[لامارا]

//


الفصل الثالث والاربعون


عند محمد يوم وصل لصالة الاوتيل " بسمة فيه معقولة فيه شي " وعلي طول راح لهم
محمد : السلام وعليكم
ابو بدر : وعليكم السلام ...إقعد ياوليدي
قعد محمد وقابل أبو بدر
محمد بهدوء : بغيت شي ؟!
أبو بدر : سلامتك ياعم بس حابب أسال عن شي
إبتسام كانت ساكتة ومنزلة عيونها وتسمع
محمد يطالع مع أبو بدر : تفضل
أبو بدر : إنت قلت قبل انو رح تشوف دكتور كوري وهو رح يشرح لك علي حالة بسمة أكثر
إبتسام رفعت عيونها له وشافته منزل عيونه
محمد " هذا اللي كنت خايف منه تسألني إنت وهي فيه ...والحين وش رح أقول "
أبو بدر إبتسم وحط إيده علي إيد إبتسام : تكلم ياعم وقول ولاتفكر بشي
إبتسام طالعت عمها وإبتسمت
محمد طالعهم وبهدوء : انا شفته وهو قال نفس الكلام اللي أنا قلته قبل
أبو بدر بحنان : زين وش قال بعد
محمد طالع إبتسام ونزل عيونه وماقدر يتكلم
إبتسام بهدوء : هو حدد لك وقت
محمد طالعها : بس هذا اللي قاله
ابو بدر بإبتسامة : محمد ياوليدي قلت لك تكلم وماتفكر بشي
محمد بحزن : بس ياعم هذا هو الصدق
أبو بدر : إنت وعدتنا قبل انو مارح تخبي علينا شي
محمد : إيوه وترى انا عند وعدي
إبتسام إبتسمت : انا يوم وقعت الورقة إنت قلت انو هي عملية مارح يدوم مفعولها وانا الحين ابي أعرف بس كم المدة اللي بتتم فيها العملية وصدقني مهما قلت تاكد انا سعيدة ولو قلت انو بتدوم بس شهر أنا راضية
أبو بدر سكت وعرف انو هذا هو كلامها
محمد طالعها وبهدوء : يقول لو يحافظ المريض علي صحته بتدوم ثلاث اربع سنين
إبتسام حست بالفرح من هالكلام : الحمد لله
أبو بدر لمحمد : مشكور ياوليدي
محمد إستغرب منهم : ليش تشكرني الحين
أبو بدر رفع إيده وأشر علي بيانو كان هناك : بسمة ياعم شوفي هناك
إبتسام طالعت فيه وإبتسمت : ليكون عبد العزيز يبي يسمع عزف
أبو بدر ضحك : هههه أيوه ويبي من الغالية تعزف له
محمد يطالعهم ومستغرب منهم
إبتسام قامت : ابشر بس وش تبي تسمع
ابو بدر : خلنا نسأل الدكتور محمد سلمان
إبتسام ضحكت ولفت علي محمد : دكتور وش تبي تسمع
محمد حس بحزن يجتاحه : اللي تبينه
إبتسام لعمها : عمي إن ماعليك أمر تعال معي
أبو بدر قام : ابشري يالغالية
محمد يطالعهم وهم متجهين حق البيانو " كنت أدري بتكون هاذي ردت فعلك الابتسامة علي وجهك واللي سماك بسمة وإبتسام ماغلط ...فيه إنسان يسمع انو بعيش بس وقت ويبتسم سويتها قبل ورجعت سويتها الحين إبتسمتي للموت " وحتي هو قام ولحقهم
وصلت إبتسام وقعدت وعمها تم واقف عندها وصل محمد بعد
إبتسام بمرح : رح أعزف نوتة ضوء القمر لبتهوفن
أبو بدر إبتسم : زين وخليها تكون ضوء قمر حقيقي اليوم
إبتسام : هههههه زين يالغالي
حطت أصابعها وسكرت عيونها وبدت تعزف ...هي مقطوعة مرة هادية تحسسك بالهدوء و إنو كلش له حل هي إختارت هالمقطوعة حتي تعبر عن نفسيتها.... هالمرة تعزف لها ... تتمني لو يضوي القمر باليالي السود بحايتها وقبل كلش هذا قضاء وقدر وهي راضية فيه
محمد يسمع لها " رح أدعي الله فكل صلاة يشفيك وبدل ماتعيشي خمس سنين تعشين خمسين سنة وأكون انا السبب ف علاجك "
أبو بدر يراقبها " علمتني إنو الدنيا فاينة وكلش رخيص فيها انا كنت شخص حزين بحياته بس هذاك اليوم اللي قلت لك فيه عن قصتي وقلتي لي أواجه الماضي لإجل أنسي صرت الحين سعيد وأتمني تفرحي بحياتك ياعم "
كان كل اللي في الصالة يسمعون لها
إبتسام كملت عزف ولفت لعمها وعمها ومحمد والكل اللي فيه صفقوا لها بحفاوة
إبتسام بفرح : شرايك عجبتك
أبو بدر بحنان : مثل العادة عطتني الراحة وأخذتي الالم
محمد طالع عمه
إبتسام بهدوء وقامت : أتمني لو أقدر أمتص ألمك كله يا عم
أبو بدر بعطف الابو : هو لك من وقت طويل
إبتسام فرحت : تقصد انو ....
