#وعسى_ان_تسكن_نار_الأنتقام
#عسل_الأنتقام
بقلم مريم السعدي
#بارت٥٦
ﺻﻌﺒﻪ ﻋﺪﻙ ﺗﻌﺘﺮﻑ ﻋﺬﺭﻙ ﻫﻮﺍﻙ
ﺳﻬﻠﻪ ﻋﻨﺪ ﺍﻟﻤﺎﻋﺮﻑ ﻳﻮﻡ . ﺍﻟﺼﻌﺐ
ﻫﻴﻨﻪ ﻳﻤﻚ ﺗﻜﺬﺏ ﻭﺗﻤﺴﺢ ﺑﺪﻳﻚ
ﻧﻴﻪ ﺳﻮﺩﻩ . ﻣﺼﺨﻤﻪ ﺑﻀﻴﻜﻪ ﻧﻔﺲ
ﺻﺪﻣﻪ ﻋﺪﻱ ﻣﻦ ﺍﻟﺰﻣﻦ ﻣﻮ ﻣﻦ ﻭﺭﺍﻙ .
ﺍﻧﻪ ﺍﻋﺮﻓﻚ ﻟﻴﺶ ﺍﻏﺸﻤﻬﺎ ﺍﻟﻨﻔﺲ
ﺍﻣﻚ ﺭﺑﺘﻚ ﻭﺷﺮﺑﺖ ﺳﻢ ﺑﺮﺑﺎﻙ
ﻣﺎﺍﻟﻮﻣﻚ ﻻﺍﺑﺪ ﺍﻧﻲ ﺍﻟﺴﺒﺐ
ﺭﻧﺪ - ﺳﺪﻩ ﻣﻨﻲ ﻋﺼﺒﻴﺘﻪ ﺿﺤﻜﺘﻨﻲ ﺗﻮﺗﺮﻩ ﻭﺧﻮﻓﻪ ﺍﺣﺠﻲ ﻭﺧﻠﺼﻨﻲ . ﻏﻤﻀﺖ ﻋﻴﻨﻲ ﺍﺗﺬﻛﺮ ﺍﻳﺎﻣﻲ ﻭﻳﺎﻩ ﺷﻜﺪ ﻛﺎﻧﺖ ﻧﻀﺮﺗﻪ ﺻﺎﺩﻗﻪ ﺷﻮﻥ ﻛﺪﺭ ﻳﺒﺎﻭﻋﻠﻲ ﻭﻫﻮ ﻳﺴﺎﻋﺪ ﺍﻟﻀﻠﻤﻨﻲ ﻭﺍﺫﺍﻧﻲ ﻣﻔﻜﺮ ﻭﻟﻮ ﻓﻜﺮﻩ ﻭﺣﺪﻩ ﻓﻜﺮﻩ ﺍﺫﺍ ﻋﺮﻓﺖ ﺷﻜﺪ ﺭﺍﺡ ﺍﻧﻘﻬﺮ ﺷﻜﺪ ﺭﺍﺡ ﺍﺗﺎﺫﻩ
ﺍﻻﻳﺎﻡ ﺗﻤﺮ ﺟﻮﺟﻮ ﺩﺍﻭﻣﺖ ﻭﺍﺑﻮ ﺳﻴﺮﻭﺍﻥ ﻳﺒﻨﻲ ﻭﺳﻠﻴﻢ ﻭﺍﻓﻖ . ﻋﻠﻰ ﻋﺮﺽ ﻋﻤﻮ ﻋﻤﺎﻣﻲ ﺍﻟﺘﻤﻮ ﺑﺒﻴﺘﻨﺎ ﻭﺑﻴﺒﻲ ﻭﻳﺎﻫﻢ ﻋﻤﻲ ﺍﺳﻤﺎﻋﻴﻞ ﺍﺭﺗﺎﺡ ﺣﻴﻞ ﻟﺒﺎﺑﺎ . ﻓﻚ ﺑﺎﺑﺎ ﻣﺨﻄﻂ ﻭﺭﺳﻢ ﻛﺪﺍﻣﻬﻢ ﺑﺎﻟﺼﺎﻟﻪ ﻭﺍﻧﻲ ﺍﻗﺪﻡ ﺑﺎﻟﻜﻬﻮﻩ ﺟﻨﺖ ﻃﺎﻳﺮﻩ ﺍﻧﻪ ﺭﺍﺡ ﺍﻏﺚ ﺯﻳﻨﺐ ﻭﺯﻳﻨﺐ ﺍﺟﺘﻠﻮﺏ ﻳﻮﻣﻴﻪ ﺗﺘﺼﻞ
ﻳﻤﻪ ﻣﺒﻌﺘﻮ
ﻳﻤﻪ ﺍﺭﻳﺪ ﻓﻠﻮﺳﻲ
،ﺳﻠﻴﻢ ﺩﻳﺮﻭﺡ ﻟﻠﻤﻌﻤﻞ ﺧﺎﻑ ﺩﻳﺮﻭﺡ ﺑﺮﻭﺡ ﺍﺑﻮﻳﻪ
ﻻ ﻣﺤﻠﻞ ﻭﻻﻣﻮﻫﻮﺏ ﻛﺎﺟﻞ ﻓﻠﺲ ﻳﺎﺧﺪﻩ ﻭﻣﻴﻜﻮﻝ ﻋﻠﻴﻪ ﺗﺮﻩ ﺣﺮﺍﻡ ﺑﺬﻣﺘﻪ ﻭﻋﺴﺎﻩ ﺑﺤﺮﻙ ﺩﻧﻴﺎ ﻭﺍﺧﺮﻩ ﺍﺫﺍ ﺳﻮﺍﻫﺎ
ﻭﺑﻴﺒﻲ ﺗﺘﺨﺒﻞ ﺗﺎﻟﻴﻬﺎ ﺗﻘﺮﺭ ﺍﻟﺸﻲ ﺍﻟﺤﻴﺼﻴﺮ ﺑﻠﻪ ﻋﻠﻤﻬﺎ ﻻﻥ ﻣﺮﺍﺡ ﺗﻜﻌﺪ ﻭﺳﻠﻴﻢ ﻃﺐ ﺍﻟﻘﺮﺍﻥ ﻛﺪﺍﻣﻬﻢ ﺑﺼﺎﻟﻪ ﺍﻫﻠﻲ ﺍﺫﺍ ﻭﺻﻞ ﺧﺒﺮ ﺍﻟﻬﺎ . ﻳﻌﻮﻑ ﺍﻟﻤﻌﻤﻞ ﻭﻳﺴﺎﻓﺮ ﻭﺑﻌﺪ ﻣﻴﺮﺟﻊ
ﺟﺎﻥ ﻳﺒﺎﻭﻋﻠﻲ ﺻﺎﻓﻦ ﺣﺎﻳﺮ ﺑﻮﺿﻌﻲ ﺷﻮﻥ ﻣﻄﺒﻜﺖ ﻭﻱ ﺳﻴﺮﻭﺍﻥ . ﻭﺍﺑﺪ ﻣﻄﻠﺐ ﻣﻨﻲ ﻭﻛﺎﻝ
ﻟﺘﻜﻮﻟﻴﻠﻪ ﺍﻛﺜﺮ ﻣﻦ ﻣﺮﻩ ﺳﺎﻝ ﻟﻴﺶ ﻛﻠﺘﻲ ﺳﻴﺮﻭﺍﻥ ﺍﻟﺴﺎﻋﺪﻫﺎ ﺷﻮﻥ ﻋﺮﻓﺘﻲ ﻭﺍﻧﻲ ﺍﺳﻜﺖ
ﻋﻤﺎﺗﻲ ﻧﻬﻰ ﻭﺍﻡ ﻋﻠﻲ ﻣﻴﺪﺭﻭﻥ ﻭﺧﻄﻴﻪ ﻫﻤﻪ ﺍﺑﺪ ﻣﻴﻄﺎﻟﺒﻮﻥ ﺑﺮﺍﺗﺐ ﻣﺜﻞ ﺯﻳﻨﺐ ﺭﻏﻢ ﺿﻌﻒ ﺣﺎﻟﺘﻬﻢ ﺍﻟﻤﺎﺩﻳﻪ
ﻭﺗﻢ ﺍﻟﺒﻴﻊ ﻋﻠﻰ ﺍﻧﻪ ﺍﻟﻤﻌﻤﻞ ﻛﻠﻪ ﻳﻨﺒﺎﻉ ﻭﻭﺻﻞ ﺧﺒﺮ ﻟﺰﻳﻨﺐ ﺍﻧﻪ ﺍﻟﻤﻌﻤﻞ ﺩﻳﻨﺒﺎﻉ ﻛﺎﻉ ﻭﻣﻘﺒﻠﺖ ﻋﺎﻟﺴﻌﺮ ﻭﻋﻤﺎﻣﻲ ﻓﻬﻤﻮﻫﺎ ﺍﻧﻪ ﻛﻠﻬﻢ ﻣﻮﺍﻓﻘﻴﻦ ﻭﺳﻜﺘﺖ ﻣﻦ ﻻ ﺟﺎﺭﻩ ﺍﻻ ﻫﻲ ﻃﻠﺒﺖ ﺍﻛﺜﺮ ﻭﺍﻧﺒﺎﻋﺖ ﺣﺼﺘﻬﺎ . ﻭﺗﺴﺠﻠﺖ ﺑﺎﺳﻢ ﻋﻤﻮ ﺣﻴﺪﺭ ﻣﻮﻗﺘﺎ ﻭﺗﺴﺠﻠﺖ ﻛﻮﻣﺒﻴﺎﻻﺕ ﺑﻴﻨﻪ ﻭﺑﻴﻦ ﺳﻠﻴﻢ ﻭﻋﻤﻲ ﺍﺳﻨﺎﻋﻴﻞ ﻭﺍﺻﻴﻞ ﻭﺑﻘﻴﻪ ﻋﻤﺎﺗﻲ ﻭﺑﻴﺒﻲ
