#وعسى_ان_تسكن_نار_الأنتقام
#عسل_الأنتقام
بقلم مريم السعدي
#بارت٥٧
ﻣﺪﺭﻱ ﺷﻠﻮﻥ ﺻﺎﺭﺕ
ﻣﺪﺭﻱ ﺻﺎﺭﺕ ﻟﻴﺶ
ﺑﻴﺎﺣﺎﻝ ﺍﺳﺘﻘﺮ
ﻭﺑﻴﺎ ﻭﻛﺖ ﺍﻧﺴﻰ
ﺍﻭﻛﻒ ﻭﺍﺗﺘﺰﻥ ﺑﺲ ﺑﺎﻟﻮﻛﺖ ﻭﻛﻔﺎﺕ
ﺗﻀﻴﻊ ﺳﻨﻴﻦ ﻋﻤﺮﻱ ﺑﻠﺤﻀﻪ ﻭﻭﮔﻮﻓﻲ
ﺭﻧﺪ - ﺍﺳﻤﻊ ﺷﻬﻜﻪ ﺍﻣﻲ ﻭﺻﻴﺎﺣﻬﺎ
ﺣﻴﺪﺩﺩﺩﺭ ﺍﻟﺤﻜﻠﻲ ﻳﻤﻪ ﺑﻨﺘﻲ ﻳﻤﻪ ﺣﻴﻴﻴﺪﺭ ﺳﻨﺪﺩﺩ
ﻟﺞ ﻣﺎﻣﺎ ﺭﻧﺪ ﺷﺒﻴﺞ ﻳﻤﻪ ﺟﺎﻭﺑﻴﻨﻲ
ﺭﻛﺾ ﻋﻤﻮ ﺣﻴﺪﺭ
ﺷﺒﻴﻬﺎ ﺷﺒﻴﻬﺎ ﺷﻮﻱ ﻭﺧﺮﻱ ﻏﺎﺩﻩ ﺣﺴﻴﺖ ﺍﻧﺮﻓﻌﺖ ﻭﻃﺒﺒﻨﻲ ﺟﻮﻩ ﺻﻮﺕ ﺳﻨﺪ
ﻋﺰﻩ ﻣﺎﻣﺎ ﺷﺒﻴﻬﺎ ﺭﻧﺪ
ﻣﺎﺩﺭﻱ ﻭﺍﻟﻠﻪ ﻣﺎﺩﺭﻱ ﻟﻜﻴﺘﻬﺎ ﺑﺎﻟﺒﺎﺏ ﻭﺍﻛﻌﻪ
ﺍﻟﺘﻤﻮ ﻋﻠﻴﻪ ﻓﻜﻴﺖ ﻋﻴﻨﻲ ﺑﺎﻭﻋﺖ ﻟﻤﺎﻣﺎ ﻣﻴﺘﻪ ﻋﻴﻮﻧﻬﺎ ﺧﻮﻑ ﻧﺼﺖ ﻋﻠﻴﻪ ﻋﻤﻮﻧﺘﺮ
ﻟﺘﻨﺼﻴﻦ ﻏﺎﺩﻩ ﻓﺪﻭﻩ ﺍﻛﻌﺪﻱ ﺑﻤﻜﺎﻧﻲ ﺑﺎﺑﺎ ﺳﻨﺪ ﻛﻼﺹ ﻋﺼﻴﺮﻻﺧﺘﺞ ﺣﺒﻴﺒﺘﻲ ﺷﻮﻓﻲ ﻫﺬﺍ ﻃﻠﻊ ﺑﺎﻟﺸﺎﺭﻉ ﻟﻚ ﻓﻬﺪﺩﺩﺩ ﺳﺪ ﺍﻟﺒﺎﺏ ﻭﻓﻮﺕ ﻻﺍﻧﻌﻞ ﻭﺍﻟﺪﻳﻜﻨﻲ ﺳﻨﺪ ﻃﺘﻨﻲ ﺍﻟﻌﺼﻴﺮ ﺟﺒﺮﻭﻧﻲ ﺍﺷﺮﺑﻪ ﺷﺮﺑﺘﻪ ﻛﻠﻪ ﻭﻏﻤﻀﺖ ﻛﻔﻌﺖ ﺭﻭﺣﻲ . ﻭﺭﻛﻀﺖ ﻟﻠﺤﻤﺎﻡ ﺫﺑﻴﺘﻪ ﻭﺍﻛﺢ ﻋﻤﻮ ﻭﻣﺎﻣﺎ ﻟﺤﻜﻮﻧﻲ ﻭﺍﺣﺪ ﺻﺎﻓﻦ ﺑﻮﺟﻪ ﺍﻟﻠﺦ ﻻﺯﻣﻪ ﺭﻭﺣﻲ ﻣﺎﺍﺑﺤﻲ ﺍﺧﺎﻑ ﻋﻠﻰ ﻣﺎﻣﺎ ﻏﺴﻠﺖ ﻭﻃﺒﻴﺖ ﻧﻤﺖ ﻭﻋﻤﻮ ﻳﻬﻤﺲ
ﺍﺑﻮﻳﻪ ﻋﻮﻓﻴﻬﺎ ﺗﺮﺗﺎﺡ ﻭﻫﻲ ﺗﺠﻲ ﺗﺤﺠﻲ ﻣﻦ ﻛﻴﻔﻬﺎ
ﺣﻤﻮﺕ ﺧﻮﻑ ﻓﺪﻭﻩ ﺧﻞ ﺍﻓﻮﺗﻠﻬﺎ ﺧﺎﻑ ﻣﻨﺎﻳﻤﻪ،ﻳﺎﺑﻪ ﻧﺎﻳﻤﻪ ﻋﻮﻓﻴﻬﺎ ﻏﺎﺩﻩ ﺷﻄﻠﻌﺖ ﻫﺎﻱ
ﻭﻓﻌﻼ ﻏﻔﻴﺖ ﻭﺣﺘﻰ ﺑﻨﻮﻣﻲ ﺍﺑﺠﻲ ﻳﻤﻜﻦ ﻻﻥ ﺑﺎﻟﻮﺍﻗﻊ ﻣﺒﺠﻴﺖ
ﺣﺴﻴﺖ ﺑﺎﻟﻌﺸﺮﻩ ﺑﺎﻟﻠﻴﻞ ﺻﻮﺕ ﺍﻟﺘﻠﻔﺰﻳﻮﻥ ﻧﺎﺻﻲ ﻭﺻﻮﺕ ﻓﻬﺪ ﻳﺪﺭﺩﻡ ﻭﻱ ﻋﻤﻲ
ﻃﻠﻌﺖ ﺑﻌﺪﻣﺎ ﺑﺪﻟﺖ ﻣﺎﻣﺎ ﺻﻔﻨﺖ ﻋﻠﻴﻪ ﻭﻛﻔﺖ ﺟﺮﻫﺎ ﻋﻤﻮ
ﺍﻛﻌﺪﻱ
ﻫﺎ ﻳﻠﺒﻪ ﺷﻮﻧﺞ
ﻫﺰﻳﺖ ﺭﺍﺳﻲ ﺳﺎﻛﺘﻪ ﻛﺎﻝ
ﺗﻌﺎﻱ ﺍﻛﻠﻲ ﺷﻮﻱ
ﺳﻨﺪ ﻭﻳﻦ
ﺭﺍﺣﺖ ﺍﺟﻪ ﺭﺟﻠﻬﺎ ﻋﻠﻴﻬﺎ ﻭﺍﺧﺬﻫﺎ ﻭﺭﺍﺡ .
ﺷﻮﻛﺖ ﺍﺟﻪ
ﻣﻮ ﺍﺑﻮ ﻃﺎﺝ ﻋﻤﺮﻩ
ﻻ ﺧﻄﻴﻪ
ﺍﻱ ﻭﺍﻟﻠﻪ ﻭﺻﺎﺭ ﻳﻮﻣﻴﻦ ﻭﺑﻴﺘﻬﻢ ﻛﻠﻪ ﺯﻟﻢ ﺭﺍﺣﺖ ﺍﻣﺞ ﻭﻳﺎﻫﺎ ﻟﻠﻔﺎﺗﺤﻪ ﻭﺭﺟﻌﺖ ﻣﻘﺒﻞ ﺗﺒﻘﻰ ﻭﻣﺸﺎﻓﻬﺎ ﺑﺎﻟﺒﻴﺖ ﻭﺍﻟﻴﻮﻡ ﺍﺟﻪ ﺍﺧﺬﻫﺎ ﻭﺗﻌﺎﻱ ﺷﻮﻓﻲ ﺍﻟﺒﺠﻲ ﺑﺎﻟﻄﺮﻣﻪ ﻭﺍﻟﺘﺤﻀﻦ ﺍﻛﻮﻟﻬﻢ ﺍﺻﻮﺭﻛﻢ ﺍﻃﺶ ﺑﻴﻜﻢ ﻣﻴﻘﺒﻠﻮﻥ
ﻫﻪ
ﺗﻌﺎﻱ ﺑﺎﺑﺎ ﺗﻌﺎﻱ ﻳﻤﻲ ﺷﺒﻴﺞ ﺍﻟﻴﻮﻡ ﺷﻮﻥ ﺩﺧﺘﻲ
ﺑﻘﻴﺖ ﺍﺑﺎﻭﻋﻠﻬﻢ ﻭﺑﺪﻳﺖ ﺍﺣﺠﻲ ﻭﺍﻟﺤﻤﺪ ﻟﻠﻪ ﻋﺒﺮﻩ ﻣﺎﻛﻮ . ﻭﺑﺠﻲ ﻣﺎﻣﺎ ﺑﺲ ﺻﺎﻓﻨﻪ ﻛﻤﻠﺖ ﻛﺎﻟﺖ
ﻣﻦ ﺍﻭﻝ ﻛﺘﻠﺞ ﻣﻴﻔﻴﺪﺝ . ﺍﺑﻦ ﺯﻳﻨﺐ ﻣﺘﺴﻤﻌﻴﻦ ﻣﻮﺗﺘﻴﻨﻲ
ﺣﻴﺪﺭ - ﺑﺎﺑﺎ ﺳﻴﺮﻭﺍﻥ ﺧﻮﺵ ﺳﻴﺮﻭﺍﻥ ﺍﻧﻄﻲ ﻣﺠﺎﻝ ﻧﻔﺘﻬﻢ ﺍﺩﺯ ﻋﻠﻴﻪ ﺍﺣﺎﺟﻲ
ﺍﺑﺪ ﺑﺎﺑﺎ ﺍﺑﺪ
ﺑﻘﻪ ﺻﺎﻓﻦ ﻋﻠﻴﻪ ﻫﻮ ﻭﻣﺎﻣﺎ ﻣﺎﻣﺎ ﻛﺎﻟﺖ
ﺍﻧﺖ ﻟﻴﺶ ﻣﺘﺨﺒﻠﻪ ﻣﺎﻣﺎ ﻋﺎﻟﺒﻴﺖ ﻳﺤﺘﺮﻙ ﻫﻮ ﻭﺍﻣﻪ ﻭﺍﺧﺘﻪ ﻭﺑﻴﺘﻪ ﻭﻳﺎﻩ ﻣﻼﺯﻡ
ﻳﻤﻪ ﻏﺪﺭ ﺑﻴﻪ
ﻋﻠﻰ ﺷﻨﻮ ﺑﻨﻴﺘﻲ ﻋﻠﻰ ﺷﻨﻮ ﺣﺠﻪ ﻭﻱ ﺧﺎﻟﻪ ﻳﻄﺒﻪ ﻃﻮﺏ ﻫﻮ ﻭﻳﺎﻩ ﻫﺴﻪ ﺷﺘﺮﺩﻳﻦ
ﻣﺎﺭﻳﺪﻩ ﺑﻌﺪ ﻣﺎﺭﻳﺪﺩﺩﻩ ﻭﻻ ﻳﻨﻔﺘﺢ ﻣﻮﺿﻮﻋﻪ ﺗﺨﺎﺑﺮﻭ ﺗﻜﻮﻟﻮﻟﻪ ﺗﺮﻳﺪ ﺗﻄﻠﻚ
ﻣﺎﺷﻲ ﺑﺴﻴﻄﻪ ﺍﻣﺘﺤﺎﻧﺎﺗﺞ ﺧﻠﺼﻦ
ﺍﻱ
ﻭﺳﻨﺪ ﻫﻢ ﻳﻠﻪ ﺍﻟﻠﻪ ﻛﺮﻳﻢ
ﺣﻴﺪﺭ - ﺑﺎﺑﺎ ﺳﻨﻪ ﺍﻟﺘﺠﻲ ﺻﻌﺒﻪ ﻧﺼﻬﺎ ﺗﻜﻀﻴﻬﺎ ﺑﺎﻟﻤﺴﺘﺸﻔﻰ ﺗﻄﺒﻴﻖ ﻭﻧﻀﺮﻱ ﺗﻜﺪﺭﻳﻦ ﺗﻮﺍﺟﻬﻴﻦ ﺍﻧﺘﻲ ﺳﺒﻌﻪ ﻭﻫﻢ ﺍﺭﺟﻊ ﻭﺍﻛﻮﻟﺞ ﺍﺳﻤﺤﻴﻠﻲ ﺍﺳﻤﻊ ﻣﻨﻪ
ﺑﺎﺑﺎ ﻣﺎﺭﻳﺪ ﺧﻠﻠﺺ
ﻛﻴﻔﺞ ﻫﺎﺫ ﻫﻮ
ﻣﺎﻣﺎ ﻧﻀﺮﺍﺗﻬﺎ ﺍﻟﻲ ﺑﻌﺼﺒﻴﻪ ﻭﻋﺘﺐ ﻋﻔﺘﻬﻢ ﻭﻃﺒﻴﺖ ﺧﺎﺑﺮﺕ ﺳﻠﻴﻢ ﺣﺠﻴﺖ ﻛﻠﺸﻲ ﺍﻟﻪ ﺑﻘﻪ ﺳﺎﻛﺖ
ﺳﻠﻴﻢ ﺍﺣﺠﻲ
ﺷﺤﺠﻲ ﻟﻴﺶ ﻫﻴﺞ ﺷﺠﺎﺑﺞ ﻋﻠﻰ ﻫﺎﻻﻓﻜﺎﺭ
ﻭﺍﻟﻠﻪ ﻣﻤﺮﺗﺒﻪ ﺍﻟﻮﺿﻊ ﻫﻤﻪ ﺍﻟﻠﻲ ﺷﺎﻓﻮﻫﻢ ﻭﺣﺒﻮﻫﻢ ﻭﺟﺘﻲ ﻣﻦ ﻳﻤﻲبيج قصص عراقيه حقيقيه من واقعنا.روعه الطائي
ﺭﻧﺪ ﻋﻠﻰ ﺳﻠﻴﻢ
ﻭﺩﺍﻋﺖ ﺍﻣﻲ
ﻣﺎﺷﻲ ﻭﻫﺴﻪ ﺷﻮﻥ
ﻫﺴﻪ ﻣﺎﺭﻳﺪﻩ ﺑﻌﺪ
ﻃﻼﻙ ﺑﻬﺎﻟﺴﻬﻮﻟﻪ ﺍﻟﺤﺐ ﻭﺍﻟﺒﺠﻲ ﻭﺍﻟﻀﺤﻜﻪ ﺍﻟﺤﻠﻮﻩ ﺗﺮﻭﻭﺡ
ﺍﻱ ﺗﺮﻭﺡ
ﻣﻴﺴﻮﻩ ﺍﺑﻮﺝ ﻳﻀﻴﻊ ﻃﻔﻮﻟﺘﺞ ﻭﻛﻞ ﺧﻴﺎﺗﺞ ﻣﻮ
ﻣﺘﺮﻫﻢ ﺑﻌﺪ ﺳﻠﻴﻢ ﻣﺘﺮﻫﻢ ﻟﻮ ﺗﺸﻮﻓﻪ ﺷﻮﻥ ﻛﺎﻋﺪ ﻭﺑﻨﺘﻪ ﻣﻨﺼﻴﻪ ﻳﻢ ﺭﺍﺳﻪ ﺗﺘﺼﻮﺭ
ﺍﺳﺘﻐﻔﺮ ﺍﻟﻠﻪ . ﺭﻧﺪ ﻓﺪﻭﻩ ﻟﻌﻤﺮﺝ ﺍﻫﺪﻱ ﻭﺭﺍﻫﺎ ﻗﺮﺭﻱ
ﺍﺑﺪ ﺍﺑﺪ
ﺍﻭﻫﻮﻭﻭ ﻛﻴﻴﻔﺞ ﺿﻠﻲ ﺑﻌﻨﺎﺩﺝ
ﻣﺤﺪ ﺣﺎﺱ ﺑﻨﺎﺭﻱ
ﺟﺮ ﻧﻔﺲ ﻛﺎﻝ
ﺍﻣﻲ ﻋﺪ ﺍﻫﻠﻬﺎ . ﻭﺧﻮﺍﻟﻲ ﺟﻮﻱ ﻳﺘﻌﺎﺭﻛﻮﻥ ﺷﻨﻮ ﻛﺎﺳﺮ ﺍﻳﺪﻫﺎ ﻭﻫﻮ ﺣﺠﺎﺍﺟﻠﻬﻢ ﺍﻟﻜﺎﻟﺘﻪ ﺿﻠﻮ ﻻﻳﺎﺧﺬﻭﻥ ﻭﻻﻳﻨﻄﻮﻥ ﻭﺍﻧﻲ ﺑﻨﺼﻬﻢ ﻣﺪﺭﻱ ﻭﻳﺎﻣﻦ ﺍﻃﺒﻚ ﺗﺎﻟﻲ ﻛﺎﻟﻠﻬﻢ ﺍﻟﻮﺍﻟﺪ ﻣﻨﺎ ﻟﺒﺎﺟﺮ ﻣﺘﺮﺟﻊ ﻣﺎﺭﻳﺪﻫﺎ ﺑﻌﺪ
ﻭﻫﺴﻪ
ﺑﺎﺟﺮ ﺍﺭﻭﺡ ﺍﺟﻴﺒﻬﺎ ﺑﺎﻟﻘﺮﺍﻥ ﺍﻛﻠﺐ ﺍﻟﺪﻧﻴﺎ ﺍﺫﺍ ﻣﺠﺘﻲ ﺷﻨﻮ ﺯﻋﺎﻃﻴﻂ
ﺍﻟﻠﻪ ﻳﺴﻬﻞ ﺩﻳﻠﻪ ﺣﺮﻭﺡ ﺷﻮﻱ ﺩﺍﻳﺨﻪ
ﺳﻼﻣﺎﺕ ﺍﻟﻠﻪ ﻭﻳﺎﺝ
ﺳﻠﻴﻢ ﺍﻭﻛﻒ
ﻫﺎ ﺭﻧﺪ
ﻣﺪﺗﺤﺠﻲ ﻭﻱ ﺭﺯﺍﻥ
ﻻ ﻟﻴﺶ
ﺗﻠﻔﻮﻥ
ﻻﻻ ﻣﺎﺭﻳﺪ ﺧﻠﻴﻬﺎ ﻓﺪ ﻣﺮﻩ ﻣﻦ ﻧﺘﺰﻭﺝ
ﻛﻴﻔﻚ
ﺩﻳﻠﻪ ﺑﺎﻱ
ﻫﻼﻭ
ﺳﺪﻳﺘﻪ ﻣﻨﻪ ﻭﺍﻧﻲ ﺍﻟﻒ ﺣﺴﺎﺏ ﺑﺮﺍﺳﻲ ﻛﻌﺪﺕ ﺍﻟﺼﺒﺢ ﺭﻭﺣﻲ ﺩﺗﻄﻠﻊ ﺭﻛﻀﺖ ﻟﻠﺤﻤﺎﻡ ﻭﺍﺗﻘﻴﺎ ﻛﻠﺸﻲ ﻣﺎﻛﻮ ﺍﺣﺴﻦ ﺩﺍﺍﺫﺏ ﻣﻌﺪﺗﻲ ﻭﻣﺎﻣﺎ ﻓﺰﺕ ﻋﻠﻰ ﺻﻮﺗﻲ ﺟﺘﻨﻲ ﺗﺮﻛﺾ ﻭﺗﻠﺒﺲ ﺑﺮﻭﺑﻬﺎ
ﻫﺎ ﻣﺎﻣﺎ ﺷﺒﻴﺞ
ﺑﺎﻭﻋﺘﻠﻬﺎ ﻛﺎﻋﺪﻩ ﻋﻠﻰ ﺭﻛﺒﻲ ﺑﺎﻭﻋﺘﻠﻲ ﺻﺎﻓﻨﻪ ﻭﺍﻧﻲ ﻫﻢ ﺣﺴﻴﺖ ﺑﻬﺎﻟﺸﻲ ﻋﺮﻓﺖ ﺭﻭﺣﻲ ﺣﺎﻣﻞ ﻋﺎﻓﺘﻨﻲ ﻣﺎﻣﺎ ﺑﻌﺪ ﻧﻀﺮﺍﺕ ﻋﺘﺐ ﻭﻏﻀﺐ ﻣﺎﻣﺎ ﻟﻮﻣﺎﺣﺎﻟﺘﻲ ﺗﻤﻮﺗﻨﻲ ﻻﻥ ﺣﺬﺭﺗﻨﻲ ﻭﻻﻥ ﻣﺎﻗﺎﺑﻠﻪ ﻋﻠﻰ ﺳﺎﻟﻔﻪ ﺍﻻﻧﺘﻘﺎﻡ ﻭﻫﺎﻟﻠﻌﺒﺎﻥ ﻧﻔﺲ
ﻃﻠﻌﺖ ﺟﺎﺑﺘﻠﻲ ﺍﻟﻤﺎﻧﺘﻮ ﺷﻤﺮﺗﻪ ﻧﺘﺮﺕ
ﺍﻣﺸﻲ ﺑﺴﻊ ﻋﻤﺞ ﻳﻨﺘﻀﺮﺝ ﺑﺮﻩ ﺑﺎﻟﺴﻴﺎﺭﻩ ﺭﻭﺣﻲ ﻭﻳﺎﻩ ﺩﺗﺤﻠﻠﻴﻦ
ﺑﺎﻭﻋﺘﻠﻬﺎ ﻭﻧﺼﻴﺖ ﺷﻮﻥ ﺷﺴﻮﻱ ﻳﺎﺭﺑﻲ ﺍﻧﺸﺎﺀ ﺍﻟﻠﻪ ﻣﻮﺣﺎﻣﻞ ﺍﺧﺬﻧﻲ ﻋﻤﻮ ﻭﺣﻠﻠﺖ ﻭﻫﻮ ﺍﻟﻠﻲ ﺍﺧﺬ ﺍﻟﻌﻴﻨﻪ ﻣﺎﻝ ﺩﻡ ﻭﺣﻠﻠﻬﺎ ﺍﻟﻤﺨﺘﺒﺮ ﻛﺎﻝ ﻣﻌﺰﻝ ﻭﺣﻠﻞ ﺑﺎﻭﻋﻠﻲ ﻭﺭﻩ ﺷﻮﻱ ﻛﺎﻝ
ﻛﻮﻣﻲ ﺑﺎﺑﺎ ﻛﻮﻣﻲ ﺟﺮ ﻧﻔﺲ ﻛﻮﻣﻲ ﻭﺩﻳﺮ ﺑﺎﻟﺞ ﻋﺮﻭﺣﺞ
ﺣﺎﻣﻞ
ﺍﻱ
ﺑﻘﻴﺖ ﺻﺎﻓﻨﻪ ﻫﺎﻟﺤﺠﻲ ﻭﻃﺒﺖ ﺍﻟﺪﻛﺘﻮﺭﻩ ﻣﺎﻝ ﻣﺠﻤﻊ ﺍﺑﺘﺴﻢ ﺑﺎﺑﺎ ﻭﺗﺴﺎﻟﻢ ﻋﺮﻓﻨﻲ ﻋﻠﻰ ﺍﻧﻪ ﺍﻧﻲ ﺑﻨﺘﻪ ﻭﺣﺎﻣﻞ ﻛﺎﻟﺖ ﺗﺘﻔﻀﻞ ﺍﺟﻴﻜﻬﺎ ﻃﺒﻴﺖ ﻭﺭﺍﻫﺎ ﻭﺍﻧﻲ ﺍﻏﻠﻲ ﺷﺮﺍﺡ ﺍﻛﻮﻟﻪ ﻻﻣﺎﻛﻮﻟﻪ ﺻﻌﺪﺕ ﻭﺗﺴﺎﻟﻨﻲ
ﺷﻮﻛﺖ ﻣﻮﻋﺪﻫﺎ
ﺍﺧﺪﺕ ﺳﻮﻧﺎﺭ ﻭﺍﻧﻲ ﺍﺟﺎﻭﺏ ﺑﻘﺖ ﺗﺒﺎﻭﻉ ﺗﺒﺴﻤﺖ ﻛﺎﻟﺖ
ﺣﻤﻠﺞ ﺻﺎﺭﻟﻪ ٣ ﺍﺳﺎﺑﻴﻊ ﺿﺒﻂ
ﺍﻱ ﻫﻮ ﻗﺒﻞ ﻟﻴﺴﺎﻓﺮ ﻳﻌﻨﻲ
ﺳﺤﺒﺖ ﺍﻟﺴﻮﻧﺮ ﻭﺧﻠﺘﻪ ﺑﻴﺪﻱ ﻭﻧﻄﺘﻨﻲ ﻣﻘﻮﻳﺎﺕ
ﺟﻨﺖ ﻣﺪﻭﻫﻨﻪ ﻣﺎﺍﻋﺮﻑ ﺷﺘﺼﺮﻑ ﻣﺴﺘﺤﻴﻞ ﺑﻴﻨﻲ ﺭﺑﻴﻨﻪ ﺧﻂ ﺭﺟﻌﻪ ﺑﻌﺪ ﺭﺟﻌﻨﻲ ﺑﺎﺑﺎ ﻭﻳﻨﺼﺢ ﺑﻴﻪ
ﻣﻴﺨﺎﻟﻒ ﺍﻻﻣﻮﺭ ﺗﻬﺪﺍ ﺗﺒﺎﺕ ﻧﺎﺭ ﺗﺼﺒﺢ ﺭﻣﺎﺩ ﻭﺍﻧﻲ ﻣﻴﻔﻴﺪ ﺍﻟﺤﺠﻲ ﻭﻳﺎﻳﻪ ﻭﺻﻠﺖ ﻭﻃﺒﻴﺖ ﻟﻠﺒﻴﺖ
ﻣﺎﻣﺎ ﺑﺎﻭﻋﺘﻠﻲ ﻭﻧﺼﺖ ﻋﺮﻓﺖ ﻋﻤﻮ ﻣﺨﺎﺑﺮﻫﺎ ﻛﺎﻟﺖ ﻣﻦ ﺩﺍﻓﻮﺕ ﻟﻠﻐﺮﻓﻪ
ﺧﺎﺑﺮﻱ ﻭﻛﻮﻟﻴﻠﻪ ﺣﺮﺍﻡ
ﻧﺘﺮﺕ ﺑﺼﻴﺎﺡ
ﻣﺎﺍﺍﺧﺎﺑﺒﺮﻩ ﻭﺍﺫﺍ ﺧﺎﺑﺮﺗﻲ ﺍﻛﻠﺐ ﺍﻟﺪﻧﻴﺎ
ﺍﻟﺘﻔﺘﺖ ﻋﻠﻴﻪ ﺣﺰﺭﺗﻨﻲ ﻋﻤﻮ ﻟﺰﻣﻬﺎ ﻣﻦ ﻳﺠﺴﺎﻋﺪﻫﺎ ﻳﺒﺎﻭﻋﻠﻬﺎ ﺑﺘﻮﺳﻞ
ﻋﻠﻜﻴﻔﺞ ﻓﺪﻭﻩ ﺧﻠﻴﻬﺎ ﺗﺮﺗﺎﺡ
ﺭﻧﺪ - ﻣﺎﺍﺭﻳﺪ ﺍﻛﻮﻟﻪ ﻣﺘﺮﻫﻢ ﻧﻌﻴﻴﻴﺶ ﺳﻮﻩ ﺑﻌﺪﺩ ﻳﻮﻡ ﻣﺘﺮﻫﻢ
ﻻﺯﻡ ﺗﻜﻮﻟﻴﻠﻪ ﻋﺎﺩﻱ ﻟﺘﺮﺟﻌﻴﻦ ﻣﺎﻣﺎ ﻣﻄﺎﺭﺩﺗﺞ ﺍﻧﻲ ﺑﺲ ﻻﺯﻡ ﻳﻌﺮﻑ ﻭﺷﻨﻮ ﻳﻌﻨﻲ ﺗﻄﻠﻜﻮ ﺑﺎﻻﺗﻔﺎﻕ ﻣﻮﻫﺬﺍ ﺍﻟﺘﺮﺩﻱ ﻻﻥ ﻣﺴﺘﺤﻴﻞ ﺗﻜﺪﺭﻳﻦ ﺗﻌﻴﺸﻴﻦ ﻭﻳﺎﻩ ﺯﻳﻨﺐ ﻣﺪﺍﻡ ﻭﺭﺍﻩ ﻣﺘﻌﻮﻓﻜﻢبيج قصص عراقيه حقيقيه من واقعنا.روعه الطائي
