#راهب_ابو_غضب
علي الفتلاوي
#بارت٢٢
............
ﻻﺭﺍ،،ﺿﻬﺮ ﻋﻨﺪﻱ ﻣﺮﺋﻲ
ﻗﺮﻩ ﻛﻼﻣﻲ ﻭﻣﺎﺟﺎﻭﺏ ﺷﻤﺮﺕ ﺍﻟﻤﻮﺑﺎﻳﻞ
ﺍﺟﺎﻧﻲ ﺍﺗﺼﺎﻝ ﻋﺒﺎﻟﻲ ﻫﻮ ﺟﺮﻳﺘﻪ ﻭﺍﻧﻲ ﻣﺘﻤﻠﻤﻠﻪ ﺷﻔﺘﻪ ﺭﻗﻢ ﻏﺮﻳﺐ
ﻋﺒﺎﻟﻲ ﻣﺤﻤﺪ ﻟﻮﺭﺍﻓﺪ ﺟﺎﻭﺑﺖ
ﻭﺟﺎﻥ ﺍﺳﻤﻊ ﺻﻮﺕ ﺍﻟﻨﻔﺲ ﻣﺎﻟﺘﻲ ﺳﺎﻧﺪﺭﺍ
ﮔﻤﺰﺕ ﻣﻦ ﻣﻜﺎﻧﻲ ﺣﺘﺊ ﺍﻟﻢ ﺭﺟﻠﻲ ﻧﺴﻴﺘﻪ
ﺳﺎﻧﺪﺭﺭﺍﺍﺍﺍ
ﺳﺎﻧﺪﺭﺍ،،ﺍﺷﻠﻮﻧﺞ ﻳﺮﻭﺣﻲ ﻣﺸﺘﺎﻗﺘﻠﻠﻠﻠﺞ
ﻻﺭﺍ،،ﻣﺎﮔﺪﺭﺕ ﺍﺗﺤﻤﻞ ﺑﺠﻴﺖ ﺍﺭﻳﺪ ﺍﺣﺠﻲ ﻣﺎﺍﮔﺪﺭ
ﺳﺎﻧﺪﺭﺍ،، ﺍﻋﺬﺭﻳﻨﻲ ﺻﺪﮔﻲ ﺟﻬﺎﺯﻱ ﻭﮔﻊ ﺑﺎﻟﻤﻲ ﻭﻋﻄﻞ ﻭﺭﺍﺣﺖ ﺍﻻﺭﻗﺎﻡ ﻭﺟﻮﻟﻴﺎﻥ ﻏﻴﺮﺕ ﺧﻄﻬﺎ ﻫﻲ ﻭﻣﺎﻣﺎ ﻻﻥ ﺍﻫﻨﺎ ﺍﻛﺜﺮ ﺷﻲ ﻳﺴﺘﺨﺪﻣﻮﻥ ﺧﻄﻮﻁ ﺍﻻﺳﻴﺎ
ﺍﻧﺘﻲ ﺍﺷﻠﻮﻧﺞ ﻣﺸﺘﺎﻗﺘﻠﺞ ﺍﻫﻮﺍﻱ ﺍﻫﻮﺍﻱ
ﻻﺭﺍ،،ﺧﺎﻧﮕﺘﻨﻲ ﺍﻟﻌﺒﺮﺓ ﺍﺣﺠﻲ ﻭﺍﻟﻐﺼﻪ ﻣﻨﺠﻤﻌﻪ ﺑﺤﻨﺠﺮﺗﻲ ﻛﺎﻧﻪ ﺗﻮﻫﺎ ﺭﺩﺗﻠﻲ ﻋﺎﻓﻴﺘﻲ
ﮔﺘﻠﻬﺎ ﻟﻴﺶ ﻫﻴﺞ ﻭﺍﻟﻠﻪ ﻛﻠﺒﻲ ﻃﺎﮒ ﻋﻠﻴﺞ
ﺑﻘﻴﻨﻪ ﻭﺣﺪﺓ ﺗﺴﺎﻝ ﻋﻦ ﺍﺣﻮﺍﻝ ﺍﻟﺜﺎﻧﻴﻪ ﺻﺎﺭ ﺗﻘﺮﻳﺐ ﻋﺸﺮ ﺍﻳﺎﻡ ﻣﻦ ﺍﻧﺘﻘﻠﻮ ﻭﻟﺴﻪ ﻣﺎﺳﻤﻌﺖ ﺻﻮﺗﻬﺎ ﺗﺎﻟﻲ ﺟﻮﻟﻴﺎﻥ ﻣﺘﺼﻠﻪ ﺏ ﻣﺤﻤﺪ ﻣﻨﻄﻴﻬﺎ ﺭﻗﻤﻲ
ﺣﺠﻴﺘﻠﻬﺎ ﻛﻠﺸﻲ ﺻﺎﺭ ﻭﻳﺎﻱ ﻫﺎﻱ ﻧﺼﻲ ﺍﻟﺜﺎﻧﻲ ﻣﺤﺘﺎﺟﻪ ﺍﺣﺠﻴﻠﻬﺎ ﻭﺍﻓﻀﻔﻀﻠﻬﺎ ﺍﻟﺒﺪﺍﺧﻠﻲ
ﻣﻦ ﺗﺴﻤﻌﻨﻲ ﺍﺣﺲ ﺍﻟﺤﻤﻞ ﻳﺨﻒ ﻋﻦ ﻛﻠﺒﻲ
ﺳﺎﻧﺪﺭﺍ،،ﻟﺞ ﻫﺎﺍﻱ ﺷﺼﺎﻳﺮ ﻭﻳﺎﺍﺝ ?
ﻻﺭﺍ،،ﻫﺎﻱ ﻗﺴﻤﺘﻲ ﺑﻌﺪ
ﺳﺎﻧﺪﺭﺍ،،ﺷﻜﺪ ﺣﺬﺭﺗﺞ ﻣﺎﺳﻤﻌﺘﻲ
ﻻﺭﺍ،،ﻣﻨﻮ ﺟﺎﺏ ﺍﻟﻜﺎﺭﺕ ﻏﻴﺮﺝ
ﺳﺎﻧﺪﺭﺍ،،ﻫﻬﻬﻬﻬﻪ ﺷﻮ ﺷﻜﻠﻪ ﻳﺨﺘﻠﻒ ﻣﺒﻴﻦ ﺷﻬﻢ
ﻻﺭﺍ،،ﺑﺲ ﻭﻳﻪ ﺍﻟﻨﺎﺱ ﺷﻬﻢ ﺑﺲ ﻳﻤﻲ ﺫﻳﺐ ﻛﻞ ﻣﺎﺗﺠﻴﻠﻪ ﻓﺮﺻﻪ ﻳﺤﺎﻭﻝ ﻳﻠﺘﻬﻤﻨﻲ ﺑﺎﺍﺳﻨﺎﻧﻪ
ﺳﺎﻧﺪﺭﺍ،،ﻣﺎﺍﻋﺮﻑ ﺷﺤﺠﻲ ﻓﺎﺟﺌﺘﻴﻨﻲ ﺑﺸﺨﺼﻴﺘﻪ ﻭﻗﺴﺎﻭﺗﻪ
ﻻﺭﺍ،،ﺳﺎﻧﺪﺭﺍ ﺻﺎﺭ ﻳﻮﻣﻴﻦ ﻣﻦ ﺩﺧﻠﺖ ﺍﻟﻬﺬﺍ ﺍﻟﺒﻴﺖ ﺑﺲ ﻋﺒﺎﻟﻚ ﺳﻨﻪ ﻣﻦ ﻫﺴﻪ ﺻﺎﺭﺕ ﺗﻨﺤﺎﻙ ﺍﻟﻤﺆﻣﺮﺍﺕ ﻭﻳﺪﺳﺪﺳﻦ ﻋﻠﻴﻪ
ﺍﻧﻲ ﺍﺷﻮﻑ ﺍﻧﻬﺰﻡ ﻭﺍﺟﻲ ﻳﻤﺞ ﻭﺍﻟﻴﺼﻴﺮ ﻳﺼﻴﺮ
ﺳﺎﻧﺪﺭﺍ،،ﺍﻫﺪﻱ ﻳﺮﻭﺣﻲ ﻭﻟﻮ ﺍﺗﻤﻨﺊ ﺗﺠﻴﻦ ﻳﻤﻲ ﻭﺍﺗﺮﻛﻴﻦ ﺍﻟﻮﺣﺶ ﺍﻟﻌﺎﻳﺸﻪ ﻭﻳﺎﻩ ﺑﺲ ﺍﺧﺎﻑ ﻳﺎﺫﻳﺞ ﺍﻛﺜﺮ ﻭﻳﻨﻔﺬ ﺗﻬﺪﻳﺪﺓ ﻭﻳﺎﺫﻱ ﻋﺎﺋﻠﺘﺞ
ﻻﺭﺍ،،ﻟﻌﺪ ﺷﻤﺼﺒﺮﻧﻲ ﻏﻴﺮ ﻋﺎﺋﻠﺘﻲ
ﺟﻨﺖ ﺍﺣﺠﻲ ﺍﺟﺘﻨﻲ ﻣﻜﺎﻟﻤﻪ ﺛﺎﻧﻴﻪ ﺷﻔﺖ ﺭﻗﻢ ﺭﺍﻫﺐ ﻣﺎﺍﻫﺘﻤﻴﺖ ﻭﻛﻤﻠﺖ ﺣﺠﻲ ﻭﻳﻪ ﺳﺎﻧﺪﺭﺍ
ﺍﻟﺴﺎﻋﻪ ﺗﻘﺮﻳﺒﺎ ﺻﺎﺭﺕ 12 ﻭﺍﻧﻲ ﻭﺳﺎﻧﺪﺭﺍ ﺻﺎﺭ ﺳﺎﻋﻪ ﻭﻧﺺ ﻧﺤﺠﻲ ﻧﺴﻴﻨﻪ ﺣﺘﺊ ﺍﻟﻮﻗﺖ
ﺍﻧﻔﺘﺢ ﺍﻟﺒﺎﺏ ﻓﺠﺎﺓ ﻭﺍﺟﻪ ﺑﺪﻭﻥ ﻣﻘﺪﻣﺎﺕ ﺳﺤﺐ ﺍﻟﻤﻮﺑﺎﻳﻞ ﻣﻦ ﺍﺫﻧﻲ ﻳﺴﻤﻊ ﺻﻮﺕ ﺍﻟﻄﺮﻑ ﺍﻟﺜﺎﻧﻲ
ﮔﻤﺖ ﻭﻛﻔﺖ ﻛﺪﺍﻣﻪ ﺍﺗﺨﺼﺮﺕ ﺏ ﺍﻳﺪ ﻭﺍﻳﺪ ﺍﻟﺜﺎﻧﻴﻪ ﻣﺪﻳﺘﻬﺎ ﺑﻤﻌﻨﺊ ﺍﻧﻄﻴﻨﻲ ﺍﻟﺠﻬﺎﺯ
ﻣﻦ ﺍﺗﺎﻛﺪ ﻣﻦ ﺻﻮﺕ ﺳﺎﻧﺪﺭﺍ ﺑﺎﻭﻋﻠﻲ ﺭﻓﻊ ﺣﺎﺟﺒﻪ ﻭﺍﻧﻄﺎﻧﻲ ﺍﻟﻤﻮﺑﺎﻳﻞ
ﺑﻘﻪ ﻭﺍﻛﻒ ﻭﺍﺩﻱ ﺑﺠﻴﻮﺑﻪ
ﻧﻬﻴﺖ ﺍﻟﻤﻜﺎﻟﻤﻪ ﻣﻦ ﺳﺎﻧﺪﺭﺍ ﻛﺘﻠﻬﺎ ﺍﻧﻮﺏ ﻳﻮﻣﻴﻪ ﺗﺘﺼﻠﻴﻦ ﺑﻴﻪ
ﻧﻬﻴﺖ ﺍﻻﺗﺼﺎﻝ ﻭﺑﺎﻭﻋﺘﻠﻪ ﺑﻨﻔﺲ ﻧﻀﺮﺗﻪ
ﻣﻤﻜﻦ ﺍﻋﺮﻑ ﺷﻨﻮ ﻫﻠﺘﺼﺮﻓﺎﺕ ?
ﺩﻧﮓ ﺍﻟﻤﺴﺘﻮﺍﻱ ﻭﻋﻴﻮﻧﻲ ﺑﻌﻴﻮﻧﻪ ﺣﺠﻪ ﺑﺼﻮﺕ ﻧﺎﺻﻲ
ﺭﺍﻫﺐ،،ﻣﺮﺗﻲ ﻭﻧﺺ ﺍﻟﻠﻴﻞ ﺧﻄﻬﺎ ﻣﺸﻐﻮﻝ ﺷﺘﺮﺩﻳﻦ ﺍﺳﻮﻱ ??
ﻻﺭﺍ،،ﺿﺤﻜﺖ ﺑﺎﺍﺳﺘﻬﺰﺍﺀ
ﻣﺮﺗﻚ ?
