البارت الثاني
الام : عسى... ايش رايك نأخذها المستشفى شوف الجروح اللي فيها
الولد: يمه بس نحنا م نعرف من هذه البنت كيف نأخذها المستشفى
الولد ٢: صدق يمه بعدين شي إجراءات وقوانين هناك
الام : نخبرهم باللي صار وخلاص
الاب: رايك
الام: ايوه
الولد ١: بس يمه....
قاطعته: لا بس ولا شي نتوكل على الله يعني اذا صار للبنت شي لا قدر الله ايقولوا منا نحنا احسن نوديها المستشفى ونقول الصدق
الأب: أيوه معك حق يالله يا اولاد جهزوا الاغراض نروح
رائد وناصر: إن شاء الله أبويا
جهزوا الاغراض وراحوا المستشفى سيده
أول ما وصلوا نادي: حالة طوارئ حالة طوارئ ركضوا الممرضين بسرير إلى السيارة ونقلوها فيها داخل المستشفى
راح الأب قسم الاستقبال وخبرهم لازم يتصلوا على الشرطة عشان البنت حصلوها وخبره السالفة كلها اتصلوا بالشرطة وجات الشرطة على المستشفى
طلع الطبيب من عندها راحوا بسرعة عنده: ايش تقربوا للبنت
رائد: صراحه يا دكتور نحنا حصلناها كذا وسوينا خير جبناها المستشفى
ناصر: لو سمحت ممكن نعرف ايش فيها
الدكتور: انتوا تعرفوا الإجراءات اللازمة مثل هذه الحالات م يحتاج أخبركم عنها بس البنت صار معها حادث والضربة جات ف رأسها وعاد الله يستر بالباقي
ناصر ورائد ف نفس الوقت:ايش!!!
الطبيب: مثل م سمعتوا عن اذنكم وصح لا تروحوا من المستشفى لحد ما تجي الشرطي وتخلصوا الإجراءات
هزوا رأسهم بايوه
جاء الاب راشد: خير ايش قال الدكتور
رائد: أبويا.... البنت صار معها حادث
الاب: لا حوله ولا قوه الا بالله
ناصر: ايش نسوي الحين
راشد: اتصلت الشرطة وبعد شوي اتوصل
رائد: طيب
جلسوا ف كراسي الانتظار لحد ما تجي الشرطه
كانت تحط المحلول الثاني ف يد البنت بدت تفتح عيونها شوي شوي وغشاوة بيضاء ف عيونها ورجعت تغمضهن مره ثانيه بقوة وآنت بخفيف
الممرضة: حبيبتي صحيتي ازيك!!
البنت المجهولة: وين أنا !! ومن انتي؟؟
الممرضة: حبيبتي انتي ف المشفى
البنت المجهولة: من إللي جابني هنا كيف وصلت هنا
الممرضة: حصلوكي غميانة وجابوكي عالمشفى دخل الدكتور ف هذه اللحظة: هاه مريضتنا صحت
البنت تتكلم وم قادرة تفتح عيونها بسبب الضوء اللي يجي ف عيونها: من أنا ..و....وين اهلي
الدكتور: لو سمحتي افتحي عيونك
البنت : ما....ما قادرة والله شي ابيض فيها
بعد الدكتور الليت عنها وقالها: الحين جربي فتحي عيونك لا تخافي
بدت تفتح عيونها شوي شوي
الدكتور: أيوه يا شاطره كذا حلو
فتحت عيونها العسلية الناعسة وفي عيونها لمعة خوف وحيرة وبراءة ف نفس الوقت
سألها: تتذكري ايش صار معك وكيف جيتي هنا
هزت راسها بلا والغصة تخنقها
قال: طيب الحين أسألك وجاوبيني
البنت: طيب
بدأ يسأل: ايش اسمك تعرفي!! اذا م قدرتي تجاوبي حركي راسك بس
حركت رأسها بلا والدموع تتجمع في عيونها
قال: طيب السؤال الثاني تعرفي اهلك اخوانك أو تتذكري اي حد
مسكت رأسها بقوة من كثر الصداع اللي جاها وصرخت: اخ راسي اهلي وين اهلي من أنا من اااانا وهي تصيح بشكل هستري م اعرف شي م اعرف شي إلى م تلاشى صوتها عطها إبرة مهدئة وقال: إذا صحت خبريني راقبيها