ﺍﻱ ﺍﻧﻲ ﺍﺭﺑﻲ ﻃﻔﻠﻲ
ﺍﻱ ﺷﻜﻮ ﻣﻨﻬﺎ ﻣﻮﺭﺑﻴﺘﻜﻢ ﻗﺎﺑﻞ ﺍﺣﺘﺎﺟﻴﺘﻮ ﺍﺑﻮﻭﻭﻛﻢ ﻗﺎﺍﺍﺍﺍﺑﻞ ﻛﻠﺘﻮﻭﻭﻭﻭ ﻟﻴﺶ ﺑﺲ ﺍﺣﻨﻨﻨﺎ ﻫﻴﺒﺞ
ﺻﻴﺤﺖ ﻣﺎﻣﺎ ﻭﻟﻄﻤﺖ ﻋﻠﻰ ﺭﺍﺳﻬﺎ ﻭﺍﻧﻲ ﺻﺎﻓﻨﻪ ﻋﻠﻴﻬﺎ ﻋﻤﻮ ﻟﺰﻡ ﺍﻳﺪﻫﺎ ﻭﻳﺘﻮﺳﻞ
ﻏﺎﺩﻩ ﻓﺪﻭﻩ ﺍﻋﺼﺎﺑﺞ
ﺗﻘﺮﺑﺖ ﻣﻨﻲ ﻣﺎﻣﺎ ﻋﻴﻮﻧﻬﺎ ﺗﻄﻔﺮ ﻏﻀﺐ ﻧﺘﺮﺕ
ﺷﻨﻮ ﺭﺍﻳﺞ ﻳﻌﻴﺶ ﻧﻔﺲ ﺣﻴﺎﺗﺞ ﺍﺑﻨﺞ ﻭﺍﺑﻮ ﻣﻴﺴﺎﻝ ﻋﻠﻴﻪ ﻫﺎﺍ ﺷﻨﻮ ﺭﺍﻳﺞ ﺷﺘﻜﻮﻟﻴﻦ
ﻧﺘﺮﺕ
ﻭﺷﻨﻮﻭ ﻳﻌﻨﻲ ﻗﺎﺑﻞ ﺍﻧﻲ ﻣﺘﺘﺖ ﺍﻧﻲ ﻣﻮﺟﻮﺩﻩ ﺻﻴﺤﺖ
ﻭﺿﺮﺑﺘﻨﻲ ﻣﺎﻣﺎ ﺭﺍﺷﺪﻱ ﺑﻘﻴﺖ ﺻﺎﻓﻨﻪ ﻓﻜﻴﺖ ﻛﻞ ﻋﻴﻨﻲ
ﺍﺩﺑﺴﺰ ﻣﻴﺖ ﻣﺮﻩ ﻛﺘﻠﺞ ﻫﺬﺫﺫﺍ ﺍﺑﻦ ﺍﻣﻬﻬﻬﻪ ﻫﺴﻪ ﺷﻮﻥ ﺷﻮﻭﻭﻭﻭﻥ ﺧﺘﻀﻠﻤﻴﻦ ﺍﺑﺒﺒﻨﺞ ﻭﺗﻀﻠﻤﻴﻦ ﺭﻭﻭﻭﺣﺞ . ﻟﻠﻠﻴﺶ ﻣﺘﺴﻤﻌﻴﻴﻴﻦ ﺍﻟﻜﻠﻤﻬﻬﻬﻬﻪ ﻟﻴﻴﻴﻴﺶ
ﻋﻔﺘﻬﺎ ﻭﻃﺒﻴﺖ ﻟﻠﻐﺮﻓﻪ ﺍﻋﺼﺎﺑﻲ ﺗﻠﻔﺖ ﺧﺎﺑﺮﺕ ﺟﻬﻴﻨﻪ ﺣﺠﻴﺘﻠﻬﺎ ﻛﺎﻟﺖ
ﺍﺭﺟﻌﻲ ﻟﺒﻴﺘﺞ
ﻣﺎﺍﺭﺟﻊ
ﻛﻴﻔﺞ ﻟﻮ ﺑﻤﻜﺎﻧﺞ ﻟﻮ ﺍﻣﻮﻭﻭﺕ ﻣﺎﺍﻋﻴﺶ ﺍﺑﻨﻲ ﺍﻟﻌﺸﺘﻪ ﺍﺭﻛﻊ ﻟﺒﻴﺘﻲ ﺍﺗﺤﻤﻞ ﻟﺨﺎﻃﺮ ﺍﺑﻨﻲ ﺍﺏ ﻓﻮﻙ ﺭﺍﺳﻪ . ﻭﺟﺮﺑﻲ ﻣﺪﺭﺗﻲ ﻛﺪﺭﺗﻲ ﻣﻜﺪﺭﺗﻲ ﻣﻼﺯﻡ ﺍﺭﺟﻊ ﻻﻫﻠﻲ ﻭﺍﻟﻠﻪ ﺍﺑﻘﻰ ﻋﻠﻰ ﻛﻠﺒﻪ ﻭﻛﻠﺐ ﺍﻫﻠﻪ ﺍﻧﻲ ﻣﺮﺗﻚ ﻭﺍﻟﻠﻲ ﺑﺒﻄﻨﻲ ﺍﺑﻨﻚ ﻟﻴﺶ ﺍﺧﻠﻴﻬﻢ ﻳﺘﻨﻌﻤﻮﻥ ﺑﺒﺘﺞ ﻏﺒﺮﺭﺭﻩ
ﺍﺑﻮﺳﻴﺮﻭﺍﻥ ﺑﻌﺪ ﺧﻮ ﻣﺘﻌﺎﺭﻙ ﻭﻱ ﻗﻴﺲ
ﻻ ﻛﺎﻟﻪ ﻛﻴﻔﻚ ﺑﺲ ﺭﺍﻋﻲ ﺍﻟﻠﻪ ﺑﺒﻨﺘﻲ ﺭﺍﺿﻴﻬﺎ
ﺗﺎﻟﻲ
ﺗﺎﻟﻲ ﺭﺍﺡ ﺷﺎﻑ ﺳﻴﺮﻭﺍﻥ ﻭﺣﺎﺟﺎﻩ ﻛﻠﻪ ﻋﻘﻠﻬﺎ ﺧﻞ ﺗﺮﺟﻊ ﻫﻲ ﻭﺑﻨﺘﻬﺎ ﻭﺍﻻ ﺍﺧﺬ ﺑﻨﺘﻲ ﺳﻴﺮﻭﺍﻥ ﻛﻠﻪ ﺍﻟﺤﻀﺎﻧﻪ ﻟﻼﻡ ﻭﺗﺮﻳﺪ ﺗﺘﻄﻠﻚ
ﻋﺰﺯﻩ
ﺍﻱ ﻓﻘﻴﺲ ﻛﻠﻪ ﺍﻧﻲ ﻟﻮ ﻋﻠﻴﻪ ﺍﻃﻠﻚ ﺑﺲ ﺍﺑﻮﻫﺎ ﻣﻴﻘﺒﻞ ﻭﻣﺎﺭﻳﺪ ﺍﺧﺴﺮﻩ ﻟﻌﻤﻲ ﻭﻋﺎﻳﻒ ﻭﻃﺎﻟﻊ ﻳﻜﻮﻝ ﻻﻣﻪ ﺗﻌﻴﻂ ﻭﺗﺼﻴﺢ ﻭﺗﻬﺪﺩ ﻭﺗﻜﻮﻟﻪ ﻟﻮ ﻳﻤﻮﺕ ﻣﻴﺸﻮﻑ ﺑﻨﺘﻪ
ﻋﺸﺘﻮ ﻭﺍﻧﺘﻲ ﺣﺎﻟﺘﺞ ﺷﻨﻮ
ﻭﺍﻟﻠﻪ ﺭﻧﺪ ﺍﻧﻲ ﻗﻴﺲ ﻣﻜﺘﻔﻴﻪ ﺑﻲ ﺣﻴﻠﻞ ﻭﻭﺍﺛﻘﻪ ﺑﻲ ﻣﻦ ﻛﺎﻝ ﺍﻧﺘﻲ ﺍﻟﻠﻲ ﺣﺒﻴﺘﻬﺎ ﻭﺷﻲ ﺛﺎﻧﻲ ﺍﻧﻲ ﺍﻟﻨﺎﺯﻟﻪ ﻋﻠﻴﻬﺎ ﺍﻧﺠﺐ ﻭﺍﺳﻜﺖ ﺍﻟﻤﻬﻢ ﻫﻮﻭ ﻭﻟﻮ ﻳﻮﻡ ﺑﺎﻟﺴﺒﻮﻉ ﻳﺤﻴﻨﻲ ﺍﻧﻲ ﺣﺒﻴﺘﻪ ﺗﺮﻩ
ﺍﻧﺘﻲ ﺑﻴﺖ ﻋﻴﺎﻟﺞ
ﺍﻱ
ﻣﺮﺗﺎﺣﻪ
ﻛﻠﺶ ﺣﺒﺎﺑﻴﻦ ﻭﻗﻴﺲ ﺍﺍﺍﺥ ﻗﻴﺲ ﺷﻲ ﺧﻴﺎﻟﻲ ﺧﻴﺎﻟﻲ ﺭﻧﺪ
ﺻﺪﻙ ﻟﻌﺪ ﺷﺒﻲ ﻭﻱ ﺫﻳﺞ
ﺗﺪﺭﻳﻦ ﺍﺑﺪ ﻣﺠﺎﺏ ﺳﻴﺮﺗﻬﺎ ﻭﻻﺍﻧﻲ ﺍﻟﺤﺒﺖ ﻛﻞ ﺍﻟﻜﻠﻪ ﻗﺒﻞ ﻟﻴﺪﺧﻞ ﻋﻠﻴﻪ ﻛﺎﻝ
ﻛﻞ ﺍﻻﺭﻳﺪﻩ ﻣﻨﺞ ﺻﺪﻕ ﻭ ﺗﻌﺮﻓﻴﻦ ﺷﻮﻥ ﺗﺘﺼﺮﻓﻴﻦ . ﻭﻣﺎﺭﻳﺪ ﺻﻴﺎﺡ ﺍﻧﻲ ﺍﻧﺴﺎﻥ ﺍﺣﺐ ﺍﻟﻬﺪﻭﺀ ﺭﻏﻢ ﻋﺼﺒﻴﺘﻲ ﺗﻨﻄﻴﻨﻲ ﺣﺐ ﺻﺎﺩﻕ ﺍﻧﻄﻴﺞ ﺭﻭﺣﻲ ﻃﻴﻌﻴﻨﻲ ﻭﻫﺪﻭﻣﻲ ﺍﻟﻌﻠﻴﻪ ﺍﻧﻄﻴﻬﺎ ﻟﺞ
ﺧﻄﻴﻪ
ﻳﻌﻨﻲ ﺍﻧﺴﺎﻥ ﻳﻨﻜﻂ ﺫﻭﻕ ﻭﺣﺐ ﻭﻛﺮﺍﻣﻪ ﺍﻧﺴﺎﻥ ﺭﺟﻞ ﻳﺤﺘﻮﻳﺞ ﺑﻜﻞ ﻋﻴﻮﺑﺞ ﺣﺠﻴﺘﻠﻪ ﻋﻦ ﺍﺑﻮﻳﻪ ﻛﻠﺸﻲ ﻭﻛﺎﻝ ﺍﻧﻲ ﺍﺻﻴﺮﻟﺞ ﺍﺏ ﻭﻟﻮ ﺍﻧﺞ ﻣﻤﺤﺘﺎﺟﻪ . ﺍﺣﺪ ﺍﻧﺘﻲ ﺑﻤﻴﺖ ﺭﺟﺎﻝ ﺑﺎﻋﻲ ﺍﻻﺳﻠﻮﺏ
ﻭﺍﻭ
ﺍﻱ ﺟﺮﺕ ﻧﻔﺲ
ﺭﻧﺪ ﺭﺟﻌﻲ ﻟﺘﻀﻴﻌﻴﻦ ﻣﻦ ﺍﻳﺪﺝ ﻛﻠﺸﻲ ﺣﺎﻭﻟﻲ ﻫﺴﻪ ﺍﺭﺗﺎﺡ ﺿﻤﻴﺮﺝ ﻭﺑﺮﺩﺕ ﻧﺎﺭﺝ
ﺳﻜﺘﺖ
ﻣﻤﺮﺗﺎﺣﻪ ﻣﻮ
ﺍﺑﺪ
ﻻﻥ ﻣﻮﻫﺎﻱ ﺍﻧﺘﻲ ﺍﺑﺪ ﻣﻮﻫﺎﻱ ﺍﻧﺘﻲ
ﺗﻌﺒﺎﻧﻪ
بيج قصص عراقيه حقيقيه من واقعنا.روعه الطائي
ﻣﻴﺨﺎﻟﻒ ﺍﻧﻄﻲ ﻟﻨﻔﺴﺞ ﻛﻢ ﻳﻮﻡ ﻣﻬﻠﻪ ﻭﺧﺎﺑﺮﻱ ﻛﻮﻟﻴﻠﻪ ﻟﺘﺨﻠﻴﻬﺎ ﺗﻨﻔﺬ ﺍﻟﺘﺮﻳﺪﻩ ﺍﻟﺤﻘﻴﺮﻩ ﻣﻮ ﺑﻌﻴﺪﻩ ﺗﺴﺮﻳﻠﻪ ﺷﻲ ﺗﺨﻠﻲ ﻳﻄﻠﻜﺞ ﻏﻴﺎﺑﻲ ﻭﻳﺮﻭﺡ ﻳﺘﺰﻭﺝ ﺑﺖ ﻋﻘﻴﻞ
ﻧﺎﺭ ﻭﺷﺒﺖ ﺑﻴﻪ ﻛﻌﺪﺕ ﻋﺪﻝ
ﻳﺼﻴﺮ
ﻭﻟﻴﺶ ﻣﻴﺼﻴﺮ ﺍﺷﻜﺎﻝ ﻣﻼﻋﻴﺐ ﺍﻟﻌﻴﺪ ﺩﻳﺴﻮﻭﻫﺎ ﻫﺎﻟﻴﺎﻡ ﻟﻮ ﺗﻜﻌﺪﻳﻦ ﻳﻢ ﺍﻣﻲ ﺗﺤﺠﻴﻠﺞ
ﺑﻘﻴﺖ ﺻﺎﻓﻨﻪ
ﻛﺎﻟﺖ ﺍﺭﺗﺎﺣﻲ ﻫﺴﻪ
ﺧﺎﻑ ﻳﺴﺎﻓﺮ ﻭﻳﺮﻭﺣﻠﻬﻢ ﻭﻳﻄﻠﻜﻨﻲ
ﻳﺠﻮﺯ
ﻭﻫﻮ ﻣﻴﺪﺭﻱ ﺍﻧﻲ ﺣﺎﻣﻞ ﻭﻃﻼﻛﻨﺎ ﻳﺼﻴﺮ ﺑﺎﻃﻞ ﻭﺍﻟﻨﻮﺏ ﻳﺘﺰﻭﺝ ﺍﺧﺘﻲ
ﺷﻮﻓﻲ ﻻﺯﻡ ﻳﻌﺮﻑ
ﻏﻤﻀﺖ ﻭﺗﻤﺪﺩﺕ ﺭﺍﺣﺖ ﺟﻮﺟﻮﻭﺍﻧﻲ ﺑﺤﻴﺮﺗﻲ
ﻟﻠﻌﺼﺮ ﻃﺒﺖ ﻣﺎﻣﺎ ﻧﻐﺘﻨﻲ
ﻛﻮﻣﻴﻲ
ﻫﺎ ﻣﺎﻣﺎ
ﻛﻮﻣﻲ ﺻﻠﻠﻠﻲ ﻛﻮﻭﻣﻲ
ﻋﻤﻮ ﻣﻦ ﺑﺮﻩ ﺻﺎﺡ
ﻋﻮﻓﻴﻬﺎ ﻏﺎﺩﻩ
ﻣﺎﺍﻋﻮﻓﻬﺎ ﻛﻮﻣﻴﻴﻲ ﺻﻠﻴﻲ ﺣﺎﺟﺘﻰ ﺍﻟﻠﻪ ﻣﺒﻌﻴﻨﺞ ﻟﺞ ﺍﻧﺘﻲ ﺷﻨﻮﻭ
ﻛﻤﺖ ﻭﺍﺑﺎﻭﻋﻠﻬﺎ
ﻣﺎﻣﺎ ﺷﺒﻴﻴﻴﺞ
ﻭﺷﺒﺎﺟﻪ ﺑﻌﻴﻨﺞ ﺍﻣﺸﻲ ﺫﻛﺮﻱ ﺍﻟﻠﻪ ﺑﻠﻜﻦ ﻳﺴﻬﻞ ﺍﻣﻮﺭﺝ . ﻫﺬﺍ ﺍﻟﻌﻨﺎﺩ ﺍﻟﺒﻴﺞ ﺍﻭﻭﻭﻑ ﺍﻭﻭﻑ
ﻫﺴﻪ ﺷﺴﻮﻭﻭﻭﻭﻱ ﺻﻴﺤﺖ ﺷﺴﻮﻱ ﺷﺴﻮﻳﻲ ﺑﻌﺪ ﺣﺒﻠﺖ ﺍﻭﻭﻛﻌﻪ
ﺑﻘﺖ ﻣﺎﻣﺎ ﺻﺎﻓﻨﻪ ﻋﻠﻴﻪ ﻋﻔﺘﻬﺎ ﻭﻃﺒﻴﺖ ﺻﻠﻴﺖ ﻭﺭﺟﻌﺖ ﻧﻤﺖ
ﻳﻮﻣﻴﻦ ﺑﻘﻴﺖ ﻋﺪ ﺍﻫﻠﻲ ﻭﻣﺎﻣﺎ ﺣﺮﺏ ﻭﻳﺎﻳﻪ ﻭﻋﻤﻮ ﻳﻠﻮﺏ ﺧﺎﻳﻒ ﻋﻠﻴﻬﺎ ﺍﺧﺮ ﺷﻲ ﺩﺍﻛﻠﺐ ﺑﺎﻟﻔﻴﺲ ﺷﻔﺖ ﺯﻳﻨﻪ ﻧﺎﺷﺮﻩ
ﺍﺣﻠﻰ ﻟﻤﻪ ﻭﻱ ﺍﻟﺤﺒﺎﻳﺐ
ﺍﻟﺼﻮﺭﻩ ﺑﺒﻴﺘﻲ ﻣﺎﺍﻋﺮﻑ ﻣﻨﻮ ﺍﻋﺼﺎﺑﻲ ﺭﺟﻔﺖ ﻭﺗﺨﻴﻠﺖ ﻋﻘﻴﻞ ﺑﺒﻴﺘﻲ ﺷﻲ ﺑﻴﻪ ﺍﺷﺘﻌﻞ ﻧﺎﺭ . ﻛﻤﺖ ﺑﺪﻟﺖ ﻭﺣﻀﺮﺕ ﻫﺪﻭﻣﻲ ﻭﺍﺧﺬﺕ ﺍﻭﺭﺍﻕ ﺍﻟﺘﺤﻠﻴﻞ ﻭﺍﻟﺴﻮﻧﺮ ﻭﺭﺣﺖ ﻣﺎﻣﺎ ﺳﺎﻟﺘﻨﻲ ﻭﻳﻨﻦ
ﺭﺍﻳﺤﻪ ﻟﺒﻴﺘﻲ ﻣﺎﻣﺎ
ﻟﻴﺶ ﺍﻛﻌﺪﻱ ﺍﺧﺎﻑ ﻋﻠﻴﺞ
ﻋﻤﻮ ﺍﺑﺘﺴﻢ ﻛﺎﻝ
ﻋﻮﻓﻴﻬﺎ ﺍﻟﺪﻣﺘﻮﺭﻩ ﺗﻌﺮﻑ ﺗﺘﺼﺮﻑ ﺭﻭﺣﻲ ﺑﺎﺑﺎ ﺳﻴﺮﻭﺍﻥ ﺧﻮﺵ ﺳﻴﺮﻭﺍﻥ
ﻣﻴﺪﻗﻨﻲ ﻏﻴﺮ ﻣﻦ ﻳﻜﻮﻝ ﻫﻴﺞ
ﻣﺎﻣﺎ ﻭﺭﺍﻳﻪ ﺗﻤﺸﻲ ﻭﻣﺘﺮﻳﺪ ﺍﺑﻴﻦ ﺿﻌﻔﻬﺎ ﻭﺧﻮﻓﻬﺎ
ﺍﺍﺍﺻﻼﺗﺞ ﻟﺘﻨﺴﻴﻬﺎ
ﺣﺒﻮﺑﺞ
ﺍﻛﻠﻲ
ﻫﺎﺝ ﺍﻟﺤﻠﻴﺐ ﺍﺧﺬﻳﻬﺎ ﺍﻟﻘﻮﻃﻴﻪ ﻭﻳﺎﺝ ﻳﻮﻣﻴﻪ ﺷﺮﺑﻲ ﻛﻼﺹ
ﻭﻭﻣﻌﻠﻴﺞ ﻣﻨﻬﻢ
ﻟﺞ ﻣﺎﻣﺎ ﻭﻳﻦ ﺭﺍﻳﺤﻪ ﺍﺧﺎﻑ ﻋﻠﻴﺞ
ﻭﻛﻌﺪﺕ ﺗﺒﺠﻲ ﺗﻘﺮﺑﺖ ﻣﻨﻬﺎ ﺣﻀﻨﺘﻬﺎ ﻣﺎﻣﺎ ﺣﺒﻴﺒﺘﻲ ﺷﺒﻴﺞ ﻭﺍﻟﻠﻪ ﻣﺎﺍﺣﺘﻚ ﺑﻴﻬﻢ
ﺍﺧﺎﻑ ﻳﻤﻪ ﻭﺍﻟﻠﻪ ﺍﺧﺎﻑ
ﻻ ﻣﺎﻣﺎ ﻟﺘﺨﺎﻓﻴﻦ
ﺑﺪﺍﻋﺘﻲ ﺍﺑﻘﻲ ﻛﻠﺸﻲ ﻣﻨﺮﻳﺪ ﺯﻳﻦ ﺍﺑﻘﻲ ﺣﺪﻣﺎ ﺗﺠﻴﺒﻴﻦ
ﻻ ﺍﺭﻭﺡ ﻭﻣﺠﺒﺮ ﻳﺘﻜﻔﻞ ﺑﻴﻪ ﻭﻳﻬﺘﻢ ﻏﺼﺐ ﻋﻨﻨﻪ
ﺍﺳﺘﻐﻔﺮ ﻭﺿﺮﺑﺖ ﻋﻠﻰ ﺭﺟﻠﻬﺎ ﻭﺗﺒﺠﻲ ﺍﻧﻲ ﺷﻮﻥ ﺑﻴﺞ ﺷﻠﻌﺘﻲ ﻛﻠﺒﻲ ﻟﺞ ﻣﺎﻣﺎ ﺍﺭﻭﺣﻠﺞ ﻓﺪﻭﻩ ﺍﺑﻘﻲ ﻋﺪﻱ ﺯﻳﻦ ﺑﺎﻋﻲ ﺭﻭﺣﻲ ﻭﺭﺟﻌﻲ ﻛﻮﻟﻴﻠﻪ ﻭﺭﺟﻌﻲ
ﻻ ﺍﺑﻘﻰ ﻫﻨﺎﻙ ﺑﻴﺘﻲ
ﻭﻛﻔﺖ ﻭﻭﻛﻔﺖ ﻭﻳﺎﻳﻪ ﻭﻓﻮﺗﺘﻨﻲ ﻣﻦ ﺟﻮﻩ ﺍﻟﻘﺮﺍﻥ ﻭﻋﻴﻮﻧﻬﺎ ﺗﺠﺮﻱ ﻋﻤﻮ ﻋﺎﻓﻨﺎ ﻓﺎﺕ ﻟﻠﻐﺮﻓﻪ ﺑﻮﺳﺘﻬﺎ ﻭﻃﻤﻨﺘﻬﺎ ﻟﺘﺨﺎﻓﻴﻦ ﻋﻠﻴﻪ ﻟﺨﺎﻃﺮ ﺍﻟﻠﻲ ﺑﺒﻄﻨﻲ ﺍﺣﺘﻔﻆ ﻋﻠﻰ ﺭﻭﺣﻲ ﻣﺎﻣﺎ
ﺧﺎﻑ ﻳﺎﺫﻭﺝ ﻫﻤﺴﺖ ﻭﺍﻳﺪﻫﺎ ﻋﻠﻰ ﺣﻠﻜﻬﺎ ﺣﺎﻳﺮﻩ
ﻟﺘﺨﺎﻓﻴﻦ ﺍﻋﺮﻑ ﺷﻮﻥ ﺍﺩﺍﻓﻊ ﻋﻦ ﺭﻭﺣﻲ ﻭﺍﺫﺍ ﺻﺎﺭﺕ ﺍﺭﺟﻊ ﻟﺘﺨﺎﻓﻴﻦ
ﻫﺰﺕ ﺭﺍﺳﻬﺎ ﻭﺧﺎﻳﻔﻪ ﻃﻠﻌﺖ ﻭﺍﻟﻐﺮﺍﺽ ﺑﻴﺪﻱ ﻭﺻﻠﺘﻨﻲ ﻟﻠﺒﺎﺏ ﻛﺎﻟﺖ
ﻳﻮﻣﻴﻪ ﺍﺧﺎﺑﺮ ﺍﻟﺘﻠﻔﻮﻥ ﺧﻠﻲ ﻋﺪﺝ
ﻣﺎﺷﻲ
ﺍﻟﻬﻲ ﺭﺑﻲ ﺍﻣﺎﻧﻪ ﺍﻟﻠﻪ ﻭﺭﺳﻮﻟﻠﻪ
ﻃﻠﻌﺖ ﻭﺑﺒﺎﻟﻲ ﺍﻓﻜﺎﺭ ﺗﺘﺮﺗﺐ ﻣﻌﻠﻴﻪ ﺑﻴﻬﻢ ﺍﺑﻘﻰ ﻓﻮﻙ ﻋﻠﻴﻪ ﺑﺮﻭﺣﻲ ﻭﺍﻛﻮﻟﻪ ﻫﻮ ﺍﻟﻤﺴﻮﻭﻝ ﻣﺎﺍﻋﻴﺶ ﺍﺑﻨﻲ ﺑﻠﻪ ﺍﺏ
ﺍﺣﺠﻲ ﺑﺼﻴﻐﻪ ﺍﺑﻨﻲ ﻭﺑﻌﺪﻧﻲ ﻣﺤﺎﺳﻪ ﺍﺑﺪ ﺑﻬﺎﻟﺸﻌﻮﺭ ﺑﺲ ﺩﺍﺍﺗﺬﻣﺮ ﻣﺤﻤﺪ ﻣﻦ ﺟﺎﻥ ﻃﻔﻞ ﻭﺗﺒﻬﺬﻟﻨﺎ ﺑﻲ ﻻﻥ ﺑﻠﻪ ﺍﺏ ﻓﻮﻛﺎﻧﺎ ﻭﻣﺎﺕ ﻻﻥ ﻣﻜﺪﺭﺕ ﻣﺎﻣﺎ ﻭﺣﺪﻫﺎ ﻟﻮ ﻋﺪﻧﺎ ﺍﺏ ﻓﻮﻛﺎﻧﺎ ﻣﺠﺎﻥ ﻋﺎﻓﻪ ﻭﺻﻠﺖ ﻭﺑﺪﻩ ﻛﻠﺒﻲ ﻳﻨﻘﺒﺾ ﻓﺘﺤﺖ ﺍﻟﺒﺎﺏ ﺍﻟﺠﺒﻴﺮﻩ ﺳﻴﺎﺭﻩ ﺳﻴﺮﻭﺍﻥ ﺟﻮﻩ ﻭﺍﻛﻮ ﻧﺴﻮﺍﻥ ﺩﻳﻨﻀﻔﻮﻥ ﺑﺎﻟﻄﺮﻣﻪ ﻭﺑﺎﺏ ﺍﻟﺼﺎﻟﻪ ﺍﻟﺨﺎ ﺭﺟﻲ ﻣﻔﺘﻮﺡ ﻭﻣﻄﻠﻌﻴﻦ ﺍﻟﻘﻨﻔﺎﺕ ﺩﻳﻨﻀﻔﻮﻫﺎ ﻓﻼﺡ ﺑﺎﻟﺤﺪﻳﻘﻪ ﻳﻨﻀﻒ ﻭﻳﻘﻠﻢ ﻃﺒﻴﺖ ﻟﻠﻤﻄﺒﺦ ﻣﻌﺰﻟﻲ
