الجزء الرابع
ظهروا دانه وذياب وراحوا صوب الجامعه
ذياب ماسك ايدها ويقول: متى كلاساتج تبدا
دانه : اممم بعد ساعه
ذياب: وليش ظهرنا من وقت
دانه: لان الجامعه بعيده لين ما نوصل لها يبانا ثلث ساعه
ذياب ركب سيارته وقال: نجرب نسير مشي
دانه: ما فينا صيام والله تعب
ذياب: يلا انزين ركبي
ركبت دانه سياره وهى تفكيرها في طراق اللى عطاها عمر حست انها وايد بالغت وياه وتمادت وياه خلاص انا من اليوم ورايح بطنشه ما فيني يحط دوبه من دوبي ولا مب بعيده على عمر يسويها ولد العم ....
انتبهت على ايد ذياب وهو يهزها من جتفها: بلاااج حوووو وين وصلتى ؟؟!!
دانه: وياك فديتك
ذياب:ما ضني ويايه يلا وصلنا جامعج
نزلوا دانه وذياب عند البوابه كالعاده دانه شافت شله عبد الله واقفين يتريون عبد الله اللى نزل من سيارته وتوجه لهم ...
دانه مسكت ذياب من ايده وقالت بخوف: يلا نسير صوب البوابه ثانيه
ذياب: ليش بعد ما فينا يلا خلينا نخطف من هالبوابه روحي صايم وتعبان ..
دانه هزت راسها وساروا رباعه وكانت متمسكه فيه بقو وحاولت ما توتر من وجودهم وذياب يالس يرمسها وهو ملاحظ ارتباكها ورفع راسه ولاحظ انهم يشوفونها بس اللي استغربه ان في واحد ياي صوبهم رفع حياته وقال لدانه: هذا ياي صوبنا
رفعت دانه راسها وشهقت وهى تقول: الكلاس بدا يلا انته خطف بسرعه
ذياب طالعها وقال: انتى شو داسه عنا ما حيدج دسين شي عنى رمسي هذا منوه هو اللى خطفج
تبلمت دانه وهي تشوف عبد الله وشكله المعصب وهو يقول: السلام عليكم
رد ذياب السلام وقال: خير اخونا في الله مضيع شي
عبد الله لف لدانه وقال: من هذا
دانه من دون تفكير: ريلي ولد عمى البارحه ملجنا عن اذنك
ذياب كان معقد حياته ومب عارف شو سالفه ودانه مطت ايده وكملوا مشي لين داخل الجامعه وقال ذياب: ايه انتى شو هالرمسه اللى قلتيها
دانه: ما قلت شي ذياب انته لازم تخاف عليه مب معناته ولد البلاد تامن عليه فهمت لازم كل الناس توقف عند حدها
ذياب: ما عليه ان ما يوزتج عمر اليوم ولا ما يطلع اسمي ذياب على قلة ادبج وياه
دانه: ما يهمنى حد انا قتلك اللي يباني يترياني لين ما خلص جامعه
ذياب: ما عليه انا بادبج
دخلوا الكلاس وهو معصب عليها دش عبد الله وهو رافع حياته سار ذياب صوبه وهو يقول: سمحلنا اخويه انا مادري بلاها اختيه من يوم ما ختطفت وهى تعق رمسه ما تثمنها انا اخوها هب ريلها
ابتسم عبد الله رغم ارتباكه وقال: هيه دريت انها انخطفت بس انتوا كيف عرفتوا
ذياب: ما يبالها لازم بنعرف لان السفاره توصلك الخبر
عبد الله ابتسم وهو يقول: ما عرفتوا من اللى خاطفنها
ذياب: قالت لنا بس انا مب مصدقنها يلين ما عرف كل شي
ارتبك عبد الله وسار ييلس محله وعيونه على دانه ودانه منقهره من ذياب وحركتها سخيفه يوم قالت لعبد الله انها مالجه هي قالت جيه عشان تبعده عنها توتر يوم تشوفه خايفه منه وما تعرف شو اللي يترياها واللي زاد قهرها رد ذياب لها ويوم سار صوب عبد الله ويلس يرمسه جنه يعرفه من زمان
ذياب ذكي ما طاف عليه ارتباك عبد الله سار صوب دانه وقال لها : اترياج جدام الكلاس بيلس على الكراسي اللى قدام الباب وبينا حساب كبيــــــر يا ختي
