#ﺍنتقام_وقسوة_محب
ﺑﻘﻠﻤﻲ
الكاتبه ام غايب🙋🏻♀️🙋🏻♀️:
#البارت١١
استقيمي ايتها النفس
عسى آن يگون الرحيل قريباً
دار وجهه ....وعينه بالمرايبه يباوع عليه ويتغمزلي
فجأه كال
ريام شيرين راح تبيع البيت وتشتري ببغداد
انصدمت من كلامه ورجع كمل
حسام/لازم ترسيني على بر
هديه/شوكت قررت هذا القرار شيرين
حسام/هديه هسه انتِ سكتي
هديه/هاي شبيك حسام غير افتهم
اني بقيت صافنه ....بوجهه وكف السياره ودار وجهه عليه
اني احبج يا بت الحلال صح انتي صغيره بعدج وتشلعين كلبي بس اريدج حلالي اريدج ام الولدي وبناتي
وكلبي يعشكج الج وبس
هديه/ولك حسام اني استحيت من يمي شو نزلني ...نزلني يمعود
انصدمت من كلامه وجرئته .... وخجلت منه حيل دنكت راسي وكتله رجعني لللبيت
ارجعج للبيت قابل راح اخطفج
بس ماارجعج اله من اعرف جوابج النهائي
بشنو
بت الاوادم صار ساعه اشرحلج مشاعري
اني بعدني طفله
هو انتي بنيتي واني اربيج على ايدي
تتزوجيني ريام والله متتندمين تره اني خوش ولد وصاك هم وهسه اشتريت سياره بعد شتريدين
هديه/تره ريام هم صاكه
حسام/هاي بنيتي بعد
ريام/شنو بنيتك هاي
بنيتي الشالعه كلبي انتِ
مكدرت ارفض حسام اجذب اذا كلت احبه
بس مااكدر ارفض هيج نعمه تجيني
اني من جهه متأذيه من مرت ابويه ونجم الدين ومن جهه محرومه من الحنان ....مااعرف اذا هو هيج او مجرد بدايه بس الاهتمام حلو
يحسس المره بانوثتهه مع العلم طفله حنت توني ١٥بس حسيت نفسي انثى من ورا
بقه يلح الى ان قبلت يفتح الموضوع ويه شيرين
رفضت بالبدايه مو علمودي لان اذا قبلت راح تروح خدامة البيت
كلي راح افتح الموضوع وياهه وهيه مالتله اسبوع وارجعلك خبر استشير البنيه
كالتلي خطبج حسام واني مراح اقبل
ليش
ميوالمج اولاً يدرس بكليه يعني ابو بنات
وانتِ بعدج طفله ميوالمج
مكدرت اكلهه اقبل هسه شتكول عليه رحت للمدرسه مثل كل مره كمت اعرف اوقات دوامه جنت منتظره يوم رجعته بالفعل اول مطلعت لكيته واكف على صفحه بسيارته وجانت هديه ممداومه
هديه جانت هواي تغيب مكضيتهه تسخت ومتهتم بالقرايه
باوعت شكله مو طبيعي مو مثل كل مره رحت باتجاهه وصعدت الي ورا
السلام عليكم
وعليكم اشوفج صعدتي وياي
استغربت لان باخر فتره هو كام يرجعني من المدرسه اني وهديه بالايام الي متواجد بيهه
شبيك حسام
وكف السياره ....ليش خليتيني اتقدملج اذاااا ترفضين
انتِ تضحكين عليه
اني مرفضتك
لتجذبين شيرين كالت توسلت بيهه وتكول عليك عوينجي وهاي كلمتج اعرفهه
لا والله محاجيه
عل عموم براحتج اني مااضغط عليج الي يبيعني مااشتري بزبانه
انهضمت من ردة فعله وصلني للبيت بدون ميحجي بعد
اول موصلت سولفت ال هديه
انتِ غبيه غير تفهمي وتكوليله شيرين هيه رافضه
خل يولي ضوجني
شو يتزعل
ثاني يوم رحت للمدرسه ومن طلعت مأجاني وهو مرايح للكليه وثالث يوم نفس الحاله واني ألوب وهديه تكول ماادري بس هو مبين حضرته تراجع
مر اسبوعين وهو نفس الحاله الى ان طلعت العصر جنت رايحه للمكتبه اريد اشتري ملزمه لكيته واكف يم سلام صديقه بفرعنا
احس وجهي كبت بي بوخه من شفته بودي الزمه اكطعه على هاي عملته باوعت علي بحقد