بيج قصص عراقيه حقيقيه من واقعنا.روعه الطائي
ﻣﺒﺎﻭﻋﺖ ﻛﺒﻞ ﻣﺸﻴﺖ ﻛﻞ ﻣﻜﺎﻥ ﻭﺯﺍﻭﻳﻪ ﺑﻲ ﺫﻛﺮﻳﺎﺗﻨﺎ ﺻﺎﺭﺕ ﺑﻮﺟﻬﻲ ﺯﻳﻨﻪ ﻣﺘﺨﻮﺻﺮﻩ ﻛﺎﻟﺖ ﺗﺒﺘﺴﻢ ﺑﺤﻘﺎﺭﻩ
ﻳﻮﻭﻭﻭﻡ ﻫﻬﻪ ﻫﺎﻱ ﺭﺟﻌﺖ ﺧﻄﻴﻪ ﻣﺎﻟﻬﺎ ﻣﻜﺎﻥ ﻳﻠﻔﻴﻬﺎ
ﻣﺪﺕ ﻋﻤﺘﻲ ﺭﺍﺳﻬﺎ ﻛﺎﻟﺖ
ﻫﺎ ﻃﺮﺩﻭﺝ ﻫﻬﻪ
ﻣﻬﺘﻤﻴﺖ ﻃﺒﻴﺖ ﻭﺻﻠﺖ ﺍﻟﻬﻮﻝ ﻭﻫﻤﻪ ﻳﻀﺤﻜﻮﻥ ﻭﻳﺼﻨﻔﻮﻥ ﻭﺍﻧﻲ ﺑﺪﻳﺖ ﺍﺿﻌﻒ ﻭﻟﻜﻴﺘﻪ ﻋﺎﻟﻘﻨﻔﻪ ﺑﺎﻟﻬﻮﻝ ﻭﺍﻟﺴﻤﺎﻋﺎﺕ ﺑﺬﻧﻪ ﺑﻘﻴﺖ ﺍﺑﺎﻭﻋﻠﻪ ﻣﺨﻠﻲ ﺍﻳﺪﻩ ﻋﻠﻰ ﻋﻴﻨﻪ ﻭﺗﺮﺍﻛﺴﻮﺩﻩ ﺗﻚ ﺑﺘﻚ ﺑﺠﺎﻣﺘﻪ ﻏﻴﺮ ﺗﻴﺸﺮﺗﻪ ﻭﻛﻔﺖ ﻛﺒﺎﻟﻪ ﻭﺧﺮﺕ ﺍﻟﺴﻤﺎﻋﻪ ﻓﺮ ﻋﻴﻮﻧﻪ ﺣﻤﺮ ﻋﻜﺪ ﺣﺎﺣﺒﻪ
ﻣﻦ ﺷﺎﻓﻨﻲ ﻛﻌﺪ
ﺭﺍﻓﻊ ﺗﻚ ﺣﺎﺟﺐ ﻭﻧﺰﻝ ﺗﻴﺸﺮﺗﻪ ﺑﻘﻪ ﻳﺒﺎﻭﻋﻠﻲ ﻛﺎﻝ ﺑﺘﻌﺐ
ﺷﻜﻮ ﺟﺎﻳﻪ ﺑﻌﺪ
ﻏﻤﻀﺖ ﻭﻓﺘﺤﺖ ﺟﻨﻄﺘﻲ ﻃﻠﻌﺖ ﺍﻻﻭﺭﺍﻕ ﺍﻣﻪ ﻭﺍﺧﺘﻪ ﻭﺭﺍﻧﺎ
ﻫﺎﺟﺎﻳﻪ ﻋﺎﻟﻔﻠﻮﺱ ﺍﻟﺒﻠﻜﻨﺘﻮﺭ ﻟﻮ ﻋﻠﻰ ﺫﻫﺒﺞ
ﻣﻨﺪﺍﺭﻳﺖ ﺍﺻﻼ ﻋﻠﻴﻬﻢ ﺍﺧﺬ ﺍﻟﻮﺭﻗﻪ ﻳﺒﺎﻭﻋﻠﻲ ﻭﻓﺘﺤﻬﺎ ﻳﺒﺎﻭﻋﻠﻬﺎ ﻋﺎﻛﺪ ﺣﺎﺟﺒﻪ ﻭﻳﻬﺰ ﺑﺮﺟﻠﻪ ﺭﺧﺖ ﻣﻼﻣﺤﻪ ﻣﻦ ﺷﺎﻑ ﺻﻮﺭﻩ ﺍﻟﺴﻮﻧﺎﺭ . ﻭﻛﻌﺖ ﻣﻨﻪ ﻧﺼﻪ ﺟﺎﺑﻬﺎ ﺑﺎﻭﻉ ﻟﻠﺼﻮﺭﻩ ﻭﺭﻓﻊ ﺭﺍﺳﻪ ﺑﻬﺪﻭﺀ
ﻫﻤﺲ
ﻭﻳﺒﺎﻭﻉ ﻟﻠﻮﺭﻗﻪ
ﺣﺎﻣﻞ
ﻫﺰﻳﺖ ﺭﺍﺳﻲ ﺟﺮﻳﺖ ﻧﻔﺲ . ﻋﻠﻤﻮﺩﻩ ﺭﺟﻌﺖ ﻣﺎﺭﻳﺪﻩ ﻳﻌﻴﺶ ﺣﻴﺎﺗﻲ ﻭﻳﻨﺤﺮﻡ ﻣﻨﻚ ﻭﺍﻛﻮﻥ ﻣﺸﺘﺮﻛﻪ ﺑﻬﺎﻟﺸﻲ
ﺑﺎﻭﻋﻠﻲ ﻭﻧﺼﻪ ﻋﺎﻟﻮﺭﻗﻪ
ﻭﻛﻒ ﺍﻣﻪ ﻧﺘﺮﺕ
ﺷﻮﻭﻥ ﺑﻠﻪ ﻭﺍﻧﺖ ﺟﻨﺖ ﻣﺴﺎﻓﺮ ﺷﺤﺒﻠﻬﺎﺍﺍ
ﻭﻫﻮ ﻋﺎﻁ ﻋﻴﻄﻪ ﻛﻞ ﺣﻴﺎﺗﻲ ﻣﺸﺎﻳﻔﺘﻪ ﺑﻬﺎﻟﻌﺼﺒﻴﻪ
ﻳﻮﻭﻭﻭﻭﻭﻭﻭﻭﻡ ﻫﻴﺞ ﻫﻴﺞ ﻣﻨﻲ ﻭﻣﻦ ﻳﻮﻣﻲ . ﻣﺸﺎﺍﺍﻛﻞ ﻣﺎﺭﻳﺪ
ﺍﻥ ﺟﺎﻥ ﺍﻧﺘﻲ ﻭﺍﻟﻪ ﺍﻧﺘﻲ ﻭﺍﻻ ﺍﻧﺘﻲ ﻣﻔﻬﻮﻭﻭﻭﻭﻭﻡ
ﻭﺍﻧﻲ ﺷﻌﺪﻱ ﻏﻴﺮﻙ ﺧﻮﻓﻚ ﻣﻨﻬﺎ ﻫﺎﻱ ﺗﺨﻮﻑ ﺗﻄﻠﻊ ﻗﻬﺮ ﺍﺑﻮﻫﺎﺑﻴﻚ ﻓﻮﻙ ﻣﺎ ﻧﺴﻮ
ﻳﻤﻤﻤﻪ ﻭﺿﺮﺏ ﻋﻠﻰ ﺭﺍﺳﻪ ﻳﻤﻪ ﻟﺨﺎﻃﺮ ﺍﻟﻠﻪ ﺍﻃﻚ ﻭﺍﻣﻮﺕ ﺷﻮﻥ ﻓﻬﻤﻴﻨﻲ ﺍﻣﺸﻲ ﺻﻌﺪﻱ ﻓﻮﻙ ﺍﻧﺘﻴﻴﻲ
ﻭﺍﺷﺮﻟﻲ ﺑﻴﺪﻩ
ﺻﻌﺪﺕ ﺑﻬﺪﻭﺀ ﻭﻃﺒﻴﺖ ﻟﻠﻐﺮﻓﻪ ﺷﻨﻮ ﻣﻜﻠﻮﺑﻪ ﺷﻨﻮ ﻣﻼﺑﺴﻲ ﻛﻠﻬﺎ ﻃﺎﻟﻌﻪ ﺑﺎﻟﻜﻊ ﻻﺫﻫﺒﻲ ﻻﻓﻠﻮﺳﻲ ﺭﺗﺒﺖ ﺑﻬﺪﺩﺩﻭﺀ ﻣﻔﺮﻁ . ﻣﺴﺤﺖ ﺭﺳﺎﻳﻠﻲ ﻭﻱ ﺟﻮﺟﻮ ﻭﻋﻔﺖ ﺍﻟﻔﻮﻥ ﻣﻔﺘﻮﺡ ﺑﻠﻪ ﺑﺎﺳﻮﻭﺭﺩ
ﻣﺼﻌﺪ ﻓﻮﻙ ﺍﺑﺪ ﻫﻮ ﻟﻠﻴﻞ ﻳﻠﻪ ﺻﻌﺪ ﺟﻨﺖ ﺩﺍﺍﻛﻮﻱ ﻫﺪﻭﻣﻪ ﺟﻨﺖ ﻣﺒﻨﺠﻪ ﻣﺎﻋﺮﻑ ﺷﻔﻜﺮ
ﺧﺎﺑﺮﺕ ﻣﺎﻣﺎ
ﻣﺎﻣﺎ ﺷﺴﻮﻱ ﻋﻠﻤﻴﻨﻲ ﻭﺍﻟﻠﻪ ﺭﺍﺡ ﺍﺳﻤﻊ ﺍﻟﻜﻠﻤﻪ ﺍﻋﻮﻑ ﻛﻠﺸﻲ ﻭﺍﺭﺟﻊ ﻫﺴﻪ ﺍﺭﺟﻊ ﺍﺗﻄﻠﻚ ﻭﺍﻋﻮﻓﻪ ﺷﺴﻮﻱ
ﻳﻤﻪ ﺷﻨﻮ ﺍﻟﺘﺮﺩﻱ ﺍﻧﺘﻲ ﺳﻮﻱ ﻭﺍﻧﻲ ﻭﻳﺎﺝ ﻟﺘﺸﻮﻓﻴﻨﻲ ﺍﻋﺼﺐ ﻣﻦ ﻧﺎﺭ ﻛﻠﺒﻲ
ﻧﺼﺤﻴﻨﻲ ﻋﻠﻤﻴﻨﻲ ﺍﺳﻨﻊ ﻛﻠﻤﺘﺞ ﻭﺍﻟﻠﻪ ﺍﺩﺭﻱ ﻓﺎﺕ ﺍﻻﻭﺍﻥ
ﻳﻤﻪ ﻋﻠﻴﺞ ﺑﺮﺟﻠﺞ ﺑﺴﺲ ﻫﺪﻭﻣﻪ ﻏﺮﺍﺿﻪ ﺍﻫﺘﻤﻲ ﺑﻲ ﻭﻋﻮﻓﻴﻬﻢ ﻟﻼﺧﻴﺮ ﻣﻜﺪﺭﺗﻲ ﺍﺭﺟﻌﻲ ﻳﻤﻲ ﺣﺒﻴﺒﺘﻲ
ﺍﻭﻙ ﻣﺎﻣﺎ ﺳﺪﻳﺘﻪ ﻣﻨﻬﺎ ﻭﻧﻀﻔﺖ ﺍﻟﻐﺮﻓﻪ ﻫﺪﻯﻤﻬﺎ ﻏﺴﻠﺘﻬﺎ ﻭﺍﺷﺘﻐﻞ ﺑﻬﺪﻭﺀ ﻣﺒﻨﺠﻪ ﻭﺑﻐﻴﺮ ﻋﺎﻟﻢ ﺭﺍﻳﺤﻪ ﺩﺍﺍﻛﻮﻱ ﺑﻘﻤﺼﺎﻧﻪ ﻭﻻﻗﻨﻴﺺ ﻣﻜﻮﻱ ﺑﺲ ﻣﺎﻝ ﺷﻐﻞ
ﺻﻌﺪ ﻃﺐ ﻣﺒﺎﻭﻋﻠﻲ ﺗﻠﻔﺖ ﺑﺎﻟﻐﺮﻓﻪ ﻭﺟﺮ ﻧﻔﺲ ﺧﻠﻪ ﻋﻠﺒﻪ ﺍﻟﺬﻫﺐ ﺑﻬﺪﻭﺀ ﻭﺍﻟﻔﻠﻮﺱ ﺍﻟﺠﻨﺖ ﻣﺨﻠﻴﺘﻬﺎ ﺑﻜﻨﺘﻮﺭﻱ . ﻫﻼﻫﺎ ﻋﺎﻟﻤﻴﺰ ﺍﻓﺘﺮ ﺑﺎﻟﻐﺮﻓﻪ ﺑﻬﺪﻭﺀ ﻣﺴﺢ ﺷﻌﺮﻩ ﺑﺪﻭﻥ ﻣﻴﺒﺎﻭﻋﻠﻲ ﻛﺎﻝ
ﺷﺸﻤﺤﺘﺎﺟﻪ ﺟﺮ ﻧﻔﺲ ﺍﺍﻧﺘﻲ ﻣﺘﻐﺪﻳﺘﻲ ﺧﺎﻑ ﻣﻮﺯﻳﻦ
ﻻ ﻣﺎﻣﺎﻃﺘﻨﻲ ﻟﻔﺎﺕ ﻭﺍﻛﻠﺖ
ﻫﺰ ﺍﺳﻪ ﺧﻠﻪ ﺍﻳﺪﻩ ﺑﺠﻴﻮﺏ ﺗﺮﺍﻛﺴﻮﺩﻩ ﺑﺎﻭﻉ ﻟﻠﺜﻼﺟﻪ ﺗﻨﻬﺪ
ﻭﻧﺼﻪ ﺭﺍﺳﻪ ﺗﻘﺮﺏ ﻟﻠﻜﻨﺘﻮﺭ ﻫﺪﻭﻣﻪ ﻣﺮﺗﺒﻪ ﺧﻠﻪ ﺭﺍﺳﻪ ﻋﻠﻰ ﺣﺎﻓﻪ ﺑﺎﺏ ﺍﻟﻜﻨﺘﻮﺭ ﺩﺍﺑﺎﻭﻋﻠﻪ ﻃﻠﻊ ﺗﺮﺍﻙ ﺑﻬﺪﻭﺀ ﻭﺍﺧﺬ ﻣﻨﺸﻔﻪ ﻭﻓﺎﺕ ﻟﺤﻤﺎﻡ ﺍﻟﻐﺮﻓﻪ ﺳﺒﺢ ﻭﺭﺟﻊ ﺍﻟﻤﻨﺸﻔﻪ ﺑﻤﻜﺎﻧﻬﺎ ﻭﺍﺧﺬ ﺳﻮﻳﺠﻪ ﻭﻓﻠﻮﺱ ﻭﻃﻠﻊ ﻏﺴﻠﺖ ﺍﻟﺤﻤﺎﻡ ﻭﺭﺍﻩ ﺍﻫﺘﻤﻴﺖ ﺑﻨﻔﺴﻲ ﺷﺮﺑﺖ ﺣﻠﻴﺐ ﻣﺎﻣﺎ ﺭﺳﻠﺖ ﺭﺳﺎﻟﻪ
ﺣﻠﻴﺒﺞ ﻟﺘﻨﺴﻲ ﻳﺎﻋﻤﺮ ﺍﻣﺞ ﻭﺣﺒﻮﺑﺞ ﻫﻢ
ﺍﻭﻙ ﻣﺎﻣﺎ
ﺻﻼﺗﺞ ﺭﻧﻮﺵ
ﺍﻱ ﻣﺎﻣﺎ ﻭﺍﻟﻠﻪ ﺻﻠﻴﺖ
ﻛﻤﻠﺖ ﻋﻠﻜﺖ ﻫﺪﻭﻣﻪ ﻭﺟﻴﺖ ﺗﻤﺪﺩﺕ ﺍﺭﺗﺎﺡ ﻟﻞ١ ﺑﻠﻴﻞ ﻃﺐ ﺧﻠﻪ ﺟﻴﺎﺳﻪ ﺑﺒﺎﺏ ﺍﻟﻐﺮﻓﻪ ﺑﺎﻭﻋﻠﻲ ﻭﺩﺍﺭ ﻭﺟﻬﻪ ﻭﻃﻠﻊ
ﺍﻟﺒﻴﻨﺎ ﺻﻌﺐ ﻳﺘﺼﻠﺢ ﺻﻌﺐ . ﺧﻠﻴﺖ ﺍﻟﻐﺮﺍﺽ ﻓﺎﻛﻬﻪ ﻭﺗﻮﺳﺖ ﺍﺳﻤﺮ ﻳﺪﺭﻱ ﺑﻴﻪ ﺍﺣﺒﻪ ﻭﺣﻠﻴﺐ ﻭﺍﺟﺒﺎﻥ ﺯﻳﺘﻮﻥ . ﻭﻧﺴﺎﺗﻞ ﻫﺎﻟﺴﻮﺍﻟﻒ ﺧﻠﻴﺘﻬﺎ ﺑﺎﻟﺜﻼﺟﻪ ﻭﺭﺟﻌﺖ ﻧﻤﺖ
ﻧﺺ ﺍﻟﻠﻴﻞ ﺣﺴﻴﺖ ﺭﻭﺣﻲ ﺗﻠﻌﺐ ﻛﻤﺖ ﺭﻛﺾ ﻟﻠﺤﻤﺎﻡ ﺫﺑﻴﺖ ﻣﻦ ﺭﺍﺳﻲ . ﺗﺎﺫﻳﺖ ﻫﻮﺍﻱ ﻫﻮﺍﻱ ﻃﻮﻟﺖ ﺣﺪﻣﺎ ﻓﺮﻏﺖ ﻣﻌﺪﺗﻲ ﺣﺴﻴﺖ ﺍﺣﺪ ﻭﺍﻛﻒ ﺑﺒﺎﺏ ﺍﻟﺤﻤﺎﻡ ﺍﻟﺘﻔﺘﺖ ﺷﻔﺘﻪ ﺭﺍﺳﻦ ﺭﺟﻊ ﻃﻠﻊ ﻣﻦ ﺍﻟﺤﻤﺎﻡ ﺗﻘﺮﻳﺐ ﻓﺠﺮﻳﻪ ﺟﺎﻧﺖ
ﺷﺼﻌﺪﻩ ﺷﻮﻥ ﺳﻤﻊ ﻣﺎﺩﺭﻱ ﻛﻤﺖ ﻣﻦ ﺍﻟﻜﻊ ﻏﺴﻠﺖ ﻭﻓﺘﺖ ﻟﻠﻐﺮﻓﻪ ﺳﻤﻌﺖ ﻃﺒﻜﻪ ﺍﻟﺒﺎﺏ ﻧﺰﻝ ﺟﻮﻩ ﺭﺣﻌﺖ ﻧﻤﺖ ﺑﺪﻭﻥ ﻣﺎﺍﺣﺲ ﻋﻠﻰ ﺭﻭﺣﻲ
ﺛﺎﻧﻲ ﻳﻮﻡ ﻣﻦ ﺍﻟﺼﺒﺢ ﺷﻔﺘﻪ ﻃﺐ ﺍﺧﺬ ﻫﺪﻭﻡ ﺍﻟﻤﻌﻠﻜﺎﺕ ﺭﺍﻟﺘﻔﺖ ﻋﻠﻴﻪ ﻭﺭﺟﻊ ﻛﻤﻞ ﻟﺒﺲ
ﺑﺲ ﻃﻠﻊ ﻗﻔﻠﺖ ﺍﻟﺒﺎﺏ ﺷﻲ ﺑﻴﻪ ﻳﺨﺎﻑ ﺍﺑﻘﻰ ﻭﺣﺪﻱ ﻭﻳﺎﻫﻦ ﺑﻘﻴﺖ ﺑﺎﻟﻐﺮﻓﻪ ﻭﺍﻛﻠﺐ ﺑﺎﻟﻤﺼﺎﺩﺭ ﻭﺍﻟﻜﺘﺐ ﻣﺎﻝ ﺳﻨﻪ ﺍﻟﺘﺠﻲ ﺑﻌﺪ ﺳﺒﻮﻉ ﻧﺘﺎﻳﺠﻨﺎ ﻭﺍﻧﺘﻀﺮ
ﻟﻠﻀﻬﺮ ﺳﻤﻌﺖ ﺻﻴﺎﺡ ﺯﻳﻨﻪ ﻭﻋﻴﺎﻃﻬﺎ ﻭﺍﻣﻬﺎ ﺗﺮﺩ
ﻟﺞ ﻳﻤﻪ ﻣﻌﻠﻴﺞ ﺍﺧﻠﻲ ﻳﺘﻮﺳﻞ ﻭﻳﺒﻮﺱ ﺍﻻﻳﺎﺩﻱ ﻭﺍﻟﺮﺟﻠﻴﻦ ﺑﺲ ﺧﻠﻲ ﻳﺼﺒﺮ
ﻳﻤﻪ ﻣﺎﺧﺬﻫﺎ ﻟﺒﻴﺘﻲ
ﺍﺻﺒﺮﻱ ﺍﺻﺒﺮﻱ ﻭﺷﻮﻓﻲ ﺷﺴﻮﻳﻠﺞ ﺑﻲ
----
ﻳﺘﺒﻊ
ﺧﻠﻮ ﺍﻟﻘﺼﻪ ﺗﺎﺧﺬ ﻣﺠﺮﺍﻫﺎ ﺍﻋﺮﻑ ﻃﻮﻟﺖ ﺑﺲ ﻫﻲ ﺭﻭﺍﻳﻪ ﺟﺰﺍﺋﻴﻦ
ﻣﻠﻴﺎﻧﻪ ﺍﺣﺪﺍﺙ ﻣﻮ ﻣﻌﺎﺩﻩ ﻓﺎﻧﻄﻮﻧﻲ ﺻﺒﺮ ﻭﻫﻲ ﻣﻜﺘﻮﺑﻪ ﻣﺴﺒﻘﺎ ﺷﻮﻥ ﺍﺣﺬﻑ ﺍﺣﺪﺍﺙ
ﺷﻜﺮﺍ ﺍﻟﻜﻢ
ﻣﺮﻳﻢ ﺍﻟﺴﻌﺪﻱ
#وعسى_ان_تسكن_نار_الأنتقام
#عسل_الأنتقام
بقلم مريم السعدي
#تكملةبارت٥٧
ﺭﻧﺪ - ﺍﺳﻤﻊ ﻋﻴﺎﻃﻬﻢ ﺟﻮﻩ ﺑﻘﻴﺖ ﺑﻐﺮﻓﺘﻲ ﻣﺎﻣﺎ ﺍﺗﺼﻠﺖ ﺑﻴﻪ ﻭﻣﺘﺼﺪﻙ ﻣﻦ ﺍﻛﻮﻟﻬﺎ ﻛﻠﺸﻲ ﻋﺪﻱ ﻓﺘﺤﺖ ﺍﻟﺜﻼﺟﻪ ﻭﻃﻜﻴﺘﻠﻬﺎ ﺻﻮﺭﻩ ﻳﻠﻪ ﺍﺭﺗﺎﺣﺖ ﺭﺟﻌﺖ ﻧﻤﺖ ﺣﺴﻴﺖ ﺍﻟﻀﻬﺮ ﻫﻢ ﺻﻮﺕ ﺟﻮﻩ ﻃﺒﻴﻌﺘﻬﻢ ﻣﻦ ﻳﺤﺠﻮﻥ ﻳﺼﻴﺤﻮﻥ ﻓﺘﺤﺖ ﺑﺎﺏ ﺍﻟﻐﺮﻓﻪ ﺍﺗﺼﻨﺖ
ﺍﺳﻤﻌﻬﺎ ﺗﺤﺠﻲ ﻭﻳﺎﻫﺎ
ﺗﺮﺣﻴﻦ ﻋﻠﺴﺎﺱ ﺗﺠﻴﺒﻴﻦ ﻫﺪﻭﻣﺞ ﻭﺗﺠﻴﻦ ﺗﻌﺎﻱ ﻟﻠﻐﺮﻓﻪ ﺍﺣﺎﺟﻴﺞ ﻟﺘﻄﻠﻌﻴﻦ ﺻﻮﺗﻲ
ﺭﺍﺳﻠﺖ ﺟﻮﺟﻮ
ﺟﻬﻴﻨﻪ ﻳﻤﻜﻦ ﺍﻟﻌﻴﻨﺘﻴﻦ ﺭﺍﺡ ﺗﺠﻴﻜﻢ
ﺭﻧﺪ ﻣﺪﺭﻱ ﺷﺒﻴﻪ ﺍﺧﺘﻨﻜﺖ ﺍﻟﺒﺎﺭﺣﻪ ﺷﻲ ﻧﺎﻡ ﻋﻠﻰ ﺻﺪﺭﻱ ﻭﺧﻨﻜﻨﻲ ﻭﻗﻴﺲ ﻣﺮﻳﺾ ﺍﻣﻪ ﺧﺒﻠﺘﻨﻲ ﺗﻤﻮﻟﻲ ﻫﺎﻱ ﺍﺧﺎﻑ ﻣﻨﻬﺎ ﺷﻐﻠﻬﺎ ﺑﺎﻟﻌﻤﻞ ﺷﺴﻮﻱ
ﻫﺎﺍﺍ ﺯﻳﻦ ﺧﺎﺑﺮﻱ ﺧﺎﻟﺘﺞ ﺗﺤﺎﺟﻲ ﺍﺑﻮ ﺳﻴﺮﻭﺍﻥ ﻫﻮ ﻳﻌﺮﻑ ﻋﻼﺝ ﻫﺎﻟﺴﻮﺍﻟﻒ
ﺍﻱ ﺗﺬﺫﻛﺮﺕ ﻋﺪﻩ ﺧﺮﺯﻩ ﺻﺪ ﻣﺪﺭﻱ ﺭﺩ ﺭﻭﺣﻲ ﻭﻭﺣﻲ
ﺳﺪﻳﺘﻪ ﻣﻨﻬﺎ ﻃﻠﻌﺖ ﺍﺑﺎﻭﻋﻬﻢ ﻣﻦ ﺍﻟﺪﺭﺝ ﻃﻠﻌﻮ ﻣﻦ ﺍﻟﻐﺮﻓﻪ ﻭﺍﻣﻬﺎ ﻭﺭﺍﻫﺎ
ﻫﺴﻪ ﻋﺮﻓﺘﻲ ﺷﻮﻥ
ﻭﻫﻲ ﺻﺎﻓﻨﻪ ﻋﻠﻴﻬﺎ ﺗﻬﺰ ﺑﺮﺍﺳﻬﺎ ﺭﺟﻌﺖ ﻟﻴﻮﺭﻩ ﻟﻴﺸﻮﻓﻮﻧﻲ ﺷﺎﻓﺘﻨﻲ ﺑﺘﻬﺎ ﺭﻓﻌﺖ ﺭﺍﺳﻬﺎ ﺗﺒﺘﺴﻢ ﻋﻔﺘﻬﻢ ﻭﻃﺒﻴﺖ
ﺩﺍﻓﻮﺕ ﻟﻠﻐﺮﻓﻪ ﺷﻔﺖ ﺑﺒﺎﺏ ﻏﺮﻓﺘﻲ ﺗﺮﺍﺏ ﻏﻤﻀﺖ ﻋﻴﻨﻲ ﻭﺟﺒﺖ ﻭﺻﻠﻪ ﻭﻣﺴﺤﺘﻪ ﺧﺎﺑﺮﺕ ﻣﺎﻣﺎ ﺣﺠﻴﺘﻠﻬﺎ ﻛﺎﻣﺖ ﺗﻜﻤﺰ ﻭﺗﺒﺠﻲ ﺍﺭﺟﻌﻲ ﻣﺎﺍﺭﺟﻌﻲ ﺍﻧﻲ ﻣﻌﺎﻧﺪﻩ . ﺑﻌﺪ ﺻﺒﺮﻱ ﻣﺨﻠﺼﺎﻥ ﺍﺧﺮ ﺷﻲ ﻛﺎﻟﺖ ﻣﺴﺤﻲ ﺑﺎﻟﻤﻲ ﻭﺍﻟﻤﻠﺢ ﻭﻟﺘﻄﻔﻴﻦ ﺻﻮﺭﻩ ﺍﻟﺒﻘﺮﻩ ﻭﻓﻌﻼ ﺳﻮﻳﺘﻬﺎ ﻟﻴﻞ ﻣﻬﺎﺭ ﻣﺸﻐﻠﺘﻬﺎ ﺍﺭﺗﺎﺣﻴﺖ .
