[لامارا]

البارت السادس


ريمان : اقول خلا ندخل داخل قبل لا تجي ....
صرخت : بناااااات
رفعن اللبس وانطلقن يركض داخل
بلقيس: الله يلعن بليسك سمعتك شكلها
ريمان : ايش اسوي اذا أذنها ما شاء الله مال فار
وصلن الغرفة وسوين نفسهن نايمات عشان اذا دخلت تحصلهن نايمات دخلت عليهن وشافتهن نايمات 🤭سكرت الباب وطلعت اول م طلعت تنفسن الصعداء
صفاء: اوووف حسيت النفس انقطع عندي
ريمان : سكتي كنت امووووت من الخنقة مسوتنا رعب هذه 😫
أرجوان: واجب الله يعين بس
ريمان : دام انا هنا م اخليها تتحكم فيني كذا مهمتها هنا تهتم وترعى م تتشحط علينا كذا
جمان: شكلك ناويه نية
ريمان : لا ابد بس م احب حد يتدخل فيني
جمان: اهاه
بلقيس: صح بنات باكر السوق خلا ننام عشان نصحى من وقت
صفاء: ايوه صح تصبحن على خير
الكل : وانتي من أهله
تذكرت ريمان وقالت ف نفسها : صح باكر ايجي حسان كيف اروح أنا برايه اهم شي اشوف ايش يريد م يهم السوق نامت بعد م خلصت التفكير






يوم الجمعة الصباح
الساعه ٩:٣٠


فاطمة: بنات خلصوا عشان نروح
دخل: السلام عليكم
الكل : وعليكم السلام
مريم: أخبارك دكتور
أرجوان تكلم بلقيس بصوت خفيف : شوفي التملق هناك اوووف اكرها 😖
الدكتور: الحمدلله تمام اخباركم انتوا
مريم : الحمدلله طيبين طاب حالك
حسان : شكلكم طالعين آسف عطلتكم
فاطمة: ايوه طالعين لانه هذا اليوم عطلة اللي نطلع فيه الأطفال بي اذا تريد شي ماهر شوي
حسان : لا لا عادي أنا ارجع بوقت ثاني لاني كنت ابغى ريمان
ريمان : لحظه دكتور ...فاطمة أنا م اجي
حسان : بس ...
قاطعته وتقدمت منه وباست رأسه: م تبغى اطلع الحين
فاطمة: دام كذا اخلي حد يجلس هنا
حسان : لا م في داعي لاني اطلع م نجلس ف الدار
فاطمة : طيب
مريم : تريدي شي ريمان من السوق
رفعت صفاء حواجبها 🤨
ريمان : لا شكرا درب السلامه
طلعوا الكل وحسان وريمان راحوا ف السيارة والباقي راحوا عشان رحلتهم
جمان: صحيح الدكتور طلع مزيون
بلقيس: بس نفس ما قالت ريمان هو مثل اخوها م شوفيتها لما راحت ابوي رأسه
ارجوان: صح كلامك
صفاء: الحين سكتوا كلكم
سكتن طول الطريق