أبو بدر قاطعها : أقصد انو واجهت الماضي وقررت أنساه
محمد بس يطالع بينهم
إبتسام : قلت لك النسيان مواجهة
أبو بدر إبتسم لها : خلينا نرجع نقعد
إبتسام : أبشر
أبو بدر لمحمد : تعال ياوليدي
وافق محمد ورجعوا لأماكنهم
أبو بدر لإبتسام : متي رح توقفين عزف
إبتسام : يوم أمتص ألم كل إنسان حولي
محمد بهدوء وإبتسم لكلامها : تعزفين عشانك او عشان غيرك
إبتسام : عشاني يوم ابي وعشان غيري يوم أحسه يبي
أبو بدر : بسمة ....ترى محمد للحين يكره الوطن
محمد طالع عمه
إبتسام عرفت وش يبي : خليه ياعم هو رح يرجع يوم يعرف انو مشتاق لوطنه
محمد طالعها وإبتسم " دام انت جنبي ماتوقع " : مارح أشتاق لها أبد
أبو بدر إبتسم : ماعليه يوم تشتاق لها تعال وعيش فيها
محمد : إتفقتوا علي
أبو بدر ضحك : لأ بس إنت صرت تعرفنا الحين وتعرف شلون نشكر الناس
محمد بهدوء : أبرجع بس الحين لا عشان هذا أكثر وقت لزوم أكون فيه بألمانيا
إبتسام تطالعه
أبو بدر براحة : حياك بأي وقت
محمد" رح أرجع يوم أعالج بسمة " : تسلم
أبو بدر لإبتسام : تعبانة ياعم
إبتسام : لا
أبو بدر : زين فيه مكان شفته اليوم وأبي تشوفينه معي
إبتسام عرفت وش يبي : ابشر خلنا نروح له
محمد إبتسم وقام : زين عن إذنكم لانو تعبان
أبو بدر : مارح تجي معنا
محمد : لا ابي اترككم براحتكم
أبو بدر قام وقامت إبتسام
أبو بدر : تعبان تبي تنام أو تبي تروح
محمد ماعرف وش يقول : لا بس ...
أبو بدر : تعال معنا يله
محمد وافقه ومايبي يرده وإبتسام مشت معهم وتدري زين وش رح يقول عمها بس ليش طلب من محمد يقعد معهم
طلعوا لبرا وإتجهوا صوب خيمة صغيرة هناك القعدة فيها تفتح النفس قعدت إبتسام وقعد عمها جنبها وقعد محمد وقابل عمه تموا ساكتين شوي لين نطق أبو بدر وكلم إبتسام : وش تفكرين فيه ياعم
إبتسام بهدوء ومنزلة عيونها : أفكر فأربع سنين وش ممكن أسوي فيهم ابي أسوي شي يتذكرني الناس فيه ويوم يمرون علي قبري يقولون الله يرحمها
محمد حس بقبله تقطع من كلامها
أبو بدر إبتسم برضا : فيه شي وأبي تسويه
إبتسام رفعت عيونها له : إيش هو ياعم
أبو بدر بحب : إزرعي إبتسامة علي وجه يتيم وفرحي قلب مريض وأغني فقير
محمد طالع عمه
إبتسام فهمت : هذا اللي إبيه بس علمني شلون
أبو بدر : إسألي أماني وريتاج وفكروا ف شي ورح تلاقون حل
ابتسام : ابشر وبعد شهر بإذن الله بعلمك وش سوينا
أبو بدر : هذا كل اللي تبينه
إبتسام بهدوء : ايوه انا أحلامي محدودة أخاف أحلم ومأحقق شي وترى أسمي أحلامي هاذي هي
أبو بدر تفهم : زين ويوم تحلمين بشي علمني
إبتسام : زين
أبو بدر لمحمد : وإنت ياعم وش هي أحلامك
محمد بهدوء : حلم واحد بس وهو أكون سبب بشفاء مريض وسعادة أهل هذاك المريض وبس
أبو بدر : للحين تحلم بهالشي
محمد طالعه : انا حلمي إنت من عطاه لي يوم مسكت إيدي وخلتني أشوف النور وقلت مافيه قهر ومافيه الم يدوم.. يومها خلتني أحلم أشيل وأخفف ألام الناس
أبو بدر : وقدرت تحققه !؟
محمد نزل عيونه : للحين بس رح أحققه
إبتسام تمت ساكتة وتسمع له " حققته وانا أفضل مثال لو اقول الحين أتألم تركض لإجل تشيل عني الالم "
أبو بدر إبتسم : حققته ياعم حققته
محمد طالع فيه : بس ...
إبتسام لعمها وماحبت محمد يكمل كلامه : وإنت ياعم وش هو حلمك
أبو بدر بهدوء " حلمي مستحيل يتحقق حلمي عايش في الماضي ...يكون لي صديق حقيقي وبس " : حلمي هو الصداقة الحقيقية والتضحية عشانها
محمد طالع عمه وإبتسام حست بحزن لكلامه
إبتسام : تعرف وش معني التضحية في الصداقة ياعم
أبو بدر يبي يسمع وش رح تقول هالبنت الصغيرة بنظر الكل بس بنظره هو بنت عرفت معني الحياة الحقيقي : لأ
محمد طالع إبتسام وينتظر وش رح تقول
إبتسام بإبتسامة : الصداقة أسمي العلاقات اللي بين البشر مافيه علاقة إلا وبدايتها صداقة حتي الكره يبتدي بالصداقة بس يوم تتكلم عن التضحية فالصداقة ...إنت يومها تتكلم عن صديق ضحي لإجلك وإنت بتضحي لإجله.... الصداقة تضحية الطرفين ياعم
ابو بدر إبتسم : ولو ماضحي طرف وخانك
إبتسام : يومها نسميها خيانة مو صداقة
محمد فه بينهم
ابو بدر" كنت أتمني أضحي أنا ويضحي هو بس هو إختار طريق ثاني أدري انو ماخني بس خان نفسه يوم ذبحها " : الله يرحمه ويرحم كل خليل مات خليله
إبتسام برضا : عش ماشئت فإنك ميت
ابو بدر براحة : وأحبب من شئت فإنك مفارقه ...صح لسانك
إبتسام : صح بدنك وإنت قلت يوم إنو الصداقة عنوان الاخوه