ﻣﺮ ﻳﻮﻣﻴﻦ ﻭﺳﻴﺮﻭﺍﻥ ﻧﺰﻝ ﺳﻤﻌﺖ . ﺻﻮﺕ ﺳﻴﺎﺭﺗﻪ ﻭﺻﻮﺗﻪ ﺟﻮﻩ ﻫﺎﻟﻔﺘﺮﻩ ﻛﻠﻬﺎ ﻭﻛﺖ ﺍﻟﻐﺪﻩ ﻣﺎﻣﺎ ﺗﺪﺯ ﺍﻛﻞ ﻭﻫﻤﻪ ﻣﻤﻮﺣﻮﺩﻳﻦ ﺍﻟﻀﻬﺮﻳﻪ ﻛﻠﻬﺎ ﻳﻮﻣﻴﻪ ﻣﻦ ﺍﻟﺼﺒﺢ ﻟﻠﻌﺼﺮ ﻫﻤﻪ ﺑﺮﻩ ﺣﺘﻰ ﻧﻮﺑﺎﺕ ﺗﻌﻮﻑ ﺑﺘﻬﺎ ﻋﺎﻟﺘﻠﻔﺰﻳﻮﻥ ﻭﺍﻟﺒﻨﻴﻪ ﻛﻠﺶ ﻫﺎﺩﺋﻪ
ﻟﻠﻌﺼﺮ ﺻﻌﺪ ﺩﻙ ﺍﻟﺒﺎﺏ
ﻓﺘﺤﺘﻬﺎ ﻻﻥ ﻣﻘﻔﻮﻟﻪ .
ﻃﺐ ﻣﺒﺎﻭﻋﻠﻲ ﺧﻠﻪ ﻏﺮﺍﺿﻪ ﻭﻓﺎﺕ ﺍﻟﺤﻤﺎﻡ ﺍﻧﻲ ﻛﻤﺖ ﻓﺮﻏﺖ ﺟﻨﻄﺘﻪ ﻭﺭﺗﺒﺖ ﻛﻠﺸﻲ ﺑﻤﻜﺎﻧﻪ ﻭﻏﺴﻠﺖ ﻫﺪﻭﻣﻪ ﻃﻠﻊ ﺍﺧﺬ ﻫﺪﻭﻡ ﻧﻀﻴﻔﻪ ﻭﺭﺟﻊ ﻓﺎﺕ ﻟﻠﺤﻤﺎﻡ ﺑﺪﻝ ﻭﻃﻠﻊ ﻟﻠﻐﺮﻓﻪ ﺑﻘﻪ ﻳﻔﺘﺮ ﺑﺜﻜﻞ ﺑﺎﻭﻉ ﻣﻦ ﺍﻟﺒﺮﺩﻩ ﻋﺎﻟﻄﺮﻣﻪ ﺍﻧﻲ ﻣﺘﻤﺪﺩﻩ ﻭﺍﻳﺪﻱ ﻋﻠﻰ ﺑﻄﻨﻲ ﺍﺑﺎﻭﻋﻠﻪ
ﺍﺑﺪ ﻣﻴﺒﺎﻭﻋﻠﻲ
ﻭﻻﻳﺤﺠﻲ
ﺟﺮ ﻧﻔﺲ ﻭﺍﻟﺘﻔﺖ ﺑﺎﻭﻋﻠﻲ ﻭﺭﺍﺳﻦ ﺩﺍﺭ ﻭﺟﻬﻪ ﻛﺎﻝ
ﻋﻤﺞ ﺣﻴﺪﺭ ﺧﺎﺑﺮﻧﻲ ﻳﺴﺎﻝ ﻋﻨﺞ
ﺑﻘﻴﺖ ﺍﺑﺎﻭﻋﻠﻪ ﻣﻴﻜﺪﺭ ﻳﺒﺎﻭﻉ ﺑﻮﺟﻬﻲ ﻭﻻﺍﻧﻲ ﺍﻟﻄﺎﻳﻘﺘﻪ
ﺗﻮﻧﻲ ﺧﺎﺑﺮﺕ ﻣﺎﻣﺎ ﺟﺎﻭﺑﺖ ﺑﺒﺮﻭﺩ
ﻣﺎﺩﺭﻱ ﻛﺎﻝ ﺩﻳﺮ ﺑﺎﻟﻚ ﻋﻠﻴﻬﺎ ﺣﺎﻣﻞ ﻣﻌﺮﻑ ﺍﻳﺶ
ﺍﻳﻲ ﻫﻮ ﻳﺨﺎﻑ ﻛﻠﺶ
ﺍﻣﻢ ﺗﻨﻬﺪ
ﻣﺤﺘﺎﺟﻪ ﺷﻲ
ﺟﺞ
ﻫﺰ ﺭﺍﺳﻪ ﻭﻳﺒﺎﻭﻉ ﺑﺘﻠﻔﻮﻧﻪ ﻣﺸﻪ ﺑﺜﻜﻞ ﻭﻭﻛﻒ ﺑﺒﺎﺏ ﺍﻟﻐﺮﻓﻪ
ﻟﻴﺶ ﻣﺪﺗﻨﺰﻟﻴﻦ ﺗﺘﻐﺪﻳﻦ
ﺑﺎﻭﻋﺘﻠﻪ ﺑﻘﻪ ﻳﺒﺎﻭﻋﻠﻲ ﺑﻌﺘﺐ
ﻣﺎﻣﺎ ﺩﺗﺪﺯ ﺷﻮﻱ ﻣﺘﻨﺤﺴﻪ ﻋﺎﻻﻛﻞ
ﻫﺰ ﺭﺍﺳﻪ ﻭﻃﻠﻊ ﺳﺪ ﺍﻟﺒﺎﺏ ﺑﻬﺪﻭﺀ
ﺷﻮﻱ ﻭﺳﻤﻌﺘﻪ ﻃﻠﻊ ﺧﺎﺑﺮﺕ ﺟﻮﺟﻮ ﺭﺩﻳﺖ ﺭﺍﺳﻦ
ﺟﺎﻧﺖ ﺗﺮﺟﻒ ﻭﺗﺒﺠﻲ
ﺷﺒﻴﺞ ﺟﻮﺟﻮ
ﻣﺪﺍﺍﻛﺪﺭ ﺍﻧﺎﻡ ﺭﻧﺪ ﺣﺮﺟﻊ ﻻﻫﻠﻲ ﺩﺍﻣﻮﺕ
ﻫﺎﻱ ﺷﺒﻴﺞ ﺻﺪﻙ ﺟﺬﺏ
ﻟﺞ ﺩﺍﺷﻮﻑ ﺷﻐﻼﺕ ﺑﺤﻴﺎﺗﻲ ﻣﺸﺎﻳﻔﺘﻬﺎ
ﻳﺎﺍ ﺻﺪﻙ ﺟﺬﺏ
ﺍﺩﺭﻱ ﺩﻳﺴﻮﻭﻥ ﺑﺲ ﺍﻧﻲ ﺷﺴﻮﻱ ﺑﻬﻴﺞ ﺣﺎﻟﻪ ﻛﺘﻠﻪ ﻣﺎﺭﻳﺪ ﺍﻛﻌﺪ ﺑﺒﻴﺘﻬﺎ ﻛﺎﻝ ﻣﻮﺑﻴﺘﻬﺎ ﺑﻴﺘﻲ ﻭﺍﺭﻳﺪ ﺍﺧﺬ ﺭﺍﺣﺘﻲ ﺗﻠﺒﺴﻴﻠﻲ ﺗﺪﻟﻠﻴﻨﻲ ﺍﻧﺠﺒﻴﺖ ﻭﺳﻜﺘﺖ
ﺑﻘﻴﺖ ﺻﺎﻓﻨﻪ
ﺟﻮﺟﻮ ﺍﻧﻲ ﺳﻤﻌﺘﻬﺎ ﺗﻠﻘﻦ ﺑﻴﻬﺎ ﻭﺗﻌﻠﻤﻬﺎ
ﺍﻱ ﺷﺪﺗﺴﻮﻱ ﺣﺘﻰ ﻭﺍﺣﺪ ﻳﻌﺮﻑ
ﻣﺎﺩﺭﻱ
ﺗﺼﻨﻄﻲ ﻋﻠﻴﻬﻢ ﺑﻠﻤﻦ ﺗﻔﺘﻬﻤﻴﻦ ﺍﺳﻮﻳﻠﻲ ﺟﺎﺭﻩ ﻟﺞ ﻣﻦ ﺍﻟﺒﺎﺭﺣﻪ ﻟﻠﻴﻮﻡ ﺑﺲ ﻳﺬﺏ ﻣﻦ ﺭﺍﺳﻪ
ﺍﻭﻙ ﺧﻞ ﺍﺷﻮﻑ ﺷﻮﻥ
ﺭﺍﺣﺖ ﺟﻮﺟﻮ ﻭﺍﻧﻲ ﺻﺎﻓﻨﻪ ﻋﺪﻱ ﺗﻠﻔﻮﻧﻲ ﺍﻟﻘﺪﻳﻢ ﺑﻌﺪﻩ ﻋﺪﻱ ﻗﺒﻞ ﻟﻴﺸﺘﺮﻳﻠﻲ ﺳﻴﺮﻭﺍﻥ ﺷﺤﻨﺘﻪ ﻭﺷﻐﻠﺘﻪ ﺭﺍﻣﻪ ﺟﺒﻴﺮﻩ ﻳﺴﺠﻞ ﺷﻠﺘﻪ ﻭﺧﻠﻴﺘﻪ ﺑﺠﻬﺎﺯ ﺗﺴﺠﻴﻞ ﺍﺳﺘﻌﻤﻠﻪ ﻟﺘﺴﺠﻴﻞ ﻣﺤﺎﺿﺮﺍﺗﻲ ﻳﺼﻴﺮ ﺑﻄﻮﻝ ﺍﻟﺠﺪﺍﺣﻪ ﺍﻭ ﻳﻤﻜﻦ ﺍﺻﻐﺮ ﻣﺎﺍﻟﻲ ﻏﻴﺮ ﺣﻞ ﺍﻓﺘﻬﻢ ﺍﻟﺪﻳﺼﻴﺮ ﺣﺘﻰ ﺍﻧﻲ ﺧﺎﻳﻔﻪ ﻣﻨﻬﻢ ﻣﺎﺍﻧﻜﺮ
ﺍﻟﺼﺒﺢ ﻣﻦ ﺛﺎﻧﻲ ﻳﻮﻡ ﻃﻠﻌﻮ ﺭﺍﻗﺒﺘﻬﻢ ﺳﺪﻭ ﺍﻟﺒﺎﺏ ﻣﺎﻝ ﺑﻴﺖ ﻭﻧﺰﻟﺖ ﻃﺒﻴﺖ ﺍﻟﻐﺮﻓﻪ ﺍﻟﺠﻮﻩ ﺷﻔﺖ ﺷﻤﺲ ﻧﺎﻳﻤﻪ ﻋﺎﻟﺠﺮﺑﺎﻳﻪ ﺑﻘﻴﺖ ﺻﺎﻓﻨﻪ ﺷﺴﻮﻱ ﺷﺴﻮﻱ
ﻟﻜﻴﺖ ﺩﺷﺪﺍﺷﺘﻲ ﻣﺎﻝ ﻧﻮﻡ ﺑﻮﺣﺪﻩ ﻣﻦ ﺍﻟﺴﻼﻝ ﻣﺪﺣﻮﺳﻪ ﻭﻣﻌﻜﺪﻩ ﺗﻌﻜﺪ ﻭﻣﻠﻴﺎﻧﻪ ﺩﻧﺎﺑﻴﺲ ﺗﺨﺒﻠﺖ ﺍﺧﺬﺗﻬﺎ ﻭﺧﻠﻴﺖ ﺭﺍﻡ ﺍﻟﺘﺴﺠﻴﻞ ﺍﻟﺤﺮﺑﺎﻳﻪ ﺑﻴﻬﺎ ﺭﻣﺎﻧﻪ ﻣﻨﺎ ﻭﻣﻨﺎ ﺣﺪﺍﻳﺪ ﻭﺍﻟﺮﻣﺎﻧﻪ ﻣﺸﻴﻔﻪ ﻓﺘﺤﺘﻬﺎ ﻭﺧﻠﻴﺖ ﺍﻟﺮﺍﻡ ﺑﻴﻬﺎ ﺑﻌﺪ ﻣﺸﻐﻠﺘﻪ ﺗﺴﺠﻴﻞ ﻭﺭﺟﻌﺘﻬﺎ ﺑﻘﻴﺖ ﺍﺑﺎﻭﻉ ﻣﻦ ﺯﺭﻭﻑ ﺍﻟﺮﻣﺎﻧﻪ ﻣﻤﺒﻴﻦ ﺑﺲ ﻧﻔﺲ ﺍﻟﻮﻛﺖ ﺍﻟﺼﻮﺕ ﻳﻮﺻﻞ ﻻﻥ ﺍﻟﺮﻣﺎﻧﻪ ﺑﻴﻬﺎ ﺯﺭﻭﻑ ﻛﺒﺎﺭ ﺑﺎﻭﻋﺖ ﻟﺸﻤﺲ ﻧﺎﻳﻤﻪ ﻛﺎﻣﺖ ﺗﺤﻮﺹ ﻏﻄﻴﺘﻬﺎ ﻭﺍﺑﺎﻭﻉ ﻟﻠﻐﺮﻓﻪ ﻭﺍﺗﺨﻴﻠﻬﻢ ﻳﺤﺠﻮﻥ ﻋﺎﻟﺠﺮﺑﺎﻳﻪ ﻭﻳﺴﺠﻞ ﻫﺬﺍ ﺍﻟﻜﺪﺭﺕ ﻋﻠﻴﻪ ﺷﺴﻮﻱ
ﻭﻃﻠﻌﺖ ﻟﻠﻤﻄﺒﺦ ﺧﻠﻴﺖ ﺍﻟﺠﺎﻱ ﻋﺎﻟﻨﺎﺭ ﺷﺮﺑﺖ ﻭﺗﺮﻳﻜﺖ ﺩﺍﺍﺻﻌﺪ ﺍﻧﻔﺘﺤﺖ ﺍﻟﺒﺎﺏ ﻃﺐ ﺳﻴﺮﻭﺍﻥ ﺍﺳﺘﻐﺮﺑﺖ ﻃﺒﺐ ﺳﻴﺎﺭﺗﻪ ﻭﺍﻧﻲ ﻛﺎﻋﺪﻩ ﺑﺎﻟﻤﻄﺒﺦ ﻓﺎﺕ ﺑﺎﻭﻋﻠﻲ ﻫﻤﺲ
ﺍﻟﺴﻼﻡ ﻋﻠﻴﻜﻢ
ﻋﻠﻴﻜﻢ ﺍﻟﺴﻼﻡ
ﺗﻠﻔﺖ ﻋﺎﻟﻄﺒﺎﺥ ﻣﻤﺴﻮﻳﻦ ﻏﺪﻩ ﻭﺑﺎﻭﻉ ﻋﺎﻟﻤﻴﺰ ﺷﺎﻓﻨﻲ ﻣﻜﻤﻠﻪ ﻣﺎﻋﻮﻧﻲ ﺍﻟﺮﻳﻮﻙ ﺗﻮﻧﻲ
ﺣﻚ ﺭﺍﺳﻪ ﻭﺑﺎﻭﻉ ﻟﻠﺠﺎﻱ ﺗﻘﺮ ﻋﺎﻟﻘﻮﺭﻱ ﺷﻐﻠﻪ ﺑﻨﺎﺭ ﻫﺎﺩﻳﻪ ﻭﺣﻀﺮ ﻛﻮﺏ ﻭﺧﻠﻪ ﺑﻲ ﺷﻜﺮ ﻭﺻﻌﺪ ﺑﺪﻝ ﺍﻧﻲ ﻃﻠﻌﺖ ﻟﻠﺤﺪﻳﻘﻪ ﻋﺎﻟﻤﺮﺟﻮﺣﻪ ﺍﺭﻳﺪ ﺍﻋﺼﺎﺑﻲ ﺗﻬﺪﺍ ﺩﻛﺖ ﺟﻮﺟﻮ ﺭﻓﻀﺘﻬﺎ ﺑﻌﺪ ﻣﺪﻛﺖ
ﻃﻠﻊ ﻟﻠﺤﺪﻳﻘﻪ ﻭﺑﻴﺪﻩ ﺍﻟﺠﺎﻱ ﻭﺍﻳﺪﻩ ﺑﺠﻴﺐ ﺗﺮﺍﻛﺴﻮﺩﻩ ﺑﺎﻭﻋﺖ ﻟﻠﺘﺮﺍﻛﺴﻮﺩ ﻧﻀﻴﻒ ﻭﺭﻳﺤﺘﻪ ﺗﺨﺒﻞ ﻏﺎﺳﻠﺘﻪ ﺑﻤﻌﻄﺮ ﻣﻼﺑﺲ ﻣﺎﻣﺎ ﻋﻠﺘﻨﻲ ﻋﻠﻴﻪ ﺍﺭﺗﺎﺣﻴﺖ ﻣﻦ ﻳﻤﻲ ﺍﻓﺘﺮ ﺑﺎﻟﺤﺪﻳﻘﻪ ﻭﺍﻧﻲ ﻛﺎﻋﺪﻩ ﻓﻚ ﺍﻟﻤﻲ ﺑﺎﻟﺼﻮﻧﺪﻩ ﻭ ﺭﺵ ﺍﻟﺰﺭﻉ ﺧﺎﺑﺮﺕ ﻣﺎﻣﺎ
ﺍﻟﻮ
ﻣﺎﻣﺎ ﺗﺮﻳﻜﺘﻲ
ﺍﻱ ﻭﺍﻟﻠﻪ ﺗﺮﻳﻜﺖ
ﺯﻳﻦ ﻣﺴﻮﻳﻦ ﺗﻤﻦ ﺑﺎﻛﻼ ﻭﺩﺯﻳﺘﻠﺞ ﺑﻴﺪ ﻋﻤﺞ ﻳﻤﻪ ﺍﻛﻠﻲ ﺩﺟﺰﻳﻦ ﻟﺘﻮﻛﻌﻴﻦ
ﺍﻭﻙ
ﺻﻠﻴﺘﻲ
ﺍﻱ
ﺣﻠﻴﺒﺞ ﻭﺍﻟﺤﺒﻮﺏ
ﺷﺮﺑﺘﻬﺎ ﻭﺍﻟﻠﻪ
ﻋﻔﻴﻪ ﻣﺎﻣﺎ ﺩﻳﻠﻪ ﻫﺴﻪ ﻋﻤﺞ ﻳﺠﻲ ﺍﺑﻘﻲ ﺑﺎﻟﺞ ﻋﺎﻟﺒﺎﺏ
ﺍﻭﻙ
ﺳﺪﻳﺘﻪ ﻣﻨﻬﺎ ﻭﺭﺟﻴﺖ ﺭﺍﺳﻲ ﻋﺎﻟﺘﺠﻮﻩ ﻣﺎﻝ ﻣﺮﺟﻮﺣﻪ ﻛﻤﺖ ﺍﻏﻔﻲ ﺍﻧﺪﻛﺖ ﺍﻟﺒﺎﺏ ﻓﺰﻳﺖ ﺑﺎﻭﻋﺖ ﺷﻔﺘﻪ ﺻﺎﻓﻦ ﻋﻠﻴﻪ ﻳﺪﺧﻦ ﺑﺎﻭﻉ ﻟﻠﺒﺎﺏ ﻭﺑﺎﻭﻋﻠﻲ
ﻫﺬﺍ ﺑﺎﺑﺎ
ﻭﻛﻤﺖ ﺑﺎﻭﻋﺖ ﻣﻦ ﺍﻟﺰﺭﻑ ﻓﻌﻼ ﺑﺎﺑﺎ ﻓﺘﺤﺖ ﺍﻟﺒﺎﺏ ﻣﺒﺘﺴﻤﻪ ﺗﻘﺮﺏ ﺣﻀﻨﻨﻲ ﻛﺎﻝ
ﻻﻻ ﻭﺟﻬﺞ ﻣﺘﻔﺢ
ﻫﻬﻪ ﺍﺫﺍ ﺍﻧﺘﻮ ﻳﻮﻣﻴﻪ ﺟﺎﻳﺒﻴﻠﻲ ﺷﻲ
ﻏﺼﺐ ﻋﻨﺞ ﺗﺎﻛﻠﻴﻦ ﺍﺧﺬﺕ ﺍﻟﺠﺪﺭ ﻣﻨﻪ ﺷﻔﺘﻪ ﺍﺑﺘﺴﻢ ﻭﻳﺒﺎﻭﻉ ﻭﺭﺍﻳﻪ ﺍﻟﺘﻔﺘﺖ ﺷﻔﺖ ﺳﻴﺮﻭﺍﻥ ﺩﻳﺘﻘﺪﻡ
ﺗﺴﺎﻟﻢ ﻭﻳﺎﻩ ﻋﻠﻰ ﺣﺴﺐ ﺍﻻﺻﻮﻝ ﺍﺑﺪ ﻋﻤﻮ ﻣﺒﻴﻦ ﺍﻧﻪ ﻫﻮ ﻳﺪﺭﻱ ﺷﻲ ﻭﺗﻮﺳﻞ ﺳﻴﺮﻭﺍﻥ ﺑﻲ ﻳﻔﻮﺕ ﻭﻫﻮ ﻣﻘﺒﻞ ﻛﻠﻪ ﺗﻨﺘﻀﺮﻧﻲ ﺍﻡ ﻓﻬﺪ
ﻭﺭﺍﺡ ﻭﺍﻧﻲ ﺩﺍﺍﺣﻤﻲ ﺍﻻﻛﻞ ﻋﺎﻟﻄﺒﺎﺥ
ﻃﺐ ﻛﺎﻝ
ﻣﻮﻋﻴﺐ ﺩﺍﺯﻩ ﻋﻠﻴﻬﻢ ﺍﻟﻐﺪﻩ
ﻻ ﻣﺎﻣﺎ ﻟﺤﺖ ﻭﺗﻀﻞ ﺑﺎﻟﻬﺎ ﻋﻔﺘﻬﺎ ﺷﺴﻮﻳﻠﻬﺎ ﻣﺎﺑﻴﻪ ﺣﻴﻞ
ﺍﺣﺠﻲ ﻭﺍﻛﻠﺐ ﺑﺎﻻﻛﻞ ﻭﺍﻟﺮﻳﺤﻪ ﺳﻄﺮﺗﻨﻲ ﺗﻘﺮﺏ ﺑﺎﻭﻉ ﻟﻠﺠﺪﺭ ﺑﺎﻭﻋﻠﻲ
ﺗﺎﻛﻞ ﻭﻳﺎﻳﻪ ﻫﺬﺍ ﻫﻮﺍﻱ
ﻫﺰ ﺭﺍﺳﻪ ﺑﺜﻜﻞ ﻭﻋﻴﻨﻪ ﻋﺎﻟﺠﺪﺭ ﻛﻴﻔﺞ ﻫﻤﻪ ﻭﻳﻦ ﺭﺍﺣﻮ
ﻣﺮﺩﻳﺖ ﻋﻠﻴﻪ
ﺷﺎﻝ ﺗﻠﻔﻮﻧﻪ ﺧﺎﺑﺮﻫﻢ ﺍﻟﻀﺎﻫﺮ ﻣﺮﺩﻭ ﻋﻠﻴﻪ ﺭﺟﻊ ﺿﻤﻪ ﺑﺠﻴﺒﻪ
ﺻﺒﻴﺖ ﻭﺧﻠﻴﺘﻪ ﻋﺎﻟﻤﻴﺰ ﻛﻌﺪ ﻳﻨﺘﻀﺮ ﻃﻠﻌﺖ ﺷﻤﺲ ﻭﺗﻌﺪﻝ ﺑﺸﻌﺮﻫﺎ ﺑﺎﻭﻋﺘﻠﻲ ﻭﺑﺎﻭﻋﺖ ﻟﺨﺎﻟﻬﺎﺯ
ﺷﺎﻟﻬﺎ ﻭﻳﺒﻮﺱ ﺑﻴﻬﺎ ﺟﻮﻋﺎﻧﻪ ﺧﺎﻟﻮ
ﻛﺎﻟﺖ
ﺍﻱ
ﺩﺗﻜﻌﺪ ﻋﺎﻟﻤﺮﺳﻲ ﻣﺎﻟﺘﻲ ﺧﺰﺭﺗﻬﺎ ﻧﺰﻟﺖ ﺧﺎﻳﻔﻪ ﺭﺍﺣﺖ ﻳﻤﻪ ﻭﺗﺒﺎﻭﻋﻠﻲ ﺑﺨﻮﻑ ﺻﺒﻴﺘﻠﻬﺎ ﺍﻟﺒﻘﻪ ﺷﻮﻱ ﻭﺟﺎﺑﺖ ﻛﺮﺳﻲ ﻛﻌﺪﺕ ﻭﻳﺎﻧﺎ
ﻛﺎﻥ ﺍﻟﻬﺪﻭﺀ ﺳﻴﺪ ﺍﻟﻤﻮﻗﻒ ﺍﻛﻞ ﺑﺴﺮﻋﻪ ﻭﺍﻧﻲ ﺑﺎﻟﻜﻮﻩ ﺗﻨﺰﻝ ﺍﻟﻠﻜﻤﻪ ﻭﻛﻠﺴﺎ ﺍﺭﻳﺪ ﺍﺫﺏ ﻣﻦ . ﺭﺍﺳﻲ
ﻗﺮﺑﺖ ﺷﻤﺲ ﺍﻳﺪﻫﺎ ﻣﻦ ﻣﺎﻋﻮﻧﻲ ﺗﺠﺮﻩ
ﻭﺧﺮﻱ ﻧﺘﺮﺕ ﺑﻬﺪﻭﺀ
ﺍﺑﺘﻌﺪﺕ
ﺻﺒﻴﺘﻠﻬﺎ ﺑﻌﺪ ﻭﻫﻮ ﺻﺎﻓﻦ ﻋﻠﻰ ﺍﻳﺪﻱ
ﻛﻤﺖ ﻟﻤﻠﻤﺖ ﺍﻟﻤﻮﺍﻋﻴﻦ ﻭﻏﺴﻠﺘﻬﺎ ﻭﻫﻮﻛﺎﻋﺪ ﻛﻤﻠﺖ ﻭﻛﺎﻣﺖ
ﻛﻠﻬﺎ
ﺧﺎﻟﻮ ﻏﺴﻠﻲ ﺍﻳﺪﻳﺞ
ﺭﺩﺕ
ﺍﻱ
ﺭﺍﺣﺖ ﻟﻠﻤﻐﺴﻠﻪ ﻛﺎﻟﻠﻲ
ﺗﺮﻩ ﻃﻔﻠﻪ ﻣﺎﻟﻬﺎ ﺫﻧﺐ
ﻣﺠﺎﻭﺑﺘﻪ ﻧﺎﻃﻴﺘﻪ ﺿﻬﺮﻱ
ﺳﻜﺖ ﻭﻛﺎﻡ ﺗﻤﺪﺩ ﺑﺎﻟﻬﻮﻝ ﻭﺍﻧﻲ ﺻﻌﺪﺕ ﻭﺭﻩ ﺷﻮﻱ ﺳﻤﻌﺘﻬﻢ ﻃﺒﻮ ﻭﺩﻳﺤﺠﻮﻥ ﻭﻳﺎﻩ
ﻟﻠﻴﻞ ﺻﻌﺪ ﺳﻴﺮﻭﺍﻥ ﻭﻣﺘﺴﻮﻙ ﻛﻮﻣﻪ ﺍﺧﺬ ﻫﺪﻭﻣﻪ ﻭﺑﺪﻝ ﺩﻳﻄﻠﻊ
ﻣﺤﺘﺎﺟﻪ ﺷﻲ
ﺟﺞ ﺟﺎﻭﺑﺖ ﻣﻦ ﺩﻭﻥ ﻣﺎﺑﺎﻭﻋﻠﻪ
ﻃﻠﻊ ﻭﻛﻤﺖ ﻗﻔﻠﺖ ﺍﻟﺒﺎﺏ ﻭﺭﺍﻩ
ﻭﻧﻤﺖ ﻣﺎﻣﺎ ﺧﺎﺑﺮﺕ ﻃﻤﻨﺘﻬﺎ
ﺛﺎﻧﻲ ﻳﻮﻡ ﺍﻟﺼﺒﺢ ﻛﻌﺪﺕ ﺑﻘﻴﺖ ﺍﺗﺼﻨﺖ ﺳﻤﻌﺘﻬﻢ ﻳﺤﺠﻮﻥ ﻫﻤﺲ ﺩﻳﻄﻠﻌﻮﻥ .