طالعته دانه بطرف عينها وقالت له: خل الحساب يوم الحساب
ضحك ذياب وهو مقهور منها طلع ودق لحياب وخبره بكل شي وقال له: بس انا شاك ان بينهم شي والله لو عرفت ان اللي في بالي صدق والله يردها على اول طياره وبلا دراسه وبلا خرط بويه سمعتنا فوق كل شي ما بتنفعنا دراستها يوم الناس بتكلم على اختنا
حياب: ذياب الله يهديك انا احيدك مب عصبي الله يهديك شياك ترا مهما كان المشاكل ما تنحل بها طريقة
ذياب بعصبيه: الا شرف تعرف شو يعني والله يقصبه لو دريت ان هو اللى في سالفه سمعتنى هذا عرضنا وشرفنا ومستحيل اتنازل عنه قسم بالله يبهدله وخليه يندم على الساعه اللى فكر يخطف فيها دانه والله ينحره
حياب: ذياب استهدى بالله ترى مهما كان الغالى انتوا في غربه وقانونهم غير عن قانونا وبعدين انا احساسي يقول ماضني هو سوى شي تلقاه ارتبك لان انقذها وخاف انك انته تفهم غلط وتشرشحه ولا انته فكر فيها فيه ريال بياذي بنت بلاده
ذياب هدت اعصابه وقال: هزرك يعنى خوف طبيعي
حياب: هيه ولا تتهور حاول تفهم سالفه منهم
ذياب وهو يشوفهم طلعوا من الكلاس: تمام يلا عيل برايكــ
حياب: الله يحفظكــ
سكر ذياب عنهم وتنهد وهو يقول في خاطره يارب تجعلنى من الصابرين والكاتمين الغيض والعافين عن الناس
يت دانه عنده وهى تقول: يا سخيف احرجتنى جدامهم بيقولون جذابه
ذياب: قولى لى صدق ليش كنتى تبين تجذبين عليهم
دانه: لاني خايفه تنعاد الحركة ولو مب عبد الله اللى وقف ويايه شو بيكون موقفى الحين عادى يطلعون اشاعه انّ بيني وبين عبد الله علاقه
ذياب: انا مب ياهل تقصين عليه اذا فعلا هم قالوا ان عبد الله خطفج معناته صدق عبد الله خطفج ولا تحاولين تجذبين عليه
دانه: بس انا عمري ما جذبت عليك
ذياب: بس الله يعرف انج تجذبين ولالا يعنى انا صح انى ما عرف اذا انتى بتجذبين عليه في الكلام ولا لا بس الله يعرف ...
دانه مرتبكه:انا بقول لك صدق وفي خاطرها تقول سامحنى ياربي انته تعلم انى مابا المضره لولد الناس و خصوصا انه ولد سفير يعنى بروح وطي لو ذياب يحط راسه براس عبد الله
دانه: سالفه وما فيها ان حراس عبد الله هجموا على شقه ودونى قصر عبد الله وعبد الله حافظ عليه مثل اخته واكثر عززني واكرمنى ولا ضرني ليش لان عبد الله كان خاطف في الجامعه وسمع بعض شباب يخططون على اختطافى بحكم انهم ما راموا لى ويبون يبينون للباقي اني يت لهم برضايه وعبد الله والله انه شيخ رياييل قدر ينقذني بحكم انه زميلي في دراسه ولولا الله ثم ان هو شردني ولا انا بكون في خبر كان
ذياب: ووما فكرتى انهم يقولون انج شارده وياه هاه؟؟
دانه ارتبكت يالله هذا ما ينقص عليه: وهم شدراهم ان عبد الله اللى انقذني محد يدري انا وين كنت اصلن واللى سالنى انا قلت لهم انى كنت مسافره ويا وحده من البنات لانها كانت مسافره منطقه ثانيه في كندا تبعد يمكن بساعتين او اكثر وكنت متفقه وياها تقول جيه حق كل البنات
ذياب ما دخلت السالفه في راسها وقال: تدرين لو طلع كلامج جذب ×جذب تدرين شو بسوي ما يردج عنى غير تاير سيارة ...
