][البارت الحادي عشر((11))][
شيخه لمت اخوها:فديتك...
علي تم صاخ "آآآآه ياشيخه...لو تعرفين انه انا الي فرقت من بينكم...بتسامحيني..؟"
شيخه:علي...متى بنروح..؟
علي:عقب يومين..
شيخه:في أي منطقه..؟
علي:في راس الخيمه..
شيخه:ونااااسه...
راحت تجهز اغراضها..
((بيت أحمد))
كان أحمد يتذكر كل مكان قعد معاه مع مريم وفكر يتصل يسأل عنها طلع جواله وأتصل وتم يرن ويرن ويرن وفـ الاخير كان بيسكر بس سمع حس مريم..
مريم:الوو...
أحمد:السلام عليكم..
مريم:وعليكم السلام..
أحمد:شخبارج..؟
مريم:الحمدالله عـ كل حال...أنت..؟
أحمد:بخير..
مريم:بغيت شي..؟
أحمد:لا بس بغيت اسأل عن اخبارج واخبار الي في بطنج..؟
مريم:.....((تصيح))
أحمد:مريم...ليش الصياح..أنا الي اسويه من مصلحتج انتي وولدي...مابي بعدين قولون عن ولدي ولد السكير...مابي حد يتكلم عن ولدي..
مريم:واحنا شعلينا من الناس..؟
أحمد:مريم لسان الناس مايرحم..
مريم تمت تصيح وأحمد يسكت فيها في الاخير اقتنعت انها لازم تتطلق منه بس هي مب راضيه واتفقو انه الطلاق يكون عقب ماتربي..ويوم سكرت تمت تصيح وعقب رقدت..
((عند عبدالله))
عبدالله اتصل في رفيجه خالد عشان يطلع يغير جو....ويوم رفيجه رد تم يستعبط عـ عبدالله..
عبدالله:خلووود وصمخ..
خالد وهو يضحك لانه طفر في عبدالله:هااا..؟
عبدالله:ابي اطلع متملل..
خالد:يلا زين..أنا في البارت...انطرك تيي..
عبدالله:يلا انا ياااي..
خالد:باااي..
عـ طول عبدالله طلع وراح البارك حق خالد وسلم عليه وتم يسولف وعقب...
خالد:اقول...بوعابد..
عبدالله:ف عليه:سم..؟
الا الماي عـ ويهه وعبدالله شهق:العن الله اشكال عدوك...ارويك
وتمو يركضون ورا بعض جنهم يهال هع..
((هند&ريم))
هند:ريموووه...شيخه وينها من زمان ماجفتها..ولهت عليها والله..
ريم:اي واللخ حتى انا..
هند:انزين كلمي مريم الدبه خلها تيي..تأخرت
ريم وهي تطالع الباب:شي از هير..
ياتهم مريم وتمو يسولفوون ويضحكون وكل شوي يسبون شيخه لانها ماياتهم ولانه محد يدري الا مريم بس بعد ماتدري انها بتسافر..
مريم:اقول...خلنا نتصل حق شيخه..
هند:ايه والله..
مريم تمت تتصل:الحقووو..
هند وريم:هاا..؟
مريم:رنتها رنه خارجيه..
ريم:شلون يعني..؟
مريم:يعني اكيد مسافره..
((عند شيخه وعلي فـ الشقه في الامارات))
شيخه كانت تسمع الجوال يرن بس مالها بارض حق سين وجيم...
علي:شيخه...جوالج..
شيخه تنهدت:اسمعه..
علي:زين ردي..
شيخه:مال بارض حق حشره البنات...
علي قعد احذاها:الحين انتي في اي شهر..؟
شيخه:خلاص بادش الثامن..
علي:اهااا..
تم الجوال يرن ويرن وهي مطنشه ولا ردت عليهم سكت فتره وعقب رد يرن شيخه عصبت لانها بروحها متضايقه ردت وهي معصبه..
شيخه:خير..؟سندرتوووني..
عبدالله:يه...مافيه سلام..؟
شيخه فجأه سكتت وعلي لاحظ عليها هالشي وتم يطالعها فتره وهي ساكته وتطالع تحت..
عبدالله بنبره حزينه:شيخه...ليش تعامليني جيه..؟
شيخه تمت مغمضه عينها وهي تسمع عبدالله مايهون عليها تسمع عبدلله جيه..بس بعد هو جرحها وماظن جرحها بيبرى..وعـ طول علي خذ منها الجوال وتم يكلم عبدالله..
