#وعسى_ان_تسكن_نار_الأنتقام
#عسل_الأنتقام
بقلم مريم السعدي
#تكملةبارت٥١
ﺳﻨﺪ - ﺍﻳﺎﻡ ﻣﺮﺕ ﻭﺍﻧﻲ ﺣﻴﻞ ﺍﺷﺘﺎﻗﻴﺘﻠﻪ ﻭﻣﻜﺪﺭﺕ ﻋﺎﻻﺗﻔﺎﻕ ﺩﻛﻴﺘﻠﻪ ﺑﺎﻟﻠﻴﻞ ﺩﻛﻪ ﺩﻛﺘﻴﻦ ﻭﺭﺩ
ﺍﻟﻮ
ﻫﻠﻮ ﻛﻠﺘﻬﺎ . ﻭﺍﺣﺲ ﻧﺎﺭ ﺑﻮﺟﻬﻲ ﺻﺎﺭﺕ ﺍﺷﺘﻴﺎﻕ ﻭﺧﺠﻞ ﻫﻤﺲ
ﺷﺘﺮﻳﺪﻳﻦ ﻣﺨﺎﺑﺮﻩ ﻣﻮﻛﻠﻨﺎ ﻣﻦ ﻧﻌﻘﺪ
ﺷﺘﺎﻗﻴﺖ ﻛﻠﺘﻬﺎ ﻭﻏﻤﻀﺖ ﻋﻴﻨﻲ ﺟﺮ ﻧﻔﺲ ﺑﻘﻮﻩ ﻣﺮ ﻣﺮﺗﻴﻦ ﻭﻫﺪﺍ
ﺍﻣﻴﺮﺗﻲ ﻭﺍﺣﺸﻨﻲ ﺻﻮﺗﺞ
ﺍﻧﻲ ﻫﻢ
ﻳﻠﻪ ﻫﺴﻪ ﺭﻭﺣﻲ ﻣﺒﻘﻪ ﺷﻲ ﻟﻠﺨﻤﻴﺲ
ﺍﻱ
ﺭﺩﺗﻲ ﺷﻲ ﺑﻌﺪ ﻋﺪﺝ ﺷﻲ ﻧﺎﻗﺺ
ﻻ ﻛﻠﺸﻲ ﺗﻤﺎﻡ ﺑﺲ ﺩﺍﻧﺘﻀﺮ
ﻣﻮ ﻛﺜﺮﻱ ﺍﺻﺒﺮﻱ ﻭﺷﻮﻓﻲ ﻣﻦ ﺍﻋﻘﺪ ﺷﺴﻮﻱ
ﺷﺘﺴﻮﻱ
ﺣﻨﺴﻴﺞ ﺍﻳﺎﻣﻨﺎ ﺍﻟﺘﻌﺬﺑﻨﺎ ﺑﻴﻬﺎ ﻭﺍﻋﻮﺿﺞ ﺑﺲ ﺍﻧﻄﻴﻨﻲ ﻣﺠﺎﻝ ﻣﺘﺸﻮﻕ ﺣﻴﻞ ﺳﻨﺪ ﻭﺍﺣﺲ ﻛﻞ ﺍﻟﺤﺠﻲ ﻣﻴﻜﻔﻲ ﻭﻣﺎﺭﻳﺪ ﺍﺣﺠﻲ ﺍﺭﻳﺪ ﻫﻮﺍﻱ ﺷﻐﻼﺕ ﺍﺳﻮﻳﻬﺎ ﺑﺒﺎﻟﻲ ﻫﻮﺍﻱ ﺍﻣﻮﺭ ﺍﺭﻳﺪ ﺍﺷﻮﻑ ﻣﻼﻣﺤﺞ ﺑﻴﻬﺎ ﻣﻦ ﺗﺘﻐﻴﺮ
ﺍﻧﻲ ﻫﻢ
ﺍﺧﺬﺕ ﺭﺑﺎﻁ ﻧﻔﺲ ﺍﻟﻠﻮﻥ ﺍﻟﺮﺩﺗﻲ ﻭﺻﺎﻝ ﻛﺎﻟﺖ ﻋﻠﻲ
ﺍﻱ ﻭﻭﺭﺩﻩ ﻫﻢ
ﺍﻱ ﻭﻳﺎﻩ ﻭﺭﺩﻩ .
ﺍﻣﻢ
ﺷﻮﻥ ﺑﺪﻟﻪ ﺍﺧﺬﺗﻲ
ﻣﺜﻞ ﻣﻜﻠﺖ ﺭﺩﻥ ﻭﻣﺴﺘﺮﻩ
ﺍﻱ ﺍﺭﻳﺪﺝ ﺗﺒﻘﻴﻦ ﻣﻠﻔﻮﻓﻪ ﺑﺲ ﺍﻧﻲ
ﻭﺳﻜﺖ ﺟﺮ ﺣﺴﺮﻩ
ﺍﻣﻴﺮﺗﻲ ﺭﻭﺣﻲ ﻧﺎﻣﻲ ﺩﺗﻘﺮﻳﻦ
ﺍﻱ
ﻳﻠﻪ ﺗﺼﺒﺤﻴﻦ ﻋﻠﻰ ﺧﻴﺮ ﻧﻠﺘﻘﻲ ﺍﻟﺨﻤﻴﺲ
ﺍﻣﻢ
ﺗﺼﺒﺤﻴﻦ ﻋﻠﻰ ﺧﻴﺮ
ﺍﻱ
ﺳﻨﻮﺩ
ﻧﻌﻢ
ﻟﻴﺶ ﻣﺘﻤﻮﻟﻴﻦ ﻭﺍﻧﺖ ﻣﻦ ﺍﻫﻠﻲ
ﻣﻮﻣﺎﺭﻳﺪ ﺍﺭﻭﺡ
ﺷﻮﻥ ﺑﻴﺞ ﺍﺧﺎﻑ ﺍﻟﻠﻪ ﻳﻌﺎﻗﺒﻨﻲ ﻣﺎﺭﻳﺪ ﺍﺳﻮﻱ ﺷﻲ ﺣﺮﺍﻡ ﺑﻌﺪ ﻭﻳﺎﺝ
ﺍﻱ ﻣﻮ ﺍﻭﻙ ﻳﻠﻪ ﺍﻭﻙ
ﻳﻠﻪ ﻋﻤﺮﻱ . ﻣﺒﻘﻰ ﺷﻲ ﻟﻠﺨﻤﻴﺲ ﺑﺎﻟﺤﻼﻝ ﺍﺣﻠﻰ
ﺍﻭﻙ
ﺑﺎﻱ
ﺑﺎﻱ ﺣﻴﺎﺗﻲ ﻭﻧﺒﺾ ﻛﻠﺒﻲ ﻭﺳﻠﺴﺒﻴﻞ ﺍﻟﺮﻭﺡ
ﺳﺪﻳﺘﻪ ﻣﻨﻪ ﻏﻤﻀﺖ ﻭﻧﻤﺖ ﺑﺮﺍﺣﻪ
ﺛﺎﻧﻲ ﻳﻮﻡ ﺍﻟﺼﺒﺢ ﻭﺩﺍﻧﻲ ﻋﻤﻮ ﺑﻴﺖ ﺟﺪﻭ ﺗﻮﻧﻲ ﻃﺒﻴﺖ ﻃﺒﺖ ﻋﻤﺘﻲ ﺍﻡ ﻋﻠﻲ ﻭﺭﺯﺍﻥ ﻭﻳﺎﻫﺎ ﺑﺎﻭﻋﺘﻠﻲ ﻋﻤﺘﻲ ﺑﻮﺳﺘﻨﻲ ﺑﺲ ﺟﺎﻧﺖ ﻋﺼﺒﻴﻪ
ﻃﺒﻴﺖ ﻭﻱ ﺭﺯﺍﻥ
ﺷﻜﻮ
ﻛﻠﺖ ﻻﻣﻲ ﻛﺎﻟﺖ ﺍﺫﺍ ﺣﺠﻴﺘﻲ ﺍﻛﻠﺐ ﺍﻟﺪﻧﻴﺎ ﻭﺭﺯﻟﺖ ﻋﻠﻲ ﻫﻢ
ﻋﺰﺯﻩ ﺗﺎﻟﻲ
ﺍﻧﻲ ﺭﺍﺡ ﺍﺣﺠﻲ ﻟﺨﺎﻟﻮ ﻋﻠﻲ ﻛﻠﻲ ﺣﻴﺎﺗﺞ ﻫﺎﻱ ﺍﻧﺘﻲ ﻣﻦ ﻳﺸﻮﻓﻮﺝ ﺭﺍﻓﻀﻪ ﻣﻦ ﻧﻔﺴﺞ ﻣﺤﺪ ﻳﻜﺪﺭ ﻳﻔﺘﺢ ﺣﻠﻜﻪ
ﺯﻳﻦ
ﻫﻮ ﺧﺎﻟﻲ ﻃﻠﻊ
ﻻ ﺗﻮﻧﻲ ﺷﻔﺘﻪ ﻳﻢ ﺑﻴﺒﻲ
ﺯﻳﻦ
ﺳﻨﺪ - ﻃﺒﺖ ﺭﺯﺍﻥ ﻭﺍﻛﻬﺎ ﻛﺎﻋﺪﻩ ﻭﻱ ﺧﺎﻟﻪ ﺍﻟﻬﺎﻡ ﺍﻡ ﺳﻠﻴﻢ ﻭﺑﻴﺒﻲ ﻳﺤﺠﻮﻥ ﻃﺒﺖ ﻟﺨﺎﻟﻮ ﺍﺻﻴﻞ ﻟﻠﻐﺮﻓﻪ ﺟﺎﻥ ﺩﻳﻘﺮﻩ ﻗﺮﺍﻥ ﺑﺎﻭﻋﻠﻬﺎ ﻭﺻﺪﻕ ﻃﺒﻴﺖ ﻭﺭﺍﻫﺎ ﻛﺎﻟﺖ
ﺧﺎﻟﻮ ﻣﻤﻜﻦ ﺍﺣﺎﺟﻴﻚ ﺑﻤﻮﺿﻮﻉ
