#ﺍنتقام_وقسوة_محب
ﺑﻘﻠﻤﻲ
الكاتبه ام غايب🙋🏻♀️🙋🏻♀️:
#البارت٨
ارتبكت حيل .....وهو كام يباوع على ايدي والموبايل .....عرفت مصيري راح يضربني
اكتفيت بالنظر اله محجيت هو بقه بس يباوع عليه
دنكت راسي
تريدين الرمز انطي الج بس بشرط
رفعت راسي وباوعتله باستغراب من بروده بخصوص هذا الموضوع توقعت ردة فعله قويه
تقرب عليه ....اني خفت حيل وماعندي منفذ هو الحمام صغير لزم ايدي الي بيهه الموبايل وكلي
انطيج الرمز بس شرطي تكليلي ليش ردتي تفتحين الموبايل
باوعت علي ....مرتاحيتله ممتعوده على هدوءه
كتله انت شارب
ليش يعني
والله شارب
شميني بيه ريحه شرب وتقرب عليه اكثر
مااريد
تقرب اكثر ...
كتله ...محب
ها تريدين الرمز لو لا
لا
ليش مو بكتي مثل الحراميه ودخلتي للحمام ليش هسه متريدي
اضربني وخلصني تعلمت على ضرباتك صارن ميأذني لان وجع كلبي اقوى ....
احجي وهو ساكت وبس يباوع عليه ....
ثبتت ايديناتي على بطنه ودفعته
ابتسم ....مبين شارب
لان مشايفته بهاي اللطافه ابد
ورجع تقرب عليه
اني كلت هذا شارب ميحس شسوي من تقرب عليه قربت نفسي علي ....اريد اشم ريحته
مااحس اله حضني وسحبني علي
ردت ادفعه ماكو لزك بيه وهمسلي
شنو رأيج نروح لفراشنا
وخررررر محب انت شارب ياربي بس ليش مابيك ريحه
وخررر
مكتيلي ليش تريدين تفتحين موبايلي ...تغارين
لا
جذابه تغارين
مو اغار بس احس بالاهانه
من احسك تحجي عليه يمهه
يعني متغارين عليه
لا طبعاً
رأساً وخر عني سحب الموبايل من ايدي وفتح الرمز
وانطانيا
باوعت علي هذا شبي هو راح يخبلني لو من الضرب لو من فيوزاته
سديته وانطيته اله .....مع العلم جان بودي اكلب بي واسكت فضولي بس هو واكف على راسي
شو سديتي
عفيه محب راح تخبلني
ابتسم ....هسه اني شمسويلج
بردت حيل وخر اريد اروح انام
تعالي ادفيج وابتسم
باوعت هذا شبي ....ردت اطلع انطاني مجال اطلع رحت كبل غطيت نفسي بالبطانيه حسيت بي من رفع البطانيه
قرب نفسه عليه مااحس اله ايده حاوطت خصري
درت علي متفاجئه هذا اليوم ناوي يجلطني
شبيج تباوعين ...مو انتِ بردانه اريد ادفيج
درت جسمي كله علي وكتله لازم متعارك ويه رفل ...وتريد تستغلني مووووو بس اني مااقبل حدك الهنا واستوب
قربني اكثر علي
وهادئ الى درجه شككني بنفسي
انتي انسانه ظالمه حيل وهواي تتهميني اتهامات مالهن صحه
ابتسمت
ليش تبتسمين
تضحك
ليش
من انت حباب عود
هو اني حباب
ردت ابعد نفسي عنه سحبني ولزم ايدي اثنينهن حيل وابتسم واني متت ضحك الى درجه متنوصف
وخر الله يخليك وخر عزززه متكلي هذا شسمه نوع الشرب الشاربه هم مابي ريحه وهم يخلي الواحد لطيف
لج منو هذا لطيف
تخونيني ويا
باوعت علي شكيت بعقلي شخط من كثر مضحكت وتزيد الضحكه من يحجي
اليوم من رحت العصر كعدتج وانتي نايمه مقبلتي تجين وياي ....وفوك كل هذا تتهميني
باوعت علي
من وراك كمت حتى الاشياء الحرام اتمناهه
مثلاً هسه الشرب بودي يوميه اشربك
حلو انت هيج بدون متنتقم
بقه يباوع عليه ويبتسم قربني علي اكثر الدرجه صرنه ملتسقين واحد بالثاني مااحس اله باسني من راسي غمضت عيني بقيت افكر شديصير بي هذا الى ان نمت للصبح مع العلم جنت نايمه هواي بس غفيت بيج قصص عراقيه حقيقيه من واقعنا.روعه الطائيحبيت حضنه مع العلم اكرهه وحاقده علي بس جانت الدنيا بارده وجسمه حار