عل:الووو...من..؟
عبدالله استغرب من هاي..؟جام مسافر:أنت الي من..؟
علي:مالك خص..وخلاص لاتتصل في شيخه مره ثانيه ((سكر في ويهه))
عبدالله تم يفكر ويقول أنا سمعت هالصوت بس مادري وين..وجاسم مسافر وهااي من..؟أنا لازم ارجع اجوف شصاير..شيخه ماصدقت تم بروحها..!لازم اجوفها بأسرع وقت..عـ طول راح السفاره عشان يحجز..ويرد الدوحه..
((عند أحمد))
أحمد كان راقد....يات الساعه 3 العصر وسمع الاذان وقام...راح يتيدد..وعقب تم يصلي...عقب تم يقرا قرآن ومن كثر خشووووعه كان يصيح تم يقرا حوالي ساعه تقريبا وعقب حب القرآن وحطه عـ الطاوله...وتم يفكر بمريم..."والله كان ودي اتم معاي لوبس دقيقه..بس بعد سمعتها وسمعه ولدي اهم.." تم يطالع التلفزيون لين ياه وقت صلاه المغرب...تم يصلي..
((في مكتب خلف المحامي))
خلف:دارين...اتصلي في أحمد..
دارين اتصلت في احمد بس محد يرد..:ماحدا عم بيرد..<<خخخ ضبطت البناني..؟=)
خلف:هاا..؟
دارين:مش عم بيرد..
خلف قرر انه يروح بيت أحمد لانه يبي يكلنه عن القضيه..خلف راح بيت أحمد...تم يطق الباب ومحد يرد..خلف قال بيحاول يفتح الباب...يمكن يطلع مفتوووح..حط يده عـ مقبض الباب وفتحه ودخل..
خلف:أحمد...؟أحمد..؟؟!
أحمد:...............
خلف جاف أحمد ساجد عـ السياده وكان يصلي...خلف قعد عـ الكرسي ينطره يخلص عشان يكلمه عن القضيه...خلف تم ينطر لين صار له خمس دقايق...خلف استغرب منه.."هالكثر يسجد..؟معقوله يدعي لربه هالكثر..؟!!"راح صوبه وهزه...
خلف:أحمد..؟
أحمد طاح من اول ما هزه خلف...خلف تخرع من شكله "شكله ميت.."
خلف وهو يهز أحمد:أحمد..؟احمد..؟!
أحمد:..........
خلاص أحمد غاب عن الدنيا وهو تايب وهو عـ الطريق الصح..خلف نزلت منه دمعه على هالريال..شلون الحياه والدنيا ظلموه ولاعاش متهني في حياته..توفى قبل لا يجوف ولده..قبل لا يستسمح من مرته..خلف اتصل حق خواته واهله وقالهم انه عطاهم عمره..
((عند مريم))
مريم من سمعت بالخبر عـ طول اغمى عليها وخذها عبدالعزيز اخوها المستشفى وعطوها مغذي وبعد كم ساعه قامت مريم تبي تشرب ماي جافت امها حذاها راقده وعبدالعزيز واقف عند الدريشه وهو سرحان...
مريم:ابي ماااي..
عبدالعزيز استانس لانها وعت وشربها الماي :الحمدالله عـ السلامه..انشالله بخير..؟
مريم:ايه الحمدالله...
عبدالعزيز:مريم...اناديلج الدكتوره..؟
مريم:لا مايحتاي...
عبدالعزيز:اوكي..ارتاحي عيل..
عبدالعزيز راح البت عقب ما تطمن على اخته لانه كان تعبان..
((عند بيت بو أحمد))
كان الجو كئيب...خاصه خواته الثنتين العنود وفاطمه..كانو مقطعين عمرهم من الصياح...وابوه كانت تهل دموعه بصمت...كانو كل الشباب معاهم في الميلس لانهم لاوم يوقفون ويا ابو أحمد..والبنات كانو عند خواته وامه ويهونهم..الي هم هند وريم..
((عند فهد عقب العزا))
فهد كان واصل حده ويبي يرقد...عبدالعزيز دخل البيت...
عبدالعزيز:فهد..؟
فهد:هلا.؟
عبدالعزيز:تعال هنيه...ابي اكلمك..
فهد:في شنو..؟
عبدالعزيز:خطبتك..؟
فهد:عزوووز..أنا تعبان وابي ارقد..
عبدالعزيز:فهد..ريم عرفت..
