[هاجر جوده]

الفصل التاسع والستون

الجزء الاول

بعد اربع سنين
معظم الزيجات تمت
هديل واسامة طيور الحب وعصافيره وعندهم وليدين عبد الله وفواز
إبتسام ومحمد ولا احلي من حياتهم بسيطة هاديه وفيها الكثير الكثير من العشق والهيام محمد كل يوم يحب إبتسام اكثر واكثر وهي بعد تحاول تسعده فكل لحظة تكون سعيدة ويوم تتذكر هذيك الورقة والدفتر تحزن وتخلي محمد اسعد وأسعد وعندهم وليدين سلمان ثلاث سنين وشوق جمالها ساحر بنوتة ملاك سنتين والكل يعشقها وطول الوقت وهم يبوسون فيها
ريتاج وبدر عايشين بحياة الحب والاشعار وبدر موب قادر يتخيل حياته دون ريتاج وعندهم ولد خالد وإبتسام هي اللي سمته وعمره سنتين ونصف
رائد ونوف الحب الكبير والعظيم حب مابعد الزواج نوف نست بيوم انو كانت تحب شخص إسمه فارس ...وغارقه بحب رائد ورائد كل يوم يزيد حبه لها واشتهر وفتح عياده لنفسه وكل السعودية تسمع فيه وبمهارته وعنده ولد إسمه حمد علي إسم ابوه وعمره سنتين ونصف ونوف حامل بشهرها السابع
طلال واماني حياة الاكشن والهبل والضحك واكيد الحب البسيط وعندهم ولد سطام وعمره سنتين
فارس وأسماء حياة الحركة والفوضي والضحك والحب الكبير يتهاوشون يتزاعلون ثانية ويرجعون يتصالحون الثانية اللي بعدها ..يعشقون بعض وعندهم ولد الوليد عمره سنتين
مصعب وفرح البساطة والهدوء والحب وعندهم حتي هم ولد وسموه فهد علي جده وعمره ثلاث سنين
سامر وشذي تزوجوا واخذها وسافر وكمل دراسة تاخرت بحملها وخافت بس سامر كان معها واغدقها بالحب وهي الحين حامل ومافيه أسعد منها ومنه
فهد ومدي حياة الحب والحنان والبساطة وعندهم ولد ماجد وعمره سنتين
وندي ويزيد مخطبوين وعايشين ايام خطبتهم عشق وحب وهيام ومقررين بعد رمضان ويكون زواجهم
مني علي حالها كملت دراسة وإشتغلت بشركة ابو مصعب فرع حرمي ومسكت الادارة فيه ومأحد فتح قلبها وقرب له حب أحمد بقلبها ماله حدود خطبوها بس هي ردتهم كلهم وتحاول تعيش حياه سعيدة وبدون وجود أحمد
أحمد رجع من أسبوع متخرج شهادة ليسناس في علم فيزياء الكون من خمس الاوائل في الدفعة وإيجته عروض شغل في كندا ويفكر يوافق وأكيد مني الوحيده بقلبه ومأحد يأخذ مكانها بس فقد الامل وقال أكيد نسته ويحاول يعيش بدونها وبدون حبها وبدون اي حرمه وشال فكرت الزواج من راسه
أمين كبر وتم له سنه ويتخرج من الثانوية وكبر حلم الطفولة ورح يلتحق بالجيش السعودي
راشد تخرج ثانوية بس كره الدراسة ويبي يخلي ابوه يوافق يشتغل معه بالشركة ومايكمل دراسة
سهي كبرت واحلوت بس كبر الحلم وصارت طول الوقت بين الكتب معظم الكتب قرتها وسوت مكتبه ببيتهم وتدرس ل شهادة الثانوية ومقررة 100 ٪ نسبه لها
مشعل تخرج من الاعدادي ودخل الثانوي
ببيت ابو محمد
بغرفة إبتسام ومحمد جهزت له الحمام وهو دخل يتروش وهي تسدحت فيها تعب وماتدري ليش وتفكر في أحمد من يومين يوم رجع وتحمدت له بالسلامة وقالت واخيرا رجعت قال رجوع مؤقت بس وصارت طول الوقت تفكر فيه