ﻭﺑﻴﻮﻡ ﺍﻟﻠﻲ ﺍﻧﻔﺘﺢ ﺍﻟﻘﺴﺎﻡ ﺍﻟﺸﺮﻋﻲ ﺧﺎﺑﺮﻧﻲ ﺳﻠﻴﻢ ﺑﻠﻴﻞ ﺟﻨﺖ ﺑﺒﻴﺘﻲ ﺍﺟﻴﺐ ﻫﺪﻭﻣﻲ ﺩﺍﺍﻧﺰﻝ ﻣﻦ ﺍﻟﺪﺭﺝ ﺩﻙ ﺳﻠﻴﻢ
ﺭﻧﺪ ﺍﻧﺘﻲ
ﻫﺎ ﺳﻠﻴﻢ ﺩﺍﺭﻭﺡ ﻻﻫﻠﻲ ﺷﻜﻮ
ﺳﻮﺍﻝ ﻭﺍﺣﺪ ﺍﺳﺎﻟﺞ ﺑﺮﻭﺡ ﻓﻬﺪ ﺟﺎﻭﺑﻴﻨﻲ ﺍﻟﺼﺪﻙ
ﺍﺟﺎﻭﺏ ﻣﻦ ﺩﻭﻥ ﻣﺘﺤﻠﻒ ﺍﺣﺠﻲ
ﺍﻧﺘﻲ ﺟﻨﺘﻲ ﺗﺪﺭﻳﻦ ﺍﻟﺤﺼﻪ ﻣﺎﻝ ﻋﻘﻴﻞ ﺑﺎﺳﻢ ﺳﻴﺮﻭﺍﻥ ﻟﻮ ﻻ
ﺯﻟﻜﺖ ﻣﻦ ﺍﻟﺪﺭﺝ ﺩﺭﺟﺘﻴﻦ ﻭﻛﻌﺖ ﻋﻠﻰ ﺿﻬﺮﻱ ﺗﻜﻄﻌﺖ ﻭﻋﺪﻟﺖ ﺭﻭﺣﻲبيج قصص عراقيه حقيقيه من واقعنا.روعه الطائي
ﻭﻫﺬﺍ ﻳﺼﻴﺢ
ﺛﻮﻝ ﺍﻱ ﻭﺍﻟﻠﻪ ﺛﻮﻭﻭﻝ ﺍﻟﻮ ﻳﻤﻌﻮﺩﻩ
ﻛﻠﺖ ﺑﺼﻮﺕ ﻣﺘﺎﻟﻤﻪ ﻫﺎﺍﺍ
ﻭﻭﺟﻌﻪ ﺷﺒﻴﺞ ﻣﻨﻴﻦ ﻭﻛﻌﺘﻲ
ﻣﻦ ﺍﻟﺪﺭﺝ ﺍﺥ ﻳﺎﺑﻪ ﺍﻭﻛﻒ ﻋﻴﺪ ﺍﻟﻜﻠﺘﻪ
ﺍﻟﺤﺼﻪ ﺑﺎﺳﻢ ﺳﻴﺮﻭﻭﻭﻭﻭﺍﻥ
ﻋﻠﻰ ﻛﻴﻔﻚ
ﺗﺪﺭﻳﻦ ﻣﻮﻭﻭ
ﻻ ﻭﺭﻭﺡ ﺧﺎﻟﻮ ﻭﻏﻼﺗﻚ ﻣﺎﺍﻋﺮﻑ
ﺳﻜﺖ ﺟﺮ ﻧﻔﺲ ﺭﺟﻠﺞ ﻭﺍﺣﺪ ﻛﻠﺐ ﺍﺑﻦ ﻛﻠﺐ
ﺳﻜﺘﺖ ﺻﺎﻓﻨﻪ ﻟﻴﺶ ﻫﻴﺞ ﺳﻮﻩ
ﺍﻟﺸﻔﻴﻪ ﻋﻘﻴﻞ ﻣﺴﺮﻱ ﻭﻛﺎﻟﻪ ﺑﺎﺳﻤﻪ ﻭﺩﺍﺯﻫﺎ ﺍﻟﻪ ﻭﻫﻮ ﻣﺤﻮﻝ ﺍﻟﺤﺼﻪ ﺑﺎﻟﻮﻛﺎﻟﻪ ﻻﻥ ﻋﻤﺘﺞ ﻣﺒﻴﻬﺎ ﺣﻴﻞ ﺗﺼﻌﺪ ﻭﺗﻨﺰﻝ
ﺍﻟﻠﻪ ﻻﻳﻨﻄﻴﻬﺎ
ﻻ ﻟﺘﺨﺎﻓﻴﻦ ﻳﻨﻄﻴﻬﻢ ﻭﻳﺰﻳﺪﻫﻢ ﻭﻳﻜﻌﺪ ﺣﻀﻬﻢ ﺣﻠﻜﺞ ﺍﺫﺍ ﻓﺘﺤﺘﻲ ﻳﺎ ﺭﻧﺪ ﺍﺷﻜﻪ ﻓﺎﻫﻤﻤﻤﻪ ﺍﺑﺪ ﻟﺘﺤﺠﻴﻦ
ﻻ ﻣﺎﺍﺣﺠﻲ
ﺑﺎﻱ
ﺍﻟﻠﻪ ﻭﻳﺎﻙ
ﺳﺪﻳﺘﻪ ﻭﻫﻮ ﻣﻮﺟﺮ ﻭﺍﻧﻲ ﺍﺭﺟﻒ ﻛﻮﻩ ﻭﺻﻠﺖ ﻟﺒﻴﺘﻨﺎ ﻭﺣﺠﻴﺖ ﻟﻤﺎﻣﺎ ﻭﻋﻤﻮ ﺣﻴﺪﺭ ﺑﻘﻮ ﺻﺎﻓﺘﻴﻦ ﺑﻮﺟﻬﻲ ﻛﻞ ﺍﻟﻜﺎﻟﻮ
ﻫﺬﺍ ﻋﻠﻤﻮﺩ ﺍﻣﻪ ﻭﻣﺘﺮﻫﻢ ﻳﺴﻮﻱ ﻭﻛﺎﻟﻪ ﺍﻟﻬﺎ ﻭﺍﻋﺬﺍﺭ ﻭﺍﻫﻴﻪ ﻋﺒﺎﻟﻢ ﺍﻧﻲ ﺯﻋﻄﻮﻃﻪ ﺳﻤﺘﺖ ﻟﺨﺎﻃﺮ ﺳﻠﻴﻢ ﺑﻠﻌﺘﻬﺎﺍﺍﺍ
ﻭﺍﻟﺤﻤﺪ ﻟﻠﻪ ﺩﻭﺭﺗﻬﺎ ﺳﺒﻮﻋﻴﻦ ﻟﺦ ﺗﺎﺟﻠﺖ ﻭﺍﻧﻲ ﻏﺼﺖ ﺑﺎﻣﺘﺤﺎﻧﺎﺗﻲ ﺳﻨﺪ ﻛﻀﺘﻬﺎ ﻋﺪﻧﺎ ﻻﻥ ﺯﻭﺟﻬﺎ ﺍﺧﺬ ﺍﺑﻮ ﻭﺳﺎﻓﺮ
ﺳﻨﺪ - ﺑﺲ ﺍﻟﺴﺒﻮﻋﻴﻦ ﺍﻟﻜﻀﻴﻨﺎ ﺑﺎﻟﺒﺴﺘﺎﻥ ﺷﻔﺘﻪ ﺑﻌﺪﻫﺎ ﻣﻦ ﺍﻝ ﻣﺴﺘﺸﻔﻰ ﻟﻠﻤﻄﻌﻢ ﻟﻠﻴﻞ ﻳﺮﺟﻊ ﻳﺒﺎﺕ ﻣﺴﺘﺸﻔﻰ ﺭﻏﻢ ﺍﻧﻪ ﺍﻡ ﻋﻠﻲ ﺍﺧﺘﻪ ﻭﺳﻬﺮ ﻣﻌﺎﻓﻮﻧﻲ ﺑﺲ ﺍﻧﻲ ﺷﺘﺎﻗﻴﺘﻠﻪ ﺗﻠﻔﻮﻧﺎﺗﻪ ﺑﻠﻴﻞ ﻭﻫﻤﺴﻪ ﻳﺸﺮﺡ ﺍﺷﺘﻴﺎﻗﻪ ﻭﻳﺠﻲ ﺑﺎﻟﻨﻬﺎﺭ ﻧﺺ ﺳﺎﻋﻪ ﻣﻴﻄﻮﻝ ﺭﻛﺾ ﺭﻛﺾ ﺑﺪﻝ ﺳﻠﺢ ﻭﻃﻠﻊ ﺣﺘﻰ ﺍﻛﻠﻪ ﺑﺮﻩ ﻭﺑﺎﻟﺒﻴﺖ ﻣﺎﻛﻮ ﺍﺣﺪ ﻣﺮﺕ ﺍﺑﻮ ﻳﻢ ﺍﺑﻮ ﺑﺲ ﺍﻡ ﻋﻠﻲ ﻭﺳﻬﺮ . ﻭﺧﻮﺍﺗﻪ ﺍﺑﺪ ﻣﻴﺤﺠﻮﻥ ﻭﻳﺎﻳﻪ
ﻭﺍﻧﻲ ﻛﺎﺿﻴﺘﻬﺎ ﺑﻐﺮﻓﺘﻲ ﻭﺍﻟﺴﻠﻴﻖ ﻳﺠﻴﻨﻲ ﻳﻮﻣﻴﻪ ﺍﺑﻘﻰ ﺑﻴﺖ ﺟﺪﻭ ﻋﻠﻤﻮﺩ ﺍﻟﺪﺭﻭﺱ ﻟﻠﻴﻞ ﻭﺍﺭﺟﻊ