فهد:@@ شنو..؟
عبدالعزيز:والله يافهد..من سمعت هالخبر تمت تصيح...وقالت لي انها مارفضتك...بس تبي تكمل دراستها والزواج عقب وعقب مافهمتني قالت لي انه يمكن في خاطرك وحده ثانيه..ويمكن يحبها وجان يبي يخطبها الله يوفقه وراحت فوق وهي تصيح..والله حرام عليك ارحمها..
فهد راح يلم اخوه عزيز:مشكوووور عزوووز والله مشكووور..((وتم يبوسه عـ خده وراسه))
عبدالعزيز:هيه..استح ياريال..ريال طول وعرض وتبسني..؟اووووووع..((مسح مكان البوسه))
فهد:اصلا انت تتمنى بوساتي...((وراح))
فهد راح غرفته وعـ طول خذ الجوال واتصل في ريم..ريم اول ماجافت اسمه ردت بس بدون ماتتكلم..
ريم:.......
فهد:زعلانه ريم..؟
لايم:..........
فهد تم يغني:الحلوه زعلانه والحلوة زعلانة ومنهو يراضيها..؟أنا اراضيها..
رم ابتسمت:..............
فهد:ريم...أنتي زعلانة علي..؟
ريم:...........
فهد:ريم شتبيني اسوي..؟والله بطيتي جبدي قهرتيني رايح اخطبج وترفضيني..؟يعني شلون كنتي تبيني اعاملج..؟
ريم صاحت:بس والله منت ابي اكمل دراستي...أنا مارفضتك..
فهد:ادري فديتج...عبدالعزيز قالي كل شي..وأنا ترا برد اخطبج..ها من بكره أنا عند باب بيتكم..
ريم:بتخطبني..؟
فهد:ايه..عندج مانع..؟
ريم:بس أنا...
قاطعها فهد:لابس ولاشي..بخليج تكملين دراستج اذا تبين...
ريم:اوكي كيفك...بس خلها الاسبوع الياي..
فهد:اوكي الاسبوع الياي..اتفقنا..؟
ريم:ههههه...اتفقنا..
فهد:عساااااها دووووم هالضحكه يارب...
ريم:وياك حبيبي..فهد يلا أنا بسكر الحين..
فهد:يلا عيل...الله ويااج..
ريم:مع السلامه..
ريم طااااايره من الونااااااااااااااااسه مب مصدقه أنه فهد بيخطبها مره ثانيه تمت تفكر في فهد وشوي الا الباب ينطق...
ريم:من..؟
الخدامه:ماما يريد انتي..
ريم:يايه..
الخدامه:جين..
ريم نزلت حق امها وسلمت عليها وقعدت حذاها..
ريم:ها يمه...بغيتيني..؟
أم خليفه:ايه فديتج...وين شيخه..؟
ريم:مادري والله بس اظن انها مسافره مع اخوها علي..
أم خليفه:مادري شصابها هالبنت..اكيد فيها شي..
ريم:ايه والله يمه صدقتي...هي وااايد متغيره..
((عند شيخه))
شيخه كانت في شهووورها الاخيره كانت تدور في الشقه من الملل وعلي يجوفها ويضحك عليها شوي وحست بعوار في بطنها تمت ساكته ووقفت مكانها شوي ويوم حست انه العوار زاد راحت وقعدت عـ الكرسي..
علي:شفيج قعدتي..؟
شيخه:مادري...بس احس بعوار في بطني..
علي خاف وخاصه انها في شهورها الاخيره..:اوديج المستشفى..؟
شيخه:لا عادي..
علي وقف وخذ السويج..:اقول..يلا قومي قومي..
شيخه تمت تصيح لانه بطنها صار يعورها ازيد وتحس انها ماتقدر تقوم من العوار..علي ياب لها العبايه وساعدها في انها تقوم ووداها المستشفى...عـ طول دخلوها الطواري وتم علي ينطر برا شوي وطلع الدكتور وقال لازم نسوي لها عمليه قيصريه لانها في آخر الشهر الثامن وحالتها صعبه ولا تقدر تولد طبيعي..عـ طول علي وافق ووقع انه موافق عـ العمليه وهو راح غرفة الانتظار ودخلو شيخه غرفه العمليااات..
((عند جاسم))
جاسم حصل دكتور مصري وهو المسؤول عن العلاج الحين..وكان شاطر في شغله والكل يمدحه..وكانت حالة أم جاسم وااايد احسن عن قبل..وماباقي شي وانشالله تتعافى من المرض...