محمد كمل حمام وطلع وشافها منسدحة وفي عالم افكارها إستغرب منها معتاد يتروش وتنشف له شعر وتجهز له ملابسه
نشف شعره ويطالعها في المراية بس كانها مو موجودة في الغرفة راح وتسدح وراها وضمها له من ورا
إبتسام إنتبهت : اه حبيبي كملت السموحة
محمد مبتسم : وينك فيه ياقلبي وين وصلت روحك وافكارك
إبتسام تنهدت : احمد
محمد إبتسم : شفيه
إبتسام بحزن : شفت بعيونه حزن عميق ومايبي يقعد ويعيش بالسعودية
محمد يسمع لها : وش حزنه
إبتسام لفت له وتطالع عيونه : حب يعذبه وانا ماقدر اشوفه كذا وأسكت
محمد يلعب بخصلات شعرها الاسود الطويل اللي يعشقه ومنعها تقصه وبصوت هادي : احمد يحب
إبتسام ببحة : إيه يحب مني إخت بدر
محمد فرح : زين طمنتيني علبالي وحدة من كندا ...اخطبوها وإنتهينا
إبتسام إبتسمت : حب احمد ومني حب معقد وحب غرور وكبرياء
محمد فهم : ماحد يبي يرضخ لثاني
إبتسام هزت راسها بإيه
محمد قرص خدها : وش ناوية عليه حبيبة القلب
إبتسام إبتسمت : تجمعهم هي وحبيب قلبها
محمد ضحك : ههههه وشلون
إبتسام تحمست وقعدت : إسمع وشلون
محمد ضحك : هههههه يله سمعيني
إبتسام بتردد : نروح لمزرعتنا
محمد طير عيونه: وين
إبتسام بهدوء : قلت لمزرعتنا
محمد عارض : مستحيل ...نروح لمزرعتنا نحن
إبتسام مسكت إيده : إسمعني اول
محمد قاطعها وبرجا : لا حبيبتي تكفين إنت ماتحبينها ومارح نروح لها
إبتسام بصوت هادي : انا معك وجنبك ومافيه شي مو زين بصير معي
محمد إبتسم : بديت تلعبين بالعقل او شنو
إبتسام ضحكت : ههههه وبقلبك بعد يابعد قلبي والله
محمد تنهد : يارب هالبنت بتذبحني بيوم من الايام
إبتسام : بسم الله عليك انا ولا ...
محمد حط إيده علي فمها: إلا هالسيرة لاتجبينها
إبتسام لمعت عيونها وهزت راسها بإيه
محمد إبتسم : زين يله بنروح لها ...خبرني وش ناوية عليه
إبتسام فرحت وقالت له كل اللي ناوية عليه ومحمد وافقها
إبتسام إنتبهت شي : ابو سلوم وين عيالك
محمد ضحك : ههههه توك تذكرينهم
إبتسام : ههههههه مرة نسيتهم وبعدين إستغربت الهدوء اللي نحن فيه
محمد إبتسم : سلمان مع ابوي بالشركة وشوق مع امي راحوا حق الجارة
إبتسام عصبت : هين ياسلمان قلت له لاتهبل في جدك بس مايسمع الكلام الحين هو رجال الشركات
محمد ضحك : ههههه ماعليه ابوي مايروح لمكان إلا وهو معه
إبتسام رحمت ابو محمد : بس عمي كبر وتعبان ومايقدر علي بلاوي سلمان كانه خاله طلال وفارس
محمد فقع ضحك : ههههه وازود بعد
إبتسام قامت : هين يرجع اوريه
إيجتها دوخة قوية ورجعت قعدت علي طول
محمد طاح قلبه : حبيبي شفيك شصاير
إبتسام بتعب : مادري اليوم أحس نفسي مو زينة
محمد فحص نبضها : شربتي الدوا
إبتسام هزت راسها بإيه : إيه تطمن يمكن اجهدت نفسي شوي بس
محمد براحة : نبضك تمام تسدحي ولو حاسه انو مو زينه نروح علي المستشفي
إبتسام عارضت : لا ابد مو لزوم مستشفي وشوي واصير بخير
محمد سدحها وقعد جنبها : زين نامي وانا اطالعك
إبتسام ضحكت : هههه عطني الموبايل انا اعزم الحريم وإنت الشياب والعيال
محمد كشر : مابي قلت نامي وانا أطالعك.