أبو بدر تنهد : بس التضحية هي بنفسها ألم
ابتسام ومحمد إثنينهم طالعوه وإستغربوا دام يبي التضحية فسبيل الصداقة ليش يقول انو هي ألم
أبو بدر طالع محمد : ليش ساكت ياوليدي
محمد إبتسم : ضيعتوني
ابو بدر ضحك وإبتسام إبتسمت
ابو بدر : زين يوم تلاقي نفسك علمني
محمد : ههههه ابشر
ابو بدر : اتوقع تأخر الوقت خلونا ننام ونرتاح
إبتسام وافقت ومحمد نفس الشي قاموا ودخلوا وكل واحد إتجه علي سويته
عند إبتسام دخلت وشافت كل البنات نايمين إلا ريتاج قاعدت تنتظرها
ريتاج بحزم : وين كنت !؟
إبتسام ماسكة ضحكتها : وش عليك وين كنت
ريتاج بغضب : لا تستهبلين سألتك عطني جواب
إبتسام : مالك شغل فني فاهمة
ريتاج قامت : بسوم علي قولت أحمد لا تخلني أعيد الكلام
إبتسام : ههههههه جبتيها
ريتاج : قولي وين كنت
إبتسام : عند عمي طلب يشوفني
ريتاج إستغربت : ليش وش يبي
إبتسام قعدت : إقعدي وانا اقول لك
قعدت ريتاج
ابتسام : طلب مني ومنك ومن أماني نزرع إبتسامة علي وجه يتيم ونفرح قلب مريض ونغني فقير
ريتاج فهمت : شلون
إبتسام : قال فكروا وعطوني جواب
ريتاج بفرحة : زين رح أفكر وأشوف وش نقدر نسوي
إبتسام : انا فكرت بشي
ريتاج : وش هو
إبتسام : نفتح رقم حساب بنك ونجمع فيه المال ونحط رقم البنك بالنت ويمكن يتبرعون لنا
ريتاج فرحت : فكرة حلوة زين رح نطبقها وندخل عليها شوية تعديلات
إبتسام : هههههه حلوة تعديلات
ريتاج : مأمزح قومي خلينا نسويها
إبتسام : الحين
ريتاج : لا بكرة... الحين أجل ومتي ؟
إبتسام : انا تعبانة وبعدين مافيه لابتوب يالذكية
أماني كشرت : صدق بس لزوم نطبقها باقرب وقت
إبتسام : أكيد ونقول لأماني تساعدنا والحين قولي صرفتي كل اللي معك
ريتاج إبتسمت : لا بس شوي
إبتسام فرحت : حلو حتي انا لا وماله داعي نبذر علي ولا شي
ريتاج : زين وخلينا نجمع المال ويوم نفتح رقم الحساب ندخله فيه وكل شهر نشوف كم جمعنا لإجل نتبرع فيه
إبتسام مدت إيدها : زين
ريتاج حطت إيدها بإيد إبتسام : ندوعك يالله تحقق كل أحلامنا
إبتسام ضمتها لها : بدعي ربي الكون يخليك معي ومايفرق بين وبينك إلا الموت
ريتاج حتي هي تحضنها : وبدعي ربي الكون يشفيك ويحقق كل أحلامك
وبعدوا عن بعض ومع بعض : اللهم أمين
إبتسام : ليش كل دعاويك أصير زينة وأحقق أحلامي
ريتاج : عشانك إختي وصديقتي وإنت هي ريتاج
إبتسام : صرتي شاعرة
ريتاج بغرور وقامت : وش علابالك حرم بدر .....قومي قومي خلينا نرتاح
وافقت إبتسام وقامت وراحت شربت دواها ونامت علي سريرها وتفكر فكلام محمد ماتبي تحزن هذا قدرها ولزوم تواجهه بإيمان ...شي واحد خلها حزينه حب محمد لها صارت تتمني لو حب غيرها وفرح معها
صباح يوم جديد وهو اليوم التاسع بمصر الساعة عشرة الصبح
صحي الكل افطر وتجهزوا وإتجهوا لشرم الشيخ
بالجمس نفس الشي بدر هو واللي يسوق فيهم ومعهم محمد
وإبتسام قاعده مع نوف ومعهم ريتاج وأماني وأسماء مثل العادة
أماني لريتاج : ليش ساحبة علينا
ريتاج لفت لها : إسمعني انا خلاص بطلت هبل
أماني علي طول تفقعت ضحك : هههههههه تكفين عديها
أسماء : ليش تضحكين !؟
ريتاج ضحكت غصب عنها : هههه علابالك بمزح معك
أماني تتطنز : ههههه لا ابد صدقتك
أسماء : فهموني ليش الضحك
أماني رافعة صوتها شوي : بنات إسمعوا ريتاج تقول انو بطلت هبل
البنات فقعوا ضحك ومعاهم بدر ومحمد
ريتاج عصبت : خير إن شاء الله يعني يوم قلت بطلت هبل كفرت
فرح تطنز : لا ياقلبي من قاله إنت طول حياتك تاخذين القرارات الصح
إبتسام : صادقه فرح
ريتاج : مأقول إلا مالت عليك
بدر خاش بينهم : وش عندها بنت العم بطلت هبل
ريتاج تستهبل : لا بس تعبانة شوي
أسماء : ليش الهبل يتعب
ريتاج: خلاص هونت
مني : رتوج مستحيل الحبيب يسمح بحبيبه
ريتاج: شقصدك !؟
شذي : تقصد إنت والهبل مستحيل تفترقون
أماني : إتركوها دامها ماتبي ريحتنا
ريتاج لفت لها : إنت ما فهمتي زين بطلت هبل علي الكل إلا إنت والبلاوي فهمت
أسماء : ليكون سحبتي علينا
ريتاج : أيوه وصرت بروحي بخطط وبنفذ بروحي
نوف تستهبل : خذني معك
ريتاج : لا ياقلبي إترك أمونة وأسوم وأخذك إنت أكيد هوتي
نوف إنقهرت
مني : زين علمينا مع من رح تستهبلين
ريتاج : قلت بروحي ماتسمعون
مدي : الله يعينا عليك
الكل : امين
ريتاج : ههههه امزح بس حبيت أغير جو
بدر : مليت
أماني نطت : ايوه تكفي نزلنا شوي
بدر : ابشروا بس وين تبون تروحون
سهي : لو فيه حديقة حيوانات خلينا نروح لها
البنات لفوا لها : وين !!!!!!!!!
