[لامارا]

//

الفصل السابع والثلاثون

صباح يوم جديد وهو اليوم الخامس بمصر
إبتسام فتحت عيونها وشافت حولها كل البنات نايمين إبتسمت وقامت صلت الصبح لانو فاتها وقته وريتاج أكيد قامت صلته وماحبت تصحيها دامها مريضة وشافت الساعة كانت سبعة الصبح لبست عبايتها وحجابها وحطت لثمتها وطلعت وهي حاسة بنشاط غريب وقوة بعد حبت تفطر بس تشوف الشمس مع انو طلعت من وقت وطلعت برا وراحت صوب الباب اللي بيطلع للبحر طلعت منه وإتجهت صوب البحر بس وقفها صوت ....
عنده هو نام له بس ساعتين طول الليل وهو يفكر فيها قام من سريره وطلع لإجل يسوي رياضة صباحية وكان واقف عند باب الشاليه يوم مرت عليه وماشفته
محمد : بسمة
إبتسام إنتفضت ولفت له : ااا....دكتور
محمد كان واقف وحاط رجله علي الجدار بس من شافها عدل وقفته
محمد يطالع عيونها : صباح الخير
إبتسام إرتبكت من نظراته : صباح النور
محمد تقدم لها خطوة : الشمس طلعت من وقت
إبتسام علي طول نزلت عيونها : أدري حبيت بس أشم هوا
محمد بإبتسامة هادية : شلونك الحين
إبتسام بتوتر : مرة زينه
محمد : حاسه بنشاط وقوة
إبتسام هزت له راسها بإيه
محمد بحنان : زين منت بجوعانة
إبتسام بهدوء وللحين منزلة عيونها : إيه رح روح أفطر بعد شوي
محمد بحب : لو فيك الم علمني زين
إبتسام : زين
محمد قرب لها خطوة ثانية وبحب : خليك قوية وانا بوعدك إنو كل ألامك بتروح عنك زين
إبتسام بهدوء : زين
محمد إبتسم يبي يقول عن حبه بس ماعرف شلون : ارجعي لسويت ترتاحين
إبتسام لا ارادي هزت راسها بإيه ومحمد يطالع عيونها ويمشي لورا وبعدها لف وركض وابتعد عنها ويبي يجمع قوته عشان يقدر يقول انه يبي يخطبها ...يضعف قدامها
إبتسام رجعت علي السويت وكل عقلها مع محمد نست انو بتشوف الشمس ونست أنو تبي تفطر رجعت دخلت فسخت عبايتها وحجابها ورجعت تسدحت علي سريرها " وش هو السبب اللي خالك تحبني ابي أعرف بس هالجواب إنت دكتور وانا مريضة عندك وإنت تعرف كلش عني ليش تحبين ليش تبي تتعذب تبي تتالم تبي تجرحني ...موب هذا اللي تبينه انو يحبك ويهتم لك ...ايه بس مو علي حساب مشاعره ...اووف بنهبل من حالتي " سكرت عيونها وكل تفكيرها فيه
عند محمد رجع دخل السويت تغسل ورجع تسدح علي سريره وحط إيدينه تحت راسه وصار يطالع بالسقف " تهبل يوم تخجل وعيونها يذبحون مرة حلو لونهم علي الصباح فيهم بريق ...أنا موب قادر أقول لها أحبها والسبب سطوة وجودها علي يوم أشوفها إرتبك " وبعد تفكير فيها غمض عيونه ورجع نام طول الليل مو نايم وخايف عليها
الساعة ثنتين الظهر صحوا البنات وصحوا للعيال أفطروا وصلوا فرضهم والبنات يبون الملاهي وأماكن حلوة يشوفونها دقوا علي العيال وهم وافقوا وصاروا يتجهزون ويتكشخون وخاصة البنات قرروا كلهم يحطون ميك اب
ريتاج لاحظت إبتسام وسرحانها سالتها بس إبتسام ماردت عليها واللي قهر ريتاج
ريتاج كل ثانية تفكر بإبتسام وتفكر بمرضها
ونوف كانت تحاول ماتناظر أسماء .. تتنرفز غصب عنها
وأسماء كانت تبي ترسم عيونها بس ماعرفت شلون بالعادة تحط بس كحل
وكل البنات نفس الحالة كل وحدة تتكشخ بروحها حتي إبتسام حطت لها كحل وحطت بس واقي الشمس وكريم أساس تبي تلهي نفسها بأي شي وتنسي مرضها
أسماء لإماني : إرسمي عيوني انا ماعرفت
أماني لاهيه بروحها : روحي عني ويوم اكمل برسم لك
أسماء عصبت منها و بسخرية : مكثورة الخير ...وراحت عند فرح
أسماء تتمصلح : فروحة قلبي إرسمي عيوني
فرح نفس حالة اماني : مو فاضيه شوفي مع نوف هي تعرف ترسمهم عدل
أسماء فرحت : جد
فرح كل اللي تبيه تروح عنها عشان تكلم ميك اب بتركيز: إيه وبتطلعك خيال
نوف كانت لاهيه تحط حجابها يوم كملت ميك اب و إجتها أسماء
أسماء : نوف
نوف بدون نفس وتطالع بالمراية : وشو
أسماء مدت لها القلم : تقول فرح انو انت تعرفين ترسمين العيون ابي ترسمين عيوني
نوف لفت لها وبغضب : ليه شايفتني كوافير عند حضرتك
أسماء طيرت عيونها : هاه
نوف معصبه منها غصب : لو كوافير اشتغل عندك قولي
البنات لفوا لهم بسب صوت نوف العالي شوي
أسماء إنصدمت من نوف : لا انا بس ...