إبتسام بدلع : يله ياحبيبي تكفي
محمد إنذبح أكثر وماسمع لها وصار يبوس فيها ويدغدغها
إبتسام تضحك : ههههه حبيبي هههه وخر هههه
محمد يدغدغ فيها ويبوسها : عشان ماتسمعين الكلمة ابد
إبتسام تضحك : هههه اسمع اسمع
محمد ضحك وبعد عنها وهي مستحية منه وإتصلوا علي الكل وقرروا يرحون يقعدون يومين الخميس والجمعة
بالليل رجع ابو محمد مع سلمان للبيت
وإبتسام ومحمد وام محمد وشوق تلعب بالصالة
سلمان ركض لأمه : ماما
إبتسام قامت وبوعيد : ماما هاه تعال تعال الليلة اشويك..
الكل ضحك وسلمان خاف وركض لجده
سلمان : ذدي ذدي ثوف ماما يثوني
إبتسام مشت عنده وبحزم : كم مرة قلت خلي جدك براحته
ابو محمد يضحك ويخبيه : ماعليه يابنتي يومي بدونه ماله معني
إبتسام تحب إيده : بس ياعمي إنت تعبان وهالبلوة مايقعد بمكان
ابو محمد يبوسه : والله احس بدونه ماعيش
سلمان باسه : وانا بعد
إبتسام تتحلف فيه : اوريك وبعدين بتشوف
سلمان بخوف : ذدي ثوفها
ابو محمد يضحك وحامله ويمشي يقعد : ماعليه انا اخبيك
سلمان فرح : تثلم تثلم
الكل ضحك
وقعدوا
ام محمد : ابو محمد بس دلع للولد ويصير مايسمع الكلمة
ابو محمد قاعد وسلمان بحضنه : لو مايسمع الكلمة انا اذبحه
سلمان بسرعة : يثمع يثمع
الكل فطس ضحك
محمد : ماتبي تسلم علي ابوك
سلمان ركض له وباس خده : ثلونك
محمد ضحك ويقلده : ذين
سلمان لف علي إبتسام بخوف : ثلونك اليوم
إبتسام بحزم : لا تكلمني فهمت
الكل ضحك
سلمان مشي لها بخوف ويتمليح : ماما والله احب ذدي واحب الوح معه ...وباس إيدها
إبتسام مسكت راسها : لا حول ولاقوة إلا بالله لمنهو طالع هالولد
الكل ضحك
محمد بثقة ونسي نفسه: طالع لك ياقلبي
إبتسام إستحت وام محمد مسكت ضحكتها وهي ابو محمد ومحمد تفشل
إبتسام قامت وبحيا : اروح أشوف العشا
ام محمد مبتسمة : زين يمه
إبتسام : شوق شوق
شوق لاهية ترسم : ثمي
إبتسام مدت إيدها : تعالي معي للمبطخ
شوق : ماما ألثم الحين
إبتسام تنهدت : إرمسي يابكاسو إرمسي ...وراحت
الكل ضحك
ابو محمد : اقول ياوليدي
محمد للحين مفتشل : سمي يبه
ابو محمد : جيبوا لنا ولد ثاني
ام محمد ضحكت
محمد إبتسم : كافي هذول يبه
ابو محمد إبتسم : لا يبه ابي البيت كله عيال
محمد إبتسم : بإذن الله لو تقدر لنا ولد ثاني نجيبه
ابو محمد ضحك : هههههه الله يرزقكم
الاثنين : أمين
إبتسام من دخلت المبطخ بغت ترجع وإيجتها دوخة قويه قعدت وتفكر في حالتها فيه شي لزوم تتأكد منه
مر يومين وتجهزوا وراحوا كلهم للمزرعة وحتي أحمد وسهي عزمت صديقه لها واهلها رضوا وراحت معهم وهي إسمها نادين وتكون بنت اخو سارة والبنت الوحيده وكل اللي تبيه يتحقق وهي بحال سهي عاشقات الكتب والمعلومات
وصل الكل الحريم والشياب تعبوا مرة وراحوا يرتاحون
والعيال لفوا المكان وخاصة محمد اول مرة يشوفها والبنات حتي هم لفوه وتفرقوا مجموعات