ﻛﻮﻟﻲ ﺧﺎﻟﻲ ﺗﻌﺎﻱ ﻳﻤﻲ ﺍﻭﻝ ﺳﻨﻮﺩﻩ ﻋﻤﻮ ﺷﻮ ﻣﺎﻛﻮ ﺑﻮﺳﻪ ﻟﻮ ﺟﻴﻒ ﺍﻟﺒﺎﺭﺣﻪ ﺟﻨﺘﻲ ﻫﻨﺎ
ﻻﻋﻤﻮ ﺷﻌﺪﻱ ﻏﻴﺮﻙ ﺑﺴﺘﻪ ﻭﺣﻀﻨﺘﻪ ﻭﺭﺯﺍﻥ ﺗﻔﺮﻙ ﺑﻴﺪﻫﺎ ﺧﺎﻟﻮ ﺍﻧﻲ ﺍﺭﻳﺪ ﺍﻓﺼﺦ ﻛﺎﻟﺘﻬﺎ ﻭﻃﺐ ﻋﻤﻮ ﺍﺳﻤﺎﻋﻴﻞ ﻭﺳﺪ ﺍﻟﺒﺎﺏ ﺑﺎﻭﻋﻠﻬﺎ ﻳﺒﺘﺴﻢ ﺣﻀﻨﻬﺎ ﻭﻳﻤﺴﺪ ﺑﺮﺍﺳﻬﺎ
ﻫﻲ ﻧﺼﺖ ﻭﻋﻤﻮ ﺍﺻﻴﻞ ﺣﺮ ﻧﻔﺲ ﻛﺎﻝبيج قصص عراقيه حقيقيه من واقعنا.روعه الطائي
ﺍﺳﻤﻌﻬﺎ ﺍﺳﻤﺎﻋﻴﻞ ﻭﺍﻧﻄﻴﻬﺎ ﻣﺠﺎﻝ
ﺷﻜﻮ ﺯﻭﻧﻪ ﺧﺎﻟﻮ ﺷﺒﻴﺞ
ﺧﺎﻟﻮ ﺍﻧﻲ ﺍﺭﻳﺪﺍﻓﺼﺦ ﺍﻟﺨﻄﻮﺑﻪ ﻣﺎﺭﻳﺪ ﺍﺗﺰﻭﺝ ﺳﻠﻴﻢ
ﻛﺎﻟﺘﻬﺎ ﻭﻋﻴﻮﻧﻬﺎ ﺍﻧﺘﺮﺳﺖ ﺩﻣﻊ ﺍﻣﻬﺎ ﺑﺮﻩ ﻣﺘﺪﺭﻱ ﺑﻬﺎﻟﺤﺠﻲ ﻃﺒﺖ ﺍﻣﻬﺎ ﻭﻫﻲ ﺳﻜﺘﺖ ﺑﻘﺖ ﺍﻣﻬﺎ ﻛﺨﻨﺰﺭﻩ ﻋﻠﻴﻬﺎ ﻣﻦ ﻧﻀﺮﺍﺕ ﺧﻮﺍﻟﻬﺎ ﺍﻟﻬﺎ ﺍﻓﺘﻬﻤﺖ
ﻛﺎﻟﺖ
ﺷﺒﻴﻜﻢ
ﺍﺳﻤﺎﻋﻴﻞ - ﺧﺎﻟﻮ ﺣﺎﺟﻴﺘﻪ ﻭﻓﻬﻤﺘﻪ ﻣﻴﻌﻴﺪﻫﺎ ﺑﻌﺪ ﺣﺒﻴﺒﺘﻲ ﻫﻮ ﺷﻮﻱ ﻣﺘﻮﺗﺮ ﻫﺎﻟﻔﺘﺮﻩ ﻋﺪﻩ ﻣﺸﺎﻛﻞ ﺑﺎﻟﻌﻤﻞ
ﺧﺎﻟﻮ ﻣﻮ ﻋﻠﻤﻮﺩ ﻫﺎﻟﺸﻲ ﺍﺍﻧﻲ ﻣﺎﺍﺗﻮﺍﻟﻢ ﻭﻳﺎﻩ ﻫﻮ ﻋﺼﺒﻲ ﺣﺘﻰ ﺍﺧﺎﻑ ﻣﻨﻪ ﻋﻤﺘﻲ ﻧﺘﺮﺕ ﺑﻴﻬﺎ
ﺭﺯﺍﻥ ﺳﺪﻱ ﺣﻠﻜﺞ . ﻭﺣﺴﺞ ﻣﻴﻄﻠﻊ ﻭﻳﻦ ﺗﻠﻤﻴﻦ ﻣﺜﻞ ﺳﻠﻴﻢ ﻣﻌﻠﻴﻚ ﻣﻨﻬﺎ ﺍﺳﻤﺎﻋﻴﻞ ﻫﺎﻱ ﺑﻄﺮﺍﻧﻪ
ﺩﺗﺤﺠﻲ ﻭﻱ ﻋﻤﻮ ﺍﺳﻤﺎﻋﻴﻞ ﻭﺻﺎﺭ ﺻﻮﺕ ﺳﻠﻴﻢ
ﺍﻟﺴﻼﻡ ﻋﻠﻴﻜﻢ
ﺳﻨﺪ - ﺗﻠﻔﺖ ﻋﺎﻟﻤﻮﺣﻮﺩﻳﻦ ﻭﺍﻧﺘﺒﻪ ﻛﻠﻬﻢ ﺩﺍﻳﺮ ﻣﺪﺍﻳﺮ ﺭﺯﺍﻥ ﻭﺭﺯﺍﻥ ﺭﺟﻌﺖ ﻟﻴﻮﺭﻩ ﻳﻢ ﻋﻤﻮ ﺍﺳﻤﺎﻋﻴﻞ ﺍﻟﻠﻲ ﺟﺮ ﺣﺴﺮﻩ ﺑﻄﺒﺘﻪ ﻛﺎﻝ
ﻳﺎﺑﻪ ﺭﺯﺍﻥ ﺗﻜﻮﻝ ﻣﺎﺭﻳﺪ ﺍﻋﻘﺪ ﻭﻛﻠﻤﻦ ﻳﺮﻭﺡ ﻟﺪﺭﺑﻪ
ﺳﻠﻴﻢ ﺑﻘﻪ ﺻﺎﻓﻦ ﺭﻓﻊ ﺗﻚ ﺣﺎﺟﺐ ﺑﺎﻭﻋﻠﻬﺎ ﺑﻐﻀﺐ ﺿﻴﻖ ﻋﻴﻨﻪ
ﺭﺯﺍﻥ - ﺑﻠﻌﺖ ﺭﻳﻚ ﻭﺍﻣﻲ ﺗﻌﺾ ﺑﺸﻔﺘﻬﺎ ﺑﺎﻭﻋﺖ ﻟﺨﺎﻟﻲ ﺍﺳﻤﺎﻋﻴﻞ ﻛﺎﻝ
ﺧﺎﻟﻮ ﻛﻌﺪﻭ ﺍﺣﺠﻮ ﺗﻔﺎﻫﻤﻮ
ﺧﺎﻟﻮ ﻣﺎﺭﻳﺪ ﻛﻠﺘﻬﺎ ﻭﻋﺒﺴﺖ ﻭﺟﻬﻲ ﻣﺎﺭﻳﺪ ﻛﻮﻩ ﻫﻲ . ﺍﻟﻮﻟﺪ ﻣﻴﺮﻳﺪﻧﻲ ﻭﺍﻧﻲ ﻣﺎﺍﺗﺤﻤﻞ ﻭﺍﺣﺪ ﻣﻴﺮﻳﺪﻧﻲ ﻭﻳﺠﺒﺮﻭ ﻋﻠﻴﻪ
ﺳﻨﺪ - ﻛﺎﻟﺘﻬﺎ ﺑﺼﻮﺕ ﻳﺮﺟﻒ ﺳﻠﻴﻢ ﺻﺎﻓﻦ ﻋﻠﻴﻬﺎ ﻣﻀﻴﻖ ﻋﻴﻨﻪ ﻋﻤﻮ ﺍﺳﻤﺎﻋﻴﻞ ﺑﺎﻭﻉ ﻟﺴﻠﻴﻢ ﺑﻐﻀﺐ
ﻧﺼﺖ ﺭﺯﺍﻥ ﺗﺒﺠﻲ ﻭﺗﺮﺟﻒ ﻭﺗﺤﺠﻲ
ﺍﺍﻧﻲ ﻣﻦ ﺍﻭﻝ ﺟﻨﺖ ﻣﺘﺮﺩﺩﻩ ﻭﻫﺴﻪ ﻫﺎﻫﻲ ﺑﻌﺪ ﻗﺮﺭﺕ ﻧﺎﻗﺼﻨﻲ ﺷﻲ ﺧﺎﻟﻮ ﺍﻧﻲ ﺑﺲ ﻓﻬﻤﻨﻲ
ﻻﺧﺎﻟﻮ ﺣﺒﻴﺒﺘﻲ ﻛﺎﻣﻠﻪ ﺑﺲ ﻫﻮﺍﻟﻨﺎﻗﺺ ﺍﻟﻤﻌﺮﻑ ﻗﻴﻤﺘﺞ
ﻻﺧﺎﻟﻮ ﻫﻮ،ﻣﻌﻠﻴﻪ ﻫﻮ ﻣﻴﺮﻳﺪ ﻭﺍﻧﺘﻮ ﺟﺒﺮﺗﻮ
ﻛﺎﻟﺘﻬﺎ ﺻﻮﺕ ﻳﺮﺟﻒ ﻭﺑﺎﻭﻋﺘﻠﻪ ﻫﻮ ﺻﺎﻓﻦ ﻋﻠﻴﻬﺎ ﻧﺘﺮ
ﻭﻣﻨﻮ ﻛﺎﻟﺞ ﻣﺎﺭﻳﺪﺝ