ﻭﺍﻟﻠﻪ ﻋﺎﻳﺶ ﺍﻟﺪﻭﺭ ﺯﻳﺎﺩﺓ
ﻣﺎﺣﺴﻴﺖ ﻏﻴﺮ ﺟﺮ ﺍﻳﺪﻱ ﻟﻮﺍﻫﺎ ﻭﺭﻩ ﺿﻬﺮﻱ ﻭﻗﺮﺑﻨﻲ ﻋﻠﺊ ﺻﺪﺭﺓ ﺑﺤﻴﺚ ﺿﻬﺮﻱ ﻃﺎﺥ ﺑﺠﺴﻤﻪ
ﺩﻧﮓ ﺩﻓﻦ ﺧﺸﻤﻪ ﺑﺮﮔﺒﺘﻲ
ﺭﺟﻒ ﺟﺴﻤﻲ ﻭﻛﺎﻟﻌﺎﺩﺓ ﻓﻘﺪﺕ ﺍﻟﺴﻴﻄﺮﺓ ﻋﻠﺊ ﻣﺸﺎﻋﺮﻱ
ﺩﻣﻌﺘﻲ ﺑﻌﻴﻨﻲ ﺗﻌﺒﻨﻲ ﺑﺘﺼﺮﻓﺎﺗﻪ ﺍﻟﻤﺘﻨﺎﻗﻀﻪ ﺳﺎﻋﻪ ﻳﺘﻔﻨﻦ ﺑﺘﻌﺬﻳﺒﻲ ﻭﺳﺎﻋﻪ ﺍﻟﺘﻤﺲ ﺑﻲ ﺭﺍﻫﺐ ﺍﻟﺤﺒﻴﺘﻪ
ﻛﺎﻧﻪ ﺷﺨﺼﻴﻦ ﺑﺠﺴﺪ ﻭﺍﺣﺪ ﻋﺒﺎﻟﻚ ﺭﺍﻫﺐ ﺍﻟﺤﺒﻴﺘﻪ ﻣﻮﺟﻮﺩ ﺑﺪﺍﺧﻞ ﻫﺬﺍ ﺍﻟﺸﺨﺺ ﺳﺠﻴﻦ ﺧﻠﻒ ﻗﻨﺎﻉ ﺍﻟﻘﺴﻮﺓ ﻭﺍﻟﺤﻘﺪ ﻭﺍﻻﻧﺘﻘﺎﻡ
ﻫﻤﺲ ﺑﺼﻮﺕ ﻳﺮﺟﻒ
ﺭﺍﻫﺐ،،ﻣﺮﺗﻲ ﺷﺌﺘﻲ ﺍﻡ ﺍﺑﻴﺘﻲ
ﻻﺭﺍ،،ﻭﺧﺮ ﺍﻟﻠﻪ ﻳﺨﻠﻴﻚ
ﺭﺍﻫﺐ،،ﻟﻴﺶ ﺗﺮﺟﻔﻴﻦ ?
ﻻﺭﺍ،،ﻣﺠﺎﻱ ﺍﺭﺟﻒ ﻭﺧﺮ ﻋﻨﻲ
ﺣﻜﻢ ﻗﺒﻀﺘﻪ ﻋﻠﺊ ﺧﺼﺮﻱ
ﺭﺍﻫﺐ،،ﻟﻴﺶ ﺗﺒﻌﺪﻳﻨﻲ ?
ﻻﺭﺍ،،ﻻﻥ ﺍﻛﺮﻫﻚ
ﺭﺍﻫﺐ،،ﻣﺘﺎﻛﺪﺓ ?
ﻻﺭﺍ،،ﻫﻤﺴﺖ ﺍﻱ
ﺩﺍﺭﻧﻲ ﻋﻠﻲ ﺻﺎﺭ ﻭﺟﻬﻲ ﺑﻮﺟﻬﺎ ﺣﺎﻭﻁ ﺭﻛﺒﺘﻲ ﺑﻴﺪﺓ ﻭﻗﺮﺑﻨﻲ ﻣﻨﻪ ﺑﺪﻭﻥ ﻭﻋﻲ ﻏﻤﻀﺖ ﻣﻦ ﺣﺴﻴﺖ ﺍﻧﻔﺎﺳﻪ ﺍﻟﺤﺎﺭﺓ ﻗﺮﻳﺒﻪ ﻣﻨﻲ
ﺣﺴﻴﺖ ﺑﺪﻓﻮ ﻭﺣﺮﺍﺭﺓ ﺷﻔﺎﻳﻔﻪ ﻋﻠﺊ ﺷﻔﺎﻳﻔﻲ
ﺭﻏﻢ ﻛﻞ ﺍﻟﺴﻮﺍﻩ ﻭﺭﻏﻢ ﻋﻘﻠﻲ ﺍﻟﻴﮕﻮﻝ ﺍﻛﺮﻫﺎ ﺑﺲ ﮔﻠﺒﻲ ﻳﮕﻮﻝ ﺍﺣﺒﻪ ﻣﺴﺘﺤﻴﻞ ﺍﮔﺪﺭ ﺍﻛﺮﻫﺎ
ﺑﺎﺩﻟﺘﻪ ﺑﻠﻬﻔﻪ ﻭﺩﻣﻮﻋﻲ ﺗﻨﺰﻝ ﻧﺴﻴﺖ ﺍﻟﺼﺒﺢ ﺿﺮﺑﻨﻲ ﻭﻧﺴﻴﺖ ﻛﻞ ﺍﻟﺴﻮﺍﻩ
ﺑﺘﻌﺪ ﻋﻨﻲ ﻭﻫﻤﺲ ﻳﻢ ﺍﺫﻧﻲ ﺑﻜﻠﻤﺔ ﺧﻠﺘﻨﻲ ﺍﺭﺟﻊ ﺍﻟﻌﻘﻠﻲ ﻭﺍﺩﻓﻌﻪ ﺑﺴﺮﻋﻪ ﻋﻨﻲ
ﺭﺍﻫﺐ،،ﺷﻔﺘﻲ ﻣﻨﻮ ﺍﻟﺠﺬﺍﺏ ?
ﺗﺤﺒﻴﻨﻲ ﻟﺘﻨﻜﺮﻳﻦ ﻫﺬﺍ ﺍﻟﺸﻲ
ﻻﺭﺍ،،ﺗﺮﻛﻨﻲ ﻭﻃﻠﻊ ﮔﻌﺪﺕ ﺑﺎﻟﻜﺎﻉ ﻛﺎﺭﻫﺎ ﺭﻭﺣﻲ
ﺿﺮﺑﺖ ﻋﻠﺊ ﻭﺟﻬﻲ ﻻﻥ ﺍﺧﺬ ﺍﻟﺠﻮﺍﺏ ﻣﻨﻲ ﺑﺴﻬﻮﻟﻪ ﻟﻴﺸﺸﺸﺶ ﻣﺎﺟﺎﻱ ﺍﻛﺪﺭ ﺍﺑﻌﺪﻙ ﻋﻨﻲ ﻟﻠﻴﺸﺸﺶ ?
ﺑﻘﻴﺖ ﻛﺎﻋﺪﺓ ﻭﺍﺑﺠﻲ ﻋﻠﺊ ﺭﻭﺣﻲ ﻭﻋﻠﺊ ﻛﻠﺒﻲ ﺍﻟﻤﺎﻳﻌﺮﻑ ﻳﺼﺪﺓ ﻟﻮﻳﻜﺮﻫﺎ
ﺑﻘﻴﺖ ﺍﺗﮕﻠﺐ ﺑﻔﺮﺍﺷﻲ ﻣﻦ ﺍﺫﻛﺮ ﺍﻟﺼﺎﺭ ﺍﻋﺼﺮ ﺍﻋﻴﻮﻧﻲ ﺣﻴﻞ ﻭﺍﺗﻤﻨﺊ ﻳﻄﻠﻊ ﺣﻠﻢ ﻟﻮﻣﺎﺻﺎﻳﺮ ﻫﻴﺞ ﺷﻲ
ﺍﻟﻴﻮﻡ ﺿﺮﺑﻨﻲ ﺍﻟﺼﺒﺢ ﻭﻓﺸﻠﻨﻲ ﻛﺪﺍﻣﻬﻦ ﺍﻟﻤﻔﺮﻭﺽ ﺍﺣﻤﻞ ﺣﻘﺪ ﻋﻠﺊ ﺭﺍﻫﺐ
ﺑﺲ ﺍﻟﻤﺼﻴﺒﻪ ﺣﺒﻪ ﺑﺪﺍﺧﻠﻲ ﺍﻛﺒﺮ ﻣﻦ ﻛﻠﺸﻲ ﻣﻮﺑﻴﺪﻱ ﻣﺎﺍﮔﺪﺭ ﺍﻛﺮﻫﺎ
ﺛﺎﻧﻲ ﻳﻮﻡ ﺍﻟﺼﺒﺢ ﻧﺰﻟﺖ ﻣﺎﺷﻔﺘﻪ ﻣﻮﺟﻮﺩ ﻭﺳﻤﻌﺖ ﻣﻦ ﺍﺧﻮﺍﺗﻪ ﻳﻜﻮﻟﻦ ﺧﻄﻴﻪ ﺭﺍﺡ ﻟﻠﺪﻭﺍﻡ ﻣﻦ ﺍﻟﻔﺠﺮ ﺑﺪﻭﻥ ﺭﻳﻮﮒ ﻏﺴﻠﺖ ﻭﺻﺒﻴﺘﻠﻲ ﻛﻮﺏ ﺟﺎﻱ ﺍﺧﺬﺗﻪ ﻭﺭﺣﺖ ﻳﻢ ﺍﺍﻟﺤﺠﻴﻪ
ﺍﻡ ﺍﺣﻼﻡ،،ﻫﻠﻪ ﺑﻬﻠﺼﺒﺎﺡ ﺑﻨﻴﺘﻲ
ﻻﺭﺍ،،ﺻﺒﺎﺡ ﺍﻟﺨﻴﺮﺍﺕ ﻋﻤﻪ
ﺍﻡ ﺍﺣﻼﻡ،،ﺍﺷﻠﻮﻥ ﺻﺎﺭﺕ ﺭﺟﻠﺞ ﺧﻮ ﻣﺎﺍﺗﺎﺫﻳﺞ ?
ﻻﺭﺍ،،ﻻ ﻋﻤﻪ ﺯﻳﻨﻪ ﺻﺎﺭﺕ ﺍﺣﺴﻦ ﻭﺍﻟﺤﺮﮒ ﻣﻮﺟﺒﻴﺮ ﻛﻠﺶ
ﺍﻡ ﺍﺣﻼﻡ، ،ﺍﻧﺘﻀﺮﺗﺞ ﺍﺗﻜﻌﺪﻳﻦ ﺣﺘﺊ ﻧﺮﻭﺡ ﻧﺸﺘﺮﻱ ﻏﺮﺍﺽ ﺍﻟﺞ ﻣﺎﺿﻞ ﻳﻮﻣﻴﻦ ﻭﻳﺮﺟﻊ ﺭﺍﻫﺐ
ﻻﺭﺍ،،ﻋﻤﻪ ﮔﺘﻠﻜﻢ ﺍﻟﺰﻭﺍﺝ ﺷﻜﻠﻲ ﻳﻌﻨﻲ ﻣﺎﻛﻮ ﺩﺍﻋﻲ ﻛﻞ ﻫﻠﺨﺴﺎﻳﺮ
ﺍﻡ ﺍﺣﻼﻡ،،ﻣﻴﺨﺎﻟﻒ ﻋﻤﻪ ﺗﺒﻘﻪ ﺷﺮﻫﺔ ﻋﺮﻭﺱ ﻻﺯﻡ ﺟﻬﺎﺯ
ﻻﺭﺍ،،ﺍﻋﺬﺭﻳﻨﻲ ﻭﺍﻟﻠﻪ ﻣﺎﺍﺭﻳﺪ ﺷﻲ ﻓﺪﻭﺓ ﻟﺘﺠﺒﺮﻭﻧﻲ
ﺟﺮﺕ ﻧﻔﺲ ﻭﮔﺎﻟﺖ ﻫﺬﺍ ﻫﻮ ﺑﻜﻴﻔﺞ ﻣﺤﺪ ﻳﺠﺒﺮﺝ
ﺷﻮﻳﻪ ﻭﺭﺍﺣﺖ ﺍﺧﺬﻫﺎ ﺿﺮﻏﺎﻡ ﺍﺟﺮﻟﻬﺎ ﺗﻜﺴﻲ
ﻣﺎﺭﺟﻌﺖ ﻏﻴﺮ ﺑﻌﺪ ﻛﻢ ﺳﺎﻋﻪ ﻭﺟﺎﻧﺖ ﺟﺎﻳﺒﻪ ﺍﺷﻜﺎﻝ ﻭﺍﻟﻮﺍﻥ ﺣﺘﺊ ﻓﺮﺷﻪ ﻣﺎﻝ ﻋﺮﺱ
ﺗﻨﺤﺜﻞ ﻫﻲ ﻭﺿﺮﻏﺎﻡ ﺑﺎﻟﻌﻼﻟﻴﮓ ﮔﺎﻟﺖ ﺟﺒﺖ ﻧﺺ ﺍﻟﻐﺮﺍﺽ ﻻﻥ ﺗﻌﺒﺖ
ﺿﺤﻜﺖ ﻛﺘﻠﻬﺎ ﻟﻴﺶ ﻋﻤﻪ ﺍﻧﺘﻲ ﺷﻤﺒﻘﻴﻪ ?