ﻛﻮﻥ ﻧﻠﺤﻚ ﻋﺎﻟﺴﺮﻩ ﻓﻀﻴﻬﺎ
ﻃﻠﻌﻮ ﻭﺳﺪﻭ ﺍﻟﺒﺎﺏ ﻧﺰﻟﺖ ﺭﺍﺳﻦ ﻟﻠﻐﺮﻓﻪ ﺷﻤﺲ ﻧﺎﻳﻤﻪ ﻭﺟﻴﺖ ﻟﻠﺠﺮﺑﺎﻳﻪ ﺍﺧﺬﺕ ﺍﻟﺠﻬﺎﺯ ﻣﺎﻝ ﺗﺴﺠﻴﻞ ﻭﺻﻌﺪﺕ ﺧﻠﻴﺖ ﻏﻴﺮ ﺭﺍﻡ ﺑﻤﻜﺎﻧﻪ ﻭﺷﺤﻨﺘﻪ ﻣﻦ ﺟﺪﻳﺪﻩ ﻭﺭﺟﻌﺖ ﺧﻠﻴﺘﻪ ﺑﻤﻜﺎﻧﻪ ﻳﺴﺠﻞ ﺻﻌﺪﺕ ﻭﺍﺳﻤﻊ ﺍﻟﺤﺠﻲ ﺷﻴﺐ ﺷﻌﺮ ﺭﺍﺳﻲ
ﺗﻠﻔﻮﻧﺎﺕ ﺍﻻﻡ ﻭﻱ ﻣﺪﺭﻱ ﺷﻜﻢ ﻭﺣﺪﻩ ﻭﺗﻌﻠﻢ ﺑﺒﺘﻬﺎ ﺷﺘﺴﻮﻱ
ﺧﺎﺑﺮﺕ ﺟﻮﺟﻮ ﺭﺍﺳﻦ
ﻧﺎﻳﻤﻪ ﻟﺞ
ﻣﺮﻳﻀﻪ ﺭﻧﺪ ﺩﺍﻣﻮﺕ
ﻭﺑﻦ ﺍﻧﺘﻲ
ﻋﺪ ﻣﺎﻣﺎ
ﻛﻮﻣﻲ ﻫﺴﻪ ﻟﺒﻴﺘﺞ
ﺷﻜﻮ
ﺩﺍﻛﻮﻟﺞ ﻛﻮﻣﻲ
ﻏﻴﺮ ﺗﺤﺠﻲ ﺷﻜﻮ
ﺑﺎﻋﻲ . ﻫﺎﻱ ﺑﺎﺟﺮ ﺭﺍﺡ ﺗﺠﻲ ﺗﺎﺧﺬ ﻫﺪﻭﻣﻬﺎ ﻭﺗﺨﻠﻲ ﻭﺭﻩ ﺍﻟﺠﺮﺑﺎﻳﻪ ﻣﺪﺭﻱ ﺷﻨﻮ ﺑﺠﻴﺲ ﺍﺳﻮﺩ ﻣﻠﺰﻭﻙ ﺑﺲ ﺍﻟﻤﻜﺎﻥ ﻣﺨﻔﻲ
ﻋﺰﻩ ﻣﺎﻣﺎ
ﻭﻭﺟﻊ ﺍﺳﻤﻌﻲ .
ﺍﻱ
ﻭﺗﻨﺒﺸﻴﻦ ﻛﻨﺘﻮﺭﺝ . ﻧﺒﺶ ﺗﻨﻀﻔﻲ ﺗﺸﻮﻓﻴﻦ ﺑﻲ ﺭﻣﻞ
ﺍﻱ ﺍﻱ ﻭﺍﻟﻠﻪ ﺩﺍﺍﻃﻠﻊ ﺍﻟﺪﺷﺪﺍﺷﻪ ﻟﻜﻴﺖ ﺑﻴﻬﺎ ﻣﺜﻞ ﺍﻟﺘﺮﺍﺏ
ﻫﺬﺍ ﺗﺮﺍﺏ ﻛﺒﺮ ﻳﺎﺛﻮﻟﻪ ﻭﻫﺎﻱ ﺍﻟﺘﺸﺘﻐﻞ ﻋﺪﻛﻢ ﻛﻞ ﺍﺳﺒﻮﻉ ﺳﺮﻳﻠﺞ ﺟﺎﺭﻩ ﻭﻃﺮﺩﻳﻬﺎ ﻫﺎﻱ ﻫﻲ ﺍﻟﺪﺗﺠﻴﺐ ﻭﺗﻮﺩﻱ
ﻃﺮﺩﻫﺎ ﺍﻟﺒﺎﺭﺣﻪ ﻗﻴﺲ ﻃﺒﻌﺎ ﻗﻴﺲ ﺷﺎﻡ ﺑﻴﻬﺎ ﻭﻣﻜﻠﻲ ﺍﻟﻪ ﻟﻴﺶ ﻳﻄﺮﺩ
ﻣﺎﺩﺭﻱ ﺑﻌﺪ . ﻫﺴﻪ ﺍﻧﺘﺒﻬﻲ ﺍﻟﻴﻮﻡ ﺭﺍﺡ ﺗﺠﻲ ﺗﺎﺧﺬ ﻫﺪﻭﻣﻬﺎ ﻋﺴﺎﺱ
ﻣﻨﻴﻦ ﺗﻄﺐ ﻗﻔﻠﺖ ﺑﺎﺏ ﻏﺮﻓﺘﻲ
ﺛﻮﻟﻪ ﺑﻴﺘﻬﺎ ﺍﻟﻘﺪﻳﻢ ﻣﻔﺎﺗﻴﺢ ﺍﻟﻐﺮﻑ ﻛﻠﻬﺎ ﻋﺪﻫﺎ
ﻳﺎﺍﺍ ﺯﻳﻦ ﺯﻳﻦ ﻭﺭﻩ ﺍﻟﺠﺮﺑﺎﻳﻪ
ﻭﺭﻩ ﺍﻟﺤﺮﺑﺎﻳﻪ ﻭﺭﻩ ﺍﻟﺘﺎﺝ ﻣﺎﺩﺭﻱ ﺍﻧﺘﺒﻬﻲ
ﺍﻛﻮﻟﺞ ﺟﺎﺑﻠﻲ ﻋﻤﺞ ﺧﺮﺯﻩ ﻭﺩﺯﻟﺞ ﻭﺣﺪﻩ ﺍﻟﺞ ﻫﻢ ﻣﻦ ﻋﺮﻑ ﺑﻴﺞ ﺣﺎﻣﻞ
ﻫﺎﺍ ﻛﺘﻴﻠﻪ
ﺍﻱ ﻣﻴﺪﺭﻱ ﺳﻴﺮﻭﺍﻥ ﻣﺘﻌﺎﺭﻙ ﻭﻳﺎﻩ
ﺍﻣﻢ ﺯﻳﻦ
ﻭﻫﻴﺞ ﺑﺪﺕ ﺭﺣﻠﻪ ﺣﻴﺎﺗﻲ ﺣﻴﻪ ﻭﺩﺭﺝ ﻳﻮﻣﻴﻪ ﺷﺴﻤﻊ ﺍﻛﻮﻝ ﻟﺠﻬﻴﻨﻪ ﺣﺘﻰ ﻟﺨﺎﻟﺘﻬﺎ ﻭﺗﻄﻠﻊ ﺍﻟﻌﻤﻞ ﻛﺪﺍﻡ ﺭﺟﻠﻬﺎ ﻭﻫﻤﻪ ﻳﺘﺨﺒﻠﻮﻥ ﻭﻗﻴﺲ ﻳﺤﻠﻒ ﻣﺎﺍﺭﺟﻌﻌﻬﺎ ﻭﻧﺼﻔﻮ ﺑﻴﺘﻬﻢ ﺟﺎﺑﻮ ﺷﻴﺦ ﺗﺨﺒﻞ ﺍﻻ ﺷﻮﻱ ﻛﻠﻪ ﺍﺭﺑﻌﻪ ﻳﺸﺘﻌﺠﻐﻠﻯﻦ ﻣﻮ ﻭﺣﺪﻩ ﺯﻳﻦ ﻣﻨﻚ ﻋﺎﻳﺶ ﺗﺤﺼﻨﻮ ﻭﺧﻄﻴﻪ ﺍﻡ ﻗﻴﺲ ﻳﻮﻣﻴﻪ ﺗﺠﻲ ﺗﻘﺮﻩ ﻋﺪﻫﻢ ﺻﻮﺭﻩ ﺍﻟﺒﻘﺮﻩ ﻭﺗﺮﺟﻊ ﻟﺒﻴﺘﻬﺎ
ﺗﺤﺴﻨﺖ ﺣﺎﻟﻪ ﺟﻮﺟﻮ ﻭﺑﻘﻴﺖ ﺍﻧﻲ ﻣﺎﺩﺭﻱ ﺷﺴﻮﻱ ﺑﺎﻟﺪﺷﺪﺍﺷﻪ ﻣﺎﻝ ﻧﻮﻡ ﺍﺧﺮ ﺷﻲ ﻭﺩﻳﺘﻬﺎ ﻟﺠﻮﺟﻮ ﻭﻧﻄﺘﻬﺎ ﻟﻠﺸﻴﺦ ﻛﺎﻟﻠﻬﺎ
ﻫﺎﻱ ﻋﻤﻠﻬﺎ ﻗﻮﻱ ﺑﺲ ﻣﺘﺤﺼﻨﻪ ﺑﺎﺳﻤﻬﺎ ﻭﺍﺳﻢ ﺍﻣﻬﺎ ﻋﻼﻗﺘﻬﺎ ﻭﻱ ﺭﺟﻠﻬﺎ . ﻣﻜﻄﻮﻋﻪ ﻓﺘﺮﻩ ﻭﺍﺣﺘﻤﺎﻝ ﻳﺼﻴﺮ ﺍﻧﻔﺼﺎﻝ ﻭﺍﻻﻣﺪﺭ ﻋﻠﻴﻪ ﺍﺳﻮﻱ
ﺍﻧﻲ ﺍﻟﻤﺸﻜﻠﻪ ﻋﺪﻱ ﻣﺎﺍﺻﺪﻙ ﺑﻬﺎﻟﺸﻲ ﺍﺑﺪ ﻻﻥ ﻣﻦ ﺩﺍﺧﻠﻲ ﺍﻧﻲ ﻣﻄﺎﻳﻘﻪ ﺳﻴﺮﻭﺍﻥ ﻣﻦ ﺍﻋﻤﺎﻟﻪ ﻣﻮ ﻣﻦ ﺷﻐﻞ ﺍﻟﺴﺤﺮ ﻣﺴﺤﺮ
ﺑﺲ ﻧﻔﺬﺕ ﺍﻟﻜﺎﻟﺘﻪ ﺟﻬﻴﻨﻪ ﻛﻠﺒﺖ ﺍﻟﻐﺮﻓﻪ ﻛﻼﺏ ﻭﺍﻧﻲ ﺣﺎﻣﻞ ﺷﻠﺖ ﺍﻟﺰﻭﺍﻟﻲ ﻏﺴﻠﺘﻬﺎ ﺑﺎﻟﺴﻄﺢ ﻭﻣﻲ ﻭﻣﻠﺢ ﺍﺧﺮ ﺷﻲ ﻋﻠﻴﺘﻬﺎ ﻣﺜﻞ ﻣﻜﺎﻟﺖ ﻣﺎﻣﺎ ﻭﺣﺘﻰ ﺍﻟﺤﻴﺎﻃﻴﻦ ﻣﺎﻝ ﻏﺮﻓﺘﻲ ﻏﺴﻠﺘﻬﺎ ﻭﻋﻠﻴﺘﻬﺎ ﻛﻞ ﻗﻄﻌﻪ ﻋﻠﻴﺘﻬﺎ ﺣﺘﻰ ﺍﻟﻜﻨﺎﺗﻴﺮ ﻟﻜﻴﺖ ﺑﻼﻭﻱ ﺑﻐﺮﻓﺘﻲ ﺟﻮﻩ ﺍﻟﺠﺮﺑﺎﻳﻪ ﻭﺟﻮﻩ ﻳﺤﺠﻮﻥ
ﺩﺗﻨﻀﻒ ﺍﻟﺠﺎﻳﻔﻪ
ﻣﺪﺭﻱ ﻣﻨﻴﻦ ﺟﺘﻬﺎ
ﻭﺍﻧﻲ ﻣﻬﺘﻤﻴﺖ . ﻃﺐ ﺳﻴﺮﻭﺍﻥ ﺍﻟﻌﺮﻓﺘﻪ ﻣﻦ ﺧﻼﻝ ﺍﻟﺘﺴﺠﻴﻞ ﺍﻧﻪ ﺩﻭﺍﻣﻪ ﺗﺮﻗﻪ ﺑﻲ ﻭﺻﺎﺭ ﻳﻮﻡ ﺑﻴﻮﻣﻪ ١٢ ﺳﺎﻋﻪ ﻳﺪﺍﻭﻡ ﺑﺎﻟﻤﻄﺎﺭ ﺑﺪﻭﻥ ﻣﻴﺴﺎﻓﺮ ﻳﻌﻨﻲ ﻭﺍﻟﻠﻲ ﻳﺴﺎﻓﺮﻭﻥ ﺟﻮﻩ ﺍﻳﺪﻩ ﻭﻫﻮ ﺻﺎﺭ ﻣﺸﺮﻑ ﻋﻠﻴﻬﻢ
ﻃﺐ ﻭﺍﻧﻲ ﺩﺍﺍﻓﺮﺵ ﺑﺎﻟﺰﻭﻟﻴﻪ ﻭﺷﺎﺩﻩ ﺍﻟﺮﺑﻄﻪ ﺑﺮﺍﺳﻲ ﻭﻻﺑﺴﻪ ﺩﺷﺪﺍﺷﻪ ﻓﺎﻧﻴﻠﻪ ﻗﺼﻴﺮﻩ ﻋﻜﺪ ﺣﺎﺟﺒﻪ ﺑﺎﻭﻋﻠﻲ
ﻧﺘﺮ
ﻭﻛﺘﻬﺎ ﻫﺴﻪ
ﺷﻨﻮ ﺷﺒﻴﻚ ﺷﻜﻮ ﺩﺍﻧﻀﻒ
ﻫﻴﺞ ﻣﺜﻞ ﺍﻟﻤﺨﺎﺑﻴﻞ ﻳﺮﻭﺡ ﻳﺼﻴﺮ ﺷﻲ ﺑﺎﻟﻄﻔﻞ
ﻣﺎﻋﻠﻴﻪ ﺷﻲ ﻣﺪﺍﺍﺷﻴﻞ ﺛﻜﻴﻞ ﺍﻧﻲ ﺍﻣﻪ ﺍﺧﺎﻑ ﻋﻠﻴﻪ ﺍﻛﺜﺮ ﻣﺘﺨﺎﻑ ﻋﻠﻴﻪ ﺍﻧﺖ
ﻧﺘﺮﺕ ﺑﻲ ﺫﺏ ﺍﻟﻐﺮﺍﺽ ﻋﺎﻟﻤﻴﺰ ﻭﺑﻘﻪ ﺻﺎﻓﻦ ﺩﺍﺍﺣﺮﻙ ﺍﻟﻤﻴﺰ ﻣﺎﻝ ﺟﺮﺑﺎﻳﻪ ﺍﺟﻪ ﺭﺍﺳﻦ ﺟﺮﻩ ﻛﺒﺎﻟﻲ ﻋﺪﻟﻪ ﻭﻳﺎﻳﻪ ﻃﻠﻌﺖ ﺍﻟﻤﺠﺮﺍﺕ ﻭﻛﻠﺒﺘﻬﻦ ﻋﺎﻟﺠﺮﺑﺎﻳﻪ ﺍﺭﺗﺐ ﺩﺍﺧﻠﻬﻢ ﻭﻫﻮ ﻭﺍﻛﻒ ﻛﻤﻠﺖ ﻛﻠﺸﻲ ﺑﻘﻪ ﺑﺲ ﺗﺮﺗﻴﺐ ﺍﻟﺪﺍﺧﻞ ﻣﺎﻝ ﻣﺠﺮﺍﺕ ﻭﺍﻟﻜﻮﻣﺪﻳﺎﺕ ﺑﺎﺛﻨﺎﺀ ﺳﺤﺒﻲ ﻟﻠﻤﺠﺮ ﻭﻃﻠﻌﺘﻪ ﻛﻠﻪ ﻭﻛﻊ ﺷﻲ ﺟﺎﻥ ﻣﻌﻠﻚ ﻧﻬﺎﻳﻪ ﺍﻟﻤﺠﺮ ﺍﻟﻪ ﺍﺳﺤﺒﻪ ﻛﻠﻪ ﻳﻠﻪ ﻳﻮﻛﻊ ﻣﺪﻳﺖ ﺍﻳﺪﻱ ﻃﻠﻌﺘﻪ ﺣﻴﺲ ﻣﻠﺰﻙ ﺑﻼﺻﻖ ﺫﺑﻴﺘﻬﺎ ﻣﻦ ﺍﻳﺪﻱ ﺧﻔﺖ ﻛﺰﺑﺮ ﺟﻠﺪﻱ ﻭﺭﺣﻌﺖ ﻟﻴﻮﺭﻩ
ﺍﺟﻪ ﺗﻘﺪﻡ ﺑﻘﻠﻖ
ﺷﻜﻮ ﺷﻨﻮ
ﻣﺎﺩﺭﻱ ﻣﺎﺩﺭﻱ ﻛﻠﺘﻬﺎ ﺑﺘﻮﺗﺮ ﻭﺍﻳﺪﻱ ﻋﻠﻰ ﻛﻠﺒﻲ ﺻﺪﻗﺎ ﻳﻜﺰﺑﺮ ﺟﻠﺪﻱ ﻣﻦ ﻫﺎﻟﺴﻮﺍﻟﻒ
ﺷﺎﻟﻪ ﺑﺎﻭﻋﻠﻪ ﺿﻐﻂ ﻋﻠﻴﻪ ﺑﺮﺍﺣﻪ ﺍﻳﺪﻩ ﻭﺑﺎﻭﻋﻠﻲ ﻛﺎﻝ ﻟﻴﺶ ﺩﺗﻨﻀﻔﻴﻦ
ﺑﻠﻌﺖ ﺭﻳﻚ ﺑﺎﻭﻋﺘﻠﻪ
ﺍﺣﺠﻲ ﻟﻴﺶ
ﻣﺎﻣﺎ ﻛﺎﻟﺖ
ﻫﺰ ﺭﺍﺳﻪ ﻭﻏﻤﺾ ﻣﺘﻨﻬﺪ
ﺍﻧﺘﻲ ﺍﻟﻮﺻﻠﺘﻴﻨﺎ ﻟﻬﻨﺎ ﻟﻮﻳﻦ ﻭﺻﻠﺘﻴﻨﺎ ﻟﻴﻮﻳﻴﻴﻦ ﺭﻭﺣﻲ ﻻﻫﻠﺞ ﺭﻭﺣﻴﻴﻲ ﺷﻜﻮ ﺑﺎﻗﻴﻪ ﻫﻨﺎ
ﺑﻴﺘﻲ ﻭﺑﻴﺖ ﺍﺑﻨﻲ ﻛﻠﺘﻬﺎ ﻭﺍﺭﺗﺐ ﺑﺎﻟﻐﺮﺍﺽ
ﻭﻋﺎﻑ ﺍﻟﻐﺮﻓﻪ ﻭﻃﻠﻊ ﺭﻛﻊ ﺍﻟﺒﺎﺏ ﺑﻌﺼﺒﻴﻪ ﻛﻤﻠﺖ ﺷﻐﻠﻲ ﻭﻧﺒﺸﺖ ﺍﻟﻤﺠﺮﺍﺕ ﺯﻳﻦ ﻣﺨﻠﻴﺖ ﺍﻱ ﺷﻲ ﺑﻌﺪ ﻫﺎ ﺍﺭﺗﺎﺣﻴﺖ ﺣﻴﻞ ﺧﺎﺑﺮﺕ ﺟﻮﺟﻮ ﻫﻢ ﺭﺍﺟﻌﻪ ﻭﻣﺮﺗﺎﺣﻪ ﺍﻟﺨﺮﺯﻩ ﻣﺬﺑﻴﺘﻬﺎ ﻣﻦ ﻫﺪﻭﻣﻲ ﺍﺑﺪ ﺍﺧﺎﻑ
ﻛﻤﺖ ﺍﺣﻠﻢ ﺑﺨﺎﻟﻮ ﻣﻦ ﺟﺪﻳﺪ ﻟﻮ ﻳﺘﻠﻤﺲ ﺷﻌﺮﻱ ﻟﻮ ﺻﺪﻯ ﺻﻮﺗﻪ
ﺻﻴﺮﻱ ﻭﻱ ﻛﻞ ﺍﻟﺜﻌﺎﻟﺐ ﺫﻳﺒﻪ
ﺷﻤﺲ ﻫﺎﻟﻔﺘﺮﻩ ﻛﺎﻣﺖ ﺗﺼﻌﺪ ﻣﻦ ﺗﺸﻮﻑ ﻛﻞ ﺍﺣﺪﻣﺎﻛﻮ ﺍﻟﻀﻬﺮ ﺗﺠﻲ ﻳﻢ ﺍﻟﺒﺎﺏ ﻣﺘﺪﻛﻪ ﺣﺪﻣﺎ ﺍﻓﺘﺤﻬﺎ ﺻﺪﻓﻪ ﺍﻟﻜﺎﻫﺎ ﻛﺎﻋﺪﻩ ﻳﻤﻬﺎ
ﻫﺎ ﺷﺘﺮﻳﺪﻳﻦ
ﺍﻛﻮ ﺑﺰﻭﻧﻪ ﺟﻮﻩ
ﻭﻳﻦ ﺍﻛﻮ
ﺍﻛﻮ . ﺳﻮﺩﻩ ﺍﺧﺎﻑ ﻣﻨﻬﺎ
ﻋﺮﻓﺖ ﻛﻮﻧﻬﺎ ﻃﻔﻠﻪ ﺗﺸﻮﻑ ﻫﺎﻟﺴﻮﺍﻟﻒ ﻛﻤﺖ ﺍﺧﻠﻴﻬﺎ ﻳﻤﻲ ﻭﺍﺣﺬﺭﻫﺎ ﺗﺤﺠﻲ ﻻﻫﻠﻬﺎ ﺍﻧﻲ ﺩﺍﺍﺳﺘﻘﺒﻠﻬﺎ . ﻛﻤﺖ ﺍﻟﺘﻬﻲ ﻭﻳﺎﻫﺎ ﺷﻨﻮ ﺍﻟﻠﻲ ﻣﺒﻘﻴﻨﻲ ﻭﻣﺼﺒﺮﻧﻲ ﺣﺘﻰ ﺑﻴﺖ ﺟﺪﻭ ﻣﺎﺭﻭﺡ ﻣﺎﺩﺭﻱ
ﻧﺘﻴﺠﻲ ﻃﻠﻌﺖ ﻧﺎﺟﺤﻪ ﺍﻟﺤﻤﺪ ﻟﻠﻪ ﻭﺳﻨﺪ ﻃﻠﻌﺖ ﻣﻌﺪﻝ ٨٧ ﻭﺳﺮﻯ ٩٦ﻭﺭﺯﺍﻥ٨٩
ﻛﺎﻧﺖ ﻃﺎﻳﺮﻩ ﻣﻦ ﺍﺗﺼﻠﺖ ﺑﻴﻬﺎ ﻭﺻﻠﺖ ﻟﺤﺪ ﺍﺧﺎﻑ ﺍﻃﻠﻊ ﻣﻦ ﻏﺮﻓﺘﻲ ﻭﺍﺭﻭﺡ ﻻﻫﻠﻲ
ﺳﻴﺮﻭﺍﻥ ﻣﻜﺎﻡ ﻳﺼﻌﺪ ﻭﻣﻦ ﻳﺮﻳﺪ ﻳﺼﻌﺪ ﺍﺳﻤﻊ ﺍﻣﻪ ﺗﻜﻮﻟﻪ
ﻭﻳﻦ ﺻﺎﻋﺪ ﻳﻤﻬﺎ ﺍﺑﻘﻪ ﻳﻤﻪ ﺧﺎﻑ ﺗﺴﻜﻴﻚ
ﻭﺍﻧﻲ ﺍﺿﺤﻚ ﻋﻠﻰ ﻋﻘﻠﻴﺘﻬﻢ
ﻭﺑﻘﻴﺖ ﻭﻱ ﺷﻤﺲ ﺍﻣﺸﻂ ﺷﻌﺮﻫﺎ ﺍﺳﺒﺤﻬﺎ ﻻﻥ ﺧﻄﻴﻪ ﺩﻭﻣﻬﺎ ﻣﺒﻬﺬﻟﻪ ﺍﻭﻛﻠﻬﺎ ﺷﻌﺪﻱ ﻫﻮﺍﻱ ﻛﺎﻣﺖ ﺗﺤﺒﻨﻲ ﺑﺲ ﻣﻦ ﻳﺠﻮﻥ ﺍﺑﺪ ﻣﺘﺼﻌﺪ ﻭﺍﺫﺍ ﺷﺎﻓﺘﻨﻲ ﻣﺘﺠﻲ ﻳﻤﻲ ﻛﺪﺍﻣﻬﻢ
ﻳﻮﻡ ﻳﻮﻣﻴﻦ ﻭﺍﻟﺴﺎﻟﻔﻪ ﻣﻌﺠﺒﺖ ﻋﻤﺘﻲ ﺷﻮﻥ ﺑﺎﻗﻴﻪ ﻭﻣﺮﺗﺎﺣﻪ ﻭﺑﻨﺘﻬﺎ ﻣﻤﺮﺗﺎﺣﻪ
ﺗﻮﻧﻲ ﺍﻏﻔﻪ ﻭﺍﻟﺒﺎﺏ ﺍﻧﺪﻛﺖ ﻗﻮﻱ
ﻓﺘﺤﺘﻬﺎ ﺳﻴﺮﻭﺍﻥ ﻭﺯﻳﻨﻪ ﻣﻴﺘﻪ ﺑﺠﻲ ﻭﺗﺪﻋﻲ ﻋﻠﻴﻪ ﻭﺷﻤﺲ ﻭﻳﺎﻫﻢ
ﺷﻜﻮ ﻫﺎﻱ
ﺑﺎﻭﻋﺘﻠﻪ
ﻧﺘﺮ
ﻟﻴﺶ ﺟﺎﻭﻳﻪ ﺷﻤﺲ
ﺑﺎﻭﻋﺖ ﻟﺸﻤﺲ ﺗﺸﻬﻚ ﻭﺗﺒﺠﻲ ﺗﺒﺎﻭﻉ ﻻﻣﻬﺎ ﻭﺗﺒﺎﻭﻋﻠﻲ
ﺍﻧﻲ ﻣﺠﺎﻭﺑﺘﻬﺎ
ﺧﺎﻟﻮ ﻣﻨﻮ ﺟﻮﺍﺝ .