ف سياره الدكتور حسان
ريمان : شو أنجلس ساكتين كذا
حسان. :لا بس نوصل على المطعم بعدين نتكلم احسن
ريمان : طيب ايش علينا ننتظر بس الصبر ينقذ معي انبهك
ضحك حسان : الصبر ٥د وواصلين بعدين صح ليش م قلتي انكم اتطلعوا
ريمان : لاني ابغى اعرف الموضوع عشان كذا م بغيت اروح معهم برايه مره ثانيه
حسان : اها طيب انعوضك
وصلو المطعم
حسان: وهذا وصلنا نزلوا من السيارة وراحوا يجلسوا ف طاولة طلبوا اكل بعد م طلبوا قال : ريمان أنا كلمت حد عن حالتك
شافت عليه بمعنى كمل
كمل: ونصحني بشئ أسويه عشانك وصراحة عجبتني الفكرة
قالت : ايش هي ؟!!
حسان : تروحي تسوي عمرة
ريمان : حلوه الفكرة بس الفلوس كيف
حسان: لا تحاتي اعرف شخص اذا خبرته عن حالتك بيتفهم وضعك وهو متعود يعطي الأرامل والأيتام والمحتاجين عمره مجانية عاد اذا سمع قصتك اكيد ايوافق بس رايك انتي ايش عشان أخبره
ريمان مترددة : اتمنى من زمان اروح العمرة صراحه فرصة م تتعوض بس الدار
قاطعها: الدار م لهم دخل فيك نحنا متفقين معهم
ريمان : دام كذا خلاص موافقة
حسان : عمره مقبوله مقدما ودامنا طالعين خلا نشتري تجهزي أغراضك للعمره
ريمان : طيب وهناك ادعيلك بالزوجة الصالحة ⁦☺️
حسان: لزوم تدعي ولا ازعل منك
شدت على يده بقوة : تأكد م راح انسى معروفك معي طول عمري
اشر على عيونه: واجبي كدكتور بس رديها ف افراحي وخفي علي شوي ترى استحى 😊
ضحكت: إن شاء الله من عيوني
حسان: ترى اذا جلسنا كذا م نخلص كلام
ريمان: خلا ناهضه بس اكمل هذه
حسان: لا حول يا جرسون جرسون
الجرسون: yes sir
حسان: حط هذه لو سمحت ف براسل
الجرسون م فهم عليه : what???
حسان وهو يضرب جبهته:اوه نسيته هذا م يفهم put this food in the parcel please
الجرسون:ok one min راح يسويه ف براسل
حسان: وهذا سويوه ف براسل عشان تاكليه ف السيارة
ريمان: كان م في داعي بي دام وصل خلا نمشي
حسان : خلا
مشوا طالعين من المطعم






جالس ف كرسيه يشوف الاوراق دق الباب: تفضل
دخل: تحياتي سيدي
رفع رأسه : صار شي
قال: لا بس ف رجال يريد يكلمك
رد : خليه يدخل
...: طيب طلع من المكتب وجلس يرتب الاوراق
دخلوا: السلام عليكم ورحمه الله وبركاته ومد يده
صافحه : وعليكم السلام ورحمة الله وبركاته اخباركم نايف ونواف صح
قالوا: ايوه صح نحنا الحمدلله بصحة وعافية انت اخبارك
فيصل: الحمدلله قالي محمد أنه رجال واحد
نايف: برايه نحنا عندك الحين
نواف: كيف بخصوص اختي شي اخبار عنها
فيصل: صراحه م شي لو كان شي كنت خبرتكم
رن تلفونه: لحظه شوي
نواف: خذ راحتك
رد : الووو مرحبا
خالد: اهلين سيدي جات اخبار جديده
فيصل: ايش بشر
خالد: حصلنا .... وبعد التحليل طلع للبنت
فيصل فرحان : زين اخبار حلوه وهو يشوف على نايف ونواف طيب طيب مع السلامه
شاف على نايف ونواف : سبحان الله الله جابكم ف وقته
نواف: ايش بشر ؟!
نايف: عسى اخبار حلوه
فيصل وهو يخلي يده قدامه : الحين اتصل علي الضابط خالد وقالي أنه حصل شيلة تخص اختك بعد م تاكدوا منها
نايف وهو طاير من الفرحة : حلو والله الله يبشرك بالخير
نواف: يعني شي أمل
فيصل: اكيد ومحد يفقد الأمل بالله
نواف: الحمدلله
نايف: والحين كيف
فيصل: الحين ندور عليها ف المكان اللي حصلنا فيه الشيلة ونسأل اللي موجود هناك
نايف: ممكن تعطينا اسم المكان عشان نروح نشوف
فيصل: اكيد اسمه وادي ....
نواف: شكرا تعبناك معنا
فيصل: ولو واجبي
نواف وهو ينهض هو ونايف : عيل نحنا بنروح الحين سلم عليه : نشوفك بوقت ثاني
فيصل: على خير