إبتسام راحت مع مني ...نوف وأسماء واماني وريتاج وهديل قاعدين داخل يسولفون ومدي معهم وندي إتصل عليها يزيد وراحت تتمشي معه وسهي راحت مع صديقتها وقعدوا تحت ظل الشجرة ويطالعون راشد وامين عند الخيل ونادين سالت عنهم وسهي قالت لها عن الكل وكانت كل وحدة تقرا براوية سهي حقت أجاثا غرستي ونادين حقت أحلام مستغانمي
والبزارين بكل مكان
والعيال تفرقوا محمد اخذ احمد معه ورائد وبدر وسامر ومصعب وفهد قاعدين داخل يسولفون وطلال وفارس راحوا عند الخيل وللحين علي حطت ايدكم مثل ماهم مهبل وبلاوي
طلال وفارس شافوهم
طلال واللقافة : منهو هذيك البنت مع سهي
فارس : صديقتها جارة لنا
طلال ضحك : ههههه ماشاء الله كل وحدة بكتاب
فارس ضحك : ههههه وإنت الصادق وبعدين لو تسمع وش سوت سهي
طلال تحمس : وش سوت
فارس : وصت علي عشر كتب إيجتها من بريطانيا وابوي يوم سمع مسك راسه
طلال فقع ضحك : هههههه عشر كتب بكبرها
فارس : ههههه إيه وما نامت يومين حتي قرتها كلها
طلال يستهبل : انا اقول ودها حق شيخ يشوف وش فيها
فارس : هههههه هذا اللي ناوين عليه
وفقعوا ضحك
طلال : هههه إتصلوا علي موسوعة غنس لأرقام القايسية يدخلوا سهي فيها
فارس فطس ضحك وكملوا طريقهم للخيل
محمد يسولف مع احمد : شخبارك شخبار الدراسة
أحمد مبتسم : زين والدراسة علي حطت إيدك
محمد : بتكمل الماجيستر
احمد : اكيد وحتي الدكتوراه
محمد إبتسم : الله يوفقك ..افهم انو راجع علي كندا
أحمد يطالع بعيد : إيه واتوقع بتم هناك طول الحياة
محمد وقف وبجد : ليش ماتبي نشوفك معرس
أحمد فقع ضحك : ههههههه لاتصير والدة ثانية الحين
محمد ضحك : هههههه ليكون هبلت فيك
أحمد يمشي : وطلعت الشيب فني رجعت من اسبوع داخل تزوج طالع تزوج نايم تزوج صاحي تزوج
محمد فقع ضحك : هههههه تستاهل
أحمد إبتسم ويكمل يمشي
محمد بهدوء : من صدقك ماتبي تتزوج وتستقر
أحمد بصوت هادي : الزواج اخر طموحاتي واخر همي والاستقرار بكندا او السعودية مثل بعض
محمد بهدوء : ليش مافيه بنت حلت شفرة قلبك
أحمد وقف وطالعه وسكت
محمد إبتسم : اشوف فيه البنت
أحمد إبتسم: مافيه ولا رح يكون فيه
محمد إبتسم وطالع قدام وصار يمشي واحمد جنبه : قبل لأشوف بسمة كانت السعودية كانها مو موجودة بالخارطة انسي فيه بلد إسمه السعودية والوالدة مثل امك تزوج تزوج بس انا كل همي دراستي وطموحاتي وشغلي بس من شفت إختك تغير كل شي
أحمد يسمع له ويحس بكلام محمد يصيبه بقلبه : زين
محمد مبتسم : صارت وكانو اسمى طموحاتي واكبر اهدافي إغتربت عن السعودية سنين ومإشتقت لها بيوم بس من شفتها ورجعت هي عليها إشتقت للسعودية ابي اشوفها واعيش فيها إختك غيرت حياتي خلتني ابتسم بدون سبب واضحك بدون سبب سوت من محمد شخص ثاني هذاك الرجال اللي يكره الوطن ويمقت يعيش في الوطن خلته مايتنفس إلا في الوطن وعلي ارض الوطن
أحمد وقف ويطالعه ويحاول يخفي مشاعره وأحاسيسه : اشوفك تحب إختي
محمد إبتسم إبتسامة حلوة : يمكن صدقني اوقات أسال هذا حب او تعلق مثل الولد الرضيع اللي لو تبتعد أمه يموت من الجوع والصياح
أحمد فرح : اللي يدومها المحبة
محمد من قلب : امين ...وانا ابي اقول لك انت بخير دامك ماتحب بس لو حبيت بيوم تزوجها بس هي عشان رح تحس انو كل يوم تنولد من جديد
