ينطيك گلبك نفترگ
وبس ب الاحلام تشوفني ??
،،،،،،،،،،،،،،،
#جبروت_الشيخ_هذال
للكاتب علي الفتلاوي
#بارت١٧
،،،،،،،،،،،،،،،،
هند،،لميت اغريضاتي مثل الخوش ادميه وتوجهت للدرج حطيت رجلي اريد اصعد وبلحضه بطلت ونزلت وهم رديت صعدت بايتين ورديت نزلت
مامنتبها عمتي واگفه يم المطبخ اتفشلت من شفتها هزت ايدها
ام هذال،،اليشوفج مايگول موديها اتنام يم رجلها عبالك مودينج للاعدام
هند،،بلعت ريگي وصعدت وبگلبي اگول طبعا گلبج بارد انتي امه مو مثلي عبن انه مرته عشتو
فتحت الباب ودشيت حطيت اهديماتي بالكنتور وتوني ردت اطلع دش هو يبووو وين اختتتل ?
شافني رفع حاجبه
هذال ،،اليوم اهناا
هند،،بقيت امتمت گتله اي مو مو عمتي گالت اصعدي نامي ب بغرفتج
هذال،،وشبيج اتمتمتين عبالك بايگه?
هند،،سكتت ودنگت ماحجيت اتخطاني وراح نزع غترته وعگاله علگهن
انتبهت علئ روحي بعدني واگفه مثل الثوله هسه اني شكو متصنمه بمكاني
تركته وطلعت نزلت يم عمتي كتلها اريد اروح يم جدي الشيخ لان ضايجه
ام هذال،،ورجلج مو فوگ خاف يريدج بشغله
هند،،بقيت گاعدة شويه ونزل الاخ لابس اتراك اسود انه من گد ماضليت صافنه وفاتحه حلگي علئ كتلة الجاذبيه النزلت همزين مافاتت بحلگي ذبانه
اتلاحگت روحي وسديت حلگي الفاتحته اذراع
هذال،،حجيه انه رايح يم جدي رايدة شي?
هند،،انه بس صافنه حتئ ماارمش يربي معقوله كل هلبغلاوه مالتي وحدي انه وبس
عبن بس بالاسم مالتي كلشي ماكو گاضيها يابسه وتمن هو خايف يتغربلي لان موزين وانه ساعه مااريدة ومن اشوف كشخته اضل امصع بحلگي
عبنه موووش زلمممه حلغوووم
رديت اجاوب روحي انه ليش احبنه وماشايفه منه شي زين واذيته الي يتفنن بيها
فزيت علئ صوت عمتي اتگلي روحي ويه زلمتج والله من سمعتها گالت زلمتج ردت احبنها بحلگها من حيث كون اكتب قطعه واعلكها بضهرة واكتب ملك حصري الهنودة المگرودة وبس
مشه گدامي وانه امشي وراه احس ماامشي ع الگاع لاطايرة ويه عطرة الترس روحي ترس
وصلنه البيت الشيخ لگينا گاعد بالصاله بس هو وسالم
سالم اجا اتصال عافنه وراح بقينه انه وياه والشيخ جاعدين سوه
النسوان تطبخ بالعشه ملتهيات
شيخ مگصد،،حي الله من جانه اشلونج بنيتي انشاءالله زينه
هند،،كواكه يجدي ريتك سالم
شيخ مكصد،،هههههه احبن سويلفاتج اتذكريني ب امي وام علي الله يرحمهم هم جانن بنات ريف وحجيهن مثل حجيج
ماتشوفيني استانس من اگعد وياج
هند،،بقيت اوزع ابتسامات وزلمتي مغندب مدري شبي لايضحك ولايبتسم صرت اشك بي ماعندة اسنون ويخاف يضحك ويبين ولابلك
بس لو ماموجدتهن من اشوفه يضحك يبينن مثل الليلو يلهثن لهث انضف من مستقبلي
شيخ مگصد،،احجي بويه اشبيك انته شو احسك موعلئ بعضك
هذال،،لاجدي مابيه شي بس شويه تعبان
شيخ مگصد،،دامك تعبان رد البيتك ارتاح ومريتك اخلي ماجد يردها من يجي
هذال،،مابيه شي يالغالي لايضل بالك وماعندي شي نرد انه وياها سوه
هند،،بقيت صافنه اليوم نازل علي الوحي وهلگد زين وياي بس خاف شويه وينگلب طنطل وانه اعرفه من ينگلب الله يستر