ف السوق الساعة ١٠


ارجوان: يا حظها ريمان افتكت
صفاء: ايش قصدك؟!
أرجوان: قصدي أنها افتكت من مريوموه هذه اللي ناشبه ف حلوقنا عظم هنا والله وهي ماسكه عنقها
جمان: صراحه اتمنى كنت لو الدكتور قالي أنا اللي اروح معه
بلقيس: مسكينات تحلمن واجد
صفاء: صح أنها حظها أنها افتكت من مريوموه بس البنت تعاني وتحتاج هذا الشي ف هذه الفترة
بلقيس: صح كلامها صفوي
أرجوان: جمون اسمعي الكلام وخلي عنك هذا الكلام
جمان: اسمع من يتكلم م كأنها قالت وحدها كذا وهي تشوفها بنص عين
بلقيس: الحمدلله انها قالت تروح مع الصغار ولا معنا فديت فطومة حبيبتي 🥰
ارجوان: الحمدلله انها تحب الصغار وتكرهنا نحنا
صفاء: صدق والله هذه وحدها نعمة ولا مساكين الصغار كانوا
جمان: خلا نخلص نشتري
أرجوان: يلا انطلاق last go



ف السيارة وهم راجعين البيت
نواف: خلا اتصل بفرح ابشرها تنتظر الحين
نايف: ايوه صدق بس نحنا قلنالها تجي عشان نرتب الاغراض
نواف: اوك عادي وين المشكلة احسها مسكينه شايله هم
نايف : ايوه صحيح اتصل الحين


داخله البيت وسمعت تلفونها يرن ردت: الووو
نواف: هلا الغالية. اخبارك
فرح: الحمدلله وانت اخبارك
نواف: الحمدلله طيب
فرح: شكلكم م في البيت طالعين
نواف: شوي قلنا لحد م تجي نواحي راجعين
فرح: والحين وين نايف معك ؟!

نواف: ايوه لحظه اسوي سبيكر الحين يسوق
فرح: اوك
نايف: هلا فروحة واصله البيت
فرح: ايوه
نواف: اسمعي عندنا لك اخبار حلوه
نايف: ايوه
كمل نواف يسبق أخوه: أنا أتكلم وس انت اسكت
نايف: تكلم يا البزر 😒
فرح: حصلتوها وهي فرحانة
نواف: صراحه هي م حصلناها بس حصلنا شي يخصها يعني شي أمل
فرح: الحمدلله لك يارب الحمدلله متى توصلو البيت
نواف: قريب قريب ونوصل
فرح: طيب ديروا بالكم أنا انتظركم ف البيت
نايف: فروحه وحدك ف البيت
فرح: لا لما شفت محد ف البيت خليت احمد يجلس معي
نايف: زين سويتي
نواف: يالله الحين أسكر أشوفك ف البيت
فرح: ف حفظ الرحمن






تنتقل من محل لمحل تشتري الاغراض: الحمدلله خلصت
حسان: متأكدة م مشتريه كل الأغراض اللي ف السوق 😏
شافته بنظرة ولافه بوزها: تتمسخر 😒
حسان: لا بس ما شاء الله الاكياس
ريمان : اذا م قادر تشلها جيب أنا وحدي اشلهن
حسان: امزح اشفيك ريمان
ريمان: طيب خلا نرجع
حسان: اوك بس اذا م حصلنا حد هناك نروح بيتنا اشرايك
ريمان : شوووو لا م يستوي
حسان: ترى خبرتهم عنك وعاد اختي تريد تتعرف عليك
ريمان: بس فضيحه
حسان: لا فضيحه ولا شي
ريمان وهي تفكر : طيب م الحين مره غيرها م مستعدة الحين
حسان: طيب براحتك بس اذا م حصلنا حد هناك م اخليك بروحك هناك
ريمان وهي مبتسمة: وديني البحر هناك نتغدى 😊
حسان وعجبته الفكرة: والله فكرة حلوه من زمان عنه البحر بس تم
وتوجه على دار الايتام ولما وصل م حصل حد.: هاه خلا البحر وعاد نرجع بعدين
ريمان: طيب سرينا
مشيوا البحر واشتروا الغداء وراحوا يجلسوا عند البحر