نوف قاطعتها : ترى انا مو كوافيره عندك ...ولفت عنها
إبتسام بقبقت عيونها من نوف وطريقة كلامها مع أسماء
وأسماء تطالعها وللحين مإستوعبت كلام نوف
البنات علي طول تجمعوا علي أسماء
شذي : شفيها نوف
أسماء بغرابه : مادري انا ماقلت لها شي
إبتسام قربت من أسماء : لا تزعلين منها زين
أسماء طالعتها وعيونها غرقت دموع : انا ماقصدت كل اللي إبيه ترسم عيوني
إبتسام إبتسمت لها بحب : لا تزعلين عمرك يمكن نوف معصبه من شي لا تشلين ب قلبك عليها زين
أسماء إبتسمت لها وتكابر دموعها : لا وش دعوة إزعل يمكن هي متضايقه من شي
ريتاج بحب ...نوف إختها هي وإبتسام : أسماء نوف حساسه وهي أكيد ماقصدت كلامها
أسماء تحاول تكون طبيعية : وش فيكم قلت مو زعلانه منها
ريتاج : زين انا بعتذر لك عنها
أسماء : وش دعوة الاعتذار الحين وانا مو زعلانة منها
ريتاج إبتسمت لها : زين خلني انا ارسم لك عيونك واحط لك بعد كل الميك اب
أسماء تبي تلطف الجو : اخاف اطلع غولة
ريتاج : هههههه يله خلني احط لك ونشوف ...وراحت معها أسماء والبنات ماحبوا يكبرون السالفة ورجعت كل وحدة علي شغلها
إبتسام لحقت نوف لغرفة ثانية ودخلت عليها وشافتها تبكي
إبتسام : نوف
نوف لفت لها ودموعها سيل : انا ماقصدت وربي ماقصدت
إبتسام راحت لها وصارت تمسح دموعها : خلاص لاتبكين
نوف بالم رهيب : انا صرت كل ماشفتها اتنرفز غصب عني
إبتسام بحب لها : بس يانوف أسماء مالها ذنب بشي
نوف بحزن : ادري مالها ذنب بس انا مادري شفني عليها
إبتسام مسكت نوف من إيدها : خلنا نقعد يله ...وقعدوا علي كنب هناك
إبتسام : نوف إسمعيني لاتخلين الشيطان يلعب بعقلك
نوف منزله عيونها : الله سبحانه يكره الحسد والحقد والغيرة والحين انا صرت حقودة انا اكره هالشعور انا بنت موب زينة ..ورمت نفسها فحضن إبتسام
إبتسام تمسح علي راسها : من قاله انو انت مو زينة لو مو زينة ماتفكرين بهالطريقة
نوف رجعت تبكي : بس يإبتسام انا ...
إبتسام قاطعتها وبعدتها عنها وصارت تسمح دموعها : لاتخسرين طيبتك واخلاقك لإجل شي مايستاهل لا تخلين الشيطان يلعب بعقلك
نوف بحزن : ادري وانا بحاول انو ماعصب منها
إبتسام : نوف قلبي تحكمي ف نفسك وتذكري إنو أسماء مالها دخل
نوف بوجع : فارس م كان رح يحبني وحتي لو ما شاف أسماء ...انا عرفت وش بكون بالنسبه له ...بس إخت هو قال هالكلمة قبل بس انا بيومها ماصدقت بس الحين صدقت وفارس لو ماحب أسماء بيحب غيرها وانا بتم له بس إخت
إبتسام من اول كلام نوف رجعت أخذتها لحضنها هي كانت تبي تقول لها هالكلام بس خافت لتجرحها : نوف صدقيني الله شايف لك الخير قوي نفسك وتفاءلي بالخير
نوف وهي بحضنها دموعها تنزل بصمت : بسمة تكفين لاتخلين الشيطان يلعب بعقلي لو شفتيني بغلط عطني كف حتي أصحي
إبتسام بعدتها عنها وباستها من خدها : صدقيني لو انا مو معك إنت مارح تسمحين له يصيطر علي عقلك وتفكيرك ..واسماء لاتكلمينها غير يوم تحسين انو انت مو معصبه منها
نوف : زين
إبستام بشوية مرح :زين قومي إرجعي غسلي وجهك وحطي لك ميك اب مرة ثانيه
نوف إبتسمت لها : بحط لك بعد... إنت حاطها بس كحل ...واخليك تهبلين الدكتور بعيونك
إبتسام ضحكت : هههههه زين يله ...قامت هي ونوف ورجعوا للبنات أسماء طالعت نوف بس نوف بعدت عيونها عنها واسماء ماحبت تكبر السالفة ورجعت نوف حطت ميك اب لها و لإبتسام بعد وطلعوا للعيال يوم بغوا يفجروا فيهم قنبله
بالجمس كان بدر يسوق فيهم وجنبه مني
بدر كان يسوق وكل شوي يرفع عيونه بالمراية ويناظر ريتاج اللي كانت تطالع بالشوارع وهي ساكته
ريتاج كانت كل اللي تفكر فيه إبتسام
بدر كان يطالع عيونها بالمرايه وفي باله شعر
أماني ملت من السكوت اللي هم فيه : تكلموا ليش ساكتين
شذي : وش تبينا نقول
أسماء نفس حاله أماني : اماني صادقة من يوم ركبنا بس انا واماني اللي نتكلم قولوا شي
مني من المرتبة الاولي : واللي يعافيكم إسكتوا لين نوصل علي الملاهي ...وفروا طاقة بعد
أماني : مأحد كلمك ....بدر حط لنا شي نسمعه
بدر إبتسم علي خبالهم : تبون تسمعون شعر
البنات وأولهم إبتسام غير ريتاج : إيه إيه
بدر كانت عيونه علي ريتاج اللي سارحه : يابنت العم تسمعين شعر
ريتاج لا رد
بدر إستغرب من سكوتها
أماني نغزتها وريتاج لفت لها : شفيك؟
أماني : وش عندك مقفلة ؟
ريتاج عصبت : انتظر المفتاح
البنات فقعوا ضحك
أماني : ماقول إلا مالت عليك
ريتاج : زين شتبين ؟
إبتسام لفت عليها وخايفه ريتاج من عادتها ماتسكت : ليكون مريضة
ريتاج إبتسمت بحنية : لا ياقمر تطمني .
