١٤______١٥
#الرهن__الجارح
علي الفتلاوي
#بارت١٤
ﻭﻛﺎﺣﺔ ﺍﺗﺮﻳﺪ ﺑﻌﺾ ﺍﻟﻨﺎﺱ
ﻣﻮﻣﺎﻟﺔ ﺑﻌﺪ ﺭﻭﺣﻲ 💔
،،،،،،،،،،،،،،
ﻗﺼﺔ ﺍﻟﺮﻫﻦ ﺍﻟﺠﺎﺭﺡ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
،،،،،،،،،،،،،،،،
ﻭﺩﻕ،،ﺍﻧﻔﺎﺳﻪ ﺍﻟﺤﺎﺭﺓ ﺑﺮﮔﺒﺘﻲ ﺳﺒﺒﺘﻠﻲ ﺍﺭﺗﺒﺎﻙ ﻣﻮﻃﺒﻴﻌﻲ
ﺍﻳﺪﺓ ﻣﺤﺎﻭﻃﻪ ﺧﺼﺮﻱ ﻭﻣﺜﺒﺘﻨﻲ ﻭﻛﻞ ﻣﺎﺍﺑﻌﺪﺓ ﻳﺘﻤﺴﻚ ﺑﻴﻪ ﺍﻛﺜﺮ
ﺍﻳﺎﺩ،،ﻛﻞ ﻣﺎﺍﺭﻳﺪ ﺍﻗﺴﺊ ﻋﻠﻴﻬﺎ ﺍﻟﮕﻪ ﺭﻭﺣﻲ ﻣﺘﺴﺎﻫﻞ ﻭﻳﺎﻫﺎ ﺭﻏﻢ ﺟﺮﺡ ﮔﻠﺒﻲ ﻣﻨﻬﺎ ﺑﺲ ﺗﺒﻘﺊ ﻭﺩﻕ ﺑﺖ ﺭﻭﺣﻲ ﻭﻃﻔﻠﺘﻲ ﻣﺎﻳﻨﻄﻴﻨﻲ ﮔﻠﺒﻲ ﺍﺍﺫﻳﻬﺎ
ﺍﺭﻳﺪﻫﺎ ﺑﻜﻞ ﺟﻮﺍﺭﺣﻲ ﻋﺎﺷﮕﻬﺎ ﻣﻦ ﺟﺪﻣﻬﺎ ﺍﻟﺮﺍﺳﻬﺎ ﺻﻌﺒﻪ ﻉ ﺍﻟﺮﺟﺎﻝ ﺗﺮﻓﻀﻪ ﺯﻭﺟﺘﻪ ﺑﺲ ﺍﻧﻄﻴﺘﻬﺎ ﻣﺠﺎﻝ ﻻﻥ ﺗﺒﻘﺊ ﻃﻔﻠﻪ ﻭﺍﺩﺭﻱ ﻣﺎﺟﺎﻧﺖ ﻣﻔﻜﺮﺓ ﻧﻬﺎﻳﺔ ﺭﻫﻨﻬﺎ ﺭﺍﺡ ﺗﺮﺗﺒﻂ ﺑﻴﻪ
ﮔﺪﺍﻡ ﺍﻟﻜﻞ ﻗﻮﻱ ﻭﺣﺘﺊ ﮔﺪﺍﻣﻬﺎ ﺍﺩﻋﻲ ﺍﻻﻣﺒﻼﺓ
ﺑﺲ ﻣﻦ ﺗﺼﻴﺮ ﺑﺤﻀﻨﻲ ﺍﻧﺴﻪ ﻛﻠﺸﻲ ﻭﻛﻠﻤﻪ ﻭﺣﺪﺓ ﺍﺗﺮﻥ ﺑﺮﺍﺳﻲ ﻭﻫﻲ ﺗﻤﻠﻜﻬﺎ
ﺑﺲ ﺟﻨﺖ ﺻﺎﺑﺮ ﻻﻥ ﻣﺎﺍﺭﻳﺪ ﻣﺠﺮﺩ ﺟﺴﻢ ﺑﺪﻭﻥ ﻣﺸﺎﻋﺮ ﺍﺭﻳﺪﻫﺎ ﻛﻠﻬﺎ ﻋﻠﺊ ﺑﻌﻀﻬﺎ ﻗﻠﺒﺎ ﻭﻗﺎﻟﺒﺎ
ﺍﻻﻫﺘﻤﺎﻡ ﻳﻮﻟﺪ ﺍﻟﺤﺐ ﻭﺍﻧﻲ ﻣﺎﺷﻲ ﻉ ﻫﻞ ﻣﺒﺪﺉ ﻭﺑﺪﻳﺖ ﺍﻫﺘﻢ ﺑﻴﻬﺎ ﺍﻛﺜﺮ ﺍﺭﻳﺪ ﺍﻧﻄﻴﻬﺎ ﺍﻟﺤﺐ ﻭﺍﻟﺤﻨﻴﻪ ﺍﺭﻳﺪ ﺍﺣﺴﺴﻬﺎ ﺑﺎﺍﻫﺘﻤﺎﻣﻲ ﺑﻴﻬﺎ ﻧﻘﻄﺔ ﺿﻌﻒ ﺍﻟﻤﺮﺓ ﺍﻻﻫﺘﻤﺎﻡ
ﺭﻏﻢ ﺻﺪﻫﺎ ﻭﺭﻓﻀﻬﺎ ﺑﺲ ﺑﺎﻗﻲ ﻣﺘﻤﺴﻚ ﺑﻴﻬﺎ ﺑﻌﺪﻫﺎ ﺗﻔﻜﻴﺮﻫﺎ ﻃﻔﻮﻟﻲ ﻭﻋﻠﺊ ﮔﺪﻫﺎ ﻫﻲ ﺗﺮﻳﺪ ﺑﺲ ﺍﺗﻨﻔﺬ ﻛﻼﻣﻲ ﺣﺘﺊ ﺍﻃﻠﮕﻬﺎ ﻭﺍﻧﻲ ﺍﺭﻳﺪ ﺍﻋﻠﻤﻬﺎ ﺍﻟﻤﺼﻠﺤﺘﻬﺎ
ﻭﻛﺬﺍﻟﻚ ﺑﺮﺍﺳﻲ ﻓﻜﺮﺓ ﺗﺨﻠﻴﻬﺎ ﺗﺘﻐﻴﺮ ﺗﻐﻴﺮ ﺟﺬﺭﻱ
ﻻﻥ ﺗﺼﺮﻓﺎﺗﻬﺎ ﻃﺎﻳﺸﻪ ﻭﺍﺣﻨﻪ ﺭﻳﻒ ﻧﺎﺱ ﻋﻘﻮﻟﻬﺎ ﻣﻨﻐﻠﻘﻪ ﺍﻗﻞ ﻛﻠﻤﻪ ﻳﺴﻮﻫﺎ ﺷﮕﺪﻫﺎ ﻭﺷﻜﺒﺮﻫﺎ ﻣﺤﺪ ﻳﮕﻮﻝ ﻃﻔﻠﻪ ﻭﺗﺼﺮﻓﻬﺎ ﻃﻔﻮﻟﻲ
ﻻﺑﻠﻌﻜﺲ ﺭﺍﺡ ﻳﺨﻠﻮﻥ ﻋﻠﻴﻬﺎ ﻧﻘﻄﻪ ﻭﺍﻟﻒ ﻋﻼﻣﻪ
ﺍﻋﺮﻑ ﺷﻨﻮ ﺑﺪﺍﺧﻞ ﻭﺩﻕ ﻭﺣﺎﻓﻀﻬﺎ ﺣﻔﺾ ﺑﺲ ﻏﻴﺮﻱ ﺍﻟﻤﺎﻳﻌﺮﻓﻬﺎ ﺷﺮﺍﺡ ﻳﻔﻬﻤﻪ
ﻭﺩﻕ،،ﻓﺰﻳﺖ ﻋﻠﺊ ﺻﻮﺕ ﺍﺫﺍﻥ ﺍﻟﻤﻐﺮﺏ ﮔﻤﺖ ﻋﻠﺊ ﻛﻴﻒ ﻃﺒﻌﺎ ﺍﻧﻲ ﻣﺎﺍﺻﻠﻲ ﻣﻮﺿﺎﺑﻄﺘﻬﺎ ﻛﻠﺶ ﻣﺜﻞ ﺍﻳﺎﺩ ﻳﮕﻌﺪ ﻉ ﺍﻟﻮﻗﺖ ﻳﺎﺩﻱ ﺍﻟﻔﺮﺽ
ﻫﻮ ﻫﻢ ﮔﻌﺪ ﺭﺍﺡ ﺍﺗﻮﺿﻪ ﻭﺍﻧﻲ ﺭﺩﺕ ﺍﺣﻀﺮ ﻋﺸﻪ
ﺍﻳﺎﺩ،،ﺷﺘﺴﻮﻳﻦ ?
ﻭﺩﻕ،،ﻋﺸﻪ
ﺍﻳﺎﺩ،،ﺍﺗﺮﻛﻲ ﻛﻠﺸﻲ ﺑﻴﺄﺩﺝ ﻭﺗﻌﺎﻟﻲ ﺻﻠﻲ
ﻭﺩﻕ،،ﺍﺳﺘﺤﻴﺖ ﺍﺣﺠﻲ ﻭﺷﮕﻮﻝ ﻭﺍﻧﻲ ﻣﺎﺣﺎﻓﻀﺘﻬﺎ ﻛﻠﺶ ﻣﺎﺿﺎﺑﻄﺘﻬﺎ
ﺩﻧﮕﺖ ﻣﺜﻞ ﺍﻟﻤﺴﻮﻱ ﺟﺮﻳﻤﻪ ﻭﻫﻲ ﻓﻌﻼ ﺟﺮﻳﻤﻪ ﺍﻧﻮ ﺍﻟﻮﺍﺣﺪ ﻣﺎﻳﻨﻄﻲ ﻣﻦ ﻭﻗﺘﻪ ﺧﻤﺲ ﺩﻗﺎﻳﻖ ﻭﻳﻮﮔﻒ ﺑﻴﻬﻦ ﮔﺪﺍﻡ ﺭﺑﻪ
ﮔﺘﻠﻪ ﻣﺎﺣﺎﻓﻀﺘﻬﺎ
ﺍﻳﺎﺩ،،ﺗﻌﺮﻓﻴﻦ ﺗﺘﻮﺿﻴﻦ ?
ﻭﺩﻕ،،ﺍﻱ ﺍﻋﺮﻑ
ﺍﻳﺎﺩ،،ﭼﺎ ﺧﻮﺵ ﺍﺗﻮﺿﻲ ﻭﻟﺒﺴﻲ ﺣﺠﺎﺏ ﻭﻋﺒﺎﻳﻪ ﻭﺍﻟﺤﮕﻴﻨﻲ
ﻭﺩﻕ،،ﺗﻮﺿﻴﺖ ﻭﻟﻔﻴﺖ ﺣﺠﺎﺑﻲ ﻟﺒﺴﺖ ﻋﺒﺎﺗﻲ ﻟﮕﻴﺘﻪ ﻓﺎﺭﺵ ﺍﻟﻤﺼﻼﻳﻪ ﻭﮔﺎﻋﺪ ﻳﻘﺮﺓ ﻗﺮﺍﻥ ﻃﺒﮕﻪ ﻭﺑﺎﺳﻪ ﺧﻼﻩ ﻉ ﺍﻟﻤﻴﺰ ﻭﮔﻒ ﮔﺎﻝ
ﺍﻳﺎﺩ،،ﺭﺍﺡ ﺍﺻﻠﻲ ﺑﺼﻮﺕ ﻋﺎﻟﻲ ﻭﺍﻧﺘﻲ ﺭﺩﺩﻱ ﻭﺭﺍﻱ ﺗﻤﺎﻡ ?
ﻭﺩﻕ،،ﺑﺪﺓ ﻳﺼﻠﻲ ﻭﻳﻘﺮﺓ ﺑﺼﻮﺕ ﻋﺎﻟﻲ ﺻﻮﺗﻪ ﺑﻲ ﺧﺸﻮﻉ ﺗﺨﻠﻲ ﺍﻟﺠﺴﻢ ﻳﻜﺰﺑﺮ
ﺷﻔﺖ ﺭﻭﺣﻲ ﺷﮕﺪ ﻣﻘﺼﺮﺓ ﻭﻳﻪ ﺭﺏ ﺍﻟﻌﺎﻟﻤﻴﻦ ﺧﻠﻘﻨﻲ ﻭﺗﻤﻢ ﺧﻠﻘﺘﻲ ﻻﻣﻌﻮﻗﻪ ﻭﻻﻋﻤﻴﻪ ﻭﻻﺑﻴﻪ ﺷﻲ ﺍﻟﻤﻔﺮﻭﺽ ﺍﺷﻜﺮﺓ ﺻﺒﺎﺣﺎ ﻭﻣﺴﺎﺋﺄ ﻋﻠﺊ ﻧﻌﻤﺘﺔ ﺍﻟﻔﻀﻴﻠﻪ
ﻭﻓﻮﮒ ﻛﻠﺸﻲ ﻧﻌﻤﺔ ﺍﻟﻌﺎﻓﻴﻪ ﻭﺍﻟﺴﺘﺮ
ﻛﻤﻠﻨﻪ ﺻﻼﺓ ﻭﺍﻟﺪﻣﻌﻪ ﺑﻄﺮﻑ ﻋﻴﻨﻲ ﻭﺑﻨﻔﺲ ﺍﻟﻮﻛﺖ ﻓﺮﺣﺎﻧﻪ ﻋﺒﺎﻟﻚ ﺍﺑﻮﻳﻪ ﮔﺎﻋﺪ ﻳﻌﻠﻤﻨﻲ
ﻭﻫﻮ ﺍﺑﻮﻳﻪ ﻭﺍﻣﻲ ﺍﻟﺼﺪﮒ ﻣﺎﻋﻠﻤﻮﻧﻲ ﺍﺑﺪ
ﺍﺑﻮﻱ ﺍﻟﺮﺟﺎﻝ ﻣﺎﻣﻮﺟﻮﺩ ﻭﺑﻨﻀﺮﻱ ﺍﻟﺘﻌﻠﻮﻡ ﻟﻼﻡ ﻫﻲ ﺗﻜﻮﻥ ﻗﺎﺋﺪﺓ ﺍﻻﺳﺮﺓ ﺍﺫﺍ ﻣﺎﻭﺟﻬﺖ ﻋﺎﺋﻠﺘﻬﺎ ﺗﻔﺸﻞ ﺍﻻﺳﺮﺓ
ﺍﻟﺘﻔﺘﻠﻲ ﻭﺍﺑﺘﺴﻢ ﺑﻬﺪﻭﺉ
ﺍﻳﺎﺩ،،ﻗﺒﻞ ﺍﻟﻠﻪ
ﻭﺩﻕ،،ﺩﻧﮕﺖ ﻭﮔﺘﻠﻪ ﻗﺒﻞ ﺍﻟﻠﻪ
ﺍﺍﻳﺎﺩ،،ﺑﺲ ﺍﻟﺠﻮﺍﺏ ﻟﻮ ﺍﺟﻤﻌﻴﻦ ﻟﻮﻣﻨﺎ ﻭﻣﻨﻜﻢ ﻭﻫﻢ ﺟﻮﺍﺑﺞ ﺻﺤﻴﺢ ﻟﺘﻀﻮﺟﻴﻦ
ﻭﺩﻕ،،ﻧﻬﺾ ﻃﺒﮓ ﺍﻟﺴﺠﺎﺩﺓ ﻭﺧﻼﻫﺎ ﻋﻠﺊ ﺻﻔﺤﻪ ﺩﻧﮓ ﺑﺎﺳﻨﻲ ﺑﺮﺍﺳﻲ ﻭﻃﻠﻊ
ﺍﺣﺴﺎﺱ ﻏﺮﻳﺐ ﻣﺎﺍﻋﺮﻑ ﺷﻨﻮ ﻫﻮ ﺑﺲ ﺍﻻﻋﺮﻓﻪ ﺍﺭﺗﺎﺡ
ﺍﻧﻲ ﻫﻢ ﺷﻠﺖ ﺍﻟﺴﺠﺎﺩﺓ . ﻭﻋﺒﺎﺗﻲ ﻧﺰﻋﺘﻬﺎ ﻭﻟﺤﮕﺘﻪ ﻟﻠﻤﻄﺒﺦ
ﻟﮕﻴﺘﻪ ﻳﺸﺮﺏ ﻣﺎﻱ ﻭﺑﻴﺪﺓ ﻭﺭﻗﻪ ﻭﻗﻠﻢ
ﺍﻳﺎﺩ،،ﺑﻮﻳﻪ ﺭﺍﺡ ﺍﻛﺘﺒﻠﺞ ﺍﻟﺼﻼﺓ ﻭﺍﺣﻔﻀﻴﻬﺎ
ﻭﺭﺍﺡ ﺗﺼﻠﻴﻦ ﻭﻳﺎﻱ ﻛﻞ ﻭﻗﺖ ﺑﻮﻗﺘﻪ
ﻭﺩﻕ،،ﻫﺰﻳﺖ ﺭﺍﺳﻲ ﺑﻤﻌﻨﺊ ﺍﻱ ﺷﻮﻳﻪ ﻛﻤﻞ ﻭﺍﻧﻄﺎﻫﺎ ﺍﻟﻲ ﺍﺑﺎﻭﻉ ﺧﻄﻪ ﻳﺨﺒﻞ ﻋﺒﺎﻟﻚ ﺧﻄﺎﻁ ﻭﻫﻮ ﺑﺴﺮﻋﻪ ﻛﺘﺐ ﻫﺎﻱ ﻟﻮ ﻳﮕﻌﺪ ﻭﻳﻜﺘﺐ ﺑﻬﺪﻭﺉ ﺍﺷﻠﻮﻥ ﻳﻄﻠﻊ ﺧﻄﻪ ?