جاسم:دكتوور...شلون امي الحين..؟
الدكتور:الست بدت تتحسن وانشاءالله شهرين بالكتير وتخلص العلاج..
جاسم فرح..:مشكور دكتور عـ الخبر..
الدكتور:دا واجنا يا استاز جاسم..
((عند هند))
سيف:ساره وين حمده..؟
ساره:والله مادري للحين مارجعت من بيت اهلها..
سيف:زين اخبارها..؟
ساره:والله للحين متأثره عشان ولدها..<<لانها كانت حامل وسقطت..
سيف:انشاءالله الله بيرزقنا بغيره..يلا أنا رايح الشغل..
ساره:الله وياك..
طلع سيف وساره راحت عند هند وتمو يسولفون..
هند:ساروووه..
ساره وهي تطالع المجله:هلا..؟
هند:ابي اطع..
ساره:قومي خلي محمد يطلعج..
هند:مايطيع...اووووف والله ملل وبعد مب شوي..
ساره:سكتي بس..
هند:زين وين العلل بناتج..
ساره:ايها...لاتقولين عن بناتي علل..
هند:زين وينهم..؟
ساره:اكيد فوق بعد وينهم..
هند:عيل باروووح لهم احسن لي..
هند راحت فوق حق بنات اخوها وتمت تلعب معاهم سوني ولعبو تحدي كراش...وشوق كل شوي تفوز على هند وهند تمت معصبه لانها ماتعرف تلعب..
هند:شوووووقو...والله غشاااشه..
شوق:شنو غشاااشه..؟اصلا هاللعبه مافيها غش..
هند:جب بس جب..
نجلا:واكككككك....كاتعرف تلعب قومي فشلتيني...في حد مايعرف يلعب كراااش..؟هههههههههه
هند عصبت وقامت تركض ورا نجلا اونها تبي تضربها لانها تتطنز..هع كانت تركض وراها وماتقدر تمسكها لانها سريعه ونجلا وهي تركض تمت تغايض هند...شوي الا ناصر داش عليهم..
ناصر:الحمدالله والشكر...ياهل..؟
هند تفشلت وانحرجت وراحت تقعد عند ساره...
نجلا:خالي ناصر..جوف عمتي تبي تطقني..
ناصر:عااادي...خلها تطقج..
نجلا عصبت:سخيييف..
ناصر مسكها من اذنها:نجووول..
نجلا:آآآآي..خلاص آسفه والله آسفه..
ناصر هدها وهي راحت تكمل لعب مع اختها..ناصر راح وقعد عند هند وساره..
ناصر:السلام عليكم..
هند&ساره:وعليك السلام..
ناصر:شلونكم..؟
هند وساره:يسرك الحال..
هند:اقول ناصر..؟
ناصر:عيونه..قولي فديتج قولي..
هند استحت لانه ساره معاهم بس طنشت:طلعنا..
ناصر:وين تبون تروحون..؟
هند:اي مكان والله ملل..
نصر:يلا عيل...باسوي فيكم خير وباطلعكم..
هند استانست والكل لبس وبدل وطلعو يتموشوووون..
((عند عبدالعزيز))
عبدالعزيز كان في البحر يفكر في اخته كاسره خاطره...الله يرحمك يا أحمد ويغمد روحك الجنه يارب...رحت وتركت مريم متعذبه من عقبك...رحت قبل لاتجوف ولدك...الله يرحمك...رحت وأنت في عز شبابك..صج الموت لايعرف كبير ولا صغير. وهو يفكر كان يطالع البحر لين حس انه خلاص راسه بينفجر من كثر مايفكر..قام وراح بيتهم عشان يرتح شوي..دخل البيت وجاف امه واخوه قاعدين..راح وقعد عند امه من بعد ماحب راسها..
أم عبدالعزيز:هايمه..شلونك..؟
عبدالعزيز:الحمدالله...لنتي شخبارج وشخبار مريم..؟
أم عبدالعزيز:والله مريم حابسهروحها بالغرفه ولا تطلع الا اذا تبي تشرب ماي وماتاكل ولا شي..
عبدالعزيز عصب..:شنو..يمه هاي حامل..لازم تحافظ عـ صحتها عشان الياهل..
أم عبدالعزيز:شتبيني اسوي..؟مب راضيه تفتح الباب..
عبدالعزيز:أنا باخليها تفتح الباب غصب عنها..
وراح صوب الغرفه وتم يطق الباب..:مريم...مريوووم فتحي الباب...فتحي...
مريم:...........
عبدالعزيز:والله ان مافتحتي باكسر الباب...