ﺣﺪﻣﺎ ﻛﺎﻝ ﺍﺳﻔﺮﻩ ﺑﻠﻜﻦ ﺑﻲ ﺍﻣﻞ ﺑﺘﺮﻛﻴﺎ ﻋﻤﻠﻴﺘﻪ ﻧﺴﺒﺘﻬﺎ ﺍﻗﻮﻯ
ﻭﺳﺎﻓﺮ ﺣﺘﻰ ﻭﺩﺍﻉ ﻣﺘﻮﺍﺩﻋﻨﺎ ﺑﺠﻴﺖ ﻫﻮﺍﻱ ﻭﺭﺍﻩ ﻭﻫﻮ ﻳﺒﺎﻭﻋﻠﻲ ﻭﺍﻧﻲ ﺻﺎﻣﺪﻩ ﺣﺪﻣﺎ ﺗﺤﺮﻛﺖ ﺍﻟﺴﻴﺎﺭﻩ ﻣﻦ ﺑﺎﺏ ﺑﻴﺘﻨﺎ ﻭﺍﻧﻲ ﻣﺘﺖ ﺑﺠﻲ
ﺳﺮﻯ ﻛﺎﻣﺖ ﺗﺠﻴﻨﻲ ﻳﻮﻣﻴﻪ ﻭﺗﺠﻲ ﻭﻳﺎﻳﻪ ﺩﺧﻠﺖ ﺩﻭﺭﺍﺕ ﻭﺍﻟﻤﺪﺭﺳﻪ ﺗﺠﻴﻨﺎ ﺍﻟﻨﺎ ﺛﻼﻟﺜﺘﻨﻪ ﻭﻭﻳﺎﻧﺎ ﺑﻌﺪ ٣ ﺑﻴﺖ ﺟﺪﻭ ﻧﻜﻌﺪ ﺑﺎﻟﺼﺎﻟﻪ ﻧﺪﺭﺱ ﻋﻠﻲ ﺗﻮﺭﻁ ﺑﺮﺯﺍﻥ ﻳﺠﻴﺒﻬﺎ ﻭﻳﻮﺩﻳﻬﺎ
ﺭﻧﺪ - ﺛﻨﻴﻨﺎ ﺭﺟﻌﻨﺎ ﻟﺒﻴﺖ ﺍﻫﻠﻲ ﻭﺍﻣﻲ ﻛﻴﻔﺖ . ﺳﻴﺮﻭﺍﻥ ﻳﺨﺎﺑﺮ ﻛﻞ ﻳﻮﻣﻴﻦ ٣ ﻣﺮﻩ ﻧﻔﺲ ﺍﻭﻝ ﺩﻭﺭﻩ ﺍﻟﻪ ﻻﻥ ﻳﺮﺟﻊ ﺗﻌﺒﺎﻥ ﻭﻳﻨﺎﻡ ﺣﺴﺐ ﻣﻜﺎﻝ ﻭﻛﻠﺶ ﻣﻦ ﻳﺤﺎﺟﻴﻨﻲ ﺭﺳﻨﻲ ﺟﻤﺎﻋﺘﻪ ﻭﻳﺎﻩ ﺑﺎﻟﻐﺮﻓﻪ ﻭﻣﻨﺎ ﺳﺎﻟﻔﻪ ﺳﻠﻴﻢ
ﺍﻟﺒﻴﻌﻪ ﺻﺎﺭﺕ ﺑﻮﻛﺎﻟﻪ ﺳﻴﺮﻭﺍﻥ ﻭﺩﺯﻫﺎ ﻻﻣﻪ ﻭﺍﻣﻪ ﻛﺎﻟﺖ
ﻟﺘﺤﺠﻮﻥ ﻛﺪﺍﻡ ﻣﺮﺗﻪ ﺗﺮﻩ ﻳﻜﻠﺐ ﺍﻟﺪﻧﻴﺎ ﻋﻠﻴﻪ ﻭﺳﻠﻴﻢ ﻛﻠﻲ ﻫﺎﻟﻜﻼﻡ ﻛﺘﻠﻪ ﻣﺎﺷﻲ ﺍﻧﺖ ﻣﻜﻠﺖ ﺷﻲ ﻭﺍﻧﻲ ﻋﻤﻴﻪ ﻭﻏﺒﻴﻪ ﻣﺎﺍﻋﺮﻑ
ﺳﻠﻴﻢ ﺣﺎﺭﺏ ﻭﻗﺎﻭﻡ ﺣﻴﻞ ﻋﻠﻤﻮﺩ ﺍﻟﻤﻌﻤﻞ ﺟﺎﻥ ﻟﻴﻞ ﻧﻬﺎﺭ ﻳﺮﻛﺾ ﺟﺘﻲ ﺍﻳﺎﻡ ﺣﺘﻰ ﺑﺎﺕ ﺑﻲ . ﻋﻠﻤﻮﺩ ﺍﻟﻤﻌﻤﻞ ﻣﺎﻝ ﺧﻴﺎﻃﻪ
ﺍﻗﻞ ﺍﻟﺴﺒﻮﻉ ﺍﻟﻘﻀﻴﻪ ﺧﻠﺼﺖ ﺍﻟﻤﺤﺎﻣﻲ ﻣﺎﻝ ﻋﻤﻮ ﺣﻴﺪﺭ ﺧﻠﺼﻬﺎ ﻭﺍﻟﻤﻌﻤﻞ ﺍﻟﺼﻐﻴﺮ ﻛﻤﻠﻮ ﻭﺗﺨﻠﺖ ﺍﻟﻤﻜﺎﻳﻦ . ﺧﺎﻟﻪ ﻓﻮﺯ ﻭﻧﺴﻮﺍﻥ ﺍﺧﻮﺗﻬﺎ ﻭﺑﻨﺎﺕ ﺍﺧﻮﺗﻬﺎ ﺍﺷﺘﻐﻠﻮ ﻭﺑﺪﻩ ﺍﻟﺸﻐﻞ
ﺍﻗﻞ ﺳﺒﻮﻋﻴﻦ ﺳﻠﻴﻢ ﻃﻤﺲ ﺑﺎﻟﺪﻳﻦ ﻭﻳﺼﻴﺢ
ﻳﺴﺘﺎﻫﻞ ﺍﺳﻢ ﺟﺪﻱ ﺍﻟﺘﻌﺐ ﻭﺑﻴﺒﻲ ﺗﺒﺠﻲ ﺟﻨﺖ ﻣﻦ ﺍﺑﺎﻭﻋﻠﻪ ﺍﺗﻤﻨﻰ ﻟﻮ ﻫﻮ ﺍﺑﺮﻳﻪ ﺟﺎﻥ ﺷﻮﻥ ﻋﺸﺖ ﺑﺮﺍﺣﻪ ﺍﻟﻔﻠﻮﺱ ﺳﻠﻤﻮﻫﺎ ﻟﺰﻳﻨﺐ ﻭﺧﻠﺼﻨﺎ . ﻣﻨﻬﺎ .
ﻭﺗﻬﻴﺎﻧﺎ ﻟﻤﻬﺮ ﺳﻠﻴﻢ ﺍﻟﻠﻲ ﻫﻮﺍﻱ ﺗﺎﺟﻞ
ﺳﻠﻴﻢ ﻫﺎﻟﻔﺘﺮﻩ ﻣﺘﻮﻭﻭﺗﺮ ﺣﻴﻞ ﺣﻴﻞ ﻻﺑﻌﺪ ﺣﺪ ﺧﺎﻳﻒ ﻻ ﺍﻟﻤﻌﻤﻞ ﻳﺨﺴﺮ ﻭﺍﻟﺪﻳﻦ ﻳﺨﻠﻲ ﻳﺒﻴﻌﻪ ﻋﻠﻤﻮﺩ ﻳﻮﻓﻲ
ﻛﻠﺴﺎ ﻣﺘﺼﻞ ﻭﻳﻜﻮﻟﻲ ﺷﻮﻥ ﻣﺤﺪ ﻳﺮﻳﺪ ﻳﺘﻌﺎﻗﺪ ﻭﻱ ﻣﻌﻤﻞ ﺧﻴﺎﻃﻪ ﻋﺮﺍﻗﻲ ﻣﺮﺍﺡ ﺍﺩﺑﺮﻫﺎ ﻓﻠﻮﺱ ﻋﻤﺞ ﺷﻮﻥ ﺍﻭﻓﻴﻬﺎ
ﺳﻠﻴﻢ ﺍﺿﻌﻒ ﺍﻻﻳﻤﺎﻥ ﻳﻨﺒﺎﻉ ﻭﻳﺘﻘﺴﻢ
ﺍﻣﻮﺕ ﺍﺫﺍ ﺍﻧﺒﺎﻉ ﻟﺞ ﻋﻤﺮﻱ ١١ ﺳﻨﻪ ﻭﺍﻟﻢ ﺧﻴﻮﻁ ﻣﻦ ﺍﻟﻜﺎﻉ ﻭﻱ ﺟﺪﻱ ﻟﺞ ﺷﺘﺤﺠﻴﻦبيج قصص عراقيه حقيقيه من واقعنا.روعه الطائي
ﺳﻜﺘﺖ ﺻﺎﻓﻨﻪ ﺧﻔﺖ ﻋﻠﻰ ﺧﻮﻓﺘﻪ ﻭﺣﻴﺮﺗﻪ ﻭﻣﺎﺍﻋﺮﻑ ﺷﻮﻥ ﺍﺳﺎﻋﺪﻩ ﺭﻏﻢ ﻫﻮ ﻋﻤﻮ ﻣﻴﺤﺠﻲ ﺑﺲ ﺍﻟﺤﻘﻮﻕ ﺍﻟﻬﺎ ﺣﻠﻮﻙ .