ﺷﻔﺘﻪ ﺍﺧﺬ ﺍﻟﺴﻮﻳﺞ ﻭﺑﺎﻛﻴﺘﻪ ﺍﻟﺠﺎﻛﻴﺮ ﺭﺍﺩ ﻳﻄﻠﻊ ﺍﻟﺘﻔﺘﻠﻲ
ﺍﻳﺎﺩ،،ﺑﻨﻴﺘﻲ ﻻﺗﺴﻮﻳﻦ ﺷﺎﻱ ﺭﺍﻳﺢ ﺍﺟﻴﺐ ﻋﺸﻪ ﺟﺎﻫﺰ
ﻭﺩﻕ،،ﻋﻮﺩ ﺻﺮﺕ ﻧﺎﺩﺭﺓ ﮔﺘﻠﻪ ﺑﻤﻨﺎﺳﺒﺘﻴﺶ ﺍﺗﺠﻴﺐ ﺟﺎﻫﺰ ﺧﻮ ﺍﻧﻲ ﺍﺳﻮﻱ ﻋﺸﻪ ﺷﻔﺘﻪ ﺿﺤﻚ ﻭﮔﺎﻝ
ﺍﻳﺎﺩ،،ﺍﻋﺘﺒﺮﻳﻬﺎ ﻣﻜﺎﻓﺌﺔ ﺩﺧﻮﻟﺞ ﺍﻻﺳﻼﻡ
ﻭﺩﻕ،،ﺍﺑﺘﺴﻤﺖ ﺍﻟﻜﻼﻣﻪ ﻭﺍﻟﻠﻪ ﺻﺪﮒ ﻣﺮﺓ ﺷﮕﺪﻧﻲ ﺷﻜﺒﺮﻧﻲ ﻣﺎﺣﺎﻓﻀﻪ ﺍﻟﺼﻼﻩ ﻭﺍﻛﻮ ﺍﻋﻤﺎﺭﻫﻢ ﻣﺎﺗﺘﺠﺎﻭﺯ ﺍﻟﻌﺸﺮ ﺳﻨﻮﺍﺕ ﺣﺎﻓﻀﻴﻦ ﻛﺘﺎﺏ ﺍﻟﻠﻪ ﻛﻠﻪ ﻭﺍﻧﻲ ﻣﻦ ﺩﻭﻥ ﺍﻟﻄﻼﺏ ﺭﺍﺳﺒﻪ ﺑﺎﻻﺳﻼﻣﻴﻪ
ﺭﺑﻊ ﺳﺎﻋﻪ ﻭﺭﺟﻊ ﺟﺎﻳﺐ ﺧﺒﺰ ﺣﺎﺭ ﻭﺩﺟﺎﺟﻪ ﺷﻮﻱ ﻭﻣﻘﺒﻼﺕ ﺍﺧﺬﺗﻬﻦ ﻣﻦ ﻋﻨﺪﺓ ﺣﻀﺮﺗﻬﻦ ﻉ ﺍﻟﻤﻴﺰ ﮔﻌﺪﻧﻪ ﺍﺛﻨﻴﻨﻪ ﻧﺘﻌﺸﺊ ﻛﻤﻞ ﻗﺒﻠﻲ ﻭﺳﺤﺐ ﺑﺎﻛﻴﺖ ﺍﻟﺠﮕﺎﻳﺮ ﺍﺧﺬ ﻭﺣﺪﺓ ﺣﻄﻬﺎ ﺑﺤﻠﮕﻪ ﺍﻭﺭﺛﻬﺎ ﺍﺣﺴﻪ ﻳﺮﺍﻗﺒﻨﻲ ﺍﺭﺗﺒﻜﺖ ﺣﺘﺊ ﻣﺎﺍﻋﺮﻑ ﺍﻛﻞ ﺑﻌﺪ
ﻛﻤﻠﺖ ﻭﺷﻠﺖ ﺍﻻﻛﻞ ﻏﻄﻴﺘﻪ ﺣﻄﻴﺖ ﺍﻟﻘﻮﺭﻱ ﻉ ﺍﻟﻨﺎﺭ ﺳﻤﻌﺖ ﻣﻮﺑﺎﻳﻠﻪ ﻳﺘﺼﻞ
ﻭﺍﻟﻌﺮﻓﺘﻪ ﺍﻣﻲ ﺳﺎﻣﻌﻪ ﻣﻮﺯﻋﻴﻦ ﺍﻟﻨﺘﺎﺋﺞ ﻭﺗﺮﻳﺪ ﺍﻳﺎﺩ ﻳﺮﻭﺡ ﻳﺠﻴﺐ ﺍﻟﻨﺘﻴﺠﻪ ﺑﺎﺟﺮ
ﻟﺰﻣﺖ ﮔﻠﺒﻲ ﺧﻔﺖ ﺍﻛﻮ ﺑﻌﺾ ﺍﻟﺪﺭﻭﺱ ﻣﺘﺎﻛﺪﺓ ﻣﻦ ﻧﺠﺎﺣﻬﻦ ﺑﺲ ﺍﻟﺒﺎﻗﻴﺎﺕ ﺍﻟﻠﻪ ﻳﺴﺘﺮ
ﺻﺒﻴﺘﻠﻪ ﺟﺎﻱ ﻭﺍﻧﻄﻴﺘﻪ
ﺍﻳﺎﺩ،،ﺍﻃﻠﻌﻴﻦ ﻭﻳﺎﻱ ﻧﻔﺘﺮ ﺷﻮﻳﻪ ﺍﻧﻐﻴﺮ ﺟﻮ ?
ﻭﺩﻕ،،ﺍﺟﺔ ﺑﻮﻗﺘﻪ ﺻﺪﻙ ﻣﺤﺘﺎﺟﻪ ﺍﻃﻠﻊ ﺍﺧﺘﻨﮕﺖ
ﻟﺒﺴﺖ ﺑﺲ ﺍﻟﺤﺠﺎﺏ ﻭﺍﻟﻌﺒﺎﻳﻪ ﻓﻮﮒ ﻣﻼﺑﺴﻲ ﻃﻠﻌﺖ ﻟﮕﻴﺘﻪ ﻳﻨﺘﻀﺮﻧﻲ ﻗﻔﻞ ﺍﻟﺒﺎﺏ ﻣﺎﻝ ﺍﻟﺒﻴﺖ ﻭﺍﺟﻪ ﺻﻌﺪﺑﺎﻟﺴﻴﺎﺭﺓ
ﺍﻓﺘﺮﻳﻨﻪ ﻉ ﺍﻟﺴﻴﺎﺣﻲ ﻭﺭﺟﻌﻨﻪ ﻟﻠﻤﺪﻳﻨﻪ ﺍﻟﻤﺎﺋﻴﻪ ﺭﺟﻌﻨﻪ ﻭﮔﻔﻨﻪ ﮔﺪﺍﻡ ﻣﺤﻞ ﻣﺮﻃﺒﺎﺕ ﺍﺧﺬﻟﻨﻪ ﻣﻮﻃﻪ ﻭﻋﺼﻴﺮ ﻭﻟﻬﻠﻪ ﻫﻢ ﺍﺧﺬ ﻣﻮﻃﻪ ﺣﺠﻢ ﻋﺎﺋﻠﻲ ﻭﻋﺼﺎﻳﺮ
ﺷﻐﻞ ﺍﻏﻨﻴﻪ ﻛﺎﺿﻢ ﺍﻟﺴﺎﻫﺮ
ﻗﻠﻲ ﻭﻟﻮ ﻛﺬﺑﺎ
ﻛﻼﻣﺎ ﻧﺎﻋﻤﺎ
ﻗﺪ ﻛﺎﺩ ﻳﻘﺘﻠﻨﻲ ﺑﻚ ﺍﻟﺘﻤﺜﺎﻝ
ﻣﺎﺯﻟﺘﻲ ﻓﻲ ﻓﻦ ﺍﻟﻤﺤﺒﺔ ﻃﻔﻠﺘﺂ
ﺑﻴﻨﻲ ﻭﺑﻴﻨﻚ ﺍﺑﺤﺮﺁ ﻭﺟﺒﺎﻝ
ﺍﻟﺤﺐ ﻟﻴﺲ ﺭﻭﺍﻳﺘﺎ ﻳﺎﺣﻠﻮﺗﻲ
ﻓﻲ ﺧﺘﺎﻣﻬﺎ ﻳﺘﺰﻭﺝ ﺍﻻﺑﻄﺎﻝ
ﻫﻮ ﺍﻥ ﻧﺜﻮﺭ ﻝ ﺍﻱ ﺷﻴﺌﺂ ﺗﺎﻓﻬﺎ
ﻫﻮ ﻳﺄﺳﻨﺎ ﻫﻮ ﺷﻜﻨﺎ ﺍﻟﻘﺘﺎﻝ
ﻫﻮ ﻫﺬﻩ ﺍﻟﻴﺪ ﺍﻟﺘﻲ ﺗﻐﺘﺎﻟﻨﺎ
ﻭﻧﻘﺒﻞ ﺍﻟﻴﺪ ﺍﻟﺘﻲ ﺗﻐﺘﺎﻟﻮ
ﺍﻟﺘﻔﺘﻠﻲ ﻭﮔﺎﻝ
ﺍﻳﺎﺩ،،ﻫﺎﻱ ﺍﻟﺞ ﺍﺳﻤﻌﻴﻬﺎ ﺯﻳﻦ ﻭﺍﻓﻬﻤﻲ ﻣﻌﻨﺎﻫﺎ
ﻭﺩﻕ،،ﮔﻠﺒﻲ ﺻﺎﺭ ﻳﺪﮒ ﻭﻋﺮﮔﺖ
ﻭﺻﻠﻨﻪ ﻟﻠﺒﻴﺖ ﻣﺎﺭﺣﻨﻪ ﺍﻟﺒﻴﺘﻨﻪ ﺩﺧﻠﻨﻪ ﺍﻟﺒﻴﺖ ﻋﻴﺎﻟﻲ
ﮔﻌﺪﻧﻪ ﻛﻠﻨﻪ ﺳﻮﺍﻟﻒ ﻭﺿﺤﻚ
ﺍﻡ ﺍﻳﺎﺩ،ﻟﻴﺶ ﻣﺎﺍﺟﻴﺘﻮ ﺍﺗﻌﺸﻴﺘﻮ ﺍﻫﻨﺎ ﺍﻧﺘﻀﺮﻧﺎﻛﻢ
ﺍﻳﺎﺩ،،ﺣﮕﺞ ﺍﻋﻠﻴﻨﻪ ﻳﺎﻟﻐﺎﻟﻴﻪ ﺑﺲ ﺍﻟﻴﻮﻡ ﺍﻋﺬﺭﻳﻨﻪ
ﻭﺩﻕ،،ﻣﻦ ﺍﺗﺰﻭﺟﻨﻪ ﻟﺴﻪ ﺍﻛﻠﻨﻪ ﻳﻢ ﺑﻴﺖ ﻋﻤﻲ ﺑﺲ ﻭﻗﺖ ﺍﻟﻨﻮﻡ ﺍﻧﺎﻡ ﺍﺑﻴﺘﻨﻪ ﻫﺬﺍ ﻗﺮﺍﺭ ﺍﻳﺎﺩ
ﺷﻮﻳﻪ ﻭﺍﺗﺮﺧﺺ ﻣﻨﻬﻢ ﺭﺟﻌﻨﻪ ﺍﻟﺒﻴﺘﻨﻪ
ﻫﻮ ﺻﻌﺪ ﺍﻳﻨﺎﻡ ﻭﺍﻧﻲ ﺣﺴﻴﺖ ﺭﻭﺣﻲ ﻣﺤﺘﺮﻩ
ﺻﻌﺪﺕ ﻟﮕﻴﺘﻪ ﻣﺘﻤﺪﺩ ﺑﻔﺮﺍﺷﻪ
ﺍﺧﺬﺕ ﻣﻨﺎﻣﻪ ﻗﺼﻴﺮﺓ ﻭﻧﺰﻟﺖ ﺳﺒﺤﺖ ﻭﺻﻌﺪﺕ
ﻭﮔﻔﺖ ﮔﺪﺍﻡ ﺍﻟﻤﺮﺍﻳﻪ ﺍﻣﺸﻂ ﻭﺍﺣﺲ ﻋﻴﻨﻪ ﻣﻨﻲ ﻣﺪﺭﻱ ﺍﺷﻠﻮﻥ ﻛﻤﻠﺖ ﺗﻤﺸﻴﻂ ﻭﺿﻔﺮﺕ ﺷﻌﺮﻱ
ﺭﺣﺖ ﺍﺗﻤﺪﺩﺕ ﺳﺤﺒﺖ ﺍﻟﻐﻄﻪ ﻭﺍﺗﻐﻄﻴﺖ ﻻﻥ ﺍﻟﺴﺒﻠﺖ ﻳﺸﺘﻐﻞ ﻭﺍﻟﻐﺮﻓﻪ ﺛﻠﺞ
ﺗﻌﺒﺎﻧﻪ ﺑﺴﺮﻋﻪ ﻏﻔﻴﺖ ﻓﺰﻳﺖ ﻧﺺ ﺍﻟﻠﻴﻞ ﻋﻄﺎﺷﻨﻪ ﻟﮕﻴﺖ ﺭﻭﺣﻲ ﻧﺎﻳﻤﻪ ﺑﺤﻀﻨﻪ ﻭﻫﻠﻤﺮﺓ ﺍﻧﻲ ﺍﻟﺤﺎﺿﻨﺘﻪ ﻭﻣﺤﺎﻭﻃﻪ ﺧﺼﺮﺓ
ﺑﻠﻌﺖ ﺭﻳﮕﻲ ﻣﻦ ﺍﻟﻔﺸﻠﻪ ﺍﺗﺴﺤﺒﺖ ﻭﻧﺰﻟﺖ ﺷﺮﺑﺖ ﻣﺎﻱ ﻭﺻﻌﺪﺕ ﻭﺑﻌﺪ ﻋﻴﻨﻲ ﻣﺎﺍﺧﺬﺕ ﻧﻮﻡ ﺍﺧﺎﻑ ﺍﺣﻀﻨﻪ ﻭﻳﻔﻬﻤﻨﻲ ﻏﻠﻂ
ﺷﻮﻳﻪ ﻭﺩﮒ ﺍﻟﻤﻨﺒﻪ ﻳﻌﻠﻦ ﻋﻦ ﺍﺫﺍﻥ ﺍﻟﻔﺠﺮ ﺍﻳﺎﺩ ﮔﻌﺪ ﻭﻫﻢ ﺻﻠﻴﻨﻪ ﺳﻮﺓ
ﻫﻮ ﻣﺎﺍﺟﺎﻩ ﻧﻮﻡ ﺑﻘﻪ ﻳﺸﺮﺏ ﺟﮕﺎﻳﺮ ﻣﺪﺭﻱ ﺷﺒﻲ
ﻭﺍﻧﻲ ﮔﻤﺖ ﺍﻏﻔﻲ ﺑﻴﻦ ﺍﻟﺼﺎﺣﻴﻪ ﻭﺍﻟﻨﺎﻳﻤﻪ ﺍﺳﻤﻌﻪ ﻳﺪﺭﺩﻡ
ﺍﻳﺎﺩ،،ﻻﺑﺴﺘﻠﻲ ﮔﺼﻴﺮ ﻭﻧﺎﻳﻤﻪ ﻳﻤﻲ ﻋﺒﺎﻟﻬﺎ ﻣﻼﻙ ﻧﺎﻳﻢ ﻳﻤﻬﺎ ﻣﺎﺗﺪﺭﻱ ﺍﻟﺸﻴﻄﺎﻥ ﻣﮕﺎﺑﻠﻨﻲ ﻭﻛﺎﻋﺪ
ﻭﺩﻕ،ﺩﺭﺕ ﻭﺟﻬﻲ ﻭﮔﻮﺓ ﻛﺘﻤﺖ ﺿﺤﻜﺘﻲ ﺍﻭﻝ ﻣﺮﺓ ﺍﺑﺘﺴﻢ ﻋﻠﺊ ﻛﻼﻣﻪ ﻋﻜﺲ ﻗﺒﻞ ﺟﻨﺖ ﺍﺗﻨﺮﻓﺰ
ﻧﻤﻨﻪ ﻣﺎﮔﻌﺪﻧﻪ ﻏﻴﺮ ﺍﻟﺴﺎﻋﻪ ﺏ 8 ﻭﻧﺺ ﻫﻮ ﻛﻌﺪ ﻣﺴﺘﻌﺠﻞ ﺣﺘﺊ ﻣﺎﺍﺗﺮﻳﮓ ﺭﺍﺡ ﻟﻠﺸﻐﻞ ﮔﺎﻝ ﺍﺗﺮﻳﮓ ﺍﻫﻨﺎﻙ
ﻭﺍﻧﻲ ﻟﺒﺴﺖ ﺩﺷﺪﺍﺷﻪ ﻋﺮﻳﻀﻪ ﻭﺣﺠﺎﺏ ﻭﺭﺣﺖ ﺍﻟﺒﻴﺖ ﻋﻤﻲ ﺑﻌﺪ ﻣﺎﻧﻀﻔﺖ ﺑﻴﺘﻲ
ﺻﺒﺤﺖ ﻋﻠﻴﻬﻢ ﻭﮔﻌﺪﺕ ﻳﻢ ﺍﺻﺎﻟﻪ ﺗﻠﮕﻂ ﺑﺎﻟﺘﻤﻦ ﺗﺮﻳﺪ ﺗﺴﻮﻱ ﺷﻮﺭﺑﻪ ﻝ ﺍﺑﻨﻬﺎ
ﺍﻡ ﺍﻳﺎﺩ،،ﻭﺩﻕ ﻋﻤﻪ ﺣﻄﻴﻠﺞ ﻃﺤﻴﻨﻪ ﺑﺎﻟﻤﻌﺠﺎﻧﻪ ﻭﺟﻴﺒﻴﻬﺎ ﻳﻤﻲ
ﻭﺩﻕ،،ﮔﻤﺖ ﻭﺍﺻﺎﻟﻪ ﺩﻟﺘﻨﻲ ﺑﻤﻜﺎﻥ ﺍﻟﻄﺤﻴﻦ ﺍﻧﻄﻴﺘﻪ ﺍﻟﻬﺎ ﻭﺟﺒﺘﻠﻬﺎ ﻣﺎﻱ ﮔﺎﻟﺖ ﺍﻧﻄﻴﻨﻲ ﻣﻦ ﺍﻟﻜﺎﻭﻧﺘﺮ ﺧﻤﺮﺓ ﻭﻣﻠﺢ
ﻫﻢ ﺟﺒﺘﻬﻦ ﻭﻃﻠﺒﺖ ﻣﻨﻲ ﺍﺣﻂ ﻛﻤﻴﻪ ﻣﻨﻬﻦ ﻉ ﺍﻟﻄﺤﻴﻦ
ﻛﻌﺪﺕ ﻳﻤﻬﺎ ﻭﻫﻲ ﺗﻌﺠﻦ ﻏﺴﻖ ﻳﻢ ﺍﻫﻠﻬﺎ ﻭﺍﺻﺎﻟﻪ ﻣﺎﺍﺗﻠﺤﮓ ﻑ ﻫﻲ ﻋﺎﺟﺒﻬﺎ ﺗﻌﺠﻦ ﺍﻟﻴﻮﻡ
ﺍﻡ ﺍﻳﺎﺩ،،ﺍﻧﺘﺒﻬﻴﻠﻲ ﻋﻤﻪ ﺣﺘﺊ ﺍﻧﻮﺏ ﺗﺘﻌﻠﻤﻴﻦ ﻟﻠﻌﺠﻴﻦ ﺍﻟﻤﺮﺓ ﺍﻟﻨﺎﺩﺭﺓ ﺗﺘﻌﻠﻢ ﺍﻟﺸﻐﻞ ﺑﻴﺘﻬﺎ ﻣﺎﺗﺼﻴﺮ ﻓﺎﻫﻴﻪ ﻭﺗﺤﺠﻲ ﻋﻨﻬﺎ ﺍﻟﻨﺴﻮﺍﻥ
ﻭﺩﻕ،،ﺻﺪﮒ ﻋﺠﺒﻨﻲ ﺍﻛﻤﻞ ﺑﻤﻜﺎﻧﻬﺎ ﺍﻟﻌﺠﻴﻦ ﺭﺣﺖ ﻏﺴﻠﺖ ﻭﮔﺘﻠﻬﺎ ﺍﻧﻄﻴﻨﻲ ﺍﻛﻤﻞ ﺑﻤﻜﺎﻧﺞ ﺍﺧﺬﺗﻪ ﻭﺻﺎﺭﺕ ﺍﻟﻨﺪﺍﺭﺓ ﻣﺎﻟﺘﻲ ﺗﺨﺮ ﻣﻦ ﺍﺫﺍﻧﻲ
ﻋﺠﻨﺖ ﻭﻛﻤﻠﺖ ﺳﺎﻋﻪ ﻭﻧﺺ ﺍﻧﻲ ﺍﻋﺠﻦ ﺧﻠﻴﺘﻬﺎ ﻋﺒﺎﻟﻚ ﻋﻠﺞ ﻭﻋﻤﺘﻲ ﺍﺗﮕﻮﻝ ﻳﻤﻜﻦ ﺍﻟﻴﻮﻡ ﺍﻟﻤﻐﺮﺏ ﻳﺎﻟﻠﻪ ﻧﺨﺒﺰ ﺍﺫﺍ ﺧﻠﺼﺘﻲ ﺍﻟﻨﻬﺎﺭ ﺗﻌﺠﻨﻴﻦ
ﻛﻤﻠﺖ ﻭﺭﺣﺖ ﻏﺴﻠﺖ ﻭﻋﺰﻟﺖ ﺷﻮﻳﻪ ﻭﻳﻪ ﺍﺻﺎﻟﻪ ﺻﺎﺭﺕ ﺍﻟﺴﺎﻋﻪ ﺏ 12 ﺍﺟﻪ ﺍﻳﺎﺩ ﺍﻭﻝ ﻣﺎﺷﺎﻓﻨﻲ ﻃﮕﻬﺎ ﺿﺤﻜﻪ ﺑﻘﻴﺖ ﺻﺎﻓﻨﻪ ﻫﺬﺍ ﺍﺷﺒﻲ ??