دانه ارتبكت وقالت وهى شوي وبتصيح: لا تصدق عمرك ما صدقت ما يهمني المهم انى اشرف منكم كلكم انزين
وراحت عنه وذياب تنهد وهو يقول حسابج عسير يا بنت ابويه وامايه لف وشاف قوم عبد الله وشلته سار صوبه وقال له: ممكن تكون صريح ويايه
عبد الله: من اي ناحيه اكون صريح
ذياب: اذا انته وهي ما قلتوا لى صدق صدقنى والله العظيم وانا حلفت بالله والله عزيز غالي ما تعينون خير كل واحد ايب سالفه مخربطه مره تقول انته خطفتها ومره تقول انته اللى انقذتها ومره تقول كنديين خطفوها ومره تقول شباب كانوا يببون يخطفونها وانته هجمت على شقتها وانقذتها ومره تقول متفقه ويا ربيعتها اللي مسافره تقول للكل انها كانت وياها مبين اصلن ان السالفه كلها خرطي وجذب وانها ما تعرف تجذب
عبد الله ارتبك وبعدين قال: واذا قلت لك صدق انته شو بيكون شعورك
ذياب: على حسب كلامك بقرر ردة فعلى بس انا ما اقدر اعطيك ردة فعل الحين الا لين اسمع الكلام وابا الكلام صدق
عبد الله قال له سالفه كلها مع حذف بعض الاشياء المحرجه واللى تعصب بذياب
ذياب: بس جيه سالفه
عبد الله: هيه وانا ماجذبت عليها انا صدق ناوي اخطبها
ذياب: واذا بتخطبها ما تدري شو المذهب
عبد الله: ادري بس بحكم ان اختك ما خلت لى طريقه مناسبه غير هالطريقة عشان افهمها انى اباها وعقب رديتها للفندق سالمه معافيه من كل مكروه
ذياب: تخيل في ذيج لحظه وزك شيطان شو بتسوي
عبد الله: انا اخاف الله ومستحيل ان شاء الله انى اضرها لانها قلبي
ذياب بعصبيه مسكه من قميصه وقال: حسن الفاظك وبعدين هي حيتها خالصه عند ولد عمى ومب اصغر عيالك انا ترمس عنها بها طريقه ولا تحيدني واحد من ربعك تكلمه بها طريقه ودزه بعيد عنه والحقاره ودناءه اللي فيكــ ودرها عنكــ لا خليك تودرها بطريقتيه
عبد الله شاف الحراس يايين صوبه وقال بهدوء: يا خوي هدي نفسك وبعدين انا عندى اخوات وام اخاف عليهم مابا حد يضرهم فانا مابا اضر بنات الناس ويلس يعدل قميصه
ذياب شاف الحرس اللي يتقربون منه وقال: على العموم اذا تباها ومن خاطرك لا تلعب بذيلك خلك ريال ودخل من البيبان
عبد الله في خاطره مقبوله منك دامك اخو حبي بتحملك قال: وانا ما قلت لا عطني اسمك الكامل او اسم ابوك ومن اليوم هليه عندكم يخطبون
ذياب: وانا شو يضمنى ان اختى اول وحده في حياتكـ
عبد الله: لان لو حد ثانى في حياتي ما بلتفت لختك
ذياب بقهر: انته ما تنخذ منك رمسه احسك بتلعب بذيلك ويايه