ﺳﻨﺪ - ﻓﻜﻴﺖ ﺣﻠﻜﻲ ﺑﻘﻪ ﻣﺨﻨﺰﺭ ﻋﻠﻴﻬﺎ ﺍﻧﺘﻲ ﺍﺫﺍ ﻣﺮﺍﺿﻴﻪ ﻭﻣﻐﺼﻮ ﺑﻪ ﻫﺬﺍ ﺑﺤﺚ ﺍﺧﺮ ﺑﺲ ﻟﺘﺤﺠﻴﻨﻲ ﺣﺠﺎﻳﻪ ﻣﺤﺎﺟﻴﺘﻬﺎ ﺣﺘﻰ ﺗﺨﻠﺼﻴﻦ
ﺑﻠﻌﺖ ﺭﻳﻚ ﺭﺯﺍﻥ ﻭﻋﻴﻮﻧﻬﺎ ﺍﻧﻔﻜﺖ ﻛﻠﻬﻦ ﻭﺍﻧﺘﺮﺳﺖ ﺩﻣﻊ ﺍﻧﺪﺍﺭ ﻟﻌﻤﻮ ﺍﺳﻤﺎﻋﻴﻞ ﺑﺲ ﻣﻴﺒﺎﻭﻋﻠﻪ ﻋﻴﻮﻧﻪ ﺑﺎﻟﻜﻊ
ﻳﺎﺑﻪ . ﻋﻤﻪ ﻫﺎﻟﺨﻤﻴﺲ ﺍﻟﺼﺒﺢ ﺍﺭﻭﺡ ﺍﻋﻘﺪ ﻣﺤﻜﻤﻪ ﺧﻠﻲ ﻋﻠﻲ ﻳﺤﻀﺮ ﺍﻭﺭﺍﻗﻬﺎ ﺍﺫﺍ ﻗﺒﻠﺖ ﻭﺍﺫﺍ ﻣﻘﺒﻠﺖ ﻣﺤﺪ ﻳﺠﺒﺮﻫﺎ ﻗﺎﺑﻞ ﺧﻠﺼﻮ ﺍﻟﻨﺴﻮﺍﻥ
ﺍﺗﺮﺧﺺ ﺍﻧﻲ
ﻭﻃﻠﻊ ﻣﻦ ﺍﻟﻐﺮﻓﻪ ﺭﺍﺡ ﻟﺒﻴﺘﻬﻢ
ﺑﻘﻴﻨﺎ ﺻﺎﻓﻨﻴﻦ ﻋﻤﻮ ﺍﺳﻤﺎﻋﻴﻞ ﺍﺭﺗﺎﺡ ﻭﺍﺑﺘﺴﻢ ﻭﺣﻀﻦ ﺭﺯﺍﻥ ﻭﻫﻲ ﻃﻜﺘﻬﺎ ﺍﻟﺒﺤﻴﻪ ﺍﻟﺠﺎﻧﺖ ﺣﺎﺻﺮﺗﻬﺎ ﻛﺎﻟﻠﻬﺎ
ﺍﻏﺒﺮ ﺍﺫﺍ ﺿﻴﻌﺞ ﻣﻦ ﺍﻳﺪﻩ ﺭﺯﻭﻧﻪ ﺧﺎﻟﻮ ﺣﻴﺎﺗﻲ
ﻋﻤﻮ ﺍﺻﻴﻞ ﻓﺮﻙ ﻭﺟﻬﻪ ﻭﻫﻤﺲ
ﻭﺍﻟﻠﻪ ﻳﺨﻮﻑ ﺍﺑﻨﻚ
ﻳﺎﺑﻪ ﺧﻞ ﻳﺘﺰﻭﺝ ﻭﺗﺼﻴﺮ ﺍﻟﺮﻭﺡ ﻭﺍﻟﺮﻳﻪ ﻏﻴﺮ ﺑﻌﺪﻩ ﻃﺎﻳﺮ ﻭﺗﺸﻮﻓﻪ ﻳﻬﻮﺑﺰ ﻋﻠﻴﻨﺎ
ﺍﻟﻠﻪ ﻳﺴﻤﻊ ﻣﻨﻚ
ﺍﺧﺬﻧﺎ ﻣﺤﺎﺿﺮﺍﺕ ﻭﺭﺯﺍﻥ ﺻﺎﻓﻨﻪ ﻣﺒﺘﺴﻤﻪ ﻛﻤﻠﻨﺎ ﻭﺍﻟﺘﻔﺘﺖ ﻋﻠﻴﻪ
ﻭﺍﻟﻘﺮﺍﻥ ﻛﻠﺸﻲ ﻣﻔﻬﻤﺘﻲ ﻣﻮ
ﺷﻔﺘﻲ ﺷﻮﻥ ﻛﺎﻝ ﻣﻦ . ﻛﺎﻝ ﺍﻧﻲ ﻣﺮﺍﻳﺪﺝ
ﺍﻱ ﺷﻔﺘﻪ ﻋﺒﺎﻟﻚ ﺩﻳﺘﻌﺎﺭﻙ
ﻟﺞ ﻛﻠﺒﻲ ﺭﺍﺡ ﺳﻨﺪ ﻻ ﻭﻳﻜﻮﻝ ﺍﻟﺨﻤﻴﺲ ﻧﻌﻘﺪ ﺍﺫﺍ ﺭﺿﺖ ﻭﻟﻚ ﺍﺭﺿﻲ ﺍﻧﻲ ﻭﻋﺸﻴﺮﺗﻲ .
ﺭﺯﺍﻥ ﻣﺘﺎﻛﺪﻩ
ﻭﺍﻟﻠﻪ ﻣﺎﺩﺍﻡ ﻫﻮ ﺍﻟﻜﺎﻝ ﺍﺭﻳﺪﻫﺎ ﺍﻧﺴﻲ ﺍﻣﻪ ﻭﺍﺑﻮ ﻣﻮ ﺑﺲ ﻫﺒﻪ ﺑﻌﺪ
ﺍﻧﺸﺎﺀ ﺍﻟﻠﻪ
ﺍﺻﻼ ﻣﻦ ﻛﺎﻝ ﻫﻴﺞ ﻭﻣﻐﺘﻨﻢ ﺍﻟﻔﺮﺻﻪ ﻭﻓﺼﺦ ﻣﻌﻨﺎﻩ ﻫﻮ ﻳﺮﻳﺪ ﻳﺨﻠﺚ ﻭﻳﺮﺗﺎﺡ ﻭﻳﺘﺰﻭﺝ ﻭﺍﻧﻲ ﺣﺼﻴﺮ ﻛﻞ ﺣﻴﺎﺗﻪ ﻫﻬﻬﻪ
ﻛﺎﻟﺘﻬﺎ ﻭﺟﺘﻲ ﺑﺤﻀﻨﻲ ﺣﻀﻨﺘﻬﺎ ﻭﻛﻤﺖ ﺍﻛﻮﻝ ﻟﺒﻴﺒﻲ ﻋﺎﻟﺤﻔﻠﻪ ﻣﺎﻝ ﻣﻬﺮﻱ ﻭﺑﻘﻴﻪ ﺍﻟﺘﺤﻀﻴﺮﺍﺕ ﺩﻙ ﺗﻠﻔﻮﻧﻲ ﻣﺴﺞ ﻣﻨﻪ
ﺷﺴﻮﻱ ﻭﺍﻧﺴﺎﺝ ﻋﺎﻳﻒ ﺷﻐﻠﻲ ﻭﻣﻠﺘﻬﻲ ﺑﺬﻛﺮﻳﺎﺗﺞ ﺷﻮﻥ ﺑﻴﻪ
ﺍﻧﻲ ﻗﺮﻳﺖ ﻭﻫﺴﻪ ﺩﻧﺤﻀﺮ ﺍﻟﻜﺎﺳﺎﺕ
ﻳﻤﻪ ﻛﻮﻥ ﺍﻧﻜﻠﺐ ﻛﺎﺳﻪ ﻣﻬﺮ
ﻫﻬﻬﻬﻪ ﻋﻨﻮﻧﻴﻪ
ﺍﻧﺠﻌﺺ ﺑﻴﻬﺎ ﻣﻴﻬﻢ
ﺍﺻﻒ
ﻫﺎ ﻋﻴﻨﻲ
ﺍﻫﻮ ﻫﻢ ﺭﻛﻌﻨﺎ ﻋﻠﻰ ﻋﻴﻨﻲ
ﻋﻴﻨﻲ ﻭﺭﻭﺣﻲ ﻭﻛﻠﺒﻲ ﺣﺪﻙ ﺟﺎﻭﺑﻲ
ﻻﻻ ﺑﻴﺒﻲ ﻭﺍﻟﻌﺸﻴﺮﻩ ﻳﻤﻲ
ﺩﺭﻭﺣﻲ ﻟﻌﺪ ﺑﺎﻱ
ﺑﺎﻱ
ﻛﻤﻠﻨﺎ ﺗﺤﻀﻴﺮﺍﺕ ﻟﻴﺎﻥ ﻛﺎﻧﺖ ﺷﻐﻠﺘﻬﺎ ﺗﺮﺗﺐ ﺍﻻﻏﺎﻧﻲ ﻭﺍﻟﺼﺎﻟﻪ ﺳﻮﺕ ﻛﻮﺷﻪ ﺑﺎﻟﺤﺎﻳﻂ ﺣﺮﻓﻲ ﻭﺣﺮﻓﻪ ﺑﻜﻞ ﺑﺴﺎﻃﻪ ﺟﺎﻧﺖ ﻛﻠﺶ ﺣﻠﻮﻩ ﻭﺣﻀﺮﻧﺎ ﻛﻞ ﺍﻟﻨﻮﺍﻗﺺ ﺳﻠﻴﻢ ﻫﺎﻟﻔﺘﺮﻩ ﻛﻠﺶ ﺗﻌﺒﺎﻥ ﺑﺲ ﻳﺘﺼﻔﻦ ﻭﻳﺘﻌﺎﺭﻙ ﻛﻢ ﻣﺮﻩ ﻧﺴﻤﻌﻪ ﻭﻱ ﻋﻤﻮ ﺍﺳﻤﺎﻋﻴﻞ ﺗﻜﺐ ﻟﻠﺴﺘﺎﺭ ﻭﺑﻴﺒﻲ ﺗﺮﻭﺡ ﺭﻛﺾ ﻭﻱ ﻋﻤﻮ ﺍﺻﻴﻞ ﻭﻳﻜﻮﻟﻮﻥ ﻟﺤﺪ ﻳﺠﻲ
ﺷﻮﻱ ﻭﻳﺮﺟﻌﻮﻥ
ﻣﺠﻨﻨﺎ ﻧﻌﺮﻑ ﺷﻜﻮ .