أحمد سكت ومارد عليه
محمد إبتسم : خلينا نكمل إنت همك المعادلات وانا همي ازوجك
أحمد إبتسم بحزن : ولو ماتزوجت البنت اللي إنت تحبها وش يصير فيك
محمد فرح وبصوت هادي : مرة سألت إختك لو ماكانت من نصيبي وش كان صار فني
احمد طالعه : وش قالت إبتسام
محمد طالع بعيد : قالت لو صدق تحبني وماحصلتني كل يوم تنطعن بخنجر الوحدة
أحمد ماعلق وتنفس بعمق
محمد طالع الخيمة : بس الحمد لله تزوجت إختك ...خلينا نشوف هالخيمة شلون من داخل
أحمد مش معه وهو عايش بأفكاره " إبتسام طول حياتك تعذبني بكلامك ...ليش والمشكلة عقلي مايستوعب إلا كلامك ...وصادقة كل يوم احس نفسي وحيد ولو بين الف رجال وحرمة وبزر " لحق محمد ومشاعر دفينه طغت علي سطح قلبه
عند إبتسام ومني كانوا يتمشون وراحوا للخيمة وقعدوا فيها
مني خطبها دكتور يدرس بالجامعة بس هي ردته ومافكرت حتي توافق
إبتسام :اقول يامني
مني : سمي
إبتسام : سمعت إنو ام ماجد خطبتك لولدها
مني كشرت : ايوه وماوافقت
إبتسام : ليش... كم شخص خطبك الحين وردتيه
مني بصوت هادي : مابي اتزوج ابي اكون إسم لنفسي واشتغل واصير حرة بحياتي
إبتسام إبتسمت : ليش الزواج يمنعك من هالشي
مني بهدوء : لا بس غيري السالفة
إبتسام حطت إيدها علي إيد مني : زين حقيقي طموحك
مني إبتسمت لها : مشكورة
إبتسام بتردد : إنت واحمد تفكرون بنفس الطريقة
مني نزلت عيونها : شلون
إبتسام بحزن : احمد رجع ويوم قلت له إقعد ولاترجع تسافر قال من المستحيلات
مني إنغرس سكين بقلبها من سنتين ماشفته او سمعت صوته يرجع بالاعياد والمناسبات بس ماتشوفه وحتي هالمرة للحين ماشفته وبصوت هادي وببحة : صادق لو كنت ولد كان سافرت ومارجعت بحياتي
إبتسام لفت لها " مثله " : ليش وش عندك حتي تبين تهربين منه وتنسيه
مني غرقت عيونها دموع من حبت أحمد وهي تبكي وتنهدت : الماضي وايامه
إبتسام تطالع برا الخيمة : الماضي لو نبي نغيره نرجع ونعيشه ونخليه أحلي علي ماهو
مني لفت لها : شلون
إبتسام لفت لها : نصحح اخطاءه ونرجع نعيش احداثه مثل مانبي
مني إبتسمت بسخرية وحزن : اخطاء ماضي مستحيل تتصحح
إبتسام إبتسمت وحطت إيدها علي خد مني : ابد كل مشكلة ولها حل وكل خطأ وله صوابه
مني تكابر دموعها : مأتوقع
إبتسام بثقة : الزمن كفيل بهالشي
مني تنهدت وتطالع قدامها وفنفسها " ليش اربع سنين مو زمن كافي "
إبتسام بمزح : ماعلينا بس ماعلي منك لو رجع خطبك احد وافقي
مني إبتسمت : ليش ليكون كرهتي مني
إبتسام : لا ابد ابي تجبين بنوتة حلوة مثلك اخطبها لوليدي سلمان
مني ضحكت ودمعة منها نزلت : هههههه زين ابشري
ومسحت دمعتها
إبتسام لاحظتها بس ماعلقت : نقوم نتمشي
مني صنمتها إبتسام بكلامها : خلينا نرتاح شوي بعد
إبتسام : زين ....وقعدوا ومني حاسة بغصة بحلقها لها اربع سنين لو شربت كل مويه العالم ماتنزل وماتطلع
إبتسام ساكته وتفكر في احمد ومني ونفسها ومحمد وعيالها
عند محمد وأحمد وصلوا للخيمة ودخلوا وقفوا بابها الواسع
