[لامارا]

//

الفصل الثامن والثلاثون

نروح حق اماني واسماء اللي ماخلوا لعبة مالعبوها وريتاج دورت بكل مكان عنهم ويوم شافت نوف وإبتسام طنشت اماني واسماء وراحت لابتسام اللي رجعت لنوف وقالت لها شصاير مع محمد بس ماحكت لريتاج ...خافت تهبل فيها
عند أماني واسماء
أماني تأشر علي اخطر لعبة وبحماس : اسماء أراهنك عليها
أسماء حماسها اكبر من اماني : يله بس وش هو الرهان
اماني : مصروفك علي ليومين
اسماء تحمست وركضت لها : هههههه يله يله وربي لتفلسين
اماني تحمست اكثر ولحقتها : ههههههاي بنشوف ( كانت لعبة الافعوانية )
فارس وطلال شافوهم وإجوا صوبهم وبدر رفض ورجع يدور ريتاج او محمد
اماني قعدت جنب أسماء وصارت تستهبل : اسوم إستعدي للهزيمة ياقلبي
اسماء تستبهل : سنري من سيخسر ياحبي
طلال وفارس وصلوا لهم
فارس : اشوفكم موب خايفات وتبون تعلبون
اماني ماتته فرح وهمست لإسماء : لحقونا وإجوا صوبنا
أسماء تشققت من الوناسة : وليه إن شاء الله نخاف
فارس بامر لإماني : قومي يله
طلال طالعه وده ينفجر ضحك
اماني فهمت وسوت نفسها غبية : اقوم !!!! وين اقوم !؟
فارس متشقق من الوناسة : قومي إرجعي ورا بقعد مكانك
طلال راح وقعد وراهم ويتمني لو اماني توافق وتجي وتقعد معاه
أسماء تطالع فيه
اماني بعناد : مابي تبي تقعد روح ترى كل المقاعد فاضية
فارس عصب : قومي باللين انزين لك
أسماء ميته فرح ومابينت
أماني : ماتسحتي إنت لو اقوم بتم أسماء بروحها
فارس مسكها من إيدها لإجل يقومها : مب شغلك
أماني طالعت أسماء وغمزت لها وقامت : تفضل
وفارس علي طول قعد وأسماء قامت وطلال تفقع ضحك
فارس بسرعة : هيه هيه وين
أسماء : إنت تبي تقعد بالكرسي وانا تركت لك المكان
فارس قام : إقعدي و بسك هبل
أسماء ماسكه ضحكتها : مابي
فارس بامر : قلت إقعدي
أسماء مسويه فيها معصبه: منهو عطاك الحق تتأمر علي
فارس قعد وبحزم : قلبي ويله بس هبل
أسماء " يمه سمعتوا وش قال " : هيه إنت قاعد تستبهل
فارس طالعها بحب : تكفين بس هاللعبة
أسماء " يمه ذبحني " وسكتت وماقالت شي وقعدت
فارس شق الخشة " اثاري ماينفع معك إلا القوة مع شويه حنان "
عند اماني تحركت صوب طلال وطلال فرح وأتوقع انو بتقعد جنبه بس هي كملت طريقها وقعدت وراه
طلال لف لها بصدمة وبقهر بعد
اماني ماسكه ضحكتها " اوريك اللي البنات يتسدحون بس بنظرة منك " ^^ طلال دوم يقول البنات يخقون عنده ^^
طلال مقهور : ليش ماقعدتي معي
أماني : ماحبيت اثقل عليك وبعدين هالكرسي عجبني اكثر
طلال وقف وراح لها وقعد جنبها وصار يطالع لقدام
أماني " ههههه اجيت والله وجابك " : ليكون خايف
طلال طالعها وإبتسم إبتسامة دوخت اماني : ادري رح تطحين من الدوخة وانا رح اساعدك
اماني " ياليت يصير هالشي " : هذاك بالحلم
طلال طالعها بحب : لو حسيتي بشي علمني زين
أماني فهت : زين ....تسكرت أحزمة الامان وبدت اللعبة وصاروا يصارخون باعلي قوة فيهم
طلال رافع إيدينه وحتي اماني
طلال بصراخ : ياهووووووووووووووو
أماني ميتة ضحك وتصارخ : ههههههههههههه يمه هههههههههههه
طلال طالعها وبصراخ : خايفة
أماني تصارخ لإجل يسمعها : ابد
طلال للحين يصارخ : علمني لو حسيتي بدوخة او غثيان اوكيه
اماني تصارخ : اوكيه
عند اسماء وفارس
فارس واسماء يصارخون من الحماس
فارس بصراخ : أسماء
أسماء نفس حالته : هلااااا
فارس طالعها وبصارخ اكبر : أحبببببببببك
أسماء ماتته من الفرح وصرخت : وانا بعد
فارس فرح : إيش ماسمعت
أسماء إنتبهت علي نفسها : قلت متي توقف
فارس بصراخ وعرف انو قالت تحبه : يالخاينه
اسماء صارت تضحك : هههههههههههه