ﻛﻄﻊ ﻣﻬﺮ ﺑﺪﻭﻥ ﺣﻔﻠﻪ . ﻭﺳﻮﻳﻨﺎ ﻏﺪﻩ ﻭﻋﺰﻣﻨﺎ ﻋﻤﺘﻲ ﺯﻳﻨﺐ ﺣﺴﺐ ﺍﻻﺻﻮﻝ . ﻭﺳﻠﻴﻢ ﻣﺤﺠﻪ ﻭﻧﺒﻪ ﻣﻴﻨﻔﺘﺢ ﻛﺪﺍﻡ ﻋﻤﺎﺗﻲ ﺍﻟﻤﻮﺿﻮﻉ ﺍﺑﺪ ﺣﺪﻣﺎ ﻳﺴﺘﻘﺮ ﻋﻤﻠﻪ ﻣﺮﺍﺩ ﻣﺸﺎﻛﻞ ﻭﻫﻮﺳﻪ
ﻋﻤﺎﺗﻲ ﺍﻓﺘﻬﻤﻮ ﺍﻧﻪ ﺍﻟﻤﻌﻤﻞ ﺍﻧﺒﺎﻉ ﻭﻣﺤﺪ ﻣﻨﻬﻢ ﻛﺎﻟﺖ ﻭﺍﺣﻨﺎ ﻭﻳﻦ ﺣﺼﺘﻨﺎ ﺣﺪﻣﺎ ﻋﻤﺘﻲ ﻧﻬﻰ ﺳﺎﻟﺖ
ﻳﻤﻪ ﻛﻠﻪ ﺍﻧﺒﺎﻉ ﻛﺎﻟﺘﻬﺎ ﻭﺑﺠﺖ ﻳﻤﻪ ﺷﻮﻥ ﻫﻠﻜﻢ ﺍﺳﻢ ﺍﺑﻮﻳﻪ ﻳﺮﻭﺡ
ﺑﻴﺒﻲ ﺍﺑﺘﺴﻤﺖ ﻭﺑﺎﻭﻋﺖ ﻟﺴﻠﻴﻢ ﺍﻟﺪﻳﺸﺮﺏ ﺍﻟﻜﻬﻮﻩ ﺭﻓﻊ ﺭﺍﺳﻪ ﺑﺎﻭﻋﻠﻬﺎ
ﻋﻤﻪ ﺍﻧﺘﻲ ﺗﺮﺩﻳﻦ ﺣﺼﺘﺞ
ﻧﺘﺮﺕ
ﻳﺎﻳﻮﻡ ﻣﻄﺎﻟﺒﻪ ﺑﺤﺼﺘﻲ ﺍﻧﻲ ﻋﻤﻪ ﺣﺼﺘﻲ ﺍﻟﺪﺗﺎﺧﺬﻫﺎ ﺍﻣﻲ ﻭﺍﻧﻲ ﻣﻦ ﺍﺟﻲ ﺍﺗﺪﻟﻞ ﺑﺠﺎﻝ ﺍﺑﻮﻳﻪ ﺷﺮﻳﺪ ﺗﻜﻮﻟﻲ ﺻﺎﺭ ﺍﺧﺬﻱ ﻣﻦ ﺳﺘﺮﺕ ﺍﺑﻮﺝ ﺍﻟﻤﻌﻠﻜﻪ . ﻭﺍﻧﻲ ﺍﺧﺬ ﺍﻻﺭﻳﺪﻩ ﺑﺮﺍﺣﺘﻲ ﻻﻥ ﺍﺩﺭﻱ ﻣﻦ ﻣﻌﻤﻞ ﺍﺑﻮﻳﻪ ﺍﻧﺖ ﻣﻦ ﻭﺍﻛﻒ ﺑﺎﻟﻤﻌﻤﻞ . ﻳﻌﻨﻲ ﺍﺑﻮﻳﻪ ﻭﺍﻛﻒ ﺍﻧﺖ ﺍﻛﺜﺮ ﻣﻦ ﺍﺧﻮﺗﻲ ﺍﺷﺘﻐﻠﺖ ﺑﻲ ﻫﻤﻪ ﻳﺘﻬﺰﻣﻮﻥ ﻭﺍﻧﺖ ﻣﻦ ﺍﻟﺼﺒﺢ ﻭﻱ ﺍﺑﻮﻳﻪ ﺗﻜﻌﺪ ﺟﺪﻱ ﺍﺟﻲ ﻭﻳﺎﻙ ﻭﻳﻜﻮﻟﻚ ﺍﻣﺸﻲ ﺣﺘﻰ ﺑﻌﺪﻳﻦ ﺍﻧﺖ ﺗﻠﺰﻣﻪ ﺷﻮﻥ ﻛﺪﺭﺕ ﺳﻠﻴﻢ ﺷﻮﻥ ﻛﺪﺭﺕ ﻋﻤﻪ
ﺳﻠﻴﻢ ﺍﺑﺘﺴﻢ ﻭﻭﻣﺸﻪ ﺗﺠﺎﻫﻪ ﺣﻀﻨﻬﺎ ﻭﻫﻲ ﺗﺒﺠﻲ ﺟﺮﻫﺎ ﻟﻠﻐﺮﻓﻪ ﻭﺣﺠﺎﻟﻬﺎ ﻛﻠﺸﻲ ﺑﻴﻮﻣﻬﺎ ﻋﺮﻓﺖ ﻋﻤﺘﻲ ﻧﻬﻰ ﻣﻦ ﺟﻨﺖ ﺍﺷﻮﻓﻬﺎ ﺳﺎﻛﺘﻪ ﺍﻛﻮﻝ ﺷﻴﻄﺎﻥ ﺍﺧﺮﺱ ﺑﺲ ﻣﻦ ﺣﺠﺖ ﺍﻟﻴﻮﻡ ﻋﺮﻓﺘﻬﺎ ﺷﺒﻌﺎﻧﻪ ﺯﻳﻦ ﻫﺎﻱ ﺯﻳﻨﺐ ﺷﻮﻥ ﺻﺎﺭﺕ ﻫﻴﺞ ﺣﺘﻰ ﻋﻤﺘﻲ ﺭﻏﺪ ﺍﻟﻠﻲ ﺑﺎﻟﺨﺎﺭﺝ ﻣﻦ ﺧﺎﺑﺮﻧﺎﻫﺎ ﺩﺯﺕ ﺍﻟﻮﻛﺎﻟﻪ ﻭﻛﺎﻟﺖ ﺣﺼﺘﻲ ﻻﻣﻲ ﻭﻻﺻﻴﻞ ﻻﻥ ﻫﻮ ﺍﻟﺮﺑﺎﻧﻲ ﻭﺗﻌﺐ ﻋﻠﻴﻪ ﻭﻭﺻﻠﻨﻲ
ﻟﻴﺶ ﺑﺲ ﻫﺎﻱ ﻫﻴﺞ ﻋﻤﺘﻲ ﺍﻡ ﻋﻠﻲ ﺷﻜﺪ ﻣﺤﺘﺎﺟﻪ ﻣﺎﻓﺪ ﻳﻮﻡ ﻛﺎﻟﺖ ﺍﺭﻳﺪ ﻟﻮﻣﺎﺳﻠﻴﻢ ﻳﺤﺠﻴﻠﻲ ﻓﻼ ﺍﻋﺮﻑ
ﻭﻫﻴﺞ ﻋﻤﺎﺗﻲ ﻋﺮﻓﻮ ﺑﺎﻟﻤﺨﻄﻂ ﻭﺳﻜﺘﻮ ﻟﺴﻜﻮﺗﻨﺎ ﻛﻞ ﻫﺎﻱ ﻭﻋﻤﻪ ﺍﻟﻬﺎﻡ ﺍﻟﻮﺣﻴﺪﻩ ﻣﺘﺪﺭﻱ ﺳﻠﻴﻢ ﻭﻋﻤﻲ ﺍﺳﻨﺎﻋﻴﻞ ﻧﺒﻬﻨﺎ ﻧﺤﺠﻲ ﻛﺪﺍﻣﻬﻢ ﻫﻲ ﻭﻟﻴﺎﻥ ﻻﻥ ﻋﻤﻪ ﺍﻟﻬﺎﻡ ﻋﺪﻫﺎ ﺍﺗﺼﺎﻝ ﻭﻱ ﺯﻳﻨﺐ
ﺍﺭﻳﺪ ﻳﺤﺠﻮﻥ ﻭﺍﺷﻮﻑ ﻭﺟﻬﻪ ﺑﺲ ﺑﻌﺪ ﻭﻛﺖ
ﺭﺯﺍﻥ ﻃﺎﻳﺮﻩ ﺑﺎﻟﻤﻬﺮ ﻟﺒﺴﻮﻫﺎ ﺍﻟﺬﻫﺐ ﺑﺴﻴﻂ ﺣﻴﻞ ﻻﻥ ﺳﻠﻴﻢ ﺻﻔﻔﻔﺮ . ﻋﻤﺘﻲ ﺟﺎﻧﺖ ﺗﻜﻮﻟﻪ ﻣﺘﺮﻳﺪ ﻏﻴﺮ ﺍﻟﺤﻠﻘﻪ ﺍﻧﺖ ﺍﻟﺬﻫﺐ
ﻭﺍﻧﻲ ﺍﺣﻠﻔﻠﻬﺎ ﻭﺍﻟﻠﻪ ﻛﻞ ﻛﻠﻤﻪ ﻛﺎﻟﺘﻬﺎ ﺻﺪﻕ ﺍﻟﺼﺪﻕ
ﻧﻴﺸﻨﻬﺎ ﻭﻳﺒﺎﻭﻉ ﻟﻌﻤﺘﻲ ﺑﺤﺐ
ﺍﻟﻠﻲ ﺻﺎﺭ ﺑﻴﻦ ﻣﻌﺪﻥ ﻛﻞ ﻭﺍﺣﺪ ﺑﻴﻨﻨﺎ .