مريم:.............
عبدالعزيز تم يرفس الباب عشان تفتح والبا شوي وينجلع من مكانه..وعقب مريم فتحت..
مريم:خير..؟
عبدالعزيز:لين صوت عليج ولا كلمتج ردي علي...فاهمه..
مريم:......
عبدالعزيز صك عـ اسنانه:فاهمه؟؟.
مريم خافت اول مره تجوف عبدالعزيز جيه معصب..:ايه..
عبدالعزيز:يلا جدامي..
مريم:@@ وين..؟
عبدالعزيز:المطبخ اكلي لج شي..
مريم:مابي..
عبدالعزيز:وأنا ماطلبت رايج يالشيخه مريم..قلت لج جدامي..
مريم:انزيييييييييييين اوووف..((وطلعت من الغرفه))
عبدالعزيز:والله البنات ماييون الا بالعين الحمره..
فهد:ههههه..توك تدري..؟
عبدالعزيز:جب أنت الثاني بروحي مفول...
فهد:اصلا أنت شكلك مب عاجبني من اول مادخلت..
عبدالعزيز:ليش شفيني بعد..؟
فهد:مادري عنك...انزين ابوي يبيك تحت..
عبدالعزيز:اوك..((ونزل حق ابوه))
بو عبدالعزيز:عزيز..تعال يبه..
عبدالعزيز باس راس ابوه:هلا يبه..سم..؟
بوعبدالعزيز:سم الله عدوك..بس يابوووك شوي شوي عـ اختك..
عبدالعزيز:ههههه..ماسويت لها شي يبه...بس قلت لها تروح تكل شي عشان صحتها هي ةالجنين..
بوعبدالعزيز:بارك الله فيك..زين صوت عـ فهد وتعالو المسيد لانه عقب الصلاه بيبون شيخ يعطي محاضره..
عبدالعزيز:انشالله..
====================
البيت فاااضي ضرب الجرس ومحد رد عليه...خذ الجوال واتصل على جوال شيخه.."شنوووو..؟!رنه خارجيه..؟!!"راح معصب بيتهم فتح الاب بقووو...
أم سيف:بسم الله...عبدالله..متى رجعت..؟
عبدالله:يمه وين شيخه..؟
أم سيف:شيخه في بيتهم مع اخوها..
عبدالله:شلون مع اخوها وانا رحت بيتهم ومحد يرد...ورنتها رنه خارجيه...
أم سيف:والله ياولدي..أنا ماجفتها من زمان...وكل ناتصل تكون مشغوله..
عبدالله لع من البيت معصب وركب السياره.."وين راحت..؟..والله ماتوقعتج ياشيخه خوااانه..."ونزلت منه دمعه قهر وخرقت خده..وتم يدور في الشوارع..
ومن طرف ثاني وفي دار زايد كانت شيخه توها طالعه من العمليات ويابت ولد...^_^ وهي كانت للحين تعبانه شوي..وعلي كان طاير من الونااسه..لامه صااار خال..وعلي قرر انه بعد اسبوع يرد الدوحه ويخبر الاهل...علي دخل على شيخه وكانت توها قاعده..
علي:الحمدالله على السلامه..
شيخه بصوت تعبان:الله يسلمك..
علي:مبروووك...يبتي ولد..
شيخه ابتسمت:الله يبارك فيك...وينه..؟
علي:عند النرس..انتي ارتلحي الحين لانه عقب اسبوع بنرد الدوحه..
شيخه:اوكي...اممم..علي..؟
علي:هلا..
شيخه:اتصل جوف امي وجاسم...وبشرهم..
علي:اوكي..
طلع علي الجوال وأتصل على جاسم اخوه عشان يبشره..
جاسم:هلا والله اخبارك..؟
علي:اهلين...تمام والله أنت وأمي اخباركم..؟
جاسم:الحمدالله..شخبار شيخه..؟
علي:بخير...تسلم عليك..
جاسم:الحمدالله..
علي وهو يحك راسه:جسوووم..
جاسم:هلا...
علي:عندي لك بشاره أنت وأمي..
جاسم:يلا بشرنا..؟
علي:شيخوه اختي يابت ولد اليوم..
جاسم:@@ هااااا..؟شيخوه.؟؟اصلا هي متى حملت..؟
علي:هع كانت حامل بس ماتبي حد يدري..
جاسم:الحماااره..أنا بارويها...شسمته..؟
علي:بستميه نايف عـ اسم ابوي..
