الفصل السادس : ليلي حزين
هل كل البشر ضدي ؟؟؟
ام انا ضد كل البشر؟؟؟
هل الليالي تجعلني حزينة ؟؟؟
ام انا التي جعلت الليل حزين؟؟
هل قلبي خلق يأساً وبائساً هكذا ؟؟؟
ام انا التي جعلته ينسى الفرح ؟؟؟
هل قدري ان يُؤخذ مني كل ما أحب ؟؟
ام سيتغير قَدري بإذن ربي وأودع مامضى؟؟
""والاهم هل سأتمكن ان اضحك يوماً ما؟؟""
______________________
امواج حكت راسها بعباطه : اها توني افهم
نقاء : من يومك غبيه
امواج تناظر بنات عمهم : رخي صوتك انتي وياها ..عشان لايسمعونا الباقين ويعلمون ابوك ان عندك انستغرام وسناب
رفيف بلامبالاه : حتى هم عندهم ولو قالوا لأبوي رح اقول لأبوهم
نقاء : الله عليكم ماخذين احتياطاتكم
رن جوال رفيق >>>>
رفيف صرخت بما انه دق يعني اكيد بياخذهم : يلا بابا تحتتتتت ينتظرنا!!!!
امواج صرخت وهي تتناول عبايتها : عمي تحتتتت!!!
دارين اخذت عبايتها بهدوء وهي تقول : خلاص كل الجيران عرفوا ودرو ا ان ابوي جاء من صراخكم
امواج مشت ورفيق وهي تركض للباب : بكيفهم اهم شئ بابا مايهاوشنا
دارين مطت شفتها ولحقتهم بهدوء وهي تقول : اذا تبين مايهاوشك لاتطلعون قبل تشوفون انه قدام الباب
...عند الباب
امواج تطل برأسها للشارع ولا شافت سياره عمها : وينه ابوكم ؟؟
رفيق تطل معها : مدري عنه
دارين ابعدتهم وسكرت الباب وتركت فتحه صغيره تناظر منها وهي تقول : انا بتأكد
وجالت بنظرها على السيارات وهي تبحث عن سياره ابوها لكن ماكانت موجوده جات بتبعد عن الباب لكن جمدت مكانها و توسعت عيونها بذهول
رفيف انتبهت على حركتها وناظرت الجهة الي تناظرها واول ماشافت صرخت بحماس وهي تركض في الشارع لامبالبه بالناس الموجوده
رفيف وهي تركض بفرح : كنااااااااااااااااااااااا ن
نزل كنان من سيارته واتكئ عليها وهو يضحك بخفه : فضحتينا
رفيف ركضت لعنده بسرعه ولما وصلت وقفت تحضنه و تتعلق برقبته وتقول : اشتقتتتتتتت لك
كنان ابتسم وهو يبعدها عنه بخفه : الناس تناظر بعدي يالدبه،،، كسرتي رقبتي
رفيف : ماغيرك الدب
ولحظه استوعبت وصرخت وهي تضربه على ظهره : من متى انت هنا بالرياض !!!!!!!!!
كنان يبعدها عن حضنه بإحراج من الناس الي تطالعهم وقال : توني جيت من ساعه وقال لي الوالد اجيبكم للبيت لانه طالع عزاء صاحبه
رفيف : طيب بابا ماقال لنا انه رايح عزاء
كنان : توه يدري
وفي هذي اللحظه وصلت دارين والابتسامه شاقه وجهها من تحت النقاب
كنان ابتسم
دارين : وانا اقول ليش اليوم الرياض منوره
كنان ابتسم : الرياض منوره بأهلها
دارين دفته لداخل السياره وركبت قدام وهي تقول : ادخل ادخل عشان اسلم عليك مثل الناس والعالم وماحد يطالع فيني مثل الغبيه رفيف
رفيف بدلع : انا كذا عفويه ومو لازم اتكلف واعمل نفسي مؤدبه قدام الناس
دارين ناظرتها بنص عين وطنشت وهي تسلم على اخوها بحراره وقالت : كيف الدمام معك وكيف الشغل هناك
كنان ابتسم : الحمد لله
دارين تحمست : يلا نروح البيت اكيد امي بتفرح لشوفتك واكيد تعبان وتبي تريح
كنان حرك السياره وبعد ثلاث دقائق
وقف بخوف لما صرخت رفيف
رفيف بصراخ :وقففففففقففففففففففففففف� �ففف!!!!!!!!!