ﺍﻟﻤﻬﺮ ﺍﻟﺒﺎﺟﺮ ﺭﻧﺪ ﺑﺎﺗﺖ ﻋﺪﻧﺎ ﻭﺭﺯﺍﻥ ﻫﻢ ﺑﺎﺗﺖ ﻳﻤﻲ ﻛﻮﻩ ﻗﺒﻠﺖ ﻋﻤﺘﻲ ﻭﺳﻴﺮﻭﺍﻥ ﻛﻠﺴﺎ ﻣﺨﺎﺑﺮﻫﺎ ﻟﺮﻧﺪ ﻭﺭﺍﻳﺤﻪ ﻟﻠﻬﻮﻝ ﻳﻤﻪ ﺷﻮﻱ ﻭﺗﺠﻲ ﻳﻤﻲ
ﺳﻮﻳﺖ ﻭﺟﻬﻲ ﻭﻣﺎﻣﺎ ﺗﻄﺶ ﺟﻜﻠﻴﺖ ﻓﻮﻙ ﺭﺍﺳﻲ ﺭﻧﺪ ﺍﺣﺘﺠﺖ
ﻣﺎﻣﺎ ﺷﻮ ﻣﻔﺮﺣﺘﻲ ﺑﻌﺮﺳﻲ ﻛﺪ ﻋﺮﺱ ﺳﻨﺪ ﻫﺎﺍ
ﻭﺍﻟﻠﻪ ﻳﻤﻪ ﺍﺻﻒ ﺭﺟﺎﻝ ﻭﺳﺒﻊ . ﺭﻏﻢ ﻣﺎﺍﻫﻠﻪ ﻳﺨﻮﻓﻮﻥ ﺑﺲ ﻭﺍﺛﻘﻪ ﺑﻴﻪ ﻣﻴﺨﻠﻴﻬﺎ ﺗﻨﺰﻝ ﺩﻣﻌﻪ ﻣﻨﻬﺎ
ﻭﺷﺒﻲ ﺳﻴﺮﻭﺍﻥ ﻓﺪﻭﻩ ﻻﻟﻠﻪ ﻳﺨﺒﻞ
ﺍﻣﻢ ﺍﻟﻠﻪ ﻳﺴﺘﺮ ﻣﻦ ﺍﻣﻪ ﺑﺲ
ﻫﺎﺍﺍ ﻳﻌﻨﻲ ﺭﺟﻠﻲ ﺧﺮﺧﺎﺷﻪ ﺑﻴﺪ ﺍﻣﻪ ﻗﺼﺪﺝ ﻣﻮ ﻛﺪﺍﻣﺞ ﻋﺎﻓﻬﺎ
ﺍﻱ ﻳﻤﻪ ﻫﺴﻪ ﺍﻧﻲ ﺷﻜﻠﺖ ﺍﻟﺤﻤﺪ ﻟﻠﻪ ﺛﻨﻴﻨﻜﻢ ﻋﻠﻰ ﺣﺐ ﻭﻫﺬﺍ ﺍﻟﺠﻨﺖ ﺍﺗﻤﻨﺎﻩ ﺳﻨﺪ ﻣﺎﻣﺎ ﺍﺻﻒ ﺩﻙ ﻋﻠﻰ ﻋﻤﺞ ﻭﺍﺳﺘﺎﺫﻧﻪ ﺍﻟﺼﺒﺢ ﻳﺠﻲ ﻳﺎﺧﺬﺝ ﻟﻠﺼﺎﻟﻮﻥ
ﻳﻤﻪ ﺍﺭﻭﺣﻠﻪ ﻓﺪﻭﻩ ﺷﻜﺪ ﺫﻭﻕ
ﻭﺻﺒﺢ ﺍﻟﺼﺒﺢ ﻭﺍﻧﻲ ﻣﻨﺎﻳﻤﻪ ﻏﻴﺮ ﺳﺎﻋﺘﻴﻦ ﻣﻦ ﻭﺭﻩ ﺫﻧﻪ ﻭﺣﺠﻴﻬﻢ ﺭﺳﺎﻳﻞ ﺣﺒﻴﺒﻲ ﺍﻟﻤﻠﻴﺎﻧﻪ ﻋﺴﻞ
ﺑﻘﻪ ﺳﺒﻊ ﺳﺎﻋﺎﺕ ﻭﺗﻜﻮﻧﻴﻦ ﺣﺮﻡ ﺍﺻﻒ . ﻧﺎﻣﻲ ﺑﻌﺪ ﺭﻭﺣﻲ ﻧﺎﻣﻲ ﻣﺮﺍﺡ ﺍﺭﺩ ﻻﻥ ﺍﺫﺍ ﺭﺩﻳﺖ ﻋﻠﻴﺞ ﻣﺎﺭﺍﺡ ﺍﺳﺪﻩ ﻟﻠﺼﺒﺢ ﻛﺪﻣﺎ ﺍﻟﺸﻮﻕ ﻣﺎﻛﻞ ﺑﻴﻪ ﺍﻛﻞ
ﻛﻌﺪﺗﻨﻲ ﻣﺎﻣﺎ ﺏ٩ ﻭﻃﺒﻴﺖ ﺳﺒﺤﺖ ﻭﺗﻨﺸﻒ ﺑﺸﻌﺮﻱ ﻭﺍﺑﺪﻝ ﻃﻠﻌﺖ ﻟﻜﻴﺖ ﻋﻤﻮ ﻣﺤﻀﺮﻟﻲ ﻛﻼﺹ ﻋﺼﻴﺮ ﺑﺮﺗﻘﺎﻝ ﻳﺒﺎﻭﻋﻠﻲ ﻣﺒﺘﺴﻢ
ﻓﺮﺣﺎﻧﻪ ﻳﺎﺑﻪ
ﺍﻱ ﻛﻠﺶ
ﺍﻟﻠﻪ ﺑﻬﻨﻴﺞ ﺣﺒﻴﺒﺘﻲ
ﻭﻳﻔﺮﺣﻚ ﺑﺠﻬﺎﻟﻚ ﺍﻟﻠﻲ ﺑﺒﻄﻦ ﻣﺎﻣﺎ ﻭﻓﻬﻮﺩﻱ
ﻳﺴﻤﻊ ﻣﻨﺞ ﺭﺑﻲ ﻳﻠﻪ ﺑﺎﺑﺎ ﺍﻟﻮﻟﺪ ﺍﺗﺼﻞ ﻛﺎﻝ ﺟﺎﻱ ﻋﻠﻴﻬﺎ ﻭﻱ ﺍﺧﺘﻪ
ﺍﻭﻙ ﻛﻤﻠﺖ ﺗﺒﺪﻳﻞ ﻭﺟﻬﻲ ﺍﺣﺲ ﺣﻴﻄﻚ ﻣﻦ ﺍﻟﺤﻤﺎﺭ ﺍﻟﺒﻲ ﺭﺯﺍﻥ ﻭﺭﻧﺪ ﻛﻌﺪﻭ ﻭﺭﻛﻌﻮ ﻧﺎﻣﻮ ﺷﻜﻮ ﻋﻠﻴﻬﻢ ﺍﻧﻲ ﺍﻟﺮﺍﺡ ﺍﻯﻜﻊ ﺑﻴﻬﺎ . ﺍﺟﻪ ﺍﺻﻒ ﻭﻛﻠﺒﻲ ﺩﻙ ﺳﺮﻳﻊ ﻣﻦ ﺩﻙ ﻫﻮﺭﻥ ﻃﻠﻌﻠﻪ ﻋﻤﻮ ﻭﻧﺰﻝ ﺭﺍﺳﻦ ﺳﻠﻢ ﻭﺑﻮﺳﻪ ﻭﺍﻧﻲ ﺍﺑﺎﻭﻋﻠﻪ ﻣﻦ ﺍﻟﺰﺭﻑ ﺍﺣﺲ ﺭﻭﺣﻲ ﺗﺮﺟﻒ
ﺗﻔﻀﻞ ﺍﺻﻒ ﺗﻌﺎﻝ ﻓﻮﺕ
ﻻ ﻋﻤﻲ ﻭﺍﻟﻠﻪ ﺗﺎﺧﺮﻧﺎ ﺑﻠﻪ ﺍﻣﺮ ﻋﻠﻴﻚ ﺻﻴﺤﻬﺎ
ﺯﻳﻦ ﻣﺘﺸﺮﺏ ﺷﻲ ﻋﻤﻲ ﺗﻤﻀﻤﺾ ﻭﺍﻃﻠﻊ
ﻻ ﻫﻬﻬﻪ ﻻ ﻋﺎﻟﺠﺎﻳﺎﺕ ﻫﻮﺍﻱ ﺑﺎﺫﻥ ﺍﻟﻠﻪ
ﺑﺎﺫﻥ ﺍﻟﻠﻪ ﻳﺎﺑﻪ ﻳﻠﻪ ﺑﺎﺑﺎ ﺳﻨﺪﺩ
ﺍﻱ ﻳﺎﺑﻪ ﺟﻴﺖ ﻃﻠﻌﺖ ﻣﻦ ﻭﺭﻩ ﺍﻟﺒﺎﺏ ﺍﻓﺮﻙ ﺍﻳﺪﻱ ﺑﺎﻳﺪﻱ ﺍﻟﻠﺦ ﺟﺎﻥ ﺍﺻﻒ ﻣﺒﺘﺴﻢ ﻭﻏﺎﺑﺖ ﺍﺑﺘﺴﺎﻣﺘﻪ ﻧﻔﺲ ﺍﻭﻝ ﻣﺮﻩ ﻣﻦ ﺷﺎﻓﻨﻲ ﺫﺑﻠﺖ ﻣﻼﻣﺤﻪ ﻭﺭﺧﻪ ﺟﻔﻦ ﻋﻴﻨﻪ ﺍﻓﺘﺮﻳﺖ ﻭﺍﻧﻲ ﻣﻨﺼﻴﻪ ﺻﻌﺪﺕ ﻟﻴﻮﺭﻩ ﺳﻠﻤﺖ ﻋﻠﻰ ﺍﺧﺘﻪ ﺍﻟﻠﻲ ﺍﺑﺘﺴﻤﺘﻠﻲ ﺑﻔﺮﺡ ﻭﻫﻮ ﺍﻓﺘﺮ ﺻﻌﺪ ﻭﻃﻠﻊ
ﺻﺒﺎﺥ ﺍﻟﺨﻴﺮ .