فتحت عيني لكيتنه نفس النومه بس اني شيعانه نوم لان نمت وقت طويل سحبت نفسي منه وكمت جنت جوعانه حيل اعرف بكعدته راح يروح مفعول الشرب ويرجع محب المكروه كمت سبحت وسويت شعري كصيبه هنديه بديتهه من بداية راسي بعدني ممكملتهه دك موبايله درت وجهي على رفع موبايله وداس دكمه يمكن رفض ورجع نام وخمس دقايق وهم دك بس جنت قريبه على الموبايل مديت راسي شفت المنبه
نفس النغمه الي قبل شويه فرحت بداخلي
هو كام .....بدون ميحجي دخل للحمام طلع لابس بنطرون اسود وبس باقيله التشيرت بدلت لبست بنطرون اسود وبدي اسود ويلك نفخ لونه زيتوني
وخليت مكياج خفيف
باوع عليه ورجع دنك يلبس الحزام
كمل وكال يلله كملتي
هزيت راسي بمعنى اي
طلعنه قفل الباب وسلمهم المفاتيح دخلنه للمطعم مال فندق جان بوفي مفتوح اخذتلي ماعون خليت بي كلشي افتر واخلي واني ولا يمي سمعت موبايله دك جاوب كال جوه احنه ماادري منو اتصل
كعدت بعد مااخذت الاكل كلي
تريدين جاي
كتله اي
راح جابلي وكعد مياكل بس يشرب جاي
واحسه يباوع عليه بس اني ولا يمي دنكت بماعوني وكعدت اكل
شويه ونزلو كلهم كالو صباح الخير
صباح النور
عامر/شنوو هذا النشاط هديه وكعد ....عمي طبعاً نشاط اذا انتي البارحه السياره كلهه نايمه ومن رجعتي نمتي
ابتسمت ...كتله الله اكبر هو نوم احد لازمك متنام
نعيمه/البارحه ليش مأجيتي حرامات تونسنه
كلناله ال محب كال مقبلتي تكعدين
باوعت علي هو يخزر بيه هو شكو ماادري ارتبكت ودنكت اكمل أكلي ورجعت رفعتهه باوعت على رفل ضايجه ورجعت باوعت علي بس يباوع عليه
باقر/شتكولون وين نروح
رفل/للتزلج
باقر/بس هديه خطيه مراح تستفاد
هديه/عاديه اني بس اباوع عليكم هم اتونس
باوعت ال محب يشرب بالجاي ويباوع عليه
وميحجي
عامر/شبيهه كصتج هديه
جان بيهه اثر مال عنجوره من البارحه ضربت راسي انتبهت عليهه الصبح كتله والله ماادري
فجأه كام محب كلي هديه بلله تعالي
نعيمه/وين رايحين
للغرفه نسيت شغله تريكو وخل نطلع هذا وقت تره
كمت اني خلاني اصير كدامه صعدت الدرج كلت يجوز لبسي بي خلل شككني بلبسي وشككني بنفسي من وره نظراته يرادله دكتور نفساني
دخلت للغرفه كتله لبسي بي شي
شنو بينج وبين عامر
انصدمت ....شنووو
البارحه وكوه مشيتهه وكلت مااريد بالي يروح بعيد هذا عامر ابن خالي وميغدر بيه سكتت وبلعتهه بس اليوم
ماادري مااحس اكو شي طبيعي
احجي هديه
شحجي محب ....انت تدرورلي مصايب حتى تمد ايدك عليه وتريدني ابررلك
انجبي اني اذا اريد امد ايدي عليج ماادور حجه
بس هذذذذا الي يصيرررر طبيعي كلهه منتبهت الكصتج اله هووو ليش
شمدريني اني
اي شمدريج .....وابتسااامتج من تشووووفي
والله ماادري شكول انت ماكو مصيبه ومدخلتني بيهه
انجبي لج انتي مو مال واحد يطلعج انتي مال واحد يكعدج ويحبسج والله لو ممنطيته مجال مجان هيج كام يحجي وياج ويتدخل
مااحس اله رفع موبايله واتصل
هايابه روحو انتو احنه منروح
اي والله بيج قصص عراقيه حقيقيه من واقعنا.روعه الطائي
لاهديه متكدر ظهرهه وبطنهه
باوعت علي ردت ابجي
اول مسده متله ليش
شنو الليش ماكو روحه لان انتِ وحده ادبسز
ومو ثكيله
والله اني هيج ششفتني شسويت
مكضيتهه توزعين ابتسامات بدون سبب هاي شيسموهه يسموهه صلافه وطيحان حظ