إبتسام إبتسمت بس لها
ريتاج بمرح وتحاول تطمن إبتسام : ما قلتوا وش فيه ؟
بدر : كنت اقول لو تبين تسمعين شعر
ريتاج لفت وشافته يناظرها بالمراية : وش شعره
بدر بإبتسامة : البنات ملوا وانا قلت لهم لو يبون يسمعون شعر بقول
ريتاج توترت ونزلت عيونها : زين خلنا نسمع
أماني ناوية عليه : بدر يعني لو ما وافقت ريتاج مارح تقول
ريتاج طيرت عيونها وبدر يصرف : لا بس دام كانت ساكته فكرت انو مريضة وماحبيت ازعجها
أسماء تكمل : مو علينا هالحركات
بدر عصب : هانت مابقول
ريتاج حبت تقهرهم : لا قول ماعليك منهم
أماني بهمس : بقلبها لك لاتخافين
ريتاج وبغضب : زين سكري حلقك لأقوم وإنسك إسمك انت وهذيك اللي جنبك
بدر " هاذي لك عيونك سحروني من يوم ركبنا " بصوت شاعري
" ‏كيف مااكتب لك شعر وأرفع الصوت ...
‏وأنـت الـوزن والقافيـه و المـعاني
‏تريديني أكتب بيت راح أكتب ابيوت ...
‏وراح أشـعـل اللـيله قصـيد وأمآني
‏وافرش بحـور الشـعر لؤلؤ وياقـوت ...
‏لجـل العـيون والخـافق الـي رمانـي
‏وطيفــك يـغازلني دايـم عـن الـفوت ....
‏في كل يــوماً ودقايــق وحتـا ثــواني"وسلامتكم
البنات : ياهووووووووووو احلي أحلي
ريتاج كانت تناظر له وهو يقول شعره وعرفت انو قاصدها
بدر بإبتسامة حلوة وعيونه عليها: شرايكم بشعري ؟
مني : صح لسانك
بدر: صح بدنك
إبتسام تموت بشعر بدر : شاعر ياولد عمي
بدر ضحك : ههههه تسلمين يابنت عمي
أماني عرفت انو قاصد ريتاج : منهو هاذي اللي تفرش البحر ياقوت لإجل عيونها
بدر بخبث : وش عليك حبيبة القلب وإنت وش عليك
ريتاج نزلت عيونها " وااااي لا تقولون بدر قاصدني بشعره "
أسماء : زين مارح تقول منهو
بدر : لا .....تطمني إنت وأماني لانو مارح أقول
أماني حبت تهبل فيه : لا تقول بدرية
بدر عصب : امانننننننني
البنات فقعوا ضحك حتي ريتاج
أماني : ههههههه هبلت فيك
بدر بحزم : لاتجبين طاريها مرة ثانية فاهمه صرت اكره بنت الناس وإنت السبب
البنات رجعوا تفقعوا ضحك
أماني تزيد عليه : بالحلم قلت أعيشك بكابوس إسمه بدرية
ريتاج حبت تهبل فيه : اقول ياولد العم ترى بدرية زينة البنات شرايك فيها
بدر طالعها بصدمة
إبتسام مسكت ضحكتها
بدر : هاه
ريتاج ماسكه ضحكتها : لا بس عيون بدرية تذبح مو يامني
مني حبت تهبل فيه : إيه ماشاء الله عليها
بدر إبتسم " هين " وبصوت شاعري يذبح
" والله ان لك حب ب قلبي لا يوصف ولا يتصوّر

شلون ادور بالحياه انسان ثاني غيرك ؟
وانت كل اللي أبيه ومابي غيرك
اهواك ومافيه ب قلبي غيرك "
ريتاج نزلت عيونها بسرعة من كلامه
البنات يصفقون واولهم اماني وإبتسام : الله الله احلي بدر احلي
بدر للحين يطالع ريتاج " سمعتي مافيه ب قلبي غيرك "
ريتاج حست بعيونها غرقت دموع فرح بدر يحبها من جد
أماني بنذالة : بدر تكفي علمنا منهو هاذي البنية اللي مافيه غيرها ب حياتك
بدر : كنت تقولين بدرية او غيرتي
أماني : يعني بدرية
بدر بخبث : ايوه بدرية إرتحتي الحين وترى أفكر أخطبها بعد
إبتسام تقهر ريتاج : الله يوفقك معها
بدر حب يهبل ريتاج : امين.
وكملوا طريقهم لين وصلوا علي الملاهي ( المدينة الترفيهة )
وتفرقوا وكل واحد إتجه للعبة اللي عاجبته
أماني راحت مع أسماء وريتاج اللي بغت تقعد مع إبتسام بس إبتسام رفضت وقالت لها تنبسط عنهم ثنتينهم عشان هي ماتقدر تلعب العاب خطيرة
وتمت بس هي ونوف
فرح وشذي ومني راحوا مع بعض ومعهم سهي وندي ومدي
العيال طلال وفارس مع بعض يزيد واحمد وفهد مع بعض وسامر ومصعب مع بعض وراشد وامين وحتي مشعل اللي لو ماإجي معهم كان فجر قنبله وهديل مع أسامة ومحمد وبدر مع بعض أكيد
إبتسام : نوف ليش مارحتي معهم وتلعبين
نوف : مابي حبيت اقعد معاك
إبتسام : مشكورة وخلنا ندور علي العاب هادية نلعبها
عند محمد وبدر
بدر ياشر علي لعبة : ابو حميد شاريك نلعب ب هاذي
محمد يضحك : هههههه صرنا بزر
بدر يجره : يله يله بس كلام فاضي ...وراحوا لعبوا
أماني وأسماء وريتاج من لعبة لعبة والصراخ والحماس واصل حده
بدر ومحمد شافوهم
بدر بحماس : شرايك نروح نلعب معهم
محمد فهم عليه : مابي وبعدين خلي البنات بروحهم
بدر طنشه : الشرهة علي انا ...العب بروحك
محمد ضحك : تعال تعال وين رايح
بدر بفرح : اروح العب مع رتوجة قلبي
