#جبروت_الشيخ_هذال_2
علي الفتلاوي
#بارت٢٤
ﻛﺒﺮﻧﻪ ﺍﻫﻮﺍﻱ ﻭﺍﺣﻨﻪ ﺍﺻﻐﺎﺭ
ﻛﻞ ﺩﻣﻌﻪ ﺑﻜﺒﺮ ﺧﺪﻧﻪ
ﭼﺎ ﻭﺍﻟﻠﻴﻞ ﭼﺎ ﻭﺍﻟﺸﻮﮒ
ﭼﺎ ﻭﺍﻟﺸﻴﺐ ﺑﺎﮒ ﺍﻫﻮﺍﻱ ﻣﻦ ﻋﺪﻧﻪ
،،،،،،،،،،،،،،
ﺟﺒﺮﻭﺕ ﺍﻟﺸﻴﺦ ﻫﺬﺍﻝ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
،،،،،،،،،،،،،،،
ﻫﻨﺪ،،ﺭﺣﻨﻪ ﺍﻟﺒﻴﺖ ﺍﻟﺸﻴﺦ ﻣﮕﺼﺪ ﻏﺪﺍﻧﻪ ﻳﻤﻬﻢ ﺩﺧﻠﺖ ﻭﺟﺎﻥ ﺍﺷﻮﻑ ﺳﻠﻮﺉ ﺑﺎﻟﻤﻄﺒﺦ ﺗﺴﺎﻋﺪﻫﻦ
ﻫﻨﻪ ﻣﺎﻗﺎﺑﻼﺕ ﻻﻥ ﺑﻌﺪﻫﺎ ﻋﺮﻭﺱ ﻭﻫﺎﻱ ﺗﺤﻠﻒ ﺍﻟﻪ ﺗﺒﻘﺊ ﺗﺴﺎﻋﺪﻫﻦ
ﺿﺤﻜﺖ ﺑﺪﺍﺧﻠﻲ ﺍﻟﻀﺎﻫﺮ ﺍﻧﻪ ﻭﺳﻠﻮﺉ ﻧﺸﺘﺮﻙ ﺑﻨﻔﺲ ﺍﻟﺼﻔﺎﺕ ﻻﻥ ﺍﻧﻪ ﻫﻢ ﻣﻦ ﻋﺮﺳﺖ ﻫﻴﺞ ﺳﻮﻳﺖ
ﺟﺎﺑﻮ ﺍﻟﻐﺪﺓ ﻭﻣﺎﺟﺪ ﻋﻴﻨﻪ ﻋﻠﺊ ﺳﻠﻮﺉ ﻭﻫﺎﻱ ﺣﻠﮕﻬﺎ ﻣﻦ ﺍﻻﺫﻥ ﻟﻼﺫﻥ ﺧﻔﺖ ﻣﻨﻬﺎ ﺣﺮﻛﺎﺗﻬﺎ ﻣﻔﻀﻮﺣﻪ ﺧﻔﺖ ﺍﺗﮕﻮﻡ ﺗﺮﮔﻊ ﺍﻟﺰﻟﻤﻪ ﺑﺤﺒﻪ ﺟﺪﺍﻣﻬﻢ ﺍﻋﺮﻓﻬﺎ ﻣﻠﮕﻮﻓﻪ
ﻫﺬﺍﻝ ﺍﻟﺜﮕﻴﻞ ﻣﺎﻟﺘﻬﻢ ﻣﺎﻳﺪﺭﻭﻥ ﺑﺲ ﺟﺪﺍﻣﻬﻢ ﺛﮕﻴﻞ ﻭﺑﻠﻐﺮﻓﻪ ﻣﺴﻮﺩﻥ
ﺭﺟﻌﻨﻪ ﻟﻠﺒﻴﺖ ﻭﻫﺬﺍﻝ ﮔﺎﻝ ﺍﻟﻴﻮﻡ ﻣﻌﺰﻭﻡ ﻉ ﺍﻟﻌﺸﻪ ﺑﻤﻨﺎﺳﺒﻪ ﻋﺪ ﺷﻴﺦ ﺍﻓﻼﻥ
ﻟﻠﻌﺼﺮ ﺳﺒﺢ ﻭﻟﺒﺲ ﺍﻟﺼﺎﻳﻪ ﻭﺍﻟﺸﻤﺎﻍ ﻭﺍﻟﻌﮕﺎﻝ ﻭﺣﻂ ﺍﻟﺒﺸﺖ ﻋﻠﺊ ﻣﺘﻨﻪ ﻟﺒﺲ ﺍﻟﻤﺤﺒﺲ ﻭﺍﻟﺴﺎﻋﻪ ﻭﺍﻟﺴﺒﺤﻪ ﺑﻴﺪﺓ ﻭﺍﻟﻌﻄﺮ ﻭﺍﺻﻞ ﺍﻟﺴﺎﺑﻊ ﺟﺎﺭ
ﻛﻞ ﻫﻠﺒﻐﻼﻭﺓ ﮔﺪﺍﻣﻲ ﮔﻤﺖ ﻣﺎﺍﻭﺟﺪ ﺩﺭﺑﻲ ﻛﻮﻥ ﺍﻗﻔﻞ ﺍﻟﺒﺎﺏ ﻭﺍﺿﻴﻊ ﺍﻟﻤﻔﺘﺎﺡ ﻣﺎﺍﺧﻠﻲ ﻳﺮﻭﺡ
ﺭﺍﺡ ﻫﺬﺍﻝ ﻭﺍﻧﻪ ﻭﺳﻠﻮﺉ ﻭﻋﻤﺘﻲ ﺭﺣﻨﻪ ﺍﺑﻴﺖ ﺍﻟﺸﻴﺦ ﻧﺘﻌﺸﻪ ﺧﻠﺼﻨﺎﻫﺎ ﺿﺤﻚ ﻭﺳﻮﺍﻟﻒ ﻃﺒﻌﺎ ﺍﻧﻪ ﻭﺳﻠﻮﺉ ﺻﺎﻳﺮﺍﺕ ﻣﻀﺤﻜﻪ ﺍﻟﻜﻞ ﺧﺮﺑﺎﻥ ﺿﺤﻚ ﻋﻠﺊ ﺳﻮﺍﻟﻔﻨﻪ ﻭﺣﺪﺓ ﺗﺮﻓﻊ ﻭﺍﻟﺜﺎﻧﻴﻪ ﺗﻜﺒﺲ ﻋﻤﺘﻲ ﻭﺟﻬﺎ ﺍﻧﮕﻠﺐ ﺍﺣﻤﺮ ﻣﻦ ﺍﻟﻀﺤﻚ ﻭﺍﻡ ﺳﺎﻟﻢ ﺍﺗﮕﻠﻬﺎ ﺍﻟﻠﻪ ﻳﺤﺒﺞ ﻋﻨﺪﺝ ﻫﻴﺞ ﺟﻨﺎﻳﻦ ﺳﻴﻨﻤﺎ