انت مو طبيعي والله نزعت اليلك بنتره ونزعت حذائي ولفيت راسي وغطيته وكمت ابجي اريد اطلع راح اموت والله انوب هو عامر يمكن زودهه انت شعليك بيه
رفعت راسي ووخرت الغطه لكيت كاعد عل كرسي وبيده الموبايل شويه وهم اتصلو بي
لا يابه مو كتلكم منروح
لا روحو
لتلح باقر
استغفرررر الله
كووومي يلله بس والله يا هديه اذا اشوفج ابتسمتي ابتسامه وحده توقعي مني افشلج كدامهم
وممنوع تحجين ويا من متحجين هو راح يحس على نفسه
تره الولد ممسوي شي
بت الكلب تدافعيله انوب مالج علاقه انتِ
فرحت حيل وكمت لبست اليلك وحذائي بسرعه
ونزلنه محد بيهم صعد ويانه لان جانو بالسياره كلهم ينتظرونه
كمنه نمشي سوه بس كل واحد بسيارته احنه عل صامت وكآبه وهمه معلين صوت المسجل والاغاني والركص واني اباوع عليهم كل ميمرون من يمنه
حتى رفل تركص وخالتهم تصفك اجواء يمهم حلوه
اني اكره اطلع وياهم بالذات وجود رفل بس اريد اغير جو
وصلنه وكفو السيارات اباوع رفل تاخذ بالصور اخر شي
صاحت ال باقر كالتله تعال اخذلنه صوره سوه
وصارت بنصنه لزمت محب ولزمتني باوعت على محب انقهرت
باقر ....هديه ومحب موتوني اثنينكم ابتسمو شنو قصتكم
ابتسمت جذب واخذلنه صوره
رجع كال خل اخذلكم صور وحدكم اني فتيتو كلبي
وكفت بصفه وهو هم بصفي لزم ايدي باوعت علي رأساً اخذلنه باقر
وكال اللله شكددد حلوه هاي الصوره عفويه تعال شوفهه بشرفك شوف نظراتكم
محب انقلهه الموبايلي
افتح بلوتوث بسرعه
رفل/بعدين اني انقلهه الكم كل الصور
لا نقليهه هسه
عامر/شو خل اشوف واخذ الموبايل من باقر وكال حلوه هاي الصوره بس انتو ولا عبالك عرسان تدري هناك صديقي تزوج من وراهم اتشوقت اتزوج بس بعد ما التقيت بيكم كعرسان جدد عقدتوني
كامو يتزلجون لان محب كلهم نروح وهديه تكعد بالحالتين وبقيت واكفه اباوع عليهم بس متت برد
وكفت جان يوكف يمي عامر بعد ماكمل تزلج
هو تصرفاته عفويه لان حتى ويه رفل نفس الشي شقه
بس محب خله بعقلي اكو خلل
باوعت على رفل ومحب جانت رفل تشمر علي بالثلج
اني احس نار شبت بيه الحقير يحاسبني وميحاسب روحه
انت شنووو من بشر
درت على عامر جان يخابر
كتله شوكت تسافر ردت بس اخلق حديث ويا
كال اسبوع تقريباً
كتله حلو هناك
حلو بس احب العراق احس روحي بي اتمنى هسه اهلي يرجعون بس ماكو حجينه قافل ميتناقش
عامر ساعدني
دار عليه وانصدم من كلامي حسيت بي طيب لذلك تجرأت وطلبتهه مفكرت ومااتحمل بعد
محب كاعد ينتقم مني وكاعد يأذيني هواي خلصني منه وحررني منه
ابتسم ....اكيد كاعد تتشاقين صح
لا
باوعت ال محب عينه عليه ومتجه عليه
لتحجي الاي احد عليك الله اذا متكدر لتساعدني بس لتحجي الاحد
يعني الاصر الي بكصتج محب مسوي
لا لا ....بس هو سوه الاكثر
تقرب علينه محب سكتت اني وعامر بقت نظراته نظرات استغراب
محب /نروح يلله مو كافي
عامر/بعد وكت
محب/اني رايح عن نفسي واصلاً راح ارجع ال بغداد
تقرب باقر من سمعه كله صدك تحجي
اي احجي صدك من البدايه مجنت حاب الجيه وهديه حامل هم ارجع احسن
تقربو كلهم وكامو يلحون علي عل نبقى بس هو رفض وكال نرتاح ونطلع
سلمت عليهم وعيني على عامر ....مااعرف ليش خفت وكلت يمكن تسرعت وكتله واني بعدني مااعرفه
عامر/انتظر محب
اني من حجه هيج كلبي وكف خفت حيل
خيرك عامر
اني هم راح ارجع وياكم عندي كم شغله لازم اسويهه