وهو هم دار وجهه عني
نرفزني بالزايد
نجم الدين/هيوووو ليش تباوعين على سلام
ياسلام انت
اني شفتج تباوعين علي
لتصير ملطلط
اني ملطلط حقيره اني اعلمج امشي نرجع
امشي واسكت نجم
انوب هذا الخبل تخبل عليه بالشارع وكام يغلط بودي اكفخه ومينطيني مجال بقه يرادد حتى من سكتت واله ترجعين واني اكله امشي وهو يعلط انتبه حسام واجه علي ضربه من علباته
طايح الحظ شدتسوي انت بلا اخلاق
جان يخاف من حسام لان اكثر من مره من يشوفه يمشي ويه ولد مو زينين يلزمه يجنزه تجنز حتى ماله دخل بشيرين تقبل او متقبل تكلهه محسوب علينه مادام هنا
امشي كدامي ساقط ارجع للبيت
والله اله اموتهه اليوم
دموتهه واني اخذ روحك يا كلب ...زعطوط بكد القندرا ومنطيك اكبر من حجمك
ردت ارجع كلي وين جنتي رايحه
للمكتبه
شتسوين
اشتري ملزمه
امشي صعدي اني اخذج
انت شعليك
رررريام صعدي
هسه نجم يسويهه قصه وشيرين هم متقبل
ريااااام صعدي
صعدت بملل بالمقعد الخلفي اول مفتح الباب وصعد
تعالي صعدي هنا خاتون
شلون اصعد هنا هسه يحجون
من تكعدين بالمقعد الخلفي تصير سالفه ويحجون وبعدين بالمنطقه يعرفون انتِ كرايبي
اني اصلاً راح انزل ومااريد اروح للمكتبه ولا اريد منك شي نزلت وعفته ورجعت للبيت
تلكاني نجم الدين مااحس اله هجم عليه وضربني اني عمري ١٥بوقتهه وهو عمره ٨سنوات بس هو طويل وبي ضخامه الحقير بحيث من ضربني توجعت من ضربته رجعتهه اله وكام يدفع بيه وادفع بي وهديه توخره مني جلب ونسعر عليه
نزلت شيرين من فوك
شكو ....شكو شبيكم
تباوع على سلام عبالهه مشفتهه
حقيررررررر ممتربي
ورجعت ضربته وشيرين وخرته
ممتربايه هاي
ميخالف ممتربايه ممتربايه اهدء .....روح اطلع كافي
والله اذا مربيتهه اني اربيهه
ريام/انجب لك ساقط بكد القندرا وهيج تحجي
خزرتني شيرين وكالت كااافي ريام اخذي على كد عقله
نجم/هسه اكلب البيت عليكم شنو اخذي على كد عقله اني مو طفل
شيرين/اني الطفله بس اسكت وخلصني
شلون اني بيكم ....رررريام دخلي جوووه
وانت اطلع روح هاك فلوس روح اشتري وخلصني تعبتوني
دخلت جوه واسمع نجم يلعبع وشيرين تسمته بكلمات اني اربيهه ومن هالسوالف والله شنو تكول اخذه على كد عقله اول مطلع اجتي عليه
انتِ شعندج ويه سلاام هااااااا
ماعندي شي هو خبل
لا نجم ميجذب لو مشايف خفتج جان محجه بس اني سكته علمود المشاكل
ام نجم والله ماعندي شي ويا
كااافي تعبتيني انتِ مو وجهه نعمه لج مخليتج ببيتي واكول يتيمه حتى تكولين على ابني ممتربي انتِ غير ناكره المعروف
اي ممتربي جذب قابل عمره ٨سنين وشايف روحه عبالك شيخ
شيخ غصباً ماعليج اللسانج اكصه اذا جبتي طاري هو رجال البيت يعتبر غصباً على اي واحد يحترمه
وبعد ممنًع تروحين للمدرسه انوب يحجون بسيرتنه ويكولون بت كريم البغدادي ساقطه وخفيفه
اني منتبهه الخفتج بالشارع
مااعرف مدريتي اني
استلمتني بالساعه تحجي وياي انهضمت وانقهرت من حياتي جان حسام املي يخلصني منهم وحسام تراجع
داومت ثاني يوم ....لان اني مستحيل اعوف دراستي هيه املي .....جنت صباحي من طلعت الراس الشارع شفت حسام بسيارته مبين رايح للجامعه ....دنكت وسويت روحي مشفته وكملت طريقي جانت هديه هم ممداومه