ﺭﻓﻌﺖ ﺭﺍﺳﻲ ﺷﻔﺘﻪ ﻳﺒﺎﻭﻋﻠﻲ ﺑﺎﻟﻤﺮﺍﻳﻪ ﻣﺒﺘﺴﻢ ﻧﺼﻴﺖ ﺭﺍﺳﻲ ﺧﺠﻠﺖ ﻣﻦ ﺍﺧﺘﻪ ﻭﺷﻐﻞ ﺍﻏﻨﻴﻪ
ﺣﺒﻴﺒﻲ ﺻﺒﺎﺡ ﺍﻟﺨﻴﺮ ﺻﺒﺎﺣﻚ ﻭﺭﺩ ﻭﻓﻞ ﻭﻟﻮﺯ ﻳﺎﻋﻤﺮﻱ ﺻﺒﺎﺡ ﺍﻟﺨﻴﺮ ﻳﻠﻪ ﺍﺻﺤﻰ ﻏﻨﺖ ﻓﻴﺮﻭﺯ ﻭﺍﻡ ﻋﻠﻲ ﺗﻀﺤﻚ ﺑﻘﻴﺖ ﻣﻨﺼﻴﻪ ﻣﺒﺘﺴﻤﻪ . ﺣﺪﻣﺎ ﻭﺻﻠﻨﺎ ﻭﻧﺰﻟﺖ ﻧﺰﻝ ﻭﻳﺎﻧﺎ ﺩﺍﻓﻮﺕ ﻟﻠﺼﺎﻟﻮﻥ ﻟﺰﻡ ﻃﺮﻑ ﺍﻟﻤﺎﻧﺘﻮ
ﺷﺶ ﻣﺤﺒﻮﺑﻲ
ﺍﻟﺘﻔﺘﺖ ﻋﻠﻴﻪ ﻧﺼﻴﺖ ﺭﺍﺳﻲ ﻣﺘﺖ ﺧﺠﻞ ﻭﻻﻋﺒﺎﻟﻚ ﻫﺬﺍ ﺣﺒﻴﺒﻲ
ﺩﺑﺎﻭﻋﻴﻠﻲ ﻳﻜﻠﺒﻲ ﺍﺭﻳﺪ ﺍﺷﻮﻑ ﻭﺟﻬﺞ ﻗﺒﻞ ﻭﺑﻌﺪ
ﺭﻓﻌﺖ ﺭﺍﺳﻲ ﺭﺍﺳﻦ ﻃﻜﻠﻲ ﺻﻮﺭﻩ ﺑﻔﻮﻧﻪ ﻭﺍﺑﺘﺴﻢ ﻫﻤﺲ
ﻓﻮﺗﻲ ﺍﻟﻨﺴﻮﺍﻥ ﻋﻴﻮﻧﻬﻦ ﻃﺎﺭﺕ ﻭﺍﻧﺘﻲ ﻣﺎﻧﺎﻗﺼﻪ ﺣﺴﺪ ﻭﺍﻟﻠﻪ
ﺍﻭﻙ
ﺍﺷﻮﻓﺞ ﺑﻌﺪ ﻛﻢ ﺳﺎﻋﻪ
ﺍﻭﻙ
ﻳﻤﻜﻦ ﻣﻮﺍﻧﻲ ﺍﻻﺟﻲ ﻣﺎﻭﺻﻴﺞ ﺑﻨﻔﺴﺞ ﻭﺳﺘﺮﺝ ﻭﻟﻮ ﻣﺘﺤﺘﺎﺟﻴﻦ ﺗﻮﺻﻴﻪ
ﺟﺎﻭﺑﺖ ﺍﺿﺤﻚ
ﺟﺒﺖ ﺟﺎﺩﺭ ﻭﻳﺎﻳﻪ
ﻫﻬﻬﻬﺎﻱ ﺍﺭﻭﺡ ﻓﺪﻭﻩ ﻭﻧﺬﺭ ﻓﻴﻤﺎﻟﻼ
ﻋﺎﻓﻨﻲ ﻭﺭﺍﺡ ﻃﺒﻴﺖ ﻭﺍﻡ ﻋﻠﻲ ﺗﻮﺻﻲ ﺑﺎﻡ ﺍﻟﺼﺎﻟﻮﻥ . ﻛﻌﺪﺕ ﻭﺑﻠﺸﺖ ﺑﻴﻪ ﺗﺤﺖ ﺍﻭﺍﻣﺮ ﺍﻡ ﻋﻠﻲ ﺷﻮ ﻭﻃﺒﺖ ﻧﻬﻰ ﺑﺎﻭﻋﺘﻠﻲ ﺭﺍﻓﻌﻪ ﺗﻚ ﺣﺎﺟﺐ ﺣﺘﻰ ﻣﺴﻠﻤﺖ ﺍﺩﺭﻱ ﺗﻜﺮﻫﻴﻨﻲ ﻣﺜﻠﻲ ﺟﺎﻣﻠﻲ ﻟﺨﺎﻃﺮ ﺍﺧﻮﺝ ﻭﻟﻴﺶ ﻫﺎﻟﻜﺮﻩ ﺷﻤﺴﻮﻳﻪ
ﻭﺻﺎﻝ ﺍﻧﻲ ﻫﻢ ﺍﺭﻳﺪﺍﺳﻮﻱ
ﺧﻞ ﺗﻜﻤﻞ ﺍﻟﻌﺮﻭﺱ
ﺍﻭﻫﻮ ﺣﺘﻀﻞ ﺳﺎﻋﺘﻴﻦ
ﻏﻴﺮ ﻋﺮﻭﺱ ﺍﺻﺒﺮﻱ
ﺍﻱ ﻣﻮ ﻋﻤﺘﻲ ﻛﺎﻟﺖ ﺳﺎﻋﻪ ﻭﺍﻣﺮ ﻋﻠﻴﺞ
ﺍﺻﺒﺮﺭﺭﻱ ﻛﺘﻠﺞ ﻫﺎ ﺍﺧﺎﺑﺮ ﺍﺻﻒ
ﻭﺍﻧﺘﻲ ﻣﺎﺗﺼﺪﻛﻴﻦ ﺗﺨﺎﺑﺮﻳﻨﻪ
ﻣﺠﺎﻭﺑﺘﻬﺎ ﻓﺘﺤﺖ ﻋﻴﻨﻲ ﺍﻡ ﺍﻟﺼﺎﻟﻮﻥ ﻛﺎﻟﺖ
ﻫﺎﻱ ﺍﺧﺘﻪ ﺍﻟﻠﻪ ﻳﻌﻴﻨﺞ
ﺍﺑﺘﺴﻤﺖ ﻭﺻﺎﻝ ﺗﻘﺮﺑﺖ ﻣﻨﻲ ﻣﻐﺜﻮﺛﻪ ﺷﺎﻓﺘﻨﻲ ﻣﺒﺘﺴﻤﻪ ﻫﻲ ﻫﻢ ﺍﺑﺘﺴﻤﺖ ﻟﺰﻣﺖ ﻛﺘﻔﻲ ﻛﺎﻟﺖ
ﺍﺿﺤﻜﻲ ﻭﺗﻮﻧﺴﻲ . ﻓﺮﺣﻲ ﺍﻟﻴﻮﻡ ﻋﺤﻠﻰ ﻳﻮﻡ ﺑﺤﻴﺎﺗﻜﻢ ﻭﺣﻴﺎﺗﻲ ﻫﻢ ﺍﻟﻴﻮﻡ ﻣﻬﺮ ﺍﺑﻮ ﺍﻟﺼﻮﻑ ﻋﺎﻟﻠﻲ ﺗﻤﻨﺎﻫﺎ ﻛﻠﺒﻪ
ﻣﻴﻠﺖ ﺑﺮﻛﺒﺘﻲ ﻏﻤﻀﺖ ﻛﻤﻠﺖ ﺍﻟﻤﻜﻴﺎﺝ ﻭﺍﻡ ﺍﻟﺼﺎﻟﻮﻥ ﺗﺮﺩﺩ
ﻋﻤﻲ ﻭﺍﻟﻠﻪ ﻣﻴﺤﺘﺎﺟﻠﻬﺎ ﻣﻜﻴﺎﺝ ﺍﺧﺬﻭﻫﺎ . ﻫﻴﺞ
ﺳﺸﻮﺭﺕ ﺷﻌﺮﻱ ﻋﻠﻰ ﻃﻮﻟﻪ ﺗﺮﺗﺐ ﻭﻭﺻﺎﻝ ﺗﺼﻠﻲ ﻋﺎﻟﻨﺒﻲ ﺷﺎﻟﺘﻪ ﺍﻟﺘﺴﺮﻳﺤﻪ ﺭﻓﻊ ﻛﺎﻧﺖ ﺑﻴﻨﺖ ﺑﻴﺎﺽ ﺭﻛﺒﺘﻲ ﻭﺿﻬﺮﻱ ﺭﻏﻢ ﻣﺎ ﺍﻟﺒﺪﻟﻪ ﻣﺴﺘﻮﺭﻩ ﺑﺲ ﻧﺎﺣﻴﻪ ﺍﻟﻀﻬﺮ ﻧﺎﺯﻟﻪ ﻭﺍﻧﻲ ﻋﺪﻱ ﺷﺎﻣﻪ ﺟﻮﻩ ﺭﻛﺒﺘﻲ ﻃﻮﺥ ﺗﺨﺒﻠﺖ ﻋﻠﻴﻬﺎ ﻭﺻﺎﻝ
ﻭﺍﻟﻠﻪ ﻭﺭﺍﺡ ﻳﺘﺨﺒﻞ ﺣﻠﻴﺐ ﻭﻧﺴﻜﺎﻓﻲ ﺑﻌﺪ ﺭﻭﺣﻲ
ﻟﺒﺴﺖ ﺍﻟﺒﺪﻟﻪ ﻭﺣﺪﻱ ﻣﻘﺒﻠﺖ ﺍﺣﺪ ﻳﻄﺐ ﻭﻳﺎﻳﻪ ﻭﺍﺳﺐ ﺑﺮﻧﺪ ﻋﺎﻓﺘﻨﻲ ﻭﺣﺪﻱ . ﺗﻮﻧﻲ ﻛﻤﻠﺖ ﻭﻃﺒﺖ ﺭﻧﺪ ﻣﺘﻤﻜﻴﺠﻪ ﻭﻣﺒﺪﻟﻪ ﺑﻜﺎﻧﺘﻮ ﻓﻮﻙ ﻟﺒﺴﻬﺎ ﻭﺭﻛﻀﺖ ﻋﻠﻴﻪ ﺑﻮﺳﺖ ﻭﺻﺎﻝ ﻭﻋﺎﻓﺖ ﻧﻬﻰ ﻏﻴﺮ ﺑﺮﺩ ﻛﻠﺒﻲ ﻫﻲ ﻭﻛﺸﺨﺘﻬﺎ ﻭﺗﻘﺮﺑﺖ ﻣﻨﻲ
ﻫﺎ ﺧﻠﺺ ﻣﺤﺘﺎﺟﻪ ﺷﻲ
ﺍﻣﺸﻲ ﻭﻟﻲ ﻣﺎﺣﺎﺟﻴﺞ ﻣﻮ ﻛﺘﻴﻠﻲ ﺣﺠﻲ ﻭﺭﺍﺝ
ﻟﺞ ﻭﺍﻟﻠﻪ ﻓﻬﻮﺩﻱ ﻭﻛﻊ ﻭﺣﺮﻧﺎ ﺑﻲ ﻭﺧﻴﺎﻃﻴﻦ ﺑﺮﺍﻳﻬﻴﻤﻪ ﺳﻮﺩﻩ ﻋﻠﻴﻪ ﻟﻴﺶ ﻭﻳﻦ ﻭﻛﻊ
ﻗﺮﺩ ﻣﻴﻜﻌﺪ ﻋﻤﻮ ﺣﻴﺪﺭ ﺍﻻ ﺷﻮ ﻱ ﻳﺒﺠﻲ ﻭﺣﺎﺭ ﺷﺴﻮﻩ ﺑﺎﻟﻔﻠﺒﻴﻨﻴﻪ .