ﺍﺷﺮﺕ ﻋﻠﻴﻪ ﻭﺑﺠﺖ
ﺗﺨﺒﻠﺖ ﻧﺼﻴﺖ ﻟﻄﻮﻟﻬﺎ
ﺍﻧﻲ ﺟﻮﻳﺘﺞ ﻟﺠﺞ
ﺑﻘﺖ ﺻﺎﻓﻨﻪ ﻋﻠﻴﻪ ﺗﺸﻬﻚ ﻭﺗﺒﺠﻲ
ﺟﺮﻫﺎ ﺳﻴﺮﻭﺍﻥ ﻭﺭﺍﻩ
ﻧﺘﺮ
ﺍﺫﺍ ﻣﺪﻳﺖ ﺍﻳﺪﺝ ﻋﻠﻴﻬﺎ . ﺑﻌﺪ ﺍﺭﺩﻫﺎ ﺑﻴﺞ ﻓﺎﺍﺍﻫﻤﻪ ﺍﻟﺘﺴﺮﻱ ﺑﻴﻬﺎ ﺍﺳﺮﻱ ﺑﻴﻴﻴﻴﺞ ﻃﻔﻠﻔﻔﻠﻠﻪ ﺷﻨﻮﻭﻭ ﺫﻧﺒﺒﺒﻬﺎ ﻣﻮﻛﻠﺐ ﺷﺎﻳﻠﻠﻠﻪ ﺣﺠﺎﺍﺍﺍﺭﻩ
ﻫﺰﻳﺖ ﺭﺍﺳﻲ ﻣﺒﺘﺴﻤﻪ ﺑﺎﻭﻋﺖ ﻟﺰﻳﻨﻪ ﺑﺴﻴﻄﻪ ﺍﻭﻙ ﺍﻱ ﺍﻧﻲ ﺟﻮﻳﺘﻬﺎ ﺷﺘﺮﻳﺪ ﻫﺴﻪبيج قصص عراقيه حقيقيه من واقعنا.روعه الطائي
ﻣﺪ ﺍﻳﺪﻩ ﺩﻳﻀﺮﺑﻨﻲ ﻋﺼﺒﻲ ﻧﺎﺭ . ﻟﺰﻣﺖ ﺍﻳﺪﻩ ﻭﻧﺘﺮﺗﻬﺎ ﻃﺒﻴﺖ ﻟﻠﻐﺮﻓﻪ ﻭﻗﻔﻠﺖ ﺍﻟﺒﺎﺏ ﻋﻠﻴﻪ ﺗﻨﻔﺴﻲ ﺗﺴﺎﺭﻉ ﻭﺩﻛﺎﺕ ﻛﻠﺒﻲ ﻫﻢ ﻋﺮﻓﺖ ﺿﻐﻄﻲ ﺻﻌﺪ ﺭﺧﻴﺖ ﺟﺴﻤﻲ ﻭﺗﻤﺪﺩﺕ ﻭﺍﺭﺩﺩﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﻣﺴﺘﻐﺮﺑﻪ ﺭﻭﺣﻲ ﺷﻜﺪ ﺻﺎﻳﺮ ﻋﺪﻱ ﺍﺗﺼﺎﻝ ﺑﺮﺏ ﺍﻟﻌﺎﻟﻤﻴﻦ ﻗﻮﻱ . ﺷﻜﺪ ﺻﺎﻳﺮﻩ ﺍﻏﻠﺲ ﻭﻫﺎﺩﺋﻪ ﻫﻴﺞ ﺍﻻﻣﻮﻣﻪ ﺗﺴﻮﻱ ﻟﺰﻣﺖ ﺑﻄﻨﻲ ﻭﺍﺗﺨﻴﻠﻪ ﺑﺤﻀﻨﻲ ﺑﺪﺕ ﺍﻟﺤﺎﺳﻴﺲ ﻋﺪﻱ . ﺗﺘﻐﻴﺮ ﺑﺪﻳﺖ ﺍﺣﺲ ﺑﻘﺎﺑﻠﻴﺘﻲ ﻋﺎﻻﻣﻮﻣﻪ . ﻭﺍﺗﺨﻴﻞ ﺻﻮﺗﻪ ﻳﺒﺠﻲ ﻳﺪﻭﺭ ﺣﻨﺎﻧﻲ ﺷﻲ ﻳﻀﺤﻚ ﺗﺬﻛﺮﺕ ﻓﻬﻮﺩﻱ ﺷﻮﻥ ﺍﻟﺘﻤﻴﻨﺎ ﻋﻠﻴﻪ ﺍﻧﻲ ﻭﺳﻨﺪ ﺧﺮﺑﺖ ﺿﺤﻚ ﻋﻠﻰ ﺭﻭﺣﻲ ﻭﺍﻧﻲ ﺍﺗﺬﻛﺮ ﻋﻤﻮ ﻭﺧﺮﻭ ﻣﻦ ﻳﻤﻪ ﻳﺎﺑﻪ ﻋﻮﻓﻮ ﺧﻞ ﻳﺤﺮ ﻧﻔﺲ ﻛﻤﺖ ﺍﺿﺤﻚ ﻋﻠﻰ ﺫﻛﺮﻳﺎﺗﻨﺎ ﺗﻤﺪﺩﺕ ﻟﺰﻣﺖ ﺍﻟﺘﻠﻔﻮﻥ ﺧﺎﺑﺮﺕ ﺳﻨﺪ
ﺍﻟﻮﻭ
ﻟﺞ ﻫﻼﻭﻭﻭ ﺷﻮﻧﺞ
ﻫﻠﻮ ﻛﻠﺒﻲ ﺷﻮﻧﺞ ﺍﻧﺘﻲ
ﺷﻮﻥ ﺍﻟﻨﻮﻧﻮ
ﺯﻳﻦ ﻫﻪ ﺍﻧﺘﻲ ﺷﻮﻧﺞ
ﺍﻧﻲ ﻭﺣﺮﺕ ﻧﻔﺲ ﺍﻧﻲ ﺯﻳﻨﻪ
ﻫﺎ ﺭﺍﺣﻮ ﺧﻄﺎﺭﻛﻢ ﻟﻮ ﺑﻌﺪﻫﻢ
ﻻ ﻭﺍﻟﻠﻪ ﺑﻌﺪ ﻟﻼﺭﺑﻌﻴﻦ ﻳﻀﻠﻮﻥ
ﻳﺒﻮﻭ
ﺍﺳﻜﺘﻲ ﻭﺧﻠﻴﻬﺎ
ﻭﺻﻒ ﻭﻳﻦ
ﺍﺻﻒ ﺟﻮﻩ ﻳﻢ ﻭﻟﺪ ﺧﻮﺍﻟﻪ ﻭﻋﻤﺘﻪ ﻳﻨﺎﻡ ﻭﺍﻧﻲ ﻓﻮﻙ ﻣﺎﺷﻮﻓﻪ ﺗﺼﺪﻛﻴﻦ
ﻟﻌﺪ ﺷﻌﺪﺝ ﺑﺎﻗﻴﻪ ﺗﻌﺎﻟﻲ ﻳﻢ ﻣﺎﻣﺎ
ﻻﻻ ﻣﺎﺭﻳﺪ ﺧﻠﻴﻨﻲ ﻣﺮﺗﺎﺣﻪ
ﺯﻳﻦ ﺍﻫﻠﻪ ﺷﻮﻧﻬﻢ
ﻭﺍﻟﻠﻪ ﻣﺎﺩﺭﻱ ﺷﻜﻮﻟﺞ ﺑﺲ ﻟﺘﻜﻮﻟﻴﻦ ﻟﻤﺎﻣﺎ ﻳﻀﻞ ﺑﺎﻟﻬﺎ ﻭﻫﻲ ﺑﺎﻟﺜﺎﻣﻦ ﻣﻮﺯﻳﻦ
ﺷﻜﻮ ﻟﺘﺨﻮﻓﻴﻨﻲ
ﻻﻣﺎﻛﻮ ﺷﻲ ﺑﺲ ﺷﻮﻣﺪﺭﻱ ﺷﻮﻧﻬﻢ ﻣﺨﺎﺑﻴﻞ ﻋﺒﺎﻟﻚ ﻟﺞ ﻳﺪﺭ ﺍﺻﻒ ﻣﺴﻮﺍﻙ ﺍﻟﻲ ﻟﻠﻔﻮﻙ ﻫﻮﻣﺘﺴﻮﻙ ﺟﻮﻩ ﺻﻨﺎﺩﻳﻚ ﺗﺪﺭﻳﻦ ﺧﻄﺎﺭ ﻭﻳﺪﺯﻟﻲ ﺑﻴﺪ ﺍﻡ ﻋﻠﻲ ﻋﻼﻟﻴﻚ ﺍﻟﻔﺎﻛﻬﻪ ﺍﻻﺣﺒﻬﺎ ﺗﺪﺭﻳﻦ ﺍﺑﺎﻭﻋﻠﻬﻢ ﻋﺎﻟﺪﺭﺝ ﻳﺘﺨﻤﻂ ﺍﻟﺠﻴﺲ ﺗﻮﺻﻠﻠﻲ ﻛﻢ ﻭﺣﺪﻩ
ﻣﺮﺕ ﺍﺑﻮ ﺧﺎﻧﺴﻪ ﺍﻻ ﺑﻨﺎﺗﻬﺎ ﻓﺪ ﺣﻘﻴﺮﺍﺕ ﻛﻠﺴﺎ ﻭﺻﺎﻳﺤﺘﻨﻲ ﻭﺣﺪﻩ
ﺗﻌﺎﻱ ﻧﻀﻔﻲ . ﻭﻳﺎﻧﺎ ﺍﻡ ﻋﻠﻲ ﺗﻜﻮﻟﻬﺎ ﺗﻮﻫﺎ ﺻﻌﺪﺕ ﺗﻜﻮﻟﻬﺎ ﻣﺘﺼﻌﺪ ﻫﺬﺍ ﻫﻮ ﻭﻣﻮ ﻳﺠﻲ ﺍﺻﻒ . ﺣﺴﻬﻢ ﻣﻴﻄﻠﻊ ﻭﻻﻳﺪﺯﻭﻥ ﻋﻠﻴﻪ ﻭﻳﺪﺯﻭﻥ ﻋﻠﻴﻪ ﻭﻛﺖ ﺍﻟﻐﺪﻩ ﻭﺻﺎﻝ ﺗﻜﻮﻟﻲ ﺷﺎﺧﻄﻴﻦ ﺫﻧﻪ ﻋﻤﺘﻬﻢ ﻓﺪ ﺣﻘﻴﻴﺮﻩ ﺩﻭﻡ ﺗﺤﺠﻲ ﻋﻠﻴﻪ ﻭﺍﺳﻤﻌﻬﺎ ﻭﻋﺪﻩ ﺑﻨﺎﺕ ﻋﻤﺎﺗﻪ ٣ ﻳﺒﻮﻭ ﻟﺞ ﻣﻮ ﺭﺟﻌﺖ ﻣﻦ ﺑﻴﺖ ﺍﻫﻠﻲ ﻟﻜﻴﺖ ﻭﺣﺪﻩ ﻣﻨﻬﻦ ﺗﻜﻮﻱ ﺑﻘﻤﻴﺺ ﺍﺻﻒ ﻭﺫﺗﺼﻌﺪﻩ ﻓﻮﻙ ﻋﻴﻨﻲ ﺍﻧﺠﻘﻠﺖ ﻭﺻﺎﻝ ﻛﺎﻟﺘﻠﻬﺎ ﺣﺒﻴﺒﺘﻲ ﺍﺟﺘﻲ ﻣﺮﺗﻪ ﻫﻲ ﻣﺴﻮﻭﻟﻪ ﻋﻠﻴﻪ ﺑﻌﺪبيج قصص عراقيه حقيقيه من واقعنا.روعه الطائي
ﻋﻴﻨﻲ ﻋﻴﻨﻚ ﺗﻜﻮﻝ ﻫﻤﺰﻳﻦ ﺗﺬﻛﺮﺕ ﻋﺪﻫﺎ ﺯﻟﻤﻪ
ﻛﺒﺮ ﻫﺎﻱ ﺷﺒﻴﻬﻦ
ﺳﻜﺘﻲ ﺳﺤﻠﻦ ﺭﻭﺣﻬﻦ ﻣﻮ ﻳﻄﺐ ﻳﺨﻠﻲ ﺍﻟﻤﺴﻮﺍﻙ ﻳﺼﻴﺤﻨﻲ ﺭﺍﺳﻦ ﻳﺠﺎﻭﺑﻦ
ﻛﻮﻝ ﺷﻨﻮ ﻣﺤﺘﺎﺝ ﺍﺣﻨﺎ ﻣﻮﺟﻮﺩﺍﺕ ﻣﺮﺗﻚ ﻧﺎﻳﻤﻪ ﺷﻴﻜﻌﺪﻫﺎ ﻗﺎﺑﻞ ﺗﻔﻮﺕ ﻧﺺ ﺍﻟﻨﺴﻮﺍﻥ ﻋﺎﺩ ﻫﻮ ﻣﻮ ﻳﺨﺎﺑﺮ ﺍﻧﺰﻟﻪ ﻋﻠﺴﺎﺱ ﺍﻧﻲ ﺍﺳﻤﻌﻬﻢ ﻭﻳﺪﺭﻭﻥ ﺩﺍﺍﺳﻤﻌﻬﻢ ﻭﻻﻳﻬﺘﻤﻮﻥ
ﺑﺲ ﺩﺍﺍﻧﺘﻀﺮ ﻋﻜﺐ ﺑﺎﺣﺮ ﺩﺍﺍﺧﻠﺺ ﻣﻨﻬﻢ ﻣﺮﺗﻴﻦ ﻋﻤﺘﻪ ﺗﺼﻌﺪ ﺗﺎﺧﺬ ﺷﻜﻮ ﺑﺎﻟﺜﻼﺟﻪ ﻏﺮﺍﺽ ﺗﻜﻮﻟﻲ ﺧﻄﺎﺭ ﺟﻮﻩ ﻭﻫﻴﺞ ﺑﻨﺘﺮﻩ ﻋﺎﺩ ﺍﺟﺎﻭﺑﻬﺎ ﺍﻟﻒ ﻋﺎﻓﻴﻪ ﻋﻤﻪ ﺍﺧﺬﻱ ﻟﻮ ﺍﻟﻘﺎﺿﻴﻪ ﺟﺘﻲ ﺍﺧﺬﺕ ﺯﻭﻟﻴﺘﻲ ﻫﻲ ﻭﺑﻨﺎﺗﻬﺎ ﺗﻜﻮﻝ ﺩﻧﻔﺮﺷﻬﺎ ﺑﺎﻟﻬﻮﻝ ﺫﻳﺞ ﺗﺒﻠﻠﺖ ﻭﺧﻠﻮﻧﻲ ﺑﻠﻪ ﻓﺮﺵ ﺭﻭﺣﻲ ﺷﻮﻓﻴﻬﺎ ﺷﻐﺪﺕ
ﻛﺘﻴﻠﻪ ﻻﺻﻒ
ﻻﻋﺸﺘﻮ ﻓﻮﻙ ﻗﻬﺮﻩ ﺳﻮﺩﻩ ﻋﻠﻴﻪ ﻣﺎﺭﻳﺪ ﺿﺎﻳﻘﻪ ﻫﻤﻪ ﺧﻄﺎﺭ ﻭﺭﻩ ﺍﻻﺭﺑﻌﻴﻦ ﻳﻮﻟﻮﻥ . ﻫﻤﻪ ﺍﻟﻠﻴﻞ ﻛﻠﻪ ﻗﺸﺐ . ﺩﺍﺍﺳﻮﻟﻒ ﻭﻱ ﻭﺻﺎﻝ ﺍﻟﺼﺒﺢ ﻛﻠﺒﻮﻫﺎ ﻟﻠﺪﻧﻴﺎ
ﺧﺎﻟﻨﺎ ﻣﻴﺖ ﻭﻫﻲ ﺗﺴﻮﻟﻒ ﻭﺗﻀﺤﻚ ﻣﺘﺴﺘﺤﻲ ﺳﻜﺘﺖ ﻣﺤﺎﺟﻴﺘﻬﻢ ﻭﺍﻟﻌﻤﺎﻳﻪ ﺗﺴﺐ ﻭﺗﻐﻠﻂ ﻣﻤﺘﺮﺑﺎﻳﺎﺕ ﻭﻫﺎﻱ ﺍﻟﻐﺮﻳﺒﻪ ﻭﺳﻬﺮ ﺗﺘﻮﺳﻞ ﺑﻴﻪ ﺍﻏﻠﺲ
ﺧﻄﻴﻪ ﺳﻬﺮ
ﺳﻜﺘﻲ ﻣﻮﺭﻳﺎﺗﻬﺎ ﺍﻟﻮﻳﻞ ﻭﺍﻟﻠﻪ ﺫﺍﻙ ﺍﻟﻴﻮﻡ ﺍﺧﺖ ﺍﺻﻒ ﻣﻦ ﺍﺑﻮﻩ ﺭﺯﻟﺘﻬﺎ ﺭﺯﺍﻟﻪ ﺑﻨﺺ ﺍﻟﻨﺴﻮﺍﻥ ﻭﻫﻲ ﺣﺴﻬﺎ ﻣﻄﻠﻊ ﺗﺪﺭﻳﻦ ﻭﻫﻲ ﺗﻜﺒﺮ ﻣﻨﻬﺎ ﺗﻘﺮﻳﺐ ﻋﺸﺮﻳﻦ ﺳﻨﻪ ﺗﻜﻮﻟﻬﺎ ﺭﺍﺣﺖ ﺍﻳﺎﻡ ﺳﺠﺎﺩ ﻭﺍﻟﺪﻻﻝ ﻭﻣﺤﺪ ﻳﻜﺪﺭ ﻳﺤﺎﺟﻴﺞ ﺑﻌﺪ ﺧﻠﺘﻬﺎ ﺗﻤﻮﺕ ﺑﺠﻲ ﻣﺮﺕ ﺍﺑﻮﻫﻢ ﺧﺎﻧﺴﻪ ﺑﺲ ﺧﻮﺍﺗﻪ ﻭﻋﻤﺎﺗﻬﻢ ﺟﻼﺏ ﺟﻼﺏ
ﻋﺰﻩ ﺑﻌﻴﻨﻬﻢ ﺍﻛﻮﻟﺞ ﻋﻴﻨﻲ ﺧﺎﻑ ﻳﺴﻮﻭﻟﺞ ﺷﻲ
ﻻ ﻭﺻﺎﻝ ﻳﻤﻲ ﻭﻗﺎﺑﻞ ﺷﻴﺴﻮﻭﻥ ﺍﻗﻞ ﺷﻲ ﺍﻋﻴﻂ ﻭﻳﺠﻴﻨﻲ ﺍﺻﻒ ﻳﺮﻛﺾ ﻫﻤﻪ ﻳﺨﺎﻓﻮﻥ ﻣﻨﻪ
ﺧﻮﺵ ﺟﺮﻳﺖ ﻧﻔﺲ
ﻣﺮﺣﺘﻲ ﺑﻴﺖ ﺟﺪﻭ ﺑﻌﺪ
ﻻ ﻭﺍﻟﻠﻪ ﺍﺑﺪ
ﺷﻌﺠﺐ
ﻣﺎﻟﻲ ﻭﺍﻫﺲ ﺷﻲ
ﻣﺸﺘﺎﻗﺘﻠﺞ ﻭﻣﺸﺘﺎﻗﻪ ﻟﺰﻭﻧﻪ ﻭﺳﺮﻯ ﺣﻘﻴﺮﺍﺕ ﺗﻌﻠﻘﺖ ﺑﻴﻬﻢ
ﻣﻴﺨﺎﻟﻒ ﻫﺴﻪ ﺍﻟﺨﻤﻴﺲ ﻧﻤﺮ
ﻳﻠﻪ ﺍﻟﻠﻪ ﻳﺴﻬﻞ
ﺑﺎﻱ
ﻫﻼﻭ
ﺳﺪﻳﺘﻪ ﻣﻨﻬﺎ
ﻭﻣﺮﺕ ﺍﻻﻳﺎﻡ ﺳﻴﺮﻭﺍﻥ ﺑﻴﻦ ﻳﻮﻡ ﻭﻳﻮﻡ ﻳﺼﻌﺪ ﻣﺴﻮﺍﻙ ﻳﺪﻙ ﺍﻟﺒﺎﺏ ﻳﺎﺧﺬ ﻫﺪﻭﻣﻪ ﻭﻳﺨﻠﻲ ﺍﻟﻤﺴﻮﺍﻙ ﻭﻳﻨﺰﻝ ﺯﺍﺩ ﺍﻟﺒﻌﺪ ﺑﻴﻨﻨﺎ ﺷﻤﺲ ﺑﺲ ﻳﻄﻠﻌﻮﻥ ﺗﺼﻌﺪﻟﻲ ﻋﺮﻓﺖ ﺍﻣﻬﺎ ﻣﺎﺫﻳﺘﻬﺎ ﻋﻠﻤﻮﺩ ﻣﺘﻀﻞ ﺗﺒﺠﻲ ﻋﻠﻰ ﺍﺑﻮﻫﺎ ﺻﻌﺪﺗﻠﻲ ﻭﺑﻘﺖ ﻛﺎﻋﺪﻩ ﺑﺒﺎﺏ ﺍﻟﻐﺮﻓﻪ ﻓﺘﺤﺘﻬﺎ ﺍﻟﺒﺎﺏ ﺑﺎﻭﻋﺘﻠﻬﺎ
ﻭﻳﻦ ﺍﻣﺞ
ﺳﻮﺗﻠﻲ ﺑﺠﺘﻔﻬﺎ ﻣﺎﺩﺭﻱ
ﺟﺮﻳﺖ ﻧﻔﺲ ﺷﻌﺪﺝ ﺻﺎﻋﺪﻩ ﻣﻮ ﺍﻧﻲ ﻣﺠﻮﻱ ﻫﺎ
ﺑﺎﻭﻋﺘﻠﻲ ﺑﺮﻃﻤﺖ ﻫﻤﺴﺖ ﻣﺎﻣﺎ
ﺍﺑﺘﺴﻤﺖ ﻣﺴﺪﺕ ﻋﻠﻰ ﺷﻌﺮﻫﺎ ﻳﺎﺍﻟﻠﻪ ﺷﻜﺪ ﺗﺸﺒﻪ ﻗﻴﺲ ﻭﻋﻴﻮﻧﻬﺎ ﻋﻴﻮﻥ ﺍﻣﻬﺎ ﺗﺨﺒﻞ ﻣﻦ ﺍﻟﺠﻤﺎﻝ ﺑﺲ ﻋﺒﺎﻟﻚ ﻣﻌﻘﺪﻩ ﺑﺲ ﺳﺎﻛﺘﻪ ﻫﺎﺍﺍﺩﺋﻪ ﻃﺒﺖ ﻳﻤﻲ ﻛﺎﻋﺪﻩ ﻋﺎﻟﻤﻴﺰ ﻳﻢ ﺭﺍﺳﻲ ﻭﺍﻧﻲ ﺍﺭﺗﺐ ﻭﺍﻋﺪﻝ ﺑﻘﻤﺼﺎﻥ ﺳﻴﺮﻭﺍﻥ ﻭﻏﺮﺍﺿﻲ ﺑﺎﻭﻋﺘﻠﻬﺎ
ﻋﺪﻟﺖ ﺷﻌﺮﻫﺎ ﺍﻟﻨﺰﻝ ﻋﻠﻰ ﻋﻴﻨﻬﺎ
ﺗﻌﺎﻱ ﺍﻋﺪﻝ ﺷﻌﺮﺝ
ﺗﻘﺮﺑﺖ ﻭﻭﻛﻔﺖ
ﺗﻌﺎﻱ ﺷﺒﻴﺞ
ﺗﻘﺮﺑﺖ ﻳﻤﻲ ﻛﻌﺪﻱ ﻫﻨﺎ
ﻛﻌﺪﺕ ﻭﻣﺸﻄﺘﻠﻬﺎ ﺷﻌﺮﻫﺎ ﻳﺨﺒﻞ ﻧﺎﻋﻢ ﺑﻲ ﺷﻜﺎﺭ ﻣﺜﻞ ﺍﻣﻬﺎ .