فارس ويضحك معها : هههههههه ....وقفت اللعبة ونزلوا وأسماء من الدوخة تمشي وتصقع بخلق الله صقعت بأماني وصقعت ببنت كانت فيه وصقعت بفارس ووقفت وماتحركت
طلال واماني يطالعوها
فارس متشقق من الوناسة : ليكون عجبك الحضن
أسماء بعدت عنه وطالعت فيه بهفاوة ويوم حست بنفسها : يمه ....وتحركت بسرعة عنه
طلال واماني تفقعوا ضحك
اسماء ركضت بسرعة عنهم
وفارس صرخ لها : فديتتتتتتتتتتتتتك
وطلال واماني ماسكين خط ضحك
فارس طالعهم : وربي ذبحتني
اماني لحقتها وللحين تضحك
طلال ماسك بطنه : ههههههههههه يمه ههههههه سكتوني
فارس مسكه : طلال إسمع هي قالت تحبني
طلال يطالعه وعيونه غرقت دموع من الضحك وصار يستبهل : إحلف هههههه
فارس ميت فرح : والله والله
طلال تفقع ضحك : بشر خالتي ام بدر هههههههههه هههههه
فارس ضربه بقوة وتحرك عنه وطلال لحقه وللحين يضحك

عند البنات
أسماء ميتة فرح : اخوك صرخ وقال يحبني
اماني نفس حالة طلال : هههههههههه قولي قسم واصدق
أسماء عايشة بأحلامها الوردية وصارت تنطنط : والله والله
اماني مفقعه عليها ضحك وأسماء مو همها ابد
أسماء تنطنط وتغني : وأخيرا لقيت فارس أحلامي وإسمه فارس بعد
اماني : هههههههه الف مبروك
أسماء : هههههه الله يبارك فيك ....كملوا هبل وراحوا عند لعبة جديدة بفرحة اكبر وحماس أكبر وتذكروا ريتاج انو ماعدت فيه بس طنشوها وقالوا اكيد قاعده تلعب مع بدر
نروح عند مني وشذي وفرح اللي حتي هم من لعبة لعبة بس العابهم مو خطره
شذي تاشر علي لعبة : بنات شرايكم في هذيك
فرح طالعتها وتحمست : يله يله واضح انو حلوة
مني طالعت لعبة غيرها : لا هذيك احلي ( وصارت تأشر عليها )
شذي شافتها : لا هذيك مرة خطرة
مني تحركت بتروح لها : زين انا بلعبها وإنتوا إلعبوا وش تبون
فرح : اوكيه بس إنتبهي
مني : زين ...راحت لها مني وكانت نفسها اللعبة اللي لعبوها الرباعي
شذي وفرح ركضوا صوب اللعبة اللي يبونها وهي كانت عبارة عن قارب يرتفع ويرجع ينزل وبعدها يرتفع علي الطرف الثاني ويرجع ينزل وحتي هاللعبة خطرة شوي
عند مصعب وسامر كانوا حتي هم يلعبون ويوم شافوا شذي وفرح واقفين ينتظرون الدور راحوا لهم
نرجع لإبتسام كانت قاعده علي الكرسي وريتاج ونوف راحوا يلعبون بلعبة مثل الفنجان تقعد فيه وهو يدور بسرعه رهيبة ويوم توقف اللعبة تحس انو تدور مع الكره الارضية
سهي وندي ومدي شافوها وشافوا ريتاج ونوف يلعبون باللعبة
ندي : وينكم فيه ساعة ندوركم
إبتسام بهدوء وتكابر تعب فيها : شوفني قدامك وريتاج ونوف هناك
مدي تحمست للعبه : انا بروح لهم ...وراحت بسرعه وهي تشوف ريتاج ونوف نازلين منها يترنحون
ووصل لهم يزيد واحمد يوم شافوهم وفهد راح لطلال وفارس
يزيد : هلا بنات
ندي لفت له ونزلت عيونها وشقت الخشة
إبتسام بشوية مرح : اهلين
أحمد : لعبتي إنت والبنات
إبتسام : تعبانة شوية والبنات لعبوا بس شوي ( بخبث وعيونها علي يزيد ) وخاصة الدلوعة ندي
ندي طالعتها بحقد
يزيد فرح : ندي يله تروحين تلعبين معي إنت وسهي
ندي ماتته من الفرح وبخجل : زين
سهي بوناسة : يله يله ....وتحركوا بس يزيد لف علي احمد لإجل يبين الوضع طبيعي
يزيد : يله او ماتبي؟
احمد : لأ ودي البنات يلعبون ورجعهم
يزيد فرح : ابشر ...ورجع كمل طريقه مع ندي وسهي هو جاب معهم سهي حتي يصرف بس
إبتسام : وإنت او ماتبي تلعب ؟
أحمد : لأ هم بيلعبون لعبة هادية وانا ابي لعبة خطرة ههههه
إبتسام : ههههه يالماكر
أحمد : وين عنك ريتاج ونوف
إبتسام تضحك علي ريتاج ونوف اللي رجعوا يلعبون مع مدي يوم طلبت منهم: شوفهم هههه حشي مايشبعون لعب