شويه ودخلو ماجد وسالم واثنينهم يتشاقون وياي لان من زمان ماجايه البيت الشيخ وانه اعرف غصدهم كلش زين همه يداهروني حتئ احجي ويضحكون عله اسوالفي
جنت منطلقه بالحجي وياهم اجيب منا واحط منا وجدي ايكلهم هندة فطيرة وتهبد بالهروش غصدة اهبد بالحجي
گمزت من حسيت خاصرتي انشلعت وهذال ماد ايدة من جوة العبايه كرصني
التفتت اعلي وانه گوة كاتمه صوتي لااصرخ وافشل روحي باوعت بعيونه خزرني
هذال،،احنه نترخص جدي تعبان ونعسان
هند،،طلعنه وهو يمشي كدامي عبالك يتلاوه ويه الگاع ملاوه بالمشي
لزمت گلبي لان مبين من وجها ناويلي علئ نيه گشرة وصلنه للبيت هو صعد گبل للغرفه وانه زوج الينطي لزمه اعله روحه
بقيت افتر جوة بالمطبخ ماخليت شغله ماسويتها حتئ المواعين النضيفه غسلتهن اريد بس اخلص وكت تالي اجت عمتي گالت انه رايحه اتعشه بالبيت الجبير
وهذال ماكل العصر ومايشتهي بقيت بس انه هي راحت وانه لفيتلي لفة جبن واكلت حتئ من انكتل انام واني شبعانه خو ماانام ويطگني الجوع وتالي اگوم اكل واطير الهيبه الزعلانيه
اللگمه وگفت بزردومي من سمعت صوته من فوگ صاح هندددد
عفت الاكل وكمت بسرعه غسلت وصعدت وانه اغره ايات كون الكتله بسيطه مو مال اتفشخ وتكسير
اول ماصعدت لگيته جاعد مثل الاسد ع الجربايه ماد رجلي بالگاع ومنتجي بعكس ايدة علئ رجله ويهز بالرجل الثانيه
لدواعي الامان عفت الباب مفتوح حتئ اول مايكضني انزل شاردة
وعاني صوت زمخته
هذال،،سدددي الباب وتعاي
هند،،من خوفي گتله لابروح ابوك الدنيه تسمط سمط عوف الباب مفتوح
نهض من مكانه واجه يمشي بطيئ بااتجاهي صار مايفصلنه غير مسافه بسيطه جلئ صوته وحجه
هذال،،تتشاقين مو??
هند،،رفعت راسي مثل الخوثه گتله هاا?
هذال، ،اوجعاا
ولد عمج ولد خالج همه وگاعده اتمسطرين سوالف وياهم
هند،،چا اانته اعله هاي زعلت ?
عبن ماجد اخوك وحماي وسالم ابن عمك وهمه يسولفون وياي غابل اعوفهم
هذال،،لايبوي مايصير عيبه بحگج
هند،،عرفته يتمهزل اعليه
درت وجهي ردت اطلع سحلني من ياخة دشداشتي
هذال،،تعاي اهنا يمته خلصت كلامي ودرتي وجهج
هند،،بقيت ساكتته
هذال،،قبل شويه ضحكتج ترن بالمكان وياهم وهسه حبابه ماتحجين
هند،،هو اليشوفك منين تجي الضحجه
لالا غصدي غصدي اليشوفك عصبي
هذال،،وحگ العباس اذا مااتبطلين اتجفص احش السانج حش واخليج تحجين بالاشاير ولو انتي حتئ اشايرج لازم تطلع رون سايد هو السانج وماگادرتله انوب اشاره
يله انزلي واذا شفتج بعد اتضحوجين وياهم افشلج جدامهم والله
هند،،الدمعه بطرف عيني بس موانه التنزل دمعتها عفته ونزلت جوة واني شايطه اروح منا وارد منا كون يمي حجارة اله اخلي دمه بطوله يله يبرد گلبي
اجت عمتي جابت عشه مااتعشيت شبعت من لفه الجبن
بقيت جويعدة يمها للساعه 11رادت اتگوم اتنام ونه هم طفيت من النعاس گمت ردت انام بغرفتها واسلم علئ ريشاتي من ابنها
ام هذال،،هاااا وين رايحه ??