محمد يضحك عليه وبدر رايح للبنات
محمد تم بروحه ورفع حواجبه وشق الخشة : ادور بسمة
لمعت عيونه وصار يدورها
أماني شافت بدر وكانوا واقفين بطابور ينتظرون دورهم : وش عنده بدر جاي لنا
ريتاج لفت له وبوناسه : العلم لله
أسماء ضحكت : هههه يمكن بيلعب معنا
ريتاج لفت لهم وبأمر : لو تستهبلون تشفون نجوم الظهر
أماني اخر همها : حلال عليك اخذيه وروحي
ريتاج وأسماء طيروا عيونهم
ريتاج: وش عندك راضيه علي !!؟؟
أماني ضحكت : هههه ولا شي بس ابغي العب
وضحكوا لين وصل بدر المتشقق من الوناسه : هاااااااي
الثلاثي : هاااااتين
بدر يطالع ريتاج : بتلعبون هاذي اللعبه ؟
أماني بخبث : انا وأسماء بس ريتاج ماتبي
ريتاج عقدت حواجبها " شفيها من قاله مابي "
بدر فرح : والله ليش !؟
أماني : أسالها
بدر بوناسة : ليش ماتلعبين ؟
ريتاج إبتسمت وفهمت علي أماني :لا بس مو حلوة
أسماء ناويه عليه : وين حميد عنك ليش انت بروحك
بدر يصرف : يقول مايبي يلعب رجال الحين وانا بزر دام ابغي العب
ضحكوا كلهم وتموا يسولفون وبدر يدور صرفه يأخذ معه ريتاج
لين بدت اللعبة وركبت أسماء وأماني وتمت ريتاج
بدر بوناسة : تعالي ندور لعبة نلعبها
ريتاج طايره من الفرح وتصرف : لا عادي انتظرهم لين يرجعون
بدر وقف قدامها وبامر : أمشي يله نلعب
ريتاج ضحكت غصب ومشت قدامه وبعفويه : لبيه
بدر خق عليها يموت بعفويتها : لبيتي فمني ياحبي
ريتاج ضاعت بالهوا بدر قال حبي
بدر مبتسم وعرف انو لخطبها : شرايك ب هذيك اللعبه
ريتاج بخجل وتبي تهرب منه : الكل فيه
بدر عقد حواجبه : منهو
ريتاج ماعرفت وش تقول : انت ولد عمي ومايصير العب معك
بدر من قلب " يارب عونك علي هالبنت " : عادي
ريتاج هزت راسها بلا
بدر مسك ضحكته غصب بنوته صغيرة : قلت عادي يله نلعب
ريتاج رجعت هزت راسها بلا
بدر مبتسم علي خبالها : تعالي وبسك
ريتاج نزلت راسها وبصوت خجول : قلت مايصير
بدر قرب لها وبصوت هامس وبدون مقدمات : أحبك
ريتاج فتحت عيونها اربع وعشرين وبصدمه : إيش
بدر بصوت شاعري وهو يشوف عيونها
" حبي لك ...بحر ماله حدود أحبك
حبي لك ....سما مالها حدود أحبك
حبي لك ....صحرا مالها حدود أحبك
حبي لك ...شعر ماله وجود احبك "
ريتاج إنصدمت من كلامه : بدر ....
بدر بوناسة وعيون ولهانة فيها : أحبك يابنت العم
ريتاج صارت تفتح وتغمض حست انو بدر يحبها بس يقولها لها هالشي أخرسها: إنت ....
بدر يرفع وينزل حاجب : اقول أحبك ماتسمعين
ريتاج نزلت عيونها بسرعة " وش هالرجال وش هالاعتراف ..اسمع اسمع " : بس إنت ولد عمي
بدر : زين
ريتاج ضاعت : انت اخوي
بدر إنصدم : إيش !!!!!!!
ريتاج إنتبهت : انت ...انت
بدر حس بسكين إنغرس فيه : ريتاج انا اقول أحبك وإنت تقولين انت أخوي
ريتاج ترقع : اقصد انت ولد عمي
بدر إبتسم غصب : إثبتي علي شي ولد عمك او اخوك
ريتاج إبتسمت غصب : أقصد أحبك مثل أسامة
بدر فطس ضحك البنت دلخه : هههههههه العوض ولا القطيعه
ريتاج عصبت : تضحك علي
بدر بسرعة ويضحك : ههههه لا لا وش دعوة اضحك عليك
ريتاج ضحكت غصب
وسمعوا صوت ولفوا عليه
---------------------------------------------
إبتسام كانت مع نوف وشافوا مدي و ندي مع سهي وراحوا لهم
ندي بحماس : بنات بنات خلونا نلعب هاللعبة ( كانت كراسي مثل المرجوحه وتدور بالهوا بسرعة معقوله )
سهي وافقت ومدي ونوف خلتها إبتسام توافق وقالت رح تنتظرها وراحت معهم نوف وتمت إبتسام بروحها وشافها محمد وإجي لها
إبتسام كانت تطالع البنات وهم يصارخون وفرحانه لفرحهم
محمد وراها : بسمة
إبتسام إنتفضت ولفت له وشافته واقف وراها
محمد بإبتسامة : ليش إنت بروحك ؟
إبتسام توترت نزلت عيونها :البنات راحوا يلعبون ورح يرجعون
محمد خق عندها " عيونها تهبل لا وحاطه كحل بعد تبي تذبحني " : إنت تعرفين إنو مايصير تلعبين ألعاب خطيرة
إبتسام بتوتر : إيه
محمد سوا حركه بإيده بمعني تفضلي معي : زين يله فيه لعبة وابي تلعبيها معي .
إبتسام تطالع إيده ومستغربه طلبه : هاه
محمد مبتسم : فيه لعبة أبي تلعبينها معي
إبتسام بهدوء وبخجل : مايصير
محمد بإبتسامة تخق : وش اللي مايصير
إبتسام رفعت عيونها له : مايصير ...العب
محمد بحنان غامر : إنت معي
إبتسام توردت خدودها وماتته حيا : بس ...