ﺻﺎﺭﺕ ﺍﻟﺴﺎﻋﻪ ﺏ 10 ﺭﺟﻌﻨﻪ ﻟﻠﺒﻴﺖ ﻃﺒﻌﺎ ﺍﻟﺨﻄﺎﺭ ﺍﻟﻴﺒﺎﺭﻙ ﺭﺍﻳﺢ ﺟﺎﻱ
ﺳﻠﻮﺉ ﺭﺍﺣﺖ ﺍﻟﺒﻴﺘﻬﺎ ﺭﺟﻠﻬﺎ ﺻﺎﺣﻠﻬﺎ ﻭﺍﻧﻪ ﻭﻋﻤﺘﻲ ﺩﺷﻴﻨﻪ ﺍﻟﺤﻮﺷﻨﻪ ﻭﺯﻟﻤﺘﻲ ﺑﻌﺪﺓ ﻣﺎﺟﺎﻱ
ﺩﺷﻴﺖ ﺍﻟﺤﺠﺮﺗﻲ ﺫﺑﻴﺖ ﻋﺒﺎﺗﻲ ﻃﻠﻌﺘﻠﻲ ﺛﻮﺏ ﮔﺼﻴﺮ ﺍﻧﺎﻡ ﺑﻲ ﺍﺧﺬﺗﻪ ﻭﻧﺰﻟﺖ ﺳﺒﺤﺖ ﻻﻥ ﺣﺎﺭﺓ
ﻛﻤﻠﺖ ﻭﻃﻠﻌﺖ ﻟﮕﻴﺘﻪ ﺟﺎﻱ ﻭﻣﺘﻤﺪﺩ ﺑﻔﺮﺍﺷﻪ ﺷﺎﻓﻨﻲ ﺍﺑﺘﺴﻢ ﺍﻧﻪ ﺭﺣﺘﻠﻪ ﺭﻛﺾ ﺣﻀﻨﺘﻪ ﻭﻻﺟﻨﻬﻦ ﺷﻜﻢ ﺳﺎﻋﻪ ﻣﺎﺷﻔﺘﻪ ﻋﺒﺎﻟﻚ ﺳﻨﻪ
ﺷﻮﻳﻪ ﻭﻧﺎﻡ ﻻﻥ ﺗﻌﺒﺎﻥ ﻭﺍﻧﻪ ﻫﻢ ﻧﺸﻔﺖ ﺷﻌﺮﻱ ﻭﺿﻔﺮﺗﻪ ﻭﻧﻤﺖ ﻭﺍﻧﻲ ﺣﺎﺿﻨﺘﻪ
ﻧﺺ ﺍﻟﻠﻴﻞ ﺣﺴﻴﺖ ﻋﻠﺊ ﺑﻮﺳﺎﺕ ﻋﻠﺊ ﺧﺪﻱ ﻓﺘﺤﺖ ﺗﻚ ﻋﻴﻦ ﻧﻌﺴﺎﻧﻪ ﻭﻣﻄﻔﻴﻪ ﻣﻦ ﺍﻟﺮﺋﻴﺴﻲ ﻭﺍﻻﺥ ﺻﺎﺭ ﻓﻜﺮﺓ ﻧﺺ ﺍﻟﻠﻴﻞ ﻳﺴﻄﻲ ) ﻳﺒﻮﮒ
ﮔﺘﻠﻪ ﻭﺍﻧﻪ ﮔﻮﺓ ﺍﺣﺠﻲ
ﻫﺬﺍﻝ ﻣﻮ ﺍﻟﻴﻮﻡ ﺑﺎﺟﺮ ﻻﻥ ﻧﻌﺴﺎﻧﻪ
ﻫﺬﺍﻝ،،ﻭﺍﻧﻪ ﺍﺷﺘﻐﻞ ﺑﻜﻴﻔﺞ ?
ﻫﻨﺪ،،ﻣﺎﺗﺮﻛﻨﻲ ﻏﻴﺮ ﻟﻤﻦ ﻧﻔﺬ ﺍﻟﺒﺮﺍﺳﻪ
ﻃﻴﺮ ﺍﻡ ﺍﻟﻨﻮﻣﻪ ﻫﻮ ﻧﺰﻝ ﻳﺴﺒﺢ ﻛﻤﻞ ﻭﺭﺟﻊ
ﮔﻌﺪﺕ ﻉ ﺍﻟﺠﺮﺑﺎﻳﻪ ﻋﺒﺎﻟﻚ ﻋﻨﺪﻱ ﻋﺮﻛﻪ
ﻫﺬﺍﻝ،،ﺧﻴﺮ ﺷﻜﻮ ﺷﺒﻴﺞ ?
ﻫﻨﺪ،،ﺍﮔﻠﻚ ﺍﻧﺘﻪ ﻣﻮ ﻛﻞ ﺷﻮﻳﻪ ﺳﺎﺣﻠﻨﻲ ﻧﺺ ﺍﻟﻠﻴﻞ ﻭﻣﻄﻴﺮ ﻧﻮﻣﺘﻲ
ﻫﺬﺍﻝ،،ﺷﻮﻛﺖ ﻣﺎﺍﺭﻳﺪ ﻭﻳﻄﺦ ﺍﺑﺎﻟﻲ ﺍﺳﺤﻠﺞ
ﻫﻨﺪ،،ﻟﻮ ﺍﺩﺭﻱ ﺍﻟﻌﺮﺱ ﻫﻴﺞ ﺍﺷﻼﻉ ﮔﻠﺐ ﺟﺎﻥ ﻣﺎﻋﺮﺳﺖ
ﻫﺬﺍﻝ،،ﻫﺬﺍ ﺍﻟﻌﺮﺱ ﭼﺎ ﺷﻌﺒﺎﻟﺞ ??
ﻫﻨﺪ،،ﺭﺍﺡ ﻓﺘﺢ ﺍﻟﺜﻼﺟﻪ ﻃﻠﻊ ﻗﻮﻃﻴﻪ ﺑﺒﺴﻲ ﻓﺘﺤﻬﺎ ﻭﺷﺮﺏ
ﮔﺘﻠﻪ ﺍﺗﺮﻳﺪ ﺍﻟﺼﺪﮒ ?
ﺗﺪﺭﻱ ﺍﺷﺠﻨﺖ ﻣﻔﻜﺮﺓ ﺑﺎﻟﺰﻭﺍﺝ ?