إبتسام من شافتهم فرحت وقامت ومني رفعت عيونها وشافت أحمد واقف ويطالعها
أحمد وقف بمكانه ويطالعها
ومحمد طالع إبتسام وإبتسم لها : شخبارك
إبتسام بفرح : زينه حياكم
محمد بخبث ومش : زين انو شفتك احتاجك شوي
إبتسام مشت له : سمي ... ومشوا شوي داخل الخيمة وكانت كبيرة واقفوا بركن فيها ويطالعوهم
أحمد واقف بمكانه ويطالعها " مثل ماإنت ماتغير فيك شي غير عيونك احلوت اكثر واكثر "
مني وقفت وتطالعه " نفس النظرة نفس الغرور والكبرياء نفس الرزة والهدوء والسكون والصمت "
أحمد يطالع عيونها " كرهت كندا ...وكرهت السعودية ..وكرهت حريم الكون ...إرحمني منك ومن إسمك ومن حبك "
مني تطالعه " خلتني غريبة بين هلي وناسي وخر عن عقلي وقلبي كرهت حياتي وإنت السبب "
وإثنينهم بنفس الوقت هو لف ورجع طالع وهي لفت وعطته ظهرها
إبتسام ومحمد إنقهروا
محمد منقهر : حتي كلمت شخبارك ماقالوها
إبتسام بثقة وحزن : هذا ولا شي قدام غروره وعزة نفسها
محمد طالعها : اتوقع مارح يجتمعون ابد
إبتسام بعزيمة : مارح ارجع للبيت إلا وهو خطبها
محمد طالعها زين : من جدك !؟
إبتسام : إيه ...رح له وانا ارجع لها
محمد : بس شوي ولو ماخطبها إنت مارح ترجعين للبيت وانا
إبتسام إبتسمت غصب : وهذا اللي همك
محمد ضحك : هههه امزح امزح ...يله اشوفك بخير
إبتسام : زين فامان الله
محمد طلع لحق احمد وإبتسام مشت لمني وشافتها تمسح دموعها
إبتسام بهدوء : مني
مني نزلت الطرحة علي عيونها وببحة : خلينا ندخل ابي انام وأرتاح
إبتسام : زين يله إنت إدخلي وانا اشوف عيالي وينهم فيه
مني تكابر مشاعرها من شافت احمد عاصفة إيجتاحت قلبها : يمكن ضاعوا يالام المهتمة
إبتسام ضحكت وبثقة وطلعت لبرا مع مني : لا بس اتوقع سلمان مع جده وشوق مع جدتها
مني : الله يحفظهم لك
إبتسام : امين ...وهي راحت لحقت أحمد ومني دخلت داخل وتهرب من كل مكان فيه احمد إيجت تغير جو ولو توقعت احمد جاي كان تحججت وقعدت بالبيت بروحها المهم ماتشوفه
عند احمد ومحمد
محمد : ليش ماسلمت علي إختك
أحمد يفكر فمني مشتاق بكبر الدنيا لها وبهدوء : ماتوقعت إبتسام
محمد عقد حواجبه " الرجال شاف بس البنت " : زين خلينا نشوف وين باقي للعيال
أحمد يبي يركب خيل : زين شرايك نروح للخيل
محمد : اوكي يله
إبتسام وراهم : احمد
الاثنين لفوا لها
إبتسام تكتفت وتطالعه
أحمد إبتسم غصب : ليكون زعلت الاخت
إبتسام تمثل الزعل : حرمة قد الجدار واقفة وتقول حياك وإنت مو شايفها
محمد ضحك واحمد مش لها : السموحة ياختي ماقصدت
إبتسام ضحكت : ههههه امزح شلونك شخبارك
أحمد نزل عيونه : مثل ماهي
إبتسام فرحت : ليش كندا ماسوت شي
أحمد طالعها وبصوت هادي : ولا رح تسوي لا هي ولا غيرها
محمد يطالعه
إبتسام بهدوء : قلت لك النسيان مواجهة
أحمد بتعب : تعبان وربي تعبان
إبتسام إنغرس سكين بقلبها ومحمد لف ومش عنهم
إبتسام بحزن : تكفي ياحمد بسك
أحمد يطالعها : علمني وش بسوي أسويه
إبتسام بتردد : إخطب وتزوج
أحمد إنصدم : شلون !!!