كنان بخوف : بسم الله بسم الله ايش فيك!!!!!!!
ولكن الي صدم كنان ودارين لما انفجرت بالضحك
رفيف : ههههههههههههههههههههههههه خخخخههههه
كنان قال لدارين بخوف :شوفي اختك شصار فيها دارين تهزها بخوف : رفيف بسم الله شفيك ؟؟
رفيف قالت بصوت خافت من الضحك : ههه نسينا هههههههه
دارين : ايش قلتي ؟؟
رفيف :ههههه ام..واج
دارين : شفيها اموا... وانفجرت ضحك لما استوعبت
دارين رفيف : هههههههههههههههههههههههآآ آي
كنان وقف بصدمه ~شفيهم ذول؟؟~ : دارين ايش السالفه
دارين من بين ضحكتها : ارجع ارجت نسينا وماقدرت تكمل من الضحك
كنان بنرفزه : ايش فيكم ؟؟؟؟
رفيف تأشر على الطريق بضحكه: ارجع ارجع بعدين اقول لك
لف المقود وهو يرجع لبيت جدته بأستغراب لكن ماناقشهم لأنه مو قادرين يجاوبون من الضحك
_______________
بعد ما طلت دارين ورفيف استغربت صدمتهم وكانت بتطل تشوف شسالفه لكن ما احتاجت من صرخه رفيف بأسمه تمنت الارض تنشق وتبلعها لما شافت سياره كنان الي كانت بعيده وهي تتسأل متى رجع الرياض ؟؟ شافت رفيف راحت ركض لعنده تسلم عليه ودارين مشت خلف رفيف وسحبوا عليها
وهي ماتدري ايش تسوي ؟؟ تروح معهم ولا تنتظر ينادونها ؟؟!!! واستقرت على انها تنتظرهم
بعد دقيقه
توسعت عيونها بذهول من شافت السياره تتحرك وتبتعد
~ انا اوريكم يالزفتيييين سحبتوا علي ولا كأني موجوده ~
هي ماتقدر ترجع لداخل البيت لان جدتها بتسوي سالفه ولاتقدر تتصل على ابوها لانها خايفه يعصب ويقول ليش مارحتي معهم ولو درى وعرف انهم ساحبين عليها اكيد بيعصب ويتهاوش مع ولد اخوه ليش تركوا بنته ....وماتقدر تمشي برجولها لان بيتهم بعيد نسبياً وماتقدر تمشي لوحدها بهالليل
تجمعت الدموع بمحاجرها وهي واقفه قدام باب البيت وماتدري ايش تعمل ضربت رجلها على الارض بقهر وهي نفسها تذبحهم ...ظلت واقفه بنفس مكانها لخمس دقايق وهي مرعوبه وقررت تدخل بيت جدتها والهواش افضل لها من انه يصير لها شئ من الي مايخافون ربهم
لكن توقفت لما شافت سياره كنان راجعه
حمدت ربها كثيييير وهي تتوعد في رفيف ودارين
اما كنان وقف
دارين ضحكت وهي تأشر على امواج : نسينا امواج هههههه
كنان بذهول : ايشش؟؟ كيف تنسونها ايش هذي السخافه
وفي هذي اللحظه دخلت امواج وقفلت الباب بقوه ومايهمها لا السلام ولا انتظرتهم ينادوها لان اخلاقها مقفله بعد مقلبهم السخيف
كنان نفسه يضحك لاكنه مسك نفسه وقال يستهبل : وعليييكم السلام
السلام بدون فلوس يابنت العم
امواج عصبت وقالت بصوت عالي : مو غصب اسلم عليك وعلى خواتك الزفتين والله بس انزل من السياره لأشرب من دمكم كلكم
كنان ناظرها وسكت اما دارين ورفيف يناظرون بعض وبعدها : ههههههههههههآآآي
امواج طنشت وهي تتمالك اعصابها لاتجي وتتوطى في بطنهم
دارين تمسح دموعها من الضحك : والله مو قصدنا نعمل مقلب لكن نسيناك ههههههههههههههه
امواج صرخت : سكري فمك لا اجي انسيك اسمك
رفيف ماسكه نفسها لاترجع تضحك: اذكري الله ترى كلها كم دقيقه ومقلب غير متعمد ومايزعل
امواج سكتت ووجهها احمر من العصبيه هي كانت بتموت من الخوف وحضرتهم يضحكون
رفيف تناظر كنان وبأستهبال تغير لهجتها : يأخي اكيد هلئ انت مصدوم كتيير بس لاتواخزها هي هيك بتئلب وحش بس تعصب
وصرخت رفيف من قرصتها امواج على فخذها وهي تقول : كلمه زياده والله اذبحك
رفيق ~ لايشيخه خوفتيني ~ لكنها سكتت موفاضيه تعمل مشكله
وبعد ما سكتت عم الجميع صمت ........