جاسم:وعبدالله..درى..؟
علي:لاء ماقالت له..
جاسم:شنووو..؟@@ ماجافوها وهي حامل..؟
علي:لاء...احنا مسافرين الامارات..
جاسم:@@ @@ شنووو..؟!! والله وصارت سوالف واحنا ماندري..
علي:ههه شاسوي..اوامر الشيخه شيخه..
جاسم:انزين عطني اياها..
علي:دقايق..((وعطى شيخه الجوال))
شيخه:هلا جاسم...اخبارك..؟
جاسم:تمااام..انتي شاونج يأم نايف..؟
شيخه:هههه...شدراك انه باسميه نايف..؟
جاسم:بعد مايبيله كلام..
شيخه:ههههه
جاسم:بس أنا زعلان عليج...ليش ماقلتي لي..؟
شيخه:...........
جاسم:ليش..؟
شيخه:خفت تقول حق عبدالله..
جاسم:شيخه هاي ولده...ومارده بيعرف..
شيخه:............
جاسم:شسالفتج انتي معاااه..؟
شيخه:ولا شي...شخبار امي..؟
جاسم:الاسبوع الياي احنا عندكم..
شيخه:توصلووون بالسلامه..
جاسم:الله يسلمج..عطيني علوووي.
شيخه مدت الجوال حق علي..:يبيك..
علي:الوووو...
جاسم:علوي..ابيك ترد الدوحه عقب ماتظهر شيخه من المساشفى...وتخبر الاهل بالمولود..وانشالله الاسبوع الياي ولا الي وراه واحنا عندكم...
علي:توصلون بالسلامه..خلاص..احنا كم يوم وبنكون في الدوحه..
جاسم:انزين...شخبار نيوووف..؟
علي:يسلم عليك...يشبهني..
جاسم:هاهاهاي...تحلم..أنا ادري انه يشبهني..
علي:هههه...زين يلا عيل..شيخوه تسلم عليك...
جاسم:الله يسلمها...بس اذا جفتها ياويلها مني...
علي:خخخخ اعصابك بس...
جاسم:زين يلا باااي...
علي:فمان الله..
((عند نوره))
نوره كانت في الغرفه وتتذكر الي صار لها مع خالد..كان دقيقه قاسي ودقيقه لاء.. بس عـ الاقل نبها وخلاها تصحى من الي هي فيه..
خالد:نوره...تكلمي بالطيب احسن لج..
نوره:شفيك خالد..؟أنا ماكلم حد صدقني..
خالد غمض عينه..:تكلمي بالطيب احسن لج..
نوره:خالد...صدقني ماكلم حد...
خالد صرخ: متأكدة..؟
نورة:ايه..
خالد طلع الجوال واتصل في راشد وتم يسولف معاه شوي وعقب فتح سيرة نوره ونوره تمت تصيح خايفه من خالد..ويوم سكر الجوال مسكها من شعرها..:ها تكلمين ولا لاء..؟
نوره :آآآي ايه كنت اكلمه...آآآي هدني..
خالد سطرها:ليش..؟أنا قصرت معععاج بشي..؟
نوره هزت راسها:لاء...
خالد فتح زراره الاول وتم يتنفس بقووو وهو معصب..نورة راحت صوبه وحطت راسها في حظنه :والله آآآآسفة اوعدك اني ماعيدها صدقني ياخالد...صدقني..
خالد:حط يده عـ راس اخته وتم يمسح بحنان.لانه مهما صار هاي اخته الوحيده ومالها غيره في هالدنيا.:عقب شنوو..؟عقب مانزلتي راسي بالارض..؟الي ابي اعرفه ليش سويتي جيه يانوره..؟ليش..؟ارفعي راسج وطالعيني قولي لي ليش..؟
نوره رفعت راسها:ماادري كنت ابي احس بحناان...أنت دومك فـ الشغل واذا كلمتك تعصب بسرعه وامي وابوي راحو واتركووني شتبيني اسوي...؟
خالد:بس مب تكلمين شباب يانوره..
نورة لمت اخوها:سامحني خالد...والله مب عايدتها صدقني مب عايدتها..
خالد ابتسم لها ومسح دموعها:بشرط...توعديني ماتسوينها مره ثانيه..؟
نورة ابسمت بين دموعها..:وعد..
نوره رجعت للواقع مسحت دموعها الي طاحت من عينها"الله يخليه لي انشاءالله أنا لازم اصلح كل شي غلط سويته.."...راحت تصلي لها ركعتين وعقب تمت تستغفر ربها..^
|