كلهم كامو يحجون على عامر ومحب لان خربو جيتهم
اني اعرف محب بسبب كلامي ويه عامر بس اني هم ضجت من سوالفه ويه رفل وعدم احترام كرامتي
بس حسيت نفسي تسرعت من كلت ال عامر هو ابن خاله مستحيل ينطي بي
محب /بس اني عندي شغله
عامر/هاي طرده اعتبرهه
لا يمعود براحتك بس خطيه الجماعه
رجعنه وكلهم رجعو للفندق ويانه اول مدخلنه اجه شايش عليه
شحجيتوووووو ولتكولين محجيت ولا حجي طبيعي
محجيت شي
انتي وحده بلا شررررف ساقطه اكووووو مره متزوجه تتيسم وتسولف ويه واحد غير زوجهه
هذا ابن خالك مو غريب واحنه طالعين سوه وياهم
اني كلب ابن كلب من جبتج وياي اني شكتلج من طلعنه منا
مو كتلج لتحجين هذا عامر ساقط سكير ابن خالي واني اعررررفه كلش زين انتي ليش متسمعين كلاااام
ليش من يحجي ويه حبيبتك متنغث شمعنا وياي اني
لان انتي زوووجتي مطيه
مطيه ....انتي ليش متسمعين كلام
يلله لمي الملابس بسرررعه اني اسف لان طلعتج
لان انتي وجه حبس وبس
بسرعه لمي الاغراض
والله بعد احسن انت هم
وسكتت
رجع عليه ...دار جتفي بنتره
اني شنوووو هديه
هيج
احجي لا اكسرج
هيج كتلك
واني كاعد ارتب الاغراض وهو فوك راسي
كلي بي فهميني انتي ليش متسمعين الكلام
اني شمسويه هسه والله موتتني
لج بابا اني من احجي هيج بسبب مو مسألة غيره انتي متعرفين عامر اله اكلج كل علاقاته هسوان متزوجات لذلك اني اكلج تجنبي
باوعت علي انوب اني كتله ساعدني بس لا هسه عباله اتحرش بي
خرب حظي عافني وراح للحمام رحت ورا وكفت يم الباب
خفت كلت اذا هو هيج ساقط ليروح يلفقلي شغله ويكله هيه كالتلي انت مأذيهه كتله من وره الباب
محب
نعم
اني سويت شغله من تطلع اكلك بيهه بس والله مجنت اعرف عامر هيج
مااحس اله فتح الباب بالشورت جان ينزع علمود يسبح
شنو الشغله هديه
من انت تهين مرامتي كل شويه وتحجي ويه رفل
باوع عليه وكلي اااي
كتله ال ابن خالك عامر ساعدني محب يأذيني
وبعد هديه شكلتيله
وكتله دينتقم مني دمرني
بقه يباوع عليه وكلي وشكلج هو
ملحك يكلي انت اجيت بس اني كتله ليكلك
طلع من الحمام وجر ايدي وكعدني عل جربايه
ليش هيج سووويتي هديه ليش
لان انت موتتني وزهكتني تعبتني حيل اني تعبت اريد اي وسيله تخلصني منك حياتي متدمره بس ذل واهانه تعبت بس من انت سكران حباب
وباقي ايامك مكروه كلك حقد وغل
بقه يباوع عليه وكلي كومي كملي لم الاغراض هديه
مسحت دموعي وكمت .....كملت اغراضنا .... ونزلنه حتى بدون ميكللهم
ولا حتى ال عامر الطريق كله منطق كلمه وحده واني ماادري ليش مكدرت انام بقيت طول الطريق اباوع من الجامه حتى احس ركبتي تشنجت خابرو علي وبقو يسألو خوما اكو شي مبين جان من جوابه الهم بقو يلحون ويا وهو كلهم هذيه حيل تأذت وتعبت
وصلنه للبيت الساعه ب١٢اله ربع بليل اني ميته تعب وهو هم ....بطرعه بدل ونام عل قنفه واني رحت للغرفه ساعة السوده عل سفره بس تعب طريق كلشي مشفت منهه ذبيت روحي كبل ونمت ومكعدت اله ثاني يوم بال٢الظهر فزيت صوت التلفزيون مفتوح مبين يعني كاعد
كمت طلعت من الغرفه لكيته متمدد ويباوع تلفزيون
كتله ....صباح الخير
صباح النور
رحت غسلت ورجعت كتله ....اسوي ريوك
اي جوعان
سويت ريوك اله وخليته اله بالكاع واني رجعت جبتلي صينيه
تريكنه كل واحد بصينيته بدل وطلع بدون ميحجي ......