محمد مشي : تعالي
إبتسام غمضت عيونها ومشت معه وبهدوء وتحاول تهدي نبضات قلبها الضعيف : هي لعبة خطرة
محمد ناظرها بحب : أهمم
إبتسام خافت دلوعة البنت : انا خايفه
محمد بهيام : إنت معي ياقلبي لاتخافين
إبتسام وقف الدم بعروقها قال قلبي او تتوهم
ركب محمد عربة العجلة وركبت إبتسام وقعدت وقابلته وبدت اللعبة
إبتسام كانت متوتره لإنو محمد قاعد يطالعها وصارت تعدل فحجابها ولثمتها
محمد شق الخشة إبتسام معه و هذا اللي يبيه : بسمة
إبتسام تطالع حولها وتحاول ماتطالعه : هلا
محمد : خايفه! ؟
إبتسام تحاول تكون طبيعية تخاف محمد يقول شي وهي مو مستعده له : لا ابدن
إرتفعت العربة وصارت تتارجح فيهم مثل مرجوحه وإبتسام علي طول مسكت المقعد وغمضت عيونها
محمد حس فيها : خايفه ؟
إبتسام بخوف : نحن ب مكان عالي مو
محمد طالع حوله وشاف المكان عالي صدق : إيه ليش
إبتسام تكره الاماكن العالية تحسسها انو بيبت الجد وباعلي الدرج وانو بتطيح ومسكت المقعد بقوة
محمد إستغرب منها : شفيك ؟
إبتسام مدت إيدينها الاثنين ومسكت طرفين المقعد وغمضت عيونها بقوة : نحن مو بيبت المزرعة مو
محمد حس بالحزن : لا نحن بمصر
إبتسام صارت تتذكر السالفة وبخوف اكبر شوي : تكفي قول إنو نحن مو بيبت المزرعة تكفي
محمد بحب حب يطمنها : لا ياقلبي صدقني نحن بمصر وقاعدين نحن نلعب وبعدين انا معك لاتخافين من شي أبد
إبتسام فتحت عيونها وناظرت له: جد
محمد إبتسم عشانها كانت مثل البزر : إيه جد ...يبي يقوم يمسك ايدها بس مو من حقه
إبتسام تطمنت شوي : خايفه قل لصاحب اللعبه يوقف
محمد ضحك ويحاول يخليها تتخلص من خوفها : هههه بس انا عجبتني
إبتسام فرحت لضحكته وبصوت هامس : زين بس انا خايفه منها
محمد نبض قلبه : انت معي لاتخافين
إبتسام بقله حليه : خلنا ننزل ونلعب لعبه ثانية غيرها
محمد رحمها البنت تخاف من الاماكن العاليه : اوعدني
إبتسام سرت رعشة بكل جسمها هو وعدها قبل انو يعالجها والحين يحاول يحقق وعده بكل طاقته ..ولاول مرة يطلب منها توعده هي تكره الوعود عشان فنظرها اهم الناس اللي حولها واهم شخص وعدها اخلف بوعده لها
شافت له وتكابر دموعها وخوفها وماتبي تفكر وتتذكر غير محمد وهي مع محمد وإبتسمت بكل حب وثقه له : وعد
باللحظه هاذي وقفت اللعبه و محمد إبتسم بحنية ولمعت عيونه بسمة كانت مرة ناعمه
قام ونزل : زين يله إختاري لعبه
قامت إبتسام وعيونها عليه وبمزح وهي تشوف بعيونه مزيج من الحب لها والخوف عليها من الحزن والفرح من الرغبه فيها والرهبة انو يفقدها : انت ماتعرف تختار العاب حماسيه
محمد ضحك : ههه والله
إبتسام مشت قبله : تعال معي تشوف
محمد مات فرح ومشوا مع بعض : هههه خوافه ادري بتدورين العاب مرة هادية
إبتسام ضحكت : ههههه كشفتني
محمد بعفوية : يالبي هالضحكة اموت عليها
إبتسام ماتته حيا
محمد انتبه لنفسه وبتردد : مارح نعلب
إبتسام بصوت هادي وعت علي نفسها " شقاعده تسوين ..ماتبي تبتعدين عنه ..شتسوين تعلقين الرجال فيك " : لا بنلعب
محمد وبهدوء : بسمة انا ....
إبتسام بسرعة وهدوء : ماقلت شصاير معي أمس
محمد وقف ويطالعها
إبتسام وقفت ونزلت راسها وماتبي ترفع عيونها له بتبكي باي ثانية
محمد بهدوء : ولا شي
إبتسام علي حالها : بس انا اخذت الدوا بوقته
محمد بحزم : قلت ولا شي وبعدين انسي
إبتسام رفعت عيونها له منصدمه من صوته الامر
محمد يناظر عيونها وبهمس مفاجئ : إنسي زين
إبتسام لاوعي منها هزت راسها بإيه ...ضاعت بين الشرق والغرب ...تبعد محمد وتصده عنها او تقرب منه وتحتويه لها
محمد تم بس يطالعها يبي يعرف وش مكانته بقلبها تحبه او لا تعشقه وتغليه او مجرد دكتور بالنسبة لها
إبتسام نزلت عيونها وبهدوء : مارح نلعب
محمد حس بغصة بحلقه كانو يفرض نفسه عليها يعرفها بنت طيبه ومارح تكسر فيه وترده بس مو هذا اللي يبيه يبي تحبه وتحب وجوده جنبها : تبين تلعبين
إبتسام بصوت هادي مرة : إيه ابي العب مع...( ماقدرت تكمل اخر كلمتها )
محمد فكر انو" البنت تقرا لغه العيون " وماعرف انو هي تبي جد قربه: زين إختاري لعبه
إبتسام تكابر كل دموعها مايحتاج محمد يعترف بحبه لها واضح لها درجه تعلقه فيها : اوكي بس بشرط
محمد إستغرب : وش شرطه
إبتسام بمرح وتحاول ترسم البسمه علي وجهه ورفعت عيونها تطالعه : إشتري لي شكلاطة
محمد ضحك وحزنه طار بالهوا : هههههه اوك يالبزر
إبتسام فرحت لضحكته ومشت : يله يله لاتصير بخيل
محمد يضحك ويمشي وراها : زين زين
وسمعوا صوت وراهم ولفوا وهم ميتين خوف ..ياريبة الكل فيه وهم نسوا وجودهم
-------------------------------------------------
نرجع لبدر وريتاج
قاطعهم صوت وبدر لف عليه
بدر : فارس !!!!!!