ﺍﻳﺎﺩ،،ﻭﻟﻜﻢ ﺍﻟﻴﻮﻡ ﺷﻤﺴﻮﻳﻦ ﺑﻤﺮﺗﻲ ?
ﻭﺩﻕ،،ﺷﻴﻘﺼﺪ ﻟﻴﺶ ﺍﻧﻲ ﺷﺒﻴﻪ ?
ﻭﮔﻔﺖ ﻳﻤﻪ ﺳﺎﻟﺘﻪ ﻟﻴﺶ ﺷﻜﻮ ?
ﺍﻳﺎﺩ،،ﺑﺎﻭﻋﻲ ﺍﻟﺮﻭﺣﺞ ﺑﺎﻟﻤﺮﺍﻳﻪ ﻭﺗﻌﺮﻓﻴﻦ ﺷﻜﻮ
ﻭﺩﻕ،،ﺻﺪﮒ ﺭﺣﺖ ﺍﺭﻛﺾ ﺍﺭﻳﺪ ﺍﺷﻮﻑ ﻭﺟﻬﻲ ﺷﺒﻲ
ﺗﺎﻟﻲ ﻟﮕﻴﺖ ﺭﺍﺳﻲ ﻛﻠﻪ ﻋﺠﻴﻦ ﻭﮔﺼﺘﻲ ﻭﻋﻜﻮﺱ ﺍﻳﺪﻱ ﺧﺮﺭﺭﺏ ﺑﺤﻀﻲ ﺻﺎﻳﺮﺓ ﻓﻠﻢ ﻭﺍﻧﻲ ﻣﺎﺍﺩﺭﻱ
ﺍﺟﻴﺖ ﻳﻢ ﺍﻳﺎﺩ ﺑﻌﺪﺓ ﻳﻀﺤﻚ
ﺍﻳﺎﺩ،،ﺷﻔﺘﻲ ﺍﺷﻠﻮﻥ ﻣﺒﻴﻨﻪ ﻋﻠﻴﺞ ﺍﻟﻨﻮﺑﻪ ﻣﻦ ﺍﻟﻌﺠﻴﻦ ﺍﻟﺘﺎﺭﺱ ﺭﺍﺳﺞ
ﻭﺩﻕ،،ﺭﺣﺖ ﻏﺴﻠﺖ ﻭﺟﻤﺎﻟﻪ ﺍﻟﻌﺠﻴﻦ ﺻﺎﻳﺮ ﻳﺎﺑﺲ ﮔﻮﺓ ﻃﻠﻊ ﻛﻤﻠﺖ ﻟﮕﻴﺖ ﻋﻤﺘﻲ ﺗﺸﻨﮓ
ﺑﺪﺕ ﺗﺨﺒﺰ ﻭﺍﻧﻲ ﺍﺣﻮﺹ ﻳﻤﻬﺎ ﮔﺘﻠﻬﺎ ﻋﻤﻪ ﺍﻧﻄﻴﻨﻲ ﻭﻳﺎﺝ ﺍﺳﺎﻋﺪﺝ
ﺍﻡ ﺍﻳﺎﺩ،،ﺑﻨﻴﺘﻲ ﻣﻮ ﺣﺒﻬﺎ ﻭﻟﺒﻂ ﺗﻨﺠﻮﻳﻦ ﻳﻮﻣﻴﻪ ﺭﺍﺡ ﺍﻧﻄﻴﺞ ﻛﻢ ﺷﻨﮕﻪ ﺑﻴﻦ ﻣﺎﺗﺘﻌﻠﻤﻴﻦ ﺍﻟﻴﻮﻡ ﺭﺍﺡ ﺍﻧﻄﻴﺞ ﮔﺮﺻﺘﻴﻦ ﺍﺧﺒﺰﻳﻬﻦ ﻭﺑﺎﺟﺮ ﺍﺗﻼﺛﻪ ﻭﻳﻮﻣﻴﻪ ﺍﺯﻭﺩﺝ ﻭﺣﺪﺓ ﻣﻨﺎ ﻟﻤﻦ ﺗﻌﺠﻨﻴﻦ ﻭﺗﺨﺒﺰﻳﻦ ﻭﺣﺪﺝ
ﻭﺩﻕ، ،ﻛﻤﻠﺖ ﻋﻤﺘﻲ ﻭﺧﻠﺘﻠﻲ ﺷﻨﮕﺘﻴﻦ ﺟﻨﺖ ﻣﻨﺘﺒﻬﺎ ﺍﺷﻠﻮﻥ ﺗﺼﻔﻜﻬﺎ ﻭﺗﺤﻄﻬﺎ ﻉ ﺍﻟﺨﺒﺎﺯﺓ ﺍﻧﻲ ﺻﻔﮕﺘﻬﺎ ﻣﺮﺗﻴﻦ ﺭﺍﺩﺕ ﺗﺨﺮﻁ ﻣﻦ ﺍﻳﺪﻱ ﺗﺎﻟﻲ ﺧﻠﻴﺘﻬﺎ ﻋﻞ ﺧﺒﺎﺯﺓ ﻭﻛﺒﺮﺗﻬﺎ ﺑﻴﺪﻱ ﺍﺟﺮﻫﺎ ﻣﻨﺎ . ﻭﺍﻋﺪﻟﻬﺎ ﻣﻨﺎ ﺣﻄﻴﺘﻬﺎ ﺑﺎﻟﺘﻨﻮﺭ ﺑﺲ ﻣﻦ ﻃﻠﻌﺘﻬﺎ ﺍﻧﺠﻮﻳﺖ ﺻﺎﺭﺕ ﺷﺨﻄﻪ ﺣﻤﺮﺓ
ﻃﻠﻌﺖ ﺍﻟﺨﺒﺰﺍﺕ ﺍﻧﻄﺘﻨﻴﺎﻫﻦ ﻋﻤﺘﻲ ﻭﺍﻧﻲ ﻓﺮﺣﺎﻧﻪ ﺑﻴﻬﻦ ﻋﺒﺎﻟﻚ ﻣﺴﻮﻳﻪ ﺍﻧﺠﺎﺯ ﻋﻀﻴﻢ
ﺍﺧﺬﺗﻬﻦ ﻭﺭﺣﺖ ﺭﻛﺾ ﻳﻢ ﺍﻳﺎﺩ ﻛﺘﻠﻪ ﺷﻮﻑ ﺧﺒﺰﺍﺗﻲ
ﻓﺎﺟﺌﻨﻲ ﻣﻦ ﺍﺧﺬﻫﻦ ﻣﻦ ﺍﻳﺪﻱ ﺑﺎﺳﻬﻦ ﻭﺟﺮﻧﻲ ﺑﺎﺱ ﺭﺍﺳﻲ
ﺍﻳﺎﺩ،،ﻳﻤﻪ ﻳﻤﻪ ﺍﻟﻨﺪﺍﺭﺓ ﻣﺮﻳﺘﻲ ﺻﺎﻳﺮﺓ ﺍﻡ ﺑﻴﺖ ﻋﻔﻴﻪ ﺑﺎﻟﺴﺒﺎﻋﻴﻪ ﺣﺘﺊ ﻣﻦ ﻳﺠﻴﻨﻲ ﺧﻄﺎﺭ ﺍﻧﺘﻲ ﺍﻡ ﺍﻻﻋﺰﻭﺑﻴﻪ
ﺍﺧﺬﻫﻦ ﺧﻼﻫﻦ ﻳﻤﻪ ﻭﻛﺎﻟﻬﻢ ﺍﻟﻴﻮﻡ ﺍﺗﻐﺪﺓ ﺑﺨﺒﺰﺍﺕ ﻣﺮﺗﻲ
ﺻﺮﺕ ﺍﺣﺐ ﻫﺎﻱ ﺍﻟﻜﻠﻤﻪ ﻣﻨﻪ ﺷﻌﻮﺭ ﻣﺘﻨﺎﻗﺾ ﺑﺪﺍﺧﻠﻲ ﺳﺎﻋﻪ ﺍﻛﺘﺸﻒ ﺑﺪﻳﺖ ﺍﺣﺒﻪ ﺑﺲ ﺳﺮﻋﺎﻥ ﻣﺎﺍﺗﺮﺍﺟﻊ ﻭﺍﻛﺬﺏ ﻣﺸﺎﻋﺮﻱ
ﻛﻤﻠﻨﻪ ﻏﺪﺓ ﻭﻫﻮ ﻛﻞ ﻣﺎﺍﺑﺎﻭﻋﻠﻪ ﻳﺴﻮﻱ ﺣﺮﻛﻪ ﻛﺪﺍﻣﻬﻢ ﻣﺎﻳﺴﺘﺤﻲ ﻣﻦ ﺍﺑﻮ ﻭﺍﺧﻮﺗﻪ ﻭﺍﻧﻲ ﻣﻦ ﺍﻟﺨﺠﻞ ﺻﺮﺕ ﻣﺎﺍﻧﺪﻝ ﺩﺭﺑﻲ
ﺗﺎﻟﻲ ﻋﻤﻲ ﮔﺎﻟﻪ ﮔﻮﻡ ﺍﺧﺬ ﻣﺮﺗﻚ ﻭﺭﻭﺡ ﺍﻟﺒﻴﺘﻚ ﻻﺗﻀﻞ ﺗﻮﺯﻉ ﺑﻮﺳﺎﺕ ﺑﺎﻟﻬﻮﺉ ﺟﺪﺍﻣﻨﻪ
ﻃﻠﻊ ﻭﻫﻮ ﺧﺮﺑﺎﻥ ﺿﺤﻚ ﻭﻳﮕﻞ ﺍﻟﻌﻤﻲ ﺍﻣﻲ ﻳﻤﻚ ﻭﺩﺯﻟﻬﺎ ﺑﻮﺳﺎﺕ ﻋﻮﺩ ﻟﻴﺶ ﺍﺗﻐﺎﺭﻭﻥ ﻣﻨﻲ
ﺩﺧﻠﻨﻪ ﻟﻠﺒﻴﺖ ﻭﻫﻮ ﺍﻳﺪﺓ ﻋﻠﺊ ﻣﺘﻨﻲ ﺑﺲ ﻣﻦ ﺻﺮﻧﻪ ﺑﺪﺍﺧﻞ ﺑﻴﺘﻨﻪ ﺍﺑﺘﻌﺪ
ﺑﻌﺪ ﺗﻘﺮﻳﺐ ﺳﺎﻋﻪ ﺍﺟﺎ ﺗﻠﻴﻔﻮﻥ ﺳﻤﻌﺘﻪ ﻳﮕﻠﻪ ﻣﺘﺎﻛﺪ ﺩﺷﻮﻑ ﺍﻻﺳﻢ ﺯﻳﻦ
ﻭﺑﻌﻬﺪﻫﺎ ﺍﺧﺬ ﺍﻟﺴﻮﻳﺞ ﻭﻃﻠﻊ
ﻧﺺ ﺳﺎﻋﻪ ﻭﺭﺟﻊ ﺑﻴﺪﺓ ﺍﻟﻨﺘﻴﺠﻪ ﻣﺎﻟﺘﻲ ﺷﻤﺮﻫﺎ ﻉ ﺍﻟﻤﻴﺰ ﻭﻣﺎﺣﺠﻪ ﻭﻻ ﺣﺮﻑ ﺑﺲ ﺟﺎﻥ ﻣﺒﻴﻦ ﻋﻠﻲ ﺍﻟﻌﺼﺒﻴﻪ
ﺍﻧﺼﺪﻣﺖ ﻣﻦ ﺷﻔﺖ ﺍﻟﻨﺘﻴﺠﻪ ﺭﺍﺳﺒﻪ ﺑﺨﻤﺲ ﺩﺭﻭﺱ
ﺍﻟﺪﻣﻮﻉ ﺍﻧﺠﻤﻌﺖ ﺑﻌﻴﻨﻲ ﻣﻦ ﺳﻤﻌﺖ ﻃﺮﻳﻘﺔ ﻛﻼﻣﻪ ﻳﺴﺘﻬﺰﺉ ﺑﺪﺭﺟﺎﺗﻲ
ﺍﻳﺎﺩ،،ﮔﺮﺕ ﻋﻴﻨﺞ
ﻳﺘﺘﺘﺘﺘﺘﺒﻊ
#الرهن__الجارح
علي الفتلاوي
#بارت١٥
ﻏﺎﻟﻲ ﺍﻧﺘﻪ ﺑﻐﻼﺓ
ﺍﻟﺪﻣﻌﻪ ﻣﻦ ﺍﻃﻴﺢ 💔
،،،،،،،،،،،،،،،،،،،،،،،،،
ﻗﺼﺔ ﺍﻟﺮﻫﻦ ﺍﻟﺠﺎﺭﺡ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
،،،،،،،،،،
ﺍﻳﺎﺩ،،ﻋﻠﺊ ﺷﻨﻮ ﺗﺒﺠﻴﻦ ﻫﺎﺍ ?