ﺧﻄﻴﻪ ﻣﺘﺎﺫﻱ
ﻻ ﺍﻟﺤﻤﺪ ﻟﻠﻪ ﻋﺪﺕ ﻭﻣﺎﻣﺎ ﺍﻧﻤﺮﺩﺕ ﻣﺮﺩ
ﺧﻄﻴﻪ
ﺷﻮ ﺷﻮ ﺩﺍﺷﻮﻑ ﺍﻟﻤﻜﻴﺎﺝ
ﻭﺍﻭﻭﻭﻭ ﺍﺷﺘﻌﻠﺖ ﻋﺸﻴﺮﺗﻚ ﻋﻘﻴﻞ
ﺍﻧﺘﻲ ﻫﻢ ﺗﺨﺒﻠﻴﻦ ﻃﺎﻟﻌﻪ
ﺍﻣﺸﻲ ﻳﻠﻪ . ﺳﻴﺮﻭﺍﻥ ﻳﻮﺩﻳﻨﺎ ﺑﻴﺖ ﺟﺪﻭ ﺍﺻﻒ ﺧﺎﺑﺮﻩ
ﺯﻳﻦ ﻭﺧﺎﻟﻪ ﻭﺻﺎﻝ
ﻳﻤﻪ ﺭﻭﺣﻮ ﺍﻧﻲ ﺍﺟﻲ ﻭﺭﺍﻛﻢ ﺑﺲ ﻫﺎ ﻣﺎﻭﺻﻴﺞ ﺑﺎﺧﺘﺞ ﻓﺪﻭﻩ ﻧﺸﺮﻭﻟﻬﺎ ﺳﻨﺪ ﺣﺒﻴﺒﻪ ﻻﻳﻮﻛﻊ ﺍﻻﺳﺘﻐﻔﺎﺭ ﻣﻦ ﻟﺴﺎﻧﺞ
ﺍﻭ ﻙ ﺧﺎﻟﻪ
ﻓﺪﻭﻩ ﻟﺤﻠﻜﺞ
ﻃﻠﻌﻨﺎ ﻭﻟﺒﺴﺖ ﻓﻮﻙ ﺍﻟﺒﺪﻟﻪ ﺍﻟﺒﺮﻧﺲ ﻭﺍﻟﻠﺒﻴﺎﺽ ﻓﻮﻛﺎﻩ ﺻﻌﺪﺕ ﺑﺎﻟﺴﻴﺎﺭﻩ ﻭﺭﻧﺪ ﻛﺎﻳﺪﺗﻨﻲ ﻭﺗﺮﺩﺩ
ﺟﺒﻨﺎﻫﺎ ﻭﺍﺟﺖ ﻭﻳﺎﻧﺎ
ﻋﺎﺑﺘﻠﺞ
ﻃﺒﻴﺖ ﻟﻠﺴﻴﺎﺭﻩ ﺳﻴﺮﻭﺍﻥ ﻧﻂ
ﻳﻤﻪ ﺷﺒﺒﺢ
ﺭﺩﺕ ﺭﻧﺪ
ﺳﻜﻠﻪ ﻋﻴﻨﻲ ﺳﻤﻠﻪ ﺳﻮﺭ ﺳﻠﻴﻤﺎﻥ ﺧﺎﻑ ﻓﺰﻳﺖ ﻛﺎﻛﺎ
ﻣﺘﺪﺭﻳﻦ ﻧﺠﻤﻲ ﺧﻔﻴﻒ ﻳﺎﻋﻤﺮﻱ ﺷﻮﻧﺞ ﺳﻨﺪ ﺑﺴﻢ ﺍﻟﻠﻪ ﺳﻜﻨﻜﻢ ﻓﻲ ﻣﺴﺎﻛﻨﻜﻢ
ﻫﻠﻮ ﺳﻴﺮﻭﺍﻥ ﻫﻬﻪ
ﻳﺎﺑﻪ ﻋﺪﻳﻠﻲ ﻛﺎﻝ ﺍﻭﺩﻳﺞ ﺑﻴﺖ ﺟﺪﻱ
ﺍﻱ ﻃﺒﻌﺎ
ﺯﻳﻦ ﺧﺎﻟﻪ ﻏﺎﺩﻩ ﺷﻮﻛﺖ ﺗﺠﻲ ﻭﻋﻤﻲ
ﻋﻤﻮﺣﻴﺪﺭ ﺍﺧﺬﻫﻢ ﺗﻮﻫﻢ
ﺳﻨﺪ - ﻭﻓﻬﻮﺩﻱ ﺷﻮﻥ
ﺍﺧﺬﺗﻪ ﺧﺎﻟﻪ ﻓﻮﺯ ﻧﺎﻡ
ﻳﺎ ﻣﺘﺠﻲ ﺧﺎﻟﻪ
ﻻ ﻣﺘﺠﻲ ﺍﻣﺸﻲ ﻳﺎﺳﻴﺮﻭﺍﻥ ﻣﻌﻮﺩ ﺗﺎﺧﺮﻧﺎ
ﺍﻱ ﺍﻳﻲ
ﻭﺻﻠﻨﺎ ﺑﻴﺖ ﺟﺪﻭ ﻭﺍﺷﺘﻐﻠﺖ ﺍﻟﻬﻼﻫﻞ ﺟﻨﺖ ﻛﻠﺶ ﻓﺮﺣﺎﻧﻪ ﻋﻤﻮ ﺍﺻﻴﻞ ﻭﻛﻒ ﺍﺳﺘﻘﺒﻠﻨﻲ ﺑﺤﻀﻨﻪ ﻭﻣﺎﻣﺎ ﻫﻢ ﻭﻋﻴﻮﻧﻬﺎ ﺍﻧﺘﺮﺳﺖ ﺩﻣﻊ
ﻫﻤﺴﺖ
ﺳﻨﻮﺩﻩ ﺻﺪﻙ ﺣﺘﻌﻮﻓﻴﻨﻲ
ﻣﺎﻣﺎ ﻣﺎﻋﻮﻓﺞ ﺍﺟﻴﺞ ﺍﻧﻲ ﻭﺟﻬﺎﻟﻲ ﻫﻬﻬﻪ
ﺍﻧﺰﻭﻝ ﻋﻠﻴﺞ
ﻛﻌﺪﺕ ﺑﺎﻟﺼﺎﻟﻪ ﻭﺭﻧﺪ ﺑﺼﻔﻲ ﻭﻋﻤﺎﺗﻲ ﻛﻠﻬﻢ ﺍﺟﻮﻱ ﻏﻴﺮ ﺯﻳﻨﺐ ﺍﻟﻠﻲ ﺍﻛﻴﺪ ﻣﺘﺠﻲ ﻻﻥ ﺑﻴﺒﻲ ﻃﺎﺭﺩﺗﻬﺎ ﻣﻦ ﺍﺧﺮ ﻫﻮﺳﻪ
ﻭﺑﻠﺶ ﺍﻟﻤﻬﺮ ﻭﻛﻞ ﺍﻟﻤﺮﺍﺳﻴﻢ ﺳﻮﻳﺘﻬﺎ ﺩﺯ ﺭﺳﺎﻟﻪ
ﺍﻧﻲ ﻭﺭﻩ ﺍﻟﺒﺎﺏ ﺍﻟﻔﺎﺻﻞ ﺍﻧﺘﻲ ﻭﻳﻦ
ﻭﺭﺍﻫﺎ ﻛﻌﺪﻭﻧﻲ
ﻳﻌﻨﻲ ﺍﻧﺘﻲ ﺑﺼﻔﻲ
ﺍﻱ
ﺳﻨﺪ ﺩﻗﺎﻳﻖ ﺗﻔﺼﻞ ﺑﺲ
ﺍﻧﺸﺎﺀ ﺍﻟﻠﻪ
ﺳﻨﺪ ﺳﻮﺍﻝ
ﻧﻌﻢ
ﺷﻌﺮﺝ ﺷﻮﻥ ﺻﺎﻳﺮ
ﻫﻬﻬﻬﻬﻪ ﺣﻴﻞ ﺭﺍﺡ ﺗﺸﻮﻓﻪ ﻫﺴﻪ
ﺍﻭﻭﻑ ﻳﺎﺻﺒﺮ ﺍﻳﻮﺏ ﻗﺮﻳﺘﻬﺎ ﻭﺑﻴﺒﻲ ﻧﺘﺮﺕبيج قصص عراقيه حقيقيه من واقعنا.روعه الطائي
ﺑﻴﺒﻲ ﺩﻋﻮﻓﻲ ﺍﻟﺘﻠﻔﻮﻥ ﺍﻟﺴﻴﺪ ﻭﺭﻩ ﺍﻟﺒﺎﺏ ﻫﺎﻱ ﺷﻮﻥ ﺣﺠﻲ
ﺍﻱ ﺍﻱ ﺑﻴﺒﻲ ﻫﺎﺝ ﻟﺞ ﺭﺯﺍﻥ
ﺍﺧﺬﺗﻪ ﻣﻨﻲ ﺗﺒﺘﺴﻢ ﺟﺎﻧﺖ ﻃﺎﻟﻌﻪ ﺍﻧﺰﻙ ﻭﺣﺪﻩ . ﺑﺎﻟﻤﻬﺮ ﻻﺑﺴﻪ ﺛﻮﺏ ﺍﺣﻤﺮ ﺳﺎﺩﻩ ﻣﺴﺘﺘﺮ ﻭﺳﺘﺮﻩ ﻋﻠﻴﻪ ﺫﻫﺒﻴﻪ ﺗﺨﺒﻞ ﻃﺎﻟﻌﻪ ﻭﺑﺪﻩ ﺍﻟﺴﻴﺪ ﻳﻘﺮﻩ ﻭﻛﻠﺒﻲ ﻳﺮﺟﻒ ﺳﻠﻴﻢ ﺍﻟﻠﻲ ﻛﻌﺪ ﻳﻤﻪ . ﺭﻏﻢ ﻣﺎﻋﻤﻮ ﺍﺟﻪ ﺑﺲ ﻛﻠﻪ ﺍﻛﻌﺪ ﺑﻤﻜﺎﻧﻲ
ﻛﻤﻞ ﻭﻛﻠﺘﻬﺎ ﺑﺼﻮﺕ ﻳﺮﺟﻒ ﺧﻨﻜﺘﻨﻲ ﺍﻟﻌﺒﺮﻩ ﻭﺍﻧﻲ ﺍﺳﻤﻊ ﺻﻮﺗﻪ ﺍﻟﺮﺯﻥ ﻭﺍﺗﺬﻣﺮ ﻣﻦ ﺟﺎﻥ ﻳﺤﻲ ﺑﺎﻟﺒﺎﺏ ﻳﺎﺧﺬ ﺍﻟﻤﻘﺒﻼﺕ
ﻫﺎﻱ ﺍﺟﺮﻩ ﺍﻟﻴﻮﻡ
ﻣﺤﺘﺎﺟﻪ ﺷﻲ
ﺍﻭﻭﻑ ﻳﻜﻠﺒﻲ ﺍﻧﺖ
ﻧﻌﻢ ﺍﻧﺖ ﻭﻛﻴﻠﻲ