ﻋﻤﺎﺗﻲ
ﺳﻠﻴﻢ
ﻭﻋﻤﺎﻣﻲ
ﻭﺑﻴﺒﻲ
ﻋﻤﻪ ﺍﻟﻬﺎﻡ
ﻭﺣﺘﻰ ﺳﻴﺮﻭﺍﻥ
ﺣﺮﻭﻑ ﺍﺳﻤﻪ ﻣﻦ ﺍﻛﻮﻟﻬﺎ ﺗﻮﺟﻊ ﻛﻠﺒﻲ
ﻛﻤﺖ ﺍﺣﺲ ﻣﻦ ﺍﺑﺎﻭﻋﻠﻬﻢ ﺍﺑﺎﻭﻉ ﻟﺪﺍﺧﻞ ﻛﻠﺒﻬﻢ . ﺷﻮﻥ ﻋﻔﺘﻮﻧﺎ ﻭﺍﻧﺘﻮ ﻋﺪﻛﻢ ﻫﻴﺞ ﻃﻴﺒﻪ ﻭﻣﺤﻨﻪ . ﻟﻴﺶ ﺑﺲ ﺑﻴﻨﻜﻢ ﻟﻴﺶ ﺳﻤﻌﺘﻮ ﻣﻨﻬﺎ ﻭﺻﺪﻛﺖ ﻫﺎ ﻋﻴﻮﻧﻲ ﺟﺎﻧﺖ ﺗﻌﺘﺐ ﻭﻱ ﻛﻞ ﻧﻀﺮﻩ ﻭﺟﺎﻥ . ﻳﺤﺴﻮﻥ ﻭﻳﺘﻬﺰﻣﻮﻥ ﺑﻌﻴﻮﻧﻬﻢ
ﻓﺘﺮﻩ ﻣﺮﺕ ﻭﺳﻠﻴﻢ ﻣﺨﺒﻮﺹ ﺑﺎﻟﻤﻌﻤﻞ ﻭﺍﺧﻴﺮﺍ ﺗﻌﺎﻗﺪ ﻭﻱ ﻭﻛﺎﻟﺘﻴﻦ ﺑﺸﺮﺍﺀ ﺍﻟﻤﻼﺑﺲ ﺧﺎﺑﺮﻧﻲ ﻃﺎﻳﺮ ﻓﺮﺣﺎﻥ ﻳﺒﺸﺮﻧﻲ
ﻋﻤﻲ ﺍﺻﻴﻞ ﻋﺎﻟﻌﺮﺑﺎﻧﻪ ﻛﺎﻡ ﻳﺮﻭﺡ ﻳﻮﻣﻴﻪ ﻣﻦ ﻟﻬﻔﻪ ﺳﻠﻴﻢ ﻟﻠﺸﻐﻞ ﺍﺛﺮﺕ ﻋﻠﻲ . ﺧﺼﻮﺻﺎ ﻋﻤﻮ ﺭﻭﺣﻪ ﺑﺎﻟﻤﻌﻤﻞ ﻣﺜﻞ ﺟﺪﻱ ﺑﺲ ﺍﻟﺰﻣﻦ ﻭﻛﻌﻪ
ﺑﻘﻪ ﻛﻢ ﻳﻮﻡ ﻟﺮﺟﻌﻪ ﺳﻴﺮﻭﺍﻥ . ﺍﻻﺷﺘﻴﺎﻕ ﺍﻟﻠﻲ ﺑﻜﻠﺒﻲ ﻳﺨﻮﻑ ﺭﻏﻢ ﻣﻐﻠﻒ ﺑﺤﻘﺪ ﻭﻏﻤﻮﺽ ﻭﻛﺬﺏ
ﺟﻬﻴﻨﻪ ﻳﻮﻣﻴﻪ ﺑﺎﻟﺘﻔﺼﻴﻞ ﺗﺎﺧﺬ ﺍﻻﺣﺪﺍﺙ ﻭﺗﺤﻨﻦ ﻛﻠﺒﻲ ﻋﻠﻰ ﺳﻴﺮﻭﺍﻥ ﻭﺳﺎﻋﻪ ﺗﻐﻠﻂ ﻋﻠﻴﻪ ﻣﺤﺮﻭﻙ ﺩﻣﻬﺎ
ﻭﺑﻴﻮﻡ ﺧﺎﺑﺮﺗﻨﻲ ﻛﺎﻟﺖ
ﺑﺎﺟﺮ ﺧﺎﻟﺘﻲ ﺗﻨﺘﻘﻞ ﻟﻠﻤﺸﺘﻤﻞ ﻣﺎﻟﺘﻬﺎ ﺑﺎﺣﺮ ﺍﻟﻀﺮﺑﻪ ﺍﻟﻘﺼﻮﻯ ﺭﻧﺪ
ﺍﺗﻤﻨﻰ ﺍﻛﻮﻥ ﻣﻮﺟﻮﺩﻩ ﺍﺗﻤﻨﻯﻯﻰ
ﺗﻮﺻﻠﺞ ﺍﻻﺧﺒﺎﺭ ﻋﻤﺮﻱ ﺍﻧﺘﻲ ﺗﻮﺻﻞ
ﺍﻟﻠﻪ ﻛﺮﻳﻢ
ﺛﺎﻧﻲ ﻳﻮﻡ ﺧﺎﺑﺮﺕ ﻛﺎﻟﺖ . ﺩﺭﺕ ﻭﻛﻠﺒﺖ ﺍﻟﺒﻴﺖ ﻭﻛﺴﺮﺕ ﺑﻴﺘﻬﺎ ﻭﻟﻤﺖ ﺍﻟﺠﻴﺮﺍﻥ
ﺗﺎﻟﻠﻲ ﺷﺴﻮﻩ
ﻣﺴﻮﻩ ﺷﻲ ﻃﺐ ﻟﺒﻴﺖ ﺧﺎﻟﺘﻲ ﻭﻗﻔﻞ ﺍﻟﺒﺎﺏ ﻳﻜﻮﻟﻬﻢ ﻟﻠﺠﻴﺮﺍﻥ ﻣﺨﺒﻠﻪ ﺷﺴﻮﻳﻠﻬﺎ
ﻭﺍﻟﻨﺎﺱ ﺗﻌﺮﻓﻬﺎ ﺍﻟﻤﺸﻜﻠﻪ
ﻧﻤﻞ ﺟﺴﻤﻲ ﻭﺍﺗﺬﻣﺮ ﻣﻮﻗﻒ . ﻣﻮﻗﻒ ﺷﻮﻥ ﻣﺎﻣﺎ ﻃﻠﻌﺖ ﻣﻦ ﺍﻟﺒﻴﺖ ﻭﺍﻧﺬﻟﻴﻨﺎ ﺍﺗﺬﻛﺮ ﻣﻦ ﺟﺮﺕ ﺷﻌﺮﻱ ﻭﺿﺮﺑﺘﻬﺎ ﻭﺍﺗﺬﻛﺮ ﻣﻦ ﻃﺎﻫﺎ ﺣﺼﺘﻨﺎ ﻋﻘﻴﻞ
ﻓﺮﺣﺖ ﺣﻴﻞ ﻭﺍﺣﺲ ﺍﺧﻴﺮﺍ ﺍﻟﻌﺪﺍﻟﻪ ﺍﻻﻟﻬﻴﻪ ﺍﺧﺬﺕ ﻣﺠﺮﺍﻫﺎ ﻭﻟﻮ ﻭﻛﺖ ﻃﻮﻳﻞ ﻣﻦ ﺣﺮﻣﻪ ﺩﻡ ﻭﻗﻬﺮ ﺑﺲ ﺑﺪﻳﺖ ﺍﺣﺲ ﺍﻟﺪﻧﻴﺎ ﺍﻓﺘﺮﺕ ﺍﻟﻲ ﺷﻮﻱ
ﺧﺎﺑﺮﺗﻨﻲ ﺳﻨﺪ ﺟﺎﻧﺖ ﺑﻴﺖ ﺟﺪﻭ ﺗﺎﺧﺬ ﻣﺤﺎﺿﺮﻩ ﺧﺎﺑﺮﺕ ﺗﺮﺟﻒ
ﺭﻧﺪ ﺍﻧﺘﻲ ﻭﻳﻦ
ﺑﺎﻟﺠﺎﻣﻌﻪ ﺷﺒﻴﺞ ﺩﺍﺭﻭﺡ ﺑﻴﺘﻨﺎ
ﻧﺮﻳﻠﻲ ﻓﺪﻭﻩ ﻣﺮﻳﻠﻲ ﺑﻴﺖ ﺟﺪﻭ
ﺷﻜﻮ
ﺯﻳﻨﺐ ﺯﻳﻨﺐ ﺟﺘﻲ ﻛﻠﺒﺖ ﺍﻟﺒﻴﺖ ﺩﻙ ﻭﻟﻄﻢ ﻣﻠﺨﺖ ﻫﺪﻭﻣﻬﺎ ﻭﺗﺪﻋﻲ
ﺍﺑﺘﺴﻤﺖ ﻫﺎﺍﺍ ﺟﺘﻲ
ﻟﺞ ﺍﺑﻮﺳﻴﺮﻭﺍﻥ ﻣﺘﺰﻭﺝ ﻋﻠﻴﻬﺎ
ﻫﻬﻪ ﺍﺩﺭﻱ
ﺑﺎﻉ ﻫﺎﻱ ﺗﻀﺤﻚ ﻟﺞ ﺗﺨﺮﺑﻄﺖ ﻭﻟﻴﺎﻥ ﺿﺮﺑﺘﻬﺎ ﺍﺑﺮﻩ ﻭﺿﺮﺑﺖ ﻟﻴﺎﻥ ﺗﻜﻮﻟﻬﺎ ﻋﻮﻓﻴﻨﻲ
ﺧﺒﺎﻝ ﺧﺒﺎﻝ
ﺩﺗﻌﺎﻱ ﻋﻠﻴﻪ ﺣﺒﺎﺑﻪ
ﺍﻭﻙ ﺟﺎﻳﻴﺘﺞ ﻣﻮ . ﺗﺪﻟﻠﻴﻦ
ﻛﺒﻞ ﺭﺣﺖ ﻟﺒﻴﺖ ﺟﺪﻱ ﻃﺒﻴﺖ ﺳﻠﻴﻢ ﺩﻳﻐﺴﻞ ﺳﻴﺎﺭﺗﻪ ﺑﺎﻭﻋﻠﻲ ﺍﺑﺘﺴﻢ
ﻫﺎﺍ ﺟﻴﺘﻲ ﺭﻛﺾ ﻭﺻﻠﺖ ﺍﻻﺧﺒﺎﺭ ﺧﻮ ﻋﻴﺪ ﻭﺟﺎﺑﻪ ﺍﻟﻌﺒﺎﺱ