سهي خافت : شفيكم !؟
اسماء بعربجية : إسمعني إنت قلت دكتورة قلب وقلنا ماعليه بس دكتورة حيوانات مستحيل
مني : كليتها بقشروها
أماني : وش عليك إنت ....اسماء صادقة هبلتنا سهي
مني بغرور : نطق محامي الدافع
أماني : زين قولي لو مادفعت عليها....إن شاء الله تبين أدافع عليك
مني إبتسمت : أمونة ليش منهي إختك انا ولا هي
أماني ضربت أسماء بقوة علي كتفها : هاذي
أسماء: اييي وجع يوجعك يالدوبة
أماني : وهذا وانا اقول عنك إختي
أسماء: ريحنا عاد كسرتي ظهري وتقولين إختي
أماني : زين شوفي غيري تكون لك إخت
أسماء حبت تقهرها وصارت تستهبل : فيه بسومة ورتوجة ومداوي وسهاوي ونداوي
أماني تكمل : ومنواي ونوافي وشذواي وفرحاوي
الكل فطس ضحك : ههههههههههههههههه
إبتسام ماسكة بطنها : ههههههههه يمه فقعتني ضحك
بدر ميت ضحك : ههههه خلاص تكفون خلوني اعرف أسوق
أماني لبدر : هاااااي إنت ماقلنا نزلنا شوي
بدر : أماني هانت شوي ونوصل ..وقولوا وين تبون تروح ونروح
فرح : أنا الصراحة ابي السنيما
ريتاج: وإنت تعرفين مكان غير السنيما
فرح : ماكلمتك إنت
بدر لفرح : خلاص ابشري يوم نوصل نروح علي سنيما
إبتسام ميته جوع وخجلانه من بدر ومحمد وبهمس : رتوج ميته جوع
ريتاج إبتسمت : قولي لأماني تقول لبدر ويجيب لها وتأكلينه إنت
إبتسام فرحت لفت لأماني : امونة تكفين قولي لبدر ينزل يجيب لي شي أكله
أماني إبتسمت : لا تقولين جوعانة
إبتسام تتمصلح : ايوه يابنت عمي الغالية بس لاتقولين له حقي زين
أماني بخبث : أبشري ماطلبتي
إبتسام علي نياتها : مشكورة
أماني " هين أطلع ريحتك عند الدكتور ": اقول يابدر
بدر : نعم
أماني ماسكة ضحكتها : ترى بنت عمنا إبتسام ميته جوع
إبتسام بقبقت عيونها ولفت لها بغضب : يالنذلة
أماني ترفع وتنزل لها حاجب
بدر إبتسم : زين وش تبي
شذي لفت لها : توك بالعة
إبتسام معصبة من أماني : شذي لفي وجهك أرحم لك
شذي خافت ولفت وجهها
أسماء بخبث : ماقلتي يابسومة وش تبين
إبتسام حبت تشرح حالتها : صدقوني مادري شفني كل اللي أبيه أكل
محمد لف عليها : ماعليك منهم ...كله من الدوا إنت بس قولي وش تبين
إبتسام بحيا : اي شي
مني : هههه ترى فيه حشيش
إبتسام عصبت : مني
محمد شاف محل : بدر وقف فيه محل
وقف بدر
محمد : زين بنشوف وش نجيب لك
إبتسام : مشكور
نزل بدر ومعه محمد ..... ورجعوا جابوا بسكويت وشكلاطة وشبس لكل البنات وجابوا عصير بعد عطاهم بدر لمني وهي مدت للكل وشكرته كل البنات وكملوا طريقهم لين وصلوا وحجزوا ليلة بالاوتيل
إتجه الكل حق سويتهم حطوا اغراضهم وقعدوا شوي وقرروا يطلعون للسنيما يشفون فلم وبعدها يلفون شرم الشيخ
بالسنيما
هديل مع أسامة بالمقاعد الاخيرة وعلي قدام بصفوف
مني وشذي وفرح وندي ومدي وسهي وأسماء وأماني وقعدت ريتاج وقعد جنبها بدر هي كانت تتوقع سامر بس قعد بدر وجنبه محمد وجنبه كان سامر اللي فكر إنو اماني هي اللي جنب بدر وكان جنبه طلال وفارس
وعلي قدام بصفين قعدت نوف وجنبها إبتسام وأحمد وفهد ويزيد ومصعب وأمين وراشد ومشعل
محمد يطالع إبتسام ومعصب " ليش ماقعدت معنا ليش قعدت مع فهد ...اووف بنهبل منه ماحبه ابد يكون جنبها او يسولف معها ....هي صح قاعده جنب اخوها بس ليش ماقعدت معنا نحن " تم يطالعهم ومعصب فهد مايحب إبتسام بس محمد مايحبه كذا مايرتاح له يحسه يتمليح لها بس شي واحد يعرفه بسمه حرمه
ريتاج كانت تطالع الفلم وهي مرة متوتره وبدر كان يطالعها هي ولاهو دراي عن كل الدنيا
أماني كل شوي تلف عليهم وماسكة ضحكتها علي أخوها
ريتاج فرحانة وتستهبل : وش عندك
بدر إرتبك : هاه وشو
ريتاج : أقول طالع الفلم
بدر قرب لها : وأترك القمر
ريتاج ذابت : تستهبل إنت
بدر عدل من قعدته : لا عشانك أحلي من القمر .... وبعدين هالفلم شفته قبل
ريتاج " رح تجني سكته من كلامه ": بدر تكفي طالع الفلم
بدر إبتسم : ذبحتني وتقولين لف وجهك عني السموحة ياقلبي مأقدر
ريتاج حست بقلبها بوقف من الدق " ياريبة قال قلبي هالبدر ناوي علي يممه يذبحححح " وبصوت ينقدر ينسمع : بدر
بدر بصوت رومنسي : لبيه
ريتاج دوروها ماتلاقوها وخجلانه وتكابر : طالع الفلم لأعلم سامر
بدر ماسك ضحكته : علميه يله
ريتاج لفت له بعصبية وبدر شق الخشه لها
ريتاج فص ملح وذاب : بدر مايصير
بدر إبتسم لها إبتسامة تشق المخ شق : وش اللي مايصير
ريتاج " ذوبني بإبتسامته " تكابر : إنت ولد عمي ومايصير هالكلام بينا
بدر قرب مرة لها وهمس : ماعليه أخطبك واصير لك حل .