بعد وقت من الصمت
تكلمت دارين : تدري ياكنان اننا مانقول لأمواج بنت عمنا نحب نقول لها بنت خالتنا
كنان بهدوء : ليش؟؟
دارين : مدري من واحنا صغار تعودنا اننا نناديها بنت خالتي ..
رفيف تستهبل : مين قال لأبوي وعمي يتزوجون اختين كذا نتلخبط مانعرف نناديها بنت عم ولابنت خاله كان لازم امي وخالتي يتزوجون واحد مايقربلهم مثل خالتي موضي والله حاله اختين يتزوجون اخوين
دارين تقول وهي تناظر امواج الي مطنشتهم وبمرح : لازم نصوت انا اختار بنت خالتي
رفيف : وانا بنت خالتي كمان
ناظروا كنان الي قال مو عاجبه : يعني ماعندها اسم عشان نناديها بنت خالتي ولابنت عمي؟؟ ايش هذي السخافه كأنكم تقارنون بين ابأكم وامهاتكم ..
امواج تنهدت براحه من شافت باب بيتها وهي تنزل وتقفل الباب بقوووووه
اما كنان قال لها قبل تطلع : بتدفعين فلوس التصليح اذا كسرتي الباب
امواج من بعيد : ياريت تتكسر انت بدل الباب ودخلت داخل وهي عارفه انها مارح تقدر تنام إذا عصبت ورح تقضي ليل مزعج ومرهق
رفيق ودارين لما شافوها :هههههههههههههههههههه
كنان ناظرهم : والله شكلكم رايقين اليوم ..يلا انزلو
_______________
في نفس الوقت عند عزام
دخل البيت وهو منهك بشكل غير طبيعي بس يتمنى السريررر وهو يدعي انه مايصادف اخته عشان لاتزعجه بأسئلتها وهو موناقص شئ لانه مصدع من كثر البحث والتعب عشان يسأل لؤي وبنت الاشهب
لكن اول ماوصل غرفته سمع صرختها
ريل بخوف : اعوذ بكلمات الله التامات من شر ماخلق !!!!! كيف عزام هنا اكيد هذا جني متنكررررر على هيئته ياربيي
عزام بأنزعاج وهو لازال قدام الغرفه وهي قدام غرفتها : ريل اسكتي خلاص!!!
ريل تصرخ يقال بيختفي الجني : بسمممم الله بسممم الله وعقدت حواحبها وهي تقول بهمس : مااختفى يعني هذا وصرخت عزاااااااااااااااااام !!
عزام مو رايق لها ولمزحها..دخل غرفته ورمى نفسه على السرير وقبل يغمض عينه
ريل قفزت وهي تقول : كيفففف رجعت ؟؟
عزام بنعاس : رجعت بسرعه عشان كان في شئ ضروري
ريل بفضول : متى؟؟؟ وكيف؟؟؟
عزام يبغى يتخلص منها : وصلت جده وبعد حوالي اربع ساعات مسكت خط للرياض ووصلت ساعه 8 يمكن ورحت الشغل لان كانوا مسوين مصيبه والحين انا مرهق حييييل لاني مانمت بعد الطريق عشان كذا اطلعي
ريل بذهول : ساعه ثمانيه!!!!!! كيف توصل للرياض بخمس ساعات مستحيييييييل اكيد تكذب!!!