..............................
كان يا مكان كان هنالك ماضي أليم ....تولد منه حقداً وكرهاً تحول الى انتقام
لكن الانتقام كان شديد الانشار بحيث حرق الاخضر والليابس معاً
جنت طفله كلشي مااعرف بالحياة مواعيه على اي شي .....كل الي افكر بي لعبتي ومدرستي
وجانو عندي اثنين اخوان جنت مدلله بجالهم
واتعيقل عليهم .....وعيت على مر الدنيا واني عمري سبع سنوات من رجعت وكالو امي احتركت وماتت ودخلت مرت ابويه للبيت
حسيت نفسي كبرت هواي انضربت واشتغلت واذا حجيت الاخواني بسببي ينضربون وصلت مرحله اسكت علمود علاء ميضربه بابا
صرت خدامه ال شيرين وال هديه
اكو مواقف محفوره بالكلب والذاكره منكدر ننساهه ابد
مره جنت كاعده اباوع تلفزيون جان عمري ٨سنوات
طلعت شيرين من الغرفه باوعت عليه بنظره تمنيت الكاع تنشك وتبلعني من الخوف مع العلم ممسويه شي اني عدلت كعدتي هيه تقربت عليه
منو كلج تشغلين التلفزيون هاااااا
اسفه والله
جرتني من ايدي عتتني حيل وسحبتني وخلت السجينه عل طباخ
والله اسفه بعد مااعيدهه والله ....والله مااعيدهه
جرت ايدي وجوتني بيهه عطت كتمت نفسي
الايد الي تنمد على اي شغله بدون استأذان تنجووووي فهمتي
من يومهه واني كمت اخاف من كلشي ....اي شي تكلي بي نعم حاظر
واني طفله تعلمت على التنظيف ولازم من انظف بتددقيق
ومن تكعد العصريه لازم يوميه اكعد افرجلهه رجلهه
جان ابويه بكلشي يسمع كلامهه واكثر شي يأذي علاء لان علاء جان يدافعلي ويصيح على شيرين اذا حجت وياي
مرت الايام والسنين ....واحنه على نفس الوضع تحت رحمة مرة ابونا اذا رضت علينه يرضى ابويه واذا ضاجت من عدنه يضوج
بس رغم كل الهموم والضيم الي مريت بي جان وجود علاء ومحب امان بابنسبه الي محب يشتغل علمودنه وعلاء منبع الحنيه بعدم وجوده
ه
الى ان اجه هذا اليوم
جنت نايمه على رجل محب ننتظر علاء الى بغرفه وحده يصارع بيهه الموت .....مااحس اله فزيت على اصوات فجأه وكع راسي على الكاع
محب/اختي وخر ايدك مااكدر اعوفهه هنا
انجب لتحجي وضربه على راسه
اني اباوع مسطوره كلشي ممفتهمه سحبو محب ركضت ورا ابجي
اخويه ......عوفو اخويه
محد يستمعلي ......اخذو وراحو ومن يومهه مشفته
رجعت وكفت كبال الغرفه البيهه علاء ابجي وادعي رب العالمين
يارب ساعد اخوتي ....يارب احميهم
كل ظويه يجون يسألوني دكاتره الى ان شفت بابا من بعيد
خفت منه واكرهه بنفس الوقت
جان كوه يمشي .....بس هو صل بسبع ارواح ضربه محب وواكف على حيله راد يشبكني تبعدت عنه وكفت على صفحه
راد ياخذني مقبلت كمت اصرخ ولميت علي الناس ضربني وسحبني ومحد وكف بوجهه لان هو ابويه
اخذني الغير بيت وكالو بيتنه بعد هذا بالناصريه مشتري ثاري بابا طلع بايع بيتنا ومشتري بالناصريه اما علاء مشفته لا هو ولا بويه بس وراهه