الممرضة: حاضر دكتور
كتب ف الورقة وطلع من الغرفة الموجودة فيها
وصلت الشرطة عند اللي حصلوها: السلام عليكم
وقف الرجال الكبير: وعليكم السلام ورحمه الله وبركاته
الشرطي: لو سمحت انت اللي حصلت البنت
جاوبه: ايوه انا واولادي
وصل الطبيب عندهم وم تكلم لما شاف الشرطة
الشرطي: نبغى نستجوبك بخصوص موضوع البنت لو سمحت
راشد: إن شاء الله ونحنا جاهزين أنا والاولاد
الدكتور: لو سمحتوا أنا دكتورها اذا ممكن تفضلوا ف مكتبي عشان تكملوا التحقيق
راحوا مكتبه ودخلوا
تكلم الشرطي: لو سمحتوا جاوبوني بكل الأسئلة بدون زياده ولا نقصان
راشد وأولاده: إن شاء الله
الشرطي: ايش اللي صار بالضبط ممكن اعرف من اول م حصلتوا البنت
ناصر: هي اللي جات عندنا م حصلناها نحنا
راشد: أيوه يا شرطي هي اللي جات كنا جالسين نحنا والأهل..... الى م جبناها هنا
الشرطي: م قالت شي لما وصلت عندكم
رائد: لا م قالت بس اظنها قالت إنها تريد تشرب
الشرطي: أها وجلس يكتب ف دفتره. الحين نروح نستجوبها
قاطعه الدكتور: لو سمحت ممنوع استجواب المريضة
الشرطي: هذا شغلنا يا دكتور وانت أظنك تعرف القوانين في هذه الحالات م يحتاج اذكرك
الدكتور تكلم بجدية: وهذا بعد شغلي أخبركم مهما سالتوها م اتحصلوا على إجابات
قطب حواجبه: ايش!!!
رد : لأنها البنت فاقدة الذاكرة
أنصدم الكل: ايش!!!!
راشد: لا حوله ولا قوه الا بالله إن لله وإن إليه راجعون
كمل الدكتور: البنت صار معها حادث وف نفس الوقت تعرضت لصدمة من اللي شافته اتوقع اثر عليها وهي كانت منصابة ف رأسها مما أدى إلى فقدانها لذاكرتها يعني يا حضرة الضابط مهما سالتوها م اتحصلوا على إجابات منها ونحنا بصراحه م نريد ترهق تفكيرها
الشرطي: طيب والايام الجاية كيف
رد الدكتور: صراحه مثل حالتها صعب ترجع لها ذاكرتها بسرعه لانه م تعرف من أهلها وحصلوها ف مكان مجهول عشان كذا راح يستغرق الموضوع مدة طويلة م نقدر نحدد كم
ف مكان ثاني
ف قسم الشرطة
رن تلفون مكتبه: الوو السلام عليكم
رد : وعليكم السلام ورحمه الله وبركاته
الطبيب: طلعت النتائج
الضابط: كيف من اسم الشخص
الطبيب: ناصر بن .....
الضابط: طيب شكرا
الطبيب: ولو ف أمان الله
الضابط: مع السلامه سكر التلفون محمد يا محمد
جاء محمد وحي الضابط بالتحية العسكرية: نعم سيدي
الضابط: دور على ارقام اهل الناس اللي صار لهم الحادث وجيبه
الشرطي محمد: حاضر سيدي وحياه مره ثانيه وطلع
راح يدور على ارقام لحد ما حصل رقم أخوه ورجع بعد نص ساعة دق الباب
الضابط: تفضل
دخل محمد: حصلت رقم أخوه تفضل
خذه الضابط: طيب شكرا فيك تروح الحين
محمد: طيب ورفع يده يحيه وطلع
الضابط: أسوأ موقف لما تروح تخبر حد أنه متوفى عندهم أحد م تعرف ايش ردت فعله الله يصبرهم يا رب توكل على ربه واتصل على الرقم
ف نفس اللحظه
مكان ثاني
جالس يوقع أوراق رن تلفونه: وقته الحين ف عز الشغل ترن رد بدون م يشوف الرقم: السلام عليكم
الضابط: وعليكم السلام
....عفوا من معي!!
الضابط: معك الضابط فيصل من قسم شرطة...