عزام تناول جواله وفتح الرسائل ورماه بحضنها
اخذتها وهي تتوسع عيونها من كثررر المخالفات قطع إشارات المرور وتجاوز السرعه المسموحه وكلها تقريبا بين الساعه 3 الى 8 انصدمت ليش عمل كل هذا؟؟ والفلوس كثييره بيدفعها؟؟ لكن ماتبغى تسأل لانه تعبان واول مارفعت راسها وجدته غارق في النوم مسحت على شعره بحنان وهي تترك الجوال وخرجت
وراحت غرفتها عشان تنام وهي تفكر بإبتسامه
~ يمكن هو بتضايق من كثره اسئلتي كان لازم ماأسئله واضح انه تعبان بس ما اقدررررر فضول غير طبيعي يمكن ماكنت بنام لو ماعرفت السالفه وكمان كنت ابي اتطمن عليه ياعمري شكله مرره مبهذل وتعبان بس الله ياخذك يا فضولي السخيف دائماً توديني بداهيه حتى بالمدرسه ~
اما هو صحى بعد ماخرجت بدقيقتين وهو عارف ان هالفتره كل ليله نومه متقطع وماينام خمس دقايق إلا يصحى دقيقه ..وهذا مسبب له ارهاق شديد لانه يبي يرتاح كم ساعه على الاقل
___________________
عند غرفه فواز ،، فيلا تركي
منسدح على السرير يتذكر الاحداث الي صارت اليوم
تذكر كيف استجوبوه بعد ماطلع بكم ساعه وتذكر منظر الدم وتذكر سخريه لؤي لما عرف بالسالفه ولما عرف لؤي انه جعل واحد منهم يسلم مات ضحك وهو مو مصدق المشهد كان رايح يذبحهم وبعدين شفق عليهم وتركهم يسلمون وفوق هذا كله رح يعتني بأبن واحد منهم هههههه ،،،
فواز قرر انه يروح بكره ويشوف سالفه الطفل لانه الحين مو مستعد لانه يمكن خدعه منهم !!!
وتقلب في السرير يحاول النوم بس النوم مجافيه وكيف ينام بعد منظر الدم الي شافه والي صاير يكرهه بشكل غير طبيعي وهو مايبغى احد يدري بهذا الشي عشان لايأثر على وظيفته
قام المطبخ وهو يأخذ حبوب عشان تساعده على النوم وشاف ابوه في المطبخ ( تركي)
فواز ابتسم لتركي او الي يسميه ابوه وهو حاس بالراحه لانه يعيش معه هالفتره وزمان لما كانت امه عايشه ومن يومه صغير كان يزور تركي كل يوم وحتى بعد ماتزوجت امه
تركي اخذ الحبوب الي في يد فواز وهو يقلبها : ايش هذا؟؟
فواز وهو لازال مبتسم لانه في احد يهتم فيه بعد امه وبعد رحيق : دواء
تركي : لاتكثر منه
فواز : لاتخاف انا مو بزر ترى اعرف مصلحه نفسي
تركي جلس بهيبه وهو يقول : انا اشوفك بزر ،، مو بس لأني ابوك.. لاء لاني اشوف تصرفاتك اغلبها تدل على انك بزر مايعرف يتصرف
فواز يحب لما يقول انا ابوك وجلس جنبه وقال : افاااا عليك انا بزر ؟؟
تركي هز راسه
فواز من شاف سكوته سأل : علامك اليوم كأنك تعبان ؟؟
تركي بهدوء : لاء الحمد لله بخير ....سكت شوي ثم سأل : انت ليش تاكل دواء وهو حق ايش ؟؟
فواز هز راسه :تعبان شوي وهو للأرق
تركي بحده : سلامتك ماتشوف شر ..بس ايش الي متعبك ؟؟
فواز : لا بس تعبان من الشغل
تركي : وكيف الشغل يتعبك وهو ماتعبك كل هالسنين فواز استغرب حدته وقال : مافهمت؟؟
تركي بذات الحده وبصوته المهيب : إلا فاهم ونص لكن حسابك بعدين !!!