ﻗﺒﻞ ﺟﺎﻧﺖ ﻋﺪﻧﻪ ﻫﺎﻳﺸﻪ
ﻣﺮﺍﺕ ﺍﺳﻤﻌﻬﺎ ﺗﺮﻏﻲ ﻧﺺ ﺍﻟﻠﻴﻞ ﻭﺍﺳﻤﻊ ﺑﻴﺒﻴﺘﻲ ﺍﺗﮕﻮﻝ ﻝ ﺍﻣﻲ ﺍﻟﻬﺎﻳﺸﻪ ﺗﻄﻠﺐ ﺍﻟﻔﺤﻞ
ﺟﺎﻧﺖ ﺍﻣﻲ ﺗﺎﺧﺬﻫﺎ ﺍﻟﺠﺎﺭﺗﻨﻪ ﻋﺪﻫﺎ ﻋﺠﻞ ﺍﺗﻠﻜﺤﻬﺎ
ﺣﺘﺊ ﺗﺤﺒﻞ
ﺍﻟﻬﺎﻳﺸﻪ ﻣﻦ ﻳﻮﻣﻬﺎ ﺗﺤﺒﻞ ﻭﺗﺒﻘﺊ ﺳﻨﻪ ﻛﺎﻣﻠﻪ ﻳﺎﺍﻟﻠﻪ ﻧﺮﺟﻌﻬﺎ ﻟﻠﻌﺠﻞ
ﺍﻧﻪ ﻫﻢ ﻋﺒﺎﻟﻲ ﻣﺜﻠﻬﺎ ﻛﻞ ﺳﻨﻪ ﻣﺮﺓ ﺑﺲ ﻭﻛﺖ ﺍﻟﺤﺒﺎﻟﻪ ﺗﺪﻧﺎﻟﻲ
ﺍﺑﺎﻭﻉ ﻫﺬﺍﻝ ﻏﺺ ﺑﺎﻟﺒﺒﺴﻲ ﮔﺎﻡ ﻳﮕﺢ ﺑﺎﻭﻋﻠﻲ ﻭﻫﻮ ﻋﺎﮔﺪ ﺣﻮﺍﺟﺒﻪ
ﻫﺬﺍﻝ،،ﻳﺎﻫﺎﻳﺸﻪ ﻋﻠﺊ ﻫﻠﺴﺎﻟﻔﻪ
ﻣﺸﺒﻬﺘﻨﻲ ﺑﺎﻟﻌﺠﻞ ﺑﻨﺖ ﺍﻟﻌﺠﻞ
ﻭﻟﺞ ﺍﻧﺘﻲ ﻭﺗﺎﻟﻲ ﻭﻳﺎﺝ ﺳﻮﺍﻟﻔﺞ ﻛﻠﻬﺎ ﻣﺼﺎﻳﺐ
ﺗﺤﺠﻴﻦ ﻣﺼﻴﺒﻪ ﺗﺴﻜﺘﻴﻦ ﻛﺎﺭﺛﻪ ﻭﺗﺎﻟﻲ ﻭﻳﺎﺝ ?
ﻫﺎﻱ ﻋﻮﺩ ﺍﺑﻮﺝ ﺷﻴﺦ ﻭﻫﻴﺞ ﻃﻠﻌﺘﻲ ?
ﻟﻮ ﮔﻬﻮﺟﻲ ﺷﺮﺍﺡ ﺗﺤﺠﻴﻦ ?
ﻫﻨﺪ،،ﻋﻀﻴﺖ ﺍﻟﺴﺎﻧﻲ ﺍﻻﮔﺸﺮ ﺣﻴﻞ ﺍﺭﻳﺪ ﺍﺗﻮﺑﻪ ﻣﻦ ﺍﻟﺰﻻﺕ ﺭﺟﺎﻝ ﺷﻜﺒﺮﺓ ﺷﻌﺮﺿﻪ ﺷﺒﻬﺘﻪ ﺑﺎﻟﻌﺠﻞ ﻫﻤﺰﻳﻦ ﻣﺎﺷﺒﻬﺖ ﺑﺸﻲ ﺛﺎﻧﻲ ﺟﺎﻥ ﻃﻠﮕﻨﻲ ﺑﻬﻠﻴﻞ
ﻛﻤﺖ ﺳﺒﺤﺖ ﻭﺭﺟﻌﺖ ﻧﻤﺖ ﺛﺎﻧﻲ ﻳﻮﻡ ﺍﻟﺼﺒﺢ ﺭﺣﺖ ﻳﻢ ﺳﻠﻮﺉ ﻟﮕﻴﺖ ﺍﻻﺧﺖ ﺷﺎﺩﺓ ﺭﺍﺳﻬﺎ
ﺳﺎﻟﺘﻬﺎ ﻭﻟﺞ ﺷﺒﻴﺞ ?
ﺳﻠﻮﺉ،،ﺧﺎﺍﻳﺒﻪ ﻫﻮ ﻫﺬﺍ ﺍﻟﻌﺮﺱ ?
ﻫﻨﺪ،،ﻟﻴﺶ ?
ﺳﻠﻮﺉ،،ﻭﻟﺞ ﺧﻴﻪ ﻻﻟﻴﻠﻲ ﻟﻴﻞ ﻭﻻﻧﻬﺎﺭﻱ ﻧﻬﺎﺭ
ﻋﻔﻪ ﺯﻟﻤﻪ ﻻﻳﻜﻞ ﻭﻻﻳﻤﻞ
ﻫﻨﺪ،،ﻫﺰﻳﺖ ﺍﻳﺪﻱ ﮔﺘﻠﻬﺎ ﺍﻟﻠﻪ ﻭﻛﻴﻠﺞ ﻧﻔﺲ ﺍﻟﻌﻨﺪﻱ
ﺍﻧﻪ ﻫﻢ ﻫﺬﺍﻝ ﺳﺎﻣﻂ ﺍﺑﻮ ﺍﺑﻮﻱ
ﻋﻔﻪ ﺯﻟﻢ ﺷﺎﺩﻳﻦ ﻣﺤﺮﻙ ﻭﺍﻭﻱ
ﺳﻠﻮﺉ،،ﻫﻬﻬﻪ ﻭﺣﮓ ﻋﻠﻲ ﺍﻃﺦ ﺍﺑﺮﺍﺳﻲ ﺍﻟﻒ ﺍﭼﻮﺍﻻﺗﻲ ﻭﺍﺷﺮﺩ ﻝ ﺍﻣﻲ ﺍﺭﻭﺡ ﺍﺷﺒﻊ ﻧﻮﻡ ﻭﺍﺫﺍ ﺍﺟﻪ ﻣﺎﺟﺪ ﺍﺭﻣﻲ ﻭﺷﺤﺪﺓ ﺍﻟﻴﻮﺻﻞ
ﻫﻨﺪ،،ﺍﺳﺘﻘﺮﻱ ﺍﺳﺘﻘﺮﻱ ﺗﺮﻣﻲ ﺍﻡ ﺣﻠﮓ