ﺑﺪﻝ ﻣﺎﺟﻨﺘﻲ ﻣﺨﻠﺼﺘﻬﺎ ﺗﺘﺮﺍﻫﻨﻴﻦ ﻭﻣﻀﻴﻌﻪ ﻭﻛﺘﺞ
ﺟﺎﻥ ﺍﻧﺘﺒﻬﺘﻲ ﻟﺪﺭﻭﺳﺞ
ﻭﺩﻕ،،ﺍﻧﻘﻬﺮﺕ ﻣﻦ ﻛﻼﻣﻪ ﺭﻏﻢ ﻫﻠﺸﻲ ﻣﺎﺣﺠﻴﺖ ﺗﺮﻛﺘﻪ ﻭﺻﻌﺪﺕ ﻟﻠﻐﺮﻓﻪ ﻧﻤﺖ ﻭﺍﺗﻐﻄﻴﺖ ﺻﺮﺕ ﺍﺑﺠﻲ ﻣﻦ ﻛﻞ ﮔﻠﺒﻲ ﻻﻥ ﺍﺩﺭﻱ ﻛﻼﻣﻪ ﺻﺤﻴﺢ ﻟﻮ ﻣﻠﺘﻬﻴﻪ ﺑﺪﺭﺍﺳﺘﻲ ﻭﻫﺎﻣﻨﻲ ﻣﺴﺘﻘﺒﻠﻲ ﺟﺎﻥ ﻣﺎﺭﺳﺒﺖ
ﺷﻮﻳﻪ ﻭﺣﺴﻴﺘﻪ ﺩﺧﻞ ﻟﻠﻐﺮﻓﻪ ﺑﻘﻴﺖ ﻣﻐﻄﺎﻳﻪ ﻭﺍﺑﺠﻲ ﺑﺼﻮﺕ ﻧﺎﺻﻲ
ﺍﻗﺘﺮﺏ ﻣﻨﻲ ﺭﻓﻊ ﺍﻟﻐﻄﻪ ﻋﻨﻲ ﻏﻄﻴﺖ ﻭﺟﻬﻲ ﺑﻴﺪﻱ ﻭﺑﺠﻴﺖ
ﺍﻳﺎﺩ،،ﺍﮔﻌﺪﻱ ﺍﺣﺠﻲ ﻭﻳﺎﺝ
ﻭﺩﻕ،،ﻣﺎﺍﺭﻳﺪ ﺗﺤﺠﻲ ﺷﻲ ﻻﺯﻡ ﻋﻨﺪﻙ ﺍﻫﺎﻧﻪ ﻧﺎﺳﻴﻬﺎ
ﺍﻳﺎﺩ،،ﻭﻟﻴﺶ ﻫﻨﺘﺞ ﻟﻮ ﻣﺎﻣﺤﺮﻭﮒ ﮔﻠﺒﻲ ﻋﻠﻴﺞ
ﺍﮔﻌﺪﻱ ﺧﻞ ﺍﺣﺠﻲ ﻭﻳﺎﺝ
ﻭﺩﻕ،،ﺳﺤﺒﻨﻲ ﮔﻌﺪﻧﻲ ﮔﺪﺍﻣﻪ ﻣﺪ ﺍﻳﺪﺓ ﺑﻌﺪ ﺷﻌﺮﻱ ﻋﻦ ﻭﺟﻬﻲ ﻭﺑﺎﺻﺎﺑﻴﻌﻪ ﻣﺴﺢ ﺩﻣﻮﻋﻲ
ﺍﻳﺎﺩ،،ﻛﺎﻓﻲ ﻋﻴﻮﻧﺞ ﻣﻮﺯﻳﻦ ﺍﻟﺒﺠﻲ
ﺍﺫﺍ ﻫﻴﺞ ﻣﻘﻬﻮﺭﺓ ﻟﻴﺶ ﺿﻴﻌﺘﻲ ﻣﺴﺘﻘﺒﻠﺞ ?
ﻭﺩﻕ،،ﻧﺘﺮﺕ ﺍﻳﺪﻱ ﻣﻨﻪ ﮔﺘﻠﻪ ﻫﻢ ﺭﺟﻌﻨﻪ ﻣﻦ ﻛﺘﻠﻚ ﺗﺮﻳﺪ ﺗﻬﻴﻨﻲ
ﺟﺮﻧﻲ ﻗﻮﻱ ﻣﻦ ﺍﻳﺪﻱ ﻟﻤﻦ ﺻﺮﺕ ﺑﺤﻀﻨﻪ ﺍﻳﺪ ﺣﺎﻭﻃﻨﻲ ﺑﻴﻬﺎ ﻭﺍﻳﺪ ﻟﺰﻡ ﺭﺍﺳﻲ ﻗﺮﺑﻨﻲ ﻣﻨﻪ
ﺍﻳﺎﺩ،،ﻛﺎﺍﺍﻓﻲ ﻭﺩﺩﻕ ﻛﺎﺍﻓﻲ ﻭﻟﺞ ﻣﺤﺘﺮﮒ ﺍﺑﻮ ﺍﺑﻮﻱ ﻋﻠﻴﺞ ﻣﺸﺘﻌﻞ ﺷﻌﻞ ﻭﺍﻧﺘﻲ ﻣﺎﻫﺎﻣﺞ ﻭﻻﺍﺑﺎﻟﺞ ﺷﻲ
ﻋﺒﺎﻟﺞ ﻣﺎﺿﺎﻳﺞ ﻣﺎﻣﻘﻬﻮﺭ ??
ﻻ ﺳﻬﻤﺞ ﺍﻟﺮﺍﺣﻪ ﻣﻘﻬﻮﺭ ﺍﻛﺜﺮ ﻣﻨﺞ ﻻﻥ ﺍﻧﻲ ﺍﻟﻘﺮﻳﺖ ﻭﺗﻌﺒﺖ ﺭﺩﺕ ﺍﺗﺠﺎﺯﻳﻨﻲ ﺗﻌﺒﻲ ﻭﺍﺗﻔﺮﺣﻴﻨﻲ ﺑﻨﺠﺎﺣﺞ ﺭﺩﺕ ﺍﺗﺒﺎﻫﺎ ﺑﻴﺞ . ﻭﺍﮔﻮﻝ ﺑﻨﻴﺘﻲ ﻧﺠﺤﺖ ﻭﻣﺎﺭﺍﺡ ﺗﻌﺒﻲ ﺑﺎﻟﺨﺎﻟﻲ ﺑﻼﺵ
ﺍﺻﺤﻲ ﻭﺩﻕ ﻛﺎﻓﻲ ﻛﺒﺮﺗﻲ ﻓﺮﺯﻧﻲ ﺍﻟﺼﺢ ﻣﻦ ﺍﻟﺨﻄﻪ ﺷﻮﻓﻲ ﺍﻟﻴﻔﻴﺪﺝ ﻣﻦ ﺍﻟﻴﻀﺮﺝ
ﺍﻧﻲ ﺍﻧﻄﻴﺘﺞ ﻓﺮﺻﻪ ﻭﺍﻧﺘﻲ ﺿﻴﻌﺘﻴﻬﺎ
ﮔﺘﻠﺞ ﺍﺫﺍ ﺭﺳﺒﺘﻲ ﺗﻨﺴﻴﻦ ﺍﻟﻤﺪﺭﺳﻪ ﻣﺮﺓ ﺛﺎﻧﻴﻪ
ﻭﺩﻕ،،ﮔﺎﻡ ﻭﮔﻒ ﺭﻓﻊ ﻭﺟﻬﻲ ﺏ ﺍﺻﺒﻌﻪ
ﺍﻳﺎﺩ،،ﺍﻟﻔﺮﺻﻪ ﺗﺠﻲ ﻣﺮﺓ ﻭﺣﺪﺓ ﻭﺍﻧﺘﻲ ﺍﺧﺬﺗﻴﻬﺎ ﻭﻓﺸﻠﺘﻲ ﻟﺬﺍﻟﻚ ﻟﺘﻌﺘﺒﻴﻦ ﻋﻠﻴﻪ ﺑﻌﺪ
ﻭﺩﻕ، ،ﺗﺮﻛﻨﻲ ﻭﺭﺍﺡ ﻭﺍﻧﻲ ﻏﺼﻴﺖ ﺑﺎﻟﺒﺠﻲ ﻟﻠﻴﻞ ﻣﺎﺭﺟﻊ
ﻭﺍﻧﻲ . ﻫﻢ ﺑﻘﻴﺖ ﺑﺎﻟﻐﺮﻓﻪ ﺍﺣﺲ ﺭﺍﺳﻲ ﻳﻮﺟﻌﻨﻲ ﻣﻦ ﺍﻟﺒﺠﻲ
ﺍﻧﺪﮒ ﺍﻟﺒﺎﺏ ﻧﺰﻟﺖ ﻓﺘﺤﺘﻪ ﻟﮕﻴﺘﻬﺎ ﺍﺻﺎﻟﻪ ﮔﺎﻟﺖ ﺍﺑﻮﺝ ﻭﺍﻣﺞ ﻳﻤﻨﻪ ﻳﺼﻴﺤﻮﻟﺞ ﺷﻜﻮ ﺣﺎﺑﺴﻪ ﺭﻭﺣﺞ ﻭﺣﺪﺝ
ﻋﺎﻓﺘﻨﻲ ﻭﺭﺍﺣﺖ ﻏﺴﻠﺖ ﻭﺟﻬﻲ ﻟﺒﺴﺖ ﺣﺠﺎﺑﻲ ﻭﺟﺒﻪ ﻋﻨﺪﻱ ﺑﺪﻝ ﺍﻟﻌﺒﺎﻳﻪ ﻟﺒﺴﺘﻬﺎ ﻭﺭﺣﺖ ﻳﻤﻬﻢ ﺍﻭﻝ ﻣﺎﺩﺧﻠﺖ ﺍﻣﻲ ﮔﺎﻟﺖ
ﺍﻡ ﻭﺩﻕ،،ﺷﻜﻮ ﺫﺍﺑﺤﻪ ﺭﻭﺣﺞ ﺍﺫﺍ ﻫﻴﺞ ﻛﺎﺗﻠﺘﺞ ﺍﻟﺪﺭﺍﺳﻪ ﻣﺎﺷﺪﻳﺘﻲ ﺣﻴﻠﺞ ﻭﻧﺠﺤﺘﻲ
ﺍﺑﻮ ﻭﺩﻕ،،ﺗﻌﺎﻟﻲ ﺑﺎﺑﺎ ﺍﮔﻌﺪﻱ ﺍﺑﻨﻴﺘﻲ ﺻﺎﺭﺓ ﻣﺮﺓ ﻣﺘﺰﻭﺟﻪ ﺑﻴﺘﻬﺎ ﻭﺯﻭﺟﻬﺎ ﺍﻫﻢ ﻣﻦ ﺍﻟﺪﺭﺍﺳﻪ
ﻭﺩﻕ،،،ﺍﻳﺎﺩ ﺳﺎﻛﺖ ﻭﺑﻴﺖ ﻋﻤﻲ ﻳﺎﻳﺪﻭﻥ ﻛﻼﻡ ﺍﺑﻮﻱ ﻭﺍﺣﺪ ﻳﺮﻓﻊ ﻭﺍﻟﺜﺎﻧﻲ ﻳﻜﺒﺲ ﺑﺲ ﺍﻳﺎﺩ ﻭﺟﻬﺎ ﻣﺎﻳﺘﻔﺴﺮ ﻻﺣﺠﻪ ﻭﻻﺷﺎﺭﻛﻬﻢ ﺗﺎﻟﻲ ﺍﺗﺮﺧﺺ ﻣﻨﻬﻢ ﻭﻃﻠﻊ
ﻛﺮﻫﺖ ﺭﻭﺣﻲ ﺑﺬﻳﺞ ﺍﻟﺴﺎﻋﻪ ﻟﻮﻧﺎﺟﺤﻪ ﻭﻣﻔﺮﺣﺘﻪ ﻭﻣﻔﺮﺣﻪ ﻧﻔﺴﻲ ﻭﻣﺎﺟﺎﻥ ﺳﻤﻌﺖ ﻛﻞ ﻫﺬﺍ ﺍﻟﺤﺠﻲ
ﺍﺗﺬﻛﺮﺕ ﺍﻟﺼﺒﺢ ﺍﺷﻠﻮﻥ ﻳﻀﺤﻚ ﻭﻓﺮﺣﺎﻥ ﻭﻫﺴﻪ ﻣﺒﻴﻦ ﻣﻘﻬﻮﺭ ﻭﺿﺎﻳﺞ
ﺷﻮﻳﻪ ﺍﺑﻮﻱ ﺍﺗﺮﺧﺺ ﻻﻥ ﺍﻟﺼﺒﺢ ﻳﺮﺟﻊ ﻟﻠﺪﻭﺍﻡ
ﺍﻫﻠﻲ ﺭﺍﺣﻮ ﻭﺍﻧﻲ ﺭﺟﻌﺖ ﺍﻟﺒﻴﺘﻲ ﻣﺎﻟﻲ ﻧﻔﺲ ﺣﺘﺊ ﺍﺗﻌﺸﻪ ﺻﻌﺪﺕ ﺍﻟﻐﺮﻓﺘﻲ ﺍﻭﻝ ﻣﺎﺣﻄﻴﺖ ﺭﺍﺳﻲ ﻉ ﺍﻟﻤﺨﺪﺓ ﻏﻔﻴﺖ
ﻣﺎﮔﻌﺪﺕ ﻏﻴﺮ ﻟﻤﻦ ﺷﻔﺖ ﺭﻭﺣﻲ ﻣﺘﺮﺑﻄﻪ
ﮔﻌﺪﺕ ﻟﮕﻴﺘﻪ ﺣﺎﺿﻨﻲ ﺣﻴﻞ ﺩﻓﻌﺘﻪ ﺍﺭﻳﺪ ﺍﻭﺧﺮ ﺭﺟﻊ ﺟﺮﻧﻲ ﻭﺩﻓﻦ ﺧﺸﻤﻪ ﺑﺸﻌﺮﻱ
ﺍﻳﺎﺩ،،ﺧﻠﻴﻨﻲ ﺣﺎﺿﻨﺞ ﻣﺮﺗﺎﺡ
ﻭﺩﻕ،،ﻭﺧﺮ
ﺍﻳﺎﺩ،،ﺗﻌﺒﺎﻥ ﻭﺩﻕ ﺣﺴﻲ ﻋﺎﺩ
ﻭﺩﻕ،،ﮔﺘﻠﻚ ﻭﺧﺮ
ﺍﻳﺎﺩ،،ﻛﺎﻓﻲ ﺭﺍﺍﺍﺡ ﺍﺗﻜﻔﺮﻳﻴﻴﻨﻲ ﺑﻬﻠﻴﻞ ﻭﻟﺞ ﺍﻫﻨﺎﺍﺍﺍﺍ ﺷﻨﻮﻭ ﮔﻠﺒﺒﺒﺐ ﻟﻮ ﺣﺠﺮﺭﺭﺭ ﺭﺣﻤﻤﻤﻪ ﺍﻟﺪﻳﻴﻴﻨﺞ
ﻭﺩﻕ،،ﮔﻌﺪ ﻋﻠﺊ ﺣﻴﻠﻪ ﻳﺎﺍﺷﺮ ﺑﻴﺪﺓ ﻋﻠﺊ ﮔﻠﺒﻲ
ﺗﺎﻟﻲ ﺍﺧﺬ ﺍﻟﻤﺨﺪﺓ ﻭﻧﺰﻝ ﻧﺎﻡ ﺟﻮﺓ
ﺑﻘﻴﺖ ﺍﺷﻬﮓ ﺑﺎﻟﺒﺠﻲ ﻟﻴﺶ ﻣﺎﺟﺎﻱ ﺍﻧﻄﻲ ﻓﺮﺻﻪ ?