ﺍﺣﻼﻡ،،ﻭﺍﻟﻠﻪ ﺍﻧﺘﻲ ﻣﺘﻌﺒﻪ ﻧﻔﺴﺞ ﻭﺻﺎﺭﻓﻪ ﻭﺧﺎﺳﺮﺓ ﺍﻟﺨﺎﻃﺮ ﻫﺎﻱ ﺑﻨﺖ ﺍﻟﻔﮕﺮ
ﺍﻡ ﺍﺣﻼﻡ،،ﺍﺍﺍﺣﻼﻡ
ﺍﺣﻼﻡ،،ﻣﺎﻛﻔﺮﻧﻪ ﻳﻤﻪ
ﺍﻡ ﺍﺣﻼﻡ،،ﭼﺎ ﺍﺳﻜﺘﻲ ﻻﻥ ﻓﺸﻠﻪ ﺍﺳﻤﻌﺞ ﭼﻠﻤﺔ ﺟﺪﺍﻡ ﻭﻟﺪﺝ ﻭﻫﻤﻪ ﺑﻄﻮﻟﺞ
ﻻﺭﺍ،،ﻣﺎﺑﺎﻭﻋﺘﻠﻬﺎ ﺑﻘﻴﺖ ﻣﻨﺘﺒﻬﺎ ﻉ ﺍﻟﺤﺠﻴﻪ ﺑﺲ ﺑﺎﻟﻲ ﻳﻢ ﺍﺣﻼﻡ ﻭﺯﻫﺮﺓ ﻫﻢ ﺿﻠﺖ ﺗﺒﺴﺒﺲ ﺑﺲ ﻓﺎﻃﻤﻪ ﻫﺎﻱ ﺩﻭﻣﻬﺎ ﺑﺲ ﺍﻟﻌﻴﻮﻥ ﺗﺘﺤﺮﻙ ﻣﺎﺗﺤﺠﻲ ﻭﻻﺗﺸﺎﺭﻙ ﺑﺎﻟﺤﺪﻳﺚ
ﻓﺘﺤﺖ ﺍﻟﻌﻼﻟﻴﮓ ﺍﺗﻔﺎﺟﺌﺖ ﺑﺬﻭﻗﻬﺎ ﻟﻠﻤﻼﺑﺲ ﻋﺒﺎﻟﻚ ﺗﻌﺮﻑ ﺫﻭﻗﻲ ﺑﺎﻟﻠﺒﺲ
ﺣﺘﺊ ﻗﻴﺎﺳﻲ ﻛﺘﻠﻬﺎ ﻋﻤﻪ ﺟﺎﻳﺒﺘﻬﻦ ﻓﻴﺖ ﻧﻔﺲ ﻣﻘﺎﺳﻲ
ﺍﻡ ﺍﺣﻼﻡ،،ﺍﻟﻲ ﻧﻀﺮﺓ ﻭﺣﺪﺓ ﻟﻠﺒﺸﺮ ﺍﻋﺮﻑ ﺑﻴﻬﺎ ﺷﮕﺪ ﻗﻴﺎﺱ ﻟﺒﺴﻪ 35 ﺳﻨﻪ ﺧﻴﺎﻃﻪ ﻣﺎﺭﺍﺣﻦ ﻋﻦ ﻋﺒﺚ
ﻻﺭﺍ،،ﺍﺑﺘﺴﻤﺖ ﺍﻟﻬﺎ ﺍﻧﻄﺘﻨﻲ ﺍﻟﻤﻼﺑﺲ ﺻﻌﺪﺗﻬﻦ ﺍﻟﻐﺮﻓﺘﻲ
ﻭﻧﺰﻟﺖ ﻳﻤﻬﺎ ﻟﻴﻜﻴﺘﻬﺎ ﺣﺎﻃﻪ ﻭﺭﻗﻪ ﻭﻗﻠﻢ ﻛﻌﺪﺕ ﻳﻤﻬﺎ ﺧﻠﺘﻬﻦ ﺑﺤﻀﻨﻲ ﺳﺎﻟﺘﻬﺎ ﺷﺴﻮﻱ ﺑﻴﻬﻦ
ﺍﻡ ﺍﺣﻼﻡ،،ﺳﺠﻠﻲ ﻳﻤﻪ ﻛﻴﻠﻮ ﻧﻮﻣﻲ ﺑﺼﺮﺓ ﻭﻛﺎﺭﺗﻮﻥ ﻣﻌﺠﻮﻥ ﻭﺟﻴﺲ ﺷﻜﺮ ﻭ ﻭ ﻭ
ﻻﺭﺍ،،ﻗﺎﺋﻤﻪ ﺷﻜﺪﻫﺎ ﺷﻜﺒﺮﻫﺎ
ﻛﺘﻠﻬﺎ ﺣﻴﻠﻠﻞ ﺷﻨﻮ ﺫﻧﻲ ?
ﺍﻡ ﺍﺣﻼﻡ،،ﻏﻴﺮ ﺗﺤﻀﻴﺮﺍﺕ ﺍﻟﻌﺸﻪ ﻣﺎﻝ ﺍﻟﺰﻓﻪ
ﻻﺭﺍ،،ﺑﻘﻴﺖ ﻓﺎﺗﺤﻪ ﺣﻠﮕﻲ ﻛﺘﻠﻬﺎ ﻋﻤﻪ ﻋﻠﻴﺶ ﻫﻴﺞ ﺗﺨﺴﺮﻭﻥ ﺗﺮﺓ ﻣﺎﻟﻬﺎ ﺩﺍﻋﻲ
ﺍﻡ ﺍﺣﻼﻡ، ،ﺑﻨﻴﺘﻲ ﺍﻧﺘﻲ ﻣﻮﻓﺼﻠﻴﻪ ﺣﺘﺊ ﻋﺮﺳﺞ ﻧﺴﻮﻱ ﺳﻜﺘﻪ ﺑﺴﻜﺘﻪ ﺍﻧﺘﻲ ﺑﻨﺖ ﻋﻤﻪ ﻭﺣﺎﻟﺞ ﺣﺎﻝ ﺍﻟﺒﻨﺎﺕ
ﺍﺳﻮﻳﻠﺞ ﻋﺮﺱ ﺣﺘﺊ ﻟﻮ ﻣﺠﺮﺩ ﻋﺮﺱ ﻧﺴﺪ ﺑﻲ ﺣﻠﻮﮒ ﺍﻟﻨﺎﺱ ﺑﺲ ﺍﻟﻤﻬﻢ ﺍﻛﻮﻥ ﺑﺮﻳﺖ ﺻﺤﻴﻔﺘﻲ ﺟﺪﺍﻡ ﺭﺑﺞ
ﻳﻴﻤﻪ ﺧﻞ ﻧﻔﺮﺡ ﻳﺒﺴﺖ ﮔﻠﻮﺑﻨﻪ ﻣﻦ ﺍﻟﺤﺰﻥ ﻭﺍﻟﻮﻗﻬﺮ
ﻻﺭﺍ،،ﺳﻜﺘﺖ ﻣﺎﺟﺎﺩﻟﺘﻬﺎ ﻫﻲ ﺑﻨﻔﺴﻬﺎ ﻫﺬﺍ ﺍﻟﺸﻲ ﺧﻠﻴﻬﺎ ﺗﻔﺮﺡ
ﻋﻜﺲ ﻛﻠﺒﻲ ﺍﻟﻴﻨﺰﻑ ﺩﻡ ﺟﻨﺖ ﺑﺎﺍﻭﻝ ﺍﻳﺎﻡ ﺍﻟﺨﻄﻮﺑﻪ ﺍﻧﺰﻝ ﻣﻘﺎﻃﻊ ﺍﻋﺮﺍﺱ ﻉ ﺍﻟﻴﻮﺗﻴﻮﺏ ﻣﺎﻝ ﺣﻨﻪ
ﺟﻨﺖ ﺍﺗﺨﻴﻞ ﻧﻔﺴﻲ ﻭﺍﻧﻲ ﻻﺑﺴﻪ ﺑﺪﻟﺘﻲ ﺑﺎﻟﻘﺎﻋﻪ ﻭﺍﺳﻮﻱ ﺣﺮﻛﺎﺕ ﻣﻦ ﺍﻟﺸﻔﺘﻬﻦ ﺟﻨﺖ ﻣﺎﺍﺻﺪﮒ ﻳﺠﻲ ﻫﺬﺍ ﺍﻟﻴﻮﻡ
ﻋﻜﺲ ﻫﺴﻪ ﺍﺗﻤﻨﺊ ﻻﻳﺠﻲ ﻭﻻﺍﺷﻮﻓﻪ
ﻟﻠﻌﺼﺮ ﺍﺗﺼﻞ ﺭﺍﻫﺐ ﮔﺎﻝ ﺧﻞ ﺿﺮﻏﺎﻡ ﻭﺣﺴﻴﻦ ﺍﺑﻦ ﺍﺣﻼﻡ ﺍﻟﻮﺳﻄﺎﻧﻲ
ﻳﻄﻠﻌﻮﻥ ﺍﻟﻐﺮﺍﺽ ﺍﻟﺒﻐﺮﻓﺘﻲ ﺣﺘﺊ ﺍﻟﺼﺒﺢ ﻳﺠﻴﺒﻮﻥ ﻏﺮﻓﺔ ﺍﻻﺧﺸﺎﺏ ﺍﻟﺠﺪﻳﺪﺓ ﻳﻨﺼﺒﻮﻫﺎ
ﻭﻓﻌﻼ ﺿﺮﻏﺎﻡ ﻭﺣﺴﻴﻦ ﻭﻓﺎﻃﻤﻪ ﻳﺸﻴﻠﻮﻥ ﻭﻳﻄﻠﻌﻮﻥ ﺑﺎﻟﻐﺮﺍﺽ ﻭﻣﻼﺑﺲ ﺭﺍﻫﺐ ﻧﻘﻠﻮﻫﻦ ﻛﻠﻬﻦ ﺑﻐﺮﻓﺘﻲ
ﻟﻠﻮﺣﺪﺓ ﺑﻠﻴﻞ ﻫﻤﻪ ﻳﻨﻀﻔﻮﻥ ﺑﺎﻟﻐﺮﻓﻪ ﺣﺘﺊ ﻏﺴﻞ ﻏﺴﻠﻮﻫﺎ
ﺑﺲ ﺍﻧﻲ ﻣﺎﺍﺩﻧﻴﺖ ﺑﻘﻴﺖ ﻛﺎﻋﺪﺓ ﺑﺎﻟﻐﺮﻓﻪ ﻣﺎﻟﺘﻲ
ﻛﻞ ﺷﻮﻳﻪ ﻭﺍﺳﻤﻊ ﺍﺣﻼﻡ ﺍﺗﮕﻮﻝ ﻟﻮﻟﺪﻫﺎ ﻛﺎﻓﻲ ﺍﻧﻜﺴﺮﺕ ﺿﻬﻮﺭﻛﻢ ﻟﺨﺎﻃﺮ ﺍﻟﻤﺴﻌﺪﺓ ﻋﺴﻨﻪ ﻋﺮﺱ ﺍﻻﮔﺸﺮ ﻋﻠﺊ ﺭﺍﺳﻬﺎ
ﺳﻜﺘﺖ ﻣﺎﺍﺭﻳﺪ ﺍﺗﺼﺎﺩﻡ ﻭﻳﺎﻫﺎ ﻻﻥ ﺍﺩﺭﻱ ﺣﺘﺊ ﻟﻮﻫﻲ ﻏﻠﻄﺎﻧﻪ ﺭﺍﻫﺐ ﺭﺍﺡ ﻳﺤﻤﻠﻨﻲ ﺍﻟﻐﻠﻂ ﻭﻳﻀﺮﺑﻨﻲ ﻛﺪﺍﻣﻬﻦ
ﻟﺬﺍﻟﻚ ﺳﻜﺘﺖ ﻣﺎﺍﻋﺮﻑ ﺷﮕﺪ ﻻﺯﻡ ﺍﺗﺤﻤﻞ ﻭﺍﺳﻜﺖ ﺍﻟﺨﺎﻃﺮ ﺍﻫﻠﻲ ﺍﻟﻲ ﺣﺘﺊ ﻣﺎﻛﻠﻔﺖ ﻧﻔﺴﻬﺎ ﺍﻣﻲ ﻭﺍﺗﺼﻠﺖ ﺑﻴﻪ
ﺍﻟﻪ ﺍﻧﻲ ﺍﺗﺼﻞ ﺑﻴﻬﺎ ﻭﺍﻃﻤﻦ ﻋﻠﺊ ﺻﺤﺔ ﺍﺑﻮﻱ
ﺍﻟﺼﺒﺢ ﺍﺟﻪ ﺿﺮﻏﺎﻡ ﮔﺎﻝ ﺍﻟﻨﺠﺎﺭ ﺟﺎﺏ ﺍﻟﺨﺸﺎﺏ ﻓﻮﺗﻦ ﺟﻮﺓ ﻟﻄﻠﻌﻦ ﻻﻥ ﻭﻳﺎﻩ ﻋﻤﺎﻝ ﻳﻨﻘﻠﻮﻥ ﺍﻟﻐﺮﺍﺽ ﻓﻮﻙ ﻳﺼﻌﺪﻭﻫﺎ
ﻭﻓﻌﻼ ﺻﻌﺪﻭ ﺍﻟﻐﺮﺍﺽ ﻭﺳﻮﻳﻨﺎﻟﻬﻢ ﻏﺪﺓ ﺍﺗﻐﺪﻭ ﻓﻮﮒ ﻻﻥ ﺍﺗﺎﺧﺮﻭ ﻳﺸﺪﻭﻥ ﺑﺎﻟﺨﺸﺎﺏ
ﻟﻠﺜﻨﺘﻴﻦ ﺍﻟﻀﻬﺮ ﻳﺎﺍﻟﻠﻪ ﺭﺍﺣﻮ
ﺻﻌﺪﻥ ﻛﻠﻬﻦ ﻳﺸﻮﻓﻨﻬﺎ ﻭﺍﻧﻲ ﺻﻌﺪﺕ ﺑﺲ ﻣﻮ ﺍﻟﺨﺎﻃﺮ ﺍﺷﻮﻓﻬﺎ ﻻ ﺻﻌﺪﺕ ﺗﻌﺒﺎﻧﻪ ﺍﺭﻳﺪ ﺍﻧﺎﻡ ﺑﻐﺮﻓﺘﻲ
ﺍﺗﻌﺪﻳﺖ ﻣﻦ ﻳﻤﻬﻢ ﺳﻤﻌﺖ ﺯﻫﺮﺓ ﺗﺤﺠﻲ ﻭﻳﻪ ﺍﻣﻬﺎ
ﺯﻫﺮﺓ،،ﺑﺎﺍﻟﻠﻪ ﺍﻟﻤﻦ ﻫﻴﺞ ﺧﺴﺮﺍﻥ ﻭﺍﻧﺘﻲ ﺳﻤﻌﺘﻴﻬﺎ ﺍﺗﮕﻮﻝ ﺍﺑﻘﺊ ﺑﻐﺮﻓﺘﻲ ﻳﻌﻨﻲ ﻣﺎﻛﻮ ﺩﺍﻋﻲ ﻫﻴﺞ ﻳﺨﺴﺮ ﻭﻳﻜﻠﻒ ﻧﻔﺴﻪ ﻭﺍﻟﻠﻪ ﺍﺧﻮﻱ ﺑﻄﺮﺍﻥ ﻋﺎﻑ ﺍﻟﺒﻨﺎﺕ ﻛﻠﻬﺎ ﻭﺭﺍﺡ ﺍﻟﺒﻨﺖ ﺟﻼﻝ ﺍﻟﭽﻠﺐ
ﺍﻡ ﺍﺣﻼﻡ،،ﻫﺎﻱ ﻋﻮﺩ ﺍﻧﺘﻲ ﺍﻻﮔﻮﻝ ﻋﻨﺞ ﻋﺎﻗﻠﻪ ﻃﻠﻌﺘﻲ ﻧﻔﺲ ﺣﻘﺪ ﺍﺧﺘﺞ ﺧﺎﻓﻦ ﺍﻟﻠﻪ ﻳﻤﻪ ﺗﺮﺓ ﻋﺪﺟﻦ ﺑﻨﺎﺕ ﺍﺣﺪﻳﺜﺎﺕ ﻋﻠﺊ ﻭﺟﻪ ﺯﻭﺍﺝ
ﻭﺍﻟﻠﻪ ﺧﺎﻳﻔﻪ ﺍﻣﻮﺕ ﻭﺗﻐﻤﺾ ﻋﻴﻨﻲ ﻭﺗﺘﻮﻟﻦ ﺍﻻﺑﻨﻴﻪ ﻭﻟﻴﻪ ﻭﺳﺎﻋﺘﻬﺎ ﺍﻧﻪ ﺍﻻﺗﻌﺎﻗﺐ ﺑﺴﺒﺒﺠﻦ
ﺍﺣﻼﻡ،،ﻭﺍﻟﻠﻪ ﻳﻤﻜﻦ ﺳﺎﺣﺮﺗﻠﺞ ﻭﻣﺨﻠﻴﺘﺞ ﺍﺗﺤﺒﻴﻬﺎ ﺑﻨﺖ ﺳﻌﺎﺩ ﺍﻡ ﺍﻟﺒﻴﺒﺎﻥ .