ﻭﻟﺞ ﻟﻮ ﻣﺎﺷﺎﻳﻔﻪ ﺍﻟﺰﻟﻤﻪ ﻳﻄﻠﻊ ﺭﮔﺒﺘﻪ ﺍﻣﻄﮕﻌﻪ ﺟﺎﻥ ﻣﺎﺍﺣﺘﺮﮔﺖ ﺭﻭﺣﻲ
ﺗﻄﺮﺩ ﻋﻴﻮﻥ ﺍﺳﻠﻴﻮﺍﻥ
ﺳﻠﻮﺉ،،ﺑﺲ ﺍﻭﻝ ﺍﻳﺎﻡ ﻭﺩﺍﻋﺘﺞ ﻫﺴﻪ ﺍﻟﻪ ﺍﺗﺴﺤﻮﻝ ﻳﻠﻪ ﺍﻏﺒﻞ
ﻫﻨﺪ،،ﺑﻘﻴﻨﻪ ﻧﻀﺤﻚ ﻭﺳﻠﻮﺉ ﻣﻨﻄﻠﻘﻪ ﺷﻮﻳﻪ ﻭﺍﺟﻪ ﻣﺎﺟﺪ ﺳﻤﻌﺘﻪ ﺻﺎﺣﻠﻬﺎ ﻣﻦ ﻏﺮﻓﺘﻪ ﺍﻧﻪ ﻫﻢ ﺣﺴﻴﺖ ﻋﻠﺊ ﺩﻣﻲ ﻭﮔﺘﻠﻬﺎ ﮔﻮﻣﻲ ﺍﻟﻮﺍﺟﺐ ﻳﻨﺎﺩﻱ
ﺍﻟﻔﺮﺧﻪ ﻃﮕﺘﻬﺎ ﺿﺤﻜﻪ ﻭﺑﻘﺖ ﺗﺘﻤﺎﻳﻞ ﻭﻫﻲ ﻗﺒﻞ ﺷﻮﻳﻪ ﺗﺸﺘﻜﻲ ﻭﺗﺘﺒﺠﺒﺞ
ﺗﺎﻟﻲ ﺑﺲ ﺻﺎﺣﻠﻬﺎ ﺍﺭﺗﺨﺖ ﻋﻮﺯﻫﺎ ﺑﺲ ﺗﻄﺮﺩﻧﻲ
ﮔﺘﻠﻬﺎ ﺭﻭﺣﻲ ﺭﻭﺣﻲ ﻣﺒﻴﻦ ﻣﺎﺭﺍﻳﺪﺓ ﻣﺠﻴﺪ ﻛﻠﺶ
ﺩﻓﻌﺘﻨﻲ ﻭﺳﺪﺕ ﺍﻟﺒﺎﺏ ﺍﻟﺨﺒﻠﻪ ﺍﻟﻠﻪ ﻳﺴﺎﻋﺪ ﻣﺎﺟﺪ ﻋﺒﻦ ﺭﻓﻴﺠﺘﻲ ﻭﺍﻋﺮﻓﻬﺎ ﺍﺗﺮﻙ ﺍﻟﺤﺪﻳﺪ
ﻣﺮﺓ ﺍﻻﻳﺎﻡ ﻭﺻﺎﺭ ﺷﻬﺮ ﻭﻧﺺ ﻋﻠﺊ ﺯﻭﺍﺝ ﻣﺎﺟﺪ ﻭﺳﻠﻮﺉ ﻭﺍﻟﻴﻮﻡ ﺳﻠﻮﺉ ﺻﺒﺤﺖ ﻛﻞ ﺷﻮﻳﻪ ﺗﺮﻛﺾ ﺗﺘﻘﻴﻪ
ﻋﻤﺘﻲ ﺍﺧﺬﺗﻬﺎ ﺣﻠﻠﺖ ﻭﻣﻦ ﺭﺟﻌﻮ ﺍﺷﺘﻐﻠﺖ ﺍﻟﻬﻼﻫﻞ ﻃﻠﻌﺖ ﺳﻠﻮﺉ ﺣﺎﻣﻞ
ﻓﺮﺣﺘﻠﻬﺎ ﻣﻦ ﻛﻞ ﮔﻠﺒﻲ ﻭﻻﺍﺟﻪ ﺍﺑﺎﻟﻲ ﺍﻧﻪ ﻟﺴﻪ ﻟﻴﺶ ﻣﺎﺣﺒﻠﺖ ﻻﻥ ﺍﺑﺎﻟﻲ ﻛﻠﺸﻲ ﻳﻢ ﺍﻟﻠﻪ ﻭﻛﻠﺸﻲ ﺭﺯﻕ ﻣﻦ ﻋﻨﺪﺓ ﺷﻮﻛﺖ ﻣﺎﻳﻠﺘﻔﺖ ﺍﻟﻌﺒﺪﺓ ﻳﻠﺘﻔﺖ ﻟﺬﺍﻟﻚ ﺫﺍﺑﺘﻬﺎ ﻭﺭﻩ ﺍﻟﻠﻪ
ﺍﻟﻜﻞ ﻳﺒﺎﺭﻙ ﺍﻟﻤﺎﺟﺪ ﻋﺒﺎﻟﻚ ﺻﺎﺭﻟﻪ ﺍﺳﻨﻴﻦ ﻣﻌﺮﺱ ﻭﺗﻮﻫﺎ ﻣﺮﺗﻪ ﺣﺒﻠﺖ ﻭﻻﺟﻨﻬﻢ ﻋﺮﺳﺎﻥ
ﻟﻠﻴﻞ ﺍﺟﻪ ﻫﺬﺍﻝ ﺑﺪﻝ ﻭﮔﻌﺪ ﺑﺎﻟﻐﺮﻓﻪ ﺍﻟﺜﺎﻧﻴﻪ ﮔﺎﻝ ﺗﻌﺎﻱ ﻳﻤﻲ ﻧﺸﻮﻑ ﻓﻠﻢ
ﺭﺣﺖ ﺍﺗﻤﺪﺩﺕ ﻳﻤﻪ ﻭﻫﻮ ﻳﻠﻌﺐ ﺑﺸﻌﺮﻱ
ﻫﺬﺍﻝ،،ﻫﻨﺪﺓ ﻳﻮﻣﻴﻦ ﻭﺍﺧﺬﺝ ﻟﻠﺪﻛﺘﻮﺭﺓ ﻧﺸﻮﻑ ﺷﻨﻮ ﺳﺒﺐ ﺍﻟﺘﺎﺧﻴﺮ ﻟﺴﻪ ﻣﺎﻛﻮ ﺣﻤﻞ
ﻫﻨﺪ،،ﮔﻌﺪﺕ ﻋﻠﺊ ﺣﻴﻠﻲ ﮔﺘﻠﻪ ﻏﺮﺕ ﻣﻮ ?
ﻫﺬﺍﻝ،،ﺧﺒﻠﻪ ﺍﻧﺘﻲ ?
ﺍﻏﺎﺭ ﻣﻦ ﺍﺧﻮﻱ ?