أحمد ضحك عليهم : ههههه صرنا بزر
إبتسام : وش ورانا خلنا نفرح
احمد بحنية : صادقه انا اروح العب وانت خلك مع ريتاج زين
إبتسام إبتسمت له : لا توصي
راح عنهم أحمد ويدور أخطر لعبة يبي يصرخ بأعلي صوته وينفس عن غضبه عشان إبتسام مرة قالت له يوم تعصب إصرخ وبيروح عنك الغضب وحتي القهر

نروح عند يزيد وسهي وندي وصلوا للعبة سيارات التصادم نفسها اللي ركبها محمد وإبتسام
يزيد : شرايكم تلعبونها ؟
سهي فرحت : ايوه بس ابي سيارة بروحي
يزيد فرح" وهذا اللي أبيه " : ابشري ...وراحوا ركبوا سهي بسياره بروحها ويزيد مع ندي
يزيد طول الوقت يطالع ندي " تهبل واليوم عيونها يخبلون بعد " ركبها وركب جنبها
يزيد بوناسة : شخبارك
ندي بخجل : زينة وإنت
يزيد : بالف خير والحين ميت فرح
ندي توردت خدودها وسهي صرخت فيهم : إلعبوا شفيكم
يزيد شاق الخشة : ابشري وإنتبهي لأصدمك ...وصار يصدم فالكل وحتي سهي وندي تضحك وهو بعد متشقق من الوناسة وتموا أكثر من عشرة دقايق يزيد ماقال شي لندي وهو يحبها وهي تدري هالشي كل اللي سواه يطالعها بس ويضحك معها وندي تطلب منه يصدم أشخاص تاشر عليهم وهو يصدمهم ...ورجعوا لإبتسام
إبتسام وشافت الفرح بعيونهم : هابشروا إنبسطتوا
يزيد : مرة
إبتسام بخبث : زين حلو والحين روح جيب لنا قطن وحلاوة
يزيد ضحك : ههههههه ماطلبتي ...وراح وجاب لهم كلهم وماحب يروح عنهم غير يوم أشرت له إبتسام بمعني تحرك او يصير علوم وهو راح عنهم

نرجع ل شذي وفرح اللي ركبوا اللعبة وقعدون ينتظرون لين تبدي اللعبه وشافوا مصعب وسامر وماتوا فرح
سامر بوناسة : هلا بنات
فرح نفس حالته: اهلين
مصعب : نبي نلعب معكم ممكن
شذي : أكيد تفضلوا
وقعدوا هم علي قدام والبنات علي ورى وصاروا يلعبون
أمين وراشد ومشعل ماتركوا لعبه ومالعبوها ووسوا تحدي بينهم والفايز كان أمين وصار يتأمر عليهم وللحين يلعبون ويرجعون يلعبون اللعبة مرة ثانية لو عجبتهم
نروح عند هديل وأسامة كانت فيه حديقة ملحق للملاهي قعدوا فيها وبعدها راحوا يلعبون
أسامة شاف لعبة العجلة : هديل يله خلنا نركبها
هديل : زين يله
أسامة علي طول شال هديل بين إيدينه وهديل تضرب فيه
هديل مفتشله : نزلني نزلني الكل يطالعنا
أسامة يطالعها : مابي وبعدين ماعليك منهم ناس حقودة
هديل : تكفي حبيبي نزلني
أسامة بخبث : هاه تكفي وشو
هديل ببراءة : نزلني
أسامة : لا الكلمة اللي بينهم
هديل بخجل وبصوت حلو : حبيبي
أسامة علي طول باسها من جبهتها وركض وهو للحين شايلها وصار يصرخ : إحبك أحبك ياناس ياعالم إسمعوني أحبها
هديل ماتته من الفشلة كل اللي فيه يطالعوهم
أسامة تعب وقف بس للحين شايلها : هدولة
هديل دفنت راسها برقبته : هممممم
أسامة : طالعني تكفين
هديل بعدت عنه وطالعت فيه وأسامة علي طول باس خدها ونزلها ومسك إيدها وراحوا للعبة هم مرة مبسوطين ركبوا فيها وقعدوا جنب بعض وهديل حاطه راسها علي صدر أسامة العريض وأسامة ميت فرح

نروح ل مني اول ماتركت البنات صارت تمشي وحدها وكل عقلها مع أحمد " أنا صار ليلى أحمد ونهاري أحمد وربي كرهت وملت من هالاسم وصاحب الاسم مايبعد عن عقلي ثانيه " لين وصلت للعبة وركبتها وقعدت تنتظر لين تبدي
أحمد نفس الشي يبي يروح ويركب أصعب لعبة ويصرخ انو يكرهها عساه يكرهها وصل لنفس اللعبة اللي فيها مني
مني كانت سارحة بأفكارها يوم شافته متجه صوبها وتمت تطالع فيه... أحمد كان يطالع موبايله
أحمد صار يمشي لها هو مايدري عنها لين وصل وقف عند مقعدها
مني تمت بس تناظره اوقات تحسه لغز وتبي تفك شفرته
أحمد رفع عيونه علي الموبايل وصار يطالع لو فيه مقعد فاضي يقعد فيه وشاف مني