تمردت وصرت قويه كمت اوكف بوجه شيرين واصرخ بوجهه بس هيه تسكت متحجي مااعرف ليش الى ان فجأه فزيت على صوت صراخ هديه
شبيج هديه
ولج علاء مات ....علاء حبيبي مات وتبجي
اني هم كمت اصرخ رغم ما احنه صغار بس لطمنه وبجينه جان يوحي الغير عمرنا كبرتني الدنيا المر والهم كبرني
وراهه رحنه التلال حمرين تحولنه هناك لان كالو راح تصير حرب
ومحب مااعرف عنه شي بقيت الوب علي وعن اخباره بس مااعرفهن
تقربنا اني وهديه حيل صرنا اني وياهه نبجي على علاء نتشارك وجع واحد هيه حبيبهه واني اخويه
اما ابويه من سمع عل عفو العام ومن ردنا نتحول الحمرين ....صحة ضميره واح يدور على محب وملكاله اي اثر
كل ظنه محب مات
رحنه ال حمرين تعبنا وتبهذلنه عشنه بين الحشرات والعكارب والخوف
الى ان سقط النظام
رجعنه لبيوتنا ....استمرت حياتي بس بأهات وحسرات على اخواني الي شفت الذل قاطات من راحو كمت من اتمرد واريد اصير قويه واطلع حقي انكتل من ابويه ومن شيرين قررت بيني وبين نفسي اساير وضعي
جانت اكو خطوط مااتعداهن وخاصه
من يتجاوز عليه نجم الدين الامير
لازم مااحجي ويا ولا ادوسله على طرف اذا حجيت اطلع اني الغلطانه
واني الي لازم اتحمله
جان يوصل مرحله يضربني واذا ضربته او دفعته يوووو تنكلب الدنيا عليه
كمت ادور رضه شيرين انظف وكلشي اسوي قبل لا اروح للمدرسه في سبيل اكمل دراستي واجاري حياتي
واذا غلطت غلطه وحده تكعدني مثل المتهم وساعات تحجي وياي وتكلي اني مثل امج واني واني واني .....واني مشايفه بس الضيم منهه
جانت هديه تصبرني وتكلي تحملي بلكت الله يرزقج بواحد زين ويخلصج من هاي العيشه
مشت ٣سنوات ونص واني مااعرف شي عن محب
جنت مثل يوميه رايحه للمدرسه ومثل العاده حسام يمشي ورايه ابن عم شيرين بس هالمره اجرأ تقدم عني خطوات ووكف كبالي
حسام/تره تعبتيني
ريام/صفنت بوجهه ....وبنتره ...اذا تبقه تمشي ورايه هاي المره اكول ال شيرين
حسام/بت الاوادم احبج مو شلعتي كلبي هسه اني عايف بنات الكليه كلهن ووحده زعطوطه مثلج اركض وراهه وممعبرتني
باوعت كتله....شو انت تغلط
وين غالط
عفته وسرعت خطواتي ....ابد مااطيقه ....عوينجي مافديوم دخل للبيت اذا مباوعلي
ماعولت احل من المدرسه حتى اروح ال هديه ......جان
...................
رجعت النفس حبستي مااعرف اي شي عن شيرين والولد مشتاقتلهم حيل
مرن اربع شهور على معرفتي بالحمل يعني دخلت للخامس بطني كبرت
وحياتي هيه هيه ويه محب ماكو اي شي تطور غير الكره
يزيد ميقل وخاصه من اسمعه ويه رفل ...يحجي
وكلهه بچفه والجفه الثانيه اكو طفل ببطني كاعد يكبر منه
شلون وبعدين مااعرف
دخل محب ضايج كالعاده هوه حتى من الهوى مرات يضوج
كبل كعد عل قنفه وباوع عليه
استغربت ضايج بس هادئ
بنفس الوقت
هديه ......يتبع
|