نرجع لبيت ناصر

وصل البيت الساعه ١١ تقريبا
فرح: الحمدلله على السلامه
نايف ونواف: الله يسلمك
فرح: خبروني ايش صار بالتفصيل
جلسوا يشرحوا لها كل السالفة
فرح: الحمدلله والشكر لك يارب الحين اروح اسوي الغداء بعدين نبدأ شغل
نايف: لحظه لحظه وين رايحه نحنا متفقين أنا ونواف الغداء على احمد صح لاه وهو يغمز له
احمد: يا سلام فكرت اتقولو الغداء علينا يعزموا على حسابي
نواف: افا م هجيتك بخيل كذا طول عمرك كريم
احمد: كريم بس لا تعزموا على حسابي
فرح: ايوه صحيح كلامه حمودي
نايف يشوف أخته بنظرة مكر: حمودي أجل هاه 😏 تدافع عنه ونحنا مساكين 😞
فرح: م تهونو بس كلكم عليه اشوف
نواف: نمزح نحنا الغداء خلاص ف المطبخ م نتعبك
فرح: حلو عيل اشرايكم نروح نشتغل الحين قالتها وقبلها عورها
سكتوا نايف ونواف: طيب خلا مشيوا عشان يرتبوا الاغراض وف نفسهم م يريدوا يشوفوها عشان م يتذكروا أهلهم بس م شي حيلة عندهم غير كذا
فرح: أنا بروح غرفة وبلعت ريقها امي وأبوي وانتوا الباقي
احمد ونواف ونايف ف نفس الوقت: لا
شافت عليهم مستغربة: ايش لا
نواف: شوفي أنا ونواف اغراض... اغراض اخوي وانتي وأحمد أغراض اختي بعدين كلنا غرفة.... غرفة.. غرفتهم والعبرة خانقتنه
فرح والرؤية مشوشه عندها بسبب الدموع المتجمعه فيها: طيب راحت غرفة أخواتها عشان يرتبوها اول م وصلت غرفة أخواتها كانت ايغمي عليها بس احمد سبق ومسكها
احمد: حبيبتي خليك قويه انتي أقوى من كذا
فرح وهي تمسك دموعها قبل لا تنزل: شو اسوي راحوا كلهم مره وحده 😭😭💔
احمد: قضاء وقدر ما نقدر نرجع الماضي وم يجوز نجلس طول عمرنا حزينين هذه سنة الحياة
نزلت راسها متفهمة وعارفه كلامه بس م بيدها: طيب خلا نبدا عشان نخلص
سحبها من يدها وبدوا يرتبوا


ف الغرفة الثانية

غرفة نواف وأخوه الصغير المشتركة مسك لبس أخوه واستنشق ريحته: يعني خلاص الحين م راح اشوفه ابدا
نايف: الله يرحمهم مطلوب منا ندعيلهم الحين
نواف: الله يرحمهم ويغفر لهم يا رب خلا نخلص عشان باقي شي
نايف: والمرحلة الاصعب 💔
نواف: الله يعين الله كريم




ف السوق بعد م خلصوا مشترين
مريم: يالله يا حلوين الحين وقت الغداء
رياض: هاااااي وناسه من زمان جوعان
ضحكت فاطمة: من سنة كم
رياض م فاهم عليها: هاه م اعرف ايش سنه
تقربت مريم وجلست مقابلته: ولا شي يا بطل الحين نشتري لك الأكل اللي تحبه
راحوا كلهم المطعم عشان يتغدوا



عند البحر

ريمان كانت تفكر وقالت: دكتور الحين تقول اني اروح العمرة بس اكون وحدي كيف ادبر اموري
حسان: لا تحاتي انتي روحي وصاحب الحملة والناس الموجودة هناك اتهتم لا تخافي
ريمان : بس بعد فضيحه وانا اخاف
حسان: شوفي لو م أثق في صاحب الحملة كان م اخليك تروحي وانا ترى رحت قبل معه رجال والنعم فيه اعرفه يعني انتي ف أمان تكوني معه وانا أخبره م شي خوف يعني
ريمان: طيب
حسان: صح واخليكي تشوفيه وتتعودي عليهم لأنه هوا المسؤول عنك هناك يعني ايكون ولي امرك هناك أي شي تحتاجيه خبريه هوا ولا أخوه وما يقصروا معك صح أنا م خبرته بعد بس متأكد أنه ايوافق
ريمان: وانا فكرت خبرته وعاد الأغراض جاهزة وكل شي ايش اسوي اذا م وافق
حسان: تفائلو بالخير تجدوه قلتلك الرجال م يردني وخاصة إذا عرف سالفتك
ريمان: طيب
حسان: ايوه والحين أرسله عشان افاتحه بالموضوع
ريمان: ايوه احسن من الحين عشان م أفقد الأمل يلا نروح الدار يمكن رجعوا
حسان: تمام خلا خلصي عشان نروح
ريمان: مخلصه أنا نمشي وهي تنفض ملابسها من الغبار
حسان: يب روحنا