فارس شافوهم وإجا صوبهم وغايته يطلع ريحة بدر : إيه وينك فيه ساعة ادورك ؟
بدر عصب إلا وصل حده من العصبية وبغي يقول شي بس وقفه فارس
فارس ماسك ضحكته ويكلم ريتاج بحزم : وش عندك مع بدر وين عنك البنات
ريتاج عصبت يوم قطع عليهم بس خافت من لهجة فارس : البنات راحوا يلعبون وانا مابي العب
بدر حب يتدخل بس وقفه فارس
فارس تكتف : والله زين وش كنتي تسوين من شوي او ليكون تبين تلعبين بس مع بدر
ريتاج بسرعة " الدوب " : لا ابد ....
فارس قاطعها : روحي عند البنات قبل لأنفجر فيك يله
بدر بغضب :إنت تستهبل
فارس طالعه : ترى إنت هين شغلك ....وطالع ريتاج : يله ماتسمعين
ريتاج علي طول تحركت عنهم وركضت بعد
بدر يطالعها وهي تبتعد ولف علي فارس وعيونه تقطر شر
فارس تفقع ضحك وهرب من بدر وبدر لحقه وصار يركض وراه
فارس يركض بسرعة : ههههههه وربي اليوم يومي
بدر بصراخ ويركض وراه : وقف وقف وترحم علي روحك بعد
فارس لف وراه ورجع لف لقدام وكمل ركض : ههههههه يمه الرجال بيذبحني
بدر وصل له ومسكه : وقف يالدوب
فارس وقف ولف له : إسمعني انا ....
بدر إنفجر : كم مرة قلت لك لاتجني وريتاج فيه
فارس ماسك ضحكته : انا ماشفت انو هي معك
بدر بغضب : والله وش هالعذر
فارس مسوي فيها شي وقف بوثوق : إسمعني عدل لاتنسي ريتاج إختي
بدر تكتف : إحلف
فارس يستهبل : والله
بدر ياخذ نفس من العصبية : إسمعني وإفهم عدل وش بقول ترى هالمرة مارح أسوي شي بس قسم بالله لو كانت معي وفكرت مجرد تفكير تجي صوبنا بذبحك وبخليهم يقولون إنتحر ( وصرخ ) مفهوم
فارس إنفجر ضحك : هههههههههه هههههههههههههههههه
بدر طلع له قرون ومسكه من إيده ولفها ورا ظهره وفارس صار يتاوه
فارس : أييي فكني يالدوب
بدر بغضب : قول توبة ومارح تعيد هبلك
فارس بعناد : إحلم البنت إختي
بدر لو إيد فارس بقوة
فارس بسرعة : توبة توبة وعمي بدر بعد
بدر فكه
فارس ياخذ نفس : تبي تذبح اخوك
بدر بقهر كان يبي يلعب معها : فارس إنت وقتك غلط يأخي خلني بروحي
فارس مسك ضحكته : ليش للحين ماقلت لها
بدر يطالعه بغضب وتحرك عليك وصار يستبهل " اثاري انا اهبل في محمد وفارس يهبل فني لكل فرعون موسى" : عليك نور وترى السبب إنت فكل مرة
فارس ماسك ضحكته ورحم أخوه : زين وماعليه بغير مرة وقول لها والحين خلنا نروح عند طلال عشانه ينتظرنا
بدر " قلته وانتهينا ..بس ريتاج تحبني او لا اوووف كله من الغثه فارسوووه " : ليش وش عنده
فارس بحماس : فيه بيت رعب وانا وطلال نبي ندخل له ... يله تروح معنا وإنسي شوي ريتاج
بدر لف له وإبتسم غصب عنه : ليكون خايف إنت وطلال
فارس : لا ابد بس يوم شفتك حبيت تدخل معنا
بدر : زين يله نروح وبعدين اشوف حمود وينه فيه ....وراحوا عنده
-------------------------------------------------
نرجع لإبتسام ومحمد
إبتسام لفت خايفة : نوووووف !!!!
نوف تطالعهم : ايوه وينك فيه ساعة ادورك
ماأمدها إبتسام ترد إلا محمد : وينكم انتوا ليش تركتوها بروحها
إبتسام طيرت عيونها
نوف ماسكه ضحكتها : رحت مع البنات العب وهي قالت ماتبي تلعب
محمد إبتسم : زين ارجعي للبنات مافيه بسمة
نوف ضحكت غصب
إبتسام توردت خدودها " شفيه "
نوف تضحك : هههههه بسمة تجين معي او تقعدين مع الدكتور
إبتسام عصبت " السخيفه وش هالكلام هين اذبحها " : دكتور....