ﻫﻬﻬﻪ ﺍﻧﻲ ﺷﻌﻠﻴﻪ ﻋﺸﺘﻮ
ﻭﻟﺞ ﺳﻮﺍﻫﺎ ﻃﻠﻊ ﻧﺠﺮ ﻭﺍﻧﻲ ﻋﺒﺎﻟﻲ ﺧﻴﺨﻪ
ﻻﻻ ﺧﺎﻑ ﻋﻠﻰ ﺭﻭﺣﻚ
ﻃﺒﻴﺖ ﺭﺍﻓﻌﻪ ﺭﺍﺳﻲ ﺍﻟﺴﻼﻡ ﻋﻠﻴﻜﻢ
ﻭﺍﻧﺪﺍﺭﻳﺖ ﺷﻔﺘﻲ ﻋﻤﺎﻣﻲ ﻭﺍﻛﻔﻴﻦ ﻋﻠﻰ ﺭﺍﺳﻬﺎ ﻭﻫﻲ ﻣﺘﺨﺮﺑﻄﻪ ﻭﺍﻳﺪﻫﺎ ﺑﻴﻬﺎ ﻛﺎﻧﻮﻧﻪ ﻭﺗﻮﻥ
ﻛﻠﺒﻲ ﺍﻧﻌﺼﺮ ﺭﺍﺳﻦ ﺗﺨﻴﻠﺖ ﺭﻭﺣﻲ ﺑﻤﻜﺎﻧﻬﺎ ﺷﻴﺼﻴﺮ ﺑﻴﻪ ﺍﺫﺍ ﻋﺮﻓﺖ ﺳﻴﺮﻭﺍﻥ ﻣﺘﺰﻭﺝ ﻋﻠﻴﻪ ﻳﻤﻜﻦ ﺍﻧﺠﻠﻂ ﺑﻘﻴﺖ ﺍﺑﺎﻭﻋﻠﻬﺎ ﺑﺎﻭﻋﺘﻠﻲ ﻭﺟﺮﺕ ﻋﻴﻨﻬﺎ
ﻛﺎﻟﺖ
ﺗﺘﺸﻤﺖ ﺑﺖ ﺍﻟﻘﻨﺪﺭﻩ ﺗﺘﺸﻤﺖ
ﺷﻜﻮ ﺷﺒﻴﻬﺎ ﻋﻤﺘﻲ ﻛﻠﺘﻬﺎ ﺑﻼ ﻣﻮﺑﺎﻻﻩ ﺑﻮﺳﺖ ﺑﻴﺒﻲ ﻭﻋﻤﺎﻣﻲ
ﻛﺎﻟﻮ
ﻣﺎﻛﻮ ﺷﻲ ﻋﻤﻮ
ﺑﻴﺒﻲ ﻛﺎﻟﺖ
ﻳﻤﻪ ﻗﺎﺑﻞ ﺧﻠﺼﺖ ﺍﻟﺪﻧﻴﺎ ﻻ ﺍﻭﻝ ﻭﻻ ﺍﺧﺮ ﻭﺣﺪﻩ
ﺷﺒﻴﻬﺎ ﺷﻜﻮ ﺳﻮﻳﺖ ﺭﻭﺣﻲ ﻓﺪ ﻧﻮﺏ ﻣﺎﺍﺩﺭﻱ ﻛﺎﻟﺖ ﺑﻴﺒﻲ
ﺍﺑﻮ ﺳﻴﺮﻭﺍﻥ ﻣﺘﺰﻭﺝ
ﻋﻠﻰ ﻫﺎﻱ ﺷﺒﻴﺞ ﻋﻤﻪ ﺻﻐﻴﺮﻩ ﺍﻧﺘﻲ ﻣﻌﻮﺩﻩ ﺍﻣﻲ ﺷﻜﺪﻭﺗﻬﺎ ﻭﺗﺰﻭﺝ ﻋﻠﻴﻬﺎ ﺑﺎﺑﺎ ﺍﻟﻨﻮﺑﻪ ﻋﺎﻓﻬﺎ ﻭﺭﺍﺡ ﻋﺎﺩﻱ ﻋﻤﻪ ﻭﺭﺑﺘﻨﻪ ﻭﻛﺒﺮﺗﻨﻪ ﻭﻛﺪﺍﻣﺞ ﺍﻧﻲ ﻳﻤﻌﻮﺩﻩ ﻣﺤﺪ ﻣﺎﺕ ﻭﺭﻩ ﺍﺣﺪ
ﻛﺎﻣﺖ ﺗﺮﻳﺪ ﺗﻬﺠﻢ ﻋﻠﻴﻪ ﻭﺻﺎﺡ ﻋﻤﻮ ﺍﺳﻤﺎﻋﻴﻞ ﻭﺟﺮﻫﺎ
ﺷﺒﻴﺞ ﺗﺨﺒﻠﺘﻲ
ﺗﺘﺘﺸﻤﺖ ﺑﻴﻪ ﺑﺖ ﺍﻟﻘﻨﺪﺭﻩ ﺍﻧﻲ ﻭﻭﻭﻳﻦ ﻭﺍﻣﺞ ﻭﻳﻦ ﺍﻣﺞ ﺍﻡ ﺭﻳﺎﺣﻴﻞ ﻫﺞ ﺍﺑﻮﺝ ﻣﻦ ﻭﺭﺍﻫﺎ . ﺑﺖ ﺍﻝ --
ﺓﻋﻜﺪﺕ ﺣﺎﺟﺒﻲ ﺑﺎﻭﻋﺖ ﻟﻌﻤﺎﻣﻲ ﺍﺷﺮﻭﻟﻲ ﺑﺨﺰﺭﻩ ﺍﻃﻠﻊ ﺑﻮﺳﺖ ﺑﻴﺒﻲ ﺑﺎﻱ ﺑﻴﺒﻲ ﻭﻃﻠﻌﺖ
ﺳﺮﻯ ﻭﺍﻛﻔﻪ ﻳﻢ ﺭﺯﺍﻥ ﻭﺳﻨﺪ ﺑﺎﻭﻋﺘﻠﻲ ﺑﺨﺠﻞ
ﻛﺎﻟﺖ
ﻋﺎﺩﻱ ﺗﻮﺩﻳﻨﻲ ﻭﻳﺎﺝ ﺍﻟﺴﺎﻳﻖ ﻳﺘﺎﺧﺮ ﻻﻥ ﻣﺤﺎﺿﺮﻩ ﻣﺎﺍﺧﺬﻧﺎ ﻣﻌﺒﺎﻟﻲ ﺣﺘﺼﻴﺮ ﻋﺪﻛﻢ ﻣﺸﻜﻠﻪ
ﺭﺯﺍﻥ - ﺍﻭﺻﻠﺞ ﻭﻳﺎﻳﻪ ﻋﻼﻭﻱ ﻳﻮﺩﻳﻨﺎ
ﻻﻻﻋﻔﻴﻪ ﺍﺧﻮﺗﻲ ﻣﻴﻘﺒﻠﻮﻥ
ﺳﻨﺪ - ﺷﺒﻴﺞ ﺳﺮﻯ ﻫﺴﻪ ﻧﺮﻭﺡ ﻭﻱ ﺭﻧﺪ ﺷﺒﻴﺞ ﺣﺘﺒﺤﻴﻦ
ﺍﺳﺘﺤﻲ ﻣﻦ ﺑﻴﺖ ﺟﺪﺝ
ﻫﺎﻟﺤﺠﻲ ﻭﻃﺒﺖ ﻟﻴﺎﻥ ﺍﺑﺘﺴﻤﺖ
ﻫﻼﻭ
ﺍﺷﺮﺗﻠﻬﺎ ﺭﻧﺪ،ﺍﺷﺶ
ﺷﻜﻮ ﺷﻜﻮ
ﻛﺎﻛﺎ ﺩﻟﺸﺎﺩ ﺗﺰﻭﺝ ﻋﻠﻰ ﻋﻤﺘﺞ ﻭﻣﻜﻠﻮﺑﻪ ﺍﻻﻣﻪ
ﻓﻜﺖ ﺣﻠﻜﻬﺎ ﻛﺎﻟﺖ
ﻧﺠﺮﺭﺭﺭ ﺑﻌﺮﺿﻲ ﻫﻬﻬﻪ ﺷﻮﻥ ﻛﺪﺭ ﺷﻮﻥ ﺗﺠﺮﺍ
ﺩﻧﺤﺠﻲ ﻭﻧﻀﻊ ﺗﺒﺸﺒﺶ ﻭﺍﺣﺪ ﻭﺭﺍﻧﺎ ﻣﺎﻝ
ﺟﺠﺠﺠﺠﺠﺞ ﺍﻟﺸﻤﺎﺗﻪ ﺣﺮﺍﻡ
ﺍﻟﺘﻔﺘﻨﺎ ﻋﻠﻲ ﺑﺎﻭﻋﻠﻨﺎ ﺍﺑﺘﺴﻢ ﺗﻚ ﺧﺪ ﻟﻴﺎﻥ ﺭﺣﻌﺖ ﻟﻴﻮﺭﻩ ﻃﺘﻪ ﻣﺠﺎﻝ ﻭﺍﻳﺪﻫﺎ ﻋﻠﻰ ﺣﻠﻜﻬﺎ ﺿﺎﻣﻪ ﺍﻟﻀﺤﻜﻪ ﻭﺳﺮﻯ ﻭﻛﻔﺖ ﻭﺭﻩ ﺭﺯﺍﻥ ﺧﺠﻼﻧﻪ ﺍﻧﺘﺒﻪ ﻋﻠﻲ ﻋﻜﺪ ﺣﺎﺟﺒﻪ ﺑﻘﻪ ﻳﺒﺎﻭﻋﻠﻬﺎ
ﺍﺷﺮﻟﻲ
ﻣﻦ ﻫﺎﻱ
ﻫﺎﻱ ﺻﺪﻳﻘﻪ ﺳﻨﺪ
ﺍﻫﻼ ﻭﺑﺎﻭﻉ ﻟﻠﻴﺎﻥ ﻛﺎﻝ
ﻳﻌﻨﻲ ﺷﻨﻮ ﺣﻀﺮ ﺗﺤﻮﺍﻝ ﺑﺎﻟﻤﻄﺒﺦ ﺑﻌﺪ ﺍﺭﻳﺪ ﺟﺎﻱ
ﻟﻴﺎﻥ - ﻧﺼﺖ ﺭﺍﺳﻬﺎ ﻫﻮ ﻳﺤﺠﻲ ﻭﻣﺮﻩ ﻳﺒﺎﻭﻋﻠﻲ ﻭﻣﺮﻩ ﻳﺒﺎﻭﻉ ﻟﻠﻴﺎﻥ