اعتدل ف جلسته: خير إن شاء الله اللهم اجعله خير
الضابط فيصل: ممكن تتفضل معنا مركز الشرطة
...ما يصير أنا واخوك اجي كذا من غير لا اعرف السبب وقلبه يدق بقوة
تنهد الضابط: لو سمحت انت تعرف أنه كلنا رايحين من الدنيا
.... اخوي ضغطي ايرتفع وانت تزيده جالس ايش صاير الله يهديك
زفر الضابط ورد بعد م استغفر ربه: البقيه ف حياتك اخوي ناصر اخوك عطاك عمره
....ايش!!!!!!!! طاح التلفون من يده وارتد ف كرسيه ف اللحظه اللي دخل ولده وشاف حالته
... ابويا اشفيك شو صار وشاف التلفون ف الأرض وشله ورد:: الوووو
الضابط: السلام عليكم
الولد: وعليكم السلام خير عسى م شر
الضابط: الاخ ناصر عطاك عمره لو سمحتوا تعالوا عشان تشلوهم
رد ودموعه تنزل وحدها: إن شاء الله وسكر التلفون جلس عند أبوه اللي بدا يصيح ويقول: اخ يا خوي رحت اخ رحت عنا رحت
الولد: ابويا قول إن لله وإن إليه راجعون
الاب: إن لله وإن إليه راجعون لا حوله ولا قوه الا بالله لا حوله ولا قوه الا بالله
حضنه الولد وهو دموعه تنزل بغزارة وباس رأس أبوه
الاب: ولدي خبر ولده اللي ف الكلية وانا أخبر الغيره
الولد : بس يبه كيف انقله الخبر
الاب: انت تعرف يا ولدي انت تعرف وهو يمسح دموعه اللي نزلت من عيونه
الولد: إنشاء الله وطلع من عند أبوه وصادفه ف الممر أخوه الثاني: يا ولد اشفيك
الولد الاول: توفى ووقف وهو الغصة خانقتنه من الحزن اللي ف قلبه
الولد الثاني: من اللي توفى تكلم
الولد الاول: عمي ناصر ومشى عنه وهو يكلمه روح شوف ابوي ف مكتبه
وهو واقف من الصدمة من سمع الخبر تحرك مكتب أبوه
الاب: اتصل على ولد عمك وخليه يجي أنا وابوك
الولد الثاني: إن شاء الله
الولد الاول محتار كيف يخبره وف نفس الوقت حزنان اتصل عليه بعد م صفى صوته: الوويا أبو الشباب وينك فيه
رد عليه: ف الكلية وين بعد
الولد الاول: فاضي الحين
قال: ايوه بس نص ساعة
قال الولد: الحين جاينك ابغى شي من عندك لا تدخل المحاضرة ف الطريق أنا
قال: طيب انتظرك وإذا تاخرت اتشوف ادخل بدون م انتظرك
الولد: يا ويلك ربع ساعة وانا عندك
رد : طيب انتظرك وسكر التلفون
قال وهو يصحح الاوراق: والله هذيلا الطلاب اللي يفروا العقل دار راسي من إجاباتهم
رن تلفونه وقال: الله جابك يا ولد العم ورد عليه: الوو
ولد عمه: السلام عليكم بعد م تأكد أنه م يعرف شي
قال: وعليكم السلام تصدق اللي جابك حاس فيني جننتني هذلا الاوراق
ضحك غصب عنه: الله يعينك على م ابتلاك
رد: آمين يارب الله يسمع منك الا م قلت ليش متصل
ولد عمه: صح ابوي يبغاك الحين ضروري تفضل معنا في البيت لو سمحت يعني
قال: وانا ابغاها من الله الحين جاي ١٠د وأكون عندكم
ولد عمه: طيب مع السلامه وسكر
جمع أوراقه وراح لبس دشداشته وطلع متوجه بيت عمه
الولد الثاني: خلاص خبرته ١٠د ويكون هنا
تنهد الاب: انت تجهز عشان نروح هناك أنا خبرت عمك والحين جاي هنا
الولد : طيب وطلع عشان يتجهز
الاب: الله يعينك يا ولد اخوي الله يرحمك يا خوي رحت فجأة كذا وتركت اولادك وحدهم الله يرحمك ويسكنك فسيح جناته يا رب
وصل بيت عمه بعد ١٠د تقريبا
دق الباب وفتحله الحارس الباب دخل داخل البيت
طلع من مكتبه اول م حصله واصل: نايف
نايف: هلا عمي
عمه: تعال المكتب هنا
نايف: إنشاء الله
دخل مكتب عمه وجلس على الكرسي
العم: م كلمك ابوك ولا اتصل فيك
نايف: لا م كلمني ليش بغيت شي عمي
رجع ظهره على الكرسي: أسمع يا ولدي انت اكبر اخوانك وعارف هذا الشي حتى لو كانت البنت اكبر بس الولد اولى عشان كذا أبغاك تسمعني
نايف: خير عمي وليش هذا الكلام.....؟!
انتهى البارت توقعاتكم