ﻭﺍﻧﺘﻲ ﻛﻞ ﺍﻫﻠﻲ ﻭﻛﻞ ﺍﻣﺎﻟﻲ ﻭﺣﺒﻲ ﻭﻛﻞ ﺩﻛﻪ ﻛﻠﺐ ﺗﺴﺠﻠﺖ ﺑﺎﺳﻤﺞ ﻣﻦ ﻋﺮﻓﺖ ﻣﻌﻨﻰ ﺍﻟﺤﺐ ﺷﻨﻮ ﻋﺮﻓﺘﻪ ﺑﻴﻚ ﻳﺎﺍﺻﺪﻕ ﻭﻋﺪ ﻭﻳﺎﺍﻛﻤﻞ ﻋﻬﺪ ﻭﻳﺎ ﺍﺭﻭﻉ ﺑﺸﺮ ﻭﺍﻧﻘﻰ ﻛﻠﺐ ﺍﻟﻒ ﺍﻟﺤﻤﺪ ﻟﻠﻪ ﻭﺍﻟﺸﻜﺮ ﻋﻠﻰ ﺍﻟﻨﻌﻤﻪ ﺍﻟﺒﻴﻬﺎ ﺍﻧﻲ
ﺩﺯﻫﺎ ﺍﻟﻲ ﺑﺮﺳﺎﻟﻪ ﺛﻮﺍﻧﻲ ﻭﺍﺷﺘﻐﻠﺖ ﺍﻟﻬﻼﻫﻞ ﻋﻤﺎﺗﻪ ﺍﺑﺪ ﻣﻬﻠﻬﻠﻮ ﺍﺻﻼ ﺟﻮﻱ ﺑﻠﺒﺲ ﺍﺳﻮﺩ ﺣﻘﻬﻢ ﺳﺠﺎﺩ ﺻﻐﻴﺮ ﻭﺭﺍﺡ ﻭﺗﻮﻫﺎ ﺳﻨﻪ ﻭﻧﺺ ﻋﻠﻰ ﻭﻓﺎﺗﻪ ﻭﺍﺧﺘﻪ ﻫﻢ ﺑﺲ ﺗﺼﻠﻲ ﻋﻠﻰ ﻣﺤﻤﺪ ﻭﺍﻝ ﻣﺤﻤﺪ ﻭﻟﻤﺤﺖ ﺳﻬﺮ ﺗﻤﺴﺢ ﺑﺪﻣﻮﻋﻬﺎ ﻭﺗﺼﻠﻲ ﻋﻠﻰ ﻣﺤﻤﺪ ﻭﺗﻄﺶ ﺟﻜﻠﻴﺖ ﺟﺘﻲ ﻳﻤﻲ . ﺗﺸﻬﻚ
ﻟﺞ ﻣﺎﺕ ﻣﻴﺖ ﻣﻮﺗﻪ ﺑﻔﺮﺍﻛﺞ ﻳﻤﻪ ﻛﻮﻥ ﺭﺑﻲ ﻳﺘﺘﻤﻬﺎ ﺑﺨﻴﺮ ﻭﻳﻔﺮﺡ ﻛﻠﺒﻜﻢ
ﺣﻀﻨﺘﻬﺎ ﻭﺑﻮﺳﺖ ﻋﻤﺎﺗﻪ ﻭﻳﺎﻫﺎ ﺍﻣﺸﻲ ﻭﺗﻌﺮﻑ ﻛﺎﻧﻮ ﻛﻠﻬﻢ ﻋﺎﺩﻳﻴﻦ ﺍﻟﻪ ﺍﻟﺤﺒﻴﺮﻩ ﻧﺘﺮﺕ ﺑﻜﻞ ﺻﻼﻓﻪ
ﻣﺎﺳﻠﻢ ﺍﻧﻲ ﺣﺰﻳﻨﻪ ﺗﺮﻛﺘﻬﺎ ﻣﺎﻣﻮ ﺷﻲ ﺍﻟﻴﻮﻡ ﻳﻜﺪﺭ ﻳﻜﺴﺮ ﻓﺮﺣﺘﻲ
ﻭﻃﺐ ﺍﺻﻒ
ﻋﻴﻮﻧﻪ ﺣﻤﺮ ﻳﻤﻜﻦ ﺑﺎﺟﻲ ﻳﻤﻜﻦ ﺣﺲ ﺭﻭﺣﻪ ﻭﺣﺪﻩ ﻭﻭﺻﺎﻝ ﻫﻠﻬﻠﺖ ﻣﻜﺪﺭﺕ ﺑﻌﺪ ﻭﺑﺪﻭ ﺑﻜﻮﻻﺕ ﺧﻠﺖ ﻋﻴﻮﻧﻪ ﺗﻌﺠﻐﺮﻏﺮ ﻭﻫﻮ ﻳﺒﺎﻭﻋﻠﻲ ﻛﻮﻻﺕ ﺗﺸﺮﺡ ﺣﺎﻟﻨﻪ ﻭﺍﻧﻲ ﻧﺼﻴﺖ ﺍﺩﻭﺭ ﻣﺎﻣﺎ ﺑﺎﻭﻋﺘﻠﻬﺎ ﺗﺒﺘﺴﻢ ﺑﺤﻨﺎﻥ
ﻭﻛﻒ ﺑﺼﻔﻲ ﻭﻋﻴﻮﻧﻪ ﻋﻠﻰ ﺍﺧﺘﻪ
ﺑﺎﻭﻋﻠﻲ ﻭﻧﺼﻪ ﻣﻴﺖ ﺧﺠﻞ ﻣﻦ ﺍﻟﻨﺴﻮﺍﻥ
ﻭﺍﻧﻲ ﺧﺠﻼﻧﻪ ﻣﻨﻪ ﻛﻌﺪﻭﻧﻪ
ﻭﺟﺎﺑﻮ ﺍﻟﺬﻫﺐ ﺍﺑﺪ ﻣﻀﺤﻚ ﻣﺮﺗﺒﻚ ﺧﺠﻼﻥ ﻭﻳﺮﺟﻒ ﻟﺒﺴﻨﻲ ﺷﻮﻥ ﻣﺠﺎﻥ ﻭﻃﻠﻊ ﺣﺘﻰ ﻣﻨﺘﺒﻪ ﻋﺎﻟﺒﺪﻟﻪ
ﺭﺍﺡ ﻭﺍﻧﻲ ﺍﻧﻜﺴﺮ ﺧﺎﻃﺮﻱ ﺭﻛﺼﻮ ﺍﻟﺒﻨﺎﺕ ﻭﺗﻮﻧﺴﻮ ﻭﺍﻧﻲ ﺍﻡ ﺍﻟﻤﻬﺮ ﺑﺲ ﺍﺑﺎﻭﻉ ﺟﺘﻨﻲ ﺭﺯﺍﻥ ﻛﺎﻟﺖ
ﺩﻳﺪﻙ ﻋﻠﻴﺞ
ﻭﻛﻔﺖ ﺭﺩﻳﺖ ﺭﺍﺳﻦ
ﺍﻟﻮ
ﺍﻃﻠﻌﻲ ﺍﻧﻲ ﺑﺎﻟﻬﻮﻝ ﻭﺣﺪﻱ ﻭﻋﻤﺞ ﺍﺳﻤﺎﻋﻴﻞ ﻣﻮﺟﻮﺩ
ﺷﻮ ﺍﻋﻮﻑ ﺍﻟﻤﻬﺮ
ﺍﻃﻠﻌﻲ ﺑﺲ ﺷﻮﻱ
ﺍﻭﻙ
ﻓﺘﺤﺖ ﺍﻟﺒﺎﺏ ﺍﻟﻔﺎﺻﻞ ﺭﺯﺍﻥ ﻃﺒﺒﺖ ﺑﺪﻟﺘﻲ ﻭﻳﺎﻳﻪ ﻭﺳﺪﺕ ﺍﻟﺒﺎﺏ ﻋﻤﻮ ﺍﺳﻤﺎﻋﻴﻞ ﻭﻛﻒ ﺑﻮﺳﻨﻲ ﻭﺧﻼﻧﻲ ﻳﻤﻪ ﻛﺎﻝ ﻛﻌﺪﻱ ﻋﻤﻮ ﺍﺣﺠﻮ ﺗﻌﺎﺭﻓﻮ ﺻﺎﺭ ﺭﺟﻠﺞ ﺑﻌﺪ
ﺑﻘﻴﺖ ﻣﻨﺼﻴﻪ ﺭﺍﺳﻲ ﻭﺍﺭﺟﻒ ﺗﺸﻜﺮ ﻣﻨﻪ ﺍﺻﻒ ﻭﻃﻠﻊ ﻋﻤﻮ ﺳﺪ ﺍﻟﺒﺎﺏ ﻋﻠﻴﻨﺎ ﻭﺍﻧﻲ ﻣﺪﺭﻱ ﺷﺼﺎﺭ ﺑﻴﻪ ﻭﻛﻒ ﻛﺪﺍﻣﻲ . ﺳﻮﻩ
ﺍﺣﻤﻢ ﻭﺟﺮ ﻧﻔﺲ ﺑﺤﺴﺮﻩ ﻭﺍﻓﺘﺮ ﺩﺍﻳﺮ ﻣﺪﺍﻳﺮﻱ ﻭﻭﻛﻒ ﺑﻀﻬﺮﻱ ﻫﻤﺲ ﺑﻬﺪﻭﺀ ﺣﻴﻞ
ﺷﻨﻮ ﻫﺎﻱ ﺷﻨﻮﻭ ﻫﺎﻱ ﺍﻟﺘﻔﺘﺖ ﻋﻠﻴﻪ ﺧﻠﻴﺖ ﻋﻴﻨﻲ ﺑﻌﻴﻨﻪ ﺭﺍﺳﻦ ﺑﻠﻊ ﺭﻳﻚ ﻭﻏﻤﺾ ﺍﺧﺘﻞ ﺗﻮﺍﺯﻧﻪ
ﺷﺒﻴﻚ ﺍﺻﻒ ﻫﻤﺴﺖ ﻣﺘﻘﺮﺑﻪ ﻣﻨﻪ
ﺑﺲ ﺟﻜﻠﻴﺘﻪ ﻣﻦ ﻳﻤﺞ
ﺟﺒﺘﻬﺎ ﺭﺍﺳﻦ ﺧﻼﻫﺎ ﺑﺤﻠﻜﻪ ﺍﻛﻠﻬﺎ ﻭﻣﺮﺗﺠﻲ ﻋﺎﻟﺤﺎﻳﻂ
ﺷﺒﻴﻚ ﻗﺮﺑﺖ ﻣﻨﻪ
ﺑﺎﻭﻋﻠﻲ ﻳﺒﺘﺴﻢ ﻭﻣﻐﻤﺾ
ﻧﺴﻴﺖ ﺍﺑﺮﺗﻲ ﺍﻟﻴﻮﻡ ﻣﺎﺍﺧﺬﺗﻪ ﻣﻦ ﻟﻬﻔﺘﻲ
ﻓﻜﻴﺖ ﻋﻴﻨﻲ ﺧﻮﻣﺒﻴﻚ ﺷﻲ
ﻻﻋﻤﺮﻱ ﺿﺮﺑﺘﻬﺎ ﺗﻮﻧﻲ ﺑﺲ ﺍﻟﻌﻼﺝ ﻭﻱ ﺍﻟﺤﻼﻩ ﻳﺘﻌﺎﺩﻝ ﻟﺘﺨﺎﻓﻴﻦ ﻭﺭﺟﻊ ﻭﻛﻒ ﺗﻨﻬﺪ