ﻣﺎﮔﺼﺪﻱ ﻫﻴﺞ ﺑﺲ ﺧﺎﻑ ﺍﻛﻮ ﺳﺒﺐ ﻳﻤﻨﻊ ﻋﺎﺩ ﻧﻌﺎﻟﺞ ﺍﺭﻳﺪ ﻳﺠﻴﻨﻲ ﻭﻟﺪ ﻳﻜﻮﻥ ﺍﻟﺴﺎﻧﻪ ﻣﺜﻞ ﺍﻟﺴﺎﻧﺞ ﻣﺤﺪ ﻳﮕﺪﺭﻟﻪ
ﻫﻨﺪ،،ﺑﺴﺮﻋﻪ ﺍﺭﺗﺨﻴﺖ ﻭﺳﻨﺤﺖ ﻋﻠﺊ ﺳﺎﻟﻔﺘﻪ ﻟﻮ ﻣﺘﻐﺰﻝ ﺷﻴﺼﻴﺮ ﺑﺤﺎﻟﻲ
ﻭﺻﺪﮒ ﻳﻮﻣﻴﻦ ﻭﺍﺧﺬﻧﻲ ﻫﺬﺍﻝ ﻫﺎﻱ ﺍﻭﻝ ﻣﺮﺓ ﻧﻄﻠﻊ ﺳﻮﺓ
ﻋﻤﺘﻲ ﺭﺍﺣﺖ ﻭﻳﺎﻧﻪ ﻭﺑﻌﺪ ﺍﻟﻜﺸﻒ ﻭﺍﻟﺴﻮﻧﺎﺭ
ﮔﺎﻟﺖ ﺍﻟﺪﻛﺘﻮﺭﺓ ﻛﻠﺸﻲ ﻣﺎﺑﻴﺞ ﻭﺫﻧﻲ ﺍﻟﻴﻮﻣﻴﻦ ﻣﻬﻤﺎﺕ ﻭﺍﻧﺸﺎﺀﺍﻟﻠﻪ ﻳﺼﻴﺮ ﺣﻤﻞ ﺍﻧﻄﺘﻨﻲ ﺑﺮﺓ ﻣﻨﺸﻄﻪ ﺍﺿﺮﺑﻬﺎ ﻭﻋﻼﺝ ﻟﺘﻘﻮﻳﺔ ﺍﻟﻤﺒﺎﻳﺾ
ﻣﻦ ﻃﻠﻌﺖ ﻣﺮﻳﺖ ﺑﺎﻟﻤﻀﻤﺪﺓ ﺿﺮﺑﺖ ﺍﻻﺑﺮﺓ ﻭﻣﻦ ﺣﺠﻴﺖ ﺍﻟﻬﺬﺍﻝ ﺑﻘﻪ ﻣﺒﺘﺴﻢ ﺍﺑﺘﺴﺎﻣﻪ ﺷﻴﻄﺎﻧﻴﻪ ﻋﺮﻓﺖ ﺍﻻﺥ ﻟﮕﺎﻫﺎ ﺣﺠﻪ ﻫﻮ ﻣﺘﻮﻟﻴﻨﻲ ﻭﻟﻴﻪ ﺑﺪﻭﻥ ﻋﺰﺍ ﻣﻌﺰﺍﻳﻪ ﺍﻧﻮﺏ ﺳﻤﻊ ﻛﻼﻡ ﺍﻟﺪﻛﺘﻮﺭﺓ ﻻ ﻫﺬﺍ ﻫﻮ ﺍﻟﻴﻮﻡ ﺍﻟﺤﻤﻞ ﺗﻮﻡ ﻣﺎﺑﻴﻬﺎ ﻣﺠﺎﻝ
ﻣﺮ ﺍﺳﺒﻮﻉ ﻋﻠﺊ ﺭﻭﺣﺔ ﺍﻟﺪﻛﺘﻮﺭﺓ ﻭﻫﺬﺍﻝ ﻛﻞ ﺷﻮﻳﻪ ﻳﺴﺎﻟﻨﻲ ﻟﻴﺶ ﻣﺎﻟﻌﺒﺖ ﻧﻔﺴﺞ ﻋﺒﺎﻟﻪ ﺿﺎﻣﻪ ﺍﻟﻄﻔﻞ ﻋﻠﻲ ﻫﻬﻬﻪ ﺩﻭﻡ ﻣﺘﻮﺍﺯﻱ ﻳﺮﻳﺪ ﺭﻛﺾ ﺭﻛﺾ ﻣﺎﺻﺎﺭﻟﻨﻪ ﺍﺳﺒﻮﻉ ﻣﻦ ﺭﺣﻨﻪ ﻭﻫﻮ ﻳﮕﻮﻝ ﺷﻮ ﻣﺎﺍﺗﻘﻴﺘﻲ
ﻫﻨﺪ،،ﺛﺎﻧﻲ ﻳﻮﻡ ﺍﺗﺼﻠﺖ ﺍﻣﻲ ﻭﮔﺎﻟﺖ ﺍﺑﻮﺝ ﻣﺮﻳﺾ ﺗﻌﺎﻱ ﺷﻮﻓﻲ
ﺍﺣﺲ ﮔﻠﺒﻲ ﻭﮔﻊ ﻭﺍﻧﺨﺒﺼﺖ ﺩﻣﻮﻋﻲ ﺗﺠﺮﻱ ﻣﻦ ﮔﻠﺖ ﺍﻟﻬﺬﺍﻝ ﻳﺎﺧﺬﻧﻲ ﻟﻬﻠﻲ ﻭﺍﺑﻮﻱ ﻣﺮﻳﺾ ﺑﺴﺮﻋﻪ ﮔﺎﻝ ﺟﻬﺰﻱ ﻧﻔﺴﺞ
ﺑﺲ ﻣﺎﺭﺣﺖ ﻭﺣﺪﻱ ﻛﻠﻨﻪ ﺭﺣﻨﻪ ﺣﺘﺊ ﺟﺪﻱ ﺍﻟﺸﻴﺦ ﻭﺑﺎﻟﻄﺮﻳﻖ ﻭﮔﻒ ﺍﺷﺘﺮﻩ ﺍﺷﻜﺎﻝ ﻭﺍﻟﻮﺍﻥ ﺳﻴﺎﺭﺗﻴﻦ ﺗﺮﺳﻬﻦ ﻣﺴﻮﺍﮒ ﻭﻣﻮﺍﺩ ﻏﺬﺍﺋﻴﻪ
ﻣﺎﻏﺒﻠﺖ ﺑﺲ ﺟﺪﻱ ﮔﺎﻝ ﻫﺎﻱ ﻳﺴﻤﻮﻫﺎ ﺷﺮﻫﺎ ﻳﻌﻨﻲ ﻫﺪﻳﻪ ﻭﺍﻟﻬﺪﻳﻪ ﻣﺎﺗﻨﺮﺩ ﺍﻧﻪ ﺍﺩﺭﻱ ﺷﻴﺦ ﺣﺎﻛﻢ ﻣﺎﻋﺎﻳﺰ ﺑﺲ ﻓﺸﻠﻪ ﺍﺭﻭﺡ ﻭﺍﻳﺪﻱ ﻓﺎﺭﻏﻪ
ﻟﻠﻀﻬﺮ ﻭﺻﻠﻨﻪ ﺟﺎﻥ ﺍﺑﻮﻱ ﻧﺎﻳﻢ ﺑﺎﻟﻤﻀﻴﻒ ﻭﻛﺎﻧﻮﻧﻪ ﺑﻴﺪﺓ
ﻣﺎﺍﻋﺮﻑ ﺷﺒﻲ ﺑﺲ ﻣﺒﻴﻦ ﺗﻌﺒﺎﻥ ﺣﻴﻴﻞ
ﻋﻴﺎﻟﻲ ﺑﻘﻮ ﻉ ﺍﻟﻐﺪﺓ ﺍﺑﻮﻱ ﻣﺎﻗﺒﻞ ﻳﺮﺩﻭﻥ ﻏﻴﺮ ﻟﻤﻦ ﻳﺘﻐﺪﻭﻥ
ﻭﻓﻌﻼ ﺍﺗﻐﺪﻭ ﻭﺷﺮﺑﻮ ﺟﺎﻱ ﻭﺭﺟﻌﻮ ﺍﻟﻌﺼﺮ
ﺍﻧﻪ ﺑﻘﻴﺖ ﻳﻮﻣﻴﻦ ﺍﺩﺭﻱ ﮔﻮﺓ ﻫﺬﺍﻝ ﻗﺒﻞ ﺑﺲ ﻣﺎﻋﻨﺪﺓ ﺣﻞ ﻻﻥ ﺍﺑﻮﻱ ﺣﺎﻟﺘﻪ ﺗﻌﺒﺎﻧﻪ
ﺑﻠﻴﻞ ﺍﺟﺖ ﻧﺎﺱ ﺗﺘﺤﻤﺪﺍﻟﻠﻪ ﻉ ﺍﻟﺴﻼﻣﻪ ﻭﺍﻟﺘﻬﻴﻨﻪ ﺑﺎﻟﺠﺎﻱ ﻭﺍﻟﻤﺎﻱ ﺣﺘﺊ ﻋﺸﻪ ﻣﺎﻟﺤﮕﻨﻪ ﻧﺘﻌﺸﻪ ﻏﻴﺮ ﻟﻤﻦ ﺧﻠﺺ ﺍﻟﺨﻄﺎﺭ ﺏ 11 ﺑﻠﻴﻞ
ﺩﺧﻠﺖ ﻧﻤﺖ ﻳﻢ ﺍﻟﺒﻨﺎﺕ ﺍﺳﻤﻌﻬﻦ ﻳﺒﺴﺒﺴﻦ ﻫﺎﻟﻪ ﻭﻫﺪﻳﻞ
ﮔﺘﻠﻬﻦ ﺷﻜﻮ ﺍﺗﺒﺴﺒﺴﻦ ﺍﺣﺠﻦ ﺷﻜﻮ ?