جانت اكثر الصباحي تغيب بي علمود نومة الصبح
دك هورن الي وفتح الجامه
صعدي خل نسولف
مااريد ومن وراك راح يحجون عليه بالمنطقه
اكص اللسانه الي يجيب طاريج والله صعدي لج
خل نسولف
وكفت كتله ....ليش تكول لج
دصعدي لا اكسرج
صعدت بصفه .....واول ماصعدت كتله انت ليش تغلط
لان احبج
اي صحيح
شنو الصحيح ولج هم تشككين بحبي الج بس انتِ حقيره
ليش حقيره اني والله خبلتني انت شو تراجعت
اني ....اني كل ما بالامر عفتج تقررين لان اني تعبت صار سنه اركض وراج وانتِ ممعبرتني وتاليهه تحجين عليه يم شيرين
محاجيه والله
وال عوينجي هاي كلمتج
والله مكايله هيج عليك واصلاً شيرين نيه مقبلت وكالت عليك ابو بنات وانت فعلاً ابو بنات مبين عليك
راح اعتبر نفسي مسامع هالكلام وراح ارجع اسألج انتِ تريديني لو لا رسيني على بر
سكتت وخجلت معرفت شكله
جاوبيني شنو اللسانج انبلع
اي
شنو ال اي
اريدك
ابتسم
بس شيرين
شيرين مالج دخل بيهه مو بكيفهه وبعدين انتِ هم اللسانج طلعي من تسألج كليلهه مووووافقه احبه الهذا الصاك
شو مااحس اله مد ايده على ايدي اخترعت اني وكتله هاي شدتسوووي
ابتسم وكلي
بس احبج هاي تسوة فلوس ابوج
شبيج ويانه وكطعتي شبينه
احنه جي وادم تحب وبالحلال
وبالغدر ماعدنة ذرة وطينه
احنة من نعشگ ندور بنت اصول
شبيها هاي الناس وتعادينه
ضحكت هاي شدتحجي لتصير شاعر بعد
اوويلي شلون ابتسامه توجع كلبي
فتح الجكمجه وكلي ...شلون اريد انطيج موبايل حتى اخابرج
عزه وين اخلي واني رايحه للمدرسه
شلون لعد اريد احاجيج
خابريني من شيرين لعد
ياااا يمه صدك تحجي انت
اي احجي صدك ااريد احجي وياج هذا الاسبوع امتحانات راح اتأخر بالرجعه واني مليت
اريدج بعد لتداومين رجعي للبيت
عزه وشكللهم
كليلهم سفره ومرحت
صدك تحجي
اي والله صدك
بالفعل رجعني ....اول مرجعت حجت شيرين وسألتني كتلهه سفره
كالت بعد احسن سوي حمله للبيت جايف صاير
واني يوميه انظفه ويلمع البيت بدلت ملابسي واني خايفه من الموبايل جان صغير الف وميه ومسويته صامت وضامته بصدري
تريكت وكمت عل مطبخ نضفته ونجم العله راح للمدرسه بقيت كاعده واترقب شوكت تطلع شيرين
الحد ما كالت راح اروح ال انتصار بت عمهه تسير عليهه ومناك تروح للسوك اني كيفت
اول مطلعت اتصلت علي
اويلي العشگ مالتي
شلونك حسام
جنت مو زين بس هسه زين من سمعت هالصوت الحلو
بقينه الاسبوع كله نحجي ومن اجه رأساً خطبني
شيرين مقبلت بس هو اجه كدامهه سألني وكلت موافقه
بعدين كالتلي علمودج اني ومن هالسوالف
تزوجنه بسرعه بعد ماجهزنه غرفتنه والذهب وكلشي
كلشي حلو ....حسيت نفسي ملكت الدنيا
تزوجنا ....اني ويا وابد متندمت على هاي الخطوه
جان الي ابد وام واخ وكلشي بحياتي
بس اكيد هم اكو مشاكل بس عاديه وتنحل
واهله شويه أذوني بس كله يهون الخاطر عيونه
مقبل اترك دراستي بس اني تعبت مسؤلية جبيره عليه
هو وعيال تريد واني ماعندي قابليه وهمه جانو عائله جبيرهعنده خمس خوان و٣بنات اخوانه بس واحد ممتزوج والبنات ال٣متزوجات
وره فتره من زواجي رجعو البغداد افتقدت هديه اكثر شي
بقينه سنه تقريباً مصار عدنه طفل
