[هاجر جوده]

الحمدلله والصلاة والسلام على رسول الله وعلى آله وصحبه أجمعين
كيف حالكم إن شاء الله دائما بخير ؟
وصلنا لنهاية 😭😭😭😭😭تصدقون مابي انزل البارت 😖😖😖بس لكل بداية نهاية
وان شاء الله يارب تكون نهايتنا نحن المسلمين حسن الخاتمه
اتركم مع اخر بارت من تجربتي الاولي حلم ألم أمل
متابعه ممتعه 🌹🌹🌹🌹🌹🌹🌹

النهاااااااااااية


إبتسام تطالعه وهي ميته خوف ورائد يطالعه بصدمة
الشخص شاف الكل يطالعه وإثنين واقفوا ولف علي إبتسام وإبتسم : السلام وعليكم
الكل مستغرب منه وإبتسام من ناظرها رجعت قعدت لو تمت واقفة كان اغمي عليها
رائد بصعوبة : وعليكم السلام
الشخص مش له : دكتور رائد شخبارك
الكل يطالعه ويطالع رائد
رائد يحاول يستوعب : هلا مشاري شخبارك
العيال طالعوهم
سامر فنفسه " كانو شايفه قبل "
مشاري : بالف خير يوم سمعت انو انت فيه حبيت اشوفك
رائد مش له : حياك تفضل
مشاري بهدوء : ليكون إيجت بوقت مو مناسب
اسامة قام : لا ابد تفضل حياك
مشاري إبتسم له : تسلم
طلال بغرابة : الحين إنت مشاري ولد الدكتور ابو مشاري
مشاري بهدوء : لا مشاري بس مو ولد الدكتور ابو مشاري
العيال والبنات إستغربوا
طلال إنقهر
فارس بهمس : منهو هذا
طلال بقهر : مشاري بس ابوه ابو حمدان
فارس مسك ضحكته غصب هو وفهد اللي سمعه
رائد ماعرف وش يسوي وطالع إبتسام وشافها منزلة راسها واضح عليها متوترة ولف علي مشاري وفنفسه " شي واحد ابي اعرف له جواب ..من وين تعرفون بعض انت وهو " : مشاري خلنا نطلع ونسولف برا
العيال بقبقوا
مشاري إبتسم : لا مو فاضي جبت شي بس معي لك
رائد : وش هالشي وبعدين من زمان ماشفتك خلنا نسولف شوي
مشاري عارض : لا إيجت إحتاجك خمس دقايق وترا زعلان منك
رائد بهدوء: تفضل حياك إقعد ونسولف
إبتسام ناظرت رائد بغضب
مشاري قعد ورائد جنبه وعطاه كيس : ليش فتحت معرض ومازرته
رائد إبتسم : السموحة حقك علي إنت تدري عندي شغل مرة ..بس تطمن روايتك قريتها
الباقي كانو عرفه
فارس بهمس : ليكون هذاك المريض
طلال : اتوقع هو
مشاري إبتسم : جد وش رايك فيها
رائد بهدوء : حلوة تستاهل تكون عمل فني
مشاري طالع إبتسام : تسلم ...شوف هاذي الرواية
إبتسام تطالعه وقلبها ينبض فيه كيمياء بينه وبينها الحين نبضات قلبها خوف او شنو هالانسان له مكانه الخاص بقلبها وهي ماتنكر ابدن هالشي
رائد فتح الكيس وطلع ثنتين
رائد نغزه قلبه : روايتين
مشاري لف له : لا هي وحدة بس ...بس مسودتين وحدة لك وحدة ل هذيك البنت اللي زارتني قبل
إبتسام نبض قلبها والكل ناظرها
رائد بصعوبة : وش كتبت فيها
مشاري بهدوء غريب : اقراها إنت وهي وعطوني رايكم انشرها ولا لا
رائد طالع إبتسام وبصوت هادي وفيه بقلبه خوف : ماقلت وش عنوان الرواية
مشاري لف علي إبتسام : الزمن يعيد نفسه وماضي ينبش ويصير حاضر ومستقبل
إبتسام وقفت بصدمة نفس كلام ابو بدر والكل طالعها
رائد بصعوبة : مشاري
إبتسام بغضب : المكان يتعذرك
الكل إنصدم منها واولهم محمد
مشاري وقف وبصوت هادي : ليش
إبتسام عصبت : برا يله
محمد عصب : ام سلمان
رائد وقف : مشاري السموحة بس تفضل إطلع
الكل إنصدم منهم
مشاري إبتسم بوجع " صار لقبك إم سلمان !؟ " : زين بس محتري رايك فيها إنت و البنت
إبتسام تحاول تتحكم بنفسها
رائد بهدوء : تطمن نحرقها قبل لنقراها
الكل إستغرب منهم
مشاري بصوت هادي : مافيه شي يوقف القدر
إبتسام ورائد بغضب وبنفس الوقت : والله العالم بالغيب
وطلعوا بعض والكل طالعهم
مشاري بهدوء : زين بعد سنين ونتكلم ...لف بيطلع
رائد بهدوء : نصيحة يامشاري
مشاري لف له بمعني شو
رائد بحزن : عيش بس اليوم ويومك إنت وبس
مشاري إبتسم نصف إبتسامة : ماحد قال لك تعالجني إنت وهي ...لف وعيونه غرقت دموع وطلع عنهم وخلي إبتسام فهول صدمتها هي ورائد والكل من كلامه وفنفسه " ذبحتني بزواجك ليش ياقدر مو لي انا ليييييييييش "
إبتسام تكسرت رجولها وقعدت بصعوبة " مشاري ليش ليش تنتقم او شنو ...مب إنت اللي تركتني مب إنت اللي تخليت عني مب إنت اللي قمت من نومي وماحصلتك ومب إنت اللي بكيتني وانا بزر ماتعرف في الدنيا شي غير وعودك لي زين ليش جاي الحين ليييييييش "
رائد يطالعها " ليلة زواجك من محمد قال انو يحبك ..فكرت ليلتها انو يبي يذبح محمد بس اجي يحضر عزاه وانت تروحين لغيره ..من وين تعرفون بعض عشان يحبك ويتعلق فيك ويكره حريم الكون من وين ...اللي اعرفه شافك مرة وحدة بالمصح ..ازين شلون يحبك شلوووون " كل هالاسئلة تدور براسه بس مافيه أمل يحصل لها جواب
إبتسام بحزن كبر السما : منهو قال لي اروح وش اخذني له ليش اروح ليييييش
الكل منصدم منها
محمد بهدوء : بسمة شفيك
إبتسام رفعت عيونها له : ماسمعته شقال الزمن يعيد نفسه
محمد : زين وش زمنه
رائد خش : قلت امس ماضي اسود واليوم اقول مستقبل اسود
الكل : اعوذ بالله
إبتسام تجمع قوتها وقامت : عطني احرقهم
رائد بغضب : انا بحرقهم تعبت منه ومن رواياته
اسامة عصب : وش فيكم عليه وبعدين وش يبي منكم