ﻫﺪﻳﻞ،،ﻣﺮﻭﺓ ﺑﺖ ﻋﻤﻲ ﺣﻤﻴﺪ ﺧﻄﻴﻪ
ﻫﻨﺪ،،ﺳﺎﻟﺘﻬﺎ ﺍﺷﺒﻴﻬﺎ ?
ﻫﺎﻟﻪ،،ﻣﻮ ﻫﻲ ﻗﺒﻞ ﺳﺖ ﺍﺷﻬﺮ ﺍﺗﺰﻭﺟﺖ
ﻫﻨﺪ،،ﺍﻱ ﺍﺣﺠﻲ ﻃﻠﻌﻲ ﺍﻟﺰﺑﺪﺓ ﺫﺑﺤﺘﻴﻨﻲ
ﻫﺪﻳﻞ،،ﺯﻭﺟﻬﺎ ﻃﻠﻊ ﻣﻮﺧﻮﺵ ﺍﺩﻣﻲ ﻭﻳﻮﻣﻴﻪ ﻳﺘﺰﻭﺝ ﻭﺣﺪﺓ ﺑﺎﻟﺴﺮ ﻭﻳﻄﻠﮓ
ﺍﺧﺮ ﺷﻲ ﻗﺒﻞ ﻛﻢ ﻳﻮﻡ ﺭﺍﻳﺤﻪ ﻟﻌﻴﺎﻟﻬﺎ ﺑﻴﺘﻬﻢ ﻗﺮﻳﺐ ﻋﻠﺊ ﺑﻴﺘﻬﺎ ﻭﻣﻦ ﺭﺍﺟﻌﻪ ﻻﮔﻴﻪ ﺭﺟﻠﻬﺎ ﺟﺎﻳﺐ ﻭﺣﺪﺓ ﻟﻠﺒﻴﺖ ﻭﻫﻲ ﻣﺘﺨﺒﻠﻪ ﻭﺻﺎﻳﺮﺓ ﻓﻀﻴﺤﻪ ﮔﺪﺍﻡ ﺍﻟﻌﺎﻟﻢ
ﻭﺭﺟﻠﻬﺎ ﺿﺎﺭﺑﻬﺎ ﻭﺟﺎﺑﻬﺎ ﺷﻤﺮﻫﺎ ﻳﻢ ﺍﻫﻠﻬﺎ
ﻃﺒﻌﺎ ﻋﻤﺘﻲ ﻣﺎﺣﺠﺖ ﮔﺎﻟﺖ ﺟﺎﻳﻪ ﻣﺴﻴﺮﺓ ﻻﻥ ﺍﺗﺨﺎﻑ ﻣﻦ ﺍﻟﺸﻤﺎﺗﻪ
ﺑﺲ ﺳﻬﺊ ﺣﺠﺘﻠﻲ ﻫﺎﻱ ﺍﻟﺒﺖ ﺗﺨﺘﻠﻒ ﻋﻦ ﺍﻫﻠﻬﺎ
ﻭﻏﻴﺮ ﺣﻴﺪﺭ ﻭﻣﺸﺎﻛﻠﻪ ﻭﻳﻪ ﻣﺮﺗﻪ ﻛﻞ ﺷﻮﻳﻪ ﮔﺎﺑﻪ ﺍﻟﻌﻴﻄﻪ ﻳﻤﻬﻢ
ﻭﺍﻧﻮﺭ ﺭﺟﻊ ﻟﺴﻮﺍﻟﻔﻪ ﻭﻣﻜﺴﺮﺍﺗﻪ ﻭﻳﻮﻣﻴﻪ ﻭﺍﺣﺪ ﺟﺎﻱ ﻳﺸﺘﻜﻲ ﻳﻢ ﺍﺑﻮﻱ
ﻭﺍﺑﻮ ﻳﮕﻮﻝ ﺷﺴﻮﻳﻠﻪ ﻣﺎﻳﺴﻤﻊ ﺍﻟﺤﺠﻲ ﻭﺻﺎﻳﺮﻩ ﻟﺨﻪ ﺑﻴﻨﻬﻢ
ﻫﻨﺪ،،ﺟﺮﻳﺖ ﺣﺴﺮﺓ ﻻﻥ ﻳﺒﻘﻮﻥ ﺑﻴﺖ ﻋﻤﻲ ﻣﺎﺍﺭﺿﺎﻟﻬﻢ ﺑﻀﻴﮕﺔ ﺍﻟﺨﻠﮓ
ﺷﻮﻳﻪ ﻭﺍﺟﻪ ﻋﺒﻮﺩﻱ ﺷﺎﻳﻞ ﻣﻮﺑﺎﻳﻞ ﺍﻣﻲ ﻛﺎﻝ ﻟﺠﻠﺞ ﻳﺨﺎﺑﻞ
ﻋﺒﻮﺩﻱ ﺑﺼﻒ ﺍﻟﺜﺎﻧﻲ . ﺍﺑﺘﺪﺍﺋﻲ ﺑﺲ ﺍﻟﺴﺎﻧﻪ ﺛﮕﻴﻞ ﺻﺎﺭ ﻋﻨﺪﺓ ﺍﺑﻮ ﺍﺻﻔﺎﺭ ﺩﺭﺟﺘﺔ ﻋﺎﻟﻴﻪ ﻭﺑﺪﻟﻮ ﺩﻣﻪ ﻛﻠﻬﺎ ﮔﺎﻟﺖ ﻳﻤﻮﺕ ﻣﺎﻳﻌﻴﺶ ﻻﻥ ﺍﺗﺒﺪﻝ ﺩﻣﻪ ﺑﺲ ﺍﻣﺮ ﺍﻟﻠﻪ ﻓﻮﻕ ﻛﻠﺸﻲ ﻋﺎﺵ ﻋﺒﺪﺍﻟﻠﻪ ﺑﻔﻀﻞ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﺊ ﺑﺲ ﺍﻟﺴﺎﻧﻪ ﺛﮕﻴﻞ ﺑﺴﺒﺐ ﺗﻐﻴﺮ ﺍﻟﺪﻡ
ﺍﺧﺬﺕ ﺍﻟﻤﻮﺑﺎﻳﻞ ﺑﺴﺖ ﻋﺒﻴﺪﺍﻥ ﻭﺭﺍﺡ ﮔﻤﺖ ﮔﻌﺪﺕ ﻋﻠﺊ ﺻﻔﺤﻪ ﺍﻭﻝ ﻣﺎﻓﺘﺤﺖ ﺧﻂ ﺍﺟﺎﻧﻲ ﺻﻮﺗﻪ ﻭﻧﺒﺮﺓ ﺍﻟﻌﺘﺐ
ﻫﺬﺍﻝ،،ﻟﻴﺶ ﻫﻴﺞ ﻭﻟﺞ ?