ﺭﺯﺍﻥ ﻛﺎﻟﺖ
ﻋﻼﻭﻱ ﻋﺎﺩﻱ ﺗﻮﺩﻱ ﺳﺮﻯ ﻭﻳﺎﻧﺎ
ﻭﻳﻦ ﺑﺎﻭﻉ ﻭﻧﺼﻪ
ﻟﺒﻴﺘﻬﻢ ﻣﻮ ﺍﻟﺴﺎﻳﻖ ﻳﺘﺎﺧﺮ ﻣﺎﺍﺧﺬﻧﺎ ﻣﺤﺎﺿﺮﻩ
ﺍﺧﺬﺗﻮ ﻣﺤﺎﺿﺮﻩ ﻣﻦ ﺧﺎﻟﺘﺞ
ﻛﻠﻨﺎ ﺿﺤﻜﻨﻪ ﺑﺨﻨﻴﻚ
ﻭﻟﺠﻨﻨﻦ ﺑﺲ ﻋﻤﺘﻜﻢ ﻭﺍﻟﻠﻪ ﻋﻤﻲ ﻣﺘﺴﺘﺤﻮﻥ . ﺍﻣﺸﻲ ﻳﻠﻪ ﺩﻧﺮﻭﺡ ﻟﻌﺪ
ﻳﻠﻪ ﺳﺮﻯ
ﺭﻧﺪ - ﺍﺑﺎﻭﻉ ﻟﻴﺎﻥ ﺭﺍﺣﺖ ﺿﺤﻜﺘﻬﺎ ﺻﻔﻨﺖ ﻋﻠﻰ ﺳﺮﻯ ﻣﻦ ﺩﺗﺮﻭﺡ ﻭﻳﺎﻫﻢ ﻭﻣﻴﺘﻪ ﺧﺠﻞ ﻋﻠﻲ ﺍﻟﺘﻔﺖ ﺑﺎﻭﻉ ﻟﺴﺮﻯ ﻭﻋﻴﻮﻧﻪ ﻭﻛﻔﺖ ﻋﻠﻰ ﻟﻴﺎﻥ ﺍﻟﺼﺎﻓﻨﻪ ﻋﻠﻴﻪ ﺍﺑﺘﺴﻢ ﻭﻛﻤﻞ ﻣﺸﻴﺘﻪ
ﻭﻳﻦ ﺑﻴﺘﻬﻢ ﺭﺯﺍﻥ
ﻣﺎﺩﺭﻱ ﺳﺮﻯ ﺩﻟﻲ
ﺍﺍﺍ ﻳﻢ ﻣﻌﻤﻞ ﺍﻟﻔﺮﺍﺕ ﻣﺎﻝ ﺑﺒﺴﻲ ﺗﻨﺪﻟﻪ
ﺍﻱ ﺍﻱ ﺍﻧﺪﻟﻪ ﺍﻟﻠﻲ ﺏ --
ﺍﻱ ﻫﻮ ﺍﻟﺤﻤﺪ ﻟﻠﻪ ﻃﻠﻊ ﻳﻨﺪﻝ
ﺍﻟﺘﻔﺖ ﻋﻠﻴﻪ ﻳﺒﺎﻭﻉ ﻣﻌﺎﺣﺒﻪ ﺍﺑﺘﺴﻢ ﻓﺮ ﺍﻳﺪﻩ ﻭﻃﻠﻌﻮ
ﺍﺣﺠﻲ ﻭﻱ ﺳﻨﺪ ﻭﻟﻴﺎﻥ ﺻﺎﻓﻨﻪ ﻋﻠﻴﻬﻢ ﻳﺼﻌﺪﻭﻥ ﺑﺎﻟﺴﻴﺎﺭﻩ ﺳﻨﺪ ﻛﺎﻟﺖ ﺧﻞ ﻧﺮﻭﺡ
ﻟﻴﺎﻥ ﻫﻤﺴﺖ
ﺳﻨﺪ ﻳﻮﻣﻴﻪ ﺗﺠﻲ ﺳﺮﻯ
ﺍﻱ ﻳﻮﻣﻴﻪ ﺣﺪ ﺍﻻﻣﺘﺤﺎﻧﺎﺕ ﺳﺒﻮﻉ ﺍﻟﻠﺦ ﺗﺒﺪﻱ ﻭﻣﻦ ﺗﺨﻠﺺ ﻫﺎﻫﻲ ﺗﺨﻠﺺ ﺍﻟﻤﺤﺎﺿﺮﺍﺕ
،ﻫﺎ ﻭﻭﻳﻦ ﺗﻜﻌﺪﻭﻥ
ﺑﺎﻟﺼﺎﻟﻪ
ﺍﻣﻢ ﻭﻭﻋﻠﻲ ﻳﺒﻘﻰ ﻳﻨﺘﻀﺮ ﻳﻤﻜﻢ
ﻻ ﻋﺰﺯﻩ ﺑﺎﻟﻤﻄﺒﺦ ﺷﺒﻴﺞ ﻫﻮ ﻳﺬﺏ ﺭﺯﺍﻥ ﻭﻳﺮﺣﻊ ﻭﺭﻩ ﺳﺎﻋﺘﻴﻦ ﻳﻨﺘﻀﺮ ﺑﺎﻟﻤﻄﺒﺦ ﻧﺨﻠﺺ ﻭﻳﺎﻫﺬ ﺭﺯﺍﻥ ﻭﻳﺮﻭﺡ
ﻫﺎﻩ
ﻛﺎﻟﺘﻬﺎ ﻭﺭﺍﺣﺖ ﻟﺒﻴﺘﻬﻢ ﻛﺎﻟﺖ
ﺣﺮﻭﺡ ﺍﻣﻲ ﺑﻴﺖ ﺟﺪﻭ ﻛﺎﻟﻌﺎﺩﻩ ﻣﻦ ﺑﺎﺑﺎ ﻳﺴﺎﻓﺮ ﻫﺴﻪ ﻫﺬﺍ ﻳﺼﻴﺢ ﺟﻮﻋﺎﻥ
ﺑﻴﺒﻲ ﻣﺴﻮﻳﻪ ﺗﺎﺣﻴﻨﻪ ﺟﺰﺭ .
ﻛﺎﻟﺖ ﺳﻨﺪ
ﺧﻮﺵ ﻟﻌﺪ ﺑﺎﻱ
ﻫﻼﻭ
ﺭﻧﺪ - ﺍﺧﺬﺕ ﺳﻨﺪ ﻭﺭﺟﻌﻨﺎ ﺍﺣﺠﻲ ﻟﻤﺎﻣﺎ ﻭﺍﺿﺤﻚ ﻭﻣﺎﻣﺎ ﺗﺮﺩﺩ،ﻟﺞ ﻣﺎﻣﺎ ﺍﺳﺘﻐﻔﺮﻱ ﺭﺑﺞ ﺍﻟﺸﻤﺎﺗﻪ ﺣﺮﺍﻡ
ﻭﻋﻤﻮ ﺣﻴﺪﺭ ﻳﺼﺘﻒ ﺣﺮﺍﻡ ﺑﺎﺑﺎ ﺣﺮﺍﻡ
ﻃﺒﺖ ﻣﺎﻣﺎ ﻟﻠﻐﺮﻓﻪ ﺍﺟﻪ ﺍﻧﺤﺸﻚ ﺑﻴﻪبيج قصص عراقيه حقيقيه من واقعنا.روعه الطائي
ﺍﻱ ﺭﻧﻮﺩﻩ ﺳﻮﺍﻫﺎ ﺍﻟﻜﺎﻛﺎ . ﺍﻟﻠﻪ ﻋﻠﻴﺞ ﺷﻮﻥ ﺟﺎﻧﺖ ﻣﻜﻔﻮﺷﻪ
ﻭﺍﻧﻲ ﺍﻋﻴﺪ ﺍﻟﺤﺠﻲ ﻭﺍﺿﺤﻜﻮﻫﻮ ﻋﻠﻰ ﺿﺤﻜﻲ ﻳﻀﺤﻚ ﻭﻣﻦ ﺗﺠﻲ ﻣﺎﻣﺎ ﻳﻜﻮﻝ ﺧﻄﻄﻴﻪ
ﺧﻠﺺ ﺍﻟﻴﻮﻡ ﻭﻋﻜﺐ ﺑﺎﺟﺮ ﺍﻣﺘﺤﺎﻧﺎﺕ ﺍﻟﻨﻬﺎﺋﻴﻪ ﻟﻠﺴﻮﺍﺩﺱ ﻭﺍﻟﻨﺎ ﻫﻢ ﻭﻧﻔﺲ ﺍﻟﻴﻮﻡ ﻳﺠﻲ ﺳﻴﺮﻭﺍﻥ ﺍﻧﺘﻀﺮﺕ ﻳﺨﺎﺑﺮ ﺑﻠﻴﻞ ﻣﺨﺎﺑﺮ ﻣﻴﻨﺪﺭﻱ ﻋﺪﻩ ﻋﻠﻢ ﺍﻭ ﻻ
ﻭﺍﺗﺼﻠﺖ ﺟﻮﺟﻮ
ﺍﻟﻮ
ﻟﺞ ﻫﻼ ﻭ ﻫﻬﻬﻪ ﻓﺎﺗﺘﺞ ﻓﺎﺗﺘﺞ ﻫﻬﻬﻪ
ﺟﺬﺍﺑﻪ ﺷﺼﺎﺭ
ﺣﺠﻴﺘﻠﻬﺎ ﻭﺿﺤﻜﺖ ﻭﺳﻜﺘﺖ
ﺷﺒﻴﺞ ﺟﻮﺟﻮ ﺷﻜﻮ
ﺟﺮﺕ ﻧﻔﺲ ﻫﻤﺴﺖ
ﺭﻧﺪ
ﻳﺎﺳﺘﺎﺍﺍﺍﺭ ﺷﻜﻮ
ﺭﻧﺪ ﻗﻴﺲ ﻣﻨﻮ . ﺷﻴﺼﻴﺮ ﻣﻦ ﺍﺑﻮ ﺳﻴﺮﻭﺍﻥ
ﻛﺎﻟﺘﻬﺎ ﺑﺼﻮﺕ ﻣﺨﻨﻮﻙ
ﺻﻔﻨﺖ ﺑﻠﻌﺖ ﺭﻳﻚ ﻣﻦ ﺻﻮﺗﻬﺎ ﺣﺘﻰ ﻟﻘﻴﺲ ﻧﺴﻴﺘﻪ