فواز وهو صدق ماكان فاهم لكن يكره ان تركي يزعل منه ..مسكه من كتفه قبل يطلع وقال : وضح يا ابو فواز مع اني متأكد مازعلتك بشئ
تركي يعرف ان فواز يناديه بأبو فواز لما يعصب عشان يلين شوي لكنه اليوم ناظره بحده لان السالفه مو سهله ولازم مايلين ابدد : انت تعرف اني ما احب اتكلم عن الشغل في البيت ولكذا بأجل الموضوع لبكره الصباح واشوفك في المركز واتفاهم معك ومع الي ساعدوك
فواز ما فهم شئ وهمس ~ ياخبر اليوم بفلوس بكره ببلاش ،،بكره نعرف ايش عنده الغالي يتدلل ~ وتوجه لغرفته وصدره ضايق اكثر من ماكان عليه وعارف ان ليلته بتكون كلها كوابيس بسبب الدم الي شافه
_____________
نفس الوقت ،عند الحبس المؤقت
كانت تناظر من الشباك الصغير الموجود عشان التهويه وتهب عليها من الشباك نسمات من الهواء مع انهم في الصيف.....تحب سماء الليل تحسه يشبهها كثير تمنت لو معها قلم وورقه عشان تقدر تكتب شوي من الي في خاطرها لأنها ماتعودت تنام قبل ماتكتب
تنهدت وهي تهمس وتدعي وهي تناظر السماء بعين تائها عين ترتجي اللطف بها ~ الله ينتقم من كل الي ظلموني ياااااارب انتقم منهم يارب ابعد عني كل المصايب والله ما اقدر اتحمل كل العالم ضدي كل شئ ضدي يارب انت قادر على كل شئ يارب اجلب لي السعاده يارب مع ان السعاده تهرب مني لكن اتوكل اليك يالللله ارجوووك ان تسعدني يارب يارب انت اعلم بحالي ~ حست نفسها تبكي لكن وضعت اناملها على وجهها الشاحب وكالعاده ماكانت تبكي كانت روحها تبكي اما خارجياً مستحيل تظهر ضعفها لأحد حتى لو نفسها تنهدت بشتات
ومشت للسرير الصغير لانه حق سجن وهي تتمنى تنام بدون كوابيس الماضي المرعبه
_______________
وبعد ساعه كان جميع ابطالنا في السعوديه في عالم الاحلام ••••••
________________
نروح لكندا ،،شقه زياد وصخر
دخل صخر بهدوء وهو يخلع حذاءه وبهمس : السلام عليكم
زياد الي كان منسدح : وعليكم السلام
صخر توجه ناحيه الدولاب عشان يبدل
زياد قال بهدوء :انت نسيت جوالك وكان في احد يدق وانا رديت
صخر فتح فمه بيهاوشه لكن قاطعه زياد
زياد يقال كاشفه وقال يجرب حظه اذا توقعه في محله : ترى الي اتصلت عليك بنتك
صخر ضحك بسخريه : بنتي ؟؟؟!!
زياد يبغى يتأكد اذا صخر متزوج وعنده بنت ولا لاء: اي بنتك وهي قالت بنفسها
صخر ابتسم بسخريه وهو يقول : كيف حالها بنتي ؟؟
زياد هز كتوفه : مدري ماسألتها بس قالت اقول لك تتصل فيها ضروري
صخر اخذ جوالها من على السرير وهو يناظر الرقم واتصل عليها
ريل بأندفاع والجوال صحاها من نومها لانها نامت :
السلام عليكم
ياحجر اقصد ياصخر
انا بخير
وانت عارف عزام سافر
وما احتاج شي
ودراستي زينه
..يلا تخطيت كل الرسميات وجاوبت عليك قبل تسأل
صخر ضحك : وليش انشاء الله ؟؟
ريل بذات الإندفاع : لان الرسميات مو مهمه الحين والمهم هو انك تقول تم
صخر بدون تفكير : تم
ريل ابتسمت وهي تقول بمكر : روح اضربه كف
صخر عقد حواجبه : مين؟؟
ريل : الدب الي رد علي
صخر ضحك : ليشش؟؟
ريل تقلده بسخريه : ( ياشطوره انتي بنت صخر) والله لو كنت في كندا كنت بذبحه
صخر : بسبب صوتك الطفولي هههههه
ريل بقهر : طفولي في عينك ،، وهذي خلقه ربي لاتستهزء وانا خلاص بقفل ، انا الغلطانه اتصلت عليك والحين لاتنسى الكف