مني ما نزلت عيونها عنه
أحمد وقف وتم يطالعها " عيونك مثل الخيال وكلش فيك سحر لي وحتي عطرك نفس لي ...بس شي واحد أبي أعرفه ليش تكرهني "
مني حتي هي تطالعه " إنت شخص غامض موب قادرة أعرف وش بعقلك وبنفس الوقت موب قادرة أعرف وش السبب اللي خالك تكرهني ليش تكرهني "
أحمد علي طول بعد عيونه وشاف حوله مافيه أي مقعد فاضي غير اللي جنب مني تحرك بهدوء ولف وعطاها ظهره
مني حست بحزن عشانه ما كلمها ولف ومإهتم لها
أحمد حب يكمل طريقه بس وقفه صوته ولف عليه
مني كانت تطالع قفا أحمد وما حست غير بشخص يقعد جنبها وكان ولد ماتعرفه
الولد : إيه الحلو ده
مني انتفضت بمكانها منه وصرخت فيه : وخر ...وشافت الولد يطير بالهوا
أحمد من سمع كلامه لف له وركض بعد مسكه من ملابسه وخلاه يقوم بسرعة وبغضب شديد : عيد ماسمعت
مني من شافته أحمد إبتسمت
الولد يحاول يفك نفسه : سبني
أحمد جره وبعده عن مني : إذلف قبل لأذبحك
الولد وقف وسوي نفسه شي : إنت عاوز...
ومأمده يكمل جملته إلا وبوكس يطيحه علي الارض
الولد طاح بقوة علي الارض
أحمد نزل له وبغضب ويحاول يتحكم بنفسه : قم ورح ومابي أعيد الكلام ...وقام أحمد وتم واقف ينتظره
الولد قام بصعوبة عشان لكمة أحمد قوية وراح عنه وحب يقصر الشر... أحمد كان مثل الوحش الكاسر
أحمد غصب عنه لف لمني وبهدوء : إنت بخير !؟
مني غرقت عيونها دموع غصب وحست بالامان وهزت راسها بإيه
أحمد ضعف يوم شاف دموعها وقرب لها : هو سوي لك شي مو زين
مني رافعة راسها له ورجعت هزت راسها بلا
أحمد بهدوء : زين ...ورجع لف لإجل يروح
مني بسرعة : مارح تلعب !؟
أحمد وقف فمكانه وإحتار يرجع لها او يكمل طريقه وقرر يكمل طريقه
مني تنرفزت غصب وصرخت : مشكور ماقصرت
أحمد رجع لف لها وإبتسم إبتسامة هادية " أدري رح تشكريني ورح يكون شكر بارد مثل مشاعرك البارده "
مني للحين معصبه منه " وش علابالك انو رح أصدقك كرهتني ف حياتي " لفت عنه وصارت تطالع قدام
أحمد للحين واقف ويطالعها لين بدت اللعبة وإبتعدت عنه مني
عند مني كانت تصارخ باعلي قوتها مو من اللعبة او من سرعتها لأ من أحمد وغروره وتكبره وماعرفت انو هي مثله إثنينهم مارح يتنازلون مهما صار
ومني حست بدوخة قوية وتوقفت عن الصراخ وعن كلش وأغمي عليها
عند أحمد يبي يروح بس تم واقف ف مكانه شي ب قلبه وداخله يقول له إقعد ولاتروح
توقفت اللعبة وبدت الناس تنزل غير مني
أحمد شافها للحين قاعده وماتحركت راح لها وصار ينادي عليها بس هي ماتكلمت ولا ردت
أحمد قعد عندها ويضرب وجهها بشويش : مني مني فتحي عيونك بليز ..بس مافيه فايده
شالها بين إيدينه وركض فيها عند إبتسام وركض بكل قوة فيه ويكلمها لإجل تفتح عيونها بس مافيه فايده

عند إبتسام وندي وسهي ومدي وريتاج ونوف
إبتسام شافت أحمد يركض وبين إيدينه احد قامت بسرعة وركضت له
احمد يصرخ : إبتسام إبتسام
إبتسام وصلت له : وش فيه مين.....مني
أحمد حطها علي الارض وإبتسام قعدت جنبها وماهو إلا شوي وصلت ريتاج ونوف و ندي ومدي وسهي وحتي فرح وشذي
إبتسام تضرب بوجه مني
إبتسام : ابي عطر ابي عطر
فرح بسرعة فتحت شنطتها وعطتها عطر وإبتسام بدت تشمهها
اماني وأسماء شافوهم وركضوا لهم وحتي بدر وفارس وطلال وفهد ووصل الكل
أماني دخلت بين زحمة : يمه إختي شفيها
إبتسام الخوف مالي قلبها : مافيها شي ..ورجعت تشممها عطر ومني تحركت
إبتسام : مويه مويه
بدر كان معه : خذي
أخذتها إبتسام ورشت شويه علي إيدها وصارت تمسح وجه مني لين فتحت عيونها
مني بصوت هامس : احمد أحمد
أحمد كان قاعد جنبها وماسك إيدها
إبتسام بشوية فرح : مني إنت بخير