ريتاج بقبقت " يمممه شقال يخطبني واااي بموت "فهت : هاه
بدر بعيون عاشقه وبصوت عذب هدم ريتاج : اللي سمعتيه زين ...فكري اوكيه
وريتاج تطالعه وترمش بعيونها وتبي تستوعب بدر يخطب فيها
بدر رجع يهمس لها : احبك مووت
ريتاج خلاص إنتهت نزلت راسها بحيا منه وماقدرت ترد له جواب
بدر طاير من الفرح : انتظر جوابك اوكي
ريتاج ضاع شرقها من غربها وماعرفت وش تسوي
بدر يطالعها " كافني اللي فني تعالي وذوبني أكثر حقي إنت ياريتاج حقي ....خجلانه تبي مني اقوم أنتحر والحين بعد "
محمد لاحظه : بدر طالع الفلم
بدر لف له : مو شغلك طالعه إنت
محمد إبتسم ويحاول يتناسي فهد : إخت حرمتي وانا مأسمح لك
بدر بفرح وبهمس : لحق عمرك انا خطبت البنت
محمد بقبق : جد
بدر بوناسة : وابو الجد بعد
محمد بقهر : بتشوف اليوم أخطبها
بدر ماسك ضحكته ويهبل فيه : شوفها شوفها وين قاعده
محمد طلع منه الدخان : ترا كافني اللي فني رح عني
بدر ضحك وسامر بشك : محمد قلت شي
محمد لف له : إيه اسولف مع بدر
سامر هز راسه : هاه زين
ورجعوا يطالعون الفلم
أماني تهمس لريتاج: وش قاعد يقول لك بدر
ريتاج تحاول تستوعب كلامه " اخوك ذبحني " تصرف : يقول شاف هالفلم قبل
أماني إنقهرت : بس كذب وش قال لك
ريتاج برجا : امونة ترا مو وقت لقافتك بعدين واعلمك
أماني تهدد : خلك ماتقولين لي وتشوفين نجوم الظهر .....ورجعت تطالع الفلم
ريتاج فرحانه علي سحابه بالجو " وينك يإبتسام تسمعين....بدر خطبني وينتظر جوابي وااااي مأصدق بدر يحبني ويخطب فني بعد "
بدر طالعها وشافها تطالع الفلم إبتسم بحالمية ورجع يطالع الفلم
عند مني كانت تطالع الفلم وكل شوي تناظر صوب أحمد عشانه قاعد قدامها بصفين " فيك من الغموض اللي حيرني إنت تكرهني وأنا أدري زين هالشي قطعت وعد علي نفسك ونذرت نذر لي وأنا أتوقع انو رح تحققه صرت ماتفارق عقلي أبد كرهتني فنفسي وفحياتي ليش ماتكون مثل باقي البشر ليش فيك الغرور والتكبر بس حتي انا بقطع لك وعد وبنذر نذر لو حبيتك مستحيل يسمع أحد فيه وانا بحاول أكرهك أكثر ومارح أسمح وأرضخ لقلبي يتحكم فني أبد " مني للحين تكابر علي مشاعرها صوبه
عند هديل وأسامة
أسامة وهو مشبك أصابع بأصابعها : هدولة
هديل حطت راسها علي كتفه : همممم
أسامة بحب : متي رح تكملين
هديل إبتسمت : حبيبي توني بديت
أسامة إنقهر : وشو ....زين متي رح نسوي عرسنا
هديل حبت تهبل فيه : اي عرس
أسامة إبتسم : ولد الجيران مع بنت الجيران
هديل ماسكة ضحكتها : الله يوفقهم ونحن وش علينا منهم
أسامة بخبث : ابي أحضر زواجهم وأشوف عروستهم
هديل قامت ولفت له وسوت نفسها معصبة : نعم
أسامة فك إيدها ومسك وجهها : يله عاد خلينا نحدد موعد زواجنا
هديل إرتبكت : للحين مافكرت
أسامة بحب : سامر بيسافر بعد شهر ويبي يحضر زواجنا
هديل تبي تهرب من نظرات عيونه فكت نفسها منه ورجعت حطت راسها علي كتفه : زين بفكر وبقول لك
أسامة حضنها بإيده : اوكيه بس لاتطولين علي زين
هديل غمضت عيونها : اوكيه
أسامة حط راسه علي راسها : احبك بكبر الدنيا
هديل بوناسة : بس
أسامة إبتسم : وبكبر السما
هديل : بس
أسامة حضنها له أكثر : صدقني لو اوصفه مارح اقدر
هديل بوناسة : أحبك بعدد النجوم في سما الله الواسعة وأحبك بعدد رمال صحرا الله الواسعة
أسامة ميت فرح وصرخ فيها بأعلي صوت : أحبببببببببك
كل اللي بالسنيما لفوا لهم وهديل خبت وجهها فصدره من الفشلة
طلال وفارس وأماني وريتاج وأسماء مفقعين ضحك عليهم
محمد ماسك ضحكته غصب: وش عنده
سامر : ههههه علباله داخل هالفلم
بدر يضحك ويكلم سامر : اخوك عليه السلام
طلال : هههههههه سمعتوا روميو صرخ
فارس نفس حالته : يمه هههههههه إنهبل ولد أمي