عبد الله: مب انا اللى يلعب على بنات الناس ياخوي انا والله غرضيه شريف
ذياب: صدعتنا انزين غرضك شريف وشريف تعال بيتنا وخطب
عبد الله: عطنى عنوان بيتكم
ذياب: تلعب على منوه يا بابا انته خلنى اسال عنك اول وعقب يصير خير
رفع عبد الله حياته وقال: حاتم عطني الكرت
مد له الحارس الكرت وهو يقول: تامر بشي ثاني طويل العمر
عبد الله: ارقام ابويه كلها اباها
مد له الحارس كل الارقام وقال عبد الله: هذي ارقام ابويه وهذا الكرت كرت شركتنا وكل معلومات عنا واذا تبا تسال لا تقول ولد السفير قولهم عبد الله ولد فلان عشان يعطونك تقرير مفصل عنى وما يجاملونك بخصوص شغل ابويه ومدح المجامله اللي مامنه فايده
ذياب قال: سمحلي اللي ما يعرفك ما يثمنك
عبد الله: لا بالحل مره وهذي اختك من حقك تنفعل
ذياب راح عنه وهو يدق لحياب عشان يخبره بكل شي >> حسيت انه يستشير اخوه في كل شي والله انك ريال كبرت في عيني يا بو سلطان
ذياب: على كيفج بو سلطان
>>>> خلاص انزين لا تعصب حشىىى خلك على موجتك احسن لا تنجلب علينا
سكر ذياب من حياب عقب ما قال له كل شي وانهم يسالون عنه زين ما زين وعقب يتفقون يوم يردون البلاد اذا بيون قوم عبد الله يخطبون رسمي او لا
وصل الفندق وشاف عمر واخته يالسين
يلس ذياب وهو يقول: سمحي لي فديتج على الكلام اللى قلته بس طلع ريال ولد الناس وشارنج وقريب بيخطبج رسمي
عمر عقد حياته من صددمه وقال: منوه اللــــــي بيخطــــبها
ذياب: عمر انته تباها ولا تمزح
عمر بعصبيه: لا اباها وقول حق هالتبن اللى خطفها لا يفكر فيها
ذياب: هدى هدــــي يا ولد الحلال خلااااص تم بنقوله ان ولد عمها يباها ترا والله انى قلت له ان حيتها خالصه ما نسيتكـ
دانه بعصبيه: وانا ما عندى شور
عمر بعصبية: كلي تبن ما عندج شور ليش يعنى بتفضلينه عليه شو قاصرني هاه لمي لغبج والحين اقولج دراسه بو دراسه ماشي واول طياره رادين باذن الله ..
ذياب يهديهم: خلاص استهدوا بالله خلونا لم قشارنا ونرد انا صراحه مب مرتاح ليلستنا هنيه
عمر مسك تلفونه ودق على المطار يستفسر اذا في حجز وحصل على وحده فليل وحجز 3 تذاكر دانه صاحت وهى تقول لعمر وذياب: انتوا ما لكم خص تدمرون مستقبليه
عمر بعصبيه اكبر: مستقبلج بيدمر اكثر لو يلستي هنيه ردى ونملج وكملي في البلاد اما برى حلمى طيري ما شي رده عمرج ما ستويتي دكتوره
دانه: اكرهكـــ يا عمر اكرهكـــ
عمر: جـــــــــــــــــــب عمرج ما حبيتيني ان شاء الله..