محمد قاطعها ومبتسم : روحي معها ولو رجعت تركت بروحك اخذك منها
إبتسام وقف الطير علي راس إنشلت من صدمتها
ونوف حطت إيدها علي فمها تمنع ضحكها
محمد يطالع إبتسام : اقول اختي إهتمي لها زين
نوف بتضحك : زين لاتشغل بالك
محمد بحب لإبتسام وكان نوف مو فيه : اشوفك بعدين اوكيه
إبتسام كانت ساكته وتطالعهم منصدمة وهزت راسها بإيه مو فاهمة شي
محمد راح عنهم ونوف فقعت ضحك
إبتسام بغضب : يالبطه وش هالكلام
نوف ميته ضحك :هههههه رجال وقع ومأحد سم عليه ههههههه
إبتسام عصبت : هس يالدوبة وبعدين ليش تسولفين معه
نوف : ههههه غيرانه البنت
إبتسام فجأة إيجاها ألم قوي خلاها تقعد علي الارض وتأوهت : آه
نوف ماتته رعب وقعدت بسرعة جنبها : إبتسام إبتسام قلبي شفيك
إبتسام ضاغطه علي قلبها وبصعوبة : الدوا الدوا
نوف بسرعة فتحت شنطة إبتسام وبسرعه اخذت الدوا وعطتها حبة دوا
إبتسام تبلعها
نوف ضمتها وعيونها غرقت دموع : بسمة قلبي إنت زينه
إبتسام بتعب وشافت كرسي فيه : إيه ..خلنا ...نقعد ...هناك
نوف شافتهم وبحب : زين قومي نروح انت تقعدين وانا أجيب لك مويه
إبتسام هزت راسها بإيه وقامت وتكابر ألمها ومشت شوي وقعدت علي كرسي فيه
نوف خايفه عليها وبحنيه : مارح اتاخر زين هين ارجع
إبتسام براحه وإبتسمت لها : لا تخافين انا زينه
نوف حبت راسها وراحت تجيب لها مويه ومر عليها فهد
فهد كان مع يزيد ويوم شاف ابتسام ونوف بغي يسلم : هلا إبتسام
إبتسام لفت له : اه فهد اهلين
فهد عقد حواجبه : وين رايحه نوف ركض
إبتسام : بتجيب لي مويه
فهد عطاها قاروره مويه كانت معه : انت زينه
إبتسام إبتسمت له : ايه ( لفت بعيونها وشافت شخص يطالعها بغضب )
إبتسام قامت بشويش وعيونها تعلقت باللي ورا فهد : زينه
فهد تطمن وإبتسم لها : الحمد لله انتبهي لنفسك زين
إبتسام عيونها مبقبقه : زين
فهد : زين اشوفك بعدين
إبتسام نزلت عيونها من العيون الغاضبة : زين
تركها فهد ومشي والشخص عطاها ظهره ومشي
إبتسام لا إرادي لحقته وبسرعة : دكتور
محمد كان يشوف سواد قدامه ويكلم نفسه : وش وقفها مع فهد توني تركتها بروحها
إبتسام تكابر الالم فيها ...الم شك محمد اكبر من الم قلبها ولحقته ركض : دكتوور
محمد سمعها وقف ولف لها يطالعها
إبتسام وقفت تاخذ نفس
محمد يناظرها بغضب " الحين وش جابك كملي سوالف معه ..وبعدين مشكورة خليتني إنتبه علي شي وهو انو انا بالمرتبة الاخيرة عندك " لف وعطها ظهره وكمل طريقه
إبتسام وكأنها قرت كلامه وتحرك خطوة ثانية وصرخت : أبي ألعب
محمد وقف فمكانه بس مالف لها وقال بصوت عالي شوي : منهو اللي ماسكك روحي إلعبي ...وخطي خطوة
إبتسام بسرعة واشرت علي لعبة فيه: ابي العب هذيك اللعبة
محمد غصب عنه لف لها قلبه يرضخ لها ويحقق لها كل اللي تبيه وطالع وين هي تأشر ( كانت لعبة سيارات التصادم ) ولف لها : روحي إلعبي ...ولف عنها
إبتسام إمتلت عيونها دموع غصب عنها وتمت تطالعه وهو يبتعد عنها وهمست بينها وبين نفسها : ابي العب معك إنت
محمد كان يمشي ويبتعد عنها بس فجأه وقف غصب عنه وماقدر يتحرك الشخص اللي تركه وراه هي حبيبته " تحرك ليش وقفت او ليكون ضعفت لها ...بس هي السبب ليش تسولف مع فهد ...بس هي اجت لك "
إبتسام لفت علي اللعبة وصارت تطالع الناس اللي يلعبونها وحزن ب قلبها محمد زعلان منها ومفكر انو فيه شي بينها وبين فهد
نوف رجعت لها بس ماحصلتها وشافتها بعيد ومشت لها بس وقفت بنص الطريق
محمد رجع لف لها وشافها واقفه وتطالع اللعبة تحرك وراح لها مارح يزعلها بشي لو مو مهتمه له ما كانت لحقته وتبي تشرح وتبرر له وصل لها وقف ويطالع اللعبة معها : تبين تلعبين
إبتسام لفت له وإبتسمت وشافته يطالع صوب اللعبة : إيه
محمد لف وطالعها وإبتسم لها بحنان : يله.
إبتسام تطالع عيونه وتركت القارورة تسقط من إيدها علي الارض
محمد إبتسم وعيونه تعلقت فيها وفرح باللي سوته
إبتسام بصوت هادي وتطالعه : اشتري لي مويه عطشانه
محمد يرمش بعيونه : وشكلاطه بعد
إبتسام وهزت راسها بإيه : يله نلعب
و تحركت معه وحزنها يتلاشي ومحمد الفرح يغزو قلبه
نوف شافتهم : البنت فالتها علي الاخر وانا عبالي انو هي مريضه هين انا لها
رجعت وقعدت مكان ابتسام وتنتظرها
محمد دخل محل فيه واشتري مويه وشكلاطه له ولها وطلعوا رايحين للعبه
وصلوا للعبه وقص تكت لها وله وقعدوا بسيارة وحده
إبتسام توترت من قربه بس حبت تبين الوضع طبيعي : خلنا نسوي تحدي
محمد فهم عليها تبي مايقعد جنبها : مابي انا الرجال فيه وانا اللي بسوق وانت تقعدين جنبي
إبتسام إبتسمت ونزلت عيونها وبمزح : ايوه جد هاذي البي ام دبليوو وانا نسيت
محمد ضحك وبهيام : ههههه ماعليه دام تحبين البي ام دبليوو بيجي يوم واشتريها وتقعدين جنبي
إبتسام دوروها ماتحصلونها ونزلت راسها وبحزن " حرام عليك اللي تسوينه في الرجال "