باقي البنات ميتين ضحك
نرجع لأسامة : تفشلت نسيت نفسي
هديل بخجل وبفشلة : أخواني فيه
أسامة : ماعليه حبيبي زوج وزوجته
نوف لإبتسام : وش فيه اخوك
إبتسام تضحك : ههههه الحب وفعايله
أحمد لفهد ويزيد : ههههه أسامة ضاع
يزيد : ضاع بسب أختي ههههههه
مصعب : ههههههه إنهبل فشلنا قدام الله وخلقه
فهد يضحك : ههههه هو حر زوجته
إبتسام سمعته : هههههه اي حريه هاذي بتشفون وش يسوي فيه طلال
الكل فقع ضحك
أحمد : هههههه الله يعينه
وحتي أمين وراشد ومشعل يضحكون
ريتاج ماسكة ضحكتها غصب بسب بدر تخاف ليقول او يعلق بشي ويخجلها اكثر : سمعتوه
أماني للحين تضحك : ههههههه أكيد إنذبح وإنجلط بعد
أسماء : ههههههه هين يوم يخلص الفلم أوريها الدوبة
أماني : هههههه تستاهل
خلص الفلم وطلعوا برا وأسامة سبقهم هو وهديل لانو يعرفهم وخاصة وجوه البلاوي
طلال إنقهر وهو بين العيال : اوريه بس أشوفه
محمد : وش عليك إنت زوجته الحين
طلال ل يزيد : إختك ماعادت إستحت
يزيد للحين يضحك : هههههههه بس هبلت أسامة
طلال ماسك ضحكته ومسوي فيها معصب : ماشاء الله إضحك يالدب
بدر : يأخي زوجته الحين
فارس : لا وش زوجته فشلنا
مصعب : خلونا من هالكلام الحين
طلال بنذالة : هين أخليه يحلم يقعد معها
بدر جر طلال معه : لو تسوي شي معه أذبحك إتركه هو حر
فارس يستهبل : ليش طلع قرار المحكمة
أحمد : يله إستحوا خلونا نلحقهم بس كلام
فارس لطلال : إسمع إنت ترى اللي صار قبل شوي مايرضي الله
طلال : اوريه ...ورح تشفون وش أسوي فيه
محمد يضحك عليهم : هههه يله يله وسكروا السالفة
ركبوا بسيارتهم ولحقوا أسامة وهديل علي وحدة من الاسواق
بالمول
أماني وأسماء وإبتسام وريتاج اللي صارت ماتمشي مكان إلا وإبتسام معها هي وتبي تقول لإبتسام علي اللي قاله بدر لها
أسماء تطالع عيال جاين صوبهم ويطيحون الطير من السما : واييي يذبحون
ريتاج مسكت قلبها : بنات بنات بتجني سكته
أماني : حتي انا يمه عليهم يهبلون
إبتسام تطالعهم وبسخرية : مهبل هالبنات
قربوا منهم العيال ومروا عليهم وهم لفوا ويطالعهم
ريتاج : من وين لهم هالزين
أسماء : أكيد من هوليود
أماني : بنات أكيد هذولا من الارض مو
إبتسام تضحك عليهم : ههههههه يله خلونا نكمل هم راحوا
أسماء : هههه صح هم طلعوا من المول ونحن للحين نطالع
رجعوا لفوا وكملوا طريقهم وكل واحد يشفونهم لزوم يحشون فيه او يمدحون فيه لين وصلوا للكوفي طلبت منهم إبتسام يدخلون معها بس هم رفضوا وقالوا لها تقعد وهم رح يرجعون لها
دخلت إبتسام للكوفي وراحت عند طاولة وقعدت عليها إبتسام كانت بين أفكارها " محمد يوم طلعنا من السنيما كان معصب ليش أحسه يكره فهد ....بس ليش فهد بحال أخوي ...بس إحساس فني يقول هالشي " وهي علي حالها حست بشخص يقرب لها والحين واقف قدامها تنهدت وعرفته بس من سطوة وجوده عليها ورفعت عيونها لها وتمت تطالعه
إبتسم بحزن لها : اقدر أقعد معك
إبتسام من شافت إبتسامته ضعفت : تفضل يالدكتور
محمد حس بشويه فرح طول الوقت وهو معصب خلي لعيال وإجا حق الكوفي يقعد ويقلب حياته بخاطره قعد وقابلها وقرر قراره : شخبارك اليوم
إبتسام تبي تكون طبيعية معه وتخلي هالحزن اللي بعيونه يروح : زينه وإنت
محمد يطالعها : بخير ...وين عنك البنات
إبتسام : يتسوقون وانا حبيت أرتاح شوي
محمد تنهد : فيك ألم او لا
إبتسام بحزن بسب صوته : لا ابد ويوم أحس بألم بقول لك
محمد : اوعدني
إبتسام نزلت عيونها : وعد
محمد بهدوء : ابي أتكلم تسمعين
إبتسام : تفضل
محمد نزل عيونه : أبي اتزوجك
إبتسام علي طول رفعت عيونها له وإنصدمت من طلبه وماقدرت تتكلم
محمد حس فيها وطالعها ورجع كرر كلامه : ابي اتزوجك
إبتسام فهت : إيش !!!!