ﺍﻡ ﺍﺣﻼﻡ،،ﺍﺳﺘﻐﻔﺮ ﺍﻟﻠﻪ ﻣﻦ ﻛﻞ ﺫﻧﺐ ﻋﻀﻴﻢ ﻣﺎﺗﺠﻮﺯﻥ
ﺍﺑﺪ
ﻻﺭﺍ،،ﻛﻤﻠﺖ ﻃﺮﻳﻘﻲ ﻟﻠﻐﺮﻓﻪ ﺑﺲ ﺍﻟﺪﻣﻌﻪ ﺑﻌﻴﻨﻲ ﻫﺴﻪ ﻣﻨﻮ ﻃﻠﺐ ﻣﻨﻪ ﺍﺭﻳﺪ ﻋﺮﺱ ﻭﺧﺸﺎﺏ ﺷﻮ ﻭﺣﺪﺓ ﻣﺼﺪﮒ ﺭﻭﺣﻪ ﻋﺮﻳﺲ
ﺩﺧﻠﺖ ﻟﻠﻐﺮﻓﻪ ﺷﻔﺘﻪ ﺩﺍﺯ ﺭﺳﺎﻟﻪ
ﺭﺍﻫﺐ،،ﻋﺠﺒﺘﺞ ﺍﻟﻐﺮﻓﻪ ?
ﻻﺭﺍ،،ﻣﻮ ﺍﻧﻲ ﺍﻟﺮﺍﺡ ﺍﻧﺎﻡ ﺑﻴﻬﺎ
ﺭﺍﻫﺐ،،ﻣﻨﻮ ﻳﮕﻮﻝ ??
ﻻﺭﺍ،،ﺍﻧﻲ
ﺭﺍﻫﺐ،،ﺣﭽﻲ ﻳﻔﻴﺪﺝ
ﻻﺭﺍ،،ﺑﻘﻴﺖ ﺳﺎﻛﺘﻪ ﻣﺎﺟﺎﻭﺑﺖ ﺭﺟﻊ ﺩﺯ
ﺭﺍﻫﺐ،،ﻫﻢ ﺭﺟﻌﺘﻲ ﻟﻠﺨﻨﺴﻪ ?
ﻻﺭﺍ،،ﻫﻢ ﻣﺎﺟﺎﻭﺑﺖ ﺑﺲ ﺍﻗﺮﺓ
ﺭﺍﻫﺐ،،ﺍﺑﻘﻲ ﺳﺎﻛﺘﻪ ﺍﻟﺨﻤﻴﺲ ﺍﻃﻠﻌﻬﻦ ﻣﻦ ﺧﺸﻤﺞ
ﻻﺭﺍ،،ﻧﺠﻮﻡ ﺍﻟﺴﻤﺎ ﺍﻗﺮﺑﻠﻚ
ﺭﺍﻫﺐ،،ﺍﻧﺸﻮﻑ
ﻻﺭﺍ،،ﺷﻤﺮﺕ ﺍﻟﺠﻬﺎﺯ ﻭﺍﻧﻲ ﺍﻓﻜﺮ ﺑﻜﻼﻣﻪ ﻭﺍﻟﻠﻪ ﺻﺪﮒ ﻣﺴﺘﺤﻴﻞ ﺍﺧﻠﻲ ﻳﺴﻮﻱ ﺍﻟﺒﺮﺍﺳﻪ ﻧﺸﻮﻑ ﺳﻴﺎﺩﺓ ﺍﻟﻨﻘﻴﺐ ﻛﻠﻤﺘﻲ ﻟﻮ ﻛﻠﻤﺘﻚ
ﻣﺮﻥ ﻳﻮﻣﻴﻦ ﻭﺍﻟﺒﻴﺖ ﻫﻮﺳﻪ ﺍﻟﺤﺠﻴﻪ ﻛﻞ ﺷﻮﻳﻪ ﻭﺟﺎﻳﺒﻪ ﺷﻐﻠﻪ ﺿﺠﺖ ﻋﻠﻴﻬﺎ ﻭﺣﺪﻫﺎ ﺗﺮﻛﺾ ﻣﻨﺎ ﻭﺗﺮﺩ ﻣﻨﺎ ﻭﻫﻲ ﻣﺮﺓ ﺟﺒﻴﺮﺓ ﻭﺑﻨﺎﺗﻬﺎ ﺷﺎﻳﻼﺕ ﺍﺩﻳﻬﻦ ﻣﻦ ﻛﻠﺸﻲ
ﻭﺍﻟﻠﻪ ﻟﻮﻣﺎﻓﺸﻠﻪ ﺍﺧﺎﻑ ﻳﺴﻤﻨﻲ ﺑﺤﺠﺎﻳﺔ ﺟﺎﻥ ﺳﺎﻋﺪﺗﻬﺎ
ﺍﻟﻌﺼﺮ ﮔﺎﻋﺪﺓ ﻳﻤﻬﺎ ﺑﺎﻟﺤﺪﻳﻘﻪ ﻭﺑﻨﺎﺗﻬﺎ ﺭﺍﺣﻦ ﻟﻠﺴﻮﮒ ﻳﺸﺘﺮﻥ ﻣﻼﺑﺲ
ﺍﻧﻔﺘﺢ ﺍﻟﺒﺎﺏ ﺩﺧﻞ ﺑﺎﻟﺰﻱ ﺍﻟﻌﺴﻜﺮﻱ ﻻﺑﺲ ﺍﻟﻨﻀﺎﺭﺍﺕ ﻭﺑﻴﺪﺓ ﻣﻮﺑﺎﻳﻼﺗﻪ ﻭﺍﻟﺴﻮﻳﺞ
ﺭﺍﻫﺐ،،ﺍﻟﺴﻼﻡ ﻋﻠﻴﻜﻢ
ﺍﻡ ﺍﺣﻼﻡ،،ﻫﻠﻪ ﻳﻤﻪ
ﻻﺭﺍ،،ﺑﺎﻭﻋﻠﻲ ﻣﺎﺍﻫﺘﻤﻴﺖ ﺍﺧﺬﺕ ﺍﻟﻜﻮﺏ ﻭﮔﻤﺖ ﺩﺧﻠﺖ ﻟﻠﺒﻴﺖ
ﻏﺴﻠﺖ ﺍﻟﻜﻮﺏ ﻭﺧﻠﻴﺘﻪ ﺑﺎﻟﺴﻠﻪ ﻭﻏﺴﻠﺖ ﺍﻟﺴﻨﻜﻲ ﺍﻟﺘﻔﺘﺖ ﺷﻔﺘﻪ ﻭﺍﮔﻒ ﻭﺭﺍﻱ ﻣﻨﺘﭽﻲ ﻉ ﺍﻟﻜﺎﻭﻧﺘﺮ ﻭﻣﺠﺘﻒ . ﺍﺩﻱ
ﺭﺩﺕ ﺍﻋﺒﺮ ﺍﺗﺤﺮﻙ ﻣﻦ ﻣﻜﺎﻧﻪ ﺻﺎﺭ ﻛﺪﺍﻣﻲ
ﺭﺍﻫﺐ،،ﻧﺠﻮﻡ ﺍﻟﺴﻤﺎ ﺍﻗﺮﺑﻠﻲ ﻣﻮ ?
ﻻﺭﺍ،ﺑﺎﻭﻋﺘﻠﻪ ﻭﺩﺭﺕ ﻭﺟﻬﻲ ﻋﻨﻪ ﺍﺣﺎﻭﻝ ﺍﺑﺘﻌﺪ ﻭﻫﻮ ﺳﺎﺩ ﻋﻠﻴﻪ ﺍﻟﻄﺮﻳﻖ
ﺍﺧﺮ ﺷﻲ ﺣﻂ ﺍﺩﻱ ﺍﺛﻨﻴﻨﻬﻦ ﻓﻮﮒ ﻣﺘﻮﻧﻲ ﺛﺒﺘﻨﻲ ﻭﺩﻓﻌﻨﻲ ﻉ ﺍﻟﺒﺎﺏ
ﺩﻧﮓ ﺍﻟﻤﺴﺘﻮﺍﻱ
ﺭﺍﻫﺐ،،ﺑﺎﺟﺮ ﺍﺧﺬﺝ ﻟﻠﺼﺎﻟﻮﻥ ﺣﺘﺊ ﺗﺮﺗﺒﻴﻠﻲ ﺭﻭﺣﺞ ﻟﻠﺨﻤﻴﺲ
ﻻﺭﺍ،،ﻓﺘﺤﺖ ﻋﻴﻮﻧﻲ ﻋﻠﺊ ﻛﻼﻣﻪ
ﮔﺘﻠﻪ ﺍﻧﺘﻪ ﻣﺼﺪﮒ ﺭﻭﺣﻚ ?