ﺍﺷﻠﻮﻥ ﺭﺍﺡ ﺍﮔﺪﺭ ﺍﻧﺎﻡ ﻳﻮﻣﻴﻦ ﻭﺍﻧﺘﻲ ﻣﻮ ﻳﻤﻲ ?
ﻫﻨﺪ،،ﻫﺬﻳﻞ ﺗﺮﺓ ﻫﻨﻪ ﻳﻮﻣﻴﻦ ﻣﺎﺭﺍﻳﺤﻪ ﺍﺑﻘﻪ ﺩﻫﺮ ﺍﺗﺤﻤﻞ ﻭﻫﻢ ﺍﻧﻄﻲ ﻧﻔﺴﻚ ﻓﻨﺘﻚ ﺳﻤﻄﺖ ﺍﺟﺪﺍﺩﻱ ﺳﻤﻂ ﻛﻞ ﺷﻮﻳﻪ ﺳﺎﺣﻠﻨﻲ ﺑﻌﺰ ﻧﻮﻣﺘﻲ
ﺳﻤﻌﺘﻪ ﻃﮕﻬﺎ ﺿﺤﻜﻪ ﺑﺼﻮﺕ ﻋﺎﻟﻲ
ﻫﺬﺍﻝ،،ﻭﺍﻟﻠﻪ ﻣﺎﻝ ﺍﺟﻲ ﺍﺳﺤﻠﺞ ﻫﺴﻪ
ﺍﮔﻠﺞ ﺍﺧﺬﺗﻲ ﻋﻼﺝ ﻟﻮ ﻻ
ﻫﻨﺪ،،ﺑﻘﻴﺖ ﺍﻣﺘﻤﺖ ﻻﻥ ﺍﻟﺘﻬﻴﺖ ﺑﺎﻟﺨﻄﺎﺭ ﻭﻧﺴﻴﺖ
ﻫﺬﺍﻝ،،ﺑﻮﻳﻪ ﺍﻟﻤﻦ ﺟﺎﻳﺒﺘﻪ ?
ﺩﮔﻮﻣﻲ ﺍﺧﺬﻱ ﻋﻼﺟﺞ ﻭﻧﺎﻣﻲ
ﻭﻫﺎ ﻟﺘﻨﺴﻴﻦ ﺭﻭﺣﻪ ﺍﻟﻌﻤﺎﻣﺞ ﻣﺎﻛﻮ ﻭﺍﺫﺍ ﺳﻤﻌﺖ ﺭﺍﻳﺤﻪ ﺍﻟﻠﻪ ﺷﺎﻫﺪ ﻟﻮ ﺑﻌﺪ ﺳﻨﻪ ﻭﺍﺳﻤﻊ ﺭﺍﻳﺤﻪ ﻭﻣﺠﺬﺑﻪ ﻫﻢ ﺍﻛﺘﻠﺞ ﻓﺎﻫﻤﻪ ?
ﻫﻨﺪ،،ﻋﻤﻲ ﻓﺎﻫﻤﻪ ﻭﺍﻟﻠﻪ ﺑﺲ ﺗﺮﺓ ﺫﻭﻟﻪ ﻋﻤﺎﻣﻲ ﻋﺎﺩﻱ ﺍﺭﻭﺡ
ﻫﺬﺍﻝ،،ﻋﻤﺎﻣﺞ ﻋﻠﺊ ﻋﻴﻨﻲ ﻭﺭﺍﺳﻲ ﺑﺲ ﻣﺎﻝ ﻋﺎﺩﻱ ﻻ ﻣﻮﻋﺎﺩﻱ ﻻﻥ ﺗﺪﺭﻳﻦ ﺷﻨﻮ ﺍﻗﺼﺪ ﻭﻣﺎﺍﺭﻳﺪ ﺍﺫﻛﺮ ﺍﻟﺴﺎﻟﻔﻪ ﻻﺍﺟﻲ ﻫﺴﻪ ﺍﺧﺬﺝ
ﻫﻨﺪ،،ﻳﺎﺍﻟﻠﻪ ﻋﻤﻲ ﺍﻣﺮﻙ ﻣﺎﻧﺮﻭﺡ ﺍﻣﺮﻧﻪ ﻟﻠﻠﻪ
ﻫﺬﺍﻝ،،ﻋﻔﻴﻪ ﻫﻴﺞ ﺍﺭﻳﺪﺝ
ﻫﻨﺪ،ﺍﻧﻬﻴﻨﻪ ﺍﻟﻤﻜﺎﻟﻤﻪ ﻭﺭﺟﻌﺖ ﻧﻤﺖ ﻣﺎﮔﻌﺪﺕ ﻏﻴﺮ ﺏ 9 ﺍﻟﺼﺒﺢ
ﺍﻫﻠﻲ ﮔﺎﻋﺪﻳﻦ ﻣﻦ ﻭﻛﺖ ﮔﻤﺖ ﻟﻤﻴﺖ ﺍﻓﺮﺍﺷﻲ ﻭﻟﻤﻴﺖ ﻛﻔﺸﺘﻲ ﺑﻘﺮﺍﺻﻪ ﺧﻠﻴﺖ ﺍﻟﺤﺠﺎﺏ ﻋﻠﺊ ﺭﺍﺳﻲ ﻭﻃﻠﻌﺖ
ﻻﻥ ﺭﮔﺒﺘﻲ ﺑﻴﻬﺎ ﺍﺛﺎﺭ ﺑﺴﺒﺐ ﻫﺬﺍﻝ ﻭﻓﺸﻠﻪ ﺟﺪﺍﻡ ﺍﺑﻮﻱ ﺍﻃﻠﻊ ﻣﻔﺮﻋﻪ ﻭﻳﺸﻮﻓﻬﻦ
ﺣﺒﻮﺑﺘﻲ ﺑﺤﺠﺮﺗﻬﺎ ﻣﺎﺩﺷﻴﺖ ﻳﻤﻬﺎ ﻋﻔﺘﻬﺎ ﻭﻃﻠﻌﺖ ﻟﻠﻤﻄﺒﺦ ﻣﺸﺘﻬﻴﻪ ﺍﻟﺮﻭﺑﻪ ﻭﺍﻟﺰﺑﺪ ﻭﺍﻟﺠﺎﻱ ﺍﻟﺘﺴﻮﻳﻬﻦ ﺍﻣﻲ