محمد بحب : أقول ابي منك تصرين زوجة لي
إبتسام إستوعبت وماعرفت وش تقول : إنت فجأتني
محمد إبتسم : ليش وش تتوقعين من شخص قال أحبك
إبتسام اول ماسمعت كلمة أحبك حست بقلبها ينبض بقوة بين ضلوعها
محمد " تكلمي ليش ساكته ليكون ماتبين اقول لك هالكلام " : ليش سكتي
إبتسام " يقطع ابو الوهقة " : لا ابد بس إنت طلبك مفاجئ ...وبعدين توني صغيرة علي هالكلام
محمد إبتسم وبمزح : اي صغيرة الله يهداك وإنت كاملة والكمال لوجهه عاقلة ورزينه وهادية واكثر بنت عاقلة اعرفها
إبتسام ماعرفت وش تقول : تسلم
محمد يطالعها وبترقب : وش قلتي
إبتسام " صدقني مادري طلبك مفاجئ وبعدين خايفه بوافق بس " نزلت عيونها وقالت بحزن : انا مريضة او نسيت كلامك أمس
محمد لانت صوته : لا ترجعين تتكلمين فيه انا نسيته وابي منك تنسيه وبعدين لاتردني بسب المرض
إبتسام : بس إنت تدري زين يمكن أعيش ويمكن لأ
محمد : ادري وحتي أنا يمكن أعيش ويمكن لأ
إبتسام ب قلب جريح : صدقني شيل هذاك الحب اللي بقلبك صوبي وشوف غيري مأبي تتعذب وانا السبب تكفي
محمد يطالعها : وش هالكلام حبك أملي وبعدين مابي غيرك
إبتسام نزلت عيونها : اخاف تتألم أكثر إنت عطيتني الكثير
محمد بحب : تكفين لاتهربين ولاتقولين بسب المرض او توك صغيرة
إبتسام طالعت فيه : ليش غيرت السالفة
محمد : لانو انا أكثر شخص يعرف عن مرضك وأدري شلون بتفكرين والحين لو مو موافقة علي عطني سبب غيره
إبتسام توهقت : فكر زين انا يمكن أعيش بس وقت وقتها رح تتألم أكثر
محمد إبتسم : من اول يوم شفتك وأنا أفكر لليوم
إبتسام " إنت الحبيب والغالي عندي بس كلامك أمس عذبني مابي تبكي بيوم يمكن لو تبتعد الحين بتناسي ....وانا وانا وش بصير لي بلاه .... واهله معقولة خالتي ام محمد بترضي فني ...بنهبل يوم يتقدم لك حبيب قلبك وماتقدرين توافقين شي يعذب الروح والقلب "
محمد لاحظها ولاحظ سكوتها نزل عيونه وبهدوء : إنت وردتي الجوري الناعمة وهالوردة عليها مرة شوك يعذبها بس وعد لك بشيل كل الاشواك عنك ورح أدعي فكل صلاة لله يشفيك ورح أدعي الله يملي قلبك بحبي مثل ماصرت مشغوف بحبك ورح أدعي الله تصرين زوجة لي فدنيا ويجمع بين وبينك فالاخرة وفي الجنه وتختارين زوج وأختارك زوجة لي
إبتسام رفعت عيونها له وتمت تطالعه وهو يتكلم ويدعي وسكتت وماقدرت تقول شي وحتي هي تدعي الله إن مكان نصيبها في الدنيا يكون نصيبها فالاخرة و محمد تم ساكت وينتظرها تتكلم ....وبعد صمت دام بينهم وقت
محمد وبهدوء وبحزن : عرفت جوابك ...و قام
إبتسام بهدوء : عطني وقت
محمد حس بفرح : تقصدين ....
إبتسام رفعت عيونها : اقدر افكر
محمد بوناسه ورجع قعد : لك كل الوقت
إبتسام حست بفرح بسبه : اخاف اتاخر عليك بالجواب
محمد بإبتسامة رضا : شهر فكري شهر ويوم تقررين دقي علي وأتمني يكون قرارك إيه
إبتسام نزلت عيونها وتطالع قدامها " ماقدرت أخليه يروح قلبي وعقلي ووجداني يبونه وكلامه وداعويه صنمتني. يقول انو مشغوف بحبه لي ويقول عني وردة جوري .... وإنت الامل والحب والامان" وبتردد : اقدر أسال سؤال
محمد : تفضلي
إبتسام بهدوء : اخذت شور أهلك
محمد إبتسم " يابعد قلبي فهمت عليك " : ليش ضروري
إبتسام : إيه هذا زواج مو لعب
محمد ابتسم " وتقول توني صغيرة ": تطمني اللي ابيه انا اهلي يوافقون عليه
إبتسام رفعت عيونها له : بس لهم الحق .....