ﺭﺍﻫﺐ،،ﺍﻱ ﻭﺍﻟﻠﻪ ﻣﺼﺪﮒ
ﻻﺭﺍ،،ﻣﻮﻣﺸﻜﻠﺘﻲ ﻫﺎﻱ ﻣﺸﻜﻠﺘﻚ ﻭﻟﺘﻨﺴﻪ ﻛﻼﻣﻲ
ﺭﺍﻫﺐ،،ﺧﻞ ﻳﻔﻴﺪﺝ ﺍﻋﻨﺎﺩﺝ
ﻻﺭﺍ،،ﺗﺮﻛﻨﻲ ﻭﺻﻌﺪ ﻭﻫﻮ ﻳﺪﻧﺪﻥ ﺷﮕﺪ ﻣﺴﺘﻔﺰ ﺑﻌﺪ ﻛﻞ ﺍﻟﺼﺎﺭ ﻣﺼﺪﮒ ﺑﺮﻭﺣﻪ ﺭﺍﺡ ﺍﺧﻠﻲ ﻳﻠﻤﺴﻨﻲ
ﺻﻌﺪﺕ ﻟﻔﻮﮒ ﺍﻟﺘﻔﺘﺖ ﺷﻔﺖ ﺑﺎﺏ ﻏﺮﻓﺘﻪ ﻣﻔﺘﻮﺡ ﻭﺟﺎﻱ ﻳﻨﺰﻉ ﺑﺎﻟﻤﻼﺑﺲ ﺍﻟﻌﺴﻜﺮﻳﻪ
ﺑﺎﻭﻋﻠﻲ ﻭﻏﻤﺰ ﻭﻫﻮ ﻣﺒﺘﺴﻢ
ﺩﺭﺕ ﻭﺟﻬﻲ ﻭﺩﺧﻠﺖ ﻟﻠﻐﺮﻓﻪ ﺍﺧﺬﺕ ﻣﻼﺑﺲ ﻭﻧﺰﻟﺖ ﺍﺳﺒﺢ ﻣﻦ ﻛﻤﻠﺖ ﻭﻃﻠﻌﺖ ﺷﻔﺖ ﺍﻡ ﻗﺎﺳﻢ ﻭﺳﺎﺭﺓ ﺟﺎﻳﺎﺕ ﺳﺎﺭﺓ ﺷﺎﻓﺘﻨﻲ ﻭﺿﺤﻜﺖ ﺳﻠﻤﺖ ﻋﻠﻴﻬﻦ ﮔﺘﻠﻬﺎ ﺩﻗﺎﻳﻖ ﻣﺎﺍﺗﺎﺧﺮ ﺑﺲ ﺍﻣﺸﻂ ﻭﺍﻧﺰﻝ
ﻭﺻﺪﻙ ﺑﺴﺮﻋﻪ ﻣﺸﻄﺖ ﻭﺣﻄﻴﺖ ﺣﺠﺎﺏ ﻋﻠﺊ ﺭﺍﺳﻲ ﻭﻧﺰﻟﺖ ﺟﻨﺖ ﻻﺑﺴﻪ ﺍﺗﺮﺍﻙ ﺍﺣﻤﺮ ﻣﺨﺼﺮ ﺑﺲ ﻣﻮﻛﻠﺶ ﺣﺼﺮ
ﺳﺎﺭﺓ،،ﺍﻭﻭﻭ ﺷﻨﻮ ﻫﻠﺠﻤﺎﻝ ﺑﻮﻳﻪ ﺻﺎﻛﻪ ﺻﻜﻮﻙ
ﻻﺭﺍ،،ﻫﻬﻬﻪ ﻓﺪﻭﺓ ﺍﻟﻜﻠﺒﺞ ﺣﺒﻴﺒﺘﻲ
ﺍﻡ ﻗﺎﺳﻢ،،ﺑﺼﻼﺗﻚ ﻳﺎﻣﺤﻤﺪ ﻋﻴﻦ ﺍﻟﻤﺎﺻﻠﺖ ﻋﻠﺊ ﻣﺤﻤﺪ ﺑﻨﻴﺘﻲ ﺍﻟﻠﻪ ﻳﺘﻤﻢ ﻋﻠﺊ ﺧﻴﺮ
ﻻﺭﺍ،،ﺍﺑﺘﺴﻤﺖ ﻭﺩﻧﮕﺖ ﺟﺮﺗﻨﻲ ﺳﺎﺭﺓ
ﺳﺎﺭﺓ،،ﺑﺎﺍﺍﺭﻛﻴﻠﻲ
ﻻﺭﺍ،،ﻫﻬﻬﻪ ﻣﺒﺮﻭﻙ ﺑﺲ ﻋﻠﺊ ﺷﻨﻮ
ﺳﺎﺭﺓ، ،ﻏﻴﺮ ﺍﻟﺸﻜﺮﻟﻤﻪ ﻣﺎﻟﺘﻲ ﻭﺍﻓﻖ ﮔﺎﻝ ﻟﻤﻪ ﺑﺲ ﻳﺮﺟﻊ ﺧﺎﻟﻲ ﺍﻧﻔﺎﺗﺤﻪ ﺑﺎﻟﻤﻮﺿﻮﻉ ﻳﺎﺍﺍﺍﻱ ﻻﺭﺍ ﻣﺎﻣﺼﺪﮔﻪ ﻭﺍﺧﻴﺮﺍ ﺣﺼﻴﺮ ﺍﻟﻪ
ﻻﺭﺍ،،ﺻﺪﮒ ﻓﺮﺣﺘﻠﺞ ﻭﺍﻟﻠﻪ ﺍﻟﻠﻪ ﻳﺴﻌﺪﺝ ﺣﺒﻴﺒﺘﻲ ﺗﺴﺘﺎﻫﻠﻴﻦ
ﺳﺎﺭﺓ،،ﺍﻭﻭﻭﻑ ﮔﻠﺒﻲ ﻣﺎﺟﺎﻱ ﻳﺘﺤﻤﻞ ﺧﺎﻑ ﺍﺻﺨﻢ ﻭﺟﻬﻲ ﻭﺍﺭﻭﺡ ﺍﻟﻪ ﻗﺒﻞ ﺍﻟﻌﺮﺱ ﻻﻥ ﻣﻨﻀﺮﺓ ﻳﺠﻠﻂ ﻭﺧﺎﺻﺘﺎ ﺑﺎﻟﻌﺴﻜﺮﻱ ﻳﺨﻠﻴﻨﻲ ﺍﺑﻠﻊ ﺑﺮﻳﮕﻲ ﺍﺑﻦ ﺍﻡ ﻗﺎﺳﻢ ﻣﺼﻌﺪ ﺍﻟﻀﻐﻂ ﻋﻨﺪﻱ ﻫﻬﻬﻬﻪ
ﻻﺭﺍ،،ﻫﻬﻬﻬﻬﻪ ﻫﻨﻴﺎﻟﻪ ﻭﻳﻦ ﻻﮔﻲ ﻭﺣﺪﺓ ﺗﺤﺒﻪ ﺑﻜﺪﺝ
ﺳﺎﺭﺓ، ،ﺍﻱ ﻭﺍﻟﻠﻪ ﻓﺪﻳﺘﻪ ﺍﻟﺮﺍﺡ ﻳﺼﻴﺮ ﺧﺘﻴﺒﻲ
ﻻﺭﺍ،،ﻫﻬﻬﻬﻬﻪ ﻣﻦ ﻫﺴﻪ ﺑﺪﻳﻨﻪ ﺑﺨﺘﻴﺒﻲ ﺑﻌﺪﻧﻪ ﺑﺴﻢ ﺍﻟﻠﻪ
ﺳﺎﺭﺓ،،ﻫﻬﻬﻬﻪ ﻧﻔﺴﻲ ﺍﺟﺮﺑﻬﺎ ﺍﺳﻤﻊ ﺍﻟﺒﻨﺎﺕ ﺍﻟﻤﺨﻄﻮﺑﺎﺕ ﻳﺤﺠﻨﻬﺎ
ﻻﺭﺍ،،ﺑﻘﻴﻨﻪ ﻧﺴﻮﻟﻒ ﻭﻧﻀﺤﻚ ﻭﺍﻡ ﺍﺣﻼﻡ ﻭﺍﻡ ﻗﺎﺳﻢ ﻭﺯﻫﺮﺓ ﻭﺍﺣﻼﻡ ﮔﺎﻋﺪﺍﺕ ﻋﻠﺊ ﺻﻔﺤﻪ ﻳﺴﻮﻟﻔﻦ
ﺑﺲ ﺍﻧﻲ ﻭﺳﺎﺭﺓ ﺿﺎﺭﺑﺎﺕ ﺭﻛﻦ ﻭﺣﺪﻧﻪ ﻧﺤﺠﻲ
ﺍﻡ ﺍﺣﻼﻡ ﻫﻢ ﺳﻤﻌﺖ ﺍﻟﺨﺒﺮ ﻣﺎﻝ ﺧﻄﻮﺑﺔ ﻗﺎﺳﻢ ﻭﻓﺮﺣﺖ ﮔﺎﻟﺖ ﺍﻡ ﻗﺎﺳﻢ ﺑﺲ ﻳﺠﻲ ﺍﺧﻮﻱ ﻣﻦ ﺍﻳﺮﺍﻥ ﻧﻔﺎﺗﺤﻪ ﺑﺎﻟﻤﻮﺿﻮﻉ ﻭﻫﻢ ﺷﻬﺮ ﻳﺎﺍﻟﻠﻪ ﻧﺎﺧﺬﻫﺎ ﻣﻨﺎ ﺍﻟﺬﺍﻙ ﺍﻟﻮﻛﺖ ﺍﻣﻬﺎ ﺻﺤﺘﻬﺎ ﺯﻳﻨﻪ ﻻﻥ ﻋﻤﻠﻴﺘﻬﺎ ﻣﺎﻝ ﺍﻟﻐﺪﺩ ﺳﻬﻠﻪ ﻭﻧﺎﺟﺤﻪ ﻋﻠﻴﺶ ﺍﻟﺘﺎﺧﻴﺮ
ﻻﺭﺍ،،ﺟﺎﺑﺘﻠﻬﻦ ﻓﺎﻃﻤﻪ ﺟﺎﻱ ﺷﺮﺑﻦ ﻭﺑﻌﺪﻫﺎ ﺷﻮﻳﻪ ﻭﺭﺍﺣﻦ
ﺭﺣﺖ ﻟﻠﺘﻮﺍﻟﻴﺖ ﺗﻜﺮﻣﻮﻥ ﺷﻔﺖ ﺍﻟﺒﺎﺏ ﻣﺴﺪﻭﺩ ﺑﺲ ﺍﺳﻤﻊ ﺻﻮﺕ ﻫﻤﺲ ﺧﻔﻴﻒ
ﺑﻘﻴﺖ ﻭﺍﮔﻔﻪ ﻋﻠﺊ ﺻﻔﺤﻪ ﺑﻴﻦ ﻣﺎﻳﻄﻠﻊ ﺍﻟﺸﺨﺺ ﺍﻟﻤﻮﺟﻮﺩ
ﺍﻧﻔﺘﺢ ﺍﻟﺒﺎﺏ ﻭﻃﻠﻌﺖ ﺭﻳﺤﺎﻧﻪ ﺗﻌﺪﻝ ﺑﺼﺪﺭ ﺛﻮﺑﻬﺎ ﻣﻦ ﺷﺎﻓﺘﻨﻲ ﺑﻴﻦ ﻋﻠﻴﻬﺎ ﺍﻻﺭﺗﺒﺎﻙ ﺑﺲ ﺑﺴﺮﻋﻪ ﻣﺸﺖ ﻣﻦ ﻳﻤﻲ ﻭﺩﺧﻠﺖ ﻟﻠﺒﻴﺖ
ﺍﻣﺮﻫﺎ ﻋﺠﻴﺐ ﻫﺎﻱ ﺍﻻﺑﻨﻴﻪ ﻭﺗﺼﺮﻓﺎﺗﻬﺎ ﺗﺜﻴﺮ ﺍﻟﺸﻚ ﺑﺲ ﻫﻢ ﻣﺎﻟﻲ ﺷﻐﻞ ﺑﻴﻬﺎ ﻗﺎﺑﻞ ﺍﻧﻲ ﺷﻌﻠﻴﻪ
ﻛﻤﻠﺖ ﻭﻃﻠﻌﺖ ﺍﺭﻳﺪ ﺍﺩﺧﻞ ﻟﻠﺼﺎﻟﻪ ﺍﺗﻠﮕﺎﻧﻲ ﻧﺎﺯﻝ ﻣﻦ ﺍﻟﺪﺭﺝ ﻻﺑﺲ ﺑﺲ ﺑﺠﺎﻣﻪ ﺳﻮﺩﺓ ﻭﻓﺎﻟﻴﻨﻪ ﺳﻮﺩﺓ
ﺑﺎﻭﻋﺖ ﻋﻠﺊ ﻋﻀﻼﺗﻪ ﻭﺩﻧﮕﺖ
ﻛﻤﻠﺖ ﻃﺮﻳﻘﻲ ﺭﺣﺖ ﻳﻢ ﺍﻟﺤﺠﻴﻪ ﺍﺗﺬﻛﺮﺕ ﺑﻴﻮﻡ ﺍﻟﮕﺘﻠﻪ ﻋﻠﺊ ﻋﻀﻼﺗﻪ ﻣﻦ ﺿﺮﺏ ﺍﻣﻴﺮ ﺑﻴﻮﻣﻬﺎ ﺿﺤﻚ ﻋﻠﺊ ﻛﻼﻣﻲ ﻭﮔﺎﻟﻲ . ﺍﺫﺍﺍﺿﺮﺑﺞ ﺍﺳﻮﻱ ﺧﺴﻔﻪ ﺑﻮﺟﻬﺞ
ﮔﻌﺪ ﺑﺎﻟﺼﺎﻟﻪ ﻭﺻﺎﺡ ﭼﺎﻱ
ﺟﻨﺖ ﺍﺣﺠﻲ ﻭﻳﻪ ﺍﻟﺤﺠﻴﻪ ﺍﺗﻌﻤﺪ ﻣﺎﺍﺑﺎﻭﻋﻠﻪ ﺑﺲ ﺍﺣﺲ ﻧﻀﺮﺓ ﻣﺴﻠﻄﻪ ﻋﻠﻴﻪ
ﺳﻤﻌﺖ ﺣﺴﻴﻦ ﻛﺎﻟﻪ
ﺣﺴﻴﻦ،،ﺧﺎﺍﺍﻟﻮ ﻓﺪﻭﺓ ﺷﺴﻮﻱ ﻭﺗﺼﻴﺮ ﻋﻨﺪﻱ ﻣﺜﻞ ﻋﻀﻼﺗﻚ ﺑﻴﺎﻧﺎﺩﻱ ﺳﺠﻠﺖ ?
ﺭﺍﻫﺐ،،ﻣﻮﺑﻨﺎﺩﻱ ﺑﻌﺪ ﺧﺎﻟﻚ ﻫﺬﺍ ﺍﻟﺠﻴﺶ ﻳﻄﻠﻌﻬﻦ ﻏﺼﺐ ﻋﻨﻚ
ﺣﺴﻴﻦ،،ﻫﻬﻬﻪ ﺧﺎﻟﻮ ﺍﻟﺘﻀﺮﺑﻪ ﺍﻟﻠﻪ ﻳﺮﺣﻤﻪ
ﺭﺍﻫﺐ،،ﻭﺍﻟﻠﻪ ﻳﺎﺑﻌﺪ ﺷﻴﺐ ﺧﺎﻟﻚ ﻣﺸﺘﻬﻲ ﺍﺳﻮﻳﻠﻲ ﺧﺴﻔﻪ ﺑﻮﺟﻪ ﻭﺍﺣﺪ
ﻻﺭﺍ،،ﺍﻟﺘﻔﺘﺘﻠﻪ ﻟﻜﻴﺘﻪ ﻣﺒﺘﺴﻢ ﺑﺎﻭﻋﻠﻲ ﻭﻏﻤﺰ
ﺧﺮﺭﺏ ﺷﮕﺪ ﻳﻐﻤﺰ ﺻﺎﺭﺕ ﺗﺴﺘﻔﺰﻧﻲ ﺣﺮﻛﺎﺗﻪ ﺍﻟﺒﺎﺭﺩﺓ ﺍﺗﺤﺴﻪ ﻣﻮﻫﺎﻣﻪ ﺷﻲ
ﺭﺟﻌﺖ ﻛﻤﻠﺖ ﻛﻼﻣﻲ ﻭﻳﻪ ﺍﻟﺤﺠﻴﻪ ﺍﺳﻮﻟﻒ ﻭﺍﺿﺤﻚ ﻭﻳﺎﻫﺎ ﻣﻮﻣﻬﺘﻤﻪ ﺑﻮﺟﻮﺩﺓ ﺍﺳﻤﻌﻪ ﻳﻨﺎﻓﺦ ﻭﻳﺴﺘﻐﻔﺮ
ﻭﺣﺴﻴﻦ ﻳﺴﺎﻟﻪ ﺷﺒﻴﻚ ﺧﺎﻟﻲ ?