إبتسام غرقت عيونها دموع : اسامة هو مشعوذ
الكل رحمها
اسامة قام لها : وش شعوذته
إبتسام تبكي ومحمد وقف
إبتسام " محمد إحتوني خايفة يسرقني منك مثل ماسرقني قبل من الكل حتي من ابوي وامي " برجا : محمد تكفي رجعني للبيت تكفي
محمد مش لها وبحزن : شفيك ليش تبكين
إبتسام تبكي : الله يخليك الله يخليك
محمد رحمها وصار يمسح دموعها : اوكي اوكي تهدي بس تهدي
رائد مش عند باب الخيمة وشاف مشاري واقف مع حمد وخالد وشوق
رائد تنهد بالم : فهمت كل شي وليدي وولد بدر وبنت محمد
مشاري لف له ورفع إيده بمعني باي ولف وكمل طريقه بجسده وروحه تعلقت بحبيبة طفولته
محمد يحاول يخلي إبتسام تهدي
إبتسام هدت شوي : محمد رجعني للبيت
محمد مبتسم بحنان لها : اوكي قومي جهزي نفسك
إبتسام حست بشوية راحة : بالاول بعلمك عن شي
محمد قام : زين
إبتسام قامت معه وطلعوا لبرا ورائد رجع قعد مع الكل وماسك بإيدينه المسودتين
سامر مستغرب : رائد شفيكم علي المريض
رائد طالعه ويفكر وقال لهم إنو يقرا خطوط الايد ومشعوذ والكل يسمي بسم الله
عند إبتسام ومحمد بعدوا عن الكل وقعدت ومتمسكة في محمد
محمد بحنان : قلبي شفيك وش سالفته هذاك الرجال
إبتسام بصوت هادي : تتذكر قبل سنين يوم كنا بمزرعتكم وبعث لي دفتر مع ابو حمد
محمد يحاول يتذكر : ايوه
إبتسام قالت له وحكت له عن شلون قال بتسوي عملية وتنجح وشلون قال انو بتجيب بنت وتسميها شوق وشلون قال انو بتموت ببيت القديم وإنو عبد الرحمان يشوفها ام بدر
محمد يستغفر ويتشهد : خرابيط وشعوذة
إبتسام دخلت فحضنه : محمد لاتتركني بروحي زين انا اخاف هالمكان
محمد خاف عليها وضمها بإيده : انا معك ومارح اسمح لشي مو زين يصير لك
إبتسام تفرح ترتاح تطمئن مع محمد وبحب : مشكور
محمد : وش دعوة حبيبة قلبي وملكي انا
إبتسام إبتسمت غصب : ليش لعبة
محمد فرح وبمزح : ايوه لعبتي الحلوة
إبتسام غمضت عيونها " هو يقول دمية وإنت تقول لعبة " : وانا ابي اكون لعبتك الحلوة لك إنت وبس
محمد إبتسم وبتردد : زين وش كتب الحين
إبتسام فتحت عيونها وتطالع بعيد "الحين يقصدني او يقصد شوق ...أعرفه هو هذاك الولد الصغير اللي علقني فيه وراح وتركني " : مادري وش كتب
محمد حب ينسها : قومي جهزي نفسك نرجع للبيت وبقول حق رائد يرميهم
إبتسام تذكرت شي وحبت تنسي ماضيها البعيد ذكريات طفولة مع ولد تعلقت فيه بكل جوراحها بس تركها بروحها تبكيه ورجع ظهر فحياتها فزمن مو زمنه ماتنكر حبها ويحبها ويتم يحبها وحب محمد مايسوي شي عند حبه هو وماتنكر حبته وتعلقت فيه وكانت تقول له احبك بس محمد غير محمد الحبيب الزوج الحامي والحارس والدكتور : مارح ارجع لبيتك
محمد إستغرب : ليش
إبتسام بنص عين : قلت لكل طلباتي ماتخلص
محمد ضحك : هههههه زعلانة
إبتسام بزعل : مرة
محمد : تبين اراضيك
إبتسام بعناد : مابي رجعني لبيت ابوي
محمد مسك وجهها : بس انا اخاف يوم انام بروحي
إبتسام ماتته حيا : ماعلي منك رجعني لبيت ابو....
مامدها تكمل إلا محمد يبوسها
محمد بعد عنها وإبتسام موب قادرة ترفع راسها له
محمد مبتسم : اخر مرة اسمع بيت ابوي زين
إبتسام من حياها هزت راسها بإيه ومحمد فقع ضحك وهي دخلت فصدره وضربته بشويش وبعدها قاموا جهزوا انفسهم وركبوا سيارتهم ورجعوا للبيت ورائد بين نارين يقراهم ولا لا
^^^ بس إيش تتوقعون معقولة رائد بسكر دفتر الماضي تقرر له يكون صفحات المسقبل ....ومعقول عشق طفولي عاش لحد اليوم يموت بسهولة ...ومعقول إبتسام تتخلص من خوف ساكنها من عشرين سنة ...ومعقول وعد صادق من طفل مايعرف خبث وعدها فيه ينخلف ..اكيد لكل شي نهاية ولكل بداية خاتمة يمكن زينة ويمكن شينه
يوم وصلوا للبيوت وقت المغرب علي طول احمد خطب مني وهي وافقت والكل فرح وخاصة ام بدر فكرت مني مارح تتزوج بحياتها وطلال يقول لأحمد اثاري البنت كانت تنتظرك واحمد يضحك وهو بعد واحمد يوم شاف مني بالملكة قال زواجنا بعد اسبوعين والكل ضحك عليه بس هو من صدقه وحددوا زواجهم بعد ثلاث اسابيع من الملكة ومني مرة محتاسة ويوم يكلمها احمد موبايل تقول له لاتكلمني إلا بعد العرس بس احمد طول الوقت يتصل وهي ترد عليه والبنات قسموا الشغل بينهم وحتي لعيال
البنات شله الشوز وشله الفساتين وشله قمصان النوم وغيرها من الشغلات والعيال كروت الدعوة والقاعة والمعازيم وغيره من الامور مرت ثلاث اسابيع حلوة علي مني واحمد واحمد طول الوقت يقول لمني لو زعلانة مني علمني اراضيك ومني بعد
وطبعا الحب بعد الكره والعدواة بيكون حب عظيم وقوي
يوم الزواج يوم الحلم ..يوم الالم ...يوم الامل
زواج أميرة بسلطان زمن أسطوري وحب خيالي
زواج أحلام وردية بفارس حصانها الابيض
زواج بنت السعودية بولد نجدها وحجازها
كان يوم خيالي اسطوري إنحفر فذاكرة كل ابطالي
وتفرقوا بعدها اللي سافر لكندا واللي راح لأبها واللي هاجر لجدة واللي قعد بالرياض
المهم ....والاهم ...
تحققت احلامهم ...
وإنمحت الامهم ...
وتجددت امالهم ....
لانو الحياه عباره عن
حلم... ألم... أمل