ونجم الدين انسجن اني مستغربت وحتى حسام كال واحد ساقط ماعنده تربيه ولام شيرين لان رجعت البغداد بيهم
حياتي حلوه ....والجملهه من سمعت ب محب ظهر وراح يخطب هديه ومن شفته مصدكت نفسي حسيت بأكاني رجع ....مع العلم حسام ابد محسسني بيوم ماعندي احد
وراهه عرفت نية محب الانتقام ......وحاول يبعدني عن حسام رفضت وكلت مستحيل اتخلى عن هذا الانسان مشفت شي مو حلو منه اختاريته الدرجة ردت اتخلى عن محب علموده
بس الحمدلله تفهمني محب .....رجعت ويا البيتنه الغرفتي المملكتي منتظره ايمن يشرفنه وينور حياتنا ويقوي رابطنه اكثر واكثر
باخر فتره من حملي تعبت حيل ....وخاصه الطفل عصا ببطني وصلت النهاية الشهر التاسع وهو مجاب ببطني
جانت اخر سنه ال حسام بالجامعه جان نايم اجته رساله ابد مافديوم فتشت ورى وجنت اعرف الرمز
جان مكتوب حيدر عل رقم بس مضمون الرساله يختلف
وميدل على ان هذا حيدر
💬ها ياعمري شو متصلت بيه موكتلي اتصل بيج
حتى عيني مكدرت تاخذ نوم بدون مااسمع صوتك
حسيت جيمي رجف وريجي يبس ممستوعبه ابد هذا الشي
رأساً بجيت .....كمت من يمه ....كعدت بلكاع .....وكمت افتش بموبايله ....لكيت اتصالات هم النفس الرقم اباوع على اوقاتهن وحده منهن نص ساعه تحطمت وانكسرت
جنت وين عايشه
فجأه انتهى كلشي الخيانه صعبه خاصه من شخص راسمه بعقلك شي وتلكه روحك مخدوع بي
بقيت اباوع علي وابجي
صارت الساعه بال٤الفجر واني على نفس نومتي واتذكر ...شلون هو يخوني وشلون اربعه وعشرين ساعه يتغزل بيه ومهتم بيه
فجأه رفع راسه
حسام/حبيبتي خوما موجوعه
موجوعه وحيل
فز من مكانه ....راح تجيبين
هزيت راسي ....لا
شبيج ريام وكعد بصفي ولزم ايدي
بطنج توجعج
كلبي يوجعني حيل
ليش حبيبتي
جان الموبايل بصفي ......شلته وطلعت الرساله
بقه ساكت ....يباوع عليه ....غمض عينه وفتحهه
دير بالك تنكر لو تجذب وتختلق غير سالفه لان قريت الرساله وشفت حتى اوقات المكالمات
بقه ساكت ويباوع عليه جريت ايدي منه
كوم وديني ال بغداد
شتسوين ريام
اتطلك منك
انتِ تخبلتي ....ورجع لزم ايدي
سحبتهه منه ....وخررررر لتلزمني شكد ماجنت احبك هسه اكرهك
ريام خررره بيه ....خره بيه
اوكفي افهمي
ريام اني مااكدر بدونج انتِ حياتي
ضحكت واني دموعي تجري .....لا والله متكدر بدوني وحبيبتك لعد شنووو
انتِ حبيبتي وبس والله هاي هيه لاطشتلي
اي صح لاطشتلك وانت تخابرهه
احجي وابجي وايدي ترجف احس نفسي بردت ماادري ليش وانهاريت وهو جلب بيه ميقبل يعوفني بالساعتين يتوسل بيه ويكلي اني غلطت سامحيني
كافي حساااام تعبت والله انت بالنسبه الي شي جبير انسان مثالي
حاولت ردت حتى موبايلي اخذه علمود مااخابر محب ومكابلني وكاعد بس يشبك بيه ويتوسل بيه
واني روحي طفرت فوك الحمل اجاني هذا الهم والشغل الجوه
جنت جوه كاعد اسوي غده ....وسناء زوجة سلام اخو تعجن يمي دخل للمطبخ جنت واكفه يم الطباخ وكف يمي
حسام/خوما موجوعه
كتله بنتره...لا
تعالي اريد احجي وياج
باوعت ال سناء تباوع علينه كتله مااكدر اعرف التمن
حسام/ انتظرج بغرفتنه استعجلي
باوعت علي واني زهكانه
سناء/شبيج ولج شصاير وياكم