هند،،انام عمه
ام هذال،،يمي??
هند،،دنكت وگتلها اي لان هذال عصبي مدري شبي
ام هذال،،ولج بنيتي احتوي عصبيته من تشوفي ضايج موتجين شاردة يمي
انعلي الشيطان وردي المكانج نامي
هندد،،باستني براسي دخلت لغرفتها ورفعت ايدها تسويلي بيباي وهي مبتسمه
ردت انام بالصاله بس اترددت لان ماجد ماينعرف شوكت يجي واني من انام مفضوحه اذا انام ابداية الغرفه من اگعد الصبح الگه روحي زاحفه يم الباب شوصلني ماادري
مدري اشلون اثبت ع الجربايه عبني استحي واضل نايمه نص ونص خاف اعبر القارات وانه ماادري واصبح شابخه الزلمه وخانگته
اخر شي بعد صراعات طويله ويه التفكير
صعدت
لگيته متمدد ع الجربايه بس بالداخليات فالينه سودة وشورت اسود لازم موبايله
الفالينه حاضنه جسمه حضن وعضلاته بارزة اللون الاسود ويه لون بشرته صاير مصيبه بقيت ابلع بريگي يررربي اشلون مايلتم علي الدود عبن صدگ بغلاوة
عيوني اكلته للزلمه بس بقيت محترمه شواربي لان ماحافه صار شهر
باوعلي ورفع حاجبه اجاني صوته الجهوري اليذوب الگلب
هذال،،ماتفوتين ?
هند،،خررب بحضي كل هذا التفكير واني واگفه بالباب چا لو كاضني شيصير
مشيت علئ كيف رحت للجربايه رفعت الغطه واتمددت يمه بس منطيته ضهري
مااحجيلكم عن دگات گلبي تركض ركض
نص ساعه وهو ملتهي بموبايله يتصفح اسمع صوت المقاطع اليشوفهن وكلهن اخبار وهو يسب بهذا ويفشر علئ ذاك مامهتم الوجودي اصلا
واني هم لزمتني النعسه وغفيت النص الليل حسيت بروحي مختنگه فتحت عيوني لگيت روحي بحضنه خشمي بصدرة والمصيبه اثنينه متحاضنين اليشوفنه يگول بالعافيه عليهم مايفارگون حتئ بنومهم
مايدرون انه وياه واحد شارد من الثاني مثل الحيه والبطنج
احساس كلش حلو واني قريبه منه الهلدرجه اشم ريحة عطرة واسمع دگات گلبه محاوطني بدي حيل مثل الييريد يضمني بروحه
غمضت عيوني واني اتنفس عطرة واتمنئ مااگعد ابقه علئ طول مسنحه هلتسنيحه هاي
نمت ماگعدت غير الصبح علئ صوت الموبايل
سويت روحي غافيه جاوب اسمعه ايگول ماشي عشر دقايق واجي
بقيت مغمضه عبالك فاطسه عبن فشله هسه شيگول وانه داحسه روحي بحضنه
ماصدگت روحي من حسيت بدفو شفايفه علئ گصتي
الله شاهد ردت اسحله واحبنه عبن اول مرة يسوي هيج يبوسني بگصتي وانه نايمه
بقيت گوة مسيطرة خاف اطفر بوجه الزلمه من غبشه واسودنه فوگ ماهو متسودن
حسيت بي يلبس دشداشته فتح الباب وطلع وانه گعدت اگعود اتلمس بگصتي مامصدگه حصلت بوسه من اهذييل
يتتتتتتتتتتبع
|