محمد مرة فرحان وهي معه وعرف وهي قالت بطريقة غير مباشره أنو تبي تكون معه وبقربه صار يسوق في السيارة ويصدم كل اللي بطريقه وإبتسام ساكته وعايشة عذاب الضمير تحس انو حطت ملح علي جرح
محمد إستغرب هدوءها : بسمة وينك
إبتسام لفت له وبحنيه : معك
محمد بمرح وأشر علي بنتين فيه بس بعيدين شوي : شرايك أطير هذولا الثنتين
إبتسام ماحبت ترده : عندك إياهم
محمد وقف ولف لها وسكت
إبتسام لفت له وإبتسمت : وش فيه
محمد بخوف واضح : شفيك
إبتسام خنقتها العبره : ولا شي
محمد تنهد بقوة
إبتسام غمضت عيونها بقوة " وبعدين مع هالحالة بنهبل اشوفه زعلان ازعل واقول انا سبب زعله ولزوم افرحه اشوفه مبسوط افرح واقول لزوم اخليه يبتسم طول الوقت " : دكتور محمد مارح نلعب
محمد بغصة بحلقه : لا قومي ننزل ...وبغي يقوم
وصدموهم البنتين بقوة وضحكوا عليهم
إبتسام عصبت منهم : إنتقم منهم
محمد تحمس ومسك الدركسيون : هين اوريهم ...ودعس بقوة
إبتسام ضحكت غصب: ههههههه وربي ليطيرون بالهوا
محمد طالعها وحس بالسعاده " ضحكتك وناستي " ورجع طالع البنتين وزاد سرعته
إبتسام تأشر عليهم : ههههه شوفهم شوفهم يبون يهربون
محمد بوناسة : اوريكم فيهم
وصدمهم بقوة
محمد : شلوني معك
إبتسام : هههههه يستاهلون وإنت بطل
محمد ميت فرح ونسي كل قهره قبل شوي وشاف ولد مسوي فيها شي وحب يخلي إبتسام تضحك اكثر : شوفي شوفي هذاك الولد يستقوي علي البنات
إبتسام شافت الولد : هههههه يله يله خلنا نوريه قوتنا
محمد ضحك من كلامها : ههههههه يله ....مش بسيارته بسرعة وصدم الولد بقوة
إبتسام ماتت ضحك
الولد كش عليهم
محمد بعفوية ورفع إيده : كفك
إبتسام تضحك وضربت كفها بكفه
محمد يضحك عليه: هههه رخمه
إبتسام إنتبهت علي اللي سوته " ياريبه " وقفت بسرعة : خلنا ننزل
محمد ناظرها وقف وإختفت ضحكته وقام : ليش
إبتسام تنزل : كافي لعب ...ومشت تهرب منه
محمد حزن ونزل وراها ولحقها
إبتسام تبي تهرب منه وضميرها يعذبها " بس يابسمة بس وش تبين تبين الرجال يحبك ويتعلق فيك وبعدين تروحين وتتركينه من شوي اجاك الم قوي لو مو الدوا كان فيه كان يمكن انت ميته الحين ...تبين من رجال ماشاء الله عليه يحب جثة " وهي تمشي بسرعه وعيونها مليانه دموع حست بإيد تمسك أيدها
محمد لحقها ومد إيده ومسك إيدها
إبتسام وقفت وماقدرت تتحرك
محمد توتر وفك ايدها بسرعه وبوجع : انا سويت شي غلط
إبتسام خنقتها العبرة : لا
محمد برجا : زين شصاير
إبتسام نزلت دمعه من عيونها : ولا شي
محمد اجي قدامها : ليش تهربين
إبتسام تكابر دموعها : من قاله
محمد بتعب وهو خايف تتركه بروحه خايف تكون ماتحبه ماتهتم له خايف من كل شي حوله : وبعدين قولي شصاير
إبتسام نزلت راسها وغمضت عيونها " مادري إيش فيه ابيك وابي ابتعد عنك "
محمد تنهد بألم : بتتركيني بروحي مثل ماتركتيني بألمانيا
إبتسام بس ساكته وقلبها ينبض خايفه من المستقبل اول مرة تفكر بالمستقبل
محمد اخذ نفس قوي وبحزم : مارح أسمح لك تبتعدين عني ولو غصب عنك
إبتسام إنصدمت من كلامه " شلون!!!!! "
محمد قرب خطوة منها وبصوت صارم : بسمه انا أحبك
إبتسام حست بالارض مو شايلتها وبصعوبة : شلون
محمد برجا مفاجئ وعيونه لمعت حزن ووجع : بسمه انا أحبك مارح أقدر بدونك
إبتسام نزلت دموعها وتطالع محمد كان ولد شرس بحارب بقوة يستولي علي لعبه أخذوها منه
محمد حزن قلبه : ليش تبكين
إبتسام بعدت لورى وتمسح دموعها وساكته
محمد ماعرف وش يسوي او وش يقول وبهدوء: بسمة أحبك صدقني
إبتسام منزله راسها وتحاول تطمن قلبه وقلبها اللي رجف من كلام محمد لحظة حست انو حبه حب تملك : مافيه شي غصب عني
محمد حس بنقطه فرح ب قلبه : تقصدين ...
إبتسام إبتسمت له وتحاول تبعد عنه وتقعد بروحها وترتب اوراقها ومشاعرها وتفهم نفسها وش تبي : انا تعبانه خلنا نرجع لنوف
محمد إبتسم بحنية: انت مو زعلانه مو
إبتسام بمرح مارح تبتعد عنه الا هو مبسوط رجعت تناقض تصرفتها وتفكيرها واللي تبيه المهم إبتسامه وفرح محمد : وانا اقدر ازعل منك
محمد فرح مثل ولد صغير : زين ياقلبي طمنتيني
إبتسام إنتبهت لكلمته بس تمت مبتسمه له
محمد بهدوء : اقدر اطلب طلب
إبتسام نبض قلبها " لبيه " : سم
محمد بصوت هادي: فكري فاللي قلته قبل شوي
إبتسام خجلت وهزت راسها بإيه
محمد إبتسم بحب: فرحتيني
إبتسام مستحية : انا اروح لنوف
محمد يناظرها : زين
لفت عنه ومشت وفنفسها " قرري يابسمة قرري شتبين.... راهنتي انو مايحبك وخسرتي الرهان وطلع يحبك واعترف بحبه لك ...وبعدين ياقدر وين انت اخذني علي اي اختبار "
محمد يناظر قفها : انت ملك لي يابسمة لافهد ولا غيره بيأخذك مني
لف وراح يدور بدر وكله عزم بسمة حرمه هو
******
أضرمت نار الهوي في قلبي ...وتبرأت من الذنب
حتي إذ لججت بحر الهوي ...وطمت الامواج في قلبي
افشيت سري وتناسيتني ...ماهكذا الانصاف ياحبي
هبني لا استطيع دفع الهوي ...عني اما تخشي من الرب "
******