ﺭﺍﻫﺐ،،ﻣﺎﺑﻴﻪ ﺑﻌﺪ ﺧﺎﻟﻚ
ﻻﺭﺍ،،ﺩﺧﻞ ﻟﻠﺤﻤﺎﻡ ﺳﺒﺢ ﻭﻃﻠﻊ ﻭﻫﻮ ﻳﻨﺸﻒ ﺑﺸﻌﺮﺓ
ﻧﺰﻝ ﺍﻟﺨﺎﻭﻟﻲ ﻋﻦ ﻭﺟﻬﺎ ﻃﻠﻌﺖ ﺍﺣﻼﻡ ﻣﻦ ﺍﻟﻤﻄﺒﺦ ﺑﻴﺪﻫﺎ ﻣﺎﻋﻮﻥ ﻛﻴﻚ ﻛﺎﻟﻬﺎ
ﺭﺍﻫﺐ،،ﺍﻡ ﺿﺮﻏﺎﻡ ﻣﺎﻛﻮ ﻫﻮﺳﻪ ﻣﻨﺎ ﻣﻨﺎ ﻟﺨﻮﺝ ﺍﻟﻌﺮﻳﺲ
ﻻﺭﺍ،،ﻋﺮﻓﺘﻪ ﻣﺘﻘﺼﺪ ﻳﻨﺮﻓﺰﻧﻲ ﻟﻮﻳﻐﺜﻨﻲ
ﻭﻫﻲ ﻫﻢ ﺑﺪﺕ ﺍﻟﻠﻮﺍﮔﻪ ﻣﺎﻟﺘﻬﺎ ﻻﺯﻣﻪ ﻣﺎﻋﻮﻥ ﺑﻴﺪﻫﺎ ﻭﺍﻻﻳﺪ ﺍﻟﺜﺎﻧﻴﻪ ﺭﺍﻓﻌﺘﻬﺎ ﺗﻬﻮﺱ ﺑﻴﻬﺎ
ﺍﺣﻼﻡ،،ﺍﺧﻮﻭﻧﻪ ﺧﻮﺵ ﺍﺧﻮﻭ ﻳﺴﺘﺎﻫﻞ ﺍﻟﻬﻮﺳﻪ
ﻻﺭﺍ،،ﺍﻟﺠﻬﺎﻝ ﻣﺎﺻﺪﮔﻮ ﻋﻠﺊ ﺣﺲ ﺍﻟﻄﺒﻞ ﺧﻔﻦ ﻳﺮﺟﻠﻴﻪ ﻭﺭﺍﻫﺐ ﺑﻨﺼﻬﻢ ﻻﺯﻡ ﺍﻟﺨﺎﻭﻟﻲ ﻭﻳﻬﻮﺱ ﻭﻋﻴﻨﻪ ﻣﻨﻲ
ﺑﺪﻭﻥ ﻣﺎﻳﻨﺘﺒﻬﻮﻥ ﺳﻮﺓ ﺣﺮﻛﻪ ﺑﺸﻔﺎﻳﻔﻪ ﻣﺎﻝ ﺑﻮﺳﻪ ﺑﺪﻭﻥ ﻣﺤﺪ ﻳﺸﻮﻓﻪ
ﺧﺰﺭﺗﻪ ﻭﺩﺭﺕ ﻭﺟﻬﻲ ﺗﺎﻟﻲ ﺍﻣﻪ ﻃﻠﻌﺖ ﻣﻨﺘﺒﻬﺎ ﻛﺎﻟﺘﻠﻪ
ﺍﻡ ﺍﺣﻼﻡ،،ﺑﻄﻠﻬﻦ ﺳﻮﻳﻠﻔﺎﺗﻚ ﻳﺒﻌﺪ ﺍﻣﻚ ﻻﻳﺮﻭﺡ ﺑﺎﻟﻚ ﻟﺒﻌﻴﺪ ﻛﻠﺶ
ﻻﺭﺍ،،ﻃﮕﻬﺎ ﺿﺤﻜﻪ ﮔﺎﻟﻬﺎ
ﺭﺍﻫﺐ،،ﺷﺠﺎﺝ ﻭﻳﺎﻱ ﺣﺠﻴﻪ ??
ﺻﻴﺮﻱ ﻭﺍﺳﻄﺔ ﺧﻴﺮ ﻭﻫﺪﻱ ﺍﻟﻨﻔﻮﺱ
ﺍﻡ ﺍﺣﻼﻡ،،ﺍﻟﺘﺠﻲ ﻣﻦ ﺍﻳﺪﻩ ﻋﺴﺎ ﺑﺎﺑﻮ ﺯﺍﻳﺪ ﻳﺒﻌﺪ ﺍﻣﻚ
ﻻﺭﺍ،ﺍﻟﺤﺠﻴﻪ ﻭﻻﺗﮕﻌﺪ ﺭﺍﺣﻪ ﺗﻨﻄﻴﻬﻦ ﺑﺎﻟﺼﻤﻴﻢ ﻭﻫﻮ ﺧﺮﺑﺎﻥ ﺿﺤﻚ ﺍﻭﻝ ﻣﺮﺓ ﺍﺷﻮﻓﻪ ﻫﻴﺞ ﻳﻀﺤﻚ ﻭﻣﻨﻄﻠﻖ
ﺍﻟﺜﻼﺛﺎﺀ ﺍﻟﺼﺒﺢ ﮔﺎﻟﺖ ﺍﻟﺤﺠﻴﻪ ﺍﺧﺬﺝ ﻟﻠﺼﺎﻟﻮﻥ ﺍﺗﻔﻘﺖ ﻭﺑﻪ ﺍﻻﺑﻨﻴﻪ ﺍﺧﺬﺝ ﺍﻟﻬﺎ ﺍﻟﻌﺼﺮ ﺗﺼﺒﻎ ﺷﻌﺮﺝ ﻭﺗﺤﻔﻠﺞ ﺣﺘﺊ ﻭﺟﻬﺞ ﻳﺮﺗﺎﺡ ﻣﺎﺗﺸﻠﻊ ﮔﻠﺒﺞ ﺑﻴﻮﻡ ﺍﻟﺰﻓﻪ
ﮔﺘﻠﻬﺎ ﻋﻤﻪ ﺑﺲ ﺍﻃﻠﺐ ﻃﻠﺐ
ﺍﻡ ﺍﺣﻼﻡ،،ﺍﻃﻠﺒﻲ ﺑﻨﻴﺘﻲ
ﻻﺭﺍ،،ﻳﺎﺭﻳﺖ ﺗﺴﻮﻭﻧﻪ ﺑﻴﻮﻡ ﻭﺍﺣﺪ ﺣﻨﻪ ﻭﺯﻓﻪ
ﺍﺣﻼﻡ،،ﻭﻟﻴﺶ ﻋﻴﻨﻲ ﻟﻴﻜﻮﻥ ﺣﻀﺮﺕ ﺟﻨﺎﺑﺞ ﻣﺎﻗﺎﺑﻠﻪ ?
ﺯﻫﺮﺓ، ،ﻋﻮﻓﻴﻬﺎ ﻳﻤﻜﻦ ﻣﻦ ﺍﻟﻔﺮﺣﻪ ﻣﺎﻣﺼﺪﻛﻪ ﺗﺮﻳﺪ ﺍﺗﻌﺮﺱ ﺑﺴﺮﻋﻪ
ﺍﻡ ﺍﺣﻼﻡ،،ﻭﺣﮓ ﻣﺤﻤﺪ ﻫﺴﻪ ﺍﺧﺎﺑﺮ ﺯﻟﻤﺠﻦ ﻳﺠﻮﻥ ﻳﺎﺧﺬﻭﺟﻦ ﻭﺣﺘﺊ ﻋﺮﺱ ﻣﺎﺗﺤﻀﺮﻥ ﻛﺎﻓﻲ ﺗﺮﺓ ﻣﺼﺨﺘﻨﻬﺎ
ﻻﺭﺍ،،ﺍﻟﺘﻔﺘﺘﻠﻲ ﻭﻛﻤﻠﺖ ﻛﻼﻣﻬﺎ
ﺍﻡ ﺍﺣﻼﻡ،،ﻣﺎﻋﻠﻴﺞ ﺑﻴﻬﻦ ﻳﻤﻪ ﻫﻨﻪ ﺍﻟﺨﻄﺎﺭ ﺍﻫﻨﺎ ﻫﺬﺍ ﺑﻴﺘﺞ ﻭﺍﺟﺒﺞ ﺗﺴﺘﺤﻤﻠﻴﻦ ﺧﻄﺎﺭﺝ ﻣﻨﺎ ﻟﻤﻦ ﻳﺮﺩ ﺍﻟﻤﭽﺎﻧﻪ
ﻻﺭﺍ،،ﺧﻠﺘﻬﻦ ﻋﻄﺒﻦ ﺑﻤﻜﺎﻧﻬﻦ ﺑﺲ ﻣﺎﺣﺠﻦ ﺿﻠﻦ ﺑﺲ ﻳﺘﻨﺎﻓﺨﻦ
ﻟﻠﻌﺼﺮ ﻟﺒﺴﺖ ﺑﻨﻄﺮﻭﻥ ﺍﺳﻮﺩ ﻭﻗﻤﻴﺺ ﻧﻴﻠﻲ ﺍﺭﺩﺍﻧﻪ ﻛﻠﻮﺵ ﺑﻲ ﺧﺮﺯ ﻣﺮﺗﺐ
ﻟﻔﻴﺖ ﺣﺠﺎﺑﻲ ﻭﺍﺧﺬﺕ ﺍﻟﺠﺒﻪ ﺑﻴﺪﻱ ﻧﺰﻟﺖ ﻳﻤﻬﻢ ﻟﻜﻴﺖ ﺍﻟﺤﺠﻴﻪ ﻻﺑﺴﻪ ﻋﺒﺎﻳﺘﻬﺎ ﻭﻛﺎﻋﺪﺓ ﻣﻨﺘﻀﺮﺗﻨﻲ
ﺷﻮﻳﻪ ﻭﻧﺰﻝ ﻻﺑﺲ ﺩﺷﺎﺷﻪ ﺑﻴﻀﻪ ﻻﺑﺲ ﺍﻟﺴﺎﻋﻪ ﻭﺍﻟﻤﺤﺒﺲ ﻭﻻﺯﻡ ﺍﻟﺴﺒﺤﻪ ﺑﻴﺪﺓ ﻭﺍﻟﻌﻄﺮ ﺳﺒﺤﺎﻥ ﺑﻲ ﻭﻧﺎﺯﻝ
ﻃﻔﺮﺕ ﺭﻳﺤﺎﻧﻪ ﻣﻦ ﻣﻜﺎﻧﻬﺎ ﻟﺰﻣﺖ ﺍﻳﺪﺓ ﻭﺗﺘﻤﻀﺤﻚ
ﺭﻳﺤﺎﻧﻪ،،ﻓﺪﻭﺓ ﺧﺎﻟﻮ ﺍﻟﻠﻪ ﻳﺨﻠﻴﻚ ﻭﺍﻟﻠﻪ ﻋﻄﺮﻙ ﻳﺨﺒﻞ ﺍﻧﻄﻴﻨﻲ ﺍﻟﺸﻴﺸﻪ ﻣﺎﻟﺘﻪ ﻟﻮ ﺍﺳﻤﻪ ﻭﺍﻧﻲ ﺍﺷﺘﺮﻱ
ﺭﺍﻫﺐ،،ﻓﺪﻭﺗﺞ ﺍﻟﻌﻄﺮ ﻭﺻﺎﺣﺒﺔ ﻳﺎﺑﻌﺪ ﮔﻠﺐ ﺧﺎﻟﺞ
ﺑﻮﻳﺔ ﺍﺳﻤﺔ Boss ﻭﺣﻼﻝ ﻋﻠﻴﺞ ﺍﺧﺬﻱ ﺗﻠﻜﻲ ﻉ ﺍﻟﻤﻴﺰ
ﻻﺭﺍ،،ﮔﻤﺰﺕ ﻓﺮﺣﺎﻧﻪ ﺻﻌﺪﺕ ﺗﺮﻛﺾ ﻋﺒﺎﻟﻚ ﺍﻧﻄﺎﻫﺎ ﺳﺒﻴﻜﻪ ﺫﻫﺐ ﻣﻮﻋﻄﺮ
ﺑﺲ ﺻﺪﮒ ﻋﺠﺒﺘﻨﻲ ﺭﻳﺤﺘﻪ ﻭﺣﻔﻀﺖ ﺍﺳﻤﻪ ﮔﻠﺖ ﺑﺲ ﺗﺮﻭﺡ ﺍﻟﺤﺠﻴﻪ ﻟﻠﺴﻮﮒ ﺍﻧﻄﻴﻬﺎ ﺍﻓﻠﻮﺱ ﺗﺠﻴﺒﻪ ﺍﻟﻲ
ﺭﺍﻫﺐ،،ﻳﺎﺍﻟﻠﻪ ﻳﺎﺑﻪ ﻣﺎﻟﺠﻦ ﻧﻴﻪ ﺗﻤﺸﻦ ?
ﻻﺭﺍ،،ﻋﺪﻟﺖ ﺍﻟﺠﺒﻪ ﻭﻟﺒﺴﺘﻬﺎ ﺍﺟﻪ ﻳﻤﺸﻲ ﺑﺎﺍﺗﺠﺎﻫﻲ ﻭﻛﻒ ﻛﺪﺍﻣﻲ ﮔﺎﻝ
ﺭﺍﻫﺐ،،ﺑﺲ ﻻﻧﻴﺘﺞ ﺗﻤﺸﻴﻦ ﻫﻴﺞ ﻭﻳﺎﻱ ?
ﻻﺭﺍ،،ﻻﺑﺴﻪ ﺟﺒﻪ ﻣﺎﺑﻴﻬﺎ ﺷﻲ
ﺭﺍﻫﺐ،،ﻫﻲ ﺷﻨﻬﻲ ﺍﻟﻤﺎﺑﻴﻬﺎ ﺷﻲ ﺍﺣﻨﻪ ﻧﺠﻒ ﻣﻮﺑﻐﺪﺍﺩ
ﺭﻭﺣﻲ ﺍﻟﺒﺴﻲ ﻋﺒﺎﻳﺔ ﻭﺗﻌﺎﻱ
ﺍﻡ ﺍﺣﻼﻡ،،ﻋﻠﺊ،ﻛﻴﻔﻚ ﻭﻳﻪ ﺍﻟﺒﺖ ﻳﻌﻨﻲ ﻣﺎﺗﻌﺮﻑ ﺗﻔﻬﻤﻬﺎ ﺑﺎﻟﻬﺪﺍﻭﻩ ﻻﺯﻡ ﺗﺰﻣﺦ ﻭﺗﻨﺘﺮ ?
ﺭﻭﺣﻲ ﺭﻳﺤﺎﻧﻪ ﺟﻴﺒﻲ ﻋﺒﺎﺗﺞ ﺍﻟﻤﺮﺕ ﺧﺎﻟﺞ ﻻﻥ ﻋﺒﺎﻳﺔ ﻓﺎﻃﻤﻪ ﻃﻮﻳﻠﻪ ﻋﻠﻴﻬﺎ
ﺭﺍﻫﺐ،،ﻟﻴﺶ ﻣﺎﺷﺘﺮﻳﺘﻴﻠﻬﺎ ﻋﺒﺎﻳﻪ ?