ﺍﺧﺬﺕ ﺷﻮﻳﻪ ﺯﺑﺪ ﺣﻄﻴﺖ ﺑﻤﺎﻋﻮﺩ ﻭﺧﻠﻴﺖ ﻓﻮﮔﺎﻩ ﺧﺎﺷﻮﮔﻪ ﺩﺑﺲ ﻭﺧﺎﺷﻮﮔﻪ ﺭﺍﺷﻲ
ﻃﺒﻌﺎ ﺍﻣﻮﺕ ﻋﻠﺊ ﻫﺎﻱ ﺍﻻﻛﻠﻪ ﺗﺨﺒﻞ ﺣﺘﺊ ﻟﻮﻗﺸﻄﻪ ﻭﺍﺣﻂ ﻭﻳﺎﻫﺎ ﺩﺑﺲ ﻭﺭﺍﺷﻲ ﺗﻄﻠﻊ ﻃﻴﺒﻪ
ﺍﻛﻠﺖ ﻭﺷﺮﺑﺖ ﺟﺎﻱ ﻭﺭﺟﻌﺖ ﻳﻢ ﺣﺒﻮﺑﺘﻲ
ﻭﻫﻠﻤﺮﺓ ﻣﺎﺣﺠﺖ ﻻﻥ ﺿﺎﻳﺠﻪ ﻋﻠﺊ ﺍﺑﻮﻱ ﻻﻥ ﻣﺮﻳﺾ
ﺭﺣﺖ ﻳﻤﻪ ﻟﮕﻴﺘﻪ ﮔﺎﻋﺪ ﻳﺴﺒﺢ ﺑﺴﺒﺤﺘﻪ ﮔﻌﺪﺕ ﻳﻤﻪ ﺷﻮﻳﻪ ﻭﮔﻤﺖ ﻻﻥ ﺍﺟﻪ ﺧﻄﺎﺭ ﻭﻫﻢ ﺍﺗﻌﻄﻠﻮ ﻉ ﺍﻟﻐﺪﺓ
ﻟﻠﻌﺼﺮ ﻳﺎﺍﻟﻠﻪ ﺭﺍﺣﻮ
ﺻﺎﺭﺕ ﺍﻟﺴﺎﻋﻪ ﺧﻤﺴﻪ ﻭﻧﺺ ﻭﻛﺖ ﻣﻐﺮﺏ ﻭﻣﻦ ﺟﻨﺖ ﻋﺪ ﺍﻫﻠﻲ ﺍﻟﻤﻐﺮﺏ ﺍﻃﻠﻊ ﻭﺭﻩ ﺍﻟﺒﻴﺖ ﺍﺷﻮﻑ ﺍﻟﺸﻤﺲ ﻣﻦ ﺗﻐﻴﺐ ﺍﺑﻘﻪ ﮔﺎﻋﺪﺓ ﻣﻦ ﺍﻟﻌﺼﺮ ﻟﻠﻤﻐﺮﺏ
ﺧﻠﻴﺖ ﺣﺠﺎﺑﻲ ﻋﻠﺊ ﺭﺍﺳﻲ ﻭﻃﻠﻌﺖ ﻭﺭﺓ ﺍﻟﺒﻴﺖ
ﺣﺪﻳﻘﺔ ﺍﻫﻠﻲ ﻭﻋﻤﺎﻣﻲ ﻭﺣﺪﺓ ﺟﺒﻴﺮﺓ ﻣﺎﻛﻮ ﻗﺎﻃﻊ ﻣﻦ ﮔﺪﺍﻡ ﺍﻟﺒﻴﺖ ﻣﺒﻴﻨﺎﺕ ﻣﻨﻔﺼﻼﺕ ﺑﺲ ﻣﻦ ﻭﺭﻩ ﻻ ﻋﺒﺎﻟﻚ ﺑﻴﺖ ﻭﺍﺣﺪ ﻧﻄﻠﻊ ﺑﻄﺮﮒ ﺛﻴﺎﺑﻨﻪ ﻣﺤﺪ ﻳﺸﻮﻓﻨﻪ
ﺟﻨﺖ ﮔﺎﻋﺪﺓ ﻉ ﺍﻟﻄﺎﺑﻮﮔﻪ ﮔﻠﺒﻲ ﺍﻧﻐﺒﺾ ﻣﻦ ﺳﻤﻌﺖ ﺻﺎﻳﺢ ﺍﺑﻴﺖ ﻋﻤﺎﻣﻲ
ﺭﻛﻀﺖ ﻋﻠﺊ ﺣﺲ ﺍﻟﺼﺮﻳﺦ ﺍﺭﻳﺪ ﺍﻭﺻﻞ ﻣﺎﺍﮔﺪﺭ ﻣﻦ ﺍﻟﺨﻮﻑ ﺍﻟﺪﺭﺏ ﺻﺎﺭ ﺷﻄﻮﻟﻪ ﻭﻻﺟﻨﻬﺎ ﻛﻢ ﻣﺘﺮ
ﺍﺳﻤﻊ ﺻﻮﺕ ﺍﺑﻮﻱ ﻭﺍﻣﻲ ﻭﺍﺧﻮﺍﺗﻲ ﻃﻠﻌﻮ ﻳﺮﻛﻀﻮﻥ ﻣﻦ ﺍﻟﺒﺎﺏ ﺍﻟﺮﺋﻴﺴﻲ ﻭﺍﻧﻪ ﻣﻦ ﻭﺭﻩ ﺍﻟﺤﻮﺵ ﺍﻟﺘﻔﻴﺘﻠﻬﻢ ﺣﺘﺊ ﺍﺩﺧﻞ ﻣﻦ ﺍﻟﺒﺎﺏ ﺍﻟﺨﻠﻔﻲ ﺍﻗﺮﺏ ﺷﻲ ﺍﻟﻲ ﻫﺬﺍ
ﻓﺠﺎﻩ ﻭﺟﺎﻥ ﺗﺠﻲ ﺏ ﺍﺗﺠﺎﻫﻲ ﻛﺘﻠﻪ ﻣﺎﻝ ﻧﺎﺭ ﺑﺸﺮﻳﻪ ﺗﺮﻛﺾ
ﺟﺴﻤﻲ ﻭﮔﻠﺒﻲ ﻭﻋﻘﻠﻲ ﺟﻤﺪ ﻣﻦ ﺍﻟﻤﻨﻀﺮ ﺍﻻﺷﻮﻓﻪ ﮔﺪﺍﻣﻲ
ﻳﺘﺘﺘﺘﺘﺘﺘﺒﻊ
|