ذياب عصب ومسك دانه بقو وهو يقول: اشوف حلت لج السالفه تناقرين عمر بتاخذينه وريلج فوق راسج وان قلتى لبويه انج مب موافقه حرام يقوله عن عبد الله اللى حمدت ربي وشكرته ما تهورت وجتلته وتفاهمت وياه با اسلوب يقولون عنه كلام بالعقل
دانه عقت عمرها على الكرسي وهي تصيح: هنت عليكم عشان منوه عشان واحد خطفنى وناوي يصحح غلطته بعدين هو ما سوي بي شي عشان تقولون يصحح غلطته انا مادري كيف تفكرون
عمر تنهد وهو يمسح بيده على ويه وقال: مالج لزمة تيلسين هنيه خلاص يا دانه قدري شويه تعبنا عليج وخوفنا عليج يوم انخطفتى وفوق هذا طلعنا نحن اللى ما نهمج
دانه: لا والله تهموني والله بس انا كنت تعبانه من سالفه محد عطاني اهميه ليش بعد تعذبوني اكثر
ذياب: ما عطيناج اهميه في شو
دانه: في اني اكمل مستقبليه بتحرموني منه
عمر بهدوء: بتكملين مستقبلج بس بشرط
دانه بسرعه: موافقه بس اكمل
عمر: نغير جامعج من كندا الى بريطانيا وانا وياج واذا تبين الحين
دانه: شور عند اهليه هب عندك عمر انته ليش تحب تجرحنى لـــيش ما تخلى عندى شخصيهـــ في تحديد مستقبلية
عمر: انا ما افرض شخصيتيه عليج بالعكس انا من خوفي عليج اسوي ها شي لانى اشوفج ما تعرفين مصلحج وين
دانه سكتت ونزلت راسها تحت وهى تقول: ابا اكلم ابويه
ذياب وعمر: يوم برد الامارات رمسيه
دانه كانن دموعها على خدها لهدرجه هنت عليهم الله ينطب عبد الله الله يسامحك على اللي سويته فيني
دخلت الحجره وهى تصيح وتلم قشارها حرااام ما بقى شي وبخلص هالمنحه ليش هم جيه ليش تفاجات بالباب ينفتح وشافت عمر داخل
عمر يلس على الشبريه وقال: تعالى بكلمج في موضوع
يلست على الكرسي اللى مجابل الشبريه وهي تقول : شو
عمر: لغيت الحجز ماباج تردين وانتى زعلانه ومب مكمله منحج كمليها بقي اسبوع واحد بس وعقب ما يخلص سيده برد الامارات
دانه بفرحه: صدق بتخليني اكمل
عمر بحب وهو يشوفها فرحانه: هيه اكيد انا ما عندى اغلى عنج سيري مسحي دموعج
مسحت دموعها وهي تقول: مشكور عمر
عمر وقف: العفو انا ما سويت ها شي الا وانا متاكد من حبي الكبير لج ومن ثقتي الكبيره فيج بس الكلام اللى قلته من غيرتيه عليج سمحي لي
دانه: بالحل الله يسمح ذنبكـَ
ظهر عمر من الحجره ودانه استانست بالخبر ...وبعد مرور اسبوعين ردوا الامارات واليوم هو الاخير في رمضان وباجر العيد وكل مرتبش عمر ما نسى سالفة دانوه رمس امه وابوه في سالفه...
العصر الساعه خمس دانوه كانت تحس بدوخه ولوعه في جبدها انسدحت على كرسي صاله يتها شموه وعقب يووها محمد وريم وذياب وحياب ويلسوا عندها
محمد: ها دانوه شو يعورج؟؟
دانه: ماشي لايعه جبدي واحس بلوعه
محمد: يلا هانت فديتج الحين بياذن بس هذا عشان الفحص خذوا منج 3 اغراش
دانه: هيه وبنبدا تدريب في كلية فاطمه
محمد: تبين تكونين ممرضه
دانه: مب مهم المهم ان عمليه يكون في طب
ذياب : موفقه فديتج
دانه: اليميع ان شاء الله
حياب: متى ؟؟ ياذن المغرب؟؟
محمد: ليش يوعان ؟؟
حياب: لا والله بس اتخبر عشان ارتب جدوليه
ريم: 6 وشي ياذن