ﺍﻡ ﺍﺣﻼﻡ،،ﺟﺒﺘﻬﺎ ﻭﻋﺪ ﺍﻟﺨﻴﺎﻃﻪ
ﻳﺎﺍﻟﻠﻪ ﺑﻨﻴﺘﻲ ﻫﻢ ﻳﺎﺍﻟﻠﻪ ﻧﻠﺤﮓ
ﻻﺭﺍ،،ﻟﺒﺴﺘﻬﺎ ﻣﺎﺍﻋﺮﻑ ﺍﻟﺒﺴﻬﺎ ﻋﻠﻤﺘﻨﻲ ﺍﻟﺤﺠﻴﻪ ﺍﻟﻄﺮﻳﻖ ﻟﻠﺴﻴﺎﺭﺓ ﺧﻄﻮﺗﻴﻦ ﻋﺜﺮﺕ ﻣﻴﺔ ﻣﺮﺓ ﺑﺎﻟﺨﻄﻮﺗﻴﻦ ﺫﻧﻲ
ﺻﻌﺪﺕ ﺍﻣﻪ ﺑﺎﻟﺴﺪﺭ ﻭﺍﻧﻲ ﺑﺎﻟﻜﺸﻦ ﺍﻟﻮﺭﺓ
ﻋﺪﻝ ﺍﻟﺠﺎﻣﻪ ﻋﻠﻴﻪ ﻭﻟﺒﺲ ﻧﻀﺎﺭﺗﻪ
ﺩﺭﺕ ﻭﺟﻬﻲ ﻟﻠﺠﺎﻣﻪ ﺑﺲ ﺍﻟﻨﻀﺎﺭﺓ ﻣﺎﻟﺘﻪ ﺟﺎﻣﺘﻬﺎ ﺷﻔﺎﻓﻪ ﺗﺒﻴﻦ ﻋﻴﻮﻧﻪ ﻣﻨﻬﻦ
ﻛﻞ ﻣﺎﺍﺭﻳﺪ ﺍﺣﺠﻲ ﻭﻳﻪ ﺍﻟﺤﺠﻴﻪ ﻣﻦ ﺗﺴﺎﻟﻨﻲ ﺗﺼﻴﺮ ﻋﻴﻮﻧﻲ ﺑﻌﻴﻮﻧﻪ ﺍﺷﻮﻓﻪ ﻳﺒﺎﻭﻋﻠﻲ ﺍﻏﻠﺲ ﻋﻨﻪ
ﺗﺎﻟﻲ ﺷﻐﻞ ﺍﻏﻨﻴﺔ ﻏﺰﻻﻥ
ﺍﻭﺻﻴﻚ ﺑﻴﻪ ﻟﻮﻣﺘﺖ ﺑﻴﻦ ﺍﻟﻀﻠﻮﻉ ﺍﺩﻓﻨﻲ
ﻃﻮﻝ ﻣﺎﻻﻏﻨﻴﻪ ﻣﺸﺘﻐﻠﻪ ﻫﻮ ﻳﺠﺮ ﺣﺴﺮﺍﺕ
ﻭﺻﻠﻨﻪ ﻟﻠﺼﺎﻟﻮﻥ ﺍﻟﺘﻔﺘﻠﻲ ﮔﺎﻝ ﻣﻦ ﺍﺗﺨﻠﺼﻦ ﺍﺗﺼﻠﻦ ﺑﻴﻪ
ﺟﺎﻭﺑﺘﻪ ﺑﺪﻭﻥ ﻣﺎﻟﺘﻔﺖ
ﺍﻟﻤﻮﺑﺎﻳﻞ ﺑﺎﻟﺒﻴﺖ ﻋﻔﺘﻪ ﻉ ﺍﻟﺸﺤﻦ
ﻭﻓﻌﻼ ﺗﺮﻛﺘﻪ ﺑﺎﻟﻐﺮﻓﻪ ﻉ ﺍﻟﺸﺤﻦ
ﻧﺰﻟﺖ ﻭﻫﻮ ﮔﺎﻝ ﻟﻤﻪ ﺍﺩﺧﻠﻲ ﻟﻠﺼﺎﻟﻮﻥ ﺍﺗﺎﻛﺪﻱ ﻣﻦ ﺍﻟﻤﺮﺓ ﺷﻮﻛﺖ ﺍﺗﻜﻤﻠﻦ ﺧﻞ ﺗﻨﻄﻴﺠﻦ ﻭﻗﺖ ﻣﺤﺪﺩ ﺣﺘﺊ ﺍﺟﻲ ﺍﺧﺬﺟﻦ
ﺩﺧﻠﻨﻪ ﺍﻧﻲ ﻭﺍﻟﺤﺠﻴﻪ ﺍﺳﺘﻘﺒﻠﻨﻪ ﻣﺮﺓ ﺟﺒﻴﺮﺓ ﻭﻳﺎﻫﺎ ﺍﺛﻨﻴﻦ ﺷﺎﺑﺎﺕ ﺍﻟﻌﺮﻓﺘﻪ ﺫﻧﻲ ﺑﻨﺎﺗﻬﺎ
ﻣﻦ ﺳﺎﻟﺘﻬﺎ ﻋﻤﺘﻲ ﻛﺎﻟﺘﻠﻬﺎ ﺳﺎﻋﺘﻴﻦ ﻭﺍﺗﻜﻤﻠﻦ
ﻃﻠﻌﺖ ﺍﻟﺤﺠﻴﻪ ﺗﺮﺟﻌﻠﻪ ﺧﺒﺮ ﻭﺍﻧﻲ ﺑﻘﻴﺖ ﮔﺎﻋﺪﺓ ﮔﺪﺍﻣﻲ ﺑﻨﻴﻪ ﻳﺸﺘﻐﻠﻦ ﻛﺮﻳﺎﺗﻴﻦ ﺑﺸﻌﺮﻫﺎ
ﻛﻤﻠﻨﻬﺎ ﻭﮔﻤﺖ ﮔﻌﺪﺕ ﺑﻤﻜﺎﻧﻬﺎ ﺷﻌﺮﻱ ﻟﻮﻧﻪ ﻋﺴﻠﻲ ﮔﺎﻟﺖ ﺭﺍﺡ ﺍﺻﺒﻐﻪ ﺷﻘﺎﺭﺍﺕ ﻭﺑﻌﺪﻫﺎ ﻣﻴﺶ
ﻗﺒﻞ ﻟﺘﺒﺪﻱ ﺑﺎﻟﺼﺒﻎ ﮔﺎﻟﺖ ﺍﻃﺮﺍﻓﻪ ﺗﻌﺒﺎﻧﻪ ﺭﺍﺡ ﺍﮔﺼﻪ ﺍﻟﺞ ﻣﺪﺭﺝ
ﻛﺘﻠﻬﺎ ﺷﺘﺴﻮﻳﻦ ﺳﻮﻱ
ﮔﺎﻟﺖ ﺍﻭﻝ ﻣﺮﺓ ﺗﺠﻴﻨﻲ ﻋﺮﻭﺱ ﻣﺎﺗﺸﻠﻊ ﻛﻠﺒﻲ ﺑﻄﻠﺒﺎﺗﻬﺎ
ﺭﺩﺕ ﺍﮔﻠﻬﺎ ﻟﻴﺶ ﺍﻧﻲ ﻫﻢ ﻣﺤﺴﻮﺑﻪ ﻋﺮﻭﺱ ?
ﺳﺒﻘﺘﻨﻲ ﺍﻟﺤﺠﻴﻪ ﻛﺎﻟﺘﻠﻬﺎ ﺍﻟﺤﻠﻮ ﺣﻠﻮ ﺑﺪﻭﻥ ﺯﺭﻕ ﻭﺭﻕ
ﻫﻲ ﭼﻨﻬﺎ ﺟﻤﺎﺭﺓ
ﺧﺠﻠﺘﻨﻲ ﺍﻟﺤﺠﻴﻪ ﺑﻘﻴﺖ ﻣﺒﺘﺴﻤﻪ ﺭﻏﻢ ﺍﻟﺤﺰﻥ ﺍﻟﻤﺨﻴﻢ ﺑﺪﺍﺧﻠﻲ
ﺑﺪﺕ ﺍﻟﻤﺮﺓ ﺗﺸﺘﻐﻞ ﺣﻔﺘﻠﻲ ﻭﺷﻤﺮﺕ ﺣﻮﺍﺟﺒﻲ ﺑﺲ ﻗﺼﺮﺗﻬﻦ ﻣﻦ ﺍﻻﻃﺮﺍﻑ
ﻭﺷﻌﺮﻱ ﻫﻢ ﺻﺒﻐﺘﻪ ﺍﺟﺬﺏ ﺍﺫﺍ ﺍﮔﻮﻝ ﺍﻧﺘﺒﻬﺖ ﺍﻟﺮﻭﺣﻲ ﺍﻟﻠﻪ ﺷﺎﻫﺪ ﻋﺒﺎﻟﻚ ﻣﻮﻳﻤﻲ ﺍﻟﻌﺮﺱ ﺍﺻﻼ
ﺍﻟﻤﺮﺓ ﺳﺎﻟﺘﻨﻲ ﻣﻦ ﻛﻤﻠﺖ . ﺷﻨﻮ ﺭﺃﻳﺞ ﺑﺎﻟﺸﻐﻞ ﺟﺎﻭﺑﺘﻬﺎ ﺣﻠﻮ ﻋﺎﺷﺖ ﺍﻳﺪﺝ ﻣﺎﺗﺪﺭﻱ ﺍﻧﻲ ﺣﺘﺊ ﻟﻮ ﺍﺻﻔﻦ ﺑﺎﻟﻤﺮﺍﻳﻪ ﺑﺎﻟﻲ ﻣﻮﻳﻤﻬﺎ
ﻛﻤﻠﻨﻪ ﻟﺒﺴﺖ ﺣﺠﺎﺑﻲ ﻭﺍﻟﺤﺠﻴﻪ ﺍﺗﻔﻘﺖ ﻭﻳﺎﻫﺎ ﺑﺎﺟﺮ ﺍﺗﺠﻴﺒﻨﻲ ﻻﻥ ﻣﺎﻗﺒﻠﻦ ﺑﻨﺎﺗﻬﺎ ﻣﺎﺍﺳﻮﻱ ﺣﻨﻪ ﻳﺮﺩﻥ ﻳﻄﺮﺑﮕﻦ ﻭﻳﺮﻛﺼﻦ ﻭﺍﻧﻲ ﮔﻠﺒﻲ ﺧﻠﺼﺎﻥ ﺍﺗﻤﻨﺊ ﺍﻏﻤﺾ ﺍﻓﺘﺢ ﺍﻟﮕﻪ ﻛﻠﺸﻲ ﻣﻨﺘﻬﻲ
ﻃﻠﻌﺖ ﻋﻤﺘﻲ ﺍﺗﺸﻮﻑ ﺍﺑﻨﻬﺎ ﺍﻟﻌﻜﺮﺓ
ﺩﺧﻠﺖ ﮔﺎﻟﺖ ﻳﺎﻟﻠﻪ ﻋﻤﻪ ﺍﺟﻪ
ﻟﺒﺴﺖ ﺍﻟﻌﺒﺎﻳﻪ ﻭﻃﻠﻌﺖ ﺻﺎﺭﺕ ﻋﻴﻨﻲ ﺑﻌﻴﻨﻪ ﻛﺎﻋﺪ ﺑﺎﻟﺴﻴﺎﺭﺓ ﻳﻨﺘﻀﺮﻧﻪ
ﺻﻌﺪﺕ ﺍﻣﻪ ﻳﻤﻪ ﻭﺍﻧﻲ ﺑﻤﻜﺎﻧﻲ ﺑﺎﻟﻮﺭﺓ
ﺍﻡ ﺍﺣﻼﻡ،،ﻳﻤﻪ ﺧﻞ ﺍﻧﻤﺮ ﺑﺪﺭﺑﻨﻪ ﻉ ﺍﻟﮕﺼﺎﺏ ﺍﺗﻔﻖ ﻭﻳﺎﻩ ﻣﻮﻳﺨﻠﻴﻨﻪ ﻧﻨﺘﻀﺮ ﻭﺗﺎﻟﻲ ﻛﻠﺸﻲ ﻣﺎﻛﻮ
ﺭﺍﻫﺐ،،ﺍﻧﺠﻴﺐ ﻋﺠﻞ ﻧﺬﺑﺤﻪ ﺑﺎﻟﺒﻴﺖ
ﺍﻡ ﺍﺣﻼﻡ،،ﻻﻳﻤﻪ ﺷﻠﻚ ﺑﺎﻟﺘﻌﺐ ﻭﺩﻭﺧﺔ ﺍﻟﺮﺍﺱ ﺗﻌﺎﻝ ﺍﮔﺼﺐ ﻭﺍﺫﺑﺢ ﻭﮔﻄﻊ
ﺧﻮ ﺍﻟﮕﺼﺎﺏ ﻣﻦ ﻳﻤﻪ ﻳﺠﻴﺒﻪ ﻣﮕﻄﻊ ﻭﺟﺎﻫﺰ
ﺭﺍﻫﺐ،،ﻫﺬﺍ ﻫﻮ ﺍﻟﺘﺸﻮﻓﻲ ﺣﺠﻴﻪ
ﻻﺭﺍ،،ﻃﻮﻝ ﻣﺎﺟﺎﻥ ﻳﺤﺠﻲ ﻭﻳﻪ ﺍﻣﻪ ﻋﻴﻨﻪ ﻣﻨﻲ
ﻣﺪ ﺍﻳﺪﺓ ﺷﻐﻞ ﺍﻏﻨﻴﻪ
ﺟﻨﺖ ﺍﺣﺒﻬﺎ ﻭﺍﺳﻤﻌﻬﺎ ﻝ ﺍﺣﻤﺪ ﺍﻟﺴﻠﻄﺎﻥ
ﻭﺟﻬﻚ ﻫﺬﺍ ﻭﻟﻮﻥ ﺍﻟﺸﻔﻪ
ﺍﻟﻴﺎﺧﺬ ﺑﻮﺳﻪ ﻳﻄﻴﺐ ﻭﻳﺸﻔﻪ