مصاير شي
كملت الغده ومصعدت نزل هو صبيت الغده وهو عينه ابد مشالهه مني اني احس مخنوكه حيل اريد ابجي بكل وقت كعدنه تغدينه وهو يباوعلي يدري بروحه غلطان وله جان من نزعل هو يشيل خشمه عليه
غسلت مواعين واضطريت اصعد هو جان متمدد عل جربايه دخلت للغرفه محجه ردت اطلع ملابس من الكنتور اروح اسبح رأساً كام ووكف كبالي
ليش هيج تسوين بيه ريام
اني سويت بيك ....ضحكت باستهزاء
كتلج متندم والله
اني مااكدر اكمل وياك بعد
هههه انتِ مخبله ......نتطلك شنوووو
اني ماعندي ثقه بيك بعد
اني ارجع الثقه والله
شتريدين شنو الي يريحج اسوي
وخر حسام عني
مااوخر منج والله اموتج واموت روحي ومااعووفج
كتلج غلطت ومتندم والله والله مو الي ببالج ابد
وخررر حسام
اوف يا ريام تعبتيني
انوب تكول تعبتيني والله يا الله
شتريدين اعرف الكليه اعوفهه والله ماعندي مانع اذا يريحج هذا الشي ويطمنج
سنه اخيره وتعوفهه
شسوي لعد غير علمودج
وخر مني حسام
تره زودتيهه حيل ريام
هسه زودتهه غير تعوفني
ريام مال اعوفج هاي أيسي منهه وكاعد اكلج متندم توسلت بيج وعادي مو مهم لان اني غلطان
بس كافي ريام
ردت اروح للحمام لزمني جريت روحي منه بعصبيه
وخررررررر كتلك اكرهك والله
جذابه متكرهيني بس انتي ضايجه مني وحقج كتلج انسيج كليلي شنو الي يريحج واسوي
وخررررر كتلك
اااااستغفرررك يا ربي براحتج ريام
وطلع وعافني اختنكت حيل وانقهرت ....دخلت للحمام كضيتهه بجي طلعت من الحمام توني كاعد امشط حسيت شي وكع عليه عطت
مع العلم ماكو وجع بس كلولي اذا يوكع مي الراس تجيب المره كمت اصرخ واصيح بطني وهيه بطني متوجعني بس اني احسهه توجعني
اجاني يركض حسام
راح اموت حسااااام
اسم الله عليج ....طلعلي الجبه ولبسهه الي وانخبص
واني هم انخبصت وداني للمستشفى شكد جنت ضايجه منه بس عيني تباوع علي
قبل لا ادخل للصاله مال ولاده
حسام/ريام والله احبج اني والله متندم عل سويته بيج
كليلي سامحتك عليج الله
ما
ريام
وخر حسام مااسامحك والله
دخلت للصاله واني عيونه كبال عيني انطوني ابره بدت تصير عندي الام شفت الموت بعيني
الحد ما طلع ايمن حسيت احساس كولش حلو وعيني تباوع علي من شايلي وصوته يخبل
حولوني بغرفه لان حسام دفع على حسابه .....جان فرحان وفوك راسي اجوي اخوته كلهم سوو واجب بالمستشفى جان واكف يمي
حسام خابر محب
قرب نفسه عليه
تحلمين
حسام
والله مااحابره خوش حتى تروحين
حسام
اسكتي
والله مااروح
مااصدك بيج
حسام شبيك
انجبي ريام مو كافي
مخابر محب اله من اطمئن وحلفني بروح علاء ووداعة ابنه يالله خابر
طلعوني من المستشفى واجاني محب للبيت جان فرحان وطاير وبنفس الوقت حسام خايف مو خايف من محب لان حسام مو من النوع الجبان
مرت ٥شهور على ولادتي ال ايمن
بس هواي اشياء تغيرت من كشفت حسام لليوم اني مو على بعضي وخاصه بعد فتره من ولادتي بالبدايه جنت زينه بس وره شهر من ولادتي احس نفسي تغيرت حيل
كمت حسام مااطيقه
مع العلم هو من كشفته لليوم يحاول يصلح الموقف
ويخليني ارجع اوثق بي بس اني مااطيقه واختنك من اشوفه
حتى هو بده يمل مني
جنت كاعده من سمعته صعد سويت روحي نايمه