ﺍﻧﻲ ﺍﻟﺤﻄﻴﺖ ﺭﻭﺣﻲ ﺑﻬﻠﻤﻮﻗﻒ ﻟﻴﺶ ﻣﺎﺟﺎﻱ ﺍﺗﻘﺒﻠﻪ ﺑﻌﺪ ﻣﺎﺫﻟﻴﺖ ﺭﻭﺣﻲ ﺣﺘﺊ ﻳﻨﻀﺮﻟﻲ ﻧﻀﺮﺓ ﻭﺣﺪﺓ ﻭﺍﻛﺴﺐ ﺍﻟﺮﻫﻦ
ﺑﻘﻴﺖ ﺍﻟﻮﺏ ﻭﺍﻓﺘﺮ ﺑﻤﻜﺎﻧﻲ ﻻﻥ ﺍﺗﻌﻮﺩﺕ ﻋﻠﺊ ﺍﻫﺘﻤﺎﻣﻪ ﺻﺎﺭ ﺷﻬﺮ ﻣﻦ ﺍﺗﺰﻭﺟﻨﻪ ﺭﻏﻢ ﺍﺗﻮﻋﺪﻟﻲ ﻳﺸﻮﻓﻔﻨﻲ ﺍﻟﻨﺠﻮﻡ ﺑﻌﺰ ﺍﻟﻀﻬﺮ ﻗﺒﻞ ﺍﻟﺰﻭﺍﺝ ﺑﺲ ﺑﻌﺪ ﺍﻟﺰﻭﺍﺝ ﻣﺎﺷﻔﺖ ﻣﻨﻪ ﺍﻟﻪ ﺍﻟﺨﻴﺮ ﻭﺍﻟﺤﺐ ﻭﺍﻟﺤﻨﺎﻥ
ﺍﺗﻌﻮﺩﺕ ﻋﻠﺊ ﺍﻫﺘﻤﺎﻣﻪ ﻛﻞ ﺷﻮﻳﻪ ﺍﻓﺘﺢ ﺍﻟﺒﺎﺏ ﺍﺭﻳﺪ ﺍﻧﺰﻝ ﺍﻋﺘﺬﺭ ﻣﻨﻪ ﺑﺲ ﺍﺭﺟﻊ ﺍﺗﺮﺍﺟﻊ
ﺍﺧﺮ ﺷﻲ ﺑﻘﻴﺖ ﻻﻥ ﻋﺼﺒﻲ ﻭﻣﺎﻳﺘﻔﺎﻫﻢ ﻻﻳﺴﻤﻌﻨﻲ ﻛﻠﻤﻪ ﻣﻮﺯﻳﻨﻪ ﻭﻫﻮ ﺑﻬﺬﺍ ﻭﺿﻌﻪ ﺗﺎﻟﻲ ﺭﺟﻌﺖ ﻧﻤﺖ ﻣﺎﺻﺤﻴﺖ ﺍﻟﻪ ﻋﻠﺊ ﺭﮔﻊ ﺑﻴﺒﺎﻥ ﺍﻟﻜﻨﺘﻮﺭ ﺷﻠﺖ ﺭﺍﺳﻲ ﻣﻔﺰﻭﻋﻪ ﻟﮕﻴﺘﻪ ﻳﺒﺪﻝ
ﻟﺒﺲ ﻭﻃﻠﻊ ﺭﮔﻊ ﺍﻟﺒﺎﺏ ﻭﺭﺍﻩ ﺣﻴﻞ
ﺑﻌﺪ ﻣﺎﺍﺟﺎﻧﻲ ﻧﻮﻡ ﻛﻤﺖ ﻏﺴﻠﺖ ﻭﺭﺣﺖ ﺍﻟﺒﻴﺖ ﻋﻤﻲ ﺑﻘﻴﺖ ﺍﺳﺎﻋﺪﻫﻦ ﺍﻟﻀﻬﺮ ﺭﺟﻊ ﻣﺎﻗﺒﻞ ﻳﺘﻐﺪﺓ ﮔﺎﻝ ﺍﺗﻐﺪﻳﺖ ﺑﺎﻟﺸﻐﻞ
ﺑﻠﻴﻞ ﻃﻠﻊ ﻫﻢ ﮔﺎﻝ ﻣﻌﺰﻭﻡ ﻳﻢ ﺟﻤﺎﻋﺘﻲ
ﺑﻘﻴﻨﻪ ﻋﻠﺊ ﻫﻠﻮﺿﻊ ﻳﻮﻣﻴﻦ ﻣﺎﻧﺘﺤﺎﺟﻪ
ﺍﺑﻬﺬﻧﻲ ﺍﻟﻴﻮﻣﻴﻦ ﺍﻓﺘﻘﺪﺕ ﺍﻫﺘﻤﺎﻣﻪ ﻛﻠﺶ ﺻﺮﺕ ﻋﺒﺎﻟﻚ ﻭﺣﻴﺪﺓ ﻭﻣﺤﺪ ﻳﻬﺘﻢ ﺑﻴﻪ
ﺍﺭﻳﺪ ﺑﺲ ﻓﺮﺻﻪ ﺣﺘﺊ ﺍﻋﺘﺬﺭ ﻭﺍﻭﻋﺪﺓ ﺍﺷﺪ ﺣﻴﻠﻲ ﺍﻟﺴﻨﻪ ﺍﻟﺘﺠﻲ ﻭﺍﻧﺠﺢ ﺑﺲ ﻫﻮ ﻗﺎﻓﻞ ﻣﺎﻳﻘﺒﻞ ﺍﺭﺟﻊ ﻟﻠﻤﺪﺭﺳﻪ
ﺑﻠﻴﻞ ﻟﺒﺲ ﻭﺭﺍﺩ ﻳﺮﻭﺡ ﻳﺘﻌﺸﺊ ﻳﻢ ﺍﻫﻠﻪ ﻣﺎﻟﮕﻴﺖ ﺭﻭﺣﻲ ﻏﻴﺮ ﮔﻤﺖ ﻭﮔﻔﺖ ﮔﺪﺍﻣﻪ
ﺍﻳﺎﺩ،،ﻭﺧﺮﻱ ﻭﺩﻕ
ﻭﺩﻕ،،ﺩﻧﮕﺖ ﻭﮔﺘﻠﻪ ﺍﺳﻔﻪ ﻭﺍﻟﻠﻪ ﻭﻋﺪ ﺍﺷﺪ ﺣﻴﻠﻲ ﺍﻟﺴﻨﻪ ﺍﻟﺠﺎﻳﻪ
ﺭﻓﻌﺖ ﺭﺍﺳﻲ ﺷﻔﺘﻪ ﺍﺑﺘﺴﻢ
ﺍﻳﺎﺩ،،ﻭﻣﻦ ﻛﻞ ﻋﻘﻠﺞ ﺍﻛﻮ ﺳﻨﻪ ﺟﺎﻳﻪ ?
ﻟﻮ ﺍﺧﻠﻴﺞ ﺍﺩﺍﻭﻣﻴﻦ
ﻭﺧﺮﻱ ﻭﺩﻕ ﺍﺭﻳﺪ ﺍﻭﻟﻲ
ﻭﺩﻕ،،ﺑﻌﺪ ﻛﻢ ﻳﻮﻡ ﺍﻳﺎﺩ ﺭﺟﻊ ﺍﻟﻮﺿﻌﻪ ﺍﻟﻄﺒﻴﻌﻲ ﻣﻦ ﺷﺎﻑ ﺗﻌﺒﻲ ﻭﻋﻴﻮﻧﻲ ﺍﻟﺬﺍﺑﻠﻪ ﺑﺴﺒﺐ ﺍﻟﺘﻔﻜﻴﺮ ﻭﻗﻠﺔ ﺍﻟﻨﻮﻡ
ﺭﺟﻊ ﻧﻔﺲ ﻭﺿﻌﻪ ﻗﺒﻞ ﻳﻀﺤﻚ ﻭﻳﺘﺸﺎﻗﻪ ﻭﺍﻟﻌﺠﻴﺐ ﻟﮕﻴﺖ ﺭﻭﺣﻲ ﺍﺗﻤﻨﺊ ﺭﺿﺎ ﺍﺭﻳﺪ ﺍﺷﻮﻓﻪ ﺩﻭﻡ ﻣﺒﺘﺴﻢ ﻭﻓﺮﺣﺎﻥ
ﺑﻌﺪ ﻓﺘﺮﺓ ﺻﺎﺩﻑ ﻋﺮﺱ ﻋﻠﻲ ﺍﺑﻦ ﻋﻤﻲ ﻭﺍﺣﻨﻪ ﻣﻦ ﻋﺎﺩﺍﺗﻨﻪ ﻧﺠﺘﻤﻊ ﻛﻠﻨﻪ ﺑﺎﻻﻋﺮﺍﺱ ﺍﻧﻲ ﻫﻢ ﻛﻤﻠﺖ ﺷﻐﻠﻲ ﺍﺑﻴﺘﻲ ﻣﻦ ﻭﻛﺖ ﻣﺎﺍﺷﺘﺮﻳﺖ ﻟﺒﺲ ﻻﻥ ﺑﻌﺪﺓ ﻟﺒﺴﻲ ﻛﻠﻪ ﺟﺪﻳﺪ ﺍﻛﺜﺮﻫﻦ ﻣﺎﻻﺑﺴﺘﻬﻦ
ﺑﺲ ﻃﻠﺒﺖ ﻣﻦ ﺍﻣﻲ ﺗﺎﺧﺬﻧﻲ ﻟﻠﺼﺎﻟﻮﻥ ﺍﻳﺎﺩ ﮔﺎﻝ ﺍﺧﺬﻛﻢ
ﺍﻟﻤﻴﺶ ﻭﺍﺻﻞ ﺍﻟﻨﺺ ﺷﻌﺮﻱ ﻭﺍﻳﺎﺩ ﻣﺎﻳﺤﺐ ﺍﻟﻤﻴﺶ ﻟﺬﺍﻟﻚ ﺧﻠﻴﺘﻬﺎ ﺗﻘﺼﺮ ﺍﻟﻠﻮﻥ ﻭﺗﺮﺟﻌﻪ ﻛﻠﻪ ﺍﺳﻮﺩ
ﺣﻔﺘﻠﻲ ﻭﺷﻤﺮﺕ ﺣﻮﺍﺟﺒﻲ ﺑﺮﺳﻤﻪ ﺟﺪﻳﺪﺓ
ﺍﻣﻲ ﺑﺎﻗﻴﻪ ﺑﺲ ﺗﻘﺮﺓ ﺍﻟﻤﻌﻮﺫﺍﺕ ﻭﺗﻨﻔﺦ ﻋﻠﺊ ﻫﺎﻱ ﻭﻋﻠﺊ ﺫﻳﺞ
ﺻﺪﻙ ﺍﻟﻠﻮﻥ ﺍﻻﺳﻮﺩ ﻳﻠﻮﮔﻠﻲ ﺍﻛﺜﺮ
ﺑﺲ ﺧﻠﻴﺘﻬﺎ ﺗﺴﺤﺒﻪ ﺷﻮﻳﻪ ﻫﻮ ﺑﻜﻞ ﺍﻻﺣﻮﺍﻝ ﻧﺎﻋﻢ
ﻛﻤﻠﺖ ﻭﻃﻠﻌﺖ ﻟﮕﻴﺘﻪ ﻳﻨﺘﻀﺮﻧﻲ ﺑﺎﻟﺴﻴﺎﺭﺓ ﺍﻣﻲ ﻛﻌﺪﺕ ﻳﻤﻪ ﺑﺎﻟﺼﺪﺭ ﻭﺍﻧﻲ ﺑﺎﻟﻮﺭﺓ ﻣﺎﻗﺒﻠﺖ ﺍﺻﻌﺪ ﻳﻤﻪ ﺍﻭﻝ ﻣﺎﺻﻌﺪﺕ ﻋﺪﻝ ﺍﻟﺠﺎﻣﻪ ﻋﻠﻴﻪ ﻏﻤﺰﻟﻲ
ﺍﻣﻲ ﺩﺭﺍﺕ ﻭﺟﻬﺎ ﻟﻠﺠﺎﻣﻪ ﺭﺟﻊ ﺩﺯﻟﻲ ﺑﻮﺳﻪ ﻭﻋﺾ ﺷﻔﺘﻪ
ﺍﺗﺨﺮﺩﻟﺖ ﻣﻦ ﺍﻟﻔﺸﻠﻪ ﺑﺲ ﺑﻨﻔﺲ ﺍﻟﻮﻛﺖ ﺍﻓﺮﺡ ﺑﻤﻐﺎﺯﻟﺘﻪ
ﺭﺟﻌﻨﻪ ﻟﻠﺒﻴﺖ ﻭﺑﺴﺮﻋﻪ ﺳﺒﺤﺖ ﺑﺲ ﺟﺴﻤﻲ ﻭﻃﻠﻌﺖ
ﻟﺒﺴﺖ ﻓﺴﺘﺎﻥ ﻣﺎﺭﻭﻧﻲ ﺣﺼﺮ ﻉ ﺍﻟﺠﺴﻢ ﻗﺼﻴﺮ ﻭﺻﻠﻮﺥ ﺑﻲ ﻓﻴﻜﻪ ﺗﻨﻠﺒﺲ ﻉ ﺍﻟﺨﺼﺮ ﻳﺒﻴﻦ ﻣﻨﻔﻮﺵ
ﻋﺪﻟﺖ ﺷﻌﺮﻱ ﻭﻃﻮﺧﺖ ﻣﻜﻴﺎﺟﻲ ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺍﻳﺎﺩ ﺳﺎﺑﺢ ﻭﻻﻑ ﺑﺲ ﺍﻟﻤﻨﺸﻔﻪ ﻋﻠﺊ ﺧﺼﺮﺓ
ﺍﺭﺗﺒﻜﺖ ﻭﺳﻮﻳﺖ ﺭﻭﺣﻲ ﺍﻋﺪﻝ ﺑﻤﻜﻴﺎﺟﻲ
ﺻﺎﺭ ﻭﺭﺍﻱ ﺍﻟﺘﻔﺘﺖ ﺭﺩﺕ ﺍﺑﺘﻌﺪ ﺍﻧﻄﺨﻴﺖ ﺑﺼﺪﺭﺓ ﺑﺲ ﻣﺪﻧﮕﻪ
ﺭﻓﻊ ﻭﺟﻬﻲ ﺏ ﺍﻳﺪﺓ ﺍﻧﻔﺎﺳﻪ ﺍﻟﺤﺎﺭﺓ ﺗﻀﺮﺏ ﺑﻮﺟﻬﻲ ﻭﮔﻠﺒﻲ ﺩﻛﺎﺗﻪ ﻋﻠﺖ ﺣﺴﻴﺘﻪ ﺍﻧﺘﻬﺊ ﺭﻓﻌﺖ ﻭﺟﻬﻲ ﻭﺍﺣﺪ ﻳﺒﺎﻭﻉ ﺑﻌﻴﻮﻥ ﺍﻟﺜﺎﻧﻲ ﻓﺠﺎﻩ ﺍﻗﺘﺮﺏ ﺍﻛﺜﺮ ﻭﺍﺧﺬ ﺷﻔﺎﻳﻔﻲ ﺑﻴﻦ ﺷﻔﺎﻳﻔﻪ ﺑﺎﻟﺒﺪﺍﻳﻪ ﻛﻨﺖ ﺟﺎﻣﺪﺓ ﻣﺎﺍﻋﺮﻑ ﺷﺴﻮﻱ ﺑﺲ ﺑﻌﺪﻫﺎ ﻭﻻﻭﻝ ﻣﺮﺓ ﺍﻧﺪﻣﺞ ﻭﺍﺗﻔﺎﻋﻞ ﻭﻳﺎﻩ ﻣﺤﺎﻭﻁ ﺧﺼﺮﻱ ﺑﺜﻨﻴﻦ ﺍﺩﻱ ﻭﻧﺎﺳﻲ ﺍﻟﺪﻧﻴﺎ ﻣﺮﺗﺎﺡ ﻻﻥ ﺑﺎﺩﻟﺘﻪ
ﻓﺠﺎﻩ ﺻﺤﻴﺖ ﻋﻠﺊ ﺭﻭﺣﻲ ﻣﻦ ﺷﻔﺘﻪ ﺍﺗﻌﻤﻖ ﺑﻠﻤﺴﺎﺗﻪ ﺍﻛﺜﺮ ﺩﻓﻌﺘﻪ ﻭﻫﻮ ﻳﻠﻬﺚ
ﻣﺎﺭﺩﺕ ﺍﺿﻮﺟﻪ ﮔﺘﻠﻪ ﻭﺧﺮ ﻭﺭﺍﻧﻪ ﻋﺮﺱ ﺍﻟﻨﺎﺱ ﺭﺍﺣﺖ
ﺍﻳﺎﺩ،،ﺩﺗﻌﺎﻟﻲ ﺍﻧﻌﻞ ﻭﺍﻟﺪﻳﻬﻢ ﺍﻟﺮﺍﺡ ﻭﺍﻻﺟﻪ ﺩﺧﻞ ﺍﻋﺮﺱ ﺍﻧﻲ ﻭﺑﻌﺪﻳﻦ ﺍﻧﺮﻭﺡ ﺍﻟﻌﺮﺱ ﺍﻟﻮﺍﺩﻡ
ﻭﺩﻕ،،ﺟﺮﻧﻲ ﻭﺻﺎﺭ ﻳﺒﻮﺱ ﺭﺟﻌﺖ ﺩﻓﻌﺘﻪ ﺑﺲ ﻣﺒﻴﻦ ﻋﻠﻴﻪ ﺿﺠﺖ ﺍﺑﺘﻌﺪ ﺭﻓﻊ ﻧﻔﺴﻪ ﻣﻨﻲ
ﺍﻳﺎﺩ،،ﺷﻮﻛﺖ ﺍﻟﻠﻪ ﻳﻬﺪﻳﺞ ﻭﺩﻕ ﺑﺲ ﻓﻬﻤﻴﻨﻲ ??
ﻭﺩﻕ،،ﻣﺎﺣﺠﻴﺖ ﺑﺲ ﺩﻓﻌﺘﻪ ﻭﮔﻤﺖ ﮔﻮﺓ ﻭﺍﮔﻔﻪ ﺭﺟﻠﻴﻪ ﻳﺮﺟﻔﻦ ﻫﻮ ﻫﻢ ﺍﻧﺰﻋﺞ ﻭﺿﺎﺝ ﻭﻗﺒﻞ ﻣﺎﺍﻃﻠﻊ ﺟﺮﻧﻲ
ﺍﻳﺎﺩ،،ﺗﺤﻠﻤﻴﻦ ﺗﺮﺣﻴﻦ ﺑﻬﺬﺍ ﺍﻟﻠﺒﺲ ﻭﺍﻟﻤﻜﻴﺎﺝ
ﻭﺩﻕ،،ﻓﺘﺤﺖ ﺣﻠﮕﻲ ﻋﺮﻓﺘﻪ ﺿﺎﺝ ﻭﻳﺘﺼﺮﻑ ﻫﻴﺞ ﮔﺘﻠﻪ ﻫﻲ ﺣﻨﻪ ﺑﺲ ﺑﻨﺎﺕ ﻭﺍﻧﻲ ﻣﺎﺍﺫﺏ ﻋﺒﺎﺗﻲ ﻏﻴﺮ ﻟﻤﻦ ﺍﻭﺻﻞ ﺍﻟﺒﻴﺖ ﻋﻤﻲ
ﺍﻳﺎﺩ،،ﻭﺩﻕ ﻟﻴﺶ ﺍﺗﺨﻠﻴﻨﻲ ﺍﺣﺒﺴﺞ ﺍﻫﻨﺎ ﻭﺍﻧﻌﻞ ﺍﺑﻮﺝ ﻻﺑﻮ ﻋﻤﺞ ﻭﻳﺎﺝ
ﻭﺩﻕ،،ﺻﺪﻙ ﺿﺠﺖ ﻧﺘﺮﺕ ﺍﻳﺪﺓ ﮔﺘﻠﻪ ﺭﻭﺡ ﺍﻧﺘﻪ ﺍﻧﻲ ﺑﻄﻠﺖ ﻣﺎﺍﺭﻭﺡ
ﺍﻳﺎﺩ،،ﺑﻌﺪ ﺍﺣﺴﻦ
ﻭﺩﻕ،،ﺑﺪﻝ ﻟﺒﺲ ﻗﺎﻁ ﺑﻨﻄﺮﻭﻥ ﻧﻴﻠﻲ ﻭﺳﺘﺮﺓ ﻧﻴﻠﻲ ﻭﻗﻤﻴﺺ ﺍﺑﻴﺾ ﺑﺪﻭﻥ ﺍﺭﺑﺎﻁ ﻓﺘﺢ ﺍﻭﻝ ﺩﻛﻤﺘﻴﻦ ﻣﺸﻂ ﻭﺭﺵ ﻋﻄﺮ ﺍﺧﺬ ﻣﻮﺑﺎﻳﻠﻪ ﻭﺍﻟﺴﺒﺤﻪ ﺑﻴﺪﺓ ﺭﺍﺩ ﻳﻄﻠﻊ ﺍﻟﺘﻔﺘﻠﻲ
ﺍﻳﺎﺩ،،ﺗﺮﺣﻴﻦ ﻟﻮ ﻻ ﻭﺍﺫﺍ ﺗﺮﺣﻴﻦ ﺑﺸﺮﻁ ﺍﺗﺒﺪﻟﻴﻦ ﻭﺍﺗﻤﺴﺤﻴﻦ ﻣﻜﻴﺎﺟﺞ
ﻭﺩﻕ،،ﻣﺨﺘﻨﻜﻪ ﺍﺭﻳﺪ ﺑﺲ ﺍﻃﻠﻊ ﻭﻣﺎﻋﻨﺪﻱ ﺣﻞ ﻏﻴﺮ ﺍﺳﻤﻊ ﻛﻼﻣﻪ ﮔﻤﺖ ﺧﻔﻔﺖ ﺍﻟﻤﻜﻴﺎﺝ ﻛﻠﺶ ﺑﺤﻴﺚ ﻣﺎﻣﺒﻴﻦ
ﺑﻘﻴﺖ ﻋﻠﺊ ﻟﺒﺴﻲ
ﺍﻳﺎﺩ،،ﻭﺍﻟﻐﻀﺐ ﻣﺎﺍﺗﺒﺪﻟﻲ ?
