روحي ياشيخه الله يسعدتس على الإبداع اللي تبدعينه
تدرين انت اول كاتبه اللي تخالف توقعاتي في الأحداث وتعجبني
كثير روايات اقرأها الأحداث اتوقعها ويصيب التوقع
ولا تجيب احداث مالها داعي تخبص ابو الروايه وتخرب عليتس سرد القصه
انت احداث غير متوقعه ومع ذلك تعيشينا جوها ونحبها ودخلين جو لين أقول
الله وش توقعي الخايس عند حبكس اللي تهوس تعالي تعالي حبه على راستس
اول شي ربوع الف الف مبروك المولد وجعلتس تشوفينه دكتور آد الدنيا
نجي للأبطال واحد واحد
نوره وسياف ركود وحب العقال اقدر اسميه اثنين متقاربين في التفكير والعمر
الاحترام متبادل العلاقة راقيه الاثنين جداً يخافون على بعض يحترمون بعض
الأمن مستتب
سعود وهدباء ياشيب عيني من البنات هبلتي في الولد وأم الولد
وأمتس سدحتيها في المستشفى لا حيه ولا ميته
وخوتس جبتي له الهم وعقب ماتملكتي صار سعود وسعود
ومكالمات ودنيا
الصياح والهبال واللي سويتيه في الولد وشو هذا ليتس قدامي بس كان خنقتس
يغفرلتس عندي أنتس بنت الشيخ واخت سياف وبنت منيره يالله المحبوب في راحه
على العموم وسعي صدر سعود شيبت في الولد شابت عيون الظالم راح عمره يحتريتس
يعيني يعين على حب الشايب ولله ياصقر انك طلعت ابرك منهم كلهم
روح ياشيخ الله يعلقك في شفياء كمان وكمان ويعلقها فيك
تقديرك للبنت وحنيتك عليها هو اللي خلى شفياء تعطيك اكثر وأكثر وبلا حدود
وأنت بأشفياء متى جاتس ذا العقل تهقين حب الصقر كمل عقلتس
صدق اذا قالو الحب يسوي المعجزات ولا بزر حامل بتوئم وترعى عجوز مريضه و
7 أطفال اكبرهم مراهق وتقوم بحقوق زوج على اكمل وجه
وش أقول بس بنت الشيخ ماتطلع منها العيبة وش يكافئتس صقر فيه بس
جزلاء شوفي حياتس يابنت ولا تتوقعين انتس حبيتي كايد
الله يعافيتس وش اليوم الحلو بينتس وبينه وععع حياة شك ونكد
تعلق بصورتس بس الوقع غير لا تناسب ولا توافق
شخصية جزلاء الهاديه والرزينة تبي لها واحد مرح عقلاني مثل خلف
لايضيق صدرتس ياجزلاء ترا ماحبيتي كايد اصلن وش شفتي منه تحبينه
ومجرد ماحكت له عن سالفة عمها مع انه ماصار شي ولا لها ذنب عافها وطلقها ولان جزلاء بنت شيخ وبنت أصول بقت على امل يردها لانها أصيله
جزلاء الخير مقبل بأذن الله وبيخلف الله عليتس بخلف كايد ماتدرين عنه بيمشي ولا بيصير معاق وزين انها جت منه المسقبل قدامتس يبنت وخلف هو المستقبل
ودي اهذر وهذر وهذر ممتع الكلام في الأبطال وخاصه مع الحجر الله يفرج عن الأمه البلاء ويزينها يارب من عنده
في الانتظارتس ربوعه 💗💗💗
|