نام بصفي وشويه شويه تقرب عليه وخله راسه بركبتي وكام يبوس بيه
احس نفسي اختنكت حيل ولعبت نفسي
وخرت منه
رجع سحبني علي
مشتاقلج ريام حيل والله
ليش هيج بعيده عني تعبت اني اريدج ترجعين مثل قبل
وخر عني حسام ....صوته كلشي يخصه ماارغبه
تلعب نفسي منه ليش وشوكت ماادري
ساعات من يبعد عني اريد قربه بس هو من يتقرب يمي ومن اشوفه ماادري شيصير بيه
حاول يتقربلي بعدته وكمت ابجي
هو صار اعصاب
شبيج ....فهمممميني شبيج
ليش هيج صرتي اني بدت طاقتي تخلص مليت
- [ ] حتى الكل ملاحظ عليج لج حتى من احجي وياج كدامهم ردات فعلج متحترميني
- [ ] غلطت ماكو انسان ميغلط بس اني اعترفت بغلطي والله العظيم ممتجاوز حدودي بخيانتي الج
كاااافي مااريد اسمع صوتك ....خليت ايدي على اذني ....اكرهك يا بشر اكرهك انت متفهم هذا الشي مااطيقك وجودك يأذيني الدرجة اتمنالك الموت والله
صفن عليه ....الهاي الدرجه
واكثررر ....حتى ابني مااحبه .....كلكم مااحبكم ....الغرفه بيتكم كله مااطيقه طلكني عوفني لزكت
طلع وعافني .....كعدت ابجي مختنكه ماادري شكاعد يصير بيه ..كل الي اعرفه اكره حياتي
....................................
هديه/بعد ما صار فوكايه ووخرته مني....اذاني بحقارته حيل
اليوم خطبت وتجي تشبك بيه ليش .....ليش فهمني
تعبان هديه
ليش تعبان
متفهميني لو شيصير
وكام وعافني .....بجيت وتعبت من حياتي ويا تعبت تعب مينوصف طاقتي وكلشي بيه خلص
غمضت عيني وخليت ايدي على بطني
اكثر شي مأذيني هو الطفل الي ببطني
مو لان مااريده لان خايفه على مصيره
الحد الان مااعرف شنو الجنين الي ببطني
بس مااتمنى تجيني بنيه لان بمجتمعي البنيه مخلوق ضعيف تنظلم ....واقع مينكر وبحالتي اني ومحب راح تنظلم اكثر
ماادري شلون غفت عيني كعدت من الصبح طلعت لكيته نايم باوعت علي بكره يمكن اللحظه حسيت نفسي احبه بس البارحه حسيت نفسي اكرهه من عاملني مثل الرخيصه من جهه ميريدني ومن جهه ثانيه يريد يطفي نار شهواته بيه تريكت لان جوعانه مو مال اجامل كرامتي واني جوعانه
وكمت انظف بالمطبخ
جنت اغسل بالمواعين كملتهن وطلعت
صار بوجهي محب توه كاعد بريد يدخل للحمام
محب/صباح الخير
هديه/صباح النور ....كتله وعفته ورحت شلت الفراش ودخلته للغرفه سويتله ريوك وتريك وطلع ولليل مشفته بعد
وثاني يوم نفس الحاله
بقينه على هاي الحاله شهر كامل ماكو اي كلام حتى مشاكل ماكو ....لان هو ممتواجد يجي ب١٢اني بالغرفه
حسيت وضعي الصحي تدهور ومماخذه اي سونار للطفل ولا اعرف الوضع ساعات تصير بيه حاله ادوخ حيل وجسمي يرجف انام واسكت
صادف مثل كل مره رجع ب١٢بليل من سمعت الباب انقتح كمت .....طلعت لكيته ينزع بقميصه
شلونك
باوع عليه ....انتِ شلونج
سكتت وبقيت اباوع عليه ....كتله زينه
دومج
محب اريد احجي وياك بشغله
اسمعج هديه
اريد اروح للدكتوره عندي الام ببطني ومااعرف اني وين واصله بحملي من احسب احسب عل يوم الي حللت بي
باجر اخذج
ماشي .....تصبح على خير
اجمعين .....رحت للمطبخ اجيبلي مي توني طلعت من المطبخ توني ردت ادخل للغرفه مريت من يمه جان يعدل بالبطانيه دك موبايله .....