ببيت ابو محمد الساعة 11:11 من الشهر 11 واليوم 11
نزلت إبتسام علي صوت رنين التلفون وكانت تشوف الوقت وإبتسمت وفنفسها " يقولون يوم يكون الوقت كذا معناه فيه اللي يفكر فيك بهذا الوقت ويحبك حب جم " شافت الخدامة بترد
إبتسام : خلك انا ارد ..جيب لي كوب قهوة ...وجهزي اغراض الطبخة للغداء
الخدامة : زين ...ولفت للمطبخ
إبتسام اخذت السماعة وبصوت هادي : الووووو
سكون
صمت
هدوء
إبتسام إستغربت : الوووووو
حب
الم
وجع
إبتسام بعدت السماعة : ناس فاضية
بقلب مرتجف : بسمة دميتي
إبتسام نبض قلبها وغمضت عيونها وحطت السماعة علي أذنها شخص واحد بكل العالم يقول لها دميتي وهمست بقلبها : م ...مشاري
مشاري غمض عيونه بألم وبوجع وبصوت حزين : رزقت ببنت وسميتها بسمة
إبتسام قلبها ينبض بسرعة تبي تسكر الخط بس مب قادرة تبي تكلمه بس مب قادرة
مشاري فتح عيونه ودمعة منه نزلت وبالم الدنيا : جبت لها هرمونيكا لونها ابيض مثل قلبك الابيض
إبتسام نزلت دموعها غصب ومنعت شهقتها بإيدها ودوخة قوية إجتها وألم حاد علي قلبها وماقدرت تنطق بحرف إلا شهقة وجع منها
مشاري بصوت دامع وعيونه تذرف دم ليش بعدوه عنها ليش سرقوه منها ليش خطفوه منها أخذ نفس قوي بتكون اول وأخر مرة وبصعوبة يقدر ينطق : أحبببك ..وعد...اوفى..بوعودي ..لك.....
طووووووووووووووط
اول ماكمل جملته وخلص كلامه وسمعت نهاية المكالمة طاحت السماعة من إيدها وفتحت عيونها وفقدت بصرها وحسها وسمعها وقوتها وطاحت علي الارض وهي تلفظ كلماتها العقيمة وانفاسها الاخيره : ليته ..ارجع ...بزر .....يامشاري
صار ظلام حولها وصار السواد يلفها