مني إبتسمت لها : إيه
أماني علي طول ضمتها لها : طيحتي قلبي
مني بوهن : سامحني
سهي قعدت جنبها وعيونها مليانه دموع : إنت زينه
مني بشوية مرح : إيه لاتخافين
إبتسام فرحت ولفت علي أحمد وشافته يطالع مني وماسك إيدها : أحمد
أحمد لف لها وإبتسام أشرت لإيده وهو علي طول سحب إيده ومني ضمت إيدها لها واحمد من شاف ردت فعلها قام عنهم وإبتسام قامت بسرعة ولحقته ومحمد قعد يتطمن علي مني وفحص نبضها وقال دوخة عاديه
إبتسام شافت بعيون أحمد خوف علي مني وشافت بعيونه فرح يوم هي فتحت عيونها رح تروح له وتقعد جنبه
عند أحمد من تركهم راح وقعد علي كرسي ويطالع بعيد " انا إنتهيت والسبب مني خلاص مارح أقدر أتخلص من هالعشق اللي ب قلبي لها وش رح أسوي " وهو بين افكاره سمع احن صوت عليه
إبتسام بحنية : أحمد أخوي
أحمد لف لها وإبتسم : إقعدي
إبتسام قعدت وهو حط راسه علي كتفها : شلونها
إبتسام غرقت عيونها دموع وهي تسمع صوته : زينة
أحمد تنهد بقوة وغمض عيونه : ابي انام شوي
إبتسام ببحة : اوكيه ...وصارت تدندن له بلحن يخليه يحس براحة
أحمد " ادري عرفتي شفني بس انا مارح أتكلم ...هالحب رح يموت غصب عنه مثل مإنولد غصب عنه "
إبتسام تطالع بعيد " قلت انو انا لعبة بإيد القدر وبإيد الحياة احمد أخر شي توقعته يحب وبين كل البنات مني ..مني لغز لي ...واحمد لغز للكل هو مارح يتنازل أبد ..ومني ولو تحبه مارح تنطق أبد هالحب اللي بينهم رح يعذبهم وانا مارح اقدر أسوي شي ...اتمني بس تحبه مني وكل واحد يرضخ حق الثاني " كملت لحنها واحمد مانطق بحرف واحد
-------------------------------------------------------------
نرجع للكل
ريتاج قلبها ينبض خوف فيه شي مو زين تحس بإبتسام تتوجع وساكته ...تعرف هالشعور زين يوم تكون إبتسام تعبانه تحس هي بشي يضغط علي قلبها ويخنقها
مني ساعدوها البنات يوم طمنهم محمد عليها وراحوا قعدوا علي كراسي لإجل يرتاحون شوي ويرجعون علي الشاليه او مكان غيره
ريتاج لفت وشافت إبتسام بعيد مع أحمد وبصوت هادي : نوف إبتسام زينه !؟
نوف شافت خوف بعيون ريتاج : مادري بس قبل ساعة إيجها الم قوي
ريتاج تنهدت : احس بشي مو زين ابد
نوف خافت وتطمنها : استهدي بالرحمان مافيه الا العافيه
ريتاج فكرت وقررت بسرعة : والنعم بالله ..اروح لسامر ..وراحت له
عند لعيال كانوا مع بعض يوم شافوا ريتاج
أسامة بشوية عصبية : خير شتبين وش عندك
ريتاج تناظر سامر وبرجا : سامر بليز شف ابتسام يمكن مريضة
محمد نبض قلبه
سامر رحمها وشاف دموع بعيونها : ليش وش فيه
ريتاج حطت إيدها علي جبهتها : مادري حاسه بشي مو زين ابد
سامر حب راسها : تطمني مافيه الا العافيه والحين اشوفها
ريتاج تطمنت شوي : زين اروح لها اجيبها
سامر حب يريحها : اوكيه
راحت ريتاج بسرعة لابتسام
سامر لف لمحمد : محمد وش قلت
محمد بخوف : مادري بس خلنا نتطمن
سامر : زين فهمت ...دقوا علي أحمد وإجتمعوا لإجل يطلعون من الملاهي وسامر راح عند إبتسام وهي مع البنات
سامر : إبتسام
إبتسام لفت له : وش عندك
سامر بحنية : خلني اشوف نبضك
إبتسام حست فيه شي ومايبون يقولون عشانها تعابنه مررة وتبي بس تنوم : ليش
سامر :يله وبعدين بقول لك
إبتسام إستسلمت ومدت إيدها له وصار يتحسس نبضها
سامر يوم كمل ترك إيدها : فيه الم
إبتسام : لا شوية تعب بس
سامر بحب : زين إنتبهي ...وراح عنها
إبتسام إستغربت منه وريتاج زاد خوفها ليش م قال شي
سامر رجع عند محمد كان مع لعيال
محمد بهدوء : بشر
سامر بشوية خوف : نبضها مرة ضعيف وبعدين تعبانه مرة