ﻃﻠﻌﺘﻲ ﺣﻠﻮ ﺷﻤﻮﺱ
ﺑﺎﺑﺎ ﻳﻜﻮﻝ ﺷﻤﻮﺱ
ﺍﻱ ﻳﺤﺒﺞ ﺑﺎﺑﺎ
ﻓﺘﺤﺖ ﻣﺠﺮﻱ ﻋﺪﻱ ﺳﻮﺍﺭ ﻟﻴﻠﻮ ﺍﺯﺭﻙ ﻣﺎﻣﺎ ﻟﺒﺴﺘﻪ ﺍﻟﻲ ﺑﻘﺖ ﺗﺒﺎﻭﻉ ﻋﻠﻴﻪ ﻃﻠﻌﺘﻪ ﻟﺒﺴﺘﻪ ﺍﻟﻬﺎ ﺿﺤﻜﺖ ﻭﻃﻠﻌﺖ ﺳﻨﻮﻧﻬﺎ ﺍﻟﻤﻜﺴﺮﻩ
ﺧﺮﺑﺘﻨﻲ ﺿﺤﻚ
ﺍﻛﻠﺘﻲ
ﻫﺰﺕ ﺭﺍﺳﻬﺎ ﻻ
ﺍﺳﻮﻳﻠﺞ ﻟﻔﻪ ﺟﺒﻦ ﺍﻧﻲ ﻭﻳﺎﺝ
ﻫﺰﺕ ﺭﺍﺳﻬﺎ ﺗﻀﺤﻚ
ﺳﻮﻳﺘﻠﻬﺎ ﺗﻮﺳﺖ ﻭﻳﺎﻳﻪ ﺍﻛﻠﻨﻪ ﻭﺳﻤﻌﺖ ﻃﺒﻜﻪ ﺍﻟﺒﺎﺏ ﺍﻟﻔﺰﻩ ﺍﻟﻔﺰﺗﻬﺎ ﺷﻤﺮﺕ ﺑﻴﻬﺎ ﺍﻟﺘﻮﺳﺖ ﻭﻧﺰﻟﺖ ﺭﻛﺾ ﻟﻴﺠﻮﻩ ﻭﻃﺒﺖ ﺑﺎﻟﻐﺮﻓﻪ ﻭﺳﺪﺕ ﺍﻟﺒﺎﺏ ﻋﻠﻴﻬﺎ ﺑﻘﻴﺖ ﺍﺑﺎﻭﻋﻠﻬﺎ ﻣﻦ ﺍﻟﺪﺭﺝ . ﺳﻤﻌﺖ ﺻﻮﺕ ﺳﻴﺮﻭﺍﻥ ﻳﺤﺠﻲ ﺑﺎﻟﺘﻠﻔﻮﻥ
ﻣﻦ ﻭﻛﺖ ﺭﺟﻊ ﺩﻳﺤﺠﻲ ﻭﻱ ﺍﺑﻮ ﻭﻳﻨﺘﺮ
ﻳﺎﺑﻪ ﺍﻧﺖ ﻣﺨﻠﻴﺖ ﻣﺠﺎﻝ ﻭﺍﺣﺪ ﻳﺤﺠﻲ
ﻳﺎﺑﻪ ﺗﺮﻩ ﺍﻧﻲ ﻣﻮﻏﺸﻴﻴﻴﻢ ﺗﺮﻩ ﻣﻮﻭﻏﺸﻴﻴﻴﻢ ﻭﺍﻟﻤﺮﻩ ﺍﻋﺮﻓﻬﺎ ﻣﻨﻮﻭﻭ
ﻻﻫﺎﻫﻲ ﻛﻴﻔﻚ
ﻛﻴﻴﻴﻔﻚ ﻳﻤﻌﻮﻭﺩ
ﻣﺪﺍﺻﻴﺢ ﻳﺎﺑﻪ ﺍﻋﺘﺬﺭ ﺍﻱ ﻫﺎﻫﻲ ﻳﻠﻪ ﺯﻳﻦ ﻣﺎﺷﻲ
ﺍﻣﻲ
ﻣﺘﻘﺒﻞ ﺗﺠﻲ ﺍ
ﺣﺘﻰ ﻟﻮ ﻋﺎﺯﻝ ﻣﺘﻘﺒﻞ . ﺷﻌﻠﻴﻪ ﺍﻧﻲ ﻗﺎﺑﻞ ﺍﻃﺮﺩﻫﺎ
ﺯﻳﻨﻪ ﻛﻌﺪﺕ ﻭﻱ ﻗﻴﺲ ﻭﻣﺘﻘﺒﻞ ﺗﺮﺟﻊ ﺧﻞ ﺗﺒﺮﺩ ﻧﺎﺭﻫﺎ ﻭﺍﻟﻠﻪ ﻳﺴﻬﻞ
ﻻﻣﺎﺍﻛﺪﺭ ﺍﺟﻲ
ﻣﺎﺍﻛﺪﺭ ﻳﺎﺑﻪ ﻣﺎﺍﻛﺪﺭ
ﺗﻌﺎﻝ ﻫﻠﻪ ﺑﻴﻚ ﺗﻌﺎﻝ ﻣﻮﺟﻮﺩ ﺑﺎﻟﺒﻴﺖ ﺍﻧﻲ
ﺳﺪﻩ ﻭﻳﺪﺭﺩﻡ ﺳﻤﻌﺖ ﺻﻮﺕ ﻣﻜﻴﻨﻪ ﺍﻟﺰﻳﺎﻥ ﺟﻮﻩ ﻋﺮﻓﺖ ﺩﻳﺰﻳﻦ ﺭﺩﺕ ﺟﺎﻱ ﻣﺪﺍﻛﺪﺭ ﺑﻌﺪ ﺑﺲ ﻣﻨﺰﻟﺖ ﻟﻠﻀﻬﺮ ﺟﻮﻱ ﺍﻣﻪ ﻭﺍﺧﺘﻪ ﻭﺍﺳﻤﻌﻪ ﻳﺼﻴﺢ ﻭﻳﺎﻫﻦ ﻭﺯﻳﻨﻪ ﺻﻮﺗﻬﺎ ﻭﺍﺻﻞ ﻟﻠﺸﺎﺭﻉ ﻭﺗﻐﻠﻂ ﻋﻠﻰ ﺭﺟﻠﻬﺎ ﺍﺧﺮ ﺷﻲ ﻫﻮﻭﻣﺪﺭﻱ ﺷﻜﺴﺮ ﻭﺳﻜﺘﻮ ﻛﺎﻡ ﻳﻐﻠﻂ ﻭﻳﺼﻴﺢ ﺳﻜﺘﻮ
ﻣﺘﺖ ﺟﻮﻉ . ﺍﻛﻠﺖ ﻓﺎﻛﻬﻪ ﺧﺎﺑﺮﺕ ﻣﺎﻣﺎ ﻛﺎﻟﺖ ﺣﺪﺯﻟﺞ ﺑﻴﺪ ﺍﻟﺴﺎﻳﻖ ﺍﻛﻞ ﻓﺘﺤﻴﻠﻪ ﺍﻟﺒﺎﺏ ﻛﺘﻠﻬﺎ ﻣﺎﺷﻲ
ﺩﻙ ﻋﻠﻴﻪ ﺍﻟﺴﺎﻳﻖ ﻭﺭﻩ ﺳﺎﻋﻪ ﺗﻮﻧﻲ ﺍﻏﻔﻪ ﻭﻧﺰﻟﺖ ﺷﻔﺘﻬﻢ ﻛﺎﻋﺪﻳﻦ ﺑﺎﻟﻤﻄﺒﺦ . ﻋﺎﻟﻤﻴﺰ ﺩﻳﺎﻛﻠﻮﻥ ﻧﺼﻴﺖ ﺭﺍﺳﻲ ﻭﻓﺘﺖ ﻣﺪﺭﻱ ﺷﻤﺒﻘﻴﻨﻲ ﻫﻨﺎ ﻋﻨﺎﺩ ﻭﻱ ﺭﻭﺣﻲ ﻟﻮ ﻭﻳﺎﻩ
ﺩﺍﺍﻃﻠﻊ ﻋﻤﺘﻲ ﻛﺎﻟﺖ
ﻫﺎ ﺭﺍﻳﺤﻪ ﺍﻟﻤﺤﺮﻭﺳﻪ
ﻣﺠﺎﻭﺑﺘﻬﺎ
ﻃﻠﻌﺖ ﺍﺧﺬﺕ ﺍﻻﻣﻞ ﻭﻃﺒﻴﺖ ﻣﻨﺼﻴﻪ ﺩﺍﻓﻮﺕ ﻣﻦ ﻳﻤﻪ ﻣﺠﺎﻧﻮ ﺍﻣﻪ ﻭﺍﺧﺘﻪ ﻣﻮﺟﻮﺩﻳﻦ ﻫﻮ ﺩﻳﺪﺧﻦ ﻋﻠﻰ ﻣﻴﺰ ﺍﻟﻤﻄﺒﺦ ﺩﺍﻓﻮﺕ ﻟﺰﻡ ﺍﻳﺪﻱ ﻣﻦ ﺳﺎﻋﺪﻱ
ﻫﻤﺲ
ﺗﻌﺎﻱ ﺷﻨﻮﻫﺎﻱ
ﺑﻘﻴﺖ ﻣﻨﺼﻴﻪ ﻛﺮﻫﺖ ﺍﻧﻜﺴﺎﺭﻱ ﻭﻛﺮﻫﻲ ﺍﻟﻪ ﻭﺍﺧﺘﻴﺎﺭﻱ
ﺟﺎﻭﺑﺖ
ﻣﺎﻣﺎ ﺩﺯﺗﻠﻲ ﺍﻛﻞ
ﻟﻴﺶ ﺷﻨﻮﻣﺎﺣﻮ ﺍﻛﻞ ﺑﺎﻟﺒﺒﺒﻴﺖ ﺻﻴﺢ
ﻏﻤﻀﺖ ﻋﻴﻨﻲ ﻛﻞ ﻗﻮﺗﻲ
ﺍﺻﺎﺑﻌﻪ ﺍﻧﻌﺼﺮﺕ ﺑﻴﺪﻱ . ﺟﺮﻳﺖ ﺍﻳﺪﻱ ﻣﻨﻪ ﺩﺍﺍﺻﻌﺪ ﻧﺘﺮ
ﺍﺫﺍ ﺑﻌﺪ ﺩﺯﺕ ﺍﻛﻞ ﺍﺫﺑﻪ ﺑﺎﻟﻠﻠﺰﺑﻞ
ﻣﺪﺭﺗﻠﻪ ﺑﺎﻝ ﺻﻌﺪﺕ ﻓﻮﻙ ﻭﺍﻋﺼﺎﺑﻲ ﺗﺮﺟﻒ ﺻﺎﻳﺮﻩ ﻣﺎﺍﺗﺤﻤﻞ ﺍﺑﺪ ﺍﻛﻠﺖ ﻭﻟﻠﻴﻞ ﻃﻠﻌﻮ ﻛﻠﻬﻢ ﺑﻘﻪ ﻫﻮ ﺳﻤﻌﺘﻪ ﻳﻜﻮﻝ
ﻫﻮﻭ ﺧﻠﻲ ﻳﺠﻴﺒﻜﻢ ﻭﺍﻧﻲ ﺍﺣﺎﺳﺐ ﺍﺭﻳﺪ ﺍﻧﻄﻤﺮ
ﻋﺮﻓﺘﻪ ﺣﻴﺒﻘﻪ ﺳﻤﻌﺖ ﺻﻮﺕ ﺷﻤﺲ ﺗﺤﺠﻲ ﺑﺎﻟﺘﻠﻔﻮﻥ ﻭﻱ ﺍﺑﻮﻫﺎ ﻋﺮﻓﺖ ﻧﻄﺎﻫﺎ ﺍﻟﺘﻠﻔﻮﻥ ﺗﺤﺎﺟﻲ
ﺗﺒﺠﻲ ﻭﺗﺤﺠﻲ
ﻣﺘﺤﺒﻨﻲ ﺑﻌﺪ ﻣﺘﺮﻳﺪﻧﻲ ﺗﻌﺎﻝ ﺍﺧﺬﻧﻲ ﻳﻤﻚ ﻳﻢ ﺑﻴﺒﻲ ﺳﻨﻴﻪ ﻭﺟﺪﻭ
ﺑﻘﻪ ﺷﻮﻱ ﻳﺤﺠﻲ ﻭﻱ ﺑﻨﺘﻪ ﺑﻌﺪﻳﻦ ﺣﺠﻪ ﻭﻱ ﺳﻴﺮﻭﺍﻥ ﺍﻧﻲ ﻛﺎﻋﺪﻩ ﻳﻢ ﺍﻟﺪﺭﺝ ﻣﺎﻋﺪﻱ ﺷﻲ ﺍﺳﻤﻌﻬﻢ ﺍﺭﺍﺳﻞ ﺟﻮﺟﻮ ﻭﺍﺳﻤﻌﻬﻢ . ﺳﺪﻩ ﻭﺭﺍﺣﻮ ﻟﻠﻬﻮﻝ ﻧﺰﻟﺖ ﺍﺧﺬ ﺍﻟﺘﺴﺠﻴﻞ ﻭﺧﻔﺖ ﻟﻴﺸﻮﻓﻨﻲ ﻃﺒﻴﺖ ﻟﻠﻐﺮﻓﻪ ﺭﻛﺾ ﺍﺧﺬﺗﻪ ﻭﺧﻠﻴﺘﻪ ﺑﺼﺪﺭﻱ ﺩﺍﺍﺻﻌﺪ ﺳﻤﻌﺖ ﺷﻤﺲ ﻫﻤﺲ
ﺭﺍﺣﺖ ﺑﻴﺒﻲ ﺭﺍﺣﺖ
ﻫﻬﻪ ﺍﺩﺭﻱ ﺍﻧﺰﻭﻝ ﻋﻠﻴﺞ ﺭﻭﺣﻲ ﻟﻠﻬﻮﻝ ﺣﺼﻌﺪ
ﺍﺻﻌﺪ ﻳﻤﺞ
ﻻﻻ ﺭﻭﺣﻲ ﺧﺰﺭﺗﻬﺎ
ﺩﺗﺮﻭﺡ ﺻﺎﺡ ﺳﻴﺮﻭﺍﻥ
ﺗﻌﺎﻱ ﺧﺎﻟﻮ ﻣﺎﻣﻮ ﺍﺣﺪ ﺷﻌﺪﺝ ﺑﺎﻟﻐﺮﺭﻓﻪ ﺷﻤﻤﺲ
ﻭﺭﺍﺣﺖ
ﺑﻘﻴﺖ ﻭﺍﻛﻔﻪ ﺍﺗﺼﻨﺖ ﻋﻠﻴﻪ ﻣﻦ ﻳﺤﺎﺟﻴﻬﺎ ﺻﺎﻓﻨﻪ
ﺗﺤﺒﻴﻦ ﺑﺎﺑﺎ ﺷﻤﻮﺱ
ﺍﻱ
ﺍﻭﺩﻳﺞ ﻋﻠﻴﻪ ﺧﺎﻟﻮ
ﻻ ﻣﺘﻘﺒﻞ ﻣﺎﻣﺎﻫﻮﻳﺠﻲ
ﺯﻳﻦ ﻣﺎﺷﻲ ﻣﻨﻮﻣﺸﻄﻠﺞ ﺷﻜﺪ ﺣﻠﻮﻩ ﻃﺎﻟﻌﻪ
ﺳﻜﺘﺖ ﺍﺑﺘﺴﻤﺖ ﺷﻜﺪ ﺗﺨﺎﻑ ﻣﻦ ﺍﻣﻬﺎ
ﻣﻨﻮ ﻣﺸﻄﻠﺞ ﺷﻤﺲ
ﻣﺠﺎﻭﺑﺖ
ﺧﺎﻟﻮﻣﻨﻴﻠﺞ ﻫﺎﻱ ﺍﻟﺴﻮﺍﺭﻣﻨﻴﻦ ﻣﺎﺧﺬﺗﻪ
ﻣﺎﺧﺬﻳﺘﻪ
ﻟﻌﺪ ﻣﻨﻮ ﻟﺒﺴﻪ ﺍﻟﺞ
ﺳﻜﺘﺖ
ﺷﻤﻤﺲ ﻣﻮﺩﺍﺍﺣﺎﺟﻴﻴﻴﻴﺞ ﻧﺘﺮ ﻭﻫﻲ ﻓﺰﺕ ﺗﺒﺠﻲ
ﺧﺒﻠﻬﺎ ﻟﻠﺒﻨﻴﻪ ﻓﺘﺤﺖ ﺍﻟﺒﺎﺏ ﺍﻟﺠﺎﻧﺖ ﻣﻔﺘﻮﺡ ﻧﺼﻬﺎ ﻭﻃﺒﻴﺖ ﻋﻠﻰ ﻛﻴﻔﻲ ﺑﺎﻭﻋﺘﻠﻬﺎ ﻻﺯﻡ ﺍﻳﺪﻫﺎ ﺑﻘﻮﻩ ﻭﻣﺨﻨﺰﺭ ﻭﻫﻲ ﺗﺒﺠﻲ
ﺗﻌﺎﻱ ﻳﻤﻲ
ﺍﺟﺘﻲ ﺭﻛﺾ ﻭﺗﺸﻬﻚ ﺧﻠﻴﺖ ﺍﻳﺪﻱ ﻋﻠﻰ ﺭﺍﺳﻬﺎ ﺑﺎﻭﻋﺘﻠﻪ ﺑﻘﻪ ﻳﺒﺎﻭﻋﻠﻲ ﻣﻀﻴﻖ ﻋﻴﻨﻪ
ﻣﻐﺸﻮﺷﻪ ﺑﻴﺞ ﻣﺜﻠﻲ ﻳﻮﻡ ﺗﺠﻮﻳﻦ ﻭﻳﻮﻡ ﺗﺤﻀﻨﻴﻦ ﻣﺜﻞ ﺧﺎﻟﻬﺎ ﻫﺎﻱ
ﺑﺎﻭﻋﻠﻲ ﺑﺎﺳﺘﻬﺰﺍﺀ
ﺟﺎﻭﺑﺘﻪ
ﻣﻀﻠﻮﻡ ﺣﻀﺮﺗﻚ ﻣﻮﻭ
ﺍﺻﻌﺪﻱ ﻓﻮﻙ ﺍﺻﻌﺪﻱ ﻣﺎﺭﻳﺪ ﺍﺍﺫﻳﺞ ﻟﺨﺎﻃﺮ ﺍﻟﻠﻲ ﺑﺒﻄﻨﺞ ﺑﺲ ﺑﺴﻴﻄﻪ ﺑﺴﻴﻄﻪ
ﺍﺑﺘﺴﻤﺖ ﻭﺍﻧﺖ ﺍﻟﻤﻘﺎﺑﻞ ﺑﻌﺪ
ﻧﺘﺮﺭ
ﺍﻧﺘﻲ ﺗﺮﺭﻩ ﻣﻤﺜﻠﻪ ﺑﺎﺭﻋﻪ ﻳﻌﻨﻲ ﺍﺣﻴﻴﺞ ﺷﻨﻮ ﻣﻦ ﺑﺸﺮ ﺗﻜﺬﺑﻴﻦ ﻭﻋﻴﻮﻧﺞ ﺗﺤﺠﻲ ﻏﻴﻴﺮ ﺷﻴﻴﻲ ﻭﺍﻧﺘﻲ ﻛﻞ ﻫﻤﺞ ﺍﺑﻮﺝ ﻭﺷﻮﻥ ﺗﻨﺘﻘﻤﻴﻦ ﻣﻨﻨﻨﻪ ﺑﺎﺑﺎ ﻣﻮﻳﻴﻴﻤﺞ ﻫﻮ ﻣﻮﻳﻤﻤﻤﺞ ﻋﺎﻳﺶ ﺣﻴﺎﺗﻪ
ﻣﻮﻫﺎﻣﻨﻲ ﺍﺑﻮﻳﻪ . ﺟﺎﻭﺑﺖ ﺑﺒﺮﻭﺩ
ﻻ ﻭﺍﻟﻠﻪ ﺑﺎﻉ ﻫﺎﻱ ﻋﺒﺎﻟﻬﺎ ﺍﺻﺪﻙ ﺑﻌﺪ ﻗﺴﻤﺎ ﺑﺬﺍﺕ ﺍﻟﻠﻪ ﺑﺤﻴﺎﺗﻲ ﻣﻤﺘﻘﺸﻤﺮ ﻛﺪﻣﺎ ﺗﻘﺸﻤﺮﺕ ﺑﺤﺒﺒﺒﺞ ﻟﺞ ﺍﻧﻲ ﺣﺒﺒﺒﻴﺘﺞ . ﺣﺒﺒﻴﺘﺞ
ﺑﻠﻌﺖ ﺭﻳﻚ ﻣﺒﺘﺴﻤﻪ ﻭﻛﻠﺒﻲ ﺍﻧﻌﺼﺮ ﻭﺿﺎﻕ ﺍﻟﻨﻔﺲ
ﻛﺎﻝ ﺑﺼﻴﺎﺡ
ﻭﺍﻟﻠﻪ ﻣﻮ ﻫﺎﻣﻨﻲ ﻻﺍﺑﻮﻳﻪ ﻻﺯﻭﺍﺝ ﻗﻴﺲ ﺍﺑﺒﺒﺪ ﻭﺻﻔﻚ ﺍﻳﺪ ﺑﻴﺪ ﻫﻤﻪ ﺛﻨﻴﻨﻬﻢ ﻣﺴﺤﺘﻘﻴﻦ ﺯﻭﺍﺝ ﺑﺲ ﺍﻟﻤﺎﺫﻳﻨﻲ ﻣﻦ ﻳﻤﺞ ﺻﺪﻳﻘﺘﺞ ﻭﺧﺎﻟﺘﻬﺎ ﺍﻟﻠﻠﻪ ﺷﻮﻥ ﺣﻠﻮ ﻫﻴﺞ ﺟﻨﺘﻲ ﻣﺨﻄﻄﻪ ﻣﺨﻄﻄﻪ ﻳﻌﻨﻲ ﺍﻟﻬﺎ ﺗﺨﻄﻴﻂ ﻳﻬﻮﻭﻭﺩﻱ
ﺳﻤﻌﺖ ﺻﻮﺕ ﻃﺒﻜﻪ ﺍﻟﺒﺎﺏ
ﻛﻠﺖ ﺣﺎﻥ ﻭﻛﺖ ﺍﻟﺤﺴﺎﺏ ﺑﻌﺪ ﻃﺎﻗﺘﻲ ﺧﻠﺼﺖ ﺑﻌﺪ
ﺗﻘﺮﺑﺖ ﻭﺍﻧﺖ ﻣﻐﻠﻄﺖ
ﺧﺰﺭﻧﻲ
ﺷﻤﺴﺴﺴﻮﻱ ﻟﺠﺠﺞ ﻣﻨﻮ ﻣﺪﻟﻠﺞ ﻛﺪ ﺩﻻﻟﻲ ﻣﻨﻮﻭﻭﻭﻭ ﺍﻟﺤﺒﺒﺒﺞ ﻛﺜﺜﺜﺮﻱ ﻋﺎﺩﻳﺖ ﺍﻟﻜﻞ ﻋﻠﻤﻮﻭﺩﺝ
ﺍﻟﻤﻦ ﻋﺎﺩﻳﺖ ﻳﻌﻨﻲ . ﻫﻬﻪ ﺍﻣﻚ ﻭﺍﺧﺘﻚ ﻣﺜﻼ ﻭﺑﻌﺪﺷﺴﻮﻳﺖ
ﺑﻠﻌﺖ ﺭﻳﻚ ﻭﻛﺬﺑﺖ ﻋﻠﻴﻪ ﺻﻮﺕ ﺍﻣﻪ ﻭﺭﺍﻩ
ﻋﻮﻓﻬﺎ ﻳﻤﻪ ﺧﻠﺘﻮﻟﻲ ﻟﺘﺤﺮﻙ ﺩﻣﻚ
ﻭﺍﺧﺘﻪ ﻛﺎﻟﺖ
ﻣﻨﻮ ﺻﺪﻳﻘﺘﻬﺎ ﻭﺧﺎﻟﻬﺎ ﺷﻨﻘﺼﺪ ﺳﻴﺮﻭﺍﻥ
ﻧﺘﺮبيج قصص عراقيه حقيقيه من واقعنا.روعه الطائي
ﻣﺮﺕ ﺍﺑﻮﻳﻪ ﺧﺎﻟﺘﻬﺎ ﻭﺍﻟﻠﻲ ﺍﺧﺬﻫﺎ ﻗﻴﺲ ﺻﺪﻳﻘﺘﻬﺎ ﻣﻦ ﺍﻟﻄﻔﻮﻟﻪ
ﺗﻮﻩ ﻛﻤﻞ ﺣﺠﻲ ﻭﺛﻨﻴﻨﻬﻢ ﻫﺠﻤﻮ ﻋﻠﻴﻪ ﻭﺍﻟﻐﻠﻂ ﺑﻔﻠﺲ ﺩﻓﻌﻬﻢ ﻳﺼﻴﺢ
ﻭﺧﺮﺭﺭﺭﻭ ﺍﻧﺘﻮ ﻫﻢ ﻣﻮ ﺍﻧﺒﻴﺎﺀ ﺭﻭﺣﻲ ﺷﻮﻓﻲ ﻗﻴﺲ ﺷﻼﻛﻲ ﻓﻀﺤﺘﻴﻴﺒﻨﺎ ﺍﻧﺘﻲ ﻭﺑﻨﺘﺘﺞ ﺻﻌﺪﺩﻱ ﻓﻮﻭﻙ ﺍﻧﺘﻲ ﺣﺴﺎﺑﺞ ﺟﺎﺍﻱ