ﺷﻮﻥ ﺑﻴﺞ ﻣﺪﺍﺍﻛﺪﺭ ﻋﻠﻰ ﻫﺎﻟﺤﺴﻦ ﺗﻮﺭﻃﺖ
ﺗﻘﺮﺑﺖ ﻣﻦ ﻟﺰﻣﺖ ﺍﻳﺪﻩ ﺧﺎﻳﻔﻪ ﻋﻠﻲ ﻓﺰ ﻭﺿﺤﻚ ﺍﻳﺪﻩ ﺗﺮﺗﻌﺶ
ﺷﺒﻴﻚ
ﺣﻤﻮﺕ ﺧﺮﺏ ﻣﺒﻘﺖ ﺭﺟﻮﻟﻪ ﻗﺮﺏ ﺍﻱ ﻩ ﻭﺍﺧﺬ ﺍﻳﺪﻱ ﻭﻏﻤﺾ ﺗﻘﺮﺏ ﺑﺎﺳﻬﺎ ﻣﻦ ﺑﺎﻃﻨﻬﺎ ﻭﺑﺎﻭﻋﻠﻲ ﻋﻴﻮﻧﻪ ﺻﺎﺭﺕ ﺣﻤﺮ
ﺩﺍﺍﺣﻠﻢ ﻣﻮ ﺩﺍﺍﺣﻠﻢ ﻣﻮ ﺑﻠﻪ
ﺟﺞ ﺍﺑﺘﺴﻢ ﺫﺍﺑﺖ ﺭﻭﺣﻲ
ﻛﻠﺒﻲ ﺣﻴﻮﻛﻒ ﺳﻨﻨﺪ ﺍﻣﻴﺮﺗﻲ ﺍﻧﺘﻲ ﺻﺪﻙ ﺻﺮﺗﻲ ﺍﻟﻲ ﻭﺟﺮﻧﻲ ﺑﻬﺪﻭﺀ
ﺷﻨﻮ ﻭﻳﻦ
ﺑﺲ . ﺑﺲ ﺷﻮﻱ ﺧﻞ ﺍﺻﺤﻰ ﺑﻴﺞ ﻭﺍﻏﻔﻰ ﺑﻴﺞ
ﻭﻛﻔﺖ ﻣﻌﺎﻧﺪﻩ ﺟﺮﺗﻪ ﻻﻻ ﺩﺍﺭﻭﺡ ﺟﺮﻧﻲ ﺑﻘﻮﻩ ﻭ ﺑﻠﻬﻔﻪ ﻟﺤﻀﻨﻪ ﻭﺑﺎﺱ ﻛﺘﻔﻲ ﻳﻤﻜﻦ ﺍﻟﻒ ﻣﺮﻩ
ﻭﻳﺮﺩﺩ
ﺍﺣﺒﺞ ﻭﺭﻭﺡ ﺍﻣﻲ ﻭﻳﻦ ﺗﺮﺣﻴﻦ ﺑﻌﺪ ﻃﺒﻴﺘﻲ ﻋﺸﻲبيج قصص عراقيه حقيقيه من واقعنا.روعه الطائي
ﺑﺎﻟﺤﺮﺍﻡ ﻣﺨﻠﺼﺎﻧﻪ ﻋﺎﺩ ﺻﺮﺗﻲ ﺣﻼﻟﻲ ﻳﺤﺠﻲ ﻣﻐﻤﺾ ﻭﻳﻤﺸﻲ ﻟﺤﻴﺘﻪ ﺍﻟﺨﻔﻴﻔﻪ ﻋﻠﻰ ﻛﺘﻔﻲ ﻭﺭﻛﺒﺘﻲ ﻣﻨﺘﻬﻲ ﻫﺪﺍ ﻭﺍﺑﺘﻌﺪ ﻛﺎﻝ
ﻫﺎ ﺗﻔﻮﺗﻴﻦ ﻛﺎﻟﻬﺎ ﻭﻓﺮﻙ ﻭﺟﻬﻪ ﺑﻴﺪﻩ ﺭﻭﺣﻲ ﺭﻭﺣﻲ ﺣﻄﻠﻊ ﻟﻠﻮﻟﺪ ﻋﻴﺐ
ﺍﻭﻙ ﻃﻠﻌﺖ ﻣﻦ ﻳﻤﻪ ﻣﺒﻨﺠﻪ ﻭﻋﻴﻮﻧﻪ ﻋﻠﻴﻪ ﻧﺺ ﻓﺘﺤﻪ ﻓﺎﺗﺤﻬﺎ ﺭﺟﻌﺖ ﻭﺭﻛﺼﺖ ﻭﺗﻮﻧﺴﺖ ﻭﺍﻧﺘﺮﺳﺖ ﻓﺮﺣﻪ ﻋﺮﻓﻮ ﻟﻬﻔﺘﻲ ﻭﻓﺮﺣﺘﻲ ﻻﻥ ﺷﻔﺘﻪ
ﺑﻴﻮﻣﻬﺎ ﻟﻠﺼﺒﺢ ﻣﻨﺎﻳﻤﻴﻦ ﻫﻮ ﻭﻏﺎﻓﻲ ﻳﺮﺩﺩ
ﺍﺣﺒﺞ ﻭﺭﻭﺡ ﺍﻣﻲ ﺍﺣﺒﺞ
ﺷﻮﻛﺖ ﺗﺠﻴﻦ ﻳﻤﻲ
ﺷﻮﻛﺖ ﺍﺻﺤﻰ ﻭﺍﻧﺘﻲ ﺑﺤﻀﻨﻲ
ﺷﻮﺕ ﺍﻓﻞ ﺷﻌﺮﺝ ﺑﺪﻳﻪ ﻟﺰﻣﻪ ﻭﺣﻀﻦ ﺳﻜﻄﺘﻨﻲ ﺷﻮﻥ ﻭﺍﻧﻲ ﻳﻤﺞ ﺍﺣﺴﻦ ﺭﻭﺣﻲ ﺩﻫﻦ ﺣﺮ ﻭﺍﺗﻤﺴﺪ ﺑﺼﻴﻨﻴﻪ ﻣﻠﺴﻪ ﻣﺜﻞ ﺟﻤﺎﻝ ﺑﺸﺮﺗﺞ ﺍﻟﻨﺎﻋﻤﻪ ﻳﺎﻋﻤﺮ ﺍﺻﻒ ﻭﺳﻨﻴﻨﻪ ﻧﻔﺲ ﻣﺘﺨﻴﻠﺘﺞ ﺑﻤﺨﻴﻠﺘﻲ ﻧﻔﺲ ﺍﻟﺸﻲ ﺑﺲ ﺯﺍﺩﺝ ﺣﺴﻦ ﺍﻟﺸﺎﻣﻪ ﺍﻟﻠﻲ ﺑﻀﻬﺮﺝ ﻓﺎﻗﺖ ﻛﻞ ﺗﻮﻗﻌﺎﺗﻲ
ﻧﻄﻮ ﻣﻮﻋﺪ ﺳﺒﻮﻋﻴﻦ ﻭﺍﻟﺰﻓﺎﻑ ﻳﺼﻴﺮ ﻭﺭﺯﺍﻥ ﺑﺎﺟﺮ ﻣﻬﺮﻫﺎ
ﺭﺯﺍﻥ - ﺍﻟﺼﺒﺢ ﺍﺧﺬﻧﻲ ﻋﻠﻲ ﻟﻠﻤﺤﻜﻤﻪ ﻻﻥ ﺟﺎﻥ ﻳﻨﺘﻀﺮﻧﺎ ﺧﺎﻟﻮ ﻭﺳﻠﻴﻢ ﻭﻃﺒﻴﻨﺎ ﻟﻠﺤﺎﻛﻢ ﺑﺎﻭﻋﺖ ﺑﻌﻴﻨﻪ ﻭﻋﻴﻮﻧﻲ ﻣﻠﻴﺎﻧﻪ ﻋﺸﻖ ﻭﻫﻮ ﻋﻴﻨﻪ ﺑﺎﺭﺩﻩ ﺭﺩﺩ ﺍﻟﻜﺎﻟﻪ ﺍﻟﻨﺎ ﺍﻟﺤﺎﻛﻢ ﻭﻃﻠﻌﻨﺎ ﻭﺍﺧﺬﻧﺎ ﻣﻮﻋﺪ ﺑﻌﺪ ﻋﺮﺱ ﺳﻨﺪ ﻣﻬﺮ ﺳﻴﺪ ﻭﺣﻔﻠﻪ ﺑﺴﻴﻄﻪ ﺑﻴﻦ ﺍﻻﻫﻞ ﻭﺭﻩ ﺭﺍﺱ ﺍﻟﺴﻨﻪ ﻣﺎﻝ ﺟﺪﻭ
ﺭﻧﺪ - ﻫﺎﻟﻔﺘﺮﻩ ﺧﺮﺑﻄﻪ ﻋﺪﻱ ﺻﺎﺭﺕ ﻭﺭﺣﺖ ﻟﻠﺪﻛﺘﻮﺭﻩ ﺳﻮﺗﻠﻲ ﻛﻮﻱ ﻛﺎﻟﺖ ﺍﻟﺘﻬﺎﺏ ﻣﺰﻣﻦ ﻭﺿﻠﻴﺖ ﻓﺘﺮﻩ ﻣﻤﻨﻮﻉ ﻳﻘﺘﺮﺏ ﻣﻨﻲ ﺳﻴﺮﻭﺍﻥ ﺑﺎﻗﻲ ﻋﺎﻟﺒﻠﻮﺗﻮﺙ ﻭﺍﻟﻨﻀﺮﺍﺕ
ﻭﺍﻧﻲ ﺍﻟﺘﻬﻴﺖ ﺑﺴﻨﺪ ﻭﺗﺠﻬﻴﺰﺍﺗﻬﺎ ﻭﺟﺎﻣﻌﺘﻲ ﻭﻣﺤﺎﺿﺮﺍﺗﻬﺎ ﺑﺲ ﻻ ﻣﺘﻄﻠﻊ ﻣﻌﺪﻝ ﻋﻠﻰ ﻫﺎﻟﺨﺒﺼﻪ
ﻭﻫﺎﻟﻔﺘﺮﻩ ﺳﻴﺮﻭﺍﻥ ﻋﻠﻤﻨﻲ ﺳﻴﺎﻗﻪ ﻭﺍﺧﻴﺮﺍ ﺟﻨﻨﺎ ﻧﺨﺮﺏ ﺿﺤﻚ ﻭﻧﺘﻮﻧﺲ ﻛﻠﺶ ﻣﻦ ﻧﻄﻠﻊ ﺣﺪﻣﺎ ﻧﺮﺟﻊ ----
ﻳﺘﺒﻊ
ﻣﺮﻳﻢ ﺍﻟﺴﻌﺪﻱ
ﻛﺮﺯﺍﺗﻲ ﺍﻟﻜﻢ ﻓﺮﻏﺖ ﻭﻛﺘﺒﺖ ﻭﺗﺪﻟﻠﻮﻥ
ﺷﻜﺮﺍ ﻟﻠﻤﺘﺎﺑﻌﻪ ﺍﻟﺤﻠﻮﻩ
ﻭﺷﻜﺮﺍ ﻋﺎﻟﻤﻠﻴﻮﻥ
|