[لامارا]

البارت {91}

اميره:ايوا دايما تطلعينا غلط وانتي الصح دايما تحبي تكوني الصح واحنا الغلط ماينفع مره تكوني انتي غلط تحبي تغلطينا مع اننا احنا الصح
روز:انا ماقلت انتو الغلط انا قلت اني ماقلت شي يزعل
اميره:قلتيها انا ماقلت شي يزعل يعني مطلعتنا احنا الغلطانين قاعدين نخاصمك كذا
ريتان:قلتلكم من البدايه لاتجي انتو اصريتوا انها تجي
روز:بالله
ريتان:قلت الصراحه والصراحه ماتزعل
ميرا:انكتمو خلاص
نور راحت وطنشتهم
روز:ياليل الأوفر اشبها ذي راحت
اميره:روز شوفي اذا ماعدتي اسلوبك ذا ومخك الصغير ذا معانا اعتبري نفسك منتي صحبتي فاهمه؟
روز:تنهي العلاقه يعني
اميره:افهمي الي تفهميه احنا سوينا اشياء كثيره معاكي وانتي ولا يهمك وتجحدي واحنا ساكتين عشان صحبات عمر واخوات بس مو معناته تتمادي
روز:خلصتي كلامك
اميره:وشي ثاني كمان تروحي تعتذري لنور لانو كل مره نور تخطط فيها نطلع مع بعض تقلبيها نكد بسبب كلامك التافه
روز:اذا كلامي تافه ليش مكبرين الموضوع ولكم ساعه تتكلمو وتعطوه اهميه اذا هو تافه
اميره:احنا نعامل الناس بالمثل ماعندنا نفاق
ميرا:اميره ريتان روز امشو وانتو ساكتين
روز راحت واميره وميرا وريتان مشيو مع بعض لنور
وبعد دقايق لقوها
نور:ها بشرو ايش نهايه الهواش
اميره:انقلعت
ميرا:معليك منهم المهم متى بناكل بطني تزقزق
نور ضحكت:همك بطنك هاا
ريتان:حتى انااا
اميره:وانا
نور:دقيقه والفشار وغزل البنات والسلاش والشوكولاته ذي كلها ماشبعتكم
كلهم هزو روؤسهم بـ(لا)
نور ضحكت:امشو ناكل ونكمل فرفره
وراحو اكلو وكملو
ريتان بتعب:يرحم امك خلاص تعبت مرهه
اميره:يازقق باقي لسا الملكه والزواج على ايش مستعجله
نور:يلا باقي كم شي
ميرا:على ايش مصروعه انتي ترا لسا باقيلنا وقت كثير
نور:لا لا ماباقي وقت كثير باقي 6 شهور وانقلعو بيوت ازواجكم لازم تخلص بدري
ميرا واميره:الله يجلط ابو شكل الي جاب العدو
نور:قل أعوذ برب الفلق يلااا قوم فضحتونا بجلستكم ذي
وقامو اخذو الكم غرض الناقصين وراحو مع فهد
نور:انقلعي لمن تصيري زوجته ذيك الساعه تعالي قدام
اميره:اننننن
نور:اركبي يااننننن
فهد:اشبك على الحلوه حقتي
نور:ايش رأيك تنقلع انت وحلوتك يلا
اميره:اشبك منفسه انتي
نور:مو منفسه ياكلبه
ريتان ضحكت:اقنعتيني
ودق جوالها
نور:نعم
محمد:نعامه ترفسك ردي زي الناس
نور:وترفسك معايا ايش تبغى
محمد:متأخر مو عادتك
نور:مسافة الطريق جايه
محمد:اشبك زعلانه طيب قلبتي سنفور شرير
نور:انتو اشبكم عليا خلاص ربي قرر انو اليوم مااكون مروقه يعني لازم غصب اروق
محمد:من خشمك تروقي كمان
نور:يصير خير
محمد:بشوف لا تتأخري اكثر
نور:طيب
وقفلو
فهد:اليوم احد صفقك صح
نور:فهد عندي فكره حلوه مرهه
فهد:ايش هي
نور:انك تاكل زق وتركز بالطريق
فهد:إنشاءالله اختي
وكمل لين وصلو
عند كيان
كانت قاعده على مكتبها تذاكر منطربه بالاغاني
وطلبت اكل واكلت وراجعت ونامت
ومرت اليومين بدون اي أحداث مهمه وموعد سفر نور ومحمد
الساعه 6:30الصباح
قاموا لبسو وجهزو وحركوا وسلمو على الكل واتوجوا على المطار
نور:محمد احس 4 سنين كثير
محمد:نوري الـ4 سنين ذي لك مو لي بس اقترح تغيري تخصصك ذا
نور ناظرت له بنص عين:وليش انشاءالله
محمد:مو عشان شي بس خايف على نفسيتك علم النفس مو هين بيأثر بنفسيتك وانا مو حاب الشي ذا
نور:محمد حبيبي انا بكون بمؤسسات يعني تخصصي مو للمكتأبين ولا المجانين لا انا بمسار المؤسسات بدار الأيتام او العجزه يعني ماراح يصير شي فيا بالعكس مرا احب اساعد الناس معنويا وهذا شي فيني من انا صغيره
محمد:تمام بس لو شفت التخصص ذا سوا شي ماعجبني من الان اقولك سيبيه واختاري غيره
نور:مااتوقع ماراح يعجبك بيعجبك وبتشوف بس خايفه شويه
محمد:من ايش
نور:بلد جديده وناس جدد وثقافه غير هذا شي صعب ترا اننا نتعود عليه خصوصا انو وضعهم كله اختلاط باختلاط وانا ماأحب هالشي
محمد:من ناحية الناس بتتعرفي على ناس كويسين انشاءالله اما البلد بتقولي من حلاوتها وطيبة شعبها ماودك ترجعي والاختلاط احنا مع بعض بنكون ماراح ابعد نفس الجامعه بس مو نفس الكليه
نور:ايوا كليه لحالك عشان تاخذ راحتك مع البناتتت صحح
محمد ناظر لها بغباء:تستهبلي صح؟
نور:لااتكلم جد
محمد:ليش تغاري
نور:ماله دخل انت واحد متزوج اذا عرفوا انك متزوج من الأدب مايقربوا ويصيرو رخيصات عشان لاادعس على الي جابوهم
محمد ضحك:قولي انك تغاري واختصر الليله يابنت الناس
نور:ركز بس بالطريق لاتخبطنا بحديده
محمد ضحك:إن شاءلله
وبعد نص ساعه وصلو المطار وخلصو الإجراءات وراحو صالة الانتظار

نهاية البارت