محمد غمض عيونه بقوة ورجع فتحهم : إنت روح سوق فيهم ولو صاير شي علمني زين
العيال يطالعهم
أسامة : فيه شي ؟
سامر : ابد ...ورجع عند الجمس وكان بدر هو اللي بسوق فيهم بس سامر طلب منه وبدر وافق وإبتسام قعدت بالمرتبة الاولي وريتاج وراها وتدعي لها
بسيارة محمد
محمد عيونه علي طريق ويفكر فيها
أحمد كان معه وبدر وأمين وراشد وحتي مشعل
وسالوا محمد وهو قال لهم موب شي ضروري
بالجمس كانت البنات يسولفون وإبتسام ساكته وتفكر بالشي اللي صاير معها وفيها للحين تعب وكل شوي يزيد عليها وسامر طول الوقت يطالعها لين سمع موبايله ورد وكان محمد
سامر : هلا
محمد بهدوء : قل لها لو تبي اكل
سامر : زين ( وطالع إبتسام ) : إبتسام جوعانه
إبتسام : إيه بس يوم نوصل علي الشاليه ...
سامر علي طول رجع يكلم محمد وماترك إبتسام تكمل كلامها : إيه تقول تبي اكل
محمد : زين خلنا نروح علي مطعم يوم تكمل اكل نأخذها
سامر بهدوء : زين ...وسكر منه
إبتسام : منهو اللي كلمك
سامر عيونه علي طريق : محمد
إبتسام حبت تسال وش فيه بس مارح يعطوها جواب
ريتاج بخوف : وش يبي
سامر بجمود : ولا شي
ريتاج إنقهرت وإبتسام لفت لها وريتاج علي طول إبتسمت لها
إبتسام بحنية : زينه ياقلب إبتسام لاتشغلين بالك
ريتاج تجمعت الدموع بعيونها غصب : من قاله
إبتسام ضحكت بشويش ورجعت تناظر قدام
نوف تناظر ريتاج اللي مسحت دمعه من علي خدها وتشهدت بقلبها
عند محمد
احمد كان يسمع له وهو بدر
احمد : محمد بليز لو فيه شي قوله
محمد بهدوء : قلت لو فيه بقول
بدر طالعه واحمد سكت : ابو حميد
محمد لف له وإبتسم : وش فيكم ليش ماتبون تصدقون
بدر إبتسم : زين وين تاخذها انت وسامر
محمد بهدوء : علي المطعم
بدر عقد حواجبه واحمد بعد ومحمد كمل طريق
وصلوا للمطعم والعيال قعدوا بطاولة والبنات بطاولة وصارا يتعشون
إبتسام كانت طول الوقت ساكتة وحاسة بتعب رهيب واماني وأسماء وحتي كل البنات لاحظوها ويوم سالوها قالت من التعب وريتاج قعدت جنبها تبي تكون طول الوقت معها ...مني نفس حالة إبتسام طول الوقت ساكتة وتقول للبنات شويه إرهاق بس
عند العيال الكل يسولف إلا محمد وسامر
محمد بصوت هادي لسامر : روح إرجع شوف نبضها
سامر : زين ...وقام والعيال طالعوه
طلال : وين !؟
سامر : راجع ...وراح عند البنات والعيال تموا يطالعوه
سامر وصل عند البنات وقف عند إبتسام وإبتسام لفت له
إبتسام بوهن تحاول تخفيه : تبي شي ؟
سامر بحب : أكلت زين
إبتسام إبتسمت : إيه
سامر إبتسم لها : زين عطني إيدك أشوف لك النبض
إبتسام إستغربت منه وحست بخوف : سامر قل فيه شي
سامر بهدوء : ابد حبت بس أتطمن عليك
إبتسام مدت إيدها له وهو صار يفحص نبضها
سامر طالعها : حاسة بالم او اي شي
إبتسام بدت تتنفس بسرعة : حاسة بتعب بس
سامر فك إيدها بسرعة وراح عند محمد وإبتسام تمت تطالعه
سامر وصل للعيال وبسرعة :محمد مرة تعبانة وقلبها وكانه مافيه نبض وحتي تنفسها سريع
محمد طالعه وقام بسرعة
أسامة : وش فيكم !؟
محمد : روح جيبها يله
سامر الخوف مالي قلبه : محمد
محمد تحرك طالع برا : مافيه وقت...و بس كلام
سامر : زين ....ورجع عند البنات
العيال وقفوا
أحمد عصب : فهمونا
بس محمد تحرك بسرعة وراح طالع وسامر راح صوب البنات
سامر وصل لهم : إبتسام قومي
إبتسام بتعب : وين ..وش فيه
سامر بسرعة : قومي وبس كلام
ريتاج وقفت : فيه شي
إبتسام إستغربت منه وقامت وإيجتها دوخة قويه وبغت تطيح بس سامر لحقها وشالها بين إيدنيه
البنات علي طول وقفوا
أسماء بخوف : شفيها
سامر ركض فيها بقوة ويطلع لبرا وريتاج لا ارادي ركضت معه
إبتسام بين إيدينه وبوهن : سامر .....شصاير ....
