[أميـــــــرة محمد]

المشاركة الأصلية كتبت بواسطة أميـــــــرة محمد

ياربي نورهان ضحكت من قلبي أقسم بالله
بدأناها هزار جامد وشكلنا هننطرد بدل الترحيب

الواحد شكله نسي المنتديات ولا ايه
الرد اتبعت من حيث لا أدري ومش عارفه أعدّله منين

المهم المهم
إني مبسوطة جداً بتسجيلي هناااااا وخصوصاً معاكي يا نوري < نوري و موري
أخيراً رجعنا لأيام المنتديات الحلوة والله وحشتني جداً جداً جداً
وخصوصاً لما يكون منتدى يحمل إسم روايتي و يكون معظم إهتمامه منصب في القراءة والروايات
ومعظم أعضاؤه يكونوا مبدعين بكتابة الروايات
فأنا كدا وقعت في حب المنتدى لآخر العمر < كنتو فين من زمان يا ناس

أنا عرفت المنتدى من صديقة ليا ( متابعين أنا وهي مع بعض روايات كاردينيا )
ومنها مقدرتش أخبيه عن نورهاااااان علشان نسجل سوااا ونرجع تانييييي للمنتديات بعيداً عن الفيس بوك التقيل على القلب

يعني إختصاراً إحنا أصحاب عن طريق النت والمنتديات ، قربنا على عشر سنين سوا
وإتقابلنا مرة واحدة بس < وأتمنى تكرر بقا
وعندنا إهتمامات كتيييير شبه بعض و مختلفة عن بعض والحمد لله لقينا كل أقسامنا الحلوة اللي هنقدر نخرج فيها طاقتنا وإهتماماتناااااا كلهاااا

حاسه إتكلمت كتير لكن أنا مبسوطة إني هنا جداً
وخصوصاً في أيام الحجر الصحي الجميلة دي