صخر ابتسم : كف لاء
ريل :طيب اضربه لكن بقوه
صخر ضحك: تامرين امر يابنتي
ريل بقهر : مع السلامه
صخر ترك الجوال وتوجه ناحيه زياد وضربه على ظهره وقال : هذا جزاتك لأنك تمسك جوالي بدون اذن وبجديه : لا اشوفك ترد مره ثانيه ياملقوووف
زياد بقهر رمى عليه علبه مويا كانت جنبه لكنها ما اصابته لانه كان دخل الحمام
زياد بوعيد : انا اوريه من الملقوف والله لأطفشه واكرهه عيشته هههههه مايعرف انه يلعب مع اكبر ملقوف في العالم
_____________
كندا،،، في شقه رحيق
تتأمل من النافذه كعادتها تحب تتأمل كل شئ وتتمعن في قدره وابداع الخالق وخصوصاً والجو بارد اغلقت النافذه وهي تسند رأسها على الجدار تزفر بعمق وهي محتظنه جوالها بين يدينها والبرد القارص جعلها ترتجف ،، تناظر الجوال بتردد صار لها تقريبا سبع شهور ماشافته ولاسمعت صوته ابددددا !!! اول شهر كان مسافر وصارت معها اشياء كثيره في هالفتره وبعدين لما رجع من السفر صارت الحادثه وامه ماتت وهي دخلت السجن وحكموا عليها بالقصاص !!!! كانت في البدايه عندها امل انه ممكن يتنازل عنها لكن بعد مرور خمس اشهر فقدت الامل كلياً وفجاءه وبدون مقدمات تلقاه تنازل عنها وكمان كان يبغى هو يخرجها ويأخذها لبيت اهلها بنفسه لكن هي رفضت رفض قاطع كانت خايفه من المواجهة عشان كذا راحت مع اخوها وهو عمل كل الإجراءات لسفرها،،طبعا بموافقه فواز ،،
غصب عنها نزلت دموعها ،،مسحت دموعها بعشوائيه واخذت علبه منديل كانت جنبها وبقى فيها قليل وقالت وهي تسحب منها بسرعه : اتصل وتسحب ثانيه وتقول : ما اتصل واستمرت على هالحال : اتصل ما اتصل اتصل ما اتصل وسحبت قطعه وهي تقول : اتصل وللأسف كانت اخر قطعه
مسحت دموعها بعشوائيه وهي تطبع الرقم الي حافظته على الاتصال
بعد خمس رنات
فواز بنعاس وهو مستغرب الرقم موو من السعوديه : نعمم!!!
رحيق: ▪▪▪▪▪
فواز بإنزعاج لان ما امداه ينام : الوو؟؟؟
رحيق :▪▪▪▪
فواز : اذا كنت غلطان تكلم واذا ماعندك شي قفل ولاعاد تتصل
رحيق :▪▪▪▪▪
فواز بنفاذ صبر : مين معي؟؟
طلعت شهقه مكتومه من رحيق وهي تسند راسها على الجدار وتمنع دموعها وداخلها شتات ~مااقدر ما اقدر اتكلم معه لكن اهم شي سمعت صوته ،، بس لازم اوضح له كل شي
لا لا وخطتنا الي خططنا لها رح تتدمر اذا خبرته !! ياربي الهمني الصواب ~
فواز حس بشئ غريب منعه من انه يقفل : عفوا !!
رحيق شهقت وقالت بصوت متقطع : ف..فو .از
فواز انصدم صددددددددددمه ماتوقع ولو واحد بالميه انها بتتصل صار له شهور مايدري عنها وكان مستغرب سبب رفضها انه يشوفها بعد ما خرجت ،، بعض الاحيان يحس انها هي الي قتلت امه لكن يرجع ينكر الشعور وهو حتى لو شافها بعينه ما رح يصدق ولكن لازال مستغرب ليش اتصلت
~ فواز شكلك تتوهم مستحيل تتصل ~ وقال يتأكد ويحاول يتماسك : مين معي !!!
رحيق بنفس الهمس الباكي : فواز....
فواز بنبره حزينه : عيونه....
رحيق شهقت بقوه وقفلت الخط في وجهه وبعد ماقفلت افجرت بكاء
_____________________
انتهى البارت ..... حبيت يكون بارت خفيف قصير ومافيه احداث كثيره
موعدنا يوم السبت انشاء الله ورح يكون بارت حمااسسسسس وطويل
دمتم بخيرر
|