلووو ...
مر الوقت ... صارت الدنيا مغرب ..
والناس راحت ...
ضاري من طلعر اختفى وياهم... طبيت بدلت لابست دشداشة ولفيت شعري بس مكياجي بقى ... طلعت للشغل
انه واسراء نرتب بالهول وبالاستقبال ... لمينه الهوسة
سرور عمتي كلتلها انت عليج المطبخ ...
طلعت للطرمة بيدي العلاكة داذبها ...
جان يطب ضاري ...
فات مستعجل للبيت ...
انه مشيت خليت العلاكة بالحاويه ..
تلكاني النوب طلع ..
كال لا تحسبون حسابي عالعشى
اني معزوم ويا الولد
فات من يمي يمشي ولا انتبهلي ولا باوعلي
طلع مستعجل ...
رجعت طبيت جوه ... لكيت اسراء دتلبس بالعباية
كتلها ماترووووحين ابقي
لا يولي والله رجلي يرديني خطيه اسويله عشى
خل يجي عليج الله هنا يتعشى
كل عقلج هذا يستحي مايجي
لعد تعالي اخذي كيك وياج
ماريد شسووووي بي ماحبه وداعتج
للجهال شبيج ...
طبيت فتحت الثلاجة طلعت قالب كيك ..
خليته بالباكيت ..
كتلها عليج الله تعالي النوب
اي اي .. انطيني طيطوط خبصني ...
اخذت الكيكة وجنطتها وطلعت تركض
وكتاكيتها وراهه ...
اجت عمتي تمشي .. ها شنو راحت اسراء
اي والله ماكو راحت خطيه .. رجلها جاهه
يبوو جان جلبي بيها عيب تعبت
عمه والله كتلها ماتقبل
اي خطيه الله وياهه ضاري سويتيله عشى
لا عمه معزوم يكول ويا الولد
ها عجل سون انتن شتريدين تسون سون اتي ماريد
ليش عمه اشويلج لحم دجاج
لا يمه كرمت من الكيكة شويه عبالج ماكله ماعون على فادي اهين واكفه.
اي الكريم ثكيل انه مااكله
اي يمه راح افوت اصلي
ماشي عمه انه اروح اعشي عبدالله وافوت الغرفتي
غسلت ايدي وطبيت اسمع صوت سرور تحاجي اهلها
تسولف الهم عالمهر
طبيت لغرفه زهره لكيتها تمسح بالمكياج
اخذت عبدالله وطلعت
مر الوقت عشيت عبدالله ونومته طبيت سبحت جسمي
لبست دشداشة ربع ردن .. لوونها بيجي فتحت شعري
رجعت رتبت مكياجي وطوخت الحمرة افتر بالغرفة
الكل نام ..
البيت صنته .. انه عيني عالساعه .. الكهرباء
كلساع تطفى وترجع
خبلتي وانه وحدي
وضاري ماكو اريد انام مااكدر ...
طفيت الاناره وتمددت بالفراش
سحبت التلفون كمت اكلب بالفيس ...
اكلب وانه ماله روحي ...
سمعت صووته وهو يگح بالمطبخ
كعدت ورجيت نفسي عالسرير
بقيت طبيعي اكلب بالتلفون ...
شويه ونفتح الباب على كيفه ...
باوعلي .. طبك الباب وقفلة ...
كال ها كاعده عبالي نايمه
كتله لا بعدني ماجاني نوم
عبدالله وين
عبدالله شرب علاج مالت نشله عبالك ينوم شو نام
طب يمشي خله السويج والتلفون عالكومدي
بده يفتح بدكم الردن انه دنكت راسي والعب بشعري واتصفح
راح يمشي علگ الدشداشة ..
وطب للحمام ..
شوي وطلع ...
نشف وجهه واجة شرب ماي ..
كال شوكت راح تنامين ..
هسه شوي وانام ...
اي ماشي ... وكف عالمرايه سحب عطرخله واجة يمشي
باوع للجودليه مفروشة
كال المخده من يمج كطيها عليه
اللحاف مالتي وين
كتله موجود ..
شلت المخده وهو راح كعد عالجودليه ..
نزلت اخذت المخده كتله راح تنام هنا
رفع راسه كال عجل وين انام
شكو اليووم عروس طالعه
اي مكياجي بقى من العصر
ها خوش مكياج هذا
هسه انت ليش ماتنام فوك
ليش ياب غير هذا مكاني
خله المخده عالجودليه وكام كال وين الريمونت الغرفة بارده
كتله هذا ..
مشيت ومشه ورايه ... شلت اريمونت كتله هاك
كلبوب الصفر مفتوح ...
باوعلي .. كال ليش
لابسه هيج ..
باوعت النفسي كتله عادي دشداشة هاي انام بيها
هااااا تنامين بيها ...
كتله ضاري
نعم ..
تعال نام فوك
ها خيرج اليوووم
لا بس تعال نام فوك
شسوي فوك غير افتهم خليني جوه ارحم
كتله تذكر اليوم شنو وعدتني
باوعلي كال بس لا الصوره
اي والله
موتتدللين ..
سحب التلفون وكعد عالسرير ..
اشرلي تعالي اهين كعدي ..
تقربت وكعدت بصفة ...
دخل للاستوديو ... طلع الصور .. طلعلي صورته وهو عبدالله مكعده على رجله
كتله شنو هاي
كال رحمة الله
لا شنو عليك الله خل اشوف
يولي وين اكو احلى من عبودي وهو على رجلي
انت دتثول السالفه موو
عليش اثولها خايف مستحي خل اكوم انام ذنيج البغداد
مو بس رحمة الله كرم الله ... ديريد يكوم .. جان الزم ايده بدون شعور .. التفت عليه باوعلي
كتله بصوت ناصي ضاري
سكتت مارددلي باوع بعيوني
كتله تنام هنا
شبيج اليووم ..؟
مابيه شي
يولي .. اني مااريد اسوي شي انت موراضية عنه
لا انت هذا حقك وانة مرتك حرام عليه
عوفي الحرام ... والحلال اني مااريد تجين يمي علمود الحرام والحلال اريد گلبج هو الي يرد روحج هي التريد
مو ضاري الي يفرض نفسه على وحده لو تصير روحة بيها
كام وكف الحيلة راح ديمشي
انه كمت بسرعه وكفت كدامه باوعتله بالفانيله ربع ردن وسروال .. كتله ضااررري باوعلي ومد ايده عليه وشبكني كال
شبيج يبعد الحيل
كتله انه
انت شنو ... احجي
سكتت ... ودنكت راسي
قرب وجهه وهمس بأذاني احجي لا تستحين انت حلالي
باسني من اسفل خدي
احس نفسي تبنجن .. كتله اتنام يمي بالسرير سويه
اي وبعدين ...
لزمني من وجهي وهو يباوعلي
كتله التريده يجرالك ...
متأكده
هزيت راسي ...
قرب نفسه باسني من شفتي بوسه والثانيه
والثالثه
رفعني ... شالني ... وشمرني عالسرير ....
يتبع .. هم كلولو القفلة تجلط اموتكم 😒.
يتبع
|