ﻭﺗﻘﺪﻡ ﻋﻠﻰ ﺯﻳﻨﻪ ﺧﻨﻜﻬﺎ
ﺷﻤﺴﺴﺴﻮﻳﻪ ﺑﺒﻴﺘﺞ ﺷﻤﺨﻠﻴﻴﻴﻪ
ﻣﻤﺨﻠﻴﻪ ﺷﻲ ﻭﺍﻟﻠﻪ
ﻭﻟﺞ ﻗﻴﺲ ﺣﺎﻟﻒ ﻳﻄﻠﻚ ﻭﻳﺘﺨﺬﺫ ﺑﻨﺘﻪ
ﺻﺎﺣﺖ ﻟﺞ ﻳﻮﻡ ﺷﻮﻭﻭﻭﻥ
ﺷﻼﻛﻲ ﻋﻴﻨﻲ ﻳﺬﺑﻬﺎ ﺑﺮﺍﺱ ﺑﻨﺘﻲ ﻛﻠﺸﻲ ﻣﻤﺨﻠﻲ
ﻟﺞ ﻳﻮﻭﻡ ﻻﻛﻴﻦ ﺣﻮﺍﻭﻳﻦ ﻣﻴﺘﻪ ﻭﺭﻩ ﺍﻟﺠﺮﺑﺎﻳﻪ
ﺍﻱ ﺑﻨﺘﻲ ﺷﻌﻠﻴﻬﺎ
ﺍﺑﺎﻭﻋﻠﻪ ﻣﻦ ﻋﺎﻟﺪﺭﺝ ﻟﻄﻢ ﻋﻠﻰ ﺭﺍﺳﻪ ﻭﻟﺞ ﻳﻤﻪ ﺷﺎﻳﻔﻴﻬﺎ ﺑﺎﻟﻜﺎﻣﺮﺭﺭﺭﻩ
ﻭﺯﻳﻨﻪ ﺩﻙ ﻭﻟﻄﻢ ﻛﻠﻪ ﻣﻦ ﻭﺭﺍﺝ ﻛﺘﻠﺞ ﺍﺧﺎﻑ ﻫﺬﺍ ﻣﺸﻴﻄﻦ ﻳﻠﻜﻔﻨﻲ ﻭﺗﻜﻮﻟﻴﻠﻲ . ﻻ ﺷﻮﻥ ﺷﺴﻮﻱ ﺧﻴﺎﺧﺬ ﺑﻨﺘﻲ ﻣﻨﻲ
ﺳﻤﻌﻨﺎ ﺩﻛﻪ ﻫﻮﺭﻥ
ﺻﺎﺡ ﺳﻴﺮﻭﺍﻥ
ﺭﻭﺣﻲ ﺧﺎﻟﻮ ﺍﺑﻮﺝ ﺍﺟﻪ
ﻭﺷﻤﺲ ﻃﻴﺮﻱ ﻟﺰﻣﺘﻬﺎ ﺍﻣﻬﺎ ﻣﻦ ﺷﻌﺮﻫﺎ ﻭﺻﺎﺣﺖ
ﺍﺟﻮﻳﺞ ﻋﻠﻰ ﺍﻳﺪﺝ ﺍﺧﺮﺭﺭﻛﺞ ﺍﺫﺍ ﺭﺣﺘﻲ ﻭﻫﺎﻱ ﺻﺮﺧﻲ ﻗﺸﻌﺮ ﺟﺴﻤﻲ ﺻﻮﺗﻬﺎ ﺩﻓﻌﻬﺎ ﺳﻴﺮﻭﺍﻥ ﻻﺧﺘﻪ ﻭﻭﻛﻌﺖ ﻭﺷﻤﺲ ﺍﻧﻬﺰﻣﻲ ﺑﺮﻩ ﻭﺍﻣﻪ ﺗﺪﻋﻲ ﻋﻠﻴﻪ ﻭﻋﻠﻰ ﺍﺑﻮﻩ
ﻛﻌﺪ ﻋﺎﻟﻘﻨﻔﻪ ﻭﻟﺰﻡ ﺭﺍﺳﻪ
ﻫﻤﺲ
ﻭ ﺑﺎﺍﺀ ﻣﻮ ﺍﻡ ﻭﺍﺧﺖ ﺭﺍﻳﺢ ﻟﻌﻤﺎﻣﻲ ﺍﻧﻲ ﺭﺍﺟﻊ ﻟﺪﻫﻮﻙ ﻣﺪﺍﺍﻛﺪﺭ ﺑﻌﺪ ﻫﺎﻟﻜﺬﺏ ﻭﺍﻟﻐﺪﺭ ﺑﺒﻐﺪﺍﺩ ﺍﻛﺘﺘﺘﻔﻴﻴﻴﺖ ﻛﻠﻜﻢ ﻧﻔﺲ ﺍﻟﺸﻲ ﻛﻠﻜﻤﻤﻤﻤﻢ ﺧﻴﺎﺍﺍﻧﻪ ﻭﻏﺪﺩﺩﺭ
ﺻﻌﺪﺕ ﻟﺒﺴﺖ ﻭﻟﻤﻴﺖ ﻫﺪﻭﻣﻲ ﻭﻃﻠﻌﺖ ﺫﻫﺒﻲ ﺍﻟﺠﺎﺑﻮ ﻭﺍﻟﺴﻮﻳﺞ ﻣﺎﻟﺘﻲ ﺩﺍﺭﻭﺡ ﻟﺒﺴﺖ ﺻﺎﻳﺘﻲ
ﻧﺰﻟﺖ
ﻭﻫﻤﻪ ﺑﻌﺪﻫﻢ ﻳﺘﻌﺎﺭﻛﻮﻥ ﻭﺯﻳﻨﻪ ﻓﺎﺣﻄﻪ ﻫﺠﻤﺖ ﻋﻠﻴﻪ ﻭﺗﺪﻋﻲ ﺳﻴﺮﻭﺍﻥ ﺟﺮﻫﺎ ﻭﺷﻤﺮﻫﺎ ﻛﻠﻠﻜﻢ ﻧﻔﺲ ﺍﻟﺸﻲ
ﺑﺎﻭﻋﺘﻠﻪ ﺗﻘﺪﻣﺖ ﻋﻤﺘﻲ ﺗﺘﺤﻠﻒ ﺍﺣﺮﻛﺞ ﻣﺎﺍﺣﺮﻛﺞ ﻭﺍﻧﻲ ﺍﻋﻠﻤﺞ ﻭﺑﺴﻴﻄﻪ ﻭﺳﻴﺮﻭﺍﻥ ﻻﺯﻣﻬﺎ ﻣﻨﺼﻲ ﺻﺎﺡ
ﺍﻃﻄﻄﻄﻠﻌﻲ ﺭﻭﺣﻲ ﺭﻭﺣﻲ ﻟﺒﻴﺖ ﺍﻫﻠﻠﻠﻠﻠﺞ
ﻭﺍﻧﺖ ﻣﺴﻮﻱ ﺭﻭﺣﻚ ﺑﺮﻱﺀ ﻛﻠﺶ
ﺭﻓﻊ ﺭﺍﺳﻪ ﺧﺰﺭﻧﻲ
ﺯﻳﻨﻪ ﺑﺲ ﺗﺒﺠﻲ ﻣﻠﺨﺖ ﺭﻭﺣﻬﺎ ﺑﻨﺘﻲ ﻭﺑﻨﺘﻲ
ﺍﻧﺖ ﻫﻢ ﻭﺍﺣﺪ ﻛﺬﺍﺏ ﻭﻏﺪﺩﺩﺍﺭ ﺍﻧﺖ ﻃﻌﻨﺘﻨﻲ ﺑﻀﻬﺮﻱ
ﻫﺰ ﺭﺍﺳﻪ ﻣﻐﻤﺾ ﺑﺲ ﺭﻭﺣﻲ ﻭﻟﻲ ﻣﺎﺭﻳﺪ ﻟﺸﻮﻑ ﺟﻬﺮﺗﺞ
ﺍﻧﺖ ﻫﻢ ﺍﻛﺒﺮ ﺧﺎﻳﻦ ﻟﻚ ﺍﻧﻲ ﺣﺒﺒﺒﻴﺘﻚ ﻭﻧﺴﻴﺖ ﺣﺘﻰ ﺍﻟﻠﺨﻠﻔﻨﻲ ﻭﻛﻠﺖ ﻫﻮ ﻛﻞ ﺣﻴﺎﺗﻲ ﻧﺴﻴﺖ ﺷﻲ ﺍﺳﻤﻪ ﻛﺮﺭﺭﻩ ﺍﻟﺘﻬﻴﺖ ﺑﺲ ﺑﻴﻚ ﻭﺑﺪﺭﺍﺳﺘﻲ ﻭﺑﺤﻴﺎﺗﻲ ﻭﻳﺎﻙ ﻭﺷﻮﻥ ﺍﺩﻟﻠﻠﻚ ﻟﻠﻠﻠﻠﻠﻴﺶ ﻓﻬﻤﻨﻲ
ﺷﻨﻮ ﺍﻟﻠﻴﺶ ﻣﺨﺒﻠﻪ ﺍﻧﺘﻲ ﻣﺨﺒﺒﺒﻠﻪ ﺍﻧﺘﻲ ﺑﻌﺪ ﻣﻜﺪﺭﺗﻲ ﻣﻮﺗﻜﻮﻟﻴﻦ ﺧﻠﺼﺖ ﺍﻟﻤﺴﺮﺣﻴﻪ ﻭﺍﻧﺮﻓﻊ ﺍﻟﺴﺘﺎﺍﺭ
ﺗﻘﺮﺑﺖ ﻣﻨﻪ ﺑﻘﻪ ﻳﺒﺎﻭﻉ ﺑﻤﻼﻣﺤﻲ ﻋﻴﻮﻧﻲ ﻏﺮﻣﺖ ﺩﻣﻊ ﻭﺍﻣﻪ ﺗﻨﻚ ﻭﺗﻐﻠﻂ ﻋﻠﻰ ﺍﻧﻲ ﻭﻋﻠﻰ ﺷﺮﻓﻲ ﻭﺗﺪﻋﻲ ﺟﺮﻧﻲ ﻭﺳﺪ ﺍﻟﺒﺎﺏ ﻋﻠﻴﻬﻢ ﻗﻔﻠﻬﺎ ﻭﺻﺎﺡ
ﺷﻨﻮ ﺍﻟﻠﻴﺶ
ﺍﻧﺖ ﻣﻐﺪﺭﺕ ﻳﻌﻨﻲ
ﻻﻉ
ﺑﺎﻭﻭﻉ ﺑﻌﻴﻨﻲ ﺳﻴﺮﻭﻭﻭﻭﺍﻥ
ﺻﺮﺧﺖ
ﺿﺮﺑﻨﻲ ﻋﻠﻰ ﺣﻠﻜﻲ ﺭﺍﺳﻦ
ﺻﻮﺗﺞ ﻟﻴﻌﻠﻰ
ﻏﻤﻀﺖ ﻭﻣﺴﺤﺖ ﺣﻠﻜﻲ ﺑﻘﻴﺖ ﺍﺑﺎﻭﻋﻠﻪ
ﺷﻤﺴﻮﻱ ﺍﻧﻲ ﻭﺟﺎﺯﻳﺘﻴﻨﻲ ﺑﻐﺪﺭ
ﺍﻧﺖ ﺍﻟﻐﺪﺭﺕ
ﺧﺴﺮﺗﻴﻨﻲ ﺭﻧﺪﺩﺩ ﺧﺴﺮﺗﻴﻨﻲ ﻣﻨﻮ ﺍﻟﻤﺎﺫﺏ ﻋﻠﻴﺞ ﺳﻠﻴﻢ
ﺳﻠﻴﻢ ﺍﺻﺪﻕ ﺷﺨﺺ ﻋﺮﻓﺘﻪ ﺑﺤﻴﺎﺗﻲ ﺳﻠﻴﻢ ﺣﺰﺍﻡ ﺿﻬﺮﺭﺭﻱ . ﻣﻦ ﺻﺪﻙ ﻣﻮ ﺟﺬﺫﺏ
ﺑﺎﻭﻋﻠﻲ ﻣﻌﺎﺟﺒﻪ ﻣﻠﻴﺎﻥ ﻭﺟﻬﻪ ﺣﻘﺪ
ﺍﻧﺖ ﺍﻟﺨﺎﻳﻦ ﻭﺍﻟﻜﺬﺍﺏ
ﻟﺰﻣﻨﻲ ﻣﻦ ﻓﻜﻲ ﺑﺤﺮﻛﻪ ﻭﺣﺪﻩ ﻗﻮﻱ ﺍﺧﺘﺮﻣﻲ ﺭﻭﺣﺞ ﻭﺍﺣﺠﻲ ﻋﺪﺩﺩﻝ ﻣﻜﺬﺑﺖ ﻋﻠﻴﺞ ﻳﺠﻲ ﻳﻮﻡ ﺗﻌﻀﻴﻦ ﺍﻻﺻﺎﺑﻊ ﻧﺪﻡ . ﺍﻧﻲ ﻭﻳﺎﺝ ﻣﻨﻜﺪﺭ ﻧﻜﻤﻞ ﺑﻌﺪ
ﻭﻣﻨﻮﻛﻠﻚ ﺍﻧﻲ ﺭﺍﺡ ﺍﻛﻤﻞ ﻭﻱ ﻭﺍﺣﺪ ﻏﺪﺭ ﺑﻴﻪ ﺩﻓﻌﺘﻪ ﺑﻘﻮﺗﻲ ﺑﻘﻪ ﻭﺍﻛﻒ
ﺑﺤﻴﺎﺗﻲ ﻣﻜﺬﺑﺖ ﻋﻠﻴﺞ
ﺿﺤﻜﺖ ﺑﺼﻮﺕ ﻋﺎﻟﻲ
ﺑﻘﻪ ﺻﺎﻓﻦ
ﺍﻧﺖ ﺍﻟﺨﺴﺮﺗﻲ
ﺍﻧﻲ ﺭﺑﺤﺖ ﺳﻴﺮﻭﺍﻥ ﺭﺑﺤﺖ ﺍﻧﺖ ﺍﻟﺨﺴﺮﺗﻨﻲ ﺷﻜﺪ ﻛﻠﻮﻟﻲ ﻣﺼﺪﻛﺘﻬﻢ ﻃﻠﻊ ﺣﺠﻴﻬﻢ ﺻﺪﻙ
ﺑﻘﻪ ﻳﺒﺎﻭﻋﻠﻲ ﺑﻠﻊ ﺭﻳﻚ
ﺷﺘﻘﺼﺪﻳﻦ
ﺍﻗﺼﺪ ﻭﺗﻘﺮﺑﺖ ﻣﻨﻪ
ﻋﻘﻴﻞ
ﺍﻧﻲ ﺷﻠﻲ ﺩﺧﻞ ﺑﻲ ﺭﺍﺳﻦ ﺟﺎﻭﺏ
ﻛﺬﺍﺏ
ﺑﻠﻊ ﺭﻳﻚ
ﺍﻧﺖ ﺍﺑﺪ ﻣﻌﺎﻳﻔﻪ ﻭﺗﻌﺮﻑ ﻛﻞ ﺻﻐﻴﺮﻩ ﻭﺟﺒﻴﺮﻩ
ﻋﻜﺪ ﺣﺎﺣﺒﻪ
ﻛﺬﺍﺑﻴﻦ ﺍﻟﻮﺻﻠﺞ ﻛﺬﺍﺏ
ﺍﻧﻲ ﺳﻤﻌﺘﺘﺘﺘﺘﺘﻚ ﺑﺎﺫﻧﻲ ﻛﺎﻓﻲ ﺗﻜﺬﺏ ﻣﻮ ﻭﻛﻌﺖ ﻣﻦ ﻋﻴﻨﻲ
ﻓﻚ ﻋﻴﻨﻪ ﻭﻧﺼﻪ ﻓﺮﻙ ﻭﺟﻬﻪ
ﺷﻌﻠﻴﻪ ﺑﻲ ﻫﻤﺲ
ﻭﺿﺮﺑﺖ ﻋﻠﻰ ﻭﺟﻬﻪ . ﻟﻚ ﻛﺎﺍﻓﻲ
ﻣﺎﻟﻲ ﺩﺧﻞ ﺭﻧﺪ ﻫﻮ . ﻫﻮﻭ
ﻛﺎﻡ ﻳﻜﻄﻊ
ﺍﺷﺮﺗﻠﻪ ﺑﺴﺴﺲ ﺳﺪ ﺣﻠﻜﻜﻚ ﺳﺪﻳﺖ ﺍﺫﻧﻲ
ﺑﻘﻪ ﺳﺎﻛﺖ
ﺧﻠﻴﺖ ﺫﻫﺒﻲ ﻋﺎﻟﻨﻴﺰ
ﻫﺬﺍ ﺫﻫﺒﻚ
ﻭﻫﺬﺍ ﺳﻮﻳﺞ ﺍﻟﺴﻴﺎﺭﻩ ﻻﻥ ﺳﻠﻴﻢ ﻛﺎﻝ ﻣﻦ ﺍﺭﺑﺎﺡ ﺍﻟﻤﻌﻤﻞ ﻣﺎﻝ ﺣﺼﺘﻪ ﺳﺎﺑﻘﺎ
ﺭﻓﻌﺖ ﺭﺍﺳﻲ ﻧﺰﻋﺖ ﺣﻠﻘﺘﻲ
ﻭﻫﺬﺍ ﺯﻭﺍﺟﻨﺎ ﺧﻠﻲ ﻳﻔﻴﺪﻙ ﺧﺎﻟﻚ ﻭﺭﻭﺡ ﺍﺧﺬ ﺑﻨﺘﻪ ﺍﻟﻠﻲ . ﻣﻴﺘﻪ ﻋﻠﻴﻚ ﺑﺲ ﺟﺎﻥ ﺷﻮﻱ ﺍﺣﺘﺮﻣﺖ ﺣﺎﻟﻬﺎ ﻛﺪﺍﻡ ﺍﺑﻮﻫﺎ
ﺑﻠﻊ ﺭﻳﻚ
ﻫﻤﺲ ﻭﻏﻤﺾ
ﺭﻧﺪ ﺍﻧﻲ
ﻟﺘﺤﺠﻲ ﻭﻻﺗﻜﻮﻝ ﺍﻧﺘﻬﻴﻨﺎ ﻣﻮ ﺗﻜﻮﻟﻲ ﻟﻴﺶ ﻫﻴﺞ ﺗﺼﺮﻓﺘﻲ ﻫﺎﻱ ﺍﻧﻲ ﺑﺲ ﺍﺣﺘﺮﻛﻨﺎ ﺑﻌﺪ ﺍﺣﺘﺮﻛﻨﺎ ﻭﻱ ﺣﺮﻛﻪ ﺳﻨﻴﻦ ﺍﻣﻲ ﻭﺍﺑﻮﻳﻪ
ﺍﻧﻲ ﻣﻌﻠﻴﻪ ﻫﻤﺲ ﺍﻧﻲ ﻣﺎﻟﻲ ﺩﺧﻞ ﻣﺠﺮﺩ ﺍﺣﺘﺎﺝبيج قصص عراقيه حقيقيه من واقعنا.روعه الطائي
ﻣﺎﺍﺍﺍﺭﻳﺪ ﺍﺳﻤﻊ ﺷﻴﻴﻴﻴﻴﻲ ﻃﻠﻜﻨﻲ ﺳﻴﺮﻭﺍﻥ ﻭﺍﻟﻄﻔﻞ ﻳﺮﺑﻰ ﻟﺘﺨﺎﻑ ﻳﻤﻚ ﻳﻤﻲ ﻳﺮﺑﻰ ﺷﺠﺎﺭﻳﻠﻲ ﺍﺗﺤﻤﻞ ﻋﺬﺍﺏ ﻭﻳﺎﻙ . ﺍﻧﺖ ﻣﻮ ﻛﻔﻮ ﻭﺍﺍﻣﻦ ﺑﻴﻚ ﺑﻌﺪ
ﺑﺲ ﺭﺩﺕ ﺗﻮﺻﻞ ﺭﺳﺎﻟﻪ ﺍﻟﻪ
ﻛﻠﻪ ﺗﻜﻮﻝ
ﻣﻔﻜﺮﺕ ﺑﻴﻨﺎ ﺑﺠﻴﺖ ﻣﻜﺪﺭﺕ ﺑﻌﺪ ﻣﺘﺬﻛﺮﺗﻨﺎ ﻣﻦ ﺗﺤﻀﻨﻬﻢ ﺷﻬﻜﺖ ﻭﻫﻮ ﻏﻤﺾ ﺩﺍﺭ ﻭﺟﻬﻪ ﻓﺮﻙ ﻭﺟﻬﻪ ﺑﻴﺪﻩ ﻋﺎﺽ ﺷﻔﺘﻪ
ﻣﻦ ﺭﺣﺖ ﻳﻤﻪ ﻭﺑﺘﺖ ﻋﺪﻩ ﻣﺘﺬﻛﺮﻧﻲ ﻣﻜﺎﻟﻚ ﻋﻠﻴﻪ ﺷﻲ
ﻧﺼﻪ ﺭﺍﺳﻪ ﻭﻫﺰﻩ ﺑﺎﻟﺮﻓﺾ ﺑﺠﻴﺖ ﻣﻦ ﻛﻠﺒﻲ ﺑﻘﻪ ﻣﻐﻤﺾ ﻭﺷﻔﺎﻓﻪ ﺗﺮﺟﻒ
ﻫﺰﻳﺖ ﺭﺍﺳﻲ ﻫﻤﺴﺖ ﺑﺲ ﻛﻮﻟﻪ ﺗﻜﻮﻝ
ﻋﺴﺎﻩ ﺑﺤﺮﻛﻪ ﻛﻠﺒﻨﺎ ﻋﺴﺎﻩ ﻳﺤﺘﺘﺎﺭﻙ ﻛﻠﺒﻪ ﻋﻠﻰ ﺑﺰﺭﺗﻪ ﻣﺜﻞ ﻣﺎ ﻣﻬﺘﻢ ﺑﻴﻨﺎ ﻭﻋﺴﺎﻙ ﺑﻨﺎﺭ ﻛﻠﺒﻲ ﺳﻴﺮﻭﺍﻥ ﻋﻔﺘﻪ ﻭﻃﻠﻌﺖ ﺷﻔﺘﻪ ﺑﺎﻟﺠﺎﻣﻪ ﻣﻌﻜﻮﺱ ﺻﻮﺭﺗﻪ ﺻﺎﻓﻦ ﻋﻠﻴﻪ ﺍﺧﺬﺕ ﺗﻜﺴﻲ ﻭﺭﺣﺖ ﻻﻫﻠﻲ ﻃﺒﻴﺖ ﻣﻦ ﺍﻟﺒﺎﺏ ﺷﺎﻓﻨﻲ ﻋﻤﻮ ﻭﻛﻒ ﻧﺰﻝ ﻓﻬﺪ ﻣﻦ ﺍﻳﺪﻩ ﻓﺎﻙ ﺣﻠﻜﻪ
ﺷﺒﻴﺞ ﺑﺎﺑﺎ
ﺭﻛﻀﺖ ﻋﻠﻴﻪ ﺑﺤﻀﻨﻪ ﺍﺑﺤﻲ ﻭﺍﺷﻬﻚ
ﻛﻮﻟﻬﺎ ﺑﻌﺪ ﻛﻮﻟﻲ ﺑﺎﺑﺎ ﻛﻮﻟﻲ ﻋﻤﻮ
ﺍﺑﻮﻳﻪ ﺷﺒﻴﺞ ﺭﻧﻮﺵ ﺷﺒﻴﺞ ﻛﻠﺒﻲ ﺍﻧﻌﻞ ﺍﺑﻮﻫﻢ ﻻﺑﻮ ﺍﻟﺮﺍﺩﻫﻢ ﺍﻧﻲ ﺭﺑﺤﺖ ﻭﻫﻤﻪ ﺍﻟﺨﺴﺮﻭﻛﻢ ﺑﺎﺑﺎ ﻭﻻﻳﻬﻤﺞ ﻟﺘﺒﺠﻴﻦ ﺫﻳﺒﻪ ﻓﻬﺪ
ﺯﺍﺩ ﺑﺠﻴﺐ ﺑﻘﺎﻧﻲ ﺑﺎﻟﺨﺪﻳﻘﻪ ﺣﺪﻣﺎ ﻫﺪﻳﺖ ﺣﺎﺿﻨﻨﻲ ﻭﻳﻤﺴﺢ ﺑﻮﺟﻬﻲ ﻭﻳﺒﻮﺱ ﺑﺮﺍﺳﻲ ﺍﺭﺗﺎﺣﻴﺖ ﺣﻴﻞ ﻭﺍﻟﺮﻳﺤﻨﻲ ﻃﻠﻌﺖ ﻛﺬﺑﺘﻪ ﻭﺧﺠﻠﺘﻪ ﻓﻀﺤﺖ ﺳﺮﻩ ﻭﺷﻔﺖ ﻧﻀﺮﻩ ﻧﺪﻡ ﺑﻌﻴﻨﻪ ﻭﻟﻮ ﻳﻤﻮﺕ ﻛﺪﺍﻣﻲ ﻣﺎﺍﺭﺟﻌﻠﻪ
ﻳﺘﺒﻊ
ﻣﺮﻳﻢ ﺍﻟﺴﻌﺪﻱ
|