بعد م خلصوا متغدين راحوا الدار راجعين الساعه٣ ظهر وصلوا كلهم وناموا وريمان وصلت ونامت من التعب اللي فيهم



ف بيت ناصر

خلصوا مرتبين غرف إخوانهم وتقدمت فرح تسبقهم غرفة امها وأبوها اول م فتحت الباب وصلتها الريحة اللي تذكرها بأمها وأبوها تعرفهم وتميزهم بهذه الريحة طاحت ف الأرض وانفجرت دموعها بعد م كانت ماسكتهن: آه امي أبوي والله اشتقت لكم والله
راحوا نواف ونايف وأحمد يركضوا لما سمعوا بكائها ومسكها نواف لانه اول واحد فيهم وحضنها: اااش فروحه خلاص
وهي تصيح وتتشبث فيه بقوة: والله فكرت حلم انام واحصلهم قدامي بس طلع م حلم م حلم وهي تضرب اخوها ف صدره
بعد احمد نواف وراح عندها ونواف انهار نفسها حط يديه ف وجه وجلس يصيح ونايف رجع ظهره بقوة ف الباب ودموعه تنزل من غير لا يحس
احمد: بس يا فرح طول عمرك قويه شو صار لك الحين شوفي اخوانك ايش صار فيهم هم اللي باقين لك ألحين لازم تكوني معهم وانتي قويه وصابرة
رفعت راسها تشوف إخوانها كل حد ف جه ويصيح
مسح نواف دموعه ورفع رأسه لها: فروحه الغالية م يصير اللي تسويه ف نفسك انتي م بروحك حد وياك شو نسيتي أنه يأثر على الجنين واعتقد عاد ف شهرك فوق صح ولا غلطان أنا
نايف: ايوه صدق كلامه نواف كلنا رايحين من الدنيا محد باقي وهذا يومهم هم السابقون ونحن الاحقون
فرح وتمسح دموعها بقوه اللي خانتها: اللهم لا اعتراض اللهم لا اعتراض خلا نرتب عشان نلحق ناخذهم عشان يوزعوهم
احمد: ايوه بس شدوا الهمة انتوا حاولوا بقوة ارجوكم
شافوا عليه ونزلوا رأسهم




عند حسان اتصل على صاحب باص نقل العمرة: السلام عليكم سلطان
سلطان: وعليكم السلام ورحمه الله وبركاته
حسان: هاه قريت الرسالة
سلطان: ايوه شو ناوي تروح العمرة
حسان: لا لا فهمت غلط م أنا ناوي حد يروح ثاني
سلطان: ايش رايك اشوفك الحين قريب منكم مال ٥د
حسان: حلو انتظرك
سلطان: يالله مسافة الطريق وعندك
حسان: طيب درب السلامه
وصلو عنده: هلا دكتور
حسان: اهلين فيكم نورتوا اخباركم
يوسف: النور نورك شيخ الحمدلله تمام اشحالك انت
حسان: الحمدلله طيب بغيتكم ف موضوع عشان بنت تريد تروح العمرة ومحد معها
سلطان: كيف محد معها
حسان: البنت فاقدة الذاكرة بسبب صدمة نفسية وحادث واهلها م معها وعاد أنا اقترحت عليها تروح العمرة وجيت خبرتكم عشان اذا تروحوا قريب واذا ممكن تكونوا المسؤولين عنها وانا م جيتكم الا اني واثق فيكم
يوسف: حي الله فيها والله ولا يهمك يا ريال
سلطان: خليها تجي ولا تحاتي بالمبلغ علينا وبعد اسبوعين بنروح إن شاء الله
حسان: والنعم فيكم والله بس لازم تتعرفوا عليها لأنها تخاف شوي
يوسف: إن شاء الله انتعرف عليها
حسان: بس تم حلو


ف دار الايتام وقت الليل يوم الجمعة دخلت عليهن وهي متنرفزة: م تشبعن سوالف يالله يالله امشن
ريمان: يا شين الأسلوب ترى امانة عندك تعرفي ايش يعني أمانة ولا اشرحلك
مريم: شوووووو



انتهى البارت توقعاتكم 😊