تمت بحمد الله
أنتظروني في الجزء الثاني بإذن الله

*********


وفي الاخير كلمة شكر لكل شخص قرا عبارة حلم ألم أمل
وكلمة مني لكلم
خلي عندك أمل
واجه الالم
عشان تحقق الحلم

إهداء
منكم يآ قلة من الناس تخللني الندم
نزل دمعي وبديت على هم
ومنكم ياكثرة من الناس غزاني الحلم
وأرتسمت بسمة علي هذا الفم
قالوا لا فائدة منه أنه كالذم
قلت حينها وعيني بها دم
وصري بأوصالي سم
مالي غير الامل
مالي غير الحلم
لحظة !!!!
هل تظنونني من تعليقاتكم سأبلم
لا أبدأ هاهو كلامي الآن يخرج من هذا الفم
ما قاله قلبي وخطه هذا القلم
لسطر من المعاني رسخت فيها قيم
وكتبت فيها مجموعه شيم
إنه خيالي والحلم
فكيف ؟!
هل تريدونه أن ينهدم ؟!
دعوه ليصل بدعمكم الى القمم
ويحطم رقما ليس بعده رقم
فلابد ان يتحقق الحلم
ويتلاشي الألم
ويتجلي الأمل
*
*
*
{ أستودعكم الله الذي لاتضيع ودائعه }