ﺍﺳﻤﻌﻪ ﻳﺪﻧﺪﻥ ﻭﻳﺎﻫﺎ
ﻭﺻﻠﻨﻪ ﻟﻠﺴﻮﮒ ﻧﺰﻝ ﻳﻢ ﺍﻟﮕﺼﺎﺏ ﺍﺗﻌﺎﻣﻞ ﻭﻳﺎﻩ ﻭﺭﺟﻊ
ﺑﻌﺪﻫﺎ ﺭﺟﻌﻨﻪ ﻟﻠﺒﻴﺖ ﻭﻫﻮ ﻛﻞ ﻣﺎﺍﺭﻓﻊ ﺭﺍﺳﻲ ﺍﺷﻮﻓﻪ ﻳﺒﺎﻭﻋﻠﻲ ﺑﺎﻟﻤﺮﺍﻳﻪ
ﺩﺧﻠﻨﻪ ﺑﻘﻦ ﺍﺧﻮﺍﺗﻪ ﻳﺒﺎﻭﻋﻦ ﻋﻠﻴﻪ ﻭﻳﻌﻮﺟﻦ ﺑﺤﻠﻮﮔﻬﻦ
ﻛﻠﺸﻲ ﺣﺰ ﺑﺨﺎﻃﺮﻱ ﺍﻧﻲ ﺳﺎﻣﻌﻪ ﺑﺎﻟﻌﺮﻭﺱ ﻣﻦ ﺗﺮﺟﻊ ﻣﻦ ﺍﻟﺼﺎﻟﻮﻥ ﻳﺘﻠﮕﻨﻬﺎ ﺣﺒﺎﻳﺒﻬﺎ ﺑﺎﻟﻬﻼﻫﻞ
ﺷﻮ ﺍﻧﻲ ﺍﻟﺒﻴﺖ ﻛﻠﻪ ﻣﺤﺪ ﻳﺤﺠﻲ ﻭﻳﺎﻱ ﺑﺲ ﺍﻟﺤﺠﻴﻪ
ﺭﺟﻌﺖ ﺍﻟﻌﺒﺎﻳﺔ ﻟﺮﻳﺤﺎﻧﻪ ﺷﻮ ﻫﺎﻱ ﺍﺧﺬﺗﻬﺎ ﺑﻄﺮﻑ ﺍﺻﺎﺑﻴﻌﻬﺎ ﻋﺒﺎﻟﻚ ﻣﻨﮕﺴﺘﻬﺎ ﻟﻠﻌﺒﺎﻳﻪ
ﺍﺗﻌﺠﺒﺖ ﻋﻠﻴﻬﺎ ﺑﻌﺪﻫﺎ ﻃﻔﻠﻪ ﻭﺗﻘﻠﺪ ﺗﺼﺮﻓﺎﺕ ﺍﻣﻬﺎ ﺑﺨﺒﺚ
ﺍﺧﺬﺕ ﺍﻟﻌﺒﺎﻳﻪ ﻭﺭﻛﻀﺖ ﻟﻠﺤﻤﺎﻡ ﺗﺸﻄﻔﻬﺎ
ﺿﺤﻜﺖ ﺑﮕﻠﺒﻲ ﻋﻠﺊ ﻋﻘﻮﻟﻬﻦ ﺍﻟﻨﺎﻗﺼﻪ
ﺻﻌﺪﺕ ﻟﻠﻐﺮﻓﻪ ﻭﺍﻣﻬﻦ ﺑﻘﺖ ﺗﺤﺠﻲ ﻭﻳﺎﻫﻦ ﻉ ﺍﻟﺘﺠﻬﻴﺰﺍﺕ
ﻧﺰﻋﺖ ﻣﻼﺑﺴﻲ ﺍﺧﺘﻨﮕﺖ ﺍﺭﻳﺪ ﺑﺲ ﺍﺳﺒﺢ ﺣﺎﺭﺓ ﺍﻟﺪﻧﻴﻪ
ﺍﻧﺘﺒﻬﺖ ﺍﻟﻤﻮﺑﺎﻳﻠﻲ ﻣﻔﺼﻮﻝ ﻋﻦ ﺍﻟﺸﺤﻦ
ﻣﺎﺍﻫﺘﻤﻴﺖ ﻛﻠﺖ ﻳﻤﻜﻦ ﺍﻧﻲ ﻧﺎﺳﺒﻪ ﻭﻓﺎﺻﻠﺘﻪ
ﺍﺧﺬﺕ ﻣﻼﺑﺲ ﻭﻧﺰﻟﺖ ﺳﺒﺤﺖ ﻭﺍﺭﺗﺎﺣﻴﺖ ﻭﺭﺟﻌﺖ ﻟﻠﻐﺮﻓﻪ ﺩﻧﻴﻪ ﻟﻴﻞ ﻭﻛﺖ ﻋﺸﻪ ﺣﺘﺊ ﻣﺎﺑﻴﻪ ﺣﻴﻞ ﺍﻧﺰﻝ ﻳﻤﻬﻢ
ﺑﻘﻴﺖ ﺑﻐﺮﻓﺘﻲ ﮔﺎﻋﺪﺓ ﻭﻫﻢ ﻣﺎﺍﺭﻳﺪ ﺍﺷﻮﻓﻪ ﮔﺪﺍﻣﻲ
ﺟﺮﻳﺖ ﺍﻟﻤﻮﺑﺎﻳﻞ ﺍﺭﻳﺪ ﺍﺗﺼﻞ ﻋﻠﺊ ﻣﺤﻤﺪ ﺍﻃﻤﻦ ﻋﻠﺊ ﺻﺤﺔ ﺍﺑﻮﻱ ﻭﺍﻧﻲ ﺍﻋﺮﻑ ﺍﺧﻮﻱ ﺑﻬﻴﺞ ﻭﻗﺖ ﻳﻄﻠﻊ ﻣﻦ ﺍﻟﺒﻴﺖ ﻳﻌﻨﻲ ﻣﺎﻋﻨﺪﺓ ﻧﺖ ﻭﻻﺯﻡ ﺍﺗﺼﻞ ﻉ ﺍﻟﺨﻂ
ﻃﻠﻌﺖ ﺭﻗﻤﻪ ﻭﺍﺗﺼﻠﺖ ﺍﺗﻔﺎﺟﺌﺖ ﻣﺎﻋﻨﺪﻱ ﺭﺻﻴﺪ
ﻳﮕﻠﻲ ﺭﺻﻴﺪﻙ ﻏﻴﺮ ﻛﺎﻓﻲ ﻟﺠﺮﺍﺀ ﺍﻟﻤﻜﺎﻟﻤﻪ
ﺍﻧﻲ ﺣﺎﻃﻪ ﺭﺻﻴﺪ ﻭﻣﺘﺎﻛﺪﺓ ﺑﻲ ﻛﻢ ﺩﻭﻻﺭ
ﻟﻌﺪ ﻭﻳﻦ ﺭﺍﺣﻦ ?
ﺑﻘﻴﺖ ﻣﺤﺘﺎﺭﺓ ﺍﺧﺮ ﺷﻲ ﺻﻌﺪﺗﻠﻲ ﺍﻟﺤﺠﻴﻪ ﺧﻄﻴﻪ ﮔﻮﺓ ﺗﺼﻌﺪ ﺍﻟﺪﺭﺝ ﺑﺲ ﻣﺎﻋﺪﻫﺎ ﺍﺣﺪ ﺣﺘﺊ ﻳﺼﻌﺪﻟﻲ ﻻﻥ ﺍﻟﻜﻞ ﻋﺒﺎﻟﻚ ﻋﺪﻭﻫﻢ ﺑﻨﺼﻬﻢ ﮔﺎﻋﺪ
ﺍﻡ ﺍﺣﻼﻡ،،ﺑﻨﻴﺘﻲ ﺍﻧﺰﻟﻲ ﺍﺗﻌﺸﻲ ﻟﻴﺶ ﺗﺒﻘﻴﻦ ﻛﺎﻋﺪﺓ ﻭﺣﺪﺝ
ﻻﺭﺍ،،ﺧﻠﻴﻨﻲ ﻋﻤﻪ ﺍﻫﻨﺎ ﺍﺣﺴﻦ
ﺍﻡ ﺍﺣﻼﻡ،،ﺍﺩﺭﻱ ﻭﺍﻋﺮﻑ ﺍﻧﺘﻲ ﻟﻴﺶ ﻣﺎﺗﻨﺰﻟﻴﻦ
ﺑﻨﻴﺘﻲ ﻗﺒﻠﺞ ﻋﻤﺘﺞ ﺷﺒﻌﺖ ﺿﻴﻢ ﻭﺿﻼﻳﻢ ﻭﻛﺮﻫﺘﻬﺎ ﺍﻟﻮﺍﺩﻡ ﻭﻟﻌﺐ ﺑﻴﻬﺎ ﺍﻟﻮﻛﺖ ﺷﺎﻃﻲ ﺑﺎﻃﻲ
ﺗﺎﻟﻲ ﺍﺗﺤﻤﻠﺖ ﻭﺭﺑﺞ ﻳﮕﻮﻝ ﻣﺎﺿﺎﻗﺖ ﺍﻻﻓﺮﺟﺖ
ﻭﻳﺠﻲ ﻳﻮﻡ ﻳﻔﺮﺟﻬﺎ ﻋﻠﻴﺞ ﻣﺜﻞ ﻣﺎﻓﺮﺟﻬﺎ ﻋﻠﺊ ﻋﻤﺘﺞ ﻗﺒﻞ
ﮔﻮﻣﻲ ﻳﻤﻪ ﻣﺎﻟﺞ ﻏﺮﺽ ﺑﻮﺍﺣﺪ ﺍﻧﻪ ﺻﺮﺕ ﻣﺎﺍﻋﺮﻑ ﺍﻛﻌﺪ ﺍﺫﺍ ﻣﺎﺍﻧﺘﻲ ﻳﻤﻲ
ﻻﺭﺍ،،ﺍﺳﺘﺤﻴﺖ ﻣﻨﻬﺎ ﺣﻄﻴﺖ ﺣﺠﺎﺑﻲ ﻋﻠﺊ ﺭﺍﺳﻲ ﻭﻧﺰﻟﺖ ﺟﻨﺖ ﻻﺑﺴﻪ ﺩﺷﺪﺍﺷﻪ ﻣﺎﺭﻭﻧﻲ ﻧﺺ ﺭﺩﻥ
ﻧﺰﻟﺖ ﻭﻳﺎﻫﺎ ﻟﻜﻴﺘﻬﻢ ﻳﻨﻘﻠﻮﻥ ﺏ ﺍﻻﻛﻞ
ﮔﻌﺪﺕ ﺑﺼﻔﻬﺎ ﻛﻤﻠﻮ ﻭﺍﻟﻜﻞ ﺍﻧﺠﻤﻊ ﻉ ﺍﻟﺴﻔﺮﺓ
ﺑﺲ ﺭﺍﻫﺐ ﮔﺎﻋﺪ ﻭﺭﺍﻫﻢ ﻣﻨﺘﭽﻲ ﻉ ﺍﻟﺤﺎﻳﻂ ﻭﻣﺮﺟﻊ ﺭﺍﺳﻪ ﻟﻮﺭﺓ ﻳﺒﺎﻭﻋﻠﻲ
ﺭﺑﻜﺘﻨﻲ ﻧﻀﺮﺍﺗﻪ ﺣﺘﺊ ﻣﺎﻋﺮﻓﺖ ﺍﻛﻞ
ﺍﻡ ﺍﺣﻼﻡ،،ﻟﻴﺶ ﻣﺎﺗﺪﻧﺊ ﺗﺘﻌﺸﻪ
ﺭﺍﻫﺐ،،ﻣﺎﻛﻞ ﺍﻟﻌﺼﺮ ﻭﺷﺒﻌﺎﻥ
ﻻﺭﺍ،،ﻣﺎﺍﻛﻠﺖ ﻛﻢ ﻟﻜﻤﻪ ﻣﺎﺻﺪﻛﺖ ﻳﻜﻤﻠﻮﻥ ﺣﺘﺊ ﺍﺭﺟﻊ ﻟﻠﻐﺮﻓﻪ ﺍﺣﺴﻬﺎ ﻣﻜﺎﻧﻲ ﺍﻻﻣﻴﻦ ﺍﺧﺘﻞ ﺑﻲ ﻣﻨﻬﻦ ﻭﻣﻦ ﺍﻟﺘﺒﺴﺒﺲ ﻣﺎﻟﺘﻬﻦ ﻳﺰﺭﻑ ﺍﻟﮕﻠﺐ
ﺻﻌﺪﺕ ﻟﻠﻐﺮﻓﻪ ﺷﻔﺖ ﻣﻜﺎﻟﻤﻪ
ﺭﻓﻌﺖ ﺍﻟﻤﻮﺑﺎﻳﻞ ﺭﻗﻢ ﻏﺮﻳﺐ
ﺷﻨﻮ ﺍﻟﺴﺎﻟﻔﻪ ﻭﻣﻨﻮ ﻳﺘﺼﻞ ?
ﺍﻧﻲ ﻣﺨﻠﻴﻪ ﺻﻮﺭﺗﻲ ﺑﺎﻟﺤﺠﺎﺏ ﻉ ﺍﻟﻔﺎﻳﺒﺮ
ﻣﺤﻴﻄﻲ ﻣﻮﻭﺍﺳﻊ ﻳﻌﻨﻲ ﺑﺲ ﺍﻫﻠﻲ ﻭﺳﺎﻧﺪﺭﺍ ﻣﺎﻋﻨﺪﻱ ﺍﻫﻮﺍﻱ ﺍﺭﻗﺎﻡ
ﻓﺘﺤﺖ ﺧﻂ ﺍﺟﺎﻧﻲ ﺻﻮﺕ ﺭﺟﺎﻝ
ﺍﻟﻤﺘﺼﻞ،،ﻃﻠﻊ ﻣﻮﺑﺲ ﺷﻜﻠﺞ ﺣﻠﻮ ﺣﺘﺊ ﺻﻮﺗﺞ ﺍﻳﺨﺒﻞ
ﻳﺘﺘﺘﺘﺒﻊ
|