هو رأسن باوع عليه ....اني سويت نفسي مهمني وبالفعل مهمني يمكن لحظات او ايام فكرت اني احب محب
بس بعدين اكتشفت هذا وهم
وعدت حساباتي لكيت نفسي اذا احب محب معناهه بيه خلل لان انسان ميستحق الحب
كمت اسمع صوت بس مو واضح ابتسم باستهزاء واكول يجي اليوم الي اخلص منك يا محب
نمت على نغمة صوته وغزله ال رفل ....اني مااسمع بس اكيد يغازلهه وكل ماافكر اكرل اني شعليه بي
نمت وكعدت مثل كل مره سويتله ريوك خليت الصينيه ....ردت ادخل للغرفه
محب/هديه
درت وجهي علي بدون مااحجي باوعت علي انتظر يكمل كلامه
اليوم الظهر الساعه ب٢ونص ارجع جهزي روحج وصيت مرت السيد تحجزلج يم الدكتوره
ماشي ....دخلت وعفته الى ان طلع طلعت تريكت ورتبت الشقه ....وسويت غده لان اكيد يتغده هنا
صارت الوحده اجه ....وهو كال اجي بال٢ونص همزين سويت غده
صبيتله غده تغده واني رحت للغرفه ابدل .....شلبس من ملابس الطلعه ميكفن عليه
خرب حظي خرب بالساعه الشفتك بيهه حتى ملابس ماعندي اللبس حسبي الله ونعم الوكيل عليك يا محب
موتتني درت الكنتور كله بالكاع ....ماكو لبس مال طلعه يكفيلي لان اني سمنانه عل حمل وملابس البيت اصلاً هنه راهيات عليه من زمان لذلك يكفن اليه
فتح الباب محب مال غرفه
شنو بعدج ممبدله
ماكو شي يكفيلي محب
اكيد اني هم اكول لان صايره سمينه
اني مو سمينه محب شايله ابنك ببطني تره
هذا واجبج
باوعت علي ....هسه شلبس اني
لبسي اي شي
شلبس
اجه للكنتور كام يكلب بي واني واكفه وكل شويه يطلع لبس ويفتحه ويكول ميكفيج
اخر شي طلع تشيرت بهاري مايل عل ثخن اكثر موديله عريض واجه وكف كبالي وقاسه عليه خلا على جسمي
هذا يكفيلج
هذا شتائي
ميخالف لبسي وهسه اخذج اشتريلج كم قطعه
كتله ماشي
بقه يباوع عليه احسه يريد يحجي شي
كتله
اطلع يلله اريد ابدل
بين على عينه الارتباك ....وكال
يلله بسرعه استعجلي لان ورانه روحه للسوك
بدلت بسرعه واني بعدني بالبيت انسمطت من الحر
بدلت بسرعه وسويت شعري كبه وخليت حمره سحريه
وطلعت منتبه عليه من طلعت بس سمعته كال
٢٤بالشهر ان شاء الله يمك الفلوس
وراهه ضحك ....بس فهمت هو تداين فلوس واكيد علمود ياخذني للدكتور كام وكلي بسرعه ابدل هسه
بس نظفيلي الحذاء الاسود
هنه كل احذيتك سود
اقصد الحذاء الرياضي
ماشي
صدك بسرعه بدل صعدنه بالسياره صار شكد مشايفه الشارع والعالم ممصدكه اشم هوا احس نفسي مثل المشايفه اباوع عل ناس عيوني مستغربه الشارع والي بالشارع شويه وكف نزل ....درت وجهي باوعت سيد علي واخذ فلوس منه
وصلنه للدكتوره ازدحام مو طبيعي
محب/دخلي سأليهه على اسمج يا رقم
دخلت مثل الثوله بقيت واكفه وكل شويه نسوان يسألنهه ومن ادور على محب يأسرلي من الباب يلله سأليهه
اي هسه
حجيت وياهه بلازحمه ...يا اسم رقمي
مجاوبتني جاوبت غير وحده شلعت كلبي الحد مجاوبت كتلهه يا رقم اني
٢٣
رحت ال محب كتله ٢٣