حياب: هانت عاد اليوم
ذياب: شو عندك اليوم
حياب: انا من فطر بسير المول بيب كناديري وكنادير ابويه وبخطف على طواش وبيب لي نعال ولا بسير اللى في المول بيب لي نعال المهم وبخطف على الحلويات وبيب باجي ومن هالسوالف ومكسرات
محمد: انزين بقول لك شي انته شو رايك تخطف تيب كناديرنا كلنا وانا بسير ايب الحلويات وذياب يسير ايب نعول
ذياب: لا ابويه كل واحد يسير يخلص شغله
دانه: اقول الريم الحنايه متى بتى
ريم: بعد المغرب
محمد وهو ييلس عدال الريم: فدييييييييت اللى بيتحنون وخيسوا البيت ريحة حنا هاه
ريم: حبيبي بنتحنى في الميلس الخاري
محمد: لالا فديتج وبيبصبح باجر العيد تحنن في الخيمة مالت الرياييل اللي برى مره
رريم: انزين ليش؟؟
محمد: عشان ما تخيسن البقعه
حياب: لا ابويه يتحنن في خيمة الحريم انا بويه رياييل بيوني عقب صلاة العشا
محمد: تراك تقول بتسير العين
حياب: انزين بيسيرون ويايه شتباني اسوي
ذياب: منوه هم
حياب: عرب ما تعرفهم من دبي
ذياب: هيه انزين عاده الحين من اللي بيسير عقب الفطور
محمد: تعال حياب لاقهم عند دوار لازم ايون البيت ما فينا تخيس ريحة البيت حنا
ريم:عن المكر حمود ترى بتحنا وبرقد عنك بعيد
محمد: لا فديتج انا ما صبر عنج
ريم: لالا بر قد بعيد عنك لين ما يخوز الحنا
محمد: بتبطين عااااد شو عذاب ولا حكم قرقوش
ريم: عيل عن المكر اللى فيك
محمد: لا صدق مب عشاني عشانج انتى ريحة البترول هب زينه لج وتضر الياهل
ذياب مصدوم : حامل ؟؟
محمد: ذكر ربك وقول ما شاء الله
ضحك حياب وقال ذياب: ما شاء الله تبارك الله
يا حياب ولد محمد ويلس عند امه وهو يقول: ماماه انا ابا ورده حق عموه
ريم: ورده شووو
حياب يحط صبوعه في ثمه اونه يفكر: ورده حمرا بعطيها عموه شما سهيل قالى
ذياب: وانته وين لقيته
حياب: الحين شفته في المطبخ يايب وايد واييد اكل وو شو بعد وهو يعد على صبوعه وحلاوه وماعرف بعد نسيت
عقد محمد حياته وقال: من صدقه هذا يايب اغراض
حدر سهيل وهو ماسك عمته من ايدها ويقول: هيه صدق هذي ميارة شموه
ضحكوا الكل عليه وقال لحياب: انته يا الياهل الورده وين حطيتها
حياب: حطيتها في حجرة عموه شميم وقلت لها من عند عمى سهيل
ضحكوا الكل عليه وريم قالت: والله انته من الحين بتخرب لي صبي
سهيل: خليه يتعلم ما وراه شي
دانه: فطر عندنا سهيل
سيهل: لا بسير يا غير كنت ياي اشوف شموه واسلم عليها قبل الملجه لكن ما عليه الحماره دواها عندى
ذياب: عاد باجر انته عيدك عيدين
سهيل: مب انا حتى علي اخويه وعمر في درب وشاف دانه اللى نزلت عيونها وحطت راسها على جتف حياب من تعب
سهيل: يلا مع سلامه
الكل: الله يحفظك
طلع سهيل وهو يتنهد اه يا شموه متى عاد بشوفج الله يصبرني لين باجر ..
اذن المغرب والكل سار يفطر ...
بعد صلاة العشا الكل يجهز ... حياب في المول وياربعه يخلص شغله ... ذياب عند دوبي اييب كناديره وسار يوصل كنادير محمد وقال لدوبي 12 الفليل ايبهن ... محمد يالس في القسم يعدل هدية يايبنه حق الريم بمناسبة مرور 2 على زواجهم وبمناسبة العيد ...