ﻭﺩﻕ،،ﺣﻨﻪ ﻧﺴﻮﺍﻥ ﻭﻣﺤﺪ ﻳﺪﺧﻞ ﻭﻋﺒﺎﺩ ﺍﻟﻠﻪ ﻛﻠﻬﺎ ﻻﺑﺴﻪ ﺍﺿﺮﺏ ﻣﻦ ﻟﺒﺴﻲ ﻟﻮ ﺑﺲ ﺍﻧﻲ ﺍﺭﻭﺡ ﻣﻠﻔﻠﻔﻪ
ﺍﻳﺎﺩ،،ﻻ ﻳﺒﻮﻱ ﻧﺘﻌﺮﻳﻦ ﻣﺜﻠﻬﻦ ﺻﺪﻙ ﺟﺬﺏ ﻭﺍﺫﺍ ﺍﻟﻮﺍﺩﻡ
ﻥ . ،،،،،،،،، ﺍﺣﻨﻪ ﻫﻢ ﻧﺴﻮﻱ ﻧﻔﺴﻬﻢ
ﻭﺩﻕ،،ﺍﺗﺨﺒﻞ ﺍﻟﺰﻟﻤﻪ ﻭﺍﻟﺴﺎﻧﻪ ﺍﺗﻜﻮﻙ ﻉ ﺍﻟﻔﺸﺎﺭ
ﻟﺒﺴﺖ ﺣﺠﺎﺑﻲ ﻭﻋﺒﺎﺗﻲ ﻭﻧﺰﻟﺖ ﺻﻌﺪﺕ ﺑﺎﻟﺴﺪﺭ ﻳﻤﻪ ﻭﺩﺍﻧﻲ ﺍﻟﺒﻴﺖ ﻋﻤﻲ ﻭﻣﺎﺧﻼﻧﻲ ﺍﻧﺰﻝ ﺍﻟﻪ ﻟﻤﻦ ﺍﺟﺖ ﻋﻤﺘﻲ ﻭﺟﻨﺎﻳﻨﻬﺎ
ﻧﺰﻝ ﺍﻟﺠﺎﻣﻪ ﻭﺣﺠﻪ ﻭﻳﻪ ﺍﻣﻪ
ﺍﻳﺎﺩ،،ﻳﻤﻪ ﻭﺩﻕ ﮔﻌﺪﻳﻬﺎ ﻳﻤﺞ ﻭﺍﺫﺍ ﺳﻤﻌﺖ ﺑﻴﻬﺎ ﮔﺎﻳﻤﻪ ﺭﺍﮔﺼﻪ ﺍﺟﻲ ﺍﺫﺑﺤﻬﺎ ﺑﺎﻟﻌﺒﺎﺱ
ﻭﺩﻕ،،ﻣﺘﺖ ﻗﻬﺮ ﻭﻧﺴﻮﺍﻥ ﺍﺧﻮﺗﻪ ﻳﻀﺤﻜﻦ ﺭﺩﺕ ﺍﺭﺟﻊ ﻭﺍﺗﻨﺪﻣﺖ ﻻﻥ ﺍﺟﻴﺖ ﺑﺪﺕ ﺍﻟﺤﻨﻪ ﻭﺍﻧﺘﻬﺖ ﻭﺍﻧﻲ ﮔﺎﻋﺪﺓ ﺣﺘﺊ ﻋﺒﺎﺗﻲ ﻭﺣﺠﺎﺑﻲ ﻣﺎﻧﺰﻋﺘﻬﻦ
ﻛﻤﻠﻨﻪ ﻭﺭﺟﻌﻨﻪ ﻟﻠﺒﻴﺖ ﻭﺍﻳﺎﺩ ﺑﻘﻪ ﻳﺴﺎﻟﻬﻦ ﺷﺴﻮﺕ ﻭﺩﻕ ﻣﺎﺳﻮﺕ ﻋﺒﺎﻟﻚ ﻃﻔﻠﻪ ﻭﻳﺨﺎﻑ ﻣﻦ ﺗﺼﺮﻓﺎﺗﻲ
ﺍﻧﻬﻀﻤﺖ ﻭﺍﻧﻘﻬﺮﺕ ﺑﺴﺒﺐ ﺍﺳﻠﻮﺑﻪ ﻭﻣﻌﺎﻣﻠﺘﻪ ﺻﺢ ﺍﺣﺴﻪ ﻳﺤﺒﻨﻲ ﺑﺲ ﺣﺐ ﺑﺘﻤﻠﻚ ﻭﺣﺮﺹ
ﻟﻠﻴﻞ ﺭﺍﺩ ﻳﺮﻭﺡ ﻳﺘﻌﺸﺊ ﻳﻢ ﺍﻫﻠﻪ ﻭﮔﻒ ﻛﺪﺍﻣﻲ
ﺍﻳﺎﺩ،،ﻳﺎﻟﻠﻪ ﻧﺮﻭﺡ ﻧﺘﻌﺸﺊ
ﻭﺩﻕ،،ﺭﻭﺡ ﺍﻧﺘﻪ ﺍﻧﻲ ﻣﺎﺍﺷﺘﻬﻲ
ﺍﻳﺎﺩ،،ﻭﺍﺷﺒﻴﺞ ﺗﺤﺠﻴﻦ ﻣﻦ ﻭﺭﺓ ﺧﺸﻤﺞ ﻟﻴﻜﻮﻥ ﺯﻋﻠﺘﻲ ﻻﻥ ﻣﺎﺧﻠﻴﺘﺞ ﺍﺗﺮﮔﺼﻴﻦ
ﻭﺩﻕ،،ﻭﺍﺫﺍ ﺭﻛﺼﺖ ﺍﻧﮕﻠﺒﺖ ﺍﻟﺪﻧﻴﻪ ﺧﻮ ﻣﺎﺍﻧﮕﻠﺒﺖ
ﺍﻳﺎﺩ،،ﺍﺣﺠﻲ ﻋﺪﻝ ﻻﺍﻛﺴﺮ ﺍﺳﻨﻮﻧﺞ ﺑﺤﻠﮕﺞ
ﻭﺍﻱ ﻳﺎﺑﻪ ﺍﻧﮕﻠﺒﺖ ﺍﻟﺪﻧﻴﻪ ﻣﺎﺻﺎﺭﻟﺞ ﻛﻢ ﺷﻬﺮ ﻣﻦ ﺳﻮﻳﺘﻴﻠﺞ ﻣﺼﻴﺒﻪ ﺍﻛﺒﺮ ﻣﻦ ﺭﺍﺳﺞ ﺯﻟﻢ ﺷﻜﺒﺮﻧﻪ ﻓﺮﻳﺘﻴﻨﻪ ﻓﺮ ﺑﺴﺒﺐ ﺳﺎﻟﻔﺖ ﺍﻟﺮﻫﻦ ﺍﻟﺠﺎﻳﻒ ﻣﺎﻟﺘﺞ
ﺍﻟﻠﻪ ﺳﺘﺮ ﻭﻟﻤﻴﻨﻪ ﺍﻟﺴﺎﻟﻔﻪ ﻟﻮ ﻣﺎﻣﺎﺧﺬﺝ ﻻﺑﺎﺍﻟﻠﻪ ﺑﻨﺎﺕ ﻋﻤﺎﻣﺞ ﻟﺴﻪ ﻣﺨﻠﻴﺎﺗﺞ ﻋﻠﺞ ﺑﺤﻠﻮﮔﻬﻦ
ﻛﺎﻓﻲ ﺍﻧﺘﻲ ﻣﺮﺓ ﻣﻌﺮﺳﻪ ﺻﺮﺗﻲ ﺍﻋﻘﻠﻲ ﻭﻭﺍﻛﺒﺮﻱ ﻟﺸﻮﻛﺖ ﺍﺑﻘﺊ ﺍﻋﻠﻢ ﺑﻴﺞ ﺗﺮﻩ ﺗﻌﺒﺘﻴﻨﻲ ﻭﺍﻟﻠﻪ
ﻭﺩﻕ،،ﺗﺮﻛﻨﻲ ﻭﺭﺍﺡ ﻣﺮﺍﺕ ﺍﺳﻤﻊ ﻛﻼﻣﻪ ﻭﺍﻧﻔﺬﺓ ﻭﻣﺮﺍﺕ ﺍﺧﺘﻨﮓ ﻭﺍﻋﺎﺭﺿﻪ
ﺑﺲ ﺑﺎﻻﺧﻴﺮ ﻫﻮ ﻣﻠﺘﺰﻡ ﻭﻳﺎﻱ ﺏ ﺍﺗﻔﺎﻕ ﺑﺲ ﺗﻨﺘﻬﻲ ﺍﻟﻤﺪﺓ ﻧﻄﻠﮓ ﻋﻠﻴﺶ ﻣﺘﻌﺐ ﻧﻔﺴﻪ ﻭﻳﺎﻱ
ﻟﺒﺴﺖ ﺣﺠﺎﺑﻲ ﻭﻟﺤﮕﺘﻪ ﻟﮕﻴﺘﻬﻢ ﻳﺘﻌﺸﻮﻥ ﻋﻤﻲ ﮔﺎﻝ ﺗﻌﺎﻱ ﺍﮔﻌﺪﻱ ﻳﻤﻲ
ﺭﺣﺖ ﮔﻌﺪﺕ ﺑﻴﻨﻪ ﻭﺑﻴﻦ ﺍﻳﺎﺩ ﻛﻞ ﺷﻮﻳﻪ ﻋﻤﻲ ﻳﺨﻠﻲ ﮔﺪﺍﻣﻲ ﺍﻛﻞ ﻭﻳﺘﺸﺎﻗﺊ ﻭﻳﺎﻱ ﺍﺧﺮ ﺷﻲ ﺟﺮﻧﻲ ﺣﻂ ﺍﻳﻴﺪﺓ ﻋﻠﺊ ﻣﺘﻨﻲ ﻭﺍﻧﻲ ﺍﻧﺘﺠﻴﺖ ﺑﻴﺪﻱ ﻋﻠﺊ ﺭﺟﻠﻪ
ﺍﺑﺎﻭﻉ ﺍﻳﺎﺩ ﻳﺘﺨﺎﺯﺭ ﻭﻳﺎﻱ ﻣﺨﺎﺯﺭ ﺍﺧﺮ ﺷﻲ ﻣﺎﺍﺗﺤﻤﻞ
ﺍﻳﺎﺩ،،ﺳﺎﻟﻤﻴﻦ ﺣﺠﻲ ﺧﻮ ﻣﺎﻛﻮ ﺷﻲ
ﻭﺩﻕ،،ﺟﺮﻧﻲ ﻣﻦ ﺍﻳﺪﻱ ﻳﻤﻪ ﺑﻘﻴﺖ ﺻﺎﻓﻨﻪ ﺷﻨﻮ ﻫﻠﺘﺼﺮﻓﺎﺕ ﺍﻟﻤﺘﻨﺎﻗﻀﻪ ﺳﺎﻋﻪ ﺷﻤﺤﻼﻩ ﻭﺳﺎﻋﻪ ﻳﺘﻮﻋﺪ ﻭﻳﺰﻣﺦ
ﺍﺑﻮ ﺍﻳﺎﺩ،،ﺑﻨﻴﺘﻲ ﺷﻠﻚ ﺷﻐﻞ ﺍﻧﺘﻪ ?
ﺍﻳﺎﺩ،،ﻭﺍﻧﻲ ﺑﻨﻴﺘﻲ ﻭﻣﺮﻳﺘﻲ ﺍﺷﻠﻮﻥ ﻣﺎﺍﺩﺧﻞ ﻭﺍﻧﺘﻪ ﻣﺎﺧﺬ ﺭﺍﺣﺘﻚ ﻭﺣﺎﺿﻨﻬﺎ
ﺍﺑﻮ ﺍﻳﺎﺩ،،ﻫﺎﻱ ﻋﺰﻳﺰﺓ ﻋﻤﻬﺎ ﻻﺗﺪﺧﻞ ﺑﻴﻨﺎﺗﻨﻪ
ﻭﺩﻕ،،ﺑﻘﻴﺖ ﺑﻴﻨﺎﺗﻬﻢ ﻋﻤﻲ ﺧﺮﺑﺎﻥ ﺿﺤﻚ ﻋﻠﺊ ﻏﻴﺮﺓ ﺍﺑﻨﻪ ﺍﻟﻤﺒﻴﻨﻪ ﻋﻠﻲ ﻣﻦ ﺗﺼﺮﻓﺎﺗﻪ
ﻛﻤﻠﻨﻪ ﻋﺸﻪ ﻭﮔﻤﺖ ﻭﻳﻪ ﺍﻟﺒﻨﺎﺕ ﻏﺴﻠﻨﻪ ﺍﻟﻤﻮﺍﻋﻴﻦ ﺍﺻﺎﻟﻪ ﺳﻮﺕ ﺟﺎﻱ ﻭﺍﻧﻄﺘﻪ ﺍﻟﻲ ﺍﺧﺬﺗﻪ ﺍﻟﻬﻢ
ﺍﻧﻄﻴﺖ ﺍﻟﻜﻮﺏ ﻝ ﺍﻳﺎﺩ ﺍﺧﺬﻩ ﻭﻫﻤﺲ ﻳﻢ ﺍﺫﻧﻲ
ﺍﻳﺎﺩ،،ﺑﺴﻴﻄﻪ ﺑﺲ ﻧﺮﺟﻊ
ﻭﺩﻕ،،ﺷﺮﺏ ﺍﻟﺠﺎﻱ ﻭﺍﺗﺮﺧﺺ ﻣﻨﻬﻢ ﺭﺟﻊ ﻟﻠﺒﻴﺖ ﻭﻗﺒﻞ ﻣﺎﻳﻄﻠﻊ ﮔﺎﻝ ﻛﺪﺍﻣﻬﻢ ﺍﻟﺤﮕﻴﻨﻲ
ﮔﺘﻠﻬﻢ ﺗﺼﺒﺤﻮﻥ ﻋﻠﺊ ﺧﻴﺮ ﻭﻃﻠﻌﺖ ﺍﺭﻳﺪ ﺍﺷﻮﻓﻪ ﺍﺷﺒﻲ
ﺍﻭﻝ ﻣﺎﺩﺧﻠﺖ ﻟﻠﻐﺮﻓﻪ ﺳﺤﺒﻨﻲ ﻣﻦ ﺍﻳﺪﻱ ﻭﻟﺰﻛﻨﻲ ﻉ ﺍﻟﺤﺎﻳﻂ ﺣﺼﺮﻧﻲ ﺑﺠﺴﻤﻪ
ﺍﻳﺎﺩ،،ﻟﻴﺶ ﺗﺨﺘﺒﺮﻳﻦ ﺻﺒﺮﻱ
ﻭﺩﻕ،،ﺩﻓﻌﺘﻪ ﻣﺎﻳﻨﺪﻓﻊ ﻣﺜﻞ ﺍﻟﺤﺎﻳﻂ ﻛﺘﻠﻪ ﻟﻴﺶ ﺍﻧﻲ ﺷﺴﻮﻳﺖ
ﺍﻳﺎﺩ،،ﻭﺩﻕ ﺍﺳﻤﻌﻴﻨﻲ ﺯﻳﻦ ﻭﻟﺞ ﺍﻏﺎﺍﺍﺍﺍﺍﺍﺍﺭ ﻳﺎﺍﺍﻣﺔ ﺍﻻﺳﻼﻡ ﺍﻏﺎﺍﺍﺭ ﺗﻌﺮﻓﻴﻦ ﺷﻨﻮﻭﻭ ﺍﻏﺎﺍﺍﺭ
ﺍﻏﺎﺭ ﻋﻠﻴﺞ ﻣﻦ ﺍﺑﻮﺝ ﻭﻣﻦ ﺍﻣﺞ ﻭﺍﺧﻮﺗﺞ ﺍﻏﺎﺭ ﻋﻠﻴﺞ ﻣﻦ ﺍﻟﻨﻔﺲ ﺍﻟﻴﺪﺧﻞ ﺑﺼﺪﺭﺝ ﺍﻏﺎﺭ ﻋﻠﻴﺞ ﻣﻦ ﺍﻟﻤﺨﺪﺓ ﺍﻟﺘﺨﻠﻴﻦ ﺭﺍﺳﺞ ﻋﻠﻴﻬﺎ ﺍﻏﺎﺭ ﻣﻦ ﺍﻟﻬﻮﻭﻭﺉ ﻋﻠﻴﺞ
ﻭﺩﻕ،،ﻣﺎﻟﮕﻴﺖ ﺭﻭﺣﻲ ﻏﻴﺮ ﺣﻀﻨﺘﻪ ﻟﻤﻨﻲ ﺍﻟﺤﻀﻨﻪ ﻭﻫﻤﺲ ﻳﻢ ﺍﺫﻧﻲ ﺑﺼﻮﺕ ﻳﺮﺟﻒ
ﺍﻳﺎﺩ،،ﺍﺣﺒﺞ ﻭﺍﻟﻠﻪ ﺍﺣﺒﺞ ﺍﻛﺜﺮ ﻣﻦ ﺭﻭﺣﻲ ﺣﺒﺞ ﻣﺮﺽ ﻭﺩﻕ ﺍﺗﻤﻨﺊ ﺍﺷﻔﺊ ﻣﻨﺊ ﺍﺗﻤﻨﺊ ﺍﻃﻠﻌﺞ ﻣﻦ ﺑﺎﻟﻲ ﺍﺗﻤﻨﺊ ﺍﺗﺮﻛﺞ ﺑﺤﺎﻝ ﺳﺒﻴﻠﺞ ﺑﺲ ﻣﺎﺍﮔﺪﺭ ﺍﺫﺍ ﺭﺣﺘﻲ ﺍﻣﻮﺕ ﺍﻧﻲ
ﻭﺩﻕ،،ﺑﺎﺳﻨﻲ ﻭﻫﻢ ﺑﺎﺩﻟﺘﻪ ﺑﻜﻞ ﺣﺐ ﺑﺲ ﻣﻦ ﺗﻮﺻﻞ ﺍﻟﺸﻐﻠﻪ ﻳﺮﻳﺪ ﻳﺘﻤﻢ ﺍﻟﺰﻭﺍﺝ ﺍﻧﻔﺮ ﻣﻨﻪ ﻭﺍﻛﺮﻫﺎ ﻣﺎﺟﺎﻱ ﺍﮔﺪﺭ ﺍﺗﻘﺒﻠﻪ ﻛﺰﻭﺝ ﻭﺍﻟﻪ ﻋﻠﻴﻪ ﺣﻘﻮﻕ ﺍﺭﻳﺪﺓ ﻭﻣﺎﺍﺭﻳﺪﺓ
ﺟﺘﻒ ﺍﺩﻳﻪ ﻳﻢ ﺭﺍﺳﻲ ﻭﺭﺟﻊ ﻳﺒﻮﺳﻨﻲ ﺑﻠﻬﻔﻪ
ﺻﺮﺕ ﺍﺑﻌﺪ ﻭﺟﻬﻲ ﻋﻨﻪ ﻟﺰﻡ ﺣﻠﮕﻲ ﺑﻴﺪﺓ ﻭﺯﻣﺦ ﺑﺼﻮﺕ ﻋﺎﻟﻲ
ﺍﻳﺎﺩ،،ﺑﺎﺍﺍﺍﺩﻟﻴﻨﻲ
ﻭﺩﻕ،،ﻣﺎﺍﺭﻳﺪ ﻣﺎﺍﺭﻳﺪ
ﺍﻳﺎﺩ،،ﺷﻮﻓﻲ ﻛﻢ ﻣﺮﺓ ﺣﺎﻭﻟﺖ ﻭﻳﺎﺍﺝ ﺑﺲ ﻟﻬﻨﺎ ﻭﺍﮔﻠﺞ ﻛﺎﻓﻲ ﻻﻥ ﻟﻠﺼﺒﺮ ﺣﺪﻭﺩ ﻭﺻﺒﺮﻱ ﺧﻠﺺ ﻭﻳﺎﺝ
ﻋﺒﺎﻟﺞ ﻣﺎﺍﮔﺪﺭ ﺍﺧﺬﺝ ﻫﺴﻪ ﻭﺑﻬﻠﺤﻀﻪ ?