محب/يارقم دخل هسه
ماادري
صدك تحجين غير تسأليهه
هيه متتحاجه كوه جاوبتني
دروحي سأليهه خل نفتهم الوضع نروح نبقى
رجعت وهم كوه حجت وياي لان العياده خبصه
كالت توه رقم ٤دخل
صدك
والله
رحت كلت ال محب انصدم وكال امشي خل نروح للسوك بين ميجي سراج
رحنه للسوك اشتريت فستان زيتوني مال حوامل كلش حلو بس جان غالي
واشتريت حذاء صيفي ابو الاصبع نازك يجنن حيل حبيتهم بقيت لابستهن لان حارات ملابسي
راد يستريلي غيار ثاني مقبلت لان ادري بي متداينهن وبعد ورا دكتوره بس هو اشترالي تراكسود
مااريده رجعه
ليش يعني
ليش اشتريتلي تراكسود شنو المناسبه
عجبني وتخايلتج لابسته
باوعت علي واحنه نمشي .
فجأه وكف كبال محل مال اطفال كله حديث الولاده
شتكولين ولد لو بنيه
ماادري
احساسج
مااعرف
شوفي الملابس شلون حلوات ....يبين نوع الجنين اليوم
مااعرف
اذا معرفنا نوع الجنين من نطلع من الدكتوره اخذ واحد بناتي وواحد ولادي لان كلش عجبني
ابتسمت ...صدك حلوات جانن
رجعنه للدكتوره كعدت انتظر وهو واكف خارج غرفة الانتظار كل شويه يجي يباوع عليه من بعيد ويروح
اخر شي صاحني جانت بيده علاكه
ها بشري بعد شكد
ماادري بعد هواي
هاج عصير خاف تدوخين
شكراً
وجبتلج نستله تريدين لفه خاف جعتي
لا شكراً
اول مره الكه اهتمام منه حتى اذا بسيط بس مشايفته منه ....بس مفرحت لان اعرف ساعاته مو براحاته واصلاً ميهمني هو انتهى قبل ليصير
الحد مادخلت للدكتوره طلعت روحي كالتلي بيج ولد وداخله بالشهر السادس صار ١٠يوم والوجع الي عندي تقلصات
اول مطلعت لكيته كاعدومجتف ايده وصافن ومبين علي التعب صارت بالتسعه بليل وهو من الظهر مشتول
كام من شافني
ها شكالتلج الدكتوره شنو وضعج
بالسادس وولد وكالت عندي تقلصات
ابتسم ...كال خوما مو زينات التقلصات
ماادري كالت عاديكل حامل
انطيته الراجيته جابهه وكال حرامات ملحكنه عل محل
سكتت اني محجيت ويا .....مااحس اله وكف السياره بكراج جنت صافنه ممنتبهه
يلله نزلي
وين
نتعشى مجعني
لا
اني متت جوع
محب مو ماعندك فلوس على شنو المطعم
باوع عليه...منو كلج ماعندي فلوس
محد كلي بس صرفت هواي اليوم
مالج علاقه انتِ دنزلي
دخلنه للمطعم وجان مبين مطعم راقي حيل اني مدري شبيه من يمي خايفه على الفلوس ومقهوره لان سمعته تداين وهو ولا يمه
طلبنه اكل اني طلبت همبركر لان احبه وهو طاب كباب
اكلنه ورجعنه للبيت اول مره نطلع اني ويا
تمدد عل قنفه اول ما وصلنه وكال سويلي جاي
سويتله جاي وجبتله اله اخذه مني وكتل جيبيلي طبله خليت الطبله كدامه كاعد اروح
وهو بيده الجاي مااحس اله لزم ايدي
حتى الجاي وكع منه شويه
باوعت علي ....تفاجئت من تصرفه جرني علي حيل دك موبايله ،...مااعرف منو
رأساً جاوب وكال .....انت .......يتبع
شبيه حسام
شبيهة ريام بالشكل
باقي الابطال من الكه الهم شبيه قريب الاشكالهم انزلهم
|