محمد قاطعها : الوالدة تدري انو انا احبك
إبتسام بقبقت : هاه
محمد يطالعها : من زمان بعد
إبتسام فرحت " زين أشوف وش رايها فني وأعطيك جوابي " : زين
محمد بتردد : اقدر اطلب طلب
إبتسام متوترة " لك عيوني " : أمر
محمد اخذ نفس : مايمر عليك عدو ...بس فيه شخص مابي اشوفك تسولفين معه
إبتسام رفعت عيونها له " يقصد فهد " : منهو ؟
محمد نزل عيونه : ادري انو ولد خالك بس انا مأحبه
إبتسام مسكت ضحكتها " اثاريه غيور ": زين
محمد فرح : مارح ترجعين تسولفين معه
إبتسام نزلت عيونها بحيا وهزت راسها بإيه
محمد حس وأخيرا بالراحة صدق ماقالت انو هي موافقه بس لمحت له انو يتأمر وهي تنفذ وبعدين لو كان فهد مهم عندها كان ماوافقت وتم قاعد ويطالعها يبي يحفظ كل حركة منها يبي يعيش اللحظة معها هي " أحبك وأتمني يكون جوابك إيه ...وفهد اقول له لحق عمرك إنت حقي وبس ....وأنا صارحتك بكلش يصير معي بسببك وبكل دعوة أدعيها صدقني ابيك فدنيا وأبيك فالاخرة رح أدعي الله يدخلني ويدخلك الجنه وتصرين لي "
إبتسام تعدل حجابها تطالع قدامها المهم م تطالع محمد مرة مررررة خجلانه منه ومنصدمة من نفسها شلون ردت له في الكلام
وهم علي حالتهم دخلت اماني و أسماء وريتاج
أسماء تطالعهم " تهبلون مع بعض أحلي ثانئي "
أماني نفس حالتها : ماشاء الله وين نروح نشوف الدكتور مع إبتسام
ريتاج بنذالة : خلني أطلع ريحة النسيب
أسماء : هههههه يله اليوم يومهم إثنينهم
وراحوا لهم ووقفوا عند طاولتهم
أسماء : السلام وعليكم
محمد لف لها " كملت معي "
إبتسام " رحت فيها "
محمد : وعليكم السلام ...وللحين قاعد
أسماء تقعد جنب محمد وأماني لفت علي الجهة الثانية وريتاج جنب إبتسام
ريتاج تهمس : ماشاء الله فاليتها
إبتسام عصبت
أسماء : اقدر أقعد معكم
محمد : ماتشوفين انو قاعده
أماني تقعد وناوية عليه: وش عندك ...وين عنك لعيال
محمد توتر وخايف من كلامهم: مادري
ريتاج ماسكة ضحكتها : اشوف حتي طلب ماطلبتوا
محمد توهق : هاه صدق
إبتسام " هذولا نذلات ومارح يسكتون ابد " : توه قعد معي هو قعد وإنتوا دخلتوا
محمد " تدبر عمرها "
أماني تطنز : ايوه صدق صار لنا بس ثواني من تركناك بروحك
البنتين مسكوا ضحكتهم غصب وإبتسام وصلت معها ومحمد إبتسم عشانه صار يعرف أماني وريتاج
أماني ناويه عليهم عدلت قعدتها وتشوف ردت فعل إبتسام : زين يادكتور محمد شخبارك شعلومك
إبتسام تطالعها بحقد " خير ياعمة تمونين "
محمد يطالع أماني وحب يهبل إبتسام : الحمد لله إنت شخبارك
ريتاج تطالع بينهم ودها تفقع ضحك علي حركات أماني المكشوفة وأسماء حطت إيدها علي فمها
أماني ماسكة ضحكتها : زينة شلون مصر وجوها معك لاتقول أحلي من ألمانيا يالالماني
إبتسام وصلت معها " ألماني بعد.. تعلمتي من ريتاج "
محمد ماسك ضحكته : لا مصر أحلي وإنت شلون مصر معك
إبتسام لفت له " والله حلو طاقها سوالف معها "
أماني : بالف خير وترى جوها أحلي من السعودية
أسماء وريتاج بس يطالعهم
محمد : حلو حتي انا مأحب السعودية وجوها
إبتسام قامت وهي ودها تنفجر
أماني لفت لها : وين إقعدي خلينا نسولف
إبتسام تطالع أماني بحقد : إنت سولفي وانا بطلب شي لنا وارجع زين
محمد قام : لاخليك انا بطلب
إبتسام تطالعه ومن عصبيتها ماعرفت وش قاعده تقول : لا ماعليه انا بطلب وإنت كمل سوالف معها ...ولفت عنهم
أسماء وأماني وريتاج تفقعوا ضحك ومحمد واقف ويطالعها " فرحتي قلبي "
أسماء : ههههه هبلتيها
أماني : ههههه وطلعت لها قرون
ريتاج : هههههه حرام عليك هي مريضة
أماني : تحرم عليك عيشتك
أسماء تطالع اخوها المفهي : هههههه اقعد اقعد رح ترجع
محمد قعد ولف علي أماني : وش اللي سويته
أماني : ههههه تستاهل هبلت فيها بس شوي
محمد : إنت وأسماء نفس الكائن
أسماء تطالع اخوها : قول وش كنت تقول لها
محمد توهق : وش اقول انا دخلت وشفتها فيه وعلي طول دخلتوا إنتوا
ريتاج لأسماء : اشوف اخوك تعلم الكذب
محمد : بسكم الحين وش بقول لها يعني
أسماء : زين زين سكتنا
عند إبتسام كانت مرة مقهورة ومعصبة بعد " ليش أعصب منه وش فني والنذلة أماني هبلت فني اوريها واقلبها لها بعد وهو ماشاء الله عليه يقول لاتسولفين مع فهد وهو طاقها سوالف اوريه " طلبت لهم عصير وكوفي ورجعت والجرسون قال هو بيجيبهم
إبتسام رجعت لهم وحبت تكون مو معصبة وقعدت
أسماء : وش طلبتي
إبتسام نزلت عيونها ومقابله محمد : عصير وكوفي
أماني : بس انا ابي نسكافيه
إبتسام بهدوء : يوم يجي الجرسون قولي له
محمد يطالعها : مشكورة تعبانك
أماني طاقة : خليها تشتغل شوي
إبتسام لفت لها بغضب وبمعني سكري حلقك
ريتاج خشت : أماني البنت مريضة إلزمي حدك
أماني : ماكلمتك
إبتسام : سمعوني
أسماء حبت تغير السالفة : إلا يامحمد صار لك وقت مارحت علي المؤتمر
محمد بهدوء : كملت شغلي فيه
أسماء : صدق وشفت هذاك الدكتور
محمد نزل عيونه : لا ماشفته
أسماء كشرت : والحين وش بتسوي لاتقول بتروح لكوريا
إبتسام علي طول رفعت عيونها له " يعني لو ماشافه بيروح له "
محمد طالعها : لا مايحتاج رح اراسله بس
وصل الجرسون وحط طلبهم وراح عنهم بعد ماطلبت أماني نسكافيه
محمد يشرب وهو متوتر وإبتسام نفس حالته وماهو إلا شوي ودخل طلال وفارس
طلال : وش عنده قاعد مع البنات
فارس : خلنا نشوف وبعدين هو رجال وماعليه زود
طلال : هههه اكيد دامه نسيبك تمدح فيه
فارس : هههه امين ...وراحوا لهم

****