ﻻ ﻭﺩﻕ ﺍﺻﺤﻲ ﺍﮔﺪﺭ ﻛﻠﺸﻲ ﺍﺳﻮﻱ ﻭﻏﺼﺐ ﻋﻨﺞ ﺑﺲ ﻣﺎﺍﺭﻳﺪﻫﺎ ﺑﻬﻠﻄﺮﻳﻘﻪ ﻣﺎﺭﺩﺕ ﺷﻲ ﻏﻴﺮ ﺍﺗﺒﺎﺩﻟﻴﻨﻲ ﻭﺑﺲ
ﻭﺩﻕ،،ﺍﺑﺘﻌﺪ ﻣﻨﻲ ﻃﻠﻊ ﻭﺭﮔﻊ ﺍﻟﺒﺎﺏ ﻭﺭﺍﻩ ﺍﺣﻨﻪ ﺍﺷﺒﻴﻨﻪ ﻣﺎﻣﺘﻔﺎﻫﻤﻴﻦ ﻟﻴﺶ ﻣﻦ ﻳﺒﻌﺪ ﺍﺭﻳﺪﺓ ﻭﻣﻦ ﻳﻘﺘﺮﺏ ﺍﻧﻔﺮ ﻣﻨﻪ ﻭﺍﻛﺮﻫﺎ ﺑﻘﻴﺖ ﺍﺭﺟﻒ ﻭﺍﺑﺠﻲ ﺧﺎﻳﻔﻪ
ﺍﺗﻌﺠﺐ ﻋﻠﺊ ﺗﺼﺮﻓﺎﺕ ﺍﻳﺎﺩ ﮔﺪﺍﻡ ﺍﻫﻠﻪ ﻳﺒﻴﻦ ﻛﻠﺸﻲ ﻣﺎﻛﻮ ﻳﻀﺤﻚ ﻭﻳﺴﻮﻟﻒ ﻭﻳﺎﻱ ﻳﺠﺮﻧﻲ ﻛﺪﺍﻣﻬﻢ ﻳﺒﻮﺳﻨﻲ ﺑﺮﺍﺳﻲ ﻳﻌﻨﻲ ﺷﻘﺎ ﻭﺗﺼﺮﻓﺎﺗﻪ ﻃﺒﻴﻌﻴﻪ ﻛﻠﺶ
ﻭﺣﺘﺊ ﻧﺴﻮﺍﻥ ﺍﺧﻮﺗﻪ ﺑﻠﺴﺎﻧﻬﻦ ﻳﻜﻮﻟﻦ ﻧﺤﺴﺪﺝ ﻋﻠﺊ ﺣﺐ ﺍﻳﺎﺩ ﻳﺎﺭﻳﺖ ﺍﺭﺟﻮﻟﺘﻨﻪ ﺍﺗﻌﺎﻣﻠﻨﻪ ﻣﺜﻞ ﻣﻴﻌﺎﻣﻠﺞ
ﺟﻨﺖ ﺍﺳﻜﺖ ﻣﺎﺍﺭﻳﺪ ﺍﮔﻠﻬﻦ ﻫﺬﺍ ﺗﻤﺜﻴﻞ ﺑﺲ ﻛﺪﺍﻣﺠﻦ ﻭﻣﻦ ﻧﺼﻴﺮ ﻭﺣﺪﻧﻪ ﻋﺒﺎﻟﻚ ﻏﺮﺑﻪ ﻋﻦ ﺑﻌﺾ
ﻣﺮﺓ ﺍﻻﻳﺎﻡ ﻭﺍﻳﺎﺩ ﻋﻠﺊ ﻃﺒﻌﻪ ﮔﺪﺍﻡ ﺍﻫﻠﻪ ﺷﻜﻞ ﻭﻣﻦ ﻧﺼﻴﺮ ﻭﺣﺪﻧﻪ ﺷﻜﻞ ﺛﺎﻧﻲ
ﺍﻗﺘﺮﺏ ﻣﻮﻋﺪ ﺍﻟﻤﺪﺭﺳﻪ ﻭﻫﻮ ﻗﺎﻓﻞ ﻣﺎﻳﻘﺒﻞ ﺍﺩﻭﻡ ﺗﺎﻟﻲ ﻃﮕﺖ ﺭﻭﺣﻲ ﻣﻦ ﺭﻓﻀﻪ
ﺭﺣﺖ ﻟﻬﻠﻲ ﻭﻃﻠﺒﺖ ﻣﻦ ﻋﻨﺪﺓ ﺍﺑﺎﺕ ﻳﻤﻬﻢ ﺑﻌﺪ ﺍﺻﺮﺍﺭ ﻭﺗﻮﺍﺳﻴﻞ ﻳﺎﻟﻠﻪ ﻗﺒﻞ
ﻭﺩﺍﻧﻲ ﺍﻟﻤﻐﺮﺏ ﺍﻭﻝ ﻣﺎﺭﺣﺖ ﺭﻛﻀﺖ ﺍﻟﻐﺮﻓﺘﻲ ﺍﻟﻘﺪﻳﻤﻪ ﻃﻠﻌﺖ ﺻﺪﺭﻳﺘﻲ ﻣﺎﻝ ﺍﻟﻌﺎﻡ ﻏﺴﻠﺘﻬﺎ ﻭﺟﻔﻔﺘﻬﺎ ﻭﻛﻮﻳﺘﻬﺎ
ﺻﺎﺭ ﺍﺭﺑﻊ ﺍﻳﺎﻡ ﻣﻦ ﺑﺪﺓ ﺍﻟﺪﻭﺍﻡ ﻭﻫﻮ ﻣﺎﻳﺨﻠﻴﻨﻲ ﻛﺎﻓﻲ ﻳﺘﺤﻜﻢ ﺑﻜﻠﺸﻲ ﻛﺮﻫﺖ ﺭﻭﺣﻲ ﺑﺴﺒﺐ ﺗﻤﻠﻜﻪ ﺍﻟﺰﺍﻳﺪ
ﺍﻟﺼﺒﺢ ﺍﻣﻲ ﻧﺎﻳﻤﻪ ﺑﻐﺮﻓﺘﻬﺎ ﻭﺍﺑﻮﻱ ﺑﺎﻟﺪﻭﺍﻡ
ﺍﺧﻮﺗﻲ ﺩﻭﺍﻣﻬﻢ ﺿﻬﺮﻱ
ﻟﺒﺴﺖ ﺻﺪﺭﻳﺘﻲ ﻭﺍﻟﺤﺠﺎﺏ ﻭﺣﺬﺍﺋﻲ ﺩﺧﻠﺖ ﻳﻢ ﺍﻣﻲ ﮔﺘﻠﻬﺎ ﺭﺍﻳﺤﻪ ﻟﻠﻤﺪﺭﺳﻪ ﺟﺎﻭﺑﺘﻨﻲ ﻭﻫﻲ ﻣﻐﻤﻀﻪ
ﺍﻡ ﻭﺩﻕ،،ﻭﺭﺟﻠﺞ ﻳﺪﺭﻱ ?
ﻭﺩﻕ،،ﺍﻱ ﻳﻤﻪ ﮔﺘﻠﻪ ﻫﻮ ﮔﺎﻝ ﺭﻭﺣﻲ
ﺍﻡ ﻭﺩﻕ،،ﺍﺫﺍ ﻳﺪﺭﻱ ﺑﻴﺞ ﺭﻭﺣﻲ
ﻭﺩﻕ،،ﺍﺧﺬﺕ ﻣﻮﺑﺎﻳﻠﻬﺎ ﻭﻃﻠﻌﺖ ﺍﺗﺼﻠﺖ ﺏ ﺭﻏﺪ ﮔﺘﻠﻬﺎ ﻣﺮﻱ ﻋﻠﻴﻪ ﺍﺭﻭﺡ ﻭﻳﺎﺝ
ﻭﺻﺪﮒ ﺭﺑﻊ ﺳﺎﻋﻪ ﻭﺍﺟﺖ ﺭﺣﻨﻪ ﻟﻠﻤﺪﺭﺳﻪ ﺳﻮﺓ ﺑﺪﻭﻥ ﻋﻠﻢ ﺍﻳﺎﺩ
ﺻﺢ ﺑﺪﺍﺧﻠﻲ ﺧﻮﻓﻪ ﻛﻠﺶ ﺟﺒﻴﺮﺓ ﻣﻦ ﺭﺩﺓ ﻓﻌﻠﻪ ﺑﺲ ﺟﻨﺖ ﺍﮔﻮﻝ ﺍﻟﺮﻭﺣﻲ ﻣﺴﺘﻘﺒﻠﻲ ﻫﺬﺍ ﻭﻣﻮ ﻣﻦ ﺣﻘﻪ ﻳﺒﻄﻠﻨﻲ ﻣﻦ ﺍﻭﻝ ﺳﻨﻪ ﺭﺳﻮﺏ
ﺭﻏﺪ ﻧﺎﺟﺤﻪ ﻫﻲ ﻭﻫﺒﻪ ﻭﺷﻌﺒﺘﻬﻦ ﺑﺎﻟﻄﺎﺑﻖ ﺍﻟﺜﺎﻧﻲ ﻭﺍﻧﻲ ﺑﻨﻔﺲ ﺷﻌﺒﺘﻲ ﻭﺍﻟﻘﻬﺮﻧﻲ ﻛﻞ ﺍﻟﻄﺎﻟﺒﺎﺕ ﺍﻟﻮﻳﺎﻱ ﺍﺻﻐﺮ ﻣﻨﻲ ﻭﺍﻧﻲ ﺍﻃﻮﻝ ﻭﺣﺪﺓ ﺑﺎﻟﺼﻒ ﻫﻠﺸﻲ ﺳﻮﺍﻟﻲ ﺩﺍﻓﻊ ﺍﻧﻮ ﺍﺷﺪ ﺣﻴﻠﻲ ﻭﺍﻧﺠﺢ ﻭﺍﻃﻠﻊ ﻣﻦ ﺍﻟﺮﺍﺑﻊ
ﻣﺎﺟﺎﻧﺖ ﺍﻛﻮ ﺍﻫﻮﺍﻱ ﺩﺭﻭﺱ ﻻﻥ ﺍﻛﺜﺮ ﺍﻟﻄﺎﻟﺒﺎﺕ ﻣﺎﻣﺪﺍﻭﻣﻪ
ﺑﺲ ﺻﺪﻓﻪ ﺷﻔﺖ ﻫﺒﻪ ﺍﻟﻲ ﻣﻦ ﻳﻮﻡ ﺍﻟﺼﺎﺭ ﺑﻌﺪ ﻣﺎﺷﻔﺘﻬﺎ
ﺍﺗﻔﺎﺟﺌﺖ ﻣﻦ ﺷﺎﻓﺘﻨﻲ ﺑﺲ ﺑﺴﺮﻋﻪ ﺳﻮﺓ ﺭﻭﺣﻬﺎ ﻣﻮﻣﻨﺘﺒﻬﺎ ﻋﻠﻴﻪ
ﺍﻧﺘﻀﺮﺕ ﺍﻳﺼﻴﺮ ﺩﺭﺱ ﺷﺎﻏﺮ ﻭﺍﺭﻭﺡ ﺍﻓﻬﻢ ﻣﻮﺿﻮﻋﻬﺎ
ﻫﺒﻪ ﺩﻭﻡ ﺍﺗﺠﻴﺐ ﻭﻳﺎﻫﺎ ﻣﻮﺑﺎﻳﻠﻬﺎ ﻟﻠﻤﺪﺭﺳﻪ ﺍﺗﺨﻠﻲ ﺻﺎﻣﺖ ﻭﺑﺎﻟﻔﺮﺻﻪ ﺗﻀﻞ ﺍﻃﮕﻄﮓ ﺻﻮﺭ ﺍﻟﺮﻭﺣﻬﺎ
ﺻﺎﺩﻑ ﻣﺪﺭﺳﻪ ﺍﻟﻤﺎﺩﺓ ﻣﺎﻟﺘﻨﻪ ﻣﺎﺟﺎﻳﻪ ﺻﻌﺪﺕ ﺍﻟﺸﻌﺒﺘﻬﺎ
ﻟﻜﻴﺘﻬﻢ ﻫﻢ ﻣﺪﺭﺳﺘﻬﻢ ﻣﻦ ﺷﺎﻳﻔﻪ ﻋﺪﺩﻫﻦ ﻗﻠﻴﻞ ﻃﺎﻟﻌﻪ ﻣﺎﻣﺎﺧﺬﺗﻬﻢ ﺩﺭﺱ
ﻣﻦ ﺩﺧﻠﺖ ﺷﻔﺖ ﺑﻴﺪﻫﺎ ﻣﻮﺑﺎﻳﻞ ﻭﺍﻟﺼﺪﻣﻨﻲ ﻫﺬﺍ ﻧﻔﺴﻪ ﺍﻟﻤﻮﺑﺎﻳﻞ ﺍﻟﮕﺎﻟﺖ ﺿﺎﻉ
ﺑﻘﺖ ﻛﻠﻤﻪ ﺗﺮﻥ ﺑﺮﺍﺳﻲ ﻭﻫﻲ ﻫﺒﻪ ﺍﻟﺨﺎﻧﺘﻨﻲ ﻭﻃﻌﻨﺘﻨﻲ ﺑﻀﻬﺮﻱ
ﻣﻦ ﺷﺎﻓﺘﻨﻲ ﺍﺭﺗﺒﻜﺖ ﺭﺍﺩﺕ ﺍﺗﻀﻤﻪ ﺳﺤﺒﺘﻪ ﻣﻦ ﺍﻳﺪﻫﺎ ﺻﻮﺗﻲ ﻳﺮﺟﻒ ﻭﺍﻳﺪﻱ ﻣﺎﻣﺴﻴﻄﺮﺓ ﺍﻋﺼﺎﺑﻲ ﻛﻠﻬﺎ ﺗﺮﺟﻒ ﻣﻦ ﺍﻟﻌﺼﺒﻴﻪ
ﮔﺘﻠﻬﺎ ﻫﺬﺍ ﻧﻔﺴﻪ ﻣﻮﺑﺎﻳﻠﺞ ﺍﻟﻔﻀﺤﺘﻴﻨﻲ ﺑﻲ
ﻫﺒﻪ،،ﻻﻣﻮ ﻧﻔﺴﻪ ﺍﺷﺘﺮﻳﺖ ﻏﻴﺮﺓ ﻧﻔﺲ ﺍﻟﻨﻮﻋﻴﻪ ﻭﺑﻌﺪﻳﻦ ﺷﻜﻮ ﺗﺎﺧﺬﻱ ﻣﻦ ﺍﻳﺪﻱ ﻳﻠﻪ ﺟﻴﺒﻲ
ﻭﺩﻕ،،ﮔﻠﺒﺘﻪ ﺷﻔﺖ ﻧﻔﺲ ﻓﻄﺮ ﺍﻟﺸﺎﺷﻪ ﻣﻮﺟﻮﺩ ﻭﻧﻔﺲ ﺍﻟﺨﺪﺵ ﮔﺘﻠﻬﺎ ﻫﺬﺍ ﺍﻟﺨﺪﺵ ﻣﻦ ﺍﺿﻔﺮﻱ ﻭﺍﻟﻔﻄﺮ ﻭﮔﻊ ﻣﻦ ﺍﻳﺪﺝ ﻭﺍﻧﻔﻄﺮ
ﺑﻌﺪ ﻣﺎﺗﻜﺪﺭﻳﻦ ﺍﺗﻀﺤﻜﻴﻦ ﻋﻠﻴﻪ ﻭﺍﺫﺍ ﺻﺪﮔﺘﺞ ﻫﻠﻤﺮﺓ ﺍﻛﻮﻥ ﺍﻛﺒﺮ ﻏﺒﺒﻴﻪ
ﺍﻟﻄﺎﻟﺒﺎﺕ ﺍﻟﺘﻤﻦ ﻋﻠﻴﻪ ﻭﺣﺪﺓ ﻣﻨﻬﻦ ﺭﺍﺣﺖ ﺳﺪﺕ ﺍﻟﺒﺎﺏ ﻻﻥ ﺻﻮﺗﻨﻪ ﻋﺎﻟﻲ
ﻫﺒﻪ،،ﺍﻱ ﻭﺍﺫﺍ ﻫﻮﻭﻭﻭ ﻣﻮ ﺍﺗﺰﻭﺟﺘﻲ ﻭﺍﺧﺬﺗﻲ ﺍﻳﺎﺍﺩ
ﻭﻟﻠﺞ ﺍﻛﺮﻫﺞ ﻭﺍﻣﻮﻭﺕ ﻣﻨﺞ ﻣﻦ ﺟﻨﻪ ﺻﻐﺎﺭ ﻭﺍﻟﻜﻞ ﻣﻌﺠﺐ ﺑﻮﺩﻕ ﻭﺍﻟﻜﻞ ﻳﺤﺐ ﻭﺩﻕ ﻳﺎﻫﻮ ﺍﻻﻧﻌﺠﺐ ﺑﻲ ﻳﻄﻠﻊ ﻳﺤﺐ ﻭﺩﺩﺩﻕ ﺍﻟﺪﺭﺟﻪ ﺷﻔﺖ ﺭﻭﺣﻲ ﻣﺤﺪ ﻳﺒﺎﺍﺍﻭﻉ ﺑﺨﻠﻘﺘﻲ ﺑﺴﺒﺒﺒﺞ ﻻﻥ ﻛﻠﺸﻲ ﻻﺯﻡ ﻳﺼﻴﺮﺭ ﺍﻟﺞ
ﻭﺩﻕ،،ﺑﻘﻴﺖ ﻣﺼﺪﻭﻣﻪ ﻭﻓﺎﺗﺤﻪ ﺣﻠﮕﻲ ﻫﺒﻪ ﻣﻮﺑﺲ ﺑﻨﺖ ﺧﺎﻟﻲ ﺍﻋﺘﺒﺮﻫﺎ ﺍﺧﺘﻲ ﻭﺻﺪﻳﻘﺘﻲ ﮔﻌﺪﺗﻨﻪ ﻭﻧﻮﻣﺘﻨﻪ ﻭﺍﻛﻠﻨﻪ ﺳﻮﺓ ﺻﻌﺐ ﻣﻦ ﺗﺘﻌﺮﺽ ﻟﻠﺨﻴﺎﻧﻪ ﻭﺍﻟﻐﺪﺭ ﻣﻦ ﺍﻗﺮﺏ ﺍﻟﻨﺎﺱ ﺗﺒﻘﺊ ﺍﺗﺠﺬﺏ ﺍﺫﻧﻚ ﻭﻋﻴﻮﻧﻚ ﻛﻠﺸﻲ ﺑﻴﻚ ﻳﺮﻓﺾ ﻳﺼﺪﻙ ﺷﮕﺪ ﻫﻮ ﺣﻘﻴﺮ
ﺑﻘﻴﺖ ﺩﻣﻮﻋﻲ ﺗﺠﺮﻱ ﮔﺘﻠﻬﺎ ﻣﺎﺍﺫﻳﺘﺞ ﺑﻴﻮﻡ ﻣﻦ ﺍﻻﻳﺎﻡ ﺍﻋﺘﺒﺮﺗﺞ ﺍﺧﺘﻲ ﺍﻟﻤﺎﺟﺎﺑﺘﻬﺎ ﺍﻣﻲ ﺑﺸﻨﻮ ﻗﺼﺮﺕ ﺣﺘﺊ ﻫﻴﺞ ﺗﻐﺪﺭﻳﻨﻲ ?