إبتسام تنهدت : علاج الحريم هو الحريم إخطب وتزوج
أحمد إبتسم بحزن : ليش فيه بالدنيا حرمه غيرها
إبتسام فرحت : زين إخطبها هي
أحمد نزل عيونه : إبتسام ...
إبتسام تقاطعه : فكر بالسالفة ...البنت اللي يخطبونها وتردهم حتي ماتسال منهو هو تعيش بالماضي وتعيش علي حب رجال عاش بالماضي
احمد طالعها وبهدوء : ليش خطبوها
إبتسام بحزن : اكثر من عشرة وردتهم كلهم ..وترا إنت ماتتعذب بكبرها هي
أحمد ساكت ويطالعها
إبتسام حطت إيدها علي خده : من تسمع إسمك تنزل دموعها ...تركته ولفت وراحت عنه
أحمد وقف مثل الصنم وكلام إبتسام يتردد براسه معقول مني للحين تحبه معقول تبكي علي سيرته لف وكمل طريقه للخيل ويبي كل قهره يفرغه فيه
وإبتسام من لفت عنه نزلت دموعها هي للحين هي اللي تبكي دموع مني وتتكلم بمشاعر احمد
محمد راح حق باقي العيال واحمد راح للخيل حبه وعشقه وجنونه وكل القهر اللي فيه بيطلع مع الخيل الجامح الجانح الاصيل

والبنات إجتمعوا كلهم يسولفون بعد الغداء إلا مني دخلت غرفتها وتسدحت اللي دفنته في اربع سنين نبشه احمد فاربع ثواني
أماني ماسكة راسها : ياربي هالبزراين هبلوا فني راسي بينفجر
نوف بثقة : ترا عيالنا مايسون ظفر لولدك إنت وأسماء
البنات فقعوا ضحك
إبتسام : وسلمان ولدي هبلني طلعني عن طوري
ريتاج تضحك : هههههه عاد سلمان بلوة الدنيا
الكل ضحك
ندي : بس شوق ماشاء الله عليها وش هالزين ودي بس اكلها
إبتسام ضحكت : ههههه ابشري اتبلها واعطيها لك
البنات : هههههههه
ندي : ههههه يزيد يقول ماعاد اتزوجك وانتظر شوق لين تكبر واتزوجها
الكل فطس ضحك
إبتسام : هههههههه يدفع مليار ماعطيها له
ندي : هههههه إيه تكفين علشان اخاف تجيني كنه
البنات : هههههههههه
ريتاج : لا عاد شوق حرمة وليدي
نوف خشت : لا حرمة وليدي انا
أماني معهم : لأ إنت ولا هي حرمة وليدي انا
إبتسام رزت حالها : احم احم
الثلاثي : تامري
باقي ضحك
إبتسام بغرور : هي البنت الوحيدة بين هالبزارين يعني نادرة وثمينه ادفعوا اخذوا
أماني كشرت : مالت عليك بعلم وليدي شلون يخلها تحبه
الكل فطس ضحك
إبتسام : يمه علي بنتي الله يحفظها ويحفظ قلبها من الحب
مدي : هههههه من وين لك هالدعوة
إبتسام : ههههه طلعتها اليوم
البنات : هههههههههه
هديل : الله يحفظها ويرزقنا بنات بجمالها
الكل بصوت واحد : امين
**************