دانه عقب ما غسلت الحنا سارت تقرى قران وتختمه ريم غسلت الحنا ويلست عند شموه يخططن لباجر شو يلبسن ومتى تيهن الكوافيره ... وحياب ولد شموه يالس تحت يطالع التلفزيون عند يده ويدته ...
في ستار بكس ..
عبد الله يرمس ربيعه: اقولك ما عرف اي خبر عنها ابا اوصل لها باي طريقه
ظافر: عبد الله اذا تحب البنت سر رمسها وقولها انك بتحيرها لا تم جيه لين ما تسمع خبر خطبتها
عبد الله: من وين ايب لها رقم ؟؟
ظافر: وانا شدراني بك يا عبد الله طفرت بي تراك
عبد الله: ظافر انته تعرف رقم البنت اللى كانت واييييد وياك في الكلاس
ظافر: هيه اعرف رقمها بس مستحيل افكر ارمسها عقب ما رديت من كندا
عبد الله: ظافر خذ منها رقم دانه انا ابا رقم دانه ما شي حل الا جيه
ظافر: نعم انا مستحيل اكلمها تباها كلمها روحك
عبد الله: انا ما تنازل حق هالاشكال
ظافر وهو ياشر على الحرس: وذيلا مطارزيك ما يقدرون ايبون لك رقمها
عبد الله: شو قالوا لك متعاونين ويا اليني الازرق يعرفون كل شي تراهم بشر
ظافر: خلهم يدقون لهاي البنت من رقم بدون اسم ويطلبون منها رقم دانه وبس ..
عبد الله: فكره والله
اشر عبد الله على الحارس وياه: امر طويل العمر
عبد الله: دبروا لكم رقم من دون اسم وخذوا هالرقم واتصلوا به واطلبوا رقم دانه فلان الفلانى منها ...
الحارس: تم طال عمر ك
ظافر: مطارزيك غير شكل بعد
عبد الله: شو تباهم انته حاط دوبك بدوبهم اخونا في الله باجر العيد خل صيامك يكمل ويتقبل ما ضروك بشي
ظافر: قاهريني
عبد الله يضحك : يالحسد ليش قاهرينك
ظافر: شله يوقفون بس وراك خلهم يوقفون بعد ورايه
نقع عبد الله ضحك ولفت انتباها ذياب وياه واحد عبد الله بفرحه: لقيتها ويت بو شباب
نش وراح وظافر يتلفت ويقول والله انها مخوة بوش انا اراويك
عبد الله سلم على ذياب وقال: شو هالصدفه
ذياب ابتسم وقال: متاكد
ضحك عبد الله وقال: لا مراقبنك تصدق
ذياب: شو في خاطركــ
عبد الله: سلامتكـــ بس حبيت اتخبر عنكــ ان شاء الله برد فوادك يوم تخبرت عنى
ذياب طالع عمر وقال: هيه والحمد لله طلعت ريال وما يعيبك شي بس
عمر قاطعه وقال: بس شو وشو سالفة هالريال
ذياب توهق لان عمر في فترة سفرهم ما صادف عبد الله لانه ما كان يطلع وياهم قال: عمر تدري البارحه ان شسمه هيه قالواان هيه اخوانك بيملجون رباعه صدق
عمر طنش ذياب وقال: يوم بتعدل رمستك بتلقانى في ستار بكس وراح عنه
تنهد ذياب وقال: افففف كنت بتعقنا في مشاكل اخلص بو شباب علينا شو تبا
عبد الله: انته شله ترمسنى بدون نفس
ذياب: لان سواتك لين الحين في بالي احمد ربك ما قلت لهليه عنك ترا يا عبد الله مب من شيم رياييل هالفعايل
عبد الله نزل راسه وقال: اسف بس والله غصبن عني ..
ذياب : عبد الله انا كاره موقفك تدري والله لو ما اخاف ربي جان دفنتك وانته حي
عبد الله رفع حياته وقال: نعم
ذياب بدون نفس : اللى سمعته
انتهى
|