ﻫﺒﻪ،،ﻫﺬﺍ ﻛﻠﻪ ﻭﺍﺗﮕﻮﻟﻴﻦ ﺑﺸﻨﻮ ﻣﻘﺼﺮﺭﺭﺓ
ﻭﻟﺞ ﺣﺘﺊ ﻣﻦ ﺭﺩﺕ ﺍﺑﻌﺪﺝ ﻋﻦ ﺍﻻﻧﺴﺎﻥ ﺍﻟﺤﺒﻴﺘﻪ ﺍﺧﺬﺗﻲ ﻣﻨﻲ ﻭﺻﺮﺗﻲ ﺍﻧﺘﻲ ﻣﺮﺭﺭﺗﻪ ﻣﻮﻭﺍﻧﻲ ﺍﻧﻨﻨﺘﻲ ﺍﻧﺴﺎﻧﻪ ﺣﻘﻴﺮﺭﺓ ﻭﻣﻐﺮﻭﺭﺓ ﻣﺎﺗﺴﺘﺎﻫﻠﻴﻦ ﻭﺍﺣﺪ ﻣﺜﻞ ﺍﻳﺎﺍﺍﺩ
ﻭﺩﻕ،،ﻛﻼﻣﻬﺎ ﻣﺜﻞ ﺻﻔﻌﻪ ﺻﺤﺘﻨﻲ ﻣﺴﺤﺖ ﺩﻣﻮﻋﻲ ﻭﮔﺘﻠﻬﺎ ﻻﻥ ﺍﻟﻠﻪ ﺷﺎﻓﺞ ﻣﺎﺗﺴﺘﺎﻫﻠﻲ ﺧﻼﺝ ﺍﺗﻠﻌﺒﻴﻦ ﻫﻠﻤﻠﻌﻮﺏ ﺣﺘﺊ ﻳﺨﻠﻴﻨﻲ ﺑﻄﺮﻳﻘﻪ ﻭﺍﺻﻴﺮ ﻣﻦ ﻗﺴﻤﺘﻪ
ﺍﻟﻀﺎﻫﺮ ﻧﺴﻴﺘﻲ ﻛﻼﻡ ﺍﻟﻠﻪ ( ﻣﻜﺮﻭ ﻭﺍﻟﻠﻪ ﺧﻴﺮ ﺍﻟﻤﺎﻛﺮﻳﻦ )
ﺍﻧﺘﻲ ﺑﺎﻟﻨﺴﺒﻪ ﺍﻟﻲ ﺩﺭﺱ ﻗﺎﺳﻲ ﻣﺎﺍﻧﺴﺎ ﺣﺘﺊ ﻣﻦ ﺍﺭﻳﺪ ﺍﺻﺎﺩﻕ ﺍﺧﺘﺎﺭ ﺍﻟﺸﺨﺺ ﺍﻟﺼﺢ ﺍﻟﻴﺴﻮﺓ ﻣﻮ ﺍﻟﺤﺜﺎﻟﻪ ﻣﺜﻠﺞ ﺍﻟﻲ ﻣﺎﺧﻠﺖ ﻟﻠﻌﺸﺮﺓ ﻭﺻﻠﺔ ﺍﻟﺮﺣﻢ ﺑﻴﻨﺎﺗﻨﻪ ﺧﺎﻃﺮ
ﻣﻮﺍﻧﻮﺏ ﺻﺪﺍﻗﺘﻨﻪ
ﻋﻔﺘﻬﺎ ﮔﻌﺪﺕ ﺗﺒﺠﻲ ﻭﺍﻧﻲ ﻃﻠﻌﺖ ﻭﺍﻟﺪﻣﻮﻉ ﺑﻌﻴﻨﻲ
ﺍﺗﻠﮕﺘﻨﻲ ﺭﻏﺪ ﮔﺎﻟﺖ ﺭﺟﻠﺞ ﺑﺎﻻﺩﺍﺭﺓ ﻳﺮﻳﺪﺝ
ﺍﻳﺎﺩ،،ﺗﻌﺒﺖ ﺑﺴﺒﺐ ﺗﺼﺮﻓﺎﺓ ﻭﺩﻕ ﺍﻧﻲ ﺭﺟﺎﻝ ﻭﻫﻲ ﻣﺮﺗﻲ ﻭﺣﻼﻟﻲ ﻭﻣﻤﻨﻮﻉ ﻣﻨﻬﺎ ﻭﻣﻨﻔﺬ ﻛﻼﻣﻬﺎ ﺍﻟﺨﺎﻃﺮﻫﺎ ﻣﺎﺍﺭﻳﺪﻫﺎ ﺗﻜﺮﻫﻨﻲ ﺍﻛﺜﺮ ﺍﺭﻳﺪ ﺍﺧﺬﻫﺎ ﺑﺎﻟﻤﺴﺎﻳﺲ
ﺻﺢ ﺿﺠﺖ ﻣﻦ ﺭﺳﺒﺖ ﻭﮔﺘﻠﻬﺎ ﻣﺎﻛﻮ ﺩﻭﺍﻡ ﺑﻌﺪ
ﺑﺲ ﺟﻨﺖ ﺍﻗﺴﺊ ﻋﻠﻴﻬﺎ ﻓﺘﺮﺓ ﺣﺘﺊ ﺗﺘﻤﺴﻚ ﺑﻘﺮﺍﺭﻫﺎ ﺍﻛﺜﺮ ﺍﺭﻳﺪ ﻣﻦ ﺍﺩﺍﻭﻡ ﺗﺬﻛﺮ ﺭﻓﻀﻲ ﻭﺗﺘﻤﺴﻚ ﺑﺪﺭﺍﺳﺘﻬﺎ ﺣﺘﺊ ﺗﻨﺠﺢ ﻭﺗﺨﻠﻲ ﺭﻓﻀﻲ ﮔﺪﺍﻡ ﻋﻴﻨﻬﺎ
ﻣﺮﺍﺕ ﺍﻟﻴﻦ ﻭﻳﺎﻫﺎ ﻭﻣﺮﺍﺕ ﺍﻗﺴﺊ ﻃﻔﻠﻪ ﻭﺧﻠﺘﻨﻲ ﻣﺎﺍﻧﺪﻝ ﺭﺍﺳﻲ ﻣﻦ ﺭﺟﻠﻴﻪ ﺍﺣﻠﻒ ﺍﮔﻮﻝ ﺍﺑﺘﻌﺪ ﻋﻨﻬﺎ ﺑﺲ ﻣﺠﺮﺩ ﻣﺎﺍﺷﻢ ﻋﻄﺮﻫﺎ ﻭﺍﺣﺴﻬﺎ ﺑﺤﻀﻨﻲ ﺗﻨﻬﺪ ﺣﺼﻮﻧﻲ ﻭﺍﻧﺴﺊ ﻛﻞ ﻛﻼﻣﻲ ﻭﺍﺭﻳﺪ ﺑﺲ ﻗﺮﺑﻬﺎ
ﺍﻟﻴﻮﻡ ﺍﺗﻮﺳﻠﺖ ﺗﺮﻭﺡ ﻟﻬﻠﻬﺎ ﻣﻦ ﻳﻮﻡ ﺯﻭﺍﺟﻨﻪ ﻣﺎﺧﻠﻴﺘﻬﺎ ﺍﺗﺒﺎﺕ ﻭﻣﻦ ﺗﻀﻮﺝ ﺍﻭﺩﻳﻬﺎ ﺳﺎﻋﻪ ﻭﺍﺭﺟﻌﻬﺎ
ﻗﻬﺮﺗﻨﻲ ﻭﻏﺼﺐ ﻋﻨﻲ ﻭﺩﻳﺘﻬﺎ ﻣﺎﺍﺗﺤﻤﻞ ﺍﻧﺎﻡ ﺑﺪﻭﻧﻬﺎ
ﺑﻘﻴﺖ ﮔﺎﻋﺪ ﻟﻠﺼﺒﺢ ﺍﺣﺶ ﺑﺎﻟﺠﮕﺎﻳﺮ ﺣﺶ ﻧﻌﺴﺎﻥ ﻭﻣﺎﻳﺠﻴﻨﻲ ﻧﻮﻡ ﻛﻠﺖ ﺑﺲ ﺗﻄﻠﻊ ﺍﻟﺸﻤﺲ ﺍﺭﻭﺡ ﺍﺟﻴﺒﻬﺎ ﻭﺣﺘﺊ ﻟﻠﺸﻐﻞ ﺍﻟﻴﻮﻡ ﻣﺎﺍﺭﻭﺡ ﺍﺭﻳﺪ ﺍﺑﻘﺊ ﺣﺎﺿﻨﻬﺎ ﻭﻧﺎﻳﻢ ﻟﻠﻴﻞ ﻟﻤﻦ ﺍﺷﺒﻊ ﻧﻮﻡ ﺑﺤﻀﻨﻬﺎ
ﺻﺎﺭﺕ ﺍﻟﺴﺎﻋﻪ ﺏ 9 ﻟﺒﺴﺖ ﻭﺭﺣﺖ ﺍﻟﺒﻴﺘﻬﻢ ﻃﻠﻌﺘﻠﻲ ﺍﻣﻬﺎ ﺍﻟﻀﺎﻫﺮ ﺑﻌﺪﻫﻢ ﻧﺎﻳﻤﻴﻦ
ﺳﺎﻟﺘﻬﺎ ﻋﻦ ﻭﺩﻕ ﻭﺍﻟﺼﺪﻣﻨﻲ ﺻﺪﻣﺔ ﻋﻤﺮﻱ ﻣﻦ ﮔﺎﻟﺖ ﻭﺩﻕ ﺭﺍﺣﺖ ﻟﻠﻤﺪﺭﺳﻪ ﻣﻦ ﺍﻟﺼﺒﺢ ﮔﺎﻟﺖ ﺍﻧﺘﻪ ﮔﺎﻳﻞ ﺍﻟﻬﺎ ﺗﺮﻭﺡ
ﺻﻌﺪﺕ ﺳﻴﺎﺭﺗﻲ ﻭﺷﺨﻄﺘﻬﺎ ﻟﻠﻤﺪﺭﺳﻪ ﺍﺭﻳﺪ ﺑﺲ ﺍﻟﺰﻣﻬﺎ ﺍﻃﻠﻊ ﺍﻟﻘﻀﻪ ﻭﺍﻟﻤﻀﻪ ﺑﻴﻬﺎ
ﻣﺎﺍﺩﺭﻱ ﺍﺷﻠﻮﻥ ﻭﺻﻠﺖ ﺍﻟﻤﺪﺭﺳﺘﻬﺎ ﺍﻟﻒ ﻣﺮﺓ ﺭﺩﺕ ﺍﻧﮕﻠﺐ ﻣﺎﺍﺷﻮﻑ ﺩﺭﺑﻲ
ﺩﺧﻠﺖ ﺍﺗﻠﻜﺘﻨﻲ ﺍﻟﻤﺪﻳﺮﺓ ﺍﻧﻄﻴﺘﻬﺎ ﺍﻻﺳﻢ
ﻭﺩﺯﺕ ﻭﺣﺪﻩ ﻣﻦ ﺍﻟﻄﺎﻟﺒﺎﺕ ﺍﺗﺼﻴﺤﻠﻬﺎ
ﻭﺩﻕ،،ﻧﺰﻟﺖ ﻭﺭﺟﻞ ﺍﻃﮓ ﺑﺮﺟﻞ ﺍﺭﺟﻒ ﺭﻏﻢ ﺍﻟﺠﻮ ﺣﺎﺭ ﺑﺲ ﺍﻟﺮﺟﻔﻪ ﻣﻦ ﺍﻟﺨﻮﻑ ﻭﻓﻮﮒ ﻛﻠﺸﻲ ﺍﻋﺼﺎﺑﻲ ﺗﻠﻔﺎﻧﻪ ﺑﺴﺒﺐ ﺍﻟﺤﻘﻴﺮﺓ ﻫﺒﻪ
ﺩﺧﻠﺖ ﻟﻼﺩﺭﺍﺭﺓ ﻟﮕﻴﺘﻪ ﻛﺎﻋﺪ ﻳﻬﺰ ﺑﺮﺟﻠﻪ ﺣﺮﻛﺘﻪ ﺍﻟﻤﻌﺘﺎﺩﺓ ﻣﻦ ﻳﺘﻮﺗﺮ
ﻧﻬﺾ ﻣﻦ ﻣﻜﺎﻧﻪ ﺍﺗﺮﺧﺺ ﻣﻦ ﺍﻟﻤﺪﻳﺮﺓ ﻟﺰﻣﻨﻲ ﻣﻦ ﺍﻳﺪﻱ ﻭﻃﻠﻌﻨﻪ ﻭﻫﻮ ﻻﺯﻣﻨﻲ ﻣﻦ ﻣﻌﺼﻤﻲ
ﺍﺗﻘﺮﺏ ﻳﻤﻲ ﻭﻫﻤﺲ ﺑﺼﻮﺕ ﻧﺎﺻﻲ
ﺍﻳﺎﺩ،،ﺟﻴﺒﻲ ﻋﺒﺎﺗﺞ ﻭﺟﻨﻄﺘﺞ ﺑﺴﺮﺭﻋﻪ
ﻭﺣﺴﺎﺑﺞ ﺑﺎﻟﺒﻴﺖ
ﻳﺘﺘﺘﺘﺘﺘﺘﺘﺒﻊ
|