ﻣﻨﻮ
ﻗﻴﺲ ﻭﻟﺪ ﺍﺑﻴﻀﺎﻧﻲ ﻃﻮﻳﻞ ﺧﺸﻦ ﻳﻠﺒﺲ ﻣﺤﺒﺲ ﻋﻘﻴﻖ ﺍﺣﻤﺮ ﺟﺒﻴﺮ ﻋﻴﻮﻧﻪ ﻛﺒﺎﺭ ﻭﺷﻌﺮﻩ ﺣﻮﺯﻱ ﻭﺻﻮﺗﻪ ﺧﺸﻦ ﻋﺪﻩ ﺍﺳﻬﻢ ﺑﺎﻟﺸﺮﻛﻪ ﻭﻳﺸﺘﻐﻞ ﻋﺎﻟﺘﺤﻮﻳﻞ ﻣﺎﻝ ﻃﺎﺑﻮ ﻟﻠﻌﻘﺎﺭﺍﺕ ﺍﻟﻨﻠﺰﻣﻬﻦ ﺑﺎﺩﺍﺭﻩ ﻋﻤﺞ ﻣﻨﻮ ﻫﺬﺍﺍ
ﻳﺎﻟﻤﺼﺨﻤﻪ ﺭﺟﻞ ﺯﻳﻴﻴﻨﻪ
ﻛﻠﺘﻬﺎ ﻭﻫﺎﻱ ﻣﻮﺗﻲ ﺑﺠﻲ
ﻟﺞ ﺷﺒﻴﻴﻴﺞ
ﺣﻘﻴﺮ ﻣﻜﺎﻝ ﻣﺘﺰﺯﺯﺯﻭﺝ
ﻭﻟﺞ ﻣﻦ ﺷﻮﻛﺖ
ﻣﻮ ﻛﺘﻠﺞ ﺣﺒﻴﺖ . ﻣﻮ ﻛﺘﺘﺘﻠﺞ ﺣﺒﺒﻴﻴﺖ . ﻭﻛﺘﻴﻠﻲ ﻋﻴﺸﻴﻴﻲ ﻭﻟﺞ ﻟﻮ ﺍﺩﺭﻱ ﻣﻌﺎﺍﻳﺸﻪ
ﻋﻠﻰ ﻛﻴﻔﺞ ﺟﻮﺟﻮ
ﻭﻳﻦ ﺍﺭﻭﺡ ﻛﻠﺒﻲ ﻳﻮﺟﻌﻨﻲ ﻭﻟﺞ ﻣﻦ ﻛﻠﺸﻲ ﺍﺭﻳﺪﻩ . ﻟﺞ ﺳﺒﻊ ﻏﻴﺮﺗﻠﻲ ﻳﻤﻮﺕ ﻋﻠﻴﻪ ﻭﻟﺞ ﻣﻦ ﺍﻭﻝ ﻣﺸﺎﻓﻨﻲ
ﻟﺞ ﻟﻴﺶ ﻣﺤﺎﺣﻴﺘﻠﻲبيج قصص عراقيه حقيقيه من واقعنا.روعه الطائيﻛﻠﻤﺎ ﺍﺭﻳﺪ ﺍﺣﺠﻲ ﺗﻤﺮﻟﻴﻠﻲ ﺩﺍﺍﻗﺮﻩ ﺍﻧﻌﻞ ﺍﺑﻮﺝ ﻻﺑﻮ ﺩﺭﺍﺳﺘﺞ
ﻣﻴﻬﻢ . ﻋﺎﺩﻱ ﺍﺣﺠﻴﻠﻲ
ﺑﺎﻋﻲ ﻗﺒﻞ ﺷﻬﺮ
ﺟﺮﻱ ﻧﻔﺲ . ﻟﺘﺸﻬﻜﻴﻦ ﺷﻜﻜﺘﻲ ﻛﻠﺒﻲ ﺧﺮﺏ ﺍﺑﻮﺝ ﺍﻝ ---
ﺓﺟﺮﺕ ﻧﻔﺲ ﻭﺣﺠﺖ
ﻗﺒﻞ ﺷﻬﺮ ﻣﻦ ﺑﺪﺍﻳﻪ ﺍﻟﺪﻭﺍﻡ ﺑﻌﺪﻧﻲ ﻣﺎﺍﻋﺮﻑ ﻟﻠﻄﺒﺎﻋﻪ ﻛﺘﺒﺖ ﺍﻟﺘﺎﺭﻳﺦ ﻣﺨﺮﺑﻂ ﻣﻜﻠﻮﺏ ﻭﺳﻠﻤﺖ ﺍﻻﻭﺭﻕ ﻟﻠﻤﻮﺍﺭﺩ ﺑﺸﺮﻳﻪ ﺣﺘﻰ ﻫﻤﻪ ﻳﻮﺩﻭﻫﺎ ﻟﻠﻄﺎﺑﻮ ﺷﻐﻠﺘﻪ ﻳﻌﻨﻲ
ﺍﻳﻲ
ﺍﻟﻤﻬﻢ ﺍﺟﻪ ﻭﻭﻳﺎﻩ ﻭﺍﺣﺪ ﺟﺎﻥ ﺩﻳﺼﻴﺢ
ﻣﻨﻮﻭ ﺍﻟﻤﺴﻮﻭﻝ ﻋﻦ ﺍﻟﻄﺒﺎﻋﻪ ﻳﺎﺍﻏﺒﺮ ﻭﺍﻟﻠﻲ ﻳﻄﺒﻊ ﻳﻨﻜﺘﺐ ﺍﺳﻤﻪ ﺟﻮﻭﻩ
ﺍﻱ ﺍﻱ ﺍﻋﺮﻑ
ﺍﻱ ﻓﺎﺣﻪ ﻋﻠﻴﻪ ﺍﻟﻤﺤﺎﺳﺐ ﻛﺎﻝ ﺍﺳﺘﺎﺫ ﻗﻴﺲ ﻳﺮﻳﺪﺝ ﺑﻐﺮﻓﺘﻪ
ﺭﺣﺘﻠﻪ ﻃﺒﻴﺖ ﻭﻫﻮ ﻣﻨﺼﻲ ﻋﺎﻻﻭﺭﺍﻕ ﻭﺻﺎﻳﺮ ﻧﺎﺭ ﺍﻟﻠﻲ ﺑﺼﻔﻪ ﻏﺎﺳﻠﻬﺎ ﻏﺴﻞ ﻣﻦ ﺍﻟﺮﺯﺍﻟﻪ ﻛﺎﻟﺘﻠﻪ
ﺍﺳﺘﺎﺫ ﻫﺎﻱ ﺟﻬﻴﻨﻪ
ﺭﻓﻊ ﺭﺍﺳﻪ ﻭﺟﻬﻪ ﺩﻡ ﻭﻣﻌﻘﺞ ﻣﻦ ﺍﻟﻌﺼﺒﻴﻪ ﻭﺗﻐﻴﺮﺕ ﻣﻼﻣﺤﻪ ﺷﻮﻱ ﺷﻮﻱ ﺑﻠﻊ ﺭﻳﻚ ﻫﻤﺲ
ﻣﻨﻮ ﺍﻧﺘﻲ
ﺑﻠﻌﺖ ﺭﻳﻜﻲ ﺍﻭﻝ ﻣﺮﻩ ﺑﺤﻴﺎﺗﻲ ﺍﺧﺎﻑ ﻛﺘﻠﻪ ﺍﻧﻲ ﺟﻬﻴﻨﻪ ﻋﺎﺩﻝ
ﻫﻤﺲ
ﻛﺎﻝ
ﺷﻬﺎﻟﺨﺮﺑﻄﻪ ﻣﻦ ﻭﺭﺍﺝ ﻭﺍﺧﺬ ﻣﻴﺴﻮﻩ ﺑﺎﻟﻄﺎﺑﻮ ﺭﺯﻟﻨﻲ
ﺩﺍﺭﻳﺪ ﺍﺣﺠﻲ ﺍﺧﺘﻨﻜﺖ ﺑﻌﺒﺮﺗﻲ ﺍﺑﻦ ﺍﻟﻘﻨﺪﺭﻩ ﺭﺣﻔﻨﻲ
ﻛﺎﻝ
ﺍﺭﺗﺎﺣﻲ ﺍﺭﺗﺎﺣﻲ ﻭﺟﺎﺑﻠﻲ ﻛﻼﺹ ﻣﻲ
ﺷﺮﺑﺘﻪ ﻭﻛﻌﺪﺕ ﺣﺠﻴﺖ
ﻭﺍﻟﻠﻪ ﺍﺳﺘﺎﺫ ﻫﺎﻱ ﺍﻻﻭﺭﺍﻕ ﺍﻻﻭﻟﻰ ﺍﻟﻲ ﺑﺎﻟﻄﺒﺎﻋﻪ
ﺍﺑﺘﺴﻢ
ﻓﺪﻭﻩ ﺍﻟﺞ . ﺍﻟﻄﺎﺑﻮ ﻭﺍﻟﻀﺮﻳﺒﻪ ﺗﺮﻭﺡ ﻣﻨﻮ ﺍﻟﻮﺿﻔﺞ ﺍﻧﺘﻲ
ﺍﺍﻧﻲ ﺧﺎﻟﺘﻲ ﻋﻼ ﻣﻬﺪﻱ
ﻫﺎﺍﺍﺍ ﻣﺮﺕ ﺍﺑﻮ ﺳﻴﺮﻭﺍﻥ ﺍﻟﺤﺪﻳﺪﻩ
ﺍﻱ ﺍﻱ ﻫﻪ ﺍﻱ
ﻫﻼ ﺑﻴﺞ ﺍﻧﻲ ﺍﻻﻋﺘﺬﺭ ﻋﻠﻰ ﻫﺎﻟﻬﺒﻄﻪ ﺑﺲ ﺗﻨﺮﻓﺰﺕ ﺭﺍﺩﻫﺎ ﻣﻦ ﺍﻟﻠﻪ ﻭﻗﻠﻞ ﻣﻦ ﻗﻴﻤﺘﻲ . ﻣﺎﺭﻳﺪ ﺗﺘﻜﺮﺭ ﺑﻌﺪ
ﺍﻭﻙ
---
ﻳﺘﺒﻊ
ﻣﺮﻳﻢ ﺍﻟﺴﻌﺪﻱ
|