سامر بحب وبصوت هادي عكس حالته : غمضي عيونك بس
العيال إرتعبوا وقاموا ولحقوهم والبنات شالوا اغراضهم ولحقوهم بسرعة
إبتسام إيجها الم قوي علي قلبها وراسها يدور فيها رفعت إيدها ومسكت قلبها بقوة وسامر يركض بكل قوة فيه
محمد وقف وإنتظرهم لين وصلوا له
محمد يطالعها وهي بين إيدين سامر ومد إيده وسحب إيدها وصار يفحص نبضها
محمد بخوف : سامر نبضها مرة سريع وقوي بعد شلون قلت ضعيف
سامر : لا انا أكيد
محمد بسرعة وفهم : زين زين إلحقني علي السيارة يله
احمد وصل لهم وصار يسرع مع سامر
احمد : سامر واللي يعافيك تكلم
سامر : لازم مستشفي
ريتاج تبكي وتلحقهم : ليش وش فيه شصاير لها
سامر ماعرف وش يرد
والعيال والبنات يركضون بعدهم
إبتسام صارت تكح وتتنفس بسرعة وصار العرق يتصبب منها وصارت تتأوه من الالم لين سكتت عن كلش
وصلوا لسيارة محمد وسامر صار يكلم إبتسام بس مافيه فايده
ومحمد رجع اخذ إيدها وصار يفحص نبضها : سامر نزلها نزلها علي الارض يله
سامر طالعه : ليش
محمد بخوف ويحاول يتحكم بنفس : قلبها توقف
احمد إنصدم : إيش !!!!!!
وريتاج طاحت علي الارض بس أحمد لحقها ومسكها له
سامر علي طول نزلها وكانوا بموقف السيارات داخل المطعم ومحمد عدل وضعيتها وسامر اخذ إيدها
محمد قعد عندها وصار يضغط علي قلبها لإجل يخليه يرجع ينبض وسامر ماسك إيدها يتحسس النبض
وصلوا الكل وشافوهم علي هذيك الحالة ومحمد من شاف أسماء صرخ فيها: سويلها تنفس إصطناعي يله
اسماء ثابتة بمكانها حالها حال الكل وريتاج دخلت اللاوعي تطالع إبتسام الجامده ونوف قربت من ريتاج ومسكتها لها وعيونها تدمع بصمت وتدعي بقلبها
محمد يضغط علي قلبها بقوة ويكلم اسماء : اسماء يله
بس أسماء ماتحركت واللي تحرك اخر شخص يمكن يتوقعه وقعد عند راس إبتسام لإجل يسويلها تنفس إصطناعي
محمد : سهي !!!
سهي نزلت بسرعة حق فم إبتسام وصارت تسويلها تنفس
محمد طالعها ولف علي الكل : احد فيكم يشوف الساعة
بدر بسرعة وشاف ساعته : عشرة وخمس دقايق
محمد : زين يوم تصير وعشرة علمني
بدر هز راسه ويدعي لله لها هو والكل
محمد يضغط بقوة بس مافيه فايدة
سامر ميت خوف : محمد للحين مافيه نبض
محمد يحاول يكون دكتور قبل كلش : سهي تعرفين تشوفين النبض
سهي كانت تسويلها تنفس ورفعت راسها له : إيه
محمد : ترى نبضها مو مثل نبضنا
سهي : ادري نبضها ضعيف
محمد فرح : زين قومي روحي عند سامر يله
سهي تركتها وقامت لسامر
محمد : سامر تعال كمل عني وماتوقف
سامر ترك إيدها وقعد مكان محمد وصار يضغط
محمد يكلم سهي : سهي ترى كلش يتوقف عليك
سهي وكانها دكتورة حقيقية : لا تخاف انا اعرف لنبض زين
محمد إرتاح لها وراح حق سيارته وأسامه لحقه
أسامة بخوف : محمد وش فيه
محمد فتح صندوق سيارته وطلع حقيبته وصار يدور علي شي وكلش يسويه بسرعة
احمد كان معه وحتي طلال وفارس : قل وش تدور عليه ؟
محمد بسرعة : ابرة ابرة
طلال شافها ومحمد من الربكه ماقدر يشوفها : كاهي ..واخذها
محمد : إندريلانين إندريلانين ...وصار يدور والعيال ماعرفوا وش يبي
محمد بفرح : كاهو كاهو ...اخذه ورجع عند إبتسام ركض
سامر طالعه ودمعة ب عيونه : محمد فات الاوان
محمد يجهز الابرة : ابد للحين
سامر : بس....
محمد طالعه وصرخ : رح أرجع النبض باي ثمن
ريتاج إنتفضت مكانها ومحمد صحها بصراخه وهمست ودموعها نزلت : إبتسام
نوف ضمت ريتاج لها هي وهديل
محمد قعد عندها ومسك إيدها الثانية وطالع سهي : سهي
سهي : مافيه نبض
محمد مسك إبهام إبتسام وطالع سامر : رح عند راسها
سامر بخوف : محمد إنت بتعطيها ...
محمد قاطعه : يله
سامر قام بسرعة وقعد عند راسها ومسكها له
محمد تنهد : شباب إدعولي ...بسم الله ..وحقنها برأس إبهامها واول ماسحب الابرة
إبتسام : اح اح
سامر حط إيده علي فمها
الكل طاح علي الارض من الخوف : الحمد لله
وريتاج من سمعت صوتها صرخت : إبتسااااام
محمد طالع ريتاج : سامر يله يله
سامر علي طول رجع شالها بين إيدينه
أحمد كان بسيارة محمد وصرخ باعلي صوت : تعالوا
سامر فتح له محمد الباب ركبها وركب جنبها ومحمد تحرك للمرتبة الاولي وكلم سهي
محمد : سهي إركبي معها يله
ركبت سهي ومسكت إيدها وركب محمد جنب أحمد وعطاه المفتاح وإنطلقوا
ريتاج طارت علي الجمس وركبت بسرعه والشباب ركبوا بسيارتهم ولحقوهم
كانت أسرع خمس دقايق يعيشونها
بسيارة محمد احمد كان يسوق بسرعة ومحمد دخل علي النت يحدد أقرب مستشفي
إبتسام بوهن وبصوت ينقدر بنسمع : يمه
سامر كان حضنها له : غمضي عيونك بس وإرتاحي
محمد لف عليه : لا لاتتركها تغمض عيونها كلمها وخلها ترد عليك
سامر : زين ...وصار يكلمها وسهي ماسكه إيدها وتشوف نبضها

بالجمس كان الكل يدعي الله يشفيها ويقومها بالسلامة وريتاج تبكي والبنات يهدون فيها وبدر حزن بسبها
وعند لعيال نفس الشي
وصل أحمد المستشفي يوم قال له محمد عنه ودخلوا فيها وركضوا عند اول أسعافات داخل المستشفي ومحمد أخذ زمام الامور يوم قال لهم انو دكتورها وحتي فيه دكتور عرفه عشانه شافه بالمؤتمر
ووفروا لمحمد كلش يبيه هو وسامر
أحمد وسهي كانوا طول الوقت يلحقوهم من مكان لمكان
وصلوا الباقي وإتصل أسامة علي أحمد وقال لهم عن مكانه وراحوا لهم وشافوا أحمد واقف عند غرفتها ومعه سهي
طلال : احمد بشر
أحمد : من دخلوا للحين ماطلعوا
أسامة : زين وش قالوا ...او شصاير لها
أحمد : مادري ماقالوا شي
سكت الكل وتموا ينتظرونهم ومرت نصف ساعة علي الاحداث وطلع لهم محمد
*****
نصيحة ايها العاشق
النويا الحسنة في الحب لا تكفي ...ايها العاشق
تكلم ...قل مابقلبك ...بهمس ...بوضوح ...بسرعة
ببطء ..قلها كيفما يتراءى لك ...المهم ان تقول
أحبك عندما تحب
قلها لامك وأبيك ..زوجتك واخيك ...صاحبتك وبنيك
المهم قل أحبك
احبكم في الله

*****




السلام وعليكم
انا عندي ظرف ورح يتوقف التنزيل لمدة مادري كم
ويمكن يوم الجمعة باذن الله ارجع انزل وكل ليلة مثل ماعودتكم
خلوا الرواية حلووة بوجودكم
وفحفظ الكريم لين ارجع انزل باذن الله
💞💞



"بنات معكم لامارا أظن قريتوا كلام الكاتبة راح تتوقف مدة اسبوع طولوا